Tibetan
THE COLLECTED REVELATIONS(GTER CHOS)OFSE-RAMKHA'-'GRO BDE-CHEN-RDO-RJE VOLUME V Published by BartshamChador LhakhangSangdag Gyepailing 2017 TI1398-001 TI1398-002 ༄༅། །ཡེ་ཤེས་ཀྱི་མཁའ་མགྲོ་མ་ཀུན་བཟང་བདེ་སྐྱོང་དབང་མོའི་ཟབ་གཏེར་ཆོས་ཉིད་མཁའ་མགྲོའི་གསང་མཛོད་ཀྱི་གླེགས་བམ་ལྔ་པ་བཞུགས་སོ། TI1398-004 ༄༅། །ཨོཾ་སྭསྟི ཡེ་ཤེས་ཀྱི་མཁའ་འགྲོ་མ་ཀུན་བཟང་བདེ་སྐྱོང་དབང་མོའི་ཟབ་གཏེར་ཆོས་ཉིད་ཀྱི་ཆོས་སྡེ་གླེག་བམ་༦༽ རྟགས་ཅན་འདིར། དབུ་ཤོག་ལྡེབ གཅིག་གིས་ཐོག་དྲངས་ཏེ་ཁྲེགས་ཆོད་དང་ཐོད་རྒལ་གྱི་སྐོར་ཚོ་གཉིས་སུ་ཡོད་པའི་དང་པོ་ཁྲེགས་ཆོད་ཀྱི་སྐོར་ཚོ་ལ། ཁྲིད་ཀྱི་སྔོན་འགྲོ་བཤད་བྱའི་ཡན་ལག་བཤད་པ་རྣམ་གྲོལ་ལམ་བཟང་ལྡེབ་༩ རང་བཞིན་རྫོགས་པ་ཆེན་པོའི་རང་ཞལ་མངོན་དུ་བྱེད་པའི་གདམས་པ་ཟབ་གསང་སྙིང་པོ་ལྡེབ་༤༣ ཁྲག་འཐུང་བདུད་འཇོམས་གླིང་པའི་གསུང་། རང་བཞིན་རྫོགས་པ་ཆེན་པོའི་རང་ཞལ་མངོན་དུ་བྱེད་པའི་གདམས་པ་མ་བསྒོམ་སངས་རྒྱས་ཀྱི་རྩ་བ་ལྡེབ་༣༤ ཁྲག་འཐུང་བདུད་འཇོམས་གླིང་པའི་གསུང་། རང་བཞིན་རྫོགས་པ་ཆེན་པོ་མ་བསྒོམ་སངས་རྒྱས་ཀྱི་འགྲེལ་པ་༼ཟིན་བྲིས་དཔལ་ལྡན་བླ་མའི་ཞལ་རྒྱུན་ནགས་འགྲོས་སུ་བཀོད་པ་ཚིག་དོན་རབ་གསལ་སྐལ་ལྡན་དགྱེས་པའི་མགུལ་རྒྱན་ཌཱ་ཀི་བདེ་བའི་རྡོ་རྗེ་འམ། ཀུན་བཟང་བདེ་སྐྱོང་དབང་མོའི་གསུང་ལྡེབ ༡༦༠ བཅས་སོ།། གཉིས་པ་ཐོད་རྒལ་གྱི་སྐོར་ཚོ་ལ ཨ་ཏི་ཡོ་གའི་ཟབ་ཆོས་དགོངས་པ་ཀློང་བརྡོལ་ལས ཟབ་གསང་རྫོགས་པ་ཆེན་པོའི་ཡང་ཟབ་བཅུད་ཀྱི་དྭངས་མ་མྱུར་ལམ་འཕོ་བ་ ཆེན་པོའི་གདམས་པ་མ་བསྒོམ་སངས་རྒྱས་ཀྱི་རྩ་བ་ལྡེབ་༡༣ ཁྲག་འཐུང་བདུད་འཇོམས་གླིང་པའི་གསུང་། མྱུར་ལམ་འཕོ་བ་ཆེན་པོའི་གདམས་པ་མ་བསྒོམ་སངས་རྒྱས་ཀྱི་དོན་འགྲེལ་དཔལ་ལྡན་བླ་མའི་ཞལ་ལུང་ཌཱ་ཀི་བདེ་བའི་རྡོ་རྗེའི་གསུང་ལྡེབ་༨༨ གསང་བ་ཐབ་ཀྱི་གནད་ཐིག་ལྡེབ ༢ ཁྲག་འཐུང་བདུད་འཇོམས་གླིང་པའི་གསུང་། དེའི་ཟུར་འདེབས་ལྡེབ ༡ ཁྲག་འཐུང་བདུད་འཇོམས་གླིང་པའི་གསུང་འོད་གསལ་མྱུར་ལམ་ཐོད་རྒལ་ཟབ་མོའི་དོན་ཁྲིད་ལག་ལེན་དུ་བསྡེབས་པ་ཀློང་གསལ་དྲི་མེད་ལྡེབ་༡༨ སྤྲུལ་སྐུ་དྲི་མེད་ཀྱི་གསུང་། རྒྱལ་ཡུམ་ཁྲོས་མའི་སྒྲུབ་སྐོར་གྱི་དབྱངས་ཡིག་དཔའ་བོ་མཁའ་འགྲོ་དགྱེས་པའི་གླུ་དབྱངས་ཌཱ་ཀི་བདེ་བའི་རྡོ་རྗེའི་གསུང་ལྡེབ་( བཅས་ལེ་ཚན་བཅུ་ཐམ་ལ་༣༧༧ དང་། གླེགས་བམ་གྱི་དཀར་ཆག རང་ཉིད་ལྡེབ་༢ བཅས་བསྡོམས་ལྡེབ་གྲངས ༣༧༨ བཞུགས ༈ མཚུངས་མེད་ཌཱ་ཀི་བདེ་སྐྱོང་དབང་མོ་ཡི། །ཟབ་གཏེར་མཁའ་འགྲོའི་གསང་མཛོད་ཆོས་སྡེའི་གཞུང་།བར་མཚམས་སྒོམ་སྡེས་པར་དུ་བཏབ་སྤེལ་མཐུས། །ཟབ་ཆོས་ཕྲིན་ལས་མི་ནུས་མཐར་རྒྱས་ཤོག ༈ གྲུབ་བརྙེས་རིག་འཛིན་ཌཱ་ཀིའི་འཁོར་ལོས་བསྒྱུར། ༄༅། །སྔོན་མེད་གདམས་ཟབ་མཁའ་འགྲོའི་གསང་མཛོད་བདག །མཁའ་སྤྱོད་དབང་མོ་བདེ་བའི་རྡོ་རྗེས་ཡི། །རིང་ལུགས་ཕྱོགས་མཐར་འཕེལ་རྒྱས་རྟག་ཁྱབ ཤོག །ཛྙཱ་ནས་སོ། མ ནྱ་ང་二 TI1398-007 TI1398-008 umgb །སྣང་སྦྱང་སོགས་ཁྲིད་ཡིག་རྣམས་ཀྱི་སྔོན་འགྲོ་བཤད་བྱའི་ཡན་ལག་བཤད་པ་རྣམ་གྲོལ་ལམ་བཟང་བཞུགས་སོ། ulem度晨eeN灵 ༄༅། །དང་པོ་བཤད་བྱའི་ཡན་ལག་བཤད་པ་ལའང་། རྒྱལ་བ་ཐབས་མཁས་ལ་ཐུགས་རྗེ་ཆེ་བ་རྣམས་ཀྱིས གདུལ་བྱའི་ཁམས་དབང་མོས་པ་དང་མཐུན་པའི་ཆོས་ཀྱི་རྣམ་གྲངས་བསམ་གྱིས་མི་ཁྱབ་པ། ལམ་གྱི་འཇུག་ངོགས་བསམ་གྱིས་མི་ཁྱབ་པ འབྲས་བུའི་ཐོབ་བྱ་བསམ་གྱིས་མི་ཁྱབ་པ་ཇི་སྙེད་ཅིག་གསུངས་པ་རྣམས་ཀྱང་དོན་ཚུར་བསྡུ་ན་རྒྱུ་མཚན་ཉིད་དང་། འབྲས་བུ་གསང་སྔགས་རྡོ་རྗེའི་ཐེག་པ་གཉིས་ལ་འདུས་ཏེ ནང་གསེས་ཀྱི་དབྱེ་ན རྒྱུའི་ཐེག་པར་ཉན་ཐོས་རང་རྒྱལ་བྱང་ཆུབ་སེམས་དཔའི་ཐེག་པ་གསུམ་དང་། འབྲས་བུའི་ཐེག ༄༅། །པར་ཕྱི་རྒྱུད་སྡེ་གསུམ་ནི་ཀྲི་ཡ་ཨུ་པ་ཡོ་ག་གསུམ། ནང་རྒྱུད་སྡེ་གསུམ་ནི། ཕ་རྒྱུད་བསྐྱེད་པ་མ་ཧཱ་ཡོ་ག །མ་རྒྱུད་ལུང་ཨ་ནུ་ཡོ་བ། །གཉིས་མེད་རྒྱུད་རྫོགས་པ་ཆེན་པོ་ཨ་ཏི་ཡོ་ག་དང་གསུམ་དུ་གྲགས་ཏེ། རྒྱུད་ལས། འདས་པ་རྒྱུ་དང་འབྲས་བུ་ལས།། རྒྱུ་ལ་གསུམ་དང་འབྲས་ལ་གཉིས། །གཉིས་པ་ལ་ཕྱེ་དྲུག་ཏུ་འགྱུར། །འདི་ལྟར་དབང་པོའི་རིམ་པའོ། །ཞེས་གསུངས་སོ། །འདིར་སྐབས་སུ་བབ་པ་བཀའ་གཏེར་གཉིས་ལས། འདི་ནི་བརྒྱུད་ཐག་ཉེ་བ། གདམས་ངག་མི་འཆུགས་པ། བྱིན་རླབས་ཆེ་བ། བརྒྱུད་པའི་བབ་བསྟན་པ་སྟེ ཁྱད་པར་བཞིས་འཕགས་པ། རྒྱ་ཆེ་བ་ཟབ་མོའི་གཏེར་བྱོན་རྫོགས་པ་ཆེན་པོ་ཨ་ཏི་ཡོ་གའི་དགོངས་པ་རྨ་མེད་པ། དེ་ལ་ཡང་སེམས་ཀློང་མན་ངག་གི་སྡེ་གསུམ་ལས འདི་ནི་གཙོ་བོ་ཡང་གསང་བླ་ན་མེད་པ་ཀུན་ཏུ་བཟང་པོའི་རང་ཞལ་མངོན་དུ་བྱེད་པའི་གདམས་པ་མ་བསྒོམ་སངས་རྒྱས་ཀྱི་ཁྲིད་འཆད་པར་བྱེད་པ་ལ། ཐོག་མར་ཆོས་ཉན་པའི་ཚུལ་དང་བཤད་བྱའི གཞུང་དོན་དངོས་བཤད་པ་གཉིས་ལས། དང་པོ་ཆོས་ཉན་པའི་ཚུལ་ལའང་། སྤྱི་དང་། བྱེ་བྲག་གཉིས་ལས།དང་པོ་སྤྱིར་བཤད་པ་ནི།རང་དོན་ཡིད་བྱེད་ཀྱི་བློ་ངན་དྲང་ནས་ཕྱུང་སྟེ འདི་ལྟར་འཁོར་བ་ན་གནས་པའི་སེམས་ཅན་ཐམས་ཅད་ཡེ་ཐོག་མ་མེད་པའི་དུས་ནས་རང་ཅག་གི་ཕ་མར་མ་གྱུར་པ་གཅིག་ཀྱང་མེད་པས་ན། དེ་རྣམས་གནས་ངན་འཁོར་བའི་རྒྱ་མཚོ་ལས བསྒྲལ་ཏེ། ཡང་དག་པར་རྫོགས་པའི་སངས་རྒྱས་ཀྱི་གོ་འཕང་ཐོབ་པའི་ཕྱིར་དུ། བདག་གིས་དམ་པའི་ཆོས་ཟབ་མོ་ཡང་དག་པར་ཉམས་སུ་བླང་བར་བྱ་སྙམ་པའི་གཞན་དོན་བསྒྲུབ་པ་ལ་སྐྱོ་ངལ་མེད་པའི་ཐེག་པ་ཆེན་པོའི་བྱང་ཆུབ་མཆོག་ཏུ་སེམས་བསྐྱེད་པ་ནི་གལ་ཤིན་ཏུ་ཉིད་ནས་ཆེ་སྟེ། མགོན་པོ་བྱམས་པས། སེམས་བསྐྱེད་པ་ནི་གཞན་དོན་ཕྱིར །ཡང་དག་རྫོགས་པའི་ ༄༅། །སངས་རྒྱས་འདོད། །ཞེས་གསུངས་སོ །ཁྱད་པར་གསང་སྔགས་རྡོ་རྗེ་ཐེག་པའི་ལམ་ཟབ་མོ་ཉམས་སུ་ལེན་པ་ལ། བསྐྱེད་དམིགས་དང་སེམས་བསྐྱེད་ཀྱི འཕེན་པ་གལ་ཆེ་སྟེ།ཚུལ་གསུམ་སྒྲོན་མེ་ལས།དོན་གཅིག་ན་ཡང་མ་རྨོངས་དང་།།ཐབས་མང་དཀའ་བ་མེད་པ་དང་།དབང་པོ་རྣོན་པོའི་དབང་བྱས་པས། །སྔགས་ཀྱི་ཐེག་པ་ཁྱད པར་འཕགས། །ཞེས་པ་ལྟར་གསང་སྔགས་རྡོ་རྗེའི་ཐེག་པ་འདི་ལ་ཐབས་མང་ལ་དཀའ་བ་ཆེན་པོ་སྤྱད་མ་དགོས་པར་འབྲས་བུ་མངོན་དུ་བྱེད་པའི་ཐབས་ཟབ་མོ་མང་དུ་ཡོད་པ་ལ། དེ་དག་གི་རྩ་བར་གྱུར་པ་ཡང་འདུན་པ་བསྒྱུར་བ་ལ་རག་ལས་ཏེ། ཇི་སྐད་དུ། ཆོས་རྣམས་ཐམས་ཅད་རྐྱེན་ཡིན་ཏེ། །འདུན་པའི་རྩེ་ལ་རབ་ཏུ་གནས། །ཞེས་གསུངས་པ་ལྟར། ཆོས་འཆད་པའི ཡུལ་དང་། སྟོན་པ་སོགས་ཐ་མལ་རང་རྒྱུད་པར་མི་འཛིན་ཅིང་ཕུན་སུམ་ཚོགས་པ་ལྔ་རུ་གསལ་གདབ་ནས་སྒོ་གསུམ་རྣམ་པར་དག་པའི་སྒོ་ནས་དམ་པའི་ཆོས་ཉན་དགོས། དེ་ཡང་གནས