Tibetan
དགྲ་དང་གཉེན་དང་གནས་དང་ཡུལ་བདག་པོ་འདི་དང་འདིའོ་རུ་བཟུང་ནས་རྨི་ལམ་གྱི་ཡུལ་ལ་བདེན་ཞེན་གྱིས་འཆིང་བ་བཞིན་དུ་ཉིན་སྣང་དང་རྨི་སྣང་བར་སྲིད་དང་ཕྱི་མའི་སྣང་བ་ཐམས་ཅད་ལ་རྨི་ལམ་གྱི་སྣང་བ་བཞིན་དུ་མེད་བཞིན་སྣང་བ་ལ་བདེན་ཞེན་གྱི་དབང་གིས་འཁྲུལ་པ་ནི་དཔེ་རྨི་ལམ་ལྟ་བུ་ཞིག་ཡིན། དེ་ཡང་རྒྱུ་རྐྱེན་འཕྲད་པའི་རྟེན་འབྲེལ་ལས་བྱུང་སྟེ། རྒྱུ་གཞི་དབྱིངས་དྭངས་གསལ་འཆར་རུང་གི་ནུས་པ་ཅན་ལ་རྒྱུ་བྱས། རྐྱེན་སྐྱེས་བུ་གཉིད་དུ་ཕྱོགས་པའི་ཤེས་ཉམས་ལ་རྐྱེན་བྱས དེ་གཉིས་རྒྱུ་རྐྱེན་དུས་འཛོམ་པའི་ཚེ་ན་རྟེན་འབྲེལ་རྨི་ལམ་གྱི་སྣང་བ་མེད་བཞིན་དུ་འབྱུང་། རྟེན་གང་ལ་བརྟེན་ན་གཞི་ལ་བརྟེན། འབྲེལ་སུ་དང་འབྲེལ་ན་གཞི་དང་རྨི་ལམ་གྱི་སྣང་བ་གཉིས་མེད་ཟུང་འཇུག་ཏུ་འབྲེལ། འབྱུང་ཅི་འབྱུང་ན་རྨི་ལམ་གྱི་སྣང་བ་མེད་བཞིན་དུ་འབྱུང་བ་ཡིན་ནོ། །ནང་ང་རུ་འཛིན་ ༄༅། །པའི་བདག་རྐྱེན་ལས༴སོགས། སྣང་བ་ལྟ་བུའོ། །དེ་ཡང་ང་མེད་པ་ལ་ང་རུ་བཟུང་། བདག་མེད་པ་ལ་བདག་ཏུ་བཟུང་བའི་བདག་ཞིག་ཚུར་བཅད་པའི་རྐྱེན་ལས གཞན་སྣོད་བཅུད་དང་སྣང་བ་ཐ་དད་དུ་སྣང་བ་ནི་དཔེ་གཟུགས་བརྙན་ལྟ་བུ་ཞིག་ཡིན། དེ་ཡང་རྒྱུ་རྐྱེན་འཕྲད་པའི་རྟེན་འབྲེལ་ལས་བྱུང་སྟེ རྒྱུ་མེ་ལོང་དྭངས་གསལ་འཆར་རུང་གི་ནུས་པ ཅན་ལ་རྒྱུ་བྱས། རྐྱེན་ཕ་རོལ་བའི་བྱད་དང་གཟུགས་བསྟན་པ་ལ་རྐྱེན་བྱས། དེ་གཉིས་རྒྱུ་རྐྱེན་དུས་འཛོམ་པའི་ཚེ་ན་རྟེན་འབྲེལ་གཟུགས་བརྙན་གྱི་སྣང་བ་མེད་བཞིན་དུ་འབྱུང་། རྟེན་གང་ལ་བརྟེན་ན་མེ་ལོང་ལ་བརྟེན།འབྲེལ་སུ་དང་འབྲེལ་ན་མེ་ལོང་དང་གཟུགས་བརྙན་གྱི་སྣང་བ་གཉིས་མེད་ཟུང་འཇུག་ཏུ་འབྲེལ།འབྱུང་ཅི་འབྱུང་ན་གཟུགས་བརྙན་གྱི་སྣང་བ་མེད་བཞིན་དུ་འབྱུང་བ་ཡིན། བདག་འཛིན་གྱིས་ཀུན་ནས་༴སོགས སྣང་བ་ལྟ་བུའོ། །དེ་ལ་ང་མེད་པ་ལ་ང་རུ་བཟུང་བདག་མེད་པ་ལ་བདག་ཏུ་འཛིན་པའི་བདག་འཛིན་གྱིས་ཀུན་ནས་དཀྲིས་པའི་དབང་གིས་གྲོང་ཁྱེར་དྲུག་གི་འཇིག་རྟེན་རེས་མོས་སུ་སྣང་བ་ནི་ཚེ་འདིའི་ཉོན་མོངས་པ་ཞེ་སྡང་གིས་ཀུན་ནས་བསླང་བའི་སྒོ་ནས་སྡིག་པ་མི་དགེ་བའི་ལས་ཞིག་བསགས་བསགས་ནས་འཆི་བའི་ནད་ ཀྱིས་ཐེབས་ཏེ་ནང་དབུགས་ཁྲོག་གི་ཆད་ཀྱི་བར་དུ་ཉོན་མོངས་པ་ཞེ་སྡང་གིས་ཀུན་ནས་བསླང་བའི་སྒོ་ནས་སྡིག་པ་མི་དགེ་བའི་ལས་ཞིག་ལ་སྲེད་ལེན་གྱིས་གསོས་ཐེབས་པ་ནི། མེ་གསོས་པ་ལ་སྦུད་པ་ཕོག་ཚེ་མེ་ལྕེ་དམར་ལྷབ་ཀྱིས་འབར་བ་བཞིན་དུ དམྱལ་བའི་སྣང་བ་མེད་བཞིན་དུ་མཆེད་པ་ཡིན དེ་ཡང་རྒྱུ་རྐྱེན་འཕྲད་པའི་རྟེན་འབྲེལ་ལས་འབྱུང་སྟེ རྒྱུ་གཞི་དབྱིངས དྭངས་གསལ་འཆར་རུང་གི་ནུས་པ་ཅན་ལ་རྒྱུ་བྱས། རྐྱེན་འཆི་ཁའི་སྲེད་ལེན་གྱིས་གསོས་ཐེབས་པ་ལ་རྐྱེན་བྱས། དེ་གཉིས་རྒྱུ་རྐྱེན་དུས་འཛོམ་པའི་ཚེ་ན་རྟེན་འབྲེལ་དམྱལ་བའི་སྣང་བ་མེད་བཞིན་དུ་འབྱུང་། རྟེན་གང་ལ་བརྟེན་ན་གཞི་ལ་བརྟེན། འབྲེལ་སུ་དང་འབྲེལ་ན་གཞི་དང་དམྱལ་བའི་སྣང་བ་གཉིས་མེད་ཟུང་འཇུག་ཏུ་འབྲེལ། འབྱུང་ཅི་འབྱུང་ན་དམྱལ་བའི་སྣང་བ་མེད་བཞིན་དུ་འབྱུང་བ་ཡིན། ཚེ་འདིའི་ཉོན་མོངས་པ་འདོད་ཆགས་ཀྱིས་ཀུན་ནས་བསླང་བའི་སྒོ་ནས་སྡིག་པ་མི་དགེ་བའི་ལས་ཞིག་བསགས་བསགས་ནས་འཆི་བའི་ནད་ཀྱིས་ཐེབས་ཏེ། ནང་དབུགས་ཁྲོག་གི་ཆད་ཀྱི་བར་དུ་ཉོན་མོངས་པ་འདོད་ཆགས་ཀྱིས་ཀུན་ནས་བསླང་བའི་སྒོ་ནས་སྡིག་པ་མི་དགེ་བའི་ལས་ཞིག་ལ་སྲེད་ལེན་གྱིས་གསོས་ཐེབས་པ་ནི། མེ་གསོས་པ་ལ་སྦུད ༄༅། །པ་ཕོག་ཚེ་མེ་ལྕེ་དམར་ལྷབ་ཀྱིས་འབར་བ་བཞིན་དུ། ཡི་དྭགས་ཀྱི་སྣང་བ་མེད་བཞིན་དུ་མཆེད་པ་ཡིན། དེ་ཡང་རྒྱུ་རྐྱེན་འཕྲད་པའི་རྟེན་འབྲེལ་ལས་བྱུང་སྟེ རྒྱུ་གཞི་དབྱིངས་དྭངས་གསལ་འཆར་རུང་གི་ནུས་པ་ཅན་ལ་རྒྱུ་བྱས རྐྱེན་འཆི་ཁའི་སྲེད་ལེན་གྱི་གསོས་ཐེབས་པ་ལ་རྐྱེན་བྱས དེ་གཉིས་རྒྱུ་རྐྱེན་དུས་འཛོམ་པའི་ཚེ་ན་རྟེན་འབྲེལ་ཡི་དྭགས་ཀྱི་སྣང་བ་མེད་བཞིན་དུ་འབྱུང་རྟེན་གང་ལ་བརྟེན་ན་གཞི་ལ་བརྟེན འབྲེལ་སུ་དང་འབྲེལ་ན་གཞི་དང་ཡི་དྭགས་ཀྱི་སྣང་བ་གཉིས་མེད་ཟུང་འཇུག་ཏུ་འབྲེལ། འབྱུང་ཅི་འབྱུང་ན་ཡི་དྭགས་ཀྱི་སྣང་བ་མེད་བཞིན་དུ་འབྱུང་བ་ཡིན།ཚེ་འདིའི་ཉོན་མོངས་པ་གཏི་མུག་གིས་ཀུན་ནས་བསླང་བའི་སྒོ་ནས་སྡིག་པ་མི་དགེ་བའི་ལས་ཞིག་བསགས་བསགས་ནས་འཆི་བའི་ནད་ཀྱིས་ཐེབས་ཏེ། ནང་དབུགས་ཁྲོག་གི་ཆད་ཀྱི་བར་དུ་ཉོན་མོངས་པ་གཏི་མུག་གིས་ཀུན་ནས་བསླང་བའི་སྒོ་ནས་སྡིག་པ་མི་དགེ་བའི་ལས་ཞིག་ལ་སྲེད་ལེན་གྱིས་གསོས་ཐེབས་པ་ནི། མེ་གསོས་པ་ལ་སྦུད་པ་ཕོག་ཚེ་མེ་ལྕེ་དམར་ལྷབ་ཀྱིས་འབར་བ་བཞིན་དུ། དུད་འགྲོའི་སྣང་བ་མེད་བཞིན་དུ་མཆེད་པ་ཡིན