Tibetan
༔ བཀའ་བཞིན་རྗེས་སུ་སྒྲུབ་པའི་གྲོགས་མཛད་པ༔ དམ་ཉམས་ཞིང་བཅུ་འདུལ་བའི་མཐུ་སྟོབས་ཅན༔ དམ་ཅན་རྒྱ་མཚོའི་ཚོགས་ལ་ཕྱག་འཚལ་བསྟོད༔ བསྒྲུབ་མཆོད་བསྟེན་དང་བསྟོད་པའི་ཡོན་ཏན་གྱིས༔ སངས་རྒྱས་བསྟན་སྲུང་དཀོན་མཆོག་དབུ་འཕང་བསྟོད༔ སྡང་བའི་དགྲ་སོད་གནོད་པའི་བགེགས་ཚོགས་ཐུལ༔ བསྒྲུབ་པའི་རྣལ འབྱོར་བདག་དང་བདག་ཉིད་ཀྱི༔ འབངས་འཁོར་ཆབ་སྲིད་མི་ནོར་འཁོར་བཅས་ལ༔ ལུས་དང་གྲིབ་མ་ཇི་བཞིན་མི་འབྲལ་ཞིང་༔ ཉེར་འཚེ་བར་ཆད་ཐམས་ཅད་སེལ་བ་དང་༔ མངའ་ཐང་དཔལ་འབྱོར་འཕེལ་རྒྱས་ནུབ་མེད་མཛོད༔ གནོད་ཅིང་གདུག་སེམས་ལྡན་པའི་དགྲ་བགེགས་རྣམས༔ ལྷ་ཡང་རུང་སྟེ་ཐལ་བའི་རྡུལ་བཞིན་རློག༔ བསམ་པ་ཙམ་གྱིས་ཕྲིན་ལས་མ་ལུས་པ༔ ཐོགས་པ་མེད་ཅིང་མྱུར་དུ་འགྲུབ་པར་མཛོད༔ བཅོལ་བའི་ལས་ལ་མ་འགྱང་ས་མ་ཡ༔ དེ་ཡིས་ཕྲིན་ལས་གང་བརྩམ་འགྲུབ་འགྱུར་རོ༔ ས་མ་ཡ༔ རྒྱ་རྒྱ་རྒྱ༔ དེ་ནས་བསྒྲུབ་པའི་གནད་གཟེར་གདབ་པ་ནི༔ བདག་ཉིད་ཡི་དམ་ལྷར་གསལ་བའི་མདུན་དུ་དུར་ཁྲོད་མེ་རླུང་འཚུབས་མའི་ཀློང་དུ་སྲོག་བདག་འཇིགས་བྱེད་སྡེ་ལྔ་གསལ་བ་ལས་གནོད་སྦྱིན་ཆེན་པོའི་ཐུགས་ཀར་ཉི་གདན་ལ་ཧཱུྃ་དམར་ནག༔ ཡུམ་གྱི་ཐུགས་ཀར་བྷྱོ་དམར་པོ༔ ཞིང་སྐྱོང་གི་ཐུགས་ཀར་ཧཱུྃ་མཐིང་ནག༔ ཡུམ་གྱི་སྲོག་ཏྲི་དམར་པོ༔ བཙན་གྱི་སྲོག་ཙཿ སྐྱེས་བུ་ཆེན་པོའི་སྲོག་ཏྲིཿ གཟའ་ཡི་སྲོག་རཿ འཁོར་རྣམས་ཀྱི་ཐུགས་ཀར་རང་རང་རིགས་ཀྱི་མིང་ཡིག་དང་པོ་ཡིག་འབྲུ་རང་མདོག་ཏུ་བསྐྱེད་དོ༔ རང་ཡི་དམ་གྱི་ཐུགས་ཀ་ནས་འོད་ཟེར་ཧཱུྃ་ཡིག་དཔག་ཏུ་མེད་པ་འཕྲོས་པས་སྲོག་ཡིག་གི་ཁོངས་སུ་ཞུགས་ཤིང་གནས་པ་ལ་དམིགས་པ་གཏད་དེ་རང་ཉིད་ཀྱི་ཐུགས་ཀའི་འོད་ཟེར་སྣ་ལྔས་མདུན་བསྐྱེད་ཀྱི་སྲོག་གཏུགས་ཏེ་དམ་ཚིག་རྗེས་སུ་དྲན་ནས་ཅི་བསྒོའི་ ཐོ།༔ བཀའ་ཉན་གསུང་སྡོད་དུ་ཁས་བླངས་དམ་བཅས་མནའ་བོར་བར་བསམ༔ ཡི་དམ་གྱི་རྩ་སྔགས་བཟླ་ཞིང་མདུན་བསྐྱེད་ལ་དམིགས་པ་གཏད་དོ༔ དེ་ནི་དབང་བྱེད་པའི་གཟེར་ཞེས་བྱའོ༔ སླར་ཡང་སྲོག་གི་ཁོངས་སུ་འཕྲོས་པའི་ཧཱུྃ་ཡིག་སྲོག་དང་འདྲེས་པས་བདག་གི་གང་བསམ་བསྒྲུབ་པར་ཁས་བླངས་ཤིང་དམ་བཅས་ཏེ༔ འགལ་ན་སྲོག་འདྲེན་ཅིང་ཕྲིན་ལས་བསྒྲུབ་ན་ནུས རྩལ་བསྐྱེད་པའི་དམ་ཚིག་གི་སྲོག་ཐོབ་པར་བསམ༔ སྲོག་ཡིག་ལ་ཤེས་པ་གཏད་དེ་ཡི་དམ་གྱི་རྩ་སྔགས་མཐར༔ སརྦ་དྷརྨ་པཱ་ལ་སརྦ་ཀྵེ་ཊ་པཱ་ལ་ས་མ་ཡ་པཱ་ཤཾ་ཀུ་རུ་ཡེ་སྭཱ་ཧཱ༔ ལས་ལ་བཀོལ་བའི་གཟེར་ཞེས་བྱའོ༔ སླར་ཡང་རང་གི་ཐུགས་ཀའི་སྔགས་ཀྱི་འོད་ཟེར་དྲག་ཅིང་ཚ་ལ་རྩུབ་པ་འཕྲོས་འཁོར་འདས་ཐམས་ཅད་ཀྱི་སྲོག་ཡིག་འདུས་པ་གཙོ་འཁོར་སོ་སོར་སྣང་བ་ཐམས་ཅད་ངོ་བོ་གཅིག་ཕྱིར་སྲོག་གི་མཐར་སྡེ་ལྔ་རང་རང་གི་གཙོ་བོའི་སྔགས་ཀྱིས་སོ་སོའི་འཁོར་གྱི་སྲོག་ཡིག་བསྐོར་བས་ཡུམ་འཁོར་རྣམས་ཀྱི་སྲོག་སྔགས་གཅིག་ཏུ་འདུས་ཤིང་བཟླས་པ་ཙམ་གྱིས་ཐུགས་བདེ་སྟོང་གི་རོས་ཚིམ་བདག་གི་བཀའ་ཉན་པར་བསམ༔ འཁོར་འདས་རང་སྣང་ལས་མི་གཞན་པར་ཡེ་ཤེས་ཀྱི་དབྱིངས་སུ་གཅིག་ཅིང་ངོ་བོ་གཅིག་པ་ཡིན་ཏེ་ཡིན་པར་ངོ་ཤེས་པའི་ངང་ནས༔ ཨོཾ་མ་ཧཱ་ཀྲོ་དྷ་མ་རུ་ཙེ་གུ་ཎ་ཧྲཱི་ད་ཧཱུྃ་ཕཊ༔ འབུམ་ཕྲག་བདུན་གྱིས་ངེས་པར་འགྲུབ༔ ཨོཾ་ཏྲི་ཤྲཱི་མ་ཧཱ་ཀཱ་ལ་སེང་ཧ་མུ་ཁ་སི་ན་ར་མ་ཧཱུྃ་ཕཊ༔ འབུམ་ཕྲག་གཅིག་གིས་ངེས་པར་འགྲུབ༔ ནཱ་ག་ཙནྟི་ཡཀྴ་ཀྲོ་དྷ་ཧཱུྃ་ཕཊ༔ འབུམ་ཕྲག་གཅིག་གིས་འགྲུབ་པའོ༔ ཨོཾ་ཏྲི་བཛྲ་སཱ་དྷཱུ་ས་མ་ཡ་ཧཱུྃ་ཕཊ༔ འབུམ་ཕྲག་གཅིག་གིས་འགྲུབ་པའོ༔ ཨོཾ་མ་ཧཱ་ཀཱ་ལ་རཱ་ཧུ་ལ་ཧཱུྃ་ཕཊ༔ འབུམ་ཕྲག་གཅིག་གིས་འགྲུབ་པའོ༔ གཉིས་མེད་སྲོག་ཀུན་འཕྲོག་གཟེར་རོ༔ སླར་ཡང་བདག་ཉིད་ཀྱི་ཐུགས་ཀའི་འོད་ཟེར་འཕྲོས་སྲུང་མ་རྣམས་ལ་ཕོག་སྲུང་མ་རྣམས་ཀྱི་ཐུགས་ཀའི་འོད་ཟེར་གྱིས་འཁོར་འདས་སྣོད་བཅུད་འབྱུང་བའི་བཅུད་དང་ནུས་པ་ཐམས་ཅད་བསྡུས་ནས་བདག་ལ་བསྟིམ༔ བསྟན་སྲུང་སོ་སོའི་འཁོར་སྤྲུལ་པ་ཡང་སྤྲུལ་དང་བཅས་པའི་ཐུགས་དམ་བསྐུལ་དམིགས་པའི་ལས་རྣམས་ཐོགས་མེད་དུ་བསྒྲུབ་པར་བསམ༔ སྔགས་ཕྲེང་གི་མཐར་ལས་བཞི་རང་རང་གི་ཤམ་བུ་བཟླའོ༔ ཕྲིན་ལས་གྲུབ་པ་བསྐུལ་བའི་གཟེར་ཞེས་བྱའོ༔ ཞི་བ་ལ་འོད་ཟེར་དཀར་པོ་འཕྲོས་པས་ཉེར་འཚེ་ཐམས་ཅད་བ་མོར་ཉི་ཟེར་ཕོག་ལྟར་ཞི་བར་བསམ་ལ༔ ཤཱནྟིཾ་ཀུ་རུ་ཡེ་སྭཱ་ཧཱ༔ རྒྱས་པ་ལ་འོད་ཟེར་སེར་པོ་འཕྲོས་པས་འཁོར་འདས་བཅུད་གཡང་ཐམས་ཅད་བསྡུས་ནས་རང་ལ་འདུས་པས་ཚེ་བསོད་རྒྱས་པར་བསམ༔ པུཥྚིཾ་ཀུ་རུ་ཡེ་སྭཱ་ཧཱ༔ དབང་ལ་འོད་ཟེར་དམར་པོ་འཕྲོས་པས་སྣང་སྲིད་དབང་དུ་བསྡུས་ཤིང་ཟས་ནོར་ལོངས་སྤྱོད་ཀྱི་ཆར་ཆེན་པོ་འབེབས་པར་བསམ་ལ༔ པཱ་ཤཾ་ ཁྲོཾ།༔ ཀུ་རུ་ཡེ་སྭཱ་ཧཱ༔ དྲག་པོ་ལ་སྤྲུལ་པ་ཡང་སྤྲུལ་མཐིང་ནག་འོད་ཟེར་མཚོན་ཆ་འཕྲོས་པས་དགྲ་བགེགས་ཚར་བཅད་རྔམས་ཟས་བྱས་དུམ་བུར་གཏུབ་ཕྱེ་མར་འཐག་རྗེས་ཤུལ་ཙམ་ཡང་མེད་པར་བསམ་ལ༔ སརྦ་ཤ་ཏྲུཾ་མཱ་ར་ཡ་ཕཊ༔ ས་མ་ཡ༔ རྒྱ་རྒྱ་རྒྱ༔ མཐར་གསོལ་མཆོད་བྱ་བ་ནི༔ གཏོར་མ་སྐྱེམས་ཕུད་བྲན་ལ༔ རཾ་ཡཾ་ཝཾ༔ ཨོཾ་ཨཱཿ ཧཱུྃ༔ གསེར་སྐྱེམས་གཏོར་མ་བདུད་རྩིའི་རྒྱ་མཚོ་ཀུན་ཏུ་བཟང་པོའི་མཆོད་སྤྲིན་ལྟ་བུ་ཟད་མི་ཤེས་པར་གྱུར༔ ན་མཿ སརྦ་ཏ་ཐཱ་ག་ཏ་བྷྱོཿ ཁཾ་སྭཱ་ཧཱ༔ ཧཱུྃ་ཛཿ བརྒྱུད་གསུམ་བླ་མ་ཡི་དམ་ཌཱ་ཀིའི་ཚོགས༔ གནོད་སྦྱིན་དམར་ནག་ཡབ་ཡུམ་བཀའ་འཁོར་དང་༔༷ ཞིང་སྐྱོང་ཀུན་དགའ་གཞོན་ནུ་འཁོར་དང་བཅས༔ གསོལ་ལོ་མཆོད་དོ་དབྱེར་མེད་གྲོགས་མཛོད་ཅིག༔ བཙན་རྒོད་འཁོར་བཅས་སྐྱེས་བུ་རྡོར་ལེགས་དང་༔ དྲང་སྲོང་གཟའ་མཆོག་ཆེན་པོ་རཱ་ཧུ་ལའི༔ སྤྲུལ་འཁོར་སྡོང་ཟླ་མཆེད་གཡོག་བཅས་པ་ལ༔ གསོལ་ལོ་མཆོད་དོ་དབྱེར་མེད་གྲོགས་མཛོད་ཅིག༔ གཞན་ཡང་ཨོ་རྒྱན་པདྨ་ཐོད་ཕྲེང་གིས༔ བཀའ་བསྒོས་དམ་བཞག་དབང་བསྐུར་མཚན་གསོལ་བའི༔ དཀར་ཕྱོགས་སྐྱོང་བའི་སྲུང་མ་ཐམས་ཅད་ལ༔ གསོལ་ལོ་མཆོད་དོ་དབྱེར་མེད་གྲོགས་མཛོད་ཅིག༔ བདག་གི་བསམ་པ་བསྒྲུབ་ལ་ རེ་བ་སྐོངས༔ བར་ཆད་གནོད་བྱེད་དགྲ་བགེགས་མ་ལུས་པ༔ ཡིད་ལ་བརྣག་པ་ཙམ་གྱིས་ཐལ་བར་བརླག༔ བཀའ་དང་དམ་ལས་མ་འདའ་ས་མ་ཡ༔ མ་འོངས་ལྔ་བརྒྱ་དུས་ཀྱི་ཐ་མ་ལ༔ པདྨ་བདག་གི་བརྒྱུད་འཛིན་བུ་སློབ་རྣམས༔ ཉམས་སུ་ལོངས་ལ་བསྟན་པའི་དགྲ་བོ་ཐུལ༔ ཕྲིན་ལས་ཐོགས་མེད་ཡིད་བཞིན་རིན་ཆེན་འདི༔ དམ་ཉམས་བཀའ་ལོག་ཅན་ལ་གསང་རྒྱས་ཐོབས༔ ཚེ་དང་བསྒྲུབ་པ་མཉམ་པར་ངེས་གསང་སྒྲུབ༔ ཡེ་ཤེས་མཚོ་རྒྱལ་ཁྱོད་ཀྱིས་ཡི་གེར་ཐོབས༔ མ་འོངས་བུ་ཡི་དགོངས་མཛོད་རྒྱ་མཚོར་རྒྱ༔ བཀའ་འདི་མ་མོ་སྲིད་པའི་རྒྱལ་མོས་སྲུངས༔ ལྟ་ལོག་ངན་སྨྲ་མཁན་གྱི་སྲོག་རྩ་ཆོད༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔བརྡ་ཐིམ༔ ཞེས་པ་འདི་ཡང་འོད་གསལ་གསང་བ་ཆེན་པོའི་རྣལ་འབྱོར་པ་སྔགས་པ་བདུད་འཇོམས་རྡོ་རྗེ་ཁྱུང་དྲག་རོལ་པ་རྩལ་གྱིས་གསེར་སྨད་བྲག་རྡོར་མགུལ་ནས་བཏོན་ཏེ་མི་ལོ་བརྒྱད་ལ་བཀའ་རྒྱས་བཏབ་ནས་མཐར་སྨར་སྟོད་འབྲོས་ཕུག་མཁའ་འགྲོའི་འདུ་གླིང་ནས་དག་པར་ཕབ་པའོ། །ཡི་གེ་པ་ནི་ཕུན་ཚོགས་བཀྲ་ཤིས་ཀྱིས་བགྱིས་པའོ། །ཆོས་འདིས་མཐའ་དམག་བསྟན་དགྲའི་དཔུང་གཞོམ་ཤོག །དགེའོ །སརྦ་མངྒ་ལཾ། ཛ་ཡནྟུ། ཤུ་བྷཾ།། །། རིག་འཛིན་སྙིང་གི་ཡང་ཐིག་ལས༔ ཐུགས་སྒྲུབ་བདུད་ཀྱི་དཔུང་འཇོམས་རྡོ་རྗེའི་ཕྲེང་བ་ལས༔ གསང་སྒྲུབ་རྡོ་རྗེའི་རྒྱ་ཅན བཞུགས་སོ༔ TI1605 - 457 ༼ ༔ སྒརྦྷཧཱུཾ་རྦྦཾངྷ་ཛཱྃདྡྷཱབྶད གུ་རུ་པདྨ་འབྱུང་གནས་ལ་ཕྱག་འཚལ་ལོ༔ ཐུགས་སྒྲུབ་རྡོ་རྗེའི་ཡང་གསང་བཅུད༔ ཉམས་སུ་ལེན་པའི་རིམ་པ་ལ༔ ཆོས་བརྒྱད་ལས་དབེན་སྐྱེད་ཚལ་དུ༔ ཉེར་མཁོའི་ཡོ་བྱད་འཛོམ་བྱས་ཏེ༔ བདེ་ཞིང་ཁོད་སྙོམས་གདན་འོག་ཏུ༔ འཁོར་ལོ་རྩིབས་བརྒྱད་ལྟེ་བ་རུ༔ ཨེ་ཡིག་བྲིས་ཏེ་ཕྱོགས་མཚམས་ཀྱི༔ རྩིབས་ལ་སྡེ་བརྒྱད་སྲོག་ཡིག་ནི༔ མདུན་ནས་བརྩམས་ཏེ་འདི་སྐད་དུ༔ ཨཿ ཡཿ མཿ དུཿ རུཿ ཙཿ ཤཿ ནཿ ཞེས་བྲི༔ རྩིབས་ཀྱི་རྩེ་རུ་ཕྱོགས་བཞིར་ཕོ་གདོན་གྱི་གཟུགས་བཞི༔ མཚམས་བཞིར་མོ་གདོན་གྱི་གཟུགས་རྣམས་མགོ་ནང་དུ་བསྟན་ཏེ་རྩིབས་རྩེས་སྤྱི་བོར་ཟུག་པ་བྲི༔ མཐར་གྲུ་གསུམ་གསུམ་རིམ་མེ་རི་འབར་བ་བྱ༔ དེ་ཡི་སྟེང་དུ་སྟོབས་ཆེན་མ་ཧཱ་བཱ་ལ་ཁ་TI1605 - 458 ཝྃ༔ ཐུར་དུ་སྦུབས་ཏེ་མགོ་ཕྱིར་བསྟན་ནས་བཞག༔ མདུན་དུ་འབྲུ་ཡི་ཚོམ་བུ་བཀོད་པའི་སྟེང་དུ་འབྲལ་མེད་ཀྱི་རྟེན་ཅིག་བཙུགས༔ མཐའ་བསྐོར་དུ་མཆོད་རྫས་ཅི་རིགས་བཤམ༔ དེ་ནས་སྒྲུབ་པ་ལ་སྐྱབས་འགྲོ་དང་སེམས་བསྐྱེད་སྔོན་དུ་བཏང་ལ༔ ཡུལ་གསུམ་གྱི་བག་ཆགས་སྦྱོང་བ་རྟེན་དང་བརྟེན་པའི་དཀྱིལ་འཁོར་བསྒོམ་པ་ནི༔ ཨ༔ སྣང་ཞིང་སྲིད་པའི་ཆོས་རྣམས་ཀུན༔ རྣམ་ཐར་གསུམ་ལྡན་སྟོང་པ་ཉིད༔ སྟོང་པའི་རང་རྩལ་ཐུགས་རྗེའི་ཤུགས༔ འཁོར་བ་ཡོངས་སྒྲོལ་དཔལ་དུ་ཤར༔ རྩལ་ལས་ཡེ་ཤེས་སྙིང་པོ་ཧཱུྃ༔ རྟེན་དང་བརྟེན་པའི་རྒྱུ་རུ་ཤར༔ ཧཱུྃ་ལས་ཡེ་ཤེས་ལྔ་ཡི་གདངས༔ འོད་འཕྲོས་འབྱུང་བ་རིམ་བརྩེགས་སྟེང་༔ TI1605 - 459 བདེ་ཆེན་དྲག་པོའི་ཞིང་ཁམས་སུ༔ ཡེ་ཤེས་བསྐལ་པའི་མེ་ལྟར་འབར༔ བསྲུང་བའི་འཁོར་ལོ་རིམ་ལྔའི་དབུས༔ སྐུ་ལྔ་ལྷུན་རྫོགས་གཞལ་ཡས་ཁང་༔ ཚད་དང་མཚན་ཉིད་རྫོགས པའི་དབུས༔ པདྨ་དང་ནི་ཉི་ཟླའི་སྟེང་ཿ རང་རིག་ཧཱུྃ་གི་འཕྲོ་འདུ་ལས༔ རྒྱལ་བ་མཆོད་ཅིང་འཁོར་བ་བསྒྲལ༔ ཚུར་འདུས་སྣང་སྟོང་དབྱེར་མེད་ལྷ༔ དཔལ་ཆེན་རྡོ་རྗེ་གཞོན་ནུ་ནི༔ མཐིང་ནག་ཞལ་གསུམ་ཕྱག་དྲུག་པ༔ གཡས་དཀར་གཡོན་དམར་དབུས་མཐིང་ནག༔ ཞལ་གདངས་ལྗགས་འདྲིལ་མཆེ་བ་གཙིགས༔ སྤྱན་དགུ་སྡང་མིག་གཡོ་ཞིང་འཁྲུགས༔ ཁྲོ་གཉེར་ཆུ་ཡི་རླབས་བཞིན་སྡུད༔ དབུ་སྐྲ་ཁམ་ནག་མེ་ལྟར་འབར༔ སྨ་ར་སྨིན་མ་མེ་སྟག་འཕྲོ༔ གཡས་གཉིས་གསེར་གྱི་རྡོ་རྗེ་ནི༔ རྩེ་དགུ་དང་ནི་རྩེ་ལྔ་ཕྱར༔ གཡོན་གཉིས་ཁ་ཊྭཱྃ་མེ་དཔུང་བསྣམས༔ མཐའ་གཉིས་རི་རབ་ཕུར་པ་འདྲིལ༔ རྡོ་རྗེ་རིན་ཆེན་གཤོག་པ་གདེངས༔ ཞབས་གཉིས་བདུད་དང་དམ་སྲི་གནོན༔ དུར་ཁྲོད་ཆས་བརྒྱད་རྒྱན་དུ་རྫོགས༔ སྐུ་དབུས་རྩ་མཆོག་དབུ་མའི་སྦུབས༔ བདེ་ཆེན་འཁོར་ལོར་པད་ཉིའི་སྟེང་༔ འཇམ་དཔལ་ནག་པོ་རལ་གྲི་དང་༔ གཡོན་པས་བརྒྱད་སྟོང་གླེགས་བམ་བསྣམས༔ ཁྲོ་གཏུམ་རྔམས་ ༼ ༔ བརྗིད་ཕྱེད་སྐྱིལ་བཞུགས༔ ཡེ་ཤེས་མེ་དཔུང་འབར་ཀློང་དུ༔ འཆི་བདག་ཟིལ་གྱིས་གནོན་པར་བསྐྱེད༔ མགྲིན་པར་པདྨ་འདབ་བཞིའི་དབུས༔ ཉི་སྟེང་རྟ མགྲིན་དམར་པོ་ནི༔ ཕྱག་གཡས་དབྱུག་ཏོ་གཡོན་ཞགས་པ༔ ཞབས་གཉིས་གྱད་ཀྱི་འདོར་སྟབས་བགྲད༔ ཁྲོ་ཚུལ་རྫོགས་ཤིང་མེ་དཔུང་འབར༔ ཀླུ་གདོན་ཟིལ་གྱིས་གནོན་པར་བསྐྱེད༔ ཆོས་ཀྱི་འཁོར་ལོར་པད་ཉིའི་སྟེང་༔ གསང་བདག་རྡོ་རྗེ་སྲིན་པོ་མཐིང་༔ རྡོ་རྗེ་གཡས་ལ་སྡིགས་མཛུབ་གཡོན༔ ཞབས་གཉིས་གྱད་ཀྱི་འདོར་སྟབས་བགྲད༔ ཁྲོ་བོའི་ཆས དང་ཚུལ་ཀུན་རྫོགས༔ སྡེ་བརྒྱད་མ་ལུས་ཟིལ་གྱིས་གནོན༔ ཡེ་ཤེས་མེ་དཔུང་ཀློང་དུ་བསྐྱེད༔ སྤྲུལ་པའི་འཁོར་ལོར་པད་ཉིའི་སྟེང་༔ སྲིད་པ་མ་མོའི་དཀྱིལ་འཁོར་ཀུན༔ ཡོངས་འདུས་རྡོ་རྗེ་ཕག་མོ་མཐིང་༔ གྲི་གུག་གཡས་ལ་ཐོད་ཁྲག་གཡོན༔ ཞབས་གཉིས་གར་སྟབས་ཁ་ཊྭཱྃ་ཀ༔ སྤྱི་བོར་ཕག་ཞལ་ནག་པོ་ངུར༔ གཅེར་བུ་མི་མགོའི་ཕྲེང་བས་བརྒྱན༔ ཡེ་ཤེས་མེ་དཔུང་རབ་ཏུ་འབར༔ ཁམས་གསུམ་དབང་སྡུད་ངོ་བོར་གསལ༔ བདེ་སྐྱོང་འཁོར་ལོར་པད་ཉི་དང་༔ ཟ་བྱེད་དུར་ཕག་མགོ་དགུའི་སྟེང་༔ ཕྲིན་ལས་ཡཀྵ་མེ་དབལ་ནི༔ T1605 - 461 མཐིང་ནག་ཁྲོ་གཏུམ་རྔམས་བརྗིད་འབར༔ ཕྱག་གཉིས་ཐོ་བ་མེ་ཞགས་བསྣམས༔ ཡེ་ཤེས་མེ་དཔུང་འབར་བའི་ཀློང་༔ ཁམས་གསུམ་དབང་སྡུད་ངོ་བོར་གསལ༔ ཞབས་གཉིས་གྱད ཀྱི་འདོར་སྟབས་བགྲད༔ བཙན་དུག་ནག་པོའི་ངད་རླངས་དང་༔ མེ་ཁྱུང་ཕག་ནག་ལྕགས་སྡིག་པའི༔ ཚྭ་ཚྭ་སྐར་ལྟར་འཁྲིགས་པ་ཡིས༔ དབུ་རྐྱང་རོ་གསུམ་ལ་སོགས་པའི༔ རྩ་ཁམས་མ་ལུས་ཡོངས་གང་སྟེ༔ བ་སྤུའི་བུ་ག་ཐམས་ཅད་ནས༔ ཕྱོགས་མཚམས་ཀུན་ཏུ་སྐར་ལྟར་འཁྲུགས༔ གཉན་དང་ས་བདག་ནད་རིམས་གདོན༔ རྗེས་ལྷག་མེད་པར་བརླག་པར་བསམ༔ ཡུམ་ཆེན་འཁོར་ལོ་རྒྱས་འདེབས་ནི༔ ཕྱག་གཡས་ཁ་ཊྭཱྃ་གཡོན་ཐོད་ཁྲག༔ ཞབས་གཡོན་ཡབ་ཀྱི་སྐེད་ལ་འཁྲིལ༔ གཡས་པས་སྲིད་པའི་སྒོ་འཕར་གནོན༔ གཡང་གཞི་གཟིག་ཤམ་རུས་རྒྱན་གསོལ༔ བསྐལ་པ་དུས་མཐའི་མེ་ལྟར་འབར༔ སྤྲུལ་པ་ཕག་དང་ཁྱུང་སྡིག་འགྱེད༔ ས་བདག་ཀླུ་གཉན་ནད་རིམས་གདོན༔ བསྲེག་གཏུབ་ཧབ་ཧབ་ཟས་སུ་རོལ༔ སྤྱི་བོར་བྱ་ཁྱུང་ནག་པོ་ལས༔ བརྒྱལ་བྱེད་ཧ་ལའི་ངད་རླངས་འཕྱོ༔ ཐུགས་ཀར་པདྨ་ཟླ་གདན་ལ༔ ཀུན་ཏུ་བཟང་པོ་མཉམ་བཞག་ཅན༔ རྒྱན་མེད་གཅེར་བུ་འོད་ཕུང་འབར༔ ཥྚོཾ༔ ཞབས་གཉིས་རྡོ་རྗེའི་སྐྱིལ་ཀྲུང་བཞུགས༔ དེ་ཡི་ཐུགས་ཀར་ཉི་གདན་ལ༔ གནམ་ལྕགས་རྡོ་རྗེ་རྩེ་དགུ་པའི༔ ལྟེ་བར་དྭངས་མའི་ཐུགས་ཀློང་དུ༔ ཧཱུྃ་མཐིང་ཉིད་ལ་སྔགས་ཀྱིས་བསྐོར༔ འོད་འཕྲོས་དུས་གསུམ་རྒྱལ་དང་སྲས༔ མ་ལུས་ལུས་པ་མེད་པ་ཀུན༔ རྡོ་རྗེ་གཞོན་ནུའི་རྣམ་རོལ་དུ༔ མཚོ་ལ་ཁ་ཆར་བབས་པ་ལྟར༔ སྤྱན་དྲངས་གཉིས་སུ་མེད་པར་གྱུར༔ སྣོད་བཅུད་དཀྱིལ་འཁོར་གསུམ་ལྡན་གྱི༔ རོལ་པ་ཆེན་པོར་རྫོགས་སངས་རྒྱས༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣན་བཾ་ཧཱུྃ་ཕཊ༔ དེ་ནས་བསྒྲུབ་པ་ནི༔ ཐུགས་སྲོག་ཧཱུྃ་དང་སྔགས་ཕྲེང་ལས༔ འོད་ཟེར་དཔག་མེད་རབ་འཕྲོས་པས༔ བརྒྱུད་གསུམ་རིག་འཛིན་བླ་མ་དང་༔ ཡི་དམ་དཔའ་བོ་མཁའ་འགྲོ་ཡི༔ ཐུགས་རྗེའི་བྱིན་རླབས་དབང་དངོས་གྲུབ༔ འོད་ཕུང་འཇའ་སྤྲིན་ལྟ་བུ་ཡི༔ རྣམ་པར་འདུས་ཏེ་བདག་ལ་ཐིམ༔ བསྒྲུབ་རྫས་དུས་གསུམ་རྒྱལ་རྣམས་ཀྱི༔ སྐུ་དང་ཡེ་ཤེས་ངོ་བོ་ལ༔ རྣམ་པ་འོད་ལྔའི་རོལ་པར་གསལ༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣན་བཾ་ཧཱུྃ་ཨཱཿ དེ་ནས་ལས་ལ་སྦྱོར་བ་ནི༔ རང་ཉིད་གདན་གསུམ་ཚང་བའི་ལྷའི༔ སྐུ་ཡི་ཆ་རྣམས་ཐམས་ཅད་ནས༔ ཐུན་མཚོན་མེ་རླུང་ཁྲོ་ཚོགས དང་༔༷ ཁྱུང་དང་ཕག་ནག་སྡིག་པ་ཡི༔ འདུ་འཕྲོ་སེར་རླུང་འཁྲུགས་པ་ལྟར༔ འཕྲོ་ཞིང་གཡོ་བའི་བྱེད་ལས་ཀྱིས༔ སྡང་བའི་དགྲ་དང་གནོད་པའི་བགེགས༔ བར་དུ་གཅོད་པའི་ནད རིམས་གདོན༔ གཏུབ་ཅིང་བསྲེག་སྟེ་ཧབ་ཧབ་ཟོས༔ རྗེས་ལྷག་མེད་པར་བརླག་པར་བསམ༔ ཨོཾ་བཛྲ་ཀཱི་ལི་ཀཱི་ལ་ཡ་ཡ་མཱནྟ་ཀ་ཧྱ་གྲཱི་ཝ་བཛྲ་ཙཎྜ་ཡཀྴ་ཀྲོ་ཏ་ནག་པོ་ཏི་པ་རཱ་ཙ་ཁྲོ་ག་རུ་ཌ ཕེ་ཁྱི་མ༔ ཙིཏྟ་སྲོག་ལ་དུང་དུང་༔ སྙིང་ཁྲག་ཤད་ཛ༔ ཐུམ་རིལ་རིལ༔ སྙིང་རྩིག་རྩིག༔ འུར་འུར༔ ཤིག་ཤིག༔ འགུལ་འགུལ༔ མྱག་མྱག༔ སོད་སོད༔ ངྷ་ཏི་མ་མ༔ ཀརྨ་ཤཱི་གྷྲྃ་ཀ་ར་ཡེ༔ མཱ་ར་ས་ན༔ པྲ་མར་ཏ་ན་ཡེ་སརྦ་བིགྷྣན་བཾ་ཧཱུྃ་ཕཊ༔ སརྦ་ཛྭ་ར་པྲ་ཤ་མ་ཎི་ཡེ་སྭཱ་ཧཱ༔ གཉན་པརྤ་ཏ་མཱ་ར་ཡ་ཛྭ་ལ་རཾ་རཾ་རྦད་སོད་ནན་བྷྱོ༔ བསྙེན་པ་བྱེ་བ་བཅུ་ཕྲག་དང་༔ བསྒྲུབ་པ་བྱེ་བ་གཅིག་སློང་ནས༔ ལས་སྦྱོར་འབུམ་ཕྲག་གསུམ་ནས་འགྲུབ༔ ས་མ་ཡ༔ སྣང་སྲིད་འཁོར་འདས་ཐམས་ཅད་ཀུན༔ རང་སྣང་ཉིད་དུ་དབང་བསྒྱུར་ཏེ༔ དག་གསུམ་འཁོར་ལོར་སྦྱངས་པ་ཡིན༔ གསང་བའི་ཡང་སྙིང་བླ་ན་མེད༔ གང་གིས་བསྐྱེད་རིམ་གནད་ལྡན་པས༔ ཉམས་སུ་ལེན་ཀུན་རྫོགས་སངས་རྒྱས༔ སྒྲུབ་པའི་གནས་མི་སྤྲོ་བ་དང་༔ གདན་གྱི་དྲོད་མི་ཡལ་བ་རུ༔ སྡོད་གནས་གཅིག་ཏུ་སྒྲུབ་ཚུགས་ཟུངས༔ མི་ཚིག་དག་གིས་བར་མི་ཆོད༔ སྔགས་ནི་ཆུ་བོའི་རྒྱུན་ ༼ ༔ བཞིན་བཟླ༔ ཤེས་པ་གཞན་དུ་མི་ཡེངས་པར༔ གསལ་ཞིང་ལྷ་ཡི་ང་རྒྱལ་ཟུངས༔ དེ་ལྟར་གནད་དང་ལྡན་པའི་མིས༔ ལོ་གསུམ་ཟླ་གསུམ་ཞག་གསུམ་གྱིས༔ རྣམ་པར་སྨིན་པའི་རིག་འཛིན་འཐོབ༔ འཁོར་འདས་འུབ་ཆུབ་རྫོགས་པ་ཆེ༔ ཆོས་རྣམས་ཀུན་གྱི་གྲོལ་ས་སྟེ༔ ཤེས་པར་གྱིས་ཤིག་སྐལ་ལྡན་བུ༔ པདྨའི་སྙིང་ཏིག་གཏད་དོ་རྒྱ༔ བཀའ་སྲུང་གནོད་སྦྱིན་དམར་ནག་དང་༔ གཟའ་རྒོད་ཁྱབ་འཇུག་ཆེན་པོས་སྲུངས༔ དམ་ཉམས་ལག་ཏུ་ཤོར་ར་རེ༔ སྐལ་ལྡན་སྐྱེས་བུའི་འདོད་དོན་སྒྲུབས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ ཨྠི༔ ཞེས་པ་འདི་ཁྲག་འཐུང་བདུད་འཇོམས་རྡོ་རྗེས་ཤྭ་བྲག་རྡོ་རྗེ་ནས་གདན དྲངས་ཏེ་མི་ལོ་སུམ་ཅུ་རྩ་བརྒྱད་བར་དུ་བཀའ་རྒྱ་བྱས་མཐར། ཀུན་དཔལ་དང་རིག་དགའ་དབང་ཕྱུག་འབྱུང་གནས་རྣམས་ཀྱིས་བསྐུལ་ངོར་རྫ་རྒྱལ་རྡོ་རྗེ་འཕན་པོའི་ཉེ་འདབས་སུ་དག་པར་ཕབ་པའི་ཡི་གེ་པ་ནི་ཀུན་བཟང་ཆོས་གྲགས་ཀྱིས་བགྱིས་པ་ཡོངས་ལ་དགེ་བར་གྱུར་ཅིག །དགེའོ །དགེའོ། །དགེའོ །སརྦ་མངྒ་ལཾ།། ། T11605 - 466 ཝ རིག་འཛིན་སྙིང་གི་ཡང་ཐིག་ལས༔ དཔལ་ཆེན་རྡོ་རྗེ་གཞོན་ནུའི་བསྐུལ་བྱང་ཞིང་བཅུ་ཚར་གཅོད་བཞུགས༔ ན་མོ་གུ་རུ་པདྨ་ཀ་ར་ཡེ༔ དབྱིངས་ནས་ཡེ་ཤེས་བསྐུལ་བ་ལ༔ ཤ་ཁྲག་དམར་གཏོར་སྐྱེམས་ཕུད་བཤམས༔ ཧ་ཧོ་ཧྲཱི་ཡིས་འདོད་རྒུར་སྤེལ༔ རང་གི་སྙིང་གའི་འོད་ཟེར་གྱིས་རང་བཞིན་གྱི་གནས་ན་བཞུགས་པའི་རྒྱལ་བ་སྲས་དང་བཅས་པ་མཁའ་ཁྱབ་ཀྱི་འཁོར་ལོར་སད་པར་གྱུར༔ ཧཱུྃ༔ བཞེངས་ཤིག་ཆོས་ཀྱི་དབྱིངས་ནས་བཞེངས༔ བསྐུལ་ལོ་མི་མངོན་དབྱིངས་ནས་བསྐུལ༔ མཛོད་ཅིག་དྲག་པོའི་ཕྲིན་ལས་མཛོད༔ དམ་ཚིག་ཆེན་པོའི་དུས་ལ་བབ༔ རྡོ་རྗེ་སྲིན་པོའི་དུས་ལ་བབ༔ ཤྭ་ན་ཆེན་མོའི་དུས་ལ་བབ༔ བདག་ཉིད་ཆེན་མོའི་དུས་ལ་བབ༔ ས་བདག་ཆེན་མོའི་དུས་ལ་བབ༔ སྒྲོལ་གིང་རྣམ་བཞིའི་དུས་ལ་བབ༔ དབང་ཕྱུག་མ་བརྒྱད་དུས ལ་བབ༔ གིང་ཆེན་ལང་ཀ་འབར་མའི་ཚོགས༔ དབྱིངས་ནས་སྐུར་བཞེངས་དུས་ལ་བབ༔ ཤ་ཁྲག་གཏོར་སྐྱེམས་འདི་བཞེས་ལ༔ ཕྱོགས་བཞི་མཚམས་བརྒྱད་སྟེང་འོག་ལས༔ གནོད་བྱེད་དྲག་ཤུལ་རྒོལ་སྡང་བའི༔ སེམས་ལྡན་གཟུགས་ཅན་དགྲ་བོ་དང་༔ གཟུགས་མེད་གནོད་པར་བྱེད་པའི་བགེགས༔ ཕྲིན་ལས་མངོན་སྤྱོད་དྲག་ཤུལ་གྱིས༔ ཚར་གཅོད་རྡུལ་དུ་བསྐུལ་ བརླག་མཛོད་ལ༔ ཤ་ཁྲག་རུས་པ་ཟས་སྐལ་རོལ༔ རྣམ་ཤེས་ཆོས་ཀྱི་དབྱིངས་སུ་རོལ༔ རྗེས་ཤུལ་ཙམ་ཡང་མེད་པར་མཛོད༔ རང་དམ་གཉན་པོ་དཔང་བཙུགས་ཏེ༔ མ་འདའ་བཛྲ་ས་མ་ཡ༔ ཅེས་བརྗོད་གཏོར་སྐྱེམས་ཕྱི་རུ་དོར༔ རྣམ་བཞིའི་ཕྲིན་ལས་མྱུར་འགྲུབ་འགྱུར༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ གུ་ཧྱ༔ བརྡ་ཐིམ༔ ཞེས་པ་འདི་སློབ་བུ་ཀུན་བཟང་ཆོས་གྲགས་ཀྱིས་ནན་དུ་བསྐུལ་ངོར་བདུད་འཇོམས་རྡོ་རྗེས་ཡེ་ཤེས་མཁའ་འགྲོའི་བརྡ་རིས་ལས་དག་པར་ཕབ་པའི་ཡི་གེ་པ་ནི་བསྐུལ་བ་པོ་དེ་ཉིད་དོ། །བཀྲ་ཤིས།། T11605 - 468 ཧཱུྃ༔ གནས་གསུམ་བྱིན་གྱིས་བརླབས་པ་ནི༔ སྙིང་ག་མགྲིན་པ་སྤྱི་བོ་རུ༔ ཟླ་བའི་གདན་རེ་བསམ་ནས་ནི༔ རྡོ་རྗེ་པདྨ་འཁོར་ལོ་དག༔ ཧཱུྃ་ཨཱཿ ཨོཾ་གྱིས་མཚན་པ་ལས༔ ཐུགས་གསུང་སྐུ་ཡི་རྡོ་རྗེར་བསྒོམ༔ རྡོ་རྗེའི་རྒྱ་གནས་གསུམ་དུ་བཞག་ལ༔ ཨོཾ་སརྦ་ཏ་ཐཱ་ག་ཏ་མ་ཧཱ་ཙིཏྟ་བཛྲ་སྭ་བྷཱ་ཝ་ཨཏྨ་ཀོ྅་ཧཾ༔ དེ་བཞིན་