Tibetan
ལས་གྲོལ་བའི་ཐར༷་པ་དང༷་། མཐའ་གཉིས་ལས་གྲོལ་བའི་རྣམ༷་མཁྱེན་གྱི་ལ༷མ་ལ༷་སྤུ་རྩེ་ཙམ་ཡང༷་ཉེ་བ༷་མ༷་ཡི༷ན་པའི་ཕྱིར༷་ན༷་ཡུན༷་རིང་པོར༷་བརྩོན་འགྲུས་དྲག༷་པོ༷ས་ཉམ༷ས་སུ་བླང༷་བར་བྱས་ན་ཡུང་འཁོར་བའི་བསྣོན་མ་ཙམ་ལས་མེད་པས་ན། མི༷་ཚེ་སྟོང༷་ཟད་ཆུད༷་དུ་ཟ༷་བར་ངེས༷་པ་ཡིན་པའི་ཚུལ་ཤེས་པར་གྱིས་ཤིག༷ །ཅེས་ལམ་འདི་ཉམས་སུ་ལེན་པའི་སྐལ༷་བ་བཟ༷ང་པོའི་སྐྱེས༷་བུ་རྣམ༷ས་ལ་ཐུགས་བརྩེ་བས་གདམས་པའོ། །འོན་ཀྱང་རིག་པ་རང་ཐོག་ཏུ་ངོ་མ་འཕྲོད་པའམ་འཕྲོད་ཀྱང་རྣམ་གཡེངས་དང་ལེ་ལོའི་དབང་གིས་འཁྲུལ་པ་རྒྱ་འབྱམས་སུ་འཆོར་བའི་རིགས་ཅན་རྣམས་ལ་རེ་ཞིག་དང་པོར་སེམས་རྟོག་མི་འཕྱེ་བོ་དང་འདྲ་བས་རླུང་རྟ་རྒོད་ལོང་བ་ལྟ་བུ་ལ་ཞོན་པ་དེ་ཉམས་དང་འཛིན་པའི་རྟོད་ཕུར་གྱིས་བཅིངས་ནས་རིམ་བཞིན་བར་མི་ཆད་པར་བསྒོམས་པས་མཐར་རྣམ་རྟོག་ཕྲ་རགས་ཐམས་ཅད་དག་སོང་བའི་སྣང་བཤར་ནས་ཡེ་གནས་ཀྱི་ཤེས་པ་བཟོ་བཅོས་མེད་པའི་ངང་མངོན་དུ་གྱུར་ནས་རིག་པ་སྒོམ་མེད་ ༄༅། །ཆེན་པོའི་ཐོག་ཏུ་ཕེབས་པའི་ཚེ་བླ་མས་ངོ་སྤྲོད་འདེབས་སླ་ཞིང་། སློབ་མ་ལོག་ལམ་དུ་མི་འཆོར་བའི་དགོས་པ་ཁྱད་པར་ཅན་ཡོད་པས་འདིར་གསལ་བར་བསྟན་པ་ཡིན་ནོ་ཞེས་པ་ཤུགས་ཀྱིས་བསྟན་ནོ །ལེའུའི་སྐབས་བསྡུ་བ་ནི ཤེས་རིག་རྡོ་རྗེ་རྣོན་པོ་སོགས་ཀྱིས་བསྟན་ཏོ། ༈ གཉིས་པ་ངོ་བོ་ལམ་བྱེད་ལ་གཉིས་ཏེ། ལམ་གྱི་རིག་པ སྤྲོས་བྲལ་དང་། གཞིའི་རིག་པ་མཐའ་གྲོལ་ཆེན་པོ་བསྟན་པའོ། །དང་པོ་ལ་བསྟན་བཤད་གཉིས་ལས། དང་པོ་ནི། ཤེས་རབ་རྡོ་རྗེ་རྣོན་པོ་མངོན་གྱུར་ནས༔ ཞེས་གསུངས་ཏེ། སེམས་ཅན་བཟང་ངན་མེད་པར་ཀུན་ལ་ཡེ་གདོད་མ་ནས་གནས་པའི་ཤེས༷་པ་མཆོག་གམ་ར༷བ་ཏུ་གྱུར་པ་སྟོང་པ་ཉིད་གང་གིས་ཀྱང་དབྱེར་མི་ཕྱེད་པའི་རྡོ༷་རྗེ༷་རྣོན་པོ༷་དེ་ཉིད། སྔར་མ་རིག་པའི་དབང་གིས་ལྐོག་ཏུ་གྱུར་ཀྱང་སྐབས་འདིར་དམ་པའི་མན་ངག་ཟབ་མོའི་མཐུས གཉིད་སད་པ་ལྟར་མདོ༷ན་སུམ་དུ་གྱུར་ནས༷་མཐོང་བ་ཡིན་ནོ་ཞེས་པའོ། །གཉིས་པ་རྒྱས་བཤད་ལ་བཞི་སྟེ སེམས་བྲལ་གྱི་རིག་པ་ཁྱད་ཆོས་དྲུག་དང་ལྡན་པའི་ཚུལ། ངང་བཞག་གཉུག་མའི་ངོ་བོ་བསྟན་པ། ལམ་དང་འབྲས་བུའི་ཡོན་ཏན་རྫོགས་ཚུལ། ཚུལ་དེ་རྟོགས་པའི་གང་ཟག་གི་ཆེ་བའོ། ད དང་པོ་ནི། རིག་པ་ལུང་མ་བསྟན་གྱི་གཞི་ལས་འཕགས༔ ཞེས་གསུངས་ཏེ། དེ་ཡང་སེམས་ཅན་འཁྲུལ་པའི་གཞི་བཟང་ངན་གང་དུའང་མ་གྱུར་པའི་ལུང་མ་བསྟན་དེ་ཉིད་ཁྱབ་བྱེད་ཀྱི་ཤེས་རབ་ཆེན་པོས་སྐད་ཅིག་མ་དང་པོ་ནས་རིག་ཅིང་ངོ་འཕྲོད་པའི་རིག་པ༷་ནི་ལུང༷་མ༷་བསྟན༷་གྱི༷་གཞི༷་ལ༷ས་འཕགས་པའི་ཁྱད་ཆོས་ཏེ་དངོས་བསྟན་དང་། ཁྱད་ཆོས་གཞན་ལྔ་ཡང་ཤུགས བསྟན་ལྟར་ན། དེའི་དུས་སུ་རིག་པའི་ངང་དུ་སྣང་བའི་གོ་མ་འགགས་ཤིང་བདེན་ཞེན་གཉིས་འཛིན་མེད་པར་བདག་མེད་རྟོགས་པའི་ཤེས་རབ་ཀྱི་ཤུགས་དང་ལྡན་པ་ནི་གཟུང་འཛིན་ལས་འཕགས་པའི་ཁྱད་ཆོས། ཤེས་རབ་ཡེ་ཤེས་ཀྱི་སྤྱན་ཕྱེས་པའི་སྐད་ཅིག་མ་དེ་ཉིད་དུ་སེམས་དང་རིག་པའི་བྱེ་བྲག་འབྱེད་པའི་ཁྱད་ཆོས། ངོ་བོ་དང་རང་གདངས་ལ་དབང་བསྒྱུར་བའི་ཡེ་ཤེས་གཉིས་ཀའི་གདངས་རང་ས་ཉིད་དུ་བཟུང་བས་དེ་ཐོག་ཏུ་རང་གྲོལ་བའི་ཁྱད་ཆོས། བློ་དང་ཡིད་དཔྱོད་ཀྱི་ཟོན་མི་འཇུག་ཅིང་རང་ཐོག་ཏུ་རང་ས་བཟུང་བས་ཡུལ་དང་རྐྱེན་ལ་མི་ལྟོས་པའི་ཁྱད་ཆོས། དེ་ལྟ་བུའི་ཁས་ལེན་དང་བྲལ་བའི་རིག་པ་རང་གྲོལ་ཆེན་པོ་ལ་དབང་བསྒྱུར་བས་རང་ས་ཉིད་དུ་གནས་ཤིང་སངས་རྒྱས་པའི་ཁྱད་ཆོས་སོ། །ཞེས་གསུངས་སོ། །འདི་དག་ནི་སྤྱིར་ ༄༅། །ལམ་རིག་གི་མཚན་ཉིད་དུ་བསྟན་ཀྱང་ཆ་འདྲ་བ་ཙམ་ལས་ཇི་བཞིན་པ་ནི་གཞིའི་རིག་པ་མཐའ་གྲོལ་ཆེན་པོ་མངོན་དུ་གྱུར་པའི་སྐབས་མ་གཏོགས་ཡོད་པ་མི་འདྲ་སྟེ། ཕྱི་ཡི་ཡུལ་སྣང་རང་སར་ཕར༔ ནང་གི་ང་བདག་རང་སར་ཚུར༔ བར་དུ་སྟོང་པ་ཕྱང་ཆད་བསྒོམ༔ དེ་ནི་འཁྱགས་པའི་སྦུབས་ཆུར་སོང་༔ གྲོལ་བ་ཐོབ་པ་ཉུང་ལ་ལྟོས༔ ཞེས་གཅོད་ཁྲིད་ཀྱི་སྐབས་སུ་གསུངས་པའི་ཕྱིར་རོ། །གཉིས་པ་ནི ཅི་ཡང་མ་ཡིན་ནས། ལྷུན་གྱིས་གྲུབ༔ ཅེས་པའི་བར་གྱིས་བསྟན་ཏེ། ཟང་མ་ཐལ་བྱུང་རིག་པའི་ངོ་བོ་ནི་ཡོད་མེད་གང་གི་ཕྱོགས་སུའང་མ་ལྷུང་བས་ཅི་ཡང་མ༷༷་ཡི༷༷ན་པ སྒྲ་རྟོག་གི་རྒྱུ་བ་ཆད་པས་སྨྲ་བས༷མ་བརྗོད་པ་ལས་འདས༵་པ། ལྟ་བ་དང་བསྒོམ༷་པས་བཅོས་བསྒྱུར་དང་དག༷ག་སྒྲུབ༷་མེད་པར་རང༷་གསལ་གཏད་མེད་རྒྱ་ཡ༷ན་དུ་གནས་པ༷་དེ་ཉིད་ནི་ཤེས༷་ར༷བ་རྡོ་རྗེ༷་རྣོན་པོ༷་ལྷུན༷་གྱིས་གྲུབ༷་པའི་ངོ་བོ་མངོན་དུ་གྱུར་པའོ། །འདིའི་དུས་སུ་རྩལ་གོ་མ་འགགས་པས་སྣང་བ་ཐམས་ཅད་མངོན་དུ་གྱུར་པ། སེམས་ཅན་གྱི་རྣམ་པར་རྟོག་པ་ལྟ་བུ་ལ་ཡུལ་དང་གཉིས་མེད་དུ་ཡལ་བ་དུམ་བུར་འཕྲོ་བ་དམིགས་པ་དང་བཅས་པ་ནི་གཅིག་ཀྱང་མེད་པས་ན། སེམས་ཅན་གྱི་རྣམ་པར་རྟོག་པ་ཡང་ མ་ཡིན་ཏེ། ཡིད་ཤེས་རབ་ལ་གོ་འཕོས། རྩལ་ཡེ་ཤེས་སུ་གོ་འཕོས་ནས་དེར་བརྟན་པ་ཐོབ་པ་ཡིན་ཏེ་དཔེར་ན་རྙོག་མ་དྭངས་པའི་ཆུ་ལྟ་བུ་ཡིན་པས་ཤེས་པ་ཤིན་ཏུ་གལ་ཆེ། ལམ་འདི་ངོ་འཕྲོད་ཅིང་འདིའི་ཐོག་ནས་ཆོས་སྐུ་གཞིར་གནས་ཀྱི་ཡེ་ཤེས་མ་རྟོགས་ན་གཟུགས་དང་གཟུགས་མེད་ཀྱི་ཁམས་སུ་འཕེན་པའི་སྟོབས་ཙམ་ལས་འདི་རང་གིས་རྣམ་མཁྱེན་གྱི་སངས་རྒྱས་མི་ཐོབ་བོ། །དེས་ན་འདི་ཉིད་ངོ་འཕྲོད་པའི་ཚེ་ལུང་མ་བསྟན་དུ་མི་ལུས་པར་རྩེ་གཅིག་ཉམས་སུ་བླངས་ན་མཐར་སོ་སོར་རྟོག་པའི་ཡེ་ཤེས་རྩལ་དུ་འབར་བས་ཆོས་ཉིད་དེ་བཞིན་ཉིད་ཀྱི་གནས་ལུགས་ཕྱིན་ཅི་མ་ལོག་པ་མངོན་དུ་གྱུར་ཏེ་གདོད་མའི་ཡེ་གཞི་ཆོས་སྐུ་ཀུན་ཏུ་བཟང་པོར་སངས་རྒྱས་པའོ། །གསུམ་པ་ནི། ལྟ་སྒོམ་ནས། རྫོགས༔ ཞེས་པའི་བར་གྱིས་བསྟན་ཏེ། འདི་ལྟ་བུའི་གནས་ལུགས་ཟབ་མོ་འདི་ཚུལ་བཞིན་རྟོགས་ཤིང་མཉམ་བཞག་དང་རྗེས་ཐོབ་ཀྱི་རིམ་པས་ཉམས་སུ་བླངས་ན་བསོད་ནམས་དང་ཡེ་ཤེས་ཀྱི་ཚོགས་རླབས་པོ་ཆེ་ཡང་གཅིག་ཅར་དུ་རྫོགས་པའི་ཚུལ་ནི། ལྟ་རུ་མེད་པའི་ལྟ་བ འཛིན་སྟངས་མེད་པའི་བསྒོམ་པ བཅོས་བསྒྱུར་མེད་པ་སྤྱོད་པའི་མཆོག་སྟེ། དེ་ལྟ་བུའི་ལྟ་སྒོམ་སྤྱོད་གསུམ་རྫོགས། གཞི་ཡེ་གྲོལ་ཆེན་ ༄༅། །པོ། ལམ་ངང་བཞག་ཆེན་པོ། འབྲས་བུ་རང་གྲོལ་ཆེན་པོ་སྟེ་ངོ་བོ་གཅིག་ལ་ལྡོག་པས་དབྱེ་བ་ཙམ་ཡིན་པས་ན་གཞི་ལམ་འབྲས་བུའི་ཆོས་གསུམ་རྫོགས། ངོ་བོ་ཀ་ནས་དག་པ་ཆོས་སྐུ། རང་བཞིན་ལྷུན་གྱིས་གྲུབ་པ་ལོངས་སྐུ ཐུགས་རྗེ་ཀུན་ལ་ཁྱབ་པ་སྤྲུལ་སྐུ་སྟེ་སྐུ་གསུམ་རྫོགས། རང་བྱུང་གི་རིག་པ་ནི་དཀོན་མཆོག་གསུམ་གྱི་ངོ་བོ་ཡིན པས་གནས་ལུགས་དོན་གྱི་སྐྱབ༷ས་འགྲོ་དང་། འཁོར་འདས་མཉམ་པར་སྒྲོལ་བས་ན་དོན་དམ་པའི་སེམས་བསྐྱེད་རྫོགས། མི་འཛིན་པ་སྦྱིན་པ མི་འཁྲུལ་བ་ཚུལ་ཁྲིམས། མི་འགྱུར་བ་བཟོད་པ མི་བརྩོན་པ་བརྩོན་འགྲུས མི་བསྒོམ་པ་བསམ་གཏན མི་ནོར་བ་ཤེས་རབ་སྟེ་ཕར་ཕྱིན་དྲུག་ཀྱང་གཅིག་ཅར་དུ་རྫོགས་པ་དང་། ཆོས་སྐུ་ཀུན་ཏུ་བཟང་པོ་ལ་བླ་མར་བྱེད་པ་དང་། ཞི་ཁྲོ་རྒྱལ་བ་རྒྱ་མཚོའི་སྙིང་པོ་གཅིག་ཏུ་དྲིལ་ནས་ཡི་དམ་དུ་བསྟེན་པ་དང་། ཡེ་ཤེས་དབྱིངས་ཀྱི་མཁའ་འགྲོ་མ་རྣམས་དབྱིངས་ཉིད་ཀུན་ཏུ་བཟང་མོའི་མཁའ་རུ་གཉིས་མེད་དུ་དྲིལ་ཏེ་ལྷུམས་སུ་འཇུག་པ་ཡིན་པས། ལྷ་དང་སྔག༷ས་ཀྱི་དལ༷་ཏེ་དཀྱིལ་འཁོར་མ༷་ལུས༷་པ་རྡོ་རྗེ༷་རྣོན༷་པོ༷ར་ཏེ་བྱར་མེད་རིག་པའི་ངོ་བོར་གཅིག་དྲིལ༷་དུ་རྫོག༷ས་པས་ན་གནད་ཟབ་ལ་ཆོད་ཆེ་བ་ཡིན་ནོ།། བཞི་པ་ནི། མ་རིག་ནས། འགྱུར༔ ཞེས་པའི་བར་གྱིས་བསྟན་ཏེ འཇིགས་རུང་འཁོར་བའི་བཙོན་ཁང་མ༷་རིག་པའི་མུན་པ་འཐིབ་པོའི་ཁྲོད་ན་ལས་དང་ཉོན་མོངས་པའི་བདུད་ཀྱི༷་དབ༷ང་དུ་གྱུར༷་པས་ཉམ་ཐག་པ༵འི་སེམས་ཅན་གང༷་དག༷་གནས་ལུགས་རིག་པའི་རང་ཞལ་མཇལ་བའི་སྐད༷་ཅིག་མ་ནས་ཤེས་རྒྱུད་སྔར་དང་མི་འདྲ་བར་བྱེ༷་བྲག༷་བྱེད༷་ཅིང་ཁྱད་པར་འཕགས་པའི་ཚུལ་ནི་དུས་དེ་ནས་བཟུང་སྟེ་ལམ་དམན་པ་དང་ལམ་ལོག་པ་རུ་མི་ལྡོག་པར་རྣམ༷་མཁྱེན་རྫོག༷ས་པའི་སང༷ས་རྒྱས༷་ཀྱི་ས་ཁོ་ན་མངོན་དུ་བྱེད༷་པ་དང་། གནས་སྐབས་སུ་འགྲོ་བ་ལྷ་དང་བཅས་པའི་སྐྱེ་རྒུའི་བསོད་ནམ༷ས་བསགས་པའི་ཞིང༷་སྔ་དམ་པར་འགྱུར༷་བ་ཡིན་ནོ། །ལེའུའི་སྐབས་བསྡུ་བ་ནི ཤེས་རིག་རྡོ་རྗེ་ནས གཉིས་པའོ༔ ཞེས་པའི་བར་གྱིས་བསྟན་ཏོ། ། ༈ གཉིས་པ་གཞིའི་རིག་པ་མཐའ་གྲོལ་ཆེན་པོ་མངོན་སུམ་རང་ཐོག་ཏུ་ངོ་སྤྲོད་པ་ལ་དྲུག་སྟེ། དག་པ་གཞིའི་གནས་ཚུལ། ཐ་སྙད་མིང་གི་འཇུག་སྒོ མ་དག་འཁོར་བའི་འཁྲུལ་ཚུལ རྒྱུད་དོན་དེ་བླག་ཏུ་རྟོགས་ཤིང་མངོན་དུ་གྱུར་ཕྱིར་སྨོན་ལམ་གདབ་པ། ཚེ་འདིར་གྲུབ་མཐའ་མ་སྙོགས་ན་འདའ་ཀ་མའི་མན་ངག་སོགས་ལ་བསྟེན་པ། རྫོགས་ཆེན་ཐུན་མོང་མ་ཡིན་པའི་ཆོས་ཤན་བྱེད་ ༄༅། །ཀྱི་འཕྱོངས་བསྟན་པའོ། །དང་པོ་ལ་གཉིས་ཏེ། འཁོར་བའི་འཁྲུལ་སྣང་དོན་ལ་མི་གནས་པའི་ཚུལ མ་འཁྲུལ་པའི་ངོ་བོ་ཡེ་གཞི་སྐུ་དང་ཡེ་ཤེས་སུ་བསྟན པའོ། །དང་པོ་ནི། འདི་ལྟར་གཟུང་འཛིན་གྱི་རྟོག་པ་ཤར་བ་དེ་ནས་བཟུང་གཞིའི་ཀློང་ལས་མ་གཡོས་བཞིན་འཁོར་འདས་གཉིས་སོ་སོར་སྣང་བའི་ཚུལ་ནི། སྒྲ་ཐལ་འགྱུར་རྩ་བའི་རྒྱུད་ལས། རྒྱུ་གཅིག་དབྱེར་མེད་རྩ་བ་དེ། །རང་ངོ་ཡིན་པར་མ་ཤེས་པ། །འདི་ནི་འཁོར་བའི་ཐོག་མའོ།།ཞེས་གསུངས་པའི་ཕྱིར། འཁོར་བའི་ཆོས་ཐམས་ཅད་གཟུང་འཛིན་གཉིས་སུ བསྡུས་ཏེ་གཏན་ལ་དབབ་པས་མྱུར་དུ་འཁྲུལ་པའི་སྲོག་གཅོད་པར་འགྱུར་བས་ན། འདིར་ཡང་གཟུང་འཛིན་གཉིས་གཏན་ལ་དབབ་པ་ཡིན་ལ། དེ་ཡང་དང་པོ་རགས་པ་ནས་ཞིབ་པར་གཏན ལ་དབབ་པས་ཤིན་ཏུ་ཕྲ་བའི་གནད་རྟོགས་སླ་བ་ལ་དགོངས་ཏེ་གཟུང་འཛིན་ལ་ཡང་ནང་གསེས་ཕྱི་ནང་གསང་གསུམ་དུ་སྟོན་པ་ལས་སྐབས་འདིར་དང་པོ་ཕྱིའི་གཟུང་འཛིན་གཏན་ལ་དབབ་པ་ལ་གསུམ་སྟེ། འཛིན་པ་གང་ཟག་གི་བདག་འཛིན་བདག་མེད་དུ་གཏན་ལ་དབབ་པ། གཟུང་བ་ཆོས་ཀྱི་བདག་འཛིན་བདག་མེད་དུ་གཏན་ལ་དབབ་པ། དེ་དག་སྟོང་པ་ཉིད་གཅིག་ཏུ་འགག བསྡུ་བའོ། །དང་པོ་ལ་བསྟན་བཤད་གཉིས་ལས། དང་པོ་ནི། སོར་རྟོག་ཤེས་རབ་ནས། བྱེད༔ ཅེས་པའི་བར་གྱིས་བསྟན་ཏེ སོ་སོར་རྟོག་པའི་ཤེས་ར༷བ་ཀྱི་རྩལ་ལས་ཤར་བའི་ཡེ ཤེས་ཀྱི་རྡོ༷་རྗེ༷་རྣོན་པོ༷་ཡིས ངོ་བོ་བདག་རྟོག༷་ལས་བྱུང་ཞིང་ཐོག་མེད་ནས་གོམས་པའི་བག་ཆགས་བརྟན་ཅིང་ལྷུན་ཆགས་པའི་འཁོར་བ༷འི་རི་བོ་ལྷག་མེད་དུ་བཅོམ་པར་བྱེད༷་པའི་ཚུལ་ནི་འདི་ལྟ་སྟེ་ཞེས་པའོ། །གཉིས་པ་ལ་གཉིས་ཏེ སྲིད་རྩ་བདག་རྟོག་ངོས་བཟུང་། དེ་སྣང་ཙམ་གྱིས་སྟོང་པར་བསྟན་པའོ། །དང་པོ་ནི། འཁོར་བའི་རྩ་བ་ང་རུ་འཛིན་པ་ཡི༔ ཞེས་གསུངས་ཏེ། དེ་ཡང་འཁོ༷ར་བར་འཁྱམས་པའི་རྩྭ་བ༷་ནི། གཞིའི་ཀློང་དུ་ང་མེད་ལ་ང༷་རུ་འཛིན་པ་ཡི་ཤེས་པ་རྒྱུན་ཆགས་པས་སྣང་སེམས་ཐམས་ཅད་མེད་བཞིན་གློ་བུར་དུ་མཆེད་པ་སྟེ། དེའི་རྒྱུ་མཚན གང་དུ་ངར་འཛིན་པའི་རྟོག་པ་དེ་ཡོད་ན་སྣང་སེམས་གཉིས་ཀྱང་རང་ཆས་སུ་འབྱུང་བ་ཆོས་ཉིད་དེ། ངར་འཛིན་པ་དེ་མེད་ན་མི་འབྱུང་བའི་ཚུལ་ལུང་རིག་ཚད་མས་གྲུབ་པའི་ཕྱིར། དེས་ན་ང་མེད་ལ་ངར་འཛིན་པའི་རྟོག་པ་ནི་སྲིད་པའི་རྩ་བ་མི་བསླུ་བར་ངེས་པའོ། །གཉིས་པ་ནི། བྱུང་གནས་ནས། ཕེབས་པའོ༔ ཞེས་པའི་བར་གྱིས་བསྟན་ཏེ དེ་ལྟ་བུའི་བདག་དེ་ནི་བྱུང་གན༷ས་འགྲོ ༄༅། །གསུམ༷་དང་། མིང་དང་དངོས་པོར་གཞིག་པས་སྟོང་པའི་ཚུལ་ནི དེ་ཡང་སྣང་སྲིད་ཐམས་ཅད་དང་པོ་བདག་ལས་ཤར་བའི་ཕྱིར་བྱུང་བའི་ཡུལ་གཞན་གྱིས སྟོང་། བར་དུ་བདག་གི་ངང་ལ་གནས་པའི་ཕྱིར་གནས་ཡུལ་གཞན་གྱིས་སྟོང་། ཐ་མ་བདག་དང་མཉམ་དུ་ཡལ་བས་ན་འགྲོ་ཡུལ་གཞན་གྱིས་སྟོང་། དེ་བཞིན་དུ་བདག་གི་མིང་གདགས་པའི་གཞི་མ་གྲུབ་པའི་ཚུལ་ནི། ལུས་སེམས་གཉིས་ལས། ལུས་ལ་བདག་གམ་མིང་མ་གྲུབ་སྟེ། ལུས་ཀྱི་ཆ་ཤས་སོ་སོ་ལ་ཡང་རང་རང་གི་མིང་ལས་བདག་གི་མིང་མི་ཐོགས་ལ། ཡན་ལག་ཕྱོགས་གཅིག་ཏུ་ཚོགས་པ་ལ་ཡང་ཚོགས་པའམ་ལུས་ཞེས་བཏགས་པ་ལས་བདག་གི་མིང་མི་ཐོགས་པས་སོ། །གཞི་རྩ་དང་བྲལ་བའི་སེམས་ལ་ཡང་སེམས་ཀྱི་མིང་ལས་བདག གི་མིང་མི་ཐོགས་སོ། །དེས་ན་བདག་གི་མིང་གི་གདགས་གཞི་སྟོང་པས་བདག་གམ་མིང་མེད་དོ། །ཡང་ལུས་སེམས་ལས་ཐ་དད་པའི་དངོས་པོར་གྲུབ་པའི་བདག་ཀྱང་མེད་དེ། ཡོད་ན་སྣང་རུང་ཡིན་པས་དམིགས་དགོས་པ་ལས་མི་དམིགས་པའི་ཕྱིར། དེས་ན་བདག་དངོས་པོའམ་རྫས་སུ་གྲུབ་པ་མེད་དོ། །མདོར་ན་བདག་ལ་མིང་གི་གདགས་གཞི་མ་གྲུབ་པས་བདག་གམ་མིང་ མེད་དེ། བདག་རྫས་སུ་གྲུབ་པ་མེད་པས་གདགས་གཞི་དངོས་པོར་གྲུབ་པ་མེད་དོ། །དེ་མེད་པས་དེ་ལ་བཏགས་པའི་མིང་ཡང་བརྗོད་པ་ཙམ་ལས་མེད་དོ། །དེས་ན་བདག་ཅེས་བྱ་བ་ནི་ལུས