Tibetan
པས་ཁོ་རང་གིས་ཟེར་བ་ལྟར་མེ་བཙའ་མི་འཇོག་ཟེར་ནས་ཐམས་ཅད་རང་གནས་ལ་སོང་། དེ་ནས་བཟུང་སྟེ་ཐག་ཉེ་རིང་ཀུན་གྱིས་ང་རང་གི་མིང་དོར་ནས་མཁའ་འགྲོ་མ་ཞེས་བཏགས་སོ། །དེ་སྐབས་སུ་ཡག་བཟའ་ལ་དགའ་བའི་མི་རྣམས་ཀྱིས་ང་རང་འདྲེ་མོ་དངོས་རེད། སྤྲུལ་སྐུ་དྲི་མེད་སང་གིས་དབུས་ནས་ཁྲིད་འོང་སྟེ་ཁོ་རང་མ་ལོ་ནས་སྐྱུར་བ་རེད་མ་གཏོགས་མགར་ར་བླ་མའི་ལུང་གིས་ཟིན་མེད་ཅེས་གླེང་ངོ་། །དེ་ནས་ཚེས་བཅོ་ལྔའིཉིན་བླ་མའི་སྐུ་གདུང་ལ་མེ་ཞུགས་འབུལ་རན་པས། ཕྱོགས་འདུས་ཀྱི་མཇལ་མི་དུ་མ་འོངས་འདུག་པས། དེ་དག་གིས་བདག་ལ་ཁྱོད་བླ་མ་རིན་པོ་ཆེའི་ལུང་ཟིན་ཁྱད་པར་བ་ཞིག་ཡིན་འདུག་ཟེར་ཞིང་། ཁོང་རྣམས་ཀྱིས་མར་དང་ཕྱུར་བ་སོགས་གང་ཡོད་ཀྱིས་འབྲེལ་འཇོག་བྱས། དེ་དག་གི་ནང་ནས་འཇི་ཕུན་ཚོགས་ཞེས་པ་མི་སྐྱ་ཞིག་འདུག་པ་དེས་བདག་ལ་ལུགས་ལྤགས་བཟང་པོ་བཟོ་མ་ཐག་པ་བདུན་བྱིན་ཏེ། ཁོས་བླ་མ་རིན་པོ་ཆེ་ལ་འབུལ་སྙམས་ཀྱང་སྟབས་མ་ལྡན་པ་ ཡིནཔས། ད་ཁྱོད་ལ་ཕུལ་ན་བླ་མ་ཞིང་ཁམས་པའི་ཐུགས་དགོངས་རྫོགས་ངེས་པ་འདྲ་ཟེར་ནས་བདག་ལ་བྱིན། དེ་ནས་སྐུ་གདུང་འོད་ཞུ་བྱེད་སྐབས་ནམ་མཁའ་ལ་འཇའ་སྤྲིན་འཁྲིགས། བར་སྣང་ལ་དྲི་བཟང་གི་ངད་འཐུལ་བ་སོགས་རྟགས་མཚན་དུ་མ་བྱུང་ཞིང་། ཁྱད་པར་ཐུགས་ལྗགས་སྤྱན་གསུམ་ལ་འབྱུང་བ་མེས་མགོས་ཤིང་། ཕྱིས་ནས་ཐུགས་ཀྱིས་རྟ་མགྲིན་ཡབ་ཡུམ་གྱི་སྐུ་འཁྲིལ་སྦྱོར་ཞལ་གཅིག་ཕྱག་གཉིས་པ་ཅན་དང་། ལྗགས་ལ་རལ་གྲི་དྷིཿཡིག་གིས་མཚན་པ་ཅན་དང་། སྤྱན་གཉིས་འོད་གོང་གི་རྣམ་པར་སྐམ་རློན་སོགས་ཀྱི་སྐྱོན་དང་བྲལ་ཞིང་འོད་མེ་རེ་བར་བཞུགས་པ་དུས་ད་ལྟའི་བར་ལའང་ཀུན་གྱིས་མཐོང་ཆོས་སུ་བཞུགས་པའོ། །དེ་ནས་ང་རང་སྐྱིད་སྤྲུལ་མདུན་ལ་སོང་ཞིང་ཞག་ཆ་ཤས་སུ་བསྡད་ནས་སྐྱིད་སྡུག་གི་རྣམ་གྲངས་ཐམས་ཅད་ཞུས་ཚེ། ཁོང་གིས་ད་ཁྱོད་གར་ཡང་འགྲོ་མ་འདུག་ངའི་སར་སྡོད་དང་ལྟོ་གོས་ལ་བསམ་མི་དགོས་གསུངས། བདག་གིས་ཀྱང་སྐབས་རེ་འདུག་སྙམ་ཚེ། སྤྲུལ་སྐུའི་ལྕམ་སྲིང་མས་སེམས་ངན་ཟོས་ནས་ཁྱོད་ཀྱི་བྱ་བ་འདི་མི་ལེགས། ངེད་སང་གི་སྤྲུལ་སྐུས་ཅི་དྲན་འོང་མི་ཤེས། ཁོ་རང་གི་སྐུ་སྐྱེ་བསྔོན་མ་སྐྱིད་ལུང་ཐུགས་མཆོག་རྡོ་རྗེ་ནི་སྔགས་འཆང་རེད་ཟེར་ཞིང་། གཞན་ཡང་ཚིག་ངན་ བྃ༔ གྱིས་བདག་གི་སེམས་བསད་འདུག་པས། བདག་གིས་ཁྱོད་ཀྱིས་དེ་ལྟར་ཅི་ལ་བསམ། སྤྲུལ་སྐུ་སང་གིས་བདག་ཁབ་ཏུ་མི་བཞེས་ངེས་པ་ཡིན། ཁོང་དགུང་གྲངས་མཐོ་བ་དང་། མིན་ཀྱང་འདུལ་བ་འཛིན་པ་འདི་སྤྱོད་པ་ཤིན་ཏུ་ཞིབ་འདུག་པ་འུ་ཅག་གིས་ཤེས་བཞིན་ཁྱོད་ཀྱིས་ལོག་ལྟ་ཅི་ལ་བྱེད་སྨྲས་ཀྱང་། ད་དུང་ཡིད་མ་ཆེས་ཤིང་དུས་རྒྱུན་དུ་སྤྲུལ་སྐུ་དང་ང་རང་གཉིས་ལ་ཚིག་ཟུར་གྱིས་དགོས་མེད་དུ་མ་བཤད་འདུག་པས། ཉིན་གཅིག་སྤྲུལ་སྐུ་རི་ཟབ་ནང་དུ་རྒན་མོ་ཞིག་ཤི་སོང་བས་དེ་ཀར་བྱོན་སོང་བའི་ཤུལ་དུ། ང་རང་ལྐོག་བུད་བྱས་ཏེ་མཁར་ནང་དགབ་མའི་ནང་དུ་སོང་ནས། མགར་ར་བློ་ཆོས་སང་དང་། མགར་བ་བསོ་སང་རྣམས་ཀྱི་ཟུར་ལ་ཟླ་ཤས་རེ་བསྡད་སྐབས། ཉིན་གཅིག་དུས་སྐུ་གསུམ་མཁའ་འགྲོའི་ཚོགས་གྲལ་ལ་ཐོན་སྣང་འཆར་ཡང་། འདི་ལྟ་བུ་ཞིག་རེད་སྙམ་པའི་སྣང་བའི་སྐབས་འབྱེད་མི་ནུས་ཤིང་། ལུས་ཀྱི་རྩ་ཐམས་ཅད་སྦྲིད་ཅིང་སེམས་ཁམས་ནག་ཐུམ་མེ་བ་ལྟ་བུར་བྱེད་འདུག་པས། བདག་གིས་རྡོ་རྗེའི་གཟུངས་མ་རེད་ཟེར་བ་ཞིག་ལ་འདི་སྐད་དྲིས། ང་རང་སྔར་ནས་ན་སོ་ཆུང་དུས་ནས་མཁའ་འགྲོའི་ཚོགས་གྲལ་དུ་འོང་འདུག་ཀྱང་། ད་ལན་སྐབས་ལྟར་ལུས་གནས་མི་བདེ་ཞིང་སེམས་ཁུང་ དུ་མུན་པ་འཐིབ་པ་ལྟ་བུར་འོང་མ་མྱོང་འདི་ཅིས་ལན་པ་ཡིན་དྲིས་ཚེ། ཁོང་ན་རེ། འདི་ཁྱོད་གཏེར་རིགས་ཡིན་པས་ཐབས་ཀྱི་ཕྱག་རྒྱ་བརྟེན་དགོས་པའི་དུས་ལ་བབ་པ་ཡིན། རིགས་ལྡན་གྱི་སྐྱེས་བུ་སྨིན་གྲོལ་ལ་བཀོད་ཅིང་གྲོགས་སུ་བརྟེན་པ་གལ་ཆེ། ཁྱོད་ཀྱི་རྩ་ཁམས་རྣམས་འཁྲུག་པའི་རྐྱེན་གྱིས་སྣང་ཆ་ཡང་དེ་དང་འདྲ་མཚུངས་པ་ཡིན་ཟེར། ཡང་བདག་གིས་མདོ་སྨད་མགོ་ལོག་ཕྱོགས་འདིར་མི་རུས་ངན་པའི་རོ་མདོག །ཟས་གོས་མེད་པའི་ཐལ་མདོག །མི་གཤིས་གྱོང་བ་ཚེར་མ་ལྟ་བུ་ཡིན་པས། བདག་གིས་དེ་དག་རྗེས་སུ་བཟུང་ནས་ཐབས་གྲོལ་གྱི་དགོངས་པ་མཐར་ཕྱིན་པ་ཞིག་འོང་བར་མ་བསམ་ནས་བཏང་སྙོམས་སུ་བཞག་པ་ཡིན། རིགས་བཟང་གི་སྐྱེས་བུ་དགུན་དུས་ཀྱི་མེ་ཏོག་ལྟ་བུ་རེ་ཡོད་ཀྱང་། ལ་ལ་ནི་གཞན་དབང་ལ་སོང་ཚར་བ་དང་། ལ་ལ་ནི་གནང་བཀག་ཀྱི་ཁྲིམས་ལ་དོགས་པ་དང་། ལ་ལ་ནི་ཁོ་རང་ཚོ་རྒྱུ་ཟས་འབྱོར་པས་བདག་ཉམས་ཐག་ཡིན་པས་མི་འདོད་པ་འདྲ། ད་ཇི་ལྟར་བཤད་ཀྱངང་རང་ལ་གྲོགས་ཀྱི་དགོས་པ་མི་སྣང་། མྱུར་ལམ་གསང་བའི་མན་ངག་སྣང་ཆ་ཐབས་ཀྱི་གྲོགས་ལ་བརྟེན་ནས་འདོད་ཆགས་རང་གྲོལ་གྱི་ཡེ་ཤེས་དམ་པའི་རང་ཞལ་མངོན་དུ་གྱུར་པ་དེ་ལས་ལྷག་པ་སྐྱེས་པ་དང་འགྲོགས་ཀྱང་གོ་རྒྱུ་ བྃ༔ དང་ཐོབ་རྒྱུ་མེད། སྣོད་མིན་གྱི་སྐྱེས་བུ་དང་འཕྲད་ན་སྔགས་ལམ་ལ་ལོག་པར་བལྟ་ཞིང་རང་གཞན་ངན་སོང་གི་རྒྱུ་རུ་འགྲོ་ངེས་པ་རང་ཡིན་པས། རང་གཅིག་པུར་འདུག་ཐབས་ལ་དམ་བཅའ་བྱེད་བསམ་གི་སྨྲས་ཚེ། ཁོང་ན་རེ། ཆགས་མེད་ཆགས་པས་ཡིད་འཕྲོག་མ། །སྣང་བ་ཐབས་ཀྱི་གྲོགས་དང་འགྲོགས། །བདེ་ཆེན་ཡེ་ཤེས་མངོན་གྱུར་ཀྱང་། ཁྱོད་ལས་སྨོན་དག་པས་གཏེར་ལ་དབང་། །རྟེན་འབྲེལ་འབྱུང་མེད་ན་དོན་གཉིས་དཀའ། །ཐབས་ཤེས་རབ་སྨོན་ལམ་དུས་འཛོམས་ན། །ལེ་ལོ་དང་མི་ཡི་ངོ་བསྲུང་བོར། །རྟེན་འབྲེལ་འབྱུང་འོང་ཐབས་སྟབས་གཟབ་དགོས། །ཁྱོད་གཅིག་པུར་འདུག་ཐབས་གནས་དབེན་པས། །སྐྱེས་བུ་ཀུན་བདེ་བའི་རྩལ་བསྐྱེད་ལ། །ཆགས་ཅན་རྣམས་ཆགས་མེད་འོད་གསལ་སྟོན། ཟུང་འཇུག་གི་ས་ལ་འདྲེན་ཐབས་མཛད། །དེས་དོན་གཉིས་འབྱུང་ངོ་རྣལ་འབྱོར་མ།།ཆགས་བྲལ་གྱི་ཡེ་ཤེས་མངོནགྱུར་ཀྱང་། །རིགས་ལྡན་གྱི་གྲོགས་དང་མ་འབྲལ་ན། །བོགས་འབྱིན་གྱི་བརྟན་པ་རབ་ཐོབ་ནས། །གནས་ལྔ་ཡི་འཁོར་བའི་མདུད་རྒྱ་གྲོལ། །སྣང་ཆ་ཀུན་ཡི་གེའི་འཁོར་ལོར་ཤར། །ཟུང་འཇུག་གི་རིག་སྐུ་ཚེ་འདིར་འགྲུབ། །འདི་སྔགས་ཀྱི་རྣལ་འབྱོར་ཁྱད་ཆོས་ ཡིན། །མྱུར་ལམ་འདི་ལས་ཟབ་པ་མེད། །ཁྱོད་ཀྱི་ཙིཏྟའི་ཀློང་དུ་རྒྱ། །ལས་ཅན་རྣམས་ལ་ལམ་འདི་སྟོན། །མི་སློབ་ཟུང་འཇུག་སྐུ་ཐོབ་ངེས། །སྣོད་མིན་རྣམས་ལ་གསང་རྒྱ་མཛད། ། རླུང་ཕྱོགས་ཙམ་ཡང་མ་སྟོན་ཅིག །ངན་སོང་འགྲིམ་པའི་ཤིང་རྟ་བྱེད། །ཁྱོད་ཀྱི་སྤྱོད་ཡུལ་རྨད་དུ་བྱུང་། །གང་འབྲེལ་དོན་དང་ལྡན་པར་ངེས། །ཞེས་གསུངས་ཤིང་། གཞན་ཡང་ཐབས་གྲོགས་ཀྱི་ལུང་བྱང་གསུངས་པ་གཏེར་གཞུང་དུ་གསལ། དེ་ནས་ཞག་ཆ་ཤས་ནས་སྐྱིད་སྤྲུལ་དཀར་བསོད་ལ་བྱོན་ཞོར་ལ། རྟ་བཟའ་སྒྲོན་པོ་ཞེས་པ་མ་བུ་གཉིས་ཡོད་པས་དེས་ཁོང་ལ་གསོལ་ཇ་དྲང་བའི་སར་བདག་ཤོག