Tibetan
གྱི་དྲེགས་ཚོགས་ཐམས་ཅད་རཱུ་ཏྲའི་གསང་གསུམ་ལ་བརྟེན་ནས་སྣང་བ་ཡིན་པའི་ཚུལ་ལ་དགོངས་པའོ། །འདི་ལ་ཡང་དབྱེ་ན། ནམ་མཁའི་གར་ཁྱབ་ཀྱི་སྣོད་ཀྱི་འཇིག་རྟེན་འདི་དག་ཕྱི བདག་ལྟའི་རཱུ་ཏྲ་སྟེ དེའི་གཉེན་པོར་བསྐྱེད་རིམ་གྱི་སྐབས་སུ་སྤྲུལ་པའི་འོད་ལས་གྲུབ་པའི་ཞིང་ཁམས་སུ་སྦྱོང་བ་དང་། ནང་གི་གནས་ཁང་དང་ལོངས་སྤྱོད་ལུས་དང་བཅས་པ་རུ་འཛིན་པ ནང་བདག་ལྟའི་རཱུ་ཏྲ་སྟེ། དེའི་གཉེན་པོར་གཞལ་ཡས་ཁང་དང་ལྷ་བསྒོམ་པའོ །དུས་དང་རྣམ་པ་ཀུན་ཏུ་ང་ཞེས་བདག་སྣང་བའི་ཤེས་པ་བག་ལ་ཉལ་བ་རྒྱ་དང་རྒྱུན་མི་ཆད་པ་ནི་གསང་བ་བདག་ལྟའི་རཱུ་ཏྲ་སྟེ་འཁོར་བའི་སྣང་སེམས་ཐམས་ཅད་ཀྱི་སྤུན་ཐག་གོ །དེའི་གཉེན་པོ་རུ་ལྷའི་ང་རྒྱལ་བརྟན་པོ་བཟུང་བ་ཡིན་ནོ། །འདིའི་གནད་མ་ཤེས་ན་བསྐྱེད་བསྒོམ་བཟླས་པ་ཡུན་རིང་དུ་བྱས་ཀྱང་སངས་མི་རྒྱ་བས་དོན་འདི་ཚུལ་བཞིན་རྟོགས་ནས་བསྙེན་སྒྲུབ་ལ་འཇུག་པ་ནི་གསང་སྔགས་ཀྱི་རིང་ལུགས་མ་ནོར་བའོ། །ལྔ་པ་ནི། བདག་མེད་ནས། རོལ་པར་ཞི༔ ཞེས་གསུངས་ཏེ། ཤེས་བྱ་ཐམས་ཅད་བདག༷་མེད་པའི་རང་བཞིན་དུ་རྟོགས་པའི་ཤེས༷་རཱིག་རྡོ་རྗེ༷་རྣོན༷་པོ༷་དོན་གྱི་དཔལ་ཆེན་པོ་ཧེ་རུ་ཀ་པ་ཡི༷་ཤུག༷ས་དང༷་རླབ༷ས་ཀྱིས་གཉིས་འཛིན་བདག་ལྟའི་རཱུ་ ༄༅། །ཏྲ་བདག་མེད་པའི་རང་བཞིན་དུ་བསྒྲལ༷་ནས༷་ལྷུན་གྲུབ་དག༷་པ་ཆེན་པོའི་དབྱིང༷ས་སུ༵་དྭང༷ས་མ༷་སྐུ་དང༷་ཡེ༵་ཤེས༷་ཀྱི་རང་བཞིན་ཆེན་པོར༷་མངོན་སུམ་དུ་གྱུར་པས། ཡུལ་ལྟར་སྣང་བའི་འཁོ༵ར་བ༷་མ༷་སྤང༷ས་སང༷ས་རྒྱས༷་ཉིད༷་དུ་གྲོལ༷་བ་དང་། ཡུལ་ཅན་ལྟར་སྣང་བའི་བདག༷་ལྟ་མ༷་སྤང༷ས་ལྷུན༷་གྲུབ༷་སྐུ་དང་ཡེ་ཤེས་ཀྱི་རོལ༷་པར༷་ཞི༷་བ་སྟེ། རྒྱུ་བདག་ལྟ་དང་དེས་བསྐྱེད་པའི་འཁོར་བའི་སྣང་སེམས་ཐམས་ཅད་ཐག་ཁྲ་ལ་སྦྲུལ་དུ་འཁྲུལ་པ་ལྟར་བློ་ནོར་བའི་རྣམ་རྟོག་ཙམ་ལས་དོན་དུ་གྲུབ་པ་མེད་པས་སྤངས་པ་ཡང་མེད་པའི་དོན་རྟོགས་པ་དང་། གཞིར་གནས་ཀྱི་སྐུ་དང་ཡེ་ཤེས་མངོན་དུ་གྱུར་པ་གཉིས་དུས་མཉམ་པའོ །དེ་ལྟར་ན་སྔོན་ཚེ་དཔལ་ཆེན་པོས་རཱུ་ཏྲ་བསྒྲལ་ཚུལ་གསུངས་པ་དེ་ཡང་རྣམ་པ་འཁོར་བའི་སྒོ་དང་བསྟུན་ནས་བསྒྲལ་བྱ་སྒྲོལ་བྱེད་གཉིས་ཅར་གཟུགས་སུ་བཅོས་པའམ་ཚུར་མཐོང་གི་ངོར་སྣང་ཙམ་དུ་ཤར་བ་ལས་སངས་རྒྱས་རང་ངོས་ནས་འདི་བཞིན་ཡིན་པར་ཤེས་དགོས་སོ། །ལེའུའི་སྐབས་དོན་བསྡུ་བ་ནི། ཤེས་རིག་རྡོ་རྗེ་ནས། རང་གྲོལ་གྱི་ཚུལ་བསྟན་པའི་སྐབས་ཏེ་ལྔ་པའོ༔ ༈ བཞི་པ་རྒྱུད་དོན་བདེ་བླག་ཏུ་རྟོགས་ཤིང་གྲོལ་བ་མངོན་དུ་གྱུར་པའི་ཕྱིར་སྨོན་ལམ་གདབ་པ་ནི། གཞི་དབྱིངས་ནས། དམ་བཅའ་བཞག༔ ཅེས་གསུངས་ཏེ། དེ་ཡང་སྐབས་གཞན་དུ་འཁོར་གསུམ་བདེན་མེད་དུ་རྟོགས་པའི་ཤེས་རབ་ཀྱིས་ཟིན་པའི་དགེ་རྩ་ཆེ་ཕྲ་ཐམས་ཅད་སངས་རྒྱས ཀྱི་རྒྱུར་བཞེད་པ་ལྟར། འདིར་ཡང་ཆོས་ཐམས་ཅད་ཀྱི་གནས་ལུགས་མཐར་ཐུག་པ་གཞི་དབྱིང༷ས་བདེ་བར་གཤེགས་པའི་སྙིང་པོ་ནི་དོན༷་གྱི༷་སང༷ས་རྒྱས༷་དངོས་ཏེ། དེའི་ཡིན་ལུགས་ཚུལ བཞིན་རྟོགས་ནས་མངོན་དུ་གྱུར་པའི་ངང་དུ་མཉམ་པར་འཇོག་པ་རབ། དེ་ལྟར་མི་ཤེས་པ་རྣམས་ཀྱིས་ཀྱང་མདུན་གྱི་ནམ་མཁར་རྩ་གསུམ་ཞི་ཁྲོའི་ལྷ་ཚོགས་གསལ་བཏབ་པ་སྨོན་ལམ་འགྲུབ་པའི་དཔ༷ང་དུ་བཙུག༷་སྟེ དེ་དག་གི་སྤྱན་སྔར་རྒྱུད་དོན་རྣམས་ཡིད་ཀྱིས་སྨོན་ཞིང་ཚིག་གི་ལམ་དུ་དྲངས་ཏེ་བསམ་པ་རང་དོན་ཡིད་བྱེད་དང་སྦྱོར་བ་ངག་འཁྱལ་བྲེ་མོའི་གཏམ་དང་མ་འདྲེས་པས། རྣམ༷་པར་དག༷་པ་བརྗོད་པས་གནས་སྐབས་སུ་ཉམས་རྟོགས་ཀྱི་ཡོན་ཏན་སྔར་མེད་གསར་དུ་སྐྱེ་བ་དང་། ཅུང་ཟད་སྐྱེས་པ་རྣམས་ཀྱང་གོང་ནས་གོང་འཕེལ་དུ་འགྲོ་བའི་སྟོབ༷ས་བསྐྱེད༷་ནས༵། རྣམ༷་པ་ཐམས་ཅད་མཁྱེན༷་པ་སང༷ས་རྒྱས༷་ཀྱི་ས༷་རུ༷་འགོད་པའི་དམ༷་བཅའ༷མ་ས་བོན་བཞག༷་པ་ཡིན་པས་མཐར་ཐུག་སངས་རྒྱས་འགྲུབ་པ་གདོན་མི་ཟ་བར་ངེས་པས། ཐུན་མཚམས་ ༄༅། །རྣམས་སུ་འདིའི་སྨོན་ལམ་ཟུར་དུ་བཞུགས་པ་ཡང་མི་ཆག་པར་གདབ་དགོས་སོ། །ལྔ་པ་ཚེ་འདིར་གྲུབ་མཐའ་མ་སྙོགས་ན་འདའ་ཀ་མའི་མན་ངག་སོགས་ལ་བརྟེན་པ་ནི། དུས་ཀུན་ནས། མཆོག་ཏུ་གཅེས༔ ཞེས་གསུངས་ཏེ། ཚེ་འདིར་ཀ་དག་ཁྲེགས་ཆོད་དང་ལྷུན་གྲུབ་ཐོད་རྒལ་གྱི་གསེང་ལམ་ནས་འཕོ་ཆེན་དང་འཇའ་ལུས་དྭངས་མར་གྲོལ་ནུས་པ་རྣམས་ལ་འདི་མི་དགོས་ཀྱང་། དེ་ལྟ་བུའི་གྲུབ་མཐའ་མ་སྙོགས་པ་རྣམས་འཆི་བའི་ཚེ སྐུ་དང་ཡེ་ཤེས་ལ་འཇུག་པ་འོད་གསལ་སྦུབས་འཇུག་གམ། ཡུལ་དང་གནས་ལ་འཇུག་པ་འཕོ་བའི་གདམས་པ་ལ་སྦྱངས་པ་དང་གཉིས་ལས དང་པོ་ནི། སེང་གེའི་ཉལ་ལུགས་ལ་གནས་པས་ཤེས་པ་མིག་ལ་གཏད། མིག་དབྱིངས་རིག་ལ་གཏད་ནས་ཀ་དག་གི་ངང་ལ་སྤྲོ་བསྡུ་མེད་པའི་ངང་ནས་འཚོ་བའི་འདུ་བྱེད་བཏང་བས་སྐད་ཅིག་མར་གྲོལ་བར་འགྱུར་རོ། །གཉིས་པ་ནི རླུང་ཐ་མ་ཕྱིར་འགྲོ་དུས་སྙིང་ག་ན་རིག་པ་ཨ་དཀར་པོ་ཞིག་ཏུ་བསམ་ལ་ཚངས་བུག་ནས་རྒྱང་གིས་སོང་བར་བསམ་པའི་མོད་ལ་ཧིག་ཉི་ཤུ་རྩ་གཅིག་བརྩེགས་མར་བརྗོད་པས་གྲོལ་ལོ། །འདི་དག་ནི་ད་ལྟ་ནས་འབྱོངས་པ་གལ་ཆེ་བས ཐུན་མཚམས་ཀྱི་དུས༷་ཀུན་ཏུ ནམ་མཁའ་དྭངས་པའི་ཚེ་རིག་པ་དབྱིངས་སུ་གཏད་དེ་བདག་ངེས་པར་འཆི་བའི་དུས་ལ་བབས་པ་ཡིན་པས་སྤྲོས་པ་མེད་པའི་ཀློང་དུ་མྱ་ངན་ལས་འདའ་བར་བྱའོ་སྙམ་དུ་དབུགས་ཕྱིར་འཕངས་པའི་ཕྱི་ལ་ཤེས་པ་གཏད་མེད་དུ་འཇོག་པ་སྟེ་འདི་ལ་ཡང་ཡང་སྦྱངས་པ་དང༷་གོམས་པར་བྱེད་པ་ནི༷་ཤིན་ཏུ་མྱུར་བའི་ལམ་མོ། །ཤེས་བྱ་བུམ་པར་བསྡུ་བ་ནི མཚན་མོ་ལ་ཆ་གསུམ་དུ་བྱས པའི་སྲོད་ལ་དྲང་སྲོང་གི་འདུག་སྟངས་དང་བཅས་དབང་པོ་གནད་དུ་བསྡུ་བ་ནི ལྟེ་བར་པདྨ་དམར་པོ་འདབ་བཞིའི་སྟེང་དུ་ཨ་ཐུང་དམར་པོ་རེག་བྱ་ཚ་བ་ལས་མེ་འབར། དབུ་མ་ནས་ཡར་སོང་། སྤྱི་བོའི་ཧཾ་ཡིག་ལ་ཕོག་པས་ཐིག་ལེའི་ཐིག་པས་མེའི་གསོས་བྱས། ཤིན་ཏུ་འབར། ལས་དང་བག་ཆགས་བསྲེགས། བདེ་སྟོང་གི་ངང་ལ་བཞག་པའོ། །གཉིད་འོད་གསལ་དུ་སྦ་བ་ནི། སྙིང་གའི་དབུས་སུ་ཨ་དཀར་ཤེལ་གྱི་ཕྲེང་བ་བརྒྱུས་པ་ལྟ་བུ་གཅིག་ལ་གཅིག་ཐིམ་གྱི་རྐྱེན་ལས་དབུ་མའི་ནང་རྒྱ་དཀར་ལ་ཉི་ཞུར་གསལ་བ་ལྟར་བསྒོམ་སྟེ། དེ་ལྟ་བུ་ཡི༷་མཱན་ངག་གི་གན༷ད་ཁྱད་པར་ཅན་ལ༷་བསླབ༷་པ༷་མཆོ༷ག་ཏུ་གཅེས་སོ། །བརྒྱད་པ་རྫོགས་པ་ཆེན་པོའི་ཐུན་མོང་མ་ཡིན་པའི་ཆོས་ཤན་འབྱེད་ཀྱི་འཕྱོངས་བསྟན་པ་ལ། ཐོས་བསམ་གྱིས་སྒྲོ་འདོགས་གཅོད ༄༅། །ཚུལ། སྒྲོ་འདོགས་ཆོད་ནས་ཉམས་སུ་ལེན་དགོས་པར་གདམས་པའོ། །དང་པོ་ནི། ཀུན་གཞི་ནས། རྟོགས་པར་ངེས༔ ཞེས་གསུངས་ཏེ། ཀུན་གཞི་དང་ཆོས་སྐུའི། ཡིད་དང་ཤེས་རབ་ཀྱི། སེམས་དང་རིག་པའི། རྣམ་ཤེས་དང་ཡེ་ཤེས་ཀྱི། གྲོལ་བ་དང་འཁྲུལ་པའི། གོ་བ་དང་རྟོགས་པའི་ཤན་འབྱེད་དེ་དྲུག་ལས། དང་པོ་ལ་གཉིས་ལས། ཀུན་གཞི་ནི་ཤིན་ཏུ་ཕྲ་ཞིང་དཔྱོད་མི་འཇུག་པའི་ངར་འཛིན་ཕྲ་བ་གཅིག་སྐྱེས་པ་མ་རིག་པ་སྟེ་མུན