Tibetan
ཐུམ༔ བསེན་མོའི་ཁ་ཐུམ༔ མོ་སྲི་མོའི་ཁ་ཐུམ༔ ཤི་འདྲེ་མོའི་ཁ་ཐུམ༔ གསོན་འདྲེ་མོའི་ཁ་ཐུམ༔ གྲོང་རྒྱུག་འདྲེ་མོའི་ཁ་ཐུམ༔ ཕྱི་རིམ་འོག་གི་རྩིབས་རྩེར་མོ་འདྲེའི་གཟུགས་བྲི༔ གནོད་བྱེད་མོ་སྲི་མོ་འདྲེ་ཐམས་ཅད་ཀྱི་ཁ་ཐུམ་མཆུ་ཆིངས་མིག་བསྒྲིབ་ཐུམ་རི་ལི་ལི་རྦད་ནན༔ ཕྱི་རིམ་འོག་གི་རྩིབས་རྩེ་མོ༔ ལྟེ་བར་བཟང་པོ་དྲུག་དང་ནི༔ མུ་ཁྱུད་ནག་པོ་དགུ་སྦྱོར་བྱུགས༔ རབ་གནས་བྱ་ཞིང་ཐུམ་ནག་པོར༔ བསྡུམ་ནས་མགུལ་དུ་བཏགས་པར་བྱ༔ མོ་སྲི་མོ་གདོན་མ་ལུས་པ༔ འདི་ཡིས་མི་ཐུབ་གང་ཡང་མེད༔ རིག་སྔགས་རྡོ་རྗེ་ཕ་ལམ་ཡིན༔ བཀའ་སྲུང་གཟའ་མཆོག་ཆེན་པོར་གཉེར༔ ཐུབ་པར་སྲུངས་ཤིག་ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ད༔ རིག་འཛིན་ཆོས་ཉིད་ཀློང་རྡོལ་གྱིས། །དགོངས་པ་མི་འགྱུར་བྲག་ནས་བཏོན། །རྣམ་དཀར་ཤོག་བུའི་ངོས་སུ་ཕབ། །ཡིག་རིས་ཚུལ་ཁྲིམས་རྡོ་རྗེས་བགྱིས། །རྣམ་མང་འགྲོ་ལ་ཕན་ཐོགས་ཤོག །དགེའོ །དགེའོ །དགེའོ།། །། སྱྃ༔ མ་ཧཱ་ཨ་ཏི་ཡོ་གའི་ཟབ་ཆོས་དགོངས་པ་ཀློང་རྡོལ་ལས༔ མཁའ་འགྲོ་ལབ་ཀྱི་སྒྲོན་མའི་བསྒྲུབ་པ་དངོས་གྲུབ་ཆུ་རྒྱུན་བཞུགས༔ ཤསྐ༔ ན་མོ་གུ་རུ་པདྨ་ཀ་ར་ཡེ༔ ཨ༔ ཀ་དག་ལྷུན་འབྱམས་ཆེན་པོའི་དབྱིངས༔ རྒྱུ་རྐྱེན་ལས་འདས་གཞལ་ཡས་ཁང་༔ ཡེ་ཤེས་ལྔ་རྫོགས་དལ་དབུས་སུ༔ མ་ཆགས་གེ་སར་བཞད་པའི་ཁར༔ སྐྱོན་བྲལ་ཉི་ཟླའི་གདན་སྟེངས་སུ༔ རང་རིག་ཡེ་ཤེས་རང་ངོར་སངས༔ སྐུ་གསུམ་ལྷུན་གྲུབ་མཁའ་འགྲོར་འཕོས༔ སྤྲུལ་སྐུ་མ་ཅིག་ལབ་སྒྲོན་མ༔ དཀར་མོ་མདངས་ལྡན་ལང་ཚོ་མཛེས༔ ཕྱག་གཉིས་གཡས་པས་གྲི་གུག་དང་༔ གཡོན་པས་ཐོད་པ་བདུད་རྩི་བསྣམས༔ དར་དང་རཏྣ་རུས་རྒྱན་སྤྲས༔ དབུ་སྐྲ་ཐོར་ཅོག་སྤྱི་བོར་བཅིང་༔ ལྷག་མ་ཐུར་འཕྱང་སྐུ་རྒྱབ་ཁེབས༔ གཡས་བསྐུམ་གཡོན་བརྐྱང་གར་སྟབས་རོལ༔ ཕུང་ཁམས་གཤེགས་པ་གཤེགས་མའི་གདན༔ དབང་ཡུལ་སེམས་དཔའ་སེམས་མའི་གདན༔ ཡན་ལག་སྒོ་བ་སྒོ་མའི་གདན༔ གདན་གསུམ་དཀྱིལ་འཁོར་ཡོངས་གྲུབ་ལྷ༔ གདོད་ནས་རང་བྱུང་ལྷུན་གྲུབ་རྫོགས༔ ཡེ་ཤེས་འོད་ལྔའི་ཀློང་དུ་གསལ༔ གསང་གསུམ་འཁོར་ལོའི་འོད་ཟེར་གྱིས༔ རབ་འབྱམས་རྒྱལ་བའི་དཀྱིལ་འཁོར་རྣམས༔ ཀ་དག་ཀློང་དུ་རོ་གཅིག་རོལ༔ ཐུགས་གསང་ཡེ་ཤེས་མཁའ་འགྲོ་མའི༔ ཡང་གསང་རྡོ་རྗེའི་ཐབས་ཤེས་སྦུབས༔ རིག་པ་ཧཱུྃ་མཐིང་མཐའ་བསྐོར་དུ༔ སྔགས་ཕྲེང་གཡོན་འཁོར་འཕྲོ་འདུ་ལས༔ བརྟན་གཡོའི་དངོས་ཞེན་འཁྲུལ་འཁོར་བཤིག༔ སྣང་གྲགས་རིག་གསུམ་རྡོ་རྗེའི་ངང་༔ ཨོཾ་ཨཱཿཧཱུྃ༔ ཛྙཱ་ན་ཌཱ་ཀི་ནཱི་དི་པ་སརྦ་སིདྡྷི་ཕ་ལ་ཧཱུྃ༔ དྲན་རིག་ཆོས་སྐུའི་རྒྱལ་པོ་ཡིས༔ རྟོགས་གྲོལ་ཡེ་ཤེས་རྡོ་རྗེར་གདམས༔ སྒོ་གསུམ་མཁའ་འགྲོའི་གསང་གསུམ་སྦྱོར༔ འདི་ལས་གཞན་དུ་མ་ཡེངས་པར༔ འབུམ་ཕྲག་བཅུ་གཉིས་གྲངས་རྫོགས་པའི༔ ཚེ་གཅིག་རིག་འཛིན་ས་ལ་རེག༔ ས་མ་ཡ༔ རྒྱ་རྒྱ་རྒྱ༔ སྤྲང་མ་ནུས་བདུད་འཇོམས་གླིང་པས་ཡིག་མེད་ནམ་མཁའི་བརྡ་རིས་ལས་དག་པར་ཕབ་པའི་ཡི་གེ་པ་ནི་ངག་དབང་རྒྱ་མཚོའོ།། །། 76 T1612 - 080 མ་ཧཱ་ཨ་ཏི་ཡོ་གའི་ཟབ་ཆོས་དགོངས་པ་ཀློང་རྡོལ་ལས༔ བགེགས་ཚོགས་ཚིམ་བྱེད་ཡས་གླུད་ལན་ཆགས་བསྔོ་ཐབས་འདོད་ཡོན་རྒྱན འཁོར་ཞེས་བྱ་བ་བཞུགས་སོ༔ TI1612 - 081 བདུད་འཇོམས་དགོངས་གཏེར་སྱྃ༔ ན་མོ་གུ་རུ་པདྨ་ཀ་ར་ཡེ༔ ཐཱ་བྷཱ༔ བདག་འདྲ་རིག་འཛིན་རྡོ་རྗེ་གཤོག་རྒོད་ངས༔ དེང་སང་དུས་ཀྱི་མར་གཤམ་སྙིགས་མ་འདིར༔ འགྲོ་རྣམས་བར་ཆད་གདོན་ལས་གྲོལ་བའི་ཕྱིར༔ གླུད་བསྔོས་ཟབ་མོ་འདོད་ཡོན་རྒྱན་འཁོར་ཞེས༔ ལེགས་པར་བཤད་ཀྱི་ཉོན་ཅིག་བདུད་འཇོམས་རྩལ༔ དུས་འདིར་སེམས་ཅན་ལས་ངན་དབང་ཆེ་བའི༔ ལས་ཀྱི་ལན་ཆགས་འདྲེ་རྒོད་གདུག་པ་དར༔ གློ་བུར་ཧུར་ཐུམ་ཉེས་པ་མང་པོ་འབྱུང་༔ འདི་བཟློག་ཕྱིར་ན་ཡས་གླུད་ལན་ཆགས་བཏང་༔ དེ་ཡིས་ཉེས་འགལ་ཐམས་ཅད་བཟློག་པར་འགྱུར༔ ས་མ་ཡ༔ འདི་ཉིད་ལག་ཏུ་ལེན་པའི་རིམ་པ་ནི༔ དུག་གསུམ་ལས་བྱུང་གདོན་གསུམ་བགེགས་ཀྱི་རྒྱལ༔ དེ་ལ་གཏི་མུག་ཀླུ་གདོན་ཕག་མགོ་ཅན༔ གཡས་སུ་ཞེ་སྡང་རྒྱལ་པོ་སྦྲུལ T11612 - 082 མགོ་ཅན༔ གཡོན་དུ་འདོད་ཆགས་བསེན་མོ་བྱ་མགོ་ཅན༔ དེ་ལ་ནམ་མཁའ་ནག་པོ་དཀར་པོ་དང་༔ དམར་པོ་ལ་སོགས་རང་རང་མདུན་དུ་བཙུག༔ ངར་མིའི་རང་མདོག་ཁ་དོག་མཛེས་པར་བྱ༔ སོ་སོའི་མདུན་དུ་ཏིང་ལོ་རང་མདོག་རེ༔ དེ་མཐར་ལན་ཆགས་བརྒྱ་སོགས་ཅི་མང་དང་༔ ཕོ་གླུད་མོ་གླུད་ཟན་དུམ་འབྲས་ཆངས་སོགས༔ དར་རས་གཟུགས་འགྲོས་གོས་དུམ་སྣ་ཚོགས་བཞག༔ རང་ཉིད་བཅོམ་ལྡན་འདས་རྒྱལ་བ་ཤཱཀྱ་སེང་གེའི་བསྒོམ་བཟླས་ལ་ཞུགས་མཐར༔ ཨཱཿ རང་ཉིད་བཅོམ་ལྡན་འདས་རྒྱལ་བ་ཤཱཀྱ་སེང་གེ་སྐུ་མདོག་གསེར་བཙོ་མ་ལྟ་བུ་ཞལ་གཅིག་ཕྱག་གཉིས་གཡས་ས་གནོན་དང་གཡོན་པས་མཉམ་བཞག་མཛད་པ་དབུ་ལ་གཙུག་ཏོར་དང་TI1612 - 083 ཞབས་ཀྱི་འཁོར་ལོ་ལ་སོགས་པའི་མཚན་བཟང་པོ་སུམ་ཅུ་རྩ་གཉིས་དང་དཔེ་བྱད་བཟང་པོ་བརྒྱད་ཅུས་སྤྲས་པ་འོད་དང་འོད་ཟེར་རབ་ཏུ་འབར་ཞིང་སྐུའི་བཀོད་པ་ལ་སངས་རྒྱས་ཀྱི་ཞིང་ཐམས ཅད་རྫོགས་པར་བསྒོམ༔ གནས་གསུམ་ལས་འོད་འཕྲོས་པས་ཡེ་ཤེས་པ་རྣམས་བཛྲ་ས་མ་ཡ་ཛ་ཛཿ ཛཿ ཧཱུྃ་བཾ་ཧོཿ ས་མ་ཡ་སྟྭཾ༔ དེ་ནས་གླུད་གཏོར་ལ་ཆབ་བྲན་ཏེ༔ ཨོཾ་སྭ་བྷ་སོགས༔ རང་མདུན་དུ་ཚེ་རབས་ལན་ཆགས་གདོན་བགེགས་ཐམས་ཅད་གདོན་གསུམ་གྱི་རྣམ་པར་དད་ཅིང་གུས་པའི་ཚུལ་གྱིས་གནས་པར་བསམ༔ དེ་ནས་ཚད་མེད་བཞི་བསྒོམ་ནས༔ སྣང་ཞིང་སྲིད་པའི་ཁམས་འདི་ན༔ ང་དང་བདག་ཏུ་འཛིན་པ་ཡི༔ རྣམ་རྟོག་འཁོར་བའི་གདོན་བགེགས་ཚོགས༔ གཏི་མུག་ཀླུ་གདོན་ཕག་མགོ་ཅན༔ ཞེ་སྡང་རྒྱལ་པོ་སྦྲུལ་གྱི་གདོང་༔ འདོད་ཆགས་མོ་གདོན་བྱ་ཡི་གདོང་༔ ཁྱོད་ལས་མ་བྱུང་ལྷ་འདྲེ་གང་༔ ཁྱོད་དང་ཁྱོད་ལས་བྱུང་བ་ཡི༔ སྲིད་པའི་གདོན་བགེགས་མ་ལུས་པ༔ ཤ་མཁོན་ཆད་པའི་ལན་ཆགས་འཇལ༔ སྦྱིན་ཡུལ གནས་འདིར་གཤེགས་སུ་གསོལ༔ ཞེ་སྡང་གདུག་པའི་སེམས་སྤོངས་ལ༔ བྱམས་པའི་སེམས་ཀྱིས་གཤེགས་སུ་གསོལ༔ གཏི་མུག་འཐིབས་པའི་སེམས་སྤོངས་ལ༔ མ་བུའི་འདུ་ ༔ ཤེས་བསྐྱེད་ལ་གཤེགས༔ འདོད་ཆགས་འཁྲུལ་པའི་སེམས་སྤོངས་ལ༔ གུས་འདུད་སེམས་ཀྱིས་གཤེགས་སུ་གསོལ༔ ཚེ་རབས་འཁོར་བ་ཐོག་མེད་ནས༔ ལས་ཀྱིས་འབྲེལ་བའི་ཕ་མ་རྣམས༔ དྲིན་ལན་འཇལ་གྱིས་འདིར་གཤེགས་ཤིག༔ ལན་གསུམ༔ ན་མོ༔ དྲིན་ཆེན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་༔ སངས་རྒྱས་ཀྱི་བཀའ༔ ཆོས་ཀྱི་བཀའ༔ དགེ་འདུན་གྱི་བཀའ གསང་སྔགས་དང་རིག་སྔགས་དང་གཟུངས་སྔགས་སྙིང་པོ་དང་ཕྱག་རྒྱ་ཏིང་ངེ་འཛིན་རྣམས་ཀྱི་བཀའ་བདེན་པ་དང་༔ བདེན་པ་ཆེན་པོའི་མཐུ་སྟོབས་ནུས་པས་བྱིན་གྱིས་བརླབས་པ་ལ་བརྟེན་ནས༔ དེང་འདིར་བདག་ཅག་དཔོན་སློབ་ཡོན་མཆོད་འཁོར་དང་བཅས་པ་ལ་གནོད་ཅིང་འཚེ་བར་བྱེད་པའི་གདོན་བགེགས་ལོག་པར་འདྲེན་པའི་ཚོགས་གང་དང་གང་ཡིན་པ་ཐམས་ཅད་ལན་ཆགས་གླུད་གཏོར་འདི་ཡི་མགྲོན་དུ་ཁུག་ཅིག༔ བཛྲ་ཨཾ་ཀུ་ཤ་ཡ་ཛ་ཛཿ ཞེས་ལན་གསུམ་མམ་བདུན་མཐར༔ ལྕགས་ཀྱུའི་ཕྱག་རྒྱ་ནས༔ ཛཿ ཧཱུྃ་བཾ་ཧོཿ ཞེས་ཕྱག་རྒྱ་བཞིས་འགུགས་འཆིང་སྡོམ་བསྟིམ་བྱ༔ དེ་ནས་ཡང་ཚད་མེད་བཞིའི་སྒོ་ནས༔ ཀྱེེ༔ ཉོན་ཅིག་སྲིད་པའི་ཕོ་མོ་རྣམས༔ བུ་ཡིས་འབོད་པའི་གནས འདི་རུ༔ ཡུད་ཙམ་བྱམས་པའི་སེམས་ཀྱི་སྡོད༔ གུས་པས་སེམས་ཀྱིས་ཚུར་གསོན་དང་༔ ཚེ་རབས་འཁོར་བ་ཐོག་མེད་ནས༔ ད་ལྟའི་བར་དུ་འཁྲུལ་པས་བསླུས༔ ང་བདག་གཟུང་འཛིན་གྱིས་བསླངས་པའི༔ དུག་གསུམ་དགྲར་ལངས་ལྷ་འདྲེ་རྣམས༔ སེམས་སམ་ཕ་མར་ཤེས་པ་ཡིས༔ དྲིན་ཤེས་ལན་ཆགས་གཏོར་མ་འཇལ༔ བུ་ལོན་ཚུལ་དུ་ལོངས་ལ་ཁྱེར༔ གདུག་སེམས་སྦྱོར་ངན་ཞི་གྱུར་ཅིག༔ བདག་དང་ཡོན་གྱི་བདག་པོ་ཡི༔ ལུས་སྲོག་ལོངས་སྤྱོད་ཚེ་མདངས་ཀྱི༔ རིན་ཐང་གླུད་བཟང་འབྲུ་སྣ་དང་༔ དར་ཟབ་རིན་ཆེན་གཟུགས་འགྲོས རིགས༔ ཁྱད་པར་རྒྱལ་བའི་བཀའི་གནང་བའི༔ ལན་ཆགས་འདོད་ཡོན་འབྱུང་གནས་འདི༔ གདོན་གསུམ་འཁོར་དང་བཅས་ལ་འབུལ༔ བཟུང་བ་ཐོངས་ལ་བཅིངས་པ་ཁྲོལ༔ བསྡམས་པ་གློད་ལ་མནན་པ་ཁྱོག༔ ནད་རྣམས་རབ་ཏུ་སོལ་མཛོད་ལ༔ གདོན་བགེགས་རང་གི་གནས་སུ་སོང་༔ འཕགས་པ་མཆོག་གསུམ་རིན་ཆེན་གྱིས༔ བཀའ་བསྒྲོ་ཡིན་ནོ་བཀའ་མ་བཅག༔ དམ་ཚིག་ཡིན་ནོ་དམ་མ་ཉམས༔ སྣང་སྲིད་ལྷ་འདྲེ་འཁོར་དང་བཅས༔ ཁྱད་པར་ལན་ཆགས་བུ་ལོན་མགྲོན༔ ཀུན་ལ་རང་མཐུན་ལན་ཆགས་འཇལ༔ བྱམས་གདུང་བརྩེ་ སྱྃ༔ བའི་སེམས་ཀྱིས་ལོངས༔ ཨོཾ་ཨཱཿཧཱུྃ༔ རཾ་ཡཾ་ཁཾ༔ སྟོང་པའི་ངང་ལས་ཏྲཾཿ ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་ཨོཾ་ལས་གླུད་གཏོར་འདོད པའི་ཡོན་ཏན་ཕུན་སུམ་ཚོགས་པ་མི་ཟད་པ་རྒྱན་གྱི་འཁོར་ལོ་རྒྱ་ཆེན་པོ་ནམ་མཁའི་གར་ཁྱབ་ཐམས་ཅད་ཁྱབ་པར་གྱུར༔ ཨོཾ་ཨཱཿ ཧཱུྃ༔ ལན་ཆགས་བདུན་དང་འབྲས་ཆན་དར་ཟབ་ངར་མི་རེ་ཐོགས་ལ༔ དེ་བཞིན་གཤེགས་པ་བཞིའི་མཚན་དང་༔ ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོ་སམྦྷ་ར་སམྦྷ་ར་ཧཱུྃ༔ ཞེས་ལན་གྲངས་བརྒྱ་རྩའམ་ཉེར་གཅིག་རེའི་མཐར༔ ན་མོ༔ དྲིན་ཆེན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་༔ སངས་རྒྱས་ཀྱི་བཀའ་ཆོས་ཀྱི་བཀའ དགེ་འདུན་གྱི་བཀའ བླ་མ་ཡི་དམ་དཔའ་བོ་མཁའ་འགྲོའི་ཚོགས་དང་བཅས་པ་རྣམས་ཀྱི་བཀའ ཆོས་ཉིད་ངོ་བོ་གདོད་ནས་དག་པའི་བདེན་པ་དང་༔ ཆོས་ཅན་རྒྱུ་འབྲས་བསླུ་བ་མེད་པའི་བདེན་པ་དང་བདེན་པ་ཆེན་པོའི་མཐུ་སྟོབས་ཀྱིས་བདག་ཅག་དཔོན་སློབ་འཁོར་དང་བཅས་པའི་ནད་གདོན་འགལ་རྐྱེན་བར་ཆད་ཆག་ཆེ་ཉམ་ང་ལོ་ཀག་ཟླ་གཤེད་སྔོན་ལས་འཕྲལ་རྐྱེན་ངན་པ་ཐམས་ཅད་ཞི་ཞིང་བཟློག་པར་གྱུར་ཅིག༔ ང་བདག་གཟུང་འཛིན་རྒྱུ་རྐྱེན་རྟེན་ འབྲེལ་གྱི་ཀུན་ནས་བསླང་བའི་ལན་ཆགས་བགེགས་རིགས་གནས་གདོན་ལུས་གདོན་ཐམས་ཅད་ངོམས་ཤིང་ཚིམ་ནས་གནོད་འཚེའི་སྦྱོར་བ་ཐམས་ཅད་ཞི་ཞིང་གྲོལ་བར་གྱུར་ཅིག༔ ཆོས་ཉིད་སྟོང་པའི་ངང་དུ་བྷྱོ་བཟློག་སྭཱ་ཧཱཿ ཞེས་ལན་ཆགས་རྣམས་རྫོགས་པར་བསྔོས་མཐར༔ རྫོང་འདེབས་ཀྱི་རྫས་ལ་གླུད་དང་ཆངས་བུ་ཟན་དུམ་རིལ་བུ་དར་ཟབ་གོས་དུམ་འབྲས་ཆན་བསགས་ལ༔ ཨོཾ་ཨཱཿཧཱུྃ༔ གླུད་གཏོར་འདོད་པའི་ཡོན་ཏན་ལྔ་དང་ལྡན་པ་གང་ལ་མཁོ་རྒུའི་ལོངས་སྤྱོད་ཕུན་སུམ་ཚོགས་པ་མི་ཟད་པ་ནམ་མཁའི་མཛོད་དུ་གྱུར༔ ཨོཾ་ཨཱཿ ཧཱུྃ་ཧ་ཧོ་ཧྲཱིཿ ལན་གསུམ༔ ཨོཾ་ཨ་ཀཱ་རོ་སོགས་ལན་བདུན་བརྗོད༔ དེ་ནས་སྐད་ཅིག་དྲན་རྫོགས་ཀྱིས༔ ཧཱུྃ་ཧཱུྃ་ཧཱུྃ༔ཞེས༔ རང་ཉིད་སྐད་ཅིག་གིས་འཇམ་དཔལ་གཤིན་རྗེའི་གཤེད་སྐུ་མདོག་སེར་ནག་ཞལ་གཅིག་ཕྱག་གཉིས་གཡས་རལ་གྲི་དང་གཡོན་པས་ཞགས་པ་བསྣམས་པ་མེ་དཔུང་དམར་ནག་འབར་བའི་ཀློང་དུ་ཞབས་གཉིས་གྱད་ཀྱི་འདོར་སྟབས་སུ་བསྒྲད་པ་དུར་ཁྲོད་ཆས་བརྒྱད་ཀྱིས་བརྒྱན་པ་སྐུའི་ཆ་གསུམ་ལ་རྩ་གསུམ་རྒྱལ་བའི་དཀྱིལ་འཁོར་ཡོངས་སུ་རྫོགས་པ་འཁོར་འདས་ཁྱབ་གདལ་གྱི་སྐུར་བསྒོམ་མོ༔ ཐུགས་ཀར་ཧཱུྃ་ཡིག་གི་མཐར༔ ཨོཾ་ཧྲཱིཿ ཥྚི་ཝིཥྚི་ཏ་ན་ན་ཧཱུྃ་ཕཊ༔ ཧཱུྃ་ཧཱུྃ༔ ང་ནི་ཆེ་མཆོག་འཇིགས་བྱེད་འབར་ ༔ བའི་སྐུ༔ ང་ནི་དུས་གསུམ་རྒྱལ་བ་འདུས་པའི་དཔལ༔ ང་ནི་མ་མོ་མཁའ་འགྲོ་ཡོངས་ཀྱི་ཡབ༔ ང་ནི་ལྷ་སྲིན་སྡེ་བརྒྱད་ཡོངས་ཀྱི་རྗེ༔ ང་ནི་གདོན་བགེགས་འབྱུང་པོ་ཀུན་གྱི་གཤེད༔ ང་ཡི་བཀའ་ལ་སུ་ཡང་འདའ་མ་བྱེད༔ གལ་ཏེ་ང་ཡི་བཀའ་ལ་འདའ་བྱེད་ན༔ ཡེ་ཤེས་འབར་བའི་ཁྲོ་ཚོགས་དཔག་མེད་ཀྱིས༔ དམ་ཉམས་ཁྱོད་ཀྱི ལུས་སེམས་རྡུལ་དུ་བརླག༔ དེ་བས་ཐམས་ཅད་བདེན་པའི་བཀའ་ལ་ཉོན༔ ཀྱེེ༔ ཁམས་གསུམ་འཁོར་བར་འགྲོ་བའི་གཤེད༔ གཏི་མུག་ཀླུ་གདོན་ཕག་མགོ་ཅན༔ ཁྱོད་དང་ཁྱོད་ལས་བྱུང་བ་ཡི༔ སྣང་སྲིད་ལྷ་འདྲེ་རང་གནས་ཆོས༔ འདོད་ཡོན་མི་ཟད་གཏེར་གྱི་ཚོགས༔ རང་རང་མཐུན་རྫས་རྫོངས་སུ་འདེབས༔ དགའ་མགུ་ཡི་རང་ཚིམ་མཛོད་ལ༔ བཟུང་བ་ཐོངས་ལ་བཅིངས་པ་ཁྲོལ༔ བསྡམས་པ་ཀློད་ལ་མནན་པ་ཁྱོག༔ ཟོས་པ་སྐྱུག་ལ་སྦྱོར་བ་ཤིག༔ འདུས་དང་བད་ཀན་ལས་གྱུར་ནད༔ མ་ལུས་ཞི་ཞིང་སེལ་བར་མཛོད༔ ནད་དེ་ནད་བདག་རང་གིས་ཁྱེར༔ གྲིབ་དེ་གྲིབ་བདག་རང་གིས་ཁྱེར༔ གདོན་དེ་ཡས་དང་གླུད་ཀྱིས་བཀར༔ སོ་སོ་རང་རང་གནས་སུ་སོང་༔ དཀོན་མཆོག་བདེན་པའི་བཀའ་བསྒོའོ༔ མཆོག་T11612 - 089 གསུམ་བདེན་པའི་བཀའ་མ་བསླུ༔ རྩ་གསུམ་བདེན་པའི་དམ་ཚིག་ཡིན༔ དམ་ལ་མ་འདའ་དམ་ལོངས་ཤིག༔ སརྦ་རུ་ཏྲི་རཱུ་ཏྲ་ཨུ་ཙ་ཏ་ཡ་ཕཊ༔ ཀྱེེ༔ ཁམས་གསུམ་འཁོར་བར་འཁོར་བའི་གཤེད༔ ཞེ་སྡང་རྒྱལ་པོ་སྦྲུལ་མགོ་ཅན༔ ཁྱོད་དང་ཁྱོད་ལས་བྱུང་བ་ཡི༔ སྣང་སྲིད་ལྷ་འདྲེ་རང་གནས་ཆོས༔ འདོད་ཡོན་སྣ་ཚོགས་རྫོངས་སུ་འདེབས༔ དགའ་མགུ་ཡི རང་ཚིམ་མཛོད་ལ༔ བཟུང་བ་ཐོངས་ལ༴ བསྡམས་པ་ཀློད་ལ༴ ཟོས་པ་སྐྱག་ལ༴ འདུས་པ་རླུང་ལས་གྱུར་པའི་ནད༔ མ་ལུས་ཞི་ཞིང་ཿ ནད་དེ་ནད་བདག གྲིབ་དེ་གྲིབ་བདག༴ གདོན་དེ་ཡས་དང་སོ་སོ་རང་རང་དཀོན་མཆོག་བདེན་པའི་བཀའ་བསྒོའོ༔ མཆོག་གསུམ རྩ་གསུམ་དམ་ལ་མ་འདའ༴ སརྦ་ཏྲི་རཱ་ཙ་རཱུ་ཏྲ་ཨུ་ཙ་ཏ་ཡ་ཕཊ༔ ཀྱེེ༔ ཁམས་གསུམ་འཁོར་བར་འཁོར་བའི་གཤེད༔ འདོད་ཆགས་མོ་གདོན་བྱ་ཡི་མགོ༔ ཁྱོད་དང་ཁྱོད་ལས༴ སྣང་སྲིད་ལྷ་འདྲེ འདོད་ཡོན་སྣ་ཚོགས༔ དགའ་མགུ་ཡི་རང་༔ བཟུང་བ་ཐོངས་ལ༴ བསྡམས་པ་ཀློད་ལ༴ ཟོས་པ་སྐྱུག་ལ༴ འདུས་དང་མཁྲིས་པ་ལས་གྱུར་ནད༔ མ་ལུས་ཞི་ཞིང་༔ ནད་དེ་ནད་བདག༴ གྲིབ་དེ་གྲིབ་བདག༴ གདོན་དེ་ཡས་དང་T1612 - 090 སྱྃ༔ སོ་སོ་རང་རང་དཀོན་མཆོག་བདེན་པའི་བཀའ་བསྒོའོ༔ མཆོག་གསུམ རྩ་གསུམ་དམ་ལ་མ་འདའ་དམ་ལོངས་ཤིག༔ སརྦ་རཱུ་ཏྲ་ཨུ་ཙ་ཏ་ཡ་ཕཊ༔ ཀྱེེ༔ ཆོས་ཤིག་ཆོས་ཤིག་གདོན་གསུམ་ཚོགས༔ སོང་ཞིག་སོང་ཞིག་ད་སོང་ཞིག༔ གཏི་མུག་ཀླུ་གདོན་ཕག་མགོ་ཅན༔ ཁྱོད་དང་སྤྲུལ་པའི་འཁོར་ཚོགས་བཅས༔ ཆོས་དབྱིངས་སྟོང་པའི་ཀློང་དུ་གཤེགས༔ སླར་གྱི་རྐྱེན་ཀག་མ་བྱེད་ཅིག༔ ཀྱེེ༔ ཆོས་ཤིག་ཆོས་ཤིགཿ སོང་ཞིག་སོང་ཞིགཿ ཞེ་སྡང་རྒྱལ་པོ་སྦྲུལ་མགོ་ཅན༔ ཁྱོད་དང་སྤྲུལ་པའི་འཁོར་ཚོགས བཅས༔ ཡུལ་མེད་སྟོང་པའི་ཀློང་དུ་གཤེགས༔ ཕྱིན་ཆད་ཀག་སྦྱོར་མ་བྱེད་ཅིག༔ ཀྱེེ༔ ཆོས་ཤིག་ཆོས་ཤིག སོང་ཞིག་སོང་ཞིགཿ འདོད་ཆགས་མོ་གདོན་བྱ་མགོ་ཅན༔ ཁྱོད་དང་སྤྲུལ་པའི་ཆོ་འཕྲུལ་འཁོར༔ གསལ་ཁྱབ་ཆེན་པོའི་ཀློང་དུ་གཤེགས༔ རྡོ་རྗེ་ཐོད་ཕྲེང་བཀའ་བཞིན་དུ༔ སྔགས་འཆང་བདག་གི་གནས་འདི་རུ༔ སུ་ཡང་འདུག་པར་མ་བྱེད་ཅིག༔ གལ་ཏེ་མི་འགྲོ་འདུག་གྱུར་ན༔ ང་ཉིད་དྲག་པོའི་ལྷར་ལངས་ཏེ༔ སྣང་སྲིད་ཁམས་ཡང་འཇིགས་པར་བྱེད༔ དེ་བས་ད་ལྟ་ཕྱིར་དེངས་ཤིག༔ ཧཱུྃ་ཧཱུྃ་ཨུ་ཙ་ཏ་ཡ་ཕཊ༔ ཅེས་རང་ ཉིད་ལྟ་བ་གྱད་ཀྱི་ལྷའི༔ དྲག་སྔགས་བཟླ་ཞིང་ཐུན་ཆར་ཕབ༔ སླར་ཡང་བསྲུང་བའི་འཁོར་ལོ་བསྒོམ༔ འདི་ལས་ཟབ་པའི་མན་ངག་དཀོན༔ བར་ཆད་གདོན་བགེགས་ཐམས་ཅད་དང་༔ ཉེས་པ་ཀུན་ལས་རྣམ་གྲོལ་ལོ༔ མི་ཕྱུགས་གཉིས་ལ་མི་འདོད་རྐྱེན༔ བྱུང་ཚེ་འདི་ལ་བརྩོན་པར་བྱ༔ དྲག་པོའི་ལས་ལས་འདི་ཟབ་བོ༔ ས་མ་ཡ༔ རྒྱ་རྒྱ་རྒྱ༔ དྱཐྱ།༔ བཀའ་འདི་བསྟན་སྲུང་ཡོངས་ལ་བཅོལ༔ ཐུབ་པར་སྲུངས་ཤིག་ས་མ་ཡ༔ ཞེས་པ་འདི་ཆུ་མོ་ཕག་གི་ལོར་ཧོར་ཟླ་བཞི་པའི ཚེས་བཅུའི་ནུབ། འོད་གསལ་རྫོགས་ཆེན་གྱི་རྣལ་འབྱོར་མཁའ་འགྲོའི་གསང་མཛོད་ཀྱི་བདག་པོ་སྔགས་འཆང་བདུད་འཇོམས་རྡོ་རྗེ་ཞེས་བྱ་བ་ལ་དཔལ་ཨོ་རྒྱན་ཆོས་ཀྱི་རྒྱལ་པོས་དངོས་སུ་གསུངས་ཏེ་རྡོ་རྗེ་མཁའ་འགྲོའི་གནས་མཆོག་དབེན་གནས་བཀྲ་ཤིས་ཕུག་པའི་སྒོ་འགྲམ་གཡོན་ནས་བྲིས་ཏེ་དག་པར་ཕབ་པའི་ཡི་གེ་པ་ནི་ཧོར་གྱི་བཙུན་པ་ཕུན་ཚོགས་བཀྲ་ཤིས་སོ། །སརྦ་མངྒ་ལཾ། །། །། T11612 - 092 སྱྃ༔ མ་ཧཱ་ཨ་ཏི་ཡོ་གའི་ཟབ་ཆོས་དགོངས་པ་ཀློང་རྡོལ་ལས༔ ཚེ་ཐར་བྱེད་པའི་ཆོ་ག་བཀྲ་ཤིས་ཚེ་བཅུད་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ དུད་འགྲོ་ཚེ་ཐར་བྱེད་འདོད་ན༔ དང་པོ་བགེགས་བསྐྲད་པ་ནི༔ རང་ཉིད་སྐད་ཅིག་གིས་ཡེ་ཤེས་ཁྲོ་བོ་བདུད་རྩི་འཁྱིལ་བ་ལྗང་ནག་རྒྱ་གྲམ་དང་དུང་ཁྲག་འཛིན་པའི་སྐུར་གྱུར༔ ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ༔ ཅེས་བརྗོད་མཐར༔ ཧཱུྃ༔ ང་ནི་ཁྲོ་རྒྱལ་བདུད་རྩི་འཁྱིལ༔ འཁོར་འདས་ཡོངས་ཀྱི་སྤྱི་དཔལ་སྟེ༔ ཉོན་ཅིག་བགེགས་དང་ལོག་འདྲེན་ཚོགས༔ གནས་འདིར་མ་འདུག་གཞན་དུ་སོང་༔ བཀའ་ལས་འདའ་ན་རྡུལ་དུ་རློག༔ དམ་ལས་འདས་ན་དམྱལ་བར་བསྲེགས༔ དེ་བས་ད་ལྟ་ཕྱིར་དེངས་ཤིག༔ རྩ་སྔགས་ཧཱུྃ་བཞིའི་སྔགས་བརྗོད་ལ་བྲབ༔ ཧཱུྃ༔ ཡེ་ཤེས་རོལ་པའི་ཆོ་འཕྲུལ་ལས༔ འཁོར་ལོ་རྡོ་རྗེ་རིན་ཆེན་དང་༔ པདྨ་རྒྱ་གྲམ་མེ་དཔུང་གི༔ སྲུང་བའི་འཁོར་ལོ་སྲ་བརྟན་གྱུར༔ བུདྡྷ་བཛྲ་རཏྣ་པདྨ་ཀརྨ་རཀྵ་རཀྵ༔ དེ་ནས་ཁྲུས་བྱ་བ་ནི༔ ཧཱུྃ༔ དུས་གསུམ་སངས་རྒྱས་ཐམས་ཅད་ཀྱིས༔ བྱིན་གྱིས་བརླབས་པའི་དག་བྱེད་ཆུས༔ འགྲོ་བ་འདི་ལ་ཁྲུས་བགྱིའོ༔ སྒྲིབ་གཉིས་བག་ཆགས་དག་གྱུར་ཅིག༔ ཅེས་ཡིག་བརྒྱ་དང་ཀཾ་ཀ་ནི་བརྗོད༔ ཨོཾ་སརྦ་པཱ་པཾ་ཤཱནྟི་ཀུ་རུ་ཡེ་སྭཱ་ཧཱ༔ ཧ་ལ་པཉྩ་ཤུདྡྷེ་ཤུདྡྷེ་ཡེ་སྭ་ཧཱ༔ ཞེས་པའི་མཐར༔ མདུན་གྱི་ནམ་མཁར་མཆོག་གསུམ་སྐུ་གསུམ་རྩ་གསུམ་རྒྱ་མཚོའི་ཚོགས་ཐམས་ཅད་བཀྲ་དཔུང་ངེ་འོད་ཐིབས་སེ་བཞུགས་པར་མོས་ལ༔ ཕྱོགས་བཅུའི་རྒྱལ་བ་སྲས་དང་བཅས་པ་ཐམས་ཅད་བདག་ལ་དགོངས་སུ་གསོལ༔ བདག་དང་ཡོན་གྱི་བདག་པོའི་ཚོགས་གཉིས་ཡོངས་སུ་རྫོགས་ཤིང་སྒྲིབ་གཉིས་བག་ཆགས་ཐམས་ཅད་བྱང་བའི་ཆེད་དུ༔ ཚེ་དང་ལྡན་པའི་ཚེ་ཐར་འདི༔ སྟོན་པ་རྫོགས་སངས་རྒྱས་ལ་འབུལ༔ ཚེ་དཔལ་གཡང་སྐྱོབས་བྱིན་གྱིས་རློབས༔ ཚེ་གཡང་བརྟན་པར་མཛད་དུ་གསོལ༔ ཚེ་དང་ལྡན་པའི་ཚེ་ཐར་འདི༔ སྐྱོབ་པ་དམ་ཆོས་རྣམས་ལ་འབུལ༔ ཚེ་དཔལ་གཡང་༔ ཚེ་གཡང་བརྟན་པར ཚེ་དང་ལྡན་པའི༴ འདྲེན་པ་དགེ་འདུན་རྣམས་ལ་འབུལ༔ ཚེ་དཔལ་གཡང་༔ ཚེ་གཡང་བརྟན་པར ཚེ་དང་ལྡན་པའི༴ རྩ་བརྒྱུད་བླ་མ་རྣམས་ལ་འབུལ༔ ཚེ་དཔལ་གཡང་ཚེ་གཡང་བརྟན་པརཿ ཚེ་དང་ལྡན་པའི༴ ཡི་དམ་ལྷ་ཚོགས་རྣམས་ལ་འབུལ༔ ཚེ་དཔལ་གཡང་ཚེ་གཡང་བརྟན་པར ཚེ་དང་ལྡན་པའི༴ མ་མོ་མཁའ་འགྲོའི་ཚོགས་ལ་འབུལ༔ ཚེ་དཔལ་གཡང་ཚེ་གཡང་བརྟན་པར ཚེ་དང་ལྡན་པའི༴ བཀའ་སྲུང་ སྱྃ༔ དམ་ཅན་རྣམས་ལ་འབུལ༔ ཚེ་དཔལ་གཡང་༔ ཚེ་གཡང་བརྟན་པར ཚེ་དང་ལྡན་པའི༴ ནོར་ལྷ་གཏེར་བདག་རྣམས་ལ་འབུལ༔ ཚེ་དཔལ་གཡང་སྐྱོབས་བྱིན་གྱིས་རློབས༔ ཚེ་གཡང་བརྟན་པར་མཛད་དུ་གསོལ༔ དེ་ནས་ཚེ་འགུགས་ནི༔ ཧྲཱིཿ དཀོན་མཆོག་རྩ་གསུམ་སྲུང་མའི་བདེན་པ་དང་