Tibetan
ཚུལ་དང་ཡང་ན་ཤིང་ཤུན་མང་གི་ལྤགས་ཤུན་བརྩེགས་པ་བཞིན་དུ་ཕྱི་ནང་གི་ཚུལ་དུ་ཡོད་དགོས། ཡོད་ན་མངོན་སུམ་མིག་གིས་མཐོང་རྒྱུ། དོན་དམ་ལག་པས་འཛིན་རྒྱུ། དབང་པོའི་སྒོ་རུ་མངོན་རྒྱུ་ཞིག་ཡོད་དགོས་ཀྱང་དེ་ནི་ཡོད་པ་མ་ཡིན། དེའི་ཕྱིར་ན་མགོ་ཞེས་བྱ་བ་བརྗོད་པ་ཙམ་གྱིས་བརྗོད་གཞི་ཡུལ་མེད་དུ་འདུག་པའི་ངང་ཚུལ་ཇི་ལྟ་བ་བཞིན་དུ་ཤེས་པར་བྱེད་དགོས་པ་ཡིན་ནོ། །དེ་བཞིན་དུ་མིག་ལ་ཡང་༴སོགས དེས་སྟོན་ཏོ། །དེ་བཞིན་དུ་མིག་གི་གདགས་གཞིའི་སྟེང་དུ་ཚུགས་ཐུབ་ཏུ་གྲུབ་པ་ཞིག་ཡོད་པ་ཡིན་སྙམ་ན། དེ་ལྟར་མིག་ལའང་ཆུ་བུར་ཟུང་དུ་ཡོད་པ་ལ་ནི་མིག་ཟེར་བ་མ་ཡིན། ལྤགས་ལ་ནི་ ལྤགས་ཟེར་བ་ལས་མིག་མ་ཡིན། མིག་ཆུ་ལ་མིག་ཆུ་ཟེར་བ་ལས་མིག་མ་ཡིན། མིག་རྩ་ལ་མིག་རྩ་ཟེར་བ་ལས་མིག་མ་ཡིན ཁྲག་ལ་ཁྲག་ཟེར་བ་ལས་མིག་མ་ཡིན། དེ་དག་ལའང་རང་རང་གི་མིང་བརྗོད་པ་ལས་མིག་མ་ཡིན། དེ་ལྟར་སོ་སོར་བྲལ་བ་ལ་མིག་མི་ཐོག་ཀྱང་། ལྷན་དུ་ཚོགས་པ་ལ་མིག་བཏགས་པ་ཡིན་སྙམ་ན། སྲོག་ཆགས་ཞིག་གི་མིག་བླང་ནས་རྡུལ་དུ་ཕབ། རྡུལ་རྡུལ་ཕྲན་དུ་ཕབ། རྡུལ་ཕྲན་ཆ་མེད་དུ་བཏང་ནས་ལྷོ་རྒྱལ་འཛམ་བུའི་གླིང་གི་མི་རྣམས་ལ་བསྟན་ཀྱང་རྡུལ་བརྗོད་པ་ལས་མིག་མི་ཐོག །དེ་ཉིད་ཆུ་ཡིས་སྤྲས་པའི་འདག་པ ལའང་འདག་པ་ཟེར་བ་ལས་མིག་མི་ཟེར། གཟུགས་མཐོང་མཁན་ཞིག་ཡིན་པས་མིག་བཏགས་པ་ཡིན་སྙམ་ན སྲོག་ཆགས་ཤི་བ་མང་པོའི་མིག་བླངས་ཏེ། སེམས་ཅན་མིག་ལོང་ཡོད་པ་ཞིག་གི་མིག་ཤུལ་ལ་བཞག་ན་དེས་གཟུགས་མཐོང་དགོས་ཀྱང་དེ་ནི་མཐོང་བ་མ་ཡིན། དེའི་ན་རྨི་སྣང་གི་མིག་དང་ཉིན་སྣང་གི་མིག་གཉིས་གཅིག་རེད་དང་གཉིས་རེད གཅིག་ཡིན ན་མདང་རྨི་ལམ་གྱི་སྐབས་ཁྱོད་ཀྱི་མིག་ལོང་སོང་བ་རྨིས་ན། དེ་རིང་ཉིན་མོའི་སྐབས་ཀྱི་མིག་འདི་ལོང་ཡོད་དགོས་ཀྱང་དེ་ནི་ཡོད་པ་མ་ཡིན། དེ་རིང་ཉིན་མོའི་སྐབས་ཀྱི་མིག་འདི་ལོང་ ༄༅། །ཡོད་པ་ཞིག་ཡིན་ན། མདང་རྨི་ལམ་གྱི་སྐབས་ཀྱི་མིག་དེས་གཟུགས་མི་འདྲ་བ་སྣ་ཚོགས་མཐོང་ཀྱང་། དེ་རིང་ཉིན་མོའི་སྐབས་ཀྱི་མིག་འདིས་ནི་གཟུགས གཅིག་ཀྱང་མཐོང་མྱོང་བ་མ་ཡིན། ཡང་ན་ཐ་དད་པ་ཞིག་རེད་སྙམ་ན། ལོ་གཅིག་གི་ནང་དུ་ཉིན་སུམ་བརྒྱ་དང་དྲུག་ཅུ། མཚན་སུམ་བརྒྱ་དང་དྲུག་ཅུ ཉིན་ཞག་བདུན་བརྒྱ་དང་ཉི་ཤུ་ཐམ པ་ཡོད་པས། དེ་ལ་མིག་ཀྱང་བདུན་བརྒྱ་དང་ཉི་ཤུ་ཐམ་པ་ཡོད་དགོས། ཡོད་ན་ཡེ་ཐོག་མ་མེད་པའི་དུས་ནས་ད་ལ་ཐུག་གི་བར་གྱི་མིག་དེ་དག་ཡང་ན་ཤིང་ཏ་ལའི་ལོ་མ་བརྩེགས་པ་བཞིན་དུ་སྟེང་འོག་གི་ཚུལ་དང་། ཡང་ན་ཤིང་ཤུན་མང་གི་ལྤགས་ཤུན་བརྩེགས་པ་བཞིན་དུ་ཕྱི་ནང་གི་ཚུལ་དུ་ཡོད་དགོས།ཡོད་ན་མངོན་སུམ་མིག་གིས་མཐོང་རྒྱུ། དོན་དམ་ལག་པས་འཛིན རྒྱུ། དབང་པོའི་སྒོར་མངོན་རྒྱུ་ཞིག་ཡོད་དགོས་ཀྱང་དེ་ནི་ཡོད་པ་མ་ཡིན། དེའི་ན་ངའི་མིག་འདི་ལོང་སོང་ན་ཕྱིན་ཆད་གཟུགས་མི་མཐོང་སྙམ་ན། ཁྱོད་ཀྱིས་དང་པོ་གཟུགས་མཐོང་མཁན དེ་ངའི་མིག་ཡིན་སྙམ་པ་དང་། བར་དུ་ངའི་མིག་ལོང་སོང་བས་གཟུགས་མི་མཐོང་སྙམ་པས ཐ་མ་ཡང་གཟུགས་མི་མཐོང་བའི་སྣང་བ་ཤར་བ་རེད་མ་གཏོགས། དེ་རིང་ཉིན་མོའི་སྐབས ཀྱི་མིག་དེ་བཙུམ་ནས་གཉིད་ཚེ་རྨི་ལམ་གྱི་སྐབས་གཟུགས་སྣ་ཚོགས་པ་ཞིག་མཐོང་མཁན་ཡོད་ཀྱང་། དེ་རིང་ཉིན་མོའི་སྐབས་ཀྱི་མིག་འདིས་ནི་གཟུགས་གཅིག་ཀྱང་རིག་མྱོང་བ་མ་ཡིན། དེ་བཞིན་དུ་བར་སྲིད་དང་ཕྱི་མའི་དུས་རྣམས་སུའང་ད་ལྟའི་ལུས་རོ་དང་བཅས་པ་ཤུལ་དུ་བོར་ནས་ཤི་སོང་ཡང་། བར་སྲིད་དང་ཕྱི་མའི་དུས་ཀྱི་གཟུགས་མཐོང་མཁན་དེ། རང་གི་སེམས ཡེ་གནས་ཀྱི་ཤེས་པའི་རང་གཟུགས་རང་གིས་མཐོང་བ་ཙམ་ལས་ཆུ་བུར་གྱི་མིག་འདིས་ནི་གཟུགས་གཅིག་ཀྱང་མཐོང་མྱོང་བ་མ་ཡིན་ཏེ། དེའི་ཕྱིར་ན་བཅོམ་ལྡན་འདས་ཀྱིས། མིག་གི རྣམ་པར་ཤེས་པ་ནི་མཐའ་ཡས་སོ། །ཞེས་གསུངས་སོ། །རྣ་བ་ཡང་༴སོགས། མ་ཡིན། དེ་བཞིན་དུ་རྣ་བའི་གདགས་གཞིའི་སྟེང་དུ་ཚུགས་ཐུབ་ཏུ་གྲུབ་པ་ཞིག་ཡོད་པ་ཡིན་སྙམ་ན། རྣ་བ་ཡང་དེ་བཞིན་དུ་སྦུ་གུ་ནི་སྦུ་གུ་ཟེར་བ་ལས་རྣ་བ་མ་ཡིན། ལྤགས་ལ་ནི་ལྤགས་ཟེར་བ་ལས་རྣ་བ་མ་ཡིན ཤ་ལ་ནི་ཤ་ཟེར་བ་ལས་རྣ་བ་མ་ཡིན རྩ་རྒྱུས་ལ་རྩ་རྒྱུས་ཟེར་བ་ལས་རྣ་བ མ་ཡིན། ཁྲག་ལ་ཁྲག་ཟེར་བ་ལས་རྣ་བ་མ་ཡིན ཆུ་སེར་ལ་ཆུ་སེར་ཟེར་བ་ལས་རྣ་བ་མ་ཡིན དེ་རྣམས་རང་རང་གི་མིང་བརྗོད་པ་ལས་རྣ་བ་མི་ཟེར། དེ་ལྟར་སོ་སོར་བྲལ་བ་ལ་རྣ་བ་མི ༄༅། །ཐོག་ཀྱང་། ལྷན་དུ་ཚོགས་པ་ལ་རྣ་བ་བཏགས་པ་ཡིན་སྙམ་ན། སྲོག་ཆགས་ཞིག་གི་རྣ་བ་བཅད་ནས་རྡུལ་དུ་ཕབ རྡུལ་རྡུལ་ཕྲན་དུ་ཕབ། རྡུལ་ཕྲན་ཆ་མེད་དུ་བཏང་ནས་ལྷོ་རྒྱལ་འཛམ་བུའི་གླིང་གི་མི་རྣམས་ལ་བསྟན་ཀྱང་རྡུལ་བརྗོད་པ་ལས་རྣ་བ་མི་ཐོག །དེ་ཉིད་ཆུས་སྦྲས་པའི་འདག་པ་ལ་ཡང་འདག་པ་ཟེར་བ་ལས་རྣ་བ་མི་ཟེར། སྒྲ་ཐོས་མཁན་ཞིག་ཡིན་པས་རྣ་བ་བཏགས་པ་ཡིན་སྙམ་ན། སྲོག་ཆགས་ཤི་བ་མང་པོའི་རྣ་བ་བླང་ནས་སེམས་ཅན་རྣ་བ་འོན་ཡོད་པ་ཞིག་གི་རྣ་ཤུལ་ལ་བཞག་ན་དེས་སྒྲ་ཐོས་དགོས་ཀྱང་དེ་ནི་ཐོས་པ་མ་ཡིན། དེའི་ན་ཉིན་སྣང་གི་རྣ་བ་དང་། རྨི་སྣང་གི་རྣ་བ་གཉིས་གཅིག་རེད་དང་གཉིས་རེད།གཅིག་ཡིན་ན་མདང་རྨི་ལམ་གྱི་སྐབས་སུ་ཁྱོད་ཀྱི་རྣ་བ་འོན་སོང་བ་རྨིས་ན། དེ་རིང་ཉིན་མོའི་སྐབས་ཀྱི་རྣ་བ་འདི་འོན་ཡོད་དགོས་ཀྱང་དེ་ནི་ཡོད་པ་མ་ཡིན། དེ་རིང་ཉིན་མོའི་སྐབས་ཀྱི་རྣ་བ་འདི་འོན་ཡོད་པ་ཞིག་ཡིན་ན།མདང་རྨི་ལམ་གྱི་སྐབས་སུ་སྒྲ་སྣ་ཚོགས་པ་ཐོས་ཀྱང་། དེ་རིང་ཉིན་མོའི་སྐབས་ཀྱི་རྣ་བ་དེས་སྒྲ་གཅིག་ཀྱང་ཐོས་མྱོང་བ་མ་ཡིན། ཡང་ན་ཐ་དད་པ་ཞིག་རེད་སྙམ་ན ལོ་གཅིག་གི་ནང་ན་ཉིན་སུམ་བརྒྱ་དང་དྲུག་ཅུ མཚན་སུམ་བརྒྱ་དང་དྲུག་ཅུ། ཉིན་ཞག་བདུན་བརྒྱ་དང་ཉི་ཤུ་ཐམ་པ་ཡོད་པས། དེ་ལ་རྣ་བ་ཡང་བདུན་བརྒྱ་དང་ཉི་ཤུ་ཐམ་པ་ཡོད་དགོས། ཡོད་ན་ཡེ་ཐོག་མ་མེད་པའི་དུས་ནས་ད་ལ་ཐུག་གི་བར་གྱི་རྣ་བ་དེ་དག་ཡང་ན་ཤིང་ཏ་ལའི་ལོ་མ་བརྩེགས་པ་བཞིན་དུ་སྟེང་འོག་གི་ཚུལ་དང་། ཡང་ན་ཤིང་ཤུན་མང་གི་ལྤགས་ཤུན་བརྩེགས་པ་བཞིན་དུ་ཕྱི་ནང་གི་ཚུལ་དུ་ཡོད་དགོས།ཡོད་ན་མངོན་སུམ་མིག་གིས་མཐོང་རྒྱུ། དོན་དམ་ལག་པས་འཛིན་རྒྱུ དབང་པོའི་སྒོ་རུ་མངོན་རྒྱུ་ཞིག་ཡོད་དགོས་ཀྱང་དེ་ནི་ཡོད་པ་མ་ཡིན། དེའི་ན་ངའི་རྣ་བ་འདི་འོན་སོང་ན་ཕྱིན་ཆད་སྒྲ་མི་ཐོས་སྙམ་ན། ཁྱོད་ཀྱི་དང་པོ་སྒྲ་ཐོས་མཁན་དེ་ངའི་རྣ་བ་ཡིན་སྙམ་པ་དང་། བར་དུ་ངའི་རྣ་བ་འོན་སོང་བའི་སྒྲ་མི་ཐོས་སྙམ་པས། ཐ་མ་ཡང་སྒྲ་མི་ཐོས་པའི་སྣང་བ་ཤར་བ་རེད་མ་གཏོགས དེ་རིང་ཉིན་མོའི་སྐབས་ཀྱི་མིག་བཙུམ་ནས་གཉིད་ཚེ་རྨི་ལམ་གྱི་སྒྲ་ཐོས་མཁན་ཞིག་ཡོད་ཀྱང་དེ་རིང་ཉིན་མོའི་སྐབས་ཀྱི་རྣ་བ་དེས་སྒྲ་གཅིག་ཀྱང་ཐོས་མྱོང་བ་མ་ཡིན། དེ་བཞིན་དུ་བར་སྲིད་དང་ཕྱི་མའི་དུས་རྣམས་སུ་འང་ད་ལྟའི་ལུས་རོ་དང་བཅས་པ་ཤུལ་དུ་བོར་ནས་ཤི་སོང་ཡང་། བར་སྲིད་དང་ཕྱི་མའི་དུས་ཀྱི་སྒྲ་ཐོས་མཁན་དེ། རང་གི་སེམས་ཡེ་གནས་ཀྱི་ཤེས་པས་རང་སྒྲ་རང་གིས ༄༅། །ཐོས་པ་ཙམ་ཞིག་ལས་ཡོད་པ་མ་ཡིན་ཏེ དེའི་ཕྱིར་ན་བཅོམ་ལྡན་འདས་ཀྱིས རྣ་བའི་རྣམ་པར་ཤེས་པ་ནི་མཐའ་ཡས་སོ། །ཞེས་གསུངས་སོ། །དེ་བཞིན་དུ་སྣ་ཡང་༴སོགས། བྱའོ། །དེ་བཞིན་དུ་སྣའི་གདགས་གཞིའི་སྟེང་དུ་ཚུགས་ཐུབ་ཏུ་གྲུབ་པ་ཞིག་ཡོད་པ་ཡིན་སྙམ་ན། སྣ་ཡང་སྦུ་གུ་ལ་སྦུ་གུ་ཟེར་བ་ལས་སྣ་མ་ཡིན ལྤགས་ལ་ནི་ལྤགས་ཟེར་བ་ལས་སྣ་མ་ཡིན། རུས་པ་ལ་རུས་པ་ཟེར་བ་ལས་སྣ་མ་ཡིན། ཤ་ལ་ཤ་ཟེར་བ་ལས་སྣ་མ་ཡིན། རྩ་རྒྱུས་ལ་རྩ་རྒྱུས་ཟེར་བ་ལས་སྣ་མ་ཡིན། དེ་ཐམས་ཅད་ལ་རང་རང་གི་མིང་བརྗོད་པ་ལས་སྣ་མི་ཐོག །དེ་ལྟར་སོ་སོར་བྲལ་བ་ལ་སྣ་མི་ཐོག་ཀྱང་ལྷན་དུ་ཚོགས་པ་ལ་སྣ་བཏགས་པ་ཡིན་སྙམ་ན སྲོག་ཆགས་ཞིག་གི་སྣ་བཅད་ནས་རྡུལ་དུ་ཕབ། རྡུལ་རྡུལ་ཕྲན་དུ་ཕབ། རྡུལ་ཕྲན་ཆ་མེད་དུ་བཏང་ནས་ལྷོ་རྒྱལ་འཛམ་བུའི་གླིང་གི་མི་རྣམས་ལ་བསྟན་ཀྱང་རྡུལ་བརྗོད་པ་ལས་སྣ་མི་ཟེར། དེ་ཉིད་ཆུ་ཡིས་སྦྲས་པའི་འདག་པ་ལའང་འདག་པ་ཟེར་བ་ལས་སྣ་མི་ཟེར། དྲི་ཚོར་མཁན་ཞིག་ཡིན་པས་སྣ་བཏགས་པ་ཡིན་སྙམ་ན། སྲོག་ཆགས་ཤི་བ་མང་པོའི་སྣ་བླང་ནས སེམས་ཅན་སྣ་ཆད་སོང་བ་ཞིག་གི་སྣ་ཤུལ་ལ་བཞག་ན་དེས་དྲི་ཚོར་དགོས་ ཀྱང་དེ་ནི་ཚོར་བ་མ་ཡིན། དེའི་ན་ཉིན་སྣང་གི་སྣ་དང་། རྨི་སྣང་གི་སྣ་གཉིས་གཅིག་རེད་དང་གཉིས་རེད། གཅིག་ཡིན་ན་མདང་རྨི་ལམ་གྱི་སྐབས་སུ་ཁྱོད་ཀྱི་སྣ་ཆད་སོང་བ་ཞིག་རྨིས་ན དེ་རིང་ཉིན་མོའི་སྐབས་ཀྱི་སྣ་དེ་ཆད་སོང་ཡོད་དགོས་ཀྱང་དེ་ནི་ཡོད་པ་མ་ཡིན། དེ་རིང་ཉིན་མོའི་སྐབས་ཀྱི་སྣ་དེ་ཆད་ཡོད་པ་ཞིག་ཡིན་ན། མདང་རྨི་ལམ་གྱི་སྐབས་ཀྱི་དྲི་སྣ་ཚོགས་པ་ཚོར་ཡང་། དེ་རིང་ཉིན་མོའི་སྐབས་ཀྱི་སྣ་འདིས་དྲི་གཅིག་ཀྱང་ཚོར་མྱོང་བ་མ་ཡིན། ཡང་ན་ཐ་དད་པ་ཞིག་རེད་སྙམ་ན། ལོ་གཅིག་གི་ནང་དུ་ཉིན་སུམ་བརྒྱ་དང་དྲུག་ཅུ མཚན་སུམ་བརྒྱ་དང་དྲུག་ཅུ། ཉིན་ཞག་བདུན་བརྒྱ་དང་ཉི་ཤུ་ཐམ་པ་ཡོད་པས