Tibetan
པ་ལྷ་དང་སྲུང་མའི་བླ་རྡོ།མི་ཚེ་ཆོས་ལ་དྲིལ་བ་འཆི་དུས་བློ་ལྷག་མེད་པའི་གནད་གསུམ་ཡིན་ནོ། །དམ་ཚིག་དང་སྡོམ་པ་སྲོག་ལྟར་བསྲུང་བ་སྒོམ་ཆེན་ཐ་མལ་དུ་མི་འཆོལ་བའི་གནད་དང་།འདོད་ཡོན་ལ་ཆོག་ཤེས་བསྟེན་པ་ཡུལ་ངན་དུ་མགོ་མི་འཁོར་བའི་གདམས་པ་དང་། འཁོར་བ་ལ་སྙིང་པོ་མེད་པར་ཤེས་པ་ཆགས་སྡང་གི་ཞེན་པ་གཅོད་པའི་གདམས་པ་ཡིན་ནོ། །འཇིག་རྟེན་གྱི་བྱ་བ་ལ་ཟིན་དུས་མེད་པ་སྤོས་རྒྱའི་རི་མོ་ལྟ་བུར་ཤེས་པར་བྱ་བ་ནི་མཐའ་སྡུད་པའི་མན་ངག་ཡིན་ནོ། །དང་པོ་བསླབ་པ་ལ་བརྟེན་ནས་ཤེས་པ་དང་། བར་དུ་བརྟག་ཅིང་དཔྱད་པས་རང་རྒྱུད་ལ་མྱོང་བ་ཐོན་ནས་རྟོགས་པ་དང་། དེ་ལྟར་ཤེས་པ་དང་རྟོགས་པ་ཙམ་གྱིས་གྲོལ་བ་མི་འཐོབ་པའི་ཚུལ། དཔེར་ན་ཟས་ཡོད་ཀྱང་མ་ཟོས་ན་མི་འགྲང་བ་ལྟ་བུ་ཡིན་པས བྱ་བ་དགུ་ཕྲུགས་སུ་བཏང་ནས་བསྒོམ་པའི་སྟོབས་ཀྱིས་རང་ཐོག་ཏུ་བརྟན་པ་ཐོབ་པ་ནམ་ལངས་ཚེ་ མུན་པ་མི་འབྱུང་བ་ལྟ་བུར་རིག་པའི་ཁོར་ཡུག་ཏུ་རྒྱ་མ་ཆད་པའི་དུས་ནི་རིག་པ་རང་ཐོག་ཏུ་རང་གདིང་ཐོབ་པ་ཡིན། ད་དུང་དེ་ཙམ་གྱིས་འཚང་རྒྱ་བར་མི་འགྱུར་བས་ཆོས་ཅན་གྱི་སྣང་བ ཆོས་ཉིད་དུ་ཟད་ནས་འཁོར་བའི་སྣང་སེམས་ཀྱི་དྲི་ཙམ་ཡང་མེད་པར་ཆོས་དབྱིངས་ཀུན་ནས་ཟླུམ་པ་ཆེན་པོའི་ངང་དུ་འབྱམས་ཀླས་པ་ནི་གྲོལ་བའི་ས་རུ་ཕེབས་པ་ཡིན། སྣང་བ་དེ་ཡང་ཤེས སྒྲིབ་ཕྲ་བའི་ཕྲ་བ་ཡུལ་མེད་དུ་སངས་ནས་ཇི་ལྟ་ཇི་སྙེད་ཀྱི་ཡེ་ཤེས་ཆེན་པོར་དབང་བསྒྱུར་ནས་ཆོས་སྐུ་ནམ་མཁའ་ལྟ་བུ་སྐུ་གསུམ་མཉམ་བརྡལ་གྱི་རོལ་པར་སངས་རྒྱས་པ་ཡིན་ནོ། །རིགས ཀྱི་བུ་གཞི་མ་རིག་པ་རྩལ་རྣམ་པར་རྟོག་པ་སྐྱེ་འགགས་ཅན་ནི་སེམས་ཀྱི་མཚན་ཉིད་ཡིན་ནོ། །གཞི་མངོན་དུ་གྱུར་པ་རྩལ་ཡེ་བབ་ཆེན་པོ་ནི་རིག་པའི་མཚན་ཉིད་ཡིན་ནོ། །གཞིའི་གནས ལུགས་ཤེས་པ་ནི་གཞིའི་རིག་པ་ཡིན ཆོས་ཉིད་མངོན་བྱེད་ཀྱི་ཤེས་པ་དྭངས་གསལ་རྙོགས་མ་དང་བྲལ་བ་ནི་ལམ་རིག་པ་སྟེ། གཉིས་ཀ་དུས་འཛོམ་པ་ལ་ཁྱབ་བརྡལ་རིག་པ་རྫོགས་པ་ཆེན་པོ་ཡིན་ནོ། །རྣམ་པར་རྟོག་པའི་ཆོ་འཕྲུལ་མཆེད་པའི་སྣང་བ་ཐམས་ཅད་མངོན་དུ་བྱེད་པའི་ཤེས་པ་ལ་ཡིད་ཅེས་བྱ་བ་དང་། སྣང་བ་མཆེད་པའི་ཡུལ་དྲུག་མ་འགགས་པ་ལ་ཡིད་ཀྱི་རྣམ་པར་ ༄༅། །ཤེས་པ་ཞེས་ཚིག་ཏུ་བརྗོད་པའོ། །འཁོར་འདས་སྟོང་ཉིད་ཆེན་པོའི་ངང་ཚུལ་ཇི་ལྟ་བ་བཞིན་དུ་ཤེས་པ་གཞིའི་ཤེས་རབ། ཤེས་པ་ཟང་ཀ་རྒྱ་ཡན་གོ་མ་འགགས པ་ཉིད་ངོ་འཕྲོད་པ་ལམ་གྱི་ཤེས་རབ། དེ་གཉིས་ཀ་དུས་འཛོམ་པ་ལ་ཁྱབ་བྱེད་ཀྱི་ཤེས་རབ་ཅེས་བྱའོ། །འདོད་ཡོན་གྱི་སྣང་བ་མཆེད་པའི་སྣང་ཡུལ་གོ་མ་འགགས་པ་ལ་རྣམ་པར་ཤེས་པ་དང་། སྣང་བ་ལ་དངོས་པོར་འཛིན་པའི་རྣམ་པར་རྟོག་པ་ལ་ལས་རླུང་ཞེས་བྱའོ། །ཡིད་ཀྱི་ཤེས་པ་ཕྲ་རགས་དུས་འཛོམ་པས་འཁོར་བ་ཡོངས་སུ་གྲུབ་པའོ། །ཆོས་ཉིད་བདེ་གཤེགས་སྙིང་པོའི་ངང་ཚུལ་ཇི་ལྟ་བ་བཞིན་དུ་ཤེས་པ་ཇི་ལྟ་བ་མཁྱེན་པའི་ཡེ་ཤེས ཆོས་ཉིད་དེ་བཞིན་ཉིད་ཀྱི་གནས་ལུགས་མངོན་དུ་བྱེད་པའི་དུས་སུ་ཀུན་ཤེས་ཀུན་རིག་གི་གོ་མ་འགགས་པ་ལ་ཇི་སྙེད་པ་གཟིགས་པའི་ཡེ་ཤེས དེ་མཉམ་དུ་བརྡལ་བ་ལ་ཀ་དག་མཉམ་པ་ཉིད་ཀྱི་ཡེ་ཤེས་ཞེས་བྱའོ། །གཞི་མ་རིག་པའི་དབང་གིས་ལུང་མ་བསྟན་དུ་སོང་བ་དཔེར་ན་གཉིད་ཀྱི་ངང་དུ་རྨི་ལམ་ཚོགས་སྣང་བ་ལྟར་ཀུན་གཞིའི་མཁའ་ལ་ལས་རླུང་སྣ་ཚོགས་གཡོས་པ་འཁོར་བ་ཀུན་གྱི་གཞི་དང་རྩ་བའོ། །ཆོས་ཅན་གྱི་སྣང་བ་ཐམས་ཅད་ཆོས་ཉིད་སྤྲོས་མཐའ་བྲལ་བ་འཁོར་འདས་དག་ མཉམ་ཆེན་པོ་ཧར་སངས་པའི་ངང་དུ་རྒྱ་ཡན་པ་ཆོས་སྐུ་ཀུན་ཏུ་བཟང་པོའོ། །རིགས་ཀྱི་བུ་ཆུ་ཟླ་དང་ཆུའི་གཟུགས་བརྙན་ཐམས་ཅད་ཆུའི་རོལ་པ་ཆུ་ལས་མ་འདས་པ་དང་། སྣོད་བཅུད་བརྟན་གཡོ་ཐམས་ཅད་ནམ་མཁའི་རོལ་པ་ནམ་མཁའ་ཉིད་ལས་མ་འདས་པ་དང་། འཁོར་འདས་ཐམས་ཅད་ཆོས་ཉིད་གཅིག་གི་རོལ་པ་ཆོས་ཉིད་ལས་མ་འདས་པའོ། །དེ་ལྟར་གཞིའི་ཆོས སྐུ་གཏིང་གསལ་ཆེན་པོ་མངོན་དུ་བྱས་པའི་དུས་དེར་ངོ་བོ་འཁོར་འདས་དག་མཉམ་གྱི་ཆོས་སྐུ། རང་བཞིན་ཡེ་ཤེས་ཡོན་ཏན་གྱི་ལོངས་སྐུ ཐུགས་རྗེ་རང་གསལ་སྒྲིབ་གཡོགས་དང་བྲལ བའི་སྤྲུལ་སྐུ། དེའི་རོལ་པ་དོན་དམ་པའོ། །གཞི་ཀ་དག་གི་ངོ་བོ་མ་རིག་པ་ལ་ཀུན་གཞི དེའི་གདངས་ལས་སྣང་བ་རྩལ་སེམས་བྱུང་གི་རོལ་པ་ཀུན་རྫོབ་ཅེས་བྱ་བ་ཡིན་ནོ། །འདི་ལྟར་རོལ་པ་དང་། ཆིངས་པ་དང་། ཁྱབ་པ་དང་།བརྡལ་བའི་ངང་ཚུལ་ཐམས་ཅད་ཤེས་པར་བྱས་ཏེ ཆོས་ཉིད་རང་ཀར་འདུག་པ། ངང་བཞག་བློ་འདས་རྒྱ་ཡན་ཆོས་ཉིད་ཅི་ཡང་མ་ཡིན