Tibetan
གནས་པའི་ཆུ་ཕྲན༷་ཐམས་ཅད་དང་པོར་སྤྲོ་ཞིང་མཐར་བསྡུ་བ་བཞི༵ན་བདེ༷་བར་གཤེ༷གས་པའི་སྙིང༷་པོར༷་ཡང་ཐེག༷་པའི་རྣམ་གྲངས་བསམ་གྱིས་མི་ཁྱབ་པ་ཀུན་དང་པོར་སྤྲོ་ཞིང་མཐར་ངང་དེ་ངོ་འཕྲོད་ཅིང་གདིང་ཐོབ་མངོན་སུམ་དུ་གྱུར་པས་ན་སྡུད་པར་བྱེད་པ་ཡང་ཡིན་ནོ། །མདོར་ན་གཞི་ལུང་མ་བསྟན་དུ་སོང་ནས་འཁོར་བའི་སྣང་སེམས་སུ་འཁྲུལ་པའི་དུས་སུའང་ནང་མདངས་སུ་སྐུ་དང་ཡེ་ཤེས་ཡོན་ཏན་གྱི་རོལ་པ་ཐམས་ཅད་རང་བྱུང་རང་ཆས་སུ་རྫོགས་པ་ལས་མེད་དུ་མ་སོང་བ་དེ༷འི་ཕྱིར༷་ན་གནས་པ་གཞི༷་ཡི༷་རྫོག༷ས་པ༷་ཆེན་པོ༷་ཞེས་མཁས་ཤིང་གྲུབ་པ་ཡོངས་ལ་གྲག༷ས་པ་ཡིན་ནོ། །གཉིས་པ་ལ་གཉིས་ཏེ རྫོགས་ཆེན་གྱི་ལམ་ལ་ཨ་ནུ་མན་ཆད་ཀྱི་ཐེག་པའི་རྣམ བཞག་རྫོགས་ཚུལ་དང་། རྫོགས་ཆེན་གྱི་རང་ལམ་མ་ནོར་བ་བསྟན་པའོ། །དང་པོ་ལ། རྒྱས་པར་བཤད་པ་དང་བསྡུས་ཏེ་བསྟན་པའོ། །དང་པོ་ནི། རྟག་ཆད་མཐར་ཞེན་ནས ཨ་ནུའི་ལམ༔ ཞེས་གསུངས་ཏེ ཆོས་སྐུ་གཞིར་གནས་ཀྱི་རིག་པ་མངོན་དུ་གྱུར་པའི་དུས་སུ་ཆོས་ཉིད་རྟག་ཆད་ཀྱི་མཐར་མ་ལྷུང་བའི་ཆ་ནས། རྟག༷་ཆད་ཀྱི་མཐ༷ར་ཞེན༷་པ་མུ་སྟེགས་ལམ་ཚོལ་བུའི་སེམས་རྫོགས། སེམས་དང་སྣང་བ་མ་བཅོས་རང་གར་ཡན་པས སྣང་སེམ༷ས་ལ་མདོ༷ན་པར་ཞེན༷་པས་བཅིང་ཞིང་འཐ༷ས་པ༷ས་རྒྱུད༷་འཁྲུལ༷་བའི་འཁོ༵ར་ལོར་འཕྱན་པ་སེམས་ཅན་རང་ག་མའི་སེམས་དང་སྣང་བ་རྫོགས བདག་མེད་བདེན་པ་མངོན་སུམ་རྩོལ་མེད་དུ་མཐོང་བས། གང༷་ཟག་གི་བདག༷་མེ༷ད་ལ༷མ་དུ་བྱེད༷་པ་ཉན་ཐོས་ཀྱི་ཐེག་པ༷་རྫོགས སྣང་སེམས་ཐམས་ཅད་རྟེན་ཅིང་འབྲེལ་འབྱུང་གི་རང་བཞིན་དུ་རྟོགས་པས། རྟེན༷་འབྲེལ༷་ལུག༷ས་ལྡོག༷་དང་སེམས་གསལ་སྟོང༷་ཙམ་གཙོ་བོར་འཛིན་པ་ར༷ང་རྒྱལ༷་ལམ་གྱི་ཐེག་པ་རྫོགས། སྣང་བ་ཐམས་ཅད་སེམས་ལས་མི་གཞན་པར་ཐག་ཆོད་པས། སྣང༷་སྲིད༷་སེམ༷ས་སུ་ལྟ་བ༷འི་སེམ༷ས་ཙམ་པའི་ཐེག་པ༷་རྫོགས། བདག་མེད་རྣམ་པ་གཉིས་ཀྱི་དོན་རྟོགས་པས ཆོས་ཐམ༷ས་ཅད་སྟོང༷་པ༷ར་འཛིན་པ༷འི་དབུ་ ༄༅། །མ་པའི་ཐེག་པ༵་རྫོགས། རྒྱུ་རྐྱེན་གནས་སུ་དག་པའི་སྟོང་ཉིད་རྟོགས་པས། ལྟ་སྤྱོད་གཉིས་ལས་སྤྱོད་པ་ཁྲུས་དང་གཙང་སྦྲ་གཙོ་བོར་སྟོན་ཅིང་ཡུལ༷་ཕ་ཀི་བ་ན་དག་པའི་ལྷ་རང་མཚན་པར་ཞེན་པ་ཀྵི་ཡ༷འི་ཐེག་པ༵་རྫོགས