Tibetan
ལ་སོགས་པས༔ གསོལ་ལོ་མཆོད་དོ་ཐུགས་དམ་བསྐང་༔ གསེར་དངུལ་ཟངས་ལྕགས་ནོར་བུ་མཆོང་༔ གཡུ་དང་མུ་མེན་རཱ་ག་སྤུག༔ ཨིནྡྲ་བྱེ་རུ་གཟི་དུང་ཤེལ༔ རིན་ཆེན་ནོར་གྱི་རིགས་བྱེད་ཀྱིས༔ གསོལ་ལོ་མཆོད་དོ་ཐུགས་དམ་བསྐང་༔ ནས་འབྲས་གྲོ་དང་ཡུངས་དཀར་དང༔ ཏིལ་དང་སོ་བ་ལ་སོགས་པའི༔ འབྲུ་སྣ་རྣམ་པ་སྣ་ཚོགས་ཀྱིས༔ གསོལ་ལོ་མཆོད་དོ་ཐུགས་དམ་བསྐང་༔ སྨན་སྣ་ཤིང་ཏོག་སྤོད་ཀྱི་རིགས༔ རང་རང་དགྱེས་པའི་མཐུན་རྫས་ཚོགསཿ དངོས་འབྱོར་ཡིད་ཀྱིས་རྣམ་སྤྲུལ་ཏེ༔ འདོད་ཡོན་ནམ་མཁའ་མཛོད་ཀྱི་སྤྲིན༔ གསོལ་ལོ་ མཆོད་དོ་ཐུགས་དམ་བསྐང་༔ ཛཿ ཕུར་པའི་སྲུང་མ་དམ་ཚིག་ཅན༔ མིང་པོ་སྒྲོལ་གིང་སྐྱེས་བུ་བཞི༔ སྲིང་མོ་མ་མོ་བཅུ་གཉིས་པོ༔ སྤྲུལ་འཁོར་བྱེ་བ་འབུམ་དང་བཅས༔ མ་གཡེལ་བརྩེ་བ་ཆེན་པོས་དགོངས༔ ཁྱེད་ལ་ཕྲིན་ལས་བཅོལ་བ་ནི༔ སངས་རྒྱས་བསྟན་པ་གཉན་པོ་སྲུང་༔ དཀོན་མཆོག་གསུམ་གྱི་དབུ་འཕང་བསྟོད༔ ལྷ་མཆོག་རྡོ་རྗེ་ཕུར་པ་ཡི༔ བསྟན་དང་བསྟན་འཛིན་སྡེ་སྐྱོངས་ལ༔ རབ་འབྱམས་ཕྲིན་ལས་ཡོངས་བསྒྲུབ་མཛོད༔ བདག་ཅག་རྣལ་འབྱོར་འཁོར་བཅས་ཀུན༔ འདི་ནས་བྱང་ཆུབ་མ་ཐོབ་བར༔ མི་འབྲལ་བྱམས་དང་བརྩེ་བས་སྐྱོངས༔ ཉམས་དང་རྟོགས་པའི་ཡོན་ཏན་བསྐྱེད༔ ས་དང་ལམ་གྱི་བར་ཆད་སོལ༔ བློ་སྣ་དམ་པའི་ཆོས་ལ་བསྒྱུར༔ མི་ལྡོག་གདོད་མའི་ས་རུ་སྐྱོལ༔ སྲིད་པའི་གནས སུ་ཇི་སྲིད་བར༔ གདུལ་བྱ་སྙན་གྲགས་ལོངས་སྤྱོད་སྤེལ༔ འཁོར་འབངས་རྩ་ལག་རྒྱས་པར་མཛོད༔ ནད་གདོན་གོད་ཡམས་སྡུག་བསྔལ་ཟློག༔ སད་སེར་བཙའ་ཐན་མེད་པར་མཛོད༔ དགྲ་ཇག་ཆོམ་རྐུན་གནོད་བྱེད་ཐུལ༔ དྲག་པོ་མཐུ་ཡི་དངོས་གྲུབ་སྩོལ༔ བསམ་དོན་ཡིད་བཞིན་འགྲུབ་པར་མཛོད༔ དམ་ལ་མ་འདའ་ས་མ་ཡ༔ ཕུར་པ་བསྒྲུབ་པའི་རྣལ་འབྱོར་གྱིས༔ རྟག་ཏུ་འདི་ ཝྃ།༔ ལ་བརྩོན་པར་གྱིས༔ ཕྱི་ནང་བར་ཆད་ཀུན་བྲལ་ཞིང་༔ མངོན་སྤྱོད་ཕྲིན་ལས་ཐོགས་མེད་འགྲུབ༔ བཀའ་སྲུང་ཁྱབ་འཇུག་ཆེན་པོས་སྲུངས༔ དམ་ཉམས་ལག་ཏུ་ཤོར་ར་རེ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ 2༝ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ སྦས་པའི་རྣལ་འབྱོར་བདུད་འཇོམས་རྡོ་རྗེ་ངས། །གསེར་ཤོད་རྔ་ལ་སྟག་རྩེའི་མགུལ་ནས་བཏོན། །མི་ལོ་བཅོ་བརྒྱད་བར་དུ་བཀའ་རྒྱས་བཏབ། །རྟེན་འབྲེལ་དུས་བབ་མེ་ཕོ་བྱི་བའི་ལོར། །བི་མའི་རྣམ་འཕྲུལ་ཆོས་ཀྱི་བདག་པོ་ལ། །གཏད་རྒྱ་བཀྲོལ་བའི་དུས་ཚིགས་མཁའ་འགྲོས་བསྟན། །དེ་ཕྱིར་སྨར་མདོ་དགའ་བ་འཁྱིལ་ནས་བྲིས། །ཡི་གེ་རིས་བྱེད་རིག་པའི་རྡོ་རྗེས་སོ། །དགེའོ། །དགེའོ། །དགེའོ།། ། ༈་27 གསུམ་མོ། TI1605 - 435 T11605 - 436 ཐ།༔ ཟབ་གསང་མཁའ་འགྲོའི་སྙིང་ཐིག་ལས༔ ཐུགས་སྒྲུབ་གསང་བའི་རྒྱ་ཅན་གྱི༔ ཕུར་སྲུང་དམ་ཅན་རྒྱ་མཚོའི་བསྐང་གསོལ་བསྡུས་པ་བཞུགས་སོ༔ གི༔ གཾཐཾསྦྲ ན་མོ་གུ་རུ་པདྨ་ཀ་ར་ཡེ༔ འབྱོར་ཚོགས་འདོད་ཡོན་གཏོར་སྐྱེམས་བཤམས༔ ནམ་མཁའ་མཛོད་ཀྱི་སྔགས་རྒྱས་བརླབས༔ འདོད་ཡོན་ནམ་མཁའ་མཛོད་དུ་སྤེལ༔ དམ་ཚིག་གཉན་པོ་དཔང་བཙུགས་ཏེ༔ ཛཿ དམ་ཚིག་ཆེན་པོའི་དུས་ལ བབ༔ བཀའ་སྡོད་སྤྲུལ་པའི་དུས་ལ་བབ༔ ཤྭ་ན་མུ་ཁའི་དུས་ལ་བབ༔ བདག་ཉིད་ཆེན་མོའི་དུས་ལ་བབ༔ ས་བདག་ཆེན་མོའི་དུས་ལ་བབ༔ སྐྱེས་བུ་ཆེན་པོའི་དུས་ལ་བབ༔ ང་ནི་ཕུར་པའི་རིག་འཛིན་ཏེ༔ ཁྱེད་ཅག་ཕུར་སྲུང་དམ་ཚིག་ཅན༔ མ་གཡེལ་མ་འགྱངས་ད་ཚུར་བྱོན༔ གཏན་གྱི་སྲུང་མར་མངའ་གསོལ་ལོ༔ མི་འབྲལ་བྱམས་དང་བརྩེ་བས་སྐྱོངས༔ དངོས་འབྱོར་ཡིད་ཀྱིས་རྣམ་སྤྲུལ་པའི༔ བརྟེན་རྫས་སྒྲུབ་རྫས་མཆོད་རྫས་དང་༔ བསྐང་རྫས་མཐུན་རྫས་སྣ་ཚོགས་ཀྱིས༔ གསོལ་ལོ་མཆོད་དོ་ཐུགས་དམ་བསྐང་༔ ཁྱད་པར་དམར་གྱི་གཏོར་མ་དང་༔ ཟླ་རྒྱས་ཟླ་ཕྲུམ་དཀར་གྱི་སྐྱེམས༔ ཇ་ཆང་གསེར་དང་ཁྲག་གི་སྐྱེམས༔ ཟག་མེད་བདུད་རྩིར་བྱིན་གྱིས་བརླབས༔ འདོད་རྒུའི་དཔལ་ཡོན་ཅིར་ཡང་འཆར༔ མི་ཟད་ རྒྱན་གྱི་འཁོར་ལོ་འདིས༔ གསོལ་ལོ་མཆོད་དོ་ཐུགས་དམ་བསྐང་༔ མ་རིག་དབང་དུ་གྱུར་པ་ཡིས༔ ཁྱེད་ཀྱི་ཐུགས་དང་འགལ་བ་བཤགས༔ བཟོད་གསོལ་ཚངས་པའི་དངོས་གྲུབ སྩོལ༔ སྲིད་པའི་མ་མོ་མ་འཁྲུག་ཅིག༔ རྣལ་འབྱོར་བདག་ཅག་འཁོར་བཅས་ཀྱི༔ བསམ་དོན་སྒྲུབ་ལ་རེ་བ་སྐོངས༔ ཡོན་ཏན་གདུལ་བྱ་སྙན་གྲགས་དཔལ༔ ཆོས་སྲིད་མངའ་ཐང་འཕེལ་རྒྱས་མཛོད༔ མི་ཕྱུགས་ནད་རིམས་གོད་ཡམས་ཟློག༔ སད་སེར་བཙའ་ཐན་ལོ་ནད་དང་༔ དུས་འཁྲུགས་མཚོན་བསྐལ་མུ་གེ་ཟློག༔ དགྲ་བགེགས་ལོག་འདྲེན་གནོད་བྱེད་ཐུལ༔ སྲིད་པའི་ལེགས་ཉེས་ཁྱེད་ཀྱི་དབང་༔ འཇིག་རྟེན་བདེ་བའི་ཕྲིན་ལས་མཛོད༔ སྲུང་མ་བྲན་ཁོལ་མཐུ་དཔལ་ཆེ༔ ཕྱི་ནང་བར་ཆད་འདིས་གྲོལ་བྱེད༔ བཀའ་སྲུང་ཁྱབ་འཇུག་ཆེན་པོས་སྲུངས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་དག་པར་ཕབ་པའི་ཡི་གེ་པ་ནི་ཡོངས་གྲུབ་རིག་པའི་རྡོ་རྗེས་སོ།། དགེའོ། །དགེའོ། །དགེའོ ལེགས་སོ། །སརྦ་མངྒ་ལཾ།། ཐོ།༔ ཟབ་གསང་མཁའ་འགྲོའི་སྙིང་ཐིག་ལས༔ མ་མོ་སྨུག་ནག་འོད་འཕྲོའི་ནང་སྒྲུབ་དགོས་འདོད་ཀུན་འབྱུང་ལས༔ གསོལ་མཆོད་སྤྲིན་ཕུང་བཞུགས༔ ཐོ།༔ ན་མོ་གུ་རུ་བཛྲ་ཀུ་མཱ་རེ༔ ཐངྒཱདྦདྒཧྣནཱཎྀ བདག་འདྲ་པདྨ་ཐོད་ཕྲེང་ངས༔ མ་འོངས་ལྔ་བརྒྱའི་སྙིགས་མའི་དུས༔ བསྒྲུབ་འདོད་བརྩོན་འགྲུས་ཆུང་བ་ཡི༔ ངལ་ཞིང་གཡེང་དུབ་ཅན་གྱི་དོན༔ མ་མོ་མཁའ་འགྲོའི་གསོལ་བསྡུས་བསྟན༔ འདི་ཡི་ལག་ལེན་རིམ་པ་ནི༔ གསེར་སྐྱེམས་གཏོར་མ་ཟས་ཚོགས་བཤམས༔ ས་མ་ཡ༔ ཤངྴཛྷ༔ རང་ཉིད་དཔལ་ཆེན་ཁྲོ་རྒྱལ་གསལ༔ ཧོཿ འཁོར་འདས་རབ་འབྱམས་རྒྱ་མཚོ་ན༔ བཞུགས་པའི་མ་མོ་མཁའ་འགྲོའི་ཚོགས༔ སྨུག་ནག་རང་བྱུང་གིང་ཕོ་མོ༔ ཕུར་སྲུང་རྒྱ་མཚོ་འཁོར་དང་བཅས༔ ཛཿ ཧཱུྃ་བཾ་ཧོཿ གཤེགས་སུ་གསོལ༔ པདྨའི་རྣལ་འབྱོར་བདག་ཉིད་ཀྱིས༔ དུར་ཁྲོད་གསང་ཆེན་དཀྱིལ་འཁོར་འདིར༔ ཕྱི་ནང་གསང་བའི་མཆོད་རྫས་རྣམས༔ དངོས་འབྱོར་ཡིད་སྤྲུལ་སྔགས་ཀྱིས་སྤེལ༔ མ་མོ་མཁའ་འགྲོ་ཐམས་ཅད་ལ༔ དད་པའི་ཡིད་ཀྱིས་འབུལ་བར་བགྱི༔ ཨེ་ཀ་ཙ་ཏི་གསོལ་ཞིང་མཆོད༔ ཙ་ཏི་མཆེད་བཞི་གསོལ་ཞིང་མཆོད༔ རང་བྱུང་རྒྱལ་མོ་གསོལ་ཞིང་མཆོད༔ རེ་ཏཱི་མཆེད་བཞི་གསོལ་ཞིང་མཆོད༔ ཕྱི་ཡི་མ་མོ་གསོལ་ཞིང་མཆོད༔ ནང་གི་མ མོ་གསོལ། གསང་བའི་མ་མོ་གསོལཿ ཡང་གསང་མ་མོ་གསོལཿ ཡེ་ཤེས་མ་མོ་གསོལ༔ འཇིག་རྟེན་མ་མོ༔ མཁའ་འགྲོ་ཤ་ཟ་ཤུགས་འགྲོ་དང་༔ དམ་ཚིག་ལེགས་ཉེས་སྟངས་འཛིན་པའི༔ མ་མོ་མཁའ་འགྲོ་ཐམས་ཅད་དང་༔ ཕུར་སྲུང་དམ་ཅན་རྒྱ་མཚོ་ལ༔ གསོལ་ལོ་མཆོད་དོ་ཐུགས་དམ་བསྐང་༔ བཅོལ་བའི་ཕྲིན་ལས་གྲུབ་པར་མཛོད༔ ས་མ་ཡ༔ ལྔ་བརྒྱ་སྙིགས་མའི་དུས་ཀྱི་ཚེ༔ བསྟན་སྲུང་ཀུན་ལས་ཁྱད་པར་འཕགས༔ མ་མོ་མཁའ་འགྲོ་བསྒྲུབ་པ་ན༔ ཕྱི་ནང་བར་ཆད་ཀུན་ཞི་ནས༔ བདེ་སྟོང་རྒྱ་མཚོའི་བཅུད་ལ་སྤྱོད༔ དོན་གཉིས་ལྷུན་གྲུབ་མཐུ་ཡི་དངོས་གྲུབ་ཐོབ༔ རྟག་ཏུ་མ་ཡེངས་མ་མོ་སྒྲུབ་ལ་བརྩོན༔ ས་མ་ཡ༔ རྒྱ་རྒྱ་རྒྱ༔ མ་འོངས་ལས་ཅན་བུ་དང་འཕྲད་པར་ཤོག༔ ཅེས་བཱིདྱ་བི་ན་བཛྲ་གྱི་ཡང་སྲིད་རིག་འཛིན་བདུད་འཇོམས་རྡོ་རྗེས་གླང་ཆེན་གཙུག་འདྲའི་རི་ནས་གསང་གཏེར་བཏོན་པའོ། །ཡི་གེ་པ་ནི་ཕུན་ཚོགས་བཀྲ་ཤིས་སོ།། །། TI1605 - 440 ཟབ་གསང་མཁའ་འགྲོའི་སྙིང་ཐིག་ལས༔ ཐུགས་སྒྲུབ་གསང་བའི་རྒྱ་ཅན་སྐོར༔ སྲོག་བདག་འཇིགས་བྱེད་སྡེ་ལྔའི་སྒྲུབ་པ༔ དྲག་པོའི་ཕྲིན་ལས་མྱུར་འགྲུབ་བཞུགས་སོ༔ TI1605 - 441 བདུད་འཇོམས་འཇིགས་བྱེད་སྡེ་ལྔ་ཟོཾ།༔ ན་མོ་གུ་རུ་ཝེ༔ ཀྵཐཧཱུཾགྲག༔ བྷ་རྦ་རྣས༔ ས།བྷཧཱུཾ།༔ བདག་འདྲ་རིག་འཛིན་རྡོ་རྗེ་གྲོ་ལོད་ངས༔ མ་འོངས་ལས་ཅན་རྣམས་ཀྱི་དོན་ཆེད་དུ༔ བསྟན་སྲུང་འཇིགས་བྱེད་སྡེ་ལྔའི་སྒྲུབ་པ་བསྟན༔ ཉམས་སུ་ལོངས་ཤིག་སྐལ་ལྡན་ལས་འཕྲོ་ཅན༔ དབེན་ཞིང་ཉམས་དགའི་སྐྱེད་ཚལ་ཆེན་པོ་རུ༔ དཀྱིལ་འཁོར་མཛེས་ཤིང་ཡིད་དུ་འོང་བའི་དབུས༔ ཆོས་འབྱུང་ཟུར་བཞིའི་ལྟེ་བ་གྲུ་གསུམ་དུ༔ དམར་གཏོར་ཆེ་བརྗིད་རལ་གྲིས་མཚན་པ་ཅན༔ མདུན་དུ་དམར་གཏོར་གཡས་སུ་དཀྱུས་པ་དང་༔ གཡས་སུ་དཔལ་གཏོར་ནོར་བུས་མཚན་པ་ཅན༔ གཡོན་དུ་དམར་གཏོར་སྙིང་གིས་བརྒྱན་པ་བཞག༔ དེ་མཐར་དམར་གཏོར་ཆུང་བ་བརྒྱད་ཀྱིས་བསྐོར༔ ཤར་དུ་དམར་གཏོར་གཉིས་ལ་བརྒྱད་ཀྱིས་བསྐོར༔ T11605 - 442 ཝྃ།༔ ལྷོ་རུ་དམར་གཏོར་གཡོན་དུ་དཀྱུས་པ་ལ༔ འཁོར་དུ་གཏོར་ཕྲན་བརྒྱད་ཀྱིས་བསྐོར་བར་བྱ༔ ནུབ་ཏུ་དམར་གཏོར་རྭ་མགོས་མཚན་ཅན་ལ༔ རང་འཁོར་དམར་གཏོར་བརྒྱད་ཀྱིས་བསྐོར་བར་བྱ༔ བྱང་དུ་དམར་གཏོར་གཡས་སུ་དཀྱུས་པ་ལ༔ དམར་གཏོར་བརྒྱད་བསྐོར་ཁྲག་ཆེན་བྲན་ལ་བཞག༔ མདུན་དུ་མེ་ཏོག་སྨན་སྣ་ཁྲག་སྣ་ཤ་སྣ་དང་༔ གཏོར་མ་སྐྱེམས་ཚོགས་ཅི་འབྱོར་བཤམས་ནས་སུ༔ ཨོཾ་སྭ་བྷཱ་ཝས་སྦྱངས༔ བྷྱོ་བི་ཤྭས་ནམ་མཁའི་མཛོད་དུ་སྤྲུལ༔ རང་ཉིད་ཡི་དམ་ལྷར་གསལ་བའི་ང་རྒྱལ་དང་མ་བྲལ་བའི་ངང་ནས༔ ཨོཾ་མ་ཧཱ་ཤུ་ནྱ་ཏཱ་སོགས༔ རང་ཉིད་ཡི་དམ་ལྷར་གསལ་བའི་ཐུགས་ཀའི་ཧཱུྃ་ལས་བྷྲཱུྃ་གཅིག་སྤྲོས་པ་ལས་འབྱུང་བ་རིམ་བརྩེགས་ཀྱི་སྟེང་དུ་བྷྲུྃ་ལས་T11605 - 443 