པའི་བརྗོད་བྲལ་ཆེན་པོ་ཉིད་དུ་ལ་བཟླ་ཞིང་། རྣམ་པ་ཐམས་ཅད་མཁྱེན་པའི་ཡེ་ཤེས་ཆེན་པོ་མ་འཐོབ་ཀྱི་བར་དུ་ཐང་ལྷོད་མེད་པའི་བརྩོན་འགྲུས་དྲག་པོས་ཉམས་སུ་བླང་བ་ནི་གནད་མཆོག་ཏུ་ ༄༅། །ཟུངས་ཤིག །ཅེས་གསུངས་ཤིང་ཆོས་ཉིད་ཀྱི་དབྱིངས་སུ་འབྱམས་ཀླས་སོ། །ཞེས་པ་འདི་ཡང་སྐྱེ་བ་དུ་མར་ལས་དང་སྨོན་ལམ་གྱིས་འབྲེལ་བའི་སྤྲུལ་སྐུ་པདྨ ལུང་རྟོགས་རྒྱ་མཚོ་དང་མཁྱེན་རབ་རྒྱ་མཚོ་གཉིས་ཀྱིས་ནན་དུ་བསྐུལ་ངོར ཁྲག་འཐུང་བདུད་འཇོམས་རྡོ་རྗེ་ཁྲོ་ལོད་རྩལ་གྱིས་སྒྱུ་འཕྲུལ་རོལ་པའི་ཀློང་མཛོད་ལས་གཏན་ལ་ཕབ་པ། ཆོས་ཀྱི་བདག་པོ་སྐྱེས་མཆོག་དྲུག་ཅུ་རྩ་བརྒྱད་དུ་མཁའ་འགྲོས་ལུང་བསྟན་ནས་རྟེན་འབྲེལ་གྱི་དུས་ཚིགས་ཐོག་མ་ཡིན་ཅེས་ཨོ་རྒྱན་ཆེན་པོའི་བཀས་གནང་བ་ཕེབས་པའོ། །རང་གི་རིགས སྲས་དམ་པ་མཁས་མཆོག་བསོད་ནམས་བསྟན་འཛིན་རྡོ་གྲུབ་རིན་པོ་ཆེ གྱིས་ཞུས་དག་ནན་དུ་བགྱིས་པའོ།། །།དེ་ལྟར་ཀ་དག་རྫོགས་པ་ཆེན་པོ་ཁྲེགས་ཆོད་ཀྱི་གནས ལུགས་ཆེན་པོར་སྟོན་པའི་ཁྲིད་རིམ་སྣང་སྦྲང་དུ་གྲགས་པ་འདི་ལ། སྔོན་ཆད་རྗེ་རང་ཉིད་ཀྱི་སྐུའི་སྲས་ཀྱི་ཐུ་བོ་རྡོ་གྲུབ་རིན་པོ་ཆེ་ནས་ཞུས་དག་ཅུང་ཟད་གནང་བར་སྔོན་ཡང་ད་དུང་མ་ཕྱི་ནོར་བ་རྒྱུན་འབྱམས་སུ་སོང་བས་ཡིག་སྐྱོན་ཤིན་ཏུ་མང་བར་བརྟེན། དཔལ་མིའི་དབང་པོ་ཐའི་ཇི་ཚེ་དབང་རིག་འཛིན་རྣམ་པར་རྒྱལ་བའི་ཐུགས་བསྐྱེད་ཕྲིན་ལས་ཀྱི་ཆ་ལས་ཆོས་སྐུའི་རིང་བསྲེལ་ 食灵ཆོས་སྦྱིན་མི་འཛད་པའི་གཏེར་དུ་བསྒྲུབས་པར་མཛད་དེ་ཡབ་གཞིས་བསམ་འགྲུབ་ཕོ་བྲང་གི་གནྡྷོ་ལར་བཞུགས་སུ་གསོལ་བའི་སྐབས་སྤར་གྱི་ཕྱི་མོར་ལེགས་པར་དཔྱད་པའི་སྒོ་ནས་ཞུས་ཏེ་གཙང་དག་ཏུ་གཏན་ལ་འབེབས་པ་པོ་ནི་ཁྲག་འཐུང་རིག་འཛིན་ཆེན་པོའི་སྐྱེ་བའི་སྒྱུ་གར་དུ་རློམ་པ་འཇིགས་བྲལ་ཡེ་ཤེས་རྡོ་རྗེ་སྟེ། འདིས་ཀྱང་འོད་གསལ་རྫོགས་པ་ཆེན་པོའི་བསྟན་པ་ལ་བྱ་བ་རླབས་པོ་ཆེར་སྤྱོད་པས་སྐལ་ལྡན་གྱི་གདུལ་བྱ་དཔག་ཏུ་མེད་པ་ནང་དབྱིངས་གདོད་མའི་གཞི་ཐོག་ཏུ་མངོན་པར་གྲོལ་བའི་རྒྱུར་གྱུར་ཅིག། ཤུ་བྷཾ།། TI1398-180 ༄༅། །རང་བཞིན་རྫོགས་པ་ཆེན་པོ་མ་བསྒོམ་སངས་རྒྱས་ཀྱི་ཟིན་བྲིས་དཔལ་ལྡན་བླ་མའི་ཞལ་རྒྱུན་ནག་འགྲོས་སུ་བཀོད་པ་ཚིག་དོན་རབ་གསལ་སྐལ་ལྡན་དགྱེས་པའི་མགུལ་རྒྱན་བཞུགས 