ཕུན་སུམ་ཚོགས་པ་འོག་མིན་ཆོས་དབྱིངས་རྣམ་པར་དག་པའི་ཞིང་ཁམས། སྟོན་པ་ཕུན་སུམ་ཚོགས་པ་གདོད་མའི་མགོན་པོ་ཆོས་སྐུ་ཀུན་ཏུ་བཟང་པོ། འཁོར་ཕུན་སུམ་ཚོགས་པ་རྒྱལ་བ་ དགོངས་པའི་བརྒྱུད་པ། རིག་འཛིན་བརྡ་ཡི་བརྒྱུད་པ སེམས་དཔའ་སེམས་མ་ལྷ་དང་ལྷ་མོའི་རང་བཞིན་དུ་གསལ་གདབ། ཆོས་ཕུན་སུམ་ཚོགས་པ་རྫོགས་པ་ཆེན་པོ་འབྲས་བུ་བླ་ན་མེད པ་ཐེག་པ་ཆེན་པོའི་ཆོས། དུས་ཕུན་སུམ་ཚོགས་པ་དུས་བཞི་མཉམ་པ་ཉིད་འཕོ་འགྱུར་དང་བྲལ་བ་རྟག་པ་རྒྱུན་གྱི་འཁོར་ལོར་གསལ་བཏབ། དེས་ནི་སྒོ་གསུམ་རྣམ་པར་དག་ཅིང་རྒྱུད་ལ བྱིན་རླབས་འཇུག་པའི་དགོས་པ་ཡོད་དོ། །ཆོས་འཆད་ཉན་བསྒོམ་བསྒྲུབ་གང་གི་སྐབས་སུའང་རང་རྒྱུད་ལེགས་པར་བརྟགས་ནས་སྐྱོན་གསུམ་དང་བྲལ་བའི་ངང་ནས་ཉན་དགོས་ཏེ། སྐྱོན་གསུམ་ནི། སྣོད་ཁ་སྦུབས་ལྟར་ཆོས་ཀྱི་ཚིག་ཇི་ལྟར་བཤད་ཀྱང་རྣ་བ་མི་གཏད་ཅིང་ཚིག་དོན་ཅུང་ཟད་མི་འཛིན་པ་དང་། ཞབས་རྡོལ་བཞིན་ཆོས་ཀྱི་སྒྲ་ཙམ་བཟུང་ཡང་དབུ་ནས་ཞབས་སུ་བསྡུ་བའི་དོན་ལ་རྟོག་པ་མི་བརྟན་པ་དང་། དུག་ཅན་ལྟར་ཆོས་ཀྱི་ཚིག་ཟིན་ཀྱང་རང་རྒྱུད་ལ་ངེས་འབྱུང་གི་བློ་དང་སེམས་བསྐྱེད་རྣམ་དག་གིས་མ་ཟིན་པའི་ཉོན་མོངས་པའི་གཉེན་པོར་མ་སོང་བ་རྣམས་སྤང་དགོས་ཏེ། མདོ་ལས། དགེ་སློང་དག་ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་དང་། ངས་ཁྱོད་ལ་བཤད་དོ། །ཞེས་གསུངས་པ་བཞིན། ལེགས་པར་ཆོས་ཉན ༄༅། །པས་དུག་ཅན་གྱི་སྐྱོན་སེལ རབ་ཏུ་ཉན་པས་ཁ་སྦུབས་ཀྱི་སྐྱོན་སེལ། ཡིད་ལ་བཟུང་བས་ཞབས་རྡོལ་གྱི་སྐྱོན་རྣམས་སེལ། ཆོས་ཉན་པའི་དུས་རང་མཐོང་གི ང་མཁས་སྙམ་པའི་ང་རྒྱལ། ཆོས་གྲོགས་དང་བླ་མ་ལ་མ་དད་པ་དང་། ཆོས་ལ་དོན་གཉེར་མེད་པ་དང་། མིག་དང་དབང་པོ་སོགས་ཕྱི་རོལ་དུ་གཡེང་དུ་འཇུག་པ་སོགས་ཆོས་ཀྱི་འགལ ཟླར་གྱུར་པ་ཐམས་ཅད་སྤངས་ནས དམ་པའི་ཆོས་ཐོབ་པ་ལ་དགའ་བ། དེ་ལ་གུས་ཤིང་དད་པ་བརྟན་པོའི་སྒོ་ནས་དྲི་མ་དྲུག་གི་སྐྱོན་རྣམས་སྦྱངས་ནས་སེམས་ཅན་གྱི་དོན་ཁོ་ནར་དམིགས་ཏེ་ཆོས་ཉན་དགོས་ཏེ། འཕགས་པ་སྡུད་པ་ལས། དགའ་དང་གུས་དང་དད་པའི་མཆོག་ནི་ཉེར་བཞག་སྟེ། །སྒྲིབ་པ་ཉོན་མོངས་བསལ་ནས་དྲི་མ་ལས་འདས་པ། །འགྲོ་དོན་མངོན་ཞུགས་དེས་པའི་ཤེས་རབ་ཕ་རོལ་ཕྱིན །གང་ལ་དཔའ་རྣམས་སྤྱོད་པ་དེ་ནི་ཉན་པར་གྱིས །ཞེས་གསུངས་པ་བཞིན་ནོ། །ཡང་ཕ་རོལ་ཏུ་ཕྱིན་པ་དྲུག་དང་ལྡན་པར་བྱ་བ་ནི། ཆོས་ཀྱི་སྟན་དང་མཆོད་པ་བཤམས་པ་ནི་སྦྱིན་པ། སྒོ་གསུམ་སྡོམ་ནས་ཆོས་ཉན་པ་ནི་ཚུལ་ཁྲིམས དེ་དུས་གཞན་གྱིས་འཚེ་བ་བཟོད་པ་ནི་བཟོད་པ བླ་མ་ལ་ཆོས་གསུངས་པར་བསྐུལ་བ་ནི་བརྩོན་འགྲུས ཆོས་ཀྱི་དོན་རྣམས་མ་ཡེངས་པར་ཉན་པ་ནི་བསམ་གཏན། ཐེ་ཚོམ་གྱི་གནས་རྣམས་རྟོག་དཔྱོད་ཀྱིས་འདྲི་བ་ནི་ཤེས་རབ་སྟེ་ཉན་པ་པོ་ཡན་ལག་དྲུག་དང་ལྡན་ནོ། །མངོན་པར་རྟོགས་པའི རྒྱུད་ལས། མེ་ཏོག་སྟན་སོགས་རབ་དབུལ་ཞིང་།ས་ཕྱོགས་སྤྱོད་ལམ་སྡོམ་པ་དང་། །སྲོག་ཆགས་ཀུན་ལ་འཚེ་མི་བྱ །བླ་མ་ལ་ནི་གསོལ་བ་འདེབས། །མ་ཡེངས་བླ་མའི་གདམས ངག་འཛིན། །དོགས་སེལ་ཕྱིར་ན་སྐྱོན་ཚིག་འདྲི། །སྒྲོན་མ་ཡན་ལག་དྲུག་དང་ལྡན། །ཅེས་གསུངས་པ་བཞིན་དུ། ཀུན་སློང་དང་ཀུན་སྤྱོད་ཐམས་ཅད་ལེགས་པར་གསལ་བཏབ་སྟེ་ཆོས་ཉན་པ་ནི་ཤིན་ཏུ་གལ་ཆེ་བས་གནད་དམ་པ་ཡིན་ནོ། །གཉིས་པ་བྱེ་བྲག་ཏུ་བཤད་པ་ལ། བླ་མ་ལ་མོས་གུས། མཆེད་གྲོགས་ལ་བརྩེ་གདུང་། སེམས་ཅན་ལ་སྙིང་རྗེ། འཁོར་བ་ལ་ངེས འབྱུང་། འདུས་བྱས་མི་རྟག་པ་བསྒོམ་པ་དང་ལྔ་ལས། དང་པོ་བླ་མར་མོས་གུས་བསྒོམ་པ་ནི། སྤྱིར་རང་ལ་གདམས་པ་ཐོབ་ཚུལ་གྱི་སློབ་དཔོན་དྲུག་ཏུ་བཤད་ཀྱང་། དབང་བསྐུར། རྒྱུད་བཤད། མན་ངག་སྟོན་པ་ནི་བཀའ་དྲིན་གསུམ་ལྡན་གྱི་རྩ་བའི་བླ་མ་ཡིན་པས་ན། བླ་མ་མ་བསྟེན་པར་སངས་རྒྱས་ཐོབ་པའི་ལོ་རྒྱུས་མདོ་རྒྱུད་གང་ལའང་མ་གསུངས། སྔོན་བྱོན་གྲུབ་ ༄༅། །ཐོབ་གོང་མ་རྣམས་ཀྱང་དངོས་དང་དངོས་མེད་ཀྱི་བླ་མ་ལ་བསྟེན་ནས་ས་ལམ་གྱི་ཡོན་ཏན་ཐམས་ཅད་བསྐྱེད་ཅིང་གྲུབ་པ་ཐོབ་པ་ཤ་སྟག་མཐོང་ཆོས་སུ་འབྱུང་སྟེ། དེས་ན་བླ་མ་ནི་སྐྱོན་ཟད་ཡོན་ཏན་ཀུན་ཆུབ་སངས་རྒྱས་དངོས་ཡིན་ཀྱང་། རང་ཅག་སོ་སོའི་སྐྱེས་བུའི་ཤེས་རྒྱུད་ཡུལ་དུས་དང་གྲོགས་ལ་སོགས་པའི་རྐྱེན་གྱིས་བསྒྱུར་སླ་བས། དང་པོ་ཐག ཉེ་རིང་ཀུན་ནས་བླ་མ་ལ་བརྟག །བར་དུ་རང་གི་ཀུན་རྟོག་བློ་ངན་གྱི་སྐྱོན་སྤངས་ནས་བླ་མ་བསྟེན། ཐ་མ་མཉེས་པ་གསུམ་གྱིས་ཞབས་ཏོག་བསྒྲུབ་ནས་དམ་ཚིག་ལ་ཉམས་ཆག་མེད་པར་བླ་མའི་དགོངས་སྤྱོད་ཐམས་ཅད་སཱཙྪའི་བསྐོས་ཕོར་བཞིན་དུ་བསླབ་པ་ནི་གལ་ཆེ། ད་ལྟ་དུས་སྙིགས་མར་སོང་བས་རྒྱུད་སྡེ་རྣམས་ནས་བཤད་པའི་བླ་མའི་མཚན་ཉིད་ཐམས་ཅད་ཡོངས་སུ་རྫོགས་པར་ཚང་བ་རྙེད་པར་དཀའ་ཡང་། བསྟེན་བྱའི་བླ་མ་ལ་ཡོན་ཏན་འདི་དག་ཚང་དགོས། སྡོམ་གསུམ་གཙང་བ་ཐོས་རྒྱ་ཆེ་བ། སེམས་ཅན་ལ་སྙིང་རྗེ་ལྡན་པ། ཕྱི་སྡེ་སྣོད་གསུམ་དང་། ནང་གསང་སྔགས་རྡོ་རྗེ་ཐེག་པའི་ཆོས་ཀྱི་དོན་ལ་མཁས་པ རང་དོན་དུ་རྟོགས་པ་མངོན་དུ་གྱུར་ཅིང་སྤང་ཐོབ་ཀྱི་ཡོན་ཏན་མཐར་ཕྱིན་ནས། གཞན་དོན་གདུལ་བྱའི་ཁམས་དབང་ དང་མཐུན་པའི་དམ་པའི་ཆོས་ཀྱི་སྒོ་བསམ་གྱིས་མི་ཁྱབ་པ་གང་ལ་གང་འདུལ་དུ་མཛད་ཅིང་། བསྡུ་བའི་དངོས་པོ་རྣམ་པ་བཞིའི་སྒོ་ནས་སྐལ་བཟང་གི་སློབ་མ་སྡུད་པ་སྟེ། དེ་ལྟ་བུའི་དགེ བའི་བཤེས་གཉེན་བསྟེན་པ་དང་ཁྱད་པར་གསང་སྔགས་རྡོ་རྗེ་ཐེག་པའི་མན་ངག་གི་ཟབ་གནད་སྟོན་པའི་བླ་མ་ནི་སྨིན་བྱེད་དབང་དང་གྲོལ་བྱེད་ཁྲིད་ཀྱི་བརྒྱུད་པའི་ཟམ་མ་ཆད་པས་རྒྱུད་སྨིན་ཅིང་གྲོལ་བ། དབང་དུས་ཀྱི་ཁས་བླངས་པའི་རྩ་བ་སྐུ་གསུང་ཐུགས་སོགས་ཀྱི་དམ་ཚིག་དང་སྡོམ་པའི་གནད་ལ་འགལ་བ་མེད་ཅིང་ཉོན་མོངས་དང་རྣམ་རྟོག་ཆུང་བ། ཐུགས་རྒྱུད་ཞི་ཞིང་དུལ་བ། གཞི་ལམ་འབྲས་བུའི་རྒྱུད་དོན་མན་ངག་ཐམས་ཅད་ཁོང་དུ་ཆུད་པ། བསྐྱེད་རྫོགས་ཀྱི་རྟགས་མཐོང་ནས་གནས་ལུགས་ཀྱི་དོན་ཕྱིན་ཅི་མ་ལོག་པ་མངོན་དུ་གྱུར་བ། ཚེ་འདི་བློས་ཐོང་ཞིང་རྟག་ཏུ་དབེན་ཁྲོད་ལ་གནས་པ གཞན་དོན་ལ་ཐུགས་རྒྱ་ཆེ་ཞིང་གང་འདུལ་གྱིས་འགྲོ་བ་རྣམས་ཆོས་ལམ་ལ་བཙུད་པ། བླ་མའི་བཀའ་བཞིན་བསྒྲུབ་པས་བརྒྱུད་པའི་བྱིན་རླབས་མྱུར་ཞིང་ཡོན་ཏན་མངོན་དུ་གྱུར་བ་དེ་ལྟ་བུ་ཞིག་བསྟེན་པ་གལ་ཆེ་སྟེ། དེ་ལྟར་ཡོན་ཏན་ཐམས་ཅད་དང་ལྡན་པའི་བླ་མ་དེ་ནི་འདས་པའི་སངས་རྒྱས་ཐམས་ཅད་ཀྱི་རྒྱལ་ཚབ། མ་འོངས་པའི་ ༄༅། །སངས་རྒྱས་རྣམས་ཀྱི་འབྱུང་གནས། ད་ལྟའི་སངས་རྒྱས་ཐམས་ཅད་ཀྱི་སྤྲུལ་པ། སྐུ་དགེ་འདུན། གསུང་དམ་ཆོས། ཐུགས་སངས་རྒྱས། སྐུ་བླ་མ། གསུང་ཡི་དམ། ཐུགས་མཁའ་འགྲོ། སྐུ་སྤྲུལ་སྐུ། གསུང་ལོངས་སྐུ ཐུགས་ཆོས་སྐུ་སྟེ། སྐྱབས་གནས་ཀུན་འདུས་ཀྱི་ངོ་བོ་དྲིན་ཆེན་རྩ་བའི་བླ་མ་དེ་ལ་སངས་རྒྱས་དངོས་ཀྱི་འདུ་ཤེས་བཞག་ནས། ལུས་གུས་པས་ཕྱག་འཚལ་བ། ངག་གུས་པས་གསོལ་བ་འདེབས་པ། ཡིད་གུས་པས་སྤྱི་མགྲིན་སྙིང་གའི་དབུས་སུ་བླ་མ་བསྒོམ་ནས་ཐུགས་ཡིད་བསྲེ་བ་སོགས་སྒོ་གསུམ་ཟོལ་ཟོག་མེད་པའི་ངང་ནས་བླ་མ་ལ་མཉེས་པ་གསུམ་གྱིས་དད་པ་དག་སྣང་མོས་གུས་རྒྱུན་ཆད་ཐང་ལྷོད་མེད་པ་ནི་གནད་གལ་པོ་ཆེ་ཡིན་པས། སྡེ་སྣོད་གསུམ་བློ་རུ་ཤེས་པ་ལྟ་བུ་ཡིན་ཀྱང་། བླ་མ་ལ་མོས་གུས་མེད་ཚེ་རང་རྒྱུད་ལ་ཕན་པ་ཅུང་ཟད་ཀྱང་མེད་དེ། ཇི་སྐད་དུ། བླ་མ་སངས་རྒྱས་བླ་མ་ཆོས། །དེ་བཞིན་བླ་མ་དགེ་འདུན་ཏེ། །ཀུན་གྱི་བྱེད་པོ་བླ་མ་ཡིན།། བླ་མ་དཔལ་ལྡན་རྡོ་རྗེ་འཆང་། །ཞེས་དང་། འབྲི་གུང་སྐྱོབ་པ་རིན་པོ་ཆེས བླ་མ་སྐུ་བཞིའི་གངས་རི་ལ །མོས་གུས་ཀྱི་ཉི་མ་མ་ཤར་ན། །བྱིན་རླབས་ཀྱི་ཆུ་རྒྱུན་མི་འབེབས་པས། སེམས་མོས་གུས་འདི་ལ་ནན་ཏན་མཛོད། །ཅེས་གསུངས་བཞིན། བླ་མ་ལ་ཡིད་གཉིས་དང་ཐེ་ཚོམ་མེད་པར་རྩེ་གཅིག་ཏུ་གསོལ་བ་བཏབ་ན་ཐུགས་རྒྱུད་ཀྱི་རྟོགས་པ་རང་ལ་འཕོས་ནས་མཆོག་ཐུན་མོང་གི་དངོས་གྲུབ་ཐམས་ཅད་ཐོབ་པར་འགྱུར་བ་ཡིན་ནོ། །གཉིས་པ་མཆེད་གྲོགས་ལ་བརྩེ་གདུང་བསྒོམ་པ་ནི། དེ་ལ་བླ་མ་དགེ་བའི་བཤེས་གཉེན་དང་། རྡོ་རྗེའི་མཆེད གྲོགས་གཉིས་ནི་རྣམ་མཁྱེན་ཐར་པའི་གླིང་གི་ལམ་མཁན་ལྟ་བུ་ཡིན་པས་བརྩེ་གདུང་གི་སྒོ་ནས་བསྟེན་དགོས།དེ་ཡང་རྡོ་རྗེའི་མཆེད་ལའང་ནང་གསེས་ཀྱི་དབྱེ་ན་མཆེད་བཞིར་ཡོད་ཀྱང་། འདིའི་སྐབས་སུ་ནང་འདྲེས་པའི་མཆེད་གྲོགས་མཚེ་མ་ལྟ་བུ་ཡིན་པས། དུས་དང་རྣམ་པ་ཀུན་ཏུ་དམ་ཚིག་ལ་མངོན་ལྐོག་མེད་པར་བརྩེ་གདུང་དང་བྱམས་པའི་ཚུལ་གྱིས་རང་གི་སྒོ་གསུམ་གྱི་བྱ་བ་བསྡོམས་ནས། བླ་མ་ལྟར་ཅི་གསུངས་ཚད་མར་འཛིན་ཅིང་ཅི་མཛད་བརྡ་ཆོས་སུ་མཐོང་བའི་མོས་གུས་ཀྱིས་དག་སྣང་བསྒོམ་པ་དང་། རང་གི་ཁོག་པའི་སྙིང་ལྟ་བུར་རྟག་ཏུ་མི་འབྲལ་ཞིང་གཅེས་སྤྲས་སུ་བརྩེ་གདུང་དགོས་ཏེ རྔམ་གློག་ལས་། རྡོ་རྗེའི་སྤུན་ལ་གདུང་སེམས་ཀྱིས །འདྲེས་དང་མ་འདྲེས་ཡོངས་ཀྱི་སྤུན །ཡང་དག་ལམ་དུ་ཞུགས་པ་ལ། །རྔན་དང་ ༄༅། །བཅས་པའི་སེམས་ཙམ་ཡང་། །རྟག་ཏུ་སྤང་བར་བྱ་བ་ཡིན། །བརྩེ་ཞིང་གདུང་བའི་ཤུགས་ཕྱུང་ལ། །གཅིག་ལ་གཅིག་ནི་མིག་བཞིན་བལྟ། །ཞེས་གསུངས