Tibetan
བཏང་ཅིག༔ ཕྱུགས་ལ་གོད་ཁ་དགྲ་རྐུན་བཟློག༔ ཟས་དང་བཅུད་ཀྱི་འགོང་པོ་ཐུལ༔ ཞིང་ལ་བཙའ་སད་སེར་གསུམ་ཁོག༔ ཕྱོགས་བཞི་མཚམས་བརྒྱད་སྟེང་འོག་ནས༔ བསམ་སྦྱོར་གནག་པའི་དགྲ་དང་བགེགས༔ མ་ལུས་ཐལ་བའི་རྡུལ་དུ་རློག༔ བདག་གི་ཡིད་ལ་འདོད་པའི་དོན༔ འབད་པ་མེད་པར་འགྲུབ་མཛོད་ཅིག༔ བཀའ་ལ་མ་འདའ་ཐ་ཚིག་ཅན༔ དམ་ལ་མ་འདའ་ས་མ་ཡ༔ དཀོན་མཆོག་གསུམ་གྱི་ཐུགས་རྗེ་དང་༔ གསང་སྔགས་ཟབ་མོའི་རྟེན་འབྲེལ་གྱིས༔ བདག་ཅག་ལྷ་མི་འཁོར་བཅས་ཀུན༔ བཀྲ་ཤིས་བདེ་ལེགས་ཕུན་ཚོགས་ཤོག༔ དེ་ལྟར་བསང་མཆོད་བྱེད་པའི་ཚེ༔ ཡིད་སྤྲུལ་ཆེ་བ་གནད་དུ་གཅེས༔ དེ་ལྟར་གནད་དང་ལྡན་གྱུར་ན༔ བསམ་པའི་དོན་ཀུན་ངེས་པར་འགྲུབ༔ ས་མ་ཡ༔ ཞེས་པ་འདི་ཡང་རྡོ་རྗེ་མཆོག་རབ་རྩལ་གྱིས་བསྐུལ་ངོར་མཁའ་འགྲོ་ལས་ཀྱི་དབང་མོས་ཁྲག་འཐུང་བདུད་འཇོམས་རྡོ་རྗེ་ལ་གསུངས་པའོ། །དགེའོ། །དགེའོ། །དགེའོ།། ། T11615 - 487 T1615 - 488 སྱྃ༔ ཟོ་དོར་དཔའ་བོ་ལྕགས་རྩེའི་གསོལ་མཆོད་འདོད་དོན་ཡོངས་གྲུབ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ དངོས་སུ་འབྱོར་པའི་མཆོད་རྫས་ལ༔ ཡིད་ཀྱིས་དཔག་མེད་རབ་སྤེལ་ཏེ༔ ནམ་མཁའ་མཛོད་ཀྱི་སྔགས་རྒྱས་མཐར༔ བསྭོ༔ མྱུར་མགྱོགས་སྟོབས་རྩལ་ལྡན་པའི་ལྷ༔ གཡུང་དྲུང་ལྕགས་རྩེ་འཁོར་དང་བཅས༔ བན་དང་བོན་གྱི་ཐ་ཚིག་གིས༔ འབོད་དོ་འདིར་གཤེགས་བཅོལ་ལས་སྒྲུབས༔ དངོས་འབྱོར་ཡིད་སྤྲུལ་ལོངས་སྤྱོད་ཀྱིས༔ མཆོད་དོ་གསོལ་ལོ་དགྱེས་པར་རོལ༔ མཐུན་རྐྱེན་རོགས་ལྡན་བསམ་དོན་སྒྲུབས༔ དགྲ་བགེགས་སྒྲོལ་ཅིག་ས་མ་ཡ༔ ཏྲི་ཙ་བཛྲ་ས་མ་ཡ༔ རང་སློབ་དམ་པ་བཀྲ་ཤིས་ཀྱིས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་བྲིས་པ་ཡོངས་སུ་དགེ་བར་གྱུར་ཅིག །དགེའོ། །དགེའོ། །དགེའོ།། །། ལྕགས་རྩེ་གསོལ་མཆོད་485གཅིག་གོ།486 གསོལ་མཆོད་གཅིག་གོ།ལྕགས་རྩེ་T11615 - 489 T11615 - 490 ཨོཾ༔ དག་སྣང་ཡེ་ཤེས་དྲྭ་བ་ལས༔ ཙ་རི་དག་རྫོང་གནས་ཀྱི་བདག་པོ་རྡོ་བླ་གཉན་རྩེའི་བསང་གསོལ་འདོད་དོན་ལྷུན་གྲུབ་བཞུགས་སོ༔ ན་མོ་གུ་རུ་ཝེ༔ བསང་དང་མཆོད་རྫས་གང་འོས་ལ༔ སྭ་བྷཱ་ཝ་ཡི་སྔགས་ཀྱིས་སྦྱངས༔ ནམ་མཁའ་མཛོད་ཀྱིས་སྤེལ་ཞིང་བསྒྱུར༔ རང་ཉིད་ཡི་དམ་ལྷར་གསལ་ངང་༔ ཀྱེེ༔ ཀི་བསྭོ་ཆའོ་ལྷ་རྒྱལ་ལོ༔ མདོ་ཁམས་སྐྱེ་འགྲོའི་སྐྱབས་དང་མགོན༔ གནས་མཆོག་བཀྲ་ཤིས འཁྱིལ་བའི་རྫོང་༔ ཕྱོགས་མཚམས་དབུས་སོགས་རྫོང་དགུ་ལ༔ རྟེན་ཅིང་གནས་བཅས་བརྟེན་པའི་ལྷ༔ རྒྱལ་བ་ཞི་ཁྲོ་རབ་འབྱམས་བསང་༔ གསོལ་ལོ་མཆོད་དོ་ཐུགས་དམ་བསྐང་༔ འགྲོ་བའི་དོན་ཕྱིར་ཐུགས་རྗེའི་འཕྲུལ༔ སྐུ་གསུང་ཐུགས་ཡོན་ཕྲིན་ལས་ཀྱིས༔ རྟེན་ཚོགས་ཇི་སྙེད་མཆིས་པ་བསང་༔ གསོལ་ལོ་མཆོད་དོ་ཐུགས་དམ་བསྐང་༔ གང་འདུལ་ཕྲིན་ལས་སྣ་ཚོགས་ཀྱིས༔ གདུལ་བྱ་ཐབས་ཀྱིས་འདུལ་བྱེད་པའི༔ བཀའ་སྲུང་ཆོས་སྐྱོང་རྒྱ་མཚོ་བསང་༔ གསོལ་ལོ་མཆོད༔ མཐའ་རུ་འཁོར་ཡུག་རྫོང་ཕྲན་དུ༔ མཚོ་ཆེན་ལྕགས་ཀྱི་སྡིག་པ་ནས༔ བཟུང་སྟེ་ལྷ་དབང་ཀླུ་ཡི་དབང་༔ ལྷ་མ་ཡིན་གྱི་དབང་པོ་དང་༔ མི་འམ་ཅི་ལྗོན་རྟ་མགོ་ཅན༔ གནོད་སྦྱིན་མཁའ་ལྡིང་གསེར་མིག་འཁྱིལ༔ འཇིག་རྟེན་མགོན་པོ་གཙོ་འཁོར་ རིགས༔ ཟུར་ཕུད་ལྔ་པ་དྲི་ཟའི་གཙོ༔ མ་ངེས་སྣང་སྲིད་དྲེགས་ཚོགས་གནས༔ དེ་དག་འདུལ་ཞིང་དེའི་གཙོ་མཆོག༔ ཕྱི་ལྟར་རྫ་རི་ནག་པོ་རྔམས༔ ནང་ལྟར་རིན་ཆེན་གཞལ་ཡས་ཁང་༔ གསང་བ་འོག་མིན་ཆོས་དབྱིངས་ཞིང་༔ བརྟེན་པའི་ལྷ་ཆེན་འཇིག་རྟེན་མགོན༔ ཕྱི་ལྟར་སྐུ་བླ་གཉན་གྱི་རྩེ༔ ཆ་ལུགས་མ་ངེས་ཅིར་ཡང་སྟོན༔ ཟོ་དོར་གཉན་གྱི་རྒྱལ་པོ་བསང་༔༷ གསོལ་ལོ༔ ནང་ལྟར་དགེ་བསྙེན་བདུད་འཇོམས་རྩལ༔ མི་དཀར་རྟ་དཀར་བཙུན་ཆས་ཅན༔ གཡས་པས་རལ་གྲི་ཟངས་ཡག་ཕྱར༔ གཡོན་པས་ནོར་བུ་དབང་རྒྱལ བསྣམས༔ དྲེགས་པའི་འཁོར་དང་བཅས་པ་ལ༔ གསོལ་ལོ༔ གསང་བ་ཕྱག་རྡོར་དྲེགས་པའི་གཙོ༔ མཐིང་ནག་དབུ་དགུ་ཕྱག་བཅོ་བརྒྱད༔ ཚེམས་དང་མཆེ་བ་གངས་རིར་འགྲན༔ ཁྲོ་གཉེར་ཆུ་ཡི་རླབས་བཞིན་འཁྲུགས༔ སྨ་ར་སྨིན་མར་གློག་སྟོང་འཁྱུག༔ རྩ་བདུན་སྤྱན་གདངས་ཉི་སྟོང་འོད༔ གཡས་ཕྱག་གནམ་ལྕགས་རྡོ་རྗེ་དགུ༔ གཡོན་དགུའི་ཀླུ་ཆེན་རྣམ་པ་དགུ༔ དུག་སྦྲུལ་ཚུལ་བཅིང་ཞལ་དུ་གསོལ༔ ཞབས་བརྒྱད་ཕྱི་ནང་གསང་བ་མཆོག༔ སྤྲུལ་དང་སྣང་སྲིད་སྡེ་བརྒྱད་གནོན༔ ཞི་ཁྲོའི་དཀྱིལ་འཁོར་རྫོགས་བཞིན་བཞུགས༔ དྲེགས་ ཨོཾཿ པའི་འཁོར་དང་བཅས་པ་བསང་༔ མདུན་དུ་ངང་པའི་བཞིན་བཟང་ཡུམ༔ སྨན་བཙུན་ཚུལ་འཛིན་ཁྲོས་པའི་གཟུགས༔ མགར་བ་སྨན་མོ་མི་མོ་ཡི༔ ཚུལ་འཛིན་འཁོར་དང་བཅས་པ་བསང་༔ གསོལ་ལོ༔ གཞན་ཡང་ཁྱེད་ཀྱི་འཁོར་ཚོགས་ནི༔ སྤོམ་ར་དང་ནི་ལྷ་མིན་གཙོ༔ དེ་སོགས་ངང་པའི་ཉིན་སྲིབ་ཀྱི༔ རྫ་བྲག་ཆུ་མཚོ་རི་ཐང་ནག༔ ཀུན་ལ་བརྟེན་བཅས་གཞི་བདག་བསང་༔ གསོལ་ལོ། སྐུ་བླ་གཉན་གྱི་རྩེ་མོ་ཡི༔ འཁོར་འབངས་ཆབས་སུ་གཏོགས་པ་ཡི༔ ཡེ་ཤེས་འཇིག་རྟེན་སྲུང་མ་བསང་༔ གསོལ་ལོ༔ ཁྱེད་རྣམས་བསང་མཆོད་བསྐང་གསོལ་མཐུས༔ མི་ཕྱུགས་ནད་རིམས་ཀུན་ཞི་མཛོད༔ བདག་ཅག་དཔོན་སློབ་འཁོར་བཅས་ལ༔ རྟག་ཏུ་ཁ་འཛིན་སྡོང་གྲོགས་དང་༔ རྒྱབ་བརྟེན་དཔུང་གཉེན་སྲུང་སྐྱོབ་མཛོད༔ མི་ནོར་ལོངས་སྤྱོད་ཕྱྭ་གཡང་དང་༔ ཕོ་ལྷ་དགྲ་བླ་གཉན་པོ་མཛོད༔ འདོད་རྒུའི་དཔལ་ཡོན་ཆུ་རྒྱུན་བཞིན༔ རྒྱུན་མི་ཆད་པར་སྩལ་དུ་གསོལ༔ རྟ་ཕྱུགས་ནོར་གྱི་འཕེལ་ཁ་བསྐྱེད༔ ཟས་དང་ལོངས་སྤྱོད་ཟད་མེད་སྤེལ༔ ལོ་ཐོག་འབྲས་བུ་སྨིན་རྒྱས་མཛོད༔ སྣང་སྲིད་སྐྱེ་འགྲོ་ཕོ་མོ་དང་༔ འདོད་རྒུའི་དཔལ་ཡོན་དབང་དུ་བསྡུས༔ T11615 - 493 དགྲ་རྐུན་ཇག་པ་ཧུར་ཐུམ་སོད༔ གཅན་གཟན་གདུག་པའི་ཁ་ཆིངས་ལ༔ འདྲེ་གདོན་གནོད་བྱེད་ཐམས་ཅད་ཐུལ༔ མདོར་ན་མི་མཐུན་ཕྱོགས་རྣམས་ཀུན༔ མེ་སྟག་ཆུ་ཡིས་བསད བཞིན་རློག༔ རབ་འབྱམས་ཕྲིན་ལས་ཡོངས་འགྲུབ་མཛོད༔ དེ་ལྟར་བཅོལ་བའི་ལས་དེ་དག༔ དུས་གསུམ་རྒྱལ་བའི་བཀའ་དམ་ཚིག༔ དཔང་བཙུག་གཏའ་རུ་བཞག་པ་ཡིན༔ མ་འདའ་ཅི་བཞིན་གྲུབ་པར་མཛོད༔ ཅེས་ཉེར་མཁོའི་ཆེད་དུ་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའི་ཡི་གེ་པ་ནི་རིགས་སྲས་མཁྱེན་བརྩེའི་མྱུ་གུའོ། །དགེའོ།། TI1615 - 494 ལྕཊ་མཁར་ཁྲ་བོ་ཨོཾ༔ཿ ལྕགས་མཁར་ཁྲ་བོའི་བསང་མཆོད་ལ༔ ནམ་མཁའ་མཛོད་ཀྱི་སྔགས་བརྗོད་མཐར༔ བསོ༔ ལྷ་ར་ལྕགས་མཁར་ཁྲ་བོ་ནས༔ གནམ་ལྕགས་སྤུ་གྲི་མེ་འབར་བསང་༔ སྡིག་པའི་གདོང་ཅན་སྟོང་ཕྲག་བསང་༔ གཉན་འཇོམས་ཁྱུང་གདོང་སྟོང་ཕྲག་བསང་༔ དགྲ་འདུལ་ལྕགས་ཀྱི་གོ་ཁྲབ་ཅན༔ ཁྲི་ཕྲག་སྡེ་དང་བཅས་པ་བསང་༔ ཁྱེད་མཆོད་བསྟེན་པའི་དོན་མ་ཆུང་༔༷ བདག་ཅག་དཔོན་སློབ་འཁོར་བཅས་ཀྱི༔ མི་ལ་ན་ཚ་མ་བཏང་ཞིག༔ དགྲ་བགེགས་རྒྱལ་བསེན་དམ་སྲིའི་སྡེ༔ མ་ལུས་ཐལ་བའི་རྡུལ་དུ་རློག༔ དམ་ལ་མ་འདའ་ཕྲིན་ལས