་པ་ལྟ་བུ། གདོད་མའི་ཡེ་གཞི་ནམ་མཁའ་ལྟ་བུ་སྟེ། དེ་དག་ལྷན་གཅིག་དུས་འཛོམ་པའི་ཚེ་དྲན་མེད་སྟོང་ཧད་དེ་བ། གཉིད་འཐུག་དང་བརྒྱལ་བའི་གནས་སྐབས་ལྟ་བུ་ནི་ཀུན་གཞི་མཚན་ཉིད་པ་དང་། འཕྲལ་གསལ་གྱི་ཀུན་གཞིའི་རྣམ་ཤེས་ནི་སྟོང་པའི་ངང་དུ་སང་ངེར་བཞག་ནས་བསྒོམ་པས་འགྱུ་དྲན་གྱི་རྟོགས་ཚོགས་གོ་འགགས་པས་སྟོང་གསལ་གྱི་ལེ་བ་ཞིག་འཆར་བའོ། །གཉིས་པ་ཆོས་སྐུ་ནི། ཀུན་གཞི་གཉིས་ཀྱི་དབྱིངས་ལུང་མ་བསྟན་དུ་མ་སོང་བར་མངོན་དུ་གྱུར༷་པ་ནི་ཆོས་སྐུ་ཀུན༷་ཏུ་བཟ༵ང་པོ་སྟེ། དེ་ཡང་བེམ་སྟོང་ཧད་དེ་བ་མ་ཡིན་པར། མ་བཅོས་རང་བབས་སུ་བཞག་པས་རང་གྲོལ་བ། ཤེས་རབ་ཆེན་པོས་རང་གསལ་བ། གདངས་རྩལ་གྱི་གོ་མ་འགགས་པ། ཡུལ་ལ་མི་འཇུག་པ་དང་ལྡན་པ་ནི་རྒྱུ་ཡི་ཆོས་སྐུ་དང་། དེ་ལྟར་བཅོས་སུ་མེད་པ་དེ་ཡང་ངང་གིས་དྭངས་ནས་རང་བྱུང་དབུས་མཐའ་དང་བྲལ་བའི་དབྱིངས་སུ་གཉིས་མེད་ཆེན་པོར་འབྱམས་ཀླས་པ་མཁྱེན་གཟིགས་ཀྱི་ཡེ་ཤེས་ཆེན་པོའི་གཏིང་གསལ་ཏེ་སངས་རྒྱས་པའི་མཚན་ཉིད་ཐམས་ཅད་མངོན་དུ་གྱུར་པ་ནི་འབྲས་བུའི་ཆོས་སྐུའོ།། དང་པོ་ནི། ངོ་བོའི་ངང་ལ་ཤེས་པས་ལམ་བྱེད་པ་དང་།གཉིས་པ་དེ་གཉིས་ཀ་འབྲས་བུ་ཆེན་པོས་བསྲེགས་ཏེ་དེ་ཉིད་དུ་འབྱམས་ཀླས་པའོ། །གཉིས་པ་ལ་ཡང་ཡིད་དང་ཤེས་རབ་གཉིས་ལས། དང་པོ་ནི། ཤེས་རབ་ཀྱི་གདངས་རྩལ་ཀུན་གཞིས་བསྒྲིབས་པ་ལས་བྱུང་བ་ཡིན་ཏེ།གདངས་སམ་ཡིད་རྟོག་མེད་ནི། སྣང་སེམས་ཐམས་ཅད་རང་ཤེས་སུ་ཡོད་ལ་འཁྲུལ་པའི་གཞི་འཛིན་པ་དེ་ཡིན་ནོ། །རྩལ་ལམ་ཡིད་རྟོག་བཅས་ནི བསླབ་པ་དང་མ་བསླབ་པའི་བྱ་བྱེད་ཐམས་ཅད་ཤེས་ནས་འཛིན་པ་དེ་ཡིན་ནོ། །གཉིས་པ་ཡིད་ཤེས་ཀྱི་དབྱིངས་མངོན་དུ་གྱུར༷་པ་ཤེས༷་རབ་ཆེན་པོ༷་ཉིད་ལ་ཡང་། མངོན་གྱུར་གྱི་ཤེས་རབ་དང་། ལམ་གྱི་ཤེས་རབ་གཉིས་ལས། དང་པོ་ནི། ཆོས་ཉིད་དེ་བཞིན་ཉིད་ཀྱི་གནས་ལུགས་ཇི་ལྟ་བ་བཞིན་དུ་མཁྱེན་ཅིང་མངོན་དུ་གྱུར་པ་ ༄༅། ཡིན། གཉིས་པ་ནི། ཤེས་པ་རྒྱ་ཡན་ཟང་ཀ་མ་ངོས་བཟུང་ནས་བློ་ཡིད་རྟོག་པས་མ་བཅོས་པར་རང་བཞག་ཏུ་ལམ་བྱས་པས་ངོ་བོ་སྟོང་པ། རང་བཞིན་གསལ བ། ཐུགས་རྗེ་རང་གྲོལ་བ། ཡུལ་ལ་མི་འཇུག་པ། གོ་མ་འགགས་པའོ། །དེ་ལ་གོམས་པས་ཚིག་དོན་ཀློང་རྡོལ་དུ་འབྱུང་བ་དེའི་རྩལ་དང་། དེ་ལ་ཡང་མངོན་པའི་ང་རྒྱལ་སྐྱེས་ཏེ་ཞེན་པར་གྱུར་ན་ཤེས་རབ་འགྲིབ་ཅིང་ལམ་ལས་ལྡོག་པ་སྟེ་དཔེར་ན་རྙེད་པ་ཆེན་པོ་ཐོབ་ལ་ཁད་དུ་ཡོད་ཚེ་རྐུན་པོར་ཤོར་བ་ལྟ་བུའོ། །དེའི་ཕྱིར་ན་བསམ་གྱིས་མི་ཁྱབ་པའི་ཡོན་ཏན་ཀློང་རྡོལ་བའི་ཚེ་གོལ་འཆུག་ཏུ་མི་འགྲོ་བའི་གནད་ཤེས་པ་གལ་ཆེའོ། །ཡིད་ནི་སེམས་ཀྱི་གཞི་ཡིན་ཏེ་བཅས་བཅོས་དང་སྤོང་ལེན་མྱོང་ཞེན་ཅན་དེ་ལ་ལམ་དུ་མི་བྱ་བ་གནད་དོ། །ཤེས་རབ་ནི་ཅི་ཡང་མ་བྱས་པ་ཉིད་དེ་ལམ་ཡང་དག་པ་ཡིན་པས་ཤེས་བྱའི་གཙོ་བོའོ། །གསུམ་པ་ལ་སེམས་དང་རིག་པ་གཉིས་ལས། དང་པོ་སེམས་ཞེས་བྱ་བ་ནི་འཁོར་བའི་ངོ་བོ། རྒྱུ་མ་རིག་པ། འཕྲུལ་༢ སྣང་བ། རྩལ་རྣམ་པར་རྟོག་པ། རོལ་པ་ཀུན་རྫོབ་བོ། །དེ་ལ་དབྱེ་ན་འཁྲུལ་པའི་སེམས་དང་། ལམ་ཚོལ་གྱི་སེམས་གཉིས་སུ་ཡོད་དེ། དང་པོ་ནི། སེམས་ཅན་ཐམས་ཅད་ཀྱི་སེམས འཁྲུལ་པའི་འཁོར་ལོ་ཅན་ནོ། །གཉིས་པ་ནི། ཡང་དག་པའི་ལམ་དུ་འཛུད་པར་འདོད་ནས་སེམས་ལ་ལམ་བྱེད་པ་ཐམས་ཅད་དོ། །དེ་དག་གི་རྒྱུ་ནི་འཁོར་བའི་གཞིས་བསྐྱེད་པའི་ཕྱིར་འབྲས བུ་ཡང་འཁོར་བ་ཁོ་ནའི་ཕྱོགས་སུ་ངེས་པས་ཀུན་རྫོབ་བོ། །སེམ༷ས་ཉིད་ཀྱི་དབྱིངས་མདོ༷ན་དུ་གྱུར༷་པ་རིག་པ༷་ནི་ཤེས་རབ་ཆེན་པོས་དབང་བསྒྱུར་བ་ལ་བྱ་སྟེ། དེའི་ཚེ་ཡང་གཞི་ཆོས་སྐུ། གདངས་ཤེས་རབ། རྩལ་ཡེ་ཤེས་ཀྱི་རོལ་པ་ལས་མ་འདས་པ་སྟེ སྐུ་གསུམ་ལྷུན་གྲུབ་ཀྱི་གཞིས་བསྐྱེད་པའི་ཕྱིར་ལྟ་སྒོམ་ཐམས་ཅད་རྣམ་མཁྱེན་གྱི་འབྲས་བུར་གྱུར་པ་ཁོ་ན་ཡིན་པས་ལམ་གྱི་མཆོ༵ག་ཡང་དག་པའོ། །གཉིས་པ་རིག་པ་ལ་རྒྱུའི་རིག་པ་དང་། འབྲས་བུའི་རིག་པ་གཉིས་ཡོད་པ་ལས།དང་པོ་ནི། ངོ་བོ་ཁྱབ་གདལ་དབུས་མཐའ་དང་བྲལ་བའི་ངང་དུ་རང་བབས་མ་བཅོས་པར་ཡན་པའི་ཤེས་རབ་ཆེན་པོས་དབང་བསྒྱུར་ཞིང་། གདངས་རྩལ་གྱི་གོ་མ་འགགས་པ་ཡུལ་གྱི་རྐྱེན་མི་འཇུག་ཅིང་ཡུལ་ལ་མ་འདྲེས་པའོ། །དེ་ཡང་ལས་དང་པོ་པས་ངོ་འཕྲོད་ཀྱང་བརྗེད་ངེས་ཆེ་སྟེ་གནས་འཁྲུལ་གྱི་ཐོབ་ཤོར་ཅན་དུ་ཡོད་པའི་བློ་དང་ཡིད་ཀྱི་འཛིན་རྩོལ་ཕྲ་བ་བག་ཉལ་དུ་ཡོད་པའི་བརྡར་སྐབས་གཉིས་མཆིས་པ་ཡིན། དེ་ནི་ལམ་དུ་ཞུགས་པ་ཙམ་ལས་བརྟན་ཐོབ་ ༄༅། །དང་སོ་ཟིན་མེད་པའི་ཕྱིར་ལམ་ཤེས་པ་ཙམ་གྱི་གནས་སྐབས་སོ། །དེ་ལ་ཆེས་ཆེར་གོམས་པའི་སྟོབས་ཀྱིས་ཉིན་སྣང་དུ་གནས་འཁྲུལ་གྱི་སྐབས་མེད་པར་ངང་གནས་ཀྱི་ངང་དུ་འབྱམས་ཀླས་པ། རྨི་སྣང་དུ་དེ་ལྟར་མ་ཡིན་པར་རེས་འགའ་ངང་གནས་ཀྱི་དབང་དང་། རེས་འགའ་ཡེངས་འཁྲུལ་དུ་འཁྱོལ་བའི་དུས་དེ་ནི་ལམ་ཐོབ་པ་ཙམ་གྱི་གནས སྐབས་ཡིན་པས་ལམ་ཐོབ་ཀྱི་རིག་པའོ། །དེ་ལ་ཡང་ཆེས་ཆེར་གོམས་པའི་སྟོབས་ཀྱིས་རྨི་སྣང་དང་ཉིན་སྣང་ཐམས་ཅད་དུ་རིག་པ་རང་གི་དབང་ལས་གཞན་དུ་མི་འགྱུར་བ་ནི་ཀློང་དུ་གྱུར་པའི་རིག་པའོ། །དུས་དང་རྣམ་པ་ཀུན་ཏུ་རིག་པའི་འོད་གསལ་ཆེན་པོ་ལས་དུས་དང་སྐབས་མི་འབྱེད་པར་དཔེར་ན་ནམ་ལངས་ཚེ་ཉིན་མོ་ལས་མུན་པ་མེད་པ་ལྟར་རིག་པ་མངོན་དུ་གྱུར་ཏེ་ལྟ་སྒོམ་ཕྲ་རགས་ཀྱི་འཛིན་སྟངས་ཐམས་ཅད་རང་སར་ཞིག་ནས་སེམས་ཀྱི་དྲི་མ་མི་འབྱུང་བ་ནི་གདིང་ཐོབ་ཀྱི་རིག་པའོ། །ད་དུང་བདེ་གཤེགས་སྙིང་པོའི་ཁམས་ཀྱི་ཡོན་ཏན་མངོན་དུ་མ་གྱུར་པ་དེ་ནི། ཀུན་གཞིའི་སྒྲིབ་པ་ལས་མ་འདས་པའི་བརྡ་རུ་མཆིས་པས་རྒྱུ་ཡི་རིག་པ་ཡིན། དེའི་མཚོན་དཔེ་ནམ་ལངས་ཏེ་ཉི་མ་མ་ཤར་བ་ལྟ་བུའོ། །ཐང་ལྷོད་མེད་པའི་བརྩོན་འགྲུས་དྲག་པོས་ ཉམས་སུ་བླངས་པས་རྒྱུའི་རིག་པ་འབྲས་བུ་ཆེན་པོའི་དབྱིངས་སུ་སད་དེ་ཆོས་སྐུ་མཚན་མ་དང་བྲལ་བའི་ལྷུམས་སུ་ཞུགས་ནས་སྐུ་དང་ཡེ་ཤེས་ཀྱི་རོལ་པར་འབྱམས་ཀླས་པ་ནི་འབྲས་བུའི་རིག་པའོ། །དཔེར་ན་ཉི་མ་ཤར་ཚེ་ནམ་ལངས་པའི་འོད་དེ་ཡང་ཉི་འོད་དུ་ཡལ་བ་ལྟར་འབྲས་བུའི་རིག་པ་ཆོད་ཆེ་བའོ། །དང་པོའི་གནས་སྐབས་ན་རིག་པ་ངོ་འཕྲོད་ཀྱང་འཁོར་བ་ལས་སྤུ་རྩེ ཙམ་ཡང་མ་འཕགས་པས་རྒྱུ་རུ་བཞག་པ་དང་སྤྱིར་འབྲས་བུའི་ཐེག་པར་སྨྲ་བའི་རྒྱུ་མཚན་ནི མ་འོངས་པ་ན་འབྲས་བུ་སངས་རྒྱས་ཐོབ་པར་རློམས་ནས།ད་ལྟ་ལུས་ངག་བློ་ཡིད་ཀྱིས་དགེ བ་རྒྱུ་རུ་བསྒྲུབས་པ་ལྟར་མ་ཡིན་པར། ཆོས་ཉིད་རང་ལ་ལམ་བྱས་ནས་བསྒོམས་པས་རང་སར་གྲོལ་བ་ལས། འབྲས་བུ་ལེན་ཐོབ་མེད་པས་ན་འབྲས་བུའི་ཐེག་པར་བརྗོད་པའོ །བཞི་པ་ལ་ཡང་རྣམ་ཤེས་དང་ཡེ་ཤེས་གཉིས་ལས། དང་པོ་ནི། ཤེས་རབ་ཀྱི་མིག་བསྒྲིབས་ནས་ཀུན་གཞི་ལས་ཚོགས་པ་མཆེད་པ། དུམ་བུར་འཕྲོ་བ། སྐྱེ་ཞིང་འགགས་པ་ཅན་འཁོར་བར་འདུ་བྱེད་པ་རྟོགས་ཤིང་དཔྱོད་པའི་རང་བཞིན་ཅན་ནོ །གཉིས་པ་ནི རྣམ༷་ཤེས༷་ཀྱི་དབྱིངས་མངོན་སུམ་དུ་གྱུར༷་པའི་ཚེ་སྔར་མེད་པའི་ཡེ༵་ཤེ༷ས་རྩལ༷་དུ་འབ༷ར་བ་ལྟར་སྣང་ཡང་དོན་དུ་ཡེ་གདོད་མ་ནས་ ༄༅། །རང་ཤར་བ་ཉིད་རྟོགས་གོམས་ཀྱིས་མངོན་དུ་གྱུར་པ་ཙམ་མོ། །མཐར་ཐུག་མ་རིག་པའི་དྲི་མ་དབྱིངས་སུ་སངས་ཏེ་རྣམ་པར་ཤེས་པ་གཞི་ལ་དེངས་པའི་ཚེ སངས་རྒྱས་ཀྱི་ཡེ་ཤེས་ཡོན་ཏན་ཐམས་ཅད་ནས་ས་ལམ་གྱི་བྱེ་བྲག་ཡན་ཆད་སྔ་ཕྱི་སྐྱེ་འགགས་འཕོ་འགྱུར་ཅན་གྱི་བློ་ཡིད་རྟོག་པ་ལྟ་བུ་མ་ཡིན་པར་རང་བྱུང་རང་ཤར་ཆེན་པོར་ཡོད་པ་ནི་ཇི་སྙེད་པ་གཟིགས་པའི་ཡེ་ཤེས་སོ། །ལམ་གྱི་ཡེ་ཤེས་ནི་ཀུན་གཞིའི་སྒྲིབ་གཡོགས་དང་བྲལ་ཚེ་སྣ་ཚོགས་ཤར་བའི་སྒོ་མ་འགགས་པ་དེ་ཀའོ། །མདོར་ན་ཡེ་ཤེས་ནང་མདངས་སུ་ནུབ་པའི གདངས་སྣང་བ་དང་རྩལ་རྣམ་པར་ཤེས་པ་ཡིན་ནོ །ལྔ་པ་ལའང་འཁྲུལ་པ་སེམས་ཅན་དང་། གྲོལ་བ་སངས་རྒྱས་གཉིས་ལས། དང་པོ་འཁྲུལ་པའི་སེམས་ཅན་ནི་སྣོད་བཅུད་དང་བདག་དང་གཞན་དུ་སྣང་ཞིང་ཞེན་པས་རིགས་དྲུག་ཏུ་འཁྱམས་ཤིང་འཁོར་བའོ། །གཉིས་པ་ནི་སེམ༷ས་ཅན་གྱི་ངོ་བོ་བདེ་བར་གཤེགས་པའི་སྙིང་པོའི་རང་ཞལ་མངོན་དུ་གྱུར༷་པའི་སང༷ས་རྒྱས༷་ཉིད༷། མ༷་དག༷་སྣང༷་སེམ༷ས་བག་ཆགས་དང་བཅས་པ་ཟད༷་པས་གྲོལ༷་བ༷་དདོ༷ས་ཡིན་ཏེ། དེའི་རང་བཞིན་ནི། བརྡལ་ཁྱབ་འཕོ་འགྱུར་དང་བྲལ་བ། ཕྱོགས་གང་དུའང་མ་ལྷུང་བ མཐའ་ཀུན་ལས་ འདས་པ། སྐུ་དང་ཡེ་ཤེས་ཀྱི་རོལ་པར་འབྱམས་ཀླས་པ། ཡུལ་ལས་འདས་པ། སྟོན་འཁོར་དུ་མ་གྲུབ་པ། ལུས་ལས་འདས་པ། བདག་གཞན་གྱི་མཐའ་རུ་མ་ལྷུང་བ། ཆོས་དབྱིངས་བདེ་བ་ཆེན་པོའི་ངང་དུ་མཉམ་བརྡལ་ཤེས་རབ་ཀྱི་མདངས་མངོན་དུ་གྱུར་པ་མཚན་མ་རིས་ཆད་ཅན་དུ་མ་གྱུར་པ་ཉིད་དུ་ཤེས་དགོས་ཏེ། རྡོ་རྗེ་གཅོད་པ་ལས། གང་དག་ང་ལ་གཟུགས་སུ་མཐོང་། །གང་དག་ང་ལ་སྒྲར་ཤེས་པ །ལོག་པའི་ལམ་དུ་ཞུགས་པ་སྟེ །སྐྱེ་བོ་དེ་དག་ང་མི་མཐོང་།སངས་རྒྱས་རྣམས་ནི་ཆོས་ཉིད་ལྟ །འདྲེན་པ་རྣམས་ནི་ཆོས་ཀྱི་སྐུ། །ཆོས་ཉིད་ཤེས་པར་བྱ་མིན་པས། །དེ་ནི་རྣམ་པར་ཤེས་མི་ནུས། །ཞེས་གསུངས་པའི་ཕྱིར་རོ། །དྲུག་པ་ལ་ཡང་གོ་བ་དང་རྟོགས་པ་གཉིས་ལས། དང་པོ་ལ་ཡང་སྟོང་ཉིད་ཀྱི་དོན་ཡིད་དཔྱོད་ཙམ་དུ གོ་བ། སྟོང་འཛིན་སྟོང་ཉིད་དུ་གོ་བ ལས་འབྲས་སོགས་ཀུན་རྫོབ་ཏུ་ཡང་མེད་པར་ལྟ་བ་རྣམས་ནི་ཕྱིན་ཅི་ལོག་གམ་ནོར་བའི་གོ་བའོ། །ཡང་དག་པའི་གོ་བ་ནི། སྣང་བ་ཐམས་ཅད་བདེན་མེད་དུ་གཏན་ལ་ཕབ་པས་བདག་མེད་མིག་ཡོར་ལྟ་བུ བདེན་མེད་རྨི་ལམ་ལྟ་བུ ཡུལ་མེད་ནམ་མཁའི་ཁོར་ཡུག་ཏུ་ཐག་གཏིང་ནས་ཆོད་པའི་མཐར། དུས་དང་རྣམ་པ་ཀུན་ཏུ་ ༄༅། །བདེན་འཛིན་མེད་པའི་ངང་དུ་མ་བཅོས་རང་བབས་སུ་གནས་པ་ནི དང་པོའི་གནས་སྐབས་སུ་གོ་བ་རྒྱུད་ལ་ཆགས་པ་ཙམ་གྱི་སྐབས་དང་། གཉིས་པ་གོ༷་བ༷་གཤིས་ཐོག་ཏུ་ཕེབས་པ༷་རྟོག༷ས་པར་ངེས་པ་དངོས་ནི། གཟུང་འཛིན་གྱི་ཆོས་ཐམས་ཅད་སྨིག་རྒྱུ་ལྟར་བན་བུན་དུ་ཤར་ཏེ་དེར་འཛིན་མེད་པ་རབ་རིབ་ལྟ་བུར་གྱུར་པའི་ཚེ་སྣང་བ་སྒྱུ་མར་ཤར་བའི་གནས་སྐབས་སོ། །དུས་དང་རྣམ་པ་ཀུན་ཏུ་རིག་པ་རང་གི་ཁོར་ཡུག་ལས་སེམས་སུ་མི་འཁྲུལ་པ་དང་བློ་ཡིད་རྟོག་པས་བཟོ་མི་འཆོས་པར་རྨི་ལམ་ངོས་ཟིན་པས་བདེན་འཛིན་མེད་པ་ལྟར་དེར་འཛིན་རང་སར་ཞིག་ནས་ཆོས་དབྱིངས་ཀུན་ནས་བཟླུམས་པའི་ཀློང་དུ་འུབ་ཆུབ་ཀྱི་རོལ་པར་འབྱམས་ཀླས་པ་ནི་རྟོགས་ཤིང་གོམས་པ་མཐར་ཐུག་པའོ། །ཡང་ཤན་འབྱེད་དང་པོ་གསུམ་བསྡུ་ན། འཁྲུལ་འབྱམས་ལུང་མ་བསྟན་དུ་མ་སོང་བར་ཤེས་རབ་ཆེན་པོ་མངོན་དུ་གྱུར་པའི་དུས་སུ། ངོ་བོ་ཆོས་སྐུ གདངས་ཤེས་རབ། རྩལ་བྱུང་ཡེ་ཤེས། རོལ་པ་དོན་དམ་པའོ། །ཤེས་རབ་ཆེན་པོ་མ་རིག་པས་བསྒྲིབས་ཚེ ངོ་བོ་ཀུན་གཞི། གདངས་ཡིད། རྩལ་སེམས་བྱུང་། རོལ་པ་ཀུན་རྫོབ་བོ། །གཉིས་པ་དེ་ལྟར་སྒྲོ་འདོགས་ཆོད་ནས་ཉམས་སུ་ལེན་ དགོས་པར་གདམས་པ་ནི། དེ་ལྟར་ཤན་འབྱེད་ནས། མཆོག་ཏུ་གལ༔ ཞེས་གསུངས་ཏེ། དེ༷་ལྟར༷་ཤན༷་འབྱེད་ཀྱི་གན༷ད་རྣམས་ལ༷་ཐོག་མར་ཐོས་བསམ་གྱིས་སྒྲོ་འདོགས་ཆོད་ནས་མ༷་རྨོངས་པར་ཤེས་པ་གལ་ཆེ་བའི་ཚུལ རྒྱུད་བླ་མ་ལས། ཤེས་རབ་མཆོག་ཡིན་དེའི་གཞི་ནི། །ཐོས་པ་དེ་ཕྱིར་ཐོས་པ་མཆོག །ཅེས་གསུངས་སོ། །ཡང་ཤེས་པ་ཙམ་གྱིས་མི་ཆོག་པར། ངོ་འཕྲོད་ལུང་མ་བསྟན་དུ་མ་སོང་ཞིང་གྲོལ་བ་མངོན་དུ་མ་གྱུར་གྱི་བར་དུ་ཉིན་མཚན་གཡེལ་བ་མེད་པར་ཉམས་སུ་ལེན་ཅིང་གན༷ད་དུ་བསྣུན༷་པ༷་མཆོ༷ག་ཏུ་གལ༵་ཆེ་བའི་ཚུལ་ཡང་། ཀུན་མཁྱེན་ཆོས་རྗེས། རང་ངོ་འཕྲོད་ཀྱང་