Tibetan
གོམས་འདྲིས་མ་བྱས་ན། །རྣམ་རྟོག་དགྲས་ཁྱེར་གཡུལ་ངོའི་བུ་ཆུང་འདྲ། །ཞེས་དང་། རྒྱལ་ཚབ་བྱམས་པས། མ་ཐོས་པར་ཡང་དོན་རྟོགས་འགྱུར་ན་སངས་རྒྱས་རྣམས་ཀྱིས་གསུངས་པ་དོན་མེད་འགྱུར། །མ་བསྒོམས་པར་ཡང་དོན་རྟོགས་འགྱུར་ན་རྣལ་འབྱོར་རྣམས་ཀྱིས་བསྒོམས་པ་དོན་མེད་འགྱུར། །ཞེས་གསུངས་པ་ལྟར་རྟོགས་གོམས་ཟུང་དུ་འབྲེལ་བ་ཞིག་ཡང་དག་པའི་ལམ་གྱི་མཚན་ཉིད་ཀྱང་ཡིན་ནོ། །ལེའུའི་སྐབས་བསྡུ་བ་ནི ཤེས་རིག་ནས། དྲུག་པའོ༔ ༈ དེ་ཡན་ཆད་ཀྱིས་ཀ་དག་ཁྲེགས་ ༄༅། །ཆོད་ཀྱི་ལམ་རྒྱས་པར་བཤད་པ་སོང་ནས གཉིས་པ་དེ་དག་གི་མཇུག་བསྡུས་ཏེ་བསྟན་པ་ནི དེ་ལྟར་གནས་ལུགས་ནས། གནད་ལྡན་བྱ༔ ཞེས་གསུངས་ཏེ། དེ༷་ལྟར༷་གདོད་མ་གཞིའི་གནས༷་ལུག༷ས་མདོ༷ན་སུམ་དུ་གྱུར༷་པ་ལམ་གྱི་རྫོག༷ས་པ༷་ཆེ༷ན་པོའི༵་ཡི༷ན་ལུག༷ས་ཚུལ༷་བཞི༷ན་རྟོག༷ས་པའི་ཤེས༷་ར༷བ་ཀྱིས༷་དཔྱད་དོན་མཐར་ཐུག་སྟེ་ཀུན་གཟིགས་ཤེས་རབ་ཆེན་པོས་མངོན་སུམ་དུ་གྱུར་པ་ལྟ་བ རྒྱུན་དུ་རིག་པ་རང་གྲོལ་ཆེན་པོ་ལ་རང་དབང་བསྒྱུར་བ་ལས་མི་འདའ་བ་བསྒོམ་པ། སྤྱོད་པའི་གནད་ཀྱང་ལྟ་བའི་ཕྱོགས་སུ་སྤྱོད་པ་མི་འཆོལ་བ་མི་དགེ་བའི་བསམ་སྦྱོར་དུག་བཞིན་དུ་སྤངས་ནས། ཞི་དུལ་བག་ཡོད་དང་ལྡན་པ་ཁྲིམས་བདག་རྒྱལ་པོའི་མདུན་སར་སླེབས་པ་ལྟ་བུ་དང་། སྤྱོད་པའི་ཕྱོགས་སུ་ལྟ་བ་མི་འཆོལ་བ་དོན་དམ་རྩོལ་མེད་ཀྱི་གནས་ལུགས་སྐྱོང་བ་རྫོགས་སངས་རྒྱས་པའི་ལམ་མ་ནོར་བར་ཤེས་ནས་ཀུན་རྫོབ་རྩོལ་བཅས་ཀྱི་དགེ་བ་གང་གིས་ཀྱང་ཟིལ་གྱིས་མི་གནོན་པ་སེངྒེ་གངས་ལ་འགྱིང་བ་ལྟ་བུ་ཞིག་དགོས། དེ་ལྟ་བུའི་ལྟ་སྒོམ་སྤྱོད་པ་གསུམ་ཡ་བྲལ་དུ་མ་སོང་བར་གཅིག་ཏུ་དྲིལ༷་ནས་གན༷ད་དང་ལྡན༷་པར་ཉམས་སུ་བླངས་པར་བྱས༷་པས་ཚད་གསུམ་རྨི་ལམ་དུ་འབྱུང་བ་ སྟེ། རབ་ཀྱིས་རྨི་ལམ་འོད་གསལ་དུ་དག་ནས་ཁོར་ཡུག་འདྲེས་པ་ནི་ཆོས་ཀྱི་སྐུར་འཚང་རྒྱ། འབྲིང་གིས་རྨི་ལམ་རྨི་ལམ་དུ་ངོ་ཤེས་ནས་སྤྲུལ་བསྒྱུར་ནུས་པའི་དུས་ན་སྤྲུལ་པའི་སྐུ་རུ་དབུགས་འབྱིན། ཐ་མས་བག་ཆགས་ངན་གོམས་ཀྱི་རྨི་ལམ་རྒྱུན་ཆད་དེ་བཟང་པོ་ཁོ་ན་རྨི་བའི་དུས་སུ་སྐྱེ་བ་སྤྲུལ་པའི་སྐུར་དབུགས་དབྱུང་ཐོབ་པ་ཁོ་ནར་ངེས་པའོ། །སྤྱོད་པའི་རྟགས་ཀྱང་ཆོས་བརྒྱད་ཀྱི་བྱ་བ་ལ་མི་འཇུག་པར་བྱ་བྲལ་དུ་གནས་པ་ཁོ་ནའོ། །གཉིས་པ་ལྷུན་གྲུབ་ཐོད་རྒལ་གྱི་ལམ་བསྟན་པ་ལ མདོར་བསྟན་པ་དང་། རྒྱས་པར་བཤད་པ་གཉིས། དང་པོ་ནི། ལམ་གྱི་ལམ་མཆོག་ནས། མྱུར་དུ་གྲོལ༔ ཞེས་གསུངས་ཏེ། དེ་ཡང་རིམ་དགུའི་ལམ་ཐམས་ཅད་ཀྱི༷་ཡང་རྩེ་ཁྲེགས་ཆོད་ཀྱི་ལམ་ལས་ཀྱང་མཆོ༷ག་ཏུ་གྱུར་པའི་མྱུར་ལམ་རྡོ་རྗེ་སྙིང་པོའི་ཆོས། སྤྱན་དང༷་མདོ༷ན་ཤེས༷་རྫུ་འཕྲུལ༷་རླབ༷ས་པོ༷་ཆེ༷འི་བདག༷་ཉིད༷་འཇའ་ལུས་འཔོ༷་བ༷་ཆེན་པོ༷འི་གྲོང༷་ཁྱེར་དུ་འཇུག༷་པའི༵་འོད་གསལ་ཐོད༷་རྒལ༷་གྱི་ལམ་ལ༷་ཁྲེགས་ཆོད་ཀྱི་སྐབས་སུ་གཞིར་གནས་ཆོས་སྐུའི་རིག་པ་ངོ་འཕྲོད་ཅིང་ཅུང་ཟད་བརྟན་པ་ཐོབ་པ་རྣམས་ཀྱིས་བསྟེན་པས་མྱུར་དུ་སྟེ་ཚེ་འདིའམ་བར་མ་དོར་གྲོལ༵་བ་མཆོག་ཐོབ་པ་གདོན་མི་ཟའོ། །གཉིས་པ་རྒྱས་པར་བཤད་པ་ལ། ༄༅། །སྤྱི་དོན་དང་། གཞུང་དོན་ནོ། །དང་པོ་ལ་ཁྱད་པར་གྱི་སྔོན་འགྲོ་དང་། དངོས་གཞི་ཉམས་སུ་ལེན་ཚུལ་གཉིས་ལས དང་པོ་ནི། སྔོན་དུ་འགྲོ་བའི་ཆོ་ག་ཟབ མོ་ཉམས་སུ་མ་བླངས་ན་དངོས་གཞི་ཉམས་སུ་ལེན་པའི་ཚེ་གེགས་དང་གོལ་ས་ཤིན་ཏུ་མང་བའི་ཕྱིར་ཐོག་མར་སྒོ་གསུམ་འཁོར་འདས་རུ་ཤན་དབྱེ་བ་ལ་བརྩོན་པར་བྱ་སྟེ། དེ་ཡང་ཕྱི་ནང་གསང་གསུམ་ལྟར་དབྱེ་བའི་ཚུལ་རྣམས་འདིའི་ཁྲིད་གཞུང་གནས་ལུགས་རང་བྱུང་སོགས་ལས་ཤེས་པར་བྱས་ཏེ་ཚུལ་བཞིན་ཉམས་སུ་ལེན་དགོས་སོ། །གཉིས་པ་དངོས་གཞི་ཉམས་སུ་ལེན ཚུལ་ལ། ཐོད་རྒལ་ལ་སོགས་སྤྱི་ལ་གཅེས་པའི་ཆིངས། བྱེ་བྲག་ཏུ་སྐབས་འདིའི་ཤེས་བྱའི་གཙོ་བོ་ངོས་བཟུང་བ། སྒོ་གསུམ་གྱི་གནད་བསྟན་པ། གནད་གསུམ་གྱིས་འོད་གསལ་ལྟ་བ། སྒྲོན་མའི་རྣམ་པར་བཞག་པ མི་འགུལ་བ་གསུམ་གྱིས་གཞི་བཅའ་བ ཇི་ལྟར་ལག་ཏུ་ལེན་ཚུལ་གྱི་རིམ་པ་དང་བདུན་ལས དང་པོ་ནི། ཐེག་པ་འདིར་རང་ལམ་གྱི་རྩ་དང་ཐིག་ལེའི་བཤད་པ་ཞིག་ཡོད་པ་ཨ་ཏིའི་ཨ་ནུ་ཞེས་བྱ་བ་སྟེ། དེ་ཡང་མདོར་བསྡུ་ན་མ་དག་པའི་རླུང་སེམས་ཀྱི་རྒྱུ་བ་མངོན་དུ་གྱུར་པའི་སྒོ་ཁ་དང་། རླུང་སེམས་ལྐོག་ཏུ་གྱུར་པའི་སྒོ་སྣ་བུག་གཉིས་ ཡིན་ཏེ། དེའི་རྒྱུ་ཚུལ་གློ་བ་ན་རྩ་གྲོ་སོག་ཙམ་འབྱུང་འཇུག་གི་རླུང་ཞེས་བྱ་བས་གང་བ་ལས་འཕེལ་ཁ་ཆེར་མཆེད་ན་ཚ་བའི་ནད་དང་། བྲི་བར་གྱུར་ན་གྲང་བའི་ནད་འབྱུང་བ་དང་དྲང་པོར་རྒྱ་ཚེ་ཚ་གྲང་ཆ་སྙོམས་པར་འགྱུར་བ་དང་། སེམས་ཀྱི་རྣམ་པར་རྟོག་པའི་བཞོན་པ་ལྟ་བུ་ཞག་གཅིག་ལ་རླུང་ཉི་ཁྲི་ཆིག་སྟོང་དྲུག་བརྒྱའི་གྲངས་སུ་རྒྱུ་བའོ། །དེའི་ཕྱིར་ན་རྩ་རླུང་འཛིན་རྩོལ་ཅན་ནི་རླུང་སེམས་བཙན་ཐབས་སུ་འཆིང་བར་བྱེད་པའི་ཐབས་ཟབ་མོ་ཡིན་ཀྱང་གེགས་དང་གོལ་ས་ཤིན་ཏུ་ཆེ་བ་ཡིན་ནོ། །ཉོན་མོངས་རགས་པ་རྒྱུ་བའི་སྒོ་ཁ་དང་ཕྲ་བ་ལྐོག་ཏུ་རྒྱུ་བའི་སྒོ་སྣ་བུག་གཉིས་ཡིན་ནོ། །གནས་ལུགས་གཞིའི་སྒྲོན་མ་དྲུག་ནི སྐུ་དང་ཡེ་ཤེས་ཀྱི་འཆར་སྒོ་དང་། ཡེ་ཤེས་མངོན་དུ་གྱུར་པའི་སྒོ་ཡང་ཡིན་ནོ །ཤེས་པས་སྣང་བ་དབང་བྱེད་ཀྱི་རྒྱུ་ལམ་དང་། ཡེ་ཤེས་ཕྲ་བ་དང་ལྐོག་གྱུར་གྱི་སྒོ་རྣ་བ་གཉིས་ཡིན་ནོ། །དེ་ལ་བརྟེན་ནས་སྒྲ་སྦྱང་བ་དང་། ཡེ་ཤེས་མངོན་གྱུར་གྱི་སྒོ་ལས་མུན་ཁྲིད་དུ་སྣང་བའི་འོད་གསལ་སྦྱང་བ་དང་། མིག་དྲི་མ་མེད་པ་སྣང་བ་མངོན་དུ་བྱེད་པའི་འཇུག་སྒོ་དང་། རྨི་ལམ་སྦྱང་བ་རྨི་ལམ་གྱི་འཇུག་སྒོ་དང་། འོད་གསལ་དང་སྤྲུལ་བསྒྱུར་ལ་གོམས་པར་བྱས་པས། སྲིད་པ་བར་དོར་སྣང་བ ༄༅། །སྤྲུལ་བསྒྱུར་ལས་སྤྲུལ་སྐུའི་ཞིང་ཁམས་རྣམ་པར་དག་པ་འཕྲུལ་ཞིང་བར་དོའི་སྣང་བ་བསྒྱུར་བ་ལ་གོམས་པར་བྱ་བ་ཡིན་ནོ། །གཉིས་པ་ནི། སྒོའི་རྣམ་གྲངས་བཤད་པ་དེ་དག་ལས། སྐབས་འདིར་བྱེ་བྲག་ཏུ་བཤད་པར་བྱ་བ། སྐུ་དང་ཡེ་ཤེས་ཀྱི་སྣང་བ་མངོན་དུ་བྱེད་པའི་སྒོ་ལ། གནས་ལུགས་གཞིའི་སྒྲོན་མ་དང་། རྣལ་འབྱོར་ལམ་གྱི་སྒྲོན་མ་གཉིས་ལས། དང་པོ་ལ། སྣོད་ཀྱི་སྒྲོན་མ་རྣམ་པ་གསུམ་ནི ལུས་ཀྱི་དྭངས་མ་ཙིཏྟ་ཤའི་སྒྲོན་མའི་སྦུབས་སུ་རྩའི་དྭངས་མ་ཀ་ཏི་ཤེལ་གྱི་སྦུ་གུ་ཅན་ཞེས་པ་རྟ་རྔ་བརྒྱད་དུ་གཤགས་པའི་ཆ་གཅིག་ཙམ་པ་ཡལ་ག་གཉིས་ཀྱི་རྩ་བ་གཅིག་པ་སྙིང་དབུས་སུ་ཟུག་པའི་ཡལ་ག་བ་མེན་གྱི་རྭ་ལྟར་རྣ་ལྟག་གཉིས་ནས་གུག་སྟེ། མིག་གི་ཨ་འབྲས་སུ་ཟུག་པའི་རྩ་བ་སྙིང་སྡོང་པོ་རྩ། འབྲས་བུ་མིག་སྟེ་སྒོའི་དྭངས་མ་རྒྱང་ཞགས་ཆུའི་སྒྲོན་མ་ཞེས་བྱ་བ་ཡིན། དེ་གསུམ་ལ་མིང་གསུམ་དུ་བརྗོད་ཀྱང་རྩ་བ་དང་སྡོང་པོ་འབྲས་བུའི་ཁྱད་པར་ཙམ་ལས་དོན་གཅིག་ཏུ་འདུ་བའི་ཕྱིར་ལམ་གྱི་གནས་སྐབས་སུ་རྒྱང་ཞགས་ཆུའི་སྒྲོན་མ་ཞེས་བརྗོད་དོ། །སྣང་བ་མཐོང་ཚུལ་ནི། འོད་རྩའི་ཆ་དེའི་འོད་སྣང་མཐོང་བས་རྒྱང་ཞགས་དག་པ་ཆུའི་སྒྲོན་མ་དང་། དབང་པོའི་རྟེན་གྱི་ ཆ་དེས་འཁྲུལ་སྣང་མཐོང་བས་རྒྱང་ཞགས་མ་དག་པ་ཆུའི་སྒྲོན་མ་ཞེས་བྱ་བར་གནས་སོ། །ངེས་ཚིག་ནི། རྒྱང་རིང་པོའི་གཟུགས་དང་ཁ་དོག་དང་། རིག་པའི་སྐུ་མཐོང་ཞིང་འཛིན་པར་བྱེད་པས་དང་། དྭངས་མའི་འོད་གསལ་དེ་ཉིད་རྟོགས་ན་འཁོར་བ་དང་། མ་རྟོགས་ན་མྱང་འདས་རྒྱང་རིང་དུ་འཕེན་པས་རྒྱང་ཞེས་བྱའོ། །འཁོར་བའི་སྣང་ཆ་གཟུགས་དང་འདོད་ཡོན་སོགས་བདག་ཏུ་འཛིན་པས་འཆིང་བས་དང་། འོད་སྣང་གཡེངས་སུ་མི་འཇུག་པར་འཆིང་བས་ན་ཞགས་ཞེས་བྱའོ། །སྣང་བ་དྭངས་སྙིགས་འབྱེད་པའམ སྣང་བ་ལ་བདག་འཛིན་བྲལ་བས་ཆུ་ཞེས་བྱའོ། །འཁྲུལ་སྣང་དབང་པོའི་རང་སྒོར་གསལ་བས་དང་། རིག་པའི་ཡེ་ཤེས་གསལ་བས་ན་སྒྲོན་མ་ཞེས་བྱའོ། །བཅུད་ཀྱི་སྒྲོན་མ་རྣམ་པ་གསུམ་ལས། དང་པོ་དབྱིངས་རྣམ པར་དག་པའི་སྒྲོན་མ་ཞེས་བྱ་བའི་ཡིན་ལུགས་ནི འབྱུང་ལྔའི་སྙིགས་མ་དྭངས་མར་འཕོས་པས་འོད་ལྔ་སྟེ། དེ་ཡང་མཁར་སྣང་གི་དྭངས་མ་མཐིང་ག་དང་སྔོ་སྐྱ། ཆུར་སྣང་གི་དྭངས་མ་དཀར་པོ་དང་སྐྱ་བོ། མེར་སྣང་གི་དྭངས་མ་དམར་པོ་དང་ཁམ་པ། སར་སྣང་གི་དྭངས་མ་སེར་པོ་དང་སེར་སྐྱ་སེར་ནག །རླུང་སྣང་གི་དྭངས་མ་ལྗང་གུ་དང་མོག་པ་ལྗང་སྐྱ། དེ་དག་ནི ༄༅། །དང་པོ་མ་དག་པའི་སྣང་བ་ལ་ཁ་དོག་ཇི་ལྟར་སྣང་བ་དེ་བཞིན་དབྱིངས་སུ་འཕོས་པའི་ཚེ་ཡང་མ་ཆད་མ་ལྷག་པར་སྣང་བའོ། །དབྱིངས་སྣང་དེ་ལམ་པའི་གང་ཟག་གིས་མཐོང་ཚུལ་ནི། སེམས་མིག་དང་མིག་ནམ་མཁའ་རྐྱེན་བྲལ་ལ་མདུང་ཚུགས་སུ་གཏད་པས་དབྱིངས་སྣང་སྔོ་རིབ་ཀྱི་རྣམ་པར་མཐོང་བ་ཕྱི་དབྱིངས་ཏེ། དེ་ཡང་སྣང་ཚུལ་དབང་བཙན་དུ་བྱས་ན། ནམ་མཁའ་ནི་སྐྱེས་བུ་དང་མ་འབྲེལ་ལ། སྒྲོན་མ་སྐྱེས་བུ་ཡོད་མེད་ཀྱི་རྗེས་སུ་འགྲོ་ལྡོག་ངེས་པས། ཕྱིའི་ནམ་མཁའ་སྤྲིན་མེད་གོ་འབྱེད་འཆར་གཞིའི་ཆ་ཙམ་ལས དབྱིངས་དངོས་མ་ཡིན་ནོ། །དབྱིངས་ཏེ་འཇའ་འོད་ཀྱི་གུར་ཁྱིམ་དུ་གསལ་བ་ནང་གི་དབྱིངས་ཏེ།དེ་ལས་དེ་བྱུང་བ་ལྟ་བུ་ལས་ཐ་དད་པ་ནི་མིན་ནོ །དེ་ལྟ་བུའི་དབྱིངས་སྣང་དེ་དང་པོ་ཉི་མ དང་ཟླ་བ་མར་མེ་སོགས་ཀྱི་གཤིས་ལ་ཁ་དོག་སྣ་ལྔ་ཚང་བ་འཇའ་རིས་ཀྱིས་གང་བའི་ཟ་འོག་ཁ་ཕྱེས་པ་ལྟ་བུ་འཇའ་ཡི་སྣམ་བུ་གྱེན་བསྒྲེང་དང་རྩིབ་ཤར་གྱི་རྣམ་པར་སྣང་བ་ཡིན་ནོ། །ལས་དང་པོ་པས་ཟླ་བ་རེ་ཙམ་ལ་ཉིན་མོ་ཉི་མ་དང་མན་ཤེལ མཚན་མོ་ཟླ་བ་དང་། ནང་ནུབ་མར་མེ་ལ་བལྟས་པས་སྣང་བའི་རྟེན་བསྒྲིབས་ཏེ་འཆར་བ་ཡིན། དེ་ཡང་དང་པོ་འདར་འཕྲིག་གི རྣམ་པར་ཤར་བ་དང་། བར་དུ་ཇེ་བརྟན་དུ་སོང་ནས་མཐར་འགུལ་འཕྲིག་མེད་པར་གནས་པའི་དུས་སུ་དཀར་ཁུང་དང་གསལ་ལམ་ལ་བལྟས་ཏེ་འོད་སྣང་བཟང་ངན་གང་སྣང་ཡང་དེར་བཞག་པ་ལས་མཛེས་མི་མཛེས་སོགས་ཀྱིས་ཡིད་ཚིམ་པ་དང་མི་ཚིམ་པའི་སྐྱོན་སྤངས་ནས་ཕྱིའི་ནམ་མཁའ་སྟོང་པ་མ་ཡིན་པའི་སྐྱ་རིབ་སྔོ་རིབ་ཙམ་མཆེད་ཀྱང་བཟང་ངན་དང་བླང་དོར་མེད་པའི་ངང་ལ་བཞག་པ་གནད་དུ་ཤེས་པར་བྱའོ། །ངེས་ཚིག་ནི། འབྱུང་ལྔ་དྭངས་པའི་དབྱིངས་ཉིད་འོད་ལྔར་སྣང་བས་དབྱིངས་དང་། དངོས་ཞེན་དག་པས་རྣམ་པར་དག་པ་ལ་བརྟེན་ནས། རྡོ་རྗེ་ལུ་གུ་རྒྱུད་ཀྱི་སྣང་བ་གསལ་བས་ན་སྒྲོན་མའོ །ཐིག་ལེ་སྟོང་པའི་སྒྲོན་མ་ཞེས་བྱ་བའི་ཡིན་ལུགས་ནི་ནང་འབྱུང་ལྔ་པོ་དྭངས་མར་འཕོས་པས་དྭངས་མ་ལྔ་སྟེ། དེ་ཡང་སེམས་ཀྱི་དྭངས་མ་མཐིང་གར་འཕོས་པས་མཐིང་ག །ཁྲག་གི་དྭངས་མ་དམར་པོའི་ཁ་དོག་ཏུ་འཕོས་པས་དམར་པོ། དེ་བཞིན་དུ་ཤའི་དྭངས་མ་སེར་པོ། དྲོད་ཀྱི་དྭངས་མ་དཀར་པོ། དབུགས་ཀྱི་དྭངས་མ་ལྗང་གུར་སྣང་བའོ། །དྭངས་མ་ལྔ་པོ་དེ་མུ་ཁྱུད་ཅན་གྱི་རྣམ་པར་སྣང་བས་ཐིག་ལེ་སྟེ་དོན་ལ་ཟླུམ་པོ་གྲྭ་ཟུར་མེད་པ་ཞིག་ཡིན་ནོ། །མཐོང་སྣང་ནི་ཀོ་མོག་ཆུ་ལ་རྡོ་བོར་བའི་རི་མོའི་རྣམ་པ ༄༅། །ལྟར་སྣང་བ་ཡིན་ནོ །ངེས་ཚིག་ནི། མུ་ཏིག་ཕྲེང་བ་ལས། ཐིག་ནི་འགྱུར་བ་ཡོད་མ་ཡིན། །ལེ་ནི་ཁྱབ་ཅིང་ཡུལ་ལ་སྣང་། །སྟོང་པ་དངོས་པོ་མཚན་མ་མེད། །སྒྲོན་མས་མུན་སེལ་སྣང་བར་འགྱུར། །ཞེས་སོ། །དེ་ཡང་སྙིང་དབུས་ཀ་ཏི་ཤེལ་སྦུག་གི་ནང་ན་ཡོད་པ་ནང་གི་དབྱིངས་ཐིག་དང་། གཟིགས་སྟངས་ཀྱིས་གཅུན་པས་ཕྱིར་སྣང་བ གདངས་ཀྱི་དབྱིངས་ཐིག་སྟེ་གཉིས་སུ་བཞེད་དོ། །ཤེས་རབ་རང་བྱུང་གི་སྒྲོན་མ་ཞེས་བྱ་བའི་ཡིན་ལུགས་ནི ངོ་བོ་སྟོང་པ་རང་བཞིན་གསལ་བ་ཐུགས་རྗེ་འགགས་པ་མེད་པ་མཚོན་པའི་རིག་པ་བདེ་བར་གཤེགས་པའི་སྙིང་པོ་ཡེ་ནས་འབྲལ་མེད་དུ་གནས་པའི་སེམས་ཀྱི་ངོ་བོ་ཡེ་ཤེས་སོ། །དེ་སྣང་ཚུལ་ནི། རྒྱང་ཞགས་གཟིགས་སྟངས་ཀྱིས་གཅུན་པས་ནང་གི་རིག་པ་ཤིན་ཏུ་དྭངས་ལ་ཡུལ་མེད་པ་ཞིག་ཉམས་སུ་མྱོང་བ་ཡིན་ནོ །དེ་ལས་ཡུལ་ཤེས་ཀྱི་ཤེས་རབ་རྣོ་ལ་མྱུར་བ་དང་ཚིག་དོན་ཀློང་རྡོལ་དུ་འཆར་བ་ནི་དེའི་རྩལ་ཡིན་ནོ། །དེ་ལས་ལྷག་མཐོང་གི་རིག་པ་རྡོ་རྗེ་ལུ་གུ་རྒྱུད་ནི་དབྱིངས་རྣམ་པར་དག་པའི་ཀློང་དུ་མུ་ཏིག་བསྟར་ལ་བརྒྱུས་པའམ་གསེར་གྱི་སྐུད་པ་ལྡིང་བ་ལྟར་སྣང་བ་ལ་ཤེས་རབ་ཀྱི་གདངས་ཞེས་བྱ་སྟེ། དེ་ཡང་རྩ་གནད་ཀྱིས་གྲོལ་ བའི་རྟགས་སུ་ཕྲ་ཞིང་འཁྱོགས་པ། རླུང་གནད་ཀྱིས་གྲོལ་བའི་རྟགས་སུ་འགྲོ་འོང་དུ་སྣང་བ། ཐིག་ལེའི་གནད་ལ་བརྟེན་ནས་གྲོལ་བའི་རྟགས་སུ་འཁྱོགས་མཚམས་སུ་ཐིག་ལེ་ཡོད་པ། རྒྱུ་མིང་འབྲས་བུ་ལ་ཆགས་པས་མིང་ལའང་རྡོ་རྗེའི་ལུ་གུ་རྒྱུད་ཅེས་བྱའོ། །དེ་ཡང་དང་པོའི་གནས་སྐབས་དང་བར་དུ་མུ་ཏིག་བསྟར་ལ་བརྒྱུས་པ་ལྟ་བུ་དང་། མཐར་དྲྭ་བ་དང་དྲྭ་ཕྱེད་ཀྱི་རྣམ་པར་འཆར་བ་ཡིན་ནོ། །དེ་རྣམས་ནི་ངོ་བོ་གཅིག་ལ་ལྡོག་པ་གསུམ་གྱིས་དབྱེ་བའོ། །ངེས་ཚིག་ནི། མུ་ཏིག་ཕྲེང་བ་ལས། ཤེས་པས་ཆོས་རྣམས་གཅིག་ཅར་རྟོགས།།རབ་ནི་ཀུན་གྱི་རྩེ མོར་གྱུར། །རང་ནི་གཞན་ལྟས་ཆོས་དང་བྲལ །བྱུང་བས་མ་བཀག་ལྷུག་པར་སྣང་། །སྒྲོན་མས་འཆར་བྱེད་སྒོ་མ་འགགས། །ཞེས་སོ། །གཉིས་པ་འཆར་བ་ལམ་གྱི་སྒྲོན་མ་བཞི་ནི རྒྱང་ཞགས་ཆུའི་སྒྲོན་མ། དབྱིངས་རྣམ་དག་གི་སྒྲོན་མ། ཐིག་ལེ་སྟོང་པའི་སྒྲོན་མ། ཤེས་རབ་རང་བྱུང་གི་སྒྲོན་མ་དང་བཞི་སྟེ། རྣལ་འབྱོར་པའི་ལམ་གྱི་གནས་སྐབས་སུ་སྒྲོན་མ་རྣམ་པ་བཞི་གནད་གཅིག་ཏུ་དྲིལ། མདོ་གཅིག་ཏུ་བསྡུས་ཏེ་ཉམས་སུ་ལེན་པ་ལ་བརྩོན་པར་བྱ་དགོས་སོ། །གསུམ་པ་སྐབས་འདིའི་ཤེས་བྱའི་གཙོ་བོ་ངོས་བཟུང་བ་ནི། སྔར་ཁྲེགས་ཆོད་ཀྱི་སྐབས་སུ་གཞི་ ༄༅། །གཏན་ལ་དབབ་པའི་ཚེ་ཤེས་པ་དང་པོ་མ་དག་པ་ཡུལ་གྱི་རྣམ་པར་མཆེད་པ་རྣམ་པར་རྟོག་པ་ཕྱི་མས་ཉེ་བར་བླངས་ནས་འཁྲུལ་པ་ཡིན་པའི་ཚུལ་ཇི་ལྟ་བ་བཞིན་དུ་ཤེས་པར་བྱས་ནས། ད་ཐོད་རྒལ་ཉམས་སུ་ལེན་པའི་སྐབས་ཤེས་པ་དང་པོ་འོད་གསལ་གྱི་སྣང་བ་རུ་གོ་འཕོས་ཏེ་ཤེས་པ་རང་གིས་མངོན་དུ་བྱས་པས། མ་དག་པའི་སྣང་བ་དབྱིངས་སུ་ཞིག་པ་ལས་རྗེས་ལྷག་མེད་ཀྱང་ཉོན་ཡིད་ཀྱི་ཤེས་པས་ཡོད་པར་བཟུང་