དང་སེམས་ལ་བརྟེན་ནས་སྣང་བ་དང་བཏགས་པ་ཙམ་ལས་དོན་དུ་གྲུབ་པ་མེད་པས་ཡུལ༷་མེད་སྟོང༷་པ༷་ཉིད་དུ་ཐག་ཆོད༷་པའི་ཚེ་གང༷་ཟག་གི་བདག༷་འཛིན་བདག་མེ༷ད་དུ་གཏན་ལ༷་ཕེབས་པ༷་ཞེས་བྱའོ༵། །གཉིས་པ་ལ་བཞི་སྟེ། མིང་གི་གདགས་གཞི་བཙལ་བ། དངོས་པོའི་རྟག་འཛིན་བཤིག་པ། ཕན་གནོད་ཀྱི་མཚང་ལ་རྒོལ་བ། རེ་དོགས་ཀྱི་རྫུན་ཕུག་གཏིབ་པའོ། །དང་པོ་ནི། བདག་དང་ནས། ཐག་ཆོད་ནས༔ ཞེས་པའི་བར་གྱིས་བསྟན་ཏེ། ཡུལ་ཅན་བདག༷་དང༷་དེའི་ཡུལ༷་གྱི༷་རྣམ་པ་ལྟར་སྣང་བའི་ང་ཡི་བ་ཕུང་པོ་ལྔ་དང་ཡུལ་ལྔ་ལ་སོགས་པ་ལ་མིང༷་གི༷་གད༷གས་གཞི་རིག་པས་བཙུལ་བས་མིང་ཐམས་ཅད་ཕན་ཚུན་བརྟེན་ནས་བཏགས་པ་ཙམ་ལས་གདགས་གཞི་ངོ་བོ་ཉིད་ཀྱིས་མ་གྲུབ་པས་ཡུལ་མེད་སྟོང་པ་ཉིད་དུ་ཐག་གཅོད་པའོ། །གཉིས་པ་ནི། དངོས་པོ་ཐམས་ཅད་ནས། ཐག་གཅོད་བྱ༔ ཞེས་པའི་བར་གྱིས་བསྟན་ཏེ དེ་ལྟར་ཐག་ཆོད་ནས༵། སྣང་ངོ་ན་དངོས་པོ༷་ཐམ༷ས་ཅད་ཡོད་ཡོད་བདེན་བདེན་རྟག་རྟག་ལྟར་སྣང་ཡང་དཔྱད་ན་ ༄༅། །རགས་པར་སྣང་བ་ཐམས་ཅད་རྡུལ་ཕྲན་དུ་མ་ཕྱོགས་གཅིག་ཏུ་ཚོགས་པ་ལ་བརྟེན་ནས་སྣང་བ་ཙམ་ལས་རགས་པ་གཅིག་བདེན་ངོ་བོ་ཉིད་ཀྱིས་མ་གྲུབ་པ་དང་། རྡུལ་ཕྲན་ཡང་ཕྱོགས་ཆ་འདུས་པ་ལ་བརྟེན་ནས་སྣང་བ་ཙམ་ལས་རྡུལ༷་ཕྲན༷་གཅིག་བདེན་ངོ་བོ་ཉིད་ཀྱིས་མ་གྲུབ་པས་དོན་ལ་ཆ་མེ༷ད་པ་སྟེ་སྣང་དུས་ཉིད་ནས༷་རང༷་བཞི༷ན་མེད་པ༷ར་སྟོང༷་པའི་ངང་ཚུལ༷་ལ་བརྟགས་པས་གང་ལྟར་སྣང་བ་ཐམས་ཅད་འདོད་འཇིགས་གོམས་པའི་ཤེས་པ་བཞིན་མེད་པ་གསལ་སྣང་ཙམ་ལས་མེད་པའི་ཕྱིར། འདི༷་སྣང༷་ཕྱི༵་སྣང་རྨི་ལམ་གྱི་ངོར་སྣང་བའི་སྣང༷་བ་སྣོད་ཀྱི་འཇིག་རྟེན། སྲིད་པ་བཅུད་ཀྱི་སེམས་ཅན། འདོད་ཡོན་ལྔའི་ཆོས༵་སོ་ཅོག་ཐམས་ཅད་ཡུལ༷་མེད་སྟོང༷་པའི་དབྱིང༷ས་སུ་ཐག༷་ཆོད༷་པར་བྱ༷འོ། །སྐབས་འདི་ལས་འཕྲོས་ཏེ་ཆོས་ཐམས་ཅད་འཁྲུལ་ངོར་སྣང་ཙམ་མ་ཡིན་པར་དོན་དུ་བདེན་གྲུབ་ཏུ་ཡོད་ན། མི་ཆོད་པ། མི་ཤིགས་པ། བདེན་པ། སྲ་བ། བརྟན་པ། ཐམས་ཅད་དུ་ཐོགས་པ་མེད་པ། ཐམས་ཅད་དུ་མ་ཕམ་པ་སྟེ་རྡོ་རྗེའི་ཆོས་བདུན་ངེས་པར་ཚང་དགོས་ན་དེ་རྣམས་ལས་གཅིག་ཙམ་ཡང་མེད་པ་ནི། རྨི་ལམ་གྱི་སྣང་བ་ལྟར་འཁྲུལ་སྣང་ཙམ་ལས་དོན་དུ་མ་གྲུབ་པའི་རྟགས་སྟོན་པའོ། །ནམ་མཁའ་ ལ་ཆོས་དེ་དག་ཚང་བར་གསུངས་པ་ནི་སྟོང་པ་མཚན་མར་མ་གྲུབ་པའི་གནད་ཀྱིས་ཡིན་ལ དེས་མཚོན་ནས་ཆོས་ཉིད་འཕོ་འགྱུར་མེད་པའི་གནས་ལུགས་རྟོགས་དགོས་པ་ལས། ནམ་མཁའ་རྟག་བདེན་དང་འབྱུང་བ་དང་འབྱུང་འགྱུར་གཞན་རྟག་བདེན་མིན་པར་ཤེས་པའི་ཆེད་དུ་བསྟན་པ་མིན་ནོ། །ཡང་མཚན་སྣང་གི་སྐབས་སུ་ཉིན་སྣང་ཤུལ་དུ་ལུས་པར་སེམས་པའི་ལོག རྟོག་བཟློག་པའི་རིག་པའི་སྒོ་མང་དུ་བསྟན་པ་ཐམས་ཅད་བསྡུ་ན་འཁྲུལ་པའི་སྣང་ཚུལ་དབང་བཙན་དུ་བྱས་ན། ཉིན་སྣང་ཤུལ་དུ་ལུས་པར་འདོད་དེ། འཁྲུལ་པའི་གང་ཟག་ལ་མངོན་སུམ་མི་བསླུ་བ་ལྟར་སྣང་བ་ཡིན་པའི་ཕྱིར། ཐ་སྙད་གནས་ཚུལ་དབང་བཙན་དུ་བྱས་ན། ཤུལ་དུ་ལུས་པ་ལ་ཐ་སྙད་ཚད་མས་གནོད་ཅིང་། ཉིན་སྣང་ཐམས་ཅད་ཞིག་ནས་མཚན་སྣང་གསར་དུ་མཆེད་པ་དེ་རིག་པ་ཚད་མས་གྲུབ་པའི་ཕྱིར ཤུལ་དུ་མ་ལུས་པ་དེ་མི་རྫུན་པར་ངེས་པ་སྟེ། དེས་ན་མདོ་ཏིང་འཛིན་རྒྱལ་པོ་ལས མིག་དང་རྣ་བ་སྣ་ཡང་ཚད་མ་མིན། །ལྕེ་དང་ལུས་དང་ཡིད་ཀྱང་ཚད་མ་མིན། །གལ་ཏེ་དབང་པོ་འདི་དག་ཚད་ཡིན་ན། །འཕགས་པའི་ལམ་གྱིས་སུ་ལ་ཅི་ཞིག་བགྱི། །ཞེས་གསུངས་པ་ལྟར། སོ་སྐྱེ་བྱིས་པས་མཐོང་བ་ཚད་མ་མ་ཡིན་པར་འཁྲུལ ༄༅། །པ་ཡིན་པའི་ཕྱིར། དེ་བཟློག་ནས་ཐ་སྙད་ཀུན་རྫོབ་ཀྱི་གནས་ཚུལ་མ་ནོར་བ་སྟོན་པ་སྟེ་འདི་འདྲའི་རིགས་ཐམས་ཅད་ལ་འདི་ལྟ་བུས་མཚོན་ནས་ཤན་འབྱེད་པ་མེད་ན་ཐེ་ཚོམ་གྱི་མདུད་པ་གྲོལ་དཀའོ་སྙམ། གསུམ་པ་ནི། ལས་འབྲས་ནས། གཅོད༔ ཅེས་གསུངས་ཏེ། ཆོས་དབྱིངས་ནམ་མཁའ་རྣམ་དག་གི་རང་བཞིན་ལ ལས་འབྲས་དགེ༷་སྡིག༷ དང་། ལྷ་འདྲེས་ཕན་གནོད་ཀྱི་ཚུལ་ལ་བརྟགས་པ༵་ན། སྒོ་གསུམ་གྱིས་དགེ་སྡིག་གང་བསགས་པ་ཐམས་ཅད་གནས་ཡུལ་གང་དུའང་མ་མཆིས་ཤིང་། ཐམས་ཅད་ཅང་མེད་སྟོང་པ་ཡུལ་མེ༷ད་ཟང་ཐལ་གྱི་ངང་དུ་སོང་བ་ལས་མེད་ན། རྒྱུ་དགེ་སྡིག་དང་འབྲས་བུ་བདེ་སྡུག་ཐམས་ཅད་ལས་བྱེད་པ་དང་འབྲས་བུ་མྱོང་བའི་སྣང་བ་ཙམ་ལས་མེད་པ་དང་། སེམས་སམ་ལུས་ལ་ཕན་གནོད་དུ་སེམས་ན་ཡང་ཡུལ་དང་ཡུལ་ཅན་གཉིས་ཆར་རྨི་ལམ་ལྟར་དོན་དུ་གྲུབ་པ་མེད་པའི་ཕྱིར་དགེ