ལྟ་སྤྱོད་གཉིས་མེད་དུ་རྫོགས་པའི་ངང་རྟོགས་པས། ལྟ་སྤྱོད༷་གོང༷་འོག་འདྲྗེས་པ༷་ཨུ་པཱ་ཡ༷འི་ཐེག་པ་རྫོགས། ལྟ་བ་གཙོ་བོར་རྟོགས་པས། བདག་དམ༷་ཚིག་པ་དང་ལྷ་གེ༷་ཤེས་པ་ཐ༷་དད༷་རང༷་རྒྱུད༷་དུ་ལྟ་བའི་ཡོ་ག༷འི་ཐེག་པ༷་རྫོགས། ལྷ་དང་རང་སེམས་དབྱེར་མེད་དུ་རྟོགས་པས། དག་པའི་ལྷ་དང་ཞིང་ཁམས་ཡུལ༷་དང་མཚན་མར་གོལ༷་ཞིང་ར༷ང་རྒྱུད༷་ཅན་དུ་ལྟ་བའི་མ༷་ཧཱའི་ཐེག་པ་རྫོགས་པ་དང༷་། དབྱིངས་ཡེ་གཉིས་སུ་མེད་པའི་ངང་ཚུལ་རྟོགས་པས། རྒྱུ་མ་དག་པའི་རྩ་ཐིག་རླུང་གསུམ་དག་པ དབྱིངས་ཀྱི་རོལ་པར་སྦྱངས་པས་འབྲས༷་དུས་ཀྱི་ཡེ་ཤེས་མངོན་གྱུར་དུ་རློམ༷ས་པ་ཨ༷་ནུའི་ཐེག་པའི་ལུམ་རྫོགས་པའོ། །དེ་ཡང་ཆོས་ཉིད་བྲི་གང་འཕོ་གྱུར་མེད་པར་རྟོགས་པས་རྟག་ལྟ་དང་གཞི་མེད་རྩ་བྲལ་དུ་རྟོགས་པས་ཆད་ལྟ་རྫོགས། སེམས་ལ་དམིགས་གཏད་བཅོས་བསྒྱུར་མེད་པ་སྐྱེ་བོ་རང་ག་རྣམས་དང་འདྲ་བས་དེ་དག་གི་སྣང་བ་རྫོགས་པའོ། །ཉན་ཐོས་བྱེ་བྲག་ སྨྲ་བ་ཡན་ཆད་ནས་ཨ་ནུ་མན་ཆད་ཀྱི་ལམ་དང་འབྲས་བུའི་ཡོན་ཏན་ཐམས་ཅད་ཆོས་སྐུ་གཞིར་གནས་ཀྱི་རིག་པ་མངོན་དུ་གྱུར་པ་ལ་གཅིག་ཅར་དུ་རྫོགས་པས་ན་ཐེག་པ་མཐའ་དག་གི་ལམ་དང་འབྲས་བུའི་ཡོན་ཏན་རྫོགས་པར་བཞག་པ་སྟེ། དེའི་རྒྱུ་མཚན་ནི་དང་པོ་ཐེག་པ་གང་ནས་ཞུགས་ཀྱང་འབྲས་བུ་མཐར་ཐུག་རྫོགས་ཆེན་གྱི་ལམ་ལ་མ་བསྟེན་པར་མི་ཐོབ་པའི་ཕྱིར་ན་ཐེག་པ་དེ་དག་གི་ལམ་དང་འབྲས་བུའི་ཡོན་ཏན་ཐམས་ཅད་རྫོགས་ཆེན་གྱི་ལམ་ལ་ཡར་ལྡན་གྱི་ཚུལ་དུ་རྫོགས་པའོ། །གཉིས་པ་ནི། དེ་དག་རྣམས་ཀྱི་ནས། ཉམ་རེ་ཐག༔ ཅེས་གསུངས་ཏེ། དེས་ན་ཐེག་པ་དེ༷་དག༷་རྣམ༷ས་ཀྱི༷་རྒྱུ་ས༷་ལ༷མ་དང་འབྲས་བུ་ཉམ༷ས་དང་རྟོག༷ས་པའི་ཡོན་ཏན་ཐམས་ཅད་ཀུན༷། མཐར་ཐུག་གི་ལམ་དེ་ཐོབ་པའི་ཕྱིར་དུ། གནས་ལུགས་རྫོགས་པ༷་ཆེ༷ན་པོ༷འི་ལྷུན༷་གྲུབ༷་འོད་གསལ་གྱི་ཉག་ཕྲན་ནམ་ལྡོག་ཆ་རེ་ནས་གཞལ་ཏེ་གདུལ་བྱའི་ཁམས་དབང་དང་མཐུན་པར་བཞག་པ་ལ་སངས་རྒྱས་ཐོབ་པའི་ལམ་ཡོངས་རྫོགས་སུ་རློམས་པ་ཙམ་སྟེ། དཔེར་ན་སྐོམ་པ་སེལ་ཕྱིར་རྒྱ་མཚོ་ཆེན་པོའི་ཆུ༷་ཐིག་བླང༷ས་པ་རྒྱུ༷་མཚོ༷ར་འཛི༷ན་པ༷་བཞིན་ཡིན་པས་ན། རྫོགས་པ་ཆེན་པོ་འདི༷འི་དོ༷ན་ཚུལ་བཞིན་རྟོགས་པའི་གང་ཟག་གིས་གཞལ་ན་ཨ་ནུ་མན་ཆད་ཀྱི་ ༄༅། །ཐེག་པ་ཀུན་སྤང་གཉེན་དང་འབད་རྩོལ་གྱིས་བསྒྲིབས་ནས་རང་གྲོལ་གཉུག་མའི་དོན་མི་མཐོང་བའི་ཕྱིར་ཉམ་རེ་ཐག་པའི་གནས་སུ་བཞག་པའོ། །གཉིས་པ་ནི ཤེས་རབ་ནས། ཆེན་པོར་གྲགས༔ ཞེས་གསུངས་ཏེ། ངོ་བོ་ཤེས་རབ་དང་རྩལ་ཡེ༵་ཤེས་ཆེན་པོ་མདོ༷ན་སུམ་དུ་གྱུར༷་པ་རི༵ག་པའི་དབྱིང༵ས་ལ། སྐྱོན་སྔར་ཡོད་སྤངས་པ་དང་། ཡོན་ཏན་སྔར་མེད་གསར་དུ་ཐོབ་པ་དང་བྲལ༷་བའི་ཐོག་མའི་སང༷ས་རྒྱས་ཀུན༷་ཏུ་བཟ༵ང་པོ་ནི་འཁོ༷ར་འད༷ས་ལམ་གསུམ་གྱི༷་ངོ༷་བོ༷་མ་ནོར་བ་སྟེ། དེ་ལྟ་བུའི་རྫོགས་པ༷་ཆེ༷ན་པོའི་གནས་ལུགས་ཇི་ལྟ་བ་བཞིན མངོན་སུམ་དུ་གྱུར་པ་ཡི༷ན་པའི་ཕྱིར༷་ལ༷མ་གྱི༷་རྫོགས་པ༷་ཆེན་པོར་ཞེས་ཡོངས་སུ་གྲག༷ས་པའོ། །གསུམ་པ་ལ་གཉིས་ཏེ། འབྲས་བུ་དངོས་དང་། དེ་མཐའ་གཉིས་ལས་གྲོལ་བའི་ཚུལ་ལོ། དང་པོ་ནི། རྒྱུ་ཡི་ཐེག་ཀུན་ནས ལྷུན་གྱིས་གྲུབ༔ ཅེས་གསུངས་ཏེ། དེ་ཡང་མཚན་ཉིད་རྒྱུ་ཡི༷་ཐེག་པ་ལ་ཞུགས་པའི་བྱང་སེམས་ཀུན་གྱིས་བསྐལ་ཆེན་གྲངས་མེད་གསུམ་ལ་སོགས་པར་ཚོགས་བསགས་སྒྲིབ་པ་སྦྱངས་པའི་མཐར་འབྲས་བུ་ཐམས་ཅད་མཁྱེན་པའི་གོ་འཕང་ཐོབ་པར་རློམས་ནའང་ས་བཅུ་པ་ཆོས་ཀྱི་སྤྲིན་ལས། དེ་བཞིན་གཤེགས་པའི་ས༵་ཀུན་ཏུ་འོད་ནི་ཐོབ་ པ་མ་ཡིན་ནོ། །དེའང་སྣང་གསུམ་འཕོ་བའི་བག་ཆགས་མ་སྤངས་པའི་ཕྱིར། སྐབས་འདིར་རིག་པ་བདེ༷་གཤེགས་སྙིང་པོའི་གནས་ལུགས་དང་པོར་ངོ་འཕྲོད། བར་དུ་གདིང་ཐོབ། ཐ་མ་ཇི་ལྟ་བ་བཞིན་མངོན་དུ་གྱུར་པས། ཚེ་འདིའམ་བར་མ་དོར་ཀུན་བཟ༷ང་གདོད་མའི་མགོན་པོའི་གོ་འཕང་མཆོག་ཉིད་ཐོབ་པ་ནི་ལམ་འདིའི་ཁྱད་ཆོས་ཏེ། དེ་ཡང་འཁོར་བའི་སྣང་སེམ༷ས ཐམས་ཅད་ཆབ་རོམ་ཆུ་རུ་ཞུ་བ་ལྟར་སྐུ་དང༷་ཡེ༵ཡི༷་ཤེས༷་སུ༵་མ༷་སྤང༷ས་ར༷ང་གྲོལ༷་བ་ནི་རྒྱལ༷་བ་ཀུན༷་གྱི་བཀའ་དང་རིག་པ་ཚད་མས་གྲུབ་པའི་ཕྱིར། དེ་ལས་གཞན་དུ་གྱུར་པ་གཅིག་ནས་གཅིག་ཏུ ཕྱིན་བསྒྲོད་ཅན་ནམ་འབྲས་བུ་ཐོབ་བྱ་ཐོབ་བྱེད་དུ་རློམ༷ས་པ༷་རྣམས་ནི་ཨ་ཐང་ཆུད་དེ། ངལ་བ་ཙམ་ལས་དེ་འདྲའི་འབྲས་བུའི་སངས་རྒྱས་ནི་ནམ་ཡང་མི་སྲིད་དོ། །དེ༷འི་ཕྱིར༷་ན་རིག་པ་བདེ་བར་གཤེགས་པའི་སྙིང་པོ་ནི། ལམ་གྱི་ཆོས་རྣམ༷ས་ཀུན༷་གྱི༷་མཐར་ཐུག་གི་འབྲས་བུར༷་ཡང་གྱུར༷་པས་ན། འབྲས་བུའི་རྫོགས་པ༷་ཆེན་པོར་ལྷུན་གྱིས་གྲུབ༷་ཅིང་ཡོངས་སུ་རྫོགས་པའོ།། གཉིས་པ་ནི། སྲིད་དང་ནས། རྩལ་ཆེན་འབར༔ ཞེས་གསུངས་ཏེ དེ་ཡང་སྒྲིབ་གཉིས་བག་ཆགས་དང་བཅས་པ་དག་པའི་རིག་པ་བདེ་བར་གཤེགས་པའི་སྙིང་པོ་ལས་གཞན་པའི་ ༄༅། །སངས་རྒྱས་མི་སྲིད་པའི་ཕྱིར། སེམས་ཅད་རང་ག་མ་ལྟར་སྲིད་པའི་མཐར་མ་ལྷུང་བ་དང༷་། ཉན་རང་ལྟར་ཞི༷་བའི་མཐ༷འ་རུ་མ༷་ལྷུང༷་བཱར་ཇི་ལྟ་མཁྱེན་པའི་ཡེ་ཤེས་དང་ཇི་སྙེད་གཟིགས་པའི་ཡེ༵་ཤེས༷་ཀྱི་རྩལ༷་ཆེ༷ན་འབ༷ར་ཏེ། རང་དོན་མཐར་ཕྱིན་ནས་ནམ་མཁའ་ཇི་སྲིད་དུ་དམིགས་པ་མེད་པའི་སྙིང་རྗེ་ཆེན་པོས་འགྲོ་བའི་དོན་རྟག་ཁྱབ་ལྷུན་གྲུབ་ཏུ་མཛད་པས་གཞན་དོན་མཐར་ཕྱིན་པའོ། །གསུམ་པ་ནི། མིང་གི་འཇུག་སྒོ་ནས ཐ་སྙད་གདགས༔ ཞེས་གསུངས་ཏེ། དེ་ཡང་ཐ་སྙད་ཀུན་རྫོབ་ལྟར་ན་མི༷ང་གི་བྱེ་བྲག་ཇི་སྙེད་པ་ཐམས་ཅད་རིག་པ་བདེ་གཤེགས་སྙིང་པོའི་མིང་ལས་གཞན་ན་མེད་དེ ཆོས་ཀུན་དེ་ལས་མི་གཞན་པའི་ཕྱིར་ཡང་གནས་ལུགས་མཐར་ཐུག་པ་ནི་སྨྲ་བསམ་བརྗོད་པ་ལས་འདས་པས་ན་ཐ་སྙད་མིང་གི་འཇུག༷་སྒྲོ་དང་ས་དང་ལམ་གྱི་རྣམ་བཞག་སོགས་ཐ༷་དད༷་དུ་མ༷་གྲུབ༷་ཀྱང༷་། གནས་སྐབས་སུ་གདུལ༷་བྱ་རྣམས་ལ་མིང་དང་ཚིག་གིས་མཚོན་ཏེ་རྟོགས་པའི་དོན༷་དུ་མི༷ང་གི༷་ཐ༷་སྙད༷་གད༷གས་པ་ལ་ལྔ་ལས། དང་པོ་གསང་སྔགས་རྡོ་རྗེའི་ཐེག་པ་ནི ལམ་འདི་གསང་ཆེན་གཉིས་དང་ལྡན་པས་གསང་ཐེག་པ་ཐམས་ཅད་ཀྱི་གྲོལ་སར་གྱུར་པས་སྔགས། ཆོས་སྐུ་གཞིར་གནས་ཀྱི་རིག པ་རྡོ་རྗེའི་ཆོས་བདུན་དང་ལྡན་པས་རྡོ་རྗེ འཁོར་འདས་ཀྱིས་བཅོས་བསྒྱུར་དུ་མ་གྱུར་པར་རང་ཐེག་པའོ། །གཉིས་པ་དོན་དམ་བྱང་ཆུབ་ཀྱི་སེམས་ནི། འདི་ཉིད་ཡང་དག་པའི་དོན ཆོས་ཐམས་ཅད་ཀྱི་དམ་པ། སྐྱོན་དང་དྲི་མ་བྱང་བ། ཡེ་ཤེས་ཡོན་ཏན་ཐམས་ཅད་ཁོང་དུ་ཆུབ་པ། འཁོར་འདས་མཉམ་པར་སྒྲོལ་བས་ན་སེམས་ཉིད་དོ། །གསུམ་པ་རྫོགས་པ་ཆེན་པོ་ནི ཐེག་དགུའི་དགོངས་དོན་རྫོགས་པ ཐེག་པ་ཐམས་ཅད་ཀྱི་སྤྱི་གཞིར་གྱུར་པས་ཆེན་པོའོ། །བཞི་པ་ཐིག་ལེ་ཉག་གཅིག་ནི། རྟོག་པའི་གྲྭ་ཟུར་ལས་འདས་པས་ཐིག་ལེ། འཁོར་འདས ཐམས་ཅད་ངང་དུ་རོ་གཅིག་པས་ཉག་གཅིག་གོ། །ལྔ་པ་གཞོན་ནུ་བུམ་སྐུ་ནི སྐྱེ་འཆི་བསྒྲེས་རྒུད་དང་བྲལ་བས་གཞོན་ནུ། ལྷུན་གྲུབ་ཀྱི་ཕྱི་རྒྱ་མ་རལ་བས་བུམ་པ། ཡེ་ཤེས་ཡོན་ཏན