Tibetan
ནི་བཏུང་དང་སྣ་སྨན་མཁུར་བཀང་བྱས། །ཁ་ཡི་ནད་ཀུན་འཇོམས་བྱེད་བྱ་རྒོད་ལྟར། །མིག་གསལ་རྣ་བ་ཕག་འདྲར་གསང་བར་བྱེད། །ཅེས་བྱ་བ་ལ། སེང་ལྡེང་སྲང་བརྒྱ་ལ་སོགས་པ་ཇི་སྐད་སྨོས་པ་བཞིན་དུ་བསྐོལ་ལ། ཏིལ་མར་དེ་བཏུང་བ་དང་སྣ་སྨན་ལ་སོགས་པའི་སྦྱོར་བ་བྱས་ན་མིག་ནི་བྱ་རྒོད་ལྟར་གསལ་བར་འགྱུར་ལ། རྣ་བ་ཕག་དང་འདྲ་བར་གསང་བར་འགྱུར་རོ། །ཙ་ཀྲ་མརད་སྐྱེར་བ་སེང་ཕྲོམ་གྱི། །ལྡེ་གུས་གདོང་ལ་བྱུགས་པར་གྱུར་ན་ནི། །ངོ་ཁབས་སྨེ་བ་དྲི་མ་ལ་སོགས་སེལ། །ཟླ་བ་ལྟ་བུའི་མདངས་དང་ལྡན་པར་འགྱུར། །ཞེས་བྱ་བ་ལ། སྔར་བཤད་མ་ཐག་བའི་ཏིལ་མར་གྱིས་བསྐུས་ལ་ཙཀྲ་མརད་ཞེས་ བྱ་བ་པྲ་པུན་ད་དང་སྐྱེར་པ་ལ་སོགས་པའི་ལྡེ་གུས་བསྐུས་ན། ངོ་ཁབས་སེལ་བ་ལ་སོགས་པའི་ཡོན་ཏན་དང་ལྡན་པར་འགྱུར་རོ། །ས་ཧ་ར་ཛ་སྲང་སྟོང་ཆུ་བྲེ་ནི། །བཅུ་དྲུག་ནང་བསྐོལ་བརྒྱད་ཆ་ལུས་པ་རུ། །སེང་ལྡེང་འཛམ་བུ་ཤིང་མངར་ཨེ་རཎྜ། །ཨ་མྲ་ཨ་ཏི་མ་ར་ཨུཏྤལ་སྔོ། །ཞིབ་བཏགས་ཏིལ་མར་བྲེ་གང་ནང་དུ་བསྐོལ། །དེ་ནི་ཁ་ཡི་ནང་དུ་བཅངས་གྱུར་ན། །ཁ་ཡི་ནད་ཀུན་འཇོམས་ཤིང་ཁྱད་པར་དུ། །སོ་ཡི་ཕྲེང་བ་འགུལ་བ་བརྟན་པར་བྱེད། །ཅེས་བྱ་བ་ལ། ས་ཧ་ར་ཛ་ནཱི་ལ་པུཥྤ་སྟེ་མེ་ཏོག་སྔོན་པོ་ཅན་ཡིན་ཏེ། དེ་ལས་སྲང་སྟོང་ཆུ་བྲེ་བཅུ་དྲུག་གི་ནང་དུ་བསྐོལ་ཏེ། དེའི་བརྒྱད་ཆ་ལུས་པའི་ནང་དུ་སེང་ལྡེང་ལ་སོགས་པའི་སྨན་སྲང་རེ་ལྷག་ཙམ་བཅུག་སྟེ། ཏིལ་མར་བྲེ་གང་ལྷན་ཅིག་བསྐོལ་བའི་ཏིལ་མར་དེ་མཁུར་བ་བཀང་ཞིང་ཁའི་ནང་དུ་བཅངས་པར་གྱུར་ན། ཁ་ནད་སེལ་ཅིང་སོ་བརྟན་པར་བྱེད་པའི་ཡོན་ཏན་དང་ལྡན་པ་ཡིན་ནོ། །སེང་ལྡེང་སྙིང་པོ་སྲང་ནི་ཉིས་བརྒྱ་དང༌། །ཨ་རི་མེ་ད་ས་ནི་སྲང་བརྒྱད་དག །ཆུ་བྲེ་དྲུག་ཅུ་བཞི་བསྐོལ་བཞི་ཆ་ལུས། །བཙགས་ཏེ་སླར་ཡང་སྐ་བའི་བར་དུ་བསྐོལ། །དེ་ནང་དབྱི་མོ་རྨ་ཤིང་བ་ལ་ཀ །ཙནྡན་རྣམ་གཉིས་སེང་ཕྲོམ་སྟག་ཚེར་བ། །ཤིང་མངར་རྒྱ་སྐྱེགས་ཨ་ཛ་རི་རྣམ་གཉིས། །ད་ཏ་ཀི་དང་ཀཏྤ་ལའི་འབྲས་བུ། །སེར་པོ་རྣམ་གཉིས་འབྲས་བུ་གསུམ་དང་ནི། །དྲི་སྣ་བཞི་དང་གླ་སྒང་ཨ་ག་རུ། །བཙོད་དང་སྤང་སྤོས་ནྱ་གྲོ་དྷའི་མྱུ་གུ། །ཤུག་པ་བཙོད་དང་ཨེ་ལ་བ་ལུ་ཀ །ཞོ་ནི་གཉིས་གཉིས་བཏབ་སྟེ་བསྒྲངས་པ་རུ། །ཛཱ་ཏི་པ་ཏྲ་ཛཱ་ཏི་ཕ་ལ་དང༌། །ལི་ཤི་ཨ་ཀོ་ལ་དང་ཀ་ཀོ་ལ། །སྲང་རེ་ག་བུར་སྲང་བཞི་བཅུག་པར་བྱ། །དེ་ལས་རི་ལུར་བྱས་ལ་རྟག་ཏུ་ནི། །ཁར་བཞག་ན་ནི་ཁ་ནད་ཐམས་ཅད་སེལ། །ཞེས་བྱ་བ་ལ། སེང་ལྡེང་གི་སྙིང་པོ་སྲང་ཉིས་བརྒྱ་དང༌། ཨ་རི་མེ་ད་ས་ཞེས་བྱ་བ་ཨ་ཏི་ལའི་ཤུན་པ་སྲང་བརྒྱད། ཆུ་བྲེ་དྲུག་ཅུ་རྩ་བཞིའི་ནང་དུ་བསྐོལ་ལ། དེ་ལས་ཆུ་བྲེ་བཅུ་དྲུག་ལུས་པ་དང་བཙགས་ཏེ་སླར་སྐ་བར་གྱུར་གྱི་བར་དུ་བསྐོལ་ལ། དེའི་ནང་དུ་དབྱི་མོ་ལ་སོགས་པ་ཞོ་གཉིས་གཉིས་བཏགས་པའི་ཕྱེ་མ་ཞིབ་མོ་བཅུག་ལ་དེ་གྲངས་པར་གྱུར་པ་དང༌། ཛཱ་ཏི་པ་ཏྲ་ལ་སོགས་བ་སྲང་རེ་རེ་དང༌། ག་བུར་སྲང་བཞི་དེའི་ནང་དུ་བཅུག་ལ། དེའི་འོག་ཏུ་དེ་ལས་རི་ལུར་བྱས་ལ། དུས་རྟག་ཏུ་ཁར་བཞག་ན་ཁའི་ནད་ཐམས་ཅད་སྦྱོང་བར་བྱེད་དོ། ། བསྐོལ་དང་རེང་བུའི་སྨན་ནི་གོ་བཟློག་པ། །བཏགས་པ་འདི་ཡི་ཏིལ་མར་བསྐོལ་བར་བྱ། །ཁ་ནད་ཀུན་སེལ་བར་ནི་དེ་བཤད་དོ། །སོ་བརྟན་བྱེད་པའི་མཆོག་ཀྱང་འདི་ཉིད་ཡིན། །ཞེས་བྱ་བ་ལ། བསྐོལ་བ་དང་རེང་བུར་བྱས་པའི་སྨན་སེང་ལྡེང་གི་སྙིང་པོ་དང༌། ས་ཧ་ཙ་རའི་སྨན་ཚན་གཉིས་གོ་བཟློག་པའི་ཚུལ་འདི་ནས་བཤད་པའི་ཆོ་ག་ལྟར་བྱས་ཏེ། དེས་ན་ཧ་ཙ་ར་སྲང་བརྒྱད་བྱས་ལ། སེང་ལྡེང་སྲང་གཅིག་ཏུ་བྱས་ཏེ། གཞན་ཐམས་ཅད་གོང་མ་བཞིན་སྦྱར་བར་བྱས་ཏེ། ཏིལ་མར་དེས་ནི་ཁ་ནད་ཐམས་ཅད་སེལ་བར་བྱེད་པ་ཡིན་ནོ། །རི་ལུ་འདི་ནི་སེང་ལྡེང་སྦྱར་ཏིལ་མར། །ཨ་རི་མེ་ད་ས་དང་བསྐོལ་བ་དག །ཉིན་རེ་བསྟེན་པར་བྱེད་ན་ནད་མེད་པའང༌། །སོ་ནི་ངེས་པར་བརྟན་པར་བྱེད་པ་ཡིན། །ཞེས་བྱ་བ་ལ། རི་ལུ་འདི་ཉིད་སེང་ལྡེང་དང་བྱས་ལ། དེ་བཞིན་དུ་ཏིལ་མར་དང༌། ཨ་རི་མེ་ད་ས་བསྐོལ་བའི་རི་ལུ་དང༌། ཏིལ་མར་དེ་དག་ཐ་མལ་པར་གནས་པ་དག་གིས་ཀྱང་རྟག་ཏུ་བསྟེན་ན་སོ་བརྟན་པར་འགྱུར་རོ། །རྒུན་འབྲུ་སླེ་ཏྲེས་ཛཱ་ཏིའི