བ་ཙམ་ལས་མ་དག་པའི་བསྐལ་པ་ཞིག་ནས་ཡུལ་མེད་དུ་སོང་བའི་ངང་ཤེས་པ་ཐོད་རྒལ་གྱི་གནད་དམ་པ་མེད་དུ་མི་རུང་བའོ། །བཞི་པ་སྒོ་གསུམ་གྱི་གནད་བསྟན་པ་ནི།ལྐོག་གྱུར་གྱི་མུན་སྒོམ་དང་བློ་ཡིད་ཀྱིས་བཅོས་པ་ལྟ་བུ་མ་ཡིན་པར་ཤེས་རབ་ཀྱི་མིག་གིས་འོད་གསལ་གྱི་ཆོས་ཉིད་མངོན་སུམ་དུ་མཐོང་བར་བྱེད་པ་ལ། དང་པོ་ལུས་འདུག་སྟངས་ཀྱི་ཆིངས་ཀྱིས་མ་བཅིངས་ན་དབྱིངས་དང་ཐིག་ལེ་རླུང་གི་ཆ་དང་བཅས་པ་ལུས་ཀྱི་རྩ་ཁམས་ཐམས་ཅད་དུ་འཐོར་ནས་མངོན་དུ་མི་འགྱུར་བ་ནི་དཔེར་ན་སྦྲུལ་མ་གཅུས་ན་རྐང་ལག་མི་མངོན་པ་ལས་གཅུས་ན་སྣང་བ་བཞིན་དུ་བཞུགས་སྟངས་ཤིན་ཏུ་གལ་ཆེ་བ་ཡིན་ནོ། །དེ་ལ་དང་པོ་ཆོས་སྐུའི་བཞུགས་སྟངས་སེངྒེ་ལྟ་བུ་ནི ལུས་སེང་གེའི་འདུག་སྟངས་རྐང་པ་གཉིས་ཀྱི མཐིལ་སྤྲད་དེ་མདུན་སར་བཞག་པའི་ནང་དུ་རྡོ་རྗེའི་ཁུ་ཚུར་ས་ལ་བཙུགས་ཏེ་སྟེང་གི་ནམ་མཁར་གྱེན་དུ་བལྟ་བ་ནི་ཆོས་སྐུའི་བཞུགས་སྟངས་དང་གཟིགས་སྟངས་ཡིན། དེ་ཡང་རྐང་མཐིལ ཁ་སྦྱར་བས་ཉོན་མོངས་པའི་རླུང་རང་མལ་དུ་སྡོམ རྡོ་རྗེའི་ཁུ་ཚུར་སར་སྦུབས་པས་ཉོན་མོངས་པའི་རྒྱུ་ལམ་གཅོད ལྟ་སྟངས་གྱེན་དུ་གཟིར་བས་ཡེ་ཤེས་ཀྱི་མཐོང་ཕྱེ་བའི་དགོས་པ་ཡོད དོ། །ལོངས་སྐུའི་བཞུགས་སྟངས་གླང་ཆེན་ཉལ་བ་ལྟ་བུ་ནི པུས་མོ་དང་གྲུ་མོ་སར་བཙུགས་ཏེ་ལག་མཐིལ་གཉིས་ཀྱིས་འགྲམ་པ་བཏེགས།རྐང་མཐིལ་གཉིས་ཕྱིར་བསྟན་ཏེ་ལྟ་སྟངས་ཐད་དྲང་དུ་ལྟ་བ་ཡིན་ནོ། །དེ་ཡང་རྐང་མཐིལ་གཉིས་ཕྱིར་བསྟན་པས་རླུང་བདེ་ལུགས་སུ་རྒྱུ པུས་བྲང་སྦྱར་བས་ཚ་གྲང་ཆ་སྙོམས། ཚིག་བཞི་སར་བཙུག་པས་མ་དག་པའི་སྒོ་འཕར་འགོག །ལག་མཐིལ་གྱིས་འགྲམ་པ་བཏེགས་པས་བདེ་སྟོང་ཆ་སྙོམས གཟིགས་སྟངས་ཐད་ཀར་བཞག་པས་ཡེ་ཤེས་རང་གསལ་བའི་དགོས་པ་ཡོད་དོ། །སྤྲུལ་སྐུའི་བཞུགས་སྟངས་དྲང་སྲོང་ཙོག་པུ་ནི། རྐང་མཐིལ་གཉིས་སར་ཕབ པུས་བྲང་སྦྱར། ལག་གཉིས་པུས་མོར་བཀབ་པའི་སོར་མོ་རེའུ་མིག་ལྟར་བསྣོལ རྒལ་པ་དྲང་པོར་བསྲང་ནས་ལྟ་སྟངས་ཐུར་དུ་ ༄༅། །ཕབ་པའོ། །དེ་ཡང་རླུང་གི་རྩལ་ནོན་པའི་ཕྱིར་རྐང་མཐིལ་རླུང་གི་དཀྱིལ་འཁོར་གནོན། བརླ་དང་ཕོ་བ་མེའི་དཀྱིལ་འཁོར་གཉིས་ཁ་སྦྱོར་བས་མ་དག་འཁོར་བའི་རླུང་རང་མལ་དུ་གསོད། པུས་མོ་ཆུའི་དཀྱིལ་འཁོར་དང་ལག་མཐིལ་མེའི་དཀྱིལ་འཁོར་གཉིས་ཁ་སྦྱར་བས་ཚ་གྲང་ཆ་སྙོམས། ཡང་ལག་མཐིལ་དང་མཆན་ཁུང་མེ་ཡི་འཁོར་ལོ་གཉིས་ཁ་སྦྱར་བས་གྲང་བའི་ནད་སེལ ལྟ་སྟངས་ཐུར་དུ་ཕབ་པས་ཀུན་གཟིགས་ཀྱི་སྤྱན་དབྱེ་བ་ཡིན་ཙམ་ལས་མ་གསུངས་ཀྱང་ཐད་དྲང་གིས་མཐོང་ཡང་ཀུན་མཁྱེན་གྱི་སྤྱན་ཕྱེ། གྱེན་ཟློག་གིས་མཐོང་ཡང་ཀུན་ཁྱབ་ཀྱི་སྤྱན་ཕྱེ་བས་ཁྱད་པར་མེད་གསུངས། ལྔ་པ་གནད་གསུམ་གྱིས་འོད་གསལ་ལ་ལྟ་བའི་ཚུལ་ལ འཆར་བྱེད་སྒོའི་གནད་ནི མིག་ཕྱེད་བཙུམ་གྱིས་བལྟ་བ་ལས་ཧར་གྱིས་ཕྱེས་ཏེ་བལྟས་པས མིག་གི་རྣོ་ཉམས་ཤིང་འོད་གསལ་གྱི་སྣང་བ་མངོན་དུ་མི་འགྱུར་བས་མིག་གཅེར་གྱིས་བལྟ་བར་མི་བྱའོ། །རླུང་གི་གནད་ནི་མཆུ་སོ་བག་ཙམ་མ་རེག་པའི་༢ བར་ནས་རླུང་འབྱུང་འཇུག་དལ་བ་ལ་བསླབ་པ་དང་། ཡུད་ཙམ་ཕྱི་རུ་འདུ་བར་བྱ་བའོ། །འཆར་གཞི་ཡུལ་གྱི་གནད་ནི། དང་པོ་ཟླ་བ་རེ་ཙམ་དུ་ཉིན་མོ་ཉི་མ་ལ་ཁྲུ་གང་མ་རེག་པའི་སར་ བལྟ་བ་དང་། མཚན་མོ་ཡང་ཉིན་མོ་མིག་ལ་ཚ་བ་འཕེལ་བའི་སྐྱོན་བསལ་བ་དང་། འོད་གསལ་ལ་བརྟན་པ་ཐོབ་པའི་ཕྱིར་ཟླ་བ་ལའང་དེ་བཞིན་དུ་བལྟ་བ་དང་། མཚན་མོ་མར་མེའི་སྟེང་དུ་མིག་ཕྱེད་བཙུམ་གྱིས་བལྟས་པས དང་པོ་དམར་སེར་རྩྭའི་ཆུན་པོ་གཤིབ་པ་ལྟ་བུ་ལས་མི་མཐོང་བར་དུ་དབྱིངས་སྣང་དང་ཐིག་ལེ་འགུལ་འཕྲིག་གི་རྣམ་པར་འཆར་བ་ཡིན། ཐ་མ་ནི་དབྱིངས་སྣང་མཛེས་ཤིང་དྭངས་པ་གསལ་བ་རྒྱ་ཆེ་བར་སྣང་བ་ཡིན་ནོ། །དྲུག་པ་མི་འགུལ་བ་གསུམ་གྱིས་གཞི་བཅའ་བའི་ཚུལ་ནི། དེ་ལྟར་ཉམས་སུ་ལེན་པའི་ཚེ། ལུས་མི་འགུལ་བ་དུར་ཁྲོད་ཀྱི་མི་རོ་ལྟ་བུར་སྡོད་པ་དང་། ངག་མི་འགུལ་བ་སྨྲ་བརྗོད་དང་བཟླས་པ་ཐམས་ཅད་སྤངས་ཏེ་རླུང་སྣ་ནས་མི་གཏོང་བར་ཁ་ནས་དགག་སྒྲུབ་མེད་པར་དལ་གྱིས་བཞག་པ་ནི་རྩ་རླུང་འཛིན་རྩོལ་དང་བྲལ་བའི་གནད་ལ་བརྟེན་པ་དང་། སེམས་མ་བཅོས་པར་ཤེས་པ་འོད་གསལ་དུ་མཆེད་པ་མངོན་དུ་བྱེད་པའི་ངང་ལས་མི་འགུལ་བར་སྡོད་པའོ། །སྤྱིར་གནས་གང་དུ་འདུག་ཀྱང་ལུས་དྲང་པོར་བྱས་པས་རྩ་རླུང་ཐམས་ཅད་དྲང་ཞིང་སེམས་རིག་སྟོང་དུ་དེངས་ནས་ངང་བརྟན་པར་བྱེད་པའོ། །བདུན་པ་ཇི་ལྟར་ཉམས་སུ་ལེན་པའི་ཚུལ་ནི སྤྱིར་རྒྱུད་འགྲེལ་གཞན ༄༅། །རྣམས་ལས་བཞུགས་སྟངས་ཀྱང་གསུམ་ཙམ་དུ་མ་ཟད་