Tibetan
བདག་དེར་འགྲོ་དགོས་སྙམ་ཡོད་ཚེ་གཞན་སྐྱོན་ཤུགས་དྲག་པོ་ཞིག་གིས་གློ་བུར་དུ་གཉིད་ལས་སད་དོ། །དེ་ནས་དེར་འདུས་ཀྱི་རི་ཁྲོད་པ་རྣམས་ཀྱིས་ང་རང་གནས་དེཀར་འདུག་དགོས་ཡང་ཡང་ཟེར་ཞིང་། ཟས་གོས་ཀྱི་མཐུན་རྐྱེན་ཁོང་ཚོས་བྱེད་པར་ཁས་ལེན་འདུག་ པས། ང་རང་གིས་ཀྱང་འདུག་འདུན་ཤིན་ཏུ་ཆེ་བས། རོགས་པ་རྣམས་ལ་ལོ་རྒྱུས་བཤད་དོ། །ང་རང་གནས་འདིར་འདུག་རྒྱུ་ཡིན་སྨྲས་པས། རྒྱལ་སྲས་ཀྱི་གཙོས་ཐམས་ཅད་ཀྱི་སེམས་ལ་མི་འབབ་པ་མེད་ཀྱང་། དེ་དག་གི་ནང་ནས་སོག་གེ་བློ་གསལ་ཞེས་པའི་དགེ་བཙུན་ཞིག་ཡོད་པ་དེས་ན་རེ། འུ་ཅག་ལྷན་དུ་གནས་སྐོར་ལ་འོང་བ་ཡིན་པས། འགྲོ་ན་ལྷན་དུའགྲོ། འདུག་ན་ལྷན་དུ་འདུག་རྒྱུ་བྱེད་མ་གཏོགས། ཁྱེད་གཅིག་པུར་མི་འཇོག་ངོ་མ་སེམས་ཐག་ཡིན་ཟེར་བས་འདུག་རྒྱུ་མ་ལྡན་ནས་ཐམས་ཅད་ལྷན་དུ་ཚུར་འོང་སྐབས། དགྲ་འདུལ་དབང་ཕྱུག་དག་གིས་བདག་སྐྱེལ་མ་བྱས་པ་ཀུན་གྱིས་མཐོང་ཆོས་སུ་གྱུར་པས། དགེ་བཙུན་བློ་གསལ་ན་རེ། ཁྱོད་ཡུལ་ལྷ་གཞི་བདག་རྣམས་ཀྱིས་སྐྱེལ་བསུ་བྱེད་ཅིང་། གཟུགས་ཅན་གྱི་མི། གཟུགས་མེད་ཀྱི་ལྷ་འདྲེཐམས་ཅད་རང་དབང་མེད་པར་ཁྱོད་མཐོང་བ་ཙམ་གྱིས་གདུག་སེམས་ཞི་ཞིང་མཐུན་རྐྱེན་གྲོགས་ལྡན་བྱེད་པ་དེ་ཅིའིཕྱིར་ཡིན་སྙམ་གི་ཟེར། བདག་གིས་ང་རང་ཡོན་ཏན་ཅན་ཡིན་པས་མ་རེད། བདག་ལྟ་བུའི་ལས་ངན་སྐྱེ་ལུས་དམན་པ་ས་སྟེང་འདི་ན་མེད་ངེས་པ་ཡིན་ཀྱང་། བདག་ཆུང་མ་འོ་འཐུང་ནས་བཟུང་ད་ལ་ཐུག་གི་བར་དུ་བླ་མ་དཀོན་མཆོག་གསུམ་ལ་བློ་སྙིང་ བྃ༔ ལིང་གིས་བཀལ་ཏེ། གསོལ་བ་རྩེ་གཅིག་ཏུ་བཏབ་ནས་ལས་བཟང་ངན་ཅི་བྱུང་ཡང་རང་དོན་ཡིད་བྱེད་ཀྱི་བློ་ངན་རྒྱང་ནས་སྤངས་ཏེ། ཕྱི་མའི་དོན་གཉེར་ཁོ་ནར་བློ་གཏད་ཅིང་དམ་པའི་ལྷ་ཆོས་ཡང་དག་ཞིག་ཨེ་འགྲུབ་སྙམ་པའི་འདུན་པ་སྐད་ཅིག་ཀྱང་མི་འབྲལ་བར་བྱེད་པ་ཡིནཔས། དེའི་འབྲས་བུ་མངོན་སུམ་དུ་སྨིན་ནས་བདག་དང་བདག་འདྲའི་སྐྱེ་འགྲོ་རྣམས་རང་ཤུགས་ཀྱི་འདུས་འོང་བ་ཨེ་ཡིན་སྙམ་གི་སྨྲས་ཚེ། ཡང་ཁོང་ན་རེ། ཁྱོད་ཀྱིས་བླ་མ་བསྟེན་མ་མྱོང་། ཡི་གེ་བྲིས་འདོན་བསླབ་མ་དགོས་པ་འོ་ཡིན་ལགས། དེ་རྗེས་གསོལ་བཏབ་པའི་བླ་མ་དེ་སུ་རེད། ང་རང་ལ་གསུང་དགོས་ཟེར། ཡང་བདག་གིས་འཇིག་རྟེན་པའི་གླུ་ངག་ལ་དྲངས་ནས་འདི་སྐད་སྨྲས། ཡང་ཅིག་གསོན་དང་དམ་ལྡན་མཆེད་གྲོགས་བློ་གསལ་ལགས། །བདག་གི་བླ་མ་མི་མིན་རང་སྣང་གི་སྟོན་པ། །རིགས་ཀུན་ཡོངས་འདུས་གུ་རུ་པད་འབྱུང་དེ་ཡིན་པས། །ཐུགས་རྗེ་བྱིན་རླབས་ནམ་ཡང་རྒྱུན་ཆད་ནི་མེད་དོ། །དད་གཤིན་དཀོར་ལ་འབྱམས་པའི་བླ་གཟུགས་དང་མི་འདྲ། །གྲོགས་པོ་གཅིག་ཆོག་གནས་གསུམ་དཔའ་བོ་དང་དཔའ་མོ། །བརྩེ་གདུང་ཐང་ལྷོད་མེད་པར་མཉམ་ཉིད་དུ་འགྲོགས་པའི། །དུག་ལྔ་རང་ ཁར་སྤྱོད་པའི་གྲོགས་པོ་དང་མི་འདྲ། །གདམས་པ་གཅིག་ཆོག་འོད་གསལ་རྡོ་རྗེ་ཡི་སྙིང་པོ། །གཅིག་ཤེས་ཀུན་གྲོལ་རང་བྱུང་ཡེ་ཤེས་དང་མཇལ་བས། །ཀུན་ཤེས་གཅིག་སྡུགས་ཐོས་པའི་མཁན་པོ་དང་མི་འདྲ། །སྒོམ་བྱུང་ཤེས་རབ་ཆེན་པོའི་བློ་གྲོས་དང་ལྡན་པས། །ཤེས་བྱའི་ཆོས་རྣམས་རྩོལ་མེད་བརྡ་དཔེ་རུ་ཤར་བས། །དཔེ་ཐོག་བྲོ་བརྡུང་བྱེད་པའི་ཐོས་ཆུང་དང་མི་འདྲ། སེམས་ཉིད་མི་འགྱུར་ཀློང་ཆེན་ནམ་མཁའ་ཡི་དོན་མཐོང་། །རོལ་རྩལ་འགགས་མེད་ཐུགས་རྗེའི་ཆོ་འཕྲུལ་དུ་ཤར་བས། །རྣམ་རྟོག་གྲངས་སུ་འདེབས་པའི་ཕྱག་ཆེན་དང་མི་འདྲ། །གང་སྣང་ཡེ་ཤེས་ཆེན་པོའི་རོལ་པ་རུ་རྟོགས་ནས། །སྣང་རྟོག་ལྷ་ཡི་ཕྱག་རྒྱའི་སྒོ་གསུམ་དེ་སྨིན་ཅིང་། །དོན་གྱི་གསུམ་ལྡན་རྡོ་རྗེ་འཛིན་པ་དེ་ཐོབ་པས། །གནང་བཀག་ཚུལ་འཆོས་ཅན་གྱི་བཙུན་མ་དང་མི་འདྲ། །ཨ་ལ་ཀུ་རེ་ཡིན་ནོ་སྨྱོན་མ་ངས་འཁྲུལ་གཏམ། །གཞན་གྱིས་ཐོས་ན་ལོག་ལྟ་བསྐུར་འདེབས་ཀྱི་གཞི་བྱེད། །དེ་བས་རང་ཁ་བཟུང་ལ་རྨོངས་གླུ་ཞིག་ལེན་སྤྲོ། །ཞེས་སྨྲས་པས། ཁོང་ན་རེ། མགུར་མ་ཡག་གོ །ད་དུང་ཁྱོད་ཀྱིས་མགུར་ཞིག་གསུངས་དང་ཟེར། ཡང་བདག་གིས་མགུར་ཡག་པོམི་ཤེས། གླུ་ཞིག་ལོན་དགོས་ན་ལོན་སྨྲས་པས། ཁོང་ན་རེ་རེད་ཡ་གླུ་ བྃ༔ ཞིག་ལོངས་ཟེར། ཡང་། བདག་གིས། ས་སྐྱིད་མོ་རང་ས་རང་ཡུལ་རེད། །རྒྱུ་མེད་ཀྱང་སྣང་བ་དྭངས་ས་རེད། །ང་རང་ཡུལ་རྒྱལ་པོའི་སྲས་མོ་ཡིན། །མི་ཡུལ་དུ་ཀུན་གྱི་ཐ་ཤལ་བ། །ཆོས་ཟབ་པའི་གདམས་པ་ཞིག་མེད་ན།།གནས་ལོངས་སྤྱོད་འབྱོར་ཡང་ང་དང་མཚུངས། །ཞེས་སྨྲས་པས། ཁོང་ན་རེ། དེ་འདྲའི་གླུ་ངནགྱི་དགོས་མེད། ཆོས་གླུ་ཞིག་ལོངས་ཟེར། ཡང་བདག་གིས། མཉམ་ཉིད་དོན་དེ་ནང་ནས་མ་རྟོགས་ན། །རེ་དོགས་གཉིས་འཛིན་བློ་ལ་ཟད་མཐའ་མེད། །སྤང་བླང་མ་བྱེད་འཁོར་འདས་རིག་པའི་རྩལ་། །གང་སྣང་ཡེ་ཤེས་ཆེན་པོར་ལ་ཟློས་ཤིག །ཅེས་སྨྲས་ཚེ།ཁོ་རང་གིས་གདམས་ངག་ཏུ་གོ་ནས་མི་ཕྱེད་པའི་དད་པ་བྱེད་ཅིང་ང་རང་ལ་གྲོ་ཁ་རེའི་མཐུན་རྐྱེན་བྱེད་དོ། །དེ་ནས་རང་ལོ་ཉེར་གཅིག་ལོར་ངེད་ཅག་རྣམས་བན་ཡག་རང་གནས་ལ་ཐོན། ང་རང་སྔར་གྱི་འདུག་གནས་རི་ཁྲོད་ལ་སོང་ནས་མཚམས་ལ་བསྡད་ཡོད་སྐབས། ཉིན་གཅིག་སྣང་ཉམས་ལ་ང་རང་ཤི་གསོན་བྱེ་མའི་ལ་རེད་ཟེར་བ་ཞིག་ལ་བུད་ནས་སོང་བས། ལ་དེའི་ཕར་རྒྱབ་ན་ངོ་ཤེས་མི་ཤེས་ཀྱི་སྐྱེ་འགྲོ་མང་པོ་གྲངས་ལས་འདས་པ་དཔེར་ན་ཉི་རྡུལ་འཁྲིགས་པ་ལྟ་བུར་འཚོགས་འདུག་པས། བདག་ གིས་དེ་དག་ཅི་ཡིན་སྙམ་ནས་ཡོད་ཚེ། ནམ་མཁའ་ནས་སྒྲ་འདི་ཐོས། རིགས་ལྡན་མ་ཡུལ་འདིའི་སྐྱེ་འགྲོ་འདི་དག་བར་དོའི་གནས་ཡིན་ནོ། །ད་དུང་ཁྱོད་སོང་ལ་སེམས་ཅན་རང་རང་རྣམས་ཀྱི་ལས་སྣང་བག་ཆགས་ཀྱི་འབྲས་བུ་ཉམས་སུ་མྱོང་བ་མང་བས་ལྟོས་ཤིག་ཟེར་མ་ཐག་ཏུ་རང་ཡང་ལས་རླུང་ལྟ་བུས་བསྐྱོད་ནས་བར་དོའི་གནས་སུ་མར་སོང་བས། སྔར་གྱི་འཚོགས་ཡོད་པའི་སྐྱེ་འགྲོ་གཅིག་ཀྱང་མ་ལུས་པར་ཐམས་ཅད། ལ་ལ་ལྕགས་ཀྱི་སེར་བས་བཅོམ། ལ་ལ་རླུང་གིས་དེད། ལ་ལ་མི་མགོ་བརྙན་མི་འདྲ་བ་མང་པོས་སོད་སོད་རྒྱོབ་རྒྱོབ་ཟེར་ཞིང་ཕྱོགས་མཚམས་རྣམས་སུ་དེད་པ་སོགས་སྡུག་བསྔལ་སྣ་ཚོགས་ཀྱིས་གདུང་ཞིང་སྐྱབས་མེད་མགོན་མེད་ཀྱི་ཉམས་ཐག་ཤ་སྟག་ཏུ་འདུག་པས། བདག་གིས་སེམས་ཀྱིས་མ་བཟོད་ནས་དེ་དག་གི་རྗེས་སུ་འབྲང་སྟེ་སོང་བས། བར་སྐབས་ཞིག་ནས་མི་ཆུང་དཀར་ནག་གཉིས་དང་འཕྲད་བྱུང་བས། དེ་ལ་བདག་གིས་སྨྲས་པ། མི་མེད་ཡུལ་ནས་མི་གཉིས་བྱུང་། །ཁྱོད་གཉིས་གང་དུ་འགྲོ་བ་ཡིན། ། ཉེས་མེད་སྐྱེ་འགྲོ་མང་པོ་ལ། །ཁྲིམས་སྣ་མི་འདྲ་དུ་མས་མནར། །དེ་དག་ལས་སྣང་ཅི་ལས་བྱུང་། །ཞེས་སྨྲས་མི་གཉིས་འདི་སྐད་སྨྲས། །ངེད་གཉིས་སྲིད་པའི་ཤན་བྱེད་མཁན། །ད་ བྃ༔ ནང་སྐྱེ་འགྲོ་དེ་དག་ནི། །འཇིག་རྟེན་གྲངས་ང་ཁམས་ནས་འོང་། །ཁྲིམས་སྣ་མི་འདྲ་དུ་མ་དེ། །རང་བསགས་ལས་ཀྱི་རྣམ་སྨིན་རེད། །ཅེས་ཟེར་རྐན་སྒྲ་དང་བཅས་སོང་། །དེ་ནས་བདག་ནི་ཕར་སོང་བས། །ལྕགས་ཀྱི་ཁང་པ་སྒོ་མེད་ནང་། །མི་མགོ་གསུམ་གྱི་སྒྱེད་བུ་བྱས། སྟེང་ན་ཟངས་ཆེན་ཡུལ་ལྗོངས་ཙམ། །ཕྱི་ལ་མེ་ནི་རང་འབར་འདུག ནང་ན་ཁྲོ་ཆུ་རང་ཁོལ་འདུག །དེ་ཡི་ནང་དུ་སྐྱེ་འགྲོ་ནི། །དུ་མ་བཙོ་བསྲེག་བྱེད་ཅིང་འདུག །མཐའ་བསྐོར་མི་བཅུའི་མཚོན་ཆ་ཐོགས། །ལ་ལས་ལྕགས་ཀྱུས་མིག་ནས་འཐོན། །་ལས་ཐོ་བས་མགོ་བོ་བཅོམ། །ལ་ལས་སྟྭ་རེས་ཡན་ལག་བཅད། །ལ་ལས་སོག་ལེས་སྟོད་སྨད་བྲེག །དེ་ལ་སོགས་པའི་སྡུག་བསྔལ་ལ། །བདག་ནི་མ་བཟོད་འདི་སྐད་སྨྲས། །དགེ་སེམས་མེད་པའི་མི་བཅུ་ཉོན། །ཉེས་མེད་སྐྱེ་འགྲོ་འདི་རྣམས་ལ། །སྡུག་བསྔལ་དེ་ཙམ་ཅི་ཕྱིར་གཏད། །དེ་དག་ཐོངས་ལ་སྡུག་བསྔལ་ཁྲོལ། །ཁྱེད་རྣམས་ཡང་དག་བྱང་སེམས་བསྒོམ། །ཞེས་སྨྲས་དེ་དག་མགྲིན་གཅིག་ཏུ། །ཤེས་རབ་ལྡན་པའི་བུ་མོ་ཉོན། །སྐྱེ་འགྲོ་དེ་དག་ཐར་ས་མེད། །འཇིག་རྟེན་ཁམས་ལ་འདུག་དུས་སུ། །མི་དགེ་བཅུ་པོ་དང་དུ་ བླངས། །དགེ་བ་བཅུ་ལ་ཁྱད་སོད་བྱས། །དེ་ཡི་རྣམ་པར་སྨིན་པ་ལས། །ཁྱོད་འགྱོད་ཆེ་ཡང་བྱ་ཐབས་བྲལ། །ད་དུང་ལས་བསགས་མ་ཟད་བར། །འོག་ནས་འོག་ཏུ་རང་འབྲས་མྱོང་། །ཞེས་ཟེར་དེ་ནས་ཕར་སོང་ཚེ། །ཕོ་མོ་གཉིས་ཀྱི་ཁ་ནང་དུ། །ཁྲོ་ཆུ་ཁོལ་མ་བླུགས་ནས་སུ། །འོག་སྒོའི་ཆུ་ལམ་གཉིས་ནས་ཐོན། །ཤ་རུས་ཐམས་ཅད་སོ་སོར་ཕྱེས། །ཁ་ནས་མྱ་ངན་ངུ་འབོད་བྱེད། །དེ་དག་ཅི་ལས་བྱུང་ཞེས་དྲིས། །ལས་མཁན་རྣམས་ཀྱི་ཞལ་ནས་ནི། །འདི་དག་འཇིག་རྟེན་ཁམས་སུ་ཡོད་པའི་དུས། །གཞན་གྱི་ཆུང་མར་ལོག་གཡེམ་སྤྱོད། གཞན་གྱིས་ཁྱོ་ཕོ་རྐུ་བ་སོགས། །འདོད་པའི་དབང་གིས་མ་སྦྱིན་ལེན། །དེ་ཡི་རྣམ་པར་སྨིན་པ་ཡིན། །ད་དུང་འོག་ནས་འོག་ཏུ་འགྲོ། །ཞེས་ཟེར་དེ་ནས་ཕར་སོང་བས། །སྐྱེ་འགྲོ་མང་2༄ པོའི་ལྕེ་སྟེང་དུ། །ལས་མཁན་རྣམས་ཀྱིས་རྨོས་བྱེད་ཅིང་། །ལྕེ་ནི་རྒྱ་གྲམ་ལྟ་བུར་བཅད། །དེ་དག་ནང་ན་སྲོག་ཆགས་རིགས། །ལྕགས་མཆུ་ཅན་དང་ཟངས་མཆུ་ཅན། །དུ་མས་ཁྲག་དང་ཆུ་སེར་གཞིབ། །ཚ་ནས་མི་བཟོད་ངུ་འབོད་བྱེད། །སྙིང་རྗེ་མེད་པའི་ལས་མཁན་རྣམས། །ཉེས་མེད་སྐྱེ་འགྲོ་དེ་དག་ལ། །སྡུག་བསྔལ་འདི་ཙམ་ཅིའི་ཕྱིར་གཏད། །དེ་དག་ཐོངས་ལ་ བྃ༔ བདག་བཟུང་ནས། །འདི་རྣམས་སྡུག་བསྔལ་ང་ལ་གཏོད། །བདག་གིས་བཟོད་པར་བྱེད་དོ་སྨྲས། །ལས་མཁན་རྣམས་ཀྱིས་མགྲིན་གཅིག་ཏུ། །སེམས་བསྐྱེད་ལྡན་པའི་བུ་མོ་ཉོན། །རང་བྱས་ལས་ཀྱི་རྣམ་སྨིན་འདི། །རང་གི་ཐོག་དེར་སྨིན་པ་ལས། །གཞན་ལ་བགོ་བྱ་བྱེད་རྒྱུ་མེད། །དཔེར་ན་ས་བོན་ཅི་བཏབ་ཀྱང་། །དེ་ལྟར་འབྲས་བུ་སྨིན་པ་བཞིན། །རང་བྱས་ལས་བསགས་མ་ཟད་བར། །ད་དུང་འོག་ནས་འོག་ཏུ་འགྲོ། །འདི་རྣམས་མི་ཡུལ་ལ་འདུག་དུས། །བླ་མ་དགེ་འདུན་རྣམས་དང་ནི། །དྲིན་ཆེན་ཕ་དང་མ་ལ་སོགས་།བསྐུར་འདེབས་ཚིག་ངན་བྱས་པ་དང་། །ཕ་མར་བརྙས་དམོད་ཚིག་རྩུབ་སྨྲས། །དབྱེན་སོགས་བྱས་པའི་རྣམ་སྨིན་རེད། །ད་དུང་དེ་བས་སྡུག་བསྔལ་ཡོད། །ཅེས་ཟེར་དེ་ནས་ཕར་སོང་བས། །ལུས་པོ་རི་ལ་མགོ་བོ་ཤིག །གཉིས་ཀྱི་བར་དུ་སྐྱེ་འགྲོ་ནི། །གྲངས་ལས་འདས་པ་གཅུར་ནས་འདུག །ལ་ལས་བློ་སྙིང་ཁ་ནས་བུད། །མིག་དང་ཀླད་པ་ལ་སོགས་པ། །ལྟག་པ་དང་ནི་རྣ་བ་ནས། །མར་རྡོ་ཉི་མས་ཞུ་བ་ལྟར། །དཀར་དམར་ཆེམ་ཆེམ་བུད་ནས་འདུག །ལ་ལས་ནང་རོལ་ཐམས་ཅད་ཀུན། །རྩིབ་ལོག་སོགས་ནས་ཕྱི་ལ་བུད། །ལ་ ལས་འོག་སྒོའི་ནང་ནས་བུད། །ལ་ལས་མགོ་བོའི་གཙུག་ནས་བུད། །ཁ་ནས་ངུ་འབོད་འུར་འུར་བྱེད། །དེ་ལྟར་སྡུག་བསྔལ་བཟོད་དཀའ་འདུག །ཅི་ལན་དྲིས་པས་འདི་སྐད་ཟེར། འདི་དག་གྲང་ང་ཁམས་སུ་ཡོད་པའི་དུས། །རང་གི་ཚེ་རབས་ལན་ཆགས་མ་སོད་ནས། །ལུས་ལ་སྲོག་ཆགས་ཤིག་སྲོ་དངོས་སུ་ཆགས། །དེ་དག་ངན་གསོད་བྱས་པའི་རྣམ་སྨིན་ཡིན། སྐྱེ་འགྲོ་ལ་ལ་ཁྲོ་ཆུས་ལུས་པོ་བསྲེགས། །ཉི་ཤིག་ཚ་ཤིག་བྱས་པའི་རྣམ་སྨིན་ཡིན། །སྐྱེ་འགྲོ་ལ་ལས་འོག་སྒོ་གཉིས་ནས་ནི། །ལྕགས་དང་ཟངས་ཀྱི་སྦུག་པར་རླུང་དྲངས་ནས། །ཐམས་ཅད་ལྟེ་བ་བརྒྱད་ཚནགས་ནས་བརྒྱལ། །ཡང་ཤི་ཡང་གསོན་དུ་མ་བྱེད་ཅིང་འདུག །དེ་དག་ཤིག་སྲོ་དུག་གིས་བསད་པ་དང་། །མི་ཁྲག་མིན་པའི་གཞན་ཁྲག་གིས་བསད་པའི། །རྣམ་སྨིན་ཡིན་ནོ་ཟེར་ཞིང་སྡུག་བསྔལ་ཆེ། །སྐྱེ་འགྲོ་ལ་ལ་མེ་དཔུང་ནང་དུ་བསྲེགས། །ཤིག་སྲོ་མེ་ལ་བསྲེགས་པའི་རྣམ་སྨིན་ཟེར། །སྐྱེ་འགྲོ་ལ་ལ་ཁྲོ་ཆུ་ཁོལ་མ་ཡི། །ཁ་གཉིས་བར་ལ་མགོ་ལུས་མེད་པར་འཐག །ཤིག་སྲོ་སོ་ཡིས་བསད་པའི་རྣམ་སྨིན་ཡིན། །དེ་ལ་སོགས་པའི་སྡུག་བསྔལ་བརྗོད་མི་ལོང་། །ད་དུང་འོག་ནས་འོག་ཏུ་འགྲོའོ་ཟེར། །དེ་ནས་ཕར་ལ་སོང་ཙ་ན། །ལུས་ ༔ པོ་མི་ལ་མགོ་བོ་མི་འདྲ་བ། །རི་དྭགས་གཡུང་དྭགས་ཆུ་གནས་ལ་སོགས་པའི། །མགོ་བརྙན་སྣ་ཚོགས་བྱས་པ་དུ་མ་ཡིས། །སྐྱེ་འགྲོ་མང་པོ་སྡུག་ལ་གཏད་ནས་ནི། །ལ་ལས་ལྤགས་བཤུས་ལ་ལས་རྒྱུ་མ་བརྒྱང་། །ལ་ལས་མགོ་བཅད་ལ་ལས་ཡན་ལག་བྲེག །དེ་ལ་སོགས་པའི་སྡུག་བསྔལ་བརྗོད་མི་ནུས། །ཅིས་ལན་དྲིས་པས་ཁོང་རྣམས་ངུ་འབོད་བྱེད་ཅིང་འདི་སྐད་ཟེར། ངེད་ཅག་གྲང་ང་ཁམས་ལ་གནས་དུས་སུ། །ལས་འབྲས་བླང་དོར་ནོར་ནས་ནི། །ཉེས་མེད་སེམས་ཅན་རི་དྭགས་དང་། །གཡུང་དྭགས་ལ་སོགས་ངན་གསོད་བྱས། །ཤ་ཁྲག་ལྤགས་ལ་རེ་བཅས་ཏེ། །མདའ་དང་མདུང་དང་གྲི་དང་ནི། །དུ་བ་དང་ནི་མེ་མདའ་དང་། །ཁྱི་དང་སྙི་ཐག་ལ་སོགས་པས།།བསད་བསད་རྣམ་སྨིན་ལུས་ལ་འབྱུང་། །ཡང་ཤི་ཡང་སོས་སྡུག་བསྔལ་ཆེ། །བརྡུང་བརྡུང་ལས་འབྲས་རང་ལ་འཁོར། །སྡུག་བསྔལ་མི་བཟོད་འདི་འདྲ་ཡོད། །གྲང་ང་ཁམས་ཀྱི་མི་རྣམས་ལ། །ཤ་ཁྲག་ལོངས་སུ་མ་སྤྱོད་སྨྲོས། །སྡུག་བསྔལ་བཟོད་དཀའ་མྱོང་ངོ་སྨྲོས། །ད་དུང་འོག་ནས་འོག་ཏུ་འགྲོ། །གྲངས་མེད་སྡུག་བསྔལ་ཆེའོ་ཟེར། །དེ་ནས་ཕར་ལ་སོང་ཙ་ན། །སྐྱེ་འགྲོ་མང་པོའི་ལུས་པོ་ ལ། །ལས་མཁན་རྣམས་ཀྱི་ཐིག་བརྒྱབ་སྟེ། །མགོ་དང་ཡན་ལག་ཐམས་ཅད་ནི། །བྲེ་དང་རྒྱ་མ་སྲང་ལ་སོགས། །ཁྲོ་ཆུ་རང་འབར་བྱེད་པས་མནན། །ཐིག་ནང་ཤ་ཁྲག་དུམ་བུར་བཅད། །སྐྱེ་འགྲོ་གཞན་གྱིས་ཟ་ཞིང་རྒྱུག །བཅད་པ་ཐམས་ཅད་ཡང་སོས་ཡང་ཡང་བཅད། །མིག་འབྲས་གཉིས་པོ་ཐང་ལ་ལྷུང་ནས་འདུག །གློ་སྙིང་ལ་སོགས་ཁ་སྣ་ཀུན་ནས་བུད། དེ་འདྲའི་སྡུག་བསྔལ་བཟོད་དཀའ་མྱོང་བ་ལ། །བདག་གིས་ཅི་ལན་དྲིས་པས་འདི་སྐད་ཟེར། །འདི་རྣམས་འཇིག་རྟེན་ཁམས་སུ་གནས་པའི་དུས། །ཚོང་ཁེ་མགོ་བསྐོར་བྲེ་ལོག་སྲང་ལོག་བཙུག །མི་ཡི་ནོར་ལ་ཐབས་རྣམས་དུ་མས་རློམས། །གཅིག་གིས་གཉིས་འོང་གཉིས་གིས་གསུམ་ལ་རེ། །ཚོང་ཁེ་མགོ་བསྐོར་བྱས་པའི་རྣམ་སྨིན་ཡིན། །དེ་བས་ད་རུང་འོག་ཏུ་སྡུག་བསྔལ་ནི། །བརྒྱ་འགྱུར་སྟོང་འགྱུར་གྲངས་ལས་འདས་པ་ཡོད། །ཅེས་ཟེར་དེ་ནས་ཕར་ལ་སོང་ཙ་ན། །ལྕགས་ཀྱི་ཕ་བོང་རི་བོ་ཙམ། །མེ་ནི་རང་འབར་བྱེད་ཅིང་འདུག །དེ་ཡི་རྩ་བར་བུད་མེད་ནི། །དུ་མས་ངུ་འབོད་བྱེད་ཅིང་རྒྱུག །རང་གི་ཕྲུ་གུ་བོར་ནས་འདུག །རི་རྩེར་བྱིས་པས་ངུ་སྐད་བྱེད། །དེ་ཚོར་མ་རྣམས་རི་ངོགས་སོང་། །ལུས་པོ་ཐམས་ཅད་ལྕགས་ཀྱིས་ བྃ༔ བསྲེགས། །ཤ་རུས་དུམ་བུར་སོང་ནས་ནི། །བུ་དང་མ་འཕྲད་སྡུག་བསྔལ་ཆེ། །རི་ཡི་རྩ་བར་བུ་ཆུང་ངུ་། །ཁོང་རྣམས་དེ་ཕྱོགས་སོང་ཙ་ན། །ལྕགས་ཀྱི་ཕ་བོང་དུམ་བུར་སོང་། །བུད་མེད་རྣམས་ཀྱི་ལུས་པོ་ལ། །ཤིང་ལ་གཟེར་ཆེན་གདབ་པ་བཞིན། །མགོ་ལུས་ཐམས་ཅད་ལྕགས་བསྲེག་ཀྱིས། །བཏབ་ཅིང་སྡུག་བསྔལ་བཟོད་དཀའ་འདུག །ཅི་ལན་དྲིས་པས་འདི་སྐད་ཟེར། །འདི་རྣམས་བུད་མེད་ངན་གཡོ་ཅན། །གྲང་ང་ཁམས་ལ་ཡོད་དུས་སུ། །འདོད་ཆགས་ཆེ་བས་སྐྱེས་པ་འགྲོགས། །ལན་ཆགས་བུ་རྒྱུད་ལྐོག་ཏུ་བསད། །དེ་ཡི་རྣམ་སྨིན་ལུས་ལ་སྨིན། །ད་དུང་ལས་བསགས་མ་ཟད་བར། །འོག་ནས་འོག་ཏུ་འགྲོ་བར་ངེས། །ཞེས་ཟེར་དེ་ནས་ཕར་སོང་ཙ། །ཆུ་བོ་རབ་མེད་ཆེ་བའི་འགྲམ། སྐྱེ་འགྲོ་མང་པོ་འཚོགས་ནས་འདུག །ཆུ་བོ་རང་ཁོལ་བྱེད་པ་ལ། །ཐམས་ཅད་ཐར་པའི་སྐབས་མ་རྙེད། །ཕ་རིར་ཁྱོ་ཕོ་ཡོད་པར་སྣང་། །ཆུང་མས་ཁྱོཕོའི་མིང་ནས་འབོད། །ཆུ་ལ་བརྒལ་ནས་སོང་ཙན། །ཤ་རུས་ཐམས་ཅད་སོ་སོར་བྲལ། །ཁྱོ་ཕོས་ཙ་ལ་ཐོན་ཙ་ན། །ཁྱོ་ཕོས་ཆུང་མ་ཇུར་མིད་ཟོས། །སོས་པར་གྱུར་ཅིག་ཅེས་པའི་སྒྲས། །སླར་སོས་སྡུག་བསྔལ་འདི་ བཞིན་མྱོང་། །ཁྱོ་ཕོས་ཆུང་མའི་མིང་ནས་འབོད། །ཚུར་རིར་ཆུང་མ་ཡོད་སེམས་སྐྱེས། །འཕྲད་འདོད་ཆེ་བས་ཆུ་ལ་བརྒལ། །སྔར་ལྟར་ཤ་རུས་སོ་སོར་བྱེ། །ཆུང་མའི་ཟུར་ལ་ཐོན་ཙ་ན། །ཆུང་མས་ཁྱོ་ཕོ་ཇུར་མིད་ཟོས། །སོས་པར་གྱུར་ཅིག་ཅེས་པའི་སྒྲས། །སླར་སོས་སྡུག་བསྔལ་འདི་འདྲ་ཡང་ཡང་མྱོང་། །ལས་མཁན་རྣམས་ལ་འདི་སྐད་སྨྲས། །ཉེས་མེད་སྐྱེ་འགྲོ་འདི་དག་ལ། །འདི་ཙམ་སྡུག་བསྔལ་ཅི་ལ་གཏད། །ཞེས་དྲིས་དེ་ཡིས་ལན་སྨྲས་པ། །གྲང་ང་ཁམས་ཀྱི་བུ་མོ་ཉོན། །སྐྱེ་འགྲོ་འདི་དག་སྡུག་བསྔལ་ཀྱང་། །རང་བྱས་ལས་ཀྱི་འབྲས་བུའོ། །གྲང་ང་ཁམས་ལ་ཡོད་དུས་སུ། །སྡོམ་དང་དམ་ཚིག་མངོན་ལྐོག་བྱས། །