Tibetan
མོ་འཁོར་དང་བཅས་པ་རྣམས༔ དད་པ་དང་ནི་དམ་ཚིགཿ མ་ཐོགས་སྒྲུབ་པའི༴ ནུབ་ཕྱོགས་དབང་གི་དུར་ཁྲོད་ཆེན་པོ་ནས༔ སྲིན་པོ་ཁ་རིག་གཟི་འབར་འཁོར་དང་བཅས༔ དད་པ་དང་ནི་དམ་ཚིགཿ མ་ཐོགས་སྒྲུབ་པའི༴ བྱང་ཕྱོགས་དྲག་པོ་ལྷུན་གྲུབ་དུར་ཁྲོད་ནས༔ འཇིགས་བྱེད་རྡོ་རྗེ་གློག་ཞོན་འཁོར་དང་བཅས༔ དད་པ་དང་ནི་དམ་ཚིག༔ མ་ཐོགས་སྒྲུབ་པའི༴ ཤར་ལྷོ་གངས་རི་བསྐྱེད་མོས་ཚལ་དབུས་ནས༔ ཚེ་རིང་མཆེད་ལྔ་འཁོར་དང་བཅས་པ་རྣམས༔ དད་པ་དང་ནི་དམ་ཚིགཿ མ་ཐོགས་སྒྲུབ་པའི༔ ལྷོ་ནུབ་ཧ་ཧ་དགོད་པའི་དུར་ཁྲོད་ནས༔ ཤ་ཟ་ཌཱ་ཀིའི་གཙོ་མོ་ཁ་མོ་ཆེ༔ དད་པ་དང་ནི་དམ་ཚིགཿ མ་ཐོགས་སྒྲུབ་པའི༴ ནུབ་བྱང་གཡུ་ཡི་ཁང་བཟང་དམ་པ་ནས༔ རྡོ་རྗེ་གཡུ་སྒྲོན་ལྷ་མོ་འཁོར་དང་བཅས༔ དད་པ་དང་ནི་དམ་ཚིགཿ མ་ཐོགས་སྒྲུབ་པའི༴ བྱང་ཤར་རིན་ཆེན་གཏེར་གྱི་ཁང་བཟང་ནས༔ མ་ཅིག་ཌཱ་ཀི་དཔལ་ལྷ་འཁོར་དང་བཅས༔ དད་པ་དང་ནི་དམ་ཚིགཿ མ་ཐོགས་སྒྲུབ་པའི༴ དཀྱིལ་འཁོར་ཆེན པོའི་བར་ཁྱམས་ཁོར་ཡུག་ནས༔ ཕུར་སྲུང་དམ་ཅན་རྒྱ་མཚོ་འཁོར་དང་བཅས༔ དད་པ་དང་ནི་དམ་ཚིགཿ མ་ཐོགས་སྒྲུབ་པའི༴ རང་རང་གནས་ཡུལ་དུར་ཁྲོད་སོ་སོ་ནས༔ དབང་ཕྱུག་ཉི་ཤུ་རྩ་བརྒྱད་འཁོར་དང་བཅས༔ དད་པ་དང་ནི་དམ་ཚིག་གཉན་གྱི་འབོད༔ མ་ཐོགས་སྒྲུབ་པའི་གནས་འདིར་མྱུར་དུ་གཤེགས༔ སྒྲུབ་ལ་དངོས་གྲུབ་སྩོལ་ཕྱིར་གཤེགས་སུ ཐོ༔ གསོལ༔ རྣལ་འབྱོར་ཚེ་སྲོག་བསྲིང་ཕྱིར་གཤེགས་སུ་གསོལ༔ ལོག་འདྲེན་དམ་སྲི་འདུལ་ཕྱིར་གཤེགས་སུ་གསོལ༔ མཐའ་དམག་འབྱུང་པོ་འདུལ་ཕྱིར་གཤེགས་སུ་གསོལ༔ ཨོཾ་གུ་རུ་དྷེ་ཝ་ཌཱ་ཀི་ནཱི་སརྦ་དྷརྨ་པཱ་ལ་ཀྵེ་ཊ་པཱ་ལ་ལོ་ཀ་པཱ་ལ་སརྦ་ས་པ་རི་ཝཱ་ར་བཛྲ་ས་མ་ཡ་ཛ་ཛཿ སྤྱན་འདྲེན་པའི་ཡན་ལག་གོ༔ གན་ཀྐ་བྷྲུྃཿ ཧཱུྃ༔ གསང་ཆེན་རོལ་པའི་དུར་ཁྲོད་ཆེན་པོ་འདིར༔ བསྟན་དགྲ་གནོད་བྱེད་བསྒྲལ་བའི་ཁྲི་སྟེང་དུ༔ ཕུར་སྲུང་དམ་ཅན་རྒྱ་མཚོ་འཁོར་དང་བཅས༔ གཉིས་མེད་རོལ་པ་ཆེན་པོར་བརྟན་བཞུགས་གསོལ༔ བཛྲ་ས་མ་ཡ་ཏིཥྛ་ལྷན༔ བཞུགས་སུ་གསོལ་བའི་ཡན་ལག་གོ༔ ཛ་ཀ_UNKརྣ་༔ ཧཱུྃ་ཧྲཱིཿ གདོད་ནས་ཀུན་ཏུ་བཟང་པོའི་རོལ་པ་ལས༔ འགྲོ་བའི་དོན་དུ་དྲེགས་པའི་སྐུ་རུ་བཞེངས༔ བསྟན་སྲུང་དམ་ཅན་རྒྱ་མཚོ་འཁོར་བཅས་ལ༔ གཉིས་མེད་གུས་པ་ཆེན་པོས་ཕྱག་འཚལ་ལོ༔ ཨ་ཏི་པཱུ་ཧོཿ པྲ་ཏཱིཙྪ་ཧོཿ ཕྱག་འཚལ་བའི་ལན་ལག་གོ༔ པཱ།རྦ་རྦ།༒ཿ ཧཱུྃ་ཧྲཱི༔ ཉེར་སྤྱོད་འདོད་ཡོན་སྨན་གཏོར་རཀྟ་དང་༔ དར་ཟབ་སྤྱན་གཟིགས་འབྲུ་སྣ་སྨན་སྤོས་རིགས༔ གསེར་དངུལ་ཟངས་ལྕགས་བྱུ་རུ་མུ་མེན་སྤྲུག༔ ཨིནྡྲ་ལ་སོགས་རིན་ཆེན་སྣ ཚོགས་དང་༔ རི་དྭགས་གཡུང་དྭགས་ཆུ་གནས་བྱ་རིགས་སོགས༔ དགྲ་བགེགས་བསྒྲལ་བའི་ཕུང་ཁམས་སྐྱེ་མཆེད་བཅས༔ བསྟན་སྲུང་དམ་ཅན་རྒྱ་མཚོའི་ཚོགས་ལ་འབུལ༔ དགྲ་བགེགས་མཐའ་དམག་ཧ་ལུ་མནྡ་དང་༔ འབྱུང་པོ་མེ་ཞོན་འགོང་ནག་རླུང་ཞོན་རིགས༔ ཐལ་བའི་རྡུལ་ཕྲན་བཞིན་དུ་བརླག་ནས་ཀྱང་༔ སངས་རྒྱས་བསྟན་པ་དར་ཞིང་རྒྱས་པར མཛོད༔ ཞི་རྒྱས་དབང་དྲག་ཕྲིན་ལས་ཐོགས་མེད་བསྒྲབ༔ ཨོཾ་བཛྲ་ངྷེ་ཝ་ཌཱ་ཀི་ནཱི་སརྦ་དྷརྨ་པཱ་ལ་ཀྵེ་ཊ་པཱ་ལ་ལོ་ཀ་པཱ་ལ་ས་པ་རི་ཝཱ་ར་ཨརྒྷཾ་སོགས་ཤཔྡ་རཱུ་པ་སོགས་སྤཪྴ་མ་ཧཱ་སརྦ པཉྩ་ཨ་མྲྀ་ཏ་རཀྟ་བ་ལིངྟ་མཱཾ་ས་རཀྟ་ཙིཏྟ་གོ་རོ་ཙ་ན་ལ་ཁཱ་ཧི༔ མཆོད་པ་འབུལ་བའི་ཡན་ལག་གོ༔ གསྡཐཐ།ཨ༔ ཧཱུྃ་ཧྲཱིཿ གདོད་མའི་གཞི་དབྱིངས་ཀུན་ཏུ་བཟང་མོ་ཡི༔ སྒྱུ་འཕྲུལ་གར་གྱི་རྣམ་རོལ་སྲུང་མ་ཆེ༔ དམ་ལྡན་རྣལ་འབྱོར་བུ་བཞིན་སྐྱོང་བའི་མ༔ སྔགས་སྲུང་དབྱིངས་ཀྱི་རྗེ་མོ་ཁྱོད་ལ་བསྟོད༔ ཆོས་ཉིད་ཞི་བའི་ངང་ལས་མ་གཡོས་ཀྱང་༔ བསྟན་པ སྲུང་ཞིང་དྲག་མོའི་སྐུ་རུ་བཞེངས༔ སྲིད་གསུམ་འཛིན་མའི་ཁྱོན་ལ་མངའ་དབང་བསྒྱུར༔ མ་མོ་རེ་མ་ཏཱི་ལ་ཕྱག་འཚལ་བསྟོད༔ གནས་ཡུལ་དུར་ཁྲོད་ཀུན་གྱི་མངའ་བདག་མོ༔ T11605 - 420 ཐོ།༔ གནོད་སྦྱིན་ཚུལ་གྱིས་སྒྲུབ་ལ་དངོས་གྲུབ་སྟེར༔ སངས་རྒྱས་བསྟན་ལ་གཡེལ་མེད་བྱ་ར་བྱེད༔ དུར་ཁྲོད་ལྷ་མོའི་སྐུ་གསུང་ཐུགས་ལ་བསྟོད༔ ཞི་བའི་ཚུལ་གྱིས་སྒྲུབ་ལ་དངོས་གྲུབ་སྟེར༔ དྲག་པོའི་སྐུར་བཞེངས་ཞིང་བཅུ་ཆམ་ལ་འབེབས༔ སྣ་ཚོགས་གར་མཁན་གཟུགས་སུ་བརྫུ་བ་མོ༔ ལས་བཞིའི་མཁའ་འགྲོ་མཚམས་བཞིའི་ལྷ་མོར་བསྟོད༔ དཀྱིལ་འཁོར་མཐའ་སྐྱོང་དབང་མོ་ཉི་ཤུའི་ཚོགས༔ བཀའ་ཡི་དམ་ཚིག་གཉན་པོའི་རྗེས་འཛིན་ཅིང་༔ ལྷ་མཆོག་ཕུར་པ་སྒྲུབ་པའི་རྣལ་འབྱོར་ལ༔ བུ་བཞིན་སྐྱོངས་མཛད་ཕུར་སྲུང་རྒྱ་མཚོར་བསྟོད༔ ལེགས་ཉེས་སྟངས་འཛིན་དམ་ཚིག་རྗེས་འཛིན་ཅིང་༔ བཀའ་བཞིན་རབ་འབྱམས་ཕྲིན་ལས་ཐོགས་མེད་བསྒྲུབ༔ ཕྱི་རོལ་ཀླ་ཀློ་ལྟ་ལོག་རྡུལ་དུ་བརླག༔ བསྟན་སྲུང་རྒྱ་མཚོའི་ཚོགས་ལ་ཕྱག་འཚལ་བསྟོད༔ སྤྱིར་བསྟོད་པའི་ཡན་ལག་གོ༔ ཧཧཱ།གྲ་ཤྭགྷ་རྒྒ༔ ཧཱུྃ་ཧྲཱིཿ ཡེ་གཞི་ཀ་དག་སྤྲོས་པ་བྲལ་བའི་དབྱིངས༔ ལྷུན་གྲུབ་ཡོན་ཏན་ཀུན་རྫོགས་ཐིག་ལེ་ཆེ༔ སྤྲུལ་པ་དགྱེས་ཆགས་གར་གྱི་རྣམ་རོལ་ལས༔ ཀུན་ཏུ་བཟང་མོ་དྲག་ཁྲོས་ཨེ་ཀ་ཛ༔ ཆོས་ཉིད་སྐྱེ་བ་མེད་པའི་སྐུ་མདོག་མཐིང་༔ ཉག་གཅིག་ཞལ་གྱི་དཀྱིལ་འཁོར་ མཛེས་པ་ངོམས༔ སྐུ་གསུམ་འདུ་འབྲལ་མེད་པའི་སྤྱན་གཅིག་གཟིགས༔ བདེན་གཉིས་ཟུང་འཇུག་ཤངས་བུག་ཧ་རེ་ཕྱེས༔ ལོག་འདྲེན་ཚར་གཅོད་ཧཱུྃ་གི་སྣང་གླུ་ལེན༔ བདག་མེད་རྟོགས་པའི་ཚེམས་ཀྱིས་དགྲ་གདོན་གསོལ༔ རྟོག་བཅས་རྟོག་མེད་དབྱིངས་སུ་བཅོལ་བ་ཡི༔ རལ་པ་འབྲུ་གཅིག་ཀུན་ཟླུམ་དབྱིངས་སུ་འཁྱིལ༔ ཐབས་ཤེས་གཉིས་མེད་སྙན་གྱི་པདྨོ་རྒྱས༔ སྒྲུབ་ལ་དངོས་གྲུབ་སྟེར་མཛད་ནུ་གཅིག་འཕྱང་༔ འཁོར་འདས་ཕྱོགས་འཛིན་སྤངས་པའི་ཕྱག་གཉིས་པ༔ ཞིང་བཅུ་ཚར་གཅོད་བམ་གྱི་དབྱུག་པ་ཕྱར༔ སྡིགས་མཛུབ་རྩེ་ནས ལྕགས་སྤྱང་ཚྭ་ཚྭ་འཕྲོ༔ བར་ཆད་ཉུལ་ལེ་ཐལ་བའི་རྡུལ་བཞིན་བརླག༔ སྣང་སྟོང་དབྱེར་མེད་ཟུང་དུ་འཇུག་པ་ཡི༔ རྐང་གཅིག་བདག་རྟོག་རཱུ་ཏྲའི་སྙིང་གར་བརྫིས༔ སྲིད་ཞིའི་མཁའ་རུ་སྡུད་པའི་བྷ་ག་རྒྱས༔ རྟོག་ཚོགས་ལྔ་བཅུ་རྩ་བརྒྱད་བཅོམ་པ་ཡི༔ མི་མགོ་ལྔ་བཅུའི་ཕྲེང་བའི་སེ་རལ་ཁ༔ སྤྲུལ་སྐུ་དགྱེས་ཆགས་འགྲོ་ལ་དགོངས་པའི་ཕྱིར༔ ཞིང་ཆེན་མི་ལྤགས རློན་པ་གོས་སུ་ཀླུབས༔ ཡེ་ཤེས་སྒྱུ་འཕྲུལ་རོལ་པའི་གར་མཁན་དཔྱིད༔ སྤྲིན་དཀར་ཀློང་དུ་འགྱིང་པའི་སྟབས་སུ་བཞུགས༔ བདེ་སྟོང་དབྱིངས་ཀྱི་རྗེ་མོའི་སྐུ་ལ་བསྟོད༔ གསུང་གི་ང། ཐོ།༔ རོས་དགྲ་བགེགས་བརྒྱལ་ཞིང་བསྔངས༔ ཧཱུྃ་གླུའི་སྒྲ་ཡིས་ཀུན་རྟོག་འཁོར་བ་འཇིག༔ ཕཊ་ཕེཾ་ལོག་འདྲེན་གཞོམ་པའི་ངག་བྲོ་འཁྲབ༔ རྒོད་གཤེད་རྔམས ཤུལ་ལྡན་པའི་ང་རོ་ཡིས༔ འབྱུང་དམག་འཇོམས་མཛད་རྗེ་མོའི་གསུང་ལ་བསྟོད༔ ཆོས་སྐུ་སྤྲོས་མཐའ་བྲལ་ཞིང་ཡུལ་བརྒྱད་སྤངས༔ ལོངས་སྐུ་སྣ་ཚོགས་ཚོམ་བུ་ཕྱོགས་སུ་འབར༔ སྤྲུལ་པ་དགའ་དགྱེས་དྲག་མོའི་སྐུ་རུ་བཞེངས༔ སྒྲུབ་ལ་དངོས་གྲུབ་སྟེར་ཞིང་བགེགས་ཚོགས་གཞོམ༔ སྔགས་སྲུང་དབྱིངས་ཀྱི་རྗེ་མོའི་ཐུགས་ལ་བསྟོད༔ མེ་ལོང་ཡེ་ཤེས་དབྱིངས་ལས་སྐུ་བཞེངས་ཤིང་༔ ཞི་བའི་ཕྲིན་ལས་མ་ལུས་ཐོགས་མེད་བསྒྲུབ༔ གར་གྱི་རྣམ་འགྱུར་མ་ངེས་སྤྱོད་པ་སྟོན༔ རྡོ་རྗེ་ཨེ་ཀ་ཛ་ཊཱིའི་སྐུ་ལ་བསྟོད༔ མཉམ་ཉིད་ཡེ་ཤེས་དབྱིངས་ལས སྐུ་བཞེངས་ཤིང་༔ རྒྱས་པའི་ཕྲིན་ལས་མ་ལུས་ཐོགས་མེད་བསྒྲུབ༔ གར་གྱི་རྣམ་འགྱུར་མ་ངེས་སྤྱོད་པ་སྟོན༔ རིན་ཆེན་ཨེ་ཀ་ཛ་ཏིའི་སྐུ་ལ་བསྟོད༔ སོར་རྟོག་ཡེ་ཤེས་དབྱིངས་ལས་སྐུ བཞེངས་ཤིང་༔ དབང་གི་ཕྲིན་ལས་མ་ལུས་ཐོགས་མེད་བསྒྲུབ༔ གར་གྱི་རྣམ་འགྱུར་མ་ངེས་སྤྱོད་པ་སྟོན༔ པདྨ་ཨེ་ཀ་ཛ་ཏིའི་སྐུ་ལ་བསྟོད༔ བྱ་གྲུབ་ཡེ་ཤེས་དབྱིངས་ལས་སྐུ་བཞེངས ཤིང་༔ དྲག་པོའི་ཕྲིན་ལས་མ་ལུས་ཐོགས་མེད་བསྒྲུབ༔ གར་གྱི་རྣམ་འགྱུར་མ་ངེས་སྤྱོད་པ་སྟོན༔ ཀརྨ་ཨེ་ཀ་ཛ་ཏིའི་སྐུ་ལ་བསྟོད༔ དཔལ་ལྡན་རང་བྱུང་རྒྱལ་མོ་འཇིགས་པའི་སྐུ༔ སྲིད་པའི་བོང་བུ་གྭ་པའི་སྟེང་ན་འགྱིང་༔ ཞལ་གདངས་ལྗགས་འདྲིལ་རྣོ་དབལ་མཆེ་བ་གཙིགས༔ སྤྱན་གསུམ་བསྒྲད་པའི་ཤངས་ནས་ཧཱུྃ་གླུ་ལེན༔ ཕཊ་བྷྱོའི་སྒྲ་ཡིས་ལོག་འདྲེན་ཐལ་བར་བརླག༔ ཕྱག་གཉིས་རལ་གྲི་ཐོད་ཁྲག་ཁྲམ་ཤིང་བསྣམས༔ དུར་ཁྲོད་ཆས་བརྒྱད་གསོལ་ཞིང་སྲིད་གར་འཁྲབ༔ སྐུ་ལས་ཕུར་སྲུང་རྒྱ་མཚོ་ལས་ལ་འགྱེད༔ སྣང་སྲིད་ལེགས་ཉེས་ཀུན་གྱི་དབང་མོར་བསྟོད༔ དུར་ཁྲོད་ཉུལ་ཞིང་མ་ངེས་སྤྱོད་པ་སྟོན༔ གསང་སྔགས་བསྟན་པའི་གཉེར་འཛིན་མཐུ་མོ་ཆེ༔ སྔགས་སྲུང་དུར་ཁྲོད་ལྷ་མོ་ངན་ནེ་མ༔ ཞལ་གདངས་ལྗགས་འདྲིལ་རྣོ་དཀར་མཆེ་བ་གཙིགས༔ སྤྱན་བསྒྲད་རལ་པ་དམར་སེར་སྲིད་རྩེར་འཁྱིལ༔ ཕྱག་གཉིས་ཡིད་བཞིན་ནོར་བུ་གཏེར་བུམ་བསྣམས༔ མཉམ་ཉིད་ངང་གདངས་སྐུ་མདོག་གསེར འོད་འབར༔ དུར་ཁྲོད་ཆས་བརྒྱད་ཉེར་སྤྱོད་དྲུག་གིས་སྤྲས༔ ཞབས་གཉིས་འགྱིང་སྟབས་བམ་གྱི་གདན་ལ་བརྫིས༔ གནས་ཡུལ་དུར་ཁྲོད་ཀུན་གྱི་དབང་མོར་བསྟོད༔ ཕྲིན་ལས་བཞི་ལ་ ཐོ།༔ དབང་མཛད་མཐུ་མོ་ཆེ༔ འབར་མ་ཆེན་མོ་དུར་ཁྲོད་དཔལ་ཕྲེང་མ༔ ཁ་རིག་གཟི་འབར་འཇིགས་བྱེད་གློག་ཕྲེང་ཅན༔ འཇིག་རྟེན་ཚུལ་འཛིན་མཁའ་འགྲོ་བཞི་ལ་བསྟོད༔ དུས་བཞིའི་དྲོད་ཉུལ་སྒྲུབ་ལ་དངོས་གྲུབ་སྟེར༔ ཚེ་རིང་མ་དང་ཤ་ཟ་ཁ་མོ་ཆེ༔ རྡོ་རྗེ་གཡུ་སྒྲོན་དཔལ་གྱི་ལྷ་མོའི་ཚོགས༔ སྤྲུལ་པ་ཡང་སྤྲུལ་ཉིང་སྤྲུལ་མཁའ་འགྲོར་བསྟོད༔ ཤྭ་ན་མཆེད་བཞི་རེ་ཏཱི་མ་བཞི་དང་༔ བསྭེ་མོ་མཆེད་བཞི་སྐྱེས་བུ་གིང་བཞི་སོགས༔ ཕུར་པའི་སྲུང་མར་ཁས་བླངས་དམ་བཅས་ཤིང་༔ སྒྲུབ་པ་པོ་ལ་ཚེ་དང་ལོངས་སྤྱོད་ཆོས༔ འཁོར་དང་གཟི་བརྗིད་སྙན་གྲགས་དངོས་གྲུབ་སྟེར༔ དམ་ཉམས་ཞིང་བཅུའི་སྡེ་དཔུང་བརླག་མཛད་པའི༔ ཡེ་ཤེས་འཇིག་རྟེན་སྲུང་མའི་ཚོགས་ལ་བསྟོད༔ བྱེ་བྲག་ཏུ་བསྟོད་པའི་ཡན་ལག་གོ༔ ཐཀྐ།ཧཾཊ།༔ ཧོཿ བསྟན་སྲུང་དམ་ཅན་རྒྱ་མཚོའི་ཚོགས་རྣམས་དགོངས༔ བདག་ནི་མ་རིག་བག་མེད་དབང་འགྱུར་ཏེ༔ སོ་ཐར་བྱང་སེམས་གསང་སྔགས་སྡོམ་ཉམས་དང་༔ ཁྱད་པར་མཆོད་གསོལ་རྒྱུན་གཏོར་ཆགས་པ་དང་༔ ལེ་ལོའི་དབང་གིས་ཕུད་དང་མཆོད་རྫས་ཞན༔ སེར་སྣའི་དུག་དང་འདྲེས་པའི་ཉེས་འགལ་ཀུན༔ ཕུར་སྲུང་རྒྱ་མཚོའི་ཚོགས་ལ་བཟོད་པར་གསོལ༔ ཚངས་པ་མཆོག་གི་དངོས་གྲུབ་སྩལ་དུ་གསོལ༔ ཨོཾ་ས་མ་ཡ༔ ཨཱཿས་མ་ཡ༔ ཧཱུྃ་ས་མ་ཡ༔ ཨོཾ་བཛྲ་སཏྭ་སོགས་ཡི་གེ་བརྒྱ་པ་བརྗོད༔ བཤགས་པ་བྱ་བའི་ཡན་ལག་གོ༔ དེ།ཀེ་བྷཾ7༔ རང་ཉིད་ཡི་དམ་ལྷར་གསལ་བའི་ཐུགས་ཀ་ནས་འོད་ཟེར་འཕྲོས་པས་ཆོས་སྐྱོང་རྣམས་ཀྱི་ཐུགས་ཀར་ཕོག༔ ཐུགས་དམ་གྱི་རྒྱུད་བསྐུལ་ཏེ་འབྱུང་བ་ལྔའི་ཁམས་ནས་འབྱུང་ལྔའི་ངོ་བོ་རང་འདྲ་དཔག་ཏུ་མེད་པ་སྤྱན་དྲངས་ཏེ་ཆོས་སྐྱོང་ཆེན་པོའི་སྐུ་གསུང་ཐུགས་ལ་ཐིམ་པས་འཁོར་འདས་ཡོངས་ལ་མངའ་དབང་བསྒྱུར་ཞིང་བདག་གི་ཕྲིན་ལས་རབ་འབྱམས་ཐོགས་མེད་དུ་བསྒྲུབ་པར་བསམ༔ ཨོཾ་མ་མ་ཨེ་ཀ་ཙ་ཏི་མ་བྷྱོ་ཛ་ཧྲཱི་ར་ལི་པྲ་མ་ནི་བཛྲ་ཧ་རི་ནི་ས་ཛཿ ཧཱུྃ་བཾ་ཧོ་ཀ་ཏཾ་ཀ་ཡེ་ཛ་ཡེ་བི་ཛ་ཡེ་ཨ་ཛི་ཏི་མཱ་ར་སྱ་ན་པྲ་མརྟ་ན་ཡེ་སརྦ་བཛྲ་ས་མ་ཡ་ཛ་ཛ་ཕེཾ་ཕེཾ༔ བར་མ་ཆད་པ་ཆུ་བོའི་གཞུང་བཞིན་བཟླ༔ འཛབ་སྔགས་བཟླ་བའི་ཡན་ལག་གོ༔ ཐ།གྲ།བརྴ།ད། དེ་ནས་དམར་གཏོར་སྐྱེམས་མཆོད་བཤམས༔ སྭ་བྷཱ་ཝ་ཡིས་སྟོང་པར་གྱུར༔ རྃ་ཡྃ་ཁྃ་གིས་མི་གཙང་སྦྱངས༔ ཨོཾ་ཨཱཿ ཧཱུྃ་གིས་བདུད་རྩིར་བསྒྱུར༔ ཧ་ཧོ་ཧྲཱིཿ ཡིས་མང་དུ་སྤེལ༔ གསེར་སྐྱེམས་གཏོར་མ་འདོད་པའི་ཡོན་ཏན་ལྔ་དང་ལྡན་པ་འཕགས་པ་ཀུན་ཏུ་བཟང་པོའི་ ༔ མཆོད་པའི་རྒྱ་མཚོ་ཆེན་པོ་ཟད་མི་ཤེས་པའི་གཏེར་དུ་གྱུར༔ ནམ་མཁའ་མཛོད་སྔགས་ལན་གསུམ་བརྗོད༔ ཧཱུྃ་ཛཿ ཀུན་ཏུ་བཟང་མོ་ཉིད་ཞི་མུ་ཁ་ལེ༔ ཨེ་ཀ་ཛ་ཏི་དཔལ་ལྡན་རེ་མ་ཏཱི༔ དུར་ཁྲོད་བདག་མོ་ལྷ་མོ་ངན་ནེ་མ༔ ཛ་ཏི་མཆེད་བཞི་འབར་མ་སྤྱང་ཞོན་མ༔ རྡོ་རྗེ་དཔལ་ཕྲེང་སྲིན་མོ་གཟི་འབར་མ༔ འཇིགས་བྱེད་ཆེན་མོ་ཚེ་རིང་མཆེད་ལྔ དང་༔༷ ཁ་མོ་ཆེ་དང་རྡོ་རྗེ་གཡུ་སྒྲོན་མ༔ དཔལ་ལྡན་ལྷ་མོ་ཤྭ་ན་མཆེད་བཞི་དང་༔ རེ་ཏཱི་མ་བཞི་བསྭེ་མོ་མཆེད་སྡེ་བཞི༔ སྐྱེས་བུ་མཆེད་བཞི་ཕུར་སྲུང་རྒྱ་མཚོའི་ཚོགས༔ ཡེ་ཤེས་འཇིག་རྟེན་བཀའ་སྲུང་དྲེགས་པའི་སྡེ༔ མ་ཐོགས་འབོད་པའི་གནས་འདིར་གཤེགས་སུ་གསོལ༔ ཕྱི་མཆོད་ཉེར་སྤྱོད་དར་ཟབ་སྤྱན་གཟིགས་དཀོར༔ ནང་མཆོད་འདོད་ཡོན་ལྔ་དང་ཤ་ཁྲག་ཚོགས༔ གསང་མཆོད་སྨན་གཏོར་རཀྟ་གྷ་ཎ་དང་༔ རི་དྭགས་གཡུང་དྭགས་ཆུ་གནས་བྱ་རིགས་ཚོགས༔ མི་ཟད་ལོངས་སྤྱོད་རྒྱན་གྱི་འཁོར་ལོ་ཡིས༔ སྔགས་སྲུང་ཨེ་ཀ་ཛ་ཊཱིའི་ཐུགས་དམ་བསྐང་༔ དཔལ་ལྡན་རང་བྱུང་རྒྱལ་མོའི་ཐུགས་དམ་བསྐང་༔ མ་མོ་ངན་ནེ་མ་ཡི༴ སྤྲུལ་པ་ཙ་ཏི་མཆེད་བཞིའིཿ འབར་མ་སྤྱང་ཞོན་མ་ཡི༴ རྡོ་རྗེ་དཔལ་ཕྲེང་མ་ཡི༴ སྲིན་མོ་གཟི་འབར་མ་ཡི༴ བདུད་མོ་འཇིགས་བྱེད་ཆེན་མོའིཿ སྨན་བཙུན་ཚེ་རིང་མ་ཡི ཤ་ཟ་ཁ་མོ་ཆེ་ཡིཿ རྡོ་རྗེ་གཡུ་སྒྲོན་མ་ཡི༴ ནོར་སྟེར་དཔལ་གྱི་ལྷ་མོའི༔ ཞི་མཛད་ཤྭ་ན་མ་བཞིའི༴ རྒྱས་མཛད་རེ་ཏཱི་མཆེད་བཞིའི༴ དབང་སྡུད་བསྲེ་མོ་བཞིའི༴ དྲག་པོ་སྐྱེས་བུ་སྡེ་བཞིའི༴ གཞན་ཡང་ཕུར་སྲུང་རྒྱ་མཚོའི དེ་ལྟར་མཆོད་ཅིང་འདོད་དོན་གསོལ་བ་ནི༔ སངས་རྒྱས་བསྟན་སྲུང་དཀོན་མཆོག་དབུ་འཕང་བསྟོད༔ དགེ་འདུན་སྡེ་སྐྱོང་རྣལ་འབྱོར་ཚེ་སྲོག་བསྲིང་༔ འཇིགས་པ་བརྒྱད་སོགས་འགལ་རྐྱེན་ཞི་བ་དང་༔ ཚེ་དང་བསོད་ནམས་ལོངས་སྤྱོད་རྒྱས་པར་མཛོད༔ ཁམས་གསུམ་སྲིད་གསུམ་སྐྱེ་འགྲོ་ཕོ་མོ་དང་༔ ཟས་ནོར་ལོངས་སྤྱོད་འདོད་རྒུ་དབང་དུ་སྡུད༔ གནོད་ཅིང་འཚེ་བའི་དགྲ་བགེགས་རྡུལ་དུ་རློག༔ མདོར་ན་རབ་འབྱམས་ཕྲིན་ལས་ཐོགས་མེད་སྒྲུབ༔ བཀའ་དང་དམ་ལས་མ་འདའ་ས་མ་ཡ༔ དེ་ལྟར་རྟག་ཏུ་མཆོད་ཅིང་བསྟོད་པ་ཡིས༔ རྣལ་འབྱོར་ཕྲིན་ལས་རབ་འབྱམས་ཐོགས་མེད་འགྲུབ༔ དངོས་གྲུབ་མྱུར་སྟེར་བར་ཆད་རྡུལ་དུ་བརླག༔ ཚེ་བསྲིང་དཔལ་བསྐྱེད་འདོད་དོན་རེ་བ་སྐོང་༔ རང་སྣང་དབང་སྡུད་གཞན་སྣང་ཟིལ་གྱིས་གནོན༔ ཚངས་དང་བརྒྱ་བྱིན་སོགས་ཀྱིས་མི་འཇིགས་ན༔ གཟུགས་མེད་འདྲེ་བགེགས་རྣམས་ཀྱིས་སྨོས་ཅི་དགོས༔ གཞན་གྱིས་རྒོལ་ཞིང་གནོད་པའི་རིགས་རྣམས་ ཝྃ།༔ ཀུན༔ ཕུར་སྲུང་རྒྱ་མཚོའི་ཚོགས་ཀྱི་ཟ་སྐལ་བྱེད༔ དམ་ལྡན་སྒྲུབ་པོའི་སྲོག་ལྷ་ཚེ་བརྟེན་བྱེད༔ དམ་ཉམས་ལྟ་ལོག་ཙིཏྟའི་གཤེད་དུ་ཆེ༔ ས་མ་ཡ༔ ཨེ་མ༔ ཨོ་རྒྱན་ཆེན་པོའི་ཐུགས་ཀྱི་ཡང་སྙིང་མཆོག༔ ཟབ་ལམ་ཆོས་ཟབ་སྒྲུབ་པ་ཀུན་གྱི་བཅུད༔ མཁའ་འགྲོའི་སྲོག་ལས་སྣང་བའི་གསང་རྒྱ་ཡོད༔ སྣོད་མིན་སྐྱེ་བོའི་ཚོགས་ལ་ཨ་ཐཾ་རྒྱ༔ རླུང་ཕྱོགས་ཙམ་ཡང་བསྒྲགས་པར་མི་བྱ་བའི༔ སྲོག་གི་ཡང་ཐིག་ཕུར་པའི་སྒྲུབ་ཕྲིན་འདི༔ བཀའ་ཡི་སྲུང་མ་མིང་སྲིང་བཅུ་དྲུག་དང་༔ དབང་མོ་ཉེར་བརྒྱད་གནོད་སྦྱིན་རྨེ་རུ་ཙེ༔ ལྷ་ཆེན་དབང་ཕྱུག་གཟའ་བདུད་རྒྱལ་པོ་ལ༔ བཀའ་རྟགས་རྡོ་རྗེ་རྒྱ་ཡིས་གཏད་ནས་ཀྱང་༔ ཟོབ་རྫུན་ལོག་ལྟ་མཁན་དང་རིས་གཅོད་མི༔ བསྟན་ལ་རྒོལ་བའི་གཟུགས་ཅན་གཟུགས་མེད་པའི༔ ལོག་འདྲེན་རྣམས་ཀྱི་སྲོག་གི་གཤེད་དུ་བསྐོས༔ དམ་ལྡན་ཕུར་པའི་བཀའ་བབས་ཆོས་བདག་ལ༔ གཏད་རྒྱ་བཀྲོལ་ཞིང་སྐུ་ཚེའི་རྐྱེན་གེགས་བསལ༔ སྙན་གྲགས་གདུལ་བྱ་འགྲོ་དོན་རྒྱས་པ་ཡི༔ གྲོགས་སུ་བསྐོས་ཤིང་དམ་ཚིག་སྲོག་དང་བསྲེས༔ དེ་ལྟར་རྡོ་རྗེ་ཕུར་པའི་སྲུང་མ་ཡི༔ སྒྲུབ་ཐབས་ལག་ལེན་གསོལ་མཆོད་རིམ་པ་འདི༔ བཀའ་སྲུང་རྡོ་རྗེ་ལེགས་པ་ཁྱོད་ལ་གཏད༔ ཐུབ་པར་སྲུངས་ཤིག་བཛྲ་ས་མ་ཡ༔ སྐུ་ཡི་རྒྱ༔ གསུང་གི་རྒྱ༔ ཐུགས་ཀྱི་རྒྱ༔ ཟབ་རྒྱ༔ གཏད་རྒྱ༔ གཏེར་རྒྱ༔ ཟབ་རྒྱ༔ སྦས་རྒྱ༔ དབྱིངས་སྣང་མཁའ་འགྲོའི་རྒྱ༔ རྒྱ་རྒྱ་རྒྱ༔ བརྡ་ཐིམ༔ ཨྠི༔ ཞེས་པ་འདི་ཡང་མི་ལོ་ཉི་ཤུ་རྩ་བརྒྱད་བར་དུ་བཀའ་རྒྱ་བྱས་མཐར་ཆོས་བདག་སྐྱེས་བུ་དམ་པ་དགེ་ལེགས་དཔལ་བཟང་པོས་ནན་དུ་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་དག་པར་ཕབ་པའོ།། །། 425 T11605 - 430 ཐོ།༔ ཟབ་གསང་མཁའ་འགྲོའི་སྙིང་ཐིག་ལས༔ ཐུགས་སྒྲུབ་གསང་བའི་རྒྱ་ཅན་གྱི༔ བཀའ་སྲུང་གཉན་པོའི་བསྐང་གསོལ་བཞུགསསོ༔ ན་མོ་གུ་རུ་པདྨ་ཀ་ར་ཡེ༔ རྦརྦ་ཧོ།༒༔ སྲུང་མ་གཉན་པོ་མི་འབྲལ་ཕྱིར༔ གཙོ་འཁོར་དྲིལ་ཏེ་བསྒོམས་ནས་སུ༔ སྙིང་པོའང་གཅིག་ཏུ་དྲིལ་ཏེ་བཟླ༔ གསོལ་མཆོད་འདི་ལ་རྟག་ཏུ་བརྩོན༔ འབྱོར་ཚོགས་འདོད་ཡོན་གཏོར་སྐྱེམས་བཤམ༔ ནམ་མཁའ་མཛོད་ཀྱི་སྔགས་རྒྱས་སྤེལ༔ ཀུན་བཟང་མཆོད་སྤྲིན་བླ་ན་མེད༔ མི་ཟད་རྒྱན་གྱི་འཁོར་ལོའི་སྤྲིན༔ ལྷ་ཡི་ང་རྒྱལ་ལས་མི་འདའ༔ དམ་ཚིག་དཔང་བཙུག་བསྟན་ལ་སེམས༔ འདི་ནི་སྲུང་མ་བསྒྲུབ་པའི་གནད༔ དང་པོ་འབོད་ཅིང་རྟེན་དབབ་ལ༔ ཧཱུྃ༔ སྔོན་ཚེ་སྤྱི་དཔལ་ཧེ རུ་ཀ༔ བཅོམ་ལྡན་བཛྲ་ཀུ་མཱ་ར༔ དཔལ་ལྡན་རྡོ་རྗེ་འཆང་དབང་པོ༔ རིག་འཛིན་པདྨ་ཐོད་ཕྲེང་སོགས༔ བརྒྱུད་གསུམ་བླ་མའི་བཀའ་དམ་ལུང་༔ དཔང་དུ་བཙུགས་ཏེ་སྲུང་མར་འབོད༔ ཛཿ དད་པ་དང་ནི་དམ་ཚིག་གིས༔ ཚུར་གཤེགས་ཕུར་སྲུང་དམ་ཅན་རྣམས༔ ཤྭ་ན་མུ་ཁ་གཤེགས་སུ་གསོལ༔ སྲི་ཀ་མུ་ཁ་གཤེགས་སུ་གསོལ༔ སྲི་ལ་མུ་ཁ་གཤེགས་ཀུ་ཀུ་མུ་ཁ་གཤེགས༴ རེ་ཏཱི་ཆེན་མོ་གཤེགས༴ རེ་ཛ་ཆེན་མོ་གཤེགས་རེ་ཏྲི་ཆེན་མོ་གཤེགས་༔ རེ་ཛུ་ཆེན་མོ་གཤེགས་རྡོ་རྗེ་ཡ་བྱིན་གཤེགས་སུ་གསོལ༔ རྡོ་རྗེ་དེ་བྱིན་ གཤེགས་རྡོ་རྗེ་བསྭེ་བྱིན་གཤེགས་རྡོ་རྗེ་ཕག་བྱིན་གཤེགས༴ སྤྲུལ་འཁོར་དང་བཅས་གཤེགས༔ དུང་གི་སྐྱེས་བུ་གཤེགས༴ ལྕགས་ཀྱི་སྐྱེས་བུ་གཤེགས༴ བསྭེ་ཡི་སྐྱེས་བུ་གཤེགས་ཏ་ཀི་ནག་པོ་གཤེགས་འཁོར་དང་བཅས་པ་གཤེགས་སུ་གསོལ༔ བཛྲ་ས་མ་ཡ་ཛ་ཛཿ ཕེཾ་ཕེཾ༔ ཧཱུྃ༔ བཀའ་སྡོད་ལས་ཀྱི་སྲུང་མ་རྣམས༔ དགྱེས་པའི་གདན་ལ བཞུགས་ནས་ཀྱང་༔ རབ་འབྱམས་ཕྲིན་ལས་ཡོངས་འགྲུབ་ཅིང་༔ ཚེ་རབས་གཏན་གྱི་སྲུང་མ་མཛོད༔ ཧཱུྃ༔༷ ཕུར་སྲུང་དམ་ཅན་རྒྱ་མཚོ་ལ༔ དམར་ཆེན་ཁྲག་གི་ཨརྒྷཾ་དང་༔ དགྲ་བགེགས་དབང་པོའི་མེ་ཏོག་དང་༔ ཤ་ཆེན་གསུར་དུད་ཞུན་ཆེན་མེ༔ མཁྲིས་པའི་དྲི་ཆབ་ཤ་རུས་སྤུང་༔ རྐང་གླིང་ཐོད་པའི་རྔ་སྒྲ་ཡིས༔ གསོལ་ལོ་མཆོད་དོ་ཐུགས་དམ་བསྐང་༔ གཟུགས་མཛེས་སྒྲ་སྙན་དྲི་ཞིམ་དང་༔ རོ་མངར་རེག་བྱ་འཇམ་ལ་སོགས༔ འདོད་ཡོན་མི་ཟད་གཏེར་ཆེན་གྱིས༔ གསོལ་ལོ་མཆོད་དོ་ཐུགས་དམ་བསྐང་༔ དམ་རྫས་དཔལ་གྱི་གཏོར་མ་དང་༔༷ བདུད་རྩི་སྨན་དང་རཀྟའི་མཚོ༔ ནང་གི་མཆོད་པ་སྣ་ཚོགས་ཀྱིས༔ གསོལ་ལོ་མཆོད་དོ་ཐུགས་དམ་བསྐང་༔ མི་དབང་ནལ་བུའི་ཤ་རུས་དང་༔ རྒྱལ་མཚན་ཕྱར་དར་ ཐོ༔ གཡབ་དར་སོགས༔ མཐུན་པའི་དམ་རྫས་སྣ་ཚོགས་ཀྱིས༔ གསོལ་ལོ་མཆོད་དོ་ཐུགས་དམ་བསྐང་༔ དཀར་དམར་སྐྱེམས་ཕུད་སྣ་ཚོགས་དང་༔ ཤ་ཁྲག་དམར་གཏོར་གྷ་ཎ་ཚོགས༔ བཟའ་བཅའ་བཏུང་བ་ལྡག་གཞིབ་ཀྱིས༔ གསོལ་ལོ་མཆོད་དོ་ཐུགས་དམ་བསྐང་༔ རྟ་དང་བོང་དྲེལ་བྱ་ནག་སོགས༔ རི་དྭགས་གཡུང་དྭགས་ཆུ་གནས་དང་༔༷ བྱ་རིགས་གཟུགས་འགྲོས་སྣ་ཚོགས་ཀྱིས༔ གསོལ་ལོ་མཆོད་དོ༔ དར་ཟབ་ཟ་འོག་རེ་ལྡེ་དང་༔ སྟག་གཟིག་གཅན་ཟན་སྣ་ཚོགས་ལྤགས༔ གོ་ཁྲབ་མཚོན་ཆ་