Tibetan
མཁན་གྱུར༔ ཁྲག་འཐུང་རྡོ་རྗེ་གྲོ་ལོད་ཀྱིས། །འོད་གསལ་ཆོས་སྐུའི་ཀློང་ལས་བཏོན། །དགེའོ། །ལེགས་སོ།། ། ཨ གསོལ་མཆོད་དམ་ཅན་གསོལ་མཆོད་དམ་ཅན་T1612 - 119 T11612 - 120 མ་ཧཱ་ཨ་ཏི་ཡོ་གའི་ཟབ་ཆོས་དགོངས་པ་ཀློང་རྡོལ་ལས༔ གཏེར་སྲུང་རྨ་ཆེན་སྤོམ་རའི་སྲོག་དབང་བཞུགས་སོ༔ སྲོག་གཅིག་T11612 - 121 བདུད་འཇོམས་རྨ་ཆེན་སྤོམ་ར་སྱཾ༔ ན་མོ་གུ་རུ་པདྨ་ཀ་ར་ཡེ༔ བྷབྲབྷྲཱུཾ༔ པདྨའི་བརྒྱུད་འཛིན་བུ་རྣམས་ཀྱིས༔ ང་ཡི་གཏེར་སྲུང་བསྒྲུབ་འདོད་ན༔ དབང་བསྐུར་ཟབ་མོ་གནད ཀྱི་གནད༔ དེ་ལ་དབང་རྫས་རྣམས་བཤམས་ཏེ༔ སྒྲུབ་གཞུང་བསྲང་ནས་རྫོགས་པའི་མཐར༔ དབང་གི་བྱ་བ་བྱེད་པ་ལ༔ མདུན་གྱི་གཏོར་མ་མི་དམིགས་པའི་ངང་ལས གཏེར་སྲུང་རྨ་རྒྱལ་སྤོམ་ར་དངོས་སུ་གསལ་བའི་སྐུའི་འོད་ཟེར་གྱིས་ཁོ་འཁོར་དང་བཅས་པ་ལན་ཚྭ་ཆུ་རུ་ཞུ་བ་ལྟར་གནས་རྟེན་དང་བཅས་མདུན་བསྐྱེད་དུ་རོ་གཅིག་པར་གྱུར༔ ལག་ཏུ་གཏད་པ་ཙམ་ནས་སྲོག་གི་དབང་ཐོབ་པར་བྱེད་པའི་རང་བཞིན་ཅན་དུ་གྱུར༔ ཐུགས་ཀར་བེེཿ དང་ཀུཿལ་TI1612 - 122 ་ས སྔགས་ཀྱིས་བསྐོར་བར་བསམ༔ བཟླས་པ་ཙམ་གྱིས་ཁོ་ཡི་སྲོག་སྙིང་བདག་ལ་ཐོབ་པར་བསྒོམ༔ བེེཿ ཀུ་མ་རུ་ཕུ་ཏྲི་ས་མ་ཡ་ཛ་ཛ་ཙིཏྟ་སིདྡྷི་ཕ་ལ་ཧཱུྃ༔ ཞེས་བརྒྱ་སྟོང་བརྗོད་མཐར་དབང་གི་བྱ་བ་ནི༔ དེ་ནས་སློབ་མ་གྲལ་དུ་འཁོད༔ ཁྲུས་བྱས་བགེགས་བསྐྲད་སྲུང་འཁོར་བསྒོམ༔ བླ་མ་ལ་མཎྜལ་ཕུལ་ནས༔ ཞུ་ཕུལ་ནི༔ ཀྱེེ་ཧོཿ བླ་མ་པདྨ་ཐོད་ཕྲེང་རྩལ༔ འགྲོ་བའི་མགོན་པོ་ཁྱོད་ཕྱག་འཚལ༔ གཏེར་སྲུང་རྨ་རྒྱལ་སྤོམ་ར་ཡི༔ སྲོག་གི་དབང་བསྐུར་བདག་ལ་སྩོལ༔ དེ་ནས་བླ་མས༔ ཧོཿ སྐལ་བར་ལྡན་པའི་སློབ་མ་རྣམས༔ དབང་ཐོབ་ལྷ་ནི་གང་བསྒྲུབ་ཀྱང་༔ དེ་ལ་དབང་བ་T11612 - 123 གསང་སྔགས་ཀྱི༔ ཁྱད་ཆོས་ཡིན་པས་གནད་དུ་གཅེས༔ དབང་མ་ཐོབ་པའི་ལྷ་དཀྱིལ་འཁོར༔ བསྐལ་པར་བསྒྲུབ་ཀྱང་འབྲས་མི་འབྱིན༔ དེ་ཕྱིར་དད་དམ་ལྡན་པས་ཉོན༔ སྲོག་གི་དབང་མཆོག་བསྐུར་བགྱིའོ༔ ཨོཾ་མ་ཧཱ་ཤུ་ནྱ་ཏཱཿ སྐད་ཅིག་གིས་མ་ཆགས་པདྨ་ཉི་ཟླའི་སྟེང་དུ༔ རྡོ་རྗེའི་སློབ་མ་དེ་ཉིད་སྐད་ཅིག་གིས་གནས་གྱུར་ནས་དཔལ་ཨོ་རྒྱན་པདྨ་འབྱུང་གནས་སྣང་སྲིད་ཟིལ་གནོན་ཞལ་གཅིག་ཕྱག་གཉིས་གཡས་པས་རྡོ་རྗེ་རྩེ་ལྔ་པ་བསྡིགས་ཤིང་གཡོན་པས་བྷན་ཐོད་ལྟེ་བར་བསྣམས་པ་ཟ་བེར་དང་ཕོད་ཁ་ཆོས་གོས་སྣམ་སྦྱར་དང་བླ་གོས་དང་ཐང་ཤམ་གྱིས་ཀླུབ་པ་དབུ་ལ་ཤ་བའི་གཉེན་ཞུ་གསོལ་ནས་རིན་པོ་ཆེའི་རྒྱན་ཐམས་ཅད་ཀྱིས་བརྒྱན་ཅིང་རྒྱལ་པོ་རོལ་པའི་སྟབས་སུ་བཞུགས་ཤིང་ཁམས་གསུམ་དབང་དུ་སྡུད་ཅིང་སྲིད་གསུམ་ཟིལ་གྱིས་གནོན་པའི་སྐུར་བསྐྱེད༔ གནས་གསུམ་ལས་འོད་ཟེར་དཔག་ཏུ་མེད་པ་འཕྲོས་པས་རིག་འཛིན་གྱི་རྒྱལ་པོ་པདྨ་འབྱུང་གནས་ཀྱི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོ་ཐམས་ཅད་སྤྱན་དྲངས་ལ་བསྟིམ་མོ༔ ཨོཾ་གུ་རུ་ཧ་རི་ནི་ས་བཛྲ་ས་མ་ཡ་ཛ་ཛཿ ཨ་ཝེ་ཤ་ཡ་ཕེཾ་ཕེཾ༔ ཞེས་བསྟིམ་ནས༔ ཏིཥྛ་བཛྲ་གྱིས་བརྟན་པར་བྱ༔ དེ་ནས༔ སྐད་ཅིག་གིས་སྟོང་ ༔ གསུམ་གྱི་སྟོང་ཆེན་པོ་འཇིག་རྟེན་གྱི་ཁམས་ཐམས་ཅད་བདག་གིས་སྣང་བ་ཆེན་པོའི་ཀློང་དུ་འུབ་ཆུབ་པར་གྱུར༔ སྐད་ཅིག་གིས་སྣང་སྲིད་ཡོངས་སུ་བསྡུས་པ ལས་མདུན་གྱི་དབང་རྫས་ཐམས་ཅད་རྨ་རྒྱལ་སྤོམ་ར་ཆེན་པོའི་སྐུ་གསུང་ཐུགས་ཡོན་ཏན་ཕྲིན་ལས་ཐམས་ཅད་ཡོངས་སུ་འདུས་ཤིང་ཡོངས་སུ་རྫོགས་པའི་རང་བཞིན་ཅན་དུ་གྱུར༔ དེ་ནས་དམ་ཆུ་སྦྱིན་པ་ནི༔ ཧཱུྃ༔ རྒྱལ་བ་རྒྱ་མཚོ་ཐམས་ཅད་ཀྱི༔ གསང་བའི་བདུད་རྩི་མནའ་ཡི་ཆུ༔ སློབ་མ་ཁྱོད་དང་བསྟན་སྲུང་གི༔ ལྕེ་ལ་བཞག་གོ་དམ་ལོངས་ཤིག༔ བདག་གིས་བསྒོ་བའི་བཀའ་ཉོན་ཅིག༔ འདའ་ན་རྡོ་རྗེ་དམྱལ་བར་བསྲེགས༔ དེ་ནས་སློབ་མ་དང་གཏེར་སྲུང་གཉིས་ཀྱི་ལྕེ་ལ་གདབ་པར་བསམ་སྟེ༔ ས་མ་ཡ་ན་ར་ཀན༔ གཉིས་ཀས་མནའ་བོར་བར་བསམ༔ དེ་ནས་སྐུ་གཟུགས་དེ་རྨ་རྒྱལ་དངོས་སུ་བསྐྱེད་ལ༔ ཧཱུྃ༔ པདྨའི་བཀའ་ཉན་གཏེར་གྱི་བདག༔ རྨ་རྒྱལ་སྤོམ་ར་ཆེན་པོ་འདི༔ ཁྱོད་ཀྱི་སྲུང་མར་དབང་བསྐུར་རོ༔ བདེན་གཉིས་བསླུ་བ་མེད་པའི་མཐུས༔ གཏེར་སྲུང་རྨ རྒྱལ་སྤོམ་ར་ནི༔ སྐུ་ལ་དབང་བསྒྱུར་དབང་ཆེན་པོ༔ སྐལ་ལྡན་ཁྱོད་ཀྱིས་ཐོབ་པར་ཤོག༔ ཨོཾ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ༔ ཀུ་མ་རུ་ཕུ་ཏྲི་སརྦ་ཀཱ་ཡ་ཨ་བྷི་ཥིཉྩ་སྭཱ་ཧཱ༔ དེ་ནས་སྔགས་འཁོར་ཐོགས་ལ༔ ཧཱུྃ༔ པདྨའི་བཀའ་ཉན་གཏེར་གྱི་བདག༔ རྨ་རྒྱལ་སྤོམ་ར་ལྷ་ཆེན་པོའི༔ སྲོག་གི་སྔགས་ཕྲེང་འདི་གཏད་པས༔ བདེན་གཉིས་བསླུ་བ་མེད་པའི་མཐུས༔ གསུང་ལ་དབང་བསྒྱུར་དབང་ཆེན་པོ༔ སྐལ་ལྡན་ཁྱོད་ཀྱིས་ཐོབ་པར་ཤོག༔ གོང་ནོན་སྔགས་ཀྱི་མཐར་རྩ་སྔགས༔ ཝཱཀ་ཨ་བྷི་ཥིཉྩ་སྭཱ་ཧཱ༔ དེ་ནས་བེེ་ཏྲི་ཐོགས་ལ༔ ཧཱུྃ༔ པདྨའི་བཀའ་ཉན་གཏེར་གྱི་བདག༔ རྨ་རྒྱལ་སྤོམ་ར་ལྷ་ཆེན་པོའི༔ སྲོག་གི་སྙིང་པོ་འདི་གཏད་པས༔ བདེན་གཉིས་བསླུ་བ་མེད་པའི་མཐུས༔ སྲོག་དང་ཐུགས་ལ་དབང་བསྒྱུར་དབང་༔ སྐལ་ལྡན་ཁྱོད་ཀྱིས ཐོབ་པར་ཤོག༔ གོང་ནོན་སྔགས་མཐར་རྩ་སྔགས༔ ཙིཏྟ་ཨ་བྷི་ཥིཉྩ་སྭཱ་ཧཱ༔ དེ་ནས་རིན་ཆེན་སྣ་ཚོགས་མེ་ལོང་སྟེང་དུ་བླུགས་ནས་གཏད་དོ༔ ཧཱུྃ༔ པདྨའི་བཀའ་ཉན་གཏེར་གྱི་བདག༔ རྨ་རྒྱལ་སྤོམ་ར་ལྷ་ཆེན་པོའི༔ གནས་དང་དཀོར་མཛོད་འདི་གཏད་པས༔ བདེན་གཉིས་བསླུ་བ་མེད་པའི་མཐུས༔ གནས་ཡུལ་དཀོར་ལ་ལོངས་སྤྱོད་དབང་༔ སྐལ་ལྡན་ཁྱོད་ཀྱིས་ཐོབ་པར་ཤོག༔ སྔགས་མཐར༔ སརྦ་ཨ་བྷི་ཥིཉྩ་སྭཱ་ཧཱ༔ དེ་ནས་ཟས་སྣ་རིན་ཆེན་གཞོང་པར་བསགས་ཏེ་གཏད་པ་ནི༔ ༔ པདྨའི་བཀའ་ཉན་གཏེར་གྱི་བདག༔ རྨ་རྒྱལ་སྤོམ་ར་ལྷ་ཆེན་པོའི༔ ལོངས་སྤྱོད་ཟས་ཚོགས སྱཾ༔ འདི་གཏད་པས༔ བདེན་གཉིས་བསླུ་བ་མེད་པའི་མཐུས༔ བཟའ་བཏུང་ལོངས་སྤྱོད་དབང་ཐོབ་ཤོག༔ སྔགས་མཐར༔ སརྦ་ག་ཎ་ཙཀྲ་ཨ་བྷི་ཥིཉྩ་སྭཱ་ཧཱ༔ དེ་ནས་གཏོར་མ་གཏད་ལ༔ ཧཱུྃ༔ པདྨའི་བཀའ་ཉན་གཏེར་གྱི་བདག༔ རྨ་རྒྱལ་སྤོམ་ར་ལྷ་ཆེན་པོའི༔ ཡབ་ཡུམ་སྲས་འཁོར་ཡང་འཁོར་བཅས༔ མ་ལུས་བསྙེན་སྒྲུབ་དབང་ཐོབ་ཤོག༔ དཀོན་མཆོག་གསུམ་གྱི་བདེན་པ་དང་༔ རིག་འཛིན་བརྒྱུད་པའི་བྱིན་རླབས་དང་༔ ཆོས་ཉིད་རྣམ་པར་དག་པ་དང་༔ རྒྱུ་འབྲས་ཟབ་མོའི་བདེན་པའི་མཐུས༔ རྨ་རྒྱལ་སྤོམ་ར་ཡབ་ཡུམ་དང་༔ སྤྲུལ་འཁོར་ཡང་འཁོར་གནས་རྟེན་དཀོར༔ མ་ལུས་ལུས་པ་མེད་པ་ཀུན༔ སྐལ་ལྡན་བུ་ལ་དབང་ཐོབ་ཤོག༔ འཁོར་ཞིང་འགོ་བར་མཛད་དུ་གསོལ༔ བཀྲ་ཤིས་སྨོན་ལམ་བདེན་སྟོབས་བརྗོད༔ འདིས་ནི་དབང་སྡུད་བྲན་དུ་ཁོལ༔ སྙིང་ཉེ་ལོངས་སྤྱོད་ཐམས་ཅད་སྟེར༔ དགྲ་སྒྲོལ་མཐུ་ཡི་དཔལ་ཡང་ཡོད༔ ས་མ་ཡ༔ རྒྱ་རྒྱ་རྒྱ༔ གསང་རྒྱ༔ གཉན་རྒྱ༔ ཨ་ཐམ་རྒྱ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་ཀློང་རྡོལ་རིག་པའི་སྒྲོམ་ལས་བཤུས་ཏེ་དག་པར་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་སོ། །དགེའོ། །དགེའོ། །དགེའོ།། །། TI1612 - 128 TI1612 - 129 བདུད་འཇོམས་རྨ་ཆེན་སྤོམ་ར་སྱྃ༔ ན་མོ་གུ་རུ་པདྨ་ཀ་ར་ཡེ༔ བྷརྒྱརྣཧཱརྫ༔ གཏེར་སྲུང་རྨ་རྒྱལ་སྤོམ་ར་ཡི༔ སྒྲུབ་ཐབས་ཟབ་མོའི་ཉམས་ལེན་ལ༔ དཀྱིལ་འཁོར་གྲུ་བཞི་དབྱིབས་ལེགས་པའི༔ དབུས་སུ་པདྨ་འདབ་བརྒྱད་སྟེང་༔ མེ་ཏོག་ཚོམ་བུ་བཀོད་པ་ཡི༔ ལྟེ་བའི་སྟེང་དུ་སྟེང་ཁྲིའུ་ཁར༔ རིན་ཆེན་འབར་བའི་གཏོར་མ་བཞག༔ དེ་ལ་དར་ཟབ་སྟག་གཟིག་རས༔ རྒྱན་དང་ལྡན་ཞིང་བརྗིད་པར་བྱས༔ མདུན་དུ་དཀར་གསུམ་གཏོར་མ་དང་༔ འབྲུ་སྨན་གཡག་ལུག་བ་ལིང་ཏ༔ སྣ་ཚོགས་མཆོད་པ་འབྱོར་ཚོགས་བཤམས༔ རྣམ་ལྔ་འདོད་ཡོན་སྨན་རཀ་གཏོར༔ བཤམས་ནས་དང་པོ་བྱིན་རླབས་ཕྱིར༔ བདེན་པའི་སྟོབས་འདི་བརྗོད་པར་བྱ༔ ན་མོ༔ དཀོན་མཆོག་གསུམ་དང་རྩ་གསུམ་སྐུ་གསུམ་རྒྱལ T11612 - 130 ༧ཐབས་སྱྃ༔ བ་རྒྱ་མཚོའི་ཚོགས་འཁོར་དང་བཅས་པའི་བདེན་པ་དང་༔ དོན་དམ་ཆོས་ཉིད་ངོ་བོ་གདོད་ནས་རྣམ་པར་དག་ཅིང་ཀུན རྫོབ་བསླུ་བ་མེད་པ་རྒྱུ་འབྲས་ཟབ་མོའི་བདེན་པའི་མཐུ་དང་བྱིན་རླབས་ཀྱི་བརྟེན་པའི་དཀྱིལ་འཁོར་འདི་ལ་གཏེར་སྲུང་རྨ་ཆེན་སྤོམ་ར་ཡབ་ཡུམ་སྲས་འཁོར་དང་བཅས་པ་ཐམས་ཅད་རབ་ཏུ་གནས་པར་གྱུར་ཅིག༔ བདག་གི་དབང་དུ་འདུས་ཤིང་བྲན་དུ་ཁོལ་བར་གྱུར་ཅིག༔ འདོད་རྒུ་ཡིད་བཞིན་གྱི་བྱེ་བྲག་ཐམས་ཅད་རྒྱུན་ཆད་མེད་པར་ཆར་ལྟར་འབེབས་ཤིང་ནུབ་པ་མེད་པར་རྒྱས་ཤིང་བརྟན་པར་གྱུར་ཅིག༔ བཤམས་པའི་མཆོད་རྫས་རྣམས་T11612 - 131 འཕགས་པ་ཀུན་ཏུ་བཟང་པོའི་མཆོད་སྤྲིན་ལྟ་བུར་མི་ཟད་པ་རྒྱན་གྱི་འཁོར་ལོའི་རོལ་པར་འབྱུང་ཞིང་རྒྱས་པར་གྱུར་ཅིག༔ ལན་གསུམ་མཐར༔ འཕགས་པ་དཀོན་མཆོག་གསུམ་དང་སྐུ་གསུམ རྩ་གསུམ་རྒྱ་མཚོའི་ཚོགས་ཐམས་ཅད་དང་༔ ཆོས་ཉིད་རྣམ་པར་དག་ཅིང་རྟེན་འབྲེལ་བསླུ་བ་མེད་པའི་བདེན་མཐུ་བྱིན་རླབས་ནུས་སྟོབས་ཀྱི་སྨོན་ལམ་བཏབ་པ་དེ་དག་ཐམས་ཅད་ཆུད་མི་ཟ་བར་ད་ལྟ་ཉིད་དུ་འགྲུབ་པར་གྱུར་ཅིག༔ ཅེས་ལན་བདུན་མཐར༔ ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱ་སོགས་ནམ་མཁའ་མཛོད་སྔགས་ལན་བདུན་བརྗོད༔ རང་ཉིད་སྐད་ཅིག་གིས་གུ་རུ་པདྨ་འབྱུང་གནས སྣང་སྲིད་ཟིལ་གྱིས་གནོན་པའི་སྐུར་བསྒོམ། ཨོཾ་ཨཱཿ ཧཱུྃ༔ བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛ་སིདྡྷི་ཕ་ལ་ཧཱུྃ་ཨ༔ ལན་བདུན་བཟླས་མཐར༔ རང་གི་མདུན་དུ་རིན་ཆེན་སྣ་ཚོགས་ཀྱི་ས་གཞི་ལག་མཐིལ་ལྟར་མཉམ་པ་ཡངས་ཤིང་རྒྱ་ཆེ་བ༔ སྨན་དང་མེ་ཏོག་ཐམས་ཅད་རབ་ཏུ་རྒྱས་པ༔ འདོད་ཡོན་སྣ་ཚོགས་སྤྲིན་དཔུང་ལྟ་བུར་གཏིབ་སྟེ་དྲི་བཟང་གི་ན་བུན་འཐུལ་ཞིང་ཡིད་བཞིན་གྱི་ཆར་པ་འབབ་པའི་དབུས་སུ༔ རིན་པོ་ཆེ་སྣ་ཚོགས་ལས་གྲུབ་པའི་ཁང་བཟང་མཛེས་ཤིང་ཡིད་དུ་འོང་བའི་ནང་དུ་ཡི་གེ་བེེཿསེར་པོ་ཡོངས་སུ་གྱུར་པ་ལས༔ གཏེར་སྲུང་རྨ སྱཾ༔ ཆེན་སྤོམ་ར་སྐུ་མདོག་སེར་གསལ་ཞལ་གཅིག་ཕྱག་གཉིས་གཡས་པས་ནོར་བུ་དང་གཡོན་པས་གཏེར་གྱི་བུམ་པ་བསྣམས་པ༔ དར་སྣ་ཚོགས་ཀྱི་ན་བཟའ་དང་རིན་པོ་ཆེའི་པྲོག་ཞུ་གསོལ་བ༔ ཆིབས་སུ་རྟ་དཀར་འཕུར་ཤེས་ལ་བཅིབས་ཤིང་འོད་དང་འཇའ་འོད་འདྲེས་པའི་ཀློང་ནས་སྒྲྀབ་པ་པོ་ལ་དགྱེས་ཤིང་བརྩེ་བར་དགོངས་ནས་དངོས་གྲུབ་ཀྱི་ཆར་ཆེན་པོ་རྒྱུན་ཆད་མེད་པར་སྟེར་བ༔ སྣང་སྲིད་ཀྱི་སྐྱེ་འགྲོ་ཕོ་མོ་ཐམས་ཅད་ཀྱི་བློ་ཡིད་སེམས་གསུམ་ལ་དབང་བསྒྱུར་བའི་མཐུ་ནུས་དབང་དང་ལྡན་པར་བསྒོམ༔ དེ་ཡི་མཐའ་བསྐོར་དུ་རྡོ་རྗེ་དྲག་མོ་རྒྱལ་ལ་སོགས་པའི་ཡུམ་མཆོག་སྨན་བཙུན་ཆེན་མོ་བཅུ༔ སྲས་མཆོག་རྨ་སྡེ་རོལ་པ་དགུ་དང་རྨ་འཁོར་ཆེན་པོ་སུམ་བརྒྱ་དྲུག་ཅུ་ཡང་འཁོར་འབུམ་དང་བཅས་པས་བསྐོར་ནས་དམ་ཚིག་གཉན་པོའི་སྲོག་ཐོབ་སྟེ་བདག་སྒྲུབ་པ་པོའི་བཀའ་ཉན་ཅིང་གསུང་སྡོད་པའི་ཚུལ་དུ་བསྐྱེད་དོ༔ བདག་མདུན་གྱི་ཐུགས་ཀ་ནས་འོད་ཟེར་དཔག་ཏུ་མེད་པ་འཕྲོས་པས་གཏེར་སྲུང་རྨ་ཆེན་སྤོམ་ར་ཡབ་ཡུམ་སྲས་འཁོར་དང་བཅས་པ་ཐམས་ཅད་དམ་ཚིག་གི་དབང་གིས་སྤྱན་དྲངས་ནས་གཉིས་སུ་མེད་པར་ཐིམ་པར་གྱུར༔ བསྭོ་བསྭོ་བསྭོ༔ ཛཿ ཨོ་རྒྱན་ཆེན་པོའི་བཀའ་ཉན༔ རིག་འཛིན་བརྒྱུད་པའི་སྲུང་མ༔ དཀར་ཕྱོགས་སྐྱོང་བའི་རྒྱལ་པོ༔ གངས་ཅན་བོད་ཀྱི་གཞི་བདག༔ གཏེར་སྲུང་རྨ་རྒྱལ་སྤོམ་ར་ཁྱོད་ཡབ་ཡུམ་སྲས་དང་བཀའ་འཁོར་ཡང་གཡོག་དང་བཅས་པ་ཐམས་ཅད་བཀའ་དང་དམ་ཚིག་གཉན་གྱིས་འབོད་དོ༔ དམ་ཚིག་གི་དབང་གིས་སྐད་ཅིག་ཉིད་དུ་འདིར་གཤེགས་ཤིག༔ ཨོཾ་བཛྲ་ས་མ་ཡ་ཛ་ཛཿ ཨཱཿབཛྲ་ས་མ་ཡ་ཛ་ཛཿ ཧཱུྃ་བཛྲ་ས་མ་ཡ་ཛ་ཛཿ ཕེ་ཕེཾ༔ ས་མ་ཡ་སྟྭཾ༔ དེ་ནས་སྤྱན་འདྲེན་པ་ནི༔ ཧཱུྃ་ཛཿ ཨོ་རྒྱན་ཆེན་པོའི་བཀའ་ཉན་པ༔ དམ་པ་ཆོས་ཀྱི་སྲུང་མ་ཆེ༔ རྨ་གཡང་དངོས་གྲུབ་བདག་པོ་མཆོག༔ རྨ་ཆེན་སྤོམ་ར་གཤེགས་སུ་གསོལ༔ ཨ་མྱེ་ཆེན་པོ་གཤེགས་སུ་གསོལ༔ ལྷ་སྲིན་རྗེ་རྒྱལ་གཤེགས་སུ་གསོལ༔ ཚོང་དཔོན་གངས་དཀར་གཤེགས་སུ་གསོལ༔ གཉན་རྒྱལ་ལ་ཐོད༔ དམག་དཔོན་བྱ་ཞྭཿ ནོར་བདག་གསེར་འོད༴ ས་བརྒྱད་སེམས་དཔའ་གཤེགས་སུ་གསོལ༔ དོན་གྱི་སེམས་དཔའ་ཆེན་པོ་ཁྱོད༔ འགྲོ་དོན་ལྷུར་ལེན་དམ་བཅས་བཞིན༔ རྣལ་འབྱོར་བདག་གི་གྲོགས་མཛད་ཕྱིར༔ མ་ཐོགས་མྱུར་དུ་གཤེགས་སུ་གསོལ༔ བེེཿ ཀུ་མ་རུ་ཕུ་ཏྲི་སརྦ་ས་པ་རི་ཝཱ་ར་བཛྲ་ས་མ་ཡ་ཛ་ཛཿ དེ་ནས་བཞུགས་སུ་གསོལ་བ་ནི༔ བཻཿ འདོད་ཡོན་ལོངས སྱྃ༔ སྤྱོད་སྤྲིན་ལྟར་གཏིབས་པའི་གནས༔ མཚན་ལྡན་ལྷ་ཡི་ཁང་བཟང་དམ་པའི་ནང་༔ རིན་ཆེན་སྣ་ཚོགས་ལས་གྲུབ་གདན་ཁྲི་ལ༔ གཏེར་བདག་རྒྱལ་པོ་ཆེན་པོ་བཞུགས་སུ་གསོལ༔ བཛྲ་ས་མ་ཡ་ཏིཥྛ་ལྷན༔ དེ་ནས་ཕྱག་འཚལ་བ་ནི༔ བཻཿ སྔོན་ཚེ་དེ་བཞིན་གཤེགས་པ་རིན་ཆེན་མང་༔ འགྲོ་བའི་དོན་མཛད་རྒྱལ་ཆེན་རྣམ་ཐོས་སྲས༔ ཡང་སྤྲུལ་གཏེར་བདག་ཆེན་པོ་འཁོར་བཅས་ལ༔ སངས་རྒྱས་བསྟན་པ་བསྲུང་ཕྱིར་གུས་ཕྱག་འཚལ༔ ས་མ་ཡ་ན་མོ་ན་མ་ཧོཿ དེ་ནས་མཆོད་པ་འབུལ་བ་ནི༔ འབྲས་དཀར་གཡག་ལུག་ར་གསུམ དང་༔༷ སེང་གེ་གླང་ཆེན་སྟག་གཟིག་དོམ༔ དྲེད་མོང་སྤྱང་ཀུ་འཕར་བ་སོགས༔ རི་དྭགས་གཡུང་དྭགས་གཅན་གཟན་དང་༔ བྱ་རིགས་ཆུ་གནས་ལ་སོགས་པའི༔ དཀོར་ནོར་རྣམ་པ་སྣ་ཚོགས་ཀུན༔ གཏེར་སྲུང་ཆེན་པོའི་ཚོགས་ལ་འབུལ༔ དར་ཟབ་རྣམ་པ་སྣ་ཚོགས་དང་༔ མཚོན་ཆ་རྣམ་པ་སྣ་ཚོགས་དང་༔ རེག་བྱ་གོས་ཀྱི་བྱེ་བྲག་བཅས༔ རྨ་རྒྱལ་འཁོར་དང་བཅས་ལ་འབུལ༔ དཀར་གསུམ་མངར་གསུམ་ཇ་ཆང་སྐྱེམས༔ བཟའ་བཅའ་བཏུང་བ་ལྡག་གཞིབ་བཅས༔ འདོད་ཡོན་རྒྱན་གྱི་འཁོར་ལོའི་ཚོགས༔ དངོས་སུ་འབྱོར་དང་ཡིད་སྤྲུལ ནས༔ རྨ་རྒྱལ་སྤོམ་ར་འཁོར་བཅས་ལ༔ འབུལ་ལོ་མཆོད་དོ་བཞེས་སུ་གསོལ༔ བདག་ཅག་སྒྲུབ་པའི་རྣལ་འབྱོར་ལ༔ ཡིད་དང་མཐུན་པའི་རྫས་ལ་སོགས༔ ཟས་ནོར་ལོངས་སྤྱོད ཕུན་ཚོགས་ཀྱིས༔ ཕྱྭ་གཡང་དངོས་གྲུབ་ཆར་ལྟར་ཕོབ༔ ཨོཾ་ཨཱཿ ཧཱུྃ་རཱུ་པ་ཤཔྡ་གནྡྷེ་རཱ་ས་སྤཪྴ་སརྦ་པཉྩ་ཨ་མྲྀ་ཏ་ག་ཎ་ཙཀྲ་སརྦ་པཱུ་ཛ་ཧོཿ དེ་ནས་བསྟོད་པ་བྱ་བ་ལ༔ ཧཱུྃ༔ གདོད་ནས་ཡང་དག་རྫོགས་པའི་སངས་རྒྱས་ཀྱང་༔ འགྲོ་བའི་དོན་དུ་གང་འདུལ་ཐབས་མཛད་ཕྱིར༔ འཇིག་རྟེན་ཚུལ་འཛིན་བསྟན་འགྲོའི་དོན་མཛད་པའི༔ སྲིད་པའི་ལྷ་ཆེན་རྨ་རྒྱལ་སྤོམ་རར་གྲགས༔ སྤྲུལ་དང་ཡང་སྤྲུལ་བཅས་ལ་བདག་གིས་བསྟོད༔ ཨོ་རྒྱན་ཆེ་མཆོག་པདྨ་ཐོད་ཕྲེང་གིས༔ དམ་བཏགས་དབང་བསྐུར་མཚན་གསོལ་གཏེར་གཉེར་གཏད༔ སྣང་སྲིད་གཞི་བདག་ཀུན་གྱི་རྗེ་བོར་བསྔགས༔ བཀའ་སྲུང་དམ་ཅན་ཁྱོད་ལ་བདག་གིས་བསྟོད༔ ལྷ་དང་གཉན་སྡེ་ཀླུ་བཙན་གནོད་སྦྱིན་རིགས༔ བསམ་གྱིས་མི་ཁྱབ་ཀུན་གྱིས་གཙུག་ཏུ་མཆོད༔ འཇིགས་སྐྱོབ དབུལ་སེལ་དགྲ་བགེགས་བསྒྲལ་ལ་སོགས༔ ཕྲིན་ལས་ཐོགས་པ་མེད་མངའ་ཁྱོད་ལ་བསྟོད༔ སྔོན་ཚེ་ཨོ་རྒྱན་པདྨ་འབྱུང་གནས་དང་༔ དེ་འོག་རིག་འཛིན་བརྒྱུད་པའི་ཐ་ཚིག་གིས༔ སྱྃ༔ བདག་གིས་ཁྱེད་བརྟེན་ཁྱེད་བསྒྲུབ་ཁྱེད་འབོད་ཀྱིས༔ མི་ཕྱུགས་ནོར་དང་ཟས་གོས་ཡོ་བྱད་དང་༔ འདོད་རྒུ་ཡིད་བཞིན་འགྲུབ་པའི་དངོས་གྲུབ་སྩོལ༔ སྐྱེ་༝ འགྲོའི་བློ་སེམས་སྣང་བ་དབང་དུ་བསྡུས༔ འདོད་ཡོན་ལོངས་སྤྱོད་རང་དབང་མེད་པར་ཁུག༔ མི་ཟད་འདོད་འཇོའི་དཔལ་ཡོན་བདག་ལ་སྤྲོད༔ རྟག་ཏུ་བཅོལ་བའི་ཕྲིན་ལས་གྲུབ་པར་མཛོད༔ ས་མ་ཡ༔ འདི་ལྟར་རྟག་ཏུ་བསྒྲུབ་གྱུར་ན༔ ཕྲིན་ལས་བསྒྲུབ་པར་ཐེ་ཚོམ་མེད༔ དངོས་གྲུབ་ཆར་ལྟར་འབེབས་པ་དང་༔ གཞན་སྣང་དབང་དུ་སྡུད་འགྱུར་རོ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་ཆོས་ཀྱི་རྡོ་རྗེས་བསྐུལ་ངོར་གར་དབང་བདུད་འཇོམས་རྡོ་རྗེས་ཡིག་མེད་མཁའ་འགྲོའི་ཀློང་བྱང་ལས་བཤུས་ཏེ་དག་པར་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་སོ། །དགེའོ །དགེའོ །དགེའོ།། ྋ 33ཐབས་T11612 - 137 TI1612 - 138 སྱྃ༔ ཟབ་ཆོས་དགོངས་པ་ཀློང་རྡོལ་ལས༔ དྲེགས་པ་ལས་ལ་བཀོལ་བའི་བདེན་ཚིག་སྨོན་ལམ་འདོད་དོན་ལྷུན་གྲུབ་བཞུགས༔ ན་མོ༔ དཀོན་མཆོག་གསུམ་དང་རྩ་གསུམ་ཆོས་སྐྱོང་སྲུང་མའི བདེན་པ་དང་༔ དོན་དམ་ཆོས་ཉིད་ངོ་བོ་གདོད་ནས་དག་པའི་བདེན་པ་དང་༔ ཀུན་རྫོབ་རྟེན་འབྲེལ་བསླུ་བ་མེད་པ་རྒྱུ་འབྲས་ཟབ་མོའི་བདེན་པས་མཐུ་སྟོབས་བྱིན་རླབས་ཀྱིས༔ ཕྱོགས་བཅུ་དུས་གསུམ་དུ་གཤེགས་ཤིང་བཞུགས་པའི་སངས་རྒྱས་ཆོས་དང་དགེ་འདུན༔ ཆོས་སྐུ་ལོངས་སྐུ་སྤྲུལ་སྐུ༔ བླ་མ་ཡི་དམ་མཁའ་འགྲོ༔ བདེ་གཤེགས་སྒྲུབ་པ་བཀའ་བརྒྱད༔ ཡི་དམ་རྒྱུད་སྡེ་བཞི་དྲུག་གི་ལྷ་ཚོགས་མ་ལུས་ཤིང་ལུས་པ་མེད་པ་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོ་ཐམས་ཅད་བདག་གི་རྒྱུད་ལ་ད་ལྟ་ཉིད་དུ་འཕོས་ཤིང་ཐིམ་པར་གྱུར་ཅིག༔ སྒོ་གསུམ་རྡོ་རྗེ་གསུམ་གྱི་རང་བཞིན་དུ་སྨིན་ཅིང་གྲོལ་བར་གྱུར་ཅིག༔ དྲང་སྲོང་གཟའ་མཆོག་ཆེན་པོ་སྤྲུལ་འཁོར་བཀའ་སྡོད་དང་བཅས་པ་ཐམས་ཅད་བདག་གིས་ལྷ་བསྒོམ་པ་ཙམ་གྱིས་འགྲུབ་པར་གྱུར་ཅིག༔ སྔགས་བཟླས་པ་ཙམ་གྱིས་འགྲུབ་པར་གྱུར་ཅིག༔ བསྙེན་བསྒྲུབ་བསྐང་གསོལ་བྱས་པ་ཙམ་གྱིས་འགྲུབ་པར་གྱུར་ཅིག༔ མི་དང་མི་འགྲོགས་པ་བཞིན་དུ་མངོན་སུམ་མིག་གིས་མཐོང་ཡུལ་དུ་འགྲུབ་པར་གྱུར་ཅིག༔ མི་དང་མི་ལབ་པ་བཞིན་དུ་མངོན་སུམ་གཏམ་གྱི་ལབ་གྲོགས་སུ་མཆིས་པར་གྱུར་ཅིག༔ འགྲུབ་པར་གྱུར་ཅིག༔ བདག་གིས་གཟའ་མཆོག་ཆེན་པོ་རྦད་ཅིང་བསྐུལ་བ་ཙམ་གྱིས་གང་ལ་དམིགས་པའི་ཡུལ་དགྲ་བགེགས་དེའི་བླ་ཚེ་སྲོག་གི་སྟེང་དུ་མདའ་དང་ཐོག་དང་སྒྱོགས་རྡོ་ལྟར་འབབ་པར་གྱུར་ཅིག༔ ཡུལ་གཞན་དུ་མི་འབྱམས་པར་གྱུར་ཅིག༔ ནུས་མཐུ་ཐོགས་རྡུག་མེད་པར་རྦད་པའི་ཡུལ་དགྲ་བོ་ཐམས་ཅད་མེ་སྟག་ཆུ་ཡིས་བསད་པ་བཞིན་དུ་བརླག་པར་གྱུར་ཅིག༔ རྩྭ་སྐམ་ལ་མེ་མཆེད་པ་བཞིན་དུ་བསྲེགས་པར་གྱུར་ཅིག༔ ས་མཁར་ལ་སྒྱོགས་རྡོ་བབ་པ་བཞིན་དུ་གཏོར་བར་གྱུར་ཅིག༔ སྔགས་མཁན་རང་ལ་སླར་མི་ལྡོག་པར་གྱུར་ཅིག༔ བསྐུལ་དང་རྦད་མཁན་རང་ལ་སླར་མི་ལྡོག་པར་གྱུར་ཅིག༔ མཐུ་ཡི་གྲགས་པས་ས་སྟེང་ཐམས་ཅད་ཡོངས་སུ་ཁྱབ་པར་གྱུར་ཅིག༔ བདག་ལྷ་མི་འཁོར་དང་བཅས་པ་ཐམས་ཅད་ཁམས་གསུམ་སྲིད་གསུམ་ལས་རྣམ་པར་རྒྱལ་བར་གྱུར་ཅིག༔ དཀོན་མཆོག་གསུམ་གྱི་བདེན་པ་དང་སོགས༔ བཅོམ་ལྡན་འདས་དེ་བཞིན་གཤེགས་པ་སོགས༔ བྱང་ཆུབ་སེམས་དཔའཿ སྱྃ༔ ཏདྱ་ཐཱ༔ པཉྩ་སོགས༔ ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་སོགས༔ དཀོན་མཆོག་གསུམ་གྱི་བདེན་པ་དང་༔ འཇམ་པའི་8 དབྱངས་སོགས༔ སངས་རྒྱས་སྐུ་གསུམ་མཉམ་པའི་སོགས༔ རྨད་བྱུང་སྲས་བཅས་སོགས༔ བླ་མེད་བླ་མའི་ཐུགས་རྗེ་སོགས༔ དེ་རྣམས་རེ་རེ་བཞིན་བདུན་ཕྲག་རེ་བརྗོད་པར་བྱའོ༔ འདི་ཡང་ཆོས་སྐྱོང་གང་ལའང་སྦྱར་རུང་ངོ་༔ གཞན་ཡང་སྨོན་ལམ་འགྲུབ་པའི་བདེན་བརྗོད་དང་སྔགས་ཅི་རིགས་