དྲག་པོའི་གཞལ་ཡས་ཁང་ཡངས་ཤིང་རྒྱ་ཆེ་བ་ཕྱི་གྲུ་གསུམ་དམར་ནག་ཏུ་འབར་བའི་ཕྱི་ནང་མེད་པར་མེ་དཔུང་དང་རླུང་ནག་མཚོན་ཆ་སྣ་ཚོགས་ཀྱི་ཚྭ་ཚྭ་སྐར་ལྟར་འཁྲིགས་ཤིང་འཚུབས་པའི་ཀློང་དུ༔ ཡི་གེ་ཁྲོ་དམར་ནག་ཡོངས་སུ་གྱུར་པ་ལས༔ ཡེ་ཤེས་ཀྱི་བྱ་ཁྱུང་དམར་པོ་མེ་ཡི་གཤོག་པ་ཅན༔ རྭ་གཉིས་སྲིད་པའི་རྩེ་མོར་སླེབ་པ༔ གནམ་ལྕགས་རྡོ་རྗེའི་མཆུ་དང་སྔེར་མོས་ཀླུ་རིགས་ལྔའི་མགོ་ཁར་བཅུག་སྟེ་ཟ་བ་མེ་གཤོག་དང་སྤུ་རྣམས་སྤྲུགས་པའིགསེབ་ནས་རྡོ་རྗེའི་སེར་བ་འབེབ་པས་དགྲ་བགེགས་ཀྱི་ལུས་ཚལ་པར་གཏུབ་པ་སྤྱན་གསུམ་ཉི་མའི་འོད་ལྟར་འབར་བས་ཀླུ་གཉན་ས་བདག་རྣམས་ཀྱི་དོན་སྙིང་བསྲེགས་པར་བྱེད་པ་རྭ་བར་ན་ཡིད་བཞིན་གྱི་ནོར་བུ་འོད་འབར་བ་ལས་དགོས་འདོད་ཀྱི་ཆར་འབེབས་པ༔ ཀྲིང་ཀྲིང་གི་སྒྲ་སྒྲོགས་པས་ཀླུ་གཉན་ས་བདག་ཐམས་ཅད་བརྒྱལ་ཞིང་བསྔངས་པར་བྱེད་པ་ཞིག་ཏུ་བསྐྱེད་དོ༔ དེ་ཡི་སྟེང་དུ་བདག་ཉིད་ཡི་དམ་གྱི་ཐུགས་ཀ་ནས་ཧཱུྃ་ཡིག་དམར་ནག་སྐར་མདའ་ཆད་པ་བཞིན་དུ་འཕྲོས༔ དེ་ལས་འོད་འཕྲོས༔ རྒྱལ་བ་རྣམས་ལ་མཉེས་པའི་མཆོད་པ་ཕུལ༔ སེམས་ཅན་གྱི་དོན་བྱས༔ དགྲ་བགེགས་ཐམས་ཅད་ཚར་བཅད༔ དེ་དག་གི་ནུས་སྟོབས་དང་ཡེ་ཤེས ཐ།༔ འཇིག་རྟེན་གྱི་བསྟན་སྲུང་དམ་ཅན་རྒྱ་མཚོ་ཐམས་ཅད་ཀྱི་མཐུ་སྟོབས་ནུས་པ་ཐམས་ཅད་བསྡུས་ཏེ་ཧཱུྃ་ལ་ཐིམ༔ ཧཱུྃ་ཡོངས་སུ་གྱུར་པ་ལས་གནོད་སྦྱིན་ཆེན་པོ་ཤན་པ་དམར་ནག་ཁྲོ་གཏུམ་རྔམས་བརྗིད་ཀྱི་ཉམས་དང་ལྡན་པ༔ ཞལ་གཅིག་ཕྱག་བཞི་པ༔ ཕྱག་དང་པོ་གཉིས་ཀྱིས་གྲི་གུག་དང་ཐོད་ཁྲག་ཐུགས་ཀར་བསྣམས་པས་སྣང་སྲིད་དབང་དུ་བསྡུ་བ༔ འོག་མ་གཉིས་ཀྱིས་རལ་གྲི་དང་ཙིཏྟ་བསྣམས་ནས་དགྲ་བགེགས་ཐམས་ཅད་ཚར་གཅོད་པ་སྐུ་སྟོད་ལ་གླང་ཆེན་གྱི་ཀོ་རློན་དང་ཞིང་ཆེན་གྱི་གཡང་གཞི་གསོལ་བ༔ སྐུ་སྨད་ལ་སྟག་ཤམ་མནབ་པ༔ ཐོད་པ་ར་རི་གསུམ་གྱི་ཕྲེང་བ་སེ་རལ་ཁར་ཐོགས་པ་སྦྲུལ་རིགས་ལྔའི་དོ་ཤལ་དང་གདུ་བུ་བྱས་པ༔ སྤྱི་བོར་ཐལ་ཚོམ་དང་མཁུར་ཚོས་ལ་ཁྲག་ཐིག་དང་ཞལ་ལ་ཞག་གི་ཟོ་རིས་བཀྲ་བ༔ དབུ་སྐྲ་ཁམ་ནག་གྱེན་དུ་བརྫེས་ཤིང་ཐོད་སྐམ་ལྔ་ཡིས་དབུ་ལ་བརྒྱན་པ༔ རིན་པོ་ཆེ་འབར་བ་ཡིད་བཞིན་གྱི་ནོར་བུ་ལས་གྲུབ་པའི་སྙན་རྒྱན་གསེར་གྱི་མེ་ཏོག་བཀྲ་བ༔ སྨ་ར་དང་སྨིན་མ་དམར་སེར་དུ་འབར་བ༔ ཞབས་གཉིས་ཉི་མའི་གདན་ལ་ཕྱེད་སྐྱིལ་གྱིས་འགྱིང་བ་ཡེ་ཤེས་ཀྱི་མེ་དཔུང་འབར་བའི་ཀློང་དུ་བསྐྱེད་དོ༔ དེ་ཡི་གཡོན་དུ་ཡུམ་མཆོག་གསོད་ བྱེད་མ་ཞལ་གཅིག་ཕྱག་གཉིས་ཁྲོ་ཞིང་གཏུམ་པ་སྐུ་མདོག་དམར་གསལ་ཉི་ལྟར་འོད་འབར་བ་ཕྱག་གཡས་སྤུ་གྲི་མེ་འབར་བ་ཕྱར་ཞིང་གཡོན་པས་དགྲ་སྙིང་དམར་རློན་ཟ་བ་ཞིང་གླང་གི་སྟོད གཡོགས་དང་གཟིག་ཤམ་གསོལ་བ༔ དབུ་སྐྲ་དམར་སེར་སྲིད་པའི་རྩེ་མོར་བརྫེས་ཤིང་སྨ་ར་དང་སྨིན་མ་མེ་ལྟར་འབར་བ༔ སྤྱན་གསུམ་མཁའ་ལ་གཟིགས་ཤིང་ཞལ་གདངས་ལྗགས་འདྲིལ་རྣོ་དབལ་གྱི་མཆེ་བ་གཙིགས་པ༔ མེ་རྟ་རླུང་གཤོག་ལ་ཆིབས་ཤིང་རབ་འཇིགས་ཁྲོ་མོའི་ཆ་ལུགས་ཡོངས་སུ་རྫོགས་པར་བསྐྱེད་དོ༔ དེ་མཐར་སྤྲུལ་འཁོར་བྱེ་བ་འབུམ་སྡེས་བསྐོར་བར་བསྒོམ༔ ཤར་དུ་ཧཱུྃ་ལས་བདུད་མགོན་སེང་གེའི་གདོང་པ་ཅན་མཐིང་ནག་གཡས་རུ་མཚོན་དང་གཡོན་པས་དམར་གཏོར་ཐོགས་པ་བེར་ནག་གསོལ་ཞིང་རྟ་ནག་ལ་ཆིབས་པ༔ ཡུམ་སི་ན་ར་མ་གཡས་རུ་མཚོན་དང་གཡོན་པས་དགྲ་སྙིང་ཟ་བ་དམར་མོ་བེར་དམར་གསོལ་ཞིང་རྟ་དམར་ལ་ཆིབས་པ་སྤྲུལ་འཁོར་ལྷ་སྲིན་སྡེ་བརྒྱད་ཀྱིས་བསྐོར་བར་བསྒོམ༔ ལྷོ་རུ་ཙ་ལས་བཙན་དམར་ཤན་པ་ཀུས་འདེབས་མི་དམར་རྟ་དམར་ལ་ཆིབས་པ་ཕྱག་གཉིས་མདུང་ཞགས་བསྣམས་པ་བསྭེ་ཁྲབ་དང་ཟངས་རྨོག་གསོལ་བ་འཁོར་རང་འདྲ་ཁྲི་ཡིས་བསྐོར་བར་བསྒོམ༔ ཐོ།༔ ནུབ་ཏུ་ཏྲི་ལས་དམ་ཅན་སྐྱེས་བུ་ཆེན་པོ་ཕྱག་གཉིས་རྡོ་རྗེ་དང་དགྲ་སྙིང་བསྣམས་པ༔ སེང་གེ་དཀར་མོ་ལ་ཆིབས་པ་དབུ་ལ་སག་ཞུ་དང་སྐུ་ལ་བེར་ནག་གསོལ་བ་སུམ་བརྒྱ་དྲུག་ཅུའི་འཁོར་དང་བཅས་པས་བསྐོར་བར་བསྒོམ༔ བྱང་དུ་ར་ལས་དྲང་སྲོང་གཟའ་མཆོག་ཆེན་པོ་དབུ་དགུ་བྱ་རོག་གི་གདོང་དང་བཅུ་ཡོད་པ་ཕྱག་བཞིས་རལ་གྲི་དང་མདའ་གཞུ་ཆུ་སྲིན་གྱི་རྒྱལ་མཚན་དང་སྦྲུལ་ཞགས་ཐོགས་པ་མགོ་ལུས་མེད་པར་མིག་གིས་གང་བ་སྐུ་སྨད་སྦྲུལ་དུ་འཁྱིལ་ཞིང་རྟ་མོག་པ་ལ་ཆིབས་པ་སྤྲུལ་པ་ལྷ་སྲིན་སྡེ་བརྒྱད་ཀྱིས་བསྐོར་བར་བསྒོམ༔ དེ་མཐར་ཡེ་ཤེས་དང་འཇིག་རྟེན་གྱི་བསྟན་སྲུང་དམ་ཅན་རྒྱ་མཚོའི་ཚོགས་མ་ལུས་པས་བསྐོར་བར་བསམ༔ བརྒྱུད་གསུམ་བླ་མ་རྣམས་ཀྱི་གསང་གསུམ་རྡོ་རྗེའི་ངོ་བོ་དབྱིངས་ནས་ཨོཾ་དཀར་པོ་ཨཱཿ དམར་པོ་ཧཱུྃ་མཐིང་ནག་གི་རྣམ་པར་བསྐྱེད་པའི་ལྷ་རྣམས་ཀྱི་གནས་གསུམ་དུ་བབས་པས་རྡོ་རྗེ་གསུམ་གྱི་ངོ་བོར་གནས་པར་བསམ༔ དེ་ལས་འོད་ཟེར་དཀར་དམར་མཐིང་གསུམ་འཕྲོས་པས་འཁོར་འདས་དབང་བསྒྱུར་བསྟན་སྲུང་གི་ཚོགས་ཐམས་ཅད་ཤོག་སྐྱ་རླུང་གིས་བསྐྱོད་པ་ལྟར་རང་དབང་མེད་པར་དམ་ཚིག་གི་དབང་གིས་སྤྱན་དྲངས་ཏེ་དམ་ཚིག་པ་ལ་གཉིས་མེད་ དུ་བསྟིམ་མོ༔ དེ་ནས་སྤྱན་འདྲེན་པ་ནི༔ ཧཱུྃ་ཛཿ ཧེ་ཆེན་བརྡལ་བའི་དུར་ཁྲོད་ཆེན་པོ་ནས༔ གནོད་སྦྲིན་ཆེན་པོ་འཁོར་དང་བཅས་པ་རྣམས༔ དད་པ་དང་ནི་དམ་ཚིག་དབང་གིས་འབོད༔ མ་ཐོགས་བུ་ཡི་གནས་འདིར་གཤེགས་སུ་གསོལ༔ ཕོ་བྲང་མཁའ་སྤྱོད་ཙ་རིའི་གཞལ་ཡས་ནས༔ བདུད་མགོན་སེང་གདོང་ཡབ་ཡུམ་བཀའ་འཁོར་བཅས༔ དད་དང་དམ་ཚིག་དབང་གིས་སྤྱན་འདྲེན་ན༔ མ་ཐོགས་སྒྲུབ་པའི་གནས་འདིར་གཤེགས་སུ་གསོལ༔ ལྗོན་ཤིང་བྲག་རིས་གཏམས་པའི་ཕོ་བྲང་ནས༔ འཇིགས་བྱེད་བཙན་རྒོད་འབར་བ་འཁོར་དང་བཅས༔ དམ་ཚིག་གིས་བསྐུལ་ཐ་ཚིག་གཉན་གྱིས་འབོད༔ མ་ཐོགས་སྒྲུབ་པའི་གནས་འདིར་གཤེགས་སུ་གསོལ༔ བསིལ་བ་ཚལ་གྱི་དུར་ཁྲོད་ཆེན་པོ་ནས༔ དམ་ཅན་སྐྱེས་བུ་བཀའ་འཁོར་བཅས་པ་རྣམས༔ མ་ཐོགས་དམ་ཚིག་དབང་གིས་སྤྱན་འདྲེན་ན༔ སྒྲུབ་མཆོག་བསྟན་པ་བསྲུང་ཕྱིར་གཤེགས་སུ་གསོལ༔ སྟེང་ཕྱོགས་ནམ་མཁའ་ཡངས་པའི་ཀློང་དཀྱིལ་ནས༔ དྲང་སྲོང་གཟའ་མཆོག་ཆེན་པོ་བཀའ་འཁོར་བཅས༔ དམ་ཚིག་དབང་གིས་འབོད་དོ་རྒྱང་མ་རིང་༔ སྒྲུབ་པའི་གནས་འདིར་སྤྱན་འདྲེན་གཤེགས་སུ་གསོལ༔ གཞན་ཡང་རིག་འཛིན་པདྨ་ ཐོ།༔ འབྱུང་གནས་ཀྱིས༔ བཀའ་བསྒོས་དམ་བཞག་ཡེ་ཤེས་འཇིག་རྟེན་གྱི༔ བསྟན་སྲུང་ཕོ་རྒྱུད་མོ་རྒྱུད་མ་ལུས་པ༔ བཀའ་དང་དམ་ཚིག་གཉན་གྱིས་རྒྱུད བསྐུལ་ལོ༔ མ་ཐོགས་སྒྲུབ་པའི་གནས་འདིར་གཤེགས་སུ་གསོལ༔ ཨོཾ་མ་ཧཱ་ཀྲོ་དྷ་མ་རུ་ཙེ་སེང་ཧ་མུ་ཁ་ནཱ་ག་ཙནྟྲི་བཛྲ་ས་དྷཱུ་རཱ་ཧུ་ལ་ས་པ་རི་ཝཱ་ར་སརྦ་དྷརྨ་པཱ་ལ་ཀྵེ་ཊ་པཱ་ལ་ལོ་ཀ་པཱ་ལ་ཨོཾ་བཛྲ་ས་མ་ཡ་ཛཿ ཨཱཿབཛྲ་ས་མ་ཡ་ཛཿ ཧཱུྃ་བཛྲ་ས་མ་ཡ་ཛ་ཛཿ ཛཿ ཧཱུྃ་བཾ་ཧོཿ བཞུགས་སུ་གསོལ་བ་ནི༔ ཧཱུྃ་བྷྱོ་ཛཿ དུར་ཁྲོད་གསང་ཆེན་རོལ་པའི་གཞལ་ཡས་འདིར༔ པདྨ་ཉི་མ་རོ་ཡི་གདན་སྟེང་དུ༔ དམ་ཚིག་དགྱེས་དགོངས་སྒྲུབ་མཆོག་སྐྱོང་བའི་ཕྱིར༔ གཉིས་མེད་བརྟན་བཞུགས་ཕྲིན་ལས་རྣམ་བཞི་བསྒྲུབ༔ བཛྲ་ས་མ་ཡ་ཏིཥྛ་ལྷན༔ ཕྱག་འཚལ་བ་ནི༔ ཧཱུྃ་ཛཿ གདོད་ནས་ཀུན་ཏུ་བཟང་པོའི་རོལ་པ་ལས༔ འགྲོ་བའི་དོན་དུ་གཟུགས་ཀྱི་སྐུར་སྤྲུལ་པ༔ གང་འདུལ་ཐབས་ཀྱིས་སངས་རྒྱས་བསྟན་པ་སྲུངས༔ དམ་ཅན་རྒྱ་མཚོའི་ཚོགས་ལ་ཕྱག་འཚལ་ལོ༔ སརྦ་ས་མ་ཡ༔ ན་མོ་པུ་རུ་ཤ་ཡ་ཧོཿ མཆོད་པ་འབུལ་བ་ནི༔ ཨོཾ་ཨཱཿ ཧཱུྃ༔ ཉེར་སྤྱོད་འདོད་ཡོན་སྨན་གཏོར་རཀྟ་དང་༔ ཤ་སྣ་སྙིང་སྣ་ཚིལ་སྣ་ཞུན་སྣ་ཚོགས༔ T11605 - 449 སྨན་སྣ་འབྲུ་སྣ་རིན་ཆེན་གོ་མཚོན་རིགས༔ རི་དྭགས་གཡུང་དྭགས་ཆུ་གནས་བྱ་རིགས་དང་༔ མཆོད་རྫས་སྒྲུབ་རྫས་བརྟེན་རྫས་བསྐང་རྫས་དང་༔ མཐུན་རྫས་སྣ་ཚོགས་དགྱེས་པའི་ཡོ་བྱད་ཚོགས༔ དངོས་སུ་འབྱོར་དང་ཡིད་ཀྱིས་རྣམ་སྤྲུལ་ཏེ༔ དམ་ཅན་རྒྱ་མཚོའི་དཀྱིལ་འཁོར་ལྷ་ལ་འབུལ༔ ཕྲིན་ལས་རྣམ་བཞི་འདོད་དོན་འབད་མེད་བསྒྲུབ༔ ཨོཾ་ཨཱཿསརྦ་ག་ཎ་ཙཀྲ་པཉྩ་པཱུ་ཛ་སྥ་ར་ཎ་ཁཾ་སྭཱ་ཧཱ༔ ཨེ་དཾ་བ་ལི་ཏ་ཁ་ཁ་ཁཱ་ཧི༔ བཛྲ་ས་མ་ཡ་ཧོཿ ཤཱནྟི་པུཥྚི་ཝཱ་ཤཾ་མཱ་ར་ཡ་སིདྡྷི་ཕ་ལ་ཧོཿ དེ་ནས་བསྟོད་པ་ནི༔ ཧཱུྃ༔ དབང་ཆེན་རྟ་མགྲིན་རྒྱལ་པོའི་རོལ་པའི་གར༔ ཁམས་གསུམ་དབང་སྡུད་སྲིད་གསུམ་ཟིལ་གནོན་མཛོད༔ མ་རུངས་བསྟན་དགྲའི་སྲོག་གི་གཤེད་མར་ཆེ༔ ཁྲོ་གཏུམ་རྔམས་བརྗིད་དྲག་པོའི་སྐུར་སྟོན་ཅིང་༔ སྒྲུབ་པ་པོ་ལ་བུ་ལྟར་བརྩེ་བའི་ལྷ༔ འཇིགས་བྱེད་གནོད་སྦྱིན་ཆེན་པོའི་ཚོགས་ལ་བསྟོད༔ མི་སྲུན་རྔམས་བརྗིད་ཁྲོ་གཏུམ་འབར་བའི་སྐུ༔ ལོག་འདྲེན་དགྲ་བགེགས་རྩད་ནས་གཅོད་མཛད་ཅིང་༔ དམ་ལྡན་སྐྱོང་ཞིང་དམ་ཉམས་ཡོངས་ཀྱི་གཤེད༔ ལེགས་གྲུབ་རྡོ་རྗེའི་སྐུ་ལ་ཕྱག་འཚལ་བསྟོད༔ ཨོ་རྒྱན་ཆེན་པོའི་བཀའ་ཡི་གཉེར་གཏད་པ༔ ཕྲིན་ལས་ཐོགས་མེད་མྱུར་མགྱོགས་མཐུ 3ཟོཾ།༔ མངའ་བ༔ འཁོར་ཚོགས་བརྒྱ་ཕྲག་སྤྲུལ་པ་ལས་ལ་འགྱེད༔ བཙན་རྒོད་འབར་བ་འཁོར་བཅས་སྐུ་ལ་བསྟོད༔ འཛམ་གླིང་ཡོངས་ལ་དབང་བསྒྱུར་རྫུ་འཕྲུལ ཅན༔ དྲག་རྩལ་ཐོགས་མེད་བསྟན་པའི་བྱ་ར་བ༔ དམ་ཉམས་ཞིང་བཅུ་འདུལ་བའི་མཐུ་རྩལ་ཅན༔ སྐྱེས་མཆོག་རྡོ་རྗེ་ལེགས་པའི་སྐུ་ལ་བསྟོད༔ སྣང་བའི་ཁམས་སུ་དབང་བྱེད་མཐུ་རྩལ་ཅན༔ སྤྲུལ་པ་ལྷ་སྲིན་སྡེ་བརྒྱད་ལས་ལ་འགྱེད༔ སྲིད་གསུམ་སྲོག་ལ་དབང་བྱེད་སྲོག་གི་བདག༔ དྲང་སྲོང་གཟའ་མཆོག་ཆེན་པོའི་སྐུ་ལ་བསྟོད༔ ལེགས་ཉེས་སྟངས་འཛིན་དམ་ཚིག་རྗེས་གཅོད་ཅིང་