Tibetan
ཧཱ་ཤུ་ནྱ་ཏཱ་སོགས་ཀོཉ་ཧཾ༔ སྟོང་པའི་ངང་ལས་མཁའ་ལ་འཇའ་ཚོན་ཤར་བ་བཞིན་དུ་ཡེ་ཤེས་ལྔ་དང་སྐུ་ལྔ་ལྷུན་གྱིས་གྲུབ་པའི་ངོ་བོ་ལ་རྣམ་པ་པདྨ་རཱ་ག་ལས་གྲུབ་པའི་གཞལ་ཡས་ཁང་ཡངས་པའི་ནང་དུ་རིལ་བུ་རྣམས་ཧྲཱིཿ ཡིག་ དམར་པོ་ཐིག་ལེས་བརྒྱན་པ་རེ་རེར་གྱུར་པ་ལས་འོད་འཕྲོས་པས་སྐུ་གསུམ་རྒྱལ་བའི་ཞིང་ཁམས་རྟེན་དང་བརྟེན་པར་བཅས་པ་འཇའ་སྤྲིན་འཐིབས་པའི་རྣམ་པ་ཅན་དུ་བསྡུས་ཏེ་རིལ་བུར་ཐིམ པས་པདྨ་དང་ཉི་ཟླའི་གདན་ལ་མགོན་པོ་ཚེ་དཔག་མེད་པ་སྐུ་མདོག་དམར་གསལ་ཞལ་གཅིག་ཕྱག་གཉིས་ཞི་འཛུམ་མཚན་དང་དཔེ་བྱད་རྫོགས་པ་ཕྱག་གཉིས་མཉམ་བཞག་གི་སྟེང་དུ་ཚེ་བུམ་འཛིན་པ་ཞབས་རྡོ་རྗེ་སྐྱིལ་ཀྲུང་མཛད་ཅིང་ལོངས་སྤྱོད་རྫོགས་པའི་ཆས་ཀྱིས་བརྒྱན་ཏེ་འོད་དམར་གྱི་ཐིག་ལེ་རེ་རེའི་ཀློང་དུ་མེ་ལོང་ལ་གཟུགས་བརྙན་ཤར་བ་བཞིན་དུ་བསྒོམས་པའི་གནས་ཐམས་ཅད་ནས་འོད་ཟེར་འཕྲོས་པས་ཕྱོགས་བཅུའི་བདེ་གཤེགས་སྲས་དང་བཅས་པ་ཐམས་ཅད་དང་མགོན་པོ་ཚེ་དང་ཡེ་ཤེས་དཔག་ཏུ་མེད་པའི་ལྷ་ཚོགས་ཐམས་ཅད་བསྒོམས་པ་དང་འདྲ་བའི་ཡེ་ཤེས་པ་དཔག་ཏུ་མེད་པར་བཞེངས་ཏེ་རྒྱ་མཚོ་ཆེན་པོ་ལ་ཁ་ཆར་བབ་པ་ལྟར་བུམ་པའི་ལྷ་ལ་སིབ་སིབ་ཐིམ་པར་བསྒོམ༔ ཨོཾ་ཨཱ་མི་དྷེ་ཝ་ཨ་ཡུ་སིདྡྷི་ཧཱུྃ་ཧྲཱིཿ ཨ་ཡུརྡྡྷ་ན་པུཎྱེ་ཨ་ཝེ་ཤ་ཡ་ཨཱཿ ཛཿ ཧཱུྃ་བཾ་ཧོཿ ཨོཾ་ཨ་ར་པ་ཙ་མུ་ད་ཧྲཱི་ད་ཡེ་སྭཱ་ཧཱ༔ ཅི་མང་བཟླས༔ གཞན་ཡང་བདུད་རྩི་སྒྲུབ་པ་ལ༔ བྷནྡྷ་མི་དམིགས་པ་སྟོང་པ་ཉིད་དུ་གྱུར༔ ཨོ་མ་ཧཱ་སོགས༔ སྟོང་པའི་ངང་ལས་ ཨོཾ༔ ཨཱཿལས་ཀ་པཱ་ལ་ཡངས་ཤིང་མཚན་ཉིད་ལྡན་པ་རྒྱ་ཆེ་བའི་ནང་དུ་དུས་གསུམ་གྱི་རྒྱལ་བ་ཐམས་ཅད་ཀྱིས་གསུང་གསང་འདུས་པའི་བདག་ཉིད་ཨཱཿཡིག་དམར པོ་ལས་མགོན་པོ་ཚེ་དང་ཡེ་ཤེས་དཔག་ཏུ་མེད་པ་ཡབ་ཡུམ་གཙོ་བོ་དང་མཚུངས་པ་འཇའ་ཚོན་འོད་ལྔའི་ཀློང་དུ་བཞུགས་པའི་གནས་གསུམ་འབྲུ་གསུམ་ལས་འོད་དང་འོད་ཕུང་དཔག་ཏུ་མེད་པ་འཕྲོས་པས་ཕྱོགས་བཅུ་དུས་བཞིའི་རྒྱལ་བ་རྣམས་ཀྱི་ཐུགས་འཆི་མེད་ཡེ་ཤེས་ཀྱི་བདུད་རྩིའི་རྣམ་པར་འདུས་ཏེ་འཆི་མེད་མགོན་པོའི་སྐུ་གསུང་ཐུགས་ལ་ཐིམ་པས་དགྱེས་ཆགས་དགའ་བདེའི་ཉམས་རྒྱས་ཏེ་བདུད་རྩི་བྱང་སེམས་དཀར་དམར་གྱི་རྒྱུན་བབ་པས་བྷནྡྷ་མེར་གྱིས་གང་བར་བསྒོམ༔ ཨོཾ་ཨཱ་མི་དྷེ་ཝ་ཨ་ཡུ་སིདྡྷི་ཧཱུྃ་ཧྲཱིཿ ཨ་ཡུ་པུཎྱེ་ཛྙ་ན་ཨ་མྲྀ་ཏེ་ཧཱུྃ་ཕཊ་སྭཱ་ཧཱ༔ ཅི་མང་བཟླས༔ དེ་ནས་བུམ་པ་སྒྲུབ་པ་ལ༔ བུམ་པ་མི་དམིགས་པ་སྟོང་པ་ཉིད་དུ་གྱུར༔ ཨོཾ་མ་ཧཱ་སོགས༔ སྟོང་པའི་ངང་ལས་པདྨ་དང་ཟླ་བའི་གདན་རྒྱ་ཆེ་ལ་ཁྱོན་ཡངས་པའི་སྟེང་དུ་རིན་པོ་ཆེ་སྣ་ཚོགས་ལས་གྲུབ་པའི་བུམ་པ་ཁ་གཡེལ་བ༔ མགྲིན་པ་ཕྲ་བ༔ ལྟོ་བ་ལྡིར་བ༔ ཞབས་ཞུམ་པ༔ ནང་གཞལ་ཡས་ཁང་རྒྱ་ཆེ་ལ་ཁྱོན་ཡངས་པ་བཀོད་ལེགས་པ་ཡེ་ཤེས་འོད་ཀྱི་ཕུང་པོ་ དང་མཆོད་སྤྲིན་རྒྱ་མཚོ་འཁྲིགས་པའི་ཀློང་དུ་སྣ་ཚོགས་པདྨ་དང་ཟླ་བ་རྒྱས་པའི་གདན་གྱི་སྟེང་དུ༔ ཧྲཱིཿ ཧྲཱི ཡིག་དམར་པོའི་འཕྲོ་འདུ་ལས༔ བཅོམ་ལྡན་མགོན་པོ་ཚེ་དཔག་མེད༔ དམར་གསལ་ལོངས་སྐུ་མཚན་དཔེས་སྤྲས༔ ཞབས་གཉིས་རྡོ་རྗེ་སྐྱིལ་ཀྲུང་བཞུགས༔ ཕྱག་གཉིས་མཉམ་བཞག་ཚེ་བུམ་བསྣམས༔ གཞོན་ཚུལ་ཞི་འཛུམ་འོད་ཕུང་འབར༔ གནས་གསུམ་རྡོ་རྗེའི་སྙིང་པོ་ལས༔ འོད་འཕྲོས་ནུབ་ཕྱོགས་བདེ་བ་ཅན༔ རྟེན་དང་བརྟེན་པ་སྤྱན་དྲངས་བསྟིམ༔ ན་མོ་ཨཱ་མི་དྷེ་ཝ་ཨ་ཡུརྡྡྷ་ན་སརྦ་ས་པ་རི་ཝཱ་ར་ས་མ་ཡ་ཛ་ཛཿ ཏིཥྛ་ལྷན༔ ཨ་ཏི་པཱུ་ཧོཿ པྲ་ཏཱིཙྪ་ཧོ༔ ཨརྒྷཾ་པཱདྱཾ་སོགས ཤཔྡ་རཱུ་པ་ཤཔྡ་གནྡྷེ་རཱ་ས་སྤཪྴ་མ་ཧཱ་སརྦ་པཉྩ་ཨ་མྲྀ་ཏ་རཀྟ་བ་ལིང་ཏ་པྲ་ཏཱིཙྪ་པཱུ་ཛ་མེ་གྷྲྀ་ས་མུ་དྲ་སྥ་ར་ཎ་ས་མ་ཡ་ཨཱཿཧཱུྃ༔ ཧྲཱིཿ དུས་གསུམ་རྒྱལ་བ་ཀུན་གྱི་ཡེ་ཤེས་སྐུ༔ ཞིང་ཁམས་རྒྱ་མཚོ་བཀོད་པ་ཀློང་ནས་བཞེངས༔ ཚེ་བསོད་ཡེ་ཤེས་ཡོན་ཏན་གཏེར་གྱི་མཛོད༔ མགོན་པོ་ཚེ་དཔག་མེད་ལ་ཕྱག་འཚལ་བསྟོད༔ ཅེས་བསྟོད་ཅིང་༔ དེ་ལྟར་གསལ་བའི་ཐུགས་ཀར་ཉི་ཟླའི་གྭའུ་ཁ་སྦྱོར་གྱི་ནང་དུ་ཧྲཱིཿ ཡིག་གི་མཐརཿ ཨོཾ་ཨཱ་མི་དྷེ་ཝ་ཨ་ཡུ་སིདྡྷི་ཧཱུྃ་ཧྲཱིཿ ཞེས་བཟླས་པས་འོད་ཟེར་ཡར་འཕྲོས་རྒྱལ་བ་TI1615 - 044 ཨོཾཿ རྣམས་ལ་མཉེས་པའི་མཆོད་པ་འབུལ༔ དབང་དང་བྱིན་རླབས་དངོས་གྲུབ་ཐམས་ཅད་ཚུར་འདུས་སྔགས་ཕྲེང་ལ་ཐིམ༔ མར་འཕྲོས་ཁམས་གསུམ་སེམས་ཅན་ཐམས་ཅད་ཀྱི་སྒྲིབ་པ་སྦྱངས་ཏེ་དག་པའི་ཞིང་དུ་བཀོད༔ འོད་ཟེར་ཚུར་འདུས་སྔགས་ཀྱི་ཕྲེང་བ་ལ་ཐིམ༔ སྔགས་ཕྲེང་ལས་བདུད་རྩིའི་རྒྱུན་བབས་པས་བུམ་པ་གང་བར་གྱུར༔ ཡང་རྩ་སྔགས་བཟླས་མཐར༔ ཡེ་ཤེས་པ་དབྱིངས་སུ་གཤེགས༔ དམ་ཚིག་པ་ཆུར་ཞུ་བ་ལས་བྱིན་རླབས་དབང་གི་ཆུ་བོ་འདུས་པའི་ངོ་བོར་གྱུར༔ དེ་ལྟར་བསྒོམ་བཟླས་གནད་ལྡན་ཅིང་༔ རྩེ་གཅིག་སྒྲུབ་ལ་བརྩོན་པའི་མི༔ ཚེ་འདིར་ཚེ་རིང་བསོད་ནམས་འཕེལ༔ ཕྱི་མ་བདེ་བ་ཅན་དུ་འཕོས༔ མི་བསླུ་ངེས་པའི་གཏན་ཚིག་གོ༔ བཀའ་སྲུང་དབང་ཕྱུག་ཆེན་པོས་སྲུངས༔ ས་མ་ཡ༔ རྒྱ་རྒྱ་རྒྱ༔ གུ་ཧྱ༔ ༔ ཞེས་འཆི་མེད་ཚེའི་སྒྲུབ་པ་འདི་ཉིད་སློབ བུ་ངག་དབང་ཕྲིན་ལས་ཀྱིས་ནན་དུ་བསྐུལ་ངོར། ཁྲག་འཐུང་བདུད་འཇོམས་རྡོ་རྗེས་དག་སྣང་ཡེ་ཤེས་དྲྭ་བ་ལས་བསྒྱུར་བའི་ཡི་གེ་པ་ནི་བསྐུལ་མཁན་ཉིད་དོ། །དགེའོ། །དགེའོ །དགེའོ། །སརྦ་མངྒ་ལཾ།། ། T11615 - 046 ཨོཾ༔ ཧྲཱིཿ རང་ཉིད་ཐུགས་རྗེ་ཆེན་པོར་གྱུར༔ དཀར་གསལ་ཕྱག་བཞིས་རིམ་བཞིན་དུ༔ ཐལ་སྦྱར་ཤེལ་ཕྲེང་པད་དཀར་བསྣམས༔ ལོངས་སྐུའི་ཆས་རྫོགས 7 སྐྱིལ་ཀྲུང་བཞུགས༔ ཐུགས་ཀར་ཧྲཱིཿ ལ་ཡིག་དྲུག་བསྐོར༔ ཨོཾ་མ་ཎི་པདྨེ་ཧཱུྃ་ཧྲཱིཿ ཞེས་པ་བརྒྱ་སྟོང་སོགས་ཅི་ནུས་བཟླའོ༔ ཞེས་པའང་སློབ་བུ་རིག་ལྡན་གྱིས་བསྐུལ་ངོར་བདུད་འཇོམས་རྡོ་རྗེས་སྨྲས་པའོ། །དགེའོ།། །། ༤་ཐུགས་ཆེན་ཏྱེགཅིག་གོ། སྒོམ་བཟླས་T11615 - 047 T11615 - 048 རྣཻ ཆོས་ཉིད་ནམ་མཁའི་ཀློང་མཛོད་ལས༔ འཇམ་དཔལ་སྨྲ་བའི་སེང་གེའི་རྗེས་གནང་སྒོ་གསུམ་རྡོ་རྗེའི་གྲོང་འཇུག་བཞུགས༔ ན་མོ་གུ་རུ་པདྨ་ཀ་ར་ཡེ༔ སྒྲུབ་པའི་གཞུང་བསྲང་བསྙེན་སྒྲུབ་མཐར༔ ཁྲུས་བྱ་བགེགས་བསྐྲད་སྲུང་གུར་དང་༔ སྐྱབས་འགྲོ་སེམས་བསྐྱེད་ཞུ་གནང་སོགས༔ གཞན་དང་མཐུན་པ་ཉིད་དུ་བྱ༔ ཨོཾ་མ་ཧཱ་ཤུ་ནྱ་ཏཱ་ཛྙ་ན་སོགས༔ གཟུང་འཛིན་གཉིས་སྣང་གི་ཆོས་ཐམས་ཅད་མི་དམིགས་པ་སྟོང་པ་ཉིད་དུ་གྱུར༔ སྟོང་པའི་ངང་ལས་མ་ཆགས་པདྨ་འདབ་བརྒྱད་ཉི་ཟླ་སེང་གེའི་ཁྲི་ཡི་སྟེང་དུ༔ མངོན་རྟོགས་བསྐྱེད་ཆོག་ཇི་བཞིན་བྱ༔ དེ་ལྟར་ལྷར་གསལ་བའི་གནས་གསུམ་འབྲུ་གསུམ་ལས་འོད་ཟེར་འཕྲོས་པས་ཕྱོགས་བཅུའི་ཞིང་ཁམས་རབ་འབྱམས་ན་བཞུགས་པའི་རྒྱལ་བ་སྲས་དང་བཅས་པ་ཐམས་ཅད་འཇམ་དཔལ་སྨྲ་བའི་སེང་གེ་ཡབ་ཡུམ་གྱི་སྐུར་བཞེངས་ཏེ་རྒྱ་མཚོ་ཆེན་པོ་ལ་ཁ་ཆར་བབས་པ་ལྟར་སློབ་མ་ལྷར་གསལ་བ་ལ་གཉིས་སུ་མེད་པར་ཐིམ་པར་གྱུར༔ ན་མོ་མཉྫུ་ཤྲཱི་ཛྙཱ་ན་ས་པ་རི་ཝཱ་ར་བཛྲ་ས་མ་ཡ་ཛ་ཛཿ ཏིཥྛ་བཛྲ་གྱིས་བརྟན་པར་བྱ༔ དེ་ནས་བུམ་དབང་བསྐུར་བ་ནི༔ བུམ་པ་ཐོགས་ལ༔ ཧཱུྃ༔ བུམ་པ་ཆོས་ཉིད་གཞལ་ཡས་ཁང་༔ ལྷུན་གྲུབ་རོལ་པའི་དཀྱིལ་འཁོར་རྫོགས༔ སྐལ་ལྡན་བུ་ལ་དབང་བསྐུར་བས༔ བུམ་དབང་ཡོངས་སུ་རྫོགས་ཐོབ་ ཤོག༔ རྩ་སྔགས་མཐར༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་འཇམ་དཔལ་གྱི་སྐུ་གཏད་ལ༔ ཧཱུྃ༔ དུས་གསུམ་རྒྱལ་བ་ཐམས་ཅད་ཀྱི༔ ཡེ་ཤེས་ཡོན་ཏན་རྫོགས་པའི་དཔལ༔ འཇམ་དཔལ་སྨྲ་བའི སེང་གེ་ཡི༔ སྐུ་ཡི་དབང་བསྐུར་དབང་ཐོབ་ཤོག༔ རྩ་སྔགས་མཐར༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་དབྱངས་ཅན་མའི་སྐུ་གཏད་ལ༔ ཧཱུྃ༔ འཁོར་འདས་སྟོང་ཆེན་དབྱིངས་ཀྱི་མཁར༔ བདེ་བ་ཆེན་པོས་རྒྱས་འདེབས་མ༔ དབྱངས་ཅན་ལྷ་མོའི་དབང་བསྐུར་རོ༔ ཐབས་ཤེས་ཟུང་འཇུག་དབང་ཐོབ་ཤོག༔ རྩ་སྔགས་མཐར༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་གསང་དབང་བསྐུར་བ་ལ༔ བྷནྡྷ་བདུད་རྩི་ཐོགས་ཏེ༔ ཧཱུྃ༔ བྷནྡྷ་བདུད་རྩིའི་དམ་རྫས་དང་༔ ཨཱ་ལི་ཀཱ་ལི་རང་བྱུང་སྒྲས༔ སྐལ་ལྡན་བུ་ལ་དབང་བསྐུར་རོ༔ བཟླས་པ་སྔགས་ཀྱི་དབང་ཐོབ་ཤོག༔ རྩ་སྔགས་མཐར༔ ཝཱཀ་ཨ་བྷི་ཥིཉྩ་ཨཱཿ དེ་ནས་ཤེར་དབང་བསྐུར་བ་ལ༔ རལ་གྲི་ཧྲཱིཿ ས་མཚན་ཅན་གཏད་ལ༔ ཧཱུྃ༔ ཤེས་རབ་ཡེ་ཤེས་ངོ་བོ་ཉིད༔ རལ་གྲི་ཧྲཱིཿས་མཚན་ཐུགས་ཀྱི་རྟགས༔ སྐལ་ལྡན་ཁྱོད་ཀྱི་སྙིང་གར་བཞག༔ མཁྱེན་གཟིགས་ཤེས་རབ་དབང་ཐོབ་ཤོག༔ རྩ་སྔགས་མཐར༔ ཙིཏྟ་ཨ་བྷི་ཥིཉྩ་ཧཱུྃ༔ དེ་ནས་ཚིག་དབང་བསྐུར་བ་ལ༔ ཤེལ་རྡོ་ཐོགས་ཏེ༔ ཧཱུྃ༔ ཤེལ་དཀར་དྲི་མ་མེད་པ་འདི༔ སྐལ་ལྡན་ ཁྱོད་ལ་གཏད་པ་ཡིས༔ སྐུ་དང་ཡེ་ཤེས་མངོན་གྱུར་བས༔ མཚན་མ་ཚིག་བྲལ་དབང་ཐོབ་ཤོག༔ རྩ་སྔགས་མཐར༔ སརྦ་ཨ་བྷི་ཥིཉྩ་ཧྲཱིཿ དེ་ནས་བདེན་པ་བརྡར་མ ཞིང་དབང་བཞི་ཡོངས་སུ་རྫོགས་པའི་སྨོན་ལམ་གྱིས་རྒྱས་གདབ་བོ༔ བསྐྱེད་དང་དམིགས་པའི་གནད་ལྡན་པས༔ དབང་འདི་ཐོབ་མཐར་སྨྲ་བཅད་ཀྱི༔ གནད་དང་ལྡན་པས་བསྒྲུབ་བརྩོན་ན༔ ཤེས་རབ་མེ་ལྟར་འབར་བ་དང་༔ མཐར་ཐུག་མངོན སངས་རྒྱས་འགྱུར་རོ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་རིགས་སྲས་དྲི་མེད་འོད་ཟེར་གྱིས་བསྐུལ་ངོར། རིག་འཛིན་བདུད་འཇོམས་རྡོ་རྗེས་གཏན་ལ་ཕབ་པའི་ཡི་གེ་པ་ནི་ངག་དབང་ཕྲིན་ལས་ཀྱིས་བྲིས་པའོ།། དགེའོ། །དགེའོ། །དགེའོ །ལེགས་སོ། །སརྦ་མངྒ་ལཾ།། སྐ ། Tl1615 - 051 T11615 - 052 དག་སྣང་ཡེ་ཤེས་དྲྭ་བ་ལས༔ འཇམ་དཔལ་སྨྲ་བའི་སེང་གེའི་སྒྲུབ་ཐབས་ཐུགས་ཀྱི་མེ་ལོང་བཞུགས༔ T11615 - 053 ཨོཾ༔ ཤརྒཧཧྱ༔ ན་མོ་གུ་རུ་པདྨ་ཀ་ར་ཡེ༔ རྨོངས་པའི་མུན་པ་སེལ་བའི་ཕྱིར༔ འཇམ་དཔལ་གསང་བ་འདུས་པ་ཡི༔ ཐུགས་སྒྲུབ་ཟླ་རྒྱས་གྲིབ་བྲལ་ཉིད༔ སྐལ་བཟང་སྐྱེས་བུ་མཆོག་ལ་གདམས༔ སྐྱབས་སུ་འགྲོ་བ་ནི༔ ཨཿ བདེ་གཤེགས་སྙིང་པོ་སྐུ་གསུམ་དབྱིངས༔ འདུ་འབྲལ་མེད་པར་སྐྱབས་སུ་མཆི༔ དེ་ནས་སེམས་བསྐྱེད་པ་ནི༔ སེམས་དང་སེམས་བྱུང་ཁམས་གསུམ་འགྲོ༔ དག་མཉམ་ངང་ཐོབ་བྱང་ཆུབ་སེམས༔ དེ་ནས་བགེགས་བསྐྲད་པ་ནི༔ ཧཱུྃ༔ མ་རིག་གཟུང་འཛིན་རྣམ་རྟོག་བགེགས༔ བདག་མེད་ཆེན་པོར་དེངས་ཤིག་ཕཊ༔ དེ་ནས་སྲུང་འཁོར་བསྒོམ་པ་ནི༔ ཧཱུྃ༔ སྲིད་T11615 - 054 ཨོཾ༔ གསུམ་ཡེ་ནས་སངས་རྒྱས་ལ༔ བགེགས་དང་བར་ཆད་མིང་ཡང་མེད༔ དེ་ནས་བྱིན་ཆེན་འབེབས་པ་ནི༔ ཨཿ སྤྲོས་བྲལ་རྣམ་ཐར་གསུམ་ལྡན་མཁར༔ མཁྱེན་གཟིགས་ཡེ་ཤེས་དབང་བྱིན་ཕོབ༔ དེ་ནས་མཆོད་རྫས་བྱིན་བརླབས་ལ༔ ཧཱུྃ༔ གདོད་ནས་ལྷུན་གྲུབ་བདེ་ཆེན་དབྱིངས༔ མ་སྤེལ་མཆོད་སྤྲིན་ཟད་མི་ཤེས༔ མ་ཧཱ་སུ་ཁ་པཱུ་ཛ་ཧོཿ དེ་ནས་ལྷ་བསྐྱེད་པ་ནི༔ ཨ༔ སྐྱེ་མེད་རྣམ་དག་མཁའ་དབྱིངས་སུ༔ ཡེ་ཤེས་དྭངས་མ་འོད་ལྔའི་སྣོད༔ དྭངས་མའི་ཡང་བཅུད་དཔའ་བོ་དང་༔ དཔའ་མོའི་རྣམ་རོལ་ངོམས་པ་ཡིས༔ བདེ་ཆེན་འགྱུར་མེད་ཞིང་Tl1615 - 055 ཁམས་སུ༔ ཟིལ་གནོན་སེང་ཆེན་སྔོན་པོ་དང་༔ མ་ཆགས་སྐྱོན་བྲལ་པད་ཟླའི་སྟེང་༔ ཧྲཱིཿལས་རང་རིག་འཇམ་པའི་དབྱངས༔ དམར་གསལ་མཛེས་སྒེག་མཚན་དཔེས་སྤྲས༔ ཞི་འཛུམ་རྡོ་རྗེ་སྐྱིལ་ཀྲུང་བཞུགས༔ ཕྱག་གཡས་རལ་གྲི་འབར་བ་དང་༔ གཡོན་པས་བརྒྱད་སྟོང་གླེགས་བམ་བསྣམས༔ ཅོད་པན་སྟོད་གཡོགས་སྨད་དཀྲིས་དང་༔ སྐེ་རག་པང་ཁེབ་དར་གྱི་ཆས༔ དབུ་རྒྱན་སྙན་ཆ་ཕྲེང་བ་དང་༔ དོ་ཤལ་དཔུང་རྒྱན་ཕྱག་གདུབ་དང་༔ སོར་གདུབ་ཞབས་གདུབ་རིན་ཆེན་ཆས༔ ཡེ་ཤེས་མེ་དཔུང་ཀློང་དུ་བསྐྱེད༔ དབྱངས་ཅན་ལྷ་མོ་ཡུམ་གྱིས་འཁྱུད༔ སྔོན་མོ་རབ་མཛེས་རལ་གྲི་དང་༔ གཡོན་པས་ཨུཏྤལ་སྔོན་པོ་བསྣམས༔ ཞབས་གཉིས་ཡབ་ཀྱི་སྐེད་ལ་འཁྱུད༔ དར་དང་རིན་ཆེན་རྒྱན་རྫོགས་ཤིང་༔ བདེ་དང་སྟོང་པའི་ཡེ་ཤེས་འབར༔ ཡབ་ཡུམ་གཉིས་སུ་མེད་པ་ཡི༔ ཐུགས་ཀར་པདྨ་ཟླ་གདན་ལ༔ ཧྲཱིཿ དམར་དང་ནི་དྷིཿ ཡིག་ལས༔ སྔགས་ཀྱི་ཕྲེང་བས་བསྐོར་བར་བསྒོམ༔ བཟླས་པས་འཁོར་འདས་ཐམས་ཅད་ཀྱི༔ དཔལ་ཡོན་བསྡུས་ནས་ཧྲཱིཿལ་བསྟིམ༔ ཤེས་རབ་ཡེ་ཤེས་འབར་བར་བསྒོམ༔ གནས་གསུམ་རྡོ་རྗེའི་སྙིང་པོ་ལས༔ འོད་འཕྲོས་དབྱིངས་ནས་སྤྱན་དྲངས རྃ༔ བསྟིམ༔ དེ་ནས་སྤྱན་འདྲེན་པ་ནི༔ ཧྲཱིཿ ཆོས་དབྱིངས་སྐྱེ་མེད་གཞལ་ཡས་ནས༔ མཁྱེན་དང་གཟིགས་པའི་ཡེ་ཤེས་དཔལ༔ མངོན་གྱུར་ཆེན་པོར་དབྱིངས ནས་བཞེངས༔ ཡེ་ནས་ཡེ་ཤེས་རང་ཞལ་སྤྲོད༔ ཛཿཧཱུྃ་བཾ་ཧོ་ས་མ་ཡ༔ དེ་ནས་བཞུགས་སུ་གསོལ་བ་ནི༔ ཧྲཱིཿ དབྱིངས་ནས་ཡེ་ཤེས་མཉམ་བརྡལ་བའི༔ རྣམ་མཁྱེན་ཆེན་པོར་བརྟན བཞུགས་གསོལ༔ ས་མ་ཡ་སྟྭཾ༔ དེ་ནས་ཕྱག་འཚལ་བ་ནི༔ ཨཿ འཁོར་འདས་དག་མཉམ་ཡེ་སངས་རྒྱས༔ ཁྱབ་བདག་གདོད་མའི་དབྱིངས་ལ་འདུད༔ ན་མོ་ངྷརྨ་ངྷརྵ་ཨཿ དེ་ནས་མཆོད་པ་འབུལ་བ་ནི༔ ཨོཾ་ཨཱཿ ཧཱུྃ༔ གདོད་ནས་མ་བྱུང་མ་སྐྱེས་པའི༔ ལྷུན་གྲུབ་རོལ་པ་འཕྲུལ་མོ་ཆེ༔ མཆོད་ཡུལ་བྲལ་ཞིང་མཆོད་དུ་མེད༔ རང་བྱུང་མཆོད་པའི་མཆོག་ཆེན་པོ༔ མ་ཧཱ་པཉྩ་པཱུ་ཛ་ཧོཿ དེ་ནས་བསྟོད་པ་བྱ་བ་ནི༔ ཨཱཿ གཞོམ་གཞིག་བྲལ་བ་ཆོས་ཀྱི་དབྱིངས༔ ཇི་ལྟ་མཁྱེན་ཅིང་ཇི་སྙེད་གཟིགས༔ ཡེ་ཤེས་སྤྱན་གཅིག་དྲི་མ་མེད༔ ཡེ་ཤེས་མངོན་བྱེད་ཁྱོད་ལ་འདུད༔ འཁོར་བ་ཡོངས་སྒྲོལ་ཁྱོད་ལ་འདུད༔ བྱང་ཆུབ་ཆེན་པོ་ཁྱོད་ལ་འདུད༔ སྐུ་དང་ཡེ་ཤེས་ཁྱོད་ལ་འདུད༔ དཔལ་དང་ཡོན་ཏན་ཁྱོད་ལ་འདུད༔ ཐམས་ཅད་ཐམས་ཅད་ ཁྱོད་ལ་འདུད༔ དེ་ནས་གསོལ་བ་འདེབས་པ་ནི༔ ན་མོ༔ ཀ་དག་མཐའ་བྲལ་ཆོས་ཀྱི་སྐུ༔ མ་འགགས་བདེ་ཆེན་ལོངས་སྤྱོད་རྫོགས༔ ཀུན་ཁྱབ་ཐུགས་རྗེ་སྤྲུལ་པའི་སྐུ༔ ཡོངས་རྫོགས་དག དབྱིངས་ཤེས་རབ་ཆེ༔ འཇམ་པའི་དབྱངས་ལ་གསོལ་བ་འདེབས༔ བདག་རྟོག་མ་རིག་མུན་ཁམས་སུ༔ བདག་རྒྱུད་འཁོར་བར་འཆིང་བའི་སྒྲིབ༔ ཤེས་རབ་ཡེ་ཤེས་མེ་བོ་ཆེས༔ བསྲེག་ཅིང་བསལ་བར་མཛད་དུ་གསོལ༔ ཨོཾ་ཧྲཱི་དྷི་མ་མི་ངྷི་པཾ་མཉྫུ་ཤྲཱི་མུཾ་ཧྲཱི་པྲཛྙཱ་ཝརྡྷ་ནི་ཧྲཱི་དྷི་སྭཱ་ཧཱ༔ སྒྲུབ་པའི་འཛབ་དམིགས་ལ༔ རང་ཉིད་སྨྲ་བའི་སེང་གེ་ཡི༔ ཐུགས་ཀར་པདྨ་ཟླ་གདན་ལ༔ རལ་གྲི་སོར་བཞི་ཧྲཱིཿཡིག་མཚན༔ སྔགས་ཀྱི་ཕྲེང་བས་བསྐོར་བ་དང་༔ ཡུམ་གྱི་ཐུགས་ཀར་པདྨ་དང་༔ ཉི་སྟེང་ཡི་གེ་ཧྲིཿཡིག་ལ༔ འོད་ཟེར་གཡོན་དུ་འཁོར་བར་བསྐྱེད༔ འོད་དང་འོད་ཟེར་རབ་འཕྲོས་པས༔ ཉི་ཟླ་ནོར་བུ་འབྱུང་བཞིའི་བཅུད༔ ལྷ་དང་དྲང་སྲོང་རིག་འཛིན་དང་༔ ཡེ་ཤེས་ཡོན་ཏན་ཚེ་བསོད་དཔལ༔ པཎྜི་ཏ་ཡི་ཤེས་རབ་ཀུན༔ བསྡུས་ཏེ་རང་གི་སྙིང་གར་བསྟིམ༔ ཨོཾ་ཧྲཱི་དྷི་སོགས༔ དེ་ནས་ལས་ལ་སྦྱོར་བ་ནི༔ ཡབ་ཡུམ་ཐུགས་ཀའི་སྔགས་ཕྲེང་ལས༔ ཤེས་རབ་ཡེ་ཤེས་མེ་དཔུང་འབར༔ མི་ཤེས་མ་རིག་རྨོངས་པའི་སྒྲིབ༔ ཨོཾ༔ བག་ཆགས་དང་བཅས་བསྲེགས་པར་བསྒོམ༔ ཨོཾ་ཧྲཱི་དྷི་སོགས༔ དམིགས་པ་གནད་དང་ལྡན་པས་བཟླ༔ ཉམས་ཆག་བསྐང་ཞིང་ཚོགས་རྫོགས་ཕྱིར༔ ཚོགས་དང་བསྐང་བའི་རིམ་པ་ལ༔ དེ་ནས་ཚོགས་རྫས་བྱིན་བརླབས་ལ༔ རཾ་ཡཾ་ཁཾཿ ཚོགས་ཀྱི་དངོས་འཛིན་དྲི་མ་སྦྱངས༔ ཡེ་ཤེས་བདུད་རྩིར་བྱིན་རླབས་པའི༔ འདོད་རྒུར་འཆར་བའི་ཆོ་འཕྲུལ་ཅན༔ མི་ཟད་རྒྱན་གྱི་འཁོར་ལོར་སྤེལ༔ ཨོཾ་ཨཱཿ ཧཱུྃ༔ དེ་ནས་སྤྱན་འདྲེན་པ་ནི༔ ཧཱུྃ༔ རང་བཞིན་དག་པའི་ཞིང་ཁམས་ནས༔ བརྒྱུད་གསུམ་བླ་མ་རྒྱ་མཚོ་དང་༔ བདེ་ཆེན་པདྨ་བཀོད་ཞིང་ནས༔ འཇམ་དཔལ་སྨྲ་སེང་ཡབ་ཡུམ་དང་༔ ནོར་སྟེར་ལྷ་མོ་དཔོན་གཡོག་བཅས༔ ཚོགས་ལ་སྤྱན་འདྲེན་གཤེགས་སུ་གསོལ༔ མཆོད་བཞེས་དམ་སྐོང་དངོས་གྲུབ་སྩོལ༔ བཛྲ་ས་མ་ཡ་ཛ་ཛཿ དེ་ནས་ཚོགས་ཕུད་འབུལ་བ་ནི༔ ཧཱུྃ༔ རིག་འཛིན་རྩ་བརྒྱུད་བླ་མ་དང་༔ འཇམ་དཔལ་ཡབ་ཡུམ་འཁོར་བཅས་ལ༔ བདེ་སྟོང་ཟག་མེད་བདུད་རྩི་དང་༔ ཞལ་ཟས་ཚོགས་ཀྱི་མཆོད་པ་འབུལ༔ ག་ཎ་ཙཀྲ་པཱུ་ཛ་ཁཱ་ཧིཿ དེ་ནས་ཐུགས་དམ་བསྐང་བ་ནི༔ ཨོ་ཨཱཿ ཧཱུྃ༔ བསྐང་རྫས་མི་ཟད་འདོད་རྒུའི་གཏེར༔ ཕྱི་ནང་གསང་མཆོད་བླ་ན་མེད༔ དཔག་ཡས་ནམ་མཁའི་ཁམས་གང་གྱུར༔ ཧཱུྃ༔ རྣམ་དག་ཆོས་དབྱིངས་ཞིང་ཁམས་ནས༔ དགོངས་བརྒྱུད་བླ་མའི་ཐུགས་དམ་བསྐང་༔ ལྷུན་གྲུབ་བདེ་ཆེན་གཞལ་ཡས་ནས༔ བརྡ་བརྒྱུད་བླ་མའི༴ རང་བཞིན་དག་པའི་གནས མཆོག་ནས༔ སྙན་བརྒྱུད་བླ་མའི༴ ཤེས་རབ་ཡེ་ཤེས་དཀྱིལ་འཁོར་ནས༔ སྨྲ་བའི་སེང་གེའི༴ ཐབས་ཤེས་གཉིས་སུ་མེད་པའི་ཕྱིར༔ སྒྲ་དབྱངས་ལྷ་མོའིཿ ལོངས་སྤྱོད་ནོར་གྱི་རྒྱུན སྩོལ་ཕྱིར༔ འདོད་སྟེར་ལྷ་མོའིཿ ཉམས་ཆག་ཉེས་ལྟུང་ཅི་མཆིས་པ༔ བཤགས་སོ་དག་པར་མཛད་དུ་གསོལ༔ རྡོ་རྗེ་གསུམ་གྱི་དབང་དངོས་གྲུབ༔ མ་ལུས་བདག་ལ་སྩོལ་བ་དང་༔ ཚེ་འདིར་རྣམ་གྲོལ་ས་རུ་སྐྱོལ༔ དེ་ནས་བཤགས་པ་བྱ་བ་ནི༔ ཧོཿ དཔང་གྱུར་རིག་འཛིན་བླ་མ་དང་༔ འཇམ་དཔལ་ཡབ་ཡུམ་སྤྱན་སྔ་རུ༔ བདག་ནི་མ་རིག་དབང་གྱུར་པས༔ ཉེས་བྱས ཉམས་ཆག་རྟོག་སྒྲིབ་ཀུན༔ ཞལ་ཟས་ཚོགས་ཀྱིས་བསྐང་ཞིང་བཤགས༔ ག་ཎ་ཙཀྲ་སཏྭ་ས་མ་ཡ༔ སོགས་དང་དེ་ནས་བསྒྲལ་བ་ལ༔ ཧཱུྃ༔ མ་རིག་ཉོན་ཤེས་སྒྲིབ་པའི་གདངས༔ བདག་རྟོག་གཉིས་འཛིན་རཱུ་ཏྲ་ཀུན༔ བདག་མེད་རོལ་པའི་སྟོབས་ཀྱིས་བསད༔ འཁྲུལ་མི་ཤེས་པའི་ས་རུ་བསྒྲལ༔ ཕུང་ཁམས་སྐྱེ་མཆེད་དབང་ཡུལ་བཅས༔ འཇམ་དཔལ་སྒྱུ་འཕྲུལ་རོལ ཨོཾ༔ པའི་ལྷའི༔ ཞལ་དུ་བསྟབ་བོ་ཁ་རཾ་ཁཱ་ཧི༔ ཚོགས་ཀྱི་དངོས་གྲུབ་རོལ་པ་ལ༔ གཙང་རྨེ་གཉིས་འཛིན་བྲལ་བ་ཡི༔ ཟག་མེད་བདེ་ཆེན་བཅུད་ལ་རོལ༔ ཨ་ལ་ལ་སྟེ་བདེ་བ་ཆེ༔ ཛྙ་ན་པཉྩ་སིདྡྷི་ཧོཿ དེ་ནས་ལྷག་མ་བཏང་བ་ནི༔ ཨོཾ་ཨཱཿ ཧཱུྃ༔ སྔོན་གྱི་བསྐལ་པ་དང་པོ་ལ༔ དཔལ་གྱི་སྤྱན་སྔར་ཁས་བླངས་པའི༔ ལྷག་ལ་དབང་བའི་ལྷག་སྐྱོང་ཚོགས༔ དེ་འཁོར་ཡང་འཁོར་བྲན་འབངས་བཅས༔ འདིར་གཤེགས་ལྷག་མའི་གཏོར་མ་རོལ༔ ཕྲིན་ལས་རབ་འབྱམས་ཡོངས་གྲུབ་མཛོད༔ དེ་ནས་བསྐུལ་བ་ནི༔ ཧཱུྃ༔ བསྐུལ་ལོ་འཇམ་དཔལ་སྒྱུ་འཕྲུལ་ལྷ༔ བཞེངས་ཤིག་གཤིན་རྗེ་གཤེད་དམར་ནག༔ མ་གཡེལ་ཐུགས་དམ་དུས་ལ་བབས༔ སྡང་བའི་དགྲ་དང་གནོད་པའི་བགེགས༔ བྱད་མ་རྦོད་གཏོང་ལྷ་དང་བཅས༔ གནོད་གདུག་དྲག་ཤུལ་སེམས་ལྡན་པ༔ མ་ལུས་ཐལ་བའི་རྡུལ་དུ་རློག༔ དུས་ལ་བབ་བོ་ས་མ་ཡ༔ བདུད་རྩི་སྐྱེམས་གཏོར་མཆོད་འབུལ་བཞེས༔ མངོན་སྤྱོད་ཕྲིན་ལས་གྲུབ་པར་མཛོད༔ དེ་ནས་ཆད་མདོ་བཏང་བ་ལ༔ འགུགས་གཞུག་བྱས་མཐར་ཤ་ཁྲག་གི༔ རི་དང་རྒྱ་མཚོ་དམིགས་པས་བསྒྱུར༔ ཧཱུྃ་བྷྱོ༔ ཆད་དོན་དམ་ཅན་སྲུང་མའི་ཚོགས༔ འདིར་བྱོན་དམར་གྱི་གཏོར་མ་ལོངས༔ རྣལ་འབྱོར་སྒྲུབ་པའི་སྡོང་གྲོགས་མཛོད༔ ཕྱི་ནང་བར་ཆད་དབྱིངས་སུ་བཟློག༔ དགྲ་གེགས་གནོད་བྱེད་ཆོམ་ལ་ཕོབ༔ བཅོལ་བའི་ཕྲིན་ལས་གྲུབ་པར་མཛོད༔ དེ་ནས་བརྟན་མ་སྐྱོང་བ་ལ༔ ཆད་དོན་གཏོར་མ་བཏང་བ་ནི༔ ཧཱུྃ་བྷྱོ༵༔ འཇིག་རྟེན་བོད་ཁམས་སྐྱོང་མཛད་པའི༔ བསྟན་སྲུང་མ་སྲིང་བརྟན་མའི་ཚོགས༔ བཤལ་ཆུའི་གཏོར་མ་འདི་ལོངས་ལ༔ རབ་འབྱམས་ཕྲིན་ལས ཡོངས་གྲུབ་མཛོད༔ མ་མ་ཧྲཱི་ཧྲཱི་ཨེ་དཾ་བ་ལིང་ཏ་ཁཱ་ཧི༔ དེ་ནས་རྟ་བྲོ་བརྡུང་བ་ལ༔ ཧཱུྃ༔ བསྒྲུབ་ལ་བར་དུ་གཅོད་པ་ཡི༔ གནོད་བྱེད་དམ་སྲི་