Tibetan
THE COLLECTED TREASURE -TEXT OF BDUD - JOMS - GLING -PA VOLUME - 12 2017 T11612 - 002 ༄༅། །སྤྲུལ་པའི་གཏེར་ཆེན་བདུད་འཇོམས་གླིང་པའི་ཟབ་གཏེར་གསང་བའི་ཆོས་སྡེའི་གླེགས་བམ་བཅུ་གཉིས་པ་བཞུགས་སོ།། T11612 - 003 T1612 - 004 སྱྃ༔ མ་ཧཱ་ཨ་ཏི་ཡོ་གའི་ཟབ་ཆོས་དགོངས་པ་ཀློང་རྡོལ་ལས༔ རྩ་བ་གསུམ་གྱི་གསོལ་འདེབས་བྱིན་རླབས་ཡེ་ཤེས་ཀྱི་ཆུ་རྒྱུན་ཞེས་བྱ་བ་བཞུགས་སོ༔ ཨེ་མ་ཧོཿ རང་སྣང་དག་པ་རབ་འབྱམས་རྒྱལ་བའི་ཞིང་༔ མི་འགྱུར་གསང་བ་མཆོག་གི་དཀྱིལ་འཁོར་ན༔ ཆོས་སྐུ་ཀུན་བཟང་ལོངས་སྐུ་རྡོ་རྗེ་སེམས༔ སྤྲུལ་སྐུ་ཕྱག་རྡོར་ཡང་སྤྲུལ་རིག་འཛིན་ཚོགས༔ པད་འབྱུང་སྐུ་ལྔ་མཚན་བརྒྱད་རྗེ་འབངས་སོགས༔ བརྒྱུད་པ་དགུ་ལྡན་བླ་མར་གསོལ་བ་འདེབས༔ བདག་རྒྱུད་སྨིན་ཅིང་གྲོལ་བར་བྱིན་གྱིས་རློབས༔ བཀའ་དགོངས་ཕུར་གསུམ་གུ་རུ་དྲག་པོ་སོགས༔ ཡི་དམ་རྒྱལ་བའི་དཀྱིལ་འཁོར་མ་ལུས་ལ༔ སྙིང་ནས་གུས་པ་ཆེན་པོས་གསོལ་བ་འདེབས༔ བདག་རྒྱུད་སྨིན་ཅིང་གྲོལ་བར་བྱིན་གྱིས་རློབས༔ ཕག་ཁྲོས་སེང་གསུམ་ཡེ་ཤེས་མཚོ་རྒྱལ་སོགས༔ མ་ཚོགས་ཡེ་ཤེས་མཁའ་འགྲོ་རྒྱ་མཚོ་ལ༔ སྙིང་ནས་གུས་པ་ཆེན་པོས་གསོལ་བ་འདེབས༔ བདག་རྒྱུད་སྨིན་ཅིང་གྲོལ་བར་བྱིན་གྱིས་རློབས༔ ཚེ་རབས་བསགས་པའི་ལས་ཉོན་སྡིག་སྒྲིབ་ཀུན༔ སྐད་ཅིག་ཉིད་ལ་བྱང་ཞིང་དག་གྱུར་ཅིག༔ ནམ་ཞིག་མི་གཙང་ལུས་འདི་བོར་མ་ཐག༔ དག་པ་བདེ་བ་ཅན་གྱི་ཞིང་ཁམས་སུ༔ མ་ཆགས་པདྨ་གེ་སར་བཞད་པའི་ མཁར༔ བརྫུས་སྐྱེས་མཆོག་གི་སྤྲུལ་སྐུ་འཐོབ་པར་ཤོག༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ། ཞེས་པ་འདི་ཡང་སྔགས་པའི་ཚུལ་འཆང་རྒད་པོ་བདུད་འཇོམས་རྡོ་རྗེ་ལ་ཡང་གསང་སྒྱུ་མའི་བརྡ་རིས་ཤར་བའོ། ཡི་གེ་པ་ནི་ཕུན་ཚོགས་བཀྲ་ཤིས་ཀྱིས་བྲིས་སོ། །དགེའོ། །སརྦ་མངྒ་ལཾ།། ། ལ འཇོམས་རྩ་གསུམ T11612 - 006 སྱྃ༔ རྫོགས་པ་ཆེན་པོའི་ཟབ་ཆོས་དགོངས་པ་ཀློང་རྡོལ་ལས༔ བླ་མ་དང་འཇམ་དཔལ་དབྱེར་མེད་ཀྱི་གསོལ་འདེབས་བདུད་རྩིའི་ཐིག་པ་བཞུགས་སོ༔ ཨེ་མ་ཧོཿ གནས་འོག་མིན་ཟངས་མདོག་དཔལ་རི་ན༔ ཕ་ཀུན་མཁྱེན་པད་འབྱུང་འཇམ་པའི་དབྱངས༔ ཡིད་མོས་གུས་གདུང་བས་གསོལ་བ་འདེབས༔ སེམས་མ་རིག་རྣམ་གཡེང་འཁྲུལ་འཁོར་འདི༔ ཐུགས་གསལ་བའི་སྒྲོན་མེས་བསལ་དུ་གསོལ༔ ལས་མང་བསགས་བག་ཆགས་འཐུག་པོ་འདི༔ ཐུགས་དག་བྱེད་ཆུ་ཡིས་སྦྲང་དུ་གསོལ༔ འཁྲུལ་བདག་འཛིན་དུག་གི་སྡོང་པོ་འདི༔ ཐུགས་མཁྱེན་བརྩེའི་རལ་གྲིས་བཅད་དུ་གསོལ༔ བུའི་ལུས་ངག་ཡིད་ལ་བྱིན་གྱིས་རློབས༔ དུས་འབད་མེད་སྟན་ཐོག་འདི་ཉིད་དུ༔ ཕ་ཁྱེད་དང་དབྱེར་མེད་འགྲུབ་གྱུར་ཅིག༔ ལུས་ཚེ་རབས་གང་ནས་གང་བརྒྱུད་ཀྱང་༔ རྐྱེན་ངན་པའི་དབང་དུ་མི་འགྲོ་ཞིང་༔ ལས་བྱ་བ་དམ་པའི་ཆོས་སུ་འགྱུར༔ ཕ་ཁྱེད་ཀྱི་དགོངས་སྤྱོད་ཅི་འདྲ་ཡང་༔ བུ་བདག་ཀྱང་དེ་འདྲར་འགྱུར་བར་ཤོག༔ ཨོཾ་ཨ་ར་པ་ཙ་ན་དྷཱིཿདྷཱིཿ ཞེས་ཉིན་རེར་བརྒྱ་རེ་མ་ཆགས་ན༔ ཚེ་འདི་རྗེས་འཇམ་དཔལ་གོ་འཕང་ཐོབ༔ བཀའ་བསླུ་བ་མེད་དོ་ས་མ་ཡ༔ ཞེས་པའི་གསོལ་འདེབས་བདུད་རྩིའི་ཐིག་པ་འདི༔ རྟ་ལོ་དགུན་ཟླ་འབྲིང་པོའི་ཚེས་བཅུའི་ཉིན༔ སྐར་མ་ལྷ་མཚམས་ཤར་བའི་ཉིན་གོང་ལ༔ སྤྲང་འཁྱམས་ལྷ་བཙུན་བདུད་འཇོམས་རྡོ་རྗེ་ལ༔ འཇམ་དཔལ་ཡེ་ཤེས་སེམས་དཔས་དངོས་སུ་གསུངས༔ ཁོ་བོ་ཉམས་དགའ་དྲི་བཟང་སྒྲུབ་ཁང་གང་༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ དགེའོ། །དགེའོ །དགེའོ།། འཇོམས་འཇམ་དཔལ་T11612 - 008 T11612 - 008 མ་ཧཱ་ཨ་ཏི་ཡོ་གའི་ཟབ་ཆོས་དགོངས་པ་ཀློང་རྡོལ་ལས༔ རིག་འཛིན་བླ་མའི་སྒྲུབ་པ་ནོར་བུའི་ཕྲེང་བ་བཞུགས་སོ༔ T11612 - 009 བདུད་འཇོམས་རིག་འཛིན་བླ་མ་ས ངྷརྟ༔ ན་མོ་གུ་རུ་པདྨ་ཀ་ར་ཡེ༔ པདྨ་འབྱུང་གནས་བརྒྱུད་འཛིན་པའི༔ སྐལ་བར་ལྡན་པའི་སྐྱེས་བུ་ལ༔ དགོས་འདོད་ཡིད་བཞིན་འབྱུང་བའི་གནས༔ བླ་མ་སྒྲུབ་པའི་མན་ངག་གཅེས༔ དེ་ཕྱིར་གདམས་པ་ཟབ་མོའི་གནད༔ དམིགས་པ་གཞན་དུ་མ་ཡེངས་པར༔ རྩེ་གཅིག་བསྒོམ་བཟླས་དག་ལ་འབད༔ དངོས་གྲུབ རྣམ་གཉིས་མྱུར་ཐོབ་འགྱུར༔ ས་མ་ཡ༔ དང་པོ་སྐྱབས་སུ་འགྲོ་བ་ནི༔ ན་མོ༔ བདག་དང་མཐའ་ཡས་སེམས་ཅན་ཀུན༔ དེང་བཟུང་བྱང་ཆུབ་མ་ཐོབ་བར༔ རིག་འཛིན་བླ་མའི་དཀྱིལ་འཁོར་ལ༔ སྒོ་གསུམ་གུས་པས་སྐྱབས་སུ་མཆི༔ ལན་གསུམ༔ དེ་ནས་སེམས་བསྐྱེད་པ་ནི༔ ཧོཿ རིག་འཛིན་བླ་མའི་T11612 - 010 གཉིས་སྱྃ༔ དཀྱིལ་འཁོར་དུ༔ བདག་གིས་བྱང་ཆུབ་ངེས་བསྒྲུབ་ཅིང་༔ གང་ལ་གང་འདུལ་ཕྲིན་ལས་ཀྱིས༔ འགྲོ་ཀུན་བསྒྲལ་བར་དམ་བཅའ་འོ༔ ལན་གསུམ༔ དེ་ནས་ལྷ་བསྐྱེད་ནི༔ ཡུལ་གྱི་ཞེན་པ་བཟློག་པའི་ཕྱིར༔ ཨཱཿ སྣང་བ་ཐམས་ཅད་པདྨ་འོད༔ སྲིད་པ་དག་མཉམ་སྤྲུལ པའི་གར༔ གནས་ཁང་ཞེན་པ་བཟློག་པའི་ཕྱིར༔ ལྷུན་གྲུབ་བདེ་ཆེན་གཞལ་ཡས་ཁང་༔ རྒྱན་དང་བཀོད་པ་རྫོགས་པའི་དབུས༔ ཁྲི་གདན་ཞེན་པ་བཟློག་པའི་ཕྱིར༔ མ་ཆགས་སྐྱོན་བྲལ་པད་ཉིའི་སྟེང་༔ ངར་འཛིན་ཞེན་པ་ཟློག་པའི་ཕྱིར༔ རང་ཉིད་སྐད་ཅིག་དྲན་རྫོགས་སུ༔ དུས་གསུམ་སངས་རྒྱས་འདུས་པའི་T11612 - 011 དཔལ༔ སྣང་སྲིད་ཟིལ་གནོན་པདྨ་འབྱུང་༔ དཀར་དམར་མདངས་ལྡན་ཞི་མ་ཁྲོ༔ ཕྱག་གཡས་གསེར་གྱི་རྡོ་རྗེ་དང་༔ གཡོན་པས་བྷནྡྷ་ཚེ་བུམ་བསྣམས༔ མཆན་ཁུང་གཡོན་དུ་ཁ་ཊྭཱྃ་བརྟེན༔ པད་ཞྭ་ཕོད་ཁ་ཟ་བེར་དང་༔ ཆོས་གོས་ཐང་ཤམ་སག་ལྷམ་གསོལ༔ རིན་པོ་ཆེ་ཡི་སྙན་ཆ་མཛེས༔ རྒྱལ་པོ་རོལ་པའི་སྟབས་སུ་འགྱིང་༔ ཡེ་ཤེས་འོད་ཕུང་གཟི་བརྗིད་འབར༔ སྐུ་ལ་རྒྱུད་སྡེའི་དཀྱིལ་འཁོར་རྫོགས༔ འབུམ་ཕྲག་ཡངས་པའི་མཁའ་འགྲོས་བསྐོར༔ དམ་ཅན་སྲུང་མས་བཀའ་ཉན་འདུད༔ འཁོར་འདས་སྤྱི་དཔལ་མཆོག་ཏུ་བསྐྱེད༔ གསང་བའི་སྙིང་པོ་འབྲུ་གསུམ་ལས༔ འོད་འཕྲོས་དབྱིངས་ནས་སྤྱན་དྲངས་བསྟིམ༔ དེ་ནས་སྤྱན་དྲངས་པ་ནི༔ ཧཱུྃ༔ ཨོ་རྒྱན་ཡུལ་གྱི་ནུབ་བྱང་མཚམས༔ པདྨ་གེ་སར་སྡོང་པོ་ལ༔ ཡ་མཚན་མཆོག་གི་དངོས་གྲུབ་བརྙེས༔ པདྨ་འབྱུང་གནས་ཞེས་སུ་གྲགས༔ འཁོར་དུ་མཁའ་འགྲོ་མང་པོས་བསྐོར༔ ཁྱེད་ཀྱི་རྗེས་སུ་བདག་བསྒྲུབ་ཀྱིས༔ བྱིན་གྱིས་བརླབས་ཕྱིར་གཤེགས་སུ་གསོལ༔ བཛྲ་ས་མ་ཡ་ཛ་ཛཿ དེ་ནས་བཞུགས་གསོལ་ཕྱག་འཚལ་མཆོད་འབུལ་ལ༔ ཧཱུྃ༔ གདོད་ནས་ལྷན་སྐྱེས་ཡེ་ཤེས་ལྷ༔ གཉིས་མེད་རོལ་པར་བརྟན་བཞུགས་གསོལ༔ སྱྃ༔ སྒྱུ་འཕྲུལ་གར་གྱིས་ཕྱག་འཚལ་ལོ༔ སྣང་སྲིད་མཆོད་པའི་ཕྱག་རྒྱར་འབུལ༔ ས་མ་ཏི་སྟྭཾ༔ ན་མོ་ན་མ་ཧོཿ མ་ཧཱ་སརྦ་པཱུཔཱུ་ཛ་ག་ཎ་ཙཀྲ་ཧོཿ དེ་ནས་བསྟོད་པ་བྱ་བ་ནི༔ ༔ གཞི་དབྱིངས་སྤྲོས་མཐའ་བྲལ་བ་ཆོས་ཀྱི་སྐུ༔ གཞི་སྣང་ལྷུན་གྲུབ་བདེ་ཆེན་ལོངས་སྤྱོད་རྫོགས༔ ཐུགས་རྗེས་གདུལ་དཀའ་འདུལ་མཛད་སྤྲུལ་པའི་སྐུ༔ སྐུ་གསུམ་རྫོགས་པའི་དཔལ་ལ་ཕྱག་འཚལ་བསྟོད༔ དེ་ནས་འཛབ་དགོངས་ནི༔ ཧཱུྃ༔ རང་ཉིད་པདྨ་འབྱུང་གནས་ཀྱི༔ ཐུགས་ཀར་པད་ཟླའི་གདན་སྟེང་དུ༔ གསེར་གྱི་རྡོ་རྗེའི་ལྟེ་བ་རུ༔ སྲོག་གི་སྙིང་པོ་ཧྲཱིཿ ཡིག་དཀར༔ དེ་མཐར་སྔགས་ཀྱི་ཕྲེང་བས་བསྐོར༔ འོད་འཕྲོས་མཆོག་ཐུན་དངོས་གྲུབ་ཀུན༔ བསྡུས་ཏེ་སྲོག་གི་སྙིང་པོར་བསྟིམ༔ གཟི་བྱིན་ནུས་སྟོབས་འབར་བར་བསྒོམ༔ ཨོ་ཨཱཿ ཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ བསྙེན་ཅིང་བསྒྲུབ་པའི་འཛབ་དགོངས་ནི༔ དེ་ལྟར་གསལ་བའི་འོད་ཟེར་གྱིས༔ རྒྱལ་བ་རྒྱ་མཚོའི་ནུས་བཅུད་བསྡུ༔ སྣོད་བཅུད་དག་མཉམ་རོལ་པར་ཞི༔ དཀྱིལ་འཁོར་གསུམ་དུ་རྫོགས་སངས་རྒྱས༔ ཨོཾ་ཨཱཿ ཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ དེ་ནས་ལས་ལ་སྦྱོར་བ་ནི༔ བདག་ཉིད་ལྷའི་ཐུགས་ཀ་ནས༔ འོད་འཕྲོས་ལྷ་དང་སྲུང་མ་བསྐུལ༔ ཕོ་ཉ་ ལས་མཁན་ཐུན་མཚོན་འཕྲོས༔ དགྲ་བགེགས་ལོག་འདྲེན་གནོད་བྱེད་ཀུན༔ བསྲེགས་གཏུབ་རྔམས་ཟས་བྱས་ནས་ཀྱང་༔ རྗེས་ཤུལ་ལྷག་མ་མེད་པར་བསམ༔ ཨོཾ་ཨཱཿ ཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ སརྦ་ཤ་ཏྲུཾ་མཱ་ར་ཡ་རྦད་བྷྱོ༔ དེར་བརྟེན་ཁ་ཆར་གཅོད་འདོད་ན༔ རང་ཉིད་ལྷ་ཡི་ཐུགས་ཀ་ནས༔ འོད་དང་འོད་ཟེར་དཔག་མེད་འཕྲོས༔ ས་གཞི་ལྕགས་སྲེག་མེ་འབར་བ༔ སྲུབ་དང་སྒོ་མེད་རང་བཞིན་ཅན༔ སྤྲིན་ཡང་མེ་ལྕེའི་འཁོར་ལོར་གྱུར༔ ནམ་མཁའི་དབྱིངས་སུ་ཡལ་བར་བསམ༔ ཨོཾ་ཨཱཿ ཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ ཀ་མུ་ཀ་མེ་ལུ་ཀ་ལུ་ལེ༔ ལུ་སྟྭཾ་བྷ་ཡ༔ ཤི་ལ་བར་ཤ་ཀྲུ་ཤྭ་ར༔ བར་ཤ་བི་ལུ་བི་སྭ་ཧཱ༔ ཞེས་བཟླས་ཤིང་ནམ་མཁའ་ལ་ཕུ་བཏབ་ཅིང་སྡིགས་མཛུབ་ཀྱི་རི་མོ་བྱས་པ་ངེས་པར་ཆད་དོ༔ དགྲ་ཇག་ཆོམ་རྐུན་སྲུང་འདོད་ན༔ རང་ཉིད་པདྨ་འབྱུང་གནས་ཀྱི༔ ཐུགས་ཀའི་འོད་ཟེར་རབ་འཕྲོས་པས༔ སྣང་སྲིད་ལྷ་སྲིན་སྡེ་བརྒྱད་བསྐུལ༔ མི་སྡུག་དྲག་པོའི་ཆོ་འཕྲུལ་གྱིས༔ དགྲ་མིག་ཁྲག་གིས་བཀང་ནས་སུ༔ སྒོ་གསུམ་མནན་བཅིང་བྱད་དུ་བཅུག༔ ཨོཾ་ཨཱཿ ཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ ཨཿ ཡཿ མཿ དུཿ རུཿ ཙཿ ཤཿ ནཿ ས་མ་ཡ་དགྲ་ཇག་ཆོམ་རྐུན་ཐམས་ཅད་ཆིངས་ཆིང་ཧུར་ཐུམ་རྦད༔ ཙཀྵུ་མུ་ཁཾ་བྷནྡྷ་བྷནྡྷ་སྭཱ སྱྃ༔ ཧཱ༔ མང་དུ་བཟླས་པས་ངེས་པར་ཐུབ༔ ནད་གདོན་ཀུན་ཐུབ་ཟབ་མོའི་སྔགས༔ རང་ཉིད་ལྷ་ཡི་ཐུགས་ཀ་ནས༔ འོད་ཟེར་དཔག་མེད་རབ་འཕྲོས་པས༔ ནད་གདོན་གནོད་བྱེད་མ་ལུས་པ༔ སྦུར་མ་མེ་ལ་བསྲེག་པ་ལྟར༔ རྗེས་ཤུལ་མེད་པར་བརླག་པར་བསམ༔ ཨོཾ་ཨཱཿ ཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ བྷི་ན་རྦད༔ ནཱ་ག་རྦད༔ ཏྲི་ཏྲི་ཧུར་ཐུམ་རྦད༔ པར་ཏ་རྦད༔༷ ནད་ཐམས་ཅད་ཤཱནྟི་ཀུ་རུ་ཡེ་སྭ་ཧཱ༔ བར་ཆད་ཐམས་ཅད་བསྲུང་བ་ལ༔ རང་ཉིད་ལྷ་ཡི་ཐུགས་ཀ་ནས༔ འོད་དང་འོད་ཟེར་རབ་འཕྲོས་པས༔ སྟེང་འོག་བར་གསུམ་ཐམས་ཅད་ཀུན༔ ཁྲོ་ཚོགས་མེ་དཔུང་མཚོན་ཐུན་གྱིས༔ བར་མཚམས་མེད་པར་རབ་གང་ནས༔ བར་ཆད་ཐམས་ཅད་བསྲུང་བཟློག་དམིགས༔ ཨོཾ་ཨཱཿ ཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ ཏདྱ་ཐཱ༔ ཨཱ་ལི་ཀཱ་ལི་མུད་ཙིཏྟི་སྭཱ་ཧཱ༔ རྒྱུན་དུ་བཟླས་ཤིང་རང་གཞན་གྱི་མི་ནོར་བསྲུང་ཚེ་ཉི་མ་ལ་ཁ་ལྟས་ཏེ་སྔགས་ཉེར་གཅིག་བཟླས་ཤིང་ཆུ་ལ་བཏབ་སྟེ་གནས་ཁང་སོགས་ལ་གཏོར་བས་བར་ཆད་ཐམས་ཅད་ངེས་པར་ཐུབ་བོ༔ དེ་ལྟར་ཉམས་སུ་ལེན པ་ལ༔ བསྐྱེད་དང་དམིགས་པ་གནད་ལྡན་པས༔ བསྙེན་པ་འབྲུ་འབུམ་སྒྲུབ་པ་བྱེ༔ ལས་སྔགས་འབུམ་ཕྲག་རེ་རེ་བཟླས༔ དེ་མཐར་ལས་གང་སྦྱོར་ཀྱང་འགྲུབ༔ ཐེ་ཚོམ་མེད་དོ་རྡོ་རྗེའི་ཚིག༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ནི་ ཨ་ལྕགས་འབྲུ་ཡི་བཙུན་ཆུང་བསོད་ནམས་ཡེ་ཤེས་ཀྱིས་ནན་དུ་བསྐུལ་ངོར་སྦས་པའི་རྣལ་འབྱོར་བདུད་འཇོམས་རྡོ་རྗེས་མཁའ་འགྲོའི་ཀློང་མཛོད་ལས་བཤུས་ཏེ་དག་པར་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་ཀྱིས་སོ། །མངྒ་ལཾ།། །། མ བདུད་འཇོམས་རིག་འཛིན་བླ་མ་T1612 - 016 T1612 - 016 སྱྃ༔ མ་ཧཱ་ཨ་ཏི་ཡོ་གའི་ཟབ་ཆོས་དགོངས་པ་ཀློང་རྡོལ་ལས༔ རིག་འཛིན་རྡོ་རྗེ་གཤོག་རྒོད་ཀྱི་ཚོགས་མཆོད་དངོས་གྲུབ་འབྱུང་གནས་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཙབྷ།སྭ་༒རྒྱ༔ གསང་སྔགས་སྒོར་ཞུགས་སྐྱེས་བུ་ཡི༔ དམ་ཚིག་ཉམས་ཆག་བསྐང་བ་དང་༔ ཚོགས་གཉིས་ཡོངས་སུ་རྫོགས་པའི་ཕྱིར༔ ཚོགས་ཀྱི་མཆོད་པ་ཕུལ་བ་ལ༔ འབྱོར་ཚོགས་ཟས་སྣ་སྣ་ཚོགས་བསགས༔ ཤ་དང་ཆང་ནི་མེད་མི་རུང་༔ སྤོད་དང་རོ་ལྡན་ཟས་ཚོགས་དང་༔ མདོར་ན་བཟའ་བར་འོས་སོ་ཅོག༔ བཤམས་ཏེ་བྱིན་གྱིས་རླབས་པ་ལ༔ ཧཱུྃ༔ རང་ཉིད་ལྷ་ཡི་ཐུགས་ཀ་ནས༔ འབྱུང་བའི་སྙིང་པོ་རཾ་ཡཾ་ཁཾ༔ འཕྲོས་པས་ཚོགས་ཀྱི་ཉེས་སྐྱོན་སྦྱངས༔ ཨོཾ་ཨཱཿ ཧཱུྃ་གིས་བདུད་རྩིར་བསྒྱུར༔ རཾ་ཡཾ་ཁཾ༔ ཨོཾ་ཨཱཿ ཧཱུྃ༔ དེ་ནས་སྤྱན་འདྲེན་པ་ལ༔ ༔ རང་སྣང་དོན་གྱི་འོག་མིན་ནས༔ དཀྱིལ་འཁོར་གཙོ་མཆོག་བླ་མ་ལ༔ རིག་འཛིན་བླ་མའི་ཚོགས་ཀྱིས་བསྐོར༔ ཚོགས་ལ་སྤྱན་འདྲེན་གཤེགས་སུ་གསོལ༔ ཟངས་མདོག་དཔལ་གྱི་རི་བོ་ནས༔ རྗེ་བཙུན་པདྨ་འབྱུང་གནས་ལ༔ དཔའ་བོ་མཁའ་འགྲོའི་ཚོགས་ཀྱིས་བསྐོར༔ ཚོགས་ལ་སྤྱན་འདྲེན་གཤེགས་སུ་གསོལ༔ གནས་མཆོག་ཉེར་བཞི་ཡུལ་སོ་གཉིས༔ དུར་ཁྲོད་ཆེན་པོའི་གནས་བརྒྱད་དང་༔ ཧེ་རུ་ཀ་ཡི་གནས་བཅུ་ན༔ བཞུགས་པའི་དཔའ་བོ་མཁའ་ འགྲོའི་ཚོགས༔ ཚོགས་ཀྱི་འདུ་བར་གཤེགས་སུ་གསོལ༔ བཛྲ་ས་མ་ཡ་ཛ་ཛཿ དེ་ནས་ཚོགས་ཕུད་འབུལ་བ་ལ༔ ཧོཿ རྩ་གསུམ་རྒྱ་མཚོའི་སྤྱི་དཔལ་མཆོག༔ གུ་རུ་པདྨ་འབྱུང་གནས་དང་༔ བརྒྱུད་གསུམ་རིག་འཛིན་བླ་མ་ལ༔ བདུད་རྩིའི་ཚོགས་ཀྱི་མཆོད་པ་འབུལ༔ སརྦ་མ་ཧཱ་གུ་རུ་ཧཿ རིཿ ནིཿ སཿ པཉྩ་སུ་ཀ་ཛྙཱ་ན་ཨ་མྲྀ་ཏ་ག་ཎ་ཙཀྲ་པཱུ་ཛ་ལ་ཁཱ་ཧི༔ དེ་ནས་བཤགས་པ་བྱ་བ་ལ༔ ཧོཿ དུས་གསུམ་རྒྱལ་བའི་སྤྱི་གཟུགས་མཆོག༔ རྡོ་རྗེའི་བླ་མ་དགོངས་སུ་གསོལ༔ བདག་ནི་བག་མེད་དབང་གྱུར་ཏེ༔ ཉམས་ཆག་འགལ་འཁྲུལ་ཅི་མཆིས་པ༔ ཚོགས་ཀྱི་མཆོད་པས་བསྐང་ཞིང་བཤགས༔ ཨོཾ་ག་ཎ་ཙཀྲ་སཏྭ་ས་མ་ཡ༔ སོགས་ཡི་གེ་བརྒྱ་པ་ཚང་བར་བརྗོད༔ དེ་ནས་བསྒྲལ་ཞིང་བསྟབས་པ་ལ༔ ཧཱུྃ༔ བདག་ཉིད་པདྨ་ཐོད་ཕྲེང་གི༔ ཡེ་ཤེས་སྒྱུ་འཕྲུལ རོལ་པའི་རྩལ༔ ཕོ་ཉ་ལས་མཁན་སྐར་ལྟར་འཁྲིགས༔ བདག་ལྟའི་རཱུ་དྲ་དབྱིངས་སུ་བསྒྲལ༔ བདག་མེད་མཉམ་ཉིད་རོལ་པའི་མཁར༔ བསྟབ་བོ་བཞེས་ཤིག་ལྷག་མེད་རོལ༔ སརྦ་ཤ་ཏྲུཾ་མཱ་ར་ཡ་རྦད་ཁཱ་ཧི༔ དེ་ནས་ལྷག་མ་འབུལ་བ་ལ༔ ཧཱུྃ་བྷྱོ༔ སྤྱི་དཔལ་ཆེ་མཆོག་ཧེ་རུ་ཀའི༔ བཀའ་ཉན་རོལ་པའི་ལྷག་སྡུད་མ༔ འཁོར་དང་ཡང་འཁོར་བཅས་པ་ཀུན༔ འདིར་ སྱྃ༔ གཤེགས་ལྷག་མའི་ལོངས་སྤྱོད་རོལ༔ རབ་འབྱམས་ཕྲིན་ལས་ཡོངས་གྲུབ་མཛོད༔ མ་མ་ཌཱ་ཀི་ནཱི་ཨུཙྪིཥྚ་བ་ལིཾ་ཏ་ཁཱ་ཧི༔ དེ་ནས་ཆད་མདོ་བརྟན་སྐྱོང་ལ༔ ་བྷྱོ༔ སྔོན་ཚེ་འདས་པའི་བསྐལ་པ་ལ༔ སྤྱི་དཔལ་ཆེ་མཆོག་ནས་བཟུང་སྟེ༔ བཀའ་དྲིན་གསུམ་ལྡན་བླ་མའི་བར༔ བརྒྱུད་གསུམ་བླ་མ་རིག་འཛིན་གྱི༔ བཀའ་བསྒོས་དམ་བཞག་ཅི་བཞིན དུ༔༷ ཆད་ཐོ་དམ་ཅན་སྲུང་མ་དང་༔ འཛམ་གླིང་བརྟན་མ་བཅུ་གཉིས་ཏེ༔ འཁོར་འབངས་སྡེ་རིགས་བཅས་རྣམས་ཀུན༔ འདིར་གཤེགས་དམར་གྱི་གཏོར་མ་ལོངས༔ ཁས་བླངས་དམ་བཅས་ཇི་བཞིན་དུ༔ རབ་འབྱམས་ཕྲིན་ལས་ཡོངས་གྲུབ་མཛོད༔ སརྦ་ས་མ་ཡ་ཨེ་དཾ་བ་ལི་ཏ་ཁཱ་ཧི༔ དེ་ནས་རྟ་བྲོ་བརྡུང་བ་ལ༔ ཧཱུྃ༔ མ་རིག་གཟུང་འཛིན་རཱུ་ཏྲ་ཀུན༔ བདག་མེད་ཆོས་ཉིད་མཁའ་རུ་བྲུབ༔ ཡེ་ཤེས་ལམ་གྱི་བྲོ་ར་འཁྲབ༔ འཁྲུལ་མི་ཤེས་པའི་དབྱིངས་སུ་ནན༔ མཱ་ར་ཡ་ཕཊ༔ སྟྭཾ་བྷ་ཡ་ནན༔ དེ་ནས་དངོས་གྲུབ་བླང་ཞིང་བཤགས་པ་བྱ་བ་ལ༔ ཧོཿ རིག་འཛིན་བླ་མའི་སྤྱན་སྔ་རུ༔ སྡོམ་དང་བསླབ་པ་དམ་ཉམས་བཤགས༔ སྐུ་གསུང་ཐུགས་ཡོན་ཕྲིན་ལས་ཀྱི༔ དངོས་གྲུབ་འབད་མེད་མྱུར་དུ་སྩོལ༔ བཛྲ་ས་མ་ཡ་ཤུདྡྷེ་ཨཱཿ ཀཱ་ཡ་ཝཱཀ་ཙིཏྟ་སིདྡྷི་ཕ་ལ་ཧོཿ དེ་ནས་བསྔོ་བ་སྨོན་ལམ་ནི༔ ཧོཿ འདི་དང་དུས་གསུམ་དགེ་ཚོགས་རྣམས༔ འགྲོ་ཀུན་སངས་རྒྱས་ཐོབ་ཕྱིར་བསྔོ༔ མ་གྱུར་མཁའ་མཉམ་སེམས་ཅན་ཀུན༔ ཕྱམ་གཅིག་རྫོགས་སངས་རྒྱས་གྱུར་ཅིག༔ དེ་ནས་བསྡུ་བའི་རིམ་པ་ལ༔ ཧོཿ རྟེན་དང་བརྟེན་པའི་དཀྱིལ་འཁོར་ལྷ༔ ཀ་དག་ཁྱབ་གདལ་ཆེན་པོར་ཨཱཿ སླར་ཡང་མཁའ་ལས་འཇའ་ཚོན་ལྟར༔ ཡེ་ཤེས་སྒྱུ་མའི་སྐུར་བསྒོམ་མོ༔ རྩ་སྔགས་བརྗོད༔ དེ་ནས་བཀྲ་ཤིས་བྱ་བ་ལ༔ ཨོཾ༔ མི་འགྱུར་མི་ཤིགས་རྡོ་རྗེའི་སྐུ༔ ཨཱཿ འགགས་མེད་རང་བྱུང་རྡོ་རྗེའི་གསུང་༔ ཧཱུྃ༔ ཀ་དག་སྤྲོས་བྲལ་རྡོ་རྗེའི་ཐུགས༔ ལྷུན་གྲུབ་ཡོན་ཏན་རྫོགས་པའི་གཏེར༔ ཕྲིན་ལས་གར་གྱིས་གདུལ་བྱ་འདུལ༔ དགོས་འདོད་འབྱུང་བའི་རིན་པོ་ཆེ༔ དཔལ་མགོན་བླ་མའི་བཀྲ་ཤིས ཤོག༔ ས་མ་ཡ༔ དེ་ལྟར་སྒྲུབ་མཆོད་ལ་བརྩོན་པས༔ སྐལ་བར་ལྡན་པའི་སྐྱེས་བུ་རྣམས༔ བསྐྱེད་དང་རྫོགས་པའི་གདིང་ལྡན་ན༔ ཚེ་འདིར་རྣམ་གྲོལ་འབྲས་བུ་ཐོབ༔ མི་བསླུ་ངེས་པ་རྡོ་རྗེའི་ཚིག༔ ས་མ་ཡ༔ རྒྱ་རྒྱ་རྒྱ༔ ཞེས་པ་འདི་ཉིད་སློབ་བུ་བསོད་ཆོས་ཞེས་པས་བསྐུལ་ངོར་རིག་འཛིན་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བ་དུས་གསུམ་དུ་དགེ་བར་གྱུར་ཅིག །དགེའོ། །དགེའོ །དགེའོ། །ཛཡནྟུ།། །། མ་ སྱཾ༔ མ་ཧཱ་ཨ་ཏི་ཡོ་གའི་ཟབ་ཆོས་དགོངས་པ་ཀློང་རྡོལ་ལས༔ བླ་མ་རིག་འདུས་དཔལ་གྱི་བསྐང་བསྐུལ་རྡོ་རྗེའི་ལུག་རྒྱུད་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཐ་ཤ་ལཾ༔ རིག་འཛིན་རྒྱལ་པོ་ལ་བརྟེན་ནས༔ ཐུགས་དམ་བསྐང་བའི་རིམ་པ་ལ༔ ཀྱེེ་ཧོཿ ཀ་དག་སྤྲོས་མཐའ་བྲལ་བའི་དབྱིངས༔ བླ་མ་ཆོས་སྐུའི་ཐུགས་དམ་བསྐང་༔ ལྷུན་གྲུབ་སྐུ་དང་ཡེ་ཤེས་མཛོད༔ བླ་མ་ལོངས་སྐུའི་ཐུགས་དམ་བསྐང་༔ གང་འདུལ་ཐབས་ཀྱིས་འགྲོ་བ་འདུལ༔ བླ་མ་སྤྲུལ་སྐུའི་ཐུགས་དམ་བསྐང་༔ བརྒྱུད་གསུམ་བླ་མ་འདུས་པའི་སྐུ༔ རྡོ་རྗེའི་བླ་མའི་ཐུགས་དམ་བསྐང་༔ ཟངས་མདོག་དཔལ་གྱི་རི་བོ་ནས༔ གདུལ་དཀའ་འདུལ་མཛད་ཕྲིན་ལས་གར༔ འཛམ་གླིང་ཡོངས་ཀྱི་མགོན་དུ་ཤར༔ པདྨ་འབྱུང་གནས་ཐུགས་དམ་བསྐང་༔ སྐུ་དང་ཡེ་ཤེས་རོལ་པའི་རྩལ༔ གནས་ཡུལ་དུར་ཁྲོད་ཐམས་ཅད་དུ༔ སྣ་ཚོགས་ཐབས་ཀྱིས་བརྡ་སྟོན་མཛད༔ དཔའ་བོ་མཁའ་འགྲོའི་ཐུགས་དམ་བསྐང་༔ འཇིག་རྟེན་འདས་ཀྱང་འཁོར་བའི་ཚུལ༔ བསྟན་དང་བསྟན་འཛིན་སྡེ་སྐྱོང་ཞིང་༔ ཞིང་བཅུ་སྒྲོལ་བའི་མཐུ་རྩལ་ཅན༔ དམ་ཅན་རྒྱ་མཚོའི་ཐུགས་དམ་བསྐང་༔ ཧོཿ རྡོ་རྗེའི་བླ་མ་དགོངས་སུ་གསོལ༔ བདག་ནི་ཚེ་རབས་ཐོག་ མེད་ནས༔ མ་རིག་འཁྲུལ་པའི་དབང་གྱུར་ཏེ༔ སོ་ཐར་བྱང་སེམས་གསང་སྔགས་ཀྱི༔ སྡོམ་དང་བསླབ་པ་དམ་ཉམས་ཀུན༔ ལས་ཉོན་བག་ཆགས་དང་བཅས་པ༔ མི་འཆབ་མི་སྦེད་གནོང་འགྱོད་པས༔ བཤགས་སོ་ཕྱིན་ཆད་སྡོམ་བགྱིད་དོ༔ དག་ཅིང་ཚངས་པར་མཛད་དུ་གསོལ༔ ཨོཾ་བཛྲ་སཏྭ་ས་མ་ཡ༔ སོགས་ཚང་བར་བརྗོད༔ དེ་ནས་ཐུགས་དམ་བསྐུལ་བ་ནི༔ ཧོཿ བསྐུལ་ལོ་ཆོས་ཀྱི་དབྱིངས་ཀྱི་ལྷ༔ བཞེངས་ཤིག་མི་མངོན་དབྱིངས་ནས་བཞེངས༔ དབྱིངས་ལ་བཞེངས་བཞུགས་མི་མངའ་ཡང་༔ གང་འདུལ་རྟེན་འབྲེལ་ཐབས་དུ་མས༔ བདག་ལྟའི་རཱུ་ཏྲ་བསྒྲལ་བའི་ཕྱིར༔ དྲག་ཁྲོས་རྔམས་པའི་སྐུར་བཞེངས་ལ༔ ཁམས་གསུམ་འཁོར་བའི་གཡོ་འཁྲུགས་ཀུན༔ སྡུག་བསྔལ་རྒྱུ་འབྲས་དང་བཅས་པ༔ ཡུལ་མེད་ཟང་ཐལ་ངང་དུ་སོད༔ འཁོར་འདས་དག་མཉམ་ཆེན་པོར་རོལ༔ དུས་ལ་བབ་པོ་ས་མ་ཡ༔ ཀ་དག་སྤྲོས་མཐའ་བྲལ་བ་ལས༔ མཁའ་ལ་འཇའ་ཚོན་ཤར་བ་བཞིན༔ ཡེ་ཤེས་དབྱིངས་ལས་སྤྲུལ་པའི་ལྷ༔ གསལ་ཞིང་བསྐང་བསྐུལ་འདིར་བརྩོན་གནད༔ ས་མ་ཡ༔ རྒྱ་རྒྱ་རྒྱ༔ ཨྠི༔ ཞེས་པ་འདི་བསོད་ནམས་ཆོས་ལྡན་གྱིས་བསྐུལ་ངོར་བདུད་འཇོམས་རྡོ་རྗེས་ཟབ་གསང་དགོངས་པའི་ཀློང་མཛོད་ལས་བསྒྱུར་བའོ། །དགེའོ། །ལེགས་སོ། །སརྦ་མངྒ་ལཾ།། །། ༔ མ་ཧཱ་ཨ་ཏི་ཡོ་གའི་ཟབ་ཆོས་དགོངས་པ་ཀློང་རྡོལ་ལས༔ བླ་མ་རིག་འཛིན་རྒྱ་མཚོའི་གསོལ་འདེབས་བྱིན་རླབས་ཆར་འབེབས་ཞེས་བྱ་བ་བཞུགས་སོ༔ ན་མོ་གུ་རུ་ཧ་རི་ནི་ས་ཧཱུྃ༔ བདག་འདྲ་པདྨ་འབྱུང་གནས་ངས༔ སྐལ་ལྡན་ལས་ཅན་རྣམས་ཀྱི་དོན༔ གསོལ་འདེབས་བྱིན་