་གསུངས་ནས་འབོད་མི་བཏང་འདུག་པས། དེ་དང་ལྷན་དུ་ང་རང་སྐུ་མདུན་ལ་སོང་ནས་ཁམས་བཟང་ཞུས་ཚེ། སྤྲུལ་སྐུའི་ཞལ་ནས་ཁྱོད་ཀྱིས་ང་མེད་པའི་ཤུལ་དུ་ལྐོག་ལ་བུད་འགྲོ་བ་ཅི་ཡིན་གསུངས་ཚེ། བདག་གིས་ལགས་ང་རང་གར་སོང་ཡང་ཀུན་གྱི་མིག་ལམ་དུ་གནོད་ཅིང་ལོག་ལྟའི་གཞིར་འགྲོ་འདུག་པས། དེའི་ལན་གྱིས་བདག་མ་བསྡད་པ་ཡིན་ཞུས་པས། ཡང་ཁོང་གི་ཞལ་ནས་འོ་ན་ད་ཁྱོད་དང་ང་གཉིས་ཡང་ཡང་ཨེ་འཕྲད་མི་ཤེས་པས། ཁྱོད་རང་གར་སོང་ཚེ་ཆུ་དགྲ་ཁྱི་རྣམས་ལ་གཟབ་དགོས། ཁྱདཔར་རྨ་ཆེན་ལ་ཁྱོད་འགྲོ་འདུན་ བྃ༔ ཡོད་པས། དེ་ལ་སོང་ན་རོགས་སྟབས་ལེགས་པོ་ཞིག་མེད་ཚེ་འགྲོ་མི་ཉན། ཁྱི་སྤྱང་ལ་སོགས་པའི་ཁ་ལས་ཐར་དཀའ་ཟེར་བ་ཐོས་པས་ལག་ཉེས་ལ་འགྲོ་ཉེན་ཡོད་གསུངས་ཏེ། བསྲུང་མདུད་དམ་རྫས་སོགས་དང་། འགྲོ་རྟེན་དུ་ཡན་ཆ་ལྔ་གནང་བ་སོགས་མཛད་ནས་རང་གནས་ལ་བྱོན་སོང་། ང་རང་ནི་སྟོང་དཔོན་བཟང་མོའི་སར་སོང་ནས་ཞག་ཆ་ཤས་བསྡད་ཚེ། ཉིན་གཅིག་བཟང་མོ་ན་རེ། མཁར་ནང་སྤྱི་བསྲུང་ལ་ཁང་གདོང་དབོན་པོ་མགོན་དབང་བྱོན་དགོས་པར་འདུག་པས། དེ་དུས་འུ་ཅག་གཉིས་ལྷན་དུ་འགྲོ་དང་། རྡོ་ཆུ་ལ་བུད་ཐབས་ངས་ཐོན་ཟེར། དེ་སྐབས་བླ་མ་གཏེར་སྟོན་སང་གི་དངོས་སློབ་བླ་མ་འཇམ་དཔལ་ཞེས་པ་དེས་ཇོ་རྒན་ཆ་ཤས་ལ་སྣང་སྦྱང་གི་ཕྱི་སྦྱང་གསུངས་འདུག་པས། དེ་ཀའི་གྲལ་དུ་བདག་སོང་ནས་ཆོས་ཞུས་པས། བླ་མས་ཁྱེད་ཅག་གི་བྱུང་གནས་འགྲོ་གསུམ་ཤེས་དགོས་གསུངས་ཚེ། ངེད་ཅག་གིས་སེམས་བཙལ་ནས་ལ་ལས་མེད། ལ་ལས་སྙིང་རེད། ལ་ལས་ལུས་རེད། ལ་ལས་ངག་རེད། ལ་ལས་མིག་རེད་སོགས་ཟེར་ཞིང་སེམས་དངོས་ནི་མི་ཤེས་པར་འདུག །བདག་གིས་ནི་ཅི་ཡང་མ་སྨྲས་པར་བསྡད་པས། ཁོང་རྣམས་ཀྱིས་ཁྱོད་ཀྱིས་བྱུང་གནས་འགྲོ་ གསུམ་ཤེས་སམ་ཟེར། བདག་གིས་ཕྱོགས་ཙམ་ཞིག་ཤེས་སྨྲས་པས། ཁོང་རྣམས་ན་རེ། ཤེས་ན་ཇི་ལྟར་རེད་ངེད་ཅག་ལ་སྟོན་དང་ཟེར། བདག་གིས་ངས་ཤེས་ཀྱང་ཁྱེད་ཅག་ལ་དངོས་པོ་བདེནགྲུབ་ཏུ་སྟོན་རྒྱུ་མི་རྙེད། དཔེ་ཙམ་བཤད་ན་འདི་ལྟར་རེད། སེམས་ཀྱི་ངོ་བོ་སྨྲ་བསམ་བརྗོད་ལས་འདས་ཤིང་། རང་བཞིན་གྱི་ཆ་ལས་བྱུང་བ་སེམས། གནས་པ་འཁོར་འདས་ཀྱི་ཁམས་དང་། འགྲོ་ས་སྒོ་ལྔའི་ཡུལ་དུ་ཡུད་ཙམ་རིག་ཙམ་གྱི་རྣམ་པར་འགྲོ་བ་འདྲ་སྨྲས་ཚེ། ཁོང་རྣམས་ན་རེད། འོ་མི་ཤེས་ཁྱོད་ཀྱི་རྒྱ་སྐད་བོད་སྐད་འདྲ་ཞིག་ངེད་ཅག་གིས་མི་ཤེས་ཟེར། དེ་ནས་ཞག་ཆ་ཤས་ནས་སྤྱི་བསྲུང་འཚོགས་ནས་འུར་ཟིང་བྱེད་འདུག །ང་རང་ནི་ཆ་མེད་ཡིན་པས་འུརས་མ་རྙེད། དེ་དུས་ནུབ་གཅིག་རྨི་ལམ་ལ་མཁའ་འགྲོ་ཀུན་གསལ་མ་ཡིན་སྐད་པས་འདི་སྐད་ཟེར། གནས་འདི་ནས་མི་རིང་ཉེ་བའི་སར། །དཀར་མོ་ཡི་རྒྱང་གྲགས་གཉིས་ཀྱི་མཚམས། །དབྱིབས་ཟླུམ་འཁྱིལ་སུམ་བརྩེགས་འདྲ་བའི་གནས། །མ་མཁའ་འགྲོའི་འཕྲུལ་གྱི་དོ་ར་ན། །རང་ནོར་གྱི་ཟབ་གཏེར་དེ་ན་ཡོད། །རྟེན་འབྲེལ་གྱི་དུས་ལས་མ་ཡོལ་ན། །གཡང་དཀར་གྱི་དུས་སུ་ལག་ཏུ་ལོན། །དེ་གསང་ཞིང་གསང་བ་གནད་གཅིག་ཡིན། །དེ་དོན་གོ་འམ་སུ་ བྃ༔ ཁ་བཛྲ་རྩལ། །ཞེས་ཟེར་ཞིང་མི་སྣང་བར་གྱུར་ཏོ། །ནང་པར་ང་རང་གི་བསམ་པ་ལ་འཕྲུལ་གྱི་དོ་ར་ཞེས་པ་གནས་ཞིག་ཨེ་ཡིན་དང་། ལུང་པ་ཞིག་ཨེ་ཡིན་གོ་དགོས་སྙམ་ནས། བློ་ཆོས་ཀྱི་མ་རྒན་ལ། བདག་གིས་སྨྲས་པ། ཨ་མ་འདི་ནས་མར་སོང་བ་ན་གནས་འདྲ་རེད་ཟེར་ས་ཨེ་ཡོད་དྲིས་ཚེ། མོ་ན་རེ། གནས་རེད་ཟེར་ས་མ་གོ །འབྲུག་མོའི་ཆུ་མཁར་རེད་ཟེར་བའི་བྲག་ལེ་མཐོ་བ་ཞིག་རྩེ་མོ་ན་རླུང་རྟ་སོགས་མཆོད་པ་ཞིག་ཡོད་ཟེར། ཡང་བདག་གིས་ཐག་རིང་ཐུང་ཅི་འདྲ་ཞིག་ཡིན་སྨྲས་པས། མོ་ན་རེ། འོ་སྐོལ་སང་གི་སྤྱི་བསྲུང་འདོན་ས་དེ་རེད་ཐག་ཡི་མེད་ཟེར། དེ་ནས་བདག་གིས་གཏེར་གནས་དེ་ཀ་རེད་དང་། རྟེན་འབྲེལ་གྱི་རྫས་ཞིག་དགོས་པ་འདྲ་སྙམ་སྟེ། བཟང་མོའི་སར་སོང་ནས་ཨ་ནེ་བཟང་མོ་ཁྱོད་ལ་སྤྲུལ་སྐུ་དྲི་མེད་སང་གི་དབུ་སྐྲ་ན་བཟའ་རེ་བདག་ལ་སྦྱིན་རྒྱུ་ཨེ་ཡོད་སྨྲས་ཚེ། མོ་ན་རེ། ཅུང་ཟད་རེ་ཡོད་ཁྱོད་ཀྱིས་ཅི་བྱེད་དགོས་པ་ཡིན་ཟེར། བདག་གིས་ང་ལ་དགོས་པ་ཞིག་ཡོད་སྨྲས་པས། མོ་ན་རེ་རྩེ་མཚར་དུ་ཁྱོད་ལ་སྤྲུལ་སྐུ་སང་དངོས་ཀྱི་མཁོ་བྱ་ཡོད་ནི་ཨེ་མི་ཡིན། དབུ་སྐྲ་ཡིས་ཆོག་ན་ངས་སྦྱིན་ཟེར་ནས་རྟེན་འབྲེལ་གྱི་རྫས་གཉིས་པོ་ལོན་པས། ད་འགྲོ་དགོས་སྙམ་ཡོད་ཚེ། སྤྱི་བསྲུང་ཟིན་ནས་ཡུལ་མི་ཀུནགྱིས་དབང་དང་ཚོགས་འཁོར་ཡོད་པ་ཡིན་པས་ཞུ་རུ་འགྲོ་ཟེར་ནས་ཐམས་ཅད་དེ་ཀར་འགྲོ་འདུག །ང་རང་ཡང་སྤྲང་དབྱུག་བཟུང་ནས་དེ་ཀར་སོང་བས། ཀུན་གྱིས་ཁང་གདོང་དབོན་པོ་མགོན་དབང་གི་མདུན་དུ་འཚོགས་ཏེ་དབང་ཞིག་ཞུ་འདུག །བདག་ཀྱང་དེ་དག་གི་གྲལ་མཐར་སོང་ནས་ཁ་ཐུར་དུ་འཁོར་ཏེ་ཉལ་བསྡད་པས། ཀུན་གྱིས་ཧ་བགད་བྱེད་འདུག །དབང་གི་མཇུག་ཏུ་ཚོགས་འཁོར་གསུངས་ཏེ། དྲང་བའི་ནང་ལ་ཐོན་དུས་ང་མིན་པའི་སྡེ་དཔོན་ཐམས་ཅད་འཚོགས་སྦྲའི་ནང་དུ་ཚུད་སོང་བས། ང་རང་དང་སྤྲང་པོ་རྣམས་སྦྲ་སྒོ་ཡན་ལ་མ་ཐོན་ནས་དེ་ཀར་བསྡད་ཡོདཔས། བླ་མ་ནཱ་རོ་པས་ཚོགས་ཀྱི་དྲང་བ་ཞིག་དང་དར་ཁ་དྲི་བྲལ་ཞིག་ཕྱག་བསྣམས་མཛད་དེ་ཚོགས་པ་རྣམས་ཀྱི་དཀྱིལ་ནས་མར་བྱོན་བྱུང་། བདག་གིས་ཅི་ཡིནསྙམ་ནས་ཡར་ལངས་ཏེ་སྐེད་རག་བཅིང་ཞིང་ཡོད་པའི་ཚེ་ཁོང་མགྱོགས་པར་ངའི་སར་བྱོན་ནས། ཁྱོད་ལ་དྲང་བ་འདི་བླ་མ་མགོན་དབང་སང་གིས་བསྐུར་བ་རེད་གསུངས་པས། བདག་གིས་རྟེན་འབྲེལ་གྱི་གསོས་སུ་གྱུར་ཏེ། འབྲུག་མོའི་ཆུ་མཁར་ནས་ཡང་གསང་མཁའ་འགྲོའི་བླ་རྡོ་དང་། ཚེ་རིང་མའི་སྒྲུབ་སྐོར་གྱི་གཏེར་ཁ་གཉིས་གདན་དྲངས་ཏེ་གསང་རྒྱ་བྱས། དེ་སྐབས་ བྃ༔ ཉེ་རིང་ཀུན་གྱིས་དད་འདུན་བྱེད་ཅིང་བཟའ་བཅའསོགས་ཀྱི་མཐུན་རྐྱེན་བསྒྲུབ་བོ། །དེ་ནས་བླ་མ་ནཱ་རོ་པསའུ་ཅག་གཉིས་བླ་མའི་མདུན་ལ་འགྲོ་གསུང་ནས་དེ་དཀར་སོང་ཚེ། བླ་མའི་ཞལ་ནས་ཁྱོད་རང་ཁ་བ་ཞིག་དང་མི་འདྲ་ཞིང་ཕྱི་ནང་གསང་གསུམ་གང་ལ་དཔྱད་ན་ཡང་ཌཱཀྐིའི་རིགས་ཅན་ཞིག་ཡིན་ངེས་དང་། ཁྱད་པར་བོད་ཀྱི་ཇོ་མོ་ཡེ་ཤེས་མཚོ་རྒྱལ་གྱི་སྤྲུལ་པ་འཁྲུལ་མེད་ཡིན་འདུག་པས། ད་ནི་ཁྱོད་བན་ཡག་ལ་སོང་ནས་གནས་སྐབས་རིང་ལ་མགར་ར་རྒྱལ་སྲས་དང་ལྷན་དུ་བཞུགས་ཏེ། གཏེར་ཆེན་ཀློང་ཡང་གསང་གི་གཏེར་ཆོས་རྣམས་ཁྱོད་ཀྱིས་བདག་པོ་བྱེད་རོགས། གལ་ཏེ་མ་བྱས་ཚེ་བླ་མའི་བསྟན་པ་གཏིང་ནས་ནུབ་སྟེ། དཔེ་ཆ་རྣམས་ཚ་ཁང་ནང་དུ་ཐོན། གཏེར་རྫས་ཐམས་ཅད་ཇག་པ་རྣམས་ཀྱིས་མཚོན་བསྲུང་དུ་ཉོ་ཚོང་བྱེད་པ་སོགས་མ་བྱས་དུས། བདག་གིས་ཁམས་གསུམ་སེམས་ཅན་ཐམས་ཅད་བསླུས་པ་ཡིན། དེའི་ཕྱིར་ན་ཁྱོད་གནས་སྐབས་ཙམ་དུ་མགར་ར་སང་གི་ཟུར་དུ་འགྲོ་དགོས་པ་འདྲ་གསུངས་ནས། གཞན་ཡང་ལུགས་གཉིས་ཀྱི་བསླབ་བྱ་དུ་མ་མཛད། བདག་ནི་འགྲོ་འདུན་མེདཀྱང་དབང་ཐོབ་ཀྱི་བླ་མའི་བཀའ་ལ་བཟློག་ཐབས་མ་རྙེད་ནས་དེ་ཀར་འགྲོ་བར་ཁས་བླངས་པ་སོགས་བྱས་སོ། །དེ་ནས་ ལོ་ཁྱིམས་དེ་ཀའི་ཟླ་བ་བརྒྱད་པའི་ནང་དུ་མཁར་ནང་དཔོན་དཔལ་རྒྱལ་ཤི་སོང་བས། དེ་ཀར་སྤྲུལ་སྐུ་ཡིད་བཞིན་ནོར་བུ་དེ་ཉིད་བྱོན་ཡོད་པ་ཐོས་ཚེ། ཡང་བདག་གིས་སྟོང་དཔོན་བཟང་མོའི་ཟུར་ལ་སོང་ནས་འདི་སྐད་སྨྲས། ཨ་ནེ་བཟང་མོ་ཁྱོད་ཀྱིས་ཇ་ཞིག་བསྐོལ་རྒྱུ་ཁྱེར་དང་། འུ་ཅག་གཉིས་ཟ་ལྟར་ཐུ་རུ་འགྲོ་སྨྲས་པས། མོ་ན་རེ། རེད་འུ་ཅག་གཉིས་འགྲོ་དང་ཆོག་ཟེར་ནས་ཇ བསྐོལ་རྒྱུའི་སྟ་གོན་རྣམས་བཟུང་སྟེ། སྐྱབས་དར་རབ་ཁ་ན་སོང་ཞིང་ཇ་བསྐོལ་ཞོར་ལ་ཟསྟར་ཐུ་བར་ཡོད་ཚེ། བར་སྐབས་ཞིག་ལ་རྡོ་ཁོག་གྱེན་དུ་བླ་མ་དཔོན་གཡོག་གཉིས་བྱོན་འདུག བདག་གིས་བཟང་མོར་མ་གི་བླ་མ་དཔོན་གཡོག་སུ་ཡིན་དྲིས་པས། བཟང་མོ་ན་རེ། མ་གི་འོ་སྐོལ་གྱི་སྤྲུལ་སྐུ་དྲི་ལོ་བཀའ་དྲིན་ཅན་སང་རེད་ཟེར་ཞིང་དགའ་སྤྲོ་ཆེན་པོ་བྱེད་ཅིང་། དའུ་ཅག་གཉིས་ཀྱིས་ཇ་ཞིག་མགྱོགས་པར་བསྐོལ་དང་ཁོང་ལ་གསོལ་ཇ་ཞིག་དྲང་ཟེར། ཡང་བདག་གིས་ང་རང་གིས་ཞུ་མི་ཕོད། ཁྱོད་ཀྱིས་སྤྲུལ་སྐུ་སང་ལ་དོ་དགོང་འདི་ཀར་བཞུགས་དགོས་ཞུ་རོགས་གྱིས་སྨྲས་པས། མོ་ན་རེ། དེ་ང་རང་གིས་ཞུ་དང་ཆོག་ཟེར། དེ་ནས་སྤྲུལ་སྐུ་དཔོན་གཡོག་རབ་ཁར་བྱོན་བྱུང་བས། བཟང་མོས་ཆིབས་ཁ་བླངས་ནས། རྗེ་དེ་ཉིད་ཀྱིས་ཀྱང་གསོལ་ཇ་ བྃ༔ གསོལ་ཞིང་ངེད་གཉིས་ལ་གདམས་ངག་གི་བསླབ་བྱ་མཛད། བདག་གིས་དངོས་རྫས་ཅུང་ཟད་ཞིག་ཕུལ་བས། རྗེ་དེ་ཉིད་ཀྱིས་ཀྱང་དེ་དོན་མཁྱེན་བཞིན་ཉིད་ཀྱི་དབུ་ལྗོན་ན་བཟའ་བསྲུང་མདུད་དང་། ཁྱད་པར་སྐུ་ཆིངས་བཅས་བཟང་མོ་དང་གྲྭཔ་གཉིས་ཀྱིས་མི་རིག་པར་མཛད་ནས་བདག་ལ་གནང་བས་རྟེན་འབྲེལ་འཕྲོ་ཅན་དུ་བྱུང་། དེ་ནས་བཟང་མོས་རྗེལ་བཞུགས་དགོས་ཞུས་ཚེ། རྗེའི་བཀའ་གནང་ལ་བཞུགས་པར་ཞལ་གྱིས་བཞེས་ཀྱང་། གྲྭ་པ་དབང་བཙན་པས་བཞུགས་སུ་མ་སྟེར་ནས་བྱོན་ཐག་བཅད། ཡང་བདག་གིས་སྤྲུལ་སྐུ་རིན་པོ་ཆེ་ལགས་ང་ལ་ཞལ་གདམས་ཞིག་དང་། ཉིད་ཀྱི་གསོལ་འདེབས་བྱིན་རླབས་མྱུར་ལ་དོན་འདུས་པ་ཞིག་བཀའ་དྲིན་མ་ཆུང་ཞུས་པས། རྗེ་དེ་ཉིད་ཀྱིས་ཀྱང་བདག་གིས་བསྐུལ་བ་ལྟར་ཕྱག་བྲིས་མཛད་དེ་ལུང་དང་གཞན་ཡང་ཐུགས་བསྐྱེད་