一 མཆོམ་པ་པོལ་པོ་བྱེ་ལ་ཚེ་ཟོས་སུ་ཞིང་༄༅། །ཆོས་དབྱིངས་མཐའ་བྲལ་དྭངས་མའི་མཁའ་ཀློང་དུ། །ལྷུན་གྲུབ་སྐུ་དང་ཡེ་ཤེས་ཡོན་ཏན་རྫོགས། །ཐུགས་རྗེ་གང་འདུལ་སྒྱུ་འཕྲུལ་བསམ་ཡས་འགྱེད། །སྐུ་གསུམ་དབྱེར་མེད་རང་བྱུང་རིག་པར་འདུད། །མ་རིག་གཉིད་སངས་སྤང་རྟོགས་ཡོན་ཏན་རྒྱས། ཉོན་མོངས་ཞི་བྱེད་ལུང་དང་རྟོགས་པའི་ཆོས །རིག་གྲོལ་གཉིས་ལྡན་འཕགས་པའི་དགེ་འདུན་ཏེ། །སྐྱབས་མཆོག་རྣམ་གསུམ་དད་བརྒྱའི་གཙུག གིས་མཆོད། །ཨོ་རྒྱན་མཚོ་གླིང་པདྨའི་ཟེའུ་འབྲུ་ལ། །རྒྱུ་རྐྱེན་ལས་འདས་རང་བྱུང་སྤྲུལ་པའི་སྐུ །གནས་གསུམ་དཔའ་བོ་མཁའ་འགྲོའི་སྤྲིན TI1398-182 ཡུ་དུ། ༄༅། །འཕྲོ་བ། །སངས་རྒྱས་གཉིས་པ་པདྨ་ཀ་རས་སྐྱོངས། །ཐེག་མཆོག་སྙིང་པོའི་ཤིང་རྟ་ཆེས་འཕགས་ཤིང་། །ཀུན་ཏུ་བཟང་པོ་དགེ་བའི་བཤེས་གཉེན་ཚུལ །ཡོངས་བཟུང་གདུལ་བྱ་རྗེས་སུ་འཛིན་པ་ཡི །འཁོར་ལོའི་མགོན་པོ་བདུད་འཇོམས་རྡོ་རྗེར་འདུད། ཟབ་དོན་རྒྱ་མཚོའི་རྟོགས་པ་ཀློང་དུ་གྱུར། །ངེས་པའི་ཆོས་རྣམས་རབ་འབྱམས་ཐུགས་སུ་ཆུད། །ཇི་ལྟ་ཇི་སྙེད་མཁྱེན་ཅིང་གཟིགས་པ་ཡི། རྡོ་རྗེ་འཆང་དངོས་འགྲོ་འདུལ་གསང་སྔགས་གླིང་། །ཆོས་ཀྱི་འཁོར་ལོའི་དྭངས་མའི་དབྱིངས་སུ་རོལ། །ཐེག་མཆོག་གངས་ཀྱི་སྤོ་ལ་མངོན་TI1398-183 མཆོམ་པ་པོལ་པོ་བྱེ་ལ་ཚེ་ཟོས་སུ་ཞིང་སྦྱངས་ཤིང་། །སྡེ་གསུམ་ཀློང་དགུའི་གདམས་པའི་ཆོས་ཆར་འབེབས། །སྨྲ་ངན་རི་དྭགས་ཚོགས་རྣམས་སྐྲག་མཛད་པ། །ཆོས་བདག་དཔའ་བོ་མཁའ་འགྲོའི་ཚོགས་ལ་འདུད། །དུས་གསུམ་རྒྱལ་བ་ཀུན་གྱི་དགོངས་པའི་བཅུད། །ཐེག་དགུའི་རྩེ་རྒྱལ་མན་ངག་རྫོགས་པ་ཆེ། །ཁྱབ་བདག་གཏེར་ཆེན་བླ་མའི་གསུང་རྒྱུན་འདི། །བརྗོད་དོན་གོང་འོག་རང་བཟོས་མ་བསླད་པར། །རང་གཞན་དོན་དུ་ནག་འགྲོས་གོ་བདེར་བཀོད། །ཆོས་བདག་དཔའ་བོ་དཔའ་མོ་ཌཱཀྐི་དང་། །བསྟན་སྲུང་གཏེར་བདག་རྣམས་ཀྱིས་གནང་བ་སྩོལ། །དེ་ལ་འདིར་རང་བཞིན་རྫོགས་པ་ཆེན་པོའི་གདམས TI1398-184 ་དུ། ༄༅། །པ་མ་བསྒོམ་སངས་རྒྱས་ཀྱི་ཁྲིད་འདི་ཉིད་འཆད་པར་བྱེད་པ་ལ། བཤད་བྱའི་ཡན་ལག་བཤད་པ་དང་། བཤད་བྱའི་གཞུང་དོན་དངོས་བཤད་པ་གཉིས་ལས