པས། ཐར་པ་དང་རྣམ་མཁྱེན་རྫོགས་པའི་སངས་རྒྱས་ཀྱི་གོ་འཕང་མངོན་དུ་མ་གྱུར་གྱི་བར་དུ་རྡོ་རྗེའི་སྤུན་གྲོགས་རྣམས་དང་འགྲོགས་དགོས་པས་ན། བརྩེ་གདུང་དང་དམ་ཚིག་མ་ཉམས པ་གལ་ཆེ། ཉམས་ན་རང་གཞན་ཀུན་གནས་ངན་དུ་འཕྱན་པར་འགྱུར་བས། དེའི་ཕྱིར་དམ་ཚིག་ཚུལ་བཞིན་དུ་བསྲུང་ནས་འབད་རྩོལ་གྱིས་བརྩེ་གདུང་དགོས་སོ། །གསུམ་པ་སེམས་ཅན་ལ་སྙིང་རྗེ་བསྒོམ་པ་ནི། འདི་ལྟར་ནམ་མཁའ་དང་མཉམ་པའི་སེམས་ཅན་ཐམས་ཅད་རང་གི་ཕ་མར་མ་གྱུར་པ་གཅིག་ཀྱང་མེད་དེ་ཕ་མར་གྱུར་པའི་སེམས་ཅན་དེ་རྣམས་རང་རང་གི་ལས་སྣང་འཁྲུལ་པའི་དབང་གིས་སྡུག་བསྔལ་ཁོ་ནར་སྤྱོད་ཅིང་བདེ་བའི་གནས་སྐབས་སྤུ་རྩེ་ཙམ་ཡང་མེད་པས་ན། དེ་དག་གི་ལས་སྣང་བག་ཆགས་སྡུག་བསྔལ་དང་བཅས་པ་བྱང་ཞིང་དག་པ་དང་། ཡང་དག་པ་རྣམ་མཁྱེན་སངས་རྒྱས་ཀྱི་གོ་འཕང་རིན་པོ་ཆེ་ཐོབ་པར་བྱ་བའི་ཕྱིར་དུ། བདག་གིས་བྱང་ཆུབ་མཆོག་ཏུ་སེམས་བསྐྱེད་ནས་ཁམས་གསུམ་འཁོར་བའི་རྒྱ་མཚོ་དོང་ནས་ སྤྲུགས་སྙམ་པའི་སྙིང་ཐག་པ་ནས་སེམས་ཅན་གྱི་དོན་དུ་རྒྱལ་པོ་སྙིང་སྟོབས་ཅན་ལྟ་བུར་རང་དོན་ཡིད་བྱེད་ཀྱི་བློ་བོར་ནས་སྙིང་རྗེ་བསྒོམ་དགོས་ཏེ། དཔལ་ས་ར་ཧ་པའི་དོ་ཧ་ལས་ཀྱང་། སྙིང་རྗེ་དང་བྲལ་སྟོང་པ་ཉིད་བལྟ་བ། །དེས་ནི་ལམ་མཆོག་རྙེད་པ་མ་ཡིན་ཏེ། །གལ་ཏེ་སྙིང་རྗེ་འབའ་ཞིག་བསྒོམ་ན་ཡང་། །འཁོར་བ་འདིར་གནས་ཐར་པ་ཡོད་དམ་ཅི། །གང་ལ་གཉིས་པོ་ཡོད་པར་གྱུར་པ་དེ། །སྲིད་པར་མི་གནས་མྱ་ངན་འདས་མི་གནས། །ཞེས་གསུངས་བཞིན བྱམས་དང་སྙིང་རྗེ་བྱང་ཆུབ་ཀྱི་སེམས་གསུམ་ནི་ཆོས་པ་རྣམས་ལ་མེད་ཐབས་མེད་པ་ཡིན་པས། རྟག་ཏུ་ལམ་གང་བསྒྲུབ་ཀྱང་གཞུང་ཤིང་ལྟ་བུ་ཡིན་པས་ན་ཚུལ་བཞིན་དུ་ཉམས་སུ་ལེན་དགོས་སོ། །བཞི་པ་འཁོར་བ་ལ་ངེས་འབྱུང་བསྒོམ་པ་ནི། དེ་ཡང་རང་ཅག་རྣམས་འཁོར་བ མཐོ་དམན་བར་གསུམ་གང་དུ་སྐྱེས་ཀྱང་སྡུག་བསྔལ་གྱི་རང་བཞིན། སྡུག་བསྔལ་གྱི་ཡོ་ལང་། སྡུག་བསྔལ་གྱི་འཁྲུལ་འཁོར་ལས་མ་འདས་པ་ཤ་སྟག་ཡིན་པས། འཁོར་བའི་བྱ་བ་ལ་སྙིང་པོ་མེད་པའི་ཚུལ་ལ་བསམ་ནས། ཚེ་འདི་སྣང་གི་བྱ་བ་དགྲ་འདུལ་གཉེན་སྐྱོང་ལ་སོགས་པ་ཐམས་ཅད་བློས་བཏང་ནས། དམ་པའི་ཆོས་ཁོ་ན་