དེ་ཡང་རྒྱུ་རྐྱེན་འཕྲད་པའི་རྟེན་འབྲེལ་ལས་བྱུང་སྟེ། རྒྱུ་གཞི་ དབྱིངས་དྭངས་གསལ་འཆར་རུང་གི་ནུས་པ་ཅན་ལ་རྒྱུ་བྱས། རྐྱེན་ཕྱི་ཁའི་སྲེད་ལེན་གྱིས་གསོས་ཐེབས་པ་ལ་རྐྱེན་བྱས དེ་གཉིས་རྒྱུ་རྐྱེན་དུས་འཛོམ་པའི་ཚེ་ན་རྟེན་འབྲེལ་དུད་འགྲོའི་སྣང་བ་མེད་བཞིན་དུ་འབྱུང་རྟེན་གང་ལ་བརྟེན་ན་གཞི་ལ་བརྟེན། འབྲེལ་སུ་དང་འབྲེལ་ན་གཞི་དང་དུད་འགྲོའི་སྣང་བ་གཉིས་མེད་ཟུང་འཇུག་ཏུ་འབྲེལ། འབྱུང་ཅི་འབྱུང་ན་དུད་འགྲོའི་སྣང་བ མེད་བཞིན་དུ་འབྱུང་བ་ཡིན། ཚེ་འདིའི་ཉོན་མོངས་པ་དུག་ལྔ་དང་ཟག་བཅས་ཀྱི་དགེ་བ་བཅུ་འདྲེས་མར་སྤྱད་སྤྱད་ནས་འཆི་བའི་ནད་ཀྱིས་ཐེབས་ཏེ། ནང་དབུགས་ཁྲོག་གི་ཆད་ཀྱི་བར་དུ་ཟག་བཅས་ཀྱི་དགེ་བ་བཅུའམ། དུག་ལྔ་གང་རུང་ཞིག་ལ་སྲེད་ལེན་གྱིས་གསོས་ཐེབས་པ་ནི མེ་གསོས་པ་ལ་སྦུད་པ་ཕོག་ཚེ་མེ་ལྕེ་དམར་ལྷབ་ཀྱིས་འབར་བ་བཞིན་དུ། མིའི་སྣང་བ་མེད་བཞིན་དུ་མཆེད་པ་ཡིན། དེ་ཡང་རྒྱུ་རྐྱེན་འཕྲད་པའི་རྟེན་འབྲེལ་ལས་བྱུང་སྟེ། རྒྱུ་གཞི་དབྱིངས་དྭངས་གསལ་འཆར་རུང་གི་ནུས་པ་ཅན་ལ་རྒྱུ་བྱས རྐྱེན་ཕྱི་ཁའི་སྲེད་ལེན་གྱིས་གསོས་ཐེབས་པ་ལ་རྐྱེན་བྱས། དེ་གཉིས་རྒྱུ་རྐྱེན་དུས་འཛོམ་པའི་ཚེ་ན་རྟེན་འབྲེལ་མིའི་སྣང་བ་མེད་བཞིན་དུ་འབྱུང་། རྟེན་གང་ལ་བརྟེན་ན་གཞི་ལ་བརྟེན། འབྲེལ་སུ་དང་འབྲེལ་ན་གཞི་དང་མིའི་ ༄༅། །སྣང་བ་གཉིས་མེད་ཟུང་འཇུག་ཏུ་འབྲེལ འབྱུང་ཅི་འབྱུང་ན་མིའི་སྣང་བ་མེད་བཞིན་དུ་འབྱུང་བ་ཡིན། ཚེ་འདིའི་ཉོན་མོངས་པ་ཕྲག་དོག་གིས་ཀུན་ནས་བསླང བའི་སྒོ་ནས་སྡིག་པ་མི་དགེ་བའི་ལས་ཞིག་བསགས་བསགས་ནས་འཆི་བའི་ནད་ཀྱིས་ཐེབས་ཏེ། ནང་དབུགས་ཁྲོག་གི་ཆད་ཀྱི་བར་དུ་ཉོན་མོངས་པ་ཕྲག་དོག་གིས་ཀུན་ནས་བསླང་བའི་སྒོ་ནས་སྡིག་པ་མི་དགེ་བའི་ལས་ཞིག་ལ་སྲེད་ལེན་གྱིས་གསོས་ཐེབས་པ་ནི། མེ་གསོས་པ་ལ་སྦུད་པ་ཕོག་ཚེ་མེ་ལྕེ་དམར་ལྷབ་ཀྱིས་འབར་བ་བཞིན་དུ། ལྷ་མིན་གྱི་སྣང་བ་མེད་བཞིན་དུ་མཆེད་པ་ཡིན། དེ་ཡང་རྒྱུ་རྐྱེན་འཕྲད་པའི་རྟེན་འབྲེལ་ལས་བྱུང་སྟེ། རྒྱུ་གཞི་དབྱིངས་དྭངས་གསལ་འཆར་རུང་གི་ནུས་པ་ཅན་ལ་རྒྱུ་བྱས། རྐྱེན་འཆི་ཁའི་སྲེད་ལེན་གྱིས་གསོས་ཐེབས་པ་ལ་རྐྱེན་བྱས། དེ་གཉིས་རྒྱུ་རྐྱེན་དུས་འཛོམ་པའི་ཚེ་ན་རྟེན་འབྲེལ་ལྷ་མིན་གྱི་སྣང་བ་མེད་བཞིན་དུ་འབྱུང་། རྟེན་གང་ལ་བརྟེན་ན་གཞི་ལ་བརྟེན། འབྲེལ་སུ་དང་འབྲེལ་ན་གཞི་དང་ལྷ་མིན་གྱི་སྣང་བ གཉིས་མེད་ཟུང་འཇུག་ཏུ་འབྲེལ། འབྱུང་ཅི་འབྱུང་ན་ལྷ་མིན་གྱི་སྣང་བ་མེད་བཞིན་དུ་འབྱུང་བ་ཡིན། ཚེ་འདིའི་ཉོན་མོངས་པ་ང་རྒྱལ་དང་སེམས་འཛིན་གྱི་བསམ་གཏན་གཉིས་འདྲེས་མར་ སྤྱད་སྤྱད་ནས་འཆི་བའི་ནད་ཀྱིས་ཐེབས་ཏེ། ནང་དབུགས་ཁྲོག་གི་ཆད་ཀྱི་བར་དུ་བསམ་གཏན་ཆེ་འབྲིང་ཆུང་གསུམ་གང་རུང་དང་། ཉོན་མོངས་པ་ང་རྒྱལ་གྱིས་ཀུན་ནས་བསླང་བའི་སྒོ ནས་སྡིག་པ་མི་དགེ་བའི་ལས་ཞིག་ལ་སྲེད་ལེན་གྱིས་གསོས་ཐེབས་པ་ནི། མེ་གསོས་པ་ལ་སྦུད་པ་ཕོག་ཚེ་མེ་ལྕེ་དམར་ལྷབ་ཀྱིས་འབར་བ་བཞིན་དུ། ལྷའི་སྣང་བ་མེད་བཞིན་དུ་མཆེད་པ ཡིན། དེ་ཡང་རྒྱུ་རྐྱེན་འཕྲད་པའི་རྟེན་འབྲེལ་ལས་བྱུང་སྟེ། རྒྱུ་གཞི་དབྱིངས་དྭངས་གསལ་འཆར་རུང་གི་ནུས་པ་ཅན་ལ་རྒྱུ་བྱས རྐྱེན་འཆི་ཁའི་སྲེད་ལེན་གྱིས་གསོས་ཐེབས་པ་ལ་རྐྱེན་བྱས། དེ་གཉིས་རྒྱུ་རྐྱེན་དུས་འཛོམ་པའི་ཚེ་ན་རྟེན་འབྲེལ་ལྷའི་སྣང་བ་མེད་བཞིན་དུ་འབྱུང་། རྟེན་གང་ལ་བརྟེན་ན་གཞི་ལ་བརྟེན། འབྲེལ་སུ་དང་འབྲེལ་ན་གཞི་དང་ལྷའི་སྣང་བ་གཉིས་མེད་ཟུང་འཇུག་ཏུ་འབྲེལ། འབྱུང་ཅི་འབྱུང་ན་ལྷའི་སྣང་བ་མེད་བཞིན་དུ་འབྱུང་བ་ཡིན། དེའི་དཔེ་ནི་དྲི་ཟའི་གྲོང་ཁྱེར་ལྟ་བུ་ཞིག་ཡིན། དེ་ཡང་རྒྱུ་རྐྱེན་འཕྲད་པའི་རྟེན་འབྲེལ་ལས་བྱུང་སྟེ། རྒྱུ་ནམ་མཁའ་དྭངས་གསལ་འཆར་རུང་གི་ནུས་པ་ཅན་དེ་དང་། བསམ་གཏན་བསྒོམ་པའི་སྐྱེས་བུ་ཆུ་ཁམས་པའི་སྣང་ཉམས་ལ་རྒྱུ་བྱས། རྐྱེན་ནུབ་ཁའི་ཐང་དང་ཕོར་པ་རླན་གཤེར་གྱི ༄༅། །མཚམས་སུ་རྐྱེན་བྱས དེ་གཉིས་རྒྱུ་རྐྱེན་དུས་འཛོམ་པའི་ཚེ་ན་རྟེན་འབྲེལ་དྲི་ཟའི་གྲོང་ཁྱེར་གྱི་སྣང་བ་མེད་བཞིན་དུ་འབྱུང་། རྟེན་གང་ལ་བརྟེན་ན་ནམ་མཁའ ལ་བརྟེན། འབྲེལ་སུ་དང་འབྲེལ་ན་ནམ་མཁའ་དང་དྲི་ཟའི་གྲོང་ཁྱེར་གྱི་སྣང་བ་གཉིས་མེད་ཟུང་འཇུག་ཏུ་འབྲེལ། འབྱུང་ཅི་འབྱུང་ན་དྲི་ཟའི་གྲོང་ཁྱེར་གྱི་སྣང་བ་མེད་བཞིན་དུ་འབྱུང་བ་ཡིན། འདོད་ཡོན་གྱི་སྣང་བ༴སོགས ལྟ་བུའོ། དེ་ལ་འདོད་ཡོན་གྱི་སྣང་བ་མིག་གི་ཡུལ་དུ་གཟུགས