དེ་ལ་སྣ་ཡང་བདུན་བརྒྱ་དང་ཉི་ཤུ་ཐམ་པ་ཡོད་དགོས། ཡོད་ན་ཡེ་ཐོག་མ་མེད་པའི་དུས་ནས་ད་ལ་ཐུག་གི་བར་གྱི་སྣ་དེ་དག་ཡང་ན་ཤིང་ཏ་ལའི་ལོ་མ་བརྩེགས་པ་བཞིན་དུ་སྟེང་འོག་གི་ཚུལ་དང་། ཡང་ན་ཤིང་ཤུན་མང་གི་ལྤགས་ཤུན་བརྩེགས་པ་བཞིན་དུ་ཕྱི་ནང་གི་ཚུལ་དུ་ཡོད་དགོས། ཡོད་ན་མངོན་སུམ་མིག གིས་མཐོང་རྒྱུ། དོན་དམ་ལག་པས་འཛིན་རྒྱུ དབང་པོའི་སྒོར་མངོན་རྒྱུ་ཞིག་ཡོད་དགོས་ཀྱང་དེ་ནི་ཡོད་པ་མ་ཡིན། དེའི་ན་ངའི་སྣ་འདི་ཆད་སོང་ན་ཕྱིན་ཆད་དྲི་མི་ཚོར་སྙམ་ན། ཁྱོད་ཀྱི་ ༄༅། །དང་པོ་དྲི་ཚོར་མཁན་དེ་ངའི་སྣ་ཡིན་སྙམ་པ་དང་བར་དུ་ངའི་སྣ་ཆད་སོང་བས་དྲི་མི་ཚོར་བསམ་པས། ཐ་མ་དྲི་མི་ཚོར་བའི་སྣང་བ་ཤར་བ་རེད་མ་གཏོགས དེ་རིང་ཉིན་མོའི་སྐབས་ཀྱི་མིག་བཙུམ་ནས་གཉིད་ཚེ་རྨི་ལམ་གྱི་དྲི་ཚོར་མཁན་ཞིག་ཡོད་ཀྱང་། དེ་རིང་ཉིན་མོའི་སྐབས་ཀྱི་སྣ་དེས་དྲི་གཅིག་ཀྱང་ཚོར་མྱོང་བ་མ་ཡིན།དེ་བཞིན་དུ་བར་སྲིད་དང་ཕྱི་མའི་དུས་རྣམས་སུའང་ད་ལྟའི་ལུས་རོ་དང་བཅས་པ་ཤུལ་དུ་བོར་ནས་ཤི་སོང་ཡང་། བར་སྲིད་དང་ཕྱི་མའི་དུས་ཀྱི་དྲི་ཚོར་མཁན་དེ། རང་གི་སེམས་ཡེ་གནས་ཀྱི་ཤེས་པས་རང་དྲི་རང་གིས་ཚོར་བ་ཙམ་ཞིག་ལས་ཡོད་པ་མ་ཡིན་ཏེ། དེའི་ཕྱིར་ན་བཅོམ་ལྡན་འདས་ཀྱིས། སྣ་ཡི་རྣམ་པར་ཤེས་པ་ནི་མཐའ་ཡས་སོ། །ཞེས་གསུངས་སོ།།ལྕེ་ཡང་དེ་བཞིན་དུ༴སོགས། འགྲེ་བར་བྱའོ། །དེ་བཞིན་དུ་ལྕེའི་གདགས་གཞིའི་སྟེང་དུ་ཚུགས་ཐུབ་ཏུ་གྲུབ་པ་ཞིག་ཡོད་པ་ཡིན་སྙམ་ན། ཤ་ལ་ནི་ཤ་ཟེར་བ་ལས་ལྕེ་མ་ཡིན། ལྤགས་ལ་ནི་ལྤགས་ཟེར་བ་ལས་ལྕེ་མ་ཡིན། ཁྲག་ལ་ཁྲག་ཟེར་བ་ལས་ལྕེ་མ་ཡིན རྩ་རྒྱུས་ལ་རྩ་རྒྱུས་ཟེར་བ་ལས་ལྕེ་མ་ཡིན། དེ་དག་རྣམས་ལ་རང་རང་གི་མིང་བརྗོད་པ་ལས་ལྕེ་མི་ཐོག །དེ་ལྟར་སོ་སོར་བྲལ་བ་ལ་ལྕེ་མི་ཐོག་ཀྱང་། ལྷན་དུ་ཚོགས་པ་ལ་ལྕེ་བཏགས་པ་ཡིན་སྙམ་ན། སྲོག་ཆགས་ཞིག་གི་ལྕེ་བཅད་ནས་རྡུལ་དུ་ཕབ། རྡུལ་རྡུལ་ཕྲན་དུ་ཕབ། རྡུལ་ཕྲན་ཆ་མེད་དུ་བཏང་ནས་ལྷོ་རྒྱལ་འཛམ་བུའི་གླིང་གི་མི རྣམས་ལ་བསྟན་ཀྱང་རྡུལ་བརྗོད་པ་ལས་ལྕེ་མི་ཟེར། དེ་ཉིད་ཆུ་ཡིས་སྦྲས་པའི་འདག་པ་ལའང་འདག་པ་ཟེར་བ་ལས་ལྕེ་མི་ཟེར། རོ་མྱོང་མཁན་ཞིག་ཡིན་པས་ལྕེ་བཏགས་པ་ཡིན་སྙམ་ན སྲོག་ཆགས་ཤི་བ་མང་པོའི་ལྕེ་བླང་ནས