སྨོན་ལམ་སོགས་མཛད་ནས་གདན་ས་ལ་བྱོན་སོང་། བཟང་མོ་ངེད་གཉིས་ཀྱང་རང་གནས་ལ་འོང་ངོ་། །དེའི་སྐབས་ཀྱི་དགོས་ཆེད་ཀྱི་ལུང་བསྟན་གཏེར་གཞུང་དུ་གསལ། དེ་ནས་རང་ལོ་ཉི་ཤུའི་ལོར་མགར་ར་སྦ་རྒན་སང་ཟེར་བ་ང་རང་ལ་དུས་རྟག་ཏུ་གཅེས་སྤྲས་སུ་བསྐྱང་ཞིང་དྲིན་ཆེ་བ་ཞིག་ཡོད་པས། དེ་སང་རོང་ལ་འགྲོ་དགོས་པས་དེ་ དང་མཉམ་དུ། ང་རང་ཡང་ཁང་གདོང་གཏེར་ཆེན་མགོན་དབང་སང་གི་བཀའ་བཞིན་རོང་ཕྱོགས་ལ་མགར་ར་སང་གི་ཉེ་སར་སོང་ནས་དེའི་ཡར་མར་བསྡད་པས། ཡུལ་མི་ཀུན་གྱིས་མཁའ་འགྲོ་མ་ཐོན་འདུག་ཟེར་ནས། ཐག་ཉེ་རིང་ཀུན་གྱིས་མོ་དང་ལུང་བསྟན་ཟེར་དགོས་སྨྲས་ཏེ། ཐམས་ཅད་ཀྱིས་མར་དངཕྱུར་བ་ནས་ལ་སོགས་པ་ཁྱེར་བྱུང་བས། དེ་སྐབས་སུ་བླ་མའི་དྲིན་གྱིས་རྟོགས་པ་ཅུང་ཟད་ན་འཕར་ནས་གསལ་ཉམས་ཀྱི་སྟོབས་ཀྱིས་གང་ཤར་སྦས་གསང་མེད་པར་བཤད་པ་དང་། ཁྱད་པར་ནད་པའི་རིགས་དང་། བད་གཞིའི་སོང་བ་རྣམས་རྒྱུ་རྐྱེན་མེད་པར་ས་སྐམ་གྱི་རིལ་བུ་བྱས་ཏེ་བྱིན་པས་ཐམས་ཅད་ནད་ལས་གྲོལ་ཞིང་རྩ་བའི་ཡོན་བདག་ཏུ་གྱུར་ཏོ། །དེ་དག་གི་སྐབས་སུ་ང་རང་གིས་ནི་སྔར་བླ་མ་དང་མཁའ་འགྲོ་རྣམས་ཀྱིས་ལུང་བསྟན་བཞིན་འགྲོ་དོན་ཆུང་ངུའི་རྟེན་འབྲེལ་ལ་དབང་བ་ཡིན་གསུངས་པ་འདི་ཀ་ཡིན་པར་སྙམ། རང་ལ་མི་དགའ་བ་རྣམས་ཀྱིས་དབུས་མོ་རྒྱ་ཁ་རོང་བཞིའི་མི་ཡིན་པས། ཡི་གེ་མི་ཤེས་ཟེར་བ་དེ་རྫུན་རེད། ངན་སྔགས་སྣ་ཚོགས་ཤེས་ནས་ས་སྐམ་གྱི་རིལ་བུ་བྱས་ཏེ། ཀུན་ལ་སྦྱིན་ནས་གནས་སྐབས་ནད་ལས་ཐར་འདུག་ཀྱང་ཕུགས་མི་རྟག་རྫས་ངན་གྱི་ཆོ་འཕྲུལ་རེད་ཅེས་གླེང་ངོ་། །དེ་སྐབས་འཇི་ བྃ༔ ཕུན་གྱིས་ང་རང་ལ་ཞྭ་ལྷམ་གྲོ་ཁ་སོགས་བྱིན་ནས་ང་རང་བླ་མའི་གདན་ས་རིཁྲོད་ལ་ཐུན་མཚམས་སུ་བསྡད་ཡོད་སྐབས་ཉམས་མ་ངེས་ཤིང་སྔར་དང་མི་འདྲ་བའི་རྩུབ་རག་ཅན་ཤ་སྟག་བྱུང་ཤིང་བདེ་བའི་གོ་སྐབས་ཅུང་ཟད་ཀྱང་མེད་པ་ལྟ་བུར་བྱེད་འདུག་པས། བདག་གི་བླ་མ་ལྷ་ལ་གསོལ་བ་འདི་ལྟར་བཏབ། གནས་རང་སྣང་དཔལ་རིའི་ཕོ་བྲང་ནས། །རྗེ་དུས་གསུམ་སངས་རྒྱས་འགྲོ་བའི་མགོན། །དཔལ་མཚོ་སྐྱེས་རྡོ་རྗེ་རྗེ་འབངས་ཚོགས། །མཚོ་རྒྱལ་དང་གནས་གསུམ་མཁའ་འགྲོ་དགོངས། །བདག་གསོལ་བ་འདེབས་སོ་ཐུགས་རྗེས་ཟུངས།