རྣ་བའི་ཡུལ་དུ་སྒྲ། སྣའི་ཡུལ་དུ་དྲི། ལྕེའི་ཡུལ་དུ་རོ། ལུས་ཀྱི་ཡུལ་དུ་རེག་བྱར་སྣང་བ་དེ་དག་ཐམས་ཅད་གདོད་ནས་མ་གྲུབ་པ་ལ་མིག་གིས་གཟུགས་མཐོང་། རྣ་བས་སྒྲ་ཐོས སྣ་ཡིས་དྲི་ཚོར། ལྕེ་ཡིས་རོ་མྱོང་། ལུས་ཀྱིས་རེག་བྱར་ཚོར་བའི་སྣང་བ་ཐམས་ཅད་ནི་དཔེ་བྲག་ཆ་ལྟ་བུ་ཞིག་ཡིན དེ་ཡང་རྒྱུ་རྐྱེན་འཕྲད་པའི་རྟེན་འབྲེལ་ལས་བྱུང་སྟེ རྒྱུ་བྲག་མཐོ་ཞིང་ངོ་ཁོད་སྙོམས་པ་དང་། ཕ་རོལ་བའི་རྣ་བ་ལ་རྒྱུ་བྱས། རྐྱེན་ཀྭིས་བཏབ་པ་རྐྱེན་བྱས། དེ་གཉིས་རྒྱུ་རྐྱེན་དུས་འཛོམ་པའི་ཚེ་ན་རྟེན་འབྲེལ་བྲག་ཆའི་སྣང་བ་མེད་བཞིན་དུ་འབྱུང་། རྟེན་གང་ལ་བརྟེན་ན་བྲག་ལ་བརྟེན། འབྲེལ་སུ་དང་འབྲེལ་ན་བྲག་དང་བྲག་ཆའི་སྣང་བ་གཉིས མེད་ཟུང་འཇུག་ཏུ་འབྲེལ། འབྱུང་ཅི་འབྱུང་ན་བྲག་ཆའི་སྣང་བ་མེད་བཞིན་དུ་འབྱུང་བ་ཡིན།དེ་ཡང་བདག་མེད་པ་ལ་བདག་ཞིག་ཚུར་བཟུང་། གཞན་མེད་པ་ལ་གཞན་ཞིག་ཕར་བཅད པའི་སྣང་བ་ཉིད་དོ། །སྣང་བ་ཐམས་ཅད༴སོགས། ལྟ་བུའོ། །སྣང་བ་རྒྱ་ཆེ་ཞིང་གྲངས་མང་བ་ཇི་ལྟར་དུ་སྣང་ཡང་ཐམས་ཅད་གཞི་ལས་མི་གཞན་པར་གཞི་རང་གི་ཆོས་ཉིད་དུ་རོ་གཅིག་པ་ནི་དཔེ་རྒྱ་མཚོའི་གཟའ་སྐར་ལྟ་བུ་ཞིག་ཡིན། དེ་ལ་རྒྱ་མཚོའི་ནང་དུ་གཟའ་སྐར་གྱི་སྣང་བ་རྒྱ་ཆེ་ལ་གྲངས་མང་བ་ཇི་ལྟར་དུ་ཤར་ཡང་། རྒྱ་མཚོ་ལས་མི་གཞན་པ་ཆུ་ཉིད་དུ་རོ་གཅིག་པ་ལྟ་བུ་ཞིག་ཡིན། དེ་ཡང་རྒྱུ་རྐྱེན་འཕྲད་པའི་རྟེན་འབྲེལ་ལས་བྱུང་སྟེ། རྒྱུ་རྒྱ་མཚོ་དྭངས་གསལ་འཆར་རུང་གི་ནུས་པ་ཅན་ལ་རྒྱ་བྱས རྐྱེན་ནམ་མཁའ་དང་གཟའ་སྐར་དུས་འཛོམ་པ་ལ་རྐྱེན བྱས། དེ་གཉིས་རྒྱུ་རྐྱེན་དུས་འཛོམ་པའི་ཚེ་ན་རྟེན་འབྲེལ་གཟའ་སྐར་གྱི་སྣང་བ་མེད་བཞིན་དུ་འབྱུང་། རྟེན་གང་ལ་བརྟེན་ན་རྒྱ་མཚོ་ལ་བརྟེན། འབྲེལ་སུ་དང་འབྲེལ་ན་རྒྱ་མཚོ་དང་གཟའ་སྐར་གྱི་སྣང་བ་གཉིས་མེད་ཟུང་འཇུག་ཏུ་འབྲེལ། འབྱུང་ཅི་འབྱུང་ན་གཟའ་སྐར་གྱི་སྣང་བ་མེད་བཞིན་དུ་འབྱུང་བ་ཡིན། གཞི་དབྱིངས་ཁྱབ་བརྡལ༴སོགས། ལྦུ་བ་བརྡོལ་བ་ལྟ་བུའོ།། ༄༅། །གཞི་དབྱིངས་ཁྱབ་བརྡལ་ནམ་མཁའི་འཁོར་ཡུག་ཡུལ་མེད་ཟང་ཐལ་ཆེན་པོ། གཞི་མེད་རྩ་བྲལ་གྱི་རོལ་པ། འཁོར་འདས་ཀུན་ཁྱབ་ཀྱི་བདག་ཉིད་ཆེན་པོ་དེ་ལ ངར་འཛིན་གྱི་དབང་གིས་ཕ་རི་ལ་ལྟོས་ནས་ཚུར་རི་གྲུབ་པ་དང་། ཚུར་རི་ལ་ལྟོས་ནས་ཕ་རི་གྲུབ་པས་བདག་གཞན་བདེན་གྲུབ་ཏུ་སྣང་བ་ནི་དཔེ་ཆུ་བུར་ལྟ་བུའོ། །དཔེར་ན་ཆུ་ཉིད་ལ་ཆུ་ལས་གཞན་མ་གྲུབ་པ་ལ་ལྦུ་བ་རྡོལ་ཚེ་ཆུ་དང་ལྦུ་བ་གཉིས་སུ་སྣང་བ་ཡིན དེ་ཡང་རྒྱུ་རྐྱེན་འཕྲད་པའི་རྟེན་འབྲེལ་ལས་འབྱུང་སྟེ རྒྱུ་རྒྱ་མཚོ་དྭངས་གསལ་འཆར་རུང་གི་ནུས་པ་ཅན་ལ་རྒྱ་བྱས། རྐྱེན་ཕ་རོལ་པོའི་ཐབས་ཀྱིས་དཀྲུགས་པ་དང་རང་བཞིན་རླབས་ཀྱིས་དཀྲུགས་པ་ལ་རྐྱེན་བྱས། དེ་གཉིས་རྒྱུ་རྐྱེན་དུས་འཛོམ་པའི་ཚེ་ན་རྟེན་འབྲེལ་ཆུ་བུར་གྱི་སྣང་བ་མེད་བཞིན་དུ་འབྱུང་། རྟེན་གང་ལ་བརྟེན་ན་རྒྱ་མཚོ་ལ་བརྟེན། འབྲེལ་སུ་དང་འབྲེལ་ན་རྒྱ་མཚོ་དང་ཆུ་བུར་གྱི་སྣང་བ་གཉིས་མེད་ཟུང་འཇུག་ཏུ་འབྲེལ། འབྱུང་ཅི་འབྱུང་ན་ཆུ་བུར་གྱི་སྣང་བ་མེད་བཞིན་དུ་འབྱུང་བ་ཡིན། དཔེར་ན་ནམ་མཁའ་ལ་ནམ་མཁའ་སྟོང་པ་ཁྱབ་བརྡལ་ལས་གཞན་མེད་ཀྱང་འཇའ་ཚོན་ཤར་ཚེ་འཇའ་དང་ནམ་མཁའ་སོ་སོར་སྣང་ཡང་དོན་ལ་ནམ་མཁའ་ལས་གཞན་མེད་པ་ལྟ་བུའོ།། དེ་ཡང་རྒྱུ་རྐྱེན་འཕྲད་པའི་རྟེན་འབྲེལ་ལས་འབྱུང་སྟེ། རྒྱུ་ནམ་མཁའ་དྭངས་གསལ་འཆར་རུང་གི་ནུས་པ་ཅན་ལ་རྒྱུ་བྱས རྐྱེན་སྣང་ཉི་མ་མུན་སྤྲིན་རླན་ཆར་གསུམ་འཛོམ་པ ལ་རྐྱེན་བྱས། དེ་གཉིས་རྒྱུ་རྐྱེན་དུས་འཛོམ་པའི་ཚེ་ན་རྟེན་འབྲེལ་འཇའ་ཚོན་གྱི་སྣང་བ་མེད་བཞིན་དུ་འབྱུང་། རྟེན་གང་ལ་བརྟེན་ན་ནམ་མཁའ་ལ་བརྟེན། འབྲེལ་སུ་དང་འབྲེལ་ན་ནམ་མཁའ་དང་འཇའ་ཚོན་གྱི་སྣང་བ་གཉིས་མེད་ཟུང་འཇུག་ཏུ་འབྲེལ། འབྱུང་ཅི་འབྱུང་ན་འཇའ་ཚོན་གྱི་སྣང་བ་མེད་བཞིན་དུ་འབྱུང་བ་ཡིན། གཞི་དབྱིངས་སྟོང་པའི༴སོགས། སྣང་བ་ལྟ་བུའོ།། གཞི་དབྱིངས་སྟོང་པ་དྭངས་གསལ་གྱི་ཆ་དེ་ལ་བདག་མེད་པ་ལ་བདག་ཏུ་སྣང་བའི་བདག་སྣང་དེ་ཡིད་ཀྱི་ཤེས་པས་གཅུན་ཏེ། བརྟན་པ་ཐོབ་པའི་སྟོབས་ཀྱིས་འཁྲུལ་སྣང་སྣ་ཚོགས་སུ་སྣང་བ་ནི་དཔེ་མིག་ཡོར་སྣང་བ་ལྟ་བུའོ། །དེ་ཡང་རྒྱུ་རྐྱེན་འཕྲད་པའི་རྟེན་འབྲེལ་ལས་འབྱུང་སྟེ། རྒྱུ་མིག་དྭངས་གསལ་འཆར་རུང་གི་ནུས་པ་ཅན་ལ་རྒྱུ་བྱས རྐྱེན་མིག་རྩ་མཛུབ་མོས་གཅུར་བའམ། རྩ་ཁམས་ལས་རླུང་གིས་བསྒྱུར་བ་ལ་རྐྱེན་བྱས དེ་གཉིས་རྒྱུ་རྐྱེན་དུས་འཛོམ་པའི་ཚེ་ན་རྟེན་འབྲེལ་མིག་ཡོར་གྱི་སྣང་བ་མེད་བཞིན་དུ་འབྱུང་། རྟེན་གང་ལ་བརྟེན་ན་མིག་ལ ༄༅། །བརྟེན། འབྲེལ་སུ་དང་འབྲེལ་ན་མིག་དང་མིག་ཡོར་གྱི་སྣང་བ་གཉིས་མེད་ཟུང་འཇུག་ཏུ་འབྲེལ། འབྱུང་ཅི་འབྱུང་ན་མིག་ཡོར་གྱི་སྣང་བ་མེད་བཞིན་དུ་འབྱུང་བ ཡིན། ངར་འཛིན་གྱི༴སོགས མ་གྲུབ་པ་ལྟ་བུའོ། །ངར་འཛིན་གྱི་ཤེས་པ་ཆུ་སྣོད་ལྟ་བུའི་ངོར་བདེ་གཤེགས་སྙིང་པོ་དབྱིངས་ཀྱི་སྤྲུལ་པ་གཞི་ལས་སྣ་ཚོགས་པའི་སྣང་བ་ཐམས་ཅད་སྣང་ཡང་གཞི་ལས་མ་གཡོས་ཤིང་གཞི་ལ་སྣང་བ་བདེན་གྲུབ་ཏུ་མ་བྱུང་བ་ནི་དཔེ་སྤྲུལ་པ་ལྟ་བུའོ། །དཔེར་ན་སྤྲུལ་བསྒྱུར་གྱི་ཏིང་ངེ་འཛིན་ལ་མངའ་དབང་བསྒྱུར་བའི་སྐྱེས་བུ་དེ་སྤྲུལ་བསྒྱུར་གྱི་ཏིང་ངེ་འཛིན་ལ་སྙོམས་པར་ཞུགས་པའི་ཚེ་ན་སྤྲུལ་པ་འགྱེད་སྙམ་གྱི་བློ་དང་ཕ་རཽལ་བའི་མིག་ལམ་དུ་སྤྲུལ་པ་སྣ་ཚོགས་ཞིག་སྣང་བར་བསམ་པ་ཡོད་པ་མིན་ཀྱང་། སྤྲུལ་བསྒྱུར་གྱི་ཏིང་ངེ་འཛིན་ལ་མངའ་དབང་བསྒྱུར་བའི་སྐྱེས་བུ་དེ་སྤྲུལ་བསྒྱུར་གྱི་ཏིང་ངེ་འཛིན་ལ་སྙོམས་པར་བཞུགས་པའི་ཚེ་ན་སྤྲུལ་པ་སྣ་ཚོགས་སུ་སྣང་ཡང་། དོན་ལ་སྤྲུལ་པ་གཞི་རྩ་དང་བྲལ་ཞིང་དངོས་ཡུལ་མ་གྲུབ་པ་ལྟ་བུ་ཞིག་ཡིན། དེ་ཡང་རྒྱུ་རྐྱེན་འཕྲད་པའི་རྟེན་འབྲེལ་ལས་འབྱུང་སྟེ། རྒྱུ་ནམ་མཁའ་དྭངས་གསལ་འཆར་རུང་གི་ནུས་པ་ཅན་དེ་དང་། སྤྲུལ་བསྒྱུར་གྱི་སྐྱེས་བུ་དེ་ལ་རྒྱུ བྱས། རྐྱེན་ཕ་རོལ་བའི་མིག་དང་སྤྲུལ་བསྒྱུར་གྱི་ཏིང་ངེ་འཛིན་ལ་རྐྱེན་བྱས། དེ་གཉིས་རྒྱུ་རྐྱེན་དུས་འཛོམ་པའི་ཚེ་ན་རྟེན་འབྲེལ་སྤྲུལ་པའི་སྣང་བ་མེད་བཞིན་དུ་འབྱུང་། རྟེན་གང་ལ་བརྟེན་ན ནམ་མཁའ་ལ་བརྟེན འབྲེལ་སུ་དང་འབྲེལ་ན་ནམ་མཁའ་དང་སྤྲུལ་པའི་སྣང་བ་གཉིས་མེད་ཟུང་འཇུག་ཏུ་འབྲེལ། འབྱུང་ཅི་འབྱུང་ན་སྤྲུལ་པའི་སྣང་བ་མེད་བཞིན་དུ་འབྱུང་བ་ཡིན། དེ་ལྟར་སྒྱུ་མའི་དཔེ་བཅུར་བསྟན་པ་བཞིན་ཆོས་ཐམས་ཅད་རྒྱུ་རྐྱེན་འཕྲད་པའི་རྟེན་འབྲེལ་ཁོ་ནར་བྱུང་བ་མ་གཏོགས་བདེན་པར་གྲུབ་པ་ནི་རྡུལ་ཕྲ་རབ་ཙམ་ཞིག་ཀྱང་ཡོད་པ་མ་ཡིན་ཏེ། ཐུབ་པའི་དབང་པོས། རྟེན་ཅིང་འབྲེལ་འབྱུང་མ་གཏོགས་པའི། །ཆོས་འགའ་ཡོད་པ་མ་ཡིན་ནོ །དེ་ཕྱིར་སྟོང་ཉིད་མ་གཏོགས་པའི། །ཆོས་འགའ་ཡོད་པ་མ་ཡིན་ནོ། །ཞེས་གསུངས