སེམས་ཅན་ལྕེ་ཆད་སོང་བ་ཞིག་གི་ལྕེ་ཤུལ་ལ་བཞག་ན་རོ་མྱོང་དགོས་ཀྱང་དེ་ནི་མྱོང་བ་མ་ཡིན། དེའི་ན་ཉིན་སྣང་གི་ལྕེ་དང་། རྨི་སྣང་གི་ལྕེ་གཉིས་གཅིག་རེད་དང་གཉིས་རེད། གཅིག་ཡིན་ན་མདང་རྨི་ལམ་གྱི་སྐབས་སུ་ཁྱོད་ཀྱི་ལྕེ་ཆད་སོང་བ་རྨིས་ན། དེ་རིང་ཉིན་མོའི་སྐབས་ཀྱི་ལྕེ་དེ་ཆད་སོང་ཡོད་དགོས་ཀྱང་དེ་ནི་ཡོད་པ་མ་ཡིན། དེ་རིང་ཉིན་མོའི་སྐབས་ཀྱི་ལྕེ་དེ་ཆད་སོང་བ་ཞིག་ཡིན་ན། མདང་རྨི་ལམ་གྱི་སྐབས་རོ་སྣ་ཚོགས་པ་མྱོང་ཡང་། དེ་རིང་ཉིན་མོའི་སྐབས་ཀྱི་ལྕེ་དེས་རོ་གཅིག་ཀྱང་མྱོང་བ་མ་ཡིན། ཡང་ན་ཐ་དད་པ་ཞིག་རེད་སྙམ་ན། ལོ་གཅིག་གི་ནང་དུ་ཉིན་སུམ་བརྒྱ་དང་དྲུག་ཅུ མཚན་སུམ་བརྒྱ་དང་དྲུག་ཅུ ཉིན་ཞག་བདུན་བརྒྱ་དང་ཉི་ཤུ་ཐམ་པ་ཡོད་པས། དེ་ལ་ལྕེ་ཡང་བདུན ༄༅། །བརྒྱ་དང་ཉི་ཤུ་ཐམ་པ་ཡོད་དགོས། ཡོད་ན་ཡེ་ཐོག་མ་མེད་པའི་དུས་ནས་ད་ལ་ཐུག་གི་བར་གྱི་ལྕེ་དེ་དག་ཡང་ན་ཤིང་ཏ་ལའི་ལོ་མ་བརྩེགས་པ་བཞིན་དུ་སྟེང་འོག གི་ཚུལ་དང་། ཡང་ན་ཤིང་ཤུན་མང་གི་ལྤགས་ཤུན་བརྩེགས་པ་བཞིན་དུ་ཕྱི་ནང་གི་ཚུལ་དུ་ཡོད་དགོས། ཡོད་ན་མངོན་སུམ་མིག་གིས་མཐོང་རྒྱུ དོན་དམ་ལག་པས་འཛིན་རྒྱུ དབང་པོའི་སྒོར་མངོན་རྒྱུ་ཞིག་ཡོད་དགོས་ཀྱང་དེ་ནི་ཡོད་པ་མ་ཡིན། དེའི་ན་ངའི་ལྕེ་འདི་ཆད་སོང་ན་ཕྱིན་ཆད་རོ་མི་མྱོང་སྙམ་ན། ཁྱོད་ཀྱི་དང་པོ་རོ་མྱོང་མཁན་དེ་ངའི་ལྕེ་ཡིན་བསམ་པ་དང་། བར་དུ་ངའི་ལྕེ་ཆད་སོང་བས་རོ་མི་མྱོང་སྙམ་པས།ཐ་མ་རོ་མི་མྱོང་བའི་སྣང་བ་རེད་མ་གཏོགས།དེ་རིང་ཉིན་མོའི་སྐབས་ཀྱི་མིག་བཙུམ་ནས་གཉིད་ཚེ་རྨི་ལམ་གྱི་རོ་མྱོང་མཁན་ཞིག་ཡོད་ཀྱང་། དེ་རིང་ཉིན་མོའི་སྐབས་ཀྱི་ལྕེ་འདིས་ནི་རོ་གཅིག་ཀྱང་མྱོང་བ་མ་ཡིན། དེ་བཞིན་དུ་བར་སྲིད་དང་ཕྱི་མའི་དུས་རྣམས་སུའང་ད་ལྟའི་ལུས་རོ་དང་བཅས་པ་ཤུལ་དུ་བོར་ནས་ཤི་སོང་ཡང་། བར་སྲིད་དང་ཕྱི་མའི་དུས་ཀྱི་རོ་མྱོང་མཁན་དེ་རང་གི་སེམས་ཡེ་གནས་ཀྱི་ཤེས་པས་རང་གི་རོ་རང་གིས་མྱོང་བ་ཙམ་ཞིག་ལས་ཡོད་པ་མ་ཡིན་ཏེ། དེའི་ཕྱིར་ན་བཅོམ་ལྡན་འདས ཀྱིས། ལྕེ་ཡི་རྣམ་པར་ཤེས་པ་ནི་མཐའ་ཡས་སོ། །ཞེས་གསུངས་སོ། །དེ་བཞིན་དུ་ལག་པ་ལའང༴སོགས། ཙམ་ཡང་མ་གྲུབ། དེ་བཞིན་དུ་ལག་པའི་གདགས་གཞིའི་སྟེང་དུ་ཚུགས་ཐུབ ཏུ་གྲུབ་པ་ཞིག་ཡོད་པ་ཡིན་སྙམ་ན། སོག་པ་ལ་སོག་པ་ཟེར་བ་ལས་ལག་པ་མ་ཡིན། དཔུང་པ་ལ་དཔུང་པ་ཟེར་བ་ལས་ལག་པ་མ་ཡིན། ལག་ངར་ལ་ལག་ངར་ཟེར་བ་ལས་ལག་པ་མ ཡིན། སོར་ཚིགས་རྣམས་ལ་སོར་ཚིགས་ཟེར་བ་ལས་ལག་པ་མ་ཡིན། ཤ་ལ་ཤ་ཟེར་བ་ལས་ལག་པ་མ་ཡིན། ལྤགས་ལ་ལྤགས་ཟེར་བ་ལས་ལག་པ་མ་ཡིན། རུས་པ་ལ་རུས་པ་ཟེར་བ ལས་ལག་པ་མ་ཡིན། རྐང་ལ་ཡང་རྐང་ཟེར་བ་ལས་ལག་པ་མི་ཐོག །དེ་ལྟར་སོ་སོར་བྲལ་བ་ལ་ལག་པ་མི་ཐོག་ཀྱང་།ལྷན་དུ་ཚོགས་པ་ལ་ལག་པ་བཏགས་པ་ཡིན་སྙམ་ན། སྲོག་ཆགས་ཞིག་གི་ལག་པ་བཅད་ནས་རྡུལ་དུ་ཕབ རྡུལ་རྡུལ་ཕྲན་དུ་ཕབ། རྡུལ་ཕྲན་ཆ་མེད་དུ་བཏང་ནས་ལྷོ་རྒྱལ་འཛམ་བུའི་གླིང་གི་མི་རྣམས་ལ་བསྟན་ཀྱང་རྡུལ་བརྗོད་པ་ལས་ལག་པ་མི་ཐོབ །དེ་ཉིད་ཆུ་ཡིས་སྦྲུས་པའི་འདག་པ་ལའང་འདག་པ་ཟེར་བ་ལས་ལག་པ་མི་ཟེར། དེའི་ན་ལས་བྱེད་མཁན་ཞིག་ཡིན་པས་ལག་པ་བཏགས་པ་ཡིན་ནམ། ལག་པ་འདི་མེད་ན་ལས་དང་ ༄༅། །བྱ་བ་བྱེད་མཁན་མེད་སྙམ་ན། མདང་རྨི་ལམ་གྱི་སྐབས་ཀྱི་ལག་པ་དང་། དེ་རིང་ཉིན་མོའི་སྐབས་ཀྱི་ལག་པ་གཉིས་གཅིག་རེད་དང་གཉིས་རེད། གཅིག་ཡིན ན་མདང་རྨི་ལམ་གྱི་སྐབས་ཁྱོད་ཀྱི་ལག་པ་ཞ་ཡོད་པ་ཞིག་རྨིས་ན། དེ་རིང་ཉིན་མོའི་སྐབས་ཀྱི་ལག་པ་དེ་ཞ་ཡོད་དགོས་ཀྱང་དེ་ནི་ཡོད་པ་མ་ཡིན། དེ་རིང་ཉིན་མོའི་སྐབས་ཀྱི་ལག་པ་འདི་ཞ ཡོད་པ་ཞིག་ཡིན་ན། མདང་རྨི་ལམ་གྱི་སྐབས་ཞིང་རྨོས་མཁར་བརྩིགས་སོ་ནམ་གྱི་ལས་སྣ་ཚོགས་བྱས་པ་རྨིས་ཀྱང་། དེ་རིང་ཉིན་མོའི་སྐབས་ཀྱི་ལག་པ་འདིས་ལས་གཅིག་ཀྱང་བྱེད་མྱོང་བ་མ་ཡིན། ཡང་ན་ཐ་དད་པ་ཞིག་རེད་སྙམ་ན། ལོ་གཅིག་གི་ནང་དུ་ཉིན་སུམ་བརྒྱ་དང་དྲུག་ཅུ། མཚན་སུམ་བརྒྱ་དང་དྲུག་ཅུ། ཉིན་ཞག་བདུན་བརྒྱ་དང་ཉི་ཤུ་ཐམ་པ་ཡོད་པས། དེ་ལ་ལག་པ་ཡང་བདུན་བརྒྱ་དང་ཉི་ཤུ་ཐམ་པ་ཡོད་དགོས། ཡོད་ན་ཡེ་ཐོག་མ་མེད་པའི་དུས་ནས་ད་ལ་ཐུག་གི་བར་གྱི་ལག་པ་དེ་དག་ཡང་ན་ཤིང་ཏ་ལའི་ལོ་མ་བརྩེགས་པ་བཞིན་དུ་སྟེང་འོག་གི་ཚུལ་དང་། ཡང་ན་ཤིང་ཤུན་མང་གི་ལྤགས་ཤུན་བརྩེགས་པ་བཞིན་དུ་ཕྱི་ནང་གི་ཚུལ་དུ་ཡོད་དགོས། ཡོད་ན་མངོན་སུམ་མིག་གིས་མཐོང་རྒྱུ དོན་དམ་ལག་པས་འཛིན་རྒྱུ དབང་ པོའི་སྒོར་མངོན་རྒྱུ་ཞིག་ཡོད་དགོས་ཀྱང་དེ་ནི་ཡོད་པ་མ་ཡིན། དེའི་ན་ངའི་ལག་པ་འདི་ཞ་སོང་ན་ཕྱིན་ཆད་ལས་བྱེད་མི་མེད་སྙམ་ན། ཁྱོད་ཀྱིས་དང་པོ་ལས་བྱེད་མཁན་དེ་ངའི་ལག་པ་ཡིན སྙམ་པ་དང་། བར་དུ་ངའི་ལག་པ་ཞ་སོང་བས་ལས་དང་བྱ་བ་བྱེད་མཁན་མེད་སྙམ་པས ཐ་མ་ལས་དང་བྱ་བ་མི་བྱེད་སྣང་བ་ཤར་བ་རེད་མ་གཏོགས། དེ་རིང་ཉིན་མོའི་སྐབས་ཀྱི་མིག་བཙུམ་ནས་གཉིད་ཚེ་རྨི་ལམ་གྱི་ལས་དང་བྱ་བ་བྱེད་མཁན་ཞིག་ཡོད་ཀྱང་།དེ་རིང་ཉིན་མོའི་སྐབས་ཀྱི་ལག་པ་འདིས་ནི་ལས་དང་བྱ་བ་གཅིག་ཀྱང་བྱེད་མྱོང་བ་མ་ཡིན། དེ་བཞིན་བར་སྲིད དང་ཕྱི་མའི་དུས་རྣམས་སུའང་ད་ལྟའི་ལུས་རོ་དང་བཅས་པ་ཤུལ་དུ་བོར་ནས་ཤི་སོང་ཡང་། བར་སྲིད་དང་ཕྱི་མའི་དུས་ཀྱི་ལས་བྱེད་མཁན་དེ། རང་གི་སེམས་ཡེ་གནས་ཀྱི་ཤེས་པས་རང གི་ལས་རང་གིས་བྱེད་པ་ཙམ་ཞིག་ལས་ཡོད་པ་མ་ཡིན། དེའི་ཕྱིར་ན་ལག་པའི་གདགས་གཞི་ཡུལ་མེད་དུ་སྟོང་སོང་བ་ཡིན་ནོ། །དེ་བཞིན་དུ་སོག་པའི་གདགས་གཞིའི་སྟེང་དུ་ཚུགས་ཐུབ ཏུ་གྲུབ་པ་ཞིག་ཡོད་པ་ཡིན་སྙམ་ན ལྤགས་ལ་ནི་ལྤགས་ཟེར་བ་ལས་སོག་པ་མི་བཏགས ཤ་ལ་ཤ་ཟེར་བ་ལས་སོག་པ་མི་བཏགས། རུས་པ་ལ་རུས་པ་ཟེར་བ་ལས་སོག་པ་མི་བཏགས ༄༅། །དེ་ལྟར་སོ་སོར་བྲལ་བ་ལ་སོག་པ་མི་ཐོག་ཀྱང་། ལྷན་དུ་ཚོགས་པ་ལ་སོག་པ་བཏགས་པ་ཡིན་སྙམ་ན། སྲོག་ཆགས་ཞིག་གི་སོག་པ་བླང་ནས་རྡུལ་དུ་ཕབ རྡུལ་རྡུལ་ཕྲན་དུ་ཕབ། རྡུལ་ཕྲན་ཆ་མེད་དུ་བཏང་ནས་ལྷོ་རྒྱལ་འཛམ་བུའི་གླིང་གི་མི་རྣམས་ལ་བསྟན་ཀྱང་རྡུལ་བརྗོད་པ་ལས་སོག་པ་མི་ཐོག །དེ་ཉིད་ཆུ་ཡིས་སྤྲས་པའི་འདག་པ་ལ་ཡང་འདག་པ་བརྗོད་པ་ལས་སོག་པ་མི་ཐོག །དེའི་ཕྱིར་ན་སོག་པའི་མིང་གི་གདགས་གཞི་ཡུལ་མེད་དུ་སྟོང་སོང་བ་ཡིན་ནོ། །དེ་བཞིན་དུ་དཔུང་པའི་གདགས་གཞིའི་སྟེང་དུ་ཚུགས་ཐུབ་ཏུ་གྲུབ་པ་ཞིག་ཡིན་སྙམ་ན། ཤ་ལ་ཤ་བརྗོད་པ་ལས་དཔུང་པ་མི་ཟེར། རུས་པ་ལ་རུས་པ་བརྗོད་པ་ལས་དཔུང་པ་མི་ཟེར། ལྤགས་ལ་ལྤགས་བརྗོད་པ་ལས་དཔུང་པ་མི་ཟེར། རྐང་ལ་རྐང་བརྗོད་པ་ལས་དཔུང་པ་མི་ཟེར། དེ་དག་ལ་རང་རང་གི་མིང་བརྗོད་པ་ལས་དཔུང་པ་མི་ཐོག །དེ་ལྟར་སོ་སོར་བྲལ་བ་ལ་དཔུང་པ་མི་ཐོག་ཀྱང་།ལྷན་དུ་ཚོགས་པ་ལ་དཔུང་པ་བཏགས་པ་ཡིན་སྙམ་ན། སྲོག་ཆགས་