Tibetan
རིང་མིན་མྱུར་བ་ཉིད་དུ་ཐོབ་པར་ཤོག ། ཅེས་སྙེ་ནམ་གནས་པོ་དད་པ་ཅན་ཀརྨ་བཟང་པོ་གང་གི་གསོལ་བ་བཏབ་པའི་ངོར་རིག་པ་འཛིན་པ་ཚེ་དབང་ནོར་བུས་ཆུ་སྤྲེལ་ནག་ཟླའི་དཀར་ཕྱོགས་ཀྱི་རྒྱལ་བ་དང་པོ་ལ་སྨྲས་པའོ། ། ༈ གསོལ་འདེབས་མཁའ་ཁྱབ་འགྲོ་བ། ཨོཾ་སྭཱསྟི། མཁའ་ཁྱབ་འགྲོ་བ་ཀུན་གྱི་ཉེར་འཚོའི་དཔལ། །མཁའ་ལྟར་བརྡལ་བ་ཚད་མེད་ཐུགས་རྗེ་སེམས། །མཁའ་དབྱིངས་ཡོངས་ཁེངས་རྒྱལ་བ་སྲས་བཅས་ཀྱིས། །མཁའ་ཀློང་དབྱིངས་སུ་དབྱེར་མེད་རྡོ་རྗེ་སེམས། །དོན་དམ་རྡོ་རྗེ་ཡེ་ཤེས་རྒྱལ་ཀུན་དངོས། །དམིགས་མེད་སྙིང་རྗེ་སེམས་དཔའ་ཡེ་ཤེས་སྐུ། །རྟག་བརྟན་འགྱུར་མེད་བདེ་ཆེན་ཧེ་རུ་ཀ །སྤྱོད་འཆང་ནམ་མཁའ་སྙིང་པོར་གསོལ་བ་འདེབས། །གང་སྐུ་རྣམ་པ་ཐམས་ཅད་འགྲོ་བའི་དོན། །ཚད་མེད་སྒྱུ་འཕྲུལ་རོལ་གར་ཅིར་ཡང་བསྒྱུར། །དུས་འདིར་བདག་ཅག་འདྲེན་པ་འཁོར་ལོའི་མགོན། །དཔལ་ལྡན་རྩ་བའི་བླ་མར་གསོལ་བ་འདེབས། །གང་གི་རྨད་བྱུང་ཐུགས་རྗེ་ལྕགས་ཀྱུ་ཡིས། །བདག་སོགས་གདུལ་བྱའི་སྙིང་ནས་ཉེར་བཟུང་ནས། །འཁོར་བའི་རྒྱ་མཚོ་ཆེ་ལས་ཡོངས་བསྒྲལ་ཏེ། །གཏན་བདེ་བྱང་ཆུབ་ས་ལ་དྲོངས་མཛད་ཀྱཻ། བདག་ནི་ཚེ་རབས་ཚེ་རྒྱུད་ཐམས་ཅད་དུ། །འཁྲུལ་མེད་དཔལ་མགོན་བླ་མས་རྗེས་སུ་བཟུང་། །དེ་དགྱེས་ལས་སྤྱོད་སྔགས་ཀྱི་ས་ལམ་རྫོགས། །རིང་མིན་རྡོར་སེམས་གོ་འཕང་ཐོབ་བྱིན་རློབས། ། ཞེས་གངས་རི་ཆེན་པོ་ཏི་སེའི་ནུབ་ཕྱོགས་བོད་ཡུལ་གྱི་སྟོད་མར་ཡུལ་རྫོགས་པའི་མཐའ། འབྲུ་ན་དང་སྟོད་ཧོར་གྱི་མཚམས་ནུབ་ར་མགོན་པོའི་སྐུ་བརྙན་རང་བྱུང་མཆོག་ཏུ་གསལ་ཞིང་ལྷ་སྟོང་ཡང་འོད་ཟེར་གྱི་ཕྲེང་བ་རྟག་ཏུ་འཕྲོ་བའི་ངོགས་མགོན་ཅིག་རྩེ་ཡི་བླ་མ་སྒྲུབ་པོ། དཔེའུ་རིང་ངམ་བཀའ་རྒྱུད་ཆོས་འཕེལ་རྒྱ་མཚོས་གསོལ་བ་བཏབ་པའི་ངོར་དཔལ་རིག་པས་འཛིན་པ་དཔལ་གདོང་ཆུ་བྱ་སྟོད་ཟླ་བའི་མར་ཕྱོགས་མཁའ་འགྲོ་འདུ་བའི་དུས་ཐོབ་པ་གཉིས་པར་ཧེ་མི་སྐྱེད་ཚལ་དུ་སྨྲས་པ་དགེའོ། །སརྦ་མངྒ་ལཾ། ༈ གསོལ་འདེབས་རབ་འབྱམས་རྒྱལ་བ། ཨོཾ་སྭཱསྟི། རབ་འབྱམས་རྒྱལ་བ་མ་ལུས་ཐམས་ཅད་ཀྱི། །ཐུགས་རྗེས་བྱིན་རླབས་གཅིག་ཏུ་འདུས་པའི་དཔྱིད། །མཚན་ཉིད་ཀུན་ལྡན་རྡོ་རྗེ་སློབ་དཔོན་ཏེ། །དེ་ལྟར་ཚེ་རབས་རྟག་ཏུ་རྗེས་འཛིན་ཤོག །མཐའ་ཡས་འགྲོ་བའི་དཔའ་བོ་རུ། །གྲངས་མེད་བསྐལ་པའི་སྔོན་ནས་ནམ་བཅས་ནས། །ད་ལྟ་སྙིགས་དུས་འགྲོ་འདུས་འདྲེན་པ་རུ། །སྐྱེ་བའི་སྲིད་པ་འཛིན་དེར་གསོལ་བ་འདེབས། །འཕགས་པའི་སར་གནས་སྨོན་
Chinese
愿不久迅速获得成就！这是应聂南的虔诚居士噶玛桑波的祈请，持明者策旺诺布在水猴年黑月上半月的初一所说。
English
May it be attained quickly without delay! This was spoken by the Vidyadhara Tsewang Norbu on the first day of the waxing fortnight of the dark month in the Water Monkey year, at the request of the devout householder Karma Zangpo of Nyenam.