Tibetan
བཅས༔ སྙན་པའི་དབྱངས་ཀྱིས་འདི་སྐད་དོ༔ ཕེཾ༔ རང་གི་སྙིང་གའི་_UNK་ཡིག་འོད་ཟེར་འཕྲོས པ་ཡིས༔ འོག་མིན་གསང་བ་མཆོག་གི་ཞིང་ཁམས་ཆེན་པོ་ནས༔ རྗེ་བཙུན་རྡོ་རྗེ་ཕག་མོ་རྣལ་འབྱོར་དབང་ཕྱུག་མ༔ ཡབ་ཡུམ་སྲས་འཁོར་བཅས་པ་མ་ལུས་ཐམས་ཅད་ཀུན༔ གནས་ འདིར་སྤྱན་འདྲེན་བྱིན་གྱིས་བརླབ་ཕྱིར་གཤེགས་སུ་གསོལ༔ དབང་དང་དངོས་གྲུབ་མ་ལུས་སྩོལ་ཕྱིར་གཤེགས་སུ་གསོལ༔ བྱིན་རླབས་ཡེ་ཤེས་ཆར་ཆེན་འབེབས་ཕྱིར་གཤེགས་སུ གསོལ༔ སྟོང་གསལ་བརྗོད་མེད་རིག་པའི་རང་ཞལ་སྤྲད་དུ་གསོལ༔ མཆོག་དང་ཐུན་མོང་དངོས་གྲུབ་འབད་མེད་ལྷུན་གྲུབ་སྩལ་དུ་གསོལ༔ ཨོཾ་བཛྲ་བྷ་ར་ཧི་ཧྱ་གྲཱྀ་ཝ་ཧཱུྃ་ཧ་རི་ནི་ས་བཛྲ་ས མ་ཡ་ཛ་ཛཿ ཕེཾ་ཕེཾ༔ ཧྲིཾཧྲིཾ་ཨཱ་བེ་ཤ་ཡ་སྟྭཾ༔ དེ་ནས་བཞུགས་གསོལ་ནི༔ ཧཱུྃ༔ ཀ་དག་སྐྱེ་མེད་དབྱིངས་ཀྱི་ངང་༔ ལྷུན་གྲུབ་ཡེ་ཤེས་མ་འགགས་པའི༔ ཐུགས་རྗེའི་སྒྱུ་འཕྲུལ་གསང་བའི་ཡུམ༔ དམ་ཚིག་ཡེ་ཤེས་གཉིས་མེད་པར༔ སྒྲུབ་པའི་གནས་འདིར་བརྟན་པར་བཞུགས༔ བཛྲ་ས་མ་ཡ་ཏིཥྛ་ལྷན༔ དེ་ནས་ལྷ་ཕྱག་འཚལ་བ་ནི༔ ན་མོ༔ བདེ་གཤེགས་རྒྱ་མཚོའི་གསང་གསུམ་འཛིན༔ ཡོན་ཏན་ལྷུན་རྫོགས་རྣལ་འབྱོར་མ༔ རྒྱལ་ཡུམ་རྡོ་རྗེ་ཕག་མོ་ལ༔ རང་ཞལ་མཇལ་ཕྱིར་ཕྱག་བགྱིའོ༔ ན་མོ་པཱུ་རུ་ཤ་ཡ་ཧོཿ དེ་ནས་མཆོད་པ་འབུལ་བ་ནི༔ ཧཱུྃ་ཧྲཱིཿ སྣང་དང་སྲིད་པ་ཐམས་ཅད་ཀུན༔ ཀུན་ཏུ་བཟང་པོའི་མཆོད་པའི་སྤྲིན༔ ཕྱི་ནང་མཆོད་པ་བསམ་མི་ཁྱབ༔ སྨན་གཏོར་རཀྟ་གསང་མཆོད་ཚོགས༔ བླ་མེད་དཀྱིལ་འཁོར་གཙོ་ ད 商མོ་མཆོག༔ རྒྱལ་ཡུམ་ལྷ་ལ་འབུལ་གྱིས་བཞེས༔ མཆོག་ཐུན་སུ་ཁའི་དངོས་གྲུབ་སྩོལ༔ ཨོཾ་ཛྙཱ་ན་ཌཱ་ཀི་ནི་བཛྲ་བྷ་ར་ཧི་ས་པཱ་རི་ཝ་ར་བཛྲ་ཨརྒྷཾ སོགས། ཤཔྡ་སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏགུཧྱ་ཛྙཱ་ན་སརྦ་པཉྩ་ཁཱ་ཧི༔ དེ་ནས་བསྟོད་པ་ནི༔ ཧྲཱིཿ གསུང་གི་དབང་ཕྱུག་པདྨ་རིགས་ཀྱི་ལྷ༔ སོ་སོར་རྟོགས་པའི་ཆགས་བྲལ་ཡེ་ཤེས་བསྐྱེད༔ མི་ཤིགས་ཐིག་ལེ་ཤེས་རབ་ཟབ་གསལ་མཁའ༔ སྟོང་དབྱིངས་རྡོ་རྗེ་བཙུན་མོའི་སྐུ་ལ་བསྟོད༔ གསུང་གསང་མི་ཟད་ཡན་ལག་དྲུག་ཅུར་ལྡན༔ གྲགས་སྟོང་སྐྱེ་འགགས་བྲལ་བ་ནཱ་དའི་སྒྲ༔ འགགས་མེད་གསུང་གསང་ཆོས་ཉིད་རང་སྒྲ་ཆེ༔ རིག་སྟོང་རྡོ་རྗེ་ཕག་མོའི་གསུང་ལ་བསྟོད༔ ཐུགས་ནི་མི་གཡོ་སྨ་བསམ་བརྗོད་ལས་འདས༔ ཀ་དག་ཟང་ཐལ་སྤྲོས་པའི་མཐའ་བརྒྱད བྲལ༔ རྡོ་རྗེ་བདུན་ལྡན་ཆོས་སྐུ་སྐྱེ་བ་མེད༔ རྡོ་རྗེ་བཙུན་མོའི་ཐུགས་ལ་ཕྱག་འཚལ་བསྟོད༔ ཡོན་ཏན་ཕྲིན་ལས་མཛད་པ་བསམ་མི་ཁྱབ༔ དཀྱིལ་འཁོར་ཡོངས་རྫོགས་ལྷ་ལ་ཕྱག འཚལ་བསྟོད༔ དེ་ནས་བཤགས་པ་ནི༔ ཧོཿ གསང་བ་བླ་མེད་དཀྱིལ་འཁོར་དུ༔ ལྷ་སྔགས་ཏིང་འཛིན་གཡེལ་བ་དང་༔ སྒོ་གསུམ་བག་མེད་ཅི་བསགས་པ༔ དཀྱིལ་འཁོར་ལྷ་ ཚོགས་སྤྱན་སྔར་བཤགས༔ ཨོཾ་བཛྲ་སཏྭ་ས་མ་ཡཿ སོགས། ཨཱཿ དེ་ནས་འཛབ་དགོངས་ནི༔ ཧྲཱིཿ རང་ཉིད་དབང་ཆེན་ཡབ་ཡུམ་གྱི༔ ཐུགས་ཀར་ཉི་ཟླའི་གྭའུའི་དབུས༔ རང་རང་སྲོག་ཡིགས་བོན་མཐར༔ སྔགས་ཕྲེང་གཡས་གཡོན་འཁོར་བ་ལས༔ འོད་ཟེར་འཕྲོ་འདུས་དོན་གཉིས་བྱས༔ ཚུར་བསྡུས་སྔགས་ཕྲེང་ཉིད་ལ་ཐིམ༔ འཁོར་འདས་སྲིད་གསུམ དབང་དུ་རོལ༔ སྣང་བ་ལྷ་དང་གྲགས་པ་སྔགས༔ དྲན་རྟོག་ཆོས་ཉིད་ཆེན་པོའི་ངང་༔ དག་པ་རབ་འབྱམས་ལ་བཟླའོ༔ ཨོཾ་བཛྲ་བྷ་ར་ཧི་ཧྱ་གྲཱྀ་ཝ་ཧྲཱིཿབཾ་ཧ་རི་ནི་ས་ཛ་སརྦ་སིདྡྷི་སིདྡྷི་ཕ་ལ་ཕ་ལ་ཧཱུྃ་ཨཱཿ ཞེས་པ་ཏིང་འཛིན་གསལ་པོའི་ངང་༔ རླུང་དང་བསྲེས་ལ་ཡིད་བཟླས་བྱ༔ དུས་གྲངས་བསྙེན་སྒྲུབ་ལས་སྦྱོར་ནི༔ ནང་སྒྲུབ་ཟབ་མོ་ལྟར་དུ་བྱ༔ རབ་དངོས་འབྲིང་ཉམས་རྨི་ལམ་དུ༔ ཐབས་གྲོལ་ལམ་ལ་སྤྱོད་པ་དང་༔ བྷན་ཐོད་མཚན་ལྡན་རྙེད་པ་དང་༔ དྲིལ་བུའི་སྒྲ་གྲགས་དྲི་བཟང་འཐུལ༔ དེ་ལ་སོགས་པའི་རྟགས་མཚན་གསལ༔ གསང་ཞིང་གསང་བར་ཉམས་སུ་ལོངས༔ དངོས་གྲུབ་ཐོབ་པར་ཐེ་ཚོམ་མེད༔ ས་མ་ཡ༔ ཨེ་མ༔ ཤིན་ཏུ་ཟབ་པའི་མཐར་ཐུགས་གསང་བའི་ཆོས༔ ཡང་བཅུད་སྙིང་པོ་གཅིག་དྲིལ་ཁྱད་དུ་འཕགས༔ ཌཱ་ཀི་ཡོངས་ཀྱི་ཐུགས་བཅུད་ཟབ་ལམ་འདི༔ ཡེ་ཤེས་མཚོ་རྒྱལ་ཐུགས་དམ་མཐིལ་དུ་བཟུང་༔ ཡང་གསང་བླ་མེད་སྙིང་བཅུད་ཟབ་མོའི་ཆོས༔ མཁའ་སྤྱོད་ ༈商མྱུར་ལམ་བགྲོད་པའི་གདམས་པ་འདི༔ མ་འོངས་དོན་དུ་རིན་ཆེན་གཏེར་དུ་སྦོས༔ གཏད་རྒྱ་གཏེར་བྱང་སྔགས་ཀྱི་བདག་མོར་གཏོད༔ ལོན་པའི་དུས་ནི་བརྡ་བྱང་ཇི་བཞིན་དུ༔ རྣལ་འབྱོར་སུ་ཁའི་མིང་དང་འཕྲད་པར་ངེས༔ གཅིག་བརྒྱུད་མ་གཏོགས་ཡོངས་ལ་སྤེལ་མི་རུང་༔ སྤེལ་ན་མཁའ་འགྲོའི་བཀའ་ཡི་ཆད་པ་འབྱུང་༔ སྐལ་ལྡན་སེམས་ཀྱི་བུ་དང་འཕྲད་པར་ཤོག༔ སྐལ་མེད་ལོག་ལྟའི་འགྲོ་ལ་འདི་མ་འཕྲད༔ བློ་དམན་ཁ་གསག་ཅན་གྱི་དབང་པོ་སྣུབས༔ བཀའ་སྲུང་སྔགས་བདག་ལྷ་མོས་གཉེར་གྱིས་ཤིག༔ དམ་ཉམས་ལག་ཏུ་མ་ཤོར་ཐུབ་པར་སྲུངས༔ བཀའ་སྲུང་དྲེགས་པའི་ཚོགས་ཀྱིས་གཉེར་དུ་ཟུངས༔ ས་མ་ཡ༔ སྐུ་རྒྱ༔ གསུང་རྒྱ༔ ཐུགས་རྒྱ༔ ཟབ་རྒྱ༔ གསང་རྒྱ༔ གཏད་རྒྱ༔ གུ་ཧྱ༔ བརྡ་ཐིམ༔ ཀོ་ཀོ་ཅེས་པའང་མཁའ་འགྲོའི་གསང་སྒྲུབ་ཟབ་མོ་འདི་ཡང་དུས་རིང་མོ་ནས་བརྡ་དོན་གསལ་ཡང་རེ་དོགས་ཅུང་ཟད་སྐྱེས་ནས་བཏང་སྙོམས་སུ་ཡོད་སྐབས་གསང་གྲོགས་བི་མ་ལ་དང་ཏིཥྛ་བཛྲ་དང་ཆོས་ཀྱི་བདག་པོ་ཀིརྟི་སོགས་ཀྱིས་རིན་ཆེན་གཉིས་པ་དང་དབང་མདོག་རིན་ཆེན་དར་བཅས་བསྐུལ་ངོར་དུས་མཐའི་གཏེར་མིང་སུ་ཁ་བཛྲས་མཁའ་འགྲོའི་བརྡ་ལས་དག་པར་ཕབས་པའོ། །ཡི་གེ་པ་ནི་ཀུན་བཟང་སྣང་མཛད་ཀྱིས བྲིས་པ་དགེའོ། །དགེའོ། །དགེའོ།། །། TI1394-466 0商ཆོས་ཉིད་མཁའ་འགྲོའི་གསང་མཛོད་ལས༔ ཕག་མོའི་གསང་སྒྲུབ་ཆ་ལག༔ ༔ ཚོགས་མཆོད་ཆ་ལག་རྒྱུན་ཁྱེར་ནི༔ ཧྲཱིཿ སྣང་བ་ཡངས་པའི་བྷནྡྷའི་ནང་༔ སྣོད་བཅུད་དཔལ་ཡོན་ཚོགས་སུ་བཤམས༔ ཟག་མེད་ཡེ་ཤེས་ཆེན་པོར་བརླབས༔ མཁའ་འགྲོ་མཉེས་པའི་རྫས་སུ་གྱུར༔ རཾ་ཡཾ་ཁཾ༔ ཨོཾ་ཨཱཿཧཱུྃ༔ ཧ་ཧོ་ཧྲཱིཿ ཧཱུྃ་ཧྲཱིཿ སྣང་སྲིད་ཐམས་ཅད་དག་པ་ཆེ༔ ཡེ་ཤེས་མཁའ་འགྲོའི་དཀྱིལ་འཁོར་དུ༔ འགུལ་བསྐྱོད་ཐམས་ཅད་ཕྱག་རྒྱ་གར༔ རྡོ་རྗེ་ལུས་ཀྱི་གྲོང་ཁྱེར་དུ༔ གདན་གསུམ་རྣམ་དག་ལྷའི་དཀྱིལ་འཁོར༔ ཡེ་རྫོགས་ཆེན་པོར་ལྷུན་གྱིས་གྲུབ༔ གཤེགས་བཞུགས་བརྗོད་པ་བྲལ་བའི་ལྷ༔ ཆོས་དབྱིངས་ཀློང་ནས་གནས་འདིར་གཤེགས༔ སྣང་སྲིད་དག་མཉམ་རོལ་པ་ལས༔ བཟའ་བཅའ་བཏུང་བ་ཡང་དག་རྫས༔ ཐབས་ཤེས་རྫས་མཆོག་བླ་ན་མེད༔ ཚོགས་ཀྱི་མཆོད་པ་རྒྱན་དུ་རོལ༔ སྲེད་ལེན་དང་བྲལ་ཚོགས་རྫོགས་ནས༔ ཀ་དག་ཆོས་སྐུའི་ས་ཐོབ་ཤོག༔ ཅེས་པའང་གསང་གྲོགས་པདྨ་ལས་འབྲེལ་རྩལ་གྱི་བཞེད་སྐོང་དུ་སྙོམས་ལས་པ་སུ་ཁའི་མིང་གིས་བྲིས་པའོ། །དགེའོ།། །། TI1394-468 00商合ཆོས་ཉིད་མཁའ་འགྲོའི་གསང་མཛོད་ལས༔ ཡང་གསང་མཁའ་འགྲོའི་རྩ་སྒྲུབ་བསྡུས་པ་རྒྱུན་ཁྱེར་འོདགསལ་སྙིང་པོ་བཞུགས་སོ༔ ཨ༔ རིག་པ་གདོད་ནས་བྱང་ཆུབ་སེམས༔ མ་བཅོས་སོ་མར་སྐྱབས་སུ་མཆི༔ མཐའ་བྲལ་དགོངས་པ་འགྲོ་ལ་ཁྱབ༔ རང་ཞལ་མཇལ་བར་སེམས་བསྐྱེད་དོ༔ གནས་ལུགས་རིག་པ་རྡོ་རྗེ་ཆོས༔ ལྷུན་གྲུབ་གཞལ་ཡས་དཀྱིལ་འཁོར་དབུས༔ བྃ་ལས་རང་ཉིད་སྐད་ཅིག་གིས༔ རྣམ་ཀུན་མཆོག་ལྡན་རྒྱལ་བའི་ཡུམ༔ རྡོ་རྗེ་ཕག་མོ་སྐུ་མདོག་དམར༔ ཞལ་གཅིག་སྤྱན་གསུམ་དབྱིངས་སུ་གཟིགས༔ ཕྱག་གཉིས་གྲི་གུག་ཐོད་ཁྲག་འཛིན༔ སྐུ་ལ་ཁྲོ་མོའི་ཆས་ཀུན་རྫོགས༔ ཁ་ཊ་ཀ་ནི་གཡོན་ནས་བརྟེན༔ ནུ་འབུར་གསང་བའི་པདྨོ་རྒྱས༔ སྤྱི་གཙུག་ཕག་ཞལ་ངུར་སྒྲ་ནི༔ ཕཊ་དང་ཕོ་སྒྲ སངས་སེ་སང་༔ ཞབས་གཉིས་གར་སྟབས་པད་ཉིད་དང་༔ བཾ་རོ་དམར་སེར་སྙིང་གར་བརྫིས༔ ཡེ་ཤེས་མེ་རིས་འཁྱིལ་ཀློང་བཞུགས༔ རང་གསལ་དེར་འཛིན་མེད་པའི་ངང་༔ དམ་ཡེ་དབྱེར་མེད་རོ་གཅིག་གྱུར༔ ཐུགས་དཀར་བྃ་དམར་མཐའ་མ་ལ༔ སྔགས་ཀྱིས་གཡོན་འཁོར་འོད་ཟེར་འཕྲོས༔ དོན་གཉིས་བསྒྲུབ་ཅིང་འཁོར་འདས་ཀུན༔ དག་མཉམ་ཆེན པོའི་ཀློང་དུ་ཨ༔ ཨོཾ་བཛྲ་ཝཱ་ར་ཧི་ཧ་རི་ནི་ས་སརྦ་སིདྡྷི་ཕ་ལ་ཧཱུྃ་ཨཱཿ རིག་པ་མ་བཅོས་སོ་མའི་ངང་༔ སྒྲ་དག་མི་ཚིག་མ་འདྲེས་པར༔ བྱེ་བ་བཟླས་པས་འགྲུབ་པར་ངེས༔ ཐེ་ཚོམ་མེད་དོ་ས་མ་ཡ༔ རྒྱ་རྒྱ་རྒྱ༔ གུཧྱ བརྡ་ཐིམ༔ ༔ ཞེས་པ་འདི་ཡང་དད་ལྡན་དབང་མོས་ནན་ཆེར་བསྐུལ་ངོར་ཀུན་བཟང་བདེ་སྐྱོང་དབང་མོས་དག་པར་ཕབས་པའོ། ༈ ཉེར་སྤྱོད་ཀྱིས་མཆོད་ལ༔ བསྟོད་པ་ནི༔ ཧཱུྃ་ཧྲཱིཿ མ་སྐྱེས་རྣམ་དག ཆོས་ཀྱི་དབྱིངས་ཉིད་ལས༔ འགགས་མེད་རིག་སྟོང་སྒྱུ་འཕྲུལ་རོལ་པའི་གར༔ སྣ་ཚོགས་ཐབས་ཀྱིས་འགྲོ་བའི་དོན་མཛད་པ༔ རྡོ་རྗེ་ཕག་མོའི་སྐུ་གསུང་ཐུགས་ལ་བསྟོད༔ མཆོག་ཐུན་དངོས་གྲུབ་མ་ལུས་བསྩལ་དུ་གསོལ༔ དགེ་བས་བདག་གཞན་འགྲོ་བ་མ་ལུས་ཀུན༔ གདོད་མའི་མགོན་པོའི་ས་ལ་འཁོད་པར་ཤོག༔ སུ་ཁ་བཛྲས་སོ། །དགེའོ།། །། TI1394-470 商合ཉེར་མཁོ་རྗེས་ཀྱི་རིམ་པ་ནི༔ བསྡུ་སྡང་བསྔོ་སྨོན་བཀྲ་ཤིས་ནི༔ བྷྲུྃ༔ སྣང་ཆ་ཐབས་ཀྱིས་བསྐྱེད་པའི་ལྷ༔ ཆོས་དབྱིངས་སྤྲོས་མཐའ་བྲལ་བར་ཨ༔ གང་ཤར་ཡེ་ཤེས རོལ་པ་ཆེ༔ སྣང་རྟོག་ལྷ་ཡི་ཕྱག་རྒྱར་བསྒོམ༔ ཨ་ཨ་ཨ༔ ཞེས་དང་རྩ་སྔགས་བརྗོད༔ ཟག་བཅས་ཟག་མེད་དགེ་ཚོགས་ཀུན༔ མ་གྱུར་འགྲོ་བ་ཡོངས་ལ་བསྔོ༔ དོན་གཉིས་ཡིད བཞིན་ལྷུན་གྲུབ་ཅིང་༔ ཕྱམ་གཅིག་སངས་རྒྱས་ས་ཐོབ་ཤོག༔ ཡེ་ཤེས་མཁའ་འགྲོའི་མཐུ་སྟོབས་ཀྱིས༔ ས་གསུམ་དགེ་བའི་བཀྲ་ཤིས་ཤོག༔ ཅེས་དམ་པ་གང་གིས་བསྐུལ་ངོར་མདོ་མེད་མཁའ སྤྱོད་མིང་གིས་བྲིས་པའོ། །དགེའོ།། །། ཡུ་༅ TI1394-472 ༣ 商合ཆོས་ཉིད་མཁའ་འགྲོའི་གསང་མཛོད་ལས༔ མཁའ་འགྲོའི་གསང་སྒྲུབ་རྒྱུན་ཁྱེར་ཟབ་པའི་སྙིང་པོ་བཞུགས་སོ༔ ན་མོ༔ རང་རིག་རང་གསལ་མཁའ་འགྲོའི་སྐུ༔ འདུ་བྲལ་མེད་པར་སྐྱབས་སུ་མཆི༔ མ་རིག་གཉིས་སྣང་འཛིན་པའི་འགྲོ༔ གཉིས་མེད་རྟོགས་པར་སེམས་བསྐྱེད་དོ༔ ཨ་ཨ་ཨ༔ གནས་ལུགས་རིག་པ་དོན་གྱི་ལྷ༔ གཞོམ་གཞིག་བྲལ་བ་རྡོ་རྗེའི སྐུ༔ ལྷུན་གྲུབ་འོད་གསལ་ཕག་མོ་དམར༔ ཞལ་ཕྱག་འཛིན་པ་བྲལ་བའི་ལྷ༔ རང་གསལ་འཛིན་མེད་ཆེན་པོར་བསྒོམས༔ དམ་ཡེ་དབྱེར་མེད་རོ་གཅིག་ངང་༔ ཁྱེར་སོ་གསུམ་ལྡན་ངང་དུ་བཟླ༔ ཨོྃ་བཛྲ་བྷ་ར་ཧི་སརྦ་སིདྡྷི་ཕ་ལ་ཧཱུྃ་ཨཱཿ དེ་ལྟར་དམིགས་གནད་ལྡན་པ་ཡིས༔ རླུང་སེམས་གཅིག་དྲིལ་ངང་དུ་བཟླ༔ དོན་གཉིས་འགྲུབ་པར་ཐེ་ཚོམ་མེད༔ ས་མ་ཡ༔ སྐུ་གསུང་ཐུགས་ཀྱི་རྒྱ་ཡོད་དོ༔ ༔ ཅེས་པའང་སུ་ཁའི་མིང་གིས་བྲིས་པའོ། ༈ ཉེར་སྤྱོད་ཀྱིས་མཆོད་ལ་བསྟོད་པ་ནི༔ ་ཧྲཱིཿ ཆོས་ཉིད་སྟོང་པའི་ངང་ཉིད་ལས༔ འགྲོ་བའི་དོན་དུ་སྐུར་བཞེངས་པ༔ རྡོ་རྗེ་ཕག་མོའི་ལྷ་ཚོགས་ལ༔ སྒོ་གསུམ་གུས་པས་ཕྱག་འཚལ་བསྟོད༔ ཅེས་པའང་བདེ་བའི་རྡོ་རྗེས་སོ།། ༦ ༦༢ ༈ ཆོས་ཉིད་མཁའ་འགྲོའི་ཐུགས་ཏིག་ལས༔ གསང་བ་ཡེ་ཤེས་མའི་གསོལ་འདེབས་དབང་གི་ཆུ་བོ་བཞུགས་སོ༔ ན་མོ་བཛྲ་དྷ་ར་ཡེ༔ རྣལ་འབྱོར་དད་ལྡན་མོས་གུས་ཀྱིས༔ རྩེ་གཅིག་གསོལ་བ་འདི་ལྟར་ཐོབ༔ ན་མོ་གུ་རུ་བྷྱཿ ཀུན་བཟང་རྡོ་རྗེ་འཆང་ཆེན་རྡོ་རྗེ་ཆོས༔ མཁའ་སྤྱོད་དབང་མོ་པཎ་ཆེན་ན་རོ་རྗེ༔ ཛྙཱ་ན་ཀིརྟི་སུ་ཁ་སིདྡྷི་སོགས༔ དོན་བརྒྱུད་བླ་མ་རྣམས་ལ་གསོལ་བ་འདེབས༔ ཐུགས་རྒྱུད་བྱིན་རླབས སྙིང་ལ་འཕོས་ནས་ཀྱང་༔ རྡོ་རྗེ་རྣལ་འབྱོར་མཁའ་སྤྱོད་དབང་མོ་ཡི༔ ཞལ་མཇལ་གསུང་ཐོས་དགོངས་པ་མངོན་གྱུར་ནས༔ ཚེ་འདི་ཉིད་ལ་འོག་མིན་ཞིང་མཆོག་ཏུ༔ ཚོམ་བུ་གཅིག་ཏུ་མངོན་པར་སངས་རྒྱས་ཤོག༔ འདི་ལ་རྒྱུན་དུ་བརྩོན་གྱུར་ན༔ བྱིན་རླབས་ཐོབ་པར་ཐེ་ཚོམ་མེད༔ ས་མ་ཡ༔ ཅེས་པ་མཆེད་གྲོགས་དམ་པ་བསླབ་གསུམ་ནོར་གྱིས་ཕྱུག་པ་དགེ་རྒན་བདེ་འབྱུང་གིས་ལྷ་རེག་བཟང་པོའི་སྐྱེས་བཅས་ནན་ཆེར་བསྐུལ་ངོ་མི་ལྡོག་ཙམ་དུ་དུས་མཐའི་གཏེར་མིང་འཛིན་པ་སུ་ཁ་བཛྲ་གྱིས་བྲིས་པའོ།། །། 8 TI1394-474 ཤུ༒ སྙན་བརྒྱུད་ལས་ཡང་གསང་མཁའ་འགྲོའི་སྲོག་སྒྲུབ་གསང་བའི་རྒྱ་ཅན་བཞུགས་སོ༔ ཨ་ཨ་ཨ༔ རང་བྱུང་རིག་པ་དོན་གྱི་ལྷར༔ རྩོལ་སྒྲུབ་འབྲལ་བར་སྐྱབས་སུ་མཆི༔ བྱང་ཆུབ་སེམས་ནི་འགྲོ་ལ་ཁྱབ༔ རང་ངོ་མཇལ་བར་སེམས་བསྐྱེད་དོ༔ ཆོས་རྣམས་མི་དམིགས་སྟོང་པའི་ངང་ཉིད་ལས༔ རང་ལུས་འོད་ཀྱི་གོང་བུ་མཚན་ཉིད་རྫོགས༔ ཙིཏྟ་སྙིང་གི གཞལ་ཡས་ཁང་དབུས་སུ༔ དྭངས་མ་ལྔ་ལྡན་ཡེ་ཤེས་འོད་ལྔའི་ཀློང་༔ མི་ཤིག་ཐིག་ལེ་ལུ་གུ་བརྒྱུད་དུ་འབྲེལ༔ ཀ་དག་ཟང་ཐལ་གཉུག་མ་རྡོ་རྗེ་ཆོས༔ ལྷུན་གྲུབ་རང་གསལ་རྡོ་རྗེ ཕག་མོའི་སྐུ༔ ཐུགས་རྗེའི་རོལ་པ་གདན་གསུམ་དཀྱིལ་འཁོར་རྫོགས༔ གདོད་ནས་དམ་ཡེ་དབྱེར་མེད་རོ་གཅིག་ངང་༔ རང་གསལ་སྒྱུ་འཕྲུལ་སྔགས་ཀྱི་འཕྲོ་འདུ་ཉིད༔ སྤྲོས་པ་ཀུན བྲལ་དག་པ་རབ་འབྱམས་ཀློང་༔ མཉམ་ཉིད་འོད་གསལ་ཡུམ་ཆེན་དགོངས་པར་རོལ༔ ཨོཾ་བཛྲ་ཝ་ར་ཧི་ཧཱུྃ་སརྦ་སིདྡྷི་ཕ་ལ་ཧཱུྃ་ཨཱཿ འདི་ནི་སྤྲོས་བཅས་མཚན་མ་ཀུན་དང་བྲལ༔ རླུང་གི་འབྱིན་འཇུག སྔགས་ཀྱི་རོལ་པར་ཤར༔ འབད་རྩོལ་ཀུན་བྲལ་ཆུ་བོའི་རྒྱུན་བཞིན་བཟླ༔ སྤྲོས་མེད་རྣལ་འབྱོར་དབང་ཕྱུག་དཔལ་དུ་སྤྱོད༔ དམ་ཉམས་ལག་ཏུ་མ་ཤོར་ཐུབ་པར་སྲུངས༔ ཤོར་ན་སྲོག་སྙིང་ཕྱུངས་ལ་ཟ་ངུ་གྱིས༔ གསང་བའི་གྲོགས་ལ་ཡང་ གསང་ཆོས་འདི་སྤྲོད༔ མཐིལ་དུ་བཟུང་ན་དོན་གཉིས་ནོར་བུ་ལོན༔ རྟགས་མཚན་ལག་ཏུ་ལོངས་དང་གསལ་བར་ངེས༔ ས་མ་ཡ༔ ༔ སྐུ་གསུང་ཐུགས་ཀྱི་རྒྱ་ཡོད་དོ༔ ཅེས་པའང་བདེ་བའི་རྡོ་རྗེའི་སྣང་ཉམས་ལ་ཕག་མོའི་ཞལ་གཟིགས ནས་དངོས་སུ་གསུངས་པའོ། །དགེའོ།། །། སུ་ཁ་བཛྲ་TI1394-476 TI1394-476 ཆོས་ཉིད་མཁའ་འགྲོའི་གསང་མཛོད་ལས༔ རྡོ་རྗེ་ཕག་མོའི་ལས་ཚོགས་ཁམས་གསུམ་དབང་སྡུད་ཡིད་བཞིན་ནོར་བུ་བཞུགས་སོ༔ ༔ རྡོམ་ན་མོ་ཛྙཱ་ན་ཌཱ་ཀི་ནི་ཡེ༔ སྐུ་གསུམ་མཁའ་འགྲོའི་ཚོགས་ལ་གུས་པས་འདུད༔ ཆོས་ཉིད་མཁའ་འགྲོའི་གསང་མཛོད་ཟབ་མོ་ཡི༔ ཆ་ལག་ལས་ཚོགས་ཡིད་བཞིན་ནོར་བུ་ནི༔ སྐལ་ལྡན་ལས་ཅན་བུ་ཡི་དོན་དུ་བསྟན༔ ཚུལ་བཞིན་ཉམས་སུ་ལོངས་དང་དོན་གཉིས་འགྲུབ༔ ས་མ་ཡ༔ དེ་ཡང་མཁའ་འགྲོ་སྒྲུབ་པའི་གཞུང་བསྲང་ནས༔ ཏིང་འཛིན་བསྐྱེད བཟླས་བསྙེན་སྒྲུབ་ཚད་འཁྱོལ་མཐར༔ ལས་སྦྱོར་གསང་བའི་གབ་ཏིག་ཟབ་མོ་ནི༔ རང་ཉིད་མཁའ་འགྲོའི་ཐུགས་ཀར་པད་ཟླའི་སྟེང་༔ རྡོ་རྗེ་མཁའ་འགྲོ་དཀར་གསལ་ཞི་ཚུལ་ལྡན༔ ཞལ་གཅིག་ཕྱག་གཉིས་ཚེ་མདའ་བུམ་པ་འཛིན༔ ཞབས་གཉིས་ཕྱེད་སྐྱིལ་པད་ཟླའི་གདན་ལ་བཞུགས༔ སྐུ་ལ་ཌཱ་ཀིའི་ཆས་རྫོགས་ཐུགས ་&商合ཀློང་དུ༔ དགའ་འཁྱིལ་དབུས་སུ་བྃ་ལས་འོད་ཟེར་འཕྲོས༔ ནམ་མཁའ་ས་ཆུ་མེ་རླུང་འབྱུང་བ་ལྔའི༔ བཅུད་བསྡུས་དྭངས་མ་སྲོག་རྟེན་ནྲྀཿལ་ཐིམ༔ འཆི་མེད་སྲོག་ཐོབ་རྡོ་རྗེའི་སྐུ་རུ་དག༔ ཡེ་ཤེས་ལྔ་ཡི་རྒྱས་གདབ་ཚེ་ལ་དབང་༔ འགྱུར་མེད་རྡོ་རྗེའི་ཚེ་མཆོག་ཐོབ་པར་གྱུར༔ རྩ་སྔགས་སྭཱ་ཧཱ་མེད་པའི་མཇུག༔ ཛྙཱ་ན་ཌཱ་ཀི་ནི་ཨེ་ཁཾ་ལཾ་བཾ་རཾ་ཡཾ་ཨཱ་ཡུརྡྡྷ་ན་པུནྱཻ་ཏིཥྛ་སརྦ་ཝ་ཤཾ་ཀུ་རུ་ཡེ་སྭཱཧཱ༔ ཞེས་པ་བརྒྱ་སྟོང་ཁྲི་བཟླས་པས༔ བླ་སྲོག་ཉམས་པ་ཀུན་གསོས་ནས༔ རྡོ་རྗེ་ཚེ་མཆོག་ཐོབ་པར་ངེས༔ ས་མ་ཡ༔ རང་ཉིད་མཁའ་འགྲོའི་ཐུགས་ཀར་པད་ཟླའི་སྟེང་༔ ཌཱ་ཀི་དམར་གསལ་ཞི་ཚུལ་མཚན་དཔེར་ལྡན༔ ཞལ་ གཅིག་ཕྱག་གཉིས་ལྕགས་ཀྱུ་རཏྣ་འཛིན༔ ཞབས་གཉིས་ཕྱེད་སྐྱིལ་པད་ཟླའི་གདན་ལ་བཞུགས༔ ཌཱ་ཀིའི་ཆས་རྫོགས་ཐུགས་ཀློང་དགའ་འཁྱིལ་དབུས༔ བྃ་ལས་འོད་ཟེར་ལྕགས་ཀྱུའི་རྣམ་པ་རུ༔ དཔག་མེད་འཕྲོས་པས་རང་བྱུང་གནས་རྣམས་ནས༔ སངས་རྒྱས་ཆོས་དང་དགེ་འདུན་ཐམས་ཅད་དང་༔ པཎྚི་ཏ་དང་དགེ་བཤེས་མཁས་གྲུབ་རྣམས༔ དམིགས་པའི་དབང་གྱུར་འོད་ཟེར་རྣམ་པ་རུ༔ ལྕགས་ཀྱུའི་སྣར་དྲངས་དབང་བསྡུས་རང་ལ་བསྟིམ༔ རྩ་སྔགས་སྭཱ་ཧཱ་མེད་པའི་མཇུག་ཏུ༔ ཛྙཱ་ན་ཌཱ་ཀི་ནི་བུདྡྷ་དྷརྨ་སཾ་ག་པྲཛྙཱ་ཛྙཱ་ན་སརྦ་ཝ་ཤཾ་ཀུ་རུ་ཡེ་སྭཱ་ཧཱ༔ ཞེས་པ་འབུམ་ཚོགས་གཅིག་བཟླས་པས༔ མཆོག་གསུམ་དབང་སྡུད་འགྲོ་བའི་མགོན༔ དེད་དཔོན་བླ་མ་མཆོག་ཏུ་འགྱུར༔ དམིགས་པའི་གདིང་དང་ལྡན་པ་ཡིས༔ ཐོགས་མེད་ཡོན་ཏན་ཕུལ་ཕྱིན་ངེས༔ ས་མ་ཡ༔ རང་ཉིད་མཁའ་འགྲོའི་ཐུགས་ཀར་པད་ཟླའི་སྟེང་༔ ཌཱ་ཀི་དམར་གསལ་རྒྱན་རྫོགས་མཚན་དཔེར་ལྡན༔ ཞལ་གཅིག་ཕྱག་གཉིས་ཨུཏྤལ་ལྕགས་ཀྱུ་འཛིན༔ ཞབས་གཉིས་སྐྱིལ་ཀྲུང་པད་ཟླའི་གདན་ལ བཞུགས༔ ཐུགས་ཀློང་དགའ་འཁྱིལ་དབུས་སུ་བྃ་དམར་ལས༔ འོད་ཟེར་ལྕགས་ཀྱུ་གློག་ལྟར་འཕྲོས་པ་ཡིས༔ སྐྱེ་འགྲོ་མི་དབང་ཕོ་མོའི་བློ་སེམས་དང་༔ བླ་ཡིད་ཚེ་བསོད་དཔལ་ ཟླ༥.