་མྱུ་གུ་དང༌། །སྐྱེར་པ་བྱི་ཚེར་འབྲས་བུ་གསུམ་བསྐོལ་བའི། སྦྲང་རྩིར་སྦྱར་བ་འདི་ནི་མཁུར་བར་བཅངས། །ཁ་ཡི་ནད་དུ་གཏོགས་པ་ཐམས་ཅད་སེལ། །ཞེས་བྱ་བ་ལ། རྒུན་འབྲུ་ལ་སོགས་པ་བསྐོལ་བའི་ཁུ་བ་བསྒྲངས་པ་སྦྲང་རྩི་དང་སྦྱར་བ་ཡང་ནད་དེ་ལ་ཕན་ནོ། །སྐྱེར་པ་པ་ཐ་རུ་རྟ་གླ་སྒང་བཙོད། །ཡུང་བ་སེང་ཕྲོམ་ཏེ་ཛོ་བ་ཏི་དང༌། །པུ་ཙེ་ཤེལ་གྱི་ཕྱེ་མ་སྦྲང་རྩིར་སྦྱར། །བསྐུས་ན་རྙིལ་ནད་ཉམ་ཐག་གཡའ་བ་དང༌། །རྣག་དང་འཛག་པའི་ནད་རྣམས་སེལ་བར་བྱེད། །ཅེས་བྱ་བ་ལ། སྐྱེར་པའི་ཤུན་པ་ལ་སོགས་པའི་ཕྱེ་མ་སྦྲང་རྩི་དང་སྦྱར་བ་བསྐུས་ན་ཡང་རྙིལ་གྱི་ནད་ཀྱིས་ཉེན་པ་ལ་སོགས་པ་སེལ་བར་བྱེད་དོ། །ཁྱིམ་གྱི་དུད་པ་པ་ཐ་སྐྱེར་ཁཎྜ། །ཚ་བ་གསུམ་དང་ནས་ཚིག་འཁུས་ཐལ་བ། ཙི་ཏྲ་ཀ་དང་ལྕགས་ཕྱེ་འབྲས་བུ་གསུམ། །ཏེ་ཛོ་བ་ཏི་སྦྲང་རྩིར་སྦྱར་བ་ནི། །ནག་པོ་ཁར་བཅངས་སོ་དང་འགུལ་ནད་སེལ། །ཞེས་བྱ་བ་ལ། ཁྱིམ་གྱི་སྟེང་གི་ངོས་ལ་ཆགས་པའི་དུད་པ་ནག་པོ་དང༌། པ་ཐ་ལ་སོགས་པའི་སྨན་སྦྲང་རྩི་དང་སྦྱར་བའི་ལྡེ་གུ་ནག་པོ་ཞེས་བྱ་བ་ཁར་བཅངས་ན། སོ་འགུལ་བའི་ནད་སེལ་བར་བྱེད་དོ། ། སྐྱེར་པའི་ཤུན་པ་ལྡོང་རོས་རྒྱམ་ཚ་དང༌། །བ་བླ་ནས་ཚིག་འཁུས་པའི་ཐལ་བའི་ཕྱེ། །སྦྲང་རྩི་མར་སྦྱར་ཕྱེ་མ་སེར་པོ་ཅན། །ཁར་བཞག་སོ་དང་མགུལ་པའི་ནད་རྣམས་སེལ། །ཞེས་བྱ་བ་ལ། སྐྱེར་བའི་ཤུན་པ་ལ་སོགས་པའི་ཕྱེ་མ་ནི་སེར་པོ་ཅན་ཞེས་བྱ་སྟེ། དེ་ཁ་དང་སོའི་ནད་ལ་བཅང་བར་བྱའོ། །བ་གཅིན་ཨ་རུ་ར་བསྐོལ་ཐིམ་གྱུར་པར། །ཤུ་ཏི་རུ་རྟ་བ་ལེ་ཀའི་ཕྱེ་ཟོས། །ནང་གི་ཁ་ནད་ཕྲ་མོ་ཡན་ཆད་ནི། །རྒྱལ་པོར་བརྟེན་ན་གནོད་པས་མི་ཚུགས་ཤིང༌། །ནང་དུ་བཞག་ན་ནད་རྣམས་སེལ་བར་བྱེད། །ཅེས་བྱ་བ་ལ། བ་གཅིན་གྱི་ནང་དུ་ཨ་རུ་ར་བསྐོལ་ཏེ། བ་གཅིན་དེ་ཨ་རུ་རའི་ནང་དུ་ཐིམ་པར་གྱུར་པ་དེ་ལྟ་བུའི་ཨ་རུ་ར་དང་ཤུ་ཏི་ལ་སོགས་པའི་ཕྱེ་མ་དང་བཅས་པ་མིས་ཟོས་པར་གྱུར་ན། ཁའི་ནང་གི་ནད་ཕྲ་མོ་རྣམས་ཀྱིས་གནོད་པར་མི་འགྱུར་ཏེ། ཇི་ལྟར་འགྲོ་བ་རྣམས་ཀྱིས་སྐྱོབ་པར་གྱུར་པའི་རྒྱལ་པོ་དམ་པ་ལ་བརྟེན་ན་འཚེ་བའི་ཚོགས་ཀྱིས་མི་ཚུགས་པར་འགྱུར་རོ། །ལོ་མ་བདུན་པ་གླ་སྒང་པུ་ཤེལ་ཙེ། །ཨ་རུ་ར་དང་ཏིག་ཏ་པ་ཏོ་ལ། །ཤིང་མངར་དོང་གྲ་ཙནྡན་པུ་ཤེལ་ཙེ། །བསྐོལ་བ་འཐུངས་ན་ཁ་ཡི་ཤུ་བ་འཇོམས། །ཞེས་བྱ་བ་ལ། ལོ་མ་བདུན་པ་ལ་སོགས་པའི་སྨན་བསྐོལ་བའི་ཁུ་བ་འཐུངས་ན་ཁའི་ནང་གི་ཤུ་བ་དང་རྣགས་པ་སེལ་བར་འགྱུར་རོ། །པ་ཏོ་ལ་དང་བཅའ་སྒ་འབྲས་བུ་གསུམ། །བི་ཤ་ལྱ་དང་ཏིག་ཏ་ཀྱི་ལྕེ་བ། །སླེ་ཏྲེས་བསྐོལ་བ་སྦྲང་རྩིར་བཅས་བླུད་དམ། །ཁར་བཞག་ཁ་ཡི་ནད་ཀུན་མ་ལུས་འཇོམས། །ཞེས་བྱ་བ་ལ། པ་ཏོ་ལ་སོགས་པ་བསྐོལ་བའི་ཁུ་བ་བཙགས་པའི་ནང་དུ་སྦྲང་རྩི་དང་བཅས་བ་བླུད་ཅིང་བཏུང་བའམ། ཁར་བཞག་ཅིང་མཁུར་བ་བཀང་བ་བྱས་ན་ཁའི་ནད་ཐམས་ཅད་སེལ་བར་བྱེད་དོ། །སྐྱེར་བ་བསྐོལ་བའི་ཁུ་བ་ནི། །སྐ་གྱུར་ཡུག་སྣམ་བཙག་དང་བཅས། །སྦྲང་རྩིར་བཅས་པ་ཁ་ནང་བཞག །ཤུ་བ་རྨ་འཁྱིམས་སེལ་བར་བྱེད། །ཅེས་བྱ་བ་ལ། སྐྱེར་པ་བསྐོལ་བའི་ཁུ་བ་སྐ་བར་གྱུར་པ་ཡུག་སྣམ་དང་སྦྲང་རྩི་སྦྱར་བ་ཁར་བཞག་ན་ཤུ་བ་ལ་སོགས་པ་སེལ་བར་བྱེད་དོ། །ནིམ་པ་ཤིང་མངར་པ་ཏོ་ལ། །བ་ཤ་ཀ་དང་ཛཱ་ཏི་དང། །སེང་ལྡེང་ཨ་རི་མེ་དས། །འབྲས་བུ་གསུམ་པོ་རེ་རེ་ལའང༌། །དེ་བཞིན་དུ་ནི་གཏང་བར་བྱ། །ཞེས་བྱ་བ་ལ། ནིམ་པ་ལ་སོགས་པའི་སྨན་རེ་རེ་ཞིང་བཤད་མ་ཐག་པའི་ཁུ་བའི་ཆོ་ག་དང་འདྲ་བར་བཏང་ན་ཡང་ཡོན་ཏན་དེ་དང་འདྲའོ། །སེང་ལྡེང་ལྕགས་ཕྱེ་འབྲས་བུ་གསུམ། །མ་ད་ཡན་ཏི་ཨརྫུ་ན། །ཨ་ཏི་མ་ར་བསྐོལ་ བ་ནི། །མཁུར་བཅངས་ཁ་ནད་སོ་ནད་སེལ། །ཞེས་བྱ་བ་ལ། སེང་ལྡེང་ལ་སོགས་པའི་སྨན་ཆུ་དང་བསྐོལ་བ་མཁུར་བར་བཅངས་ན་ཡང་ཁ་ནད་དང་སོའི་ནད་རྣམས་སེལ་བར་བྱེད་དོ། །ཁ་དང་སོ་རྩ་མགུལ་ནད་ཕལ་ཆེར་ནི། །བད་ཀན་ཁྲག་ལས་མང་དུ་འབྱུང་བ་ཡིན། །དེ་བས་ནད་དེ་བསལ་བར་བྱ་བའི་ཕྱིར། །ནད་ཁྲག་ལན་མང་དུ་ནི་དབྱུང་བར་བྱ། །མགོ་དང་ལུས་ཀྱི་སྐྱུག་སྨན་བཀྲུ་སྨན་དང༌། །ཁ་དང་ཚ་དང་མཁུར་བཀང་བཅང་བར་བྱ། །ཞེས་བྱ་བ་ལ། ཁའི་ནད་དང༌། སོ་རྩའི་ནད་དང༌། མགུལ་པའི་ནད་ཕལ་མོ་ཆེ་ནི་བད་ཀན་དང་ཁྲག་ལས་མང་དུ་འབྱུང་བར་འགྱུར་བ་ཡིན་པས། དེའི་ཕྱིར་ནད་དེ་རྣམས་ལ་ནད་ཁྲག་ཡང་དང་ཡང་དུ་དབྱུང་བར་བྱ་བ་དང༌། དེ་བཞིན་དུ་མགོ་བོ་དང་ལུས་ཀྱི་བཀྲུ་སྨན་གཏང་བར་བྱ་བ་དང༌། དེ་བཞིན་དུ་སྐྱུག་སྨན་དང་བཀྲུ་སྨན་ཁ་བ་དང༌། ཚ་བ་ས་མཁུར་བ་བཀང་བར་བྱ་བ་ཡིན་ནོ། །དེ་བཞིན་བད་ཀན་ཁྲག་ནི་སེལ་བ་ཡི། །གསོ་བའི་ནད་ནི་ཕལ་ཆེར་བསྔགས་པ་ཡིན། །ཞེས་བྱ་བ་ལ། ཡང་ན་བཤད་མ་ཐག་པའི་ནད་དེ་དག་ལ་བད་ཀན་དང་ཁྲག་སེལ་བའི་གསོ་བདག་བྱས་ན་མང་དུ་ཕན་པ་ཡིན་ནོ། །ནས་དང་རྩ་འབྲུ་ཕུབ་མ་མེད་བྱས་ལ། །ཐལ་སྨན་ནང་དུ་སྦངས་ཤིང་སྣུམ་མེད་བཟའ། །ཁུ་བ་བསྟེན་པ་ལ་སོགས་གང་གཞན་ནི། །བད་ཀན་སེལ་བར་བྱེད་པ་ཕན་པ་ཡིན། །ཞེས་བྱ་བ་ལ། ནས་དང་རྩ་འབྲུ་ཙི་ཙེ་ལ་སོགས་པ་ཕུབ་མ་མེད་པར་དྲུས་པ་ཐལ་སྨན་གྱི་ནང་དུ་སྦངས་ནས་སྣུམ་མེད་པའི་བཟའ་བ་དང༌། དེ་དག་གི་ཁུ་བ་ལ་སོགས་པ་བསྟེན་པ་དང༌། །གཞན་ཡང་བད་ཀན་སེལ་བར་བྱེད་པའི་ཁ་ཟས་དག་ཀྱང་ཕན་པ་ཡིན་ནོ། །སྲོག་ནི་རླུང་གི་ལམ་ལ་གནས་པས་ན། །བག་མེད་པ་ཡིས་འགག་པར་འགྱུར་བ་ཡིན། །དེ་བས་ལྐོག་མའི་ནད་ཀྱི་གསོ་བ་ནི། །ཤིན་ཏུ་མྱུར་བར་བྱ་བ་ཁོ་ན་ཡིན། །ཞེས་བྱ་བ་ལ། སྲོག་ཅེས་བྱ་བའི་རླུང་ནི་ལྐོག་མའི་ལམ་ལ་གནས་ཤིང༌། དེ་ལས་རྒྱུ་བས་ན་བག་མེད་པར་གྱུར་པའི་མི་དབུགས་རྒྱུ་བཞིན་དུ་ཡང་ནད་དེས་འགག་པར་བྱེད་པས་ན། དེ་བས་ན་དེ་རྣམས་ཀྱི་ནང་ནས་ལྐོག་མའི་ནད་ཀྱི་གསོ་བ་ནི་ཤིན་ཏུ་རིངས་པ་ཁོ་ནར་གསོ་བ་ཡིན་ནོ། །ཡན་ལག་བརྒྱད་པའི་སྙིང་པོའི་རྣམ་པར་འགྲེལ་པ་ཚིག་གི་དོན་གྱི་ཟླ་ཟེར་ཞེས་བྱ་བ་སློབ་དཔོན་ཟླ་བ་ལ་དགའ་བས་ངེས་པར་སྦྱར་བ་ལས། ཕྱི་མའི་གནས་ཀྱི་ལེའུ་ཉི་ཤུ་རྩ་གཉིས་པའི་རྣམ་པར་འགྲེལ་པའོ།། །། དེ་ནས་མགོ་བོའི་ནད་ཀྱི་དམིགས་ཤེས་པར་བྱ་བ་བཤད་པར་བྱའོ་ཞེས་བྱ་བ་ལ། གོ་རིམས་ཀྱིས་ན་ལེའུ་འདི་ཉིད་བརྩམས་པ་ཡིན་ནོ། །དུ་བ་ཉི་ཚན་ཁ་བ་དང༌། །ཆུ་དང་རྩེ་དང་གཉིད་དྲགས་དང༌། །གཉིད་ཡར་རྡུལ་དང་མདུན་གྱི་རྡུལ། །མཆི་མ་བཀག་དང་དུས་དྲགས་དང༌། །ཆུ་