དང་པོ་བཤད་བྱའི་ཡན་ལག་བཤད་པ་དེ་ཉིད་སྔོན་དུ་གྲུབ་ཟིན་པའི་དབང་དུ་བྱས་ནས། གཉིས་པ་བཤད བྱའི་གཞུང་དོན་དངོས་བཤད་པ་ལ་གསུམ། ཐོག་མར་དགེ་བ་ཀླད་ཀྱི་དོན། བར་དུ་དགེ་བ་གཞུང་གི་དོན། ཐ་མར་དགེ་བ་མཇུག་གི་དོན་དང་ས་བཅད་རྣམ་པ་གསུམ་ལས། དང་པོ་ཐོག་མར་དགེ་བ་ཀླད་ཀྱི་དོན་དེ་ལའང་། མཚན་དོན་སྨོས་པ། མཆོད་པར་བརྗོད་པ། གླེང་གཞི་བཤད་པ TI1398-185 དང་གསུམ་ལས། དང་པོ་མཚན་དོན་སྨོས་པ་ནི། རང་བཞིན་རྫོགས་པ་སོགས་ཀྱིས་བསྟན། དེ་ལ་ས་ཡི་རང་བཞིན་སྟོང་པ་ཉིད། སྟོང་པ་ཉིད་ཀྱིས་ས་རུ་སྣང་། དེ་བཞིན་དུ་ཆུ མེ་རླུང་སོགས་ལ་སྦྱར ཕྱི་སྣང་བ་སྣོད་ཀྱི་འཇིག་རྟེན་གྱི་རང་བཞིན་སྟོང་པ་ཉིད། སྟོང་པ་ཉིད་ཀྱིས་སྣོད་ཀྱི་འཇིག་རྟེན་དུ་སྣང་། ནང་གཡོ་བ་བཅུད་ཀྱི་སེམས་ཅན་གྱི་རང་བཞིན་སྟོང་པ་ཉིད སྟོང་པ་ཉིད་ཀྱིས་བཅུད་ཀྱི་སེམས་ཅན་དུ་སྣང་འདོད་ཡོན་ལྔའི་རང་བཞིན་སྟོང་པ་ཉིད སྟོང་པ་ཉིད་ཀྱིས་འདོད་ཡོན་ལྔ་རུ་སྣང་། དེའི་ཕྱིར་ན་ཆོས་ཐམས་ཅད་ཀྱི་རང་བཞིན་སྟོང་པ་ཉིད་ཡིན་པའི་ཕྱིར་ན་རང་བཞིན། འཁོར་བའི་ཆོས་ཕུང་པོ་ཁམས་དང་སྐྱེ་མཆེད་རྣམས་རྫོགས་པས་གཞི་རྫོགས་པ། ཐེག་པའི་རྣམ་གྲངས་ལམ་གྱི་འཇུག་ངོགས་འབྲས་བུའི་ཐོབ་བྱ་བསམ་གྱིས་མི་ཁྱབ་པ་རྣམས་རྫོགས་པས་ལམ་རྫོགས་པ། སྐུ་དང་ཡེ་ཤེས་ལ་སོགས་འབྲས་བུའི་ཆོས་ཉེར་ལྔའི་བདག་ཉིད་ཆེན་པོར་ཡེ་ནས་བཞུགས་པས་ན་འབྲས་བུ་རྫོགས་པ་སྟེ། མདོར་ན་ལམ་ཐེག པ་རིམ་པ་དགུའི་འབྲས་བུའི་ཆ་དང་བཅས་པ་རྫོགས་པས་ན་རྫོགས་པ། ཐེག་པ་ཐམས་ཅད་ཀྱི་མདོ་གཅིག་ཏུ་བསྡུས དོན་གཅིག་ཏུ་འདུས། སྙིང་པོ་གཅིག་ཏུ་དྲིལ་བའི་བདག་ཉིད་ཡིན ༄༅། །པས་ན་ཆེན་པོ། དེ་ལྟ་བུའི་ཆོས་སྐུ་གཞིར་གནས་ཀྱི་རིག་པ་ཀུན་ཏུ་བཟང་པོའི་རང་ཞལ་མངོན་དུ་མ་གྱུར་བ་དེ་ཉིད་མངོན་དུ་གྱུར་བར་བྱེད་པའི་ཐབས་སམ་ལམ་ཟབ་མོ་ཡིན་པའི་ཕྱིར་ན་རང༷་ཞལ༷་མདོ༷ན་དུ་བྱེད༷་པའི་གདམ༷ས་པ༷། རིག་པ་དེ་བཞིན་ཉིད་ཀྱི་གནས་ལུགས་ངོ་རང་ཐོག་ཏུ་སྤྲད། ཐག་གཅིག་ཐོག་ཏུ་བཅད། ས་རང་ས་ནས་བཟུང་། གདིང་གྲོལ་ཐོག་ཏུ་བཅའ། ངང་མངོན་གྱུར་དུ་འཇོག་པ་ལས་གཞན་ན་བསྒོམ་རྒྱུ་རྡུལ་ཙམ་ཡང་མེད་པས་ན་མ༷་བསྒོམ། མ་རིག་པའི་གཉིད་འཐུག་པོ་ལྟ་བུ་ལས་སད་པས་ན་སངས། ཡེ་ཤེས་ཡོན་ཏན་ཐམས་ཅད་ཀྱི་ངང་རྒྱས་པས་ན་རྒྱས། བཞུགས་སོ་ནི་འདི་ལྟ་བུའི་གདམས་པ་ཁྱད་པར་ཅན་འདི་ན་ཡོད་དོ་ཅེས་པའི་དོན་ནོ། །དགོས་པ་ནི། སྐྱེས་བུ་རབ་ཀྱིས་དབུ་ནས་ཞབས་སུ་བསྡུ་བའི་དོན་ཁོང་དུ་ཆུད་པ་དང་། སྐྱེས་བུ་འབྲིང་གིས་དམག་མི་ལ་དམག་བྱང་། མདའ་མི་ལ་མདའ་བྱང་བཏགས་པ་ལྟར་ཐེག་པ་ཆེ་ཆུང་གང་གི་ཕྱོགས་སུ་གཏོགས་ཤེས་པ་དང་། སྐྱེས་བུ་ཐ་མས་ཀྱང་སྨན་སྣོད་ལ་ཁ་བྱང་བཏགས་པ་བཞིན་གླེགས་བམ་བཙལ་སླ་བའི་དགོས་པ་ཡོད་དེ། མདོ་ལང་ཀར་གཤེགས་པ་ལས། མིང་དུ་གདགས་པར་མ་མཛད་ན། ། འཇིག་རྟེན་ཐམས་ཅད་རྨོངས་པར་འགྱུར། །དེ་བས་མགོན་པོ་ཐབས་མཁས་པས། །ཆོས་རྣམས་མིང་དུ་གདགས་པར་མཛད། །ཅེས་གསུངས་སོ། །གཉིས་པ་མཆོད་པར་བརྗོད་པ་ནི ཁྱབ་བདག་གདོད་མའི་སོགས་ཀྱིས་བསྟན ཡ་ཀི་ཆོས་སྐུ་ཀུན་ཏུ་བཟང་པོ་མན་ཆད། མ་ཀི་སྲིན་བུ་པདྨ་ཡན་ཆད་ཀྱི་རྒྱུད་ལ་ཆོས་སྐུ་བདེ་གཤེགས་སྙིང་པོས་ཏིལ་ལ་མར་གྱིས་ཁྱབ་པ་བཞིན་དུ་ཁྱབ་པས་ན་ཁྱབ། ཁྱབ་པའི་བདག་པོ་ཉིད་གང་ཡིན་སྙམ་ན་ཆོས་སྐུ་ཀུན་ཏུ་བཟང་པོ་ཉིད་ཡིན་པའི་ཕྱིར་ན་བདག །དེ་ཉིད་རྒྱུ་སོ་མ་དང་རྐྱེན་གསར་པས་འཕྲལ་དང་སླད་ཀྱིས་འབྱུང་བ་མ་ཡིན་པར་ཡེ་གདོད་མ་ཉིད་ནས་རང་བྱུང་བ་ཡིན་པས་ན་གདོ༷༷ད་མའི༷། སྲིད་ཞི་གཉིས་ཀྱི་མགོན་དང་དཔུང་གཉེན་དུ་གྱུར་པས་ན་མགོ༷ན་པོ༷། རྒྱུ་ཡེ་ཤེས་ལྔ་ལས། འཕྲུལ་སྐུ་ལྔ་རིགས་ལྔ་རུ་འཕྲུལ་པས་ན་ཡེ༷་ཤེ༷ས་སྒྱུ་འཕྲུལ། དེ་ལ་རྒྱུ་ཆོས་ཀྱི་དབྱིངས་ཀྱི་ཡེ་ཤེས་ལས། འཕྲུལ་སངས་རྒྱས་རིགས་ཀྱི་ཞིང་ཁམས་སུ་འཕྲུལ དེ་བཞིན་དུ་མེ་ལོང་ལྟ་བུའི་ཡེ་ཤེས། མཉམ་པ་ཉིད་ཀྱི་ཡེ་ཤེས། སོ་སོར་རྟོག་པའི་ཡེ་ཤེས བྱ་བ་གྲུབ་པའི་ཡེ་ཤེས། རྡོ་རྗེ་རིན་ཆེན་པདྨ་ལས་ཀྱི་རིགས་སོགས་ལའང་སྦྱར། དེ་ལྟར་སྒྱུ་འཕྲུལ་གྱི་བཀོད་པ་དེ་དག་ཐམས་ཅད་ཆོས་སྐུ་ཀུན་ཏུ ༄༅། །བཟང་པོའི་ཐུགས་ཆོས་ཉིད་ཀྱི་ཀློང་དུ་རོལ་པས་ན་རོལ་པའི། གྲོང་ཁྱེར་ནི། དཔེར་ན་འཇིག་རྟེན་མིའི་གྲོང་ཁྱེར་ལྟ་བུ་ལ་མཚོན་ན། རྒྱ་ནག་བེ་ཅོན་དང་རྒྱ་གར་སེར་སྐྱའི་ཡུལ་དང་། ཝ་ར་ཎ་སིའི་ཡུལ་ལ་སོགས་པ་བཟོ་རིགས་བཅོ་བརྒྱད་འདུས་ས། ཚོང་མགྲོན་གྱི་གྱེས་འདུ་རྒྱུན་མི་ཆད་པ་ཞིག་ལ་གྲོང་ཁྱེར་ཟེར་ཏེ། དེ་བཞིན་དུ་དག་པ་ལྷའི