Tibetan
བྱ་ཡི་ཁྱུ་ཚོགས་འདུ་ཞིང་། །ཚོས་མཐུན་བསམ་པ་ངང་གིས་སྐྱེས་འོང་། །གཏེར་སྟོན་གནས་རྟེན་ཐབས་ཀྱི་གྲོགས་མཆོག །ཚུལ་ལྡན་དམ་ཚིག་གཅིག་ཏུ་བརྟེན་ན། ཐབས་མཁས་རྟེན་འབྲེལ་ངང་གིས་འགྲིགས་ནས། །གསེར་ལྡན་ངང་པའི་ཁྱུ་ཚོགས་འདུས་ཏེ། །མཛད་པ་ཕྲིན་ལས་མཐའ་ནས་རྒྱས་འོངས། །འོན་ཀྱང་སྙིགས་དུས་འགྲོ་བློ་ངན་པས། ཆོས་མཐུན་གཞུང་བཟང་དམ་ཚིག་མི་ཤེས། །བདུད་དབང་སོང་བའི་བར་ཆད་མང་ཞིང་། །བསོད་ནམས་དམན་པས་ཆོས་བཞིན་མི་སྤྱོད། །བསྟན་འཛིན་རྣམས་ལ་ལོག་པར་བལྟ་ཞིང་། བརྙས་དམོད་གླེང་མོའི་གནས་སུ་བྱེད་ཅིང་། །རྩིས་མེད་ལམ་ཁའི་རྡོ་བཞིན་སྤངས་འདུག །སྨོན་ལོག་བདུད་ཀྱིས་བརླབས་པའི་སྐྱེས་བུ། །དཔྲལ་བའི་མིག་བཞིན་གཙུག་ཏུ་བསྐུར་ཞིང་། །འདི་ཕྱིའི་བློ་གཏད་ལིང་གིས་ཁེལ་འདུག།དེ་ལ་སོགས་པའི་སྤྱོད་ངན་མཐོང་ཚེ། །ཁྱེད་ཀྱང་ཡུལ་འདིར་བཞུགས་པར་མི་སྣང་། །བདེ་བདེ་སྐྱིད་སྐྱིད་མཁའ་འགྲོའི་གླིང་ན། །བསྒྲོད་པའི་དུས་བབ་དགོངས་པ་བསྐྱེད་མཛོད། །དོན་གཉིས་མཛད་པ་ཞིང་དུ་ལྷགས་པས། །ཉམས་པའི་གྲིབ་ཀྱིས་འཚེ་བ་མི་སྲིད། །གྲོགས་མཆོག་དཔའ་བོ་དཔའ་མོའི་ཚོགས་གྲལ། །དུས་ངན་སྐྱེས་བུའི་བསམ་སྤྱོད་མི་སྲིད། །རང་སྣང་སྟོན་འཁོར་མཉམ་ཉིད་རྫོགས་པའི། །འཕོ་འགྱུར་བསྒྲོད་པའི་གནས་ཡུལ་མི་སྲིད། །སྣང་སྟོང་ཐབས་ཀྱི་ཕྱག་རྒྱའི་གར་བསྒྱུར། །བདེ་བསྐྱེད་དཔའ་བོ་རང་དང་དབྱེར་མེད། །དམིགས་རྟེན་ཡིད་རྒྱའི་སྤྲོས་པ་མི་དགོས། །ཟག་མེད་ཡེ་ཤེས་བདུད་རྩིའི་བཅུད་མཆོག །ཞེན་མེད་རང་གྲོལ་ཆེན་པོར་རོལ་ནས། །རྩ་ཐིག་རླུང་གསུམ་བཅུད་དུ་སྨིན་ཏེ། །ཡེ་ཤེས་སྣང་བ་ངང་གིས་འཕེལ་འོང་། །དེ་ལ་སོགས་པའི་ཞིང་གི་ཡོན་ཏན། །བསམ་བརྗོད་ལས་འདས་ལྷུན་གྱིས་གྲུབ་ཡོད། །ཁྱོད་ཀྱི་དགོངས་པ་དེ་རུ་ཕྱོགས་ བྃ༔ དང་། །དུས་སུ་ངེད་ཅག་བསུ་མར་སླེབ་ཡོང་། །དེ་དང་སྟབས་ལྡན་གནས་ལས་དབེན་ན། །ཅང་ཤེས་ངོམས་དུས་ཕྱོགས་མིན་ཕྱོགས་སུ། །ཡིད་ལ་བཅག་པའི་རིགས་ལྡན་སེམས་དཔའ། །སྙིང་འཛིན་ལྕགས་ཀྱུའི་མདའ་མོས་བསྐུལ་ནས། །གསང་བའི་གྲོགས་སུ་རྟེན་འབྲེལ་མ་འཛོལ། །རླན་གྱིས་མྱུ་གུ་སྨིན་པ་ཇི་བཞིན། །གཅིག་ལ་གཅིག བརྟེན་དོན་གཉིས་འབྱུང་ངེས། །ཁྭ་ཏ་རོག་པོས་ངང་མོར་འགྲན་ཚེ། །ངེས་མེད་གནས་སུ་བསྒྲོད་པའི་དུས་ཡིན། །མི་ཡི་ལུས་ལ་བདུད་ཀྱི་སེམས་ཅན། །མི་དབང་ཕྲིན་ལས་མིང་ཅན་དེ་ཉིད། །ནུབ་ནས་སྲིན་མོའི་སྣ་འདྲེན་བྱེད་ངེས། །ཐབས་ཤེས་ཤེས་རབ་མདའ་མོ་མ་ཞན། །དུས་བབ་བརྡ་བྱང་འཆུག་མེད་གསལ་ངེས། །ལས་ཀྱིས་བསྒྱུར་བའི་ཐ་མལ་ཆས་འཛིན། ། སྲུང་གི་མིང་འཛིན་དུས་སུ་འཕྲད་ན། །རྟེན་འབྲེལ་རྫས་ཀྱིས་རྗེས་སུ་བཟུང་དགོས། །ཆོས་འཛིན་དྷརྨ་མ་ཏིའི་དཔལ་དུ། །ཌཱཀྐིའི་ཟབ་བཅུད་སྙིང་པོ་སྤེལ་ན། །གདུལ་བྱ་ཐབས་ཀྱིས་འབྱུང་ངེས་གཏན་ཚིགས། །དེ་སོགས་འབྱུང་འགྱུར་ཟུར་ཙམ་སྨྲས་པ། །བདེ་ཆེན་རྡོ་རྗེའི་ཙིཏྟ་དམ་རྒྱ། །ཞེས་ཟེར་བ་དང་མཉམ་དུ་འོད་ཐིག་དམར་པོའི་རྣམ་པར་གྱུར་ནས་རང་གི་ལྟེ་བར་ཐིམ་ སྣང་འཆར་བས། དེ་ནས་བཟུང་སྟེ་ལུས་ཀྱི་རྩ་གནས་ཐམས་ཅད་མི་བདེ་བ་ལྟ་བུར་བྱུང་འདུག །དེ་སྐབས་སུ་བླ་མ་རྣམ་དག་ཞེས་པ་བསླབ་གསུམ་དཔལ་གྱིས་ཕྱུག་པའི་སྐྱེས་བུ་དམ་པ་ཞིག་ཡོད་པ་དེ། སྔར་དུས་རིང་མོ་ནས་རང་དང་ཆོས་འབྲེལ་ཡོད་ཅིང་། ཁྱད་པར་རང་ཡང་ལུས་རྟེན་འདི་ཀར་ཐོས་རྒྱ་ཤིན་ཏུ་ཆུང་ཡང་། བརྒྱུད་ལྡན་བླ་མ་རྣམས་ཀྱི་ཐུགས་ཡེ་ཤེས་ཆེན་པོའི་བྱིན་རླབས་དང་། ཚོགས་སྨོན་ལས་འཕྲོའི་སྟོབས་ཀྱིས་སྒོམ་བྱུང་གི་ཤེས་རབ་ཆེན་པོའི་བློ་གྲོས་ཅུང་ཟད་སད་པ་ལ་བརྟེན་ནས། གསང་སྔགས་ཕྱི་ནང་གི་གདམས་པའི་བསྒྲོ་གླེང་མང་དུ་བཤད་ནས་དམ་ཚིག་མཐུན་པ། དེ་ལ་གློ་བུར་དུ་བར་ཆད་སྡང་ནས་ཁོང་གི་ཚ་མོར་གཏོགས་པའི་དགེ་མ་གསར་དུ་བསྒྲུབས་པ་ཞིག་ཡོད་པས། དེས་མོ་རང་གིས་ཡི་གེ་མ་ཤེས་པ་ལ་རྐྱེན་བྱས་ཏེ། ང་རང་ལ་གླེང་བཏབ་ཅིང་མཁའ་འགྲོས་གཡོགས་བཅོལ་བའི་རྐྱེན་གྱིས་ཡི་གེ་འདོན་མ་ཁོམས་ནས་མ་ཤེས་པ་ཡིན་སྨྲས། གྲོ་མར་ལ་སོགས་པ་ཟད་པའི་རྒྱུ་ནི་མཁའ་འགྲོས་གློ་མེད་བྱས་པ་སོགས་ཡིན་སྨྲས་ནས། དབྱེན་འབྲེལ་གྱི་ཚིག་དུ་མ་བཤད་པ་ལ་རྐྱེན་བྱས་ཏེ་བླ་མ་རྣམ་དག་གྲོལ་ནས་དེ་ལྟར་ངེས་པ་ཡིན་གསུངས་ནས། ང་རང་ལ་ཁྱེད་བླ་མ་མགར་གཏེར་གྱི་བསྟན་པའི་རུ་ཏྲ་ཡིན་པ་སོགས་ བྃ༔ གཏམ་ངན་སྣ་ཚོགས་ཞལ་ནས་གསུངས་པ་དང་། ཡི་གེའི་རིས་སུ་བྲི་བ་སོགས་གནང་འདུག །བདག་གིས་དེ་ལྟར་མ་བྱས་པའི་ཐད་ནས་ཚིག་མང་པོ་ཞུས། ཁྱད་པར་རང་སློབ་ཐུབ་བཟང་དཔང་དུ་བཞག་ནས་དྲང་ཤན་བྱས་ཀྱང་ཕན་པ་མ་བྱུང་ནས། ཁོང་གི་ཉེ་འཁོར་ཕུ་ནུའི་རིགས་སུ་གཏོགས་པ་འགྱ་བསྟན་དང་འགའ་རེའི་སྔུན་ནས་བཤད་དགོས་ཟེར། བདག་གིས་འུ་ཅག་དམ་ཚིག་གཅིག་པའི་མཆེད་གྲོགས་སུ་འདུག་པས་གཏམ་ངན་འདི་འདྲ་གཞན་གྱི་སྔུན་དུ་བཤད་མི་དགོས། ང་རང་གིས་མོ་རང་གི་རྒྱུ་ཟས་ལ་གློ་མེད་བྱེད་མ་མྱོང་བའི་ཐད་ནས་དཀོན་མཆོག་རྣམ་གསུམ་གྱིས་གཟིགས་ཡོད་པས་ཞག་ཆ་ཤས་ནས་གསལ་འོང་སྨྲས། དེ་ནས་ཞག་འགའ་ནས་མོ་རང་གི་རྫུན་ཚིག་ཡིན་པ་མངོན་དུ་གྱུར་ཀྱང་བཏང་སྙོམས་སུ་བཞག་གོ་།དེ་ལ་རྐྱེན ནས་ང་རང་གིས་འདུན་པ་ངེས་མེད་ཀྱི་ཞིང་དུ་གཏད་ནས། རང་སློབ་ཐུབ་བསྟན་བཟང་པོ་དང་། དཔལ་ལྡན་རྒྱ་མཚོ་གཉིས་ལ་ལུགས་གཉིས་ཀྱི་བསླབ་བྱ་ཉམས་ལེན་གྱི་འཇོག་འཚམས་སོགས་ཞིབ་པར་བཤད། ཁྱད་པར་རྒྱལ་སྲས་སང་རྨ་ཆེན་ལ་བྱོན་དགོས་པས། དེའི་སྟ་གོན་ལམ་རྒྱགས་དང་མཁོ་བའི་ཡོ་བྱད་རྣམས་ལེགས་པར་བསྒྲིགས་སྐབས། སློབ་བུ་གཉིས་ཀྱི་སེམས་ལ་ འཁུ་འཁྲིག་འབྱུང་ནས་འདི་སྐད་ཟེར། ཁྱེད་ཀྱི་གསུང་མཛད་པ་གང་ལ་བརྟགས་ཤིང་དཔྱད་ནའང་ལེགས་པོ་ཞིག་མི་སྣང་བ་འདྲ་ན་ཉིད་ཀྱི་ཐུགས་འདུན་ཅི་འདྲ་བྱེད་ཅིང་ཡོད། ངེད་གཉིས་ལ་སྦ་གསང་མི་མཛད་པར་ཞུ་ཟེར་ནས། སེམས་སྡུག་གི་གང་མིག་མཆི་མ་འཁྲུགས་ཤིང་ལན་གྲངས་མང་པོར་དྲི་བ་བྱས་ཀྱང་། བདག་གིས་ཡིན་ལུགས་ཇི་བཞིན་པར་བཤད་མ་སྤོབས་ནས། བདེན་མིན་རྫུན་མིན་གྱི་གཏམ་ཆ་ཤས་བཤད། ཁོང་གཉིས་ཀྱི་གློ་མི་ཐུབ་ཀྱང་། ང་རང་མི་གཤིས་ངན་པས་ཡང་ཡང་དྲི་མ་ཕོད་པར་བཏང་སྙོམས་སུ་ལུས། དེ་ནས་དཔལ་ལྡན་རྒྱ་མཚོ་རྨ་ཆེན་ལ་འགྲོ་རྒྱུ་ཡིན་པས། ཁོ་རང་གིས་ལམ་རྒྱགས་ཀྱི་ཆ་རྐྱེན་དུ་སྔོན་དུ་འགྲོ་དགོས་ཟེར་ནས་སོང་བས། དེས་ན་ཁྲ་རྡོ་བླ་མའི་སྐུ་མདུན་སོང་ནས་བདག་གི་གནས་ཚུལ་ཐམས་ཅད་ཞུས་ཚེ། ཁོང་ནས་ཀྱང་ཡར་ལམ་མཁའ་འགྲོ་འདི་ཀར་བྱོན་ན་ལུགས་གཉིས་ཀྱི་གསུངས་མཛད་དང་། ཁྱད་པར་དུས་ལ་མ་བབ་བར་དུ་གདུལ་བྱ་བསྐྱང་དགོས་པའི་བཀའ་གནང་དང་། གསུང་ཡིག་བསྐུར་བ་སོགས་ཞལ་གྱིས་བཞེས་ནས་བདག་ལའང་དེ་ལྟར་གྱི་ཡི་གེ་འབྱོར་བྱུང་ཡང་། བདག་གིས་འདུན་པ་གཏད་དྲག་ནས་འབྱུང་འདུས་ཚོགས་པ་གྱེད་མ་རག་པ་ལྟ་བུར་སོང་ནས། བློ་འདི་སྣང་གི་བྱ་ བྃ༔ བ་ལ་འཇུག་དཀའ་ཞིང་སྣང་བ་ཡད་ཡུད་དུ་གྱུར། ཤ་ཁམས་དབྱིངས་སུ་ཟད་པས་ལུས་ཤིན་ཏུ་ཡངས་ཤིང་གདོས་པ་མི་མངོན། ཁྲག་ཁམས་གནས་འགྱུར་བས་དྲི་ཆུ་དང་ཁ་སྣའི་ཆུ་ཐམས་ཅད་རང་ཤུགས་ལ་སྐམ། མེ་ཁམས་དབྱིངས་སུ་ཟད་ནས་ཟས་ལ་སྲེད་ལེན་དང་ལུས་ལ་དྲོད་མེད་པ་ལྟ་བུར་གྱུར། རླུང་ཁམས་གནས་འགྱུར་ནས་ཁ་སྣ་ནས་རླུང་གི་འབྱུང་འཇུག་མི་བྱེད་ཅིང་། བ་སྤུའི་བུ་ག་ཐམས་ཅད་ནས་འཁྱག་ཆིལ་ཆིལ་བྱེད་པའི་ཚུལ་གྱི་སྣང་བ་རྒྱུན་དུ་འཆར། སེམས་རྟོག་གཉིས་སུ་སྣང་ཞིང་གཅིག་མི་ཡུལ་གྱི་སྣང་བའི་ལས་དང་བྱ་བ་བྱེད་ཅིང་། གནས་སྐོར་ལ་འགྲོ་མི་ཀུན་གྱི་ལམ་རྒྱགས་ཀྱི་ཆ་རྐྱེན་གྲོ་ཁ་ལ་གུར་དང་ཡོ་བྱད་གྲྭ་པ་ལ་སོགས་པའི་སྟ་གོན་བསྒྲིགས་པར་བྱེད། ནང་གཅིག་ཏུ་སྨིན་མཚམས་ནས་འོད་དཀར་དམར་དང་མཐིང་གའི་རྣམ་པར་འཆར་བ་ལ་གཞི་བྱས་ཏེ། འོད་སྣང་དེ་དག་གི་ཀློང་དུ་ཞིང་ཁམས་ཀྱི་བཀོད་པ་འདི་ལྟར་སྣང་བ། ས་གཞི་ཐམས་ཅད་པདྨ་རཱ་ག་ལས་གྲུབ་པ་རྒྱ་ཆེ་ལ་ཁོད་སྙོམས་པ། མནན་ན་ནེམ་ཞིང་བཏེགས་ན་སྤར་བ་མཐའ་ལ་ཐུག་པ་མེད་པ། ས་ལེ་སྦྲམ་དང་། མུ་མེན། གཟི་མཆོང་། མར་གད། མུ་ཏིག །གཡུ་བྱུ་རུ་ལ་སོགས་པ་རིན་པོ་ཆེའི་རིགས་སྣ་ཚོགས་ཀྱིས་ཞིང་ ཁམས་ཁྱབ་པར་བརྡལ་ཞིང་བཀྲམ་པ་དང་། ཁ་དོག་སྣ་ཚོགས་བཀྲ་བའི་མེ་ཏོག་ཨུ་དུཾ་ཝ་ར་དང་། ཨུཏྤལ་དང་། ཆུ་སྐྱེས་ཙམ་པ་ཀ། །ཟངས་མདོག །སྐལ་བཟང་མེ་ཏོག །འཇམ་དཔལ། སྤྱན་གཟིགས། ཕྱག་རྡོར། སྒྲོལ་མ། ཀུན་གཟིགས་དབང་པོ་ལ་སོགས་པའི་མེ་ཏོག་གི་རིགས་དུ་མ་དང་། གཞན་ཡང་ཟེའུ་འབྲུ་རྒྱས་པ། ལོ་འདབ་བཞད་པ། ཁ་དོག་མཛེས་པ། འབྲས་བུ་སྨིན་པ། དྲི་བསྲུང་དང་ངད་པ་ཕྱོགས་བཅུར་ཁྱབ་པ་སོགས་དང་། ཤིང་གི་རིགས་བྱང་ཆུབ་ལྗོན་ཤིང་། ཙནྡན་དཀར་དམར། ཨ་ག་རུ་པ། དཔག་བསམ་ཤིང་ལ་སོགས་པའི་ཡོན་ཏན་དུ་མ་དང་ལྡན་པའི་ཤིང་ལ་ཡལ་གལོ་འདབ་འབྲས་བུ་སྣ་ཚོགས་སྨིན་ཅིང་ལྷ་ཡི་གོས་པཉྩ་ལི་ཀ་དང་། བཀྲ་ཤིས་པའི་ཆོས་རྫས་དུ་མས་བརྒྱན་པ། གཞན་ཡང་འབྲུ་ཡི་རིགས་ནས་འབྲས་གྲོ་སྲན་ལ་སོགས་པ་མ་རྨོས་པའི་འབྲས་བུའི་རིགས་བསམ་གྱིས་མི་ཁྱབ་པ་དང་། ཡན་ལག་བརྒྱད་དང་ལྡན་པའི་ཆུ་མཚོ་དང་། རྫིང་བུ། ལྡེང་ཀ་ལུ་མའི་ཆུ་མིག་རྣམས་དཀར་ལ་ཟླུམ་པ། སེར་གསལ་གྲུ་བཞི་པ། དམར་པོ་ཟླ་གམ། ལྗང་གསལ་གཞུ་ཡི་དབྱིབས་ཅན། མཐིང་གསལ་ཟུར་བརྒྱད་པའི་རྣམ་པར་གནས་པ། དེ་དག་གི་བྱེད་ལས་ནི་ཉོན་རྟོག་ བྃ༔ ཕྲ་རག་ཐམས་ཅད་བཅོམ་ཞིང་། ཡེ་ཤེས་དྲུག་གི་རྟོག་པ་བཙན་ཐབས་སུ་འཆར་བར་བྱེད་དོ། །དེ་དག་གི་མཐའ་ལ་རིན་པོ་ཆེ་སྣ་ཚོགས་ཀྱི་ལྕགས་རི་སྤོས་རྒྱའི་རིས་སུ་བཀོད་ཅིང་འཁོར་བའི་ཀློང་དུ། བྱ་རིགས་སྣ་ཚོགས་རྨ་བྱ་དང་། ཀ་ལ་པིང་ཀ ཀངྐ། འཇོལ་མོ། མས་སྣ། རི་སྐེག །ནེ་ཙོ་ལ་སོགས་པ་ཁ་དོག་མཛེས་ཤིང་ཡིད་དུ་འོང་བའི་བྱ་རིགས་མང་པོས་ཆུ་མཚོ་རྣམས་ལ་འཁོར་ཞིང་ལྗོན་པའི་སྟེང་ལ་བབ་ནས་སྙན་པའི་དབྱངས་ཀྱིས་གསང་སྔགས་ཀྱི་ཆོས་སྒྲ་འུར་ཏིར་གྱིས་སྒྲོགས་པར་སྣང་ངོ་། །བར་སྣང་ཐམས་ཅད་འཇའ་ཐིག་དང་འོད་ལྔའི་དྲྭ་བ་དང་ཕྱེད་པ་མིག་མང་རིས་ལ་སོགས་པས་གང་བ་དང་། དེ་དག་གི་མཚམས་རྣམས་སུ་ལྷ་ཡི་བུ་དང་བུ་མོ་མཛེས་སྡུག་བལྟ་བས་ཆོག་མི་ཤེས་པ་དར་ལ་བབ་པ་དུ་མས་སྐུ་མཛེས་པས་གར་བསྒྱུར་ཞིང་གསུང་དབྱངས་སྙནཔས་ཆོས་སྒྲ་སྒྲོགས་པ། ཕྱག་ན་རོལ་མོ་སྣ་ཚོགས་ཐོགས་ནས་དབྱིངས་དང་དབྱིངས་བཞུགས་ཀྱི་རྒྱལ་བ་རྣམས་ཀྱི་སྐུ་གསུང་ཐུགས་ལ་མཉེས་པའི་མཆོདཔ་འབུལ་བ་དང་། དེ་དག་གི་ཕྱོགས་བཞི་ནས་ལྷ་མོ་བཅུ་དྲུག་གིས་མཆོད་རྫས་དུ་མ་ཐོགས་ནས་རྒྱལ་བའི་སྐུ་གསུང་ཐུགས་ལ་མཉེས་པ་སྒྲུབ་པ་སོགས་སྣང་བའི་ཡུལ་ཁྱབ་པར་བྱེད་དོ། །དེ་ལྟ་ བུའི་ཞིང་ཁམས་ཀྱི་བཀོད་པ་རྒྱ་ཆེ་ལ་རྣམ་པར་དག་པ། བཀོད་པ་ཕུན་སུམ་ཚོགས་པ་ཡེ་ཤེས་ཀྱི་རང་སྣང་ལས་ལྷུན་གྱིས་འགྲུབ་པའི་དབུས་སུ། རིན་ཆེན་སྣ་ལྔ་ལས་གྲུབ་པའི་གཞལ་ཡས་ཁང་གྲུ་བཞི་པ་ས་འཛིན་གདན་དང་ཚད་མེད་ཀྱི་སྟེང་ནས་རྩིགས་པ་རྣམ་ལྔ་དང་སྒོ་བཞི་ཡོདཔ། རྟ་བབ་ཐོག་ཕུབ་རིམ་པ་སུམ་བརྩེགས་ཀྱི་སྟེང་དུ་རིན་པོ་ཆེའི་ཏོག་དང་། གདུགས་རྒྱལ་མཚན་བ་དན་ཉི་ཟླ་མཆོད་རྟེན་ཆོས་འཁོར་རི་དྭགས་དྲིལ་བུ་གཡེར་ཁ་ལ་སོགས་པའི་རྒྱན་དུ་མས་མཛེས་པ། པུ་ཤུ་སྐར་ཁུང་འདོད་སྣམ་དང་ཀ་བ་ཕྱི་ནང་གི་ཁྱམས་ལ་སོགས་གཞལ་ཡས་ཁང་གི་ཚད་དང་མཚན་ཉིད་ཐམས་ཅད་ཡོངས་སུ་རྫོགས་པ། ཕྱི་ལ་དུར་ཁྲོད་བརྒྱད་ཀྱི་བཀོད་པ་དང་། དེའི་མཐའ་ལ་རིན་པོ་ཆེ་སྣ་ལྔའི་ལྕགས་རིས་ཡོངས་སུ་བསྐོར་བ། ཕྱོགས་བཞིར་སྒོ་བཞི་སྒོ་མ་དང་བཅས་རང་བྱུང་ལྷུན་གྲུབ་ཆེན་པོར་སྣང་བའོ། །གཞལ་ཡས་ཁང་གི་དབུས་སུ་ཆོས་འབྱུང་དམར་པོ་ཉིས་བརྩེགས་ཀྱི་སྟེང་དུ། སྐྱོན་གྱིས་མ་གོས་པའི་པདྨ་སྟོང་ལྡན། སྐྱོན་ཐམས་ཅད་དང་བྲལ་བའི་ཉི་མའི་དབུས་སུ་འཇིགས་བྱེད་དུས་མཚན་ཕོ་མོ་དམར་ནག་གན་རྐྱལ་དང་ཁ་སྦུབ་པའི་གདན་གྱི་སྟེང་དུ། དུས་གསུམ་རྒྱལ་ཀུན་བསྐྱེད་ཡུམ་རྣམ་ཀུན་མཆོག་ལྡན་རྡོ་རྗེ་བཙུན་མོ་མཁའ་སྤྱོད་རྣལ་ བྃ༔ འབྱོར་དབང་མོ་མཚན་དཔེ་རྣམ་པར་དག་ཅིང་བཞུགས་པའི་མཐའ་བསྐོར་དུ། རྡོ་རྗེ་མཁའ་འགྲོ་བདེ་ཆེན་དཀར་མོ་ལ་རྡོ་རྗེ་རིགས་ཀྱི་ཌཱཀྐིའི་ཚོགས་དང་། རིན་ཆེན་མཁའ་འགྲོ་སེར་མོ་དོན་གྲུབ་མ་ལ་རིན་ཆེན་རིགས་ཀྱི་མཁའ་འགྲོའི་ཚོགས་དང་། པདྨ་མཁའ་འགྲོ་དམར་མོ་སྒྲ་སྒྲོགས་མ་ལཔདྨ་རིགས་ཀྱི་ཌཱཀྐིའི་ཚོགས་དང་། ཀརྨ་མཁའ་འགྲོ་སྣ་ཚོགས་མཐར་ཕྱིན་མ་ལ་ལས་ཀྱི་རིགས་ཀྱི་མཁའ་འགྲོའི་ཚོགས་དང་། གནས་ཡུལ་དུར་ཁྲོད་རྣམས་ཀྱི་མཁའ་འགྲོ་མབྱེ་བ་འབུམ་གྱིས་བསྐོར་བ། དེ་དག་ཐམས་ཅད་ཀྱི་གསང་སྔགས་ཆོས་ཀྱི་དགའ་སྟོན་ལ་རོལ་ཞིང་འོད་ཟེར་སྤྲོ་བསྡུ་ཆེན་པོའི་དབང་དང་བདེ་སྟོང་ཡེ་ཤེས་ཀྱི་རོལ་པ་ཆེན་པོར་འབྱམས་ཀླས་པའི་ངང་ནས་ཟག་མེད་ཡེ་ཤེས་ཀྱི་བདུད་རྩིའི་ཚོགས་ཀྱི་འཁོར་ལོས་རྒྱལ་བ་ཐམས་ཅད་ཀྱི་སྐུ་གསུང་ཐུགས་ལ་དགྱེས་པའི་མཆོད་པ་འབུལ། སྐལ་ལྡན་གསང་སྔགས་ཚུལ་བཞིན་སྤྱོད་པའི་རྣལ་འབྱོར་རྣམས་ལ་ཐུགས་རྒྱུད་ཡེ་ཤེས་ཆེན་པོའི་བྱིན་རླབས་ཀྱིས་སེམས་ཅན་རྣམས་ལ་བརྩེ་བ་ཆེན་པོའི་འོད་ཟེར་གྱིས་གཟིགས་ནས། གདུལ་བྱའི་ཁམས་དབང་དང་མཐུན་པའི་སྤྲུལ་པ་ཡེ་ཤེས་སྒྱུ་མའི་འཕྲུལ་གྱིས་གང་ལ་གང་འདུལ་དུ་སྟོན་ཅིང་འབྲེལ་ཚད་རྣམ་པར་གྲོལ་བའི་ས་ལ་འགོད་པར་ མཛད་དོ། །བར་ཁང་ལ་དཔལ་བདེ་མཆོག་འཁོར་ལོའི་དཀྱིལ་འཁོར་ལ་རྒྱུད་སྡེ་ཡི་དམ་གྱི་ལྷ་ཚོགས་རྣམས་ཀྱིས་བསྐོར་ནས་བཞུགས་པ་ལ་རང་རང་རིགས་ཀྱི་འཁོར་དང་ཆོས་དང་མཛདཔ་དང་བཅས་པ་མཐའ་ཡས་སོ། །སྟེང་གི་ཐོག་ཕུབ་ཀྱི་འོག་ཏུ་རྒྱལ་བ་ཀུན་གྱི་མེས་པོ་གདོད་མའི་མགོན་པོ་ཆོས་སྐུ་རྡོ་རྗེ་འཆང་ཆེན་ལ་ཆོས་སྐུའི་སངས་རྒྱས་ཇི་སྙེད་པས་བསྐོར་ཞིང་བཞུགས་པ་དང་། གཞལ་ཡས་ཁང་གི་ནང་ཁྱམས་སུ་གྲུབ་པའི་དབང་ཕྱུག་ཆེན་པོ་ན་རོ་པ་དང་དྲིལ་བུཔ་བིར་ཝ་པ་ནག་པོ་སྤྱོད་པ་ལ་སོགསགྲུབ་ཆེན་བརྒྱད་ཅུ་དང་། གཞན་ཡང་རིག་འཛིན་གྲུབ་པའི་དབང་ཕྱུག་དུ་མ་བཞུགས་པ་དང་། ཕྱི་ཁྱམས་སུ་དཔའ་བོ་རིགས་བཞི་དཔའ་མོ་རིགས་བཞི་གནས་དང་ཡུལ་གྱི་དཔའ་བོ་དང་དཔའ་མོ་མང་པོས་ཚོགས་ཀྱི་མཆོད་པ་རྒྱ་ཆེན་པོ་བཤམས་ཤིང་ཟག་མེད་ཀྱི་བདུད་རྩིར་རོལ་ཞིང་། གསང་སྔགས་ཀྱི་ཆོས་ཚུལ་དུ་མས་བསྒྲོ་གླེང་མཛད་ཅིང་། ཐུགས་རྗེས་འགྲོ་བའི་ཁམས་ཡོངས་སུ་ཁྱབ་ཅིང་བཞུགས་པའོ། །དེ་ལྟར་སྟོན་པ་དང་འཁོར་གྱི་རྣམ་པར་ཤར་བ་རྣམས་ཀྱང་སོ་སོར་མ་འདྲེས་ཤིང་གསལ་བ། མཁྱེན་བརྩེ་ནུས་པའི་བདག་ཉིད་གསང་གསུམ་རྡོ་རྗེའི་རང་བཞིན་མི་ཟད་པ་རྒྱན་གྱི་འཁོར་ལོའི་རྣམ་པར་བཞེངས་ནས། འགྲོ་བ་རྣམས་ལ་ཐུགས་ བྃ༔ རྗེ་ཡེ་ཤེས་ཆེན་པོའི་ངང་ནས་བུ་གཅིག་ལྟར་བརྩེ་ཞིང་། གསུང་དབྱངས་ཡན་ལག་དྲུག་ཅུས་ཁམས་དབང་མོས་པ་དང་མཐུན་པས་གང་ལ་གང་འདུལ་དུ་སྟོན་ཅིང་། དབྱིངས་དང་ཡེ་ཤེས་གཉིས་སུ་མེད་པའི་ཀློང་དུ་རྟག་ཁྱབ་ལྷུན་གྲུབ་ཆེན་པོར་བཞུགས་པར་སྣང་ངོ་། །བདག་གིས་ལུས་གཅིག་ལ་སྣང་བ་དག་མ་དག་གཉིས་སུ་སྣང་བ་འདི་ཅི་ཡིན་སྙམ་ནས་གཙཽ་མོ་ལ་འདི་སྐད་གསོལ། ཨེ་མ་ཧོ། རྒྱལ་ཀུན་བསྐྱེད་ཡུམ་གསང་བ་ཡེ་ཤེས་དབྱིངས། །རྣམ་ཀུན་མཆོག་ལྡན་རྡོ་རྗེ་རྣལ་འབྱོར་དང་། །རིགས་ལྔའི་ཌཱཀྐི་རྒྱལ་དང་རྒྱལ་སྲས་བཅས། །སྟོན་འཁོར་ཐ་མི་དད་པར་དབྱིངས་ཀྱི་ཀློང་། །མ་འདྲེས་སོ་སོར་གསལ་ཞིང་འོད་དུ་འབར། །ཞིང་དང་གཞལ་ཡས་བཀོད་པ་རབ་འབྱམས་ཀྱིས། །ཡོན་ཏན་དུ་མས་བརྒྱན་པར་ལྷུན་གྱིས་གྲུབ། །ངོ་མཚར་རྟེན་དང་བརྟེན་པར་བཅས་པ་རྣམས། །གདོས་བཅས་ཆུ་བུར་མིག་གིས་ཅིའི་ཕྱིར་མཐོང་། །དག་དང་མ་དག་གཉིས་སྣང་དུས་གཅིག་ཏུ། །འབྱུང་བའི་རྒྱུ་རྐྱེན་གང་ལགས་བསྟན་དུ་གསོལ། །བདག་ནི་འདི་ནས་སྐྱེ་བ་ཐམས་ཅད་དུ། །རྡོ་རྗེ་རྣལ་འབྱོར་མཁའ་སྤྱོད་དབང་མོ་ཡི། །དགྱེས་པའི་ཞལ་བསྟན་གསུང་གིས་དབུགས་དབྱུང་ནས། །ཕྱག་ གིས་བཟུང་སྟེ་ཞིང་མཆོག་འདི་ཉིད་དུ། །སྟོན་འཁོར་དགོངས་པ་དབྱེར་མེད་སངས་རྒྱས་ཤོག །སླར་ཡང་གདུལ་བྱའི་མོས་ངོར་གང་འདུལ་གྱི། །སྤྲུལ་པ་དུ་མས་འགྲོ་དོན་མཐར་ཕྱིན་ཏེ། །པད་འབྱུང་ཡབ་ཡུམ་ཐུགས་བཞེད་བཀའ་བསྒོས་བཞིན། །མ་ལུས་བདག་གིས་ཡོངས་སུ་འགྲུབ་པར་ཤོག །བཟང་ངན་ལས་ཀྱིས་འབྲེལ་བའི་སྐྱེ་འགྲོ་ཀུན། །འཁོར་བར་མི་གནས་མྱ་ངན་འདས་མི་གནས། །རྣམ་ཀུན་མཆོག་ལྡན་དོན་གྱི་ཕག་མོ་དང་། །དབྱེར་མེད་ནང་གསལ་འོད་སྐུར་གྲོལ་བར་ཤོག །མདོར་ན་བདག་གི་མཐོང་ཐོས་རེག་པ་དང་། །གཏམ་གྱིས་འབྲེལ་དང་རླུང་རྫི་ཕོག་པ་ཡན། །ངོ་མཚར་དག་ཞིང་འདི་རུ་སྐྱེ་ནུས་པས། །ལྷག་བསམ་དག་པའི་སྨོན་འདུན་ཡིད་བཞིན་དུ། །མཆོག་གསུམ་བདེན་པའི་མཐུ་ཡིས་འགྲུབ་པར་ཤོག །ཅེས་གསོལ་བ་བཏབ་པ་དང་མཉམ་དུ་གཙོ་མོ་དང་ཐ་མི་དད་པའི་རྣམ་རོལ་མཁའ་འགྲོ་དམར་མོ་སྒྲ་སྒྲོགས་མའི་སྐུ་ཡིས་གར་བསྒྱུར་ཏེ་འདི་སྐད་གསུངས། ཀྱེེ། རིགས་ཀྱི་བུ་མོ་ཁྱོད་ཀྱིས་ལེགས་པར་ཉོན་ཅིག །ཞིང་འདི་ནི་ཁྱོད་ཀྱིས་ཡེ་ཤེས་ཀྱི་གསང་ལམ་ནས་མཇལ་བ་ཡིན་པས་ཆུ་བུར་མིག་གིས་མཐོང་བ་མ་ཡིན་ནོ། །ཅིའི་ཕྱིར་ཞེ་ན་ཁྱོད་ཟག་པ་ཟད་པའི་སྟོབས་ཀྱིས་སྒོ་གཉིས་འཆར་ བྃ༔ ལུགས་དྲུག་དང་བཅས་པ་ཡེ་ཤེས་དག་པའི་གཟིགས་ངོར་སྣང་བ་ཡིན་ནོ། །ཞིང་འདི་ནི་བདེ་བར་གཤེགས་པ་རྡོ་རྗེ་ཆོས་དང་། མཁའ་སྤྱོད་དབང་མོ་ལ་སོགས་པའི་རྒྱལ་བ་སྲས་དང་བཅས་པས་ཐུགས་རྗེའི་ཡེ་ཤེས་ལས་གྲུབ་པའི་ཞིང་ཁམས་ཁྱད་པར་ཅན་རང་བཞིན་རྣམ་པར་དག་པའི་གནས་མཆོག་དམ་པ་འདི་ལ་ཕྱོགས་བཅུའི་སངས་རྒྱས་རྣམས་ཀྱིས་ཀྱང་བསྔགས་པར་བརྗོད་ཅིང་མེ་ཏོག་ཕུལ་བའི་གནས་སུ་གྱུར་པ་དང་། གྲུབ་པའི་དབང་ཕྱུག་རིག་པ་འཛིན་པ་རྣམས་ཀྱི་ཡེ་ཤེས་ཀྱི་སྤྱན་གྱིས་གཟིགས་ནས་མཆོག་གི་དངོས་གྲུབ་བརྙེས་ཤིང་སྒྱུ་ལུས་འོད་ཀྱིསྐུ་རུ་སངས་རྒྱས་པ་ཡིན་ནོ། །དེས་ན་ཕྱི་རབས་ཀྱི་རིགས་ཀྱི་བུ་དང་བུ་མོ་གང་དག་སྐལ་བ་དང་ལྡན་པ་རྣམས་ཀྱིས་ཞིང་ཁམས་འདི་ཡི་ཡོན་ཏན་དྲན་ཅིང་ལྷ་ཚོགས་རྣམས་ལ་མི་ཕྱེད་པའི་དད་པ་བརྟན་པའི་སྒོ་ནས་ཕྱག་འཚལ་བ་དང་། མཆོད་པ་འབུལ་བ་དང་། སྡིག་པ་བཤགས་པ་དང་། དགེ་བའི་རྩ་བ་ལ་རྗེས་སུ་ཡི་རང་བ་སོགས་བསོད་ནམས་ཀྱི་ཚོགས་རྒྱ་ཆེན་པོ་བསགས་པ་དང་། ཐབས་བསྐྱེད་པའི་ལམ་དང་། ཤེས་རབ་རྫོགས་པའི་རིམ་པ་སྲོག་རྩོལ་ལ་བསླབ་ཅིང་ཏིང་