སོ། །རིག་པ་ཆོས་ཉིད་ཀྱི་ངང་ལས་ཀྱི་རིག་རྩལ་འགགས་མེད་ཀྱི་ངང་ལས་བཙས་པའི་ཁྱེའུ་ཆུང་བསམ་དུསོགས། གྱུར་ཏོ། །གཉིས་པ་དངོས་པོའི་རྟག་འཛིན་བཤིག་པ་ནི། ཡང་རིག་འཛིན་བདུད་འདུལ་རྡོ་རྗེས༴སོགས། མ་ཕམ་པའོ། །ཡང་རིག་འཛིན་བདུད་འདུལ་རྡོ་རྗེས་ཞལ་མངོན་སུམ་དུ་གཟིགས་ནས། རྡོ་རྗེ་རྟག་པའི་རྡོ་རྗེའོ། །དོན་འདི་ནམ་མཁའ་ཉིད་དུ་ལྟོས། ༄༅། །གསུངས་ཏེ་རིག་པ་སེམས་ཀྱི་རྡོ་རྗེ་འདི་ནི་འདས་མ་འོངས་ད་ལྟ་དུས་གསུམ་ཀུན་ཏུ་འགྱུར་བ་མེད་པས་ན་རྟག་པའི་རྡོ་རྗེའོ་གསུངས་ཤིང་། དེའི་དོན་ནི་ནམ་མཁའ་རྣམ་པར་མི་རྟོག་པའི་དབྱིངས་འདི་ཉིད་ཡིན་ཏེ། དེ་ལ་ཕྱིའི་ནམ་མཁའ་དང་། ནང་གི་ནམ་མཁའ་དང་གསང་བ་རྣམ་པར་མི་རྟོག་པའི་ནམ་མཁའ་དང་གསུམ དེ་ཡང་ཕྱིའི་ནམ་མཁའ་ནི། ཕྱི་སྣོད་ཀྱི་འཇིག་རྟེན་རྒྱ་ཆེ་བ། ནང་གཡོ་བ་བཅུད་ཀྱི་སེམས་ཅན་གྲངས་མང་བ། བར་འདོད་ཡོན་ལྔའི་ཡུལ་སྣང་བཀོད་ལེགས་པ། བདག་ལུས་ཕུང་པོ་ཁམས་དང་སྐྱེ་མཆེད། སེམས་ཅན་རང་ཁ་མ་རྣམས་ཀྱི་སེམས་དང་སྣང་བས་བསྡུས་པའི་ཆོས་ཐམས་ཅད་ནི་ཕྱིའི་ནམ་མཁའ་སྟེ། དེ་ཉིད་རྒྱལ་བའི་བཀའ་ཚད་མ། བླ་མ་དམ་པའི་མན་ངག་ཚད་མ རང་གི་རིག པ་ཚད་མ་རྣམ་པ་གསུམ་གྱི་སྒོ་ནས་གཏན་ལ་ཕབ་ནས མེད་པ་དང་མ་གྲུབ་པའི་ངང་ཚུལ་ཇི་ལྟ་བ་བཞིན་དུ་རྟོགས་པ་ནི་ནང་གི་ནམ་མཁའ་སྟེ། ཕྱིའི་ནམ་མཁའ་དང་ནང་གི་ནམ་མཁའ་གཉིས་གསལ་སྟོང་གཉིས་སུ་མི་ཕྱེད་པའི་རང་གི་རིག་པ་ཆོས་སྐུ་ཆེན་པོར་རོ་གཅིག་ཏུ་རྟོགས་པ་ནི་གསང་བ་རྣམ་པར་མི་རྟོག་པའི་ནམ་མཁའ་ཡིན་ནོ། །སླར་ཡང་དེའི་དོན་བཀྲོལ་ནས་ གསུངས་པ་ནི། ཀྱེེ་ཧོ་ནི་འབོད་པའི་ཚིག་ཡིན། ནམ་མཁའ་སྟོང་པ་འདི་ནི་སྣོད་བཅུད་ཐམས་ཅད་ཀྱི་འཆར་གཞི་ཡིན་ཏེ། དཔེར་ན་གཟུགས་བརྙན་ཐམས་ཅད་ཀྱི་འཆར་གཞི་མེ་ལོང་ཡིན་པ དང་། གཟུགས་བརྙན་ཐམས་ཅད་མེ་ལོང་གི་རོལ་པ་སྟེ མེ་ལོང་ལས་གཞན་པའི་གཟུགས་བརྙན་དུ་གྲུབ་པ་ཡོད་པ་མ་ཡིན། ཆུ་ཟླ་ཐམས་ཅད་ཀྱི་འཆར་གཞི་ཆུ་ཡིན་པ་དང་། ཆུ་ཟླ་ཐམས་ཅད་ཆུའི་རོལ་པ་སྟེ། ཆུ་ལས་གཞན་པའི་ཆུ་ཟླ་རུ་གྲུབ་པ་ཡོད་པ་མ་ཡིན། འཇའ་ཚོན་ཐམས་ཅད་ཀྱི་འཆར་གཞི་ནམ་མཁའ་ཡིན་པ་དང་འཇའ་ཚོན་ཐམས་ཅད་ནམ་མཁའི་རོལ་པ སྟེ། ནམ་མཁའ་ལས་གཞན་པའི་འཇའ་ཚོན་དུ་མ་གྲུབ་པ་བཞིན་དུ སྣོད་བཅུད་ཐམས་ཅད་ཀྱི་འཆར་གཞི་ནམ་མཁའ་ཡིན་པ་དང་། སྣོད་བཅུད་ཐམས་ཅད་ནམ་མཁའི་རོལ་པ་སྟེ། ནམ་མཁའ་ལས་གཞན་པའི་སྣོད་བཅུད་དུ་གྲུབ་པ་ཡོད་པ་མ་ཡིན ནམ་མཁའ་འདི་རྡོ་རྗེའི་ཆོས་བདུན་དང་ལྡན་པ་ཞིག་