Tibetan
THE COLLECTED TREASURE -TEXT OF BDUD - JOMS - GLING -PA VOLUME - 15 2017 T11615 - 002 ༄༅། །སྤྲུལ་པའི་གཏེར་ཆེན་བདུད་འཇོམས་གླིང་པའི་ཟབ་གཏེར་གསང་བའི་ཆོས་སྡེའི་གླེགས་བམ་བཅོ་ལྔ་པ་བཞུགས་སོ།། Tl1615 - 003 T11615 - 004 2།ཨོཾཿ དག་སྣང་ཡེ་ཤེས་དྲྭ་བ་ལས༔ བླ་མའི་རྣལ་འབྱོར་ཐུགས་རྗེའི་ཆུ་རྒྱུན་བཞུགས་སོ༔ ཟོལ་མེད་གདུང་ཤུགས་དྲག་པོ་ཡིས༔ གསོལ་འདེབས་དབང་བྱིན་དངོས་གྲུབ་ལེན༔ ས་མ་ཡ༔ ཨཱཿ རང་སྣང་ལྷུན་གྲུབ་བདེ་ཆེན་ཞིང་༔ དོན་གྱི་འོག་མིན་གཞལ་ཡས་སུ༔ ཆུ་སྐྱེས་གེ་སར་བཞད་པའི་ཁར༔ ཉི་མའི་གདན་སྟེང་འོད་ལྔའི་ཀློང་༔ རང་ཉིད་ཡེ་ཤེས་མཚོ་རྒྱལ་མ༔ དམར་གསལ་གྲི་ཐོད་ཁ་ཊྭཱྃ་བཀལ༔ ཞབས་གཉིས་དོར་སྟབས་རུས་རྒྱན་སྤྲས༔ སྤྱི་བོར་ཁྲུ་གང་ཙམ་གྱི་སྟེང་༔ འདབ་སྟོང་པདྨ་ཉི་ཟླའི་དབུས༔ བདེ་གཤེགས་རྒྱལ་བ་ཡོངས་འདུས་དཔལ༔ ཆེ་མཆོག་བཛྲ་ཧེ་རུ་ཀ༔ བདུད་འཇོམས་རྡོ་རྗེ་ཁྲོ་ལོད་རྩལ༔ དམར་ནག་འོད་ཀྱི་ཕུང་པོ་ཅན༔ ཧེ་རུ་ཀ་པ་རྔམས་པའི་ཆས༔ ཕྱག་གཡས་རྡོ་རྗེ་རྩེ་དགུ་གསོར༔ གཡོན་པས་གནམ་ལྕགས་ཕུར་པ་གཟིར༔ རྒྱལ་པོ་རོལ་པའི་སྟབས་སུ་བཞུགས༔ དབུ་སྐྲ་སིལ་མས་སྐུ་རྒྱབ་ཁེབས༔ སྟག་ཤམ་རུས་རྒྱན་མེ་དཔུང་འབར༔ གསང་གསུམ་འཁོར་ལོ་སྒྱུ་འཕྲུལ་ལྷ༔ མ་འདྲེས་ཡོངས་རྫོགས་ཆེན་པོར་གསལ༔ གནས་གསུམ་རྡོ་རྗེའི་སྙིང་པོ་ལས༔ འོད་འཕྲོས་སྐུ་གསུམ་རྒྱལ་བ་རྣམས༔ སྤྱན་དྲངས་གཉིས་སུ་མེད་པར་གྱུར༔ ཧཱུྃ༔ ཨོ་རྒྱན་ཡུལ་གྱི་ ནུབ་བྱང་མཚམས༔ པདྨ་གེ་སར་སྡོང་པོ་ལ༔ སོགས་གཤེགས་སུ་གསོལ༔ གུ་རུ་པདྨ་སིདྡྷི་ཧཱུྃ༔ རིགས་ཀུན་ཁྱབ་བདག་བླ་མ་ལ༔ སྒོ་གསུམ་གུས་པས་ཕྱག་འཚལ་ལོ༔ ལུས་དང་ལོངས་སྤྱོད་མཆོད་པར་འབུལ༔ སྒོ་གསུམ་ཉེས་པའི་སྒྲིབ་ཚོགས་བཤགས༔ དགེ་ཚོགས་ཀུན་ལ་རྗེས་ཡི་རང་༔ ཐེག་གསུམ་ཆོས་འཁོར་བསྐོར་བར་བསྐུལ༔ མྱ་ངན་མི་འདའ་བཞུགས་གསོལ་འདེབས༔ ཟག་བཅས་ཟག་མེད་དགེ་བསགས་པ༔ བྱང་ཆུབ་ཆེན་པོའི་རྒྱུ་རུ་བསྔོ༔ འོད་གསལ་ཆེན་པོའི་དགོངས་པས་རློབས༔ ཨོཾ་བཛྲ་གུ་རུ་ཀྲོ་ཏ་ཧཱུྃ་ཕཊ༔ ཨེ་མ་ཧོཿ ཆོས་སྐུའི་ཀློང་དུ་མགོན་པོ་འོད་མི་འགྱུར༔ ལོངས་སྐུ་འགགས་མེད་ཐུགས་རྗེ་ཆེན་པོའི་སྐུ༔ སྤྲུལ་སྐུ་འགྲོ་འདུལ་རྡོ་རྗེ་ཐོད་ཕྲེང་རྩལ༔ གདུལ་བྱའི་མོས་ངོར་བདུད་འཇོམས་ཁྲོ་ལོད་རྩལ༔ གསོལ་བ་བདེབས་སོ་ཐུགས་རྗེའི་རྒྱུད་བསྐུལ་ལོ༔ སྐད་ཅིག་ཉིད་ལ་བདག་རྒྱུད་བྱིན་གྱིས་རློབས༔ སྐྱབས་མེད་བདག་སོགས་ཐུགས་རྗེས་བསྐྱབ་ཏུ་གསོལ༔ མ་རིག་འཁྲུལ་པའི་སེམས་ཅན་ཐམས་ཅད་ལ༔ ཁྱབ་བརྡལ་ཆོས་སྐུའི་དགོངས་པས་བྱིན་གྱིས་རློབས༔ ལྷུན་གྲུབ་བདེ་བ་ཆེན་པོའི་ས་ལ་དྲོངས༔ བདག་ཅག་རྣལ་འབྱོར་མོས་པའི་བུ་རྣམས་ལ༔ ཨོཾ༔ ཐུགས་རྗེ་རྒྱུན་ཆད་མེད་པར་དགོངས་མཛོད་ཅིག༔ སྒོ་གསུམ་རྡོ་རྗེ་གསུམ་གྱི་རོལ་པ་རུ༔ བྱིན་གྱིས་རློབས་ལ་སྨིན་པར་མཛད་དུ་གསོལ༔ ཉམས་དང་རྟོགས་པའི་ཡོན་ཏན་གོང་འཕེལ་ནས༔ ཁྱབ་བདག་ཆོས་ཀྱི་དབྱིངས་སུ་བྱང་ཆུབ་ཤོག༔ དེ་ནས་དབང་བཞི་ལེན་པ་ནི༔ ཁྱབ་བདག་རྡོ་རྗེ་འཛིན་པ་ཡི༔ གསང་གསུམ་རྡོ་རྗེའི་དཀྱིལ་འཁོར་ནས༔ ཨོཾ་དཀར་ཨཱཿ དམར་ཧཱུྃ་མཐིང་འཕྲོས༔ སྒོ་གསུམ་དབང་གི་སྒོར་ཞུགས་ནས༔ ལས་དང་ཉོན་མོངས་སྒྲིབ་པ་སྦྱངས༔ བུམ་གསང་ཤེས་རབ་བཞི་པའི་དབང་༔ ཡོངས་ཐོབ་སྐུ་བཞིའི་ས་བོན་ཐེབས༔ ཡེ་ཤེས་ལྔ་ཡི་ཀློང་ཆེན་རྡོལ༔ རིག་འཛིན་རྣམ་བཞིའི་གོ་འཕང་ཐོབ༔ ཀུན་བཟང་དགོངས་ཀློང་རོ་གཅིག་རོལ༔ འོད་ཞུ་བདག་སྣང་དང་འདྲེས་ཏེ༔ སྣང་སྲིད་བདེ་ཆེན་རྒྱས་ཐེབས་ནས༔ འོད་གསལ་ཆེན་པོར་ལྷུན་གྲུབ་ཤོག༔ ས་མ་ཡ༔ རྒྱ་རྒྱ་རྒྱ༔ ཤཤཧཧྱ༔ ཞེས་དད་དམ་ལྡན་པ་ཕུན་ཚོགས་བཀྲ་ཤིས་དང་། མཁྱེན་རབ་ཅེས་མིང་གི་ཅོད་པན་འཆང་བའི་རྣལ་འབྱོར་གྱིས་དབང་གི་རྫས་མཆོག་དང་བཅས་ནན་དུ་བསྐུལ་བ་ལ་བརྟེན་ནས་ལྷ་ལྕམ་མནྡ་ར་བས་གསུངས་པ་ཐོས་ནས་བདུད་འཇོམས་རྡོ་རྗེ་ཁྲོ་ལོད་རྩལ་གྱིས་བྲིས་པའོ། །དགེའོ །དགེའོ །དགེའོ།། །། T11615 - 008 0ཨོཾཿ དག་སྣང་ཡེ་ཤེས་དྲྭ་བ་ལས༔ བླ་མ་སྒྲུབ་པའི་གསང་ཆེན་བྱིན་རླབས་གཏེར་མཛོད་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ གཐཐ།༔ ངེས་གསང་སྙིང་པོའི་རྣལ་འབྱོར་པས༔ རང་རིག་བླ་མར་མངོན་གྱུར་ཕྱིར༔ དུས་གསུམ་སངས་རྒྱས་ཀུན་གྱི་གསང་༔ བླ་མེད་གསང་བའི་ཡང་ཐིག་འདི༔ རྟག་ཏུ་ཉམས་ལེན་མཆོག་ཏུ་ཟུངས༔ དང་པོ་སྐྱབས་འགྲོ་སེམས་བསྐྱེད་ནི༔ ཧོཿ སྤྲོས་བྲལ་ཆོས་སྐུའི་བླ་མ་ལ༔ འདུ་འབྲལ་མེད་པར་སྐྱབས་སུ་མཆི༔ མ་བཅོས་རིག་པ་བྱང་ཆུབ་སེམས༔ བསྐྱེད་དུ་མེད་དེ་ཡེ་ནས་ཡིན༔ དེ་ནས་བགེགས་བསྐྲད་མཚམས་གཅོད་ནི༔ ཧཱུྃ༔ རིག་སྟོང་རྡོ་རྗེ་རྣོན་པོ་ཡིས༔ ཁམས་གསུམ་འཁོར་བའི་བདག་རྟོག་བཤིག༔ བདག་མེད་ཤེས་རབ་ཡེ་ཤེས་ལས༔ ཆོས་ཉིད་རོལ་པའི་འཁོར་ཡུག་གྱིས༔ དེ་ནས་བྱིན་ཆེན་དབབ་པ་ནི༔ ཧཱུྃ༔ ནམ་མཁའ་རྣམ་པར་དག་པའི་དབྱིངས༔ ལྷུན་གྲུབ་བདེ་ཆེན་ཀློང་མཛོད་ནས༔ སྐུ་དང་ཡེ་ཤེས་དབང་བྱིན་ཕོབ༔ མཆོག་གི་དངོས་གྲུབ་ཐོབ་པར་སྩོལ༔ བཛྲ་ས་མ་ཏི་ཨ་ཝེ་ཤ་ཡ་ཨ་ཨཱཿ དེ་ནས་མཆོད་རྫས་བྱིན་བརླབ་ནི༔ ཨོཾ་ཨཱཿ ཧཱུྃ༔ སྣང་སྲིད་རྟེན་འབྱུང་སྒྱུ་མའི་འཕྲུལ༔ ཡུལ་དྲུག་འདོད་ཡོན་ནམ་མཁའ་མཛོད༔ མ་བཙལ་རང་བྱུང་ཟད་མི་ཤེས༔ རང་བྱུང་རང་ཤར་མཆོད་པ་ཆེ༔ དེ་ནས་ལྷ་ བསྐྱེད་པ་ནི༔ ཧཱུྃ༔ སྣོད་བཅུད་སྣང་བ་ཐམས་ཅད་ཀུན༔ རྨི་ལམ་དབྱིངས་སུ་སད་པ་བཞིན༔ ཆོས་ཉིད་སྒྱུ་མར་རོལ་པའི་འཕྲུལ༔ བདེ་ཆེན་དག་པ་མཁའ་སྤྱོད་ཞིང་༔ ལྷུན་གྲུབ་བཀོད་པ་རབ་རྫོགས་དབུས༔ ཆོས་དབྱིངས་ལྷུན་འབྱམས་གཞལ་ཡས་སུ༔ མ་ཆགས་པདྨ་ཉི་ཟླའི་སྟེང་༔ རང་ཉིད་སྐད་ཅིག་དྲན་རྫོགས་སུ༔ རྡོ་རྗེའི་བླ་མ་རིན་པོ་ཆེ༔ དཀར་དམར་ཞི་འཛུམ་མཚན་དཔེས་སྤྲས༔ ལོངས་སྤྱོད་རྫོགས་སྐུའི་ཆས་ཀྱིས་བརྒྱན༔ ཞབས་གཉིས་རྡོ་རྗེའི་སྐྱིལ་ཀྲུང་བཞུགས༔ ཕྱག་གཉིས་ས་གནོན་ཕྱག་རྒྱ་མཛད༔ སྤྱན་ཟུང་ནམ་མཁའི་དབྱིངས་ལ་གཟིགས༔ ཡེ་ཤེས་འཇའ་སྐུ་སྟོང་གསལ་གྱི༔ ཐུགས་ཀར་ཀུན་བཟང་མཐིང་ནག་གི༔ ཐུགས་གསང་ཉི་ཟླའི་གྭའུ་རུ༔ ཧཱུྃ་ལ་སྔགས་ཀྱི་ཕྲེང་བས་བསྐོར༔ འོད་ཟེར་སྤྲུལ་པ་དཔག་མེད་ཀྱིས༔ ནམ་མཁའི་གར་ཁྱབ་ཡོངས་གང་ནས༔ ཁམས་གསུམ་སྐུ་གསུང་ཐུགས་སུ་བསྒྲལ༔ ཡེ་གནས་ཡེ་ཤེས་མངོན་དུ་བྱ༔ དེ་ནས་སྤྱན་འདྲེན་པ་ནི༔ ཧཱུྃ༔ རང་སྣང་དོན་གྱི་འོག་མིན་ནས༔ གདོད་མ་གཞི་ཡི་སངས་རྒྱས་ཉིད༔ གཤེགས་བྱོན་མེད་དེ་མངོན་གྱུར་དུ༔ དབྱིངས་དང་ཡེ་ཤེས་མཉམ་བརྡལ་མཛོད༔ བཛྲ་ས་མ་ཡ་ཛ་ཛཿ དེ་ནས་བཞུགས་སུ་གསོལ་བ་ནི༔ ཨོཾ༔ ཧཱུྃ༔ གདན་གསུམ་ཚང་བའི་ངོ་བོ་རུ༔ རིག་འཛིན་བླ་མའི་དཀྱིལ་འཁོར་ལྷ༔ གཉིས་སུ་མེད་པར་བརྟན་བཞུགས་ནས༔ མཁྱེན་གཟིགས་ཡེ་ཤེས་རང་ཞལ་སྤྲོད༔ བཛྲ་ས་མ་ཡ་སྟྭཾ༔ ཕྱག་འཚལ་བ་ནི༔ ཧཱུྃ༔ འཁོར་འདས་དག་མཉམ་བྱང་ཆུབ་སེམས༔ ཀུན་ཁྱབ་ཀུན་གཟིགས་ཀུན་མཁྱེན་ལྷ༔ མ་བྱུང་མ་སྐྱེས་ཡེ་རྫོགས་ལྷར༔ འདུ་འབྲལ་མེད་པར་ཕྱག་བགྱིའོ༔ ན་མོ་ཛྙཱ་ན་གུ་རུ་ཡེ༔ དེ་ནས་མཆོད་པ་འབུལ་བ་ནི༔ ཧཱུྃ༔ སྣོད་བཅུད་འདོད་ཡོན་ལོངས་སྤྱོད་དཔལ༔ མི་ཟད་རྒྱན་གྱི་འཁོར་ལོའི་ཚོགས༔ མ་བཙལ་རང་བྱུང་མཆོད་པ་ཆེ༔ རང་སྣང་ཉིད་དུ་རིག་པས་མཆོད༔ མ་ཧཱ་པཱུ་ཛ་ཧོཿ དེ་ནས་བསྟོད་པ་བྱ་བ་ནི༔ ཧཱུྃ༔ ཆོས་ཉིད་ཆགས་པ་བྲལ་བའི་དབྱིངས༔ གཞི་ལམ་འབྲས་བུའི་མཛོད་དུ་ཤར༔ བླ་མེད་བླ་མ་མཆོག་ཁྱོད་ལ༔ མི་ཕྱེད་དད་པས་འདུད་ཅིང་བསྟོད༔ དེ་ནས་འཛབ་བཟླས་ནི༔ ཨོཾ་གུ་རུ་ཧ་རི་ནི་ས་ཛྙཱ་ན་གུ་ཎ་སརྦ་སིདྡྷི་ཧཱུྃ༔ གསལ་བ་ཆེན་པོའི་ངང་ཉིད་ལས༔ མི་འདའ་ཟླ་དྲུག་བསྒྲུབ་བྱས་ན༔ རྡོ་རྗེ་འཆང་གི་དགོངས་དོན་རྟོགས༔ འདི་ནི་རྡོ་རྗེའི་གཏན་ཚིག་གོ༔ རྒྱ་རྒྱ་རྒྱ༔ བརྡ་ཐིམ༔ ཞེས་འོད་གསལ་གསང་བ་ཆེན་པོའི་རྣལ་འབྱོར་པ་ཕྲིན་ལས་འགྲོ་འདུལ་རྡོ་རྗེས་བསྐུལ་ངོར་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའི་ཡི་གེ་པ་ནི་ཕུན་ཚོགས་བཀྲ་ཤིས་སོ། །དགེའོ།། །། T11615 - 012 ཨོཾཿ དག་སྣང་ཡེ་ཤེས་དྲྭ་བ་ལས༔ བླ་མའི་ཚོགས་མཆོད་འདོད་ཡོན་སྤྲིན་དཔུང་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ གཧ་ན།ཧྱ༔ ཡང་དག་ལམ་ཞུགས་སྐྱེས་བུ་ཡིས༔ ཉམས་ཆག་མ་ལུས་སྐོང་བའི་ཕྱིར༔ འབྱོར་ཚོགས་འདོད་ཡོན་བཤམས་བྱས་ནས༔ ཏིང་འཛིན་ནམ་མཁའ་མཛོད་ཀྱིས་སྤེལ༔ རཾ་ཡཾ་ཁཾ༔ རྣམ་རྟོག་མཚན་མའི་བག་ཆགས་སྦྱངས༔ རྣམ་དག་ཡེ་ཤེས་བདུད་རྩི་ཡིས༔ རྒྱལ་བའི་ཞིང་ཁམས་ཡོངས་ཁྱབ་གྱུར༔ འདོད་རྒུའི་དཔལ་ཡོན་ནམ་མཁའ་མཛོད༔ ཨོཾ་ཨཱཿཧཱུྃ༔ ལན་གསུམ༔ དེ་ནས་སྤྱན་འདྲེན་པ་ནི༔ ཧཱུྃ༔ རང་སྣང་དོན་གྱི་འོག་མིན་ནས༔ བཀའ་དྲིན་གསུམ་ལྡན་བླ་མ་ལ༔ བརྒྱུད་གསུམ་བླ་མའི་ཚོགས་ཀྱིས་བསྐོར༔ ཚོགས་ལ་སྤྱན་འདྲེན་གཤེགས་སུ་གསོལ༔ བཛྲ་ས་མ་ཡ་ཛ་ཛཿ དེ་ནས་ཚོགས་ཕུད་འབུལ་ཞིང་བར་པ་བཤགས་པ་ནི༔ ཧཱུྃ༔ རིག་འཛིན་བླ་མའི་དཀྱིལ་འཁོར་ལ༔ འདོད་ཡོན་ལོངས་སྤྱོད་ཚོགས་མཆོད་འབུལ༔ དམ་ཚིག་ཉམས་ཆག་འགལ་འཁྲུལ་ཀུན༔ ཚོགས་ཀྱི་མཆོད་པས་བསྐང་ཞིང་བཤགས༔ ན་མོ་སརྦ་མ་ཧཱ་གུ་རུ་ག་ཎ་ཙཀྲ་ཁཱ་ཧི༔ བཛྲ་ས་མ་ཡ་ཤུདྡྷེ་ཨཱཿ དེ་ནས་བསྒྲལ་ཞིང་བསྟབ་པ་ནི༔ ཧཱུྃ༔ མ་རིག་ཉོན་འཁྲུལ་དགྲ་བགེགས་རྣམས༔ བདག་མེད་ཡེ་ཤེས་ཆེན་པོས་བསྒྲལ༔ ཕུང་ཁམས་སྐྱེ་མཆེད་དབང་ཡུལ་བཅས༔ རིག་འཛིན་བླ་མའི་ཞལ་དུ་བསྟབས༔ སརྦ་ཤ་ཏྲུཾ་མཱ་ར་ཡ་རྦད་ཁཱ་ཧི༔ དེ་ནས་ལྷག་མ་འབུལ་བ་ནི༔ ཧཱུྃ༔ སྔོན་ཚེ་དཔལ་གྱི་སྤྱན་སྔ་རུ༔ ཁས་བླངས་དམ་བཅས་ལྷག་སྐྱོང་རྣམས༔ འདིར་གཤེགས་ལྷག་མའི་ལོངས་སྤྱོད་བཞེས༔ ཕྲིན་ལས་རབ་འབྱམས་ཡོངས་གྲུབ་མཛོད༔ ཨུཙྪིཥྚ་བ་ལི་ཏ་ཁཱ་ཧི༔ དེ་ནས་བསྐུལ་བ་ནི༔ ཧཱུྃ༔ རིག་འཛིན་བླ་མའི་ལྷ་ཚོགས་རྣམས༔ ཆོས་ཀྱི་དབྱིངས་ནས་སྐུར་བཞེངས་ལ༔ བདག་རྟོག་འཁོར་བའི་བག་ཆགས་བསྒྲལ༔ མཉམ་ཉིད་ཡེ་ཤེས་དངོས་གྲུབ་སྩོལ༔ དེ་ནས་ཆད་མདོ་ལ༔ ཧཱུྃ༔ སྔོན་ཚེ་དཔལ་ཆེན་ཧེ་རུ་ཀ༔ བར་དུ་ཨོ་རྒྱན་ཐོད་ཕྲེང་རྩལ༔ ཐ་མ་རིག་འཛིན་བླ་མ་ཡི༔ སྤྱན་སྔར་ཁས་བླངས་དམ་བཅས་པའི༔ བཀའ་སྲུང་གཉན་པོ་ཐམས་ཅད་ཀུན༔ འདིར་གཤེགས་དམར་གྱི་གཏོར་མ་ལོངས༔ ཆད་བཞིན་ཕྲིན་ལས་ཡོངས་གྲུབ་མཛོད༔ བཛྲ་ས་མ་ཡ༔ དེ་ནས་བརྟན་སྐྱོང་ལ༔ ཧཱུྃ༔ བོད་ཁམས་སྐྱོང་བའི་མ་སྲིང་སྡེ༔ བརྟན་མ་ཆེན་མོ་བཅུ་གཉིས་རྣམས༔ འདིར་གཤེགས་བཤལ་ཆུའི་གཏོར་མ་ལོངས༔ ཕྱི་རོལ་བདུད་སྡེའི་དཔུང་ཆོམས་ལ༔ བོད་ཁམས་བདེ་བའི་ཕྲིན་ལས་མཛོད༔ མ་མ་བ་ལིཾ་ཏ་ཁཱ་ཧི༔ དེ་ནས་རྟ་བྲོ་ནི༔ ཨོཾ༔ ཧཱུྃ༔ བདེ་ཆེན་འབར་བའི་གཞལ་ཡས་ནས༔ ཡེ་ཤེས་རོལ་པའི་རྟ་བྲོ་བརྡུང་༔ བདག་ལྟ་རཱུ་ཏྲ་འཁོར་བའི་འདྲེ༔ བདག་མེད་ཆེན་པོའི་དབྱིངས་སུ་མནན༔ དེ་ནས་དངོས་གྲུབ་བླངས་ཤིང་བཤགས་པ་ནི༔ ༔ རྡོ་རྗེའི་བླ་མ་རིན་པོ་ཆེ༔ གསང་བ་གསུམ་གྱི་དབང་དངོས་གྲུབ༔ མ་ལུས་བདག་ལ་སྩལ་དུ་གསོལ༔ དམ་ཚིག་ཉམས་ཆག་མཐོལ་ལོ་བཤགས༔ ཀཱ་ཡ་ཝཱཀ་ཙིཏྟ་སརྦ་སིདྡྷི་ཧཱུྃ༔ ཨོཾ་བཛྲ་སཏྭ་ས་མ་ཡ༔ སོགས་ཡི་གེ་བརྒྱ་པ་བརྗོད༔ དེ་ནས་བསྡུ་རིམ་ནི༔ ཧཱུྃ༔ ཁམས་གསུམ་སྐུ་གསུང་ཐུགས་སུ་བསྡུ༔ སྐུ་གསུམ་དབྱེར་མེད་བདེ་ཆེན་ངང་༔ ཨ་ཨཱཿ དེ་ནས་རྗེས་ཐོབ་ནི༔ ཧཱུྃ༔ ཡེ་ནས་མ་བཙལ་རྫོགས་ལྡན་གྱི༔ ཡེ་རིག་ཆོས་སྐུའི་བླ་མར་ཤར༔ ཧཱུྃ་ཧཱུྃ་ཧཱུྃ༔ དེ་ནས་བསྔོ་སྨོན་ལ༔ ཧཱུཾ༔༷ བདག་གིས་རྣམ་དཀར་དགེ་བསགས་ཀུན༔ འགྲོ་བ་སེམས་ཅན་ཡོངས་ལ་བསྔོ༔ ཀུན་ཀྱང་རང་རིག་མངོན་གྱུར་ནས༔ རྣམ་མཁྱེན་སངས་རྒྱས་ས་ཐོབ་ཤོག༔ དེ་ནས་བཀྲ་ཤིས་བྱ་བ་ལ༔ ཧཱུྃ༔ དག་མཉམ་གཞི་ཡི་བཀྲ་ཤིས་ཤོག༔ མ་བསྒོམ་ལམ་གྱི་བཀྲ་ཤིས་ཤོག༔ ཡེ་གྲོལ་འབྲས་བུའི་བཀྲ་ཤིས་ཤོག༔ རང་ཐོག་རང་གྲོལ་བཀྲ་ཤིས་ཤོག༔ དེ་ལྟར་རིག་འཛིན་བླ་མ་ཡི༔ སྒྲུབ་པ་ལྷུར་ལེན་སྐལ་བཟང་ཀུན༔ ཚོགས་ རྣམ་མཁྱེན་ལམ་གྱི་དམ་པ་འཐོབ༔ ཐེ་ཚོམ་མེད་དོ་ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་ཕྲིན་ལས་འགྲོ་འདུལ་རྡོ་རྗེས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའི་ཡི་གེ་པ་ནི་ཕུན་ཚོགས་བཀྲ་ཤིས་སོ། །དགེའོ།། །། མ T1615 - 016 ཨོཾཿ དག་སྣང་ཡེ་ཤེས་དྲྭ་བ་ལས༔ རིག་འཛིན་བླ་མའི་དོན་བསྐང་བཞུགས་སོ༔ ན་མོ་གུ་རུ་ཝེ༔ ཧཱུྃ༔ མ་བཅོས་ཡེ་སངས་རྒྱས་པའི་སྐུ༔ ཆོས་ཀྱི་སྐུ་ཡི་ཐུགས་དམ་བསྐང་༔ ལྷུན་གྲུབ་བདེ་བ་ཆེན་པོའི་དབྱིངས༔ ལོངས་སྤྱོད་རྫོགས་སྐུའི་ཐུགས་དམ་བསྐང་༔ གདུལ་བྱའི་མོས་ངོར་གང་འདུལ་སྟོན༔ སྤྲུལ་སྐུའི་བླ་མའི་ཐུགས་དམ་བསྐང་༔ རྒྱལ་ཀུན་དགོངས་པ་རོ་གཅིག་པའི༔ དགོངས་བརྒྱུད་བླ་མའི་ཐུགས བརྡ་ཚིག་ཙམ་གྱིས་ངེས་དོན་རྟོགས༔ བརྡ་བརྒྱུད་བླ་མའི་ཐུགས༴ གཅིག་ནས་གཅིག་བརྒྱུད་གྲོལ་ལམ་སྟོན༔ སྙན་བརྒྱུད་བླ་མའི་ཐུགས་དུས་གསུམ་སངས་རྒྱས་གཅིག་རྫོགས་དཔལ༔ དྲིན་ཆེན་བླ་མའི་ཐུགས༴ སྣོད་བཅུད་དཔལ་ཡོན་ཐམས་ཅད་ཀུན༔ བླ་མའི་ཐུགས་དམ་བསྐང་ཕྱིར་འབུལ༔ དམ་ཚིག ཉམས་ཆག་མཐོལ་ལོ་བཤགས༔ དག་ཚངས་མཆོག་ཐུན་དངོས་གྲུབ་སྩོལ༔ ཕྱི་ནང་ཕུང་ཁམས་སྐྱེ་མཆེད་ཀུན༔ བླ་མའི་ཐུགས་དམ་བསྐང་ཕྱིར་འབུལ༔ དམ་ཚིག་ཉམས་ཆག༴ དག་ཚངས་མཆོག་ཐུན་བུ་ནོར་ཆུང་མ་ཉེ་འཁོར་བཅས༔ བླ་མའི་ཐུགས་དམ༴ དམ་ཚིག་ཉམས་ཆག༔ དག་ཚངས་མཆོག་ཐུན་བློ་ཡི་སྙིང་དང་གཅེས་པའི་སྲོག༔ བླ་མའི་ ཐུགས་དམ༴ དམ་ཚིག་ཉམས་ཆག༔ དག་ཚངས་མཆོག་ཐུནཿ བསོད་ནམས་དགེ་རྩ་ཅི་མཆིས་པ༔ བླ་མའི་ཐུགས་དམ༴ དམ་ཚིག་ཉམས་ཆག དག་ཚངས་མཆོག་ཐུན༴ ཚོགས་ཡུལ་འདོད་ཡོན་སོ་སོར་བཅས༔ བླ་མའི་ཐུགས་དམ༴ དམ་ཚིག་ཉམས་ཆགཿ དག་ཚངས་མཆོག་ཐུན་ལྟ་བ་མ་རྟོགས་རྟོགས་པས་བཤགས༔ སྒོམ་པ་འཁྲུལ་ན་རིག་པས བཤགས༔ སྤྱོད་པ་ནོར་ན་དབྱིངས་སུ་བཤགས༔ ཚེ་འདིར་རྣམ་གྲོལ་དངོས་གྲུབ་སྩོལ༔ ཨོཾ་བཛྲ་སཏྭ་ས་མ་ཡ་སོགས༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་འགྲོ་འདུལ་རྡོ་རྗེས་བསྐུལ་ངོར་བདུད་འཇོམས་པས་སོ། །དགེའོ།། ། ཨོཾ༔ དག་སྣང་ཡེ་ཤེས་དྲྭ་བ་ལས༔ གུ་རུ་དྲག་པོའི་གསང་སྒྲུབ་ཡེ་ཤེས་འོད་ཟེར་བཞུགས༔ ན་མོ་གུ་རུ་ཝེ༔ གརྦདྷ།གསྣ༔ སྒོ་གསུམ་རྡོ་རྗེའི་གྲོང་འཇུག་པའི༔ ཡེ་ཤེས་ཟང་ཐལ་སྒྱུ་མའི་ལུས༔ འདི་འབྲེལ་ཙམ་གྱིས་ངེས་པར་འགྲུབ༔ འཁོར་འདས་དག་མཉམ་ཆེན་པོར་གྲོལ༔ ས་མ་ཡ༔ ཧཱུྃ༔ བདག་མེད་ཤེས་རབ་རླབས་ཤུགས་ཀྱིས༔ མ་དག་འཁོར་བ་དབྱིངས་སུ་བཤིག༔ དག་པ་ཡེ་ཤེས ལྷར་སྣང་བཀོད༔ དབང་དྲག་རོལ་པའི་དཀྱིལ་འཁོར་དུ༔ པད་ཉི་རྒྱལ་བསེན་བསྣོལ་བའི་སྟེང་༔ རང་ཉིད་སྐད་ཅིག་དྲན་རྫོགས་སུ༔ བླ་མ་བདེ་ཆེན་རྒྱལ་པོའི་སྐུ༔ གཏུམ་དྲག་དམར་ནག་འོད་ཕུང་འབར༔ སྤྱན་གསུམ་དམར་ཟླུམ་སྡང་མིག་གཡོ༔ ཞལ་གདངས་ལྗགས་དྲིལ་མཆེ་བ་གཙིགས༔ ཁྲོ་གཉེར་ཆུ་ཡི་རླབས་བཞིན་འཁྲིགས༔ སྨ་ར་སྨིན་མར་མེ་ཞགས་འཕྱོ༔ དབུ་སྐྲ་དམར་སེར་སྲིད་རྩེར་བརྫེས༔ ཕྱག་གཡས་གནམ་ལྕགས་རྡོ་རྗེ་ཕྱར༔ གཡོན་པས་ལྕགས་སྡིག་མགོ་དགུ་བསྣམས༔ ཞབས་གཉིས་རྔམས་སྟབས་རྒྱལ་བསེན་གནོན༔ བསྐལ་པ་དུས་མཐའི་མེ་ལྟར་འབར༔ ཐལ་ཆེན་ཁྲག་གི་ཐིག་ལེ་དང་༔ ཞག་གི་ཟོ་རིས་བྱུག་པའི་རྫས༔ ཐོད་སྐམ་དབུ་རྒྱན་ཐོད་རློན་ཕྲེང་༔ དུག་སྦྲུལ་རིགས་ལྔའི་གདུབ་བུ་བཅིང་༔ གླང་ཆེན་ མི་ལྤགས་སྟོད་གཡོགས་དང་༔ སྟག་ལྤགས་ཤམ་ཐབས་སྨད་དུ་དཀྲིས༔ ཐུགས་ཀར་པདྨ་ཉི་ཟླའི་སྟེང་༔ གནམ་ལྕགས་རྡོ་རྗེའི་ལྟེ་བ་རུ༔ ཉི་ཟླའི་གྭའུ་ཁ་སྦྱོར་ནང་༔ ཧཱུྃ་ལ་སྔགས་ཀྱི ཕྲེང་བས་བསྐོར༔ འོད་འཕྲོས་རྒྱལ་བ་ཞི་ཁྲོའི་ཚོགས༔ སྤྱན་དྲངས་གཉིས་སུ་མེད་པར་བསྟིམ༔ དབང་བྱིན་ཡེ་ཤེས་འབར་བར་བསྒོམ༔ ཨོཾ་ཨཱཿ ཧཱུྃ༔ ཨརྩིག་ནིརྩིག་ན་མོ་བྷ་ག་ཝ་ཏེ ཧཱུྃ་ཧཱུྃ་ཕཊ༔ ཨཱཿ ཧཱུྃ་ཧཱུྃ་ཕཊ༔ བསྟོད་པ་ལ༔ ཧཱུྃ༔ གདོད་ནས་མ་སྐྱེས་ཀ་དག་ཀུན་ཏུ་བཟང་༔ རང་བཞིན་ལྷུན་གྲུབ་བདེ་ཆེན་ལོངས་སྤྱོད་རྫོགས༔ ཐུགས་རྗེས་ཀུན་ཁྱབ་ཡེ་ཤེས་སྤྲུལ པའི་སྐུ༔ དབང་དྲག་རོལ་པའི་དཔལ་ལ་ཕྱག་འཚལ་བསྟོད༔ ཅེས་པ་འདི་ཁྲག་འཐུང་བདུད་འཇོམས་དཔའ་བོས་ཕབ་པའོ། །དགེའོ། །ལེགས་སོ། །སརྦ་མངྒ་ལཾ།། ཨོཾཿ དག་སྣང་ཡེ་ཤེས་དྲྭབ་ལས༔ གུ་རུ་པདྨ་བདུད་འདུལ་གྱི༔ ལས་བྱང་རྡོ་རྗེའི་གྲོང་འཇུག་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ སྱ།གབགརྦདྷརབྷྲ ལས་སྨོན་རྟེན་འབྲེལ་བཟང་པོ་རྣམས༔ ཚོགས་ཤིང་དུས་ལ་བབ་པ་ཡི༔ རྣལ་འབྱོར་ཅན་གྱི་སྐལ་པ་རུ༔ སྒོ་གསུམ་རྡོ་རྗེ་གསུམ་ལྡན་གྱི༔ གྲོང་འཕོ་གྲོང་འཇུག་ཐབས་ཟབ་མོ༔ ལག་ཏུ་ལེན་པའི་རིམ་པ་ལ༔ ཆོས་བརྒྱད་ལས་དབེན་སྐྱིད་ཚལ་དུ༔ རྩ་གསུམ་བརྟེན་རྫས་བཤམས་བྱས་ཏེ༔ མཆོད་རྫས་ཡོ་བྱད་ཡིད་འོང་བཀོད༔ ཡུལ་ལྷ་ཟོ་དོར་སྡེ་བརྒྱད་ལ༔ དཀར་དམར་མཆོད་པ་སྐྱེམས་ཚོགས་བཏང་༔ སྒྲུབ་པའི་གྲོགས་སུ་ཕྲིན་ལས་བཅོལ༔ དེ་ནས་བདེ་བའི་གདན་ལ་འཁོད༔ དང་པོ་སྐྱབས་སུ་འགྲོ་བ་ལ༔ ན་མོ༔ འགྲོ་བའི་བླ་མ་ཆེ་བའི་མཆོག༔ དཔལ་ལྡན་སངས་རྒྱས་པདྨ་སྐྱེས༔ དུས་གསུམ་རྒྱལ་བའི་སྤྱི་གཟུགས་མཆོག༔ ཁྱོད་ལ་ཕྱག་འཚལ་སྐྱབས་སུ་མཆི༔ ལན་གསུམ་བརྗོད༔ གཉིས་པ་སེམས་བསྐྱེད་པ་ལ༔ ཧོཿ མ་གྱུར་མཁའ་མཉམ་སེམས་ཅན་ཀུན༔ རྣམ་གྲོལ་ས་ལ་འགོད་བྱའི་ཕྱིར༔ སྒོ་གསུམ་རྡོ་རྗེའི་གྲོང་འཕོས་ཏེ༔ གོ་འཕང་མཆོག་ཐོབ་ངེས་བསྒྲུབ་བྱ༔ དེ་ནས་ལྷ་བསྐྱེད་པ་ལ༔ སྣང་སྲིད་གཟུང་དང་འཛིན་པའི་ཆོས༔ ཆོས་ཉིད་དེ་བཞིན་ཉིད་དུ་བརྡལ༔ དེ་ལྟར་མ་རྟོགས་སེམས་ཅན་ལ༔ དམིགས་མེད་སྙིང་རྗེ་ཆེན་པོ་བརྡལ༔ མཁའ་ལས་ འཇའ་ཚོན་ཤར་བ་བཞིན༔ རིག་པ་རྒྱུ་ཡི་ཡི་གེ་ཧཱུྃ༔ ཧཱུྃ་ལས་འོད་ཕུང་རབ་འཕྲོས་པས༔ སྣང་སྲིད་པདྨ་འོད་ཀྱི་ཞིང་༔ ཡེ་ཤེས་ལྔ་རྫོགས་གཞལ་ཡས་དབུས༔ པད་ཟླ་ཉི་མའི་གདན སྟེང་དུ༔ ཧཱུྃ་བབ་འོད་ཟེར་དཔག་མེད་པ༔ འཕྲོ་འདུས་ཡོངས་སུ་གྱུར་པ་ལས༔ རང་ཉིད་རིག་འཛིན་པདྨ་འབྱུང་༔ དཀར་དམར་མདངས་ལྡན་འོད་ཕུང་འབར༔ བཅུ་དྲུག་གཞོན་ནུའི རྣམ་པ་ལ༔ མཚན་དང་དཔེ་བྱད་ཡོངས་སུ་རྫོགས༔ ཞལ་འཛུམ་སྤྱན་གདངས་ཞི་མ་ཁྲོ༔ དབུ་ལ་པདྨའི་མཉེན་ཞུ་དང་༔ སྐུ་ལ་ཟ་བེར་ཆོས་གོས་གསུམ༔ གསོལ་ཞིང་རིན་ཆེན་སྙན་ཆ་དང་༔༷ མཛེས་པའི་རྒྱན་ཕྲེང་དུ་མས་བརྒྱན༔ ཕྱག་གཡས་གསེར་གྱི་རྡོ་རྗེ་དང་༔ གཡོན་པས་ཐོད་བུམ་བདུད་རྩི་བསྣམས༔ མཆན་ཁུང་གཡོན་ན་ཁ་ཊྭཱཾ་མཛེས༔ ཞབས་གཉིས་རྡོ་རྗེ སྐྱིལ་ཀྲུང་བཞུགས༔ ཡེ་ཤེས་འཇའ་འོད་ཐིག་ལེའི་ཀློང་༔ འཇའ་ལུས་སྒྱུ་མའི་ཕུང་པོར་གསལ༔ གནས་གསུམ་རྡོ་རྗེའི་སྙིང་པོ་ལས༔ འོད་འཕྲོས་དབྱིངས་བཞུགས་ཡེ་ཤེས་པ༔ དཔག་ཏུ་མེད་པ་སྤྱན་དྲངས་བསྟིམ༔ ཨོ་ཨཱཿ ཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛ་ཛ་ཨ་བེ་ཤ་ཡ་ཨཱཿ སྟྭཾ་ཏིཥྛ་བཛྲ་ན་མོ་ན་མ་ཧོཿ ཕྱི་ནང་གསང་མཆོད་ཀྱི་སྔགས༔ ཨརྒྷཾ་ནས ཨོཾ༔ སྤཪྴ་མ་ཧཱ་སརྦ་པཉྩ་ཨ་མྲྀ་ཏ་རཀྟ་བ་ལིང་ཏ་པྲ་ཏཱིཙྪ་སྭཱ་ཧཱ༔ དེ་