རྫོགས་པས་སྐུ་ཞེས་བྱའོ། །དེ་ལྟར་མིང་ལྔས་མཚོན་ཏེ་མཚོན་བྱ་བདེ་གཤེགས་སྙིང་པོའི་གནས་ལུགས་མ་ནོར་བ་རྟོགས་དགོས་སོ། །ལེའུའི་སྐབས་བསྡུ་བ་ནི། ཤེས་རིག་རྡོ་རྗེ་རྣོན་པོ་ནས། བཞི་པའོ༔ ༈ གསུམ་པ་མ་དག་འཁོར་བའི་འཁྲུལ་ཚུལགཏན་ལ་དབབ་པ་ལ་ལྔ་སྟེ། ནང་གི་གཟུང་འཛིན། གསང་བའི་གཟུང་འཛིན ཁམས་གསུམ་རང་སྣང་ལས་མི་ ༄༅། །གཞན་པའི་ཚུལ། གཟུང་འཛིན་འཁོར་བའི་ངོ་བོ་རཱུ་ཏྲ་བསྟན་པ དངོས་ཞེན་བདག་མེད་རྟོགས་པའི་ཤེས་རབ་བསྟན་པའོ། །དང་པོ་ལ་མདོར་བསྟན་པ་དང་། རྒྱས་པར་བཤད་པའོ། །དང་པོ་ནི། དེ་ཕྱིར་ཀ་དག་ནས། མཆེད་པ་ནི༔ ཞེས་གསུངས་ཏེ། གནས་ལུགས་དོན་ལ་འཁོར་བའི་འཁྲུལ་སྣང་འདི་མ་གྲུབ་པ་དེ༷་ཕྱིར༷་གཞི་ཀ་དག༷་ཆེན་པོ༷འི་རོལ༷་པ༷་ལུས་མ་གཡོས་བཞིན་མ༷་དག༷་འཁོ༷ར་བ༷འི་སྣང༷་སེམ༷ས་གློ་བུར་དུ་མཆེ༷ད་པ༷་ནི༷། གསང་སྙིང་ལས། ཨེ་མ་ཧོ་བདེ་གཤེགས་སྙིང་པོ་ལས། །རང་གི་རྣམ་རྟོག་ལས་ཀྱིས་སྤྲུལ། སྣ་ཚོགས་ལུས་དང་ལོངས་སྤྱོད་དང་། །གནས་དང་སྡུག་བསྔལ་ལ་སོགས་པ། །བདག་དང་བདག་གིར་སོ་སོར་འཛིན །སུས་ཀྱང་མ་བཅིངས་བཅིངས་མེད་དེ། །བཅིང་བར་བྱ་བ་ཡོད་མ་ཡིན། །རྣམ་རྟོག་བདག་ཏུ་འཛིན་པ་ཡིས །ནན་གྱིས་མཁའ་ལ་མདུད་པ་འདོར། །ཞེས་གསུངས་པའི་ཕྱིར་རོ། །གཉིས་པ་ལ། གཟུང་ཡུལ། འཛིན་སེམས། སྐད་ཅིག་གཅིག་གིས གཡོ་ཞིང་འཇིག་པའི་ཚུལ་ལོ། །དང་པོ་ནི། བདག་རྟོག་ནས། མཆེད་གཞིར་ལངས༔ ཞེས་གསུངས་ཏེ། དེ་ཡང་ཐོག་མར་བདག་མེད་ལ་བདག༷་རྟོག༷་ཕྲ་བ་གློ་བུར་དུ་བྱུང་བ༷ས་ངོ་བོ་ཤེས༷ རབ་དང་རྩལ་གེ༷་ཤེས༷་བསྒྲིབ༷ས་པས་གཞི༷་ཡི༷་མདང༷ས་ལྔ་དང་གདང༷ས་ལྔའི་སྐུ་ལྔ་དང་ཡེ་ཤེས་ལྔ་ལྷུམ༷ས་སུ༷་ནུབ༷་པ༷་ལུ་བརྟེན་ནས༷། འཁོར་བའི་སྣང་སེམས་ཐམས་ཅད་རྨི་ལམ་གྱི་སྣང་བ་ལྟར ཤར་བ་སྟེ། དེ་ཡང་ཡེ་ཤེས་ལྔ་མ་རིག་པས་བསྒྲིབས་པས་ཕྱྭ་གདངས་འོད་ལྔར་སྣང་བ་ནི ནང་འབྱུང་དང་འབྱུང་ལྔའི་དྭངས་མ་དང་འབྱུང་ཆེན་དང་། དེ་རྣམས་ལ་དངོས་འཛིན་དང་བདེན་ཞེན་འཐས་པས་མ་དག་པའི་འབྱུང་ལྔར་སྣང་བ་ལ་ཕྱི་འབྱུང་དང་འབྱུང་ཕྲན་ནམ་སྙིགས་མའི་སྣང་བ་ཞེས་བརྗོད་དོ། །འཁྲུལ་པའི་གཞི་ལྔ་པོ་དེ་དག་གི་རྩལ་ལས་རྣམ་པར་ཤེས་པ་དང་ཉོན་མོངས་པའི་ཚོགས་རྣམས་ཤར་བ་སྟེ། དེ་ཡང་འཁོ༵ར་བ༷འི་འཁྲུལ་པ་ཀུན་གྱི་གཞིར་གྱུར་པའི་ཀུན༷་གཞི༷་