་商འབྱོར་རིགས་རྒྱུད་ཀུན༔ བཙན་ཕྱུག་འཕན་དར་འོད་ཟེར་རྣམ་པ་རུ༔ འོད་ཀྱིས་སྣ་དྲངས་བདག་གིས་དབང་དུ་བསྡུས༔ རྩ་སྔགས་སྭཱ་ཧཱ་མེད་པའི་མཇུག༔ ཛྙཱ་ན་ཌཱ་ཀི་ནི་ལོ་ཀ་ནི་ནྲྀཿཛཿ ཧྲི་ཧྲི་སྒུལ་སྒུལ་སྡུས་སྡུས་བ་སུ་ན་ན་ཁ་དྷེ་སརྦ་ཝ་ཤཾ་ཀུ་རུ་སྭཱ་ཧཱ༔ ཞེས་པ་བརྒྱ་སྟོང་ཁྲི་སོགས་བཟླས་པ་ཡིས༔ སྐྱེ་འགྲོའི་མི་དབང་ལ་སོགས་དབང་བསྡུས་ནས༔ གང་བཅོལ་ལས་ལ་མཐུན་རྐྱེན་གཞི་རུ་གྱུར༔ ཕུན་ཚོགས་འབྱོར་ལྡན་མངའ་ཐང་འཕེལ་བར་ངེས༔ ས་མ་ཡ༔ རང་ཉིད་མཁའ་འགྲོའི་ཐུགས་ཀར་པད་ཟླའི་སྟེང་༔ ངག་དབང་ལྷ་མོ་དཀར་གསལ་ཞི་ཚུལ་ལྡན༔ ཞལ་གཅིག་ཕྱག་གཉིས པི་ཝཾ་མཉམ་པསའཛིན༔ ཌཱ་ཀིའི་ཆས་རྫོགས་ཞབས་གཉིས་ཕྱེད་སྐྱིལ་བཞུགས༔ ཐུགས་ཀར་ཟླ་སྟེང་སྲོག་ཡིག་ས་བོན་ལས༔ འོད་ཟེར་འཕྲོས་པས་རྒྱལ་ཀུན་ཐུགས་རྒྱུད་ཀྱི༔ ཏིང་འཛིན་མི་བརྗེད་གཟུངས་དང་ཤེས་རབ་མཆོག༔ བློ་གྲོས་སྤོབས་པ་མཁྱེན་བརྩེའི་ཡེ་ཤེས་གཏེར༔ འཆད་རྩོད་རྩོམ་སོགས་ཤེས་རབ་ཡོན་ཏན་ཀུན༔ འོད་ཟེར་རྣམ་པར་བསྡུས་ནས་རང་ལ་ཐིམ༔ ངག་དབང་མཁྱེན་བརྩེའི་ཡེ་ཤེས་བདག་དབང་བསྡུས༔ རྩ་སྔགས་སྭཱ་ཧཱ་མེད་པའི་མཇུག༔ ཌཱ་ཀི་ནི་ཧྲིཾ་ཛཿཔྲཛྙཱ་ཛྙཱ་ན་ཨ་ལི་ཀ་ལིཀྲཀིར་ཏི་ཀ་རིཔྲཛྙཱ་ཝརྡྷ་ནི་ཡེ་སརྦ་པ་ཤཾ་ཀུ་རུ་ཡེ་སྭཱ་ཧཱ༔ ཅེས་པ་བརྒྱ་སྟོང་ཁྲི་བུམ་བཟླས༔ ཤེས་རབ་སྣང་བ་མཆོག་ཐོབ་ནས༔ འཆད་རྩོད་རྩོམ་སོགས་ཕུལ་དུ་ཕྱིན༔ མདོ་སྔགས་ཆོས་ཀྱི་གཏེར་ལ་དབང་༔ མཁྱེན་གཟིག་བློ་གྲོས་ཐོབ་པར་ངེས༔ ས་མ་ཡ༔ རང་ཉིད་མཁའ་འགྲོའི ཐུགས་ཀར་པད་ཟླའི་སྟེང་༔ ཡེ་ཤེས་ཌཱ་ཀི་དམར་གསལ་ཞི་ཚུལ་ལྡན༔ ཞལ་གཅིག་ཕྱག་གཉིས་ལྕགས་ཀྱུ་རྒྱ་གྲམ་འཛིན༔ ཞབས་གཉིས་ཕྱེད་སྐྱིལ་པད་ཟླའི་གདན་ལ་བཞུགས༔ སྐུ་ལ་མཁའ་འགྲོའི་ཆས་རྫོགས་མཚན་དཔེས་སྤྲས༔ ཐུགས་ཀློང་དགའ་འཁྱིལ་དབུས་སུ་བྃ་ཡིག་ལས༔ འོད་ཟེར་དམར་པོ་ལྕགས་ཀྱུའི་དབྱིབས་ལྟར་འཕྲོས༔ གང་དུ་དམིགས་པའི་ཡུལ་གྱུར དབང་མེད་དུ༔ བློ་ཡིད་སེམས་གསུམ་བདག་དབང་གྱུར་པར་བསྒོམ༔ རྩ་སྔགས་སྭཱ་ཧཱ་མེད་པའི་མཇུག་ཏུ༔ པདྨ་ཌཱ་ཀི་ནི་རྡོ་རྗེ་ཅན་གྱི་སྙིང་འགུལ་འགུལ་ཧ་ན་ཧ་ན་ཀཀོ་ལ་སརྦ་པཱ་ཤཾ་ཀུ་རུ་ཡེ་སྭཱ་ཧཱ༔ ཞེས་པ་བརྒྱ་སྟོང་ལ་སོགས་བཟླས་པ་ཡིས༔ གང་དམིགས་སྐྱེས་པའི་སྙིང་འགུལ་དབང་དུ་སྡུད༔ ས་མ་ཡ༔ རྩ་སྔགས་སྭཱ་ཧཱ་མེད་པའི་མཇུག༔ པདྨ་ཌཱ་ཀི་ནི་པདྨ་ཧྲི་ཧྲི་སྙིང་འགུལ་འགུལ་