འཐུངས་ཆང་འཐུངས་དྲགས་པ་དང༌། །སྲིན་བུས་ཤུགས་ནི་བཀག་པ་དང༌། །སྔས་དང་བསྐུ་བྱུགས་དྲིལ་ཕྱིས་ལ། །མི་དགའ་རྒྱུན་དུ་ཐུར་དུ་བལྟ། །མ་གོམས་དྲི་དང་ཟས་གནོད་ཟོས། །མང་དུ་སྨྲས་པས་མགོ་བོ་ཡི། །ནང་དུ་ནད་ནི་སྐྱེད་པར་བྱེད། །ཅེས་བྱ་བ་ལ། དུ་བ་དང་ཉི་ཚན་ལ་སོགས་པ་བསྟེན་པའི་རྒྱུ་དང༌། སྲིན་བུའི་ཤུགས་འབྱུང་བ་བཀག་པ་དང༌། སྔས་ལ་སོགས་པ་ལ་མི་དགའ་བ་དང༌། རྒྱུན་དུ་ཐུར་དུ་བལྟ་བ་དང༌། སྔར་མ་གོམས་པའི་དྲི་སྣོམས་པ་དང༌། ཁ་ཟས་གནོད་པ་ཟོས་པ་དང༌། མང་དུ་སྨྲས་པས་ནད་ལངས་པར་གྱུར་ཏེ། མགོ་བོར་ཞུགས་ནས་མགོ་བོའི་ནད་དུ་གཏོགས་པ་རྣམས་སྐྱེད་ཅིང་འབྱུང་བར་བྱེད་དོ། །དེ་ལ་རླུང་ནི་འཁྲུགས་པ་ལས། །མུར་འགྲམ་གཉིས་སུ་ཤིན་ཏུ་ཟུག །འགྲམ་སོ་ཕུག་པ་སྙམ་དུ་སེམས། །སྨིན་མའི་མཚམས་དང་དཔྲལ་བ་ནི། །ལྟུང་བ་སྙམ་སེམས་རབ་ཏུ་ན། །རྣ་བར་སྒྲ་ཡིས་གནོད་པར་བྱེད། །མིག་ནི་ཕྱུང་བ་སྙམ་དུ་སེམས། །མགོ་བོ་འཁོར་བ་ལྟ་བུར་སེམས། །ཚིགས་རྣམས་བྱེ་བ་སྙམ་དུ་བྱེད། །རྩ་ཡི་དྲ་བ་ཤིན་ཏུ་འཕར། །མཇིང་པ་འགྲམ་པ་འབྱར་སྙམ་བྱེད། །གསལ་བ་མཐོང་བར་མི་བཟོད་ཅིང༌། །སྣ་ཆུ་འཛག་ཅིང་གློ་བུར་དུ། །ན་བ་དང་ནི་ནད་གཞི་བྱེད། །མཉེ་ཞིང་སྣུམ་བསྐུས་དུགས་བྱས་དང༌། །བཅིངས་པས་བདེ་བར་འགྱུར་བ་ཡིན། །མགོ་བོ་ཚ་བའི་ནད་ཅེས་བྱ། །ཞེས་བྱ་བ་ལ། མགོ་བོའི་ནད་དེ་དག་གི་ནང་ནས། རླུང་ལས་གྱུར་པའི་མགོ་བོའི་ནད་ཀྱི་མཚན་མ་ནི་མུར་འགྲམ་གཉིས་ཤིན་ཏུ་ན་ཞིང་ཟུག་པ་ལ་སོགས་པ་འབྱུང་བ་དང༌། རྣ་བ་གཉིས་སུ་སྒྲ་འུར་འུར་པོ་གྲག་པ་ལས་གནོད་པར་བྱེད་ཅིང་ན་བ་དང༌། མིག་ཕྱིར་ཕྱུང་བ་སྙམ་དུ་སེམས་པ་དང༌། མགོ་བོ་ཐམས་ཅད་བསྐོར་བ་ལྟར་སེམས་པ་དང༌། དེ་བཞིན་དུ་རུས་པའི་ཚིགས་རྣམས་བྱེ་བ་སྙམ་དུ་བྱེད་པ་ལ་སོགས་པ་དང༌། སྣང་བའི་ཕྱོགས་ལ་སོགས་པ་གསལ་བ་ མཐོང་བར་མི་བཟོད་པ་ལ་སོགས་པ་དང༌། མཉེ་བ་དང༌། སྣུམ་བསྐུ་བ་ལ་སོགས་པས་ནད་རྩེ་ཞིལ་ཞིང་བདེ་བར་འགྱུར་བ་ཡིན་ཏེ། ནད་འདི་ནི་མགོ་བོ་ཚ་བའི་ནད་ཅེས་བྱའོ། །གླད་པའི་གཞོ