སྟེ། ངོ་བོ་བཟང་ངན་གང་དུ་ལུང༷་མ༷་བསྟན༷་པ། ཅང་མི་སེམས་པའི་སྟོང་ཧད་དེ་བ་བེམ་སྟོང་ནམ་མཁའ་ལྟ་བུ་ནི་ཀུན་གཞི་མཚན་ཉིད་པ་དང་དེ་ཉོན་མོངས་པ་གཏི་མུག་གི་ངོ་བོའོ། །དེ་ལས་བསྐལ་པ་ལས་ཀྱི་རླུང་འགུལ་བ་ཕྲག་དོག་གི་ངོ་བོ་དང་། བེམ་སྟོང་ཀུན་གཞིའི་མཁའ་ལས་རྣམ་པར་རྟོག་པ་ཐམས་ཅད་ཀྱི་འཆར་གཞིར་གས༷ལ་བའི་ཆ་མངོན་སུམ་དུ་གྱུར་ཅིང་ཤེས་པ་ནི་ཀུན་གཞིའི་རྣམ་ཤེས་ཏེ་ཞེ་སྡང་གི་ངོ་བོ། དེ་ལས་ངའོ་སྙམ་པའི་ངར་འཛིན་གྱི་ཤེས༷་པ༷་རགས་པ་སྣང༷་ ༄༅། །སེམ༷ས་ཀུན་གྱི་མཆེ༷ད་གཞི༷ར་ལངས་པ་ནི་ཉོན་ཡིད་དེ་ང་རྒྱལ་གྱི་ངོ་བོའོ། །དེ་མ་ཐག་ཏུ་བདག་དང་སྣང་བ་ཐམས་ཅད་མཆེད་པ་ཡིན། དེ་རྣམས་ལ་རྣམ་རྟོག་སྔ་མ་དང་གཟུང་བ་ཡུལ་ཞེས་བྱའོ། །གཉིས་པ་ནི། ཡིད་ཉིད་གཅིག་པུ་ནས། འཕྲུལ་བཞིན་སྣང་༔ ཞེས་གསུངས་ཏེ། དེ་ཅུང་ཟད་བརྟན་པས་གཙོ་སེམས་ཡིད་ཉིད་གཅིག་པུ་ལངས་ཏེ། གཞི་ལ་སྣང་བ་མཆེད་པ་དེ་ལ་གསལ་ཆ་བརྟན་པས་སྣང་བ་ཐམས་ཅད་འཕྲལ་དུ་འཆར་རུང༷་གི་གཞིར༷་གྲུབ༷་པ་ཡིད་ཤེས་རྟོག་མེད་དེ་ཉོན་མོངས་པ་འདོད་ཆགས་ཀྱི་ངོ་བོ། དེ་ཡང་དུག་ལྔའི་ངོ་བོ་མེ་ལྟ་བུ་ལས་ཉོན་མོངས་པའི་རྟོག་ཚོགས་མེ་སྟག་མཆེད་པ་ལྟར་འབྱུང་བའོ །ཡིད་དེ་ལ་བརྟེན་ནས༷་རྟོག་མེད་སྒོ་ལྔའི་རྣམ༷་པར་ཤེས༷་པ༷་དྲུག་གི༷་རང་བཞིན་གཡོ་ཞིང་འགྱུ་བའི་རྩལ་ལས༵། གཅིག་ཏུ་མ༷་ངེས་པར་གཟུགས་སོགས་སྣང་ཡུལ༷་སྣ་ཚོགས་པ་མིག་བསླད་པའི་ངོར་སྒྱུ་མའི་འཕྲུལ༷་བཞིན༷་སྣང༷་བ་ལ། རྟོག་བཅས་ཡིད་ཀྱིས་མིང་དོན་དངོས་པོར་འཐས་ཤིང་ཉེ་བར་ལེན་པ་དང་བཅས་པ་ལ་རྣམ་རྟོག་ཕྱི་མ་དང་འཛིན་པ་སེམས་ཞེས་བྱའོ། །གསུམ་པ་ནི། སོ་ཟིན་མེད་པ་ནས། གནས་སྟོང་བྱེད༔ ཅེས་གསུངས་ཏེ། དེ་ལྟར་སྣང་བའི་ཡུལ་དང་བདག་པོ་ཐམས ཅད་གཅིག་ནས་གཅིག་ཏུ་ཕྱིན་བགྲོད་མ་ཡིན་ཞིང་། རྟག་ཐུབ་སོ་ཟིན་མེད་པར་སྤུ་རྩེ་རླུང༷་གིས་བསྐྱོད༷་པ་བཞིན༷་སྐད་ཅིག་སྐད་ཅིག་གིས་མི་རྟག་པར་སྔ་མ་སྔ་མ་འགག་ནས་ཕྱི་མ་ཕྱི་མ་གསར་དུ་མཆེད་པ་ཡིན་པས་ན་གནས་འགྱུར་ཙམ་དུ་ཤེས་པར་བྱ་བ་སྟེ དེ་ཡང་སྒྲིབ་པའི་རླུང་གིས་ཤེས་རབ་ཀྱི་མིག་བསྒྲིབས་ནས་སྣང་བ་སྔར་མེད་གསར་དུ་འཕྲུལ་པ་དང་། གཡོ་བའི་རླུང་གིས མ་ངེས་པའི་སྣང་བ་སྣ་ཚོགས་ཅིར་ཡང་སྣང་བ་དང་འབྱེད་པའི་རླུང་གིས་སེམས་དང་སྣང་བ་སོ་སོར་འབྱེད་པ་དང་། སྡུད་པའི་རླུང་གིས་བག་ཆགས་ཀྱི་དྲི་མ་སྡུད་པ བསྒྱུར་བའི་རླུང་གིས་སྐད་ཅིག་གིས་གནས་འགྱུར་དུ་བྱེད་པ་སྟེ། དེ་ལྟ་བུའི་རླུང༷་ལྡའམ་རྣམ་རྟོག་ཕྲ་བ་དང་རགས་པ་ཡི་བྱེད་ལས་ཀྱིས། མ༷་དག༷་པའི་བསྐལ༷་པ༷་སྔར་མེད་སྐད་ཅིག་གིས་གསར་དུ་ཆགས་པ་དང་། གནས་པ་དང་། འཇིག་ཅིང་སྟོང་པར་བྱེད་པ་ཡིན་ཀྱང་འདྲ་བ་གཞན་འབྱུང་གི་འཁྲུལ་རྒྱུས་བསླད་ཏེ་རྟོགས་མི་ནུས་པ་ཙམ་དུ་ཤེས་དགོས་སོ། །གསུམ་པ་ནི། སྒོ་ལྔའི་རྣམ་ཤེས་ནས། དབྱིངས་སུ་ཞིག༔ ཅེས་གསུངས་ཏེ། སྐབས་འདིར་ནི་སྣང་བ་ཐམས་ཅད་རྣམ་ཤེས་ཀྱི་སྣང་བ་གློ་བུར་བ་ཡིན་པར་སྟོན་པ་སྟེ་དེ་ཡང་མིག་གི་རྣམ་ཤེས་ནས་ལུས་ཀྱི་རྣམ་ཤེས་ཀྱི་བར་ ༄༅། །སྒྲོ་ལྔའི་རྟོག་མེད་ཀྱི་རྣམ༷་ཤེས་རྣམས་གཟུང༷་བ༷་ཡུལ༷་དུ་མཆེ༵ད་པ་དང་། རྟོག་བཅས་ཡིད་ཤེས་ཕྲ་བའི་འགྱུ་རྟོག༷་འཛིན་པ༷་སེམས་སུ་ལང༵ས་ཏེ་ཉེ་བར་ལེན་པའོ།། དེ་ཡང་མིག་གི་དབང་པོ་ལ་སོགས་པའི་དབང་པོ་རྣམས་ཀྱིས་གཟུགས་སོགས་འཆར་བའི་གཞི་བྱས། གཟུགས་སོགས་ཤར་བ་ཡུལ་དུ་བྱས གཟུགས་སོགས་རགས་པ་ཧྲིལ་པོར་འཛིན་པ་མིག་གི་རྣམ་ཤེས་སོགས་ཀྱིས་བྱས ཕྲ་བ་སོ་སོར་ཉེ་བར་ལེན་པ་རྟོག་བཅས་ཡིད་ཀྱིས་བྱས་ཏེ་འཁྲུལ་པའོ། །དེ་ལུགས་སུ་འབྱུང་བས་སྲིད་པར་འདུ་བྱེད་ཅིང་ལུགས་སུ་ལྡོག་པས་སྲིད་པའི་རྩེ་རུ་དུབ་པ་སྟེ། དེ་ལྟར་ན་ཉིན་གཅིག་ལ་ཡང་ཀུན་རྟོག་གི་གྲངས་དང་མཐུན་པའི་ཕྲ་བ༷འི་བསྐལ༷་པ༷་གྲང༷ས་མེད་པའམ་དུ་མ་འཕྲལ་འཕྲལ་དུ་ཆགས་ཤིང་རིམ་བཞིན་ནུབ༷་པས་རྟོག་མེད་ཡིད༷་ཀྱི༷་ཁམ༷ས་སུ་སྣང་ཡུལ་སྣང་མཁན་དང་བཅས་པ་པོ༷་ལོག་པས་ཉིན༷་སྣང༷་བར་མི་ཆད་པར་སྣང་བ་དང༷་། ཉིན་སྣང་སྣང་ཡུལ་སྣང་མཁན་དང་བཅས་པ་མཐར་ཀུན་གཞིའི་ཁམ༷ས་སུ་ཡོ་ལོག་པས་མཚ༵ན་སྣང༷་ཤར༷་བ་ཡིན་པས་གཉིད༷་དུ༷་ཕྱོག༷ས་པའི་ཆེ༷་ཉིན་སྣང་གི་བསྐལ༷་པ༷་ལྷག་ལུས་མེད་པར་ཀུན་གཞི་སྟོང་ཧད་ཀྱི་དབྱིང༷ས་སུ་ཞིག༵་ནས་སྟོང་པར་འབྱམས་པའི་རྗེས་སུ་ཀུན་གཞིའི་རྣམ་ཤེས་ དང་ཡིད་རིམ་བཞིན་ལངས་ཏེ་མཚན་སྣང་སྟེ་རྨི་ལམ་གྱི་སྣང་བ་མཆེད་པ་མཐར་ཡིད་ཀྱི་ཁམས་སུ་ནུབ་པས་ཉིན་སྣང་གསར་དུ་མཆེད་པའོ། །འདི་དག་གིས་ཐ་སྙད་ཀྱི་གནས་ཚུལ་མཐར་ཐུག