Tibetan
་ལས་ཀྱང་ལྷག༔ ལྷ་མཆོག་རྡོ་རྗེ་སེམས་དཔའ་ལ༔ ལུང་ཞུས་མ་འོངས་འགྲོ་བའི་དོན༔ ཡི་གེར་བཏབ་ནས་གཏེར་དུ་སྦས༔ ལས་འཕྲོ་ཅན་དང་འཕྲད་པར་ཤོག༔ ས་མ་ཡཱ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ གཉན་རྒྱ༔ གཏད་རྒྱ༔ ས་མ་ཡཱ༔ རྒྱ་རྒྱ་རྒྱ༔ བདག་སྤྲང་བན་ཉི་མ་གྲགས་པས་གངས་རིའི་རྒྱལ་པོ་ཏེ་སེ་ནས་གདན་དྲངས་ཤིང་ཕུག་ནག་བདེ་བ་ཆེན་པོར་ཤོག་སེར་ལས་ཕབ་པའོ། །མངྒ་ལཾ།། །། རྡོར་སེམས་་ལས་མཐའ་འགྲོ་དོན་ཟླ་བ་མཐོང་གྲོལ། བཀའ་རྫོགས་པ་ཆེན་པོ་བླ་མ་བདེ་མཆོག་འཁོར་ལོ་ལས༔ རྡོ་རྗེ་སེམས་དཔའི་ལས་མཐའ་འགྲོ་དོན་ཟླ་བ་མཐོང་གྲོལ་བཞུགས༔ དཔལ་ཧེ་རུ་ཀཿལ་ཕྱག་འཚལ་ལོ༔ དུས་ཀྱི་ཐ་མ་རྩོད་ལྡན་ལ༔ ཆོས་ལ་མི་སྤྱོད་སྡིག་བཞིན་བསྒྲུབ༔ འབྲས་བུ་དམྱལ་ཁམས་སྡུག་རེ་བསྔལ༔ མི་ཚེ་ཡུད་ཙམ་སྐད་ཅིག་ལ༔ རྟག་འཛིན་འདི་ཕྱི་བརྗེ་རྣམས་འགྱོད༔ དེ་ཚེ་སྐྱེ་འགྲོ་ཐམས་ཅད་ནི༔ སྐྱབས་མེད་ངན་སོང་གླིང་གསུམ་འཁྱམས༔ སེམས་བསྐྱེད་ལྡན་པའི་རྣལ་འབྱོར་པས༔ བྱ་སླ་དོན་ཆེ་ཚེགས་ཆུང་བའི༔ མཐོང་གྲོལ་ཟླ་བའི་འགྲོ་དོན་འདི༔ པདྨས་ཕྱི་རབས་དོན་དུ་བརྗོད༔ ས་མ་ཡཱ༔ རྒྱ་རྒྱ་རྒྱ༔ དེ་ལ་ཟླ་བ་མཐོང་གྲོལ་གྱི་འགྲོ་དོན་ལ་འཇུག་པར་འདོད་པའི་རྣལ་འབྱོར་པས༔ སྔོན་འགྲོ་དངོས་གཞི་རྗེས་གསུམ་གྱིས་ཉམས་སུ་བླང་བར་བྱའོ༔ ས་མ་ཡཱ༔ རྒྱ་རྒྱ་རྒྱ༔ དེ་ལ་སྔོན་དུ་འགྲོ་བའི་རིམ་པ་ནི༔ སྐྱབས་སེམས་སྔོན་ཏུ་བཏང་ནས་ཁྲུས་བྱས་བདེ་བའི་གདན་ལ་འདུག་སྟེ༔ རབ་ཤེལ་འབྲིང་དངུལ་ཐ་ནའང་འོད་པོ་ཆེའི་མེ་ལོང་ལག་མཐིལ་ལྟར་སྙོམས་ཤིང་ཚད་དང་ལྡན་པ་ཞིག་ལ༔ ག་པུར་གྱིས་སྦྱངས་པའི་ཆུ་ནང་དུ་ཤེལ་ཀ་ར་ཚྭ་ཚོད་དང་༔ དུང་གི་ཕྱེ་མ་སྡོར་ཚོད་བཏབ་སྟེ༔ ལེགས་པར་བསྲུབས་པའི་ཁུ་བས་དཔལ་རྡོ་རྗེ་སེམས་དཔའ་སྒྲུབ་གཞུང་དང་མཐུན་པར་བྲི༔ སྐུའི་མཐའ་བསྐོར་དུ་ཡི་གེ་བརྒྱ་པའི་གཟུངས་སྔགས་དང་འདོད་གསོལ་འདི་ལྟར་བྲི་བར་བྱ༔ ཨེ་མ་ཧོ༔ ཐུགས་རྗེའི་རང་བཞིན་འགྲོ་བའི་དཔལ༔ སངས་རྒྱས་ཀུན་འདུས་རྡོ་རྗེ་སེམས༔ བཅོ་ལྔའི་ཉ་རྒྱས་ཐུགས་རྗེའི་ཞལ༔ འོད་ཀྱིས་ཁྱབ་པའི་འགྲོ་བ་རྣམས༔ ངན་སོང་གསུམ་གྱི་སྒོ་ཁེགས་ནས༔ མངོན་པར་དགའ་བའི་ཞིང་ཁམས་སུ༔ འགྲོ་བ་མ་ལུས་སྐྱེ་བར་ཤོག༔ ཅེས་བྲི་ལྷག་ཆད་མེད་པར་བྱ༔ ས་མ་ཡཱ༔ རྒྱ་རྒྱ་རྒྱ༔ དེ་ནས་དངོས་གཞིའི་རིམ་པ་ནི༔ དམིགས་པའི་གབ་ཏིག་སྒྲུབ་གཞུང་བསྟུན༔ མེ་ལོང་དར་དཀའ་དྲིལ་བྱས་ནས༔ བུམ་པའི་སྟེང་བཞག་བསྙེན་ཚད་བསྐྱལ༔ ས་མ་ཡཱ༔ རྒྱ་རྒྱ་རྒྱ༔
Chinese
甚至超越了（这些）。向至尊天神金刚萨埵祈请，为了未来众生的利益，写成文字并埋藏为伏藏，愿与具缘者相遇。萨玛雅，印印印。伏藏印，埋藏印，甚深印，严厉印，交付印。萨玛雅，印印印。我，流浪的僧人尼玛扎巴，从雪山之王冈底斯山迎请，并在黑岩大乐洞中从黄纸上抄录下来。吉祥！吉祥！
English
Even more than these. To the supreme deity Vajrasattva, I requested instructions for the benefit of future beings. Having written it down, it was concealed as treasure. May it meet with those who have karmic connection. Samaya. Seal, seal, seal. Treasure seal, concealment seal, profound seal, powerful seal, entrustment seal. Samaya. Seal, seal, seal. I, the wandering monk Nyima Drakpa, invited (this teaching) from Mount Kailash, the king of snow mountains, and transcribed it from yellow paper in the great bliss cave of Phuk Nak. Mangalam! Mangalam!