Chinese
是饮用和鼻药充满两颊。 口中的一切疾病都能像鹫一样摧毁。 使眼睛明亮，耳朵像猪一样隐蔽。 就像所说的，将旃檀等一百两煮沸。 将那芝麻油饮用并制成鼻药等合剂，眼睛就会像鹫一样明亮，耳朵会像猪一样隐蔽。 刺果、杞李和辛夷的 药膏涂在脸上， 就能消除面皰、痣和污垢等。 会拥有如月亮般的光泽。 就像所说的，用之前刚说的芝麻油涂抹，再用刺果等药膏涂抹， 就能拥有消除面皰等功德。 娑诃罗惹一千两，水十六钵， 在其中煮沸，剩下八分之一时， 加入旃檀等药材各一两多， 再加入一钵芝麻油一起煮沸。 将那芝麻油充满两颊含在口中， 就能消除口中疾病，尤其能稳固摇动的牙齿。 就像所说的，娑诃罗惹即 नीलापुष्प (nīlapuṣpa，梵文天城体，nīla puṣpa，蓝色花朵) ，是蓝色花朵。 从那之中取一千两，在十六钵水中煮沸， 待剩下八分之一时，加入旃檀等药材各一两多， 再加入一钵芝麻油一同煮沸。 将那芝麻油充满两颊含在口中， 就能拥有消除口中疾病，稳固牙齿的功德。 旃檀木心二百两， 诃梨勒、毗黎勒各八两， 六十四钵水煮沸至四分之一。 过滤后再次熬煮至浓稠。 其中加入豆蔻、马辛、巴拉嘎、 两种檀香、辛夷、刺蒺藜、 糖木、桂皮、两种阿扎热、 达塔吉和诃子果、 两种黄色、三种果实、 四种香料、草果、沉香、 茜草和芒香、尼拘陀的嫩芽、 杉木和茜草、豆蔻和榄仁树， 各两份加入并计算。 肉豆蔻皮、肉豆蔻、 荔枝、阿寇拉和草豆蔻， 各一两，樟脑四两加入。 将其制成丸剂，经常放在口中， 就能消除一切口中疾病。 就像所说的，旃檀的
English
It is drinking and nasal medicine filling the cheeks. All diseases of the mouth can be destroyed like a vulture. Make the eyes bright and the ears concealed like a pig. As it is said, boil one hundred taels of sandalwood and so on. If that sesame oil is drunk and made into a compound such as nasal medicine, the eyes will become as bright as a vulture, and the ears will become as concealed as a pig. The ointment of thorny fruit, Chinese plum, and magnolia If applied to the face, it will eliminate acne, moles, and dirt, etc. It will have a luster like the moon. As it is said, apply the sesame oil just mentioned before, and then apply the ointment of thorny fruit, etc., You will have the merit of eliminating acne, etc. One thousand taels of Sahara, sixteen bowls of water, Boil in it, and when one-eighth is left, Add