Tibetan
འབོད་དོ་ས་མ་ཛཿ ཡིད་མཐུན་འདོད་པ་འཇོ་བའི་མཆོད་རྫས་དང་༔ བཟང་ཤིང་དྲི་སྨན་ཕྱེ་མར་བསང་མཆོད་འབུལ༔ སྐུ་གསུང་ཐུགས་ཀྱི་མི་བཞེད་ཟུག་རྔུ་དང་༔ ཕོག་ཐུག་ཉེས་འགལ་མ་ལུས་བྱང་ནས་ཀྱང་༔ བདེ་སྟོང་ཡེ་ཤེས་རོ་ཡིས་ཚིམ་གྱུར་ནས༔ མི་ཟད་ནམ་མཁའ་མཛོད་དུ་ལོངས་སྤྱོད་ཤོག༔ སྔོན་ཚེ་ཨོ་རྒྱན་མཚོ་སྐྱེས་རྡོ་རྗེ་དང་༔ བར་དུ་རིག་འཛིན་བེེ་རོ་དཔལ་རྡོ་རྗེ༔ ཐ་མ་བདུད་འཇོམས་རྡོ་རྗེ་ཁྲོ་ལོད་རྩལ༔ བརྒྱུད་གསུམ་ཆུ་བོ་འདྲེས་ པའི་བཀའ་དམ་ཡིན༔ མ་འདའ་བདག་ཅག་འཁོར་དང་བཅས་པ་ལ༔ སྐྱེལ་བསུ་རོགས་ལྡན་རྒྱབ་བརྟེན་དཔུང་གཉེན་མཛོད༔ ཉིན་གྱི་རྫི་བུ་མཚན་གྱི་མེལ་རྩེ་གྱིས༔ མི་ནོར་སྲུང་སྐྱོབ སྤེལ་བའི་དགྲ་བླ་མཛོད༔ ནད་གདོན་གོད་ཡམས་མི་རུང་ལྟས་ངན་བཟློག༔ དགྲ་ཇག་ཆོམ་རྐུན་མ་ལུས་རྡུལ་དུ་རློག༔ དཀོན་མཆོག་རིན་ཆེན་བསྟན་པའི་རྒྱལ་མཚན་ཚུགས༔ སྙན་གྲགས་རླུང་རྟ་དཔལ་འབྱོར་འཕེལ་རྒྱས་མཛོད༔ བཀའ་དང་དམ་ཚིག་གཉན་པོ་དཔང་བཙུག་གོ༔ མ་གཡེལ་མ་འདའ་བཛྲ་ས་མ་ཡ༔ ས་མ་ཡ༔ རྒྱ་རྒྱ་རྒྱ༔ ལོ་ལེགས་འབྲུ་འཕེལ་དབུ་འཕང་མཐོ༔ པདྨ་རྒྱལ་པོའི་ཞལ་ཐིག་ཡིན༔ ཡིད་སྤྲུལ་སྔགས་རྒྱས་སྤེལ་བ་གལ༔ ཡུལ་འདིར་དགེ་ཞིང་བདེ་ལེགས་འཐོབ༔ ས་མ་ཡ༔ ཞེས་པ་འདི་ཡེ་ཤེས་ཀྱི་མཁའ་འགྲོ་མ་མནྡ་ར་བས་གསུངས་པ་ཐོས་ནས་བདུད་འཇོམས་རྡོ་རྗེས་གྲོ་ལོད་རྩལ་གྱིས་སེངྒེ་བྲག་གི་གཏེར་སྲུང་གི་དྲིན་ལན་དུ་ཕབ་པའོ། །དགེའོ །དགེའོ། །དགེའོ།། །། ཨོཾ༔ དག་སྣང་ཡེ་ཤེས་དྲྭ་བ་ལས༔ གནམ་ལྕགས་སྤུ་གྲི་མེ་འབར་གྱི་གསོལ་མཆོད་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ལྷ་རི་ལྕགས་མཁར་ཁྲ་བོ་ལ་རྟེན་བསྐྱེད་པ་ནི༔ རང་ཉིད་ཡི་དམ་ལྷར་གསལ་བའི་ངང་ནས༔ ཨོཾ་སྭ་བྷཱ་ཝ་ཤུདྡྷ་སོགས་སྟོང་པ་ཉིད་དུ་གྱུར༔ སྟོང་པའི་ངང་ལས་སྒྱུ་མའི་འཕྲུལ་གྱི་རི་བོ་ལྟར་སྣང་ལ་རང་བཞིན་མེད་པའི་ཀློང་དུ་ཡི་གེ་ཧཱུྃ་མཐིང་ནག་གཅིག་བསྒོམ༔ དེ་ལ་བདུད་མགོན་ལྕགས་རྩེ་ནག་པོ་འཁོར་དང་བཅས་པ་སྤྱན་དྲངས་ཏེ་བསྟིམ༔ སྐུ་གསུམ་རྒྱལ་བའི་དཀྱིལ་འཁོར་ཐམས་ཅད་དང་ཡེ་ཤེས་འཇིག་རྟེན་གྱི་བསྟན་སྲུང་དམ་ཅན་རྒྱ་མཚོ་དང་བཅས་པ་མ་ལུས་ཤིང་ལུས་པ་མེད་པ་འོད་ཟེར་དཀར་དམར་མཐིང་གསུམ་གྱི་རྣམ་པར་བསྡུས་ཏེ་ཐིམ་པ་ལས་འོད་འཕྲོས་པས་སྲུང་བའི་གུར་ཁང་ཆེན་པོ་རིམ་པ་གསུམ་གྱིས་བསྐོར་བའི་ནང་དུ་གནམ་ལྕགས་རྡོ་རྗེ་ཕ་ལམ་ལས་གྲུབ་པའི་སྐུ་མཁར་རྒྱ་ཆེ་ལ་ཁྱོན་ཡངས་པའི་ནང་དུ་རིན་པོ་ཆེའི་ཁྲི་ཡི་ཁར་རྒྱལ་བསེན་ཀླུ་གཉན་ཕོ་མོ་བསྣོལ་བའི་སྟེང་དུ་ཧཱུྃ་ལས་གནམ་ལྕགས་སྤུ་གྲི་མེ་འབར་སྐུ་མདོག་མཐིང་ནག་ཞལ་གཅིག་ཕྱག་གཉིས་ཁྲོ་ཞིང་གཏུམ་པ་གཡས་རལ་གྲི་དང་གཡོན་ཞགས་པ་བསྣམས་པ༔ དུར་ཁྲོད་ཆས་བརྒྱད་གསོལ་ཞིང་མེ་རླུང་དམར་ནག་འབར་ཞིང་ འཕྱོ་བ༔ རྒྱལ་བསེན་དང་དམ་སྲི་ཀླུ་གཉན་ཐམས་ཅད་ཀྱི་སྲོག་གི་གཤེད་དུ་མི་མངོན་ཆོས་ཀྱི་དབྱིངས་ནས་བཞེངས་པར་བསམ༔ དེ་མཐར་སྤྲུལ་པ་སྡིག་པའི་གདོང་ཅན་སྟོང་གིས་རྒྱལ བསེན་ཟས་སུ་སྤྱོད་པ༔ དེ་མཐར་ཁྱུང་གདོང་ཅན་སྟོང་ཕྲག་གཅིག་གིས་ཀླུ་གཉན་ནད་ཀྱི་བདག་པོའི་ཤ་ལ་རོལ་ཞིང་ནུས་སྟོབས་འཇོམས་པ༔ དེ་མཐར་དཔའ་གཏུམ་ལྕགས་ཁྲབ་ཅན་གྱི འཁོར་ཚོགས་ཁྲི་ཡིས་བསྐོར་ནས་བསྟན་དགྲ་རྩད་ནས་གཅོད་པ༔ སྣང་སྲིད་ཀྱི་བློ་ཡིད་སྣང་སེམས་ལ་དབང་བསྒྱུར་ཞིང་དགྲ་བགེགས་གདུག་པ་ཅན་གྱི་སྲོག་གི་གཤེད་དུ་ལྷུན་གྱིས་གྲུབ་པར་བསྐྱེད་དོ༔ དེ་ཡི་སྲོག་གི་སྙིང་པོ་ལས་འོད་འཕྲོས་པས་སྲིན་ཡུལ་རྫ་བྲག་ཁྲ་བོ་ནས་སྤྱན་དྲངས་ལ་བསྟིམ་མོ༔ ཧོཿ དགོངས་སུ་གསོལ་ལོ༔ ཧོཿ དགོངས་སུ་གསོལ་ལོ༔ ཧོཿདགོངས་སུ་གསོལ་ལོ༔ བདུད་མགོན་གནམ་ལྕགས་སྤུ་གྲི་མེ་འབར་སྤྲུལ་འཁོར་བཀའ་སྡོད་དང་བཅས་པ་བཀའ་དང་ཐ་ཚིག་གཉན་པོ་ལ་མ་འདའ༔ དམ་ཚིག་གཉན་གྱིས་འབོད་དོ༔ དམ་ཚིག་དབང་གིས་སྒྲུབ་པའི་གནས་འདིར་སྤྱན་འདྲེན་གཤེགས་སུ་གསོལ༔ བཛྲ་ས་མ་ཡ་ཛ་ཛཿ དེ་ནས་གསོལ་མཆོད་རིམ་པ་ནི༔ བསྭོ༔ བྱང་ཕྱོགས་མི་སྲུན་སྡིག་པའི་ཡུལ༔ ནག་པོ་བདུད་ཀྱི་གྲོང་ ཨོཾ༔ ཁྱེར་ནས༔ བདུད་རྒྱལ་ལྕགས་རྩེ་གཤེགས་སུ་གསོལ༔ སྐུ་གསུམ་ཡེ་ཤེས་དབྱིངས་ཀློང་ནས༔ གནམ་ལྕགས་སྤུ་གྲི་གཤེགས་སུ་གསོལ༔ ལྷོ་ནུབ་པདྨ་འོད་ཀློང་ནས༔ སྤུ་གྲི་མེ་འབར་གཤེགས་སུ་གསོལ༔ ཡེ་ཤེས་འཇིག་རྟེན་གཉིས་མེད་དུ༔ དགྲ་བགེགས་གདུག་པའི་ཁྲི་ལ་བཞུགས༔ མཚན་ལྡན་ཤིང་གི་ལྷ་མོ་ལྔ༔ ཁྱོད་ལ་སྦྱོར་ཡུམ་མཆོག་ཏུ་འབུལ༔ གཟུགས་སྒྲ་དྲི་རོ་རེག་བྱའི་ཚོགས༔ དངོས་འབྱོར་ཡིད་ཀྱིས་རྣམ་སྤྲུལ་ཏེ༔ འདོད་ཡོན་ནམ་མཁའ་མཛོད་དུ་འབུལ༔ དགའ་ལྡན་འཕྲུལ་དགའི་དཔལ་ལོངས་སྤྱོད༔ སྒྱུ་མ་ལྟ་བུའི་ཏིང་འཛིན་གྱིས༔ སྤེལ་ཞིང་འཕྲུལ་ནས་མཆོད་པ་འབུལ༔ བདག་ཅག་དཔོན་སློབ་བརྒྱུད་འཛིན་བཅས༔ ཕ་མ་བུ་ཚ་བཞིན་བརྩེས་སྐྱོངས༔ འདོད་དོན་ཡིད་བཞིན་འགྲུབ་པ་དང་༔ དགྲ་བགེགས་རྒྱལ་བསེན་གཉན་རིམས་གདོན༔ མ་ལུས་ཐལ་བའི་རྡུལ་བཞིན་རློགས༔ དམ་ལ་མ་འདའ་ས་མ་ཡ༔ འདི་བསྒྲུབ་ཕྱོགས་ལས་རྣམ་རྒྱལ་འགྱུར༔ ཅེས་པ་འདི་ཡང་ཁྲག འཐུང་བདུད་འཇོམས་རྡོ་རྗེས་མཁའ་འགྲོའི་བརྡ་ལ་བརྟེན་ནས་བྲིས་སོ། །དགེའོ།། །། T11615 - 514 ཨོཾ༔ ཨོཾ་ཨཱཿ ཧཱུྃ༔ དངོས་སུ་འབྱོར་དང་ཡིད་ཀྱིས་རྣམ་འཕྲུལ་པའི༔ འདོད་ཡོན་མི་ཟད་ནམ་མཁའི་གཏེར་ཆེན་འདིས༔ ཟོ་དོར་ཆེན་པོ་རྔ་ལ་སྟག་རྩེ་མཆོད༔ དགྲ་འདུལ་རྒྱལ་པོ་ཤན་པ་ཐོག་རྒོད་མཆོད༔ མྱུར་མགྱོགས་ཤུགས་ལྡན་སྤུ་གྲི་འབར་བ་མཆོད༔ དབང་སྡུད་ནོར་བདག་རྒྱལ་པོ་གཡུ་ཕྲེང་ཿ གཏེར་གྱི་བདག་པོ་རིན་ཆེན་ནོར་སྐྱོང མཆོད༔ ཤིང་གི་ལྷ་མོ་གྲལ་ལྕམ་སྡེ་ལྔཿ བྲག་ལྷ་བཙན་རྒྱལ་མེ་འབར་སྡེ་བརྒྱད་ས་ལྷ་ས་བདག་གཏེར་གྱི་བུམ་བཟང་༔ ཆུ་ལྷ་ཀླུ་རྒྱལ་བཞིན་བཟང་དཀར་པོ༔ དགྲ་བླ་སྟོབས་ལྡན་ཁྱབ་འཇུག་ཆེན་པོ༔ དམག་དཔོན་བདུད་ཕོ་སྲོག་ལེན་ནག་པོ༔ གཟི་ལྡན་མཐུན་པ་འབྱུང་བའི་དབང་པོཿ ཕོ་ཉ་ལས་མཁན་དྲག་ཤུལ་ཅན་རྣམས༴ མདོར་ན་ཡུལ་ལྷ་རྔ་ལ་སྟག་རྩེ་ཡི༔ རྗེ་བློན་འབངས་འཁོར་སྡེ་རིས་གྱུར་པ་ལ༔ ཇི་ལྟར་འདོད་པ་དེ་བཞིན་སྣང་བ་ཡི༔ འདོད་རྒུའི་དཔལ་ཡོན་མི་ཟད་གཏེར་དུ་འབུལ༔ བསང་ངོ་གསོལ་ལོ་མཆོད་དོ་ཐུགས་དམ་བསྐང་༔ སྔོན་ཚེ་ཨོ་རྒྱན་རྗེ་དང་དཔལ་རྡོ་རྗེ༔ མ་ཅིག་ཡུམ་སྲས་རིག་འཛིན་བླ་མ་ཡི༔ བཀའ་དང་དམ་ཚིག་གཉན་པོ་དྲན་མཛོད་ལ༔ བདག་ཅག་དཔོན་སློབ་འབངས་འཁོར་བཅས་པ་ལ༔ ཁ་འཛིན་སྡོང་གྲོགས་མེལ་ཚེ་སྐྱེལ་བསུ་དང་༔ མཐུན་རྐྱེན་རོགས་ལྡན་མཛོད་ལ་འགལ་རྐྱེན་བཟློག༔ མི་མཐུན་ནད་གདོན་འཇིགས་བརྒྱད་ཞི་བ་དང་༔ ཚེ་བསོད་དཔལ་འབྱོར་མངའ་ཐང་རྒྱས་པར་མཛོད༔ བན་སྔགས་བླ་བཙུན་གྲྭ་སློབ་སྐྱེས་པ་དང་༔ ཟས་ནོར་འདོད་རྒུའི་ལོངས་སྤྱོད་དབང་དུ་བསྡུས༔ དགྲ་བགེགས་གནོད་བྱེད་མ་ལུས་རྡུལ་དུ་རློག༔ ཁྱད་པར་ཕྱི་ནང་བར་གསུམ་ཐམས་ཅད་ནས༔ རྐུ་འཕྲོག་འཇབ་གསུམ་བྱེད་པའི་དགྲ་བོ་རྣམས༔ མར་མེ་རླུང་གིས་བསད་པ་བཞིན་དུ་ཐོངས༔ བཅོལ་བའི་ལས་དེ་མ་ལུས་འགྲུབ་མཛོད་ཅིག༔ བཀའ་དང་དམ་ཚིག་དཔང་དུ་བཙུགས་ཏེ་གདའ༔ མ་གཡེལ་མ་འདའ་བཛྲ་ས་མ་ཡ༔ བདུད་འཇོམས་རྡོ་རྗེས་སོ།། །། T11615 - 516 ༄༅། །དཀོན་མཆོག་གསུམ་དང་རྩ་གསུམ་ཆོས་སྐྱོང་ཚོགས༔ ཕྱི་ཡི་སྡེ་བརྒྱད་ནང་གི་སྡེ་བརྒྱད་དང་༔ གསང་བའི་སྡེ་བརྒྱད་མཆོག་གི་སྡེ་བརྒྱད་དང་༔ སྤྲུལ་པའི་ཤ སྡེ་བརྒྱད་སྣང་སྲིད་སྡེ་བརྒྱད་སོགས༔ སྤྲུལ་པ་ཡང་སྤྲུལ་བཀའ་སྡོད་བྲན་གཡོག་བཅས༔ འདིར་གཤེགས་གསེར་སྐྱེམས་གཏོར་མའི་མཆོད་འབུལ་བཞེས༔ མཐུན་རྐྱེན་བསམ་དོན་བསྒྲུབ་ལ་འགལ་རྐྱེན་བཟློག༔ རབ་འབྱམས་ཕྲིན་ལས་མ་ལུས་ཡོངས་གྲུབ་མཛོད༔ བཀའ་དང་དམ་ལས་མ་འདའ་ས་མ་ཡ༔ ཞེས་པའང་བདུད་འཇོམས་པས་སོ།། །། 513གསེར་སྐྱེམས་གསེར་སྐྱེམས་TI1615 - 517 T11615 - 518 ༄༅། །སྲུང་མའི་ཚོགས་བསྐང་བསྡུས་པ་ནི༔ ཨོཾ་ཨཱཿ ཧཱུྃ༔ བྷྱོ༔ ཡེ་ཤེས་དབྱིངས་དང་དབྱིངས་བཞུགས་ཀྱི༔ རྗེ་མོ་ཨེ་ཀ་ཙ་ཏི་སོགས༔ སྲིད་པ་མ་མོའི་དཀྱིལ་འཁོར་དང་༔༷ བཀའ་སྲུང་ཆོས་སྐྱོང་དྲེགས་པ་ཅན༔ གནོད་སྦྱིན་ནོར་ལྷ་གཏེར་གྱི་བདག༔ སྲིད་པ་ཕོ་རྒྱུད་མོ་རྒྱུད་ཀྱི༔ སྲུང་མ་དམ་ཅན་རྒྱ་མཚོའི་ཚོགས༔ སྣང་སྲིད་ཡུལ་ལྷ་གཞི་བདག རྣམས༔ མ་ལུས་འདིར་གཤེགས་ཚོགས་ལ་རོལ༔ འདོད་ཡོན་རྒྱན་གྱི་ཚོགས་ལ་རོལ༔ དཀར་མཆོད་བདུད་རྩིའི་ཚོགས་ལ་རོལ༔ ཤ་ཁྲག་དམར་གྱི་ཚོགས་ལ་རོལ༔ བསྒྲུབ་པའི་མཐུན་རྐྱེན་ལེགས་ཚོགས་བསྒྲུབ༔ འགལ་རྐྱེན་དགྲ་བགེགས་རྡུལ་དུ་རློག༔ བཅོལ་བའི་ཕྲིན་ལས་འགྲུབ་པར་མཛོད༔ སརྦ་ས་མ་ཡ་ག་ཎ་ཙཀྲ་པཱུ་ཛ་ལ་ཁཱ་ཧི༔ ཞེས་གཙང་ཕུད་གཙང་སར་གཤེགས༔ ཞེས་པའང་བདུད་འཇོམས་པས་སོ།། ། T11615 - 520 ༄༅། །ཨོཾ་སྭསྟི། སྤྲུལ་པའི་གཏེར་ཆེན་བདུད་འཇོམས་གླིང་པའི་ཟབ་གཏེར་གསང་བའི་ཆོས་སྡེ་ལས། དག་སྣང་ཡེ་ཤེས་དྲྭ་བའི་སྐོར་གྱི་བར་ཆ་གླེགས་བམ ༼བ༽ པ་འདིར། དབུ་ཤོག་ལྡེབ་གཅིག་གིས་ཐོག་དྲངས་ཏེ། སྐོར་ཚོ་དྲུག་ལས། དང་པོ་བླ་མ་ཞི་དྲག་སོགས་ཀྱི་སྒྲུབ་སྐོར་ལ། བླ་མའི་རྣལ་འབྱོར་ཐུགས་རྗེའི་ཆུ་རྒྱུན་ལྡེབ་༢ བླ་སྒྲུབ་གསང་ཆེན་བྱིན་རླབས་གཏེར་མཛོད་ལྡེབ་༈ དེའི་ཚོགས་མཆོད་འདོད་ཡོན་སྤྲིན་ཕུང་ལྡེབ ༈ རིག་འཛིན་བླ་མའི་དོན་བསྐང་ལྡེབ་༡ གུ་རུ་དྲག་པོའི་གསང་སྒྲུབ་ཡེ་ཤེས་འོད་ཟེར་ལྡེབ་༡ གུ་རུ་པདྨ་བདུད་འདུལ་གྱི་ལས་བྱང་རྡོ་རྗེའི་གྲོང་འཇུག་ལྡེབ ༢ གུ་རུ་རྩ་གསུམ་གྱི་བླ་རྡོ་བྲི་ཐབས་དངོས་གྲུབ་ཆར་འབེབས་ལྡེབ་༢ འཆི་མེད་ཚེ་ཡི་སྒྲུབ་པ་ནོར་བུ་དབང་རྒྱལ་ལྡེབ་༩ ཐུགས་ཆེན་སྒོམ་བཟླས་རང་ཉིད་ཐུགས་རྗེ་ཆེན་པོ་སོགས་ལྡེབ ༡ བཅས། ༈ གཉིས་པ་འཇམ་དཔལ་སྨྲ་སེང་སྐོར་ལ། སྨྲ་སེང་རྗེས་གནང་སྒོ་གསུམ་རྡོ་རྗེའི་གྲོང་འཇུག་ལྡེབ ༈ འཇམ་དཔལ་སྨྲ་བའི་སེང་གེའི་སྒྲུབ་ཐབས་ཐུགས་ཀྱི་མེ་ལོང་ལྡེབ་༦ སྨྲ་སེང་སྒོམ་བཟླས་ཡེ་ཤེས་ཉི་མ་ལྡེབ ༡ སྨྲ་སེང་སྒྲུབ་ཐབས་ཡེ་ཤེས འོད་ཟེར་ལྡེབ་༈ སྨྲ་བའི་སེང་གེའི་མངོན་རྟོགས་ལྡེབ་༡ འཇམ་དབྱངས་གསོལ་འདེབས་བྱིན་རླབས་ཆར་འབེབས་དང་། མི་བརྗེད་པའི་གཟུངས་སྔགས་བཅས་ལྡེབ ༡ སྨྲ་སེང་སྒྲུབ་ཐབས་ལྡེབ ༡ སྨྲ་སེང་སྒྲུབ་ཐབས་རང་སྣང་ལྷུན་གྲུབ་ལྡེབ། འདི་དཔེར་མི་སྣང་མཆན། ངག་དབང་དབྱངས་ཅན་ལྷ་མོའི་མངོན་རྟོགས་དངོས་གྲུབ་ཆར་འབེབས་ལྡེབ་༢ འཇམ་དཔལ་ནག་པོའི་མངོན་རྟོགས་ཡིད་སྦྱིན་དཔལ་སྟེར་ལྡེབ་༣ ཕྱག་རྡོར་མངོན་རྟོགས་བསྡུས་པ་རང་ཉིད་སྐད་ཅིག་སོགས་ལྡེབ་༡ བཅས། ༈ གསུམ་པ་ཕུར་པའི་སྐོར་ལ། དཔལ་ཆེན་རྡོ་རྗེ་གཞོན་ནུའི་ཕྱག་རྒྱ་འཁོར་ལོའི་དབང་ཕྱུག་ལྡེབ་༤ ཕྱག་རྒྱ་མཐོང་བ་རང་གྲོལ་ལྡེབ་༡ རྡོ་རྗེ་གཞོན་ནུའི་དྲག་སྒྲུབ་རྣོ་བའི་མདེའུ་ཐུང་འབིག་བྱེད་རྡོ་རྗེའི་ཐོག་མདའ་ལྡེབ་༡༡ དེའི་ཆ་ལག་འདོད་དོན་ལྷུན་གྲུབ་ལྡེབ་༦ ཛཔ་དམིགས་བསྐྱེད་ཆོག་བདག་མདུན་རྡོ་རྗེ་གཞོན་ནུ་སོགས་ལྡེབ་༡ སྣང་སྲིད་ཕུར་པའི་རྒྱས་འདེབས་ལྡེབ་༈ བདེན་པའི་སྟོབས་ཟློག་གནམ་ལྕགས་སྤུ་གྲི་ལྡེབ ༡ དྲག་པོའི་རྩང་ཕུར་བསྐྱེད་ཆོག་བསྐུལ་དང་བཅས་པ་ལྡེབ ༦ བཅས། ༈ བཞི་པ་ཉེར་མཁོ་ཁ་སྐོང་སྣ་ཚོགས་སྐོར་ལ། མཁའ་འགྲོ་ ༄༅། །འདུས་པའི་སྒྲུབ་པ་བྱིན་རླབས་གཏེར་མཛོད་ལྡེབ་༈ མཁའ་འགྲོ་འདུས་པ་འི་ཚོགས་མཆོད་དངོས་གྲུབ་ཆར་འབེབས་ལྡེབ་༤ སྒྲོལ་མའི་གསང་སྒྲུབ་བདེ ཆེན་མྱུར་ལམ་ལྡེབ་༨ རྡོ་རྗེ་རྣམ་འཇོམས་ཀྱི་སྒོམ་བཟླས་ཧཱུྃ་སྣང་སྲིད་འཁོར་བའི་སོགས་ལྡེབ ༡ རི་ཁྲོད་ལོ་གྱོན་མའི་གསོལ་འདེབས་རྗེ་བཙུན་བཅོམ་ལྡན་འདས་མ་སོགས་ལྡེབ་༡ སེང་གདོང་མའི་ཆ་ལག་བྱད་ཟློག་གནམ་ལྕགས་འཁོར་ལོ་ལྡེབ་༈ སེར་སྲུང་མུ་སྟེགས་སཱ_UNK་ནག་པོའི་གདམས་པ་ལྡེབ་༡ གཏུམ་མོའི་མེ་དབང་བདེ་དྲོད་རབ་སྐྱེད་དབང་བྱིན་དངོས་གྲུབ་ལྡེབ་༤ གཏུམ་མོའི་སྤྱན་འདྲེན་དབང་བྱིན་འབེབས་པ་བྱིན་རླབས་ཆར་འབེབས་ལྡེབ་༢ གསོལ་འདེབས་དངོས་གྲུབ་ཆར་འབེབས་ཡིག་མེད་ཨུ་པ་དེ་ཤ་ལྡེབ་༡ འཆི་མེད་ཚེའི་བཅུད་ལེན་དངོས་གྲུབ་གཏེར་གྱི་འབྱུང་གནས་ལྡེབ་༢ སྨན་བླའི་སྒོམ་བཟླས་བདེ་ཆེན་ལམ་བྱེད་ལྡེབ་༡ རྩ་གསུམ་སྤྱི་བསྐང་ཤིན་ཏུ་བསྡུས་པ་9 ལྡེབ་༡ ཀུ་སུ་ལའི་ཚོགས་བསགས་དངོས་གྲུབ་བང་མཛོད་ལྡེབ་༡ ལས་བུམ་སྒྲུབ་པའི་ཆོ་ག་ལྡེབ ༡ གཤིན་པོ་རྗེས་འཛིན་ཁྲུས་ཀྱི་བུམ་པ་སྡིག་སྒྲིབ་དག་བྱེད་ལྡེབ ༡ རྣམ་རྒྱལ་བུམ་པ་སྒྲུབ་པ་ལྡེབ ལས་བུམ་སྒྲུབ་ཐབས་སྭ་བྷཱ་ཝ་སོགས་ལྡེབ ༡ འཕོ་བ་རང་ཉིད་རྣལ་འབྱོར་སོགས་ལྡེབ་༡ ཡོན་ཆབ་འབུལ་བའི་ཚིག་རྐང་དངོས་གྲུབ་རྒྱ་མཚོ ལྡེབ་༡ དཀར་གཏོར་འདོད་དོན་ཀུན་འབྱུང་ལྡེབ ༡ རབ་གནས་ཀྱི་ཆོ་ག་བྱིན་རླབས་མྱུ་གུ་ལྡེབ ༡ བཟའ་བཏུང་ལམ་ཁྱེར་ཚོགས་ཀྱི་འཁོར་ལོ་ལྡེབ ༡ མཁའ་འགྲོ་དབང་སྡུད་སྔགས་ལྡེབ་༡ གསོན་འདྲེ་འདུལ་སྔགས་ལྡེབ་༡ ཀླུ་བདུད་ནག་པོ་ཨར་ལ་གཏད་པའི་གདམས་པ་ལྡེབ་༡ སྒྲུབ་པའི་ཆ་ལག་དབང་དང་དངོས་གྲུབ་ཆར་འབེབས་གཏེར་གྱི་བུམ་བཟང་ལྡེབ་༈ ཞི་ཁྲོའི་ཆ་ལག་དམ་སྐོང་ངན་སོང་དོང་སྤྲགས་ལྡེབ་༡༠ ལྟ་བའི་ཀློང་བཤགས་ལྡེབ ༡ རྩ་གསུམ་སྲུང་མ་དར་ལ་བརྟེན་པ་ལྡེབ་༈ མི་འདའ་རྡོ་རྗེའི་གཏན་ཚིག་ལྡེབ་༈ ཞིང་སྐྱོང་འཕྱར་དར་བྱང་བུ་ཧཱུྃ་ཧཱུྃ་ཧཱུྃ་སྣང་སྲིད་ཟིལ་གནོན་སོགས་ལྡེབ་༈ ཀུན་ཐུབ་གླིང་བཞིའི་དགོངས་རྒྱ་ལྡེབ ༈ ས་དགྲ་བཅོས་ཐབས་ཨོྃ་བཛྲ་ཀཱི་ལི་ཀཱི་ལ་སོགས་ལྡེབ་༡ བཅས། ༈ ལྔ་པ་བཀའ་སྲུང་སྣ་ཚོགས་སྐོར་ལ། སྔགས་སྲུང་དབྱིངས་ཀྱི་རྗེ་མོའི་སྒྲུབ་ཐབས་ཡིད་བཞིན་དབང་རྒྱལ་ལྡེབ་༢ དབྱིངས་ཀྱི་རྗེ་མོའི་སྒྲུབ་ཐབས་ ༄༅། །ལྡེབ་༡ བསྐང་བཤགས་བྷྱོ༔ འདོད་ཡོན་སྣང་བ་སོགས་ལྡེབ་༡ བསྐང་གསོལ་ཤིན་ཏུ་བསྡུས་པ་ལྡེབ ༡ བསྐང་གསོལ་བསྡུས་པ་ཀྱེེ༔ དད་པ་དང་ནི་སོགས་ལྡེབ་༡ མ་ནིང་སྡེ་ལྔའི་གསོལ་བསྡུས་ཧཱུྃ་ཛཿ དད་པ་དང་ནི་སོགས་ལྡེབ ༡ ལྷ་ཆེན་དབང་ཕྱུག་ཆེན་པོའི་ཕྱག་རྒྱ་བསྡུས་པ་ནོར་བུ་དབང་རྒྱལ་ལྡེབ་༢ དབང་ཕྱུག་མ་ཧཱ་དེ་ཝའི་ཕྱག་རྒྱ་བསྡུས་པ་ལྡེབ ༡ བཅས། ༈ ཤན་པའི་སྐོར་ལ། གནོད་སྦྱིན་ཤན་པ་དམར་ནག་སྲོག་བདག་མི་སྲུན་དྲག་པོ་རྩལ་གྱི་སྲོག་གཏད་རྡོ་རྗེའི་རྒྱ་ཅན་ལྡེབ་༣ གནོད་སྦྱིན་ཤན་པའི་ཕྱག་རྒྱ་ལྡེབ་༢ ཕྱག་རྒྱ་བསྡུས་པ་རྡོ་རྗེའི་རྒྱ་ཅན་ལྡེབ ༈ གནོད་སྦྱིན་ཤན་པའི་ཕྱག་རྒྱ་ལྡེབ ༡ བྲན་འགུག་བསྐང་གསོལ་ཡེ་ཤེས་ལྕགས་ཀྱུ་ལྡེབ་༡ ཤན་པའི་བསང་མཆོད་འདོད་རྒུའི་དཔལ་སྟེར་ལྡེབ ༈ འཁྲུག་སྐོང་ཕྲིན་ལས་ལྷུན་གྲུབ་ལྡེབ་༡ བསྐང་གསོལ་བསྡུས་པ་ལྡེབ་༡ གནོད་སྦྱིན་ནོར་གྱི་བདག་པོའི་བསྐང་བ་འདོད་འབྱུང་ནོར་བུ་ལྡེབ་༡ ནོར་བདག་ཨ་པ་ར་ཙིཏྟའི་བསྐང་གསོལ་ཀྱེེ༔ དད་དང་དམ་ཚིག་སོགས་ལྡེབ་༡ ནོར་སྒྲུབ་སྡེ་ལྔའི་མཆོད་གསོལ་དངོས་གྲུབ་ཆར་འབེབས་ལྡེབ་༢ བཅས། བཀའ་སྲུང་མ་ལྷ་ཤན་གསུམ་གྱི་དྲིལ་སྒྲུབ་ཨོ་རྒྱན་ཞལ་གསུངས་མ་ལྡེབ་༈ མ་ལྷ་ཤན་གསུམ་གྱི་བསྐང་གསོལ་འདོད་རྒུའི་གཏེར་མཛོད་ལྡེབ་༡ ཕུར་སྲུང་ལྕམ་དྲལ་གྱི་བསྐང་གསོལ་ཡིད་བཞིན་དབང་རྒྱལ་ལྡེབ ༢ བཀའ་སྲུང་དྲེགས་པའི་གསོལ་མཆོད་རིན་ཆེན་དོ་ཤལ་ལྡེབ་༡ བསྐང་གསོལ་ནོར་བུའི་ཕྲེང་བ་ལྡེབ ༡ བཀའ་སྲུང་སྤྱིའི་བསྐང་གསོལ་ཧོཿབཀའ་སྲུང་དྲེགས་པ་སོགས་ལྡེབ་༡ རྣམ་སྲས་སྒྲུབ་ཐབས་ཟབ་མོ་ལྡེབ་༈ དམ་ཅན་སྐྱེས་བུའི་བརྟན་བཞུགས་ཏྲིཿ དམ་ཅན་རྡོ་རྗེ་ལེགས་པ་སོགས་ལྡེབ་༡ བདུད་མགོན་ལེགས་གྲུབ་རྡོ་རྗེའི་བསྐང་གསོལ་བསྡུས་པ་ཕ་རོལ་དཔུང་འཇོམས་ལྡེབ་༡ བསྐུལ་བ་གནམ་ལྕགས་ཐོག་མདའ་ལྡེབ་༡ གནོད་སྦྱིན་བཙན་རྒོད་ཆེན་པོའི་བསྐང་གསོལ་བསམ་དོན་ལྷུན་གྲུབ་ལྡེབ་༡ ཟངས་རི་བཙན་རྒོད་ཀྱི་བསྐང་གསོལ་ཕྲིན་ལས་ལྷུན་གྲུབ་ལྡེབ་༡ རྡོ་རྗེ་མཆོག་རབ་རྩལ་གྱི་སྒྲུབ་ཐབས་ཕ་རོལ་དཔུང་འཇོམས་ལྡེབ་༧ གཏེར་སྲུང་རྨ་རྒྱལ སྤོམ་ར་ལ་བརྟེན་པའི་གཡང་འགུགས་རྡོ་རྗེའི་ལྕགས་ཀྱུ་ལྡེབ་༡ གཏེར་སྲུང་རྨ་ཆེན་གསོལ་བསྡུས་ལྡེབ ༡ སྔགས་སྲུང་ཤ་ཟ་ཧོར་མོའི་བསང་མཆོད་ཕྲིན་ལས་ལྷུན་གྲུབ་ ༄༅། །ལྡེབ་༡ སེང་ཆེན་ནོར་བུ་དགྲ་འདུལ་གྱི་མོ་སྒྲུབ་མཆོད་གསོལ་དང་བཅས་པ་ལྡེབ་༡༣ མ་སངས་དགྲ་འདུལ་གྱི་གསོལ་མཆོད་བསམ་དོན་ལྷུན་གྲུབ་ལྡེབ་༈ རིགས་དྲུག་རྡིལ་བཀོད་ཀྱི་བདེན་བརྡར་ལྡེབ ༡ བཅས། ༈ དྲུག་པ་ཡུལ་གཏེར་གནས་གཞི་ཆོས་སྲུང་རྣམས་ཀྱི་བསང་གསོལ་སྣ་ཚོགས་སྐོར་ལ ཡུལ་ལྷ་གཉན་པོ་ལ་རླུང་རྟ་ཕུལ་ཞིང་རླུང་རྟ་བསྐྱེད་པའི་ལས་བཅོལ་ལྡེབ་༢ དམོད་བཅོལ་དགྲ་སྲོག་གཅོད་པའི་སྤུ་གྲི་ལྡེབ ༣ བདེན་སྟོབས་བསྡུས་པ་ལྡེབ ༡ སྡོད་པ་གནས་ཀྱི་བསང་མཆོད་དགེ་ལེགས་དཔལ་སྟེར་ལྡེབ་༈ རྫ་སྙིང་ཐོག་རྒོད་འབར་བ་སྔོ་ཚོགས་གཡུ་རྩེའི་བསང་མཆོད་དཔག་བསམ་འདོད་འབྱུང་ལྡེབ་༤ རྫ་རྒྱལ་འཕན་ཕྱུག་ལ་བསང་མཆོད་འབུལ་ཆོག་ཕ རོལ་དཔུང་འཇོམས་ལྡེབ་༈ རྫ་སྙིང་ཐོག་རྒོད་འབར་བའི་གསོལ་མཆོད་འདོད་དོན་ལྷུན་གྲུབ་ལྡེབ ༡ ཟོ་དོར་གཉན་པོའི་གསོལ་མཆོད་ལྡེབ འདི་དཔེར་མི་སྣང་མཆན། ལྷ་སྲུང་གཉན་པོའི་སྤྱི་གསོལ་འདོད་འབྱུང་ཡིད་བཞིན་ཆར་འབེབས་ལྡེབ ༈ ས་སྐྱོང་འབྲོང་རི་སྨུག་པོའི་བསང་མཆོད་ཕ་རོལ་དཔུང་འཇོམས་ལྡེབ་༢ དེའི་རྒྱུན་གསོལ་ཀྱེེ༔ རྟ་མགྲིན་དབང་གི་ སོགས་ལྡེབ་༡ ཟོ་དོར་རྔ་ལ་སྟག་རྩེའི་གསོལ་མཆོད་ལྡེབ་༡ ཁང་ལུང་གནས་ཀྱི་གསོལ་མཆོད་བསླུ་མེད་དཀོན་མཆོག་སོགས་ལྡེབ་༡ གཏེར་རི་ཕྱུག་པོའི་བསང་མཆོད་འདོད་ཡོན་སྤྲིན་ཕུང་ལྡེབ་༈ རྫ་རྒྱལ་རྡོ་རྗེ་འཕན་པོའི་སྒྲུབ་ཐབས་ནོར་བུའི་ཕྲེང་བ་ལྡེབ་༤ རྫ་རྒྱལ་རྡོ་རྗེ་དཔའ་བོའི་གསོལ་མཆོད་བསྡུས་པ་ལྡེབ་༡ ཡང་རྫ་རྒྱལ་དཔའ་བོའི་གསོལ་མཆོད་ལྡེབ་༡ ཇོ་བོ་བྲག་བཙན་གྱི་གསོལ་མཆོད་བསྡུས་པ་ཡིད་བཞིན་དབང་རྒྱལ་ལྡེབ་༡ གཏེར་སྲུང་གཡུ་རྩེའི་གསོལ་མཆོད་ལྡེབ་༡ གཡུང་དྲུང་ལྕགས་རྩེའི་བསང་མཆོད་འདོད་འཇོའི་དཔལ་ཕྲེང་ལྡེབ་༢ གསོལ་མཆོད་འདོད་དོན་ཡོངས་གྲུབ་ལྡེབ་༡ ཙཱ་རི་དག་རྫོང་གནས་བདག་རྡོ་བླ་གཉན་རྩེའི་བསང་གསོལ་འདོད་དོན་ལྷུན་གྲུབ་ལྡེབ་༢ ལྕགས་མཁར་ཁྲ་བོའི་བསང་མཆོད་ལྡེབ་༡ ལྷ་རི་ཏིལ་དཀར་གྱི་བསང་མཆོད་འདོད་འཇོའི་ཡིད་བཞིན་ལྡེབ་༢ ཤུགས་ཆེན་བསང་མཆོད་ལྡེབ་༡ སྙི་ནང་རོལ་མཚོ་དཀར་མོའི་བསང་མཆོད་ལྡེབ་༢ ཁམས་ཀྱི་སེང་གེ་བྲག་གི་གཏེར་སྲུང་རྔ་རོལ་སྟག་རྩེའི་བསང་མཆོད་ནམ་མཁའ་མཛོད་ལྡེབ་༢ གནམ་ལྕགས་སྤུ་གྲི་མེ་འབར་གྱི་གསོལ་མཆོད་ ༄༅། །ལྡེབ་༢ རྔ་ལ་སྟག་རྩེའི་གསོལ་མཆོད་ཨོཾ་ཨཱཿ ཧཱུྃ་དངོས་སུ་འབྱོར་སོགས་ལྡེབ ༡ སྡེ་བརྒྱད་གསེར་སྐྱེམས་བསྡུས་པ་དཀོན་མཆོག་གསུམ་སོགས་ལྡེབ་༡ སྲུང་མའི་ཚོགས་བསྡུས་ལྡེབ ༡ བཅས། པོད་འདིར་ཆོས་ཚན་བརྒྱ་དང་ཉེར་དགུ་ལ་ལྡེབ་༢༥༩ དང་། གླེགས་བམ་གྱི་དཀར་ཆག་རང་ཉིད་ལྡེབ ༥ བཅས་བསྡོམས་ལྡེབ་གྲངས་༢༦༤ བཞུགས། ༈ གྲུབ་པའི་འཁོར་སྒྱུར་བདུད་འཇོམས་གླིང་པ་ཡི། །ཟབ་གཏེར་གསང་བའི་ཆོས་མཛོད་ཡིད་བཞིན་ནོར །ཀུན་བཟང་མིང་གིས་སྤར་དུ་བཏབ་སྤེལ་དགེས། །ཟབ་ཆོས་ཕྲིན་ལས་