Tibetan
མཚོན་མཐིང་ག་འདི་འབུལ་གྱིས༔ ནམ་མཁའི་ཁམས་ཀྱི་རླུང་རྟ་བསྐྱེད༔ དཀར་པོ་དྲི་མེད་འདི་འབུལ་གྱིས༔ ཆུ་ཁམས་རླུང་རྟ་དར་རྒྱས་མཛོད༔ སེར་པོ་མདངས་ལྡན་འདི༴ ས་ཁམས་རླུང་རྟ་འཕེལ་རྒྱས་མཛོད༔ དམར་པོ་འོད་ལྡན་འདིཿ མེ་ཁམས་རླུང་རྟ་འཕེལ རྒྱས་མཛོད༔ ལྗང་གསལ་མཛེས་ལྡན་འདི༴ རླུང་ཁམས་རླུང་རྟ་འཕེལ་རྒྱས་མཛོད༔ སྣ་ཚོགས་དར་ཟབ་འདི་འབུལ་ལོ༔ བདག་ཅག་ཡོན་མཆོད་འཁོར་བཅས་ཀྱི༔ ཚེ་བསོད་དཔལ་ ཨོཾ༔ འབྱོར་མངའ་ཐང་དང་༔ སྲོག་ལུས་དབང་ཐང་རླུང་རྟ་དང་༔ བླ་གཟའ་སྙན་གྲགས་མཐུ་ནུས་སྟོབས༔ གོང་ནས་གོང་དུ་འཕེལ་རྒྱས་ཤིང་༔ མི་ནུབ་བསྟན་པའི་ཕྲིན་ལས་མཛོད༔ མི་ནད་ནོར་གྱི་གོད་ཁ་དང་༔ དགྲ་ཇག་ཆོམ་རྐུན་འཚེ་བའི་རིགས༔ མདོར་ན་མི་མཐུན་ཕྱོགས་རྣམས་ཀུན༔ གསོད་གཅོད་བཟློག་བསྒྱུར་ཕྲིན་ལས་མཛོད༔ ཆོས་བོན་བརྒྱུད་པའི་བླ་མ་ཡི༔ བཀའ་བསྒོ་ཡིན་ནོ་བཀའ་མ་བཅག༔ དམ་ཚིག་ཡིན་ནོ་དམ་མ་ཉམས༔ བཅོལ་བའི་ཕྲིན་ལས་གྲུབ་པར་མཛོད༔ དེ་མཐར་དཔའ་མཁར་སྟེང་དུ་གཟུག༔ གནད་དེས་དགེ་ལེགས་གོང་འཕེལ་ཞིང་༔ ལེགས་པའི་ཡོན་ཏན་ཕུན་ཚོགས་ཤིང་༔ ས་མ་ཡ༔ ༔ ཞེས་པ་འདི་ཁྲོམ་དཔོན་ཀུན་བཟང་བསྟན་འཛིན་གྱིས་ནན་དུ་བསྐུལ་ངོར་བདུད་འཇོམས་རྡོ་རྗེས་དག་སྣང་ཡེ་ཤེས་དྲྭ་བ་ལས་བསྒྱུར་བའི་ཡི་གེ་པ་ནི་ངག དབང་ཕྲིན་ལས་སོ། །དགེའོ།། །། T11615 - 424 ཨོཾ༔ དག་སྣང་ཡེ་ཤེས་དྲྭ་བ་ལས༔ དམོད་བཅོལ་དགྲ་སྲོག་གཅོད་པའི་སྤུ་གྲི་བཞུགས་སོ༔ ན་མོ་གུ་རུ་དྷེ་ཝ་ཌཱ་ཀི་ནཱི༔ ཆོས་སྡེའི་བསྟན་དགྲ་འདུལ་བའི་དམོད་བཅོལ་འདི༔ ཉེར་དགུའི་དུས་སུ་ཕུད་དང་ཤ ཁྲག་གཏོར་མ་བཤམས་ཏེ༔ སྡེ་བརྒྱད་དྲེགས་པའི་ཚོགས་ལ་མཆོད་གསོལ་བྱས་མཐར༔ རང་ཡི་དམ་ལྷའི་ང་རྒྱལ་དང་ལྡན་པས་དམོད་བཅོལ་འདི་ཀ་དྲག་ཏུ་བརྗོད་པར་བྱ༔ ཧོ༔ དགོངས་སུ་གསོལ་ལོ༔ ལན་གསུམ༔ ཕ་བརྒྱུད་པ་དགུ་ལྡན་གྱི་བླ་མ༔ ཡི་དམ་རྒྱུད་སྡེ་བཞི་དྲུག་གི་ལྷ་ཚོགས༔ འབུམ་ཕྲག་ཡངས་པའི་མཁའ་འགྲོ༔ སྲིད་པ་མ་མོའི་དཀྱིལ་འཁོར་ཐམས་ཅད་སྙན་གསན་ཅིང་དགོངས་སུ གསོལ༔ ཡེ་ཤེས་དང་ལས་ལ་གྲུབ་པའི་མགོན་པོ་ཕོ་རྒྱུད་ལྷ་མོ་མོ་རྒྱུད་སྲུང་མ་དམ་ཅན་རྒྱ་མཚོ་ཐམས་ཅད་སྙན་གསན་ཅིང་དགོངས་སུ་གསོལ༔ བཀའི་ལྷ་སྲིན་སྡེ་བརྒྱད་སྣང་སྲིད་ཡུལ ལྷ་གཞི་བདག་རྫུ་འཕྲུལ་གྱི་སྟོབས་དང་ལྡན་པ་མྱུར་མགྱོགས་ཀྱི་ཤུགས་དང་ལྡན་པ་སྲོག་གཅོད་ཀྱི་ལས་ལ་དགའ་བ༔ ཤ་དྲོན་མོ་ཟས་སུ་ཟ་ཞིང་ཁྲག་དྲོན་མོ་སྐོམ་དུ་འཐུང་བ༔ དམོད་བསྐུལ་དང་གཏོར་ཟོར་གྱི་སྣ་ལ་རྒྱུག་པའི་བསྟན་སྲུང་དམ་ཅན་རྒྱ་མཚོ་མ་ལུས་ཤིང་ལུས་པ་མེད་པ་ཐམས་ཅད་སྙན་གསན་ཅིང་དགོངས་སུ་གསོལ༔ བཀའ་དང་དམ་ཚིག་གཉན་པོ་དཔང་དུ་ བཙུགས་ཤིང་གཏའ་རུ་བཞག་སྟེ་ཕྲིན་ལས་སུ་བཅོལ་བ་ནི༔ ང་ཡི་དགོན་པ་དང་ཆོས་སྒར་འདི་རུ་གནོད་པ་དང་གནོད་པའི་སེམས་དང་ལྡན་པ༔ སྡང་བ་དང་སྡང་བའི་སེམས་དང་ལྡན་པ༔ དྲག་ཤུལ་དང་དྲག་ཤུལ་གྱི་སེམས་དང་ལྡན་པ༔ རྒོལ་བ་དང་རྒོལ་བའི་སེམས་དང་ལྡན་པ༔ ཕོད་བཙུགས་པ༔ དོ་བརྡོ་བ༔ ཡ་བཟུང་བ༔ འགྲས་བཙལ་བ༔ སྔ་དགྲ་བྱས་ཟིན་པ༔ ཕྱི་དགྲ་ཡིད་ལ་སེམས་པ༔ ད་དགྲ་ལག་ལེན་འདེབས་ཤིང་དང་དུ་ལེན་པ༔ ཕྱིའི་རྟ་ལུག་གནག་ཕྱུགས་ལ་རྐུ་བ༔ ནང་གི་ནོར་དང་བསྒྲུབ་རྒྱག་ཁ་ཟས་ཀ་ཆ་དཀོར་ལ་རྐུ་བ༔ ཆོས་སྒར་ནང་དུ་ཁྱི་རྐུན་གདུག་པ་ཅན་གཏོང་མི༔ དགེ་འདུན་འཁོར་ལོའི་དབྱེན་བྱེད་འཛིང་ཐབས་ཁ་མཆུའི་སྒོ་ནས་དགེ་འདུན་གྱི་འདུ་བ་དཀྲུགས་པའི་དམ་ཉམས་དམ་སྲིའི་རིགས་སུ་གྱུར་པ་ཐམས་ཅད་ཀྱི་མགོ་བོ་ཚལ་པ་བརྒྱ་རུ་འགས་ཤིང་ཀླད་པ་དཀར་པོ་ཞོ་ལྟར་དཀྲུགས་ཤིག༔ སྙིང་ཁྲག་དམར་པོ་ཁ་ནས་དྲོངས་ལ་སྐོམ་དུ་འཐུང་སྐལ་གྱིས་ཤིག༔ གློ་སྙིང་དྲོན་མོ་ཐད་ནས་ཕྱུངས་ལ་གློ་བུར་ཧུར་ཐུམ་རྒྱུག་འགྱེལ་དུ་སོད་ཅིག༔ ནང་རོལ་རྒྱུ་ལོང་འོག་སྒོ་ནས་འཕོང་ལ་བཅོས་མེད་དྲག་ཅིང་རྩུབ་པའི་ནད་ཀྱིས་སོད་ཅིག༔ སྔོན་གྱི་ལས་དང་ཚེ་ཡི་དུས་མ་སྒུག་པར་ལོ་དང་ཟླ ཨོཾཿ བར་མ་འགྱངས༔ ཞག་དང་ཟ་མའི་ནང་དུ་ཁ་ཟས་ཀྱི་ལྷག་མ་མིད་དུ་མ་ཤོར༔ མི་ཚིག་གཏམ་གྱི་མཇུག་མ་རྫོགས་པར་སྐད་ཅིག་ཉིད་དུ་སོད་ཅིག་སྒྲོལ་ཅིག༔ ཁྱེད་རྣམས་ཀྱི་ཟ་སྐལ་དགྲ་ཤ་ཡིན་པས་ཁྱི་ལྟོག་གིས་ཤ་ཟན་ལ་རོལ་བ་བཞིན་དུ་ཤ་ལ་རྔམས་ཟས་གྱིས་ཤིག༔ བཏུང་སྐལ་དགྲ་ཁྲག་དྲོན་མོ་ཡིན་པས་སྐོམ་གདུང་དང་ལྡན་པས་ཆུ་ལ་རོལ་པ་བཞིན་དུ་ཁྲག་ལ་རྔམས་རོལ་གྱིས་ཤིག༔ ཕོ་རྒྱུད་ཀྱི་རྩ་བ་རྩད་ནས་ཆོད་ཅིག༔ མོ་རྒྱུད་ཀྱི་རྩ་བ་མངལ་ནས་སྐོམས་ཤིག༔ འོ་དོད་དང་བྲང་བརྡུང་རྒྱུན་མི་འཆད་པར་གྱིས་ཤིག༔ སྤྱིར་དགེ་འདུན་སེར་མོ་བ་རྩེ་གཅིག་དམ་པའི་ཆོས་ལ་བརྩོན་པ་རྣམས་ལ་རྐུ་འཕྲོག་དང་བརྙས་བཅོས་བྱེད་མི་རྣམས་ལ་བཀའི་ཆད་པ་དྲག་པོ་ཕོབ་ཅིག༔ ཡང་ཅིག་གསང་སྔགས་རྫོགས་པ་ཆེན་པོ་འཆད་ཉན་བསྒོམ་སྒྲུབ་བྱེད་པ་ལ་སྒྲོ་བཏགས་སྐུར་འདེབས༔ མཐོ་གནོན་སྨ་ཕབ་བྱེད་པའི་དགྲ་བོ་དང་༔ བར་དུ་གཅོད་པར་བྱེད་པའི་ཕོ་གདོན་རྒྱལ་པོ་མོ་གདོན་འདྲེ་མོ་ཀླུ་གདོན་ས་བདག་རྦོད་གཏོང་རྦད་འདྲེ་གནས་གདོན་ལུས་གདོན་ཚེ་ལ་རྐུ་བ༔ སྲོག་ལ་འཇབ་པ༔ བླ་ལ་ཁྱེར་བ༔ སྐབས་བལྟ་ཞིང་གླག་འཚོལ་བ༔ ཆམ་ནད་ཡམས་ནད་འགོས་ནད་ཀྱི་རིགས་སུ་ གཏོང་ཞིང་འགྱེད་པའི་གཟུགས་མེད་གནོད་པར་བྱེད་པའི་བགེགས་ཚོགས་རྣམས་ལ༔ བཀའ་རྒྱུད་བླ་མ་རྣམས་ཀྱི་བཀའི་ཆད་པ་ཆོད་ཅིག༔ ཡི་དམ་ལྷ་ཚོགས་རྣམས་ཀྱི་བཀའི་ཆད་པ་ཆོད ཅིག༔ མ་མོ་མཁའ་འགྲོ་རྣམས་ཀྱི་བཀའི་ཆད་པ་ཆོད་ཅིག༔ བཀའ་སྲུང་དྲེགས་པའི་ཚོགས་དང་བཅས་པས་བཀའི་ཆད་པ་ཆོད་ཅིག༔ གནོད་བྱེད་དེ་དག་རྣམས་ཀྱི་མཐུ་དང་ནུས་སྟོབས མེད་པར་གྱིས་ལ་དབང་དུ་བསྡུས་ཤིག༔ བྲན་དུ་ཁོལ་ལ་སྲོག་སྙིང་འཕྲོག་ཅིག༔ ཁེ་ཉེན་དང་དབང་ཆུང་དུ་ཐོངས་ཤིག༔ བདག་ཅག་འཁོར་དང་བཅས་པའི་ཕྱོགས་ནས་འཕྲོས་པའི་སྲུང་བ་དང་བྱིན་གྱིས་བརླབས་པའི་རྫས་རྣམས་དགྲ་བགེགས་དེ་དག་རྣམས་ཀྱི་ཚེ་དང་སྲོག་གི་བདུད་དང་དུག་ཏུ་ཕོབ་ཅིག༔ དགྲ་བགེགས་དེ་དག་ཐམས་ཅད་ཀྱི་མིག་ལ་མི་སྡུག་པའི་གཟུགས་སྟོན་ཅིག༔ རྣ་བ་ལ་མི་སྙན་པའི་སྒྲ་སྒྲོགས་ཤིག༔ སེམས་ལ་མི་འདོད་པའི་སྡུག་བསྔལ་བསྐྱེད་ཅིག༔ ཁྱེད་རྣམས་ཀྱི་མཐུ་རྩལ་དང་ནུས་པའི་ཁྱད་ཆོས་དྲག་པོ་མྱུར་དུ་སྟོན་ཅིག༔ དུས་གསུམ་རྒྱལ་བ་རྣམས་ཀྱིས་བཀའ་བསྒོས་ཤིང་དམ་བསྒྲགས་པ་ཡིན་ཏེ་དགྲ་བགེགས་གདུག་པ་ཅན་ཐམས་ཅད་ཤ་ཁྲག་དམར་གྱི་གཏོར་མ་དང་མཉམ་དུ་མ་འགོར་མ་ཕྱིས་མ་འགྱང་བར་ ཨོཾཿ མྱུར་དུ་བཞེས་ཤིག་རོལ་ཞིག༔ བཞེས་བཞེས་བཞེས༔ ཁ་ཁ་ཁཱ་ཧི་ཁཱ་ཧི༔ ཞེས་གཏོར་མ་དགྲ་ཕྱོགས་སུ་འཕང་ངོ་༔ དེ་ལྟར་ཡང་ཡང་བྱས་པས་དགྲ་བགེགས་ཀུན་སྒྲོལ་བར་༄ འགྱུར་རོ༔ ས་མ་ཡ༔ རྒྱ་རྒྱ་རྒྱ༔ ཞེས་པ་འདི་ཁྲག་འཐུང་བདུད་འཇོམས་རྡོ་རྗེས་རང་ཅག་གི་བསྟན་པ་ལ་དགྲ་འདྲེ་འབྱུང་དུ་དོགས་ནས་ཕབ་པའི་ཡི་གེ་རིས་བྱེད་མཁྱེན་རབ་རྒྱ་མཚོའོ། །བསྟན་འཛིན་གྱི་སྐྱེས་བུ་རྣམས་ལ་དགེའོ། །དགེའོ།། དགེའོ །སརྦ་མངྒ་ལཾ།། །། ཚྭ་དམོད་425གསུམ་མོ། TI1615 - 429 TI1615 - 430 ཨོཾ༔ བདེན་སྟོབས་བསྡུས་པ་ནི༔ ན་མོ་དཀོན་མཆོག་གསུམ་དང་རྩ་གསུམ་ཆོས་སྐྱོང་སྲུང་མའི་བདེན་པ་དང་༔ དོན་དམ་ཆོས་ཉིད་ངོ་བོ་གདོད་ནས་རྣམ་པར་དག་པའི བདེན་པ་དང་༔ ཀུན་རྫོབ་བསླུ་བ་མེད་པ་རྒྱུ་འབྲས་ཟབ་མོའི་བདེན་པའི་མཐུས༔ དགྲ་བོ་ཆེ་གེ་མོའི་སྲུང་བཟློག་དང་རིམ་གྲོ་བྱས་ཚད་ཐམས་ཅད་ཁོ་རང་གི་ཚེ་དང་སྲོག་གི་བདུད་དུ་འབབ་པར་གྱུར་ཅིག༔ བདག་གི་ལྷ་སྲུང་ཐམས་ཅད་དགྲ་བོ་ཆེ་གེ་མོའི་ཚེ་དང་སྲོག་གི་བདུད་དུ་འབབ་པར་གྱུར་ཅིག༔ དགྲ་བོས་རང་ཤ་རང་གིས་ཟ་བར་གྱུར་ཅིག༔ རང་ཁྲག་རང་གིས་འཐུང་བར་གྱུར་ཅིག༔ རང་སྲོག་རང་གིས་གཅོད་པར་གྱུར་ཅིག༔ དགྲ་བོ་ལ་སྲུང་སྐྱོབ་བྱེད་པའི་བན་བོན་ལྷ་སྲུང་དང་བཅས་པ་ཐམས་ཅད་བརླག་པར་གྱུར་ཅིག༔ ནུབ་པར་གྱུར་ཅིག༔ ཡལ་བར་གྱུར་ཅིག༔ མཱ་ར་ཡ༔ བྷྱོ་བྷྱོ་བཟློག་བཟློག༔ རྦད་ནན༔ དེ་ལྟར་གྲངས་ལྡན་བསྐྱལ་བ་ན༔ དྲག་པོ་མངོན་སྤྱོད་ལས་ཀུན་འགྲུབ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ནི་རང་སློབ་འཇིགས་མེད་རྡོ་རྗེའི་ངོར་ཀློང་ཡངས་ནམ་མཁའི་རྣལ་འབྱོར་བདུད་འཇོམས་རྡོ་རྗེས་བྲིས་པ་དགེ་བར་གྱུར་ཅིག །བསྟན་དགྲ་མ་ལུས་ཚར་གཅོད་ནུས་པར་ཤོག T11615 - 432 སྡོད་གནས་དག་སྣང་ཡེ་ཤེས་དྲྭ་བ་ལས༔ སྡོད་པ་གནས་ཀྱི་བསང་མཆོད་དགེ་ལེགས་དཔལ་སྟེར་བཞུགས༔ ན་མོ་གུ་རུ་པདྨ་ཀ་ར་ཡེ༔ བཟང་ཤིང་སྤོས་སྦྱོར་ཕྱེ་མར་བསྲེགས༔ སྭ་བྷཱ་ཝ་ཡིས་སྦྱངས་ནས་སུ༔ ནམ་མཁའ་མཛོད་སྔགས་ལན་གསུམ་དང་༔ རྟེན་འབྲེལ་སྙིང་པོ་དེ་བཞིན་བརྗོད༔ སྟོང་པའི་ངང་ལས་མེ་ཐབ་ཤིན་ཏུ་ཡངས་ཤིང་རྒྱ་ཆེ་བའི་སྟེང་དུ་བཟང་ཤིང་དང་ཕྱེ་མར་སྤོས་སྨན་གྱི་དུད་པ་ཕྱུ་རུ་རུ་འཕྲོ་བའི་ཀློང་ནས་ལྷ་ཀླུ་མིའི་ཟས་ནོར་འདོད་རྒུ་དཔལ་ཡོན་ཕུན་སུམ་ཚོགས་པ་མ་ཚང་བ་མེད་པས་ས་གསུམ་གྱི་གནས་ཐམས་ཅད་གང་ཞིང་ཁྱབ་པར་གྱུར༔ དུ་བའི་ནུས་པས་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ཁྱབ་པས་གནས་བདག་དཔའ་བོ་མཁའ་འགྲོ་ཡུལ་ལྷ་ཟོ་དོར་དཀར་ཕྱོགས་ཐམས་ཅད་ཀྱི་རྨུགས་པ་དྭངས༔ འཐིབས་པ་སངས༔ ན་བ་སོས༔ མཁུན་པ་དྭངས༔ རྒས་པ་གཞོན༔ རྒུད་པ་དར༔ འཁོར་འདས་ཀྱི་མཐུ་ནུས་ལ་མངའ་དབང་བསྒྱུར་ཏེ་སངས་རྒྱས་ཀྱི་བཀའ་རྗེས་སུ་དྲན་ནས་དཀར་པོ་དགེ་བའི་སྡོང་གྲོགས་བྱེད་ཅིང་འགལ་རྐྱེན་བར་ཆད་ཐམས་ཅད་བཟློག་པར་བསམ༔ ཀྱེེ༔ རྩ་བརྒྱུད་རིག་འཛིན་བླ་མ་དང་༔ ཡི་དམ་དཔའ་བོ་མཁའ་འགྲོ་བསང་༔ ས་གནས་གཉན་པོ་འདིར་བརྟེན་པའི༔ སྲུང་མ་གཉན་པོ་བསང་ངོ་མཆོད༔ ༦ ཕ་རི་གཡས་ལ་གནས་པ་དང་༔ ཚུར་རི་གཡོན་ལ་གནས་པ་བསང་༔ གངས་རི་དཀར་ལ་གནས་པ་དང་༔ བྲག་རི་རྫ་ལ་གནས་པ་བསང་༔ སྐྱེ་བ་ཤིང་ལ་གནས་པ་དང་༔ འབབ་པ་ཆུ་ལ་གནས་པ་དང་༔ བཀོད་པ་ཐང་ལ་གནས་པ་དང་༔ ན་བ་ཕྱུག་མོར་གནས་པ་བསང་༔ མཐོ་བ་རི་ལ་གནས་པ་དང་༔ བརྒྱ་ལམ་སྐྱ་མོར་གནས་པ་བསང༔ སྐམ་པ་ཉིན་དང་རླན་པ སྲིབ༔ ལུང་པ་གཤོད་ལ་གནས་པ་བསང་༔ ཕ་ལྷ་མ་ལྷ་ཞང་ལྷ་སོགས༔ འགོ་ཞིང་སྐྱོབ་པའི་ལྷ་རྣམས་བསང་༔ ཕྲག་ལྷ་དགྲ་བླ་ཕུག་ལྷ་དང་༔ ཕ་མྱེས་རྒྱུད་ཀྱི་སྲུང་མ་བསང་༔ བརྟེན་ཅིང་བསྒྲུབ་པའི་སྲུང་མ་དང་༔ མ་བསྒྲུབ་རང་འཁོར་སྲུང་མ་བསང་༔ ཚེ་རབས་ལས་ཀྱི་སྲུང་མ་དང་༔ རྐྱེན་གྱིས་འཁོར་བའི་ལྷ་སྲུང་བསང་༔ ནོར་ལྷ་གཡང་ལྷ་ཟས་ཀྱི་ལྷ༔ རྟ་ཕྱུགས་གནག་ལུག་ལྷ་རྣམས་བསང་༔ དུས་གསུམ་རྒྱལ་བ་སྲས་བཅས་ཀྱི༔ བཀའ་དམ་གཉན་པོ་དཔང་བཞག་སྟེ༔ ལྷ་དང་སྲུང་མ་ཁྱེད་རྣམས་ལ༔ ཕྲིན་ལས་གཉན་པོ་བཅོལ་བ་ནི༔ བདག་ཅག་མི་ནོར་འཁོར་བཅས་ལ༔ ཉིན་གྱི་དུས་སུ་བྱ་ར་དང་༔ མཚན་གྱི་དུས་སུ་མེལ་ཚེ་མཛོད༔ ཇི་སྲིད་འཚོ་ཡི་བར་དུ་ནི༔ སྐད་ཅིག་མི་འབྲལ་སྲུང་སྐྱོབ་མཛོད༔ བློ་སྣ་དམ་པའི་ གྷྲྀ།༔ ཆོས་ལ་བསྒྱུར༔ མཐུན་རྐྱེན་སྒྲུབ་ལ་འགལ་རྐྱེན་བཟློག༔ ཞི་དང་རྒྱས་དང་དབང་དང་དྲག༔ གང་བསམ་འདོད་དོན་ཡོངས་གྲུབ་མཛོད༔ སྡང་བའི་དགྲ དང་གནོད་པའི་བགེགས༔ བསད་བཅད་བཟློག་བསྒྱུར་ཕྲིན་ལས་མཛོད༔ བཀའ་ལ་ཉོན་ཅིག་བཀའ་སྲུང་ཚོགས༔ དམ་ལ་མ་འདའ་དམ་ཚིག་ཅན༔ བཅོལ་བའི་ལས་མཛོད་ས་མ་ཡ༔ དེ་ལྟར་བསང་མཆོད་ཕུལ་བ་ཡིས༔ དགེ་ལེགས་ཡོན་ཏན་དཔལ་བསྐྱེད་བྱེད༔ མི་མཐུན་ཕྱོགས་རྣམས་རིམ་གྱིས་ནུབ༔ སྲུང་མ་མཉེས་ཤིང་དགྲ་བླ་འཁོར༔ ས་མ་ཡ༔ ཨྠི༔ ཞེས་པ་འདི་ཡང་སློབ་བུ་འཇམ་དཔལ་རྡོ་རྗེས་བསྐུལ་ངོར་བདུད་འཇོམས་རྡོ་རྗེས་དག་སྣང་ཡེ་ཤེས་དྲྭ་བ་ལས་བསྒྱུར་བ་དུས་གསུམ་དུ་དགེ་བར་གྱུར་ཅིག །ཛ་ཡནྟུ། དགེའོ། །དགེའོ། །དགེའོ། །ལེགས་སོ། །སརྦ་མངྒ་ལཾ།། །། ད སྡོད་གནས་T11615 - 435 T11615 - 436 དག་སྣང་ཡེ་ཤེས་དྲྭ་བ་ལས༔ རྫ་སྙིང་ཐོག་རྒོད་འབར་བ་རྩལ༔ ཡོངས་གྲགས་སྔོ་ཚོགས་གཡུ་རྩེ་ཞེས་བྱ་བའི་བསང་མཆོད་དཔག་བསམ་འདོད་འབྱུང་བཞུགས༔ TI1615 - 437 བདུད་འཇོམས་རྫ་སྙིང་སྔོ་ཚོགས་ཨོཾ༔ ན་མོ་གུ་རུ་པདྨ་ཀ་ར་ཡེ༔ །ཤསཾ།གླིམ་དྷ།ཤ་ཐཾ༔ ཟོ་དོར་སྔོ་ཚོགས་གཡུ་རྩེ་ཡི༔ བསང་མཆོད་ལག་ལེན་རིམ་པ་ལ༔ བཟང་ཤིང་ཕྱེ་མར་འབྲུ་སྣ་དང་༔ ཤ་ཁྲག་དམར་གཏོར་དྲི་བཟང་སྤོས༔ མཁར་ཐབ་སུམ་ཐོག་ནོར་བུའི་ཏོག༔ གཡག་ལུག་ར་དང་རྟ་མཆོག་རྣམས༔ མཁར་གདན་རི་རབ་ལོག་བཞིར་བཞག༔ དར་ཟབ་རས་སོགས་མཛེས་ལྡན་དང་༔ གཅན་གཟན་སྣ་ཚོགས་ལྤགས་གང་རྙེད༔ ཀྱིས་བརྒྱན་ཡིད་དུ་འོང་བར་བྱ༔ སྤྲོ་ན་རི་རབ་རིམ་གསུམ་དུ༔ འོག་མར་ཀླུ་ནོར་སྣ་ཚོགས་དང་༔ བར་པ་གཟུགས་འགྲོས་ཚོགས་དགོད་བྱ༔ གཙང་མ་ཆབ་ཀྱིས་རབ་བྲན་ཏེ༔ སྭ་བྷཱ་ཝ་ཡིས་སྟོང་པར་སྦྱངས༔ སྟོང་པའི་ངང་ལས་བསང་རྫས་རྣམས་མཁའ་ལ་འཇའ་ཚོན་ཤར་བ་T11615 - 438 ད༔ བཞིན་དུ་འདོད་རྒུའི་དཔལ་ཡོན་ཕུན་སུམ་ཚོགས་པ་འཕགས་པ་ཀུན་ཏུ་བཟང་པོའི་མཆོད་པའི་སྤྲིན་རྒྱ་མཚོ་ལྟ་བུར་ཟད་མི་ཤེས་པའི་གཏེར་ཆེན་པོར་གྱུར་ཅིག༔ ན་མཿ སརྦ་ཏ་ཐཱ་ག་ཏ་བྷྱོ་སོགས་ལན་བདུན་བརྗོད༔ ཨ་ཀཱ་རོ་ལན་གསུམ་བརྗོད་མཐར༔ རཾ་ལས་མེ་ཐབ་ཡངས ཤིང་རྒྱ་ཆེ་བ་དབྱིབས་མཛེས་ཤིང་བཀོད་ལེགས་པའི་ནང་དུ་སྤོས་དང་ཤིང་རྩི་སྣ་ཚོགས་ཀྱི་དུད་སྤྲིན་ས་བདག་དང་གཞི་བདག་གནས་བདག་དང་གྲོང་བདག་ཐམས་ཅད་ཀྱི་རྨུགས་པ་དྭངས༔ འཐིབ་པ་སངས༔ ན་བ་སོས༔ རྒུད་པ་དར༔ ཤི་བ་སློང་༔ ལོངས་སྤྱོད་དང་བང་མཛོད་ཉམས་པ T11615 - 439 ཐམས་ཅད་འཕེལ་ཞིང་རྒྱས་ཏེ་གང་༔ བདེ་སྐྱིད་ཕུན་སུམ་ཚོགས་པའི་གནས་ལ་འཁོད་ཅིང་༔ སངས་རྒྱས་ཀྱི་བཀའ་རྗེས་སུ་དྲན་ནས་ཅི་བསྒོས་པའི་བཀའ་ཉན་ཅིང་ཕྲིན་ལས་རབ་འབྱམས ཐམས་ཅད་ཐོགས་མེད་དུ་བསྒྲུབ་པའི་མཐུ་དཔལ་ནུས་པ་དང་ལྡན་ཞིང་ལས་ལ་ཁོལ་བར་གྱུར་ཅིག༔ ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ༔ ཨོཾ་ཨཱཿ ཧཱུྃ་ཧ་ཧོ་ཧྲཱིཿ ཡེ་དྷརྨ་སོགས་རྟེན་འབྲེལ་སྙིང་པོ་ལན་བདུན་བརྗོད༔ ན་མོ༔ ཆོས་སྐུ་ལོངས་སྐུ་སྤྲུལ་སྐུ་སྐུ་གསུམ་ལྷ༔ སངས་རྒྱས་ཆོས་དང་དགེ་འདུན་དཀོན་མཆོག་གསུམ༔ བླ་མ་ཡི་དམ་མཁའ་འགྲོ་རྩ་བ་གསུམ༔ ཆོས་ཉིད་རྣམ་དག་རྒྱུ་འབྲས་བསླུ་མེད་པའི༔ ཐུགས་རྗེ་བྱིན་རླབས་ནུས་མཐུ་བདེན་སྟོབས་ཀྱིས༔ ཡུལ་ལྷ་གཞི་བདག་འཁོར་དང་བཅས་པ་རྣམས༔ བདག་གི་བྲན་ཁོལ་ཕྲིན་ལས་ཡོངས་སྒྲུབ་ཅིང་༔ སྐད་ཅིག་མི་འབྲལ་སྲུང་སྐྱོབ་འདོད་རྒུ་སྤེལ༔ འཁུ་ལྡོག་གདུག་རྩུབ་ཀོ་ལོང་མི་འབྱུང་ཞིང་༔ མཁོན་དང་འཁྲུགས་པ་ཐམས་ཅད་ཞི་གྱུར་ཏེ༔ ཕ་མ་དང་ནི་བུ་ཚ་ཇི་བཞིན་དུ༔ ཕན་ཚུན་བྱམས་བརྩེའི་གནས་ལ་འཁོད་གྱུར་ཅིག༔ ཚིགས་སུ་བཅད་པ་དེ་དག་ལན་གསུམ་བརྗོད༔ བསྭོ་བསོ་བསྭོ༔ ཀྱེེ༔ དང་པོ་བསྭོ་ཡིས་མི་འབོད་རྒྱུ༔ གཡུང་དྲུང་བོན་གྱི་ཐ་ཚིག་ལགས༔ ཨོཾ༔ ཛཿ ཐ་མ་ཛཿཡིས་མི་འདྲེན་རྒྱུ༔ རིག་འཛིན་བརྒྱུད་པའི་ཐ་ཚིག་ལགས༔ རྫ་སྙིང་རྡོ་རྗེ་ཐོག་རྒོད་རྩལ༔ གཉན་ཆེན་སྔོ་ཚོགས་གཡུ་རྩེ་ལགས༔ མི་ནག་རྟ་ནག་འཇིགས་སུ་རུང་༔ གཡས་པས་མདུང་དར་ནག་པོ་ཕྱར༔ གཡོན་པས་ལྕགས་ཀྱུ་མེ་འབར་བསྣམས༔ འཕྲུལ་གྱི་མདའ་གཞུ་རྐེད་ལ་བསྐོར༔ སྲུང་བ་རྡོ་རྗེའི་གོ་ཁྲབ་བགོ༔ ནག་པོ་ལྕགས་ཀྱི་སྒ་ཁྲབ་ལ༔ གོང་ཐག་གློ་སྙེད་སྦྲུལ་ལས་བྱས༔ སྡོམ་སྡིག་སྦལ་པའི་ཚྭ་ཚྭ་འགྱེད༔ སྲོག་ལེན་བདུད་པོ་རྣམ་བཞི་དང་༔ ཤན་པ་དྲུག་དང་མགར་བ་བཞི༔ སྨན་མོ་བཅུ་གཉིས་འབངས་འཁོར་ནི༔ དྲུག་ཅུ་རྩ་བཞིའི་ཚོགས་དང་བཅས༔ འདིར་གཤེགས་དགྱེས་པའི་གདན་ལ་བཞུགས༔ རི་རབ་རིམ་གསུམ་རིན་ཆེན་མཁར༔ ནོར་བུ་འབར་བའི་ཏོག དང་བཅས༔ ཡུལ་ལྷ་གཉན་པོ་གཉན་ཕྱིར་འབུལ༔ ཙ་ར་རོག་པོ་ཞོལ་ལྡན་དང་༔ ལུག་ནི་འཇའ་ཡི་བལ་ཚོན་ཅན༔ ར་དམར་གཡུ་ཡི་རྭ་རྨིག་ཅན༔ རྟ་མཆོག་རླུང་གི་གཤོག་པ་ཅན༔ སྲུང་མ་གཉན་པོ་དགྱེས་ཕྱིར་འབུལ༔ ལྷ་ཀླུ་མི་ཡི་ལོངས་སྤྱོད་དཀོར༔ རིན་ཆེན་ནོར་གྱི་རིགས་བྱེད་དང་༔ འབྲུ་སྣ་ཤིང་ཐོག་ཟས་ཀྱི་རིགས༔ དཀར་གསུམ་མངར་གསུམ་བྱེ་བྲག་དང་༔ སྨན་སྣ་ཤ་རི་ཁྲག་གི་མཚོ༔ དར་རས་གོ་མཚོན་སྣ་ཚོགས་པ༔ མདོར་ན་ཡིད་ལ་གང་འདོད་པའི༔ འདོད་རྒུ་ལོངས་སྤྱོད་མི་ཟད་གཏེར༔ དངོས་འབྱོར་ཡིད་ཀྱིས་རྣམ་སྤྲུལ་ཏེ༔ སྲུང་མ་གཉན་པོ་དགྱེས་ཕྱིར་འབུལ༔ འདོད་འཇོའི་བདུད་རྩིའི་བསང་དུད་ཀྱིས༔ རྫ་སྙིང་ཐོག་རྒོད་འབར་བ་བསང་༔ གཉན་ཆེན་སྔོ་ཚོགས་གཡུ་རྩེ་བསང་༔ དགྲ་བླ་མྱུར་མགྱོགས་།ཤུགས་ལྡན། བདུད་པོ་སྲོག་ལེན་རྣམ་བཞིཿ ཤན་པ་གྲི་ཐོག་དྲུག་ཕྲག མགར་བ་ཐོག་འབྲུག་གློག་བྱེད སྨན་མོ་གཡུ་ལྕམ་བཅུ་གཉིས ཡང་འཁོར་དྲུག་ཅུ་རྩ་བཞི་བསང་༔ སྐུ་ཡི་གཟི་མདངས་རྒྱས་གྱུར་ཅིག༔ གསུང་གི་འགགས་པ་ཁྲོལ་གྱུར་ཅིག༔ ཐུགས་ཀྱི་རྨུགས་འཐིབ་སངས་གྱུར་ཅིག༔ མཐུ་སྟོབས་ནུས་རྩལ་མྱུར་མགྱོགས་ཤུགས༔ ཉམས་ཤིང་རྒུད་པ་སོར་ཆུད་དེ༔ སྣང་སྲིད་ཡུལ་ལྷ་གཞི་བདག་གི༔ མཐུ་སྟོབས་ནུས་པ་རྩལ་ཡོན་ཏན༔ ལྷ་མཆོག་ཁྱེད་ལ་ཡོངས་རྫོགས་ཤོག༔ ཁྱེད་བརྟེན་བསྟོད་དང་མཆོད་གསོལ་ལས༔ བརྩོན་པའི་རྗེ་དཔོན་འབངས་སྡེའི་ཚོགས༔ ཕ་མའི་བུ་སྡུག་ཇི་བཞིན་སྐྱོངས༔ མི་ལ་ན་ཚ་རྐྱེན་ངན་དང་༔ ཕྱུགས་ལ་གོད་ཁ་མ་བཏང་ཞིག༔ ནད་དང་གནོད་པ་རྐྱེན་བར་ཆད༔ ཨོཾ༔ ཞི་བཟློག་གཞོམ་པའི་ཕྲིན་ལས་མཛོད༔ མི་ནོར་རྟ་ཕྱུགས་གནག་ལུག་བཅས༔ རྟག་ཏུ་དབྱེར་མེད་སྲུང་སྐྱོབ་ཅིང་༔ ཉིན་གྱི་དུས་སུ་བྱ་ར་དང་༔ རྫི་བོ་མཛོད་ལ་དགྲ་ངག་ཐུལ༔ མཚན་གྱི་དུས་སུ་མེལ་ཚེ་མཛོད༔ རྐུ་འཕྲོག་བྱེད་པའི་རྐུན་མ་སོད༔ བདག་ཅག་འཁོར་དང་བཅས་པ་ཡི༔ ཆོས་སྲིད་མངའ་ཐང་དཔལ་ཡོན་ཏན༔ ཡར་ངོའི་ཟླ་ལྟར་འཕེལ་རྒྱས་མཛོད༔ སྣང་སྲིད་སྐྱེ་འགྲོའི་བློ་ཡིད་སེམས༔ ཁབ་ལེན་རྡོ་དང་ལྕགས་འཕྲད་བཞིན༔ རང་དབང་མེད་པར་དབང་བསྡུས་ལ༔ དཔའ་བསྐོང་བྲན་དུ་ཁོལ་བར་མཛོད༔ གཟུགས་ཅན་དགྲ་དང་གཟུགས་མེད་བགེགས༔ གནོད་གདུག་དྲག་ཤུལ་སྡང་རྒོལ་གྱི༔ སེམས་དང་ལྡན་པ་སུ་ཡང་རུང་༔ མ་ལུས་ཐལ་བའི་རྡུལ་བཞིན་རློགས༔ ཤ་ཁྲག་དྲོན་མོ་ཟས་སྐལ་གྱིས༔ མདོར་ན་བདག་གི་གང་འདོད་པའི༔ ལས་ཀུན་ཐོགས་མེད་འགྲུབ་པར་མཛོད༔ གཡུང་དྲུང་བོན་དང་དམ་པའི་ཆོས༔ བརྒྱུད་པ་འཛིན་པའི་བླ་མ་དང་༔ སྐུ་གསུམ་རྒྱལ་བ་རྒྱ་མཚོ་ཡི༔ བཀའ་དམ་གཉན་པོ་དཔང་བཙུགས་ཏེ༔ ཁྱོད་ལ་ཕྲིན་ལས་དེ་བཅོལ་གྱིས༔ ཐོགས་པ་མེད་པར་འགྲུབ་པར་མཛོད༔ དཀོན་མཆོག་གསུམ་གྱི་བདེན་སྟོབས་དང་༔ རྟེན་འབྲེལ་རྒྱུ་འབྲས་བསླུ་མེད་མཐུས༔ བདག་ཅག་ལྷ་མི་འཁོར་བཅས་རྣམས༔ ཕན་ཚུན་མཐུན་ཅིང་བྱམས་