Tibetan
པ་ཡིས༔ ཁམས་གསུམ་འཁོར་བ་ཡོངས་སྒྲོལ་དབང་ཐོབ་ཤོག༔ རྩ་སྔགས༔ རཱུ་དྲ་ཨ་མུ་ཀ་མཱ་ར་ཡ་རྦད་ཨ་བྷི་ཥིཉྩ་ཧཱུྃ༔ དེ་ནས་རི་རབ་དང་བྲུབ་ཁུང་གཏད་ལ༔ ཧཱུྃ༔ མི་ཤིགས་དུག་ལྔའི་ལས་ལས་གྲུབ་པ་ཡི༔ ཐར་མེད་ལས་ཀྱི་བཙོན་ཁང་ནག་པོ་རུ༔ དགྲ་བགེགས་མ་ལུས་བཀུག་ཅིང་བྲུབ་ནས་སུ༔ ལྡང་མེད་བསྐལ་པར་གནོན་པའི་དབང་ཐོབ་ཤོག༔ རྩ་སྔགས༔ སརྦ་ཤ་ཏྲུཾ་མཱ་ར་ཡ་ནན་ཨ་བྷི་ཥིཉྩ་ཧཱུྃ༔ དེ་ནས་ཟོར་གཏོར་གཏད་ལ༔ ཧཱུྃ༔ དྲག་པོ་ལས་ཀྱི་ ཐོ།༔ གཏོར་ཟོར་འདི་གཏད་པས༔ མངོན་སྤྱོད་ཟོར་འཕེན་ལས་ལ་བརྩོན་པ་ཡིས༔ ཞིང་བཅུའི་བདུད་སྡེ་མ་ལུས་བརླག་བྱེད་པའི༔ ཐོགས་མེད་དྲག་པོ་མཐུ་ཡི དབང་ཐོབ་ཤོག༔ རྩ་སྔགས༔ ནྲྀ་ཏྲི་ཀ་ལ་རཱུ་པ་མཱ་ར་ཡ་རྦད་བྷྱོ༔ ཀརྨ་ཨ་བྷི་ཥིཉྩ་ཧཱུྃ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ དེ་ནས་གསང་དབང་ཟབ་མོ་བསྐུར་བ་ནི༔ དང་པོ་ཨཱཿ དམར་པོ་མགྲིན་པར་བཞག་ལ༔ ཧཱུྃ༔ དཔལ་ཆེན་རྡོ་རྗེ་གཞོན་ནུ་ཡབ་ཡུམ་གྱི༔ གསུང་གི་ས་བོན་ཨཱཿ དམར་འོད་དང་བཅས༔ སྐལ་ལྡན་ཁྱོད་ཀྱི་མགྲིན་པ་ནས་ཞུགས་ཏེ༔ ངག་གི་སྒྲིབ་དག་གསང་བའི་དབང་ཐོབ ཤོག༔ རྩ་སྔགས༔ ཝཱཀ་ཨ་བྷི་ཥིཉྩ་ཨཱཿ དེ་ནས་བྷནྡྷ་བདུད་རྩི་ཐོགས་ལ༔ ཧཱུྃ༔ ཡེ་ཤེས་གསང་ཆེན་ཡངས་པའི་བྷནྡྷ་རུ༔ གསུང་གསང་འདུས་པའི་བཅུད་ཆེན་ཨ་མྲྀ་ཏ༔ སྐལ་ལྡན་ཁྱོད་ཀྱི་ངག་ཏུ་བླུད་པ་ཡིས༔ གསང་བའི་དབང་ཐོབ་ལོངས་སྐུར་སྨིན་གྲོལ་ཤོག༔ རྩ་སྔགས༔ ཝཱཀ་ཨ་བྷི་ཥིཉྩ་ཨཱཿ དེ་ནས་རྩ་སྔགས་གཏད་ལ༔ ཧཱུྃ༔ དཔལ་ཆེན་རྡོ་རྗེ་གཞོན་ནུ་ཡབ་ཡུམ་གྱི༔ གསུང་གི་སྙིང་པོ་སྔགས་ཀྱི་རང་སྒྲ་ཡིས༔ སྐལ་ལྡན་སྐྱེས་བུ་ཁྱོད་ལ་དབང་བསྐུར་རོ༔ བཟླས་པ་སྔགས་ཀྱི་དབང་མཆོག་ཐོབ་པར་ཤོག༔ རྩ་སྔགས༔ ཝཱཀ་ཨ་བྷི་ཥིཉྩ་ཨཱཿ དེ་ནས་ཕྲེང་བ་ གཏད་ལ༔ ཧཱུྃ༔ དྲག་པོ་བསྙེན་པའི་ཕྲེང་བ་བརྒྱ་རྩ་འདིས༔ སྐལ་ལྡན་སྐྱེས་བུ་ཁྱོད་ལ་དབང་བསྐུར་རོ༔ བསྙེན་སྒྲུབ་ལས་སྦྱོར་སྔགས་ཀྱི་དབང་ཐོབ་སྟེ༔ མཆོག་དང་ཐུན་མོང་དངོས གྲུབ་ཉེར་ཐོབ་ཤོག༔ རྩ་སྔགས༔ ཝཱཀ་ཨ་བྷི་ཥིཉྩ་ཨཱཿ ས་མ་ཡ༔ རྒྱ་རྒྱ་རྒྱ༔ དེ་ནས་ཤེར་དབང་ཟབ་མོ་བསྐུར་བ་ནི༔ དང་པོ་ཧཱུྃ་ཡིག་ཐོགས་ལ༔ ཧཱུྃ༔ རྒྱལ་བ་ཀུན་གྱི་ཐུགས་གསང་ཡི་གེ་ཧཱུྃ༔ མཐིང་ནག་འོད་ཀྱི་ཐིག་ལེ་དང་བཅས་པ༔ སློབ་མའི་སྙིང་གར་ཐིམ་པས་ཡིད་སྒྲིབ་དག༔ ཐུགས་ཀྱི་དབང་ཐོབ་ཆོས་སྐུར་སྨིན་གྲོལ་ཤོག༔ རྩ་སྔགས༔ ཙིཏྟ་ཨ་བྷི་ཥིཉྩ་ཧཱུྃ༔ དེ་ནས་གནམ་ལྕགས་རྡོ་རྗེ་རྩེ་དགུ་གཏད་ལ༔ ཧཱུྃ༔ དཔལ་ཆེན་ཐུགས་ཀྱི་གསང་བ་ཡོངས་སུ་རྫོགས༔ མི་ཤིགས་གནམ་ལྕགས་རྡོ་རྗེ་རྩེ་དགུ་འདིས༔ སྐལ་ལྡན་སྐྱེས་བུ་ཁྱོད་ལ་དབང་བསྐུར་རོ༔ རྡོ་རྗེ་ཐེག་པའི་དབང་མཆོག་ཡོངས་རྫོགས་ཤོག༔ རྩ་སྔགས༔ ཙིཏྟ་ཨ་བྷི་ཥིཉྩ་ཧཱུྃ༔ དེ་ནས་སྲོག་འཁོར་གཏད་ལ༔ ཧཱུྃ༔ དཔལ་ཆེན་རྡོ་རྗེ་གཞོན་ནུའི་ཐུགས་ཀྱི་མཛོད༔ སྒྱུ་འཕྲུལ་རོལ་པ་ཡོངས་རྫོགས སྲོག་འཁོར་འདི༔ སྐལ་ལྡན་སྐྱེས་བུ་ཁྱོད་ལ་གཏད་པ་ཡིས༔ དཀྱིལ་འཁོར་ཡོངས་ཀྱི་ཁྱབ་བདག་མཆོག་ཐོབ་ཤོག༔ རྩ་སྔགས༔ ཙིཏྟ་ཨ་བྷི་ཥིཉྩ་ཧཱུྃ༔ དེ་ནས་རིག་མ་གཏད་ལ༔ ཧཱུྃ༔ ཐེོཾ༔ སྟོང་པའི་བདག་ཉིད་ཤེས་རབ་དབྱིངས་ཀྱི་ཡུམ༔ བདེ་ཆེན་ཡེ་ཤེས་བསྐྱེད་པའི་མཛའ་ན་མོ༔ སྐལ་ལྡན་སྐྱེས་བུ་ཁྱོད་ལ་གཏད་པ་ཡིས༔ བདེ་སྟོང་སྙོམས འཇུག་ཆེན་པོར་ལོངས་སྤྱོད་ཅིང་༔ དགའ་བ་བཞི་ཡི་ཡེ་ཤེས་ཉམས་སུ་མྱོང་༔ ཆོས་སྐུ་སྐྱེ་བ་མེད་པའི་དོན་རྟོགས་ཤོག༔ རྩ་སྔགས༔ ཙིཏྟ་ཨ་བྷི་ཥིཉྩ་ཧཱུྃ༔ དེ་ནས་མེ་ལོང་གཏད་ལ༔ ཧཱུྃ༔ ཀ་དག་ཆོས་སྐུ་སྤྲོས་པའི་མཐའ་དང་བྲལ༔ ཉག་གཅིག་ཐིག་ལེ་སྐྱོན་དང་དྲི་མ་མེད༔ ཅིར་ཡང་འཆར་དུ་རུང་བའི་ཨ་དཪྴས༔ སྐལ་ལྡན་སྐྱེས་བུ་ཁྱོད་ལ་དབང་བསྐུར་རོ༔ ཡིད་སྒྲིབ་དག་ནས་ཆོས་སྐུའི་ས་བོན་ཐེབ༔ ཤེས་རབ་ཡེ་ཤེས་དབང་མཆོག་ཡོངས་རྫོགས་ཤོག༔ རྩ་སྔགས༔ ཙིཏྟ་ཨ་བྷི་ཥིཉྩ་ཧཱུྃ༔ ས་མ་ཡ༔ རྒྱ་རྒྱ་རྒྱ༔ དེ་ནས་ཚིག་དབང་ཟབ་མོ་བསྐུར་བ་ནི༔ དང་པོ་འཇའ་ཤེལ་ཐོགས་ལ༔ ཧཱུྃ༔ ཆོས་དབྱིངས་བརྡལ་ཁྱབ་ཆེན་པོའི་ཀློང་ཡངས་སུ༔ ལྷུན་གྲུབ་འགགས་མེད་ལོངས་སྐུའི་ཚོམ་བུ་གསལ༔ མ་བཅོས་རང་བྱུང་རང་གསལ་འཇའ་ཤེལ་འདིས༔ སྐལ་ལྡན་སྐྱེས་བུ་ཁྱོད་ལ་དབང་བསྐུར་རོ༔ སྒྲིབ་གཉིས་བག་ཆགས་དྲི་མ་ཀུན་བྲལ་ནས༔ ཀ་དག་སྐྱེ་མེད་ཚིག་གི་དབང་ཐོབ་ཤོག༔ རྩ་སྔགས༔ སརྦ་ཨ་བྷི་ཥིཉྩ་ཨཱཿ དེ་ནས་འོད་ལྔའི་ཐིག་ལེ་གཏད་ལ༔ ཧཱུྃ༔ དབྱིངས་རིག་ཟུང་འཇུག་བདེ་བ་ཆེན་པོའི་ཀློང་༔ སྐུ་དང་ཡེ་ཤེས་ལྷུན་གྲུབ་ཐིག་ལེ་ཤར༔ སྐལ་ལྡན་བུ་མཆོག་ཁྱོད་ལ་དབང་བསྐུར་རོ༔ སྣང་བཞི མཐར་ཕྱིན་འཇའ་ལུས་དབང་ཐོབ་ཤོག༔ རྩ་སྔགས༔ སརྦ་ཀཱ་ཡ་ཛྙཱ་ན་ཨ་བྷི་ཥིཉྩ་ཧཱུྃ༔ དེ་ནས་རིག་པའི་རྩལ་དབང་ནི༔ ཀྱེ་ཧོཿ རིགས་ཀྱི་བུ་ཁྱོད་ཀྱི་རང་སྣང་ཡེ་ཤེས་ཀྱི་དཀྱིལ་འཁོར་སྐུ་དང་ཡེ་ཤེས་འདུ་འབྲལ་མེད་པའི་དབྱིངས་སུ་ལྷོད་ཀྱིས་ཀློད་ལ་ཤིག་གེར་ཞོག་ཅིག༔ ཁྱོད་རང་གི་རིག་པའི་ངོ་བོ་ཁྱབ་བརྡལ་ཕྱོགས་མཐའ་ཐམས་ཅད་དང་བྲལ་བ་དེ་ཀ་ཆོས་སྐུ་གདོད་མའི་མགོན་པོ་ཀུན་ཏུ་བཟང་པོ་ཞེས་བྱ་བ་ཡིན་ནོ༔ གདངས་མ་འགགས་པ་སྐུ་དང་ཡེ་ཤེས་ཀྱི་རོལ་པ་འདི་ཉིད་ལོངས་སྐུ་རིགས་ལྔ་གངས་ཆེན་མཚོའོ༔ རྩལ་མ་འགགས་པ་རང་གྲོལ་གྱི་རོལ་པ་འདི་ཉིད་སྤྲུལ་པ་སྐུ་ཡི་དཀྱིལ་འཁོར་ཡིན་ནོ༔ དེ་ལས་གཞན་དུ་མ་ཡེངས༔ གང་དུའང་མ་འཕྱུག་པར་བཅས་བཅོས་སྤོང་ལེན་འབད་རྩོལ་བསྐྱེད་བསྒོམ་མེད་པར་རང་སར་ཞོག༔ ཨ་ཨ་ཨ་ཕཊ༔ ཅེས་ཕྱིར་མི་ལྡོག་པའི་རྒྱས་གདབ་བོ༔ ཀྱེ་རིགས་ཀྱི་བུ་དེ་ལྟར་རང་རིག་རང་ངོ་འཕྲོད་པ་འདི་ཉིད་རིག་པ་རྩལ་གྱི་དབང་ཆེན་ཐོབ་པ་ཡིན་ཏེ༔ དུས་གསུམ་གྱི་རྒྱལ་བ་སྲས་དང་བཅས་པ་ཐམས་ཅད་ ཤྲྀ།༔ ཀྱི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོའི་དབང་རྣམས་གཅིག་ཆར་དུ་རྫོགས་པ་ཡིན་པས་དགའ་སྤྲོ་ཁྱད་པར་ཅན་དང་ལྡན་པར་མཛོད་ཅིག༔ ས་མ་ཡ༔ རྒྱ་རྒྱ་རྒྱ༔ དེ་ནས་གཏོར་མ་ཐོགས་ལ༔ ཧཱུྃ༔ གཞི་དབྱིངས་བརྡལ་ཁྱབ་ཡངས་པའི་སྣོད་མཆོག་ཏུ༔ ལྷུན་གྲུབ་བཀོད་པ་རྫོགས་ལྡན་གཏོར་ཆེན་པོ༔ ཐབས་ཤེས་སྒྱུ་འཕྲུལ་དྲྭ བའི་འཁོར་ལོར་རྫོགས༔ དབང་དང་བྱིན་རླབས་དངོས་གྲུབ་ཆར་རྒྱུན་འབེབས༔ སྐལ་ལྡན་སྐྱེས་བུ་ཁྱོད་ལ་དབང་བསྐུར་རོ༔ རིགས་དང་དཀྱིལ་འཁོར་ཀུན་ལ་དབང་ཐོབ་ཤོག༔ རྩ་སྔགས༔ ཀཱ་ཡ་ཝཱཀ་ཙིཏྟ་སརྦ་བ་ལིངྟ་ཨ་བྷི་ཥིཉྩ་ཨོོ་ཨཱཿ ཧཱུྃ་སྭ་ཧཱ༔ དེ་ནས་བཀྲ་ཤིས་རྫས་བརྒྱད་གཏད་ལ༔ ཧཱུྃ༔ རྒྱལ་བའི་བྱིན་གྱིས་རླབས་པའི་བཀྲ་ཤིས་རྫས༔ སྐལ་ལྡན་སྐྱེས་བུ་ཁྱོད་ལ་དབང་བསྐུར་རོ༔ མི་མཐུན་ཕྱོགས་རྣམས་ཀུན་ལས་རྣམ་རྒྱལ་ཞིང་༔ བཀྲ་ཤིས་ཡོན་ཏན་ཕུན་སུམ་ཚོགས་པར་ཤོག༔ མངྒ་ལཾ་ཨ་བྷི་ཥིཉྩ་ཧཱུྃ༔ དེ་ནས་བཀྲ་ཤིས་རྟགས་བརྒྱད་གཏད་ལ༔ ཧཱུཾ༔ སྔོན་ཚེ་བཅོམ་ལྡན་རྒྱལ་བའི་དབང་པོ་ཡི༔ མཚན་དཔེ་ལས་བྱུང་བཀྲ་ཤིས་རྟགས་བརྒྱད་ཀྱིས༔ སྐལ་ལྡན་སྐྱེས་བུ་ཁྱོད་ལ་དབང་བསྐུར་རོ༔ མཚན་དཔེའི་ཡོན་ཏན་རྫོགས་པའི་སྐུ་ ཐོབ་ཤོག༔ སརྦ་མདྒ་ལ་པུཎྱེ་ཨ་བྷི་ཥིཉྩ་ཧཱུྃ༔ དེ་ནས་རྒྱལ་སྲིད་སྣ་བདུན་གཏད་ལ༔ ཧཱུྃ༔ འཁོར་ལོས་སྒྱུར་རྒྱལ་བསོད་ནམས་ལས་གྲུབ་པའི༔ རྒྱལ་སྲིད་ལོངས་སྤྱོད་རིན་ཆེན་སྣ་བདུན་འདིས༔ སྐལ་ལྡན་སྐྱེས་བུ་ཁྱོད་ལ་དབང་བསྐུར་རོ༔ ཁམས་གསུམ་ཆོས་ཀྱི་རྒྱལ་པོའི་སྲིད་ཐོབ་ཤོག༔ སྭསྟི་ངྷརྨ་རཱ་ཛ་ཨ་བྷི་ཥིཉྩ་ཨཱཿ མ་ཎི་རཏྣ་སིདྡྷི་ཧཱུྃ༔ ཤིས་པ་བརྗོད་ཅིང་མེ་ཏོག་འཐོར༔ གཏང་རག་ཚོགས་ཀྱི་འཁོར་ལོ་བསྐོར༔ རྗེས་ཀྱི་རིམ་པ་རྫོགས་པར་བྱ༔ དེ་ལྟར་ལག་ལེན་གནད་ལྡན་པའི༔ ལྟ་དགོངས་ལྡན་པའི་སློབ་དཔོན་གྱིས༔ དད་དམ་ལྡན་པའི་སློབ་མ་ལ༔ དབང་བསྐུར་རྫོགས་ནས་ཉམས་བླངས་ན༔ རྡོ་རྗེ་འཆང་གི་ས་ཐོབ་འགྱུར༔ བཀའ་སྲུང་ཁྱབ་འཇུག་ཆེན་པོས་སྲུངས༔ དམ་ཉམས་ལྟ་ལོག་དབང་པོ་བསྣུབས༔ དམ་ལྡན་བུ་ལ་སྲུང་སྐྱོབ་མཛོད༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱན བརྡ་ཐིམ༔ གུ་ཧྱ༔ ཞེས་པ་འདི་ནི་ཁྲག་འཐུང་བདུད་འཇོམས་རྡོ་རྗེ་གྲོ་ལོད་རྩལ་གྱིས་གཏེར་ནས་བཏོན་ཏེ་དག་པར་ཕབ་པའི་ཡི་གེའི་རིས་བྱེད་ཡོངས་གྲུབ་རིག་པའི་རྡོ་རྗེའོ། །དགེའོ། །དགེའོ། །དགེའོ།། །། ཝྃ།༔ ཟབ་གསང་མཁའ་འགྲོའི་སྙིང་ཐིག་ལས༔ ཐུགས་སྒྲུབ་གསང་བའི་རྒྱ་ཅན་གྱི༔ གསོལ་འདེབས་བྱིན་རླབས་ཆར་འབེབས་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཨརྒརྟརྒྱུ༔ ཐཤྭ སོ།སྒོ།བྲོ།༔ བྷ།བྷརྣ་རྨ།རྣ།༔ ཕུར་པ་སྒྲུབ་པའི་སྐལ་ལྡན་ལ༔ དངོས་གྲུབ་ཀུན་གྱི་འབྱུང་གནས་མཆོག༔ བླ་མ་བརྒྱུད་པའི་གསོལ་འདེབས་གཅེས༔ གསལ་ཞིང་གུས་པས་གསོལ་འདེབས་སོ༔ ཨོཾ་ཨཱཿཧཱུྃ༔ ན་མོ་གུ་རུ་བྷྱ༔ འོག་མིན་ཆོས་ཀྱི་དབྱིངས་ཀྱི་ཕོ་བྲང་ན༔ ཆོས་སྐུ་ཀུན་བཟང་ཡབ་ཡུམ་ལ་གསོལ་བ་འདེབས༔ སྒྲུབ་པ་མཐར་ཕྱིན་ལྷ་སྐུར་མངོན་གྱུར་ནས༔ གཞོན་ནུ་བུམ་སྐུ་འགྲུབ་པར་བྱིན་གྱིས་རློབས༔ འོག་མིན་གསང་མཆོག་མངོན་དགའི་ཞིང་ཁམས་ན༔ ལོངས་སྐུ་རྡོ་རྗེ་སེམས་དཔའ་ལ་གསོལ་བ་འདེབས༔ སྒྲུབ་པ་མཐར་ཕྱིན་ལྷ་སྐུར་མངོན་གྱུར་ནས༔ གཞོན་ནུ་བུམ་སྐུ་འགྲུབ་པར་བྱིན་གྱིས་རློབས༔ དུར་ཁྲོད་མེ་རི་འབར་བའི་གཞལ་ཡས་ན༔ སྤྲུལ་སྐུ་ཕྱག་ན་རྡོ་རྗེ་ལ་གསོལ་བ་འདེབས༔ སྒྲུབ་པ་མཐར་ཕྱིན་ལྷ་སྐུར་མངོན་གྱུར་ནས༔ གཞོན་ནུ་བུམ་སྐུ་འགྲུབ་པར་བྱིན་གྱིས་རློབས༔ མཐའ་བྲལ་ལྷུན་འབྱམས་ཨ་ཏིའི་ཀློང་ཡངས་ནས༔ ཡང་སྤྲུལ་དགའ་རབ་རྡོ་རྗེ་ལ་གསོལ་བ་འདེབས༔ སྒྲུབ་པ་མཐར་ཕྱིན་ལྷ་སྐུར་མངོན་གྱུར་ནས༔ གཞོན་ནུ་བུམ་སྐུ་འགྲུབ་པར་བྱིན་གྱིས་རློབས༔ ཀ་དག་ཕྱོགས་ཡན་ཆོས་སྐུའི་གཞལ་ཡས་ན༔ རིག་འཛིན་ཤྲཱི་སིང་ཧ་ལ་གསོལ་བ་འདེབས༔ སྒྲུབ་པ་མཐར་ཕྱིན་ལྷ་སྐུར་མངོན་གྱུར་ནས༔ གཞོན་ནུ་བུམ་སྐུ་འགྲུབ་པར་བྱིན་གྱིས་རློབས༔ བདེ་ཆེན་པདྨ་འོད་ཀྱི་གཞལ་ཡས་ན༔ ཨོ་རྒྱན་མཚོ་སྐྱེས་རྡོ་རྗེ་ལ་གསོལ་བ་འདེབས༔ ཚེ་སྒྲུབ་མཐར་ཕྱིན་ལྷ་སྐུར་མངོན་གྱུར་ནས༔ གཞོན་ནུ་བུམ་སྐུ་འགྲུབ་པར་བྱིན་གྱིས་རློབས༔ དཔལ་རི་མཁའ་འགྲོ་འདུས་པའི་གླིང་མཆོག་ན༔ མཁའ་འགྲོ་ཡེ་ཤེས་མཚོ་རྒྱལ་ལ་གསོལ་བ་འདེབས༔ ཚེ་སྒྲུབ་མཐར་ཕྱིན་ལྷ་སྐུར་མངོན་གྱུར་ནས༔ གཞོན་ནུ་བུམ་སྐུ་འགྲུབ་པར་བྱིན་གྱིས་རློབས༔ འོད་གསལ་བདེ་བ་ཆེན་པོའི་གཞལ་ཡས་ན༔ གྲུབ་བརྙེས་རྗེ་འབངས་ཉེར་ལྔ་ལ་གསོལ་བ་འདེབས༔ ཚེ་སྒྲུབ་མཐར་ཕྱིན་ལྷ་སྐུར་མངོན་གྱུར་ནས༔ གཞོན་ནུ་བུམ་སྐུ་འགྲུབ་པར་བྱིན་གྱིས་རློབས༔ ༈ བྱར་མེད་འོད་གསལ་ལྷུན་གྲུབ་གཞལ་ཡས་ན༔ གཏེར་སྟོན་བདུད་འཇོམས་གླིང་པ ལ་གསོལ་བ་འདེབས༔ ཚེ་སྒྲུབ་མཐར་ཕྱིན་ལྷ་སྐུར་མངོན་གྱུར་ནས༔ གཞོན་ནུ་བུམ་སྐུ་འགྲུབ་པར་བྱིན་གྱིས་རློབས༔ ཤློ་ཀ་འདི་མངྒ་ལས་སོ།། སྤྱི་གཙུག་བདེ་ཆེན་འཁོར་ལོའི་གཞལ་ཡས ཐ༹ཾ༔ ན༔ དྲིན་ཆེན་རྩ་བའི་བླ་མ་ལ་གསོལ་འདེབས༔ ཚེ་སྒྲུབ་མཐར་ཕྱིན་ལྷ་སྐུར་མངོན་གྱུར་ནས༔ གཞོན་ནུ་བུམ་སྐུ་འགྲུབ་པར་བྱིན་གྱིས་རློབས༔ གྲུ་གསུམ་མཐིང་ནག་འབར་བའི་ཨེ་ཀློང་ན༔ རྡོ་རྗེ་གཞོན་ནུ་ཡབ་ཡུམ་ལ་གསོལ་བ་འདེབས༔ སྒོ་གསུམ་རྡོ་རྗེ་གསུམ་དུ་སྨིན་ནས་ཀྱང་༔ འཁོར་བ་དོང་སྤྲགས་ནུས་པར་བྱིན་གྱིས་རློབས༔ ཕྲིན་ལས་རྣམ་བཞིས་ལོག་རྟོག་དབྱིངས་སྒྲོལ་དཔལ༔ སྲས་མཆོག་ཀཱི་ལ་རིགས་བཞི་ལ་གསོལ་བ་འདེབས༔ སྒོ་གསུམ་རྡོ་རྗེ་གསུམ་དུ་སྨིན་གྲོལ་ཅིང་༔ ལོག་རྟོག་དབྱིངས་སུ་སྒྲོལ་ནུས་བྱིན་གྱིས་རློབས༔ ཡེ་ཤེས་མེ་རི་འབར་བའི་དཀྱིལ་འཁོར་ན༔ བདུད་འདུལ་ཁྲོ་བཅུ་ཡབ་ཡུམ་ལ་གསོལ་བ་འདེབས༔ སྒོ་གསུམ་རྡོ་རྗེ་གསུམ་དུ་སྨིན་གྲོལ་ནས༔ དོན་གཉིས་ལྷུན གྲུབ་མཐུ་ཡི་དངོས་གྲུབ་སྩོལ༔ མ་རིག་ཉོན་མོངས་རཱུ་དྲ་འདུལ་མཛད་དཔལ༔ སྲས་མཆོག་ཁྲ་ཐབས་ཉེར་གཅིག་ལ་གསོལ་བ་འདེབས༔ ཕྲིན་ལས་རྣམ་བཞིར་རང་དབང་བསྒྱུར་ནུས་ཏེ༔ དོན་གཉིས་ལྷུན་གྲུབ་མཐུ་ཡི་དངོས་གྲུབ་སྩོལ༔ བར་ཆད་ཀུན་སེལ་དགྲ་བགེགས་འཇོམས་མཛད་པའི༔ ཕུར་སྲུང་རྒྱ་མཚོའི་ཚོགས་ལ་གསོལ་བ་འདེབས༔ བསྟན་དགྲ་མ་ལུས་རྡུལ་དུ་ བརླག་ནས་ཀྱང་༔ བཤད་སྒྲུབ་བསྟན་པ་ཕྱོགས་བཅུར་རྒྱས་པར་མཛོད༔ ན་མོ་གུ་རུ་བྷྱ༔ ན་མོ་དྷེ་ཝ་བྷྱ༔ ན་མོ་ཌཱ་ཀི་ནཱི་བྷྱ༔ ཡེ་ཤེས་ཕུར་པ་འགྲུབ་པར་བྱིན་གྱིས་རློབས༔ ཡེ་ཤེས་ཁྲོ་རྒྱལ་འགྲུབ་པར་བྱིན་གྱིས་རློབས༔ ཡེ་ཤེས་གཅིག་ཆར་འགྲུབ་པར་བྱིན་གྱིས་རློབས༔ གཟུང་འཛིན་འཁྲུལ་པའི་འཆིང་བ་ཀུན་གྲོལ་ནས༔ ཉག་གཅིག་ཆོས་སྐུའི་དབྱིངས་སུ་སངས རྒྱས་ཤོག༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ ཨ་ཐམ་རྒྱ༔ མ་མོ་སྲིད་པའི་རྒྱལ་མོས་སྲུངས་ཤིག༔ ས་མ་ཡ༔ ཞེས་པ་འདི་ཡང་འོད་གསལ་རྫོགས་པ་ཆེན་པོ་ཀློང་ཡངས་ནམ་མཁའི་རྣལ་འབྱོར་པ་རིག་འཛིན་བདུད་འཇོམས་རྡོ་རྗེ་ཁྲག་འཐུང་རོལ་པ་རྩལ་གྱིས་གསེར་སྨད་རྔ་ལ་སྟག་རྩེའི་གཡས་ལོགས་ནས་བཏོན་ཏེ་མཐར་འབྲོས་ཕུག་བཀྲ་ཤིས་དགའ་འཁྱིལ་དུ་ཞལ་བཤུས་ཏེ་དག་པར་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་སོ། །དགེའོ །སརྦ་མངྒ་ལཾ།། ྋ ་༔ ཟབ་གསང་མཁའ་འགྲོའི་སྙིང་ཐིག་ལས༔ དཔལ་ཆེན་རྡོ་རྗེ་གཞོན་ནུའི་བྱིན་འབེབས་བྱིན་རླབས་ཆར་འབེབས་ཞེས་བྱ་བ་བཞུགས་སོ༔ ན་མོ་གུ་རུ་མཱུ་ཁྱོ་པདྨ་ཀ་ར་ཡེ༔ ་ཧྱཾ།ཤྲརྟ་མ༄༔ ཕུར་པ་བསྒྲུབ་པའི་སྐྱེས་བུ་ཡིས༔ གནས་དང་སྒྲུབ་མཆོག་བྱིན་བརླབ་ཕྱིར༔ དང་པོ་བྱིན་ཆེན་འབེབས་པ་ལ༔ སྤོས་བསྲེགས་རོལ་མོ་སྣ་ཚོགས་བསྒྲགས༔ གདུང་བའི་དབྱངས་ཀྱིས་འདི་སྐད་དོ༔ ཧཱུྃ་ཧཱུྃ་ཧཱུྃ༔ དབུས་ཕྱོགས་སྟུག་པོ བཀོད་པའི་ཞིང་༔ ཆོས་དབྱིངས་ཡེ་ཤེས་གཞལ་ཡས་ནས༔ སྐུ་མཆོག་བུདྡྷ་རིགས་ཀྱི་ལྷ༔ རྡོ་རྗེ་ཕུར་པའི་སྐུར་བཞེངས་ལ༔ སྣང་སྲིད་དག་པ་རབ་འབྱམས་ཀྱི༔ རོལ་པ་ཆེན་པོར་བྱིན་ཕོབ་ཅིག༔ ཤར་ཕྱོགས་མངོན་པར་དགའ་བའི་ཞིང་༔ མེ་ལོང་ཡེ་ཤེས་གཞལ་ཡས་ནས༔ ཐུགས་མཆོག་རྡོ་རྗེ་རིགས་ཀྱི་ལྷ༔ རྡོ་རྗེ་ཕུར་པའི་སྐུར་བཞེངས་ལ༔ སྣང་སྲིད་དག་པ རབ་འབྱམས་ཀྱི༔ རོལ་པ་ཆེན་པོར་བྱིན་ཕོབ་ཅིག༔ ལྷོ་ཕྱོགས་དཔལ་དང་ལྡན་པའི་ཞིང་༔ མཉམ་ཉིད་ཡེ་ཤེས་གཞལ་ཡས་ནས༔ ཡོན་ཏན་རིན་ཆེན་རིགས་ཀྱི་ལྷ༔ རྡོ་རྗེ་ཕུར་པའི་སྐུར་བཞེངས་ལ༔ སྣང་སྲིད་དག་པ་རབ་འབྱམས་ཀྱི༔ རོལ་པ་ཆེན་པོར་བྱིན་ཕོབ་ཅིག༔ ནུབ་ཕྱོགས་བདེ་བ་ཅན་གྱི་ཞིང་༔ སོར་རྟོག་ཡེ་ཤེས་གཞལ་ཡས་ནས༔ གསུང་མཆོག་པདྨ་ རིགས་ཀྱི་ལྷ༔ རྡོ་རྗེ་ཕུར་པའི་སྐུར་བཞེངས་ལ༔ སྣང་སྲིད་དག་པ་རབ་འབྱམས་ཀྱི༔ རོལ་པ་ཆེན་པོར་བྱིན་ཕོབ་ཅིག༔ བྱང་ཕྱོགས་ལས་རབ་རྫོགས་པའི་ཞིང་༔ བྱ་གྲུབ་ཡེ་ཤེས་གཞལ་ཡས་ནས༔ ཕྲིན་ལས་ཀརྨ་རིགས་ཀྱི་ལྷ༔ རྡོ་རྗེ་ཕུར་པའི་སྐུར་བཞེངས་ལ༔ སྣང་སྲིད་དག་པ་རབ་འབྱམས་ཀྱི༔ རོལ་པ་ཆེན་པོར་བྱིན་ཕོབ་ཅིག༔ ༔ ཀ་དག་གདལ་ཁྱབ་གཞལ་ཡས་ནས༔ གདོད་མའི་མགོན་པོ་ཀུན་ཏུ་བཟང་༔ ཆོས་ཀྱི་དབྱིངས་ལས་སྐུར་བཞེངས་ལ༔ སྲིད་པའི་ཕུར་པར་བྱིན་ཕོབ་ཅིག༔ ཟག་མེད་བདེ་ཆེན་གཞལ་ཡས་ནས༔ འགྲོ་བའི་མགོན་པོ་འོད་དཔག་མེད༔ ཆོས་ཀྱི་དབྱིངས་ལས་སྐུར་བཞེངས་ལ༔ སྲིད་པའི་ཕུར་པར་བྱིན་ཕོབ་ཅིག༔ འགྲོ་འདུལ་སྤྲུལ་པའི་ཞིང་ཁམས་ནས༔ ཐུགས་རྗེའི་བདག་ཉིད་སྤྱན་རས་གཟིགས༔ ཐུགས་རྗེའི་དབང་གིས་སྐུར་བཞེངས་ལ༔ སྲིད་པའི་ཕུར་པར་བྱིན་ཕོབ་ཅིག༔ པདྨ་འོད་ཀྱི་གཞལ་ཡས་ནས༔ རྗེ་བཙུན་པདྨ་ཐོད་ཕྲེང་རྩལ༔ ཡེ་ཤེས་དབྱིངས་ལས་སྐུར་བཞེངས་ལ༔ སྲིད་པའི་ཕུར་པར་བྱིན་ཕོབ་ཅིག༔ འཇམ་དཔལ་སྐུ་ཡི་དཀྱིལ་འཁོར་ནས༔ མཉྫུ་མི་ཏྲ་ཡབ་ཡུམ་གྱིས༔ ཆོས་ཉིད་སྒྱུ་མའི་སྐུར་བཞེངས་ལ༔ སྲིད་པའི་ཕུར་པར་བྱིན ཐོ༔ ཕོབ་ཅིག༔ པདྨ་གསུང་གི་དཀྱིལ་འཁོར་ནས༔ ཀླུ་སྒྲུབ་སྙིང་པོ་ཡབ་ཡུམ་གྱིས༔ ཡེ་ཤེས་སྒྱུ་མའི་སྐུར་བཞེངས་ལ༔ སྲིད་པའི་ཕུར་པར་བྱིན་ཕོབ་ཅིག༔ ཡང་དག་ཐུགས་ཀྱི་དཀྱིལ་འཁོར་ནས༔ ཧཱུྃ་ཆེན་ཀཱ་ར་ཡབ་ཡུམ་གྱིས༔ ཡེ་ཤེས་སྒྱུ་མའི་སྐུར་བཞེངས་ལ༔ སྲིད་པའི་ཕུར་པར་བྱིན་ཕོབ་ཅིག༔ ཆེ་མཆོག་ཡོན་ཏན་དཀྱིལ་འཁོར་ནས༔ མཁའ་འགྲོ་ལས་ཀྱི་དབང་མོ་ཡིས༔ ཡེ་ཤེས་སྒྱུ་མའི་སྐུར་བཞེངས་ལ༔ སྲིད་པའི་ཕུར་པར་བྱིན་ཕོབ་ཅིག༔ ཕུར་པ་ཕྲིན་ལས་དཀྱིལ་འཁོར་ནས༔ པྲ་ཆེན་ཧསྟི་ཡབ་ཡུམ་གྱིས༔ ཡེ་ཤེས་སྒྱུ་མའི་སྐུར་བཞེངས་ལ༔ སྲིད་པའི་ཕུར་པར་བྱིན་ཕོབ་ཅིག༔ མ་མོ་རྦོད་གཏོང་དཀྱིལ་འཁོར་ནས༔ ངྷ་ན་སཾསྐྲ་ཡབ་ཡུམ་གྱིས༔ ཡེ་ཤེས་སྒྱུ་མའི་སྐུར་བཞེངས་ལ༔ སྲིད་པའི་ཕུར་པར་བྱིན་ཕོབ་ཅིག༔ རིག་འཛིན་སློབ་དཔོན་དཀྱིལ་འཁོར་ནས༔ རིག་འཛིན་རྡོ་རྗེ་ཐོད་པ་རྩལ༔ ཡེ་ཤེས་སྒྱུ་མའི་སྐུར་བཞེངས་ལ༔ སྲིད་པའི་ཕུར་པར་བྱིན་ཕོབ་ཅིག༔ འཇིག་རྟེན་མཆོད་བསྟོད་དཀྱིལ་འཁོར་ནས༔ རཾ་བུ་གུ་ཧྱ་ཡབ་ཡུམ་གྱིས༔ ཡེ་ཤེས་སྒྱུ་མའི་སྐུར་བཞེངས་ལ༔ སྲིད་པའི་ཕུར་པར་བྱིན་ཕོབ་ཅིག༔ དམོད་པ་དྲག་སྔགས་དཀྱིལ་འཁོར་ ནས༔ ཤཱནྟིཾ་གརྦྷ་ཡབ་ཡུམ་གྱིས༔ ཡེ་ཤེས་སྒྱུ་མའི་སྐུར་བཞེངས་ལ༔ སྲིད་པའི་ཕུར་པར་བྱིན་ཕོབ་ཅིག༔ རང་སྣང་དོན་གྱི་འོག་མིན་ནས༔ ཕུར་པ་གྲུབ་པའི་རིག་འཛིན་རྣམས༔ ཡེ་ཤེས་སྒྱུ་མའི་སྐུར་བཞེངས་ལ༔ སྲིད་པའི་ཕུར་པར་བྱིན་ཕོབ་ཅིག༔ སྤྱི་གཙུག་བདེ་ཆེན་འཁོར་ལོ་ནས༔ རིག་འཛིན་རྩ་བརྒྱུད་བླ་མ་རྣམས༔ ཆོས་ཀྱི་དབྱིངས་ལས་སྐུར་བཞེངས་ལ༔ སྲིད་པའི་ཕུར་པར་བྱིན་ཕོབ་ཅིག༔ བཀའ་དང་དམ་ཚིག་གཞལ་ཡས་ནས༔ བཀའ་སྲུང་དམ་ཅན་རྒྱ་མཚོའི་ཚོགས༔ དབྱིངས་ལས་སྐུར་བཞེངས་འདིར་གཤེགས་ལ༔ སྲིད་པའི་ཕུར་པར་བྱིན་ཕོབ་ཅིག༔ རྣམ་དག་འོག་མིན་ཞིང་ཁམས་སུ༔ གནས་འདི་བྱིན་གྱིས་བརླབ་ཏུ་གསོལ༔ ལྷུན་གྲུབ་བདེ་ཆེན་གཞལ་ཡས་སུ༔ གནས་ཁང་བྱིན་གྱིས་བརླབ་ཏུ་གསོལ༔ རིག་འཛིན་དཔའ་བོ་མཁའ་འགྲོ་རུ༔ སྒྲུབ་མཆོག་བྱིན་གྱིས་བརླབ་ཏུ་གསོལ༔ བཀོད་པ་རབ་རྫོགས་དཀྱིལ་འཁོར་དུ༔ དཀྱིལ་འཁོར་བྱིན་གྱིས་བརླབ་ཏུ་གསོལ༔ མྱོང་གྲོལ་ཡེ་ཤེས་བདུད་རྩི་རུ༔ དམ་རྫས་བྱིན་གྱིས་བརླབ་ཏུ་གསོལ༔ རིག་འཛིན་དཔའ་བོ་མཁའ་འགྲོའི་ཚོགས༔ ནམ་མཁའི་མཐོངས་ནས་སྐུར་བཞེངས་ལ༔ འཇའ་དང་འོད་ཕུང་ཐིབས་སེ་ཐིབ༔ ཐྱཾ༔ རལ་པའི་ཐོར་ཚུགས་ལྡེམས་སེ་ལྡེམ༔ ལྕང་ལོའི་ཟར་བུ་ཏ་ལ་ལ༔ རིན་ཆེན་རྒྱན་ཆ་ཁྲོ་ལོ་ལོ༔ དྲིལ་གཡེར་སྒྲ་སྙན་ལི་ལི༔ བྱིན་རླབས་ན་བུན་ཐིབས སེ་ཐིབ༔ དངོས་གྲུབ་སྦྲང་ཆར་ཉི་ལི་ལི༔ གནས་འདིར་དབང་སྐུར་བྱིན་ཆེན་ཕོབ༔ ཨོཾ་ཨཱཿ ཧཱུྃ་གུ་རུ་དྷེ་ཝ་ཌཱ་ཀི་ནཱི་བཛྲ་ཀཱི་ལི་ཀཱི་ལ་ཡ་སརྦ་དྷརྨ་པཱ་ལ༔ སརྦ་ཀྵེ་ཊ་པཱ་ལ༔ བཛྲ་ས་མ་ཡ་ཛ་ཛཿ ཨ་བེ་ཤ་ཡ་ཨ་ཨ༔ ཞེས་ཡིད་ཀྱིས་དད་པ་དང་མོས་གུས་དྲག་པོ་བསྐྱེད༔ ལྷ་རྣམས་རིམ་གྱིས་ཡིད་ལ་དྲན་བཞིན་རྒྱ་མཚོ་ལ་ཆར་བབས་པ་ལྟར་གནས་ཡུལ་སྒྲུབ་རྫས་རྣམས་ལ་ཐིམ་པར་བསྒོམ་སྟེ༔ གནས་ཞིང་ཁམས་དང་༔ སྒྲུབ་ཁང་གཞལ་ཡས་ཁང་དང་དཀྱིལ་འཁོར་ལྷ་ཡི་རྟེན་དང་བརྟེན་པ༔ སྒྲུབ་རྫས་ཟག་མེད་ཡེ་ཤེས་ཀྱི་བདུད་རྩི༔ སྒྲུབ་པ་པོ་རྣམས་ཡེ་ཤེས་ལྷ་ཡི་རོལ་པ་རུ་བྱིན་གྱིས་བརླབ་ཅིང་གོ་འཕོས་པར་བསམ་པ་གནད་ཀྱི་དམ་པའོ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ ཞེས་པ་འདི་ནི་ཁྲག་འཐུང་བདུད་འཇོམས་རྡོ་རྗེས་གསེར་སྨད་རྔ་ལ་སྟག་རྩེའི་