Tibetan
ལས་མེད་དེ། རྒྱུ་མཚན་དེའི་ཕྱིར་ཐར་པ་དང་ ༄༅། །རྣམ་མཁྱེན་གྱི་གོ་འཕང་དོན་དུ་གཉེར་བ་ཉིན་མོའི་སྐར་མ་ཙམ་ལས་ཁོང་གིས་མ་མཐོང་གསུངས། དེ་དག་རྣམས་ནི་ལམ་ལ་དབང་སྐལ་མེད་པའི་གང་ཟག་ཡིན ནོ། །གཉིས་པ་ལམ་མི་འཚོལ་བའི་གང་ཟག་ནི། གལ་ཏེ་འཆི་བ༴སོགས། གཉེར་བ་དང་། གལ་ཏེ་འཆི་བ་དྲན་ནས་ཆོས་ཉམས་སུ་ལེན་པར་སྤྲོ་ཡང་ལུས་ཀྱིས་ཕྱག་དང་སྐོར་བ།ང་གིས་ཁ་འདོན་བཟླས་བརྗོད། སེམས་ཀྱིས་བསམ་པ་བཟང་པོའི་དགེ་སྦྱོར་ཙམ་ལ་མི་ཚེ་ཟད་ནས་མཐོ་རིས་ལྷ་མིའི་གོ་འཕང་ཙམ་དོན་དུ་གཉེར་བ་ལས་རྣམ་མཁྱེན་སངས་རྒྱས་ཀྱི་གོ་འཕང་དོན་དུ་གཉེར་བ་ནི་གཅིག་ཀྱང་ཡོད་པ་མ་ཡིན། དེ་དག་རྣམས་ནི་ལམ་མི་འཚོལ་བའི་གང་ཟག་གོ། །གསུམ་པ་ལམ་བཙལ་ཀྱང་མི་རྙེད་པའི་གང་ཟག་ནི།ཡང་འགའ་ཞིག༴སོགས། མ་ཡིན་ནོ། །ཡང་འགའ་ཞིག་གིས་ལྟ་བ་སྟོང་ཉིད་ཀྱི་ཕྱོགས་ཙམ་མི་ཤེས་པར། ཕྱི་སྣོད་བཅུད་ལུང་མ་བསྟན། ནང་རང་ལུས་ལུང་མ་བསྟན་དུ་བཟུང་བའི་བར་དུ་རང་སེམས་འདི་ཉིད་སྟོང་པ་རུ་ཐག་བཅད་ནས་རྣམ་པར་རྟོག་པ་ལ་ལམ་བྱས་པ་འམ། ཡང་ན་ཤེས་པ་བཟོ་མེད་ཙམ་སློབ་དཔོན་བླུན་པོ་ཞིག་གིས་ངོ་སྤྲད་དེ་དེའི་ངང་དུ་ལུས་ངག་ཡིད་གསུམ་གྱི་བྱ་བ་དགུ་སྤྲུགས་སུ་ བཏང་ནས་བྱར་མེད་དུ་སྡོད་པའི་ཚེ་ན་འདོད་ཁམས་སུ་འཕེན་པའི་བདེ་ཉམས་དང་། གཟུགས་ཁམས་སུ་འཕེན་པའི་གསལ་ཉམས་དང་། གཟུགས་མེད་ཀྱི་ཁམས་སུ་འཕེན་པའི་མི་རྟོག་པའི ཉམས་གསུམ་གང་རུང་ཞིག་བྱུང་ཚེ། དེ་ཉིད་བསྒོམ་པའི་མཐར་ཐུག་ཏུ་བཟུང་སྟེ་གདིང་བཅས་ན། དེའི་འབྲས་བུ་འདོད་གཟུགས་ཀྱི་ལྷ་རུ་འཕེན་པ་ཙམ་ལས་རྣམ་མཁྱེན་གྱི་ལམ་ལ་སྤུ་རྩེ་ཙམ་ཡང་ཉེ་བ་མ་ཡིན་ནོ། །དེ་དག་རྣམས་ནི་ལམ་བཙལ་ཀྱང་མི་རྙེད་པའི་གང་ཟག་ཡིན་ནོ། །བཞི་པ་ལམ་ལ་དབང་སྐལ་དང་ལྡན་པའི་གང་ཟག་ནི།།དེའི་ཕྱིར་ན༴སོགས མཛོད་ཅིག། རྒྱུ་མཚན་དེའི་ཕྱིར་ན་བསྐལ་པ་དཔག་ཏུ་མེད་པའི་གོང་རོལ་ནས་ཚོགས་རྒྱ་ཆེན་པོ་བསགས། སྨོན་ལམ་བཟང་པོས་མཚམས་སྦྱོར། དོན་དམ་པའི་ཆོས་ལ་ལས་འབྲེལ་བཞག་པའི་སྐྱེས་བུ་རེ་མཆིས་ན་དེའི་ཟ་ཐང་དང་དབང་སྐལ་དུ་ཀུན་བཟང་བདུད་འཇོམས་རྡོ་རྗེ་ངས་བསྟན་པ་ཡིན། ཁོང་དང་ལས་འབྲེལ་མེད་པ་རྫོགས་པ་ཆེན་པོའི་ཆོས་ལ་དབང་བྱེད་པའི་ལས་དང་སྐལ་བ་མེད་པ་དག་གིས་བསྟན་པ་འདི་ལ་སྐྱོན་མེད་པ་ལ་སྐྱོན་ཡོད་པར་སྒྲོ་བཏགས། ཡོན་ཏན་ཡོད་པ་ལ་ཡོན་ཏན་མེད་པར་སྐུར་འདེབས་བྱེད་པ་རྣམས་ནི་འོད་གསལ་རྫོགས་པ་ཆེན་པོའི་ཆོས་འདི་ལས་བློ་ ༄༅། །འབྲོག་དགོན་པ་རུ་འབྲོས་པར་འགྱུར་བ་ཡིན། དེ་ལྟར་མ་ཡིན་པར་ཁོང་དང་སྐལ་བ་མཉམ་པའི་སྐྱེས་བུ་རྣམས་ཀྱིས་གདམས་པ་འདི་ལ་དང་པོ་ལྟོས། བར་དུ་བརྟགས་ཤིང་དཔྱད། ཐ་མ་གོམས་འདྲིས་ཀྱི་སྒོ་ནས་སྣང་སྲིད་འཁོར་འདས་ཀྱིས་བསྡུས་པའི་ཆོས་ཐམས་ཅད་སྟོང་ཉིད་ཆེན་པོ་གཅིག་གི་རང་བཞིན། སྟོང་ཉིད་ཆེན་པོ་གཅིག་གི་ཡོ་ལང་། སྟོང་ཉིད་ཆེན་པོ་གཅིག་གི་ཁོར་ཡུག་ཏུ་ངོ་ཤེས་ཏེ་ངང་རྟོགས་པར་མཛོད་ཅིག་ཅེས་གསུངས། དེ་ཡན་ཆད་ཀྱི་ཐོག་མར་དགེ་བ་ཀླད་ཀྱི་དོན་སོང་བ་ཡིན་ནོ། །གཉིས་པ་གཞུང་དོན་དངོས་བཤད་པ་ལ། འདིར་རང་བཞིན༴སོགས། དམ་པ་ཡིན་ནོ། །འདིར་རང་བཞིན་རྫོགས་པ་ཆེན་པོའི་ཆོས་འདི་ལ་སེམས་ཀློང་མན་ངག་གི་སྡེ་ཞེས་རྣམ་པ་གསུམ་དུ་ཡོད་པ་ལས། དང་པོ་སེམས་སྡེའི་ལྟ་བ་ནི། སེམས་ཀྱི་རྩད་བཅད་པ་དང་། ལུས་ངག་ཡིད་གསུམ་གཙོ་གང་ཆེ་བརྟགས་པ་དང་། སེམས་ཀྱི་བྱུང་གནས་འགྲོ་གསུམ་གཟུགས་དབྱིབས་ཁ་དོག་བརྟགས་པ་སོགས་སོང་ནས། གསལ་རིག་གཉིས་སུ་མི་ཕྱེད་པའི་འོད་གསལ་དེ་ཉིད་མངོན་དུ་བྱས་པའི་མཐར། སྣང་སེམས་གཅིག་ཏུ་འདྲེས་པ་ལ་ལྟ་བའི་མཐར་ཐུག་ཏུ་འདོད་པ་ཡིན། གཉིས་པ་ཀློང་ སྡེའི་ལྟ་བ་ནི། ཕྱིའི་དབྱིངས་དང་ནང་གི་རིག་པ་གཉིས་དབྱེར་མེད་གཅིག་ཏུ་བསྲེ་ཞིང་བསྒོམ་པའི་མཐར་དབྱིངས་རིག་གཅིག་ཏུ་འདྲེས་པ་ལ་ལྟ་བའི་མཐར་ཐུག་ཏུ་འདོད་པ་ཡིན། དེ་གཉིས་སྒོམ་ཐོག་ནས་ལྟ་བ་འཚོལ་བས་བང་ཅུང་ཟད་བུལ་བ་ཡིན་ནོ། །གསུམ་པ་མན་ངག་གི་སྡེ་ལའང་ཕྱི་སྐོར། ནང་སྐོར། གསང་སྐོར། ཡང་གསང་བླ་ན་མེད་པའི་སྐོར་དང་བཞི་ཡོད་པ ལས། འདི་ནི་ཡང་གསང་བླ་ན་མེད་པ་མན་ངག་གི་སྡེ་ཞེས་བྱ་བ་ཡིན་ཏེ། འདིའི་དོན་ཚུལ་བཞིན་དུ་ཉམས་སུ་ལེན་པ་ལའང་། གཞི་ལྟ་བས་གཏན་ལ་དབབ་པ། ལམ་སྒོམ་པས་ཉམས་སུ་ལེན་ཚུལ། དེ་གཉིས་ཀྱི་གྲོགས་སྤྱོད་པ་བསྟན་པ། འབྲས་བུ་མངོན་དུ་གྱུར་བའི་ཚུལ་དང་བཞི་ལས