Tibetan
ཤེས་ཡོན་ཏན་ཐམས་ཅད་འོད་ཟེར་གྱི་རྣམ་པར་བྱུང་ནས་རང་གི་སྒོ་གསུམ་དང་དཀྱིལ་འཁོར་སྒྲུབ་རྫས་རྣམས་དངགཉིས་སུ་མེད་པར་ཐིམ་པས༔ སྒོ་གསུམ་དག་རྫོགས་སྨིན་གསུམ་མཐར་ཕྱིན་ནས་མཆོག་གི་རིག་འཛིན་བཞིའི་གོ་འཕང་ཐོབ་པར་བསམ་མོ༔ དེ་ནས་སྒྲུབ་པ་ཆེན་པོའི་དུས་སུ་རང་ཉིད་ལྷར་གསལ་བའི་ཐུགས་ཀ་ནས་འོད་ཟེར་འཕྲོས་པས་མདུན་བསྐྱེད་ལྷའིཐུགས་ རྒྱུད་བསྐུལ༔ དེ་ལས་འོད་ཟེར་ཁ་དོག་ལྔ་ལྡན་ཡར་འཕྲོས་པས་ཕྱོགས་བཅུའི་ཞིང་བཞུགས་ཀྱི་རྒྱལ་བ་རྣམས་ལ་སྐུ་གསུང་ཐུགས་མཉེས་པའི་མཆོད་པ་ཕུལ་བས་ཐུགས་བདེ་སྟོང་གི་རོས་ཚིམས༔ ཐུགས་རྗེ་བྱིན་རླབས་ཡེ་ཤེས་ཡོན་ཏན་ཐམས་ཅད་སྐུ་ཕྱག་རྒྱ༔ གསུང་ཡིག་འབྲུ༔ ཐུགས་ཕྱག་མཚན༔ ཡོན་ཏན་ཕྲིན་ལས་ཐམས་ཅད་འཇའ་དང་འོད་ཀྱི་རྣམ་པར་བྱུང་ནས་བདག་མདུན དང་དཀྱིལ་འཁོར་སྒྲུབ་རྫས་ཡོ་བྱད་རྣམས་ལ་ཐིམ་པས་མཆོག་ཐུན་མོང་གི་དངོས་གྲུབ་ཐམས་ཅད་གཅིག་ཅར་དུ་ཐོབ་པ་དང་༔ འོད་ཟེར་མར་འཕྲོས་ཁམས་གསུམ་སེམས་ཅན་ཐམས་ཅད་ཀྱི་གནས་དང་ཡུལ་གྱི་བག་ཆགས་ཐམས་ཅད་སྦྱངས་ནས་ཕྱི་སྣོད་རྒྱལ་བའི་ཞིང་ཁམས་དང་ནང་བཅུད་ཀྱི་སྐྱེ་འགྲོ་ཐམས་ཅད་ཡི་དམ་ལྷའི་རང་བཞིན་དང་༔ སྒྲ་གྲགས་ཐམས་ཅད་སྔགས་ཀྱི་རང་སྒྲ༔ དྲན་རྟོག་འགྱུ་དྲན་གྱི་རྟོག་པ་ཐམས་ཅད་བདེ་ཆེན་ཐུགས་ཀྱི་རོལ་པར་སད་ནས༔ སྣང་གྲགས་རིག་པ་ལྷ་སྔགས་ཆོས་ཉིད་ཆེན་པོར་འབྱམས་ཀླས་པར་བསམ༔ རང་གི་རྩ་ཁམས་ཐམས་ཅད་གཞལ་ཡས་ཁང་དང་༔ ཁམས་དཀར་དམར་དཔའ་བོ་དང་དཔའ་མོ༔ རླུང་ཕྱིར་འཕྲོས་པ་དང་མ་འཕྲོས་པ་ཐམས་ཅད་སྔགས་ཀྱི་རང་བཞིན་དང་༔ དྲན་རྟོག་ཐམས་ཅད་འོད་གསལ་ཆོས 疊ཉིད་རོལ་པར་དག་ནས༔ སྣང་སྲིད་ཐམས་ཅད་ལྷ་དང་ལྷ་མོའི་རང་བཞིན་དུ་གྱུར་ནས་ཐམས་ཅད་ཀྱིས་སྔགས་ཀྱི་སྒྲ་བུང་བ་ཚང་ཞིག་པ་ལྟར་འདི་རི་རི་སྒྲོགས་པར་བསམ་པའོ༔ དེ་ནས་ལས་སྦྱོར་གྱི་དམིགས་རིམ་ནི༔ སྔ་དྲོའི་དུས་བདག་མདུན་གྱི་ཐུགས་ཀ་ནས་འོད་ཟེར་དཀར་པོ་འཕྲོས་པས་རྒྱལ་བ་རྣམས་ཀྱི་ཐུགས་རྗེབྱིན་རླབས་ཐམས་ཅད་འོད་ཟེར་དཀར་པོའི་རྣམ་པར་བྱུང་ནས་བདག་མདུན་ལ་ཐིམ་པས་ཞི་བའི་མཐུ་དང་ཡོན་ཏན་ཐམས་ཅད་ཐོབ་པར་བསམ༔ འོད་ཟེར་མར་འཕྲོས་པས་ཁམས་གསུམ་རིགས་དྲུག་གི་ལས་ཉོན་བག་ཆགས་ཐམས་ཅད་བ་མོ་ལ་ཉི་ཟེར་ཕོག་པ་ལྟར་སྦྱངས་ཤིང་༔ སེམས་ཅན་ཐམས་ཅད་ཀྱི་སྡིག་སྒྲིབ་དང་སྡུག་བསྔལ་རྣམས་དག་ནས་ཐམས་ཅད་ཡེ་ཤེས་ལྷའི་རང་བཞིན་དུ་གྱུར་པར་བསམ་མོ༔ ཉིན་ཕྱེད་དུས་བདག་མདུན་གྱི་ཐུགས་ལས་འོད་ཟེར་སེར་པོ་མཆོད་འཛིན་གྱི་ལྷ་མོ་དང་བཅས་པ་འཕྲོས་རྒྱལ་བ་རྣམས་ལ་མཆོད་པ་ཕུལ་ནས་ཐུགས་རྗེ་བྱིན་རླབས་དབང་དང་དངོས་གྲུབ་ཐམས་ཅད་དང་༔ ལྷ་དང་དྲང་སྲོང་སྣང་སྲིད་སྣོད་བཅུད་ལ་སོགས་པའི་ཚེ་དང་བསོད་ནམས་དཔལ་དང་འབྱོར་པ་ཐམས་ཅད་འོད་ཟེར་སེར་པོའི་རྣམ་པར་དག་མདུན་ལ་ཐིམ་པས་ཚེ་བསོད་དཔལ་འབྱོར་ཐམས་ཅདགོང་= ནས་གོང་དུ་འཕེལ་བར་བསམ་མོ༔ དགུང་མོའི་དུས་བདག་མདུན་གྱི་ཐུགས་ཀ་ནས་འོད་ཟེར་དམར་པོ་དཔག་ཏུ་མེད་པ་འཕྲོས་པས༔ ཕྱོགས་བཅུའི་ཞིང་ཁམས་རབ་འབྱམས་ཀྱི་རྒྱལ་བ རྣམས་ལ་མཉེས་པའི་མཆོད་པ་ཕུལ་བས་ཐུགས་བདེ་སྟོང་གི་རོས་ཚིམས༔ ཐུགས་རྗེའི་བྱིན་རླབས་དབང་དང་དངོས་གྲུབ་ཐམས་ཅད་དང་༔ རྟེན་དང་བརྟེན་པར་བཅས་པ་ཐམས་ཅད་འོད་དམར་གྱི་རྣམ་པར་ཞུ་ནས་བདག་མདུན་ལ་ཐིམ་པར་བསམ༔ འོད་ཟེར་མར་འཕྲོས་པས་ལྷ་ཀླུ་མི་གསུམ་ལ་སོགས་པ་སྐྱེ་དགུའི་བདག་པོ་ཐམས་ཅད་དབང་དུ་བསྡུས་ཤིང་བྲན་དུ་བཀོལ༔ ཚེ་བསོད་ནམས་དཔལ་འབྱོར་ཟས་ནོར་ལོངས་སྤྱོད་ཆོས་སྲིད་མངའ་ཐང་ལ་སོགས་པ་ཐམས་ཅད་རང་དབང་མེད་པར་དབང་དུ་བསྡུས་པར་བསམ་མོ༔ ནུབ་དུས་བདག་མདུན་གྱི་ཐུགས་ལས་འོད་ཟེར་ཐུན་མཚོན་ཁྲོ་ཆུང་མེ་དཔུང་གི་ཚོགས་དཔག་ཏུ་མེད་པར་འཕྲོས་ནས་ཉོན་མོངས་པ་དུག་ལྔ་དུག་གསུམ་ལས་བསྐྱེད་པའི་གཟུགས་ཅན་གཟུགས་མེད་ཀྱི་གནོད་བྱེད་ཐམས་ཅད་ཐུན་གྱིས་བྲབས༔ མེ་དཔུང་གིས་བསྲེགས༔ སྤུ་གྲིའི་གཏོར་ནས་རྗེས་ཤུལ་ཙམ་ཡང་མེད་པར་བསམ་པ་དང་༔ རྣམ་ཤེས་འཁྲུལ་མི་ཤེས་པའི་དབྱིངས་སུ་སྤར་ནས་སངས་རྒྱས་པར་བསམ་མོ༔ དེས་མདའ་ལ་ 疊དོོ མདེའུ་བཏགས་པ་བཞིན་དུ་ཕྲིན་ལས་ཐམས་ཅད་ངང་གིས་འགྲུབ་པར་འགྱུར་རོ༔ ཁྱད་པར་གསལ་བ་ལྷའི་གཟེར༔ དགོངས་པ་ཏིང་ངེ་འཛིན་གྱི་གཟེར༔ བཟླས་པ་སྔགས་ཀྱི་གཟེར༔ ཕྲིན་ལས་འཕྲོ་འདུས་ཀྱི་གཟེར་རྣམས་ནི་ཤིན་ཏུགལ་ཆེ་བ་ཡིན་པས་ཤེས་པར་བྱའོ༔ དེ་ལྟར་རིམ་གཉིས་ལམ་མཆོག་སྒྲུབ་པའི་ཐབས༔ འཕྲོ་འདུའི་དམིགས་རིམ་དངོས་གྲུབ་སྙེ་མ་འདི༔ དད་ལྡན་སྐྱེས་བུ་དགེ་བཙུན་འདུལ་འཛིན་པ༔ བྱ་བྲལ་བསམ་གཏན་ཉིད་ཀྱིས་ཡང་ཡང་དུ༔ དབང་མདོག་ལྷ་རེག་དང་བཅས་བསྐུལ་བའི་ངོར༔ གསང་ལུང་དབེན་ཁྲོད་རངབྱུང་མཁའ་འགྲོའི་གནས༔ སྐྱོན་བྲལ་ཡོན་ཏན་འཕེལ་བའི་དགའ་ཚལ་དུ༔ ཀུན་བཟང་ཆོས་ཉིད་དབང་མོས་བྲིས་པའོ༔ དགེའོ། །དགེའོ།། །། TI1395-299 TI1395-300 ཋྃ་翁 .VFU ཆོས་ཉིད་མཁའ་འགྲོའི་གསང་མཛོད་ལས༔ རྩ་གསུམ་སྤྱིའི་དབང་བཞི་རྒྱལ་ཐབས་སྤྱི་བླུགས་མཛེས་པའི་མདོ་ཤལ་དོན་དབང་འབྲེལ་ཚད་དོན་ལྡན་མཁའ་འགྲོའི་ཐུགས་བཅུད་ཟབ་པའི་སྙིང་པོ་བཞུགས༔ ད ན་མོ་པདྨ་ཀཱ་ར་ཡེ༔ རྩ་གསུམ་ལྷ་ལ་གུས་པས་འདུད༔ མ་འོངས་པདྨའི་རྗེས་འཇུག་དོན༔ ཟབ་ཆོས་སྣ་ཚོགས་གཏེར་དུ་སྦས༔ གཏེར་རིགས་མི་འདྲ་བསམ་མི་ཁྱབ༔ རང་རང་ལས་སྐལ་ལྡན་པ་ཡི༔ ཟབ་མོའི་ཆོས་གཏེར་སྣ་ཚོགས་ཀྱིས༔ སྐལ་ལྡན་ལས་ཅན་སྨིན་པར་མཛད༔ འགྲོ་བའི་མུན་སེལ་གསང་སྔགས་ཀྱི༔ བསྟན་པའི་གཞི་ཚུགས་ཆོས་ཆར་འབེབས༔ གང་འབྲེལ་པདྨ་འོད་དུ་འདྲེན༔ ས་མ་ཡ༔ གོ་ཆོས་ཉིད་མཁའ་འགྲོའི་གསང་མཛོད་ལས༔ ཆོས་སྐོར་རྩ་གསུམ་གང་རུང་གི༔ ཆོ་ག་གང་ལ་སྦྱར་དུ་རུང་༔ དབང་བཞི་རྒྱལ་ཐབས་སྤྱི་བླུགས་འདི༔ ཕྱི་རབས་སྐལ་ལྡན་ཉམས་སུ་ལོངས༔ ས་མ་ཡ༔ ལོ།ཐོརྣ དེ་ཡང་སྤྲོས་བཅས་རིམ་པ་ནི༔ དབེན་ཞིང་ཉམས་དགའི་གནས .U〖√ །ཧོ༽ དང་ནི༔ སྒྲུབ་ཁང་ལ་སོགས་གང་དག་རུང་༔ དཀྱིལ་འཁོར་ལེགས་བཀོད་རྩ་གསུམ་གྱི༔ གཏོར་མ་བུམ་པ་བྷན་ཐོད་དང་༔ ཐུགས་སྲོག་སྐུ་ཙཀ་རིག་མ་སོགས༔ བཤམས་ནས་རྩ་གསུམ་གང་ཡིན་གྱི༔ བདག་མདུན་ལས་བུམ་སྒྲུབ་པ་དང་༔ དབང་བླང་དབང་ལྡན་རྒྱལ་པོ་རྗེའི༔ ཆས་གསོལ་སློབ་མ་མདུན་དུ་འཁོད༔ ཁྲུས་བྱས་བགེགས་བསྐྲད་སྲུང་འཁོར་བསྒོམ༔ ལོ་རྒྱུས་འཆད་ཅིང་མོས་གུས་བསྐྱེད༔ གསོལ་བ་གདབ་པ་འདི་སྐད་དོ༔ ཨེ་མ༔ གསང་བ་བླ་མེད་དྲོད་འཆང་བ༔ དབང་ལྡན་རྒྱལ་པོ་བླ་མ་རྗེ༔ བདག་ཅག་སྐལ་ལྡན་བུ་རྣམས་ལ༔ གསང་བའི་ལམ་མཆོག་ཐོབ་པའི་ཕྱིར༔ སྨིན་བྱེད་དབང་བཞིའི་གནང་བ་སྩོལ༔ ཞེས་ལན་གསུམ་བརྗོད་ནས་བླ་མས་འདི་སྐད་བསྐུལ༔ ཧོཿ བླ་མེད་གསང་བའི་དཀྱིལ་འཁོར་དུ༔ ལས་དང་སྐལ་བར་ལྡན་པ་རྣམས༔ སྨིན་བྱེད་དབང་གི་གདམས་པ་སྦྱིན༔ ཐེག་དམན་བློ་ཆུང་དམ་ལོག་ཀུན༔ སྣོད་དང་མི་ལྡན་ཕྱིར་དེངས་ཤིག༔ གསང་བ་ཟབ་མོའི་གདམས་པ་འདི༔ ཨུ་དུམ་ཝ་རའི་མེ་ཏོག་བཞིན༔ བརྒྱ་ལམ་ལ་ཡང་འབྱུང་མི་སྲིད༔ དེ་བཞིན་གསང་སྔགས་བླ་མེད་ཆོས༔ སྣོད་ལྡན་བུ་ལ་བདག་གིས་སྩོལ༔ དགའ་སྤྲོ་དད་གུས་ཆེན་པོ་ཡིས༔ གསང་སྔགས་ཇི་བཞིན་བསླབ་པར་གྱིས༔ ཞེས་བརྗོད༔ དེ་ནས་སྐྱབས་འགྲོ་སེམས་བསྐྱེད་ཡན་ལག་བདུན་པ་རྣམས་གབ་ཐིག་ལྟར་རོ༔ མེ་ཏོག་མིག་རས་འབུལ་བ་ནི༔ ཧོཿ ཁྱེད་རང་རྣམས་ཀྱིས་སྔོན་ཆད་ཀྱི་ཡི་དམ་གང་ཡིན་པ་དེ་ཉིད་ཀྱི་དཀྱིལ་འཁོར་དུ་འཇུག་པ་ལ་ཕྱག་སྟོང་དུ་མཇལ་མི་རུང་ཞིང་ཕྱག་རྟེན་གྱི་སླད་དུ་མེ་ཏོག་གི་ཕྲེང་བ་རེ་འཛིན་པའི་མོས་པ་མཛོད༔ ཅེས་དང་༔ ཨ་ཁཾ་ཝི་ར་ཧཱུྃ༔ ཙཀྵུ་བྷནྟ་ཝ་ར་མ་ཎ་ཡེ་སྭཱ་ཧཱ༔ སློབ་མ་ལྷར་བསྐྱེད་པ་ནི༔ ཨོཾ་མཧཱ་ཤུ་ནྱ་ཏ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོཉཧཾ༔ གཟུང་བ་དང་འཛིན་པའི་ཆོས་ཐམས་ཅད་མི་དམིགས་པ་སྟོང་པ་ཉིད་དུ་གྱུར༔ སྟོང་པའི་ངང་ལས་སྐད་ཅིག་གིས་སློབ་མ་རྣམས་ཆེ་གེ་མོར་གསལ་བའི་གནས་གསུམ་དང་འབྲུ་གསུམ་ལས་འོད་ཟེར་འཕྲོས་པས་སྐུ་གསུམ ༢ ༅ དག་པའི་ཞིང་རབ་འབྱམས་ནས་ཡེ་ཤེས་པ་དཔག་ཏུ་མེད་པ་ཁ་བ་བུ་ཡུག་འཚུབས་པ་བཞིན་དུ་སྤྱན་དྲངས་ནས་བསྐྱེད་པའི་དམ་ཚིག་སེམས་དཔའ་རྣམས་ལ་མཚོ་ལ་ཁ་བ་བབས་པ་བཞིན་དུ་སིབ་སིབ་ཐིམ་པར་བསྒོམ༔ སྤྱན་འདྲེན་ནི༔ སྤོས་རོལ་དབྱངས་བཅས་འདི་སྐད་དོ༔ ཧཱུྃ་ཧྲཱིཿ རང་བཞིན་ཆོས་དབྱིངས་རྣམ་དག་ཕོ་བྲང་ནས༔ སྟོང་གསལ་མ་འགགས་ཆེ་གེ མོ་ཡི་ལྷ༔ གཙོ་དང་འཁོར་བཅས་གནས་འདིར་གཤེགས་སུ་གསོལ༔ སྐལ་ལྡན་སློབ་མའི་སྒོ་གསུམ་བྱིན་གྱིས་རློབས༔ ཉམས་རྟོགས་ཡེ་ཤེས་ཡོན་ཏན་མངོན་དུ་གྱུར༔ དོན་གཉིས་མཐར་ཕྱིན་སྐུ་གཉིས་ཟུང་འཇུག་ཅིང་༔ ཐུན་མོང་གྲུབ་བརྒྱད་མཆོག་ཏུ་རིག་འཛིན་བཞི༔ ད་ལྟ་ཉིད་དུ་ཐོབ་པར་མཛད་དུ་གསོལ༔ རྩ་སྔགས་མཐར༔ བཛྲ་ས་མ་ཡ་ཨ་བེ་ཤ་ཡ་ཕེ་ཕེ་ཧྲིང་ཧྲིང་ཛ་ཛཿ ཡེ་ཤེས་དབབ་པ་དེ་ཉིད་སློབ་མའི་སྒོ་གསུམ་ལ་བརྟན་པར་གྱུར་ཅིག༔ ཏིཥྛ་བཛྲ༔ མེ་ཏོག་འབུལ་བ་ནི༔ ཀྱེ་ཧོཿ རིག་པའི་མེ་ཏོག་དཀྱིལ་འཁོར་ལྷ་ལ་འབུལ༔ སྔོན་ཆད་ཡི་དམ་ལྷ་མཆོག་གང་ཡིན་པ༔ དེ་ལ་བབས་པས་མ་བརྗེད་ཡིད་ལ་བཟུངས༔ ལྷ་དེའི་དངོས་གྲུབ་ཐོབ་ཅིང་གསང་མཚན་འཛིན༔ ཨོཾ་བཛྲ་པུཥྤེ་སིདྡྷི་ཏྲཱྃ༔ ཞེས་བརྗོད་མེ་ཏོག་འབུལ་ཞིང་མིག་རས་ བསལ་བ་ནི༔ ཀྱེ་ཧོ༔ སྔོན་ཆད་མ་རིག་སྒྲིབ་དབང་གིས༔ རིག་པ་ཡེ་ཤེས་ངོ་མ་མཇལ༔ ད་ནི་བླ་མའི་ཐུགས་རྗེ་ཡིས༔ མ་རིག་སྒྲིབ་པ་བསལ་བར་བྱ༔ ཨོཾ་བཛྲ་ཙཀྵུ་པྲ་བེ་ཤ་ཡ ཕཊ༔ དེ་ནས་དཀྱིལ་འཁོར་ལྷ་ངོ་བསྟན་པ་ནི༔ ཨེ་མ༔ སྐལ་ལྡན་བུ་རྣམས་ཀུན༔ གསང་སྔགས་བླ་མེད་དཀྱིལ་འཁོར་འདིར༔ མཐོང་བ་ཙམ་གྱིས་ལས་སྒྲིབ་དག༔ མ་བསྒོམ་སངས་རྒྱས་འགྲུབ་པའི་ཐབས༔ རྡོ་རྗེ་འཆང་གི་གོ་འཕང་མཆོག༔ ཐོབ་ནས་རྣམ་མཁྱེན་ས་རུ་འགོད༔ ཨོཾ་ཛྙཱ་ན་བྷྲུྃ་མཎྜ་ལ་ཧཱུྃ༔ དེ་ནས་དངོས་གཞིའི་དབང་ཞུ་བའི་ཕྱིར་མཎྜལ་ཕུལ་ལ༔ གསོལ་བ་གདབ་པ་འདི་སྐད་དོ༔ ཨེ་མ༔ ཐར་པའི་ལམ་སྟོན་བླ་མ་རྗེ༔ བདག་ཅག་སྐལ་ལྡན་བུ་རྣམས་ལ༔ ཡི་དམ་ཆེ་གེ་དངོས་གཞིའི་དབང་༔ ཡོངས་རྫོགས་དམ་པ་སྩལ་དུ་གསོལ༔ ཞེས་ལན་གསུམ་བརྗོད༔ འདི་སྐད་བསྐུལ༔ ཀྱེ་ཧོཿ རིག་ཅན་སྐྱེས་བུ་གང་སུ་དག༔ གསང་སྔགས་དཀྱིལ་འཁོར་ཆེན་པོ་འདིར༔ དམ་ཚིག་མ་ཉམས་བསྲུང་ནུས་སམ༔ བསྐྱེད་རྫོགས་གཞུང་བཞིན་བསྒྲུབ་ནུས་སམ༔ བླ་མའི་བཀའ་བཞིན་བསྒྲུབ་ནུས་སམ༔ གསང་སྔགས་གནད་དང་ལྡན་ནུས་སམ༔ བླ་མེད་གསང་བའི་དབང་མཆོག་འདི༔ གང་ལ་བསྐུར་དུ་མི་རུང་ཞིང་༔ ར གསང་ཞིང་གསང་བ་དོན་གྱི་གནད༔ ཨུ་དུམ་ཝཱ་རའི་མེ་ཏོག་བཞིན༔ འདི་དང་འཕྲད་པ་སྐལ་བར་ལྡན༔ སྤྲོ་བ་བསྐྱེད་ལ་དམ་ཚིག་སྲུངས༔ བཛྲ་ས་མ་ཡ་ན་ར་ཀན༔ ས་མ་ཡ༔ དེ་ནས་བུམ་པ་ཐོགས་ལ༔ ཧཱུྃ་ཧྲཱིཿ ཀ་དག་སྤྲོས་བྲལ་ཆོས་སྐུའི་བུམ་པ་རུ༔ ཡི་དམ་ཆེ་གེའི་དཀྱིལ་འཁོར་ལྷུན་གྱིས་གྲུབ༔ བསམ་བརྗོད་བྲལ་བའི་བདུད་རྩིའི ཆུ་ཡིས་བཀང་༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ སྐུ་མཆོག་འགྱུར་མེད་མཆོག་གི་དབང་ཐོབ་ཤོག༔ རྩ་སྔགས་མཐར༔ ཀཱ་ཡ་ཨ་བྷི་ཥིཉྩ་ཧཱུྃ༔ དེ་ནས་བྷན་ཐོད་ཐོགས་ལ༔ ཧཱུྃ་ཧྲཱིཿ རང་བྱུང་མཚན་ལྡན་བྷནྡྷའི་ནང་༔ རིག་འཛིན་འདུས་པའི་གསུང་གི་བཅུད༔ སྐལ་ལྡན་བུ་ལ་དབང་བསྐུར་བས༔ གསུང་གསང་མི་ཟད་དབང་ཐོབ་ཤོག༔ རྩ་སྔགས་མཐར༔ ཝཱཀྐ་ཨ་བྷི་ཥིཉྩ་ཧཱུྃ༔ ཐུགས་སྲོག་ས་བོན་ཐོགས་ལ༔ ཧཱུྃ་ཧྲཱིཿ ཆོས་དབྱིངས་རྣམ་དག་འོད་ལྔའི་ཐིག་ལེའི་ཀློང་༔ སྤྲོས་བྲལ་འགྱུར་མེད་རྡོ་རྗེའི་ཐུགས་སྲོག་ཧྲཱིཿ སྐལ་ལྡན་རིགས་ཀྱི་བུ་ལ་དབང་བསྐུར་བས༔ ཐུགས་མཆོག་འཁྲུལ་བྲལ་མཆོག་གི་དབང་ཐོབ་ཤོག༔ རྩ་སྔགས་མཐར༔ ཙིཏྟ་ཨ་བྷི་ཥིཉྩ་ཧཱུྃ༔ བདེ་སྟོང་ཌཱ་ཀིའི་སྐུ་ཐོགས་ལ༔ གསོལ་བ་བཏབ་པ་འདི་སྐད་དོ༔ ཀྱེ༔ རྡོ་ྋ རྗེ་སློབ་དཔོན་སངས་རྒྱས་དཔལ༔ དུས་གསུམ་རྒྱལ་བའི་རྒྱལ་ཚབ་རྗེ༔ གསོལ་བ་འདེབས་སོ་ཐུགས་རྗེ་ཡིས༔ བདག་ཅག་སྐལ་ལྡན་བུ་རྣམས་ལ༔ ཤེས་རབ་ཟབ་མོའི་ཡེ་ཤེས དབང་༔ ལམ་མཆོག་དམ་པ་སྩལ་དུ་གསོལ༔ ཞེས་དང་༔ རྡོ་རྗེའི་བླ་མས་འདི་སྐད་བསྐུལ༔ ཨེ་མ༔ སྐལ་ལྡན་རིགས་བཟང་རྣམས༔ གསང་སྔགས་བླ་མེད་དཀྱིལ་འཁོར་དུ༔ ཐབས་མང་དཀའ་བ་མེད་པ་ཡི༔ ཤེས་རབ་ཟབ་མོ་ལ་བརྟེན་ནས༔ ཐེག་པ་མཆོག་གི་ལམ་བཟང་ལ༔ འཇུག་པར་སྤྲོ་བ་གང་སུ་དག༔ བུད་མེད་མི་སྤང་དང་དུ་བླངས༔ རིམ་གཉིས་ལམ་མཆོག་མི་འདའ་བསྲུང་༔ བཛྲ་ས་མ་ཡ་ན་ར་ཀན༔ ཞེས་བརྗོད་ནས་མི་མོ་རིགས་བཟང་དངོས་སུ་ཡོདན་མཚོ་རྒྱལ་གསང་དབང་ཤེས་རབ་རྩ་འབྱེད་དང་ངོ་སྤྲོད་གསང་བའི་སྲོག་ཐིག་རྣམས་བྱའོ༔ བསྡུ་ན་རིག་ཙཀ་ཐོགས་ལ༔ ཧཱུྃ་ཧྲཱིཿ ཡེ་ཤེས་རོལ་གར་བདེ་བའི་ཆོ་འཕྲུལ་ལས༔ ཤེས་རབ་མཆོག་གི་ཡེ་ཤེས་སྟོན་མཛད་པ༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ དགའ་བཞི་ཡེ་ཤེས་མཆོག་གི་དབང་ཐོབ་ཤོག༔ མ་ཧཱ་མུ་དྲ་གུ་ཧྱ་བོ་དྷི་ཨ་བྷི་ཥིཉྩ་ཧཱུྃ༔ སྟོང་བཞིའི་འོད་གསལ་ངང་དུ་རིག་པ་སྐྱོངས༔ རིག་དབྱིངས་འགྱུར་མེད་སྤྲོས་བྲལ་རང་ཞལ་མཇལ༔ ས་མ་ཡ༔ དེ་ནས་ཤེལ་རྡོ་ཐོགས་ལ༔ ་ ཧྲཱིཿ དྲི་བྲལ་དྭངས་གསལ་ཤེལ་རྡོ་རྨ་བྱའི་མདོངས༔ ཟང་ཐལ་དྲི་བྲལ་འོད་ལྔའི་རང་གདངས་ཤར༔ སྐྱེ་གྲོལ་གཉིས་མེད་རིག་པ་བསམ་བརྗོད་བྲལ༔ འཁོར་འདས་ཆོས་ཀུན་མེ་ལོང་གཟུགས་ཇི་བཞིན༔ རང་ཤར་རང་གྲོལ་བརྡ་ཡི་དབང་བསྐུར་རོ༔ ཀ་དག་ཚིག་གི་དབང་མཆོག་ཐོབ་པར་ཤོག༔ རྩ་སྔགས་དང་༔ ཨ༔ ཕཊ༔ ལན་གསུམ༔ མཉམ་པར་བཞག་ཅིང་ངོ་སྤྲོད་ནི༔ ཨེ་མ༔ སྐལ་ལྡན་རིགས་ཀྱི་བུ་རྣམས་ཀུན༔ མ་ཡེངས་རིག་པའི་ངང་དུ་སྐྱོངས༔ བསྐྱང་བྱ་སྐྱོང་བྱེད་ཡུལ་ལས་འདས༔ བསམ་བརྗོད་བྲལ་བའི་རིག་པ་ཆེ༔ ཡེངས་འཁྲུལ་མེད་པ་ཀུན་ཏུ་བཟང་༔ གཤིས་ལུགས་མ་བཅོས་གཉུག་མའི་ངང་༔ འགགས་མེད་གསལ་སྟོང་ཀུན་བཟང་མོ༔ གཉིས་མེད་མཉམ་ཉིད་འཁོར་འདས་ཁྱབ༔ ཀུན་ཤེས་ཀུན་རིག་ཟང་ཀ་མ༔ སྐྱེ་འགགས་བྲལ་བའི་རིག་པ་ཆེ༔ བུ་ཁྱོད་མ་ཡེངས་སེམས་ལ་ལྟོས༔ བལྟས་པས་མི་མཐོང་མ་བལྟས་གསལ༔ གསལ་སྟོང་འགགས་མེད་ཀློང་དུ་ཞོག༔ ཞེན་འཛིན་བློ་ཡི་བཅོས་མ་གཞུག༔ དོན་དམ་བློ་འདས་ཀློང་ཆེན་མཁའ༔ ཐོག་བབས་ཏིང་འཛིན་ཆེན་པོ་ཡི༔ ཡེ་གྲོལ་ཀློང་དུ་མཉམ་པར་བཞག༔ ཚེ་གཅིག་= དོན་གྱི་སངས་རྒྱས་འགྲུབ༔ ཐེ་ཚོམ་མེད་དོ་རིགས་ཀྱི་བུ༔ ཞེས་གསལ་གདབ༔ དེ་ནས་རྩ་གསུམ་གང་ཡིན་གྱི་སྐུ་ཙག་ཐོགས་ལ་འདི་སྐད་དོ༔ ཧཱུྃ་ཧྲཱིཿ མཚན་དཔེ་རབ་རྫོགས་སྐུ་ཡི་བཀོད་པ་མཛེས༔ ཡོན་ཏན་རང་ཆས་རྫོགས་པ་རྒྱལ་བའི་སྐུ༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ ཡོན་ཏན་མི་ཟད་རྒྱན་གྱི་དབང་ཐོབ་ཤོག༔ རྩ་སྔགས་མཐར༔ གུ་ཧྱ་ཨ་བྷི་ཥིཉྩ་ཧཱུྃ༔ དེ་ནས་གཏོར་མ་ཐོགས་ལ༔ ཧཱུྃ་ཧྲཱིཿ སྣང་བ་ཡངས་པའི་གཏོར་གཞོང་དུ༔ སྲིད་པ་བཅུད་ཀྱི་བ་ལིཾ་ཏ༔ བརྗིད་ལྡན་རོ་ནུས་སྟོང་དང་ལྡན༔ སྣང་བ་སྣ་ཚོགས་རྒྱན་བཀོད་ལེགས༔ རྩ་གསུམ་ལྷ་ཚོགས་སྒྲུབ་པའི་རྟེན༔ སྐལ་ལྡན་བུ་ལ་དབང་བསྐུར་བས༔ དབང་བཞི་ཐོབ་ཅིང་སྐུ་བཞིའི་ས་ཐོབ་ནས༔ ཕྲིན་ལས་རབ་འབྱམས་འགྲུབ་པའི་དབང་ཐོབ་ཤོག༔ རྩ་སྔགས་དང་༔ མ་ཧཱ་བ་ལིཾ་ཏ་ཨ་བྷི་ཥིཉྩ་ཧཱུྃ༔ ཞེས་བརྗོད་ནས༔ ཆོས་སྐུ་ཀུན་བཟང་ཡབ་ཡུམ༔ དྲུག་པ་རྡོ་རྗེ་འཆང་ཆེན༔ སྟོན་པ་རྡོ་རྗེ་སེམས་དཔའ༔ གུ་རུ་དགའ་རབ་རྡོ་རྗེ༔ རིག་འཛིན་ཤྲཱི་སེང་ཧ༔ པཎ་ཆེན་བི་མ་མི་ཏྲ༔ ཨོ་རྒྱན་པདྨ་འབྱུང་གནས༔ མཁའ་འགྲོ་ཡེ་ཤེས་མཚོ་རྒྱལ༔ ལོ་ཆེན་བེེ་རོ་ཙ་ན༔ མཁའ་འགྲོ་ཤེལ་དཀར་རྡོ་རྗེ༔ ཀུན་དགའ་སུ་ཁ་སིདྡྷི༔ རྩ་གསུམ་དམ་ ར ཅན་སྲུང་མ༔ མ་གནས་གསུམ་གྱི་དཔའ་བོ་མཁའ་འགྲོ༔ སྐུའི་ཌཱ་ཀི༔ གསུང་གི་ཌཱ་ཀི༔ ཐུགས་ཀྱི༴ ཡོན་ཏན་གྱི ཕྲིན་ལས་ཀྱིཿ གནས་ཡུལ་ཞིང་སྐྱོང་གི་ཌཱ་ཀི་དམ་ཅན་རྒྱ་མཚོའི་ཚོགས་རྣམས་ཀྱིས་སྐལ་ལྡན་རིག་པ་འཛིན་པ་འདི་རྣམས་ལ་དབང་བསྐུར་བར་མཛད་དུ་གསོལ༔ སྒྲིབ་བཞི་དག་ནས་སྐུ་བཞིའི་དབང་དང་དངོས་གྲུབ ཐམས་ཅད་ཐོབ་པར་མཛད་དུ་གསོལ༔ ཉོན་ཤེས་ཀྱི་སྒྲིབ་པ་དག་ནས་རང་བྱུང་ཡེ་ཤེས་རྟོགས་པར་མཛད་དུ་གསོལ༔ མདོར་ན་ཚེ་རབས་ཀུན་ཏུ་ཆེ་གེ་མོའི་དཀྱིལ་འཁོར་གྱི་ལྷ་ཚོགས་རྣམས་ཀྱིས་ཞལ་གཟིགས་ལུང་བསྟན་དབུགས་དབྱུངས་ནས་བསྟན་འགྲོའི་དོན་ཐོགས་པ་མེད་པར་འབྱུང་བར་མཛད་དུ་གསོལ༔ རྩ་སྔགས་མཐར༔ ཀཱ་ཡ་སིདྡྷི་ཨ་བྷི་ཥིཉྩ་ཨོཾ༔ ཝཱཀྐ་ཨ་བྷི་ཥིཉྩ་ཨཱཿ ཙིཏྟ་ཨ་བྷི་ཥིཉྩ་ཧཱུྃ༔ སརྦ་ཨ་བྷི་ཥིཉྩ་ཧྲཱིཿ ཞེས་བརྗོད་མེ་ཏོག་འཐོར་ནས་བཀའ་དྲིན་གསོ༔ དགེ་བསྔོ་བྱ༔ བཀྲ་ཤིས་བརྗོད་ནས་གཏོང་རག་ཕུལ༔ ལས་རྗེས་མི་མངོན་གསང་བར་བྱ༔ དེ་ཡིས་རང་གཞན་དོན་གཉིས་འགྲུབ༔ ས་མ་ཡ་༔ རྒྱ་རྒྱ་རྒྱ༔ ཨེ་མ༔ རྒྱལ་དབང་པདྨ་ཐོད་ཕྲེང་གིས༔ མ་འོངས་འགྲོ་བའི་དོན་དུ་ཡང་༔ ཟབ་ཆོས་སྣ་ཚོགས་གཏེར་དུ་སྦས༔ རང་རང་ལས་སྨོན་ལྡན་པ་ཡིས༔ གཏེར་ནས་བཏོན་ཏེ་འགྲོ་དོན་མཛད༔ ཁྱད་པར་ཟབ་པའི་- སྙིང་བཅུད་འདི༔ དབྱངས་ཅན་སྤྲུལ་པས་གཏེར་དུ་སྦོས༔ མ་འོངས་སྙིགས་དུས་སུམ་ཅུའི་དུས༔ འགྲོ་རྣམས་ཤེས་བརྒྱུད་བདུད་ཀྱིས་བསྒྱུར༔ མི་དགེ་སྣ་ཚོགས་ལས་ལ་བརྩོན༔ ཆོས་སྒྲུབ་རྣམས་ལ་བར་ཆད་མང་༔ བསྐྱེད་རྫོགས་ལྡན་པ་ཉིན་སྐར་ཙམ༔ པདྨས་མངགས་པའི་ཕོ་ཉ་ལ༔ ལོག་ལྟ་སྐུར་འདེབས་གནས་སུ་མཐོང་༔ ནད་མུག་མཚོན་འཁྲུགས་སྐལ་བ་དར༔ འབྱུང་བའི་བཅུད་ཉམས་ཚེ་བསོད་ཕྲོག༔ བསྟན་འཛིན་སྐྱེས་བུའི་སྐུ་ཚེ་ཐུང་༔ བདུད་སྤྲུལ་སྨོན་ལམ་དམ་སྲི་ཡིས༔ རྒྱུད་བསྐུལ་འགྲོ་བའི་ཤེས་རྒྱུད་བརླམས༔ རང་ཕུང་རང་གིས་བསྒྲུབས་པ་མང་༔ དེ་དུས་མཚོ་རྒྱལ་གསུང་གི་སྤྲུལ༔ ག་ག་ཏཱ་རེ་སུ་ཁ་དཱི་པཾ་དང་༔ ཀུན་དགའི་མིང་དང་སུ་ཁ་བཛྲ་སོགས༔ རིམ་བཞིན་འབྱུང་ནས་མཁའ་འགྲོའི་ཆོས་སྐོར་འབྱེད༔ གསང་གྲོགས་ཆོས་བདག་སྨོན་ལམ་དབང་གིས་འཕྲད༔ དུས་ཀྱི་རྒུད་སེལ་སྐྱེ་འགྲོ་བདེ་ལ་འགོད༔ བཟང་འབྲེལ་ཕྱིར་མི་ལྡོག་པའི་གཏན་སྲིད་ཟིན༔ ངན་འབྲེལ་འཁོར་བ་མཐའ་ཅན་བདེ་འགྲོ་ཐོབ༔ མཐའ་དམག་དུས་འཁྲུགས་ལྔ་བཅུའི་བར་དུ་བཟློག༔ འབྲེལ་ཚད་མཁའ་སྤྱོད་གནས་སུ་འདྲེན་པར་ངེས༔ སྐལ་ལྡན་ལས་འཕྲོ་ཅན་དང་འདི་འཕྲད་ཤོག༔ སྐལ་མེད་ལོག་ལྟ་ཅན་དང་འདི་མ་འཕྲད༔ ཁ་གསག་གཡོ་སྒྱུ་ཅན་ལ་གུ་ཧྱ་རྒྱ༔ བཀའ་སྲུང་དྲེགས་པའི་ཚོགས་ཀྱི་གཉེར་གྱིས་ཤིག༔ དམ་ཉམས་ལོག་ལྟ་ཅན་གྱི་དབང་པོ་སྣུབ༔ སྣོད་དང་མི་ལྡན་རྣམས་ཀྱི་སྲོག་རྩ་ཆོད༔ ཐུབ་པར་སྲུངས་ཤིག་བཛྲ་ས་མ་ཡ༔ དམ་ཉམས་ལག་ཏུ་མ་ཤོར་ན་ར་ཀན༔ ཡོངས་ལ་མ་སྤེལ་གསང་བའི་བཀའ་རྒྱ་དམ༔ ༢ 同ས་མ་ཡ༔ སྐུ་གསུང་ཐུགས་ཀྱི་རྒྱ་ཡོད་