more than one tael of each of the medicines such as sandalwood, Then add one bowl of sesame oil and boil together. If that sesame oil fills the cheeks and is held in the mouth, It will eliminate diseases in the mouth, and especially stabilize shaky teeth. As it is said, Sahara is नीलापुष्प (nīlapuṣpa, Devanagari, nīla puṣpa, blue flower), which is a blue flower. From that, take one thousand taels and boil in sixteen bowls of water, When one-eighth is left, add more than one tael of each of the medicines such as sandalwood, Then add one bowl of sesame oil and boil together. If that sesame oil fills the cheeks and is held in the mouth, It will have the merit of eliminating diseases in the mouth and stabilizing teeth. Two hundred taels of sandalwood heartwood, Eight taels each of haritaki and vibhitaki, Boil sixty-four bowls of water to one-fourth. Filter and boil again until thick. Add cardamom, horse chestnut, balaka, Two kinds of sandalwood, magnolia, tribulus terrestris, Sugar wood, cinnamon, two kinds of azari, Dataki and Terminalia chebula fruit, Two kinds of yellow, three fruits, Four kinds of spices, amomum tsao-ko, agarwood, Madder and Cyperus rotundus, sprouts of nyagrodha, Fir and madder, cardamom and Terminalia bellirica, Add two parts each and calculate. Nutmeg mace, nutmeg, Litchi, akola and cardamom, Add one tael each, and four taels of camphor. Make it into pills, and always put it in your mouth, It will eliminate all diseases in the mouth. As it is said, sandalwood