གྲོང་ཁྱེར་ལའང་། དབུས་ཕྱོགས་ན་སངས་རྒྱས་རིགས་ཀྱི་ཞིང་ཁམས་གང་གཱའི་ཀླུང་གི་བྱེ་མ་སྙེད་ཀྱི་གྲངས་དང་མཉམ་པ་བསམ་གྱིས་མི་ཁྱབ་པ། ཤར་ཕྱོགས་ན་རྡོ་རྗེ་རིགས་ཀྱི༴སོགས ལྷོ་ཕྱོགས་ན་རིན་ཆེན༴སོགས། ནུབ་ཕྱོགས་ན་པདྨ་སོགས།བྱང་ཕྱོགས་ན་ལས་ཀྱི༴སོགས ཇི་སྙེད་པ་ཞིག་ཡོད་པ་དེ་དག་ཐམས་ཅད་ནི་གྲོང་ཁྱེར་ཐམས་ཅད་ཀྱི་མཆོག་དང་ཡ་གྱལ་དུ་གྱུར་པས་ན་གྲོང༷་ཁྱེར༷་མཆོ༷ག་ལ༷། བདེ་གཤེགས་སྙིང་པོ་དེ་དང་དེ་ལ་དད་ཅིང་མོས་པའི་གང་ཟག་དེའི་ཤེས་རྒྱུད་དེ་གཉིས་ཀ་འགྲོ་བ་ལྷ་དང་བཅས་པ་བདུད་དང་བཅས་པས་སོ་སོར་ཕྱེ་མི་ནུས་པས་ན་མི༷་ཕྱེད༷། དད་པ་ལའང་དང་བའི་དད་པ འཇིགས་སྐྱོབ་ཀྱི་དད་པ། ཕྱིར་མི་ལྡོག་པའི་དད་པ་དང་གསུམ་ཡོད་པ་ལས འདི་ནི་རྣམ་གསུམ་གཅིག་དྲིལ་གྱི་དད་པའམ ཆོས་སྐུ་བདེ་ གཤེགས་སྙིང་པོའི་རིག་པ་ངོ་འཕྲོད་ཅིང་གདིང་ཐོབ་པས་སླར་འཁོར་བ་ལ་ཕྱིར་མི་ལྡོག་པར་ཡིད་ཆེས་རྙེད་པ་ལ་ཕྱིར་མི་ལྡོག་པའི་དད་པ་ཞེས་བརྗོད། དད་པ་དེའི་ངང་ནས་ཕྱག་འཚལ་བ་སྟེ དེ་ལའང་རབ་ལྟ་བ་ལ་མཇལ་བའི་ཕྱག །འབྲིང་སྒོམ་པ་ལ་གོམས་པའི་ཕྱག །ཐ་མ་འདུ་ཤེས་གསུམ་ལྡན་གྱི་ཕྱག་དང་གསུམ་ལས། འདི་ནི་རང་གི་ལྟ་བ་ལ་ངོ་མཚར་བ ཡིད་ཆེས་པ། གློ་ཐུབ་པ་གསུམ་དུས་གཅིག་ཏུ་བྱུང་བ་ལ། རབ་ལྟ་བ་མཇལ་བའི་ཕྱག་སྟེ། དེ་གང་ཞེ་ན་ངོ་བོའི་དབྱིངས་རྣམ་པར་མི་རྟོག་པའི་ཡེ་ཤེས་འགྱུར་བ་མེད་པ་ལ་ངོ་མཚར་བ་དང་། སྐུ་དང་ཡེ་ཤེས་ལམ་དང་འབྲས་བུའི་ཆོས་ཐམས་ཅད་འདུས་མ་བྱས་ཤིང་ལྷུན་གྱིས་གྲུབ་པ་ཉིད་རིག་པ་བྱང་ཆུབ་སེམས་ཀྱི་དཀྱིལ་འཁོར་དུ་འདུས་ཤིང་རྫོགས་པ་ལ་ཡིད་ཆེས་པ་དང་། སྐུ་གསུམ་མཉམ་པ་ཉིད་ཀྱི་དབྱིངས་མངོན་དུ་གྱུར་བ་ལ་གདིང་བཅའ་བ་ལས གཞན་ཚོལ་གྱི་འབྲས་བུ་ཡིད་སྨོན་ཙམ་ཡང་མེད་པ་ལ་གློ་ཐུབ་པ་སྟེ། མདོར་ན་འཁོར་འདས་དག་མཉམ་དུ་རོལ་པ་ལ་ཕྱག་གི་སྒྲར་བརྗོད་པས་དེའི་སྒོ་ནས༷་ཕྱག༷་འཚལ་ལོ༵ །ཞེས་གསུངས་སོ། །གསུམ་པ་གླེང་གཞི་བཤད་པ་ལའང་བཞི ལམ་ལ་དབང་སྐལ་མེད་པའི་གང་ཟག་དང་ལམ་མི་འཚོལ་བའི་ ༄༅། །གང་ཟག་དང་། ལམ་བཙལ་ཀྱང་མི་རྙེད་པའི་གང་ཟག་དང་། ལམ་ལ་དབང་སྐལ་དང་ལྡན་པའི་གང་ཟག་དང་བཞི་ལས། དང་པོ་ནི། དུས་དེང་སང་སྙིགས