Tibetan
༔ ཆོས་ཉིད་རྣམ་དག་རྒྱུ་འབྲས་བསླུ་མེད་མཐུས༔ སྣོད་བཅུད་སྲིད་པའི་ཚེ་དང་ཕྱྭ་གཡང་ཁུག༔ འགྲོ་བ་འདི་ཡི་ཚེ་ལ་རྒྱས་ཐོབ་ཅིག༔ ལན་གསུམ་དང་ཚེ་གཟུངས་བརྗོད༔ དེ་ནས་བསྔོ་སྨོན་ཤིས་བརྗོད་བྱ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་རང་སློབ་དམ་པ་ཨ་ལྕགས་འབྲུ་ཡི་རྣལ་འབྱོར་ཆོས་ཉིད་རབ་རྒྱས་ཀྱིས་བསྐུལ་ངོར། ཁྲག་འཐུང་བདུད་འཇོམས་རྡོ་རྗེ་ཁྲོ་ལོད་རྩལ་གྱིས་སོ། །དགེའོ།། །། ༅ 92ཐར་T1612 - 095 T1612 - 096 བློཾ༔ མ་ཧཱ་ཨ་ཏི་ཡོ་གའི་ཟབ་ཆོས་དགོངས་པ་ཀློང་རྡོལ་ལས༔ གཟའ་བརྒྱད་རྦད་ནས་འཆིང་བའི་འཁོར་ལོ་བཞུགས་སོ༔ ན་མོ་གུ་རུ་བྷྱ༔ རྫས་ལ་ཕུར་ནག་བཙན་དུག་དང་༔ གླ་རྩི་རྟ་བོན་རྨ་བྱའི་མདོངས༔ ཞིབ་བཏུལ་མུ་ཁྱུད་རྣམས་ལ་བྱུག༔ སྤང་སྤོས་བསྲེག་པའི་དུད་པས་བདུག༔ ཙཀྲ་མུ་ཁྱུད་རིམ་པ་ལྔ་རུ་བསྐོར༔ ལྟེ་བ་ཐིག་ལེ་ལྔ་བཀོད༔ ཐིག་ལེ་དབུས་ལ་ཨཽ་ཕྱོགས་ཀྱི་ཐིག་ལེ་བཞིར་ཡིག་མགོ་ནང་བསྟན་དུ༔ ཧཱུྃ་ཏྲཱཾ་ཧྲཱིཿ ཨཱཿ བྲི༔ ཐིག་མཚམས་སུ༔ ཤར་ལྷོ་ག་མགོ་ཕྱིར་བསྟན་ནྲྀ་བྲི༔ ལྷོ་ནུབ་ནང་བསྟན་ཧཱུྃ༔ ནུབ་བྱང་ཕྱིར་བསྟན་བྷོོ༔ བྱང་ཤར་ནང་བསྟན་ཨཱཿ ཞེས་བྲི༔ དེའི་ཕྱིར་མུ་ཁྱུད་དང་པོ་ལ༔ ཨོཾ་བཛྲ་ཙཎྚ་སརྦ་དུཥྚན་ཏ་ཀ་ཧ་ན་ད་ཧ་པ་ཙ་ཧཱུྃ་ཕཊ༔ འཆང་བ་པོ་ལ་གནོད་བྱེད་ལྷ་སྲིན་སྡེ་བརྒྱད་ཀྱི་གནོད་པ་དང་གྲིབ་སྦྱོར་ཐམས་ཅད་ལས་སྲུངས་ཤིག་རཀྵ་རཀྵ༔ དེའི་ཕྱི་རིམ་མུ་ཁྱུད་གཉིས་པ་ལ་འཁོར་ལོ་རྩིབས་བརྒྱད་བྲི༔ རྩིབས་ལ་ཤར་ནས་རིམ་བཞིན༔ ཧཱུྃ་ཧཱུྃ་ཕཊ༔ ཧཱུྃ་བཛྲ་ཕཊ༔ ཏྲཾ་བཛྲ་ཕཊ༔ ཧཱུྃ་བཛྲ་ཧཱུྃ་ཕཊ༔ ཨོཾ་ཧཱུྃ་ཕཊ༔ ཧྲཱིཿ ཧཱུྃ་ཕཊ༔ ཨ་ཧཱུྃ་ཕཊ༔ ཧཱུྃ་བཛྲ་ཕཊ༔ ཅེས་ཡིག་མགོ་ཕྱིར་བསྟན་དུ་བྲི༔ རྩིབས་མཆན་ལ་ཡིག་མགོ་ནང་བསྟན་དུ་མདུན་ནས་བརྩམས་ཏེ༔ གཡོན་བསྐོར་དུ་རིམ་བཞིན་ར༔ དེའི་འོག་ཏུ༔ ཨ་ས་མ་ཡ་བྷྱོ༔ དེའི་འོག་ཏུ༔ ཧཱུྃ་ཙཀྲ་གཟའ་པ་སངས་སོད་ནན༔ ཡང་ཡ༔ དེའི་འོག་ཏུ༔ ཡ་ས་མ་ཡ་བྷྱོ༔ དེའི་འོག་ཏུ༔ ཧཱུྃ་ཙཀྲ་གཟའ་སྤེན་པ་ནན་སོད༔ ཡང་ལཾ༔ དེའི་འོག་ཏུ༔ མ་ས་མ་ཡ་བྷྱོ༔ དེའི་འོག་ཏུ༔ ཧཱུྃ་ཙཀྲ་གཟའ་རཱ་ཧུ་ལ་ནན་སོད༔ ཡང་ལཾ༔ དེའི་འོག་ཏུ༔ དུ་ས་མ་ཡ་བྷྱོ༔ དེའི་འོག་ཏུ༔ ཧཱུྃ་ཙཀྲ་གཟའ་ཉི་མ་ནན་སོད༔ ཡང་ཨེ༔ དེའི་འོག་ཏུ༔ རུ་ས་མ་ཡ་བྷྱོ༔ དེའི་འོག་ཏུ༔ ཧཱུྃ་ཙཀྲ་གཟའ་ཟླ་བ་ནན་སོད༔ ཡང་ཨེ༔ དེའི་འོག་ཏུ༔ ཙ་ས་མ་ཡ་བྷྱོ༔ དེའི་འོག་ཏུ༔ ཧཱུྃ་ཙཀྲ་གཟའ་མིག དམར་ནན་སོད༔ ཡང་ཨེ༔ དེའི་འོག་ཏུ༔ ཤ་ས་མ་ཡ་བྷྱོ༔ དེའི་འོག་ཏུ༔ ཧཱུྃ་ཙཀྲ་གཟའ་ལྷག་པ་ནན་སོད༔ ཡང་རཾ༔ དེའི་འོག་ཏུ༔ ན་ས་མ་ཡ་བྷྱོ༔ དེའི་འོག་ཏུ༔ ཧཱུྃ་ཙཀྲ་གཟའ་ཕུར་བུ་ནན་སོད༔ དེའི་ཕྱི་རིམ་མུ་ཁྱུད་གསུམ་པ་ལ༔ ཤར་ནས་རིམ་བཞིན་རྡོ་རྗེ་ནོར་བུ་འཁོར་ལོ་པདྨ་རལ་གྲི་རྣམས་བྲིས་པའི་བར་དུ་ཡིག་མགོ་ཕྱིར་བསྟན་རིམ་བཞིན་རྡོ་རྗེ་ནོར་བུའི་བར་དུ༔ ཧཱུྃ་བཛྲ་ཛྙཱ་ན་བྷྲུྃ༔ ཧཱུྃ་ཧཱུྃ་བཛྲ་ཕཊ༔ རཏྣ་ཛྙཱ་ན་བྷྲུྃ༔ ནོར་བུ་འཁོར་ལོའི་བར་དུ༔ ཨོཾ་བུདྡྷ་ཛྙཱ་ན་བྷྲུྃ༔ འཁོར་ལོ་པདྨའི་བར་དུ༔ ཨོཾ་པདྨ་ཧེ་རུ་ཀ་ཧཱུྃ༔ པདྨ་རལ་གྲིའི་བར་དུ༔ པདྨ་ཛྙཱ་ན་བྷྲུྃ༔ རལ་གྲི་རྡོ་རྗེའི་བར་དུ༔ ཨོཾ་ཀརྨ་ཛྙཱ་ན་བྷྲུྃ༔ ཞེས་བྲིས༔ དེའི་ཕྱི་རིམ་མུ་ཁྱུད་བཞི་པ་ལ༔ ཡེ་ངྷརྨ་ཞེས་བྲིས༔ དེའི་ཕྱི་རིམ་མུ་ཁྱུད་ལྔ་པ་ལ་མེ་རི་བྲིའོ༔ ཕྱི་མཐར་ཟུར་བཞིར་ཤར་ནས་མེ་ལོང་ནོར་བུ་འབར་བ་རྨ་བྱའི་མདོངས་རྒྱ་གྲམ་རྣམས་བྲིའོ༔ ས་མ་ཡ༔ རྒྱ་རྒྱ་རྒྱ༔ རྒྱ། T11612 - 098 ཨོཾ༔ འདི་འཆང་སྐྱེས་པ་བུད་མེད་རྣམས༔ སྡེ་བརྒྱད་གདུག་པའི་གྲིབ་ལས་ཐར༔ སྣང་སྲིད་ལྷ་འདྲེའི་གདུག་པ་ཞི༔ གནམ་ལྕགས་རྡོ་རྗེའི་རྫོངས་སུ་ཚུད༔ ས་མ་ཡ༔ ཞེས་པ་འདི་ནི་རིག་འཛིན་བདུད་འཇོམས་8 རྡོ་རྗེའི་ཉམས་འོད་གསལ་གྱི་སྣང་བ་ལ། མཁའ་འགྲོ་མ་གདོང་ལྔའི་ཞལ་ཞེས་བྱ་བ་དུས་གསུམ་གྱི་རྒྱལ་བ་ཐམས་ཅད་ཀྱི་ཡུམ་ཡིན་ཟེར་བའི་བུད་མེད་དམར་མོ་ཞིག་གིས་གདམས་པ་དགེའོ། །སརྦ་མངྒ་ལཾ།། །། ཚོ གཉིས་སོ། སྲུང་T1612 - 099 T11612 - 100 ཤ་ཟ་ངེས་ནུས་སྱྃ༔ ཟབ་ཆོས་དགོངས་པ་ཀློང་རྡོལ་ལས༔ སྔགས་སྲུང་ཤ་ཟ་ཆེན་མོ་ངེས་ནུས་མའི་གསོལ་མཆོད་འདོད་འབྱུང་ཡིད་བཞིན་ནོར་བུ་བཞུགས་སོ༔ ན་མོ་ཨཱཪྻ་ལོ་ཀི་ཤྭ་ར་ཡ༔ སྔགས་ཀྱི་སྲུང་མ་ངེས་ནུས མའི༔ གསོལ་མཆོད་འདོད་འབྱུང་ནོར་བུ་ནི༔ ཐཐྲཐྲཧླ༔ གསེར་སྐྱེམས་ཟས་ཚོགས་ཅི་འབྱོར་བཤམས༔ ཧ་ཧོ་ཧྲཱི་ཡིས་བྱིན་གྱིས་བརླབས༔ རང་ཉིད་ཡི་དམ་གང་རུང་ལ༔ ས་མ་ཡ༔ ཧོཿ གསང་ཆེན་སྔགས ཀྱི་སྲུང་མ་སྟེ༔ མ་མོ་ཆེན་མོ་ངེས་ནུས་མ༔ ཛཿ ཧཱུྃ་བཾ་ཧོ་གཤེགས་སུ་གསོལ༔ དམ་རྫས་བདུད་རྩི་གསེར་སྐྱེམས་བཞེས༔ བདག་ལ་མ་ཡིས་བུ་བཞིན་སྐྱོངས༔ དགྲ་བགེགས་ཐལ བའི་རྡུལ་དུ་རློགས༔ བཅོལ་བའི་ཕྲིན་ལས་འགྲུབ་པར་མཛོད༔ མ་ཧཱ་ཀ་ལི་ཌཱ་ཀི་ནཱི་ར་ལི་པྲ་མ་ཡ་ན་ཨེ་དཾ་བ་ལིཾ་ཏ་ཁ་ཁཱ་ཧི༔ ས་མ་ཡ༔ རྒྱ་རྒྱ་རྒྱ༔ ཞེས་པའང་རྫོགས་ཆེན་པ་བདུད་འཇོམས་རྡོ་རྗེས་ཡང་གསང་མཁའ་འགྲོའི་ཀློང་བྱང་བརྡ་རིས་ལས་ཞལ་བཤུས་ཏེ་དག་པར་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་ཀྱིས་སོ། །དགེའོ། །སརྦ་མངྒ་ལཾ།། །། T11612 - 102 མ་ཧཱ་ཨ་ཏི་ཡོ་གའི་ཟབ་ཆོས་དགོངས་པ་ཀློང་རྡོལ་ལས༔ མ་མོ་སྔགས་སྲུང་ཆེན་མོའི་པྲ་མོ་མངོན་ཤེས་སྒྲོན་མ་བཀྲ་ཤིས་གཡུང་དྲུང་འཁྱིལ་བ་བཞུགས༔ TI1612 - 103 བདུད་འཇོམས་ཤ་ཟ་ངེས་ནུས་མ་སྱྃ༔ རིགས་ཀུན་རྒྱལ་བ་ཐམས་ཅད་ཀྱི༔ སྐུ་གསུང་ཐུགས་དང་ཡོན་ཏན་དང་༔ ཕྲིན་ལས་ཡོངས་རྫོགས་དཔལ་ཆེན་པོ༔ བླ་མ་མཚོ་སྐྱེས་རྡོ་རྗེས་སྐྱོངས༔ མ་མོ་སྔགས་སྲུང་ཆེན་མོ་ལ༔ གསོལ་འདེབས་རྟེན་འབྲེལ་བརྟགས་པ་ནི༔ བསྙེན་བསྒྲུབ་མཆོད་བསྟོད་བྱེད་དག་གིས༔ མ་ཉིད་བསྒོམ་སྟེ་འདི་བརྗོད་བྱ༔ མ༔ སངས་རྒྱས་བསྟན་པའི་བྱ་ར་མ༔ དམ་པའི་ཆོས་ཀྱི་སྲོག་འཛིན་མ༔ དགེ་འདུན་ཡོངས་ཀྱི་མཛའ་ན་མ༔ བསིལ་བ་ཚལ་གྱི་མཁའ་འགྲོ་མ༔ ཟས་དང་ནོར་གྱི་གཡང་ལྷ་མོ༔ སྐྱབས་མེད་སྐྱོབ་པའི་མཐུ་ལྡན་མ༔ མངོན་ཤེས་གསལ་བའི་མཁྱེན་ལྡན་མ༔ དགྲ་དང་བགེགས་ཀྱི་དཔུང་འཇོམས་མ༔ T11612 - 104 དསྱྃ༔ ཆོས་ཉིད་གཉེར་ཀ་དམ་སྲུང་མ༔ མ་མོ་ཆེན་མོ་ངན་ནེ་མ༔ དམ་ཚིག་གཉན་གྱིས་འབོད་དོ་མ༔ སེམས་ཀྱི་འདོད་དོན་སྒྲུབས་ཤིག་མ༔ མ་ཧཱ་ཀ་ལི་ཌཱ་ཀི་ནཱི་ར་ལི་པྲ་མ་ཡ་བཛྲ་ས་མ་ཡ་ཛ་ཛཿ པྲ་མོ་ཕོབ་ཛཿ ཉེར་གཅིག་ལ་སོགས་སྐབས་དང་བསྟུན་མཐར༔ བཟང་ངན་གོ་ལོག་མ་བྱེད་མ༔ ལེགས་ཉེས་ཤན་འབྱེད་དྲང་སྲོང་མ༔ སྦེད་གསང་མེད་པར་སྟོན་ཅིག་མ༔ པྲ་བའི་མོ་འདི་གསལ་བར་ཕོབ༔ གཅིག་གསུམ་ལྔ་བདུན་རྟེན་འབྲེལ་ལེགས༔ གཉིས་བཞི་དྲུག་དག་མི་ལེགས་ཏེ༔ རབ་འབྲིང་ཐ་གསུམ་དབྱེ་བ་ནི༔ ༈ དང་པོ་ལ་བབ་ན་གཞི་ཕྱྭ་ལ་བདེ་སྐྱིད་ཀྱི་ཉི་མ་འཆར༔ T1612 - 105 དོན་ཕྱྭ་ལ་དགའ་བྲོད་དང་བཅས་ཏེ་ཐོབ༔ མགྲོན་ཕྱྭ་ལ་མྱུར་དུ་བདེ་བར་སླེབ༔ ཨེ་འཕྲད་ན་འདོད་པ་བཞིན་དུ་འཕྲད༔ བོར་སྟོར་རིང་པོར་མི་ཐོགས་འཕྲལ་དུ་རྙེད༔ ཨེ་ཐུབ་ན་དགྲ་ཕམ་སྟེ་བདག་རྒྱལ་བར་ངེས༔ དགྲ་ཕྱྭ་ལ་དགྲ་མེད༔ ནད་ཕྱྭ་ལ་ནད་པ་མི་འཆི་མྱུར་དུ་ནད་ལས་གྲོལ༔ འདི་ནི་ཅི་ལ་བཏབ་ཀྱང་བཟང་པོའི་རབ་ཀྱི་མཆོག་གོ༔ ས་མ་ཡ༔ ༈ གཉིས་ལ་བབ་ན་གཞི་ཕྱྭ་ལ་ཤིན་ཏུ་ངན༔ རིམ་གྲོ་ཆེན་པོ་བྱ༔ གདོན་ཕྱྭ་ལ་ནག་པོའི་ཁ་ཏོག་ཅན་ནམ་མཚོན་ཆའི་རིགས་ལ་བདུད་དང་མོ་འདྲེ་ཐེའུ་རང་གིས་རྩར་བྱས་ནས་ལྟ་བཅད༔ དོན་ཕྱྭ་ལ་ཡང་དོན་གཉེར་བྱ༔ གཉེར་མཁན་དང་བཅས་པ་གཞན་གྱིས་ཧབ་ཐོབ་བྱེད༔ མགྲོན་ཕྱྭ་ཡང་རིང་པོར་མྱང་ངན་དང་བཅས་པར་ཐོགས༔ ཨེ་འཕྲད་ན་མི་འཕྲད་ངེས༔ བོར་སྟོར་མི་རྙེད གཞན་གྱིས་ཐོབ་ཏུ་ཟིན༔ ཨེ་ཐུབ་ན་རྡོ་རྗེའི་བྲག་ལ་ཐུག་སྟེ་རྡུག༔ དགྲ་ཕྱྭ་ལ་ཐལ་ཕུང་རླུང་ཁྱེར་འདྲ་བའི་རྒོལ་ངན་འབྱུང་༔ ནད་པ་གདོན་གྱི་ཁ་རུ་ཚུད་དེ་ཕན་མེད་འཆི༔ འདི་ནི་ཅི་ལ་བཏབ་ཀྱང་ངན་པའི་ཐ་མའོ༔ ས་མ་ཡ༔ ༈ གསུམ་ལ་བབས་ན་གཞི་ཕྱྭ་ལ་བཟང་༔ དོན་ཕྱྭ་ལ་བཟང་༔ མགྲོན་ཕྱྭ་ལ་འགོར་ཡང་དོན་དང་བཅས་ཏེ་སླེབ༔ ཨེ་འཕྲད་ན་འཕྲད་མ ༔ ཚར་ན་མི་འཕྲད༔ བོར་སྟོར་རིང་པོར་མི་རྙེད་ཀྱང་མཐར་རྙེད༔ ཨེ་ཐུབ་ན་མ་ཤོལ་ན་ཐུབ༔ དགྲ་ཕྱྭ་ལ་དགྲ་ངོ་མེད་ངེས༔ ནད་ཕྱྭ་ལ་ནད་པ་མི་འཆི༔ ནད་ཕུག་རིང་ཡང་མཐར་འཚོ༔ འདི་ནི་གང་ལ་བཏབ་ཀྱང་བཟང་༔ ས་མ་ཡ༔ ༈ བཞི་ལ་བབ་ན་གཞི་ཕྱྭ་ལ་རྒྱལ་འགོང་གདོན༔ རིམ་གྲོ་ཅི་ཐུབ་བྱ༔ དོན་ཕྱྭ་ལ་ནག་གསུམ་ཤ་སོགས་རྙེད༔ གཞན་མི་རྙེད༔ མགྲོན་ཕྱྭ་ལ་དགྲའམ་ཉེས་པ་འབྱུང་བའི་ཕྱིར༔ ཨེ་འཕྲད་ན་འཛོམ་ཉེན་ཆེ༔ འཕྲད་ཀྱང་རྩོད་པ་འབྱུང་༔ བོར་སྟོར་མི་རྙེད༔ ཨི་ཐུབ་ན་གཉིས་ཀ ཕུང་༔༷ དགྲ་ཕྱྭ་ལ་དགྲ་འཇིགས་ཆེན་པོ་ཡོད་པས་བཟློག་མནན་ལ་འབད༔ ནད་པ་ལ་དུར་ངོ་ཆེ་བས་ཤིན་ཏུ་ངན༔ འདི་ནི་ཅི་ལ་བཏབ་ཀྱང་འབྲིང་ཙམ་མོ༔ ས་མ་ཡ༔ ༈ ལྔ་ལ་བབ་ན་གཞི་ཕྱྭ་ལ་བཟང་༔ ན་ཚ་རེ་ཙམ་འབྱུང་དོགས་ཡོད་པས་རིམ་གྲོ་བྱ༔ བྱད་བཟློག་གདོན་བཀྲོལ་བྱ༔ དོན་ཕྱྭ་ལ་དོན་ཀུན་རེ་བ་བསྐང་ངེས༔ ཡུལ་ལྷ་གསོལ༔ མགྲོན་ཕྱྭ་ལ་དོན འགྲུབ་པའི་སྟེང་དུ་སླེབ་ཟིན༔ ཨེ་འཕྲད་ན་ངེས་པར་འཕྲད་ཀྱི་བསམ་པ་འགྲུབ༔ བོར་སྟོར་རང་གི་རྩ་རུ་ཡོད་པས་མྱུར་དུ་རྙེད༔ ཨེ་ཐུབ་ན་ཐུབ་ངེས་ཡིན་པས་རང་རྒྱལ༔ དགྲ་ཕྱྭ་ལ་Tl1612 - 107 དགྲ་མི་འབྱུང་༔ ནད་པ་ལ་ལྷ་འཁྲུགས་དང་ས་བདག་གིས་ཀོ་ལོང་བསྡོམ་པའི་རྐྱེན་དུ་འགྱུར་བས་རིམ་གྲོ་བྱས་ན་ཕན༔ རྫས་ནི་ཤ་ལྤགས་ཞྭ་ལྷམ་གནོད༔ འདི་གཞན་གང་ལ་བཏབ་ཀྱང་བཟང་༔༷ ས་མ་ཡ༔ ༈ དྲུག་ལ་བབ་ན་གཞི་ཕྱྭ་ལ་མི་ནོར་གཉིས་ལ་ངན་ཞིང་༔ ཁྱད་པར་རྟ་ནོར་གཉིས་ལ་ངན་པས་རིམ་གྲོ་བྱ༔ དོན་ཕྱྭ་ལ་དོན་གང་ཡང་མི་འགྲུབ༔ མགྲོན་ཕྱྭ་ལ་མགྲོན་པོ་དོན་མེད་མི་སྙན་སྒྲོགས་ཤིང་སླེབ༔ ཨེ་འཕྲད་ན་མི་འཕྲད༔ དགྲ་དང་འཕྲད་ཉེན་མཆིས༔ བོར་སྟོར་དགྲ་དབང་སོང་ནས་སླར་མི་རྙེད༔ ཨེ་ཐུབ་ན་མི་ཐུབ་ངེས་ཏེ༔ ཚུར་རྒོལ་དགྲས་ཀྱང་མི་ཐུབ་རང་གཞན་མཉམ༔ དགྲ་ཕྱྭ་འཇིགས་འུར་ཆེ་བས་བསང་གསོལ་དགྲ་བྲུབ་བྱ༔ ནད་ཕྱྭ་བསྲུང་བཟློག་ལ་འབད་པས་ཕན་པའང་སྲིད༔ གདོན་ཕྱྭ་ལ་སྡེ་བརྒྱད་འཁྲུགས་དང་བྱད་ཁ་གནོད༔ གཞན་ཅི་ལ་བཏབ་ཀྱང་ཤིན་ཏུ་ངན༔ ས་མ་ཡ༔ ༈ བདུན་ལ་བབ་ན་བདུན་ཐོག་མཁར་གྱི་ཡང་རྩེ་ཡིན༔ གཞི་ཕྱྭ་ལ་མི་དཔོན་བླ་ཆེན་དག་ལ་མཆོག༔ འབངས་རིགས་བྲན་རིགས་དག་ལ་བསོད་ནམས་ཉ་གང་ཟླ་རྒྱས་མར་འགྲིབ་ཡིན་པས་མཆོད་སྦྱིན་ལ་འབད༔ དོན་ཕྱྭ་ལ་དོན་འགྲུབ་བར་ཆད་མེད་པར་དབང་དྲེག༔ མགྲོན་ཕྱྭ་དོན་བཅས་T11612 - 108 རྒྱ སྱྃ༔ རང་ཡུལ་སླེབ་ངེས༔ ཨེ་འཕྲད་ན་གཞི་འདུག་ཞིག་དང་འཕྲད༔ དེ་མིན་བྱེས་འགྲོ་དག་ལ་འཕྲད་པ་མིན༔ བོར་སྟོར་ནི་རིང་པོར་མི་འགྱང་མྱུར་དུ་རྙེད་པར་འགྱུར༔ ཨེ་ཐུབ་ན་གང་ལ་རྒོལ་ཀྱང་ངེས་པར་ཐུབ༔ དགྲ་ཕྱྭ་ལ་དགྲ་ཇག་ཆོམ་རྐུན་གང་ཡང་མི་འབྱུང་༔ ནད་པ་ལ་དམ་ཚིག་ཉམས་པའི་རྐྱེན་ཡིན་པས་ཚོགས་བསྐང་བཤགས་གསུམ་ལ་འབད༔ གདོན་ཕྱྭ་ལ་མཐར་ཁྱིམ་བཤིག་རལ་བྱས་པས་ལྷ་དང་འགྲས་པ་ཡིན༔ གཞན་གང་ལ་བཏབ་ཀྱང་རབ་ཀྱི་ཡང་རྩེ་ཡིན༔ ས་མ་ཡ༔ པདྨ་བདུད་འདུལ་བདག་གིས་བཀའ་བསྒོ་བ༔ མ་མོ་ངན་ནེ་མས་ཀྱང་དེ་ལྟར་སྟོན༔ སྔགས་བདག་དམ་ཅན་སྲུང་མའི་ཚོགས་རྣམས་ཀྱིས༔ ཇི་ལྟར་བསྟན་པ་དེ་བཞིན་རྟག་ཏུ་སྟོན༔ ས་མ་ཡ༔ རྒྱ་རྒྱ་རྒྱ༔ ཨནྫཤླཾ༔ ཞེས་པ་འདི་ཡང་སྔགས་འཆང་བདུད་འཇོམས་རྡོ་རྗེ་ཁྲོ་ལོད་རྩལ་ལ་ཨོ་རྒྱན་མཚོ་སྐྱེས་རྡོ་རྗེས་ཡར་ངོའི་ཚེས་བཅུའི་ནུབ་མོར་གསུངས་པའོ།། །། T1612 - 110 སྱྃ༔ མ་ཧཱ་ཨ་ཏི་ཡོ་གའི་ཟབ་ཆོས་དགོངས་པ་ཀློང་རྡོལ་ལས༔ གནོད་སྦྱིན་རྣམ་སྲས་རིགས་ལྔའི་གསོལ་མཆོད་འདོད་ཡོན་ཆར་འབེབས་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཧྱ།ཐངྒརྟརྟ་བྱ།༔ འདི་ལ་མཆོད་རྫས་ཅི་འབྱོར་བཤམས༔ ཨོཾ་བཛྲ་ཨ་མྲྀ་ཏས་སྦྱངས༔ ཨོཾ་སྭ་བྷཱ་ཝ་སོགས༔ སྟོང་པའི་ངང་ལས་བྷྲཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་ཨོཾ་ཨཱཿཧཱུྃ་ལས་སྐུ་གསུང་ཐུགས ཀྱི་བདུད་རྩི་རོ་བརྒྱ་ནུས་པ་སྟོང་ལྡན་གྱིས་འཁོར་འདས་ཐམས་ཅད་ཁྱབ་པར་གྱུར༔ ཨོཾ་ཨཱཿ ༔ ལན་གསུམ༔ འདོད་ཡོན་སྣ་ཚོགས་ཀྱི་འདུ་འཕྲོ་དང་མཆོད་ཡུལ་ལྷའི་བཞེད་པའི་ཟུག་རྔུ་སེལ་ནུས་པའི་རང་བཞིན་ཅན་དུ་གྱུར༔ ཨོཾ་ཨཱཿ ཧཱུྃ་ཧ་ཧོ་ཧྲཱིཿ ཧཱུྃ་ཛཿ བྱང་ཕྱོགས་རིན་ཆེན་གཏེར་གྱི་གཞལ་ཡས་ནས༔ ས་བརྒྱད་བྱང་ཆུབ་སེམས་དཔའ་རྣམ་ཐོས་སྲས༔ ཛམ་ལྷ་རིགས་བཞི་འཁོར་དང་བཅས་པ་རྣམས༔ དད་དང་དམ་ཚིག་གཉན་གྱིས་སྤྱན་འདྲེན་ནོ༔ བརྩེ་བའི་ཐུགས་ཀྱིས་གནས་འདིར་གཤེགས་སུ་གསོལ༔ བཛྲ་ས་མ་ཡ་ཛ་ཛཿ ཨོཾ་ཨཱཿ ཧཱུྃ༔ ཡེ་ཤེས་བྷནྡྷ་རིན་ཆེན་སྣོད་མཆོག་ཏུ༔ ཟག་མེད་ཡེ་ཤེས་བདུད་རྩི་རྒྱ་མཚོ་དང་༔ ཉེས་སྐྱོན་ཟུག་རྔུ་སེལ་བའི་བདེ་སྟོང་རོ༔ འདོད་ཡོན་སྣ་ཚོགས་མཆོད་སྤྲིན་རྒྱ་མཚོ་འདིས༔ རྒྱལ་ཆེན་TI1612 - 111 རྣམ་སྲས་ཡབ་ཡུམ་གསོལ་ཞིང་མཆོད༔ ཛམ་དཀར་སྡེ་ལྔ་འཁོར་བཅས་གསོལ་ཞིང་མཆོད༔ ཛམ་སེར་ཡབ་ཡུམ་འཁོར་བཅས་གསོལ་ཞིང་མཆོད༔ ཛམ་དམར་དབང་གི་མངའ་བདག གསོལ་ཞིང་མཆོད༔ ཛམ་ནག་གཏུམ་དྲག་འཁོར་བཅས་གསོལ་ཞིང་མཆོད༔ ནོར་རྒྱུན་ལྷ་མོ་མཆེད་ལྔ་གསོལ་ཞིང་མཆོད༔ ནོར་ལྷ་གཏེར་བདག་ཡབ་ཡུམ་གསོལ་ཞིང་མཆོད༔ བསྐང་ངོ་གསོལ་ལོ་མཆོད་དོ་ཐུགས་དམ་བསྐང་༔ བདག་ནི་དད་ཅིང་མོས་པས་ཁྱེད་བསྒྲུབ་བོ༔ བརྩེ་བར་དགོངས་ཤིང་ཡལ་བར་དོར་མི་འཚལ༔ མདོར་ན་ཞལ་བཞེས་དམ་ཚིག་དམ བཅའ་དང་༔༷ བྱང་ཆུབ་ཐུགས་བསྐྱེད་དཔའ་གདེངས་འདོར་རམ་ཅི༔ མ་གཡེལ་མ་འགྱངས་ནོར་ལྷ་གཏེར་བདག་རྣམས༔ བརྟེན་ནོ་བསྒྲུབ་བོ་དམ་ཚིག་གཉན་པོ་དཔང་༔ བདག་དང་དབྱེར་མེད་གྲོགས་མཛོད་དངོས་གྲུབ་སྩོལ༔ འབད་རྩོལ་མི་དགོས་ནོར་བུ་དཔག་བསམ་བཞིན༔ རྒྱུན་བཟང་གང་གཱ་ནུབ་མེད་ལྷུན་པོ་ལྟར༔ འགྱུར་མེད་རབ་ཏུ་བརྟན་པའི་ཕྲིན་ལས མཛོད༔ བཛྲ་ས་མ་ཡ༔ ཞེས་བརྗོད༔ ཡང་ཡང་གསོལ་མཆོད་འདི་ལ་རབ་བརྩོན་པའི༔ ཚེ་གཅིག་བསྒྲུབ་པ་ལྷུར་ལེན་སྐལ་ལྡན་གྱི༔ གང་ཟག་ཕོ་མོའི་སྐལ་པར་བསྔགས་པ་འདི༔ འདོད་སྲེད་ཞགས་པས་དམ་བཅིང་གཡེལ་བ་མཁན༔ T11612 - 112 སྱྃ༔ ཆོས་བརྒྱད་རེ་རློམ་ཟོག་པོའི་རིགས་རྣམས་ལ༔ མ་བསྔགས་སྐུལ་མིན་དངོས་གྲུབ་ཆུ་བྲུབ་བརྡ༔ བསྒོམ་སྒྲུབ་སྐལ་ལྡན་སྐལ་པར་ངས་འདི་བསྟན༔ གསང་མིང་བཀའ་རྒྱ་སྲིད་རྒྱལ་མ་ཡིས་མཛོད༔ ལོག་སྤྱོད་0 ཟོག་པོའི་རིགས་ལ་རྒྱ་ཡིས་ཐོབས༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་དགོངས་གཏེར་ནམ་མཁའི་བརྡ་རིས་འདི། །རི་ཕུག་བྲག་དང་འདྲེས་པའི་དབེན་ཁྲོད་དུ། །སྔགས་འཆང་གླིང་པ་བདུད་འཇོམས་རྡོ་རྗེ་ངས། །པདྨའི་དཀོར་མཛོད་ཡངས་པའི་གཏེར་མཛོད་ནས། །མ་འགགས་འོད་གསལ་ཡིག་མེད་ཀློང་རྒྱ་ལས། །བཤུས་ཏེ་གྲགས་པ་རྡོ་རྗེས་བསྐུལ་བཞིན་གཉེར། །ཡི་གེ་རིས་བྱེད་སྦས་པའི་རྣལ་འབྱོར་པ། །ངག་དབང་ཆོས་ཀྱི་རྒྱལ་མཚན་ཞེས་བྱའོ། །དགེའོ།། །། མ མཆོད་TI1612 - 113 T11612 - 114 །༔ །།།།༔ བེེ༔ བྱང་ཕྱོགས་རིན་ཆེན་གཏེར་གྱི་གཞལ་ཡས་ནས༔ རྣམ་མང་ཐོས་སྲས་ཛམ་ལྷ་རིགས་ལྔ་དང་༔ རྟ་བདག་མཆེད་བརྒྱད་དཔལ་ལྡན་ནོར་གྱི་རྒྱུན༔ དབང་ཕྱུག་ནག་པོ་མགོན་པོ་ཚོགས་ཀྱི་བདག༔ ནོར་ལྷ་གཏེར་བདག་རྒྱ་མཚོའི་ཚོགས་རྣམས་ཀུན༔ འདིར་གཤེགས་ཕྱི་ནང་གསང་བའི་མཆོད་འབུལ་བཞེས༔ ཐུགས་དམ་བསྐང་ལ་ཉམས་ཆག་འགལ་འཁྲུལ་བཤགས༔ མི་ཟད་ལོངས་སྤྱོད་གཏེར་གྱི་དངོས་གྲུབ་སྩོལ༔ ཁམས་གསུམ་སྲིད་པའི་ཚེ་དཔལ་འབྱོར་པ་བསུ༔ ནུབ་མེད་རྟག་ཏུ་འཕེལ་ཞིང་རྒྱས་པར་མཛོད༔ རབ་འབྱམས་ཕྲིན་ལས་ཐོགས་པ་མེད་པར་སྒྲུབས༔ བཀའ་དང་དམ་ལ་མ་འདའ་ས་མ་ཡ༔ གསོལ་མཆོད་འདི་ལ་རྟག་བརྩོན་ན༔ ནོར་ལྷ་གཏེར་བདག་རྒྱ་མཚོའི་ཚོགས༔ ལུས་དང་གྲིབ་བཞིན་དབྱེར་མེད་འགྲོགས༔ དངོས་གྲུབ་ཆར་ལྟར་འབེབས་པར་འགྱུར༔ ཐེ་ཚོམ་མེད་དོ་ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ བརྡ་ཐིམ༔ ཞེས་པ་འདི་ཉིད་ཚུལ་ཁྲིམས་རྡོ་རྗེ་དང་དབང་འདུས་གཉིས་ཀྱིས་ནན་དུ་བསྐུལ་ངོར་བདུད་འཇོམས་རྡོ་རྗེས་གཏན་ལ་ཕབ་པའོ། །དགེའོ།། །། T1612 - 116 སྱྃ༔ མ་ཧཱ་ཨ་ཏི་ཡོ་གའི་ཟབ་ཆོས་དགོངས་པ་ཀློང་རྡོལ་ལས༔ གནོད་སྦྱིན་དམར་ནག་གི་གསོལ་བསྡུས་བཞུགས་སོ༔ གསོལ་མཆོད་ནི༔ གསེར་སྐྱེམས་གཏོར་མ་བཤམས་ལ༔ ཨ་མྲྀ་ཏས་བསང་༔ སྭ་བྷཱ་ཝས་སྦྱངས༔ སྟོང་པའི་ངང་ལས་གསེར་སྐྱེམས་གཏོར་མ་ཟག་པ་མེད་པ་བདེ་སྟོང་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར༔ ཨོཾ་ཨཱཿ ཧཱུྃ༔གིས་མང་དུ་སྤེལ༔ ཀྱེེ༔ བདག་ནི་པདྨའི་གདུང འཚོབ་སྟེ༔ གསེར་སྐྱེམས་གཏོར་མ་ཡིད་སྤྲུལ་དང་༔ འདོད་ཡོན་ཕུན་སུམ་ཚོགས་པ་འདི༔ གནོད་སྦྱིན་དམར་ནག་འཁོར་བཅས་ལ༔ དད་པའི་སེམས་ཀྱིས་འབུལ་བར་བགྱིས༔ གནོད་སྦྱིན་དམར་ནག་གསོལ་ལོ་མཆོད༔ གསོད་བྱེད་དམར་མོ་གསོལ་ལོ་མཆོད༔ གཟའ་བདུད་མིག་དམར་གསོལ་ལོ་མཆོད༔ མགོན་པོ་རྣམ་སྲས་གསོལ་ལོ་མཆོད༔ སྟག་གི་མགོ་ཅན་གསོལ་ལོ་མཆོད༔ གཟིག་གི་མགོ་ཅན་གསོལ་ལོ་མཆོད༔ དོམ་གྱི་མགོ་ཅན་གསོལ་ལོ་མཆོད༔ འབྲོང་གི་མགོ་ཅན་གསོལ་ལོ་མཆོད༔ རྨ་བྱའི་མགོ་ཅན་གསོལ་ལོ་མཆོད༔ ནེ་ཙོའི་མགོ་ཅན་གསོལ་ལོ་མཆོད༔ ཤང་ཤང་མགོ་ཅན་གསོལ་ལོ་མཆོད༔ ཉ་མོའི་མགོ་ཅན་གསོལ་ལོ་མཆོད༔ ལྷ་སྲིན་སྡེ་བརྒྱད་གསོལ་ལོ་མཆོད༔ བཀའ་ཉན་བྲན་གཡོག་གསོལ ལོ་མཆོད༔ བསྟོད་དོ་གསོལ་ལོ་ཐུགས་དམ་བསྐང་༔ ཀྵཿ དུར་ཁྲོད་ཧེ་ཆེན་སོགས༔ ཀྱེེ༔ བཀའ་ཡི་སྲུང་མ་ཁྱེད་ཅག་རྣམས༔ དམ་ཚིག་གཉན་ལ་མ་འདའ་བར༔ བདག་དང་དབྱེར་མེད་བརྩེ་གྲོགས་མཛོད༔ དངོས་གྲུབ་ཀུན་སྩོལ་དགྲ་བགེགས་སྒྲོལ༔ བཅོལ་བའི་ཕྲིན་ལས་འགྲུབ་པར་མཛོད༔ ཨོཾ་མ་ཧཱ་ཀྲོ་ཏ་རྨ་རུ་རྩེ་གུ་ཎ་ཧྲཱིཿ ད་ཧཱུྃ་ཕཊ༔ སརྦ་ས་པ་རི་ཝཱ་ར་ཨེ་དཾ་བ་ལིཾ་ཏ་ཁཱ་ཧི༔ ཞེས་པ་འདི་ཡང་མ་ནུས་སྤྲང་པོ་བདུད་འཇོམས་རྡོ་རྗེས་ཆོས་ཉིད་འོད་གསལ་ཀློང་གི་སྒྲོམ་བུ་ལས་བཤུས་སོ། །སྤྲང་བན་རང་གི་ཉམས་ལེན་དགོས་སོ། །དགེའོ། །བཀྲ་ཤིས།། ། T11612 - 118 སྱྃ༔ མ་ཧཱ་ཨ་ཏི་ཡོ་གའི་ཟབ་ཆོས་དགོངས་པ་ཀློང་རྡོལ་ལས༔ དམ་ཅན་རྡོ་རྗེ་ལེགས་པའི་གསོལ་མཆོད་སྲོག་རྩ་དམར་ལེན་བཞུགས༔ ཧཱུྃ་ཛཿ དམ་ཅན་རྡོ་རྗེ་ལེགས་པ་ཆེ༔ ཡུམ་དང་མཆེད་འཁོར་བཅས་པ་རྣམས༔ སྔོན་གྱི་བཀའ་དང་དམ་ཚིག་གིས༔ འབོད་བསྟེན་མཆོད་དང་ལས་བཅོལ་གྱིས༔ འདིར་གཤེགས་རྒྱན་གྱི་མཆོད་པ་འབུལ༔ གསོལ་ལོ་མཆོད་དོ་ཐུགས་དམ བསྐང་༔ དབྱེར་མེད་གྲོགས་མཛོད་བསམ་དོན་སྒྲུབས༔ དགྲ་བགེགས་གདུག་པ་ཚར་ཆོད་ཅིག༔ བཛྲ་ས་དྷཱུ་ས་མ་ཡ་ཨེ་དཾ་བ་ལིཾ་ཏ་ཁཱ་ཧི༔ ས་མ་ཡ༔ དེ་ཡིས་རྡོར་ལེགས་བྲན་ཁོལ་ནས༔ ཕྲིན་ལས་སྒྲུབ་པའི་ལས་