Tibetan
གསུམ་གྱིས་ནམ་མཁའ་སྒོ་འབྱེད་ཅིང་༔ སྨྲ་བཅད་དབུགས་ཀྱང་ཁ་རུ་འབྱུང་འཇུག་དལ༔ སྒོ་གསུམ་གནད་བསྣན་ཆོས་ཀྱི་དེ་ཉིད་རྟོགས༔ ཙིཏྟའི་དབུས་སུ་གསང་བའི་ལམ༔ ཀ་ཏི་ཤེལ་གྱི་སྦུ་གུ་ཅན༔ སྙིགས་མའི་འབྲེལ་པ་ནང་གི་མཁའ༔ ཉི་མ་དང་ནི་འོད་བཞིན་དུ༔ ཕྱི་རུ་རྒྱལ་བའི་ཡེ་ཤེས་ནི༔ འོད་ཐིག་ལུ་གུ་རྒྱུད་དུ་སྣང་༔ འོད་ནི་དབྱིངས་ལ་དྭངས་མ་ཐིག༔ རིག་ཆ་རྡོ་རྗེ་ལུ་གུ་རྒྱུད༔ ནང་གདངས་དབྱིངས་སུ་བསྲེ་ཞིང་ལྷོད༔ བྱ་རྩོལ་རེ་དོགས་བརྟག་དཔྱད་དང་༔ བཅོས་བསྒྱུར་དངོས་ཞེན་རྟག་འཛིན་སོགས༔ གང་ཡང་མི་བྱེད་གོལ་སྒྲིབ བསལ༔ སུན་པ་མེད་པར་ཉམས་ལེན་ལ༔ སྒོ་ཡུལ་འོད་སྣང་བརྟན་པ་མངོན་སུམ་ལ༔ འོད་ཐིག་གསལ་བརྟན་ཡར་འཕེལ་ཉམས་གོང་འཕེལ༔ འོད་ཐིག་ལྷ་སྐུར་སྨིན་པ་ཚད་དུ་ཕོབ༔ སྒོ་ཡུལ་འཛིན་ཞེན་ཟད་པ་བློ་འདས་སོ༔ ཡང་དག་རྫོགས་པའི་སངས་རྒྱས་ངེས་ཐོབ་བོ༔ ས་མ་ཡ༔ གུ་ཧྱ༔ མ་འོངས་དུས་ཀྱི་མར་གཤམ་སྙིགས་མའི་དུས༔ ཉམས་སུ་ལོངས་ཤིག སྐལ་ལྡན་རྗེས་འཇུག་རྣམས༔ ཚེ་གང་དུས་བརྒྱའི་ཟ་མ་ལན་གཅིག་ཡིན༔ མི་ལུས་རིན་ཆེན་ཡིད་བཞིན་ནོར་བུ་འདྲ༔ ཡང་ཡང་རྙེད་དཀའ་ཐོབ་འདི་སྟོན་ཀའི་སྤྲིན༔ དཔེ་འདི་གོ་བར གྱིས་ཤིག་སྐལ་ལྡན་རྣམས༔ བཀའ་འདི་གནོད་སྦྱིན་ཤན་དམར་ཁྱོད་ལ་བཅོལ༔ ཐུབ་པར་སྲུངས་ཤིག་བཛྲ་ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ བརྡ་ཐིམ༔ ཞེས་པ་འདི་ཡང་སྤྲང་སྨྱོན་བདུད་འཇོམས་རྡོ་རྗེས་ཡང་གསང་མཁའ་འགྲོའི་བརྡ་རིས་ལས་ཞལ་བཤུས་ཏེ་དག་པར་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་སོ། །དགེའོ། །སརྦ་མངྒ་ལཾ། །ཤུ་བྷཾ།། ། ཟབ་གསང་མཁའ་འགྲོའི་སྙིང་ཐིག་ལས༔ ཐུགས་སྒྲུབ་གསང་བའི་རྒྱ་ཅན་གྱི་ཆ་རྐྱེན་སྲུང་མའི་སྒྲུབ་ཐབས༔ བདུད་འཇོམས གནམ་ལྕགས་རྡོ་རྗེ་བཞུགས་སོ༔ TI1605 - 403 བདུད་འཇོམས་ཕུར་སྲུང་ཝྃ།༔ ན་མོ་གུ་རུ་པདྨ་ཀ་ར་ཡེ༔ ཨུདྡྷདྷ_UNK།ཐབླདྨ།ཛྙ་ཧྲྀ།དྦཤཿ བདག་འདྲ་རིག་འཛིན་རྡོ་རྗེ་གཤོག་རྒོད་ངས༔ མ་འོངས་བརྒྱུད་འཛིན་རྣམས་ཀྱི་དོན་ཆེད་དུ༔ ཕུར་སྲུང་དམ་ཅན་སྒྲུབ་པའི་ལས་བྱང་བསྟན༔ བསྐལ་པའི་མར་གཤམ་དུས་ཀྱི་སྙིགས་མ་ལ༔ དཀར་ཕྱོགས་ཉམས་དམའ་ནག་ཕྱོགས་ཁ་དར་ནས༔ ལས་དང་ལས་ཀ་དམར་དང་ཆོམ་རྐུན་བྱེད༔ ནོར་དང་རྒྱན་ཆའི་མཆོག་ཏུ་གོ་མཚོན་འཛིན༔ མ་མོ་མཁའ་འགྲོ་འཁྲུགས་ནས་ནད་རིམས་གཏོང་༔ ལས་ངན་རང་གིས་སྤྱོད་ནས་བསྐལ་ངན་ཟེར༔ དམེ་འཁྲུགས་ནང་འཐབ་ཕ་སྤུན་ཡིད་མི་ཆེས༔ སྙིང་འདྲའི་མི་ལ་སྙིང་གཏོད་དོན་སྙིང་འབྱིན༔ སྔགས་པ་དབུ་འཕང་དམའ་བའི་དུས་བྱུང་ཚེ༔ བདག་གི་བརྒྱུད་འཛིན་ལས་དང་སྐལ་ལྡན་རྣམས༔ T11605 - 404 ༧ཐབས་ཐོ།༔ དབེན་པའི་གནས་སུ་སྒྲུབ་པའི་དལ་ཞལ་ཕྱེས༔ འཁོར་ལོ་རྩིབས་བཅུའི་ལྟེ་བ་གྲུ་གསུམ་དབུས༔ དམར་གྱི་གཏོར་མ་གྲུ་གང་བརྗིད་ལྡན་དང་༔ གཡས་སུ་དམར་གཏོར་མཐོ་གང་གཡོན་དེ་ལྟར༔ ཕྱོགས་བཞིར་གཏོར་ཕྲན་བཞི་དང་མཚམས་བཞིར་བཞི༔ དེ་མཐར་བཅུ་གཉིས་དེ་མཐར་བཞི་བཞག་གོ༔ དེ་མཐར་གཏོར་ཆུང་ཉི་ཤུ་རྩ་བརྒྱད་བཞག༔ སྐྱུ་གུ་བ་ལི་ཟན་དུམ་རིལ་བུས་བསྐོར༔ ཕྱི་ནང་གསང་མཆོད་ག་ཎའི་ལོངས་སྤྱོད་དང་༔ ནལ་བུའི་རྒྱལ་མཚན་རྨ་བྱ་བོང་དྲེལ་དང་༔ བྱ་ནག་ཤ་རྐྱང་གཟུགས་འགྲོས་དཔག་མེད་བཤམ༔ དམ་ཚིག་སྲོག་ལ་ཐེབས་པ་ཡི་དམ་མཆོག༔ སྒྲུབ་པའི་རྟགས་མཚན་མ་རྫོགས་བར་དུ་བསྒྲུབ༔ དེ་མིན་སྲུང་མ་བྲན་དུ་ཁོལ་མི་སྲིད༔ ཆོས་ཉིད་དོན་རྟོགས་རྣལ་འབྱོར་དབང་ཕྱུག་གམ༔ ཡང་ན་T11605 - 405 ཐབས་ལམ་མཐར་ཕྱིན་རྣལ་འབྱོར་རམ༔ ཡང་ན་བསྙེན་སྒྲུབ་ཚད་རྫོགས་དམ་ལྡན་ལ༔ སྲུང་མ་དམ་ཅན་རྒྱ་མཚོས་བུ་ལྟར་བརྩེ༔ དེ་གང་མེད་ན་འདོད་པས་ཁུག་མིན་ཏེ༔ དཔལ་ཆེན་རྡོ་རྗེ་གཞོན་ནུའི་དལ་ཞལ་ཕྱེས༔ བསྐྱེད་རྫོགས་གདིང་ལྡན་བསྒྲུབ ལ་གཞོལ་བའི་བུས༔ བར་ཆད་སེལ་ཕྱིར་སྲུང་མ་དབང་བྱེད་ན༔ དམ་ཚིག་ཟོལ་མེད་ཡི་དམ་ཚད་མར་ཟུངས༔ དེ་ནས་དམ་ཅན་བསྒྲུབ་པའི་ལས་གཞུང་འཇུག༔ ས་མ་ཡ༔ ཧཱུྃ་ཧཱུྃ་ཧཱུྃ༔ བདག་ཉིད་དཔལ་ཆེན་པོའི་ཐུགས་ཀ་ནས ཡི་གེ་བྷྲུྃ་དམར་ནག་གཅིག་སྤྲོས༔ དེ་ཡོངས་སུ་གྱུར་པ་ལས༔ དུར་ཁྲོད་ཐོད་མཁར་འབར་བའི་ཚལ་དུ་རབ་འཇིགས་དྲག་པོའི་གཞལ་ཡས་ཁང་ཆེན་པོ་ཚད་དང་མཚན་ཉིད་སྣ་ཚོགས་ཡོངས་སུ་རྫོགས་པའི་དབུས་སུ་གནམ་ལྕགས་ཀྱི་འཁོར་ལོ་རྩིབས་བརྒྱད་སུམ་བརྩེགས་ཀྱི་སྟེང་དུ་པདྨ་དང་ཉི་མ་རོ་ཡི་གདན་ལ༔ བདག་ཡི་དམ་གྱི་ཐུགས་ཀ་ནས་ཡི་གེ་མ་སྨུག་ནག་འོད་འབར་བ་གཅིག་འཕྲོས་པས༔ དེ་ལས་འོད་ཟེར་ཕྱོགས་བཅུར་འཕྲོས་པས་རྒྱལ་བ་སྲས་དང་བཅས་པ་ཐམས་ཅད་ལ་མཉེས་པའི་མཆོད་པ་ཕུལ༔ ཐུགས་རྗེ་གཟི་བྱིན་ཐམས་ཅད་བསྡུས་ཏེ་མ་ལ་བསྟིམ༔ སླར་འོད་ཟེར་ཕྱོགས་བཅུར་འཕྲོས་པས་ཡེ་ཤེས་དང་འཇིག་རྟེན་གྱི་མ་ཚོགས་མཁའ་འགྲོ་རྒྱ་མཚོ་ཆོས་སྐྱོང་དམ་ཅན་རྒྱ་མཚོ་ཐམས་ཅད་ཀྱི་མཐུ་རྩལ་ནུས་སྟོབས་ཐམས་ཅད་མ་ ཐོ།༔ ལ་བསྡུས༔ མ་ལས་འོད་ཟེར་དྲག་ཅིང་ཚ་ལ་རྩུབ་པ་དཔག་ཏུ་མེད་པ་འཕྲོས་པས་དགྲ་བགེགས་གདུག་པ་ཅན་ཐམས་ཅད་ཚར་བཅད་རྡུལ་དུ་བརླག༔ དེ་དག་གི ཚེ་བསོད་བཀྲག་མདངས་ནུས་སྟོབས་ཐམས་ཅད་བསྡུས་ཏེ་མ་ལ་བསྟིམ༔ ཕྱོགས་བཅུའི་རྒྱལ་དང་རྒྱལ་སྲས་དུ་མར་སྣང་ཞིང་སྟོན་པ་ཐམས་ཅད་ཡེ་ཤེས་ཀློང་དུ་རོ་གཅིག་ཏུ་འདུས་ལ་སོ་སོར་མི་གཞན་པར་ཡི་གེ་མ་ལ་འདུས་པ་ཡོངས་སུ་གྱུར་པ་ལས༔ ཧཱུྃ་ཧཱུྃ་ཧཱུྃ༔ སྔགས་སྲུང་གཙོ་མོ་ཨེ་ཀ་ཛ་ཊཱི་མ༔ སྨུག་ནག་ཞལ་གཅིག་ཕྱག་གཉིས་འོད་ཟེར་འབར༔ སྤྱན་གཅིག འཁོར་འདས་མ་ལུས་ས་ལེར་གཟིགས༔ ཚེམས་གཅིག་བསྟན་པའི་རཱུ་དྲའི་ཤ་རུས་གསོལ༔ དམར་སེར་སྣུམ་ལྕགས་རལ་གཅིག་གྱེན་དུ་འཁྱིལ༔ ཕྱག་གཡས་ཞིང་དབྱུག་གཡོན་པས དགྲ་སྙིང་གསོལ༔ སྡིགས་མཛུབ་རྩེ་ནས་ལྩགས་སྤྱང་ལྕགས་ཕུར་འགྱེད༔ ཞབས་གཅིག་རྒྱལ་བསེན་དམ་སྲིའི་སྙིང་ཀར་བརྫིས༔ སྤྲིན་དཀར་ཀློང་ན་འགྱིང་བའི་སྟབས་སུ་བཞུགས༔ དྲག་པོ་ཕུར་སྐྱོང་རྒྱ་མཚོ་ལས་ལ་འགྱེད༔ སྣང་སྲིད་འཁོར་འདས་བཀོད་པ་སྐུ་ལ་རྫོགས༔ ཁྱབ་བདག་གཞོམ་མེད་ཉག་གཅིག་ཐིག་ལེའི་སྐུ༔ ཁམས་གསུམ་དབང་སྡུད་སྲིད་གསུམ་ཟིལ གནོན་ཅིང་༔ སྒྲུབ་མཆོག་བདག་ལ་མ་ལྟར་དགྱེས་དགོངས་བསམ༔ ཤར་ཕྱོགས་དཀར་གསལ་ཟླུམ་འཁྱིལ་འོད་ཀློང་དུ༔ ཞི་བའི་ལས་མཛད་ཙ་ཏི་དཀར་མོ་ནི༔ ཕྱག་གཉིས་ལྕགས་ཀྱུ དངུལ་དཀར་ཕུར་པ་འདྲིལ༔ ལྷོ་ཕྱོགས་སེར་གསལ་གྲུ་བཞིའི་དཀྱིལ་འཁོར་དུ༔ རྒྱས་པའི་ལས་མཛད་ཙ་ཏི་སེར་མོ་ནི༔ ཕྱག་གཉིས་གསེར་ཞགས་གསེར་གྱི་ཕུར་པ་འདྲིལ༔ ནུབ་ཕྱོགས་དམར་ནག་ཟླ་གམ་གདེངས་པའི་དབུས༔ དབང་གི་ལས་མཛད་ཙ་ཏི་དམར་མོ་ནི༔ ཕྱག་གཉིས་ལྕགས་སྒྲོག་ཟངས་ཀྱི་ཕུརཔ་འདྲིལ༔ བྱང་ཕྱོགས་ལྗང་ནག་གྲུ་གསུམ་འབར་བའི་དབུས༔ དྲག་པོའི་ལས་མཛད་ཙ་ཏི་ནག་མོ་ནི༔ ཕྱག་གཉིས་དྲིལ་བུ་གནམ་ལྕགས་ཕུར་པ་འདྲིལ༔ ཀུན་ཀྱང་རཱུ་དྲའི་སྙིང་གར་གར་སྟབས་མཛད༔ རལ་པ་འབྲུ་གཅིག་སྲིད་གསུམ་རྩེ་རུ་འཁྱིལ༔ ཟར་བུ་ཐུར་འཕྱང་ཁམས་གསུམ་ཁྱབ་པར་བརྡལ༔ སྤྱན་གཅིག་ཉི་མ་འབུམ་བརྡལ་འོད་ལས་ལྷག༔ ཚེམས་གཅིག་ཟླ་སྟོང་ལས་ལྷག་འོད་ཟེར་འབར༔ ནུ་གཅིག་རབ་རྒྱས དངོས་གྲུབ་ཆར་རྒྱུན་འབེབས༔ སྐུ་སྟོད་གཡང་གཞི་སྐུ་སྨད་སྤྲིན་གྱིས་གཡོགས༔ བ་སྤུའི་གསེབ་ནས་ཕུར་པའི་ཚྭ་ཚྭ་འཕྲོ༔ སྤྲུལ་པ་ལྕགས་སྤྱང་ཁྲ་ཐབས་ལས་ལ་འགྱེད༔ ཡེ་ཤེས་མེ ཐ།༔ དཔུང་འབར་བའི་ཀློང་དུ་གསལ༔ འཁོར་འདས་ཡོངས་ཀྱི་དབང་ཕྱུག་ཆེན་མོར་བསྐྱེད༔ སྣང་བ་གནས་སུ་དག་པ་མཚོན་ཕྱིར་གཞལ་ཡས་ཁང་གི་བཀོད་པ༔ མ་ཆགས་པདྨ་དང་སྐྱོན་བྲལ་ཉི་ཟླའི་གདན༔ དེ་སྟེང་མི་སྲུན་ཟིལ་གྱིས་གནོན་པ་མཚོན་ཕྱིར་རོ་གདན༔ དེ་སྟེང་རིག་སྟོང་ཉིས་སུ་མེད་པ་ཀ་དག་འོད་གསལ་གྱི་ངོ་བོ་གཙོ་མོ་སྨུག་ནག་འོད་འཕྲོ༔ སྒྱུ་འཕྲུལ་ཞེ་སྡང་འཇོམས་མཛད་མེ་ལོང་ཡེ་ཤེས་རྡོ་རྗེ་དཀར་མོ༔ ང་རྒྱལ་འདུལ་བའི་གཉེན་པོར་མཉམ་ཉིད་ཡེ་ཤེས་རིན་ཆེན་སེར་མོ༔ འདོད་ཆགས་འདུལ་བའི་གཉེན་པོར་སོར་རྟོག་ཡེ་ཤེས་པདྨ་དམར་མོ༔ ཕྲག་དོག་འདུལ་བའི་གཉེན་པོར་བྱ་གྲུབ་ཡེ་ཤེས་ཀརྨ་མཐིང་ནག༔ འཁོར་འདས་གཉིས་མེད་ཀ་དག ལྷུན་གྲུབ་ཏུ་རྫོགས་པའི་རལ་པ་འབྲུ་གཅིག༔ ཉག་གཅིག་ཐིག་ལེའི་ཞལ་གཅིག༔ ཆོས་སྐུ་སྐྱེ་བ་མེད་པའི་སྤྱན་གཅིག༔ ཐབས་ཤེས་གཉིས་སུ་མེད་པའི་ཕྱག་གཉིས༔ འགྲོ་བ་ཡོངས་ལ་གདུང་ཞིང་བརྩེ་བའི་མ་གཅིག་པུ་སྟེ་ནུ་མ་གཅིག༔ འཁོར་འདས་སྐུ་ཡིས་ཁྱབ་པའི་ཁྱབ་བདག་ཆེན་པོ་གཅིག་པའི་ཕྱིར་ཞབས་གཅིག༔ བདེ་ཆེན་ཡེ་ཤེས་འདུ་འབྲལ་མེད་པའི་མཚོན་ཕྱིར་སྤྲིན་དཀར་གྱི་ན་བཟའ་གསོལ་བ༔ འཁོར་འདས་གནས་ཡུལ་དུར་ཁྲོད་ཀུན་གྱི་བདག་མོ་ཉིད་ལས་མི་གཞན་ཅིང་ཕྱོགས་ལས་རྣམ་པར་རྒྱལ་བ་རེ་དོགས་མཚན་མ་བྲལ་བ་དེ་དང་དེའི་མཚོན་བྱེད་ཞིང་ཆེན་གཡང་གཞི་དང་རུས་རྒྱན་ནོ༔ ལྷུན་གྲུབ་ཀྱི་དུས་གོང་གཉིས་བསྙེན་སྒྲུབ་བསྐང་མཆོད་ལ་བརྩོན་པར་བྱའོ༔ གཡས་སུ་མ་ལས་རང་བྱུང་རྒྱལ་མོ་ནི༔ མཐིང་ ནག་རབ་འཇིགས་བོང་དམར་གྭ་པ་ཆིབས༔ ཕྱག་གཉིས་གནམ་ལྕགས་རལ་གྲི་ཐོད་ཁྲག་བསྣམས༔ སྲིན་གྱི་ཐོད་སྒ་སྦྲུལ་གྱི་གོང་སྨེད་ཅན༔ སྔ་ཤད་བདུད་ཀྱི་ཁྲམ་བམ་མཚོན་གྲུ་གུ༔ ཕྱི་ཤད་གཡས་གཡོན་ཤྭ་རྡེའུ་ནད་རྐྱལ་བཀལ༔ དུར་ཁྲོད་ཆས་དང་འཇིགས་པའི་རྒྱན་རྣམས་རྫོགས༔ བཀའ་གཏེར་ཡོངས་ཀྱི་སྲུང་མ་ཀུན་བཟང་སྲིད་པའི་རྒྱལ་མོ་འདི་གཤིན་རྗེའི་དབང་མོ་འཁྲུགས་རྩོད་དང་བསྟན་དགྲ་འདུལ་བའི་གཉེན་པོར་བསྔགས་པ་སྟེ་ཁྱད་པར་དུ་བཀའ་འདིའི་སྲུང་མར་བསྔགས་པ་ཡིན་པས་ཞིང་བཅུའི་དཔུང་འཇོམ་མོ༔ གརྩ་བྷྱབྷྲཱཿ གཡོན་དུ་བྷྱོཿ ལས་ཤ་ཟ་ངན་ནེ་མ༔ སེར་ནག་ཕྱག་གཡས་ནོར་བུ་གཡོན་གཏེར་བུམ༔ ནད་རྐྱལ་མཆན་བཅུག་ཞབས་གཉིས་གར་སྟབས་འགྱིང་༔ སྤྱན་བསྒྲད་ཞལ་འཛུམ་སྐྲ་དམར་གྱེན་དུ་བརྫེས༔ སྤྲུལ་པ་ལས་བཞིའི་མཁའ་འགྲོ་ཕོ་ཉར་འགྱེད༔ རོ་ལང་གཅན་སྤྱང་ཚྭ་ཚྭ་སྐར་ལྟར་འཁྲིགས༔ གནས་ཡུལ་དུར་ཁྲོད་ཀུན་གྱི་དབང་མོར་བསྐྱེད༔ ནང་གི་གཉེར་འཛིན་གཏེར་གྱི་བདག་མོ་གནས་ཡུལ་དུར་ཁྲོད་མཁའ་འགྲོ་ཐམས་ཅད་ཀྱི་སྤྲུལ་གཞི་ཀ་དག་ཀུན་ཏུ་བཟང་མོའི་ཕྲིན་ལས་ཀྱི་གར་མཁན་མོ་འདི་ནི་དབུལ་འཕོང་འཇོམས་མཛད་གནོད་སྦྱིན་གྱི་དབང་མོའོ༔ སྨྱཐ།བབྲབྡཿ༔ ཤར་དུ་འབར་མ་ཆེན་མོ་སྤྱང་ཞོན་མ༔ དཀར་གསལ་ཕྱག་གཉིས་གྲི་ཁུག་ཐོད་ཁྲག་ ཐོ།༔ བསྣམས༔ ཞལ་གདངས་སྤྱན་བསྒྲད་ཁྲོ་གཉེར་རབ་ཏུ་འཁྲུགས༔ དབུ་སྐྲ་དམར་སེར་སྲིད་པའི་རྩེ་རུ་འཁྱིལ༔ གཟིག་ཤམ་རུས་རྒྱན་མི་མགོའི་ཕྲེང་བ་གསོལ༔ དྲི་ཟ་ཟིལ་གནོན་ཆུ་ཁམས་དབང་མོར་བསྐྱེད༔ ལྷོ་རུ་དུར་ཁྲོད་བདག་མོ་དཔལ་ཕྲེང་མ༔ སེར་གསལ་ཕྱག་གཉིས་ཞགས་པ་ཐོད་ཁྲག་བསྣམས༔ ཞལ་གདངས་ལྗགས་འདྲིལ རྣོ་དཀར་མཆེ་བ་གཙིགས༔ སྤྱན་གསུམ་དམར་ཟླུམ་སྡང་མིག་ཕྱོགས་བཅུར་གཡོ༔ ཁྲོ་གཉེར་སྡུད་ཅིང་རལ་པ་དམར་སེར་འཁྱིལ༔ གཟིག་ཤམ་རུས་རྒྱན་མི་མགོའི་ཕྲེང་བ་གསོལ༔ རོ་ལང་སྟེང་དུ་རྔམས་པའི་སྟབས་ཀྱིས་བཞུགས༔ གཤིན་རྗེའི་ཟིལ་གནོན་ས་ཁམས་དབང་མོ་བསྐྱེད༔ ནུབ་ཏུ་སྲིན་མོ་ཁ་རིག་གཟི་འབར་མ༔ དམར་གསལ་ཕྱག་གཉིས་ལྕགས་སྒྲོག ཐོད་ཁྲག་བསྣམས༔ ཁྲོ་གཏུམ་རྔམས་བརྗིད་དུར་ཁྲོད་ཆས་རྫོགས་ཤིང་༔ སྤྲེལ་དམར་སྟེང་དུ་དྲག་པོའི་ཧ་ཧ་རྒོད༔ མེ་ལྷ་ཟིལ་གནོན་མེ་ཁམས་དབང་མོ་བསྐྱེད༔ བྱང་དུ་འཇིགས་བྱེད་རྡོ་རྗེ་གློག་ཞོན་མ༔ ལྗང་གསལ་ཕྱག་གཉིས་དྲིལ་བུ་ཐོད་ཁྲག་བསྣམས༔ ཁྲོ་མོའི་ཆས་རྫོགས་སྤྱན་བསྒྲད་མཆེ་བ་གཙིགས༔ གར་དགུའི་ཉམས་ཀྱིས་དགྲ་བགེགས་འདུལ་བར་བྱེད༔ རླུང་ལྷ་ཟིལ་གནོན་རླུང་ཁམས་དབང་མོ་བསྐྱེད༔ ཤར་ལྷོར་རྡོ་རྗེ་ལྷ་མོ་ཚེ་རིང་མ༔ དཀརགསལ་ཞི་འཛུམ་རྨ་བྱའི་ཐུལ་པ་གསོལ༔ ཕྱག་གཉིས་མདའ་དར་རིན་ཆེན་ནོར་བུ་བསྣམས༔ རཏྣའི་ཆས་རྫོགས་བཞེངས་པའི་སྟབས་ཀྱིས་བཞུགས༔ ལྷོ་ནུབ་ཤ་ཟ་ཌཱ་ཀི་ཁ་མོ་ཆེ༔ དམར་གསལ་ཁྲོ་གཏུམ་དུར་ཁྲོད་ཆས་རྫོགས་ཤིང་༔ ཕྱག་གཉིས་རལ་གྲི་བྷནྡྲ་ཁྲག་བཀང བསྣམས༔ ཞབས་གཉིས་པད་ཉི་རོ་ཡི་གདན་ལ་བརྫིས༔ ནུབ་བྱང་རྡོ་རྗེ་གཡུ་སྒྲོན་སྐུ་མདོག་སྔོ༔ ཕྱག་གཉིས་མདའ་དར་ནོར་བུ་དབང་རྒྱལ་བསྣམས༔ ཞི་འཛུམ་དར་གོས་རིན་ཆེན་རྒྱན་ཆས་སྤྲས༔ པདྨ་ཉི་མའི་གདན་ལ་གར་སྟབས་བཞུགས༔ བྱང་ཤར་མ་ཅིག་དཔལ་ལྷ་སྐུ་མདོག་ལྗང་༔ ཞི་འཛུམ་དར་དང་རིན་ཆེན་རྒྱན་གྱིས་སྤྲས༔ ཕྱག་གཉིས་ནོར་བུ་བསམ་འཕེལ་གཏེར་བུམ་བསྣམས༔ པད་ཉིའི་གདན་ལ་བཞེངས་པའི་སྟབས་ཀྱིས་བཞུགས༔ དེ་དག་ནི་གཙོ་མོ་གསུམ་གྱི་སྒྱུ་འཕྲུལ་གར་མཁན་རྣལ་འབྱོར་པ་ལ་འདོད་རྒུའི་དངོས་གྲུབ་སྟེར་ཞིང་དམ་ཉམས་རྣམས་ཀྱི་སྲོག་གི་གཤེད་མར་བསྔགས་ཤིང་ལེགས་ཉེས་གཉིས་ཀྱི་སྟངས་འཛིན་ཅིང་དམ་ཚིག་གི་རྗེས་གཅོད་པའི་སྲིད་པ་གསུམ་གྱི་དབང་མོའོ༔ རྣ་བ།སྒོ་ཟླ་མན། ཕྱི་རིམ་གནམ་ལྕགས་འཁོར་ལོ་གདེངས་པའི་ཁར༔ པདྨ་ཉི་མ་རོ་ཡི་ ཐོ།༔ གདན་སྟེང་དུ༔ ཤྭ་ན་ཆེན་མོ་དུང་གི་སྤྱང་མོ་ཞོན༔ གོས་སུ་མི་ལྤགས་གཡང་གཞི་རློན་པ་གསོལ༔ ཤིན་ཏུ་མི་བཟད་འཇིགས་པའི་ཆ་ལུགས་ཅན༔ རལ་པ་ཁམ་ནག་སྲིད་པའི་རྩེ་རུ་འཁྱིལ༔ ཕྱག་གཉིས་ཤེལ་གྲི་ཤེལ་གྱི་ཕུར་པ་བསྣམས༔ སྲི་ཀ་མུ་ཁ་གསེར་འཕར་ལྕེ་བརྒྱད་ཞོན༔ ཕྱག་གཉིས་ཆུ་སྲིན་རྒྱལ་མཚན་ཕུར་པ་བསྣམས༔ གོས་སུ་མི་ལྤགས་གཡང་གཞི་ལྷུབ་ཆེན་གསོལ༔ ཞལ་གདངས་ལྗགས་འདྲིལ་རྣོ་དཀར་མཆེ་བ་གཙིགས༔ སྤྱན་བསྒྲད་རལ་པ་ཁམ་ནག་ས་ལ་སླེབ༔ ཤིན་ཏུ་མི་སྲུན་འཇིགས་པའི་ཆ་ལུགས་ཅན༔ སྲི་ལ་མུ་ཁ་ཟངས་ཀྱི་ཝ་མོ་ཞོན༔ ཕྱག་གཉིས་ཐོད་ཁྲག་གནམ་ལྕགས་ཕུར་པ་བསྣམས༔ ཞལ་གདངས་སྤྱན་བསྒྲད་རྣོ་དབལ་མཆེ་བ་གཙིགས༔ རལ་པ་དམར་སེར་སྲིད་པའི་རྩེ་རུ་འཁྱིལ༔ ཧཱུྃ་ཕཊ་སྒྲ་ཡིས་སྲིད་གསུམ་འདར་ཞིང་འགེམས༔ གཟིག་ཤམ་རུས་རྒྱན་མི་མགོའི་ཕྲེང་བ་གསོལ༔ ཀུ་ཀུ་མུ་ཁ་ལྩགས་ཀྱི་ཁྱི་མོ་ཞོན༔ ཕྱག་གཉིས་རལ་གྲི་གནམ་ལྕགས་ཕུར་པ་འདྲིལ༔ ཁྲོ་གཏུམ་རྔམས་བརྗིད་རབ་འཇིགས་བལྟར་མི་བཟོད༔ ཁྲོ་མོའི་ཆས་རྫོགས་འཁོར་འདས་དབང་མོར་བསྐྱེད༔ རེ་ཏཱི་ཆེན་མོ་བོང་བུ་གྭ་པ་བཅིབས༔ ཕྱག་གཉིས་ ཐོད་དབྱུག་གནམ་ལྕགས་ཕུར་པ་བསྣམས༔ ཞལ་གདངས་ལྗགས་འདྲིལ་སྤྱན་བསྒྲད་མཆེ་བ་གཙིགས༔ ཐོད་སྐམ་དབུ་རྒྱན་རལ་པ་དམར་སེར་འཁྱིལ༔ སྟག་ཤམ་རུས་རྒྱན་མི་ལྤགས གཡང་གཞི་གསོལ༔ རེ་ཛ་ཆེན་མོ་དྲེའུ་ལ་བཅིབས་ཤིང་༔ ཕྱག་གཉིས་ཁྲམ་ཤིང་གནམ་ལྕགས་ཕུར་པ་འདྲིལ༔ ཁྲོ་གཏུམ་རྔམས་བརྗིད་རབ་འཇིགས་བལྟར་མི་བཟོད༔ སྟག་ཤམ་སྦྲུལ་གྱི་གདུ་བུ་དར་དཔྱངས་གསོལ༔ རལ་པ་ཁམ་ནག་སྐུ་ཡི་རྒྱབ་ཏུ་བསྙིལ༔ རེ་ཏཱི་ཆེན་མོ་གློག་ཞགས་ལ་བཅིབས་ཤིང་༔ ཕྱག་གཉིས་ནད་རྐྱལ་གནམ་ལྕགས་ཕུར་པ་བསྣམས༔ ཞལ་གདངས་སྤྱན་བསྒྲད་རྣོ་དབལ་མཆེ་བ་གཙིགས༔ རལ་པའི་རྩེ་ནས་ཕུར་བུའི་ཚྭ་ཚྭ་འཕྲོ༔ སྟག་ཤམ་མི་ལྤགས་གཡང་གཞི་རློན་པ་གསོལ༔ རེ་ཛུ་ཆེན་མོ་སྲིད་པའི་མ་ཧེ་ཞོན༔ ཕྱག་གཉིས་སྤུ་གྲི་གནམ་ལྕགས་ཕུར་པ་བསྣམས༔ ཧཱུྃ་ཕཊ་སྒྲ་ཡིས་སྲིད་གསུམ་དངངས་ཤིང་འདར༔ ཤིན་ཏུ་མི་བཟད་ཁྲོ་མོའི་ཆ་ལུགས་ཅན༔ ལུས་ལ་དར་གྱི་ལའུ་ལྗང་ཁྲ་གསོལ༔ རྡོ་རྗེ་ཡ་བྱིན་ཆུ་སྲིན་ཁམ་པ་ཞོན༔ ཕྱག་གཉིས་ཐོག་མདའ་གནམ་ལྕགས་ཕུར་པ་བསྣམས༔ ཞལ་གདངས་སྤྱན་བསྒྲད་རལ་པ་ཁམ་ནག་བརྫེས༔ རྨ་བྱའི་ཐུལ་པར་དར་གྱི་མཐིང་གོས་ ཝྃ།༔ གསོལ༔ རྡོ་རྗེ་དེ་བྱིན་གཡུ་འབྲུག་ལ་བཅིབས་ཤིང་༔ ཕྱག་གཉིས་ནོར་བུ་གསེར་གྱི་ཕུར་པ་འདྲིལ༔ ཞི་འཛུམ་དར་དང་རིན་ཆེན་རྒྱན་གྱིས་སྤྲས༔ དབུ་སྐྲ་རལ་པའི་ཐོར་གཙུག་པདྨས་བརྒྱན༔ ཟར་བུ་ཐུར་འཕྱང་སྒྲུབ་ལ་དངོས་གྲུབ་སྟེར༔ རྡོ་རྗེ་བསྭེ་བྱིན་ཡུ་མོ་རྐང་གསུམ་ཆིབས༔ ཕྱག་གཉིས་སྦྲུལ་ཞགས་གནམ་ལྕགས་ཕུར་པ་བསྣམས༔ ཤིན་ཏུ་མི་སྲུན་རྒོད་གཤེ་རྔམས་པའི་སྐུ༔ རལ་པ་དམར་སེར་སྲིད་པའི་རྩེ་མོར་བརྫེས༔ ལུས་ལ་དར་གྱི་ལ་འུ་སྔོ་ཁྲ་གསོལ༔ རྡོ་རྗེ་ཕག་བྱིན་ཤ་བ་རྐང་བརྒྱད་ཞོན༔ སྣང་སྲིད ཁམས་ཀུན་སྐད་ཅིག་ཡུད་ཙམ་ཉུལ༔ ཕྱག་གཉིས་གློག་ཞགས་སྤེན་གྱི་ཕུར་པ་བསྣམས༔ ཤིན་ཏུ་མི་བཟད་ཁྲོ་གཏུམ་རྔམས་པའི་སྐུ༔ སྒྲུབ་པ་པོ་ལ་དངོས་གྲུབ་མཆོག་སྟེར་ཞིང་༔ དམ་ཉམས་རྣམས་ཀྱི་སྲོག་གི་གཤེད་མར་བསྒོམ༔ ཕྱོགས་བཞིར་གནམ་ལྕགས་འཁོར་ལོའི་རྩིབས་སྟེངས་སུ༔ ཤར་དུ་དུང་གི་སྐྱེས་བུ་སེང་གེ་བཅིབས༔ ཕྱག་གཉིས་ཤེལ་གྲི་ཤེལ་གྱི་ཕུར་པ་བསྣམས༔ ཞལ་གདངས་ལྗགས་འདྲིལ་སྤྱན་བསྒྲད་མཆེ་བ་གཙིགས༔ དབུ་སྐྲ་ཁམ་ནག་སྲིད་པའི་རྩེ་རུ་འཁྱིལ༔ སྤྱང་དཀར་སློག་པ་ལྷུབ་ཆེན་གོས་སུ་གསོལ༔ མེ་ལྷ་ཟིལ་ གནོན་སྲིད་པའི་བདག་པོར་བསྐྱེད༔ ལྷོ་རུ་བསྭེ་ཡི་སྐྱེས་བུ་སེར་ནག་རྔམས༔ སྟག་མོ་གྲུས་མའི་སྟེང་ན་འགྱིང་སྟབས་བཞུགས༔ ཕྱག་གཉིས་གསེར་ཕུར་བྷནྡྷ་ཁྲག་བཀང་བསྣམས༔ ཤིན་ཏུ་ཁྲོ་གཏུམ་རྔམས་བརྗིད་བལྟར་མི་བཟོད༔ དར་གྱི་ལ་འུ་མཐིང་ཁྲ་མཛེས་པ་དང་༔ རིན་པོ་ཆེ་ཡི་རྒྱན་ཆ་སྣ་ཚོགས་གསོལ༔ སྲིན་པོ་ཟིལ་གནོན་སྒྲུབ་ལ་དངོས་གྲུབ་སྟེར༔ ནུབ་ཏུ་ཏ་ཀི་ཆེན་པོ་སྐུ་མདོག་དམར༔ དོམ་བུ་ཐུགས་དཀར་སྟེང་དུ་བརྗིད་པར་བཞུགས༔ ཕྱག་གཉིས་རླུང་ཞགས་ཟངས་ཀྱི་ཕུར་པ་བསྣམས༔ ཞལ་གདངས་ལྗགས་འདྲིལ་སྤྱན་བསྒྲད་མཆེ་བ་གཙིགས༔ དབུ་སྐྲ་ཁམ་ནག་སྲིད་པའི་རྩེ་རུ་འཁྱིལ༔ སྐུ་ལ་ཟངས་ཁྲབ་མི་མགོའི་ཕྲེང་བ་གསོལ༔ རླུང་ལྷ་ཟིལ་གནོན་སྒྲུབ་ལ་དངོས་གྲུབ་སྟེར༔ བྱང་དུ་ལྕགས་ཀྱི་སྐྱེས་བུ་རྔ་མོང་ཞོན༔ ཕྱག་གཉིས་གནམ་ལྕགས་རྡོ་རྗེ་ཕུར་པ་བསྣམས༔ ཞལ་གདངས་ལྗགས་འདྲིལ་རལ་པ་སྲིད་རྩེར་འབར༔ ལུས་ལ་ལྕགས་ཁྲབ་སྦྲུལ་གྱིས་སྐ་རགས་བཅིངས༔ དབང་ལྡན་ཟིལ་གནོན་སྒྲུབ་མཆོག་བུ་ལྟར་སྐྱོངས༔ དེ་མཐར་དབང་ཕྱུག་ཉི་ཤུ་རྩ་བརྒྱད་དང་༔ འབར་མ་མིང་སྲིང་ཕུར་སྲུང་རྒྱ་མཚོའི་ཚོགས༔ ཉི་རྡུལ་འཁྲིགས་པ་ལྟ་བུར་ལྷམ་མེར་གསལ༔ ཐོ།༔ རང་རང་རྣམས་ཀྱི་སྲོག་གི་ཡི་གེ་ལས༔ འོད་འཕྲོས་དབྱིངས་ནས་སྤྱན་དྲངས་གཉིས་མེད་བསྟིམས༔ དེ་ནས་སྤྱན་འདྲེན་བྱ་བ་ལ༔ སྤོས་སྲེག་དར་གཡབ་རྔ་གླིང་དང་༔ གདུང་བའི་དབྱངས་ཀྱིས་འདི་སྐད་དོ༔ ཧཱུྃ་ཧྲཱིཿ ཆོས་དབྱིངས་བརྡལ་བ་ཨེ་ཡི་དཀྱིལ་འཁོར་ནས༔ ཀུན་ཏུ་བཟང་མོའི་རྣམ་འཕྲུལ་ཨེ་ཀ་ཛཿ དད་པ་དང་ནི་དམ་ཚིག་གཉན་གྱིས་འབོད༔ མ་ཐོགས་སྒྲུབ་པའི་གནས་འདིར་མྱུར་དུ་གཤེགས༔ བསིལ་བ་ཚལ་གྱི་དུར་ཁྲོད་ཆེན་པོ་ནས༔ དཔལ་ལྡན་རང་བྱུང་རྒྱལ་མོ་འཁོར་དང་བཅས༔ དད་པ་དང་ནི་དམ་ཚིགཿ མ་ཐོགས་སྒྲུབ་པའི གནས་དང་ཉེ་ཞིང་དུར་ཁྲོད་ཆེན་པོ་ནས༔ སྔགས་སྲུང་ཤ་ཟ་ཆེན་མོ་ངན་ནེ་མ༔ དད་པ་དང་ནི་དམ་ཚིགཿ མ་ཐོགས་སྒྲུབ་པའི༴ ཤར་ཕྱོགས་ཞི་བ་ལྷུན་གྲུབ་དུར་ཁྲོད་ནས༔ འབར་མ་ཆེན་མོ་སྤྱང་ཞོན་འཁོར་དང་བཅས༔ དད་པ་དང་ནི་དམ་ཚིག༴ མ་ཐོགས་སྒྲུབ་པའི: ལྷོ་ཕྱོགས་རྒྱས་པ་ལྷུན་གྲུབ་དུར་ཁྲོད་ནས༔ དཔལ་ཕྲེང་ལྷ་