མ་ལྔ་བདོ༴སོགས མ་མཐོང་། སྙིགས་མ་ལྔ་ནི། ཉོན་ལྟ་དུས་ཚེ་སེམས་ཅན་སྙིགས །ཞེས་གསུངས་ཏེ། སྔོན་བསྐལ་པ་རྫོགས་ལྡན་གྱི་དུས་སུ་ཉོན་མོངས་པ་ཆུང་ཞིང་དུག་ལྔ་བག་ལ ཉལ་བའི་ཚུལ་དུ་ཡོད་དེ། དུས་དེང་སང་གི་གནས་སྐབས་ན་ཉོན་མོངས་པ་རགས་ཤིང་དུག་ལྔ་འཆོལ་རྙོག་ལ་སྤྱོད་པའི་དུས་ཡིན་པས་ན་ཉོན་མོངས་པའི་སྙིགས་མ་དང་། སྔོན་བསྐལ་པ་བཟང་པོའི་དུས་སུ་རྟག་ཆད་ཀྱི་མཐའ་ལས་འདས་པ་ཡང་དག་པའི་ལྟ་བ་ཤ་སྟག་ལས་མེད་དེ། དུས་དེང་སང་གི་གནས་སྐབས་ན་ཡང་ན་ལྟ་བ་རྟག་པའི་མཐའ་རུ་ལྷུང་བ་དང་། ཡང་ན་ཆད་པའི་མཐའ་རུ་ལྷུང་བ། རྟག་ཆད་གཉིས་ཀྱི་མཐའ་ལས་མ་འདས་པ་ཤ་སྟག་ལས་མེད། དེའི་ཕྱིར་ན་ལྟ་བའི་སྙིགས་མ་དང་། སྔོན་བསྐལ་པ་བཟང་པོའི་དུས་སུ་དུས་འཁྲུགས་དང་ནད མཚོན་མུ་གེ་སོགས་ཀྱི་མིང་ཙམ་ཡང་མེད་དེ། དུས་དེང་སང་གི་གནས་སྐབས་ན་དུས་འཁྲུགས་དང་ནད་མཚོན་མུ་གེ་སོགས་འཆར་བདོ་བའི་དུས་ཡིན་པས་ན་དུས་ཀྱི་སྙིགས་མ་དང་། སྔོན་བསྐལ་པ་བཟང་པོའི་དུས་སུ་ཚེ་ལོ་དཔག་མེད་དང་བརྒྱད་ཁྲི་ཐུབ་པ་ཤ་སྟག་ལས་མེད་དེ། དུས་དེང་སང་གི་གནས་སྐབས་ན་ཉི་ཤུ་ཁ་རལ་སུམ་ཅུ་ལ་ཉེ་བའི་དུས་ཡིན་པས་ན་ཚེའི་སྙིགས མ་དང་། སྔོན་བསྐལ་པ་བཟང་པོའི་དུས་སུ་སེམས་ཅན་གཅིག་གིས་གཅིག་མཐོང་བའི་ཚེ་ན་འཛུམ་པའི་མིག་གིས་བལྟ། སྙན་པའི་ངག་གིས་བསུ་ཞིང་། ཕན་པའི་སེམས་ཀྱིས་སྐྱོང་བ་ཤ སྟག་ལས་མེད་དེ། དུས་དེང་སང་གི་གནས་སྐབས་ན་སེམས་ཅན་གཅིག་གིས་གཅིག་མཐོང་བའི་ཚེ་ན་དགྲ་མི་ཤ་བོ་མཐོང་བ་ལྟར། ཚིག་ངན་གྱིས་རྒྱུད་དཀྲུག་ཅིང་བརྡུང་བཙོག་དང་གསོད་གཅོད་ཀྱི་ལས་ལ་བརྩམས་པ་ཤ་སྟག་ཡིན་པས་ན་སེམས་ཅན་གྱི་སྙིགས་མ་སྟེ།སྙིགས་མ་ལྔ་བདོ་བའི་དུས་འདིར་སེམས་ཅན་རྣམས་དམུ་རྒོད་པ་དང་ལས་ངན་པ་འདི་དབང་ཆེ་བའི་སྟོབས་ཀྱིས་མི་ཚེ་འདི་ན་རྨི་ལམ་གྱི་གནས་སྐབས་ཙམ་ཞིག་ལས་ཡོད་པ་མ་ཡིན། དེ་ལ་ཞེན་ཅིང་ཆགས་ནས་བློ་ཐག་རིང་པོས་གཏན་དུ་སྡོད་གྲབ་བྱེད་ཅིང་དགྲ་འདུལ་གཉེན་སྐྱོང་། མཁར་བརྩིགས། ཞིང་རྨོས། རྒྱུ་རྫས་ལོངས་སྤྱོད་བསོགས་པ་ལ་སོ་ནམ་དང་བསོགས་བསྐྲུན་བྱེད་པ་ལས་ཕྱི་མའི་དོན་གཉེར་རྒྱབ་ཏུ་བོར་བ་ཤ་སྟག་