མ་ནོར་བར་སྟོན་པ་སྟེ། ལང་ཀར་གཤེགས་པའི་མདོ་ལས། ཀུན་གཞིའི་རྣམ་པར་ཤེས་པ་ནི་རྒྱ་མཚོ་ལྟ་བུའོ། །དེ་ལས་བྱུང་བའི་འཇུག་ཤེས་དྲུག་ནི་རྦ་རླབས་ལྟ་བུའོ། །ཞེས་གསུངས པའི་ཕྱིར། མདོར་ན་འཁྲུལ་ངོར་གཟུང་འཛིན་རྒྱངས་ཆད་ལྟར་སྣང་ཡང་དོན་དུ་རྣམ་རྟོག་སྔ་མ་སྔ་མས་བཞག་པ་ཕྱི་མ་ཕྱི་མས་ཉེ་བར་ལེན་པ་ཙམ་ལས་མི་འདོད་པ་ནི་ཐེག་པ་འདིའི་རང་ལུགས་བླ་ན་མེད་པའོ། །གསུམ་པ་ནི། ཀུན་གཞི་གཟུགས་མེད་ནས། སྲིད་མ་ཡིན༔ ཞེས་གསུངས་ཏེ། སྔར་བཤད་པའི་ཀུན་གཞི་གཟུགས་མེད་སྐྱེ་མཆེད་མུ་བཞི ཉོན་ཡིད་གཟུགས་ཀྱི་ཁམ༵ས་གནས་རིགས་བཅུ་བདུན ཡི༷ད་ནི༷་འདོད༷་པའི་ལྷ་རིགས་དྲུག་མན་ཆད་ཀྱིས་ཁམ༷ས་སུ་ལྷུན༷་གྱིས་གྲུབ༷་པ་སྟེ་དེ་དང་དེ་ངོ་འཕྲོད་ནས་བརྟན་པ་ཐོབ་པ་ལས་གནས་རིགས་དེ་དང་དེའི་སྣང་བ་གསར་དུ་མཆེད་པ་ཙམ་ལས་ཁམ༷ས་གསུམ༷་ཕྱྭ་རུ༷་རྡུལ༷་ཙམ་དུ་སྲིད༷་པ་མ༷་ཡི༷ན་པ་ལུང་རིག་ཚད་མས་གྲུབ་པའོ། །བཞི་པ་ནི། བདག་ལྟའི་ནས། དང་བཅས་གྲུབ༔ ༄༅། །ཅེས་གསུངས་ཏེ། གཉིས་སྣང་བདག༷་ལྟའི་རཱུ་ཏྲཱ་ནི་འཁོ༵ར་བ༷འི་ཆོས་ཀུན་གྱི་གཞི་དང་ངོ་བོར་གྱུར་པས་མ༷་ཏྲཾ་z༷་སྟེ། དེ་ཡང་ཀུན་རྫོབ་ལྟར་ན་བུས་མ་རོ་ཟོས་པས མ་ཏྲཾ་ཞེས་བརྗོད་ཀྱང་སྒྲ་ཇི་བཞིན་པ་མ་ཡིན་ཏེ། དགོངས་གཞི་བདག་རྟོག་གློ་བུར་བ་ལས་མ་དག་འཁོར་བའི་སྣོད་བཅུད་གསར་དུ་མཆེད་དེ། མ་ལྟ་བུའི་བདེ་གཤེགས་སྙིང་པོའི་གནས ལུགས་བསྒྲིབས་ཏེ་མི་མངོན་པར་བྱས་པའི་དུས་དེ་ནས་བཟུང་འཁོར་བའི་གནས་རིགས་ཐམས་ཅད་གཟུང་འཛིན་རཱུ་ཏྲའི་ཕུང་ཁམས་སྐྱེ་མཆེད་ཙམ་དུ་གྲུབ་པ་ཡིན་པས་ན་རཱུ་ཏྲ་ཁྱོད་ཀྱི་ལུས༷་འདོད་ཁམས། ངག་ཀྱང་གཟུགས་ཀྱི་ཁམས ཡི༷ད་ནི༷་གཟུགས་མེད་པའི་ཁམས་སྐྱེ་མཆེ༷ད་མུ་བཞིར༷་གནས༷་པ་དང་། ཤ༷་ས། ཁྲག་ཆུ། དྲོད་མེ། དབུག༷ས་རླུང་། སེམས་ནམ་མཁའ་སྟེ་འདིར་ཚིག་རྐང་གཉིས་པོ་བསྲེས་ནས་འགྲེལ་འདུག་པས་སོ་སོར་དབྱེ་སླ་ཆེད་ཚིག་རྐང་གཅིག་གི་འགྲེལ་རྟགས་ཁྲམ་རིས་བྱས་པ་ཡིན། མཆན། འབྱུང་བ་བཞི་དང་། ཐིག་ལེ་དཀར་པོ་ཟླ་བ། དམ༷ར་པོ་ཉི་མ། དབྱིང༵ས་༢ སྟོང་པ་གཟའ་སྒྲ་གཅན་དང་བཅས་པའི་ཚུལ་དུ་གྲུབ་པ་དང་། ཀུན་གཞི་རྣམ་ཤེས་དབང་ཕྱུག་ཆེན་པོ ཉོན་ཡིད་ཚོགས་བདག །ཡིད་འདོད་པའི་རྒྱལ་པོ་སྟེ། དེས་མཚོན་ནས་འཇིག་རྟེན