Tibetan
གོས་གདོན༔ ཁ་དོག་ལྗང་གུ་ཁྲ་བོའི་རིགས༔ ཕུང་སྲི་ཞིག་གིས་སྣ་འདྲེན་ནས༔ རྒྱལ་གདོན་གདུག་པའི་འདྲེ་རུ་ཟ༔ ཨེ་ཐུབ་ན་ཡང་མི་ཐུབ་ཟེར༔ ཨེ་དགེ་ཟེར་ན་མི་དགེ་ཟེར༔ ན་འཕྲོ་ཤི་འཕྲོ་ཨེ་ཆད་ན༔ མི་ཆད་གྲངས་མང་ན་འཆིའི་ངོ་༔ གཞན་ཡང་ཅི་ལ་བཏབ་ཀྱང་ངན༔ དེ་ལ་རིམ་གྲོ་མང་པོ་ལ༔ བསྐོར་ཞིང་ཡང་ཡང་བཏབ་པ་གནད༔ ༈ གསུམ་པའི་ས་ལ་བབ་པ་ན༔ གེ་སར་རྒྱལ་པོས་བདུད་བསད་ནས༔ བདུད་ཀྱི་རྒྱལ་ས་ལོན་པ ཡིན༔ གཞི་ཕྱུར་ལྷ་ཡི་ངོ་སོ་མཐོ༔ འདྲེ་བདུད་ལྷ་ཡིས་ཐུལ་ངོ་ཡིན༔ མི་ནོར་ཕྱུགས་ལ་ཕུང་འགྱོད་མེད༔ རིམ་གྲོ་བསོད་ནམས་བསགས་ལ་འབད༔ སྲིད་ཕྱྭར་བུ་ནི་མང་དུ་འབྱུང་༔ ཨེ་འགྲུབ་བྱས་ན་ངེས་པར་འགྲུབ༔ ཨེ་འཕྲད་སྨོས་ན་འཕྲད་ངོ་ལགས༔ གྲོགས་སྡེབ་བསོད་ནམས་བུ་ནོར་རྒྱས༔ བོར་བ་ལྷོ་ནས་ངེས་པར་རྙེད༔ དགྲ་ཕྱྭར་དགྲ་མེད་དགྲ་ཡུལ་ཕུང་༔ མགྲོན་ཕྱྭར་ཕྱི་དལ་ཆེ་ན་ཡང་༔ ཉེས་སྐྱོན་མེད་པར་དོན་འགྲུབ་འབྱུང་༔ ཨེ་འཐབ་ན་ཡང་འཐབ་མི་དགོས༔ ཟས་དང་ནོར་འཐོབ་རང་ཕྱོགས་བདེ༔ ནད་ཕྱྭར་ནད་ཕུག་ལྗི་ན་ཡང་༔ ཨོཾ༔ འདྲེ་གདོན་མེད་དེ་སྨན་གྱིས་འཚོ༔ གདོན་ཕྱྭར་ཞྭ་ནག་གོས་ནག་ལ༔ རྐྱེན་བྱས་སྡིག་པའི་གྲིབ་ཀྱིས་བག༔ ཨེ་ཐུབ་ན་ཡང་དེར་མི་ཐུབ༔ མི་དགེ་སྨོས་ཆེད་དགེ་ཞིང་ལེགས༔ ན་བའི་འཕྲོ་ལ་སྨོས་པ་ན༔ ན་འཕྲོ་ཤི་འཕྲོ་ཆད་པར་ངེས༔ མོ་མཐའ་བཟང་སྟེ་ལོ་འགར་བདེ༔ གཞན་ཡང་ཅི་ལ་བཏབ་ཀྱང་བཟང་༔ ༈ བཞི་པའི་ས་ལ་བབ པ་ན༔ གེ་སར་བདུད་ཡུལ་ལས་ལྡོག་པ༔ གཞི་ཕྱྭར་ནང་མཁོན་མང་ཞིང་འཁྲུགས༔ ཡང་ན་འཇིགས་པ་ཞིག་འབྱུང་སྲིད༔ ནོར་ལ་གོད་ཁ་འབྱུང་བའི་ངོ་༔ གཟའ་དང་བྱད་ཁ་ཆེ་བ་ཡིན༔ དེ་བཟློག་རིམ་གྲོ་དག་ལ་བསྐོར༔ སྲིད་ཕྱྭར་བུ་མོ་མང་པོ་འབྱུང་༔ རིམ་གྲོས་བུ་དཔལ་བསྐྱེད་ཀྱང་སྲིད༔ ཨེ་འགྲུབ་ན་ཡང་འགྲུབ་ཐག་རིང་༔ ཨེ་འཕྲད་ན་ནི་མི་འཕྲད་འཛོལ༔ གྲོགས་སྡེབ་འཐབ་འཁྲུགས་ན་ཚ་མང་༔ བོར་བ་མི་རྙེད་འཚོལ་དྲག་ན༔ ཁ་མཆུ་ངན་པའི་སྣ་ཡང་འདྲེན༔ དགྲ་ཕྱྭ་རྐུན་བུ་ཡང་ཡང་ལྡང་༔ བསང་གསོལ་དགྲ་མནན་བྱས་ན་ལེགས༔ མགྲོན་ཕྱྭ་དོན་ནི་ཐོབ་ན་ཡང་༔ ཁས་རྟ་མི་འཆོས་ཉེས་འགྱོད་ཆེ༔ ཨེ་འཐབ་འཐབ་ཤིང་གཉིས་ཕུང་བྱེད༔ ནད་པར་ནད་མཐའ་རིང་བ་དང་༔ འདྲེ་གདོན་མང་སྟེ་རིམ་གྲོར་འབད༔ གཤིན་གསོན་བར་གྱི་མགྲོན་པོ་ཡིན༔ གདོན་ཕྱྭར་གོ་མཚོན་རིགས་བྱེད་གདོན༔ འདྲེ་རུ་གཟའ་དང་སྡེ་བརྒྱད་གནོད༔ ཨེ་ཐུབ་པས་ན་གཉིས་ཐུབ་བྱེད༔ ཨེ་དགེ་ན་ཡང་ཕན་གནོད་མེད༔ ན་འཕྲོ་ཤི་འཕྲོ་མི་ཆད་དོ༔ གཞན་ཡང་ཅི་ལ་བཏབ་ཀྱང་འབྲིང་༔ ༈ ལྔ་པར་གེ་སར་ལྷར་བྱོན་པའི༔ ལྷ་ཆེན་ཚངས་པའི་གདན་ས་ཡིན༔ གཞི་ཕྱུར་དགེ་ལེགས་བསོད་ནམས་འཕེལ༔ ནད་མེད་ཚེ་རིང་ལོངས་སྤྱོད་རྒྱས༔ སྲིད་ཕྱུར་བུ་འབྱུང་སྤྲུལ་པའི་སྐུས༔ འབྲེལ་ཚད་འགྲོ་བ་འདྲེན་པའོ༔ ཡང་ན་དཔའ་རྩལ་སྟོབས་ལྡན་པའི༔ སྐྱེས་བུས་ཡུལ་ས་ཆེན་པོ་འཛིན༔ ཨེ་འགྲུབ་སྨྲོས་ན་ལེགས་པར་འགྲུབ༔ ཨེ་འཕྲད་ན་ཡང་འཕྲད་པར་འགྱུར༔ གྲོགས་སྡེབ་མཛའ་སྟེ་ལེགས་ཡོན་འཕེལ༔ བོར་བ་ནུབ་ཀྱི་ཕྱོགས་ནས་རྙེད༔ དགྲ་ཕྱྭར་དགྲ་ཇག་ཆོམ་རྐུན་མེད༔ མགྲོན་ཕྱྭ་དོན་འགྲུབ་བདེ་བར་འཁོར༔ ཨེ་འཐབ་ན་ཡང་འཐབ་མི་འགྱུར༔ ནད་པར་སྲོག་སྐྱོན་མེད་པར་འཚོ༔ གདོན་ཕྱྭ་རི་ནག་སྐྱེས་ནག་གོ༔ ཡང་ན་རི་ནག ཐབས་ནག་གདོན༔ ཨེ་ཐུབ་ན་ཡང་ཕན་གནོད་མེད༔ ཨེ་དགེ་ན་ཡང་དགེ་ལེགས་འཕེལ༔ ན་དང་ཤི་བའི་འཕྲོ་ཆད་འགྱུར༔ གཞན་ཡང་ཅི་ལ་བཏབ་ཀྱང་བཟང་༔ ༈ དྲུག་པ་ ཨོཾཿ ནོར་གླིང་གཡུལ་འགྱེད་པ༔ གཞི་ཕྱྭར་འཁྲུགས་པ་ཤིན་ཏུ་ཆེ༔ ལྷ་འཁྲུགས་བདུད་དུ་བབ་པ་ཡིན༔ མོ་བཙུན་དར་མ་འཆི་བ་དང་༔ སྐྱེས་པ་གཟའ་དཔོན་དེ་ལ་ངན༔ རིམ་གྲོ་ཆེན་པོ་བསྐོར་སྡེབ་བྱ༔ མཐར་ཐུག་ངན་ཞིང་ཁྱིམ་སྟོང་ངོ་༔ སྲིད་ཕྱྭ་རབས་ཆད་མཐར་ཐུག་སྟོང་༔ ཨེ་འགྲུབ་ལེགས་བསྒྲུབ་གནོད་བྱེད་འགྲུབ༔ ཨེ་འཕྲད་འཕྲད ནས་འཐབ་རྩོད་འཆས༔ གྲོགས་སྡེབ་ཁྱི་བྱི་འཕྲད་དང་མཚུངས༔ བོར་བ་མི་རྙེད་གཏན་དུ་ཡལ༔ དགྲ་ཕྱྭ་དགྲ་འཇིགས་ཆེན་པོ་འབྱུང་༔ མགྲོན་ཕྱྭ་དོན་ཤོར་དགྲ་ལ་ཤོར༔ ཡང་ན་མི་ཤི་ནོར་ཡལ་འགྲོ༔ ཨེ་འཐབ་འཐབ་སྟེ་རང་ཕུང་བྱེད༔ ནད་པ་མི་འཚོ་ངེས་པར་འཆི༔ གདོན་ཕྱྭ་བྲན་དང་བུད་མེད་གདོན༔ མོ་འདྲེས་སྣ་དྲངས་རྒྱལ་པོས་གནོད༔ ཨེ་ཐུབ་ན་ཡང་མི་ཐུབ་ཟེར༔ ཨེ་དགེ་ཞེ་ན་མི་དགེ་ངན༔ ན་ཤིའི་ཕུང་ཁྲོལ་འགྲོ་འཕར་བྱེད༔ གཞན་ཡང་ཅི་ལ་བཏབ་ཀྱང་ངན༔ རིམ་གྲོ་བསྐོར་ཀྱང་བཟློག་དཀའི་གནས༔ ༈ བདུན་པའི་ས་ལ་བབ་གྱུར་ན༔ གེ་སར་ཧོར་ལ་ཆས་པ་ཡིན༔ གཞི་ཕྱྭར་བགོས་གཏོར་ཆེ་བའི་ངོ་༔ ཚིག་ངན་ཁ་མཆུ་མང་བ་ཡིན༔ མི་སྲོག་ལ་ཡང་རྒོལ་བ་མེད༔ སྲིད་ཕྱྭ་བུ་སྐྱེ་སྐྱོན་ཅན་ངོ་༔ ཨེ་འགྲུབ་ན་ཡང་ཕུགས་སུ་འགྲུབ༔ ཨེ་འཕྲད་འཕྲད་དེ་སྒུག་ཐག་རིང་༔ གྲོགས་སྡེབ་ཕུགས་སུ་སོ་སོར་འགྲོ༔ འཐབ་རྩོད་མང་མཐར་འདུམ་དགོས་འབྱུང་༔ བོར་བ་རྩད་ཆོད་དྲག བྱས་ན༔ ཡུན་རིང་རྗེས་སུ་རྙེད་པའི་ངོ་༔ དགྲ་ཕྱྭ་དགྲ་དེ་རང་ཕུང་ནས༔ རྩོད་ཡུལ་མེད་པར་འགྲོ་བའི་ལྟས༔ མགྲོན་ཕྱྭར་མགྲོན་པོ་དཀའ་ཚེགས་ཆེ༔ དོན་འགྲུབ་བདེ་བར་སླེབས པའི་ལྟས༔ ཨེ་འཐབ་འཐབ་སྟེ་རང་རྒྱལ་བྱེད༔ ནད་པར་རིམ་གྲོ་བྱས་ན་འཚོ༔ གདོན་ཕྱྭ་ཁང་རྒན་ཟླ་གམ་བཤིག༔ ཡང་ན་རྟེན་རྫས་གཉན་པོ་བསྒུལ༔ དེས་རྐྱེན་དཀོར་བདག་གཉན་པོས་གནོད༔ ཨེ་ཐུབ་བྱས་ན་ཐུབ་པ་ཡིན༔ ཨེ་དགེ་ཨེ་བཟང་ཟེར་བ་ན༔ ལས་དེ་བྱས་ན་དགེ་ལེགས་ཟེར༔ ན་ཤིའི་འཕྲོ་འདི་ཨེ་འཆད་ན༔ འཕྲོ་ཆད་དགེ་བའི་འཕྲོ་རྒྱུན་ཟིན༔ གཞན་ཡང་ཅི་ལ་བཏབ་ཀྱང་འབྲིང་༔ ༈ བརྒྱད་པའི་ས་ལ་བབ་གྱུར་ན༔ གེ་སར་ཧོར་ལ་བྱོན་ནས་སུ༔ ཧོར་ཡུལ་ཁ་ལོ་བསྒྱུར་བ་ཡིན༔ གཞི་ཕྱྭར་དགེ་ལེགས་ཡོན་ཏན་འཕེལ༔ ལྷ་བསྒྲུབ་དགྲ་འདྲེ་ཐུལ་བ་ཡིན༔ རིམ་གྲོ་ལམ་དུ་སོང་བ་ཡིན༔ ཉེས་པ་ཟད་པའི་རྗེས་ཡིན་བཟང་༔ སྲིད་ཕྱྭར་བུ་ནི་མང་པོ་འབྱུང་༔ ཨེ་འགྲུབ་བྱས་ན་འགྲུབ་ཚར་ཟེར༔ ཨེ་འཕྲད་ ཨོཾཿ བྱས་ན་ངེས་པར་འཕྲད༔ གྲོགས་སྡེབ་ཕོ་མོ་མཆོག་ཟུང་འཕྲོད༔ བོར་བ་རང་གི་ཉེ་སར་ཡོད༔ དགྲ་ཕུང་དགྲ་ཡུལ་སྟོང་ཟིན་ངོ་༔ མགྲོན་པོ་དོན་འགྲུབ་ཕྱིར་ལ་ཆས༔ ཨེ་འཐབ་འཐབ་ཟིན་རང་རྒྱལ་ངོ་༔ ནད་པ་ནད་ལས་ཐར་ཟིན་ཏེ༔ བླ་རྐུན་ལག་ནས་བླ་ལོན་ངོ་༔ གདོན་ཕྱྭ་ཆུ་མིག་བྲག་རི་ནས༔ ཀླུ་གཉན་གནས་སར་ལས་བྱས་པའི༔ རྐྱེན་དེས་འདྲེ་གདོན་དེ་ཡིས་བྱས༔ ཨེ་ཐུབ་ན་ཡང་ཐུབ་ཚར་ཟེར༔ ཨེ་དགེ་བྱས་ན་ལས་གང་རུང་༔ བྱས་ན་དགེ་ཞིང་ལེགས་ངོ་ཡིན༔ ན་ཤིའི་འཕྲོ་འདི་ཨེ་འཆད་ན༔ ངེས་པར་འཆད་དེ་མི་ནོར་འཕེལ༔ གཞན་ཡང་ཅི་ལ་བཏབ་ཀྱང་བཟང་༔ ༈ དགུ་པའི་ས་ལ་བབ་པ་ན༔ གཉན་པོའི་ཁྱུང་ཚང་གཏོར་བ་ཡིན༔ གཞི་ཕྱྭར་འདྲེ་འཚུབས་ཆེ་བའི་ཕྱིར༔ རིམ་གྲོ་དག་ལ་འབད་པ་གནད༔ སྲིད་ཕྱུར་བན་བོན་བྱད་ཀྱིས་བཅད༔ ཨེ་འགྲུབ་ན་ནི་འགྲུབ་པ་ཡིན༔ ཨེ་འཕྲད་འཕྲད་ཅིང་མཁོན་འཛིང་འོང་༔ གྲོགས་སྡེབ་ཕོ་མོ་གང་རུང་འཆི༔ བོར་བ་ཆུ་མཚོའི་ནང་དུ་སོང་༔ དགྲ་ཕྱྭ་དགྲ་ནི་ཆེ་དྲག་ནས༔ མི་རུང་སྔགས་མཁན་ཞིག་ལ་འགྲས༔ སྲོག་ལ་ཧུར་ཐུམ་འབྱུང་ངོ་ཡིན༔ མགྲོན་ཕྱྭ་མགྲོན་པོའི་དོན་གཉེར་བྱེད༔ ད་དུང་ཕྱིར་ལ་མ་འཁོར་སྡོད༔ ཨེ་འཐབ་དགྲ་མི་ཡ་ལན་མེད༔ ནད་པ་ངེས་པར་འཆི་ངོ་ཡིན༔ གདོན་ཕྱྭ་ཁྲ་བོ་རིགས་བྱེད་གདོན༔ བན་བོན་བྱད་ཁ་གདོན་དུ་ལངས༔ ཨེ་ཐུབ་ཐུབ་སྟེ་རང་རྒྱལ་བྱེད༔ ཨེ་དགེ་བྱས་ན་ལས་དེ་དགེ༔ ན་འཆིའི་འཕྲོ་ལ་ད་དུང་ངན༔ གཞན་ཡང་ཅི་ལ་བཏབ་ཀྱང་འབྲིང་༔ ༈ བཅུ་པའི་ས་ལ་བབ་པ་ན༔ བལ་པོའི་ལུག་རྫོང་ཕབ་པ ཡིན༔ གཞི་ཕྱྭར་བཟང་སྟེ་ནོར་ཕྱུགས་རྙེད༔ རང་མགོ་མི་ལ་ཤོར་ངོ་ཡོད༔ སྲིད་ཕྱྭ་བུ་འབྱུང་སྐལ་བཟང་འདོན༔ ཨེ་འགྲུབ་ན་ནི་ངེས་པར་འགྲུབ༔ ཨེ་འཕྲད་འཕྲད་ཅིང་དགའ་འཛུམ བརྩེ༔ གྲོགས་སྡེབ་ཕོ་རབ་མོ་བཟང་འཕྲད༔ བོར་བ་ཐག་རིང་ཞིག་ནས་རྙེད༔ ཡང་ན་ཤིང་ཆེན་ཀློང་ནས་རྙེད༔ དགྲ་ཕྱྭ་དགྲ་དེ་རྒྱུད་ལྷོད་པས༔ ཡུན་རིང་ཞིག་ལ་གནོད་འཚེ་མེད༔ མགྲོན་ཕྱྭ་མགྲོན་པོས་རང་ས་མནན༔ ཡང་ན་ཡུན་རིང་མི་ཐོན་ངོ་༔ ཨེ་འཐབ་འཐབ་དགོས་འབྱུང་མིན་ཏེ༔ དགྲ་ནོར་རང་ལ་ཐོབ་ངོ་ཡོད༔ ནད་པ་མི་འཆི་རིམ་གྲོས་བྱེད༔ གདོན་ཕྱྭ་རང་གི་ཕུག་ལྷ་གནོད༔ ཨེ་ཐུབ་བྱས་ན་མི་ཐུབ་ཟེར༔ ཨེ་དགེ་བྱས་ན་མི་དགེ་སྨྲོས༔ ན་འཆིའི་འཕྲོ་ཆད་སླར་ལྡང་ངོ་༔ གཞན་ཡང་ཅི་ལ་བཏབ་ཀྱང་འབྲིང་༔ ༈ བཅུ་གཅིག་པ ཨོཾ༔ ལ་བབ་པ་ན༔ རྒྱ་ལ་ཤོས་རྟ་སྤྲད་པ་ཡིན༔ གདོང་གི་རྟ་རྫོང་ཕབ་པ་ཡིན༔ རྒྱ་ཡུལ་ཁ་ལོ་བསྒྱུར་བ་ཡིན༔ གཞི་ཕྱྭར་བསོད་ནམས་ལོངས་སྤྱོད་འཕེལ༔ མི་མགོ་རང་གི་ལོན་པ་ཡིན༔ མི་མགོ་མཐོ་ལ་མི་རྒྱུད་བཟང་༔ ནད་མེད་ཚིག་བཙན་བཀྲ་ཤིས་ལེགས༔ སྲིད་ཕྱྭར་སྤྲུལ་སྐུ་སྐྱེས་ཆེན་ནམ༔ ཡང་ན་དཔའ་རྩལ་གྲགས་ལྡན་འབྱུང་༔ ཨེ་འགྲུབ་ན་ནི་ལེགས་པར་འགྲུབ༔ ཨེ་འཕྲད་བྱས་ན་འཕྲད་དོན་ཐོབ༔ གྲོགས་སྡེབ་ལྷ་དང་ལྷ་མོ་འཛོམ༔ བོར་བ་མི་རིང་མྱུར་དུ་རྙེད༔ དགྲ་ཕྱྭ་དགྲ་དེ་ཉམས་དམའ་བས༔ ཡ་ལན་བྱེད་པ་མཐའ་རིང་ཙམ༔ མགྲོན་ཕྱྭ་ཅི་བསམ་འགྲུབ་ཅིང་སླེབས༔ ཨེ་འཐབ་དགྲ་ལ་འཐབ་ས་མེད༔ འཐབ་ཅིང་རང་གཞན་བདེ་བར་ངེས༔ ནད་པར་ནད་མཐའ་རིང་བ་ཡང་༔ འདྲེ་མེད་སྨན་གྱིས་བཅོས་པ་གལ༔ དེས་མ་ཕན་ན་འཆི་བའི་ལྟས༔ གདོན་དུ་ཉེ་འདྲེ་ཉེ་ཕྱོགས་ནས༔ འོད་ཅན་རྫས་སམ་མཆོད་ཆ་གདོན༔ ཨེ་ཐུབ་ཐུབ་སྟེ་རང་ཡང་འཚམས༔ ཨེ་དགེ་ན་ནི་དགེ་ལེགས་ལྡན༔ ན་འཆིའི་འཕྲོ་ཆད་ཡུན་རིང་བདེ༔ གཞན་ཡང་ཅི་ལ་བཏབ་ཀྱང་དགེ༔ ༈ བཅུ་གཉིས་རྒྱ་སོག་ཧོར་བལ་གྱི༔ འདྲེ་ལ་འཐབ་འཁྲུགས་ས་ཡིན་ པས༔ གཞི་ཕྱྭར་འཇིགས་པ་ཆེན་པོའམ༔ ཡང་ན་ནད་རིམས་ངན་པ་འབྱུང་༔ དེ་བཟློག་རིམ་གྲོ་བསྐོར་རྡབ་བྱ༔ སྲིད་ཕྱྭ་བུ་མེད་རབ་ཆད་ངོ་༔ ཨེ་འགྲུབ་བྱ་བ་བཤོལ་བའི་མོ༔ ཨེ་འཕྲད་བྱ་ན་མི་འཕྲད་ཅིང་༔ འཕྲད་ན་དགྲ་ཡིས་བསླུ་བ་ལགས༔ གྲོགས་སྡེབ་སྟག་སྤྲེལ་འཕྲད་འདྲ་ངན༔ བོར་བ་མི་སྲུན་དགྲ་རུ་ཤོར༔ རྫས་བོར་མི་མངོན་ཟས་སུ་ཚུད༔ ཕྱུགས་བོར་གཤེད་མའི་ལག་ཏུ་སོང་༔ མི་བོར་གྲི་ཤིར་སོང་བ་ཡིན༔ དགྲ་ཕྱྭ་དགྲ་ཡི་དཔུང་ཚོགས་ནས༔ རང་རེ་སང་ལ་ཧབ་ཤ་བྱེད༔ མགྲོན་ཕྱྭ་དགྲ་ལག་སོང་བའམ༔ ཡང་ན་ཉེས་པ་ཆེན་པོས་མནར༔ ཨེ་འཐབ་འཐབ་སྟེ་རང་ཕུང་བྱེད༔ ནད་པ་མི་འཚོ་ཕན་མེད་ན༔ རིང་པོར་མི་ཐོགས་མྱུར་དུ་འཆི༔ གདོན་ཕྱྭ་ཁ་ཕོར་ཀ་ཚེ་འམ༔ ཡང་ན་ཕྱུགས་དང་བྲན་གཡོག་གདོན༔ ཨེ་ཐུབ་བྱས་ན་མི་ཐུབ་ཟེར༔ ཨེ་དགེ་བྱས་ན་མི་དགེ་ཉེས༔ གཡང་གི་རྟེན་གྱི་ནོར་ཕྱུག་ཕུད༔ གཡང་ཉམས་ཕུང་ཉེན་དབུལ་པོར་འགྲོ༔ ན་འཆིས་ཡང་ཡང་མནར་བའི་ངོ་༔ མི་ཆད་ལྷག་མེད་བཏང་བའི་མོ༔ གཞན་ཡང་ཅི་ལ་བཏབ་ཀྱང་ངན༔ ༈ བཅུ་གསུམ་པ་ལ་བབ་གྱུར་ན༔ གླིང་གི་རྟ་རྒྱལ་རྩོད་པ་ཡིན༔ གེ་སར་དཔོན་རུ་རྒྱལ་བ་ཡིན༔ རྗེ་འབངས་དབང་T11615 - 412 ཨོཾ༔ དུ་བྱེད་པ་ཡིན༔ ལྷ་འདྲེའི་གཏེར་དང་འཕྲད་པ་ཡིན༔ བདེ་སྐྱིད་ཉི་མ་འཆར་བ་ཡིན༔ གཞི་ཕྱུར་མི་ལ་ན་ཚ་མེད༔ ནོར་དང་ཕྱུགས་ལ་གྱོང་གོད་མེད༔ སྤྲང་པོ་གཏེར་དང་འཕྲད་པ་ཡིན༔ ཉམ་ཆུང་རྒྱལ་སར་ཕེབས་པ་ཡིན༔ རིམ་གྲོ་བཀྲ་ཤིས་བརྩེགས་པ་དང་༔ ཤེར་ཕྱིན་སྙིང་པོ་རྡོ་ལ་བརྐོ༔ རི་རྩེ་རྒྱལ་མཚན་དཔུང་རྒྱན་ཕྱར༔ སྲིད་ཕྱྭར་ཕ་བུའི་སྡེ་ཚོ་གྱེས༔ ཨེ་འགྲུབ་བྱས་ན་ངེས་པར་འགྲུབ༔ ཨེ་འཕྲད་འཕྲད་ཅིང་ཡིད་མཐུན་སྟེར༔ གྲོགས་སྡེབ་མངའ་ཐང་གོང་འཕེལ་རྒྱས༔ བོར་བ་མི་རིང་ལག་ཏུ་སླེབས༔ དགྲ་མེད་ཆོམ་རྐུན་འཚེ་བ་མེད༔ མགྲོན་པོ་དོན་འགྲུབ་རང་ཡུལ་སླེབས༔ ཨེ་འཐབ་བྱས་ན་མི་འཐབ་ལེགས༔ ནད་པ་ཤི་ཟིན་མིན་ན་འཚོ༔ གདོན་མེད་ལྷ་ཡི་ངོ་སོ་མཐོ༔ ཨེ་ཐུབ་བྱས་ན་ངེས་པར་ཐུབ༔ ཨེ་དགེ་ལས་གང་བསྒྲུབ་ཀྱང་དགེ༔ ན་འཕྲོ་ཆད་ཅིང་ཤི་འགབ་ཆད༔ ད་ནི་ན་འཆི་མི་འབྱུང་ལེགས༔ ཅི་ལ་བཏབ་ཀྱང་ཤིན་ཏུ་བཟང་༔ འདི་ནི་ལན་གསུམ་བསྐོར་རྡབ་ནས༔ ཆེ་རྒྱུད་ཆུང་རྒྱུད་འབྲིང་རྒྱུད་དཔྱད༔ མོ་སྒྲུབ་བྱས་ནས་བཏབ་པ་ན༔ མངོན་ཤེས་འཕྲུལ་གྱི་རྒྱལ་པོ་ཡིན༔ ཀུན་ཤེས་ཀུན་རིགས་དགེ་ལེགས་འཕེལ༔ ཞེས་མངོན ཤེས་འཕྲུལ་གྱི་པྲ་མོ་རྫོགས་སོ༔ ས་མ་ཡ༔ རྒྱ་རྒྱ་རྒྱ༔ གུ་ཧྱ༔ ཞེས་པ་འདི་ནི་རིགས་སྲས་མཁྱེན་བརྩེའི་མྱུ་གུས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ལྷུན་གྲུབ་ནམ་མཁའི་མཛོད་ལས་བསྒྱུར་བའོ། །དགེའོ། །དགེའོ། །དགེའོ། །སརྦ་མངྒ་ལ། ད བདུད་འཇོམས་སེང་ཆེན་དགྲ་འདུལ བདུད་འཇོམས་སེང་ཆེན་དགྲ་འདུལ T11615 - 414 ཨོཾ༔ དག་སྣང་ཡེ་ཤེས་དྲྭ་བ་ལས༔ སྐྱེ་བུ་མ་སང་དགྲ་འདུལ་གྱི་གསོལ་མཆོད་བསམ་དོན་ལྷུན་གྲུབ་བཞུགས་སོ༔ མཎྜརྨརྐ།མ་རྻཤཧ ཨོ་རྒྱན་མཚོ་སྐྱེས་རྡོ་རྗེ་ལ་ཕྱག་འཚལ༔ ཤ་དུམ་འབྲུ་སྣ་གཏོར་མ་སྐྱེམས༔ འབྱོར་ཚོགས་མཆོད་རྫས་བཤམས་པ་ལ༔ ཡིད་ཀྱིས་ནམ་མཁའ་མཛོད་དུ་སྤེལ༔ སྔགས་ཀྱི་ནུས་པས་འདོད་རྒུར་བསྒྱུར༔ རང་ཉིད་ཡི་དམ་ལྷར་གསལ་ངང་༔ གསེར་སྐྱེམས་གཏོར་མ་དཀར་གསུམ མངར་གསུམ་ཤ་རི་ཁྲག་མཚོ་འབྲུ་སྣ་ཤིང་ཐོག་ལ་སོགས་ལྷ་ཀླུ་མི་ཡི་ཟས་ནོར་ལོངས་སྤྱོད་མ་ཚང་བ་མེད་པ་ཕུན་སུམ་ཚོགས་པ་ནམ་མཁའི་མཐའ་དང་མཉམ་པར་གྱུར་ཅིག༔ ན་མཿསརྦ་ཏ་ཐཱ་སོགས་ནམ་མཁའ་མཛོད་སྔགས་དང་༔ ཨ་ཀཱ་རོ་དང་༔ རྟེན་འབྲེལ་སྙིང་པོ་གསུམ་རེ་བརྗོད་མཐར༔ ལྷ་ཀྭི་ཀྭི་ལ་བསྭོ་བསྭོ་བསྭོ༔ དགྲ་བླ་ཝེར་མ་དབྱིངས་ནས་བཞེངས༔ སྟེང་ནས་ཚངས་པ་གདོང་བཞི་དང་༔ ལྷ་དམག་བྱེ་བ་གཤེགས་སུ་གསོལ༔ བར་ནས་གཉན་ཆེན་དཀོར་མཛོད་དང་༔ གཉན་དམག་དར་འཛིན་གཤེགསཿ འོག་ནས་ཀླུ་རྒྱལ་ཆེན་པོ་ནི༔ ཀླུ་དམག་དང་བཅས༴ འཛམ་གླིང་གེ་སར་རྒྱལ་པོ་ཞེས༔ སེང་ཆེན་ནོར་བུ་དགྲ་འདུལ་རྩལ༔ དགྲ་བླ་བཅུ་གསུམ་གཤེགསཿ ཁྱེད་ལ་མཆོད་པ་འབུལ་བ་ནི༔ ཉེར་སྤྱོད་བདུན་དང་འདོད་ཡོན་ལྔ༔ སྨན་གཏོར་ རཀྟ་དཀར་དམར་སྐྱེམས༔ ལྷ་ཀླུ་མི་ཡི་ཟས་ནོར་དཀོར༔ དངོས་འབྱོར་ཡིད་ཀྱིས་རྣམ་འཕྲུལ་ཏེ༔ གསོལ་ལོ་མཆོད་དོ་ཐུགས་དམ་བསྐང་༔ སེང་ཆེན་ནོར་བུ་དགྲ་འདུལ་མཆོད༔ ཨ་ནི་གོང་སྨན་རྒྱལ་མོ༔ སྲིང་མོ་ཐ་ལེ་འོད་དཀརཿ གཡས་ནས་འཁོར་བའི་ལྷ་དམགཿ གཡོན་ནས་འཁོར་བའི་ཀླུ་དམག༴ མདུན་ནས་འདུད་པའི་གཉན་དམགཿ རྒྱབ་ནས་བརྟེན་པའི་ལྷ་སྲུང་ཕུ་བོ་རྒྱ་ཚ་ཞལ་དཀརཿ ནུ་བོ་གནང་ཆུང་གཡུ་སྟགཿ ཡབ་མཆོག་ཨ་བོ་གེར་མཛོདཿ ཡུམ་མཆོག་སྤང་ཞལ་མཛེས་ལྡན་སྤྲུལ་པ་དཔའ་ཐུལ་ཉེར་བརྒྱད་མཆོད༔ གསོལ་ལོ་མཆོད་དོ་ཐུགས་དམ་བསྐང་༔ སྒྲུབ་པའི་རྣལ་འབྱོར་བདག་ཉིད་ལ༔ སྐད་ཅིག་ཙམ་ཡང་འབྲལ་མེད་སྐྱོངས༔ ནད་གདོན་བར་ཆད་འཇིགས་ལས་སྐྱོབ༔ མི་མཐུན་ཕྱོགས རྣམས་ཀུན་ཞི་ཞིང་༔ ཚེ་བསོད་དཔལ་འབྱོར་མངའ་ཐང་བསྐྱེད༔ འདོད་རྒུའི་དཔལ་ཡོན་དབང་དུ་བསྡུས༔ གཟུགས་ཅན་དགྲ་དང་གཟུགས་མེད་བགེགས༔ མ་ལུས་ཐལ་བའི་རྡུལ་དུ་རློག༔ རབ་འབྱམས་ཕྲིན་ལས་ཡོངས་གྲུབ་མཛོད༔ དུས་ངན་སྐྱེས་བུ་བདག་འདྲ་ལ༔ ཐུགས་རྗེས་ཡལ་བར་མ་དོར་ཞིག༔ ཐུགས་བསྐྱེད་རྣམ་དག་རྗེས་དགོངས་ལ༔ དབྱིངས་ལས་ ཨོཾ༔ དགོངས་པ་ད་བསྐྱོད་འཚལ༔ དད་དང་མོས་གུས་དྲག་པོ་ཡིས༔ ཁྱེད་མཆོད་སྒྲུབ་པའི་རྣལ་འབྱོར་བདག༔ ཚེ་འདིར་བསམ་པའི་དོན་འགྲུབ་ཅིང་༔ ཕྱི་མ་དག་པའི་ཞིང་ཁམས་སུ༔ ཁྱེད་བཞིན་ལུས་འདི་མ་བོར་བར༔ མཁའ་སྤྱོད་དག་པའི་གནས་སུ་དྲོངས༔ འདི་ཕྱི་བར་གསུམ་ཐམས་ཅད་དུ༔ འབྲལ་མེད་ཐུགས་རྗེས་བདག་སྐྱོངས་མཛོད༔ ས་མ་ཡ༔ དེ་ལྟར་དད་དང་མོས་གུས་ཀྱིས༔ གསོལ་མཆོད་བྱེད་པའི་སྐྱེས་བུ་ཀུན༔ འདི་ཕྱིའི་བདེ་ལེགས་ཀུན་འགྲུབ་འགྱུར༔ ༔ ཞེས་པ་འདི་ཉིད་སློབ་བུ་ཡེ་ཤེས་ཉི་མ་མཐའ་རྒྱས་ཞེས་བྱ་བས་ནན་དུ་བསྐུལ་ངོར་མི་རྒན་བདུད འཇོམས་རྡོ་རྗེས་སྨྲས་པ་ཡོངས་སུ་དགེ་བར་གྱུར་ཅིག །སརྦ་མངྒ་ལཾ།། །། ༄ T11615 - 417 T1615 - 418 ཨོཾཿ རིགས་དྲུག་རྡིལ་བཀོད་ཀྱི་བདེན་བརྡར་ནི༔ ན་མོ༔ དཀོན་མཆོག་རིན་པོ་ཆེ་རྣམ་པ་གསུམ་གྱི་བདེན་པ་དང་༔ དོན་དམ་ཆོས་ཉིད་ངོ་བོ་གདོད་ནས་དག་པའི་བདེན་པ ༄ དང་༔༷ ཀུན་རྫོབ་རྒྱུ་འབྲས་བསླུ་མེད་ཟབ་མོའི་བདེན་པས་ཆེ་གེ་མོའི་ཚེ་འདི་འཕོས་མ་ཐག་ཏུ་གནས་རིགས་ཇི་ལྟར་འཁོར་ཞིང་ཇི་ལྟར་ཁ་བརྒྱུད་པའི་ཚུལ་དེ་བཞིན་ནོར་འཁྲུལ་མེད་པར་ཕོབ་ཅིག༔ སྟོན་ཅིག༔ ཨོཾ་ཡེ་ངྷརྨ་ཧེ་ཏུ་པྲ་བྷ་སོགས སྭཱ་ཧཱ༔ ཉེར་གཅིག་གམ་བརྒྱ་བརྗོད་པས་བསླུ་བ་མེད་པའོ། །ཞེས་པའང་བདུད་འཇོམས་རྡོ་རྗེས་སྦྱར་བའོ། །དགེའོ། །དགེའོ། །དགེའོ།། ས རིགས་དྲུག་གཅིག་པུའོ།རྡིལ་བཀོད་རིགས་དྲུག་གཅིག་པུའོ།རྡིལ་བཀོད་T11615 - 419 T11615 - 420 ཨོཾ༔ དག་སྣང་ཡེ་ཤེས་དྲྭ་བ་ལས༔ ཡུལ་ལྷ་གཉན་པོ་ལ་རླུང་རྟ་ཕུལ་ཞིང་རླུང་རྟའི་དཔལ་བསྐྱེད་པའི་ལས་བཅོལ་བཞུགས་སོ༔ ན་མོ་གུ་རུ་ཧ་རི་ནི་ས་ཡེ༔ སྐབྱར རླུང་རྟ་ཕུལ་ཞིང་བཅོལ་ལས་ལ༔ བཀྲ་ཤིས་རྟགས་བརྒྱད་རྒྱལ་སྲིད་བདུན༔ རྟ་མཆོག་ནོར་བུ་བཀལ་བ་དང་༔ སྟག་དང་སེང་གེ་ཁྱུང་དང་འབྲུག༔ བྲིས་ཏེ་ཕྱར་ནས་འདི་ལྟར་བསམ༔ འདོད་རྒུ་ལོངས་སྤྱོད་ཕུན་ཚོགས་པ༔ རྒྱུན་མི་ཆད་པར་འཕྲོ་བ་ཡི༔ དཔག་བསམ་ཤིང་དང་ཡིད་བཞིན་ནོར༔ ལྟ་བུར་གསལ་ཏེ་བརྗོད་པར་བྱ༔ ན་མོ་རཏྣ་ཏྲ་ཡ་ཡཱ༔ ཨོཾ་ཡེ་ངྷརྨ་སོགས་ལན་བདུན་བརྗོད་མཐར༔ ན་མོ༔ བླ་ན་མེད་པའི་དཀོན་མཆོག་གསུམ༔ རྩ་གསུམ་དཔའ་བོ་མཁའ་འགྲོ་དང་༔ བཀའ་སྲུང་དམ་ཅན་རྒྱ་མཚོ་ལ༔ འདོད་རྒུའི་འབྱུང་གནས་རླུང་རྟ་འབུལ༔ བདག་གི་རླུང་རྟའི་དཔལ་བསྐྱེད་གསོལ༔ ཡུལ་འདིའི་གཞི་བདག་དྲེགས་པ་ཅན༔ ཆེ་གེ་མོ་ལ་སོགས་པ་ཡི༔ ཁ་འཛིན་སྡོང་གྲོགས་རྒྱབ་བརྟེན་དང་༔ དཔུང་གཉེན་འཇིགས་སྐྱོབ་ནུས་པ་ཅན༔ འཁོར་དང་བཅས་པ་ཐམས་ཅད་ལ༔ བཀྲ་ཤིས་རྟགས་བརྒྱད་འདི་འབུལ་ལོ༔ མཐུ་སྟོབས་ནུས་རྩལ་དྲག་ཤུལ་དང་༔ དཔལ་འབྱོར་ལོངས་སྤྱོད་རྒྱས་གྱུར་ཅིག༔ དེ་མཐུས་བདག་ཅག་འཁོར་བཅས་ལ༔ བཀྲ་ཤིས་དཔལ་འབར་དངོས་གྲུབ་སྩོལ༔ རིན་ཐང་བྲལ་ བའི་རྒྱལ་སྲིད་བདུན༔ འབུལ་ལོ་འཁོར་ལོས་བསྒྱུར་རྒྱལ་བཞིན༔ སྣང་སྲིད་ཡོངས་ལ་དབང་བསྒྱུར་ཤོག༔ དེ་མཐུས་བདག་ཅག་འཁོར་བཅས་ལ༔ འདོད་རྒུ་དཔལ་གྱི་དངོས་གྲུབ སྩོལ༔ རྟ་མཆོག་ནོར་བུས་བརྒྱན་པ་དང་༔ རྒྱ་སྟག་གཞོན་ནུ་ངར་མ་འབུལ༔ སེང་གེ་གཡུ་རལ་རྒྱས་པ་དང་༔ ཁྱུང་ཆེན་འཇིགས་རྔམས་ལྡན་པ་འབུལ༔ གཡུ་འབྲུག་ཁམས་གསུམ་སྒྲ་འབྱིན་དང་༔ མཐུ་སྟོབས་ནུས་རྩལ་བསྐྱེད་བྱེད་ཀྱི༔ རྫས་དང་ནོར་གྱི་མཆོད་པ་འབུལ༔ བདག་ཅག་ཡོན་མཆོད་འཁོར་བཅས་ཀྱི༔ རླུང་རྟ་དང་ནི་དགྲ་བླ་མཆོག༔ རྟ་དང་སྟག་སེང་ཁྱུང་དང་འབྲུག༔ གོང་ནས་གོང་དུ་འཕེལ་བསྐྱེད་དེ༔ དར་ཞིང་རྒྱས་པའི་ཕྲིན་ལས་མཛོད༔ དར་