དང་པོ་གཞི་ལྟ་བས་གཏན་ལ་དབབ་ཚུལ་དེ་ལ ལྟ་བ་ཁྱུང་ཆེན་ཐུར་བབ་ཀྱི་ལུགས་སུ་བསྟན་ཏེ། དཔེར་ན་བྱ་ཁྱུང་གི་རྒྱལ་པོ་ག་རུ་ཌས་ས་ཐོག་ན་གཟན་ཚོལ་བའི་ཚེ་ན། སྟེང་ནམ་མཁའི་བྱ་ལམ་བར་མ་རུ་ཕྱིན་ཏེ་གཟན་དེ་ལ་བསྲུང་བ་དང་། སྐྱོབ་པ་སོགས་ཡོད་མེད་ཞིབ ཏུ་བརྟགས་ནས་མེད་པར་ཐག་ཆོད་པའི་ཚེ་ན་ཡིད་གཉིས་དང་ཚམ་ཚོམ་མེད་པར་གཟན་དེ་ལ་རོལ་བ་བཞིན་དུ། འདི་ནི་ལྟ་ཐོག་ནས་སྒོམ་པ་འཚོལ་བ་ཡིན་པའི་ཕྱིར་ན། མེད་པ་དང་ ༄༅། །གཅིག་པུ། ཕྱལ་བ། ལྷུན་གྲུབ་རྣམ་པ་བཞིའི་སྒོ་ནས་སྣང་སྲིད་འཁོར་འདས་ཀྱིས་བསྡུས་པའི་ཆོས་ཐམས་ཅད་གཏན་ལ་ཕབ་སྟེ། སྐུ་གསུམ་མཉམ་པ་ཉིད་ཀྱི་དབྱིངས་ཇི་ལྟ་བ་བཞིན་དུ་རྟོགས་པར་བྱ་བ་ནི་གནད་ཀྱི་ཡང་གཅེས་དམ་པ་ཡིན་ནོ། །དེ་ལ་དང་པོ་མེད་པའི༴སོགས བྱས་པ་ཡིན། དེ་ལ་དང་པོ་མེད་པའི་ཚུལ་གཏན་ལ་དབབ་པ་ལ འཛིན་པ་གང་ཟག་གི་བདག་བདག་མེད་དུ་གཏན་ལ་དབབ་པ་དང་། གཟུང་བ་ཆོས་ཀྱི་བདག་བདག་མེད་དུ་གཏན་ལ་དབབ་པ་དང་གཉིས་ཡོད་པ་ལས།དང་པོ་འཛིན་པ་གང་ཟག་གི་བདག བདག་མེད་དུ་གཏན་ལ་དབབ་པ་དེ་ལ། གང་ཟག་ཞེས་པའི་ངེས་ཚིག་ནི། སྒྲིབ་གཉིས་བག་ཆགས་དང་བཅས་པས་རྒྱུད་གང་བས་ན་གང་། ཟག་བཅས་ཉེར་ལེན་གྱི་ཕུང་པོའི་གཞིར་གྱུར་བས་ན་ཟབ། །བདག་ཅེས་བྱ་བ་ནི་ཉིན་སྣང་དང་།རྨི་སྣང་། བར་སྲིད་དང་། ཕྱི་མའི་དུས་རྣམས་སུ་བདག་མེད་པ་ལ་ཡོད་པར་སྣང་ཙམ་པའི་ཤེས་པ་བག་ལ་ཉལ་བ་འདི་ལ་གང་ཟག་གི་བདག་ཅེས་བརྗོད་པར་བྱའོ། །དེ་མ་ཐག་ཏུ་ང་མེད་པ་ལ་ང་རུ་བཟུང་། བདག་མེད་པ་ལ་བདག་ཏུ་བཟུང་བའི་ཤེས་པ་བག་ལ་ཉལ་བ་དེ་ལ། ཤེས་པ་ཕྱི་མ་དང་རྣམ་པར་རྟོག་པས་གསལ་ བཏབ་སྟེ་བརྟན་ཅིང་འཐས་པར་བྱས་པ་དེ་ལ་འཛིན་པ་གང་ཟག་གི་བདག་འཛིན་ཞེས་བརྗོད། དེ་ལྟར་ང་རུ་འཛིན་པའི་ཤེས་པ་འདི་ནི་རྒྱུ་བདག་ཉིད་གཅིག་པུའི་མ་རིག་པ་དང་། དེ་ལས་ཡུལ་དང་ཡུལ་ཅན་སོ་སོར་འཛིན་མ་རིག་པའི་ཤེས་པ་དེ་ལ་ལྷན་གཅིག་སྐྱེས་པའི་མ་རིག་པ་དང་། དེ་ལས་ཕྱི་ནང་སྣོད་བཅུད་དུ་སྣང་བའི་ཆོས་ཐམས་ཅད་ལ་མིང་སོ་སོར་བཏགས། དོན་སོ་སོར་བཟུང་། དངོས་པོ་སོ་སོར་འཐས་པ་དེ་ལ་ཀུན་ཏུ་བཏགས་པའི་མ་རིག་པར་བརྗོད་པ་ཡིན། མ་རིག་པ་རྣམ་པ་གསུམ་གྱི་བྱེད་ལས་ཀྱིས་ཁམས་གསུམ་འཁོར་བར་སྣང་ཞིང་འཁྲུལ་ཏེ་འཆིང་བར་བྱེད་པའི་རྒྱུ་ནི་ང་དང་བདག་ཏུ་འཛིན་པའི་འདྲེ་ཡིན་ཏེ། མཁས་གྲུབ་ཀྱི་མཆོག་ཀརྨ་གླིང་པས། ང་དང་བདག་ཏུ་འཛིན་པའི་འདྲེ། །ཁམས་གསུམ་འཁོར་བའི་འདྲེ་བོ་ཆེ །གསུངས་པ་བཞིན། ང་དང་བདག་ཏུ་འཛིན་པའི་གཞི་རྩ་བཅད་དགོས་པ་ཡིན་ཏེ། དེའི་ཕྱིར་ང་ཞེས༴སོགས། ས་ལ་གཏུག་གོ། །དེ་ལ་ང་ཞེས་བྱ་བ་དེ་སྟེང་ནམ་མཁའ་ནས་ཐུར་དུ་བྱུང་བ་ཨེ་ཡིན་སྙམ་ན་ནམ་མཁའ་འདི་ང་ཡིན་ན་ང་ལས་ང་བྱུང་ནི་རེད། ས་ལས་ས་རྡུལ་བྱུང་། ཆུ་ལས་ཆུ་ཐིག༔ མེ་ལས་མེ་སྟག༔ རླུང་ལས་རླུང་བསིལ་བྱུང་བ་བཞིན་དུ་ནམ་མཁའ་འདི་ང་ཡིན་ན་ང་ ༄༅། །ལས་ང་བྱུང་ནི་རེད། ནམ་མཁའ་ང་མིན་པ་ལས་ང་མི་བྱུང་ས་མིན་པ་ལས་ས་རྡུལ་མི་བྱུང་ཆུ་མིན་པ་ལས་ཆུ་ཐིག༔ མེ་མིན་པ་ལས་མེ་སྟགཿ རླུང་མིན་པ་ལས་རླུང་བསིལ་མི་འབྱུང་བ་བཞིན་དུ། ནམ་མཁའ་ང་མིན་པ་ལས་ང་འབྱུང་བ་མ་ཡིན། འབྱུང་བ་སའི་ཆུའི་མེའི་རླུང་གི་ཁམས་ནས་ང་བྱུང་བ་ཨེ་ཡིན་སྙམ་ན་འབྱུང་བ་ས ཆུ་མེ་རླུང་ང་ཡིན་ན་ང་ལས་ང་འབྱུང་སྟེ། ས་ལས་ས་རྡུལ་འབྱུང་། ཆུ་ལས་ཆུ་ཐིག༔ མེ་ལས་མེ་སྟག༔ རླུང་ལས་རླུང་བསིལ་འབྱུང་བ་བཞིན་དུ་འབྱུང་བ་སའི་ཆུའི་མེའི་རླུང་གི་ཁམས་ང་ཡིན་ན་ང་ལས་ང་བྱུང་ནི་རེད། འབྱུང་བ་ས ཆུ་མེ་རླུང་ང་མིན་པ་ལས་ང་མི་འབྱུང་། ས་མིན་པ་ལས་ས་རྡུལ་མི་འབྱུང་། ཆུ་མིན་པ་ལས་ཆུ་ཐིགཿ མེ་མིན་པ་ལས་མེ་སྟག རླུང་མིན་པ་ལས་རླུང་བསིལ་མི་འབྱུང་བ་བཞིན་དུ། འབྱུང་བ་སའི་ཆུ་མེ་རླུང་ཁམས་ང་མིན་པ་ལས་ང་འབྱུང་བ་མ་ཡིན། དེ་བཞིན་དུ་ཕྱི་འབྱུང་བ་ལྔའི་ཁམས་ནས ང་མ་བྱུང་། དངོས་པོ་ཅན་ལས་ང་འབྱུང་བ་ཨེ་ཡིན་སྙམ་ན། དངོས་པོ་ཡོད་པ་ལས་ང་དངོས་མེད་ཞིག་འབྱུང་སྲིད་པ་མ་ཡིན། ང་དངོས་པོ་ཅན་བྱུང་ན་ང་དེའི་གཟུགས་དབྱིབས་ཁ་དོག སོགས་མངོན་སུམ་མིག་གིས་མཐོང་རྒྱུ དོན་དམ་ལག་པས་འཛིན་རྒྱུ་ཞིག་ཡོད་དགོས་ཀྱང་དེ་ནི་ཡོད་པ་མ་ཡིན། ནང་རང་ལུས་ལས་བྱུང་བ་ཨེ་ཡིན་སྙམ་ན། མགོའི་སྐྲ་རྩེ་མན་ཆད་རྐང གི་སེན་རྩེ་ཡན་ཆད་ཀྱི་བར་ལ་བརྟགས་ཤིང་དཔྱད་ན་འདི་ནས་བྱུང་བ་རེད་སྙམ་པའི་ཡུལ་གཏན་ནས་རྙེད་པ་མ་ཡིན་ནོ། །དེའི་ཕྱིར་ན་ང་ཞེས་བྱ་བ་དེ་དང་པོ་བྱུང་ཁུངས་མེད་པའི་ས་ལ གཏུགས་དགོས་སོ། །བར་དུ་གནས་པའི༴སོགས ངེས་པའོ། །བར་དུ་གནས་པའི་ས་ཞིག་ལོས་ཡོད་སྙམ་ན། འབྱུང་བ་ལྔའི་ཁམས་ལ་ནི་ང་མི་གནས། གནས་ན་འབྱུང་བ་བཤིག་བཏུལ་བྱས་ཚེ་ནང་དུ་ཟུག་རྔུ་མྱོང་དགོས་ཀྱང་འབྱུང་བ་མ་ཡིན། ནང་རང་ལུས་ལ་བརྟགས་ན་ཡང་མགོ་ལ་ནི་མགོ་ཟེར་བ་ལས་ང་མི་ཐོག །དེ་བཞིན་དུ་མགོ་ལྤགས་ལ་མགོ་ལྤགས་བརྗོད་པ་ལས་ང་ཟེར་བ་མ་ཡིན། རུས་པ་ལ་རུས་པ་བརྗོད་པ་ལས་ང་ཟེར་བ་མ་ཡིན། དེ་བཞིན་དུ་མིག་ལ་ནི་མིག་བརྗོད་པ་ལས་ང་ཟེར་བ་མ་ཡིན། རྣ་བ་ལ་ནི་རྣ་བ་བརྗོད་པ་ལས་ང་ཟེར་བ་མ་ཡིན། སྣ་ལ་ནི་སྣ་བརྗོད་པ་ལས་ང་ཟེར་བ་མ་ཡིན། ལྕེ་ལ་ནི་ལྕེ་བརྗོད་པ་ལས་ང་ཟེར་བ་མ་ཡིན། སོ་ལ་ནི་སོ་བརྗོད་པ༴ ཀླད་པ་ལ་ཡང་ཀླད་པ་བརྗོད་པ། ཤ་ལ་ནི་ཤ་བརྗོད་པཿ ཁྲག་ལ་ནི་ ༄༅། །ཁྲག་བརྗོད་པ། ཆུ་སེར་ལ་ནི་ཆུ་སེར་བརྗོད་པཿ རྩ་རྒྱུས་ལ་ནི་རྩ་རྒྱུས་བརྗོད་པཿ དེ་དག་རྣམས་ལ་ནི་རང་རང་གི་མིང་བརྗོད་པ་ལས་ང་ཟེར་བ་མ་ཡིན ཡང་ལག་པ་ལ་ནི་དེ་བཞིན་དུ་ལག་པ་བརྗོད་པ་ལས་ང་ཟེར་བ་མ་ཡིན སོག་པ་ལ་ནི་སོག་པ་བརྗོད་པཿ དཔུང་པ་ལ་ནི་དཔུང་པ་བརྗོད་པ༴ ལག་ངར་ལ་ནི་ལག་ངར་བརྗོད་པཿ སོར་མཛུབ་རྣམས་ལའང་རང་རང་གི་མིང་བརྗོད་པ་ལས་ང་ཟེར་བ་མ་ཡིན། དེ་བཞིན་དུ་སྒལ་ཚིགས་ལའང་སྒལ་ཚིགས་བརྗོད་པ་ལས་ང་ཟེར་བ་མ་ཡིན། རྩིབ་མ་ལ་ནི་རྩིབ་མཿ བྲང་ལ་ནི་བྲང་བརྗོད་པ༴ གློ་བ་ལ་ནི་གློ་བ་བརྗོད་པཿ སྙིང་ལ་ནི་སྙིང་བརྗོད་པ༴ མཆིན་ཁྲི་ལ་ནི་མཆིན་ཁྲི་བརྗོད་པཿ མཆིན་པ་ལ་ནི་མཆིན་པ་བརྗོད་པ། མཚེར་པ་ལ་ནི་མཚེར་པ་བརྗོད་པ། རྒྱུ་མ་ལ་ནི་རྒྱུ་མ་བརྗོད་པ༴ མཁལ་མ་ལ་ནི་མཁལ་མ་བརྗོད་པ། དྲི་ཆུ་ལ་ནི་དྲི་ཆུཿ གཤང་ལྕི་ལ་ནི་གཤང་ལྕི་བརྗོད་པ། དེ་བཞིན་དུ་རྐང་པ་ལ་ནི་རྐང་པ་བརྗོད་པ༴ བརླ་ལ་ནི་བརླ་བརྗོད་པ༴ དཔྱི་ལ་ནི་དཔྱི་བརྗོད་པ༴ རྗེ་ངར་ལ་ནི་རྗེ་ངར་བརྗོད་པ༴ བོལ་བ་ལ་ནི་བོལ་བ་བརྗོད་པ༴ སོར་མཛུབ་རྣམས་ལ་ནི་སོར་མཛུབ་བརྗོད་པཿ དེ་དག་རྣམས་ཀྱི་ཕྱིའི་ལྤགས་པ་ལ་ ནི་ལྤགས་པ་བརྗོད་པ༴ བར་གྱི་ཤ་ཚིལ་ལ་ནི་ཤ་ཚིལ་བརྗོད་པ། ནང་གི་རུས་པ་ལ་ནི་རུས་པ་བརྗོད་པཿ གསང་བ་རྐང་ལ་ནི་རྐང་བརྗོད་པ་ལས་ང་ཟེར་བ་མ་ཡིན རྣམ་པར་ཤེས་པ་ལའང་རྣམ་པར་ཤེས་པ་ཟེར་བ་ལས་ང་མི་ཐོག །དེའི་ཕྱིར་བར་དུ་གནས་པའི་ས་དང་བདག་པོ་མེད་པའི་སྟོང་པ་ཉིད་དུ་ངེས་པའོ། །དེ་བཞིན་དུ་ཐ་མ་འགྲོ་བའི༴སོགས བརྗོད་པ་ལྟ་བུའོ།། ཐ་མ་འགྲོ་བའི་ཡུལ་ཞིག་ལོས་ཡོད་བསམ་ན ང་ཞེས་བྱུང་གནས་དང་བྲལ་ཚེ།ཐ་མ་འགྲོ་ས་མེད་ངེས་པ་ཡིན་ཀྱང་། གལ་སྲིད་ཡོད་པའི་དབང་དུ་བཏང་ན། ཉིན་སྣང་གི་ང་དང་རྨི་སྣང་གི་ང་གཉིས་གཅིག་རེད་དང་གཉིས་རེད། གཅིག་ཡིན་ན་མདང་གི་རྨི་ལམ་གྱི་ངའི་ལུས་ལ་རྡོ་དང་དབྱུག་པས་བསྣན་པའི་སྐྲང་དང་། མཚོན་གྱིས་བརྒྱབ་པའི་རྨ་དེ། དེ་རིང་ཉིན་མོའི་སྐབས་སུ་ཡང་ལུས་ལ་རྨ་ཡོད་དགོས་ཀྱང་དེ་ནི་ཡོད་པ་མ་ཡིན ཐ་དད་པ་ཞིག་རེད་སྙམ་ན་ལོ་གཅིག་གི་ནང་ན་ཉིན་སུམ་བརྒྱ་དང་དྲུག་ཅུ། མཚན་སུམ་བརྒྱ་དང་དྲུག་ཅུ། ཉིན་ཞག་བདུན་བརྒྱ་དང་ཉི་ཤུ་ཡོད་པས། དེ་ལ་ལུས་ཀྱང་བདུན་བརྒྱ་དང་ཉི་ཤུ་ཡོད་དགོས་ཏེ། དེ་ཉིད་ཤི་བའི་རོ་རུ་གྱུར་ན་ཤར་ལྷོ་ནུབ་བྱང་ཕྱོགས་བཞི་མཚམས་བརྒྱད་ཐམས་ཅད་རོ་དེས་གང་ཡོད་དགོས་ཀྱང་ ༄༅། །དེ་ནི་ཡོད་པ་མ་ཡིན། དེ་དག་མ་ཤི་བར་གསོན་པོར་ཡོད་ན་ཡང་དེ་བཞིན་དུ་ངའི་དམག་དཔུང་ཆེན་པོས་གང་ཡོད་དགོས། ཡོད་ན་མངོན་སུམ་མིག་གིས་མཐོང་རྒྱུ། དོན་དམ་ལག་པས་འཛིན་རྒྱུ། དབང་པོའི་སྒོ་རུ་མངོན་རྒྱུ་ཞིག་ཡོད་དགོས་ཀྱང་དེ་ནི་ཡོད་པ་མ་ཡིན། དེས་ན་མེད་པ་ཅང་མེད་ཀྱི་ཕྱོགས་སུ་སོང་བ་ཨེ་ཡིན་སྙམ་ན། ང་མེད་པ་ཞིག་ནི་མེད་པའི་ཁམས་སུ་འགྲོ་ཚུལ་མེད། ཡོད་པ་ཞིག་ཡིན་ན་ང་བདེན་གྲུབ་ཅན་དུ་ཡོད་དགོས་ཀྱང་། དེ་ནི་སྔར་གཏན་ལ་ཕབ་ནས་མ་རྙེད་པ་ཡིན་པས་ད་རུང་ཡང་རྙེད་པར་མི་འགྱུར་བའི་ཕྱིར་ན་ཐ་མ་འགྲོ་སའི་ཡུལ་དང་བདག་པོ་ཐམས་ཅད་ལས་འདས་པ་ཉིད་ཡིན་ནོ། །རྒྱུ་མཚན་དེའི་ཕྱིར་ན་ང་ཞེས་བྱ་བ་དེ་མེད་བཞིན་ཡོད་པར་སྣང་བ་མིག་ནད་ཀྱི་རྐྱེན་གྱིས་ནམ་མཁར་སྐྲ་ཤད་སྣང་བ་དང་། མིང་བརྗོད་པ་དེ་དག་ཐམས་ཅད་ཀྱང་རི་བོང་གི་རྭ་ཞེས་བརྗོད་པ་དང་། ནམ་མཁའི་པདྨོ་བརྗོད་པ་བཞིན་དུ་བདེན་པར་གྲུབ་པ་ནི་རྡུལ་ཕྲ་རབ་ཀྱི་ཆ་ཙམ་ཞིག་ཀྱང་ཡོད་པ་མ་ཡིན་ཏེ། ཀུན་བྱེད་ལས། འཁོར་བའི་རྩ་བ་ང་དང་ང་ཡི་བ། །མེད་བཞིན་འཁྲུལ་པའི་རྩ་བ་ཆོད་གྱུར་ན །ཀུན་བྱེད་རྒྱལ་པོ་རང་བྱུང་རང་ལ་ཐིམ །ཞེས་གསུངས་པ་བཞིན་ཡིན་ནོ། །དེ་ཡན་ཆད ཀྱི་འཛིན་པ་གང་ཟག་གི་བདག་བདག་མེད་དུ་གཏན་ལ་དབབ་པ་སོང་ངོ་། །གཉིས་པ་ཆོས་ཀྱི༴སོགས། ཤེས་པར་བྱའོ། །གཉིས་པ་གཟུང་བ་ཆོས་ཀྱི་བདག་མེད་དུ་གཏན་ལ་ཕབ་པ་དེ་ལའང་བཞི་ལས། དང་པོ་མིང་གི་གདགས་གཞི་བཙལ་བ་ནི མིང་རྣམས་ཐམས་ཅད་མེད་བཞིན་བཏགས་ཏེ ཡོད་པར་འཛིན་པ་ལས་མེད་པར་མ་རིག་པ་ཉིད་ནི་ཀུན་ཏུ་བཏགས་པའི་མ་རིག་པ་ཉིད་དུ་ཤེས་པར་བྱའོ། །དེ་ཡང་མགོ་ཞེས་བྱ་བ་ཅིའི་ཕྱིར་ཅི་ལ་བཏགས ལུས་ཆགསཔའི་དང་པོ་མགོ་ཡིན་པས་མགོ་བཏགས་པ་ཨེ་ཡིན་སྙམ་ན། ལུས་ཆགས་པའི་དང་པོ་མགོ་མ་སྐྱེས། ལྟེ་བ་སྤྲུལ་པའི་འཁོར་ལོ་ནས་རིམ་བཞིན་དུ་ཆགས་པ་ཡིན། དེའི་ཕྱིར་ན་མགོ་མི་ཐོག །ཟླུམ་པོ་ཡིན་པས་མགོ་བཏགས་པ་རེད་སྙམ་ན། སྲན་མ་དང་རིལ་བུ་ལ་སོགས་པ་ཟླུམ་པོ་ཐམས ཅད་ཀྱི་མིང་ལ་མགོ་མི་ཐོག །སྟེང་དུ་བསྟན་པ་ལ་མགོ་བཏགས་པ་ཡིན་སྙམ་ན སྟེང་འོག་ནམ་མཁའ་ལ་བཏགས་ན་ནམ་མཁའ་ལ་སྟེང་འོག་མེད། ཁ་དོག་མཐིང་གར་སྣང་བ་དེ་སྟེང་ཡིན་སྙམ་ན། རྒྱུད་ཕལ་ཆེར་ན་རི་རབ་ཀྱི་ལྷོ་ཕྱོགས་བེེ་ཌཱུཪྻའི་འོད་རྒྱ་མཚོར་ཕོག་པའི་འོད་བར་སྣང་དུ་ཤར་བའི་ཁ་དོག་མཐིང་གར་གསུངས་པ་དང་། རྒྱུད་ལ་ལར་ནམ་མཁའ་འདི་གཏིང་ ༄༅། །ཟབ་པའི་ཁ་དོག་མཐིང་ག་ཡིན་ཏེ། དཔེར་ན་ཆུ་ཆུང་ངུ་རྣམས་ཀྱི་ཁ་དོག་སྐྱ་བོར་སྣང་བ་དང་། ཆུ་སྣོད་དུ་བླང་ཚེ་ཁ་དོག་སྐྱ་བོར་འདུག་པ་ཡིན། ཆུ་ཅུང་ཟད་གཏིང་ཟབ་པ་རྣམས་ཆུ་མདོག་མཐིང་གར་སྣང་ཡང་། ཆུ་སྣོད་དུ་བླང་ཚེ་ཆུ་མདོག་སྐྱ་བོ་ལས་སྔོན་པོ་མིན ཆུ་ཤིན་ཏུ་གཏིང་ཟབ་པ་ལ་བལྟས་ན་ཆུ་མདོག་སྔོ་ནག་ཏུ་སྣང་ཡང་། ཆུ་སྣོད་དུ་བླང་ཚེ་སྔར་བཞིན་ཆུ་མདོག་སྐྱ་བོ་ལས་སྔོ་ནག་མིན་ནོ །དེ་བཞིན་དུ་ནམ་མཁའ་འདི་ཤིན་ཏུ་གཏིང་ཟབ་པ་ལས་ཁ་དོག་མཐིང་ག་རུ་སྣང་བ་ཡིན་གསུངས། དེས་ན་འདི་ནས་སྟེང་གི་ཕྱོགས ལ་སོགས་པར་གསུངས་པ་དེ་རྫུན་ཡིན་ནམ་སྙམ་ན། རྫོགས་པའི་སངས་རྒྱས་ཀྱིས་གསུངས་པའི་ཆོས་ལའང་། དུས་ལ་དགོངས་པ་དང་། སྐབས་ལ་དགོངས་པ་དང་། གང་ཟག་ལ་དགོངས་པ་སོགས་ཡོད་པའི་ཕྱིར་ན་མཐའ་གཅིག་ཏུ་ངེས་པ་ནི་མེད་དེ། གཞུང་ཕལ་ཆེར་དུ་ཕ་མ་བསད་ན་མཚམས་མེད་པའི་ལས་ཡིན་པར་གསུངས་ཀྱང་། རྒྱལ་པོ་མ་སྐྱེས་དགྲའི་མྱ་ངན བསལ་བའི་སྤྲིང་ཡིག་ཏུ། ཕ་དང་མ་སྲེད་ལེན་ནི་བསད་བྱ་ཞིང་། །རྒྱལ་པོ་ཀུན་གཞིའི་རྣམ་ཤེས་གཙང་སྦྲ་ཅན་གཉིས འཇིག་ལྟ་མཆོག་འཛིན་དང་། ཚུལ་ཁྲིམས་ལྟ་བ་མཆོག་འཛིན། བཅོམ། །ཡུལ་ འཁོར་སྐོར་བཅས་བཅོམ་པ་ན་སེམས་སེམས་འབྱུང་མཆན། །མི་དེ་དག་པ་ཉིད་དུ་འགྱུར། །ཞེས་གསུངས་པ་བཞིན། སྟེང་འོག་ངེས་ཅན་དུ་ཡོད་དགོས་པའི་རྒྱུ་མཚན་ཡོད་པ་མ་ཡིན དེའི་ན་མགོའི་གདགས་གཞིའི་སྟེང་དུ་ཚུགས་ཐུབ་ཏུ་གྲུབ་པ་ཞིག་ཡོད་པ་ཡིན་སྙམ་ན། སྐྲ་ལ་ནི་སྐྲ་ཟེར་བ་ལས་མགོ་མ་ཡིན། སྐྲ་རྩེ་ལ་སྐྲ་རྩེ་ཟེར་བཿ སྐྲ་སྐེད་ལ་སྐྲ་སྐེད་ཟེར་བཿ སྐྲ་རྩ་ལ་སྐྲ་རྩ་ཟེར་བཿ ལྤགས་པ་ལ་ལྤགས་པ་ཟེར་བ་ལས་མགོ་མ་ཡིན། རུས་པ་ལ་རུས་པ་ཟེར་བ་ལས་མགོ་མ་ཡིན། ཀླད་པ་ལ་ཀླད་པ་ཟེར་བ་ལས་མགོ དེ་བཞིན་དུ་མིག་ལ་མིག ཟེར: རྣ་བ་ནི་རྣ་བ་ཟེར༴ སྣ་ལ་ནི་སྣ་ཟེར ལྕེ་ལ་ནི་ལྕེ་ཟེར་བ་ལས་མགོ་མ་ཡིན། དེ་ལྟར་སོ་སོར་ཕྲལ་བས་མགོ་མ་ཡིན་ཀྱང་། ལྷན་དུ་ཚོགས་པ་ལ་མགོ་ཟེར་བ་ཡིན་སྙམ་ན་སྲོག ཆགས་ཞིག་གི་མགོ་བཅད་ནས་རྡུལ་དུ་ཕབ། རྡུལ་རྡུལ་ཕྲན་དུ་ཕབ། རྡུལ་ཕྲན་ཆ་མེད་དུ་འཐག་ནས་ལྷོ་རྒྱལ་འཛམ་བུའི་གླིང་གི་མི་རྣམས་ལ་བསྟན་ཀྱང་རྡུལ་བརྗོད་པ་ལས་མགོ་མི་ཐོག། དེ་ཉིད་ཆུ་ཡིས་སྦྲུས་པའི་འདག་པ་ལའང་འདག་པ་ཟེར་བ་ལས་མགོ་མི་ཐོག །དེའི་ན་ཉིན་སྣང་གི་མགོ་དང་། རྨི་སྣང་གི་མགོ་གཉིས་གཅིག་རེད་དང་གཉིས་རེད། གཅིག་ཡིན་ན་མདང་གི ༄༅། །རྨི་ལམ་གྱི་སྐབས་སུ་ཁྱོད་ཀྱི་མགོ་ལ་རྡོ་དང་དབྱུག་པས་བསྣན་པའི་སྐྲང་དང་། མཚོན་གྱིས་བརྒྱབ་པའི་རྨ་འདི་དེ་རིང་ཉིན་མོའི་སྐབས་ཀྱི་མགོ་དེར་ཡོད་དགོས་ཀྱང་དེ་ནི་ཡོད་པ་མ་ཡིན། ཡང་ན་ཐ་དད་པ་ཞིག་ཡིན་སྙམ་ན། ལོ་གཅིག་གི་ནང་དུ་ཉིན་སུམ་བརྒྱ་དང་དྲུག་ཅུ མཚན་སུམ་བརྒྱ་དང་དྲུག་ཅུ ཉིན་ཞག་བདུན་བརྒྱ་དང་ཉི་ཤུ་ཐམ་པ་ཡོད པས། དེ་ལ་མགོ་ཡང་བདུན་བརྒྱ་དང་ཉི་ཤུ་ཐམ་པ་ཡོད་དགོས། ཡོད་ན་ཤིང་ཏ་ལའི་ལོ་མ་བརྩེགས་པ་བཞིན་དུ་སྟེང་འོག་གི་