Tibetan
བརྩེ་ཡིས༔ དགེ་ཞིང་ཚེ་རིང་བདེ་སྤྱོད་ཅིང་༔ རྫོགས་ལྡན་དུས་ཀྱི་བསྐལ པ་བཞིན༔ བཀྲ་ཤིས་ཕུན་སུམ་ཚོགས་པར་ཤོག༔ ཏིང་འཛིན་བསྐྱེད་དམིགས་སྟོབས་ལྡན་པས༔ སྐྱེས་བུ་མཆོག་གི་དེ་བཞིན་དུ༔ བསང་དང་མཆོད་པ་འབུལ་བ་ཡིས༔ སྲུང་མ་གཉན་པོ་བྲན་ཁོལ་ཏེ༔ འདོད་དོན་འགྲུབ་པར་གདོན་མི་ཟ༔ ས་མ་ཡ༔ ཞེས་པ་འདི་ཁྲོམ་དཔོན་ཀུན་བཟང་བསྟན་འཛིན་ནས་རབ་དཀར་ལྷ་རེག་དྲི་མེད་བཅས་སྣ་དྲངས་ཏེ་ནན་དུ་བསྐུལ་བའི་ངོར། ཁྲག་འཐུང་བདུད་འཇོམས་རྡོ་རྗེས་དག་སྣང་ཡེ་ཤེས་དྲྭ་བ་ལས་བསྒྱུརབ་ཐོག་མཐའ་བར་གསུམ་དུ་ཡོངས་སུ་དགེ་བར་གྱུར་ཅིག །དགེའོ། །དགེའོ། །དགེའོ། །ལེགས་སོ། །མངྒ་ལཾ།། ་ྋ T11615 - 444 ཨོཾ༔ དག་སྣང་ཡེ་ཤེས་དྲྭ་བ་ལས༔ རྫ་རྒྱལ་རྡོ་རྗེ་འཕན་ཕྱུག་ལ་བསང་མཆོད་འབུལ་བའི་ཆོ་ག་ཕ་རོལ་དཔུང་འཇོམས་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཨགས་ནམཎྜ་བསང་མཆོད་ལག་ལེན རིམ་པ་ལ༔ བཟང་ཤིང་ཕྱེ་མར་འབྲུ་སྣ་དང་༔ བཟའ་རྒྱུ་འོས་པའི་ཟས་སྣ་བསྲེགས༔ སྭ་བྷཱ་ཝ་ཡིས་སྟོང་པར་སྦྱངས༔ ནམ་མཁའ་མཛོད་སྔགས་རྟེན་སྙིང་གིས༔ ལྷ་ཀླུ་མི་ཡི་ཟས་ནོར་དཀོར༔ འདོད་རྒུའི་དཔལ་ཡོན་ཕུན་ཚོགས་ཀྱིས༔ དཔག་བསམ་ནམ་མཁའི་ཁྱོན་རྣམས་ཀུན༔ ཡོངས་སུ་ཁྱབ་པར་ཡིད་ཀྱིས་སྤྲུལ༔ རང་ཉིད་པདྨ་འབྱུང་གནས་བསྒོམ༔ ན་མོ༔ བླ་ན་མེད་པའི་དཀོན་མཆོག་གསུམ༔ ཆོས་ཉིད་རྣམ་པར་དག་པ་དང་༔ རྟེན་འབྲེལ་རྒྱུ་འབྲས་བསླུ་མེད་པའི༔ བདེན་པ་ཆེན་པོའི་མཐུ་སྟོབས་ཀྱིས༔ ཡུལ་ལྷ་རྫ་རྒྱལ་འཕན་ཕྱུག་དང་༔ བཙུན་མོ་སྲས་འཁོར་བཅས་པ་རྣམས༔ མཆོད་ཡུལ་མགྲོན་དུ་མཆིས་གྱུར་ཏེ༔ ལུས་དང་གྲིབ་མ་བཞིན་འགྲོགས་ནས༔ འདོད་དོན་ཡིད་བཞིན་འགྲུབ་གྱུར་ཅིག༔ བྷྲུྃ༔ རིན་ཆེན་སྣ་ལྔ་ལས་གྲུབ་པའི༔ མེ་ཐབ་ཡངས་ཤིང་རྒྱ་ཆེའི་ཁར༔ བཟང་ཤིང་སྤོས་དང་དྲི་བཟང་རིགས༔ འབྲུ་སྣ་ཟས་སྣ་ཤིང་ཐོག་དང་༔ བཟང་དྲུག་སྨན་སྣ་བསྲེགས་པ་ཡིས༔ དུད་སྤྲིན་ནམ་མཁའ་ཁྱབ་པ་ལས༔ ལྷ་ཀླུ་མི་ཡི་ཟས་ནོར་དཀོར༔ འདོད་ཡོན་མི་ཟད་ནམ་ མཁའ་མཛོད༔ ལོངས་སྤྱོད་རྒྱན་གྱི་འཁོར་ལོ་འདིས༔ རྫ་ཡི་རྫ་རྒྱལ་འཕན་ཕྱུག་བསང་༔ བཙུན་མོ་ཀླུ་ལྕམ་ཆེན་མོ༔ མི་ཕམ་རྡོ་རྗེ་དགྲ་འདུལ༔ དཔལ་བསྐྱེད་གཏེར་གྱི་བདག་པོཿ འགུགས་བྱེད་རྡོ་རྗེ་གློག་ཞགས༴ བདུད་པོ་སྲོག་ལེན་ནག་པོཿ རྟ་ལྷ་བཙན་རྒོད་དམར་པོཿ ལུག་ལྷ་གང་བ་གསེར་ཞལ། དཀོར་བདག་བྲག་སྲིན་དཔལ་མོཿ གནག་ལྷ་ནོར་བུ་འོད་འབར ཟས་ལྷ་དུང་ཞལ་དཀར་པོ༴ ལས་མཁན་སྔོ་ཚོགས་གཡུ་རྩེཿ མྱུར་མགྱོགས་སྤུ་གྲི་འབར་བ་རྒྱབ་བརྟེན་རྨ་ཆེན་སྤོམ་རཿ གཡས་ནས་འཁོར་བའི་ལྷ་དམག མདུན་ནས་འདུད་པའི་ཀླུ་དམག༴ གཡོན་ནས་བཀའ་ཉན་བཙན་དམག༔ དམུ་གཏོད་སྨན་མོའི་སྡེ་ཚོགས་བསང་༔ འཁོར་དང་བཅས་པ་ཁྱེད་རྣམས་ཀྱིས༔ རིག་འཛིན་པདྨ་འབྱུང་གནས་སོགས༔ བརྒྱུད་གསུམ་རིག་འཛིན་བླ་མ་ཡི༔ བཀའ་དང་དམ་ཚིག་དྲན་མཛོད་ལ༔ ཕྱོགས་འདིར་ཁྱེད་ལ་མཆོད་གསོལ་གྱིས༔ རྗེ་དཔོན་འབངས་སྡེ་བཅས་པ་ལ༔ གཡེལ་བ་མེད་པའི་སྲུང་སྐྱོབ་མཛོད༔ མི་ནད་ནོར་གྱི་གོད་ཁ་དང་༔ མི་མཐུན་ཕྱོགས་ཀུན་ཞི་བར་མཛོད༔ ཚེ་བསོད་དཔལ་འབྱོར་ལོངས་སྤྱོད་དཀོར༔ དཔའ་རྩལ་སྙན་གྲགས་རྒྱས་པར་མཛོད༔ སྣང་སྲིད་སྐྱེ་ ཨོཾ༔ འགྲོའི་བློ་ཡིད་སེམས༔ རང་དབང་མེད་པར་དབང་དུ་བསྡུས༔ འབངས་སྡེ་བྲན་དུ་ཁོལ་བར་མཛོད༔ གཟུགས་ཅན་དགྲ་དང་གཟུགས་མེད་བགེགས༔ མདོར་ན་གནོད་ཅིང་འཚེ་བའི་རིགས༔ མ་ལུས་ཐལ་བའི་རྡུལ་བཞིན་རློགས༔ དུས་གསུམ་རྒྱལ་བ་སྲས་བཅས་ཀྱི༔ བཀའ་དམ་གཉན་པོ་དཔང་བཞག་སྟེ༔ བཀའ་བསྒོ་ཡིན་ནོ་བཀའ མ་བཅག༔ དམ་ཚིག་ཡིན་ནོ་དམ་མ་ཉམས༔ ཁྱེད་ཀྱི་ཐུགས་དང་འགལ་བའི་ལས༔ བྱས་དང་བྱེད་འགྱུར་མཆིས་སྲིད་ན༔ གནོང་ཞིང་འགྱོད་པའི་སེམས་ཀྱིས་བཤགས༔ མཁོན་དང་འགལ་བ་འདུམ་གྱུར་ཏེ༔ ཕ་མ་བུ་ཚ་བཞིན་བརྩེ་སྐྱོང་༔ མ་གཡེལ་མ་འགྱངས་སྲུང་མ་མཛོད༔ ལུས་དང་གྲིབ་མ་ཇི་བཞིན་དུ༔ འགྲོགས་ནས་འདོད་པའི་དོན་རྣམས་ཀུན༔ འབད་མེད་ལྷུན་གྱིས་གྲུབ་པ་དང་༔ བཅོལ་བའི་ཕྲིན་ལས་གྲུབ་པར་མཛོད༔ དེ་ལྟར་ཡིད་ལ་བྱས་ནས་སུ༔ བསང་མཆོད་བྱས་པས་བྲན་བཞིན་འཁོར༔ ཕྲིན་ལས་སྒྲུབ་པར་གདོན་མི་ཟ༔ ས་མ་ཡ༔ ༔ ཞེས་པ་འདི་ཀུན་བཟང་བསྟན་འཛིན་གྱིས་ནན་དུ་བསྐུལ་ངོར་བདུད་འཇོམས་རྡོ་རྗེས་ཕབ་པ་ཡོངས་སུ་དགེ་བར་གྱུར་ཅིག །སརྦ་མངྒ་ལཾ།། TI1615 - 447 T11615 - 448 ཨོཾ༔ དག་སྣང་ཡེ་ཤེས་དྲྭ་བ་ལས༔ རྫ་སྙིང་ཐོག་རྒོད་འབར་བ་ཡི༔ གསོལ་མཆོད་འདོད་དོན་ལྷུན་གྲུབ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ གཞི་བདག་སྔོ་ཚོགས་གཡུ་རྩེ་ལ༔ རྟག་ཏུ་བསྐང་གསོལ་བྱེད་འདོད་ན༔ འབྲུ་སྣ་ཤ་དུམ་གཏོར་མ་སྐྱེམས༔ བཤམས་ཏེ་སྟོང་པར་སྦྱང་ནས་སླར༔ འདོད་ཡོན་མི་ཟད་གཏེར་དུ་སྤེལ༔ ནམ་མཁའ་མཛོད་སྔགས་བརྗོད་པའི་མཐར༔ བསྭོ་ཛཿ བཀའ་དམ་གཉན་པོ་དཔང་བཙུགས་ཏེ༔ གཉན་ཆེན་སྔོ་ཚོགས་གཡུ་རྩེ་ཞེས༔ གསང་མཚན་རྡོ་རྗེ་ཐོག་རྒོད་རྩལ༔ འདིར་གཤེགས་དགྱེས་པའི་གདན་ལ་བཞུགས༔ དཀར་གསུམ་མངར་གསུམ་འབྲུ་སྣ་དང་༔ ཤིང་ཐོག་སྤོད་དང་སྐྱེམས་ཀྱི་རིགས༔ ལྷ་ཀླུ་མི་ཡི་ལོངས་སྤྱོད་ཚོགས༔ ཤ་ཁྲག་དམར་གཏོར་འདོད་རྒུའི་དཔལ༔ དངོས་འབྱོར་ཡིད་ཀྱིས་རྣམ་འཕྲུལ་ཏེ༔ གསོལ་ལོ་མཆོད་དོ་ཐུགས་དམ་བསྐང་༔ བདག་ཅག་འཁོར་དང་བཅས་པ་ལ༔ སྐད་ཅིག་མི་འབྲལ་བསྲུང་སྐྱོབ་མཛོད༔ ཆོས་སྲིད་བསྟན་པའི་མངའ་ཐང་སྤེལ༔ དགྲ་ཇག་ཆོམ་རྐུན་གནོད་བྱེད་ཀུན༔ མྱུར་མགྱོགས་དྲག་ཤུལ་སྟོབས་ཀྱིས་སོད༔ བཀའ་དམ་གཉན་པོ་དཔང་བཙུག་གོ༔ མ་འདའ་བཛྲ་ས་མ་ཡ༔ དེ་ལྟར་རྟག་ཏུ་གསོལ་མཆོད་ཀྱིས༔ ལུས་དང་གྲིབ་མ་བཞིན་འཁོར་འགྱུར༔ ས་མ་ཡ༔ གད་ཥ་ཋ༔ མ་ ཞེས་པ་འདི་ཡང་ཀུན་བཟང་བསྟན་འཛིན་གྱིས་བསྐུལ་ངོར་བདུད་འཇོམས་རྡོ་རྗེས་དག་སྣང་ཡེ་ཤེས་དྲྭ་བ་ལས་བསྒྱུར་བའོ། །དགེའོ། །དགེའོ། །དགེའོ། །ལེགས་སོ། །སརྦ་མངྒ་ལཾ།། །། ད བདུད་འཇོམས་རྫ་སྙིང་སྔོ་ཚོགས་TI1615 - 450 TI1615 - 450 ཨོཾཿ དག་སྣང་ཡེ་ཤེས་དྲྭ་བ་ལས༔ ལྷ་སྲུང་གཉན་པོའི་སྤྱི་གསོལ་འདོད་འབྱུང་ཡིད་བཞིན་ཆར་འབེབས་བཞུགས༔ ན་མོ་གུ་རུ་པདྨ་ཀ་ར་ཡེ༔ རྩགྱིལ་རང་དང་ལྷ་དང་སྲུང་མ་སོགས༔ སྲུང་མ་གཉན་པོ་ཐམས་ཅད་ཀུན༔ བསྐང་གསོལ་གྲོགས་སུ་བསྐུལ་བ་དང་༔ ཕྲིན་ལས་བཅོལ་སོགས་གཅིག་ཆར་དུ༔ གྲུབ་པར་འདོད་ན་འདི་བཞིན་བྱ༔ གཏོར་མ་འབྲུ་སྣ་ཤ་དུམ་དང་༔ སྐྱེམས་སོགས་བ་ལིང་རིགས་བྱེད་རྣམས༔ འབྱོར་ཚོགས་ཅི་རིགས་བཤམས་བྱས་ཏེ༔ སྭ་བྷཱབྷཱ་ཝ་ཡིས་སྟོང་པར་སྦྱངས༔ ནམ་མཁའ་མཛོད་སྔགས་ཨ་ཀཱ་རོ༔ རྟེན་འབྲེལ་སྙིང་པོ་དང་བཅས་པས༔ འདོད་རྒུའི་དཔལ་ཡོན་རྫོགས་པར་སྤེལ༔ ན་མོ༔ སངས་རྒྱས་ཆོས་དང་དགེ་འདུན་དང་༔ ཆོས་སྐུ་ལོངས་སྐུ་སྤྲུལ་པའི་སྐུ༔ བླ་མ་ཡི་དམ་མཁའ་འགྲོ་དང་༔ བདེན་གཉིས་བསླུ་བ་མེད་པའི་མཐུས༔ བདག་ལ་སྔོན་ལས་འཕྲལ་རྐྱེན་གྱི༔ རྒྱུ་རྐྱེན་རྟེན་འབྲེལ་གྱིས་བསྐྱེད་པས༔ ཕ་ལྷ་མ་ལྷ་ཞང་ལྷ་དང་༔ ཕྲག་ལྷ་ཕུག་ལྷ་ལ་སོགས་པའི༔ ཚེ་རབས་ལས་ཀྱི་སྲུང་མ་དང་༔ ཡེ་ཤེས་འཇིག་རྟེན་ལས་གྲུབ་པའི༔ བསྙེན་སྒྲུབ་བསྐང་གསོལ་མཆོད་པ་ཡི༔ ལྷ་དང་སྲུང་མ་མ་ལུས་པ༔ མི་དང་མི་ཉིད་འགྲོགས་པ་བཞིན༔ མངོན་སུམ་མིག་གི་མཐོང་ཡུལ་དུ༔ འགྲུབ་ཅིང་མངོན་སུམ་མཆིས་གྱུར་ཅིག༔ ཨོཾ་ཨཱཿཧཱུྃ༔ དངོས་འབྱོར་ཡིད་ཀྱིས་རྣམ་འཕྲུལ་པའི༔ མཆོད་སྤྲིན་འདོད་རྒུ་ཕུན་ཚོགས་འདིས༔ ལྷ་ཆེན་དབང་ཕྱུག་ཆེན་པོ་དང་༔ གནོད་སྦྱིན་ཤན་པ་དམར་ནག་ལ༔ མཆོད་དོ་འབུལ་ལོ་ཐུགས དམ་བསྐང་༔ བཟའ་བཅའ་བཏུང་བ་ལྡག་གཞིབ་ཟས༔ འདོད་ཡོན་ཕུན་སུམ་ཚོགས་པ་ཡིས༔ སྐྱེས་བུ་རང་གི་ལྷ་སྲུང་མ༔ འགོ་བའི་ལྷ་དང་སྐྱོབ་པའི་ལྷ༔ བསྙེན་ཅིང་བསྒྲུབ་པས་འཁོར་བ་དང་༔ མ་བསྒྲུབ་རང་འཁོར་ལྷ་སྲུང་ཚོགས༔ མ་ལུས་ལུས་པ་མེད་པ་ལ༔ མཆོད་དོ་འབུལ་ལོ་ཐུགས་དམ་བསྐང་༔ ཁྱིམ་ལྷ་ཐབ་ལྷ་ཕྲག་ལྷ་དང་༔ རྟ་དང་གནག་ཕྱུགས་ལུག་གི་ལྷ༔ ཚོང་ལྷ་མགྲོན་ལྷ་ལམ་ལྷ་དང་༔ ཁ་རྗེ་དབང་ཐང་བསྐྱེད་པའི་ལྷ༔ དགྲ་ལྷ་གཉན་པོའི་སྡེ་ཚོགས་ལ༔ མཆོད་དོ་འབུལ་ལོ་ཐུགས་དམ་བསྐང་༔ ལྷ་དང་གཤིན་རྗེ་མ་མོ་དང་༔༷ བདུད་དང་བཙན་དང་རྒྱལ་པོ་དང་༔ གནོད་སྦྱིན་ཀླུ་ཡི་སྡེ་ཚོགས་ཀུན༔ མ་ལུས་ལུས་པ་མེད་པ་ལ༔ མཆོད་དོ་འབུལ་ལོ་ཐུགས་དམ་བསྐང་༔ ཕ་མྱེས་རྒྱུད་ཀྱི་སྲུང་མ་དང་༔ སྐྱེས་བུ་རང་ལ་འཁོར་བ་ཡི༔ ལས་ཀྱི་ལྷ་སྲུང་གཞི་བདག་ཚོགས༔ མ་ལུས་ལུས་པ་མེད་པ་ལ༔ གསོལ་ལོ་མཆོད་དོ་མཉེས་ཚིམ་ནས༔ ཐུགས་དམ་གཉན་པོ་བསྐང་གྱུར་ཅིག༔ ཨོཾཿ མཐུ་དང་ནུས་སྟོབས་དྲག་ཤུལ་དཔལ༔ རབ་ཏུ་རྒྱས་ཤིང་འཕེལ་གྱུར་ཅིག༔ ཟག་མེད་བདེ་བ་ཆེན་པོ་ཡིས༔ རྟག་ཏུ་དགའ་བདེའི་དཔལ་ཐོབ་ཤོག༔ བདག་ཅག་འཁོར་དང་བཅས་པ་རྣམས༔ གཞི་བྱེས་ལམ་གསུམ་ཐམས་ཅད་དུ༔ ལུས་དང་གྲིབ་མ་བཞིན་འགྲོགས་ཤིང་༔ ཁ་འཛིན་སྡོང་གྲོགས་རྒྱབ་བརྟེན་དང་༔ སྡོང་ཟླ་དཔུང་གྲོགས་གཉེན་བཤེས་མཛོད༔ ཞི་རྒྱས་དབང་དང་དྲག་པོའི་ལས༔ ཕྲིན་ལས་རབ་འབྱམས་གང་བརྩམས་ཀུན༔ འདོད་དོན་འབད་མེད་ལྷུན་གྲུབ་མཛོད༔ ཀོ་ལོང་རུ་ང་ཕྲག་དོག་དང་༔ འཁུ་ལྡོག་གདུག་རྩུབ་མ་མཛད་པར༔ ཕ་མའི་བུ་སྡུག་བཞིན་བརྩེས་སྐྱོངས༔ སྡང་བའི་དགྲ་དང་གནོད་པའི་བགེགས༔ མ་ལུས་ཐལ་བའི་རྡུལ་དུ་རློགས༔ དུས་གསུམ་རྒྱལ་བ་སྲས་བཅས་ཀྱིས༔ བཀའ་དམ་གཉན་པོ་དཔང་བཙུགས་ཏེ༔ དམ་ཅན་ཁྱེད་ལ་བཅོལ་བའི་ལས༔ མ་ལུས་འགྲུབ་པའི་ཕྲིན་ལས་མཛོད༔ སརྦ་ངྷརྨ་པཱ་ལ༔ སརྦ་ཀྵེ་ཊ་པཱ་ལ༔ སརྦ་ལོ་ཀ་པཱ་ལ་སརྦ་ས་མ་ཡ་ཨི་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི༔ དེ་ལྟར་རྟག་ཏུ་མཆོད་གསོལ་ན༔ ལུས་དང་གྲིབ་མ་བཞིན་འགྲོགས་ཤིང་༔ ཕྱི་ནང་བར་ཆད་གེགས་སེལ་ཏེ༔ ལས་ཀུན་འགྲུབ་པར་གདོན་མི་ཟ༔ ས་མ་ཡ༔ རྒྱ་རྒྱ་རྒྱ༔ གུ་ཧྱ༔ ཞེས་པ་འདི་སྐྱེས་བུ་ཆོས་རབ་ཀྱིས་ནན་དུ་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་དག་སྣང་ཡེ་ཤེས་དྲྭ་བ་ལས་བསྒྱུར་བའི་ཡི་གེ་པ་ནི་ངག་དབང་ཕྲིན་ལས་ཀྱིས་བགྱིས་པ་ཐོག་མཐའ་བར་གསུམ་ཀུན་ཏུ་ཡོངས་སུ་དགེ་བར་གྱུར་ཅིག། དགེའོ། །ལེགས་སོ། །སརྦ་མངྒ་ལཾ།། ། 7 བདུད་འཇོམས་ལྷ་སྲུང་གཉན་པོ་T11615 - 454 ཨོཾ༔ དག་སྣང་ཡེ་ཤེས་དྲྭ་བ་ལས༔ ས་སྐྱོང་འབྲོང་རི་སྨུག་པོའི་བསང་མཆོད་ཕ་རོལ་དཔུང་འཇོམས་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཟྔམྚསྡྲསྡྲགྨཥྛ དགེ་བསྙེན་འབྲོང་རི་སྨུག་པོ་ལ༔ མཉེས་བྱེད་བསང་མཆོད་ཕུལ་བ་ནི༔ ལག་ཏུ་ལེན་པའི་རིམ་པ་ལ༔ བཟང་ཤིང་ཕྱེ་མར་སྤོས་སྣ་དང་༔ ར་ཚིལ་དུ་བ་བཏང་ནས་སུ༔ རང་ཉིད་ཕྱག་ན་རྡོ་རྗེའམ༔ ཐུགས་རྗེ་ཆེན་པོའི་སྐུར་གསལ་ལ༔ སྐུ་ལས་འོད་ཕུང་རབ་འཕྲོས་པས༔ བསང་རྫས་མཆོད་རྫས་དངོས་པོ་ཀུན༔ ཁྱབ་བརྡལ་སྟོང་ཉིད་ཆེན་པོར་སྦྱངས༔ སྟོང་པའི་ངང་ལས་སྐད་ཅིག་གིས༔ མཁའ་ལ་འཇའ་ཚོན་ཤར་བ་བཞིན༔ ལྷ་ཀླུ་མི་ཡི་ལོངས་སྤྱོད་གཏེར༔ འདོད་རྒུའི་དཔལ་ཡོན་ནམ་མཁའ་མཛོད༔ མི་ཟད་རྒྱན་གྱི་འཁོར་ལོའི་སྤྲིན༔ ཀུན་བཟང་རྣམ་འཕྲུལ་ཆེན་པོར་གྱུར༔ སྭ་བྷཱ་ཝ་ཡིས་སྟོང་པར་སྦྱངས༔ ཨ་ཀཱ་རོ་ཡིས་དཔག་མེད་སྤེལ༔ ནམ་མཁའ་མཛོད་སྔགས་མི་ཟད་གཏེར༔ རྟེན་འབྲེལ་སྙིང་པོས་བརྟན་པར་བྱ༔ བསྭོ༔ དཔལ་ལྡན་བྲག་ལྷ་མགོན་པོ་ནི༔ སྐྱེས་མཆོག་བཛྲ་ཐིག་ལེ་རྩལ༔ དགེ་བསྙེན་འབྲོང་རི་སྨུག་པོ་བསང་༔ མགོན་པོ་ནག་པོའི་བཀའ་སྡོད་ཆེ༔ བསིལ་བ་ཚལ་གྱི་ཞིང་སྐྱོང་བ༔ དབུ་རུ་ཞྭ་ཡི་དཀོར་སྲུང་མཆོག༔ འོ་ཡུག་ཤིང་གི་བྲག་བཙན་པོ༔ གངས་རི་གསུམ་ལ་མངའ་དབང་མཛད༔ ཨོ་རྒྱན་ཆེན་པོའི་སྤྱན་སྔ་རུ༔ ཁས་བླངས་དམ་བཅས་དབང་ཡང་ནོད༔ དགེ་བསྙེན་འབྲོང་རི་ སྨུག་པོ་བསང་༔ བོད་ཁམས་ས་གནས་ཐམས་ཅད་ཀྱི༔ རི་ཐང་རྫ་བྲག་གཙང་ཆབ་ལ༔ དབང་མཛད་དམ་ཅན་མགར་བ་དང་༔ བདུད་སྲིན་མོན་པ་ཨ་ཙ་ར༔ སྤྲུལ་པ་ཡང་སྤྲུལ་བསམ་མི་ཁྱབ༔ གར་གྱི་དབང་ཕྱུག་འཁོར་བཅས་བསང་༔ ཁྱོད་ཀྱི་མངོན་སྤྱོད་ཕོ་ཉ་ནི༔ མགར་བ་ནག་པོ་སྟོབས་དང་ལྡན༔ ཐེའུ་བྲང་སྟོང་གི་འཁོར་གྱིས་བསྐོར༔ མོན་པ་ཕོ་མོ་བྲན་དུ་འགྱེད༔ དྲག་ཤུལ་སྟོབས་ཀྱི་བདག་པོ་བསང་༔ སྐུ་སྤྲུལ་རྡོ་རྗེ་ལེགས་པ་རྩལ༔ བྲག་བཙན་བརྒྱ་དང་སྨན་མོ་དགུ༔ དམུ་བདུད་ནག་པོ་དྲུག་ཅུས་བསྐོར༔ ཆོ་འཕྲུལ་བདག་པོ་འཁོར་བཅས་བསང་༔ ནམ་མཁའ་དབང་མོ་དཔལ་བཙུན་མ༔ ཀོང་བཙུན་རྡོ་རྗེ་དེ་མོ་ཞེས༔ བཙུན་མོ་གཡུ་ཞལ་བཞིན་བཟང་མ༔ སྨན་བཙུན་སྟོང་སྡེ་དང་བཅས་བསང་༔ ཁྱོད་ཀྱི་བཀའ་ཉན་འཁོར་ཚོགས་ནི༔ ཞང་པོ་སྡོང་ར་དཀར་པོ་བསང་༔ སྒོ་སྲུང་དཔའ་བོ་གཡུ་རྩེཿ ཕྱག་ཚང་རི་བཀྲ་ཕྱུག་པོཿ ནུ་བོ་རྡོ་རྗེ་རྒྱལ་ལྕགས་རྩེ༔ འགུགས་བྱེད་རཱ་ཙ་མཆེད་བརྒྱད༴ ལས་བྱེད་ལྷ་རྩེ་འཕན་པོ༔ ཤན་པ་སྟག་རྩེ་ནག་པོཿ བླ་མཆོད་རྒྱལ་ཆེན་སྐུ་ལྔ་ཕྱུགས་རྫི་ཀླུ་མཁར་ཕྱུག་མོ༔ སོ་མཁན་བྱ་ར་ནག་པོཿ སྣ་འདྲེན་སྐུ་བླ་བཅུ་གསུམ དཔུང་གྲོགས་ ཨོཾ༔ གཉན་གྱི་རྩེ་མོ། རྒྱབ་བརྟེན་རྨ་ཆེན་སྤོམ་རཿ སྡོང་ཟླ་གཉན་པོ་གཡུ་རྩེཿ གཞན་ཡང་རྡོ་གསེར་སྨར་གསུམ་གྱི༔ ས་སྐྱོང་ཡུལ་གཞིའི་བདག་པོ་ཀུན༔ འཁོར་འབངས་སྡེ་རིས་བཅས་པ༴ དགེ་བསྙེན་འབྲོང་རི་སྨུག་པོ་ཡི༔ གཡས་ནས་འཁོར་བའི་ཕོ་རྒྱུད: གཡོན་ནས་འཁོར་བའི་མོ་རྒྱུད་མདུན་ནས་འདུད་པའི་བཀའ་ཉནཿ རྒྱབ་ནས་བརྟེན་པའི་དཔུང་ཚོགསཿ འདོད་འཇོའི་དམར་གྱི་གཏོར་མ་དང་༔ བཟང་ཤིང་ཕྱེ་མར་བསང་དུད་ཀྱིས༔ བསང་ངོ་མཆོད་དོ་ཐུགས་དམ་བསྐང་༔ རིན་ཆེན་ཁང་བཟང་སུམ་ཐོག་དང་༔༷ གཡག་ལུག་ར་གསུམ་གཟུགས་འགྲོས་དཀོར༔ ཤ་ཁྲག་འབྲུ་སྨན་ཤིང་ཐོག་རིགས༔ དཀར་གསུམ་མངར་གསུམ་བདུད་རྩི་སྐྱེམས༔ ལྷ་ཀླུ་མི་ཡི་ལོངས་སྤྱོད་དཀོར༔ དངོས་འབྱོར་ཡིད་ཀྱིས་རྣམ་འཕྲུལ་ཏེ༔ གསོལ་ལོ་མཆོད་དོ་ཐུགས་དམ་བསྐང་༔ དགྱེས་པར་དགོངས་ཏེ་བཞེས་ནས་ཀྱང་༔ བདག་ཅག་དཔོན་སློབ་འཁོར་བཅས་ལ༔ ཕ་མ་བུ་ཚ་བཞིན་བརྩེས་སྐྱོངས༔ མི་ཕྱུགས་ནད་རིམས་ཞི་བ་དང་༔ ཚེ་བསོད་དཔལ་འབྱོར་མངའ་ཐང་བསྐྱེད༔ སྣང་སྲིད་སྐྱེ་འགྲོ་དབང་དུ་བསྡུས༔ གཟུགས་ཅན་དགྲ་དང་གཟུགས་མེད་ བགེགས༔ མདོར་ན་མི་མཐུན་ཕྱོགས་རྣམས་ཀུན༔ མྱུར་མགྱོགས་དྲག་ཤུལ་སྟོབས་ཀྱིས་སོད༔ དུས་གསུམ་རྒྱལ་བ་སྲས་བཅས་ཀྱི༔ བཀའ་དམ་གཉན་པོ་དཔང་བཙུགས་ཏེ༔ གཞི་བདག་གཉན་པོ་ཁྱེད་རྣམས་ལ༔ ལས་དང་ཕྲིན་ལས་དེ་བཅོལ་གྱིས༔ འདོད་དོན་ཡིད་བཞིན་བསྒྲུབ་པ་དང་༔ གང་བཅོལ་ཕྲིན་ལས་ཡོངས་གྲུབ་མཛོད༔ དེ་ལྟར་བསང་མཆོད་བྱས་པ་ཡིས༔ ཀོ་ལོང་གདུག་རྩུབ་དང་བྲལ་ཞིང་༔ ཕ་མ་བུ་ཚ་བཞིན་བརྩེས་སྐྱོངས༔ དགེ་ལེགས་ཡར་ངོའི་ཟླ་ལྟར་འཕེལ༔ ས་མ་ཡ༔ ༔ ཞེས་པ་འདི་སློབ་བུ་མཐོང་ལམ་གྱིས་བསྐུལ་ངོར་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བ་ཐོག་མཐའ་བར་གསུམ་ཀུན་ཏུ་དགེ་བར་གྱུར་ཅིག༔ སརྦ་མངྒ་ལཾ། །དགེའོ། །དགེའོ། །དགེའོ།། ྋ T11615 - 458 ཨོཾ༔ དེ་ནས་རྒྱུན་གསོལ་བྱ་བ་ལ༔ ཀྱེེ༔ རྟ་མགྲིན་དབང་གི་རྒྱལ་པོ་དང་༔ རྟ་ལྷ་ཨཱཪྻ་རེ་མནྟ༔ ཀུ་བེེ་ར་དང་དབང་ཕྱུག་ཆེ༔ མགོན་པོ་ནག་པོ་རྣམ་ཐོས་སྲས༔ རྟ་ལྷ་འཁོར་དང་བཅས་པ་ལ༔ གསོལ་ལོ་མཆོད་དོ་ཐུགས་དམ་བསྐང་༔ རྟ་སྤེལ་རྟ་ཡི་དགྲ་བླ་མཛོད༔ རྟ་ལ་གནོད་པའི་དགྲ་བགེགས་ཐུལ༔ བསམ་པའི་དོན་ཀུན་ཡོངས་གྲུབ་མཛོད༔ དམ་ལ་མ་འདའ་ས་མ་ཡ༔ ཞེས་བརྗོད་པས་དགེ་ལེགས་ཡོན་ཏན་ཀུན་འབྱུང་འགྱུར༔ ས་མ་ཡ༔ རྒྱ་རྒྱ་རྒྱ༔ ཞེས་བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའི་ཡི་གེ་པ་ནི་རང་སློབ་དམ་པ་ངག་དབང་ཕྲིན་ལས་ཀྱིས་བྲིས་པ་དགེ་ཞིང་བཀྲ་ཤིས་པར་གྱུར་ཅིག། ། རྒྱུན་གསོལ་455རྟ་ལྷ་ T11615 - 460 ཨོཾཿ དག་སྣང་ལས༔ ཟོ་དོར་རྔ་ལ་སྟག་རྩེའི་གསོལ་མཆོད་བཞུགས༔ ན་མོ་གུ་རུ་ཝེ༔ དངོས་སུ་འབྱོར་པའི་མཆོད་རྫས་བཤམས༔ ཏིང་ངེ་འཛིན་གྱིས་མང་དུ་སྤེལ༔ སྭ་བྷཱ་ཝ་ཡིས་སྟོང་པར་སྦྱང་༔ ནམ་མཁའ་མཛོད་ཀྱི་སྔགས་ཀྱིས་བརླབས༔ ཀྱེེ༔ སྔོན་ཚེ་གསང་བའི་བདག་པོ་དང་༔ རིག་འཛིན་པདྨ་ཐོད་ཕྲེང་གི༔ བཀའ་ཉན་ཆེན་པོ་དྲེགས་པ་རྩལ༔ ཕྱི་ལྟར་རྔ་ལ་སྟག་རྩེར་གྲགས༔ ནང་ལྟར་དགེ་བསྙེན་དཔལ་འབར་རྩལ༔ གསང་བ་བཙན་རྒོད་དྲེགས་པའི་གཙོ༔ ཀླུ་གཉན་རྒྱལ་པོའི་འཁོར་གྱིས་བསྐོར༔ ཡུམ་མཆོག་བསྭེ་ཡི་རལ་པ་ཅན༔ མ་སྨན་ལྷ་མོའི་འཁོར་དང་བཅས༔ གསོལ་མཆོད་གནས་འདིར་བཤེགས་སུ་གསོལ༔ དངོས་འབྱོར་ཡིད་ཀྱིས་རྣམ་སྤྲུལ་པའི༔ འདོད་ཡོན་ནམ་མཁའ་མཛོད་དུ་འབུལ༔ གསོལ་ལོ་མཆོད་དོ་ཐུགས་དམ་བསྐང་༔ དབྱེར་མེད་གྲོགས་མཛོད་བསམ་དོན་སྒྲུབས༔ དགྲ་བགེགས་གདུག་པ་ཆོམ་ལ་ཕོབས༔ དམ་ལ་མ་འདའ་ས་མ་ཡ༔ ཞེས་པ་འདི་ཡང་དཔལ་འཛིན་གྱིས་བསྐུལ་ངོར་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བ་དགེ་བར་གྱུར་ཅིག །དགེའོ།། །། གསོལ་མཆོད་ T11615 - 462 ༄༅། །བསླུ་མེད་དཀོན་མཆོག་གསུམ་གྱི་བདེན་པ་དང་། །ཆོས་ཉིད་རྣམ་དག་རྒྱུ་འབྲས་བསླུ་མེད་མཐུས། །གནས་འདིར་བརྟེན་བཅས་ཡེ་ཤེས་འཇིག་རྟེན་གྱི། །ལྷ་དང་སྲུང་མ་གཞི་བདག་ལྷ་འདྲེའི་སྡེ། །མ་ལུས་ལུས་པ་མེད་པའི་སྤྱོད་ཡུལ་དུ །འདོད་རྒུའི་དཔལ་ཡོན་མི་ཟད་གཏེར་ཆེན་པོ། །འབྱུང་ཞིང་མི་ཟད་གཏེར་ལ་སྤྱོད་གྱུར་ཅིག །ཅེས་ལན་གསུམ་བརྗོད་མཐར་ནམ་མཁའ་མཛོད་སྔགས་ལན་བདུན་བརྗོད། ཀྱེེ། ས་ཕྱོགས་ཡུལ་རི་དབེན་གནས་འདིར། །བརྟེན་བཅས་དྲེགས་པའི་ལྷ་འདྲེའི་ཚོགས། །མ་ལུས་འཁོར་དང་བཅས་པ་ལ། །གསོལ་ལོ་མཆོད་དོ་ཐུགས་དམ་བསྐང་། བདག་ཅག་སྒྲུབ་མཆོག་འཁོར་བཅས་ཀྱིས། །ཞི་རྒྱས་དབང་དང་དྲག་པོའི་ལས། །གང་བརྩམས་ཐོགས་མེད་མྱུར་འགྲུབ་མཛོད། །སྒྲུབ་པའི་མཐུན་རྐྱེན་ལེགས་ཚོགས་ཀུན། །འབད་མེད་ལྷུན གྱིས་གྲུབ་པ་དང་། །དཀར་པོ་དགེ་བའི་སྡོང་གྲོགས་མཛོད། །བར་ཆད་དགྲ་བགེགས་རྡུལ་དུ་རློགས། །དུས་གསུམ་རྒྱལ་བ་སྲས་བཅས་ཀྱི། །བཀའ་དམ་གཉན་པོ་དཔང་བཙུག་གོ །མ་འདའ་བཛྲ་ས་མ་ཡ། །སརྦ་དྷརྨ་པཱ་ལ། སརྦ་ཀྵེ་ཊ་པཱ་ལ། སརྦ་ལོ་ཀ་པཱ་ལ། སརྦ་ས་པ་རི་ཝཱ་ར་ཨེ་དཾ་བ་ལི་ཏ་ཁ་ཁ་ཁཱ་ཧི། ཞེས་པའང་བདུད་འཇོམས་པས་སོ། །ཁང་ལུང་གནས་ལ་གསོལ་མཆོད་དུ་མཛད་པའོ།། །། TI1615 - 463 T1615 - 464 ཨོཾ༔ དག་སྣང་ཡེ་ཤེས་དྲྭ་བ་ལས༔ ཟོ་དོར་གཏེར་རི་ཕྱུག་པོའི་བསང་མཆོད་འདོད་ཡོན་སྤྲིན་ཕུང་བཞུགས༔ ཨོཾ༔ ན་མོ་གུ་རུ་པདྨ་ཀ་ར་ཡེ༔ གསནམ།༔ བཟང་ཤིང་ཕྱེ་མར་གསུར་དུད་བཏང་༔ གསེར་སྐྱེམས་དཀར་དམར་གཏོར་མ་བཤམས༔ སྟོང་པ་ཉིད་ཀྱི་སྔགས་དང་ནི༔ ནམ་མཁའ་མཛོད་སྔགས་གསུམ་གསུམ་བརྗོད༔ ཡིད་ཀྱིས་