མཛོད༔ ས་མ་ཡ༔ འདིར་བརྩོན་བཀྲ་ཤིས་དགེ་ལེགས་འཕེལ༔ མི་མཐུན་ཕྱོགས་ལས་རྒྱལ་འགྱུར་རོ༔ ༔ བདུད་འཇོམས་པས་སོ། །དགེའོ། །སརྦ་མངྒ་ལཾ།། །། T11615 - 495 T11615 - 496 ཨོཾ༔ དག་སྣང་ཡེ་ཤེས་དྲྭ་བ་ལས༔ ལྷ་རི་ཏིལ་དཀར་གྱི་བསང་མཆོད་འདོད་འཇོའི་ཡིད་བཞིན་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཐཐཋ༔ ལྷ་ཀི་ཀི་ཀྭི་ལ་བསྭོ་བསྭོ་བསྭོ༔ དགྲ་བླ་གཉན་པོ་བརྟེན་ཅིང་གསོལ༔ གེ་སར་སྐྱེས་བུ་དགྲ་འདུལ་གྱི༔ དགྲ་བླ་ལྷ་ཀླུ་གཉན་གྱི་སྡེ༔ དཔའ་སྐྱེན་ལྡན་པའི་སྐྱེས་བུ་མཆོག༔ སུམ་ཅུའི་ཚོགས་དང་དེའི་དགྲ་བླ༔ འཁོར་དང་བཅས་པ་བསང་ཞིང་བརྔན༔ ཁྱད་པར་དཔའ་བོ་གཡུ་སྟག་གི༔ དགྲ་བླའི་བྲན་གྱུར་གཉན་ཆེན་པོ༔ རྡོ་ཡི་ལྷ་ཏིའུ་དཀར་པོར་གྲགས༔ ཁྱེད་ཀྱི་རྟེན་དང་བརྟེན་པ་ནི༔ དངུལ་མཁར་དཀར་པོ་ཟངས་སེ་ཟང་༔ གསེར་དོག་གནམ་དུ་ལམས་སེ་ལམ༔ ལྷ་མོའི་གར་བྱེད་ཁྱུགས་སེ་ཁྱུག༔ རྨ་བྱས་རྩེ་འཇོ་གྱི་ལི་ལི༔ འདབ་ཆགས་འཕུར་ལྡིང་འཇལ་མ་འཇོལ༔ གཅན་གཟན་ཤ་ཟན་ཉི་ལི་ལི༔ རི་དྭགས་སྣ་ཚོགས་རྣམ་འགྱུར་བརྩེ༔ ཕོ་བྲང་དེ་ཡི་ནང་ཤེད་ན༔ དགྲ་བླ་དུང་སྐྱོང་དཀར་པོ་ནི༔ མི་དཀར་དུང་གི་ཟུར་ཕུད་ཅན༔ གཡས་ན་གསེར་གྱི་རལ གྲི་ཕྱར༔ གཡོན་པས་གཏེར་གྱི་བུམ་པ་བསྣམས༔ རབ་དཀར་དུང་གི་ཁྲི་ལ་འགྱིང་༔ རྒྱུ་ཚེ་ངང་པ་རྔོག་སེར་བཅིབས༔ དཀར་པོ་དགེ་བའི་ལས་ལ་གདུང་༔ དར་དཀར་ལྭའུ་གོས་སུ་T11615 - 497 ཀླུབ༔ ཤིང་གི་ལྷ་མོའི་འདོད་ཡོན་སྤྱོད༔ འདིར་གཤེགས་དགྱེས་པའི་གདན་ལ་བཞུགས༔ དཀར་གསུམ་མངར་གསུམ་འབྲུ་སྣ་ཚོགས༔ དབང་པོ་དྲུག་གི་སྤྱོད་ཡུལ་དུ༔ འདོད་པ་འཇོ་བའི་ལོངས་སྤྱོད་གཏེར༔ བདུད་རྩི་བསང་གི་མཆོད་པ་འབུལ༔ ཁྱེད་ཀྱི་དགྱེས་པ་བསྐང་བྱེད་པའི༔ འབྱུང་བའི་ལྷ་མོ་རྣམ་གསུམབསང་༔ ཁྱེད་ཀྱི་སྲས་སུ་གྱུར་པ་ནི༔ ལྷ་ཕྲུག་དུང་ཁྱུང་དཀར་པོ་བསང་༔ བློན་ཆེན་བྲག་ལྷ་དམར་པོ་བསང་༔ ཁ་འཛིན་ཨ་ནེ་གོང་སྨན་བསང་༔ རྒྱབ་བརྟེན་སྐུ་བླ་གེར་ཛོང་བསང་༔ བླ་མཆོད་མཁའ་རི་ཏིའུ་སེར་བསང་༔ དམག་དཔོན་ནགས་རི་ལྷུན་པོ་བསང་༔ གཟི་ལྡན་མེ་སྟག་དམར་པོ་བསང་༔ མགར་བ་ཤ་ཏིའུ་ནག་པོ་བསང་༔ བྲན་པོ་བཙན་དམར་སྐྱ་བདུན་བསང་༔ འཁོར་འབངས་ཀླུ་བཙན་གཉན་གསུམ བསང་༔༷ ཕྱི་འབངས་སྨན་མོ་རྡོ་ཐེའུ་བསང་༔ ཀྱེེ༔ སྲིད་པའི་ལྷ་གཉན་འཁོར་བཅས་ལ༔ གཡག་ལུག་ར་གསུམ་ལ་སོགས་པའི༔ གཟུགས་འགྲོས་སྣ་ཚོགས་ཕྱག་ཏུ་འབུལ༔ དར་གོས་གོ་མཚོན་སྟག་གཟིག་ལྤགས༔ དགྲ་བླ་གཉན་པོར་དཀོར་དུ་འབུལ༔ གསེར་དངུལ་ཟངས་ལྕགས་གཡུ་དུང་སོགས༔ རིན་ཆེན་སྣ་ཚོགས་ནོར་དུ་འབུལ༔ རོ་བརྒྱ་ནུས་པ་སྟོང་T11615 - 498 ཨོཾཿ ལྡན་པའི༔ བཟའ་བཏུང་སྣ་ཚོགས་ཟས་སུ་འབུལ༔ འཚོ་བའི་རྩི་བཅུད་འཆི་བསླུའི་རྫས༔ བདུད་རྩི་སྨན་གྱི་མཆོག་ཏུ་འབུལ༔ དཀོན་མཆོག་གསུམ་གྱི་ཐུགས་རྗེ་དང་༔ བསང་ཁྲུས་རྟེན་འབྲེལ་ཟབ་མོའི་མཐུས༔ དགྲ་བླ་གཉན་པོའི་སྤྱོད་ཡུལ་དུ༔ དེ་ལྟར་འབྱུང་ཞིང་རྒྱས་གྱུར་ཅིག༔ ཁྱོད་ལ་ཕྲིན་ལས་བཅོལ་བ་ནི༔ དཀར་པོ་དགེ་བའི་སྡོང་གྲོགས་མཛོད༔ དམ་པའི་ཆོས་ཀྱི་བསྟན་པ་སྲུང་༔ དགེ་འདུན་བཙུན་པའི་དབུ་འཕང་བསྟོད༔ ནག་ཕྱོགས་བདུད་སྡེ་ཆོམ་ལ་ཕོབ༔ ཁྱད་པར་བདག་ཅག་འཁོར་བཅས་ཀྱི༔ མི་ཡི་ན་ཚ་རྐྱེན་གེགས་བཟློག༔ ཕྱུགས་ཀྱི་གོད་ཁ་ཕུང་འགྱོད་བཟློག༔ ཞིང་ལ་སད་སེར་མ་བཏང་ཞིག༔ དགྲ་ཇག་ཆོམ་རྐུན་གཅན་སྤྱང་ཐུལ༔ མི་ཁ་བྲ་མཆུ་མཁོན་འཐབ་བཟློག༔ འཇམ་པའི་དབྱངས་ཀྱི་ཤེས་རབ་དང་༔ སྤྱན་རས་གཟིགས་ཀྱི་ཐུགས་རྗེ་དང་༔ ཕྱག་ན་རྡོ་རྗེའི་མཐུ་སྟོབས་ཀྱིས༔ བཅོལ་བའི་ལས་དེ་མ་ལུས་པ༔ བསྒྲུབ་ཅིང་འགྲུབ་པའི་མཐུ་ཐོབ་ཤོག༔ ཅེས་སྒ་འགོས་ལྷ་བས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་བྲིས་པའོ། །དགེའོ། །མངྒ་ལཾ།། T11615 - 500 ༄༅། །ཤུགས་ཆེན་བསང་མཆོད་ལ༔ ཀྱེེ༔ ཤུགས་ཆེན་རི་བཙན་ཕྱུག་མོ་ནི༔ མི་དམར་དར་གྱི་ལྭ་བ་ཅན༔ སྤྲུལ་པའི་ཕོ་ཉ་ལས་ལ་འགྱེད༔ གཡས་ན་མདུང་དར་ནག་པོ་ཕྱར༔ གཡོན་པས་སྦ་ལྕགས་ཁྲ་བོ་བསྣམས༔ རྐེད་ལ་འཕྲུལ་གྱི་འཁོར་གསུམ་བརྒྱན༔ དབུ་ལ་རྒོད་ཀྱི་ཅོག་ཞུ་གསོལ༔ ཆིབས་སུ་ངང་པ་རྔོག་དམར་ཆིབས༔ འཁོར་དུ་བདུད་བཙན་སུམ་ཅུས་བསྐོར༔ གསོལ་མཆོད་གནས་འདིར་ད་ཚུར་བྱོན༔ བཟང་ཤིང་ཕྱེ་མར་དུ་བ་ལས༔ འདོད་རྒུའི་དཔལ་ཡོན་བྱེ་བྲག་ཀུན༔ སྤྲིན་ལས་ཁ་ཆར་བཞིན་དུ་འབྱུང་༔ འདོད་ཡོན་མི་ཟད་གཏེར་ཆེན་པོ༔ བཙན་རྒོད་མྱུར་ལྡན་གློག་ཕྲེང་བསང་༔ ཤན་པ་རྩལ་ཆེན་སྤུ་གྲི་བསང་༔ བཅུད་ལེན་ཀ་ལ་མེ་འབར་བསང་༔ ས་ཆུ་བྲག་ཤིང་བཅས་པ་ལ༔ དབང་མཛད་བདག་པོ་བདག་མོ་བསང་༔ ཁྱེད་ལ་གསོལ་མཆོད་ཕུལ་འབྲས་ཀྱིས༔ བདག་ཅག་དཔོན་སློབ་འཁོར་བཅས་ལ༔ ཁ་འཛིན་སྡོང་གྲོགས་རྒྱབ་བརྟེན་དང་༔ དཔུང་གཉེན་མཛོད་ལ་འདོད་དོན་སྒྲུབས༔ སད་སེར་བཙའ་ཐན་མུ་གེ་བཟློག༔ ལོ་ལེགས་འབྲུ་འཕེལ་ལོངས་སྤྱོད་སྤེལ༔ དགྲ་བགེགས་མ་ལུས་ཆོམ་ལ་ཕོབ༔ བསམ་པའི་དོན་ཀུན་ཡོངས་གྲུབ མཛོད༔ དམ་ལ་མ་འདའ་ས་མ་ཡ༔ ཞེས་ཚེ་རིང་རྡོ་རྗེས་ནན་དུ་བསྐུལ་ངོར་མགྱོགས་ཐབས་སུ་བསྡུས་ཏེ་བདུད་འཇོམས་པས་སོ། །སརྦ་མངྒ་ལཾ།། ད་པ བདུད་འཇོམས་ཤུགས་ཆེན་T11615 - 502 བདུད་འཇོམས་ཤུགས་ཆེན་T11615 - 502 ཨོཾཿ དག་སྣང་ཡེ་ཤེས་དྲྭ་བ་ལས༔ སྙི་ནང་རོལ་མཚོ་དཀར་མོའི་བསང་མཆོད་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ མཆོད་རྫས་དངོས་སུ་འབྱོར་པ་ལ༔ ཡིད་ཀྱིས་ནམ་མཁའ་མཛོད་དུ་སྤེལ༔ རང་ཉིད་ཡི་དམ་ལྷར་གསལ་བའི༔ སྒྱུ་འཕྲུལ་རོལ་པའི་ཏིང་འཛིན་གྱིས༔ ནམ་མཁའ་མཛོད་སྔགས་དང་བསྒྲིལ་ཏེ༔ ཀྱེེ༔ ཡུལ་ནི་སྙི་སྟོད་ས་ཡི་ཆར༔ བདུད་རྩི་འོ་མཚོ་རོལ་པའི་ཀློང་༔ རིན་ཆེན་དངུལ་གྱི་སྐུ་མཁར་མཛེས༔ བ་གམ་གནམ་དུ་ཟངས་སེ་ཟང་༔ འོད་དང་འཇའ་ཚོན་ལམས་སེ་ལམ༔ འདོད་རྒུའི་དཔལ་ཡོན་ལྷུན་རེ་འཐུག༔ དེ་དབུས་སྣང་སྲིད་མངའ་བདག་མོ༔ སྲིད་རྒྱལ་རྡོ་རྗེ་ཕག་བྱིན་མ༔ མཐིང་ནག་གཡུ་ཡི་རལ་པ་ཅན༔ ལན་ཚར་གནམ་ལྕགས་ཕུར་པས་བརྒྱན༔ ཕུར་པའི་ཚྭ་ཚྭ་སྐར་ལྟར་འཁྲིགས༔ ཕྱག་གཡས་གཡུ་ཡི་ཞགས་པ་འཕེན༔ གཡོན་པས་གནམ་ལྕགས་ཕུར་པ་འདེབས༔ ཆིབས་སུ་ཆུ་རྟ་སྔོ་ནག་ཆིབས༔ གོས་སུ་དར་ནག་འཇོལ་བེར་གསོལ༔ འཁོར་དུ་བསྭེ་མོ་བཅུ་བཞི་དང་༔ གཉན་ཆེན་ས་བདག་ཀླུ་བཙན་བདུད༔ གསོལ་མཆོད་མགྲོན་དུ་སྤྱན་འདྲེན་ནོ༔ མ་ཐོགས་གནས་འདིར་གཤེགས་སུ་གསོལ༔ དམ་ཚིག་ཆེན་པོའི་གདན་ལ་བཞུགས༔ ཁྱེད་ལ་མཆོད་རྫས་འབུལ་བ་ནི༔ བཟང་ཤིང་ཕྱེ་མར་ འབྲུ་སྨན་རིགས༔ དཀར་གསུམ་མངར་གསུམ་བཟའ་བཏུང་དང་༔ ཤ་ཁྲག་བཤོས་སྐྱེམས་སྣ་ཚོགས་དང་༔ ལྷབ་ལྷུབ་དར་ཟབ་གོས་ཀྱི་རིགས༔ གོ་མཚོན་སྣ་ཚོགས་རྒྱན་ཆའི་ཚོགས༔ གཟུགས་འགྲོས་ཆ་མ་ཆོ་དགུ་སོགས༔ འདོད་འཇོའི་བདུད་རྩིའི་བསང་མཆོད་འབུལ༔ དཀར་མོ་ཟླ་བཟང་མ་མོ་བསང་༔ སེར་མོ་དཔལ་བསྐྱེད་མ་མོ་བསང་༔ དམར་མོ་དབང་སྡུད་མ་ཚོགས་བསང་༔ ལྗང་མོ་མངོན་སྤྱོད་མ་ཚོགས་བསང་༔ སྣ་ཚོགས་འཕྲུལ་གྱི་མ་མོ་བསང་༔ ཀླུ་གཉན་ས་བདག་བཙན་སྡེ་བསང་༔ ཀུན་བྱེད་རྡོ་རྗེ་ཕག་བྱིན་མ༔ ཁྱེད་ནི་ཕུར་པའི་སྲུང་མ་སྟེ༔ རྡོ་རྗེ་ཕུར་པའི་གཉེར་འཛིན་པས༔ ཡུལ་གཞིའི་བདག་མོ་མཛད་པ་རུ༔ ཐུགས་ལ་བཞེད་པ་མི་མངའ་ཡང་༔ ད་དུས་ལྔ་བརྒྱའི་སྙིགས་དུས་འདིར༔ བསྟན་འགྲོའི་བདེ་སྐྱིད་དཔལ་ཉམས་པས༔ རེ་ས་སྐྱབས་གནས་གཞན་མ་མཆིས༔ ཨོ་རྒྱན་ཆེན་པོ་གཙུག་ཏུ་ཁུར༔ དམ་ཚིག་གཉན་པོ་གཏའ་རུ་བཞག༔ སྲིད་པའི་མ་ཆེན་ཁྱེད་ལ་བརྟེན༔ ཐུགས་བརྩེ་ཐུགས་རྗེས་བདག་སྐྱོངས་ལ༔ འདོད་རྒུའི་ལོངས་སྤྱོད་ཆར་དུ་ཕོབ༔ མི་མཐུན་འགལ་རྐྱེན་བར་ཆད་སོལ༔ མི་ནད་ནོར་གྱི་གོད་ཁ་ཆོད༔ སད་སེར་བཙའ་ཐན་མུ་གེ་བཟློག༔ དགྲ་ ཨོཾཿ བགེགས་གནོད་བྱེད་ཆོམ་ལ་ཕོབ༔ སྲིད་པའི་ལེགས་ཉེས་ཁྱོད་ཀྱི་དབང་༔ བདག་ཅག་བདེ་ལེགས་མཛད་དུ་གསོལ༔ དུས་གསུམ་རྒྱལ་དང་རྒྱལ་སྲས་ཀྱིས༔ བཀའ་བསྒོ་ཡིན་གྱི་བཀའ་མ་བཅག༔ དམ་ཚིག་ཡིན་ནོ་དམ་མ་ཉམས༔ བཅོལ་བའི་ལས་རྣམས་ཡོངས་གྲུབ་མཛོད༔ ཅེས་པ་འདི་སློབ་བུ་ཚེ་རིང་རྡོ་རྗེས་ནན་དུ་བསྐུལ་ངོར་བདུད་འཇོམས་རྡོ་རྗེས་དག་སྣང་ཡེ ཤེས་དྲྭ་བ་ལས་བསྒྱུར་བའོ། །ཡི་གེ་པ་ནི་ཕུན་ཚོགས་བཀྲ་ཤིས་སོ། །དགེའོ། །དགེའོ། །དགེའོ། །སརྦ་མངྒ་ལཾ།། ། ༄ མཆོད Tl1615 - 505 T11615 - 506 ཨོཾ༔ དག་སྣང་ཡེ་ཤེས་དྲྭ་བ་ལས༔ ཁམས་ཀྱི་སེང་གེ་བྲག་གི་གཏེར་སྲུང་རྔ་རོལ་སྟག་རྩེའི་བསང་མཆོད་ནམ་མཁའ་མཛོད་ཅེས་བྱ་བ་བཞུགས་སོ༔ རང་ཉིད་པདྨ་འབྱུང་གནས་སུ་གསལ་བའི་ཐུགས་ཀའི་འོད་ཟེར་གྱིས མཆོད་སྤྲིན་མི་ཟད་རྒྱན་འཁོར་དུ་སྤེལ་ནས་ནམ་མཁའ་མཛོད་སྔགས་བདུན་གྱི་མཐར༔ ཨཱཿ གཞི་དབྱིངས་སྐྱེ་མེད་ཁྱབ་བརྡལ་ལྷུན་འབྱམས་ལ༔ ཕྱོགས་རིས་དངོས་དང་མཚན་མ་མི་དམིགས་ཀྱང་༔ སྤྲོས་བྲལ་མཁའ་ལ་སྤྲོས་བཅས་སྤྲིན་འཁྲིགས་པའི༔ གཟུང་འཛིན་འདོད་པའི་ཁམས་སུ་རང་ཤར་བ༔ རེ་དོགས་བཟང་ངན་ཡུལ་དང་ཡུལ་ཅན་འཁྲུངས༔ སྣང་བ་དངོས་ཞེན་ཅན་ལ་སྒྱུ་མར་སྟོན༔ ཡུལ་འདི་བདེན་པར་འཛིན་ཤར་འཐས་པ་ཡི༔ རྐྱེན་སྣང་ཅན་གྱི་མོས་ངོར་ལེགས་ཤར་བའི༔ ཟོ་དོར་གཉན་པོ་བསྙེན་ཅིང་མངའ་གསོལ་ལོ༔ ཕྱི་ལྟར་བྲག་རི་ལྗོན་ཤིང་རབ་རྒྱས་པ༔ བྱ་གཅན་རི་དྭགས་སྣ་ཚོགས་རབ་རྒྱུ་ཞིང་༔ རབ་འཇིགས་དྲག་པོའི་སྒྲ་སྐད་སྣ་ཚོགས་སྒྲོགས༔ ཨོ་རྒྱན་ཆེན་པོས་བྱིན་གྱིས་བརླབས་པའི་གནས༔ རྔ་རོལ་སྟག་རྩེ་གཉན་པོར་ཡོངས་གྲགས་པའི༔ སྦས་ཡུལ་གསང་བའི་གནས་མཆོག་དམ་པ་བསང་༔ རྩི་ཤིང་ནགས་ཚལ་རི་བྲག་ཐམས་ཅད་ཀུན༔ དཔའ་བོ་མཁའ་འགྲོ་བསྟེན་པའི་དལ་དུ་རྫོགས༔ ཀླུ་བཙན་ རྒྱལ་པོ་གཡུ་ཡི་ཕྲེང་ཅན་སོགས༔ ནང་གི་གནས་བདག་འཁོར་དང་བཅས་པ་བསང་༔ རིན་ཆེན་གསེར་དངུལ་ཟངས་ལྕགས་འདྲེས་པ་ཡི༔ ཟླ་གམ་དབང་གི་ཕོ་བྲང་ཡངས་པའི་ནང་༔ རབ་དཀར་དུང་གི་ཁྲི་ཆེན་མཛེས་པའི་སྟེང་༔ དར་འབོལ་སྟག་གཟིག་ལྤགས་པའི་གདན་སྟེང་དུ༔ རབ་མཛེས་ལྷ་མོ་རྨ་བྱའི་གདོང་པ་ཅན༔ ཕྱག་གཡས་གསེར་ཞགས་གཡོན་པས་ནོར་བུ་བསྣམས༔ འཇའ་སྤྲིན་ཀློང་དུ་རྨ་བྱའི་ཐུལ་པ་གསོལ༔ ལས་བྱེད་རྒྱལ་པོ་གཡུ་ཡི་ཕྲེང་བ་ཅན༔ དགེ་བསྙེན་ཆས་ལྡན་གཡུ་རྟ་སྔོན་པོ་བཅིབས༔ ཕྱག་གཡས་གློག་ཕྲེང་གཡོན་པས་ལྕགས་ཀྱུ་བསྣམས༔ རིན་ཆེན་གཡུ་ཡི་རྒྱན་ཆ་སྣ་ཚོགས་གསོལ༔ གཞན་ཡང་ཀླུ་རྒྱལ་ནོར་བུ་ཆེན་པོ་དང་༔ གཉན་རྗེ་ཀུ་སྒྲོགས་བཙན་རྒྱལ་ཀུས་འདེབས་སོགས༔ རྨ་བྱ་ཆེན་མོའི་ཕྲིན་ལས་གར་མཁན་མོ༔ ཁྱོད་ཀྱི་དམ་ཚིག་ཐུགས་དམ་རྒྱུད་བསྐུལ་ལོ༔ འདིར་གཤེགས་མཐུན་རྫས་སྨན་སྣ་དར་ཟབ་དཀོར༔ རི་དྭགས་གཡུང་དྭགས་ཆུ་གནས་འདབ་ཆགས་རིགས༔ བཟའ་བཅའ་བཏུང་བ་ལྡག་གཞིབ་འདོད་ཡོན་ཚོགས༔ ཕྱེ་མར་མཁན་ཤུག་སུར་དཀར་བསང་དུད་ཀྱིས༔ གསོལ་ལོ་མཆོད་དོ་བསང་ངོ་དགྱེས་པར་མཛོད༔ སྤྲུལ་བསྒྱུར་དགྲ་གེགས་སྒྲོལ ཨོཾ༔ བའི་ལས་མཛད་ཚེ༔ མི་སྲུན་རྔམས་པའི་ལས་མཁན་ནག་པོ་ཆེ༔ མྱུར་མགྱོགས་ཤུགས་ལྡན་ཅང་ཤེས་གཡུ་རྔོག་བཅིབས༔ ཕྱག་གཡས་མདའ་གཞུ་གཡོན་པས་ལྕགས་ཞགས་བསྣམས༔ གནམ་ལྕགས་ཁྲབ་རྨོག་གློག་གི་བ་དན་གཡོ༔ སྟག་གཟིག་དོམ་དྲེད་གཅན་སྤྱང་རོལ་དུ་ཁྲིད༔ གནམ་ལྕགས་གོ་མཚོན་ཐོགས་པའི་ལས་མཁན་བརྒྱ༔ ཐོག་སེར་ལས་ལ་འགྱེད་པའི་ཕོ་ཉ་བརྒྱ༔ ནད་རིགས་དལ་ཁ་བཟློག་པའི་སྲོག་གཅོད་བརྒྱ༔ དགྲ་དཔུང་སྟོབས་ཀྱིས་འཇོམས་པའི་དཔའ་བོ་བརྒྱ༔ ཆོས་ལྡན་སྐྱེས་བུ་སྐྱོང་བའི་སྲུང་མ བརྒྱ༔ སྤྲུལ་འཁོར་དཔུང་བཅས་འདིར་གཤེགས་དགྱེས་དགོངས་འཚལ༔ དམ་ཚིག་གཉན་གྱིས་