ལོག་སྤྱོད་ཚུལ་ཁྲིམས་འཆལ་བ་ཡིན། །འདོད་སྲེད་དབང་གིས་རང་གཞན་ཕུང་། །ཕོ་མོ་གཉིས་ཀའི་སྡུག་བསྔལ་འདི་འདྲ་མྱོང་། །ད་དུང་ལས་བསགས་མ་ཟད་བར། །འོག་ནས་འོག་ཏུ་འགྲོ་བའོ། །ཞེས་ཟེར་དེ་ནས་ཕར་སོང་བའི། །ཡི་གེ་བུམ་པ་རི་རབ་ཙམ། །མཆོད་སྡོང་ཆེ་བ་རི་རབ་ཙམ། །གཉིས་གཉིས་འོག་ན་སྐྱེ་འགྲོ་ནི། །དུ་མ་མནན་ནས་འདུག་པ་ལ། །ལ་ལའི་ལྟོ་བ་རྒྱབ་ལ་འབྱར། །ནང་རོལ་ཐམས་ཅད་རྩིབ་ནས་བུད། །ལ་ལའི་ནང་རོལ་ཁ་ནས་ བྃ༔ བུད། །ལ་ལའི་ནང་རོལ་འོག་སྒོ་རྣམས་ནས་བུད། །མིག་འབྲས་ཀླད་པ་ལ་སོགས་པ། །ཞོ་ལྟར་ས་ལ་འབབ་ཅིང་འདུག །ད་དུང་ཁ་ནས་འོ་དོད་འབོད། །མིག་འབྲས་ཤུལ་ནས་མིག་ཆུ་ནི། །ཁྲག་ལྟར་བྱུང་ཞིང་ངུ་འབོད་བྱེད། །དེ་དག་ཅི་ལས་བྱུང་ཞེས་དྲིས། །གྲང་ང་ཁམས་ལ་ཡོད་པའི་དུས། །ཆོས་སྤངས་ལས་བསགས་དོན་མེད་ལ། །སྐུ་གསུང་ཐུགས་རྟེན་དཔང་པོར་བཞག །མནའ་བསྐྱལ་མནའ་ཟོས་བྱས་པ་ཡི། །ལས་བསགས་མ་ཟད་འཁོར་བ་ཡིན། །ད་དུང་འོག་ནས་འོག་ཏུ་འགྲོ། །སྡུག་བསྔལ་མི་འདྲ་དུ་མ་མྱོང་། །དེ་ནས་མི་རུ་སྐྱེས་གྱུར་ཀྱང་། །མཐའ་འཁོབ་མུན་པའི་གླིང་དུ་སྐྱེ། །ཞེས་ཟེར་དེ་ནས་ཕར་སོང་བས། །སྐྱེ་འགྲོ་མང་པོའི་ལུས་པོ་ལ། །སྡུག་བསྔལ་བཟོད་དཀའ་འདི་ལྟར་སྣང་། །ཡན་ལག་ཐམས་ཅད་ཁྲོ་ཆུ་ཡི། །གཟེར་གདབ་གཡོ་འགུལ་མི་ནུས་ནས། །ལས་མཁན་རྣམས་ཀྱི་མཚོན་ཆ་མི་འདྲ་བ། །དུ་མ་ཐོགས་ནས་སྐྱེ་འགྲོ་དེ་དག་གི །ལུས་པོ་མགོ་ནས་ཡན་ལག་བར་དུ་ནི། །མར་མེའི་ཀོང་ཆུང་ལྟ་བུར་ཤ་རྣམས་བཅད། །ནང་ན་ཁྲོ་ཆུ་རང་ཁོལ་མེ་འབར་བ། །མར་ཁུ་ཇི་བཞིན་བླུགས་ནས་རང་འབར་བྱེད། །སྐྱེ་འགྲོ་དེ་དག་སྡུག་བསྔལ་ མ་བཟོད་ནས། །ཕྱུག་པོའི་ལུག་མང་དུས་གཅིག་གྲངས་དང་མཚུངས། །ངུ་འབོད་བྱེད་ཅིང་དྲན་པ་ཉམས་ལ་ཁད། །དེ་འདྲའི་སྡུག་བསྔལ་ཆེན་པོས་མནར་ནས་འདུག །ཅི་ཉེས་དྲིས་པའི་ལན་དུ་འདི་སྐད་ཟེར། །འདི་དག་གྲང་ང་ཁམས་ལ་ཡོད་དུས་སུ། །རང་འདོད་ཆེ་བས་དཀོན་མཆོག་སྐུ་གླུད་ཟོས། །དགེ་འདུན་མང་འཚོག་རྒྱུ་ནོར་རྫས་ལ་རྐུས། །བླ་མའི་དཀོར་དང་མར་མེའི་རྒྱུན་བཅད་སོགས། །དོན་མེད་སྡིག་ཆེན་བསགས་ནས་ཚོང་ཁེ་བྱས། །ལྕི་བའི་རྒྱུ་རྫས་ཐབས་ཀྱིས་རློམས་ཤིང་ཟོས། །