Tibetan
གཉིས་རྫོགས་ཕྱིར་ཚོགས་མཆོད་འབུལ༔ དུས་བཟང་དང་ནི་མང་འགྱུར་དུས༔ བཀྲ་ཤིས་སྐྱིད་པའི་གནས་མཆོག་ སྱྃ༔ ཏུ༔ འབྱོར་ཚོགས་བཤམས་ལ་ཡིད་ཀྱིས་སྤེལ༔ དེ་ལ་དང་པོ་བྱིན་བརླབ་ནི༔ རཾ་ཡཾ་ཁ༔ རྣམ་རྟོག་མཚན་མའི་བག་ཆགས་སྦྱངས༔ སྣང་སྲིད་ཚོགས་ཀྱི་འཁོར་ལོ་བཤམས༔ འབྲུ་གསུམ་འོད་ཞུ་བདུད་རྩིར་བསྒྱུར༔ མཆོད་སྤྲིན་རྒྱ་མཚོས་འཁོར་འདས་ཁྱབ༔ ཨོཾ་ཨཱ་ཧཱུྃ༔ ལན་གསུམ༔ དེ་ནས་སྤྱན་འདྲེན་པ་ནི༔ ཧཱུྃ་ཧྲཱིཿ སྣང་སྲིད་གཞིར་བཞེངས་དཀྱིལ་འཁོར་ནས༔ རང་བྱུང་ཡེ་ཤེས་རང་མདངས་ལས༔ རྩ་གསུམ་དཔའ་བོ་མཁའ་འགྲོའི་ཚོགས༔ ཚོགས་ལ་སྤྱན་འདྲེན་གཤེགས་སུ་གསོལ༔ བཛྲ་ས་མ་ཡ་ཛ་ཛཿ དེ་ནས་ཚོགས་ཕུད་འབུལ་བ་ནི༔ ཧོཿ སྣང་བ་སྣོད་ཀྱི་གཞོང་པ་རུ༔ སྲིད་པ་བཅུད་ཀྱི་འདོད་ཡོན་ཚོགས༔ ཟག་མེད་ཡེ་ཤེས་བདུད་རྩི་འདི༔ རང་རིག་རྩ་བ་གསུམ་ལ་འབུལ༔ ཨོ་ཨཱཿ ཧཱུྃ་བཛྲ་གུ་རུ་དྷེ་ཝ་དྷཱ་ཀི་ནཱི༔ ཨོཾ་བཛྲ་ཀྲོ་ཏ་ཨ་མྲྀ་ཏ་ཀུཎྜ་ལཱི་ཧཱུྃ༔ མ་ཧཱ་ག་ཎ་ཙཀྲ་པཱུ་ཛ་ལ་ཁཱ་ཧི༔ དེ་ནས་བཤགས་པ་ནི༔ ཧོཿ ཡེ་ཤེས་རང་སྣང་རྒྱལ་བའི་ཞིང་༔ དག་པ་རབ་འབྱམས་སངས་རྒྱས་ཏེ༔ མ་རྟོགས་འཁོར་བར་འཁྱམས་པའི་སེམས༔ ཐམས་ཅད་ཚོགས་ཀྱིས་བསྐང་ཞིང་བཤགས༔ ཨོཾ་ག་ཎ་ཙཀྲ་སཏྭ་སོགས༔ དེ་ནས་བདག་འཛིན་རཱུ་ཏྲ་བསྒྲལ་བ་ནི༔ ཧཱུྃ༔ གདོད་ནས་རང་རིག་ཡེ་ཤེས་ལྷ༔ རྟོག་ཚོགས རང་གྲོལ་ཐུགས་རྗེའི་མཚོན༔ ཆར་ལྟར་འབེབས་ཤིང་རླུང་ལྟར་འཚུབས༔ བདག་ཏུ་འཛིན་པའི་རཱུ་ཏྲ་བཤིག༔ ཨོཾ་བཛྲ་ཛྙཱ་ན་ཀྲོ་ཏ་ཨ་མྲྀ་ཏ་ཀུཎྜ་ལཱི་ཧཱུྃ༔ དགྲ་བགེགས་ཨཾ་ཀུ་ཤ་ཛ་ཕྱེས་ཤིག་ཛྭ་ལ་པ་ཡ་ཏ་ཐ་ཡ་ཕྱེ་མ་ཕྱེ་མ་མཱ་ར་ཡ་ཕཊ༔ དེ་ནས་བསྟབས་པ་ནི༔ ཧོཿ མ་རིག་གཉིས་སུ་འཛིན་པ་ཡི༔ རྣམ་རྟོག་འཁོར་བའི་ངར་འཛིན་བགེགས༔ ཆོས་ཉིད་རོལ་པའི་དབྱིངས་སུ་བསྒྲལ༔ སྐྱེ་མེད་ཆོས་སྐུའི་ཀློང་དུ་བསྟབས༔ གུ་རུ་དྷེ་ཝ་དྷཱ་ཀི་ནཱི་དགྲ་བགེགས་སརྦ་ཤ་ཏྲུཾ་མཱ་ར་ཡ་ཁཱ་ཧི༔ དེ་ནས་ཚོགས་ཀྱི་དངོས་གྲུབ་རྡོ་རྗེ་སློབ་དཔོན་ལ་འབུལ་ཏེ༔ ཀྱེེ༔ སྟོན་པ་རྡོ་རྗེ་རྒྱལ་པོ་དགོངས༔ འདོད་ཡོན་ཚོགས་འཁོར་དམ་པ་འདིར༔ གཙང་དང་རྨེ་བ་གཉིས་འཛིན་བྲལ༔ བྲམ་ཟེ་གདོལ་པ་ཁྱི་དང་ཕག༔ རང་བཞིན་གཅིག་ཏུ་དགོངས་ཏེ་རོལ༔ བླ་མས༔ ཧོཿ ཚོགས་འཁོར་འདོད་ཡོན་གསང་སྔགས་རྫས༔ དངོས་གྲུབ་ཐམས་ཅད་འདི་ལས་བྱུང་༔ བླ་མེད་ཐེག་པ་ཆེན་པོའི་བཅུད༔ ཚོགས་ཀྱི་མཆོད་པ་རྒྱན་དུ་རོལ༔ ཨ་ལ་ལ་ཧོཿ དེ་ནས་ལྷག་མ་ཁ་ཆུས་བྲན་ལ༔ ཨོཾ་ཨཱཿ ཧཱུྃ༔ ལྷག་ལ་དབང་བ་མ་མོའི་ཚོགས༔ བསྟན་པ་བསྲུང་བའི་དམ་ཅན་རྣམས༔ འདིར་གཤེགས་ལྷག་མའི་འདོད་ཡོན་རོལ༔ བསྟན་པ་བསྲུང་ལ་དགྲ་ རྒྱ༔ བགེགས་སྒྲོལ༔ མ་མ་ཌཱ་ཀི་ནཱི་སརྦ་ངྷརྨ་པཱ་ལ་སརྦ་ལོ་ཀ་པཱ་ལ་མ་ཧཱ་ག་ཎ་ཙཀྲ་ཨ་མྲྀ་ཏ་ཁཱ་ཧི༔ དེ་ནས་ཆད་མདོ་བཏང་བ་ནི༔ ཧཱུྃ་བྷྱོ༔ སྔོན་ཚེ་ཀུན་བཟང་གསང་བདག་པད་འབྱུང་གི༔ བཀའ་ཉན་ཁས་བླངས་དམ་བཅས་དྲེགས་པའི་ཚོགས༔ འདིར་གཤེགས་བཀའ་ཡི་གཏོར་མ་འདི་ལོངས་ལ༔ དམ་ལ་མ་འདའ་ཕྲིན་ལས་རྣམ་བཞི་བསྒྲུབ༔ བཛྲ་ས་མ་ཡ༔ དེ་ནས་བརྟན་མ་ནི༔ ཧོཿ ཀུན་བཟང་སྒྱུ་འཕྲུལ་པདྨ་འབྱུང་གནས་ཀྱིས༔ བཀའ་བསྒོས་དམ་བཞག་མ་མོ་བརྟན་མའི་ཚོགས༔ འདིར་གཤེགས་དམར་གྱི་གཏོར་མ་འདི་ལོངས་ལ༔ ཡང་གསང་བསྟན་པ་སྤེལ་ལ་ཕྲིན་ལས་བསྒྲབ༔ མ་མ་ཌཱ་ཀི་ནཱི་སརྦ་ས་མ་ཡ་བ་ལིཾ་ཏ་ཁཱ་ཧི༔ དེ་ནས་བྲོ་མནན་ནི༔ ཧཱུྃ་ཧཱུྃ་ཧཱུྃ༔ མ་རིག་ཉོན་མོངས་རྒྱུར་བྱུང་བའི༔ རྐྱེན་སྣང་བདུད་བགེགས་དམ་སྲིའི་ཚོགས༔ རིམ་དགུ་ས་ཡི་འོག་ཏུ་མནན༔ མ་ཤོར་ཐེག་པ་རིམ་དགུའི་རྒྱ༔ ཡ་མ་དམ་སྲི་སྟྭཾ་བྷ་ཡ་ནན༔ མཱ་ར་ཡ་ནན༔ དེ་ནས་ཉེས་འགལ་བཤགས་པ་ནི༔ ཧོཿ ཡེ་རིག་ཆོས་སྐུ་སྤྲོས་མཐའ་བྲལ༔ རྒྱལ་ཀུན་དཀྱིལ་འཁོར་ཡོངས་རྫོགས་ལ༔ མ་རྟོགས་ལོག་པའི་ལམ་ཞུགས་ཏེ༔ འགལ་འཁྲུལ་ཉམས་ཆག་ཐམས་ཅད་བཤགས༔ ཨོཾ་བཛྲ་སཏྭཿ ཅི་མང་བཟླས༔ དེ་ནས་བཀྲ་ཤིས་ནི༔ ཧཱུྃ༔ སྐྱེ་མེད་མཐའ་བྲལ་ཆོས་ཀྱི་སྐུ༔ འགགས་མེད་རོལ་པ་ལོངས་སྤྱོད་རྫོགས༔ ཕྱོགས་མེད་ཐུགས་རྗེ་སྤྲུལ་པའི་སྐུ༔ སྐུ་གསུམ་ལྷུན་གྲུབ་བཀྲ་ཤིས ཤོག༔ དེ་ནས་བསྔོ་སྨོན་ནི༔ ཧོཿ འདི་དང་དུས་གསུམ་དགེ་ཚོགས་རྣམས༔ མ་ལུས་བསྡུས་ཏེ་འགྲོ་ལ་བསྔོ༔ མ་གྱུར་སེམས་ཅན་མ་ལུས་པ༔ ཚོམ་བུ་གཅིག་ཏུ་སངས་རྒྱས་ཤོག༔ དེ་ནས་རྟག་པར་ལྟ་བའི་མཐའ་སེལ་ཆེད་དུ་བསྡུ་རིམ་ནི༔ སྣོད་བཅུད་དཀྱིལ་འཁོར་རང་ཉིད་ལ༔ བདག་ཀྱང་ཐུགས་ཀའི་སྔགས་འཁོར་དང་༔ སྔགས་ཕྲེང་ཧཱུྃ་ཡིག་ཐིག་ལེ་ལ༔ ཐིག་ལེ་ཆོས་དབྱིངས་ངང་དུ་ཐིམ༔ དེ་ནས་ཆད་པར་ལྟ་བའི་མཐའ་བསལ་བ་ནི༔ ཧཱུྃ་ཧཱུྃ་ཧཱུྃ༔ ཆོས་དབྱིངས་རོལ་པའི་མཁའ་ཀློང་ནས༔ མི་འཇིགས་རྡོ་རྗེའི་སྐུར་བཞེངས་པའི༔ སྣང་སྲིད་རིག་སྟོང་ཆོས་སྐུའི་ཞིང་༔ འགྱུར་མེད་ནམ་མཁའི་ངོ་བོར་གསལ༔ ས་མ་ཡ༔ ཧོཿ རིག་པ་ཀུན་བྱེད་དཔའ་བོ་དང་༔ རྟོག་ཚོགས་རང་གྲོལ་རྣལ་འབྱོར་ཚོགས༔ འདི་ནི་གསང་སྔགས་ཀུན་གྱི་བཅུད༔ ཐབས་ལམ་ནང་ནས་དོན་དམ་ལྟར༔ སྙིང་ཐིག་ནང་ནས་ཡང་བཅུད་ཡིན༔ མཐར་ཐུག་རྫོགས་པ་ཆེན་པོར་གྲོལ༔ ཆོས་རྣམས་གྲོལ་ས་དེ་ལས་གང་༔ ཚེ་གཅིག་སངས་རྒྱས་ཟབ་ལམ་འདི༔ ཉམས་ལེན་སྣོད་ལྡན་དག་ལ་གདམས༔ གང་རུང་བ་ཡི་སྤྱོད་ཡུལ་མིན༔ དམ་ལྡན་བརྩོན་འགྲུས་སྙིང་སྟོབས་ཅན༔ ༔ གང་གི་དོན་དུ་ངས་འདི་བསྟན༔ དམ་ཉམས་ལག་ཏུ་ཤོར་ར་རེ༔ སྔགས་སྲུང་ཨེ་ཀ་ཙ་ཏི་དང་༔ གནོད་སྦྱིན་རྒྱལ་པོ་རྣམ་ཐོས་སྲས༔ ཁྱོད་ལ་གཉེར་རོ་དམ་ཚིག་རྒྱ༔ ལྟ་ལོག་ལོག་སྤྱོད་ངན་སྨྲ་མཁན༔ ཚར་ཆོད་སྲོག་ལ་ཧུར་ཐུམ་རྦད༔ ས་མ་ཡ༔ བཀའ་སྐུའི་རྒྱ༔ གསུང་གི་རྒྱ༔ ཐུགས་ཀྱི་རྒྱ༔ བརྡ་ཐིམ༔ བྷནྡྲཧྲ།༏བྷ་ཧྨ།་སྐྱོ༵།རྒྱརྒྱཿ ཞེས་གསུངས་སོ། །ཆོས་ཉིད་རོལ་པའི་གསང་མཛོད་ནས། །མཁའ་འགྲོའི་ཀློང་བྱང་ནམ་མཁའི་མཛོད། །རང་བྱུང་རང་ཤར་གསང་བའི་བརྡའ། །གབ་དོན་ནམ་མཁའི་གཏེར་འདི་ནི། །སྔགས་འཆང་བདུད་འཇོམས་རྡོ་རྗེ་ངས། །མ་འགགས་ངང་ནས་བཏོན་ཏེ་བསྒྱུར །ཕྲིན་ལས་གྲགས་པ་རྡོ་རྗེས་བསྐུལ། །ཕུན་ཚོགས་བཀྲ ཤིས་ཡི་གེར་བྲིས། །དགེའོ །ལེགས་སོ།། །། 0 བྱང་ T11612 - 066 རྒྱ༔ མ་ཧཱ་ཨ་ཏི་ཡོ་གའི་ཟབ་ཆོས་དགོངས་པ་ཀློང་རྡོལ་ལས༔ ཁྲོ་རྒྱལ་བདུད་རྩི་འཁྱིལ་བ་ཕྲིན་ལས་མེ་འབར་གྱི་སྐོར་ལས་འཛབ་དགོངས་དངོས་གྲུབ་རྒྱ་མཚོ་ཞེས་བྱ་བ་བཞུགས་སོ༔ ན་མོ་གུ་རུ་དྷེ་ཝ་ཌཱ་ཀི་ནཱི༔ བྱསཤཊྀཧགསནྡྷོཨཿ འཛབ་འཁོར་དངོས་གྲུབ་རྒྱ་མཚོ་འདི༔ ཉམས་སུ་ལེན་པའི་གང་ཟག་རྣམས༔ བསྐྱེད་རྫོགས་དབྱེར་མེད་བྱང་ཆུབ་སེམས་དང་འགྲོགས༔ དམིགས་པའི་གནད་ལྡན་ལས་ལ་རང་མདོག་གིས༔ བསྒྱུར་ཁ་མཁས་ཤིང་སོ་སོ་དཔག་པ་གཅེས༔ ས་མ་ཡ༔ རྒྱ་རྒྱ་རྒྱ༔ ཧཱུྃ་ཧྲཱིཿ རང་ཉིད་ཆེ་མཆོག་བདུད་རྩི་འཁྱིལ་བ་ཡི༔ ཐུགས་ཀར་པདྨ་ཉི་ཟླ་འཇའ་འོད་ཀློང་༔ རང་འདྲའི་ཡེ་ཤེས་སེམས་དཔའ་ཚོན་གང་བའི༔ ཐུགས་ཀློང་རྡོ་རྗེ་སྔོན་པོ་རྩེ་དགུ་པའི༔ ལྟེ་བར་ཉི་ཟླའི་གྭའུ་ཁ་སྦྱོར་ནང་༔ དྭངས་མ་ལྔ་ལྡན་ཐིག་ལེ་ཟླུམ་པོའི་དབུས༔ ཐུགས་སྲོག་ཧཱུྃ་སྔོན་སྤུ་ཡིས་བྲིས་ལྟར་གསལ༔ དེ་མཐར་སྔགས་ཀྱི་ཕྲེང་བས་འཁོར་བ་ལས༔ འོད་འཕྲོས་རྒྱལ་བ་རྒྱ་མཚོའི་བྱིན་རླབས་ཀུན༔ ཚུར་འདུས་རང་གི་ཐུགས་ཀའི་ཧཱུྃ་ལ་བསྟིམ༔ རྣམ་སྨིན་སྡིག་སྒྲིབ་མ་ལུས་ཀུན་དག་ནས༔ ཚེ་བསོད་དཔལ་འབྱོར་ནུས་སྟོབས་རབ་རྒྱས་ཤིང་༔ སྐུ་བཞི་ཡེ་ཤེས་ལྔ་ཡི་དབང་ཐོབ་ཅིང་༔ སྣང་སྲིད་གཞིར་བཞེངས་རང་བྱུང་སྐུར་བསྒོམ་མོ༔ རང་གི་ཐུགས་ཀའི་ཧཱུྃ་གི་ཐིག་ལེ་ལས སྔགས་ཕྲེང་འོད་ཟེར་གྱིས་འབྲེལ་ཞིང་མགལ་མེའི་འཁོར་ལོ་ལྟར་ཡུམ་གྱི་ཞལ་དུ་ཞུགས་སྐུ་ཡི་དབྱིབས་བརྒྱུད་ཡུམ་གྱི་པདྨོ་ནས་རང་གི་རྡོ་རྗེའི་སྦུབས་སུ་ཞུགས་ཐུགས་ཀའི་ཧཱུྃ་གི་ཞབས་ཀྱུ་ལ་ཐིམ་པ་བར་མ་ཆད་པར་ཀྱི་ལི་ལི་འཁོར་བ་ལས་འོད་འཕྲོས་པས་ཕྱོགས་བཅུའི་རྒྱལ་བ་སྲས་དང་བཅས་པའི་ཐུགས་རྗེ་དབང་བྱིན་དངོས་གྲུབ་ཐམས་ཅད་མ་ལུས་པར་སྤྲིན་དཔུང་གཏིབས་པ་ལྟར་བསྡུས་ཏེ་རང་དང་བསྒྲུབ་རྫས་ལ་བསྟིམ་པས་གཟི་བརྗིད་འོད་ཕུང་དཔག་ཏུ་མེད་པ་འབར་ཞིང་སླར་ཡང་འོད་འཕྲོས་སྣང་སྲིད་དག་པ་རབ་འབྱམས་གཞལ་ཡས་ལྷ་སྔགས་ཀྱི་འཁོར་ལོའི་རོལ་པར་དམིགས་ལ༔ བསྙེན་པ་ནི༔ ཨོཾ་བཛྲ་ཀྲོ་ཏ་ཨ་མྲྀ་ཏ་ཀུཎྜ་ལཱི་ཧཱུྃ་ཕཊ༔ ཨོཾ་བཛྲ་ཀྲོ་ཏ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ༔ཨོཾ་རྡོ་རྗེ་ཁྲོ་བོ་བདུད་རྩི་འཁྱིལ་བ་བསྣུན་བསྣུན་ཧཱུྃ་ཕཊ༔ ཉེ་སྙིང་ནི༔ ཨོཾ་ཨ་མྲྀ་ཏ་ཧཱུྃ་ཕཊ༔ཨོྃ་བདུད་རྩི་ཧཱུྃ་ཕཊ༔ ཨོཾ་བཛྲ་ཀྲོ་ཏ་མ་ཧཱ་ཤྲཱི་ཧེ་རུ་ཀ་ཧཱུྃ་ཕཊ༔ཨོཾ་རྡོ་རྗེ་ཁྲོ་བོ་ཆེན་པོ་དཔལ་ཧེ་རུ་ཀ་ཧཱུྃ་ཕཊ༔ སོགས་འགྲེས༔ ཨོཾ་རཏྣ་ཀྲོ་ཏཿ ཨོཾ་པདྨ་ཀྲོ་ཏཿ ཨོཾ་ཀརྨ་ཀྲོ་ཏཿ ཨོཾ་བཛྲ་ཌཱ་ཀི་ནཱི་བཛྲ་ཨཾ་ཀུ་ཤ་ཡ་ཛ་ཛཿ ཨོཾ་རཏྣ་ཌཱ་ཀི་ནཱི་རཏྣ་པཱ་ཤ་ཧཱུྃ་ཧཱུྃ༔ ཨོཾ་པདྨ་ཌཱ་ཀི་ནཱི་པདྨ་སྥོ་ཊ་བཾ་བཾ༔ ཨོཾ་ཀརྨ་ཌཱ་ཀི་ནཱི་ཀརྨ་གྷཎྜེ་ཧོ་ཧོཿ བསྒྲུབ་པ་ནི༔ ཨོཾ་བཛྲ་ཀྲོ་ཏ་ཨ་མྲྀ་ཏ་ཀུཎྜ ༔ ལཱི་སརྦ་ཀྲོ་ཏ་ཀྲོ་ཏི་ས་མ་ཡ་ཀཱ་ཡ་ཛྙཱ་ན་སརྦ་སི_UNK་ཕ་ལ་ཧཱུྃ་ཨཱཿ ཨོཾ་རྡོ་རྗེ་ཁྲོ་བོ་བདུད་རྩི་འཁྱིལ་བ་དང་ཁྲོ་བོ་ཁྲོ་མོ་ཐམས་ཅད་དམ་ཚིག་གིས་སྐུ་ཡེ་ཤེས་ཐམས་ཅད་ཀྱི་དངོས་གྲུབ་བཟང་པོ་སྩོལ་ཧཱུྃ ཨཱཿ མཆན། ས་མ་ཡ༔ རྒྱ་རྒྱ་རྒྱ༔ རྣྱཾ།རྒྱ༔ རང་ཉིད་ཁྲོ་རྒྱལ་ཡབ་ཡུམ་དུ་གསལ་བའི་ཐུགས་ཀའི་སྔགས་ཕྲེང་ལས་འོད་ཟེར་མེ་འོད་མཚོན་ཆ་ཁྲོ་ཆུང་ལྕགས་སྡིག་ཟ་གསོད་དཔག་ཏུ་མེད་པ་འཕྲོས་པས་དགྲ་བགེགས་ལོག་འདྲེན་རྒྱལ་བསེན་དམ་སྲི་ཐམས་ཅད་བསད་བཅད་རྔམས་ཟས་བྱེད་ཅིང་ཐལ་བའི་རྡུལ་ཕྲན་ཙམ་ཡང་མེད་པར་གྱུར༔ ལས་སྦྱོར་ནི༔ ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ༔ ཨོཾ་བཛྲ་སརྦ་དུཥྚན་ཏ་ཀ་ཧ་ན་ད་ཧ་པ་ཙ་ཧཱུྃ་ཕཊ༔ ས་མ་ཡ༔ རྒྱ་རྒྱ་རྒྱ༔ འདི་ཉིད་ཉམས་ལེན་རྣལ་འབྱོར་ཀུན༔ ཚེ་གཅིག་སངས་རྒྱས་ས་ཐོབ་ཅིང་༔ ཚེ་འདིར་སྣང་སྲིད་བྲན་དུ་འཁོལ༔ བསྐྱེད་རྫོགས་དབྱེར་མེད་བྱང་ཆུབ་སེམས་དང་འགྲོགས༔ ཚེ་གཅིག་བསྒོམ་དང་བསྒྲུབ་པ་ཉམས་སུ་ལོངས༔ དགོས་མེད་ཟོལ་ཟོག་མ་བྱེད་སྐལ་ལྡན་རྣམས༔ ཚེ་འདིར་མཆོག་གི་དངོས་གྲུབ་འགྲུབ་པར་འགྱུར༔ མི་བསླུ་ངེས་པ་པདྨ་བདག་གི་བཀའ༔ བཀའ་འདི་སྔགས་སྲུང་རྒྱལ་མོ་ཁྱོད་ལ་བཅོལ༔ ཐུབ་པར་སྲུངས་ཤིག་བཛྲ་ས་མ་ཡ༔ ཞེས་པ་འདི་ཡང་སྔགས་ཀྱི་བནྡེ་གར་དབང་བདུད་འཇོམས་རྡོ་རྗེས་ཡིག་མེད་དགོངས་པའི་ཀློང་བྱང་ལས་དག་པར་ཕབ་པའོ། །ཡི་གེ་རིས་བྱེད་ཟ་ཧོར་གྱི་བཙུན་པ་ཕུན་ཚོགས་བཀྲ་ཤིས་ཀྱིས་བགྱིས་པའོ། །སརྦ་མངྒ་ལཾ། ཨྠི།། །། T1612 - 070 སྱཾ༔ མ་ཧཱ་ཨ་ཏི་ཡོ་གའི་ཟབ་ཆོས་དགོངས་པ་ཀློང་རྡོལ་ལས༔ ཁྲོ་རྒྱལ་བདུད་རྩི་འཁྱིལ་བའི་བསྐང་བ་འདོད་འབྱུང་ནོར་བུ་ཞེས་བྱ་བ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཥྱཐཾཛྫ༔ དམ་བསྐང་འདོད་འབྱུང་མ་ཎི་ལ༔ བསྐང་རྫས་སྤྱན་གཟིགས་རིམ་པ་བཤམས༔ ཤ་ཆེན་གསུར་དང་རོལ་མོ་ཁྲོལ༔ དེ་ནས་བསྐང་བ་ལ༔ ཧཱུྃ་ཧྲཱིཿ སྐྱེ་མེད་རྣམ་པར་དག་པའི་གཞལ་ཡས་ནས༔ རྩ་གསུམ་དཔའ་བོ་མཁའ་འགྲོ་དམ་ཅན་ཚོགས༔ བསྐང་བའི་གནས་འདིར་སྤྱན་འདྲེན་གཤེགས་སུ་གསོལ༔ ཐུགས་རྗེས་བརྩེ་དགོངས་དབང་བྱིན་དངོས་གྲུབ་སྩོལ༔ བཛྲ་ས་མ་ཡ་ཛ་ཛཿ ཧཱུྃ་ཧྲཱིཿ དུར་ཁྲོད་གསང་བ་མཆོག་གི་དཀྱིལ་འཁོར་འདིར༔ བླ་མེད་མཆོད་པའི་སྤྲིན་ཚོགས་རབ་ཏུ་བཀོད༔ རྣལ་འབྱོར་ཉམས་ཆག་མ་ལུས་སྐོང་བ་དང་༔ འགྲོ་རྣམས་ཚོགས་རྫོགས་སངས་རྒྱས་ཐོབ་པའི་རྫས༔ མཆོག་དང་ཐུན་མོང་དངོས་གྲུབ་འགྲུབ་པའི་ཕྱིར༔ རྒྱལ་བ་རྒྱ་མཚོའི་ཐུགས་རྗེ་བརྩེ་བས་རོལ༔ ཧཱུྃ་ཧྲཱིཿ འོག་མིན་ཆོས་ཀྱི་དབྱིངས་ཀྱི་ཕོ་བྲང་ནས༔ ཆོས་སྐུ་ཀུན་བཟང་ཡབ་ཡུམ་ཐུགས་དམ་བསྐང་༔ མ་འགགས་གཞོམ་བྲལ་རྡོ་རྗེའི་གཞལ་ཡས་ནས༔ གསང་བདག་ཕྱག་ན་རྡོ་རྗེའི་ཐུགས་དམ་བསྐང་༔ གཞོན་ནུ་བུམ་པ་སྐུ་ཡི་དཀྱིལ་འཁོར་ནས༔ སྤྲུལ་སྐུ་ དགའ་རབ་རྡོ་རྗེའི༴ དཔལ་རི་པདྨ་འོད་ཀྱི་གཞལ་ཡས་ནས༔ རིག་འཛིན་པདྨ་འབྱུང་གནས མཁའ་སྤྱོད་རིག་འཛིན་མཁའ་འགྲོའི་དལ་དབུས་ནས༔ མ་ཅིག་ཡེ་ཤེས་མཚོ་རྒྱལཿ སྣ་ཚོགས་ཡོན་ཏན་ལྷུན་གྲུབ་དཀྱིལ་འཁོར་ནས༔ གྲུབ་ཆེན་འབྲོག་བན་ལོ་ཙཱའིཿ ཟབ་གསང་སྙིང་ཐིག་གཏེར་མཛོད་གཞལ་ཡས་ནས༔ གར་དབང་བདུད་འཇོམས་རྡོ་རྗེའིཿ སྤྱི་གཙུག བདེ་ཆེན་འཁོར་ལོའི་གཞལ་ཡས་ནས༔ དྲིན་ཆེན་རྩ་བརྒྱུད་བླ་མའི༔ ཁྱེད་ཀྱི་ཐུགས་དམ་གཉན་པོ་བསྐང་བ་ནི༔ ཕྱི་མཆོད་ཉེར་སྤྱོད་བདུན་གྱིས་ཐུགས་དམ་བསྐང་༔ ནང་མཆོད་འདོད་ཡོན་ལྔ་ཡིས༴ གསང་མཆོད་སྨན་རཀ་གཏོར་མས་གུ་ཧྱ་ག་ཎ་ཙ་ཀྲས་ཐུགས་དམ་བསྐང་༔ རྣལ་འབྱོར་ཉམས་ཆག་བཤགས་སོ་བཟོད་པར་བཞེས༔ ཚངས་པ་མཆོག་གི་དངོས་གྲུབ སྩལ་དུ་གསོལ༔ ཧཱུྃ་ཧྲཱིཿ རང་བྱུང་ལྷུན་གྱིས་གྲུབ་པའི་གཞལ་ཡས་ནས༔ ཆེ་མཆོག་བདུད་རྩི་འཁྱིལ་བའི་ཐུགས་དམ་བསྐང་༔ ཐབས་ཤེས་གཉིས་མེད་ཡབ་ཀྱི་སྐེད་ལ་འཁྲིལ༔ ཡུམ་མཆོག་རླུང་འབྱིན་མ་ཡིས༴ ཞེ་སྡང་འཇོམས་མཛད་མེ་ལོང་ཡེ་ཤེས་སྐུ༔ ཁྲོ་རྒྱལ་རྡོ་རྗེ་ཁྲག་འཐུང་༔ ང་རྒྱལ་འཇོམས་མཛད་མཉམ་ཉིད་ཡེ་ཤེས་སྐུ༔ ཁྲོ་རྒྱལ་རིན་ཆེན་ཁྲག སྱྃ༔ འཐུང་འདོད་ཆགས་འཇོམས་མཛད་སོར་རྟོག་ཡེ་ཤེས་སྐུ༔ ཁྲོ་རྒྱལ་པདྨ་ཁྲག་འཐུང་ཕྲག་དོག་འཇོམས་མཛད་བྱ་གྲུབ་ཡེ་ཤེས་སྐུ༔ ཁྲོ་རྒྱལ་ལས་ཀྱི་ཁྲག་འཐུང་སྙིང་རྗེའི་རང་མདངས་ཞི་བའི་ཕྲིན་ལས་བསྒྲུབ༔ སྒོ་མ་ལྕགས་ཀྱུ་མ་ཡིཿ བྱམས་པའི་རང་མདངས་རྒྱས་པའི་ཕྲིན་ལས་བསྒྲུབ༔ སྒོ་མ་ཞགས་པ་མ་ཡིཿ དགའ་བའི་རང་མདངས་དབང་གི་ཕྲིན་ལས་བསྒྲུབ༔ སྒོ་མ་ལྕགས་སྒྲོག་མ་ཡིཿ བཏང་སྙོམས་རང་མདངས་དྲག་པོའི་ཕྲིན་ལས་བསྒྲུབ༔ སྒོ་མ་དྲིལ་བུ་མ་ཡིཿ རྟོག་ཚོགས་རང་གྲོལ་དག་པ་རབ་འབྱམས་ལྷ༔ དཀྱིལ་འཁོར་ཡོངས་རྫོགས་ལྷ་ཡིཿ ཁྱེད་ཀྱི་ཐུགས་དམ་སོགས༔ ཧཱུྃ་ཧྲཱིཿ སྨུག་ནག་གྲུ་གསུམ་འབར་བའི་དཀྱིལ་འཁོར་ནས༔ སྔག་ས་སྲུང་ཨེ་ཀ་ཙ་ཊཱིའི་ཐུགས་དམ་བསྐང་༔ བྱང་ཕྱོགས་རིན་ཆེན་གཏེར་གྱི་གཞལ་ཡས་ནས༔ རྣམ་སྲས་ཛམ་ལྷ་རིགས་ལྔའི༴ བཀའ་གཏེར་བསྟན་པ་གཉན་པོ་བསྲུང་མཛད་པ༔ སྣང་སྲིད་ལྷ་སྲིན་སྡེ་བརྒྱད་ཁྱེད་ཀྱི་ཐུགས་དམ་སོགས༔ ཧཱུྃ་ཧྲཱིཿ རྩ་གསུམ་དམ་ཅན་སྲུང་མ་དགོངས་སུ་གསོལ༔ བདག་སོགས་འདིར་འདུས་རྣལ་འབྱོར་འཁོར་བཅས་ཀྱིས༔ མ་ཚོར་མ་རིག་མ་ཤེས་དབང་གྱུར་པའི༔ འགལ་འཁྲུལ་ཉམས་ཆག་ཉེས་བྱས་ཐམས་ཅད་ཀུན༔ བསྐང་ངོ་བཤགས་སོ་བཟོད་གསོལ་ཚངས་པར་སྩོལ༔ འདི་དང་ཕྱི་མའི་རྐྱེན་སྒྲིབ་མེད་པར་མཛོད༔ ཡིག་བརྒྱ་བརྗོད༔ གསང་སྔགས་ཉམས་སུ་ལེན་པའི་གང་ཟག་རྣམས༔ འདི་ལ་མ་བརྟེན་ཉེས་འགལ་བཤགས་ཐབས་གང་༔ དེ་ཕྱིར་རྒྱུན་དུ་ཚོགས་དང་བསྐང་བར་བརྩོན༔ མཐར་ཐུག་རྫོགས་པའི་སངས་རྒྱས་དེས་ཐོབ་བོ༔ ས་མ་ཡ༔ རྒྱ་རྒྱ་རྒྱ༔ སྨྲཤ་དྷྲྀཨ༔ ཞེས་པ་འདི་ཡང་ཕྲིན་ལས་གྲགས་པ་རྡོ་རྗེས་བསྐུལ་ངོར། སྔགས་འཆང་བདུད་འཇོམས་རྡོ་རྗེས་ཡིག་མེད་མཁའ་འགྲོའི་ཀློང་བྱང་ལས་ཞལ་བཤུས་ཏེ་དག་པར་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་སོ།། 6 T11612 - 074 སྱྃ༔ ཨ་ཏི་ཡོ་གའི་ཟབ་ཆོས་དགོངས་པ་ཀློང་རྡོལ་ལས༔ ཁྲོ་རྒྱལ་བདུད་རྩི་འཁྱིལ་བའི་བསྐུལ་བཟློག་ཡེ་ཤེས་འོད་ཟེར་གྱི་དྲྭ་བ་ཞུགས་སོ༔ _UNKཨཱལྦཏྟསྒཏྟྲ༔ ན་མོ་གུ་རུ་དྷེ་ཝ་ཌཱ་ཀི་ནཱི༔ དམར་གྱི་གཏོར་མ་རཀྟས་བྲན་ལ༔ བདག་མདུན་གསལ་བ་དང་རིག་སྟོང་དབྱེར་མེད་ཀྱི་ངར་གདིང་བསྐྱེད་ལ༔ ཧཱུྃ་ཧྲཱིཿ ཆོས་ཀྱི་སྐུ་ལ་གཡོ་བ་མེད་པ་ལས༔ མ་འགགས་རོལ་པ་སྒྱུ་མའི་སྐུར་བཞེངས་པ༔ ཐུགས་རྗེའི་ཐབས་ཀྱིས་འགྲོ་དྲུག་གནས་ནས་འདྲེན༔ བླ་མ་རིག་འཛིན་རྒྱ་མཚོའི་ཐུགས་རྒྱུད་བསྐུལ༔ གདོད་ནས་མ་བཅོས་ཆོས་སྐུ་ཀུན་ཏུ་བཟང་༔ འགྲོ་བའི་དོན་དུ་ཕྲིན་ལས་གར་བསྒྱུར་བ༔ བདུད་དཔུང་མ་ལུས་གཞོམ་མཛད་ལྷག་པའི་ལྷ༔ ཁྲོ་རྒྱལ་བདུད་རྩི་འཁྱིལ་བ་སྐུར་བཞེངས་ཤིག༔ མེ་ལོང་ཡེ་ཤེས་དབྱིངས་ལས་སྐུར་བཞེངས་པ༔ ཁྲོ་རྒྱལ་རྡོ་རྗེ་ཀྲོ་ཏ་སྐུར་བཞེངས་ཤིག༔ མཉམ་ཉིད་ཡེ་ཤེས་དབྱིངས་ལས་སྐུར་བཞེངས་པ༔ ཁྲོ་རྒྱལ་རཏྣ་ཀྲོ་ཏཿ སོར་རྟོག་ཡེ་ཤེས་དབྱིངས་ལས་སྐུར་བཞེངས་པ༔ ཁྲོ་རྒྱལ་པདྨ་ཀྲོ་ཏཿ བྱ་གྲུབ་ཡེ་ཤེས་དབྱིངས་ལས་སྐུར་བཞེངས་པ༔ ཁྲོ་རྒྱལ་ཀརྨ་ཀྲོ་ཏཿ ཚད་མེད་རྣམ་བཞིའི་ཕྲིན་ལས་བཞི་བསྒྲུབ་པ༔ ཡེ་ཤེས་སྒོ་མ་རྣམ་བཞི་མ་རིག་ལོག་རྟོག་དབྱིངས་སུ་སྒྲོལ་མཛད་པ༔ དཀྱིལ་འཁོར་ ལྷ་ཚོགས་མ་ལུས་སྐུར་བཞེངས་ཤིག༔ བསྐུལ་ལོ་བསྐུལ་ལོ་ཡི་དམ་ལྷ་ཡི་ཚོགས༔ མ་གཡེལ་མ་གཡེལ་དྲག་པོའི་ཕྲིན་ལས་མཛོད༔ གཉིས་འཛིན་རཱུ་ཏྲ་བདག་ལྟའི་འགོང་པོ་དང་༔ ཐོགས་བཅས་ཐོགས་མེད་དགྲ་བགེགས་སྒྲོལ་ཞིང་བཟློག༔ སྨོན་ལོག་བདུད་པོ་ཐལ་བའི་རྡུལ་དུ་རློག༔ བཅོལ་བའི་ཕྲིན་ལས་མྱུར་དུ་འགྲུབ་པར་མཛོད༔ ཨོཾ་བཛྲ་གུ་རུ་དྷེ་ཝ་ཌཱ་ཀི་ནཱི་སརྦ་ས་མ་ཡ་དགྲ་བགེགས་འཇིང་འདུར་སརྦ་ཤ་ཏྲུཾ་མཱ་ར་ཡ་རྦད་བྷྱོ་བཟློག༔ ས་མ་ཡ༔ རྒྱ་རྒྱ་རྒྱ༔ འདི་ཡིས་མི་བཟློག་གང་ཡང་མེད༔ ཅེས་པ་འདི་ཡང་གར་དབང་རྡོ་རྗེ་གྲོ་ལོད་རོལ་པ་རྩལ། གླིང་པ་བདུད་འཇོམས་རྡོ་རྗེ་ཞེས་བྱ་བས། ཀློང་བྱང་ནམ་མཁའི་བརྡ་རིས་ལས་ཞལ་བཤུས་སོ། །ཡི་གེ་པ་ནི་ཕུན་ཚོགས་བཀྲ་ཤིས་ཛྙཱ་ན་མ་ཏིས་སོ། །དགེའོ།། །། སྱྃ༔ ཆོས་ཉིད་ནམ་མཁའི་ཀློང་མཛོད་ལས༔ ཁྲོ་རྒྱལ་བདུད་རྩི་འཁྱིལ་བའི་ཆ་ལག་མོ་སྲི་ཁ་ཆིངས་རྡོ་རྗེའི་མདུད་པ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ མ་འོངས་དུས་ཀྱི་སྙིགས་མ་ལ༔ སེམས་ཅན་བསོད་ནམས་དམན་པ་དང་༔ བུད་མེད་གདུག་སེམས་ཆེ་བ་ཡིས༔ འདྲེར་བརྫུས་སྐྱེ་འགྲོ་ཡོངས་ལ་གནོད༔ མི་འདོད་འཚུབས་མ་བཞིན་དུ་ལྡང་༔ དེ་ཕྱིར་དེ་བཟློག་དེའི་གཉེན་པོར༔ བདུད་རྩི་འཁྱིལ་བའི་ཕྲིན་ལས་བསྟན༔ ས་མ་ཡ༔ སྨན་ཤོག་ཡངས་ཤིང་འཇམ་པའི་ངོར༔ མུ་ཁྱུད་རིམ་པ་དྲུག་ཏུ་བསྐོར༔ ལྟེ་བར་ཧཱུྃ་ནྲྀ་བྷྲཾ་བྲིས་དབུ་ཅན་བཀོད༔ དེའི་ཕྱི་མུ་ཁྱུད་དང་པོ་ལ༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣན་བཾ་ཧཱུྃ་ཕཊ༔ འཆང་བ་པོ་ལ་སྲུངས་ཤིག་རཀྵ་རཀྵ བྲི༔ མུ་ཁྱུད་གཉིས་པར༔ ཨོཾ་བུདྡྷ་ཧཱུྃ་བཛྲ་སྭཱ་རཏྣ་ཨཱཾ་པདྨ་ཧཱ་ཀརྨ་ཀྲོ་དྷ་ཤྲཱི་ཧེ་རུ་ཀ་ཀཱི་ལི་ཀཱི་ལ་ཡ་ཧཱུྃཕཊ༔ འཆང་བ་པོ་ལ་མོ་སྲི་མོ་འདྲེའི་གནོད་པ་ལས་སྲུངས་ཤིག་བསྒྲིབ་ཅིག་རཀྵ་རཀྵ༔ མུ་ཁྱུད་གསུམ་པར༔ ཧཱུྃ་བཅུ་དང་༔ ཛཿཧཱུྃ་བཾ་ཧོཿ འདི་འཆང་བ་པོ་ལ་མོ་སྲི་མོ་འདྲེའི་གནོད་པ་ཐམས་ཅད་ལས་སྲུངས་ཤིག་བསྒྲིབ་ཅིག་རཀྵ་རཀྵ་ཀུ་རུ་ཡེ་སྭཱ་ཧཱ༔ མུ་ཁྱུད་བཞི་པར༔ ཨོཾ་ཝཱ་གཱི ཤྭ་རི་མུཾ༔ ཨོ་མ་ཎི་པདྨེ་ཧཱུྃ༔ ཨོ་བཛྲ་པཱ་ཎི་ཧཱུྃ༔ ་ཥྚི་ཝིཥྚིཿ ཨོཾ་ཧྲཱི་པདྨ་ཏ་ཀྲྀཏཿ ཨོ་བཛྲ་ཙཎྜ་མ་ཧཱ་ཨོཾ་བཛྲ་རེ་མ་ཏཱི་ཧཱུྃ་བྷྱོ༔ འཆང་བ་པོ་ལ་མོ་འདྲེའི་གནོད་པ་ཐམས་ཅད ལས་སྲུངས་ཤིག་བསྒྲིབ་ཅིག༔ མུ་ཁྱུད་ལྔ་པར་འཁོར་ལོ་རྩིབས་བརྒྱད་བྲི༔ རྩིབས་ལ་རིམ་བཞིན་ཡིག་མགོ་ཕྱིར་བསྟན་ཏེ༔ ཨོཾ་བཛྲ་ཀྲོ་ཏི་ཤྭ་རི་ཧཱུྃ་ཕཊ༔ ཨོཾ་བཛྲ་ཨཾ་ཀུ་ཤ་ཛཿ ཨོཾ་རཏྣ་ཀྲོ་ཏིཿ ཨོཾ་བཛྲ་པཱ་ཤ་ཧཱུྃ༔ ཨོཾ་པདྨ་ཀྲོ་ཏིཿ ་ཨོཾ་བཛྲ་སྥོ་ཊ་བཾ༔ ཨོཾ་ཀརྨ་ཀྲོ་ཏིཿ ཨོཾ་བཛྲ་གྷཎྜེ་ཧོཿ རྩིབས་རྩེར་ཡིག་མགོ་ནང་བསྟན༔ མཱ་ར་ཡ་བྷྱོ༔ རྩིབས་མཆན་རྣམས་ལ་ཡིག་མགོ་ནང་བསྟན་དུ༔ ཆེ་སྲི་མོའི་ཁ་ཐུམ༔ ཆུང་སྲི་མོའི་ཁ་ཐུམ༔ དམ་སྲི་མོའི་ཁ་