Tibetan
ནམ་མཁའ་མཛོད་དུ་སྤེལ༔ རང་ཉིད་ཡི་དམ་ལྷ་རུ་གསལ༔ ཟོ་དོར་གཉན་པོ་དྲན་བྱས་ནས༔ ཀྱེེ༔ཿ ཡུལ་ནི་གསེར་ལུང་སྟོད་ཀྱི་ཆར༔ དགྲ་བླ་སྟག་གཡག་འགྱིང་བའི་སར༔ ཟངས་ལྕགས་འདྲེས་པའི་སྐུ་མཁར་ནང་༔ གཤིན་རྗེའི་ཕོ་ཉ་ནག་པོ་ཆེ༔ ཆིབས་སུ་སྟག མོ་རི་བཀྲ་བཅིབས༔ རིན་ཆེན་གསེར་གྱི་སྒ་ཆ་འཛོམ༔ གཟིག་ལྤགས་རློན་པའི་ན་བཟའ་གསོལ༔ ཕྱག་གཡས་རལ་གྲི་འབར་བ་ཕྱར༔ གཡོན་པས་དབང་གི་ལྕགས་ཀྱུ་འཛིན༔ དབུ་ལ་རིན་ཆེན་པྲོག་ཞུ་མནབ༔ སྦྲུལ་རིགས་ལྔ་ཡི་ཐོད་ཆིང་དཀྲིས༔ བྲང་དང་རྒྱབ་གཞུང་སྲུང་བའི་སྐྱབས༔ སྣ་ཚོགས་རྡོ་རྗེ་རྒྱ་གྲམ་འབར༔ དེ་ལ་དར་གྱི་དཔྱངས་པ་འཕུར༔ ཕྱི་ལྟར་གཏེར་རི་གཡུ་རྩེ་ཞེས༔ ནང་ལྟར་གནོད་སྦྱིན་ཛམ་བྷ་ལ༔ གསང་བ་གཤིན་རྗེ་སྲོག་བདག་ནག༔ སྔོན་ཚེ་བསྐལ་པ་དང་པོ་ལ༔ ཁྲག་འཐུང་རྡོ་རྗེ་གཤོག་རྒོད་ཀྱིས༔ དམ་ བཏགས་དབང་བསྐུར་མཚན་ཡང་གསོལ༔ ལས་མྱུར་རྡོ་རྗེ་སྤུ་གྲི་རྩལ༔ བསང་མཆོད་གནས་འདིར་གཤེགས་སུ་གསོལ༔ ཏིང་འཛིན་སྒྱུ་འཕྲུལ་དྲྭ་བ་ཡིས༔ བསྐྲུན་པའི་འདོད་ཡོན་ནམ་མཁའ་མཛོད༔ སྤེལ་བྱེད་བསང་གི་མཆོད་པ་འབུལ༔ བཤད་སྒྲུབ་བསྟན་པའི་མངའ་ཐང་སྤེལ༔ ཀྱེེ༔ ལས་མྱུར་རྡོ་རྗེ་དྲག་པོ་རྩལ༔ ཀླུ་ལྕམ་ཡུམ་དང་བཅས་པ་བསང་༔ ཡབ་རྗེ་རྔ་ལ་སྟག་རྩེཿ མ་ནི་དངུལ་ཆུའི་ཀླུ་མཚོ བླ་མཆོད་ལ་ཀོར་གསེར་ཐང་སྐྱབས་མགོན་དབང་ཕྱུག་ཆེན་པོཿ མེས་པོ་འབྲོང་རི་སྨུག་པོ༔ ཞང་པོ་སྡོང་ར་དཀར་པོཿ དམག་དཔོན་ལྷ་རི་རྣོན་པོ༔ གཟི་ལྡན་བྲག་ལྷ་དཀར་པོཿ དཀོར་མཛོད་སིལ་བའི་ཏིལ་དཀར༴ སྣ་འདྲེན་བྲག་དམར་རལ་གྲིཿ ཕྱུགས་རྫི་མེ་ལྕེ་གློག་དམར མགར་བ་བྲག་ལྷ་གཏུམ་པོ༔ སོ་མཁན་སྒོ་ཐུང་མྱུར་ལྡནཿ སྒོ་སྲུང་མཁར་ལྡིང་གསེར་མིགཿ བློན་ཆེན་རྫ་བཀྲ་ལྷུན་པོ་བསང་༔ གཞན་ཡང་དེ་དང་དེ་འཁོར་གྱི༔ གཉན་དང་ཀླུ་བཙན་བདུད་སྨན་ཕྲན༔ བརྒྱ་དང་སུམ་ཅུའི་ཚོགས་རྣམས་བསང་༔ རྣལ་འབྱོར་ཡང་ན་དཔོན་སློབ་ཅེས་ཁ་བསྒྱུར་བདག་ཅག་འཁོར་བཅས་ཀྱི༔ དགོན་གནས་ཆོས་སྡེ་འདི་ཉིད་ཀྱི༔ མདུན་རྒྱབ་གཡས་གཡོན་ཕྱོགས་ ག༔ མཚམས་ལ༔ གནས་པའི་ས་བདག་སྡེ་བརྒྱད་བསང་༔ བསླུ་མེད་མཆོག་གསུམ་ཐུགས་རྗེ་དང་༔ བདེན་པ་གཉིས་ཀྱི་བདེན་སྟོབས་དང་༔ བསང་ཁྲུས་གཉན་པོའི་རྟེན་འབྲེལ་གྱིས༔ འགོ་ཞིང་སྐྱོབ་པའི་ལྷ་སྲུང་དང་༔ སྡོང་གྲོགས་བྱེད་པའི་གཞི་བདག་རྣམས༔ བཀྲ་ཤིས་དཔལ་འབར་དགའ་བདེ་དང་༔ མཐུ་རྩལ་མྱུར་མགྱོགས་སྟོབས རྒྱས་ནས༔ དབང་ཕྱུག་བརྒྱ་བྱིན་ཚོགས་བདག་བཞིན༔ ལེགས་པའི་ཡོན་ཏན་ཕུན་ཚོགས་ཤིང་༔ དེའི་མཐུས་བདག་ཅག་འཁོར་དང་བཅས༔ ཆོས་སྲིད་མངའ་ཐང་དགའ་བདེ་རྒྱས༔ རྫོགས་ལྡན་དུས་ཀྱི་བསྐལ་པ་བཞིན༔ ཕན་ཚུན་མཐུན་པའི་དགེ་རྒྱས་ནས༔ བདེ་ལེགས་རྒྱུ་འབྲས་ལྷུར་ལེན་ཅིང་༔ བཤད་སྒྲུབ་བསྟན་དང་བསྟན་འཛིན་སྡེ༔ མི་ནུབ་རབ་ཏུ་འཕེལ་རྒྱས་ཤོག༔ བསྟན་ལ་རྒོལ་བའི་བདུད་སྡེ་དཔུང་༔ མེ་སྟག་ཆུ་རུ་ཕོག་པ་ལྟར༔ རྗེས་ཤུལ་མེད་པར་ནུབ་པར་ཤོག༔ ས་མ་ཡ༔ དེ་ལྟར་བསང་མཆོད་བྱས་གྱུར་ན༔ དགེ་ལེགས་ཡོན་ཏན་གོང་འཕེལ་བྱེད༔ ཅེས་པ་འདི་ཡང་རྣལ་འབྱོར་པདྨ་རྒྱལ་ཚབ་དེའི་སློབ་འབངས་ཞིང་སྐྱོང་གཉིས་ཀྱིས་བསྐུལ་ངོར་ཁྲོ་ལོད་རྩལ་གྱིས་བྲིས་པའོ། །དགེའོ། །དགེའོ། །དགེའོ།། ྋ T11615 - 468 དག་སྣང་ཡེ་ཤེས་དྲྭ་བ་ལས༔ རྫ་རྒྱལ་རྡོ་རྗེ་འཕན་པོའི་སྒྲུབ་ཐབས་ནོར་བུའི་ཕྲེང་བ་བཞུགས་སོ༔ TI1615 - 469 ཨོཾཿ རྒྱགརྒྱ༔ ན་མོ་གུ་རུ་པདྨ་ཀ་ར་ཡེ༔ རྫ་རྒྱལ་རྡོ་རྗེ་འཕན་པོ་ཡི༔ སྒྲུབ་ཐབས་ནོར་བུའི་ཕྲེང་བ་ནི༔ སྒྲུབ་གཏོར་ནོར་བུའི་དབྱིབས་ཅན་ལ༔ དར་ཟབ་སྙིང་གིས་བརྒྱན་པར་བྱས༔ འཁོར་དུ་དམར་གཏོར་བཞི་ཡིས་བསྐོར༔ མཆོད་རྫས་འབྱོར་ཚོགས་བཤམས་ནས་སུ༔ ཨོཾ་ཨཱཿ ཧཱུྃ་གིས་བྱིན་གྱིས་བརླབས༔ ནམ་མཁའ་མཛོད་ཀྱི་སྔགས་རྒྱས་བཏབ༔ རང་ཉིད་ཡི་དམ་གང་རུང་གསལ༔ བྷྲུྃ་མདུན་དུ་རིན་པོ་ཆེ་སྣ་ཚོགས་ལས་གྲུབ་པའི་སྐུ་མཁར་རྒྱ་ཆེ་ལ་ཁྱོན་ཡངས་པ་དབྱིབས་མཛེས་ཤིང་བཀོད་ལེགས་པ༔ འདོད་ཡོན་སྣ་ཚོགས་ཆར་ལྟར་འབེབས་ཤིང་རི་ལྟར་སྤུང་བ༔ རྩི་ཤིང་ནགས་ཚལ་ལྟ་བུར་གྲངས་མང་ཞིང་ལྷུན T11615 - 470 ཐབས་ཨོཾཿ འཐུག་པའི་དབུས་སུ་བེེཿལས་རྫ་རྒྱལ་འཕན་ཕྱུག་མི་དཀར་རྟ་དཀར་ལ་བཅིབས་པ༔ མཛེས་སྒེག་གཞོན་ནུའི་ལང་ཚོ་ཅན༔ ཞི་འཛུམ་གཟི་འོད་འབར་བ༔ ཕྱག་གཡས་དར་མདུང་ཕྱར་ཞིང་གཡོན་པས་ཡིད་བཞིན་གྱི་ནོར་བུ་བསྣམས་པ་སྣང་སྲིད་དབང་དུ་སྡུད་ཅིང་ཟིལ་གྱིས་གནོན་པ༔ སྐུ་ལ་དར་དཀར་གྱི་གསང་གོས་དང་གསེར་ཁྲབ་གསོལ་ཞིང་དབུ་ལ་གསེར་རྨོག་གསོལ་བ༔ ཤར་དུ་གསོད་བྱེད་ཀྱི་རྒྱལ་མོ་མི་ཕམ་ཆེན་པོ་གཡས་རལ་གྲི་དང་གཡོན་པས་ལྕགས་ཀྱུ་བསྣམས་པ་རྒྱ་སྟག་དཀར་བཀྲ་ལ་བཅིབས་པ༔ ལྷོ་རུ་དཔལ་བསྐྱེད་ཀྱི་བདག་པོ TI1615 - 471 གནོད་སྦྱིན་གཏེར་བདག་སེར་པོ་གཡས་གཏེར་བུམ་དང་གཡོན་ནོར་སྐྱུག་བསྣམས་པ་གཡུ་འབྲུག་སྔོན་པོ་ལ་བཅིབས་པ༔ ནུབ་ཏུ་དབང་ཕྱུག་འགུགས་བྱེད་ཆེན་པོ་གཡས་ལྕགས་ཀྱུ་དང་གཡོན་ཞགས་པ་བསྣམས་ཤིང་ཆུ་སྲིན་ཁམ་པ་ལ་བཅིབས་པ༔ བྱང་དུ་བདུད་ཕོ་སྲོག་ལེན་ནག་པོ་གཡས་སྤུ་གྲི་དང་གཡོན་མདུང་ཐུང་བསྣམས་པ་བདུད་རྟ་ནག་པོ་ལ་བཅིབས་ཤིང་དགྲ་བོའི་སྲོག་དབུགས་སྡུད་པར་བསྐྱེད་དོ༔ དེ་ཡི་ཕྱི་རིམ་དུ་འཁོར་བྲེ་བོ་གཡག་ཞོན་ནོར་གྱི་བདག་པོ༔ བཙན་མཆོག་དམར་པོ་རྟ་ཡི་བདག་པོ་རྟ་དཀར་ལ་བཅིབས་པ༔ ཀླུ་རྒྱལ་མདངས་བཟང་ལུག་གི་བདག་པོ་ངང་པ་གསེར་ལྡན་ལ་བཅིབས་པ༔ བྲག་སྲིན་རྒྱལ་མོ་དཀོར་གྱི་བདག་མོ་བདུད་བྱ་ཕོ་རོག་ལ་ཞོན་པ་ལ་སོགས་པའི་བཀའ་འཁོར་སྟོང་གིས་བསྐོར་བར་བསྐྱེད་དོ༔ དེ་དག་གི་གནས་གསུམ་ལས་འོད་ཟེར་དཔག་ཏུ་མེད་པ་འཕྲོས་པས་རྫ་རྒྱལ་རྡོ་རྗེ་འཕན་ཕྱུག་འཁོར་དང་བཅས་པ་སྤྱན་དྲངས་ལ་བསྟིམ་མོ༔ དེ་ནས་སྤྱན་འདྲེན་པ་ནི༔ ཛཿ དམ་ཚིག་གཉན་གྱིས་རྒྱུད་བསྐུལ་ནས༔ རྫ་རྒྱལ་འཕན་ཕྱུག་འཁོར་དང་བཅས༔ སྒྲུབ་པའི་གནས་འདིར་གཤེགས་སུ་གསོལ༔ མ་གཡེལ་མ་འགྱངས་དམ་ཚིག་ཅན༔ བཛྲ་ས་མ་ཡ་ཛ་ཛཿ དེ་ནས་བཞུགས་སུ་ ཨོཾ༔ གསོལ་བ་ནི༔ ཛཿ རྫ་རྒྱལ་འཕན་ཕྱུག་འཁོར་དང་བཅས༔ རྣལ་འབྱོར་བདག་གི་གྲོགས་སུ་བཞུགས༔ ནོར་དང་གཡང་གི་ལྷ་རུ་བཞུགས༔ སངས་རྒྱས་ཆོས་ཀྱི་སྲུང་མར་བཞུགས༔ བཛྲ་ས་མ་ཡ་ཏིཥྛ་ལྷན༔ དེ་ནས་ཕྱག་འཚལ་ནི༔ བཿ ངོ་བོ་རྒྱལ་ཆེན་རྣམ་ཐོས་བུ༔ སྤྲུལ་པ་རྨ་རྒྱལ་སྤོམ་ར་ཆེ༔ ཡང་སྤྲུལ་རྫ་རྒྱལ་འཕན་པོ་ལ༔ བསྟན་པ་བསྲུང་ཕྱིར་ཕྱག་ཀྱང་འཚལ༔ ས་མ་ཡ་ཧོཿ དེ་ནས་མཆོད་པ་འབུལ་བ་ནི༔ ཧཱུྃ༔ བཀའ་སྲུང་དྲེགས་པ་འཁོར་བཅས་ལ༔ བཟའ་བཅའ་བཏུང་བ་ལྡག་གཞིབ་ཟས༔ དར་གོས་རས་སྣ་སྣ་ཚོགས་དང་༔ གོ་ཁྲབ་སྣ་ཚོགས་མཆོད་པ་འབུལ༔ སྟག་གཟིག་གཅན་གཟན་སྣ་ཚོགས་ལྤགས༔ རི་དྭགས་གཡུང་དྭགས་བྱ་རིགས་དང་༔ ཆུ་གནས་ལ་སོགས་གཟུགས་འགྲོས་རིགས༔ འདོད་ཡོན་ནམ་མཁའ་མཛོད་དུ་འབུལ༔ གསོལ་ལོ་མཆོད་དོ་དགྱེས་དགོངས་འཚལ༔ ལོངས་སྤྱོད་ནོར་གྱི་དངོས་གྲུབ་སྩོལ༔ མ་ཧཱ་ག་ཎ་སརྦ་པཱུ་ཛ་ཧོཿ དེ་ནས་བསྟོད་པ་བྱ་བ་ནི༔ བིཿ སྔོན་ཚེ་དེ་བཞིན་གཤེགས་པ་རིན་ཆེན་མང་༔ འགྲོ་བའི་དོན་མཛད་རྒྱལ་ཆེན་རྣམ་ཐོས་སྲས༔ ས་སྐྱོང་འཇིག་རྟེན་དྲེགས་པ་རྨ་སྤོམ་ར༔ སྤྲུལ་པའི་གཏེར་བདག་རྫ་རྒྱལ འཕན་ཕྱུག་ཆེ༔ བཀའ་སྡོད་འཁོར་འབངས་སྟོང་གི་དབུས་ན་ངོམས༔ ནོར་བདག་ཆེན་པོ་འཁོར་དང་བཅས་ལ་བསྟོད༔ དེ་ནས་སྔགས་བཟླས་པ་ནི༔ བསྟན་སྲུང་ཆེན་པོའི་ཐུགས་ཀར་སྲོག སྙིང་བེེཿསེར་པོའི་མཐར་སྔགས་ཀྱི་ཕྲེང་བས་བསྐོར་བར་བསྒོམ༔ བདག་གིས་བཟླས་པ་ཙམ་གྱིས་ཁོའི་གསང་སྔགས་རིག་སྔགས་གཟུངས་སྔགས་སྙིང་པོ་ཐམས་ཅད་འདི་ཁོ་ནར་གྱུར་ཏེ་བཟླས་པ་ཙམ་གྱིས་དམ་ཚིག་གཉན་པོའི་སྲོག་ཐོབ་ནས་ཕྲིན་ལས་མངོན་སུམ་དུ་བསྒྲུབ་པར་བསམ༔ བེེཿ ན་ཏྲི་ཙ་མ་ཧཱ་རཱ་ཛ་ཧཱུྃ༔ དེ་ནས་ནོར་སྡུད་པ་ལ༔ དང་པོ་དབང་དུ་བསྡུ་བ་ནི༔ བཿ ན་ཏྲི་ཙ་མ ཧཱ་རཱ་ཛ་ས་མ་ཡ་ནྲྀ་འགུལ་འགུལ་རྒྱུག་རྒྱུག༔ བྲིང་བྲིང་དུང་དུང་པཱ་ཤཾ་ཀུ་རུ་ཡེ་སྭཱ་ཧཱ༔ ནོར་སྤེལ་བ་ལ༔ བཻཿན་ཏྲི་ཙ་རཱ་ཛ་ས་མ་ཡ་སརྦ་བ་སུ་སིདྡྷི་སིདྡྷི་ཧཱུྃ༔ ཞེས་བཟླས༔ ནོར་བརྟན་པར་བྱེད་པ་ལ༔ བེེཿ ན་ཏྲི་ཙ་མ་ཧཱ་རཱ་ཛ་ས་མ་ཡ་སརྦ་རཏྣ་བ་སུ་པུཥྚིཾ་ཀུ་རུ་ཡེ་སྭཱ་ཧཱ༔ ཅི་མང་བཟླས༔ གཡང་འགུགས་བྱ་བ་ལ༔ ཧཱུྃ་ཛཿ ཨོ་རྒྱན་བཀའ་ཡི་སྲུང་མ་ཆེ༔ རྨ་རྒྱལ་སྤོམ་ར་གཉན་པོ་ཡི༔ ཐུགས་སྤྲུལ་རྫ་རྒྱལ་འཕན་པོ་ཁྱོད༔ སྤྲུལ་འཁོར་བཀའ་སྡོད་བཅས་པ་རྣམས༔ དམ་ཚིག་ཐུགས་དམ་གནད་ནས་བསྐུལ༔ བྱིན་ལྡན་ནོར་གྱི་ཕྱྭ་གཡང་ཁུག༔ བཅུད་ལྡན་ཟས་ཀྱི༴ ཨོཾཿ མགྱོགས་པ་རྟ་ཡི༴ གཡང་མོ་ལུག་གིཿ སྤུ་སྡུག་གནག་གིཿ ཞོལ་མོ་ར་ཡི༔ དབང་ཐང་བུ་ཡི༴ འབངས་སྡེ་འཁོར་གྱི༴ བཙན་ཕྱུག་འཕན་དརཿ མི་འཆི་ཚེ་ཡིཿ མི་འགྱུར་བརྟན་པའི༴ བཅོལ་བའི་ཕྲིན་ལས་གྲུབ་པར་མཛོད༔ དམ་ལ་མ་འདའ་ས་མ་ཡ༔ དེ་ནས་བསང་མཆོད་ནི༔ ཧཱུྃ༔ དངོས་སྤྲུལ་སྔགས་རྒྱ་ཏིང་འཛིན་གྱིས༔ རབ་སྤེལ་འདོད་ཡོན་ནམ་མཁའ་མཛོད༔ ལོངས་སྤྱོད་རྒྱན་གྱི་འཁོར་ལོ་ཡི༔ བསང་མཆོད་མི་ཟད་གཏེར་ཆེན་གྱིས༔ རྫ་རྒྱལ་རྡོ་རྗེ་འཕན་ཕྱུག་བསང་༔ ཡུམ་མཆོག་སྲིན་མོ་དྲག་ལྡན་བསང་༔༷ ཕོ་ཉ་ལས་མཁན་རྣམ་བཞི་བསང་༔ ལོངས་སྤྱོད་མཛོད་ཀྱི་བདག་པོ་བསང་༔ བཀའ་སྡོད་སྤྲུལ་འཁོར་འབངས་སྡེ་བསང་༔ དཔའ་མཁར་རླུང་རྟ་རྟེན་དུ་འབུལ༔ བསོད་ནམས་ནོར་དང་བཅུད་ལྡན་ཟས༔ ལོངས་སྤྱོད་ཕྱུག་དང་འབྱོར་ལྡན་དཀོར༔ མི་ཟད་གཏེར་གྱི་དངོས་གྲུབ་སྩོལ༔ དགྲ་བགེགས་གདུག་པ་ཚར་གཅོད་ཅིག༔ མ་གཡེལ་མ་འགྱངས་ས མ་ཡ༔ འདི་ཉིད་ཉམས་སུ་ལེན་པའི་མིའི༔ སྐད་ཅིག་འབྲལ་མེད་བྲན་ཁོལ་ཞིང་༔ ཕྲིན་ལས་སྒྲུབ་པར་ཐེ་ཚོམ་མེད༔ ས་མ་ཡ༔ རྒྱ་རྒྱ་རྒྱ༔ ༔ ཞེས་པ་འདི་ཡང་ཟླ་རྒྱུད་ཕྱོགས་ཀྱི་བླ་མ་དཀོན་བཀྲ་དང་ཀུན་བཟང་བསྟན་འཛིན་གཉིས་ཀྱིས་ བསྐུལ་ངོ་མ་ལྕོགས་པར་ཁྲག་འཐུང་བདུད་འཇོམས་དཔའ་བོས་དག་སྣང་ཡེ་ཤེས་དྲྭ་བ་ལས་བསྒྱུར་བའོ། །ཡི་གེ་པ་ནི་ཕུན་ཚོགས་བཀྲ་ཤིས་ཀྱིས་བགྱིས་པས་དུས་གསུམ་དུ་དགེ་བར་གྱུར་ཅིག དགེའོ །དགེའོ །དགེའོ །སརྦ་མངྒ་ལཾ། །། བདུད་འཇོམས་རྫ་རྒྱལ་འཕན་ཕྱུག 472 T11615 - 476 T11615 - 476 ཨོཾ༔ དག་སྣང་ཡེ་ཤེས་དྲྭ་བ་ལས༔ རྫ་རྒྱལ་རྡོ་རྗེ་དཔའ་བོའི་གསོལ་མཆོད་བསྡུས་པ་བཞུགས་སོ༔ སྐྱེམས་དང་གཏོར་ཚོགས་བཤམས་ནས་སུ༔ རང་ཉིད་ཡི་དམ་ལྷར་གསལ་ངང་༔ ཛཿ ཨོ་རྒྱན་ཆེན་པོ་པད་འབྱུང་གི༔ སྤྲུལ་པ་ཡང་སྤྲུལ་ཉིང་སྤྲུལ་གྱི༔ བཀའ་དང་དམ་ཚིག་གཉན་པོ་ཡིས༔ འབོད་དོ་གཤེགས་སོ་ཡུལ་ལྷའི་གཙོ༔ རྫ་རྒྱལ་འཕན་ཕྱུག་འཁོར་དང་བཅས༔ བདག་གི་སྲུང་མར་མངའ་གསོལ་ལོ༔ རིན་ཆེན་ནོར་དང་གོ་མཚོན་རིགས༔ དར་ཟབ་སྟག་གཟིག་གོས་རྒྱན་དང་༔ བཟའ་བཏུང་སྣ་ཚོགས་ཟས་ཀྱི་རིགས༔ གཟུགས་འགྲོས་འདོད་ཡོན་ཕུན་ཚོགས་ལ༔ དངོས་འབྱོར་ཡིད་ཀྱིས་རྣམ་སྤྲུལ་ཏེ༔ སྲུང་མ་གཉན་པོ་ཁྱེད་ལ་འབུལ༔ གསོལ་ལོ་མཆོད་དོ་དགྱེས་པར་དགོངས༔ ཚེ་འདིར་མི་འབྲལ་སྲུང་སྐྱོབ་མཛོད༔ བསོད་ནམས་ནོར་དང་དབང་ཐང་དཔལ༔ ཟད་མེད་གཏེར་གྱི་དངོས་གྲུབ་སྩོལ༔ མི་ནོར་འདོད་རྒུ་དབང་དུ་བསྡུས༔ རྒོལ་བའི་དགྲ་བོ་ཚར་ཆོད་ཅིག༔ དམ་ལ་མ་འདའ་ས་མ་ཡ༔༷ ཞེས་ཅི་མང་བརྗོད་ཅིང་ཕྲིན་ལས་བསྒྲུབ་པར་ཁས་བླངས་པར་བསམ༔ ས་མ་ཡ༔ རྒྱ་རྒྱ་རྒྱ༔ ཁ་ཐ༔ ཞེས་པ་འདི་ཡང་ཨོ་རྒྱན་མཚོ་སྐྱེས་རྡོ་རྗེས་ཁྲག་འཐུང་བདུད་འཇོམས་དཔའ་བོ་ལ་གདམས་པའོ། །དགེའོ། །སརྦ་མངྒ་ལཾ།། །། གསོལ་བསྡུསརྫ་རྒྱལ་ T11615 - 478 ཨོཾཿ རྫ་རྒྱལ་དཔའ་བོའི་གསོལ་མཆོད་བཞུགས༔ ན་མོ་གུ་རུ་པདྨ་ཀ་ར་ཡེ༔ ཨོཾ༔ དངོས་སུ་འབྱོར་པའི་མཆོད་པ་ལ༔ ཡིད་ཀྱིས་ནམ་མཁའ་མཛོད་དུ་སྤེལ༔ ཨ་ཀཱ་རོ་ཡི་སྔགས་བརྗོད་ཅིང་༔ རང་ཉིད་ལྷག་པའི་ལྷར་བསྒོམ་སྟེ༔ སྤྱན་འདྲེན་པ་ནི༔ ཧོཿ རྫ་རྒྱལ་རྡོ་རྗེ་འཕན་ཕྱུག་ཡབ་ཡུམ་འབངས་དང་བཅས་པ་དམ་ཚིག་གཉན་གྱིས་འབོད་དོ༔ མ་ཐོགས་སྐད་ཅིག་ཉིད་ལ་འདིར་གཤེགས་ཤིག༔ བྱོན་ཅིག་བཛྲ་ས་མ་ཡ་ཛ་ཛཿ ལན་གསུམ་མཐར༔ ཧཱུྃ་ཛཿ རིག་འཛིན་བླ་མའི་ཐ་ཚིག་ཅན༔ རྫ་རྒྱལ་མི་ཕམ་དཔའ་བོ་ཁྱོད༔ སྤྲུལ་འཁོར་བཀའ་སྡོད་བཅས་པ་ཀུན༔ འདིར་གཤེགས་བྱམས་བརྩེས་བདག་གྲོགས་མཛོད༔ དངོས་འབྱོར་ཡིད་ཀྱིས་རྣམ་སྤྲུལ་པའི༔ འདོད་ཡོན་མི་ཟད་གཏེར་ཆེན་གྱིས༔ གསོལ་ལོ་མཆོད་དོ་དགྱེས་དགོངས་འཚལ༔ ནད་གདོན་བར་ཆད་ཞི་བ་དང་༔ འདོད་རྒུའི་ལོངས་སྤྱོད་འཕེལ་རྒྱས་མཛོད༔ མི་ནོར་ལོངས་སྤྱོད་དབང་དུ་བསྡུས༔ དགྲ་བགེགས་གདུག་པ་ཚར་ཆོད་ཅིག༔ དམ་ལ་མ་འདའ་ས་མ་ཡ༔ ཞེས་པ་འདི་ཡང་དགེ་ལོའི་ངོར་རྒན་པོ་བདུད་འཇོམས་རྡོ་རྗེས་དག་སྣང་ཡེ་ཤེས་དྲྭ་བ་ལས་བསྒྱུར་བའོ། །དགེའོ།། །། དཏན་མཎྜ T1615 - 480 ཨོཾཿ དག་སྣང་ཡེ་ཤེས་དྲྭ་བ་ལས༔ ཇོ་བོ་བྲག་བཙན་གྱི་གསོལ་མཆོད་བསྡུས་པ་ཡིད་བཞིན་དབང་གི་རྒྱལ་པོ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ མཆོད་རྫས་ཅི་རིགས་བཤམས་བྱས་ཏེ༔ རང་ཉིད་ཡི་དམ་ལྷག་པའི་ལྷའི༔ ང་རྒྱལ་བརྟན་པོའི་གདིང་ལྡན་པས༔ ཧཱུྃ༔ རང་ཉིད་ལྷ་ཡི་མདུན་ས་རུ༔ རིན་ཆེན་སྣ་ཚོགས་ལས་གྲུབ་པའི༔ ཕོ་བྲང་བཀོད་ལེགས་ཡིད་འོང་དབུས༔ ཇོ་བོ་བྲག་བཙན་ཆེན་པོ་ནི༔ རབ་དཀར་ཞལ་གཅིག་ཕྱག་གཉིསཔ༔ ཕྱག་གཡས་སྦ་ལྕགས་གཡོན་མདུང་དར༔ སྐུ་ལ་དར་དཀར་ན་བཟའ་གསོལ༔ དབུ་ལ་ཟངས་རྨོག་དར་འཕྲུས་བརྒྱན༔ རིན་ཆེན་ནོར་བུས་མགུལ་རྒྱན་བྱས༔ ཆིབས་རྟ་རགས་པ་རྔོག་ནག་ཆིབས༔ གསེར་སྒ་གསེར་སྲབ་གཡུ་མཐུར་ཅན༔ གཡས་གཡོན་མདུན་རྒྱབ་སྟག་གཟིག་དང་༔ དོམ་དྲེད་འགྱིང་ཞིང་ངར་སྒྲ སྒྲོགས༔ དུར་བྱ་དཀར་པོ་ཀླད་ན་ལྡིང་༔ སྤྲུལ་པ་བཙན་ཆེན་རོལ་པ་བདུན༔ འཁོར་དུ་ཀླུ་དང་གནོད་སྦྱིན་དང་༔ མ་མོ་བྱེ་བའི་ཚོགས་ཀྱིས་བསྐོར༔ གནས་གསུམ་ལས་ནི་འོད་འཕྲོས པས༔ ཇོ་བོ་བྲག་བཙན་ཆེན་པོ་དང་༔ འབྱུང་བའི་བཙན་རྣམས་སྤྱན་དྲངས་བསྟིམ༔ ཨོཾ་ཙན་དྲ་མ་ནི་དྷ་ར་དྷ་ར་ས་མ་ཡ་ཛ་ཛཿ ཞེས་འབོད་སྔགས་ཅི་མང་བརྗོད་ཅིང་དམིགས་གསལ་གནད་ལྡན་བྱ༔ དེ་ནས་བསྐང་གསོལ་བྱ་བ་ལ༔ ཀྱེེ༔ དད་པ་དང་ནི་དམ་ཚིག་གིས༔ ཇོ་བོ་བྲག་བཙན་འཁོར་དང་བཅས༔ མ་ཐོགས་མྱུར་དུ་གཤེགས་སུ་གསོལ༔ དམ་ཚིག་ཆེན་པོའི་གདན་ལ་བཞུགས༔ བསྟན་པ་བསྲུང་ཕྱིར་ཕྱག་ཀྱང་འཚལ༔ བདག་གི་སྲུང་མར་མངའ་གསོལ་ལོ༔ དངོས་འབྱོར་ཡིད་སྤྲུལ་མཆོད་པ་འབུལ༔ གསོལ་ལོ་མཆོད་དོ་ཐུགས་དམ་བསྐང་༔ ཐུགས་དང་འགལ་བ་ཅི་མཆིས་བཤགས༔ གདུང་དབྱངས་རོལ་མོའི་སྒྲ་ཡིས་བསྟོད༔ ཞི་རྒྱས་དབང་དང་མངོན་སྤྱོད་ལས༔ གང་བསམ་འབད་མེད་ལྷུན་གྲུབ་མཛོད༔ བཀའ་དམ་གཉན་པོ་དཔང་བཙུག་གོ༔ མ་འདའ་བཛྲ་ས་མ་ཡ༔ འདི་ལྟར་བསྐྱེད་རིམ་གནད་ལྡན་པས༔ རྟག་ཏུ་གྲངས་མང་བསྐྱལ་གྱུར་ན༔ ཕྲིན་ལས་འགྲུབ་པར་གདོན་མི་ཟ༔ ས་མ་ཡ༔ རྒྱ་རྒྱ་རྒྱ༔ ཞེས་པ་འདི་སྐྱེས་བུ་དབང་ཕྱུག་གིས་ནན་དུ་བསྐུལ་ངོར་བདུད འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའོ། །དགེའོ།། །། ༔ གཏེར་སྲུང་གཉན་པོ་གཡུ་རྩེའི་གསོལ་མཆོད་བཞུགས་སོ༔ ཧཱུྃ་ཛཿ ཨོ་རྒྱན་བཀའ་ཡི་སྲུང་མ་ཆེ༔ གཉན་པོ་གཡུ་རྩེ་ཡུམ་སྲས་མཆོད༔ བཀའ་འཁོར་བྲན་གཡོག་བཅས་08མ པ་རྣམས༔ དམ་ཚིག་གཉན་ལ་མ་འདའ་བར༔ འདིར་གཤེགས་མཐུན་རྫས་སྣ་ཚོགས་རོལ༔ གསོལ་ལོ་མཆོད་དོ་ཐུགས་དམ་བསྐང་༔ འདོད་དོན་འབད་མེད་ལྷུན་གྲུབ་སྩོལ༔ བར་ཆད་དགྲ་བགེགས་རྡུལ་དུ་རློག༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་པ་འདི་ཡང་བདུད་འཇོམས་རྡོ་རྗེས་བརྡ་ལ་བརྟེན་ནས་སྦྱར་བའོ། །དགེའོ། །དགེའོ། །དགེའོ། །སརྦ་མངྒ་ལཾ།། 22 གསོལ་མཆོད་ྋ གསོལ་མཆོད་TI1615 - 483 T11615 - 484 ཨོཾ༔ དག་སྣང་ཡེ་ཤེས་དྲྭ་བ་ལས༔ གཡུང་དྲུང་ལྕགས་རྩེའི་བསང་མཆོད་འདོད་འཇོའི་དཔལ་ཕྲེང་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ གཡུང་དྲུང་ལྕགས་རྩེའི་བསང་མཆོད་དུས༔ མཁར་ཐབ་མཛེས་ལྡན་བཀོད་ལེགས་ལ༔ གཟུགས་འགྲོས་སྣ་ཚོགས་གཏོར་མར་བསྐོར༔ དར་མཚོན་དང་ནི་སྙིང་སྣས་བརྒྱན༔ ཕྱེ་མར་བསང་རྫས་འབྱོར་ཚོགས་བསགས༔ ནམ་མཁའ་མཛོད་ཀྱི་སྔགས་བདུན་བརྗོད༔ འདོད་ཡོན་མི་ཟད་གཏེར་དུ་སྤེལ༔ རང་ཉིད་ཡི་དམ་ལྷར་གསལ་ངང་༔ བསོ༔ མར་སྟོད་ཕྱོགས་ཀྱི་ས་ཡི་ཆར༔ ཕྱི་ལྟར་རྫ་བྲག་འདྲེས་པའི་རིགས༔ ནང་ལྟར་ལྕགས་ཀྱི་སྐུ་མཁར་ནང་༔ བོན་གྱི་གཡུང་དྲུང་ལྕགས་རྩེ་ཞེས༔ མྱུར་མགྱོགས་སྟོབས་རྩལ་བདག་པོ་ཁྱོད༔ གསོལ་མཆོད་གནས་འདིར་མྱུར་དུ་བྱོན༔ ཀྱེེ༔ སློབ་དཔོན་པདྨ་ཐོད་ཕྲེང་དང་༔ རིག་འཛིན་རྡོ་རྗེ་གཤོག་རྒོད་རྩལ༔ དེ་དང་དེ་ཡི་བརྒྱུད་འཛིན་གྱི༔ རིག་འཛིན་བླ་མའི་དམ་མནོས་པའི༔ བདུད་བཙན་རྒྱལ་པོ་ཐོག་རྒོད་རྩལ༔ འདའ་དཀའི་དམ་ཚིག་གཉན་པོ་ཡི༔ འབོད་དོ་གསོལ་མཆོད་གནས་འདིར་བྱོན༔ དགྱེས་པའི་གདན་ལ་བཞུགས་ནས་ཀྱང་༔ བསྒོ་བའི་བཀའ་ལ་ཉན་པར་གྱིས༔ ཁྱེད་ལ་མཆོད་པ་འབུལ་བ་ནི༔ བཟང་ཤིང་ཕྱེ་མར་གསུར་དུད་དང་༔ བཟའ་བཅའ་བཏུང་བ་ལྡག་གཞིབ་ཟས༔ གསེར་དངུལ་ཟངས་ལྕགས་ནོར་བུའི་ རིགས༔ ཀ་ཆ་དཀོར་ཆ་གོ་མཚོན་རྒྱན༔ དར་གོས་ཟ་འོག་གཅན་གཟན་ཚོགས༔ གཟུགས་འགྲོས་སྣ་ཚོགས་མཁར་ཐབ་བཅས༔ མདོར་ན་ཐུགས་ལ་བཞེད་རྒུའི་ཚོགས༔ དངོས་འབྱོར་ཡིད ཀྱིས་རྣམ་སྤྲུལ་ཏེ༔ འདོད་ཡོན་ནམ་མཁའ་མཛོད་དུ་འབུལ༔ གསོལ་ལོ་མཆོད་དོ་བསང་ཞིང་བརྔན༔ གཡས་ནས་འཁོར་བའི་བདུད་དམག་བསང་༔ གཡོན་ནས་འདུད་པའི་བཙན་དམག བསང་༔༷ མདུན་ནས་འཁོར་བའི་ཀླུ་དམག་བསང་༔ རྒྱབ་ནས་བསྟེན་པའི་གཉན་དམག་བསང་༔ སྐྱབས་མགོན་དམ་ཅན་མགར་ནག་བསང་༔ མྱེས་པོ་རྨ་རྒྱལ་སྤོམ་ར་བསང་༔ ཡབ་རྗེ་གཉན་པོ་གཡུ་རྩེ་བསང་༔ ཁུ་བོ་འབྲོང་རི་སྨུག་པོ་བསང་༔ ཕུ་བོ་རྡོ་བླ་ལྕགས་རྩེ་བསང་༔ ནུ་བོ་གཏེར་རི་ཕྱུག་པོ་བསང་༔ བཙུན་མོ་དངུལ་དཀར་མདངས་བཟང་བསང་༔ བློན་པོ་གནམ་ལྕགས་མདུང་རྩེ་བསང་༔ དམག་དཔོན་མྱུར་ལྡན་གློག་ཕྲེང་བསང་༔ ཤན་པ་རླུང་གི་སྤུ་གྲི་བསང་༔ གཟི་ལྡན་སྟག་གི་མགོ་ཅན་བསང་༔ གཏེར་མཛོད་བླ་མཚོ་རྣམ་བཞི་བསང་༔ ཕྱུགས་རྫི་ཤུག་ལྷ་གཏུམ་པོ་བསང་༔ སྒོ་སྲུང་སྟག་གཡག་དར་མ་བསང་༔ ཁ་འཛིན་དགེ་བསྙེན་དབང་ལྡན་བསང་༔ རྒྱབ་བརྟེན་བདུད་རྗེ་འབྲང་དཀར་བསང་༔ ཁྱེད་ཅག་གསོལ་མཆོད་བསང་བརྔན་T1615 - 486 ཨོཾཿ མཐུས༔ བདག་ཅག་དཔོན་སློབ་འཁོར་བཅས་ལ༔ ཁ་འཛིན་སྡོང་གྲོགས་རྒྱབ་བརྟེན་མཛོད༔ ཆོས་སྲིད་བསྟན་པའི་མངའ་ཐང་སྤེལ༔ བསོད་ནམས་དཔལ་འབྱོར་ལོངས་སྤྱོད་བསྐྱེད༔ སྙན་གྲགས་རླུང་རྟ་རྒྱས་པར་མཛོད༔ བདག་ཅག་དཔོན་སློབ་འཁོར་བཅས་ཀྱི༔ མི་ལ་ན་ཚ་མ་