Tibetan
THE COLLECTED TREASURE -TEXT OF BDUD - JOMS - GLING -PA VOLUME - 05 2017 T11605 - 002 ༄༅། །སྤྲུལ་པའི་གཏེར་ཆེན་བདུད་འཇོམས་གླིང་པའི་ཟབ་གཏེར་གསང་བའི་ཆོས་སྡེའི་གླེགས་བམ་ལྔ་པ་བཞུགས་སོ།། T11605 - 003 T11605 - 004 ར མ ཟབ་གསང་མཁའ་འགྲོའི་སྙིང་ཐིག་ལས༔ ཐུགས་སྒྲུབ་གསང་བའི་རྒྱ་ཅན་གྱི༔ དབང་ཆོག་འཁོར་ལོའི་ཁྱབ་བདག་བཞུགས་སོ༔ Tl1605 - 005 ཐོ༔ ཨོཾབྷྲཱ་ཏྨ།ཀཨ་བྷ།ཥ།བྷཱུ་ཟླ ན་མོ་གུ་རུ་པདྨ་ཀ་ར་ཡེ༔ དཀྱིལ་འཁོར་འཁོར་ལོར་དབང་བྱེད་ཀྱི༔ ཁྱབ་བདག་འདི་ནི་བླ་ན མེད༔ ལྟ་དགོངས་ལྡན་པའི་སློབ་དཔོན་གྱིས༔ སྣོད་དང་ལྡན་པའི་སློབ་མ་ནི༔ དང་པོ་དབང་གིས་སྨིན་བྱས་ཏེ༔ གདམས་ངག་ཟབ་མོའི་སྣོད་རུང་བྱ༔ དེ་ལ་དང་པོ་ལག་ལེན་ཚུལ༔ དབང་རྫས་ཚང་ཞིང་དལ་ཞལ་ཕྱེ༔ ཞག་བདུན་བར་དུ་སྒྲུབ་ལ་གཞོལ༔ དེ་ནས་སྟ་གོན་ལེགས་པར་བྱ༔ སྣོད་བརྟག་སྐྱོན་སེལ་གེགས་སེལ་མཐར༔ དབང་གི་དཀྱིལ་འཁོར་ཆེན་པོར་འཇུག༔ སླར་ཡང་སྐྱོན་བྲལ་སློབ་བུ་རྣམས༔ གྲལ་འཁོད་ཁྲུས་བྱ་བགེགས་བསྐྲད་མཐར༔ རྡོ་རྗེ་སྲུང་བའི་འཁོར་ལོ་བསྒོམ༔ དེ་དག་བླ་མའི་བྱ་བ་སྟེ༔ དེ་ནས་སློབ་མའི་བྱ་བ་ནི༔ གསེར་དང་རིན་ཆེན T11605 - 006 ཐད༔ མཎྜལ་བཀོད༔ ལུས་དང་ལོངས་སྤྱོད་བླ་མར་ཕུལ༔ གཏན་གྱི་སྐྱབས་གནས་མཆོག་ཏུ་བསྟེན༔ མིར་འཛིན་མཉམ་འགྲོགས་ལོག་ལྟ་སྤང་༔ ཆེ་བཙན་ཐོབ་ཀྱི་དབང་བྱས་པས༔ གདུགས་དང་མཁར་བ་མཚོན་མི་ཐོགས༔ ཁྲི་མཐོན་སྡོད་དང་མགོ་བོ་གཡོགས༔ སྐྱིལ་ཀྲུང་རྐང་པ་བརྐྱང་སོགས་སྤང་༔ ངོ་ལྐོག་གཡོ་དང་སྒྱུས་མིན་པར༔ པུས་བཙུག་ཐལ་སྦྱར་གུས་པས་བཏུད༔ སྙན་པའི་དབྱངས་ཀྱིས་ཞུ་གསོལ་གདབ༔ དད་མོས་གདུང་བའི་སེམས་ཀྱིས་ཉན༔ གཞན་དུ་རྣམ་པར་གཡེང་བ་སྤང་༔ སྒོ་གསུམ་བྱ་བ་གནད་དུ་ཟུངས༔ དང་པོ་དབང་བསྐུར་བར་སྙན་གསན་འབུལ་བ་ནི༔ ཀྱེེ༔ དུས་གསུམ་སངས་རྒྱས་འདུས་པའི་དཔལ༔ བླ་མ་རྡོ་རྗེ་འཛིན་ཁྱོད་ཀྱིས༔ རྡོ་རྗེ་ཕུར་པའི་དཀྱིལ་TI1605 - 007 འཁོར་དུ༔ བདག་ཅག་དབང་གིས་སྨིན་པར་མཛོད༔ ལན་གསུམ་ཞུས་མཐར༔ སློབ་དཔོན་གྱིས་གནང་བ་སྩལ་བ་ནི༔ ཀྱེེ་ཧོ་སྐལ་ལྡན་རིགས་ཀྱི་བུ༔ མི་ལུས་ཐོབ་པ་གྲངས་མང་ཡང་༔ དོན་ལྡན་ཨུ་དུམ་ཝ་ར་ཙམ༔ དེ་རིང་ཁྱོད་ཀྱིས་རྙེད་ཆེན་ཐོབ༔ དགའ་དང་གུས་པའི་སེམས་ཀྱིས་ཉོན༔ སྨིན་གྲོལ་དབང་མཆོག་བསྐུར་བར་བགྱི༔ དེ་ནས་ཡང་སློབ་དཔོན་གྱིས༔ ཀྱེ་ཧོ་སྐལ་ལྡན་རིགས་ཀྱི་བུ༔ སྨིན་གྲོལ་ཀུན་ལ་ཡོད་མོད་ཀྱང་༔ སྐྱབས་སུ་མ་སོང་བ་ལ་མིན༔ དེ་ཕྱིར་སྐྱབས་སུ་འགྲོ་བར་གྱིས༔ དེ་ནས་སྐྱབས་སུ་འགྲོ་ཞིང་༔ ཡང་སློབ་དཔོན་གྱིས༔ ཧོཿ ཉོན་ཅིག་སྐལ་ལྡན་རིགས་ཀྱི་བུ༔ བསོད་ནམས་བསགས་པ་མང་ལགས་ཀྱང་༔ སེམས་མ་བསྐྱེད་པར་སངས་རྒྱས་མིན༔ དེ་ཕྱིར་བྱང་ཆུབ་སེམས་མཆོག་བསྐྱེད༔ ཅེས་སེམས་བསྐྱེད༔ དེ་ནས་རྡོ་རྗེའི་མནའ་ཆུ་སྦྱིན་པ་ནི༔ ཀྱེ་ཧོ་རྡོ་རྗེའི་སློབ་བུ་རྣམས༔ འདི་ནི་དམ་ཚིག་རྡོ་རྗེའི་ཆུ༔ ཁྱོད་ཀྱི་ལྕེ་ལ་བཞག་པ་ཡིས༔ དམ་ཚིག་གཉན་པོའི་སྲོག་ཐོབ་ཟིན༔ བསྲུང་ན་ཚེ་འདིར་སངས་རྒྱས་འཐོབ༔ ཉམས་ན་རྡོ་རྗེ་དམྱལ་བར་ལྟུང་༔ དེ་ཕྱིར་དམ་ཚིག་གཉན་པོ་སྲུངས༔ སློབ་མས༔ ས་མ་ཡ་ན་ར་ཀན༔ རྡོ་རྗེའི་རྭ་རྩེས་མནའ་ཆུ་ལྕེ་ལ་བཞག༔ དེ་ནས་སློབ་མས་མེ་ཏོག་ཐོགས་ལ༔ ཐེོཾ།༔ ཨ་ཁཾ་ཝི་ར་ཧཱུྃ༔ མིག་དར་བཀབ་ལ༔ ཙཀྵུ་བྷནྡྷ་ཝ་ར་མ་ན་ཡེ་སྭཱ་ཧཱ༔ ཨོཾ་མ་ཧཱ་ཤུ་ནྱ་ཏཱ་སོགས༔ བདག་མདུན་ལྷར་གསལ་བའི་གནས་གསུམ་ལས་འོད་ཟེར་དཔག་ཏུ་མེད་པ་འཕྲོས་པས་སློབ་མའི་རྒྱུད་ཀྱི་ལས་ཉོན་བག་ཆགས་ཐམས་ཅད་བ་མོ་ལ་ཉི་ཟེར་ཕོག་པ་ལྟར་སངས་ཀྱིས་དག་པར་བྱས༔ འབྱུང་བ་སྙིགས་མའི་སྒྱུ་ལུས་ཡེ་ཤེས་དྭངས་མ་འོད་གསལ་ཆེན་པོའི་ངང་དུ་ཞིག་པར་གྱུར༔ ཅེས་སློབ་མ་ལྷར་བསྐྱེད་ཡེ་ཤེས་པ་དབབ་ཅིང་༔ བསྐྱེད་ཅིང་བསྟིམ་པའི་ཡེ་ཤེས་པ་དེ་རབ་ཏུ་བརྟན་པར་གྱུར་ཅིག༔ ཏིཥྛ་བཛྲ་གྱིས་བརྟན་པར་བྱ༔ དེ་ནས་མེ་ཏོག་དོར་ཞིང་ལྷག་པའི་ལྷ་ངོས་བཟུང་བ་ནི༔ ཧོཿ དཀོན་མཆོག་གསུམ་གྱི་བདེན་པ་དང་༔ གསང་སྔགས་ཟབ་མོའི་བྱིན་རླབས་ཀྱིས༔ རྟེན་འབྲེལ་རྫས་ཀྱི་མེ་ཏོག་འདི༔ སྔོན་ནས་ལས་འཕྲོ་གང་ཡོད་པའི༔ ལྷག་པའི་ལྷ་ལ་ཕོག་པར་ཤོག༔ བཛྲ་པུཥྤེ་པྲ་ཏཱིཙྪ་ཧོཿ དེ་ནས་མིག་དར་བསལ་བ་ནི༔ ཧོཿ བདེ་གཤེགས་སྙིང་པོ་སངས་རྒྱས་ཀྱི༔ ཞལ་རས་བསྒྲིབས་པའི་བག་ཆགས་སྒྲིབ༔ མ་རིག་ལིང་ཏོག་དྲི་མ་བསལ༔ ཛྙཱ་ན་ཙཀྵུ་པྲ་ཝེ་ཤ་ཡ་ཕཊ༔ ཅེས་བསལ༔ རང་སྣང་ཡེ་ཤེས་དཀྱིལ་འཁོར་གྱི༔ རང་ཞལ་མཇལ་ཏེ་འཚང་རྒྱ་ཤོག༔ ཨེ་མ་ཧོཿ ན་མོ་ན་མ་ཧོཿ ཞེས་ཕྱག་འཚལ༔ དེ་ནས་བུམ་དབང་བསྐུར་བ་ནི༔ ཧཱུྃ༔ བུམ་པ་ལྷུན་གྲུབ་གཞལ་ཡས་ཁང་༔ རྡོ་རྗེ་ཕུར་པའི་དཀྱིལ་འཁོར་རྫོགས༔ སྐལ་ལྡན་ཁྱོད་ལ་དབང་བསྐུར་བས༔ ལུས་ཀྱི་སྒྲིབ་པ་ཀུན དག་ནས༔ རྣམ་སྨིན་རིག་འཛིན་ཉེར་འགྲུབ་ཅིང་༔ བུམ་དབང་ཡོངས་སུ་རྫོགས་ཐོབ་ཤོག༔ རྩ་སྔགས་མཐར༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་རྡོ་རྗེ་གཞོན་ནུ་ཡབ་ཡུམ་གྱི་སྐུ་གཏད་ལ༔ ཧཱུྃ༔ དུས་གསུམ་སངས་རྒྱས་འདུས་པའི་སྐུ༔ སྤྱི་དཔལ་རྡོ་རྗེ་གཞོན་ནུ་ཆེ༔ སྣང་སྟོང་ཐབས་ཤེས་དབྱེར་མེད་སྐུས༔ སྐལ་ལྡན་ཁྱོད་ལ་དབང་བསྐུར་རོ༔ མི་ཤིགས་རྡོ་རྗེའི་གདིང་ཐོབ་ཀྱི༔ བསྐྱེད་རིམ་ལྷ་དབང་ཐོབ་པར་ཤོག༔ རྩ་སྔགས་མཐར༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་སྒྲོལ་བའི་ཡུམ་མཆོག་གཏད་ལ༔ ཧཱུྃ༔ འཁོར་འདས་རྫོགས་པའི་དབྱིངས་ཆེན་མོ༔ སྒྲོལ་ཡུམ་ཨེ་ཀ་ཛ་ཊཱིའི སྐུས༔ སྐལ་ལྡན་བུ་ལ་དབང་བསྐུར་རོ༔ འཁོར་བ་ཡོངས་སྒྲོལ་དབང་ཐོབ་ཤོག༔ རྩ་སྔགས་མཐར༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་རིགས་ཀྱི་བདག་པོའི་སྐུ་གཏད་ལ༔ ཧཱུཾ༔ སངས་རྒྱས་ཀུན་བས་སྔར་སངས་རྒྱས༔ ཀ་དག་གདོད་མའི་མགོན་པོ་ཡིས༔ སྐལ་ལྡན་བུ་ལ་དབང་བསྐུར་རོ༔ གཉིས་སུ་མེད་པའི་དབང་ཐོབ་ཤོག༔ རྩ་སྔགས༔ ཀཱ་ཡ་ཨ་བྷི་ཥིཉྩ་ཨོཾ༔ ས་མ་ཡ༔ ཝྃ།༔ རྒྱ་རྒྱ་རྒྱ༔ དེ་ནས་བུདྡྷ་ཀཱི་ལའི་སྐུ་གཏད་ལ༔ ཧཱུྃ༔ དཔལ་ཆེན་སྐུ་ཡི་གསང་བ་རྫོགས༔ ཁྲག་འཐུང་བུདྡྷ་ཀཱི་ལ་ཡས༔ སྐལ་ལྡན་བུ་ལ་དབང་བསྐུར་རོ༔ སྐུ་ལ་དབང་བསྒྱུར་དབང་ཐོབ་ཤོག༔ རྩ་སྔགས་ཤམ་དུ༔ བུདྡྷ་ཨ་བྷི་ཥིཉྩ་ཨོཾ༔ ས་མ་ཡ༔ རྒྱ་རྒྱ་རྒྱ༔ དེ་ནས་བཛྲ་ཀཱི་ལའི་སྐུ་གཏད་ལ༔ ཧཱུྃ༔ དཔལ་ཆེན་ཐུགས་ཀྱི་གསང་རྫོགས་དཔལ༔ ཁྲག་འཐུང་བཛྲ་ཀཱི་ལ་ཡས༔ སྐལ་ལྡན་བུ་ལ་དབང་བསྐུར་རོ༔ ཐུགས་ལ་དབང་བསྒྱུར་དབང་ཐོབ་ཤོག༔ རྩ་སྔགས༔ བཛྲ་ཨ་བྷི་ཥིཉྩ་ཧཱུྃ༔ ས་མ་ཡ༔ རྒྱ་རྒྱ་རྒྱ༔ དེ་ནས་རཏྣ་ཀཱི་ལའི་སྐུ་གཏད་ལ༔ ཧཱུྃ༔ དཔལ་ཆེན་ཡོན་ཏན་གསང་རྫོགས་དཔལ༔ ཁྲོ་རྒྱལ་རཏྣ་ཀཱི་ལ་ཡས༔ སྐལ་ལྡན་བུ་ལ་དབང་བསྐུར་རོ༔ ཡོན་ཏན་དབང་བསྒྱུར་དབང་ཐོབ་ཤོག༔ རྩ་སྔགས༔ རདྣ་ཨ་བྷི་ཥིཉྩ་སྭ༔ ས་མ་ཡ༔ རྒྱ་རྒྱ་རྒྱ༔ དེ་ནས་པདྨ་ཀཱི་ལའི་སྐུ་གཏད་ལ༔ ཧཱུྃ༔ དཔལ་ཆེན་གསུང་གི་གསང་རྫོགས་དཔལ༔ ཁྲོ་རྒྱལ་པདྨ་ཀཱི་ལ་ཡས༔ སྐལ་ལྡན་བུ་ལ་དབང་བསྐུར་རོ༔ གསུང་ལ་དབང་བསྒྱུར་དབང་ཐོབ་ཤོག༔ རྩ་སྔགས༔ པདྨ་ཨ་བྷི་ཥིཉྩ་ཨཱཿ ས་མ་ཡ༔ རྒྱ་རྒྱ་རྒྱ༔ དེ་ནས་ཀརྨ་ཀཱི་ལའི་སྐུ་གཏད་ལ༔ ཧཱུྃ༔ དཔལ་ཆེན་ཕྲིན་ལས་གསང་རྫོགས་དཔལ༔ ཁྲོ་རྒྱལ་ཀརྨ་ཀཱི་ལ་ཡས༔ ཆོག་ སྐལ་ལྡན་བུ་ལ་དབང་བསྐུར་རོ༔ ཕྲིན་ལས་དབང་བསྒྱུར་དབང་ཐོབ་ཤོག༔ རྩ་སྔགས༔ ཀརྨ་ཨ་བྷི་ཥིཉྩ་ཧཱ༔ ས་མ་ཡ༔ རྒྱ་རྒྱ་རྒྱ༔ དེ་ནས་བྱ་ཁྱུང་རྒྱལ་པོའི་སྐུ་གཏད་ལ༔ ཧཱུྃ༔ དཔལ་གྱི་མངོན་སྤྱོད་རོལ་པའི་རྩལ༔ ཡེ་ཤེས་སྤྲུལ་པའི་ཁྱུང་ཆེན་གྱིས༔ སྐལ་ལྡན་བུ་ལ་དབང་བསྐུར་རོ༔ འཁོར་བ་དོང་སྤྲུགས་དབང་ཐོབ་ཤོག༔ རྩ་སྔགས༔ ཁྲོ་ག་རུ་ཌ་ཨ་བྷི་ཥིཉྩ་ཨོཾ༔ ས་མ་ཡ༔ རྒྱ་རྒྱ་རྒྱ༔ དེ་ནས་ཁྲོ་བོ་ཆེན་པོ་བཅུའི་དང་པོ་ཧཱུྃ་ཀཱ་རའི་སྐུ་གཏད་ལ༔ ཧཱུྃ༔ དཔལ་ཆེན་ཆེ་མཆོག་རྡོ་རྗེ་གཞོན་ནུ་ཡིས༔ ལྷ་གདོན་ཟིལ་གྱིས་གནོན་པའི་སྐུར་སྟོན་པ༔ ཁྲོ་རྒྱལ་ཧཱུྃ་ཆེན་ཀཱ་ར་ཡབ་ཡུམ་གྱིས༔ སྐལ་ལྡན་སྐྱེས་བུ་ཁྱོད་ལ་དབང་བསྐུར་རོ༔ རྩ་སྔགས༔ ཧཱུྃ་ཀཱ་ར་ཧཱུྃ་ཨ་བྷི་ཥིཉྩ་ཧཱུྃ༔ ས་མ་ཡ༔ རྒྱ་རྒྱ་རྒྱ༔ དེ་ནས་རྣམ་པར་རྒྱལ་བ་ཡབ་ཡུམ་གྱི་སྐུ་གཏད་ལ༔ ཧཱུྃ༔ དཔལ་ཆེན་ཆེ་མཆོག་རྡོ་རྗེ་གཞོན་ནུ་ཡིས༔ དྲི་ཟ་ཟིལ་གནོན་དྲག་པོའི་སྐུར་སྟོན་པ༔ ཁྲོ་ཆེན་རྣམ་པར་རྒྱལ་བ་ཡབ་ཡུམ་གྱིས༔ སྐལ་ལྡན་སྐྱེས་བུ་ཁྱོད་ལ་དབང་བསྐུར་རོ༔ རྩ་སྔགས༔ བཛྲ་ཀྲོ་ངྷ་བི་ཛ་ཡ་ཧཱུྃ་ཨ་བྷི་ཥིཉྩ་ཧཱུྃ༔ ས་མ་ཡ༔ རྒྱ་རྒྱ་རྒྱ༔ དེ་ནས་དབྱུག་པ་སྔོན་པོ་ཡབ་ཡུམ་གྱི་སྐུ་གཏད་ལ༔ ཧཱུྃ༔ དཔལ་ཆེན་ཆེ་མཆོག་རྡོ་རྗེ་གཞོན་ནུ་ཡིས༔ མེ་ལྷ་ཟིལ་གནོན་དྲག་པོའི་སྐུར་སྟོན་པ༔ ཁྲོ་ཆེན་དབྱུག་པ་སྔོན་ ཐྱཾ༔ པོ་ཡབ་ཡུམ་གྱིས༔ སྐལ་ལྡན་སྐྱེས་བུ་ཁྱོད་ལ་དབང་བསྐུར་རོ༔ རྩ་སྔགས༔ ཨོཾ་བཛྲ་ཀྲོ་ངྷ་ནཱི་ལ་དཎྜ་ཧཱུྃ་ཨ་བྷི་ཥིཉྩ་ཧཱུྃ༔ ས་མ་ཡ༔ རྒྱ་རྒྱ་རྒྱ༔ དེ་ནས་གཤིན་རྗེ་གཤེད ཡབ་ཡུམ་གྱི་སྐུ་གཏད་ལ༔ ཧཱུྃ༔ དཔལ་ཆེན་ཆེ་མཆོག་རྡོ་རྗེ་གཞོན་ནུ་ཡིས༔ གཤིན་རྗེ་ཟིལ་གནོན་དྲག་པོའི་སྐུར་སྟོན་པ༔ ཁྲོ་རྒྱལ་གཤིན་རྗེ་གཤེད་པོ་ཡབ་ཡུམ་གྱིས༔ སྐལ་ལྡན་སྐྱེས་བུ་ཁྱོད་ལ་དབང་བསྐུར་རོ༔ རྩ་སྔགས༔ ཨོཾ་བཛྲ་ཀྲོ་ངྷ་ཡ་མཱནྟ་ཀ་ཧཱུྃ་ཨ་བྷི་ཥིཉྩ་ཧཱུྃ༔ ས་མ་ཡ༔ རྒྱ་རྒྱ་རྒྱ༔ དེ་ནས་མི་གཡོ་མགོན་པོ་ཡབ་ཡུམ་གྱི་སྐུ་གཏད་ལ༔ ཧཱུྃ༔ དཔལ་ཆེན་ཆེ་མཆོག་རྡོ་རྗེ་གཞོན་ནུ་ཡིས༔ སྲིན་པོ་ཟིལ་གནོན་དྲག་པོའི་སྐུར་སྟོན་པ༔ ཁྲོ་ཆེན་མི་གཡོ་མགོན་པོ་ཡབ་ཡུམ་གྱིས༔ སྐལ་ལྡན་སྐྱེས་བུ་ཁྱོད་ལ་དབང་བསྐུར་རོ༔ རྩ་སྔགས༔ ཨོཾ་བཛྲ་ཀྲོ་ངྷ་ཨཱཪྻ་ཨ་ཙ་ལ་ཧཱུྃ་ཨ་བྷི་ཥིཉྩ་ཧཱུྃ༔ ས་མ་ཡ༔ རྒྱ་རྒྱ་རྒྱ༔ དེ་ནས་རྟ་མགྲིན་རྒྱལ་པོ་ཡབ་ཡུམ་གྱི་སྐུ་གཏད་ལ༔ ཧཱུྃ༔ དཔལ་ཆེན་ཆེ་མཆོག་རྡོ་རྗེ་གཞོན་ནུ་ཡིས༔ ཆུ་བདག་ཟིལ་གནོན་དྲག་པོའི་སྐུར་སྟོན་པ༔ ཁྲོ་རྒྱལ་རྟ་མགྲིན་རྒྱལ་པོ་ཡབ་ཡུམ་གྱིས༔ སྐལ་ལྡན་སྐྱེས་བུ་ཁྱོད་ལ་དབང་བསྐུར་རོ༔ རྩ་སྔགས༔ ཨོ་བཛྲ་ཀྲོ་དྷ་ཧྱ་གྲཱི་ཝ་ཧཱུྃ་ཨ་བྷི་ཥིཉྩ་ཧཱུྃ༔ ས་མ་ཡ༔ རྒྱ་རྒྱ་རྒྱ༔ དེ་ནས་འདོད་རྒྱལ་ཡབ་ཡུམ་གྱི་སྐུ གཏད་ལ༔ ཧཱུྃ༔ དཔལ་ཆེན་ཆེ་མཆོག་རྡོ་རྗེ་གཞོན་ནུ་ཡིས༔ རླུང་ལྷ་ཟིལ་གནོན་དྲག་པོའི་སྐུར་སྟོན་པ༔ ཁྲོ་རྒྱལ་འདོད་པའི་རྒྱལ་པོ་ཡབ་ཡུམ་གྱིས༔ སྐལ་ལྡན་སྐྱེས་བུ་ཁྱོད་ལ་དབང བསྐུར་རོ༔ རྩ་སྔགས༔ ཨོཾ་བཛྲ་ཀྲོ་དྷ་ཨ་པ་རཱ་ཛི་ཏ་ཧཱུྃ་ཨ་བྷི་ཥིཉྩ་ཧཱུྃ༔ ས་མ་ཡ༔ རྒྱ་རྒྱ་རྒྱ༔ དེ་ནས་བདུད་རྩི་འཁྱིལ་བ་ཡབ་ཡུམ་གྱི་སྐུ་གཏད་ལ༔ ཧཱུྃ༔ དཔལ་ཆེན་ཆེ་མཆོག་རྡོ་རྗེ་གཞོན་ནུ་ཡིས༔ གནོད་སྦྱིན་ཟིལ་གནོན་དྲག་པོའི་སྐུར་སྟོན་པ༔ ཁྲོ་རྒྱལ་བདུད་རྩི་འཁྱིལ་བ་ཡབ་ཡུམ་གྱིས༔ སྐལ་ལྡན་སྐྱེས་བུ་ཁྱོད་ལ་དབང་བསྐུར་རོ༔ རྩ་སྔགས༔ ཨོཾ་བཛྲ་ཀྲོ་ངྷ་ཨ་མྲྀ་ཏ་ཀུཎྜ་ལཱི་ཧཱུྃ་ཨ བྷི་ཥིཉྩ་ཧཱུྃ༔ ས་མ་ཡ༔ རྒྱ་རྒྱ་རྒྱ༔ དེ་ནས་ཁམས་གསུམ་རྣམ་རྒྱལ་ཡབ་ཡུམ་གྱི་སྐུ་གཏད་ལ༔ ཧཱུྃ༔ དཔལ་ཆེན་ཆེ་མཆོག་རྡོ་རྗེ་གཞོན་ནུ་ཡིས༔ དབང་ལྡན་ཟིལ་གནོན་དྲག་པོའི་སྐུར་སྟོན་པ༔ ཁྲོ་ཆེན་ཁམས་གསུམ་རྣམ་རྒྱལ་ཡབ་ཡུམ་གྱིས༔ སྐལ་ལྡན་སྐྱེས་བུ་ཁྱོད་ལ་དབང་བསྐུར་རོ༔ རྩ་སྔགས༔ ཨོཾ་བཛྲ་ཀྲོ་ངྷ་ཏྲེེ་ལོཀྱ་བི་ཛ་ཡ་ཧཱུྃ་ཨ་བྷི་ཥིཉྩ་ཧཱུྃ༔ ས་མ་ཡ༔ རྒྱ་རྒྱ་རྒྱ༔ དེ་ནས་སྟོབས་ཆེན་ཡབ་ཡུམ་གྱི་སྐུ་གཏད་ལ༔ ཧཱུྃ༔ དཔལ་ཆེན་ཆེ་མཆོག་རྡོ་རྗེ་གཞོན་ནུ་ཡིས༔ ས་བདག་ཟིལ་གནོན་དྲག་པོའི་སྐུར་སྟོན་པ༔ ཁྲོ་བོའི་རྒྱལ་པོ་སྟོབས་ཆེན་ཡབ་ཡུམ་གྱིས༔ སྐལ་ལྡན་སྐྱེས་བུ་ཁྱོད་ བྲེཾ༔ ལ་དབང་བསྐུར་རོ༔ རྩ་སྔགས༔ ཨོཾ་བཛྲ་ཀྲོ་ངྷ་མ་ཧཱ་བ་ལ་ཧཱུྃ་ཨ་བྷི་ཥིཉྩ་ཧཱུྃ༔ ས་མ་ཡ༔ རྒྱ་རྒྱ་རྒྱ༔ དེ་ནས་ཟ་བྱེད་ཕ་བཅུ་ཐོགས་ལ༔ ཧཱུྃ༔ དཔལ་ཆེན་ཁྲོ་བོ་བཅུ་ཡི་རྣམ་རོལ་གར༔ མི་སྲུན་གདུག་པ་འདུལ་བའི་དཔལ་དུ་ཤར༔ མངོན་སྤྱོད་ལས་མཛད་ཟ་བྱེད་ཆེན་པོ་བཅུས༔ སྐལ་ལྡན་སྐྱེས་བུ་ཁྱོད་ལ་དབང་བསྐུར་རོ༔ ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ༔ ཨ་བྷི་ཥིཉྩ་ཧཱུྃ༔ ས་མ་ཡ༔ རྒྱ་རྒྱ་རྒྱ༔ དེ་ནས་གསོད་བྱེད་མ་བཅུ་ཐོགས་ལ༔ ཧཱུྃ༔ རྡོ་རྗེ་ཁྲོ་མོ་བཅུ་ཡི་ཕྲིན་ལས་གར༔ མྱུར་མགྱོགས་སྟོབས་རྩལ་དྲག་པོའི་མངོན་སྤྱོད་གྲུབ༔ མི་སྲུན་གསོད་བྱེད་ཕྲ་མེན་ཆེན་མོ་བཅུས༔ སྐལ་ལྡན་སྐྱེས་བུ་ཁྱོད་ལ་དབང་བསྐུར་རོ༔ བྷྱོ་བྷྱོ་བྷྱོ་བྷྱོ་བྷྱོ་བྷྱོ་བྷྱོ་བྷྱོ་བྷྱོ་བྷྱོ༔ ཨ་བྷི་ཥིཉྩ་ཧཱུྃ༔ ས་མ་ཡ༔ རྒྱ་རྒྱ་རྒྱ༔ དེ་ནས་ཁྲ་ཐབས་སྲས་མཆོག་ཉེར་གཅིག་ལས༔ དང་པོ་སྐུ་ཡི་སྲས་བདུན་ཐོགས་ལ༔ ཧཱུྃ༔ དཔལ་ཆེན་རྡོ་རྗེ་གཞོན་ནུ་ཡབ་ཡུམ་གྱི༔ གཉིས་མེད་སྙོམས་འཇུག་རོལ་པའི་ཆོ་འཕྲུལ་ལས༔ ཕོ་གདོན་ཟིལ་གནོན་སྐུ་ཡི་སྲས་མཆོག་བདུན༔ སྐལ་ལྡན་སྐྱེས་བུ་ཁྱོད་ལ་དབང་བསྐུར་རོ༔ རྩ་སྔགས༔ ཨ་བྷི་ཥིཉྩ་ཧཱུྃ༔ དེ་ནས་གསུང་གི་སྲས་བདུན་ཐོགས་ལ༔ ཧཱུྃ༔ དཔལ་ཆེན་རྡོ་རྗེ་གཞོན་ནུ་ཡབ་ཡུམ་གྱི༔ གསུང་གསང་སྒྱུ་འཕྲུལ་རོལ་པའི་གར་དབང་ པོ༔ མོ་གདོན་ཟིལ་གནོན་གསུང་གི་སྲས་མཆོག་བདུན༔ སྐལ་ལྡན་སྐྱེས་བུ་ཁྱོད་ལ་དབང་བསྐུར་རོ༔ རྩ་སྔགས༔ ཨ་བྷི་ཥིཉྩ་ཧཱུྃ༔ དེ་ནས་ཐུགས་ཀྱི་སྲས་བདུན་ཐོགས་ལ༔ ཧཱུྃ༔ དཔལ་ཆེན་རྡོ་རྗེ་གཞོན་ནུ་ཡབ་ཡུམ་གྱི༔ ཐུགས་གསང་མཉམ་ཉིད་རོལ་པའི་སྒྱུ་འཕྲུལ་གར༔ ཀླུ་གདོན་ཟིལ་གནོན་ཐུགས་ཀྱི་སྲས་མཆོག་བདུན༔ སྐལ་ལྡན་སྐྱེས་བུ་ཁྱོད་ལ་དབང་བསྐུར་རོ༔ རྩ་སྔགས༔ ཨ་བྷི་ཥིཉྩ་ཧཱུྃ༔ དེ་ནས་ཡེ་ཤེས་སྒོ་མ་རྣམ་བཞི་ཐོགས་ལ༔ ཧཱུྃ༔ དཔལ་ཆེན་རྡོ་རྗེ་གཞོན་ནུ་ཡབ་ཡུམ་གྱི༔ ཚད་མེད་རྣམ་བཞི་ཕྲིན་ལས་དཔལ་དུ་ཤར༔ འགུག་འཆིང་སྡོམ་མྱོས་ལས་བྱེད་སྒོ་མ་བཞིས༔ སྐལ་ལྡན་སྐྱེས་བུ་ཁྱོད་ལ་དབང་བསྐུར་རོ༔ རྩ་སྔགས༔ ཛཿ ཧཱུྃ་བཾ་ཧོཿ ཨ་བྷི་ཥིཉྩ་ཧཱུྃ༔ ས་མ་ཡ༔ རྒྱ་རྒྱ་རྒྱ༔ དེ་ནས་ཕུར་སྲུང་བཅུ་དྲུག་གི་དང་པོ་ཤྭ་ན་མ་མཆེད་བཞི་ཐོགས་ལ༔ དབྱིངས་ཀྱི་རྗེ་མོའི་ཐུགས་ཀྱི་རྣམ་རོལ་གར༔ ཞིང་བཅུའི་སྲོག་གི་གཤེད་མར་ལྷུན་གྱིས་གྲུབ༔ རབ་འཇིགས་གཏུམ་མོ་ཤྭ་ན་མཆེད་སྡེ་བཞིས༔ སྐལ་ལྡན་བུ་མཆོག་ཁྱོད་ལ་དབང་བསྐུར་རོ༔ མ་མོ་དམ་ཅན་སྐུ་ལ་དབང་བསྒྱུར་ནས༔ མངོན་སྤྱོད་ལས་ཀྱི་གདུག་པ་འདུལ་བར་ཤོག༔ རྩ་སྔགས༔ ཤྭ་ན་སྲི་ཀ་སྲི་ལ་ཀུ་ཀུ་མུ་ཁ་ཀཱ་ཡ་ཨ་བྷི་ཥིཉྩ་སྭཱ་ཧཱ༔ དེ་ནས་བདག་ཉིད་མ་0 ཐེོཾ༔ བཞིའི་སྐུ་ཐོགས་ལ༔ ཧཱུྃ༔ དབྱིངས་ཀྱི་རྗེ་མོའི་སྐུ་ཡི་རྣམ་རོལ་གར༔ བསྟན་དགྲའི་སྲོག་གི་གཤེད་མར་ལྷུན་གྱིས་གྲུབ༔ སྲིད་པའི་དབང་མོ་རེ་ཏཱི་མཆེད་སྡེ་བཞིས༔ སྐལ་ལྡན་སྐྱེས་བུ་ཁྱོད་ལ་དབང་བསྐུར་རོ༔ སྲིད་པ་མ་མོའི་སྲོག་ལ་དབང་ཐོབ་ནས༔ ཞིང་བཅུའི་དགྲ་དཔུང་བརླག་པའི་མཐུ་ཐོབ་ཤོག༔ རྩ་སྔགས༔ པྲ་མོ་སྲོག་ཏིག་སྙིང་ཏིག པྲ་མོ་ཧ་སརྦ་ཨ་བྷི་ཥིཉྩ་སྭཱ་ཧཱ༔ དེ་ནས་ས་བདག་མཆེད་བཞི་གཏད་ལ༔ ཧཱུྃ༔ དབྱིངས་ཀྱི་རྗེ་མོའི་གསུང་གི་རྣམ་རོལ་གར༔ ལོག་པར་འདྲེན་པའི་སྲོག་གི་གཤེད་མར་གྲུབ༔ མཐུ་རྩལ་ཐོགས མེད་ས་བདག་ཆེན་མོ་བཞིས༔ སྐལ་ལྡན་སྐྱེས་བུ་ཁྱོད་ལ་དབང་བསྐུར་རོ༔ བཀའ་སྡོད་མ་མོའི་སྐུ་ལ་དབང་ཐོབ་ནས༔ མངོན་སྤྱོད་དྲག་པོ་མཐུ་ཡི་དཔལ་ཐོབ་ཤོག༔ རྩ་སྔགས༔ མ་མ་བཛྲ་ཀྲོ་དྷི་ཀཱ་ཡ་ཨ་བྷི་ཥིཉྩ་སྭཱ་ཧཱ༔ དེ་ནས་སྐྱེས་བུ་མཆེད་བཞི་ཐོགས་ལ༔ ༔ དཔལ་ཆེན་རྡོ་རྗེ་གཞོན་ནུའི་ཕྲིན་ལས་གར༔ མངོན་སྤྱོད་ལས་ཀྱིས་དགྲ་བགེགས་ཐལ་བར་རློག༔ བཟད་རབ་འཇིགས་སྐྱེས་བུ་གིང་ཆེན་བཞིས༔ སྐལ་ལྡན་སྐྱེས་བུ་ཁྱོད་ལ་དབང་བསྐུར་རོ༔ དྲག་པོ་མཐུ་ཡི་དངོས་གྲུབ་མཆོག་ཐོབ་ཅིང་༔ བརྣག་པ་ཙམ་གྱིས་ལོག་འདྲེན་སྒྲོལ་ནུས་ཤོག༔ 29 རྩ་སྔགས༔ རཀྴ་ཡཀྴ་ཡ་མ་རཱ་ཛ་དུ་ཀ་ལ་ཀིང་ཀ་ར་བཛྲ་ཀྲོ་ངྷ་ཨ་བྷི་ཥིཉྩ་སྭཱ་ཧཱ༔ དེ་ནས་དབང་ཕྱུག་ཉེར་བརྒྱད་ཐོགས་ལ༔ ཧཱུྃ༔ སྦྱོར་བའི་ཡུམ་ཆེན་འཁོར་ལོ་རྒྱས་འདེབས་མའི༔ མི་སྲུན་ལོག་འདྲེན་གདུག་པ་ཚར་གཅོད་ཕྱིར༔ རྡོ་རྗེ་སྲིན་མོའི་རྣམ་འགྱུར་རོལ་པའི་གར༔ བཀའ་སྡོད་ལས་ཀྱི་དབང་ཕྱུག་ཉི་ཤུ་བརྒྱད༔ སྐལ་ལྡན་སྐྱེས་བུ་ཁྱོད་ལ་དབང་བསྐུར་རོ༔ མ་མོ་རབ་འབྱམས་དབང་སྡུད་དབང་ཐོབ་ཤོག༔ རྩ་སྔགས༔ མ་ཏྲི་བྷྱོ་ཛཿ ཧྲཱི་ཨ་བྷི་ཥིཉྩ་སྭཱ་ཧཱ༔ ས་མ་ཡ༔ རྒྱ་རྒྱ་རྒྱ༔ དེ་ལྟར་ལྷ་དབང་ཟབ་མོ་བསྐུར་བའི་ཚེ༔ སློབ་མ་རྡོ་རྗེ་གཞོན་ནུ་དངོས་སུ་གསལ༔ རང་སྣང་དོན་གྱི་འོག མིན་དབྱིངས་ཆེན་ནས༔ ལྷུན་གྲུབ་སྐུ་དང་ཡེ་ཤེས་རོལ་པ་ཆེ༔ རྡོ་རྗེ་ཕུར་པའི་དཀྱིལ་འཁོར་ལྷའི་རྣམ་པར༔ རིམ་པ་དཀྱུས་བཞིན་ཐིམ་ནས་གཉིས་མེད་ངང་༔ དབང་ཐོབ་སྒོ་གསུམ་རྡོ་རྗེར་སྨིན་གྲོལ་བསམ༔ གང་ཞིག་དཀྱིལ་འཁོར་ལྷ་དབང་བསྐུར་གྱུར་ཀྱང་༔ གདམས་པའི་གནད་འདི་མེད་ན་རྟེན་འབྲེལ་ཙམ༔ བྱིས་པའི་རྩེད་མོའི་བྱ་བར་གོ་མ་ལོག༔ མ་ཧཱ་ཡོ་ག་ལམ་ཁྱེར་ཁོ་ནར་རག༔ དེ་ཕྱིར་བསྐྱེད་རིམ་མེད་ན་དོན་མི་འགྲུབ༔ སྒྲུབ་པའི་སྙིང་མིག་སྲོག་གསུམ་བསྐྱེད་རིམ་སྟེ༔ ཤེས་པར་གྱིས་ཤིག་ཕྱི་རབས་ལས་ཅན་རྣམས༔ ནེ་ཙོའི་འདོན་པ་ལྟ་བུ་མཆོག་འཛིན་པའི༔ སྐྱེས་བུ་དེ་ལ་དངོས་གྲུབ་རྒྱང་རེ་རིང་༔ མར་འདོད་ཆུ་བསྲུབ་བྱེད་པའི་འབད་རྩོལ་མཁན༔ དམུས་ལོང་འདོད་སྲེད་ཉམ་ཐག་ཁུར་ལེན་ཁྱོད༔ རང་ཐོག་བཙན་ས་ཟིན་ན་ཅི་མ་ ཐོ།༔ རུང་༔ མིན་ཀྱང་ལམ་འདིའི་གནད་དོན་མ་རྟོགས་པར༔ རང་གཞན་མགོ་འཁོར་མུན་པའི་ཁྲོད་ན་འཁྱམས༔ ད་དུས་ལུས་ངག་གཉིས་གཙོར་མི་འཛིན་པར༔ བདེ་སྡུག་འཁོར་བའི་རྩ་བར་གཞིག་མཛོད་དང་༔ ཟབ་མོའི་ཕྱོགས་ལ་ཉེ་བར་རབ་བདོག་སྲིད༔ ཨོ་རྒྱན་བདག་གིས་བརྩེ་བའི་སྙིང་གཏམ་ཡིན༔ དེ་དོན་ཡིད་ལ་ཞོག་ཅིག་ཕྱི་རབས་རྣམས༔ ས་མ་ཡ༔ རྒྱ་རྒྱ་རྒྱ༔ དེ་ལྟར་སློབ་མ་ལྷ་རུ་གསལ་བ་ལ༔ དུར་ཁྲོད་ཆས་དང་ཕྱག་མཚན་དབང་བསྐུར་ནི༔ དང་པོ་དུར་ཁྲོད་ཆས་བརྒྱད་གཏད་ལ༔ ཧཱུྃ༔ བྱུག་པའི་རྫས་དང་མནབས་པའི་གོས༔ སྤྲས་པའི་རྒྱན་བཅས་དུར་ཁྲོད་ཆས༔ སྐལ་ལྡན་བུ་ལ་དབང་བསྐུར་རོ༔ ཧེ་རུ་ཀ་ཡི་དཔལ་ཐོབ་ཤོག༔ རྩ་སྔགས༔ ཀཱ་ཡ་ཨ་བྷི་ཥིཉྩ་ཧཱུྃ༔ དེ་ནས་རྡོ་རྗེ་རྩེ་དགུ་རྩེ་ལྔ་ལག་གཡས་སུ་གཏད་ལ༔ ཧཱུྃ༔ རྡོ་རྗེ་རྩེ་དགུས་ལོག་རྟོག་རཱུ་དྲ་འཇོམས༔ རྡོ་རྗེ་རྩེ་ལྔས་དུག་ལྔ་ཕུང་ལྔ་སྒྲོལ༔ སྐལ་ལྡན་སྐྱེས་བུ་ཁྱོད་ལ་གཏད་པ་ཡིས༔ འཁོར་བ་དོང་ནས་སྤྲུགས་པའི་དབང་ཐོབ་ཤོག༔ རྩ་སྔགས༔ ཀཱ་ཡ་ཨ་བྷི་ཥིཉྩ་ཧཱུྃ༔ དེ་ནས་མེ་དཔུང་དང་ཁ་ཊྭཱྃ་ལག་གཡོན་དུ་གཏད་ལ༔ ཧཱུྃ༔ མེ་དཔུང་འབར་བས་མ་རིག་བག་ཆགས་སྲེག༔ ཁ་ཊྭཱྃ་རྩེ་གསུམ་ཉོན་མོངས་དུག་གསུམ་སྒྲོལ༔ སྐལ་ལྡན་སྐྱེས་བུ་ཁྱོད་ལ་གཏད་པ་ཡིས༔ བདག་རྟོག་རཱུ་དྲ་སྒྲོལ་བའི་དབང་ཐོབ་ཤོག༔ རྩ་སྔགས༔ ཀཱ་ཡ་ཨ་བྷི་ཥིཉྩ་ཧཱུྃ༔ དེ་ནས་ཕུར་པ་གཏད་ལ༔ ཧཱུྃ༔ སྐུ་གསུམ་ལྷུན་གྲུབ་རི་རབ་ཕུར་པ་འདིས༔ ཁམས་གསུམ་འཁོར་བ་སྐུ་གསུམ་ཀློང་དུ་སྒྲོལ༔ སྐལ་ལྡན་བུ་མཆོག་ཁྱོད་ལ་གཏད་པ་ཡིས༔ དོན་གཉིས་ལྷུན་གྲུབ་མཐུ་ཡི་དབང་ཐོབ་ཤོག༔ རྩ་སྔགས༔ ཀཱ་ཡ་ཨ་བྷི་ཥིཉྩ་ཧཱུྃ༔ དེ་ནས་མེ་ཧོམ་དང་དགང་བླུགས་གཟར་གཏད་ལ༔ ཧཱུྃ༔ ལས་ཀྱི་དགང་གཟར་མེ་ཧོམ་བཅས༔ སྐལ་ལྡན་ཁྱོད་ལ་གཏད་པ་ཡིས༔ ཞི་རྒྱས་དབང་དྲག་ལྷུན་གྲུབ་ཀྱི༔ ལས་བཞིའི་སྲེག་བླུགས་དབང་ཐོབ་ཤོག༔ རྩ་སྔགས༔ ཀཱ་ཡ་ཨ་བྷི་ཥིཉྩ་ཧཱུྃ༔ དེ་ནས་བམ་དང་བསྒྲལ་ཆས་གཏད་ལ༔ ཧཱུྃ༔ གཟུང་འཛིན་རཱུ་དྲ་ཕོ་མོའི་ཕུང་ཁམས་གཟུགས༔ འཇིགས་བྱེད་ལས་ཀྱི་མཚོན་ཐུན་ངར་ལྡན་པ༔ སྐལ་ལྡན་སྐྱེས་བུ་ཁྱོད་ལ་གཏད་