Tibetan
སྤྱོད་ཞིང་༔ ལྷུན་གྲུབ་བདེ་ཆེན་གཞལ་ཡས་ནས༔ དུས་གསུམ་རྒྱལ་བ་བསྐྱེད་པའི་ཡུམ༔ འབུམ་ཕྲག་མཁའ་འགྲོ་ཡོངས་ཀྱི་གཙོ༔ རྗེ་བཙུན་རྡོ་རྗེ་རྣལ་འབྱོར་མ༔ ཁྲོས་མ་ནག་མོ་སེང་གེའི་གདོང་༔ ཡོངས་འདུས་དབྱིངས་ཀྱི་སྤྱི་རྗེ་མོ༔ ཆོས་ཀྱི་དབྱིངས་ཀྱི་ཡེ་ཤེས་སྐུ༔ རྡོ་རྗེ་ཕག་མོའི་ཐུགས་དམ་བསྐང་༔ གཏི་མུག་དབང་གིས་དམ་ཉམས་ཀུན༔ མ་ལུས་མི་འཆབ་མཐོལ་ལོ་བཤགས༔ ཀ་དག་ཐུགས་ཀྱི་རང་གདངས་ལས༔ འགྲོ་ཁམས་རྒྱ་མཚོའི་མུན་པ་སེལ༔ མེ་ལོང་ལྟ་བུའི་ཡེ་ཤེས་སྐུ༔ རྡོ་རྗེ་མཁའ་འགྲོའི་ཐུགས་དམ་བསྐང་༔ ཞེ་སྡང་དམ་ཚིག་ཉམས་སོ་ཅོག༔ འདི་ཡང་མི་འཆབ་མཐོལ་ལོ་བཤགས༔ ཡེ་ཤེས་ཡོན་ཏན་རྫོགས་པའི་དབྱིངས༔ འཁོར་འདས་དག་མཉམ་རོལ་པའི་མ༔ མཉམ་པ་ཉིད་ཀྱི་ཡེ་ཤེས་སྐུ༔ རིན་ཆེན་མཁའ་འགྲོའི་ཐུགས་དམ་བསྐང་༔ ང་རྒྱལ་དམ་ཚིག་ཉམས་སོ་ཅོག༔ མ་ལུས་མི་འཆབ་མཐོལ་ལོ་བཤགས༔ ཀུན་མཁྱེན་ཀུན་གཟིགས་དབྱིངས་ཀྱི་ཡུམ༔ གཟུང་འཛིན་འཁྲུལ་པ་ལས་སྒྲོལ་མ༔ སོ་སོར་རྟོག་པའི་ཡེ་ཤེས་སྐུ༔ པདྨ་མཁའ་འགྲོའི་ཐུགས་དམ་བསྐང་༔ འདོད་ཆགས་དབང་གི་དམ་ཉམས་ཀུན༔ མ་ལུས་མི་འཆབ་མཐོལ་ལོ་བཤགས༔ འཁོར་འདས་དག་མཉམ་རོལ་པའི་གདངས༔ སྣ་ཚོགས་ཕྲིན་ལས་མཛད་པ་མོ༔ བྱ་བ་གྲུབ་པའི་ཡེ་ཤེས་སྐུ༔ ལས་ཀྱི་མཁའ་འགྲོའི་ཐུགས་དམ་བསྐང་༔ ཕྲག་དོག་དབང་གིས་དམ་ཉམས་ཀུན༔ མ་ལུས་མི་འཆབ་མཐོལ་ལོ་བཤགས༔ ཚད་མེད་སྙིང་རྗེའི་ཕྱག་རྒྱ་མོ༔ དབྱིངས་ནས་དབྱིངས་སུ་འགུགས་བྱེད་ཅིང་༔ ཞི་བའི་ཕྲིན་ལས་མཛད་པ་མོ༔ ཤར་གྱི་སྒོ་མའི་ཐུགས་དམ་བསྐང་༔ བྱམས་པ་ཚད་མེད་རང་གདངས་མོ༔ འཁོར་བ་ཆོས་སྐུར་འཆིང་བྱེད་མ༔ ཡེ་ཤེས་ཡོན་ཏན་རྒྱས་པའི་དབྱིངས༔ ལྷོ་ཡི་སྒོ་མའི་ཐུགས་དམ་བསྐང་༔ དགའ་བ་ཚད་མེད་རང་གདངས་ལས༔ སྲིད་ལས་རྨོང་ཞིང་དབྱིངས་སུ་སྡོམས༔ འཁོར་འདས་དབང་དུ་བསྒྱུར་བའི་མ༔ ནུབ་ཀྱི་སྒོ་མའི་ཐུགས་དམ་བསྐང་༔ བཏང་སྙོམས་ཚད་མེད་རང་ བྡཾ གདངས་མོ༔ འཁོར་བ་དབྱིངས་སུ་སྒྲོལ་བ་ཡི༔ དྲག་པོའི་ཕྲིན་ལས་མཛད་པ་མོ༔ བྱང་གི་སྒོ་མའི་ཐུགས་དམ་བསྐང་༔ མ་ངེས་སྣ་ཚོགས་གར་བསྒྱུར་ཅིང་༔ ཐབས་རྣམ་སྣ་ཚོགས་དུ་མ་ཡི༔ གདུལ་དཀའ་འདུལ་མཛད་འཕྲུལ་མོ་ཆེ༔ འབུམ་ཕྲག་མཁའ་འགྲོའི་ཐུགས་དམ་བསྐང་༔ བདག་ནི་ཚེ་རབས་ཐམས་ཅད་དུ༔ མ་རིག་འཁྲུལ པའི་དབང་གྱུར་ཏེ༔ གཟུང་འཛིན་ལམ་དུ་འཆིང་བ་ཡི༔ སྡིག་སྒྲིབ་ལས་ཉོན་བག་ཆགས་དང་༔ སྡོམ་དང་བསླབ་པ་དམ་ཉམས་ཀུན༔ གནོང་ཞིང་འགྱོད་སེམས་དྲག་པོ་ཡིས༔ མི་འཆབ་མི་སྦེད་མཐོལ་ཞིང་བཤགས༔ དག་ཅིང་ཚངས་པར་མཛད་ནས་ཀྱང་༔ ཡེ་ཤེས་རང་ཞལ་མངོན་གྱུར་ཏེ༔ ཀ་དག་ཆེན་པོའི་ས་རུ་སྐྱོལ༔ ཨོཾ་བཛྲ་སཏྭ་ས་མ་ཡ༔ སོགས་ཚང་བར་བརྗོད༔ འདི་ལྟར་འགྱོད་ཚངས་དྲག་པོ་དང་༔ བཤགས་སྡོམ་གནད་ཀྱིས་ཟིན་གྱུར་ན༔ ཉམས་ཆག་ཉེས་ལྟུང་ཀུན་དག་ནས༔ ཉམས་དང་རྟོགས་པའི་ཡོན་ཏན་འཕེལ༔ བཀའ་སྲུང་དྲང་སྲོང་ཆེན་པོས་སྲུངས༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ གུ་ཧྱ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་ཀློང་ལས་བསྒྱུར་བའོ། །དགེའོ། །དགེའོ། །དགེའོ། །_UNK།། T1612 - 506 ༔ ཆོས་ཉིད་ནམ་མཁའི་ཀློང་མཛོད་ལས༔ མཁའ་འགྲོ་ཡེ་ཤེས་མཚོ་རྒྱལ་གྱི་གསང་སྒྲུབ་ཐུགས་ཀྱི་གྭའུ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ །རྒྱ།ཐཤིི༔ ཧཱུྃ༔ སྣང་སྲིད་བདེ་ཆེན་པདྨ་འོད༔ དོན་གྱི་འོག་མིན་གཞལ་ཡས་སུ༔ མ་ཆགས་པདྨ་ཉི་ཟླའི་སྟེང་༔ རང་ཉིད་སྐད་ཅིག་དྲན་རྫོགས་སུ༔ བདེ་ཆེན་ཡེ་ཤེས་མཚོ་རྒྱལ་མ༔ དཀར་དམར་མདངས་ལྡན་ཞི་འཛུམ་བཞད༔ ཞལ་གཅིག་ཕྱག་གཉིས་གཡས་པ་ན༔ གྲི་གུག་འབར་བས་ཁམས་གསུམ་འགུགས༔ གཡོན་པས་བྷནྡྷ་བདུད་རྩི་བསྣམས༔ ཞབས་གཉིས་མཉམ་པའི་སྟབས་སུ བཞེངས༔ དཔའ་བོ་ཡབ་ཀྱི་མཚོན་པའི་ཕྱིར༔ ཁ་ཊྭཱྃ་རྩེ་གསུམ་མཆན་དུ་བརྟེན༔ ནུ་མ་འབུར་ཞིང་བྷ་ག་རྒྱས༔ བཅུ་དྲུག་གཞོན་ནུའི་ལང་ཚོས་མཛེས༔ དབུ་སྐྲ་སིལ་མས་སྐུ་རྒྱབ ཁེབས༔ ཤིན་ཏུ་དགྱེས་ཤིང་ཆགས་པའི་ཉམས༔ རིངས་པའི་ཚུལ་གྱིས་མཁའ་ལ་གཟིགས༔ རཏྣ་ལྔ་དང་དར་སྣས་སྤྲས༔ འཇའ་འོད་ཐིག་ལེའི་ཀློང་དུ་གསལ༔ ཐུགས་ཀར་དྭངས་མའི་ཐིག་ཀློང་དུ༔ བྃཿ མཐར་སྔགས་ཀྱི་ཕྲེང་བས་བསྐོར༔ བཟླས་པས་མ་དག་སྒོ་གསུམ་པོ༔ རྡོ་རྗེ་གསུམ་དུ་དག་མཉམ་རོལ༔ བྃཿ ཛྙཱ་ན་ཌཱ་ཀི་ནཱི་ཧ་རི་ནི་ས་བཛྲ་སིདྡྷི་ཧཱུྃ༔ དམིགས་གསལ་གནད་དང་ལྡན་པས་བཟླ༔ ས་མ་ཡ༔ ཞེས་པ་འདི་ཡང་རྡོ་རྗེ་བཟང་པོའི་ངོར་མ་ནུས་སྤྲང་པོ་སེམས་ཉིད་ཧད་པོས་ཆོས་ཉིད་ཀློང་གི་མཛོད་ལས་བཤུས་སོ། །དགེའོ། །། ག བདུད་འཇོམས་མཚོ་རྒྱལ་T11612 - 508 T11612 - 508 ཆོས་ཉིད་ནམ་མཁའི་ཀློང་མཛོད་ལས༔ མཁའ་འགྲོ་ཕག་ཁྲོས་སེང་གསུམ་གྱི༔ བསྐང་བ་འདོད་འབྱུང་ནོར་བུ་ཞེས་བྱ་བ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ །ཥ།བྷ༔ ཡེ་ཤེས་མཁའ་འགྲོའི་བསྒྲུབ་པ་ཡི༔ ལས་དང་སྐལ་ལྡན་རྣལ་འབྱོར་གྱིས༔ བསྐང་བ་ཟབ་མོའི་གནད་འདིར་བརྩོན༔ ཚོགས་ཀྱི་མཆོད་པ་ལ་བརྟེན་ནས༔ མཁའ་འགྲོའི་བསྐང་བ་འདིར་འཇུག་གོ༔ ན་མོ༔ སངས་རྒྱས་ཀུན་གྱི་མེས་ཆེན་པོ༔ ཀུན་ཏུ་བཟང་པོའི་ཐུགས་དམ་བསྐང་༔ ཡེ་ཤེས་རང་གདངས་སྒྱུ་འཕྲུལ་གར༔ རིགས་ལྔ་ཡབ་ཡུམ་ཐུགས་དམ་བསྐང་༔ གདུལ་དཀའ་འདུལ་མཛད་སྟོན་པ་མཆོག༔ སྤྲུལ་པའི་སྐུ་ཡི ཐུགས་དམ་བསྐང་༔ དུས་གསུམ་ཀུན་མཁྱེན་ཀུན་ཏུ་གཟིགས༔ པདྨ་འབྱུང་གནས་ཐུགས་དམ་བསྐང་༔ རྒྱལ་བ་བསྐྱེད་པའི་ཡུམ་གཅིག་མ༔ ཡེ་ཤེས་མཚོ་རྒྱལ་ཐུགས་དམ་བསྐང་༔ སྒྲུབ་སྡེ་བརྒྱད་ཀྱི་བཀའ་བབ་མཆོག༔ ཁྱེའུ་ཆུང་ལོ་ཙཱའི་ཐུགས་དམ་བསྐང་༔ འབྲེལ་ཚད་དོན་ལྡན་གདུལ་དཀའ་འདུལ༔ དྲིན་ཆེན་བླ་མའི་ཐུགས་དམ་བསྐང་༔ འཁོར་འདས་འུབ་ཆུབ་རོལ་པའི་མ༔ རྡོ་རྗེ་ཕག་མོའི་ཐུགས་དམ་བསྐང་༔ སྣང་སྲིད་ཆོས་སྐུར་རོལ་པ་མོ༔ ཁྲོས་མ་ནག་མོའི་ཐུགས་དམ་བསྐང་༔ བདག་ལྟའི་རཱུ་ཏྲ་ཆོམ་པའི་ཕྱིར༔ སེང་གདོང་མ་ཡི་T11612 - 509 ཐུགས་དམ་བསྐང་༔ ཁྱབ་བརྡལ་སྟོང་པ་ཉིད་ཀྱི་དབྱིངས༔ སངས་རྒྱས་མཁའ་འགྲོའི་ཐུགས་དམ་བསྐང་༔ དྭངས་གསལ་རྙོགས་མ་བྲལ་བའི་དབྱིངས༔ རྡོ་རྗེ་མཁའ་འགྲོའི་ཐུགས དམ་བསྐང་༔༷ འཁོར་འདས་དག་མཉམ་རོལ་པའི་དབྱིངས༔ རིན་ཆེན་མཁའ་འགྲོའི་ཐུགས་དམ་བསྐང་༔ ཀུན་ཏུ་གཟིགས་པའི་ཡེ་ཤེས་དབྱིངས༔ པདྨ་མཁའ་འགྲོའི་ཐུགས་དམ བསྐང་༔ ཐམས་ཅད་མཁྱེན་པའི་ཡེ་ཤེས་དབྱིངས༔ ཀརྨ་མཁའ་འགྲོའི་ཐུགས་དམ་བསྐང་༔ སྣ་ཚོགས་ཐབས་ཀྱིས་བསྟན་འགྲོ་སྐྱོངས༔ འབུམ་ཕྲག་མཁའ་འགྲོའི་ཐུགས་དམ་བསྐང་༔ མངོན་སྤྱོད་ལས་ཀྱིས་དགྲ་བགེགས་སྒྲོལ༔ དམ་ཅན་རྒྱ་མཚོའི་ཐུགས་དམ་བསྐང་༔ སོ་ཐར་བྱང་སེམས་གསང་སྔགས་ཀྱི༔ སྡོམ་དང་བསླབ་པ་དམ་ཉམས་ཀུན༔ ཚེ་རབས་སྡིག་དང་སྡོམ་སྟེ་བཤགས༔ དག་ཚངས་མཆོག་ཐུན་དངོས་གྲུབ་སྩོལ༔ ཅེས་ཡི་གེ་བརྒྱ་པ་བརྗོད༔ དེ་ལྟར་བསྐང་བཤགས་ལ་བརྩོན་པས༔ དངོས་གྲུབ་རྣམ་གཉིས་ངེས་པར་འཐོབ༔ ས་མ་ཡ༔ རྒྱ་རྒྱ་རྒྱ༔ ནམ་མཁའ་མཛོད་དུ་ཨ་ཐམ་རྒྱ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའི་ཡི་གེ་པ་ནི་རྣལ་འབྱོར་པ་སེམས་ཉིད་རྡོ་རྗེའོ། །དགེའོ །ལེགས་སོ། །སརྦ་མངྒ་ལཾ། ། T1612 - 510 ཛྲ ཆོས་ཉིད་ནམ་མཁའི་ཀློང་མཛོད་ལས༔ ཡེ་ཤེས་མཁའ་འགྲོའི་བསྐུལ་བྱང་བཞུགས་སོ༔ ན་མོ་བཛྲ་ཝ་ར་ཧི་ཀྲོ་ཏི་ཀ་ལི་སེང་ཧ་མུ་ཁ་ཡེ༔ ཧཱུཾ་ཏྲཱཾཏྲཾསྨྲ ཡེ་ཤེས་མཁའ་འགྲོའི་བསྐུལ་བྱང་ལ༔ ཧཱུྃ་བྷྱོ༔ བསྐུལ་ལོ་བསྐུལ་ལོ་ཐུགས་དམ་གནད་ནས་བསྐུལ༔ བཞེངས་ཤིག་བཞེངས་ཤིག་ཡེ་ཤེས་མཁའ་འགྲོའི་ཚོགས༔ ཁྱད་པར་དབྱིངས་ཀྱི་ཡུམ་ཆེན་འཁོར་འདས་དབང་༔ ཕག་ཁྲོས་སེང་གསུམ་སྤྲུལ་པ་ཡང་སྤྲུལ་དང་༔ ཕོ་རྒྱུད་མོ་རྒྱུད་དམ་ཅན་རྒྱ་མཚོའི་ཚོགས༔ ཆོས་ཀྱི་དབྱིངས་ནས་གཟུགས་ཀྱི་སྐུར་བཞེངས་ལ༔ འདོད་ཡོན་རྒྱན་གྱི་མཆོད་གཏོར་འདི་ལ་རོལ༔ གཟུགས་ཅན་གཟུགས་མེད་དགྲ་བགེགས་གནོད་བྱེད་དང་༔ ཕྱི་ནང་གསང་བའི་བར་ཆད་མི་མཐུན་ཕྱོགས༔ མ་ལུས་བསད་གཞོམ་བཟློག་པའི་ཕྲིན་ལས་མཛོད༔ ཐུགས་དམ་དུས་ལ་བབ་པོ་ས་མ་ཡ༔ མཁའ་འགྲོ་སྒྲུབ་པའི་རྣལ་འབྱོར་གྱིས༔ འདི་བརྩོན་འདི་བྱས་དགེ་ལེགས་ཀུན༔ འབད་མེད་ལྷུན་གྱིས་འགྲུབ་འགྱུར་རོ༔ ས་མ་ཡ༔ རྒྱ་རྒྱ་རྒྱ༔ ཞེས་པ་འདི་ནི་ཁྲག་འཐུང་བདུད་འཇོམས་རྡོ་རྗེས་གཏན་ལ་ཕབ་པའི་ཡི་གེ་པ་ནི་སེམས་ཉིད་རྡོ་རྗེའོ། །དགེའོ། །དགེའོ། །དགེའོ། །ལེགས་སོ། །སརྦ་མངྒ་ལཾ།། ནུམ་508 T1612 - 512 ༄༅། །ཨོཾ་སྭསྟི། སྤྲུལ་པའི་གཏེར་ཆེན་བདུད་འཇོམས་གླིང་པའི་ཟབ་ཆོས་དགོངས་གཏེར་ནམ་མཁའ་མཛོད་ཀྱི་ཆོས་སྡེ་ལས། དགོངས་གཏེར་སྣ་ཚོགས་པའི་སྐོར་གྱི གླེགས་བམ་༼ན༽ པ་འདིར། དབུ་ཤོག་ལྡེབ་གཅིག་གིས་ཐོག་དྲངས་ཏེ། སྐོར་ཚོ་གཉིས་ལས། ཐོག་མར་ཟབ་ཆོས་དགོངས་པ་ཀློང་རྡོལ་གྱི་སྐོར་ལའང་བཞི་ལས དང་པོ་གསོལ་འདེབས་དང་སྒྲུབ་ཐབས་སྣ་ཚོགས་ཀྱི་སྐོར་ལ། རྩ་བ་གསུམ་གྱི་གསོལ་འདེབས་བྱིན་རླབས་ཡེ་ཤེས་ཆུ་རྒྱུན་ལྡེབ་༡ བླ་མ་དང་འཇམ་དཔལ་དབྱེར་མེད་ཀྱི་གསོལ་འདེབས་བདུད་རྩིའི་ཐིག་པ་ལྡེབ་༡ རིག་འཛིན་བླ་སྒྲུབ་ནོར་བུའི་ཕྲེང་བ་ལྡེབ་༤ རིག་འཛིན་རྡོ་རྗེ་གཤོག་རྒོད་ཀྱི་ཚོགས་མཆོད་དངོས་གྲུབ་འབྱུང་གནས་ལྡེབ་༈ རིག་འདུས་དཔལ་གྱི་བསྐང་བསྐུལ་རྡོ་རྗེའི་ལུག་རྒྱུད་ལྡེབ ༡ རིག་འཛིན་རྒྱ་མཚོའི་གསོལ་འདེབས་བྱིན་རླབས་ཆར་འབེབས་ལྡེབ་༈ ཧཱུྃ་སྒྲུབ་གསོལ་འདེབས་གཅིག་དྲིལ་ལྡེབ ༡ གྲོ་ལོད་བསྐང་བ་པདྨའི་ཆུན་འཕྱང་ལྡེབ་༡ སྨན་བླའི་ཆོ་ག་བསོད་ནམས་ཚོགས་ཆེན་ལྡེབ ༤ བཅས། ༈ གཉིས་པ་བདུད་རྩི་འཁྱིལ་བའི་སྐོར་ལ ཁྲོ་རྒྱལ་བདུད་རྩི་འཁྱིལ་བའི་དབང་ཆོག་ཡེ་ཤེས་འོད་ ཟེར་ལྡེབ ༤ བདུད་འཁྱིལ་གསོལ་འདེབས་བྱིན་རླབས་ཆར་འབེབས་ལྡེབ་༈ ལས་བྱང་རྡོ་རྗེའི་ཕྲེང་བ་ལྡེབ་ཛཔ་དགོངས་དངོས་གྲུབ་རྒྱ་མཚོ་ལྡེབ་༈ བསྐང་བ་འདོད་འབྱུང་ནོར་བུ་ལྡེབ ༈ བསྐུལ་ཟློག་ཡེ་ཤེས་འོད་དྲྭ་ལྡེབ་༡ བདུད་འཁྱིལ་ཆ་ལག་མོ་སྲི་ཁ་ཆིངས་རྡོ་རྗེའི་མདུད་པ་ལྡེབ་༡ བཅས། ༈ གསུམ་པ་སྣ་ཚོགས་སྐོར་ལ མཁའ་འགྲོ་ལབ་སྒྲོན་མའི་སྒྲུབ་པ་དངོས་གྲུབ་ཆུ་རྒྱུན་ལྡེབ་༡ བགེགས་ཚིམས་ཡས་གླུད་བསྔོ་ཐབས་འདོད་ཡོན་རྒྱན་འཁོར་ལྡེབ་༦ ཚེ་ཐར་བྱེད་པའི་ཆོ་ག་བཀྲ་ཤིས་ཚེ་བཅུད་ལྡེབ་༈ གཟའ་བརྒྱད་རྦད་ནས་འཆིང་བའི་འཁོར་ལོ་ལྡེབ་༢ སྔགས་སྲུང་ཤ་ཟ་ངེས་ནུས་མའི་གསོལ་མཆོད་ཡིད་བཞིན་ནོར་བུ་ལྡེབ་༡ སྔགས་སྲུང་ཆེན་མོའི་པྲ་མོ་མངོན་ཤེས སྒྲོན་མ་བཀྲ་ཤིས་གཡུང་འཁྱིལ་ལྡེབ ༤ རྣམ་སྲས་རིགས་ལྔའི་གསོལ་མཆོད་འདོད་ཡོན་ཆར་འབེབས་ལྡེབ་༈ ནོར་ལྷ་གཏེར་བདག་རྣམས་ཀྱི་གསོལ་མཆོད་བེེཿ བྱང་ཕྱོགས་རིན་ཆེན་སོགས་ལྡེབ་༡ གནོད་སྦྱིན་དམར་ནག་གི་གསོལ་བསྡུས་ལྡེབ ༡ རྡོ་རྗེ་ལེགས་པའི་གསོལ་མཆོད་སྲོག་རྩ་དམར་ལེན་ལྡེབ ༡ བཅས། ༈ བཞི་པ་རྨ་ཆེན་སྤོམ་རའི་སྐོར་ ༄༅། །ལ་རྨ་ཆེན་སྤོམ་རའི་སྲོག་དབང་ལྡེབ ༤ རྨ་ཆེན་སྤོམ་རའི་སྒྲུབ་ཐབས་ཟབ་མོ་ལྡེབ་༥ དྲེགས་པ་ལས་ལ་བཀོལ་བའི་བདེན་ཚིག་སྨོན་ལམ་འདོད་དོན་ལྷུན་གྲུབ་ལྡེབ་༈ གཅོད་ཀྱི་སྒོམ་རིམ་ཕུང་པོ་ཚོགས་སྦྱིན་ངར་འཛིན་རྩད་གཅོད་ལྡེབ ༤ རྫོགས་ཆེན་ཡང་བཅུད་དྭངས་མ་མྱུར་ལམ་འཕོ་ཆེན་གདམས་པ་མ་སྒོམ་སངས་རྒྱས་ལྡེབ་༡༣ གཟུགས་ཕུང་སྟོང་ཉིད་དུ་སྦྱངས་པའི་གདམས་པ་ཨུ་པ་དེ་ཤ་ལྡེབ་༤ བཅས་སོ། ། ༈ སྐོར་ཚོ་གཉིས་པ་ཆོས་ཉིད་ནམ་མཁའི་ཀློང་མཛོད་སྐོར་གྱི་སྟོད་ཆ་འདིར་གསུམ་ལས། དང་པོ་བླ་སྒྲུབ་སྣ་ཚོགས་སྐོར་ལ། ཀློང་སྙིང་བླ་སྒྲུབ་ཀྱི་གསོལ་འདེབས་བྱིན་རླབས་ཆར་འབེབས་ལྡེབ་༡ བླ་སྒྲུབ་དངོས་གྲུབ་རྒྱ་མཚོ་ལྡེབ ༡༡ བསྐང་བ་ཉམས་ཆག་རང་གྲོལ་ལྡེབ ༣ བཅས། ༈ རྗེ་བཙུན་མི་ལ་བཞད་པ་རྡོ་རྗེའི་བླ་སྒྲུབ་རྩ་སྒྲུབ་དངོས་གྲུབ་གཏེར་མཛོད་ལྡེབ་༤ དེའི་ཚོགས་མཆོད་ཉམས་ཆག་རང་གྲོལ་ལྡེབ་༢ བཅས། ༈ བདུད་འཇོམས་བླ་སྒྲུབ་དངོས་གྲུབ་ཆར་འབེབས་ལྡེབ ༤ བླ་མའི་གསོལ་འདེབས་དབང་བཞིའི་ཆུ་རྒྱུན་ལྡེབ་༡ བླ་སྒྲུབ་མན་ངག་རྡོ་རྗེའི་གྲོང་འཇུག་ལྡེབ་༤ ཚོགས་ མཆོད་སྒྱུ་འཕྲུལ་དགའ་སྟོན་ལྡེབ་༈ བཅས། ༈ ཚེ་དཔག་མེད་ཀྱི་ཕྱག་རྒྱ་འཆི་མེད་བུམ་བཟང་ལྡེབ ༈ གུ་རུའི་བླ་སྒྲུབ་རྡོ་རྗེའི་གྲོང་འཇུག་ལྡེབ་༤ དེའི་ཆ་ལག་ཚོགས མཆོད་བདུད་རྩིའི་རྒྱ་མཚོ་ལྡེབ ༥ བསྐང་བ་བདེ་ཆེན་ཐར་ལམ་ལྡེབ་༡ ཨོ་རྒྱན་ཆེན་པོའི་ཕྱག་རྒྱ་བདུད་རྩིའི་བུམ་བཟང་ལྡེབ ༡ བཅས། ༈ གུ་རུ་བློ་ལྡན་མཆོག་སྲེད་ཀྱི གཏོར་དབང་ལྡེབ་༈ བློ་ལྡན་མཆོག་སྲེད་ཀྱི་ཕྱག་རྒྱ་རྡོ་རྗེ་རྣོན་པོ་ལྡེབ་༤ དང་། རིག་འཛིན་པདྨ་རྒྱལ་པོའི་གསང་སྒྲུབ་རྡོ་རྗེའི་རྒྱ་ཅན་དབང་སྡུད་ལྕགས་ཀྱུ་གཏོར་དབང་དང་བཅས་པ་ལྡེབ་ྋ བཅས། ༈ གུ་རུ་པདྨ་དྲག་པོའི་རྩ་སྒྲུབ་རྒྱ་མཚོ་འཁྱིལ་བ་ལྡེབ་༢ དེའི་ཚོགས་མཆོད་རཾ་ཡཾ་ཁཾ་མ་དག་གཉིས་འཛིན་སོགས་ལྡེབ་༢ དང་། བླ་མ་འཆོལ་བར་ཁྲོས་པའི་གསང་སྒྲུབ་དངོས་གྲུབ་གཏེར་བུམ་ལྡེབ་༡ གྲོ་ལོད་ཕྱག་རྒྱ་སྣང་སྲིད་ཟིལ་གནོན་ལྡེབ ༈ གྲོ་ལོད་རྩ་སྒྲུབ་གསང་བ་སྙིང་པོ་ལྡེབ ༈ བཅས་སོ། ། ༈ གཉིས་པ་ཡི་དམ་སྒྲུབ་པ་ཕྲིན་ལས་སྣ་ཚོགས་སྐོར་ལ་ལྔ་ལས། དང་པོ་སྤྱི་དཔལ་ཆེན་པོའི་སྐོར་ལ། སྤྱི་དཔལ་ཆེན་པོའི་མངོན་རྟོགས་དབང་ཆོག་དང་བཅས་པ་ལྡེབ་༈ དཔལ་ཆེན་ཡོངས་ ༄༅། །རྫོགས་ཕྲིན་ལས་ལྷུན་གྲུབ་ལྡེབ ༤ བདེ་གཤེགས་སྤྱི་དྲིལ་གསང་བའི་སྒྲུབ་པ་ལྡེབ ༈ དཀྱིལ་འཁོར་ཡོངས་ཀྱི་ཁྱབ་བདག་ལྡེབ་༡ བཅས། ༈ གཉིས་པ་འཇིགས་བྱེད་ནཱ་ག་རཀྴའི་སྐོར་ལ། ནཱ་ག་རཀྴའི་དབང་ཆོག་ཡེ་ཤེས་འོད་ཟེར་ལྡེབ ༥ གཤིན་རྗེ་འཆོལ་བར་ཁྲོས་པའི་སྒྲུབ་ཐབས་བདུད་ཀྱི་དཔུང་འཇོམས་ལྡེབ་༨ ནཱ་ག་རཀྵའི་སྒྲུབ་པ་ཀླུ་གཉན་གདུག་པ་ཚར་གཅོད་ལྡེབ་༥ བཅས། ༈ གསུམ་པ་ཐུགས་ཆེན་ཞི་དྲག་སྐོར་ལ། ཐུགས་ཆེན་སྒྲུབ་པའི་ཆ་ལག་བྱིན་འབེབས་བྱིན་རླབས་ཆར་འབེབས ལྡེབ་༈ ལྷ་མཆོག་འཇིག་རྟེན་དབང་ཕྱུག་མངོན་བྱེད་གདམས་པ་རང་བྱུང་སངས་རྒྱས་ལྡེབ་༥ ཐུགས་ཆེན་སྒྲུབ་ཐབས་རྡོ་རྗེའི་གྲོང་འཇུག་ལྡེབ་༡ ཐུགས་ཆེན་རྣམ་རྒྱལ་བུམ་སྒྲུབ ལྡེབ་༈ ཐུགས་ཆེན་ཆ་ལག་བུམ་བསྐྱེད་དབང་གི་ཆུ་བོ་ལྡེབ་༢ ཐུགས་ཆེན་ལས་བུམ་སྒྲུབ་ཐབས་ལྡེབ ༡ བཅས་དང་། ༈ རྟ་མགྲིན་ཡང་ཁྲོས་ནག་པོའི་ཕྱག་རྒྱ་ཁམས་གསུམ་རོལ་པ་ལྡེབ ༢ རྟ་མགྲིན་ཀླུ་འདུལ་ནག་པོའི་སྒྲུབ་ཐབས་ཕ་རོལ་དཔུང་འཇོམས་ལྡེབ་༡ བཅས། ༈ བཞི་པ་ཕྱག་རྡོར་སྐོར་ལ། གསང་བདག་རྡོ་རྗེ་གཏུམ་པོའི་མངོན་ རྟོགས་དངོས་གྲུབ་ཆར་འབེབས་ལྡེབ་༡ ཕྱག་ན་རྡོ་རྗེའི་ཕྱག་རྒྱ་དངོས་གྲུབ་ཆར་འབེབས་ལྡེབ་༡ བཅས། ༈ ལྔ་པ་ཕུར་པའི་སྐོར་ལ། དཔལ་ཆེན་རྡོ་རྗེ་གཞོན་ནུའི་མངོན རྟོགས་བདུད་བཞིའི་དཔུང་འཇོམས་ལྡེབ ༡ གསང་སྒྲུབ་ཡེ་ཤེས་མངོན་བྱེད་ལྡེབ ༡ སྒོམ་བཟླས་བདེ་ཆེན་མྱུར་ལམ་ལྡེབ་༈ གབ་དོན་སྲོག་གི་ཡང་ཐིག་རྡོ་རྗེའི་གོ་ཁྲབ་ལྡེབ་༨ སྒྲུབ་པའི་ཆ་ལག་མདུན་བསྐྱེད་རྡོ་རྗེའི་ཕྲེང་བ་ལྡེབ་༈ ཕུར་པ་ཡེ་ཤེས་མངོན་བྱེད་མྱུར་ལམ་རྡོ་རྗེའི་གྲོང་འཇུག་ལྡེབ་༈ བཅས་སོ། ། ༈ གསུམ་པ་མཁའ་འགྲོའི་སྐོར་ལ་གཉིས་ལས། དང་པོ་ཕག་མོའི་སྐོར་ལ། རྒྱལ་ཡུམ་རྡོ་རྗེ་ཕག་མོའི་རྩ་དབང་བྱིན་རླབས་ཆར་འབེབས་ལྡེབ་༤ རྡོ་རྗེ་ཕག་མོའི་སྒོས་སྒྲུབ་མ་རིག་མུན་སེལ་ལྡེབ་༨ བླ་རྡོ་ཙཀྲ་བཅང་ཐབས་ལྡེབ ༡ བཅས། ༈ གཉིས་པ་རྡོ་རྗེ་རྣལ་འབྱོར་མའི་སྐོར་ལ རྡོ་རྗེ་རྣལ་འབྱོར་མའི་དབང་ཆོག་སྨིན་བྱེད་དབང་གི་ཆུ་རྒྱུན་ལྡེབ་༣ གསོལ་འདེབས་བྱིན་རླབས་ཆར་འབེབས་ལྡེབ་༡ རྩ་སྒྲུབ་ཡིད་བཞིན་དབང་རྒྱལ་ལྡེབ ༡༡ གསང་སྒྲུབ་ཡེ་ཤེས་འོད་ཕུང་ལྡེབ ༢ བསྐང་བ་འདོད་འཇོའི་དཔལ་སྟེར་ལྡེབ་༈ ཡེ་ཤེས་མཚོ་རྒྱལ་གྱི་ ༄༅། །གསང་སྒྲུབ་ཐུགས་ཀྱི་གྭའུ་ལྡེབ་༡ མཁའ་འགྲོ་ཕག་ཁྲོས་སེང་གསུམ་གྱི་བསྐང་བ་འདོད་འབྱུང་ནོར་བུ་ལྡེབ་༡ ཡེ་ཤེས་མཁའ་འགྲོ་ཕག་ཁྲོས་སེང་གསུམ་གྱི་བསྐུལ་བྱང་ལྡེབ ༡ བཅས། པོད་འདིར་ཆོས་ཚན་བརྒྱད་ཅུ་གྱ་བརྒྱད་ལ་ལྡེབ་༢༤༨ དང་། གླེགས་བམ་གྱི་དཀར་ཆག་རང་ཉིད་ལྡེབ ༤ བཅས་བསྡོམས་ལྡེབ་གྲངས་༢༥༢ བཞུགས། ༈ གྲུབ་པའི་འཁོར་སྒྱུར་བདུད་འཇོམས་གླིང་པ་ཡི། །ཟབ་གཏེར་གསང་བའི་ཆོས་མཛོད་ཡིད་བཞིན་ནོར། །ཀུན་བཟང་མིང་གིས་སྤར་དུ་བཏབ་སྤེལ དགེས། །ཟབ་ཆོས་ཕྲིན་ལས་མི་ནུབ་རྟག་ཁྱབ་ཤོག ། ༈ པདྨའི་རིང་ལུགས་སྔ་འགྱུར་རྫོགས་པ་ཆེ། །ངེས་དོན་སྙིང་པོའི་ཤིང་རྟ་བདུད་འཇོམས་གླིང་། །གང་གི་ཟབ་གཏེར་བསྟན་པ་སྲིད་མཐའི་བར། །མི་ནུབ་བཤད་དང་སྒྲུབ་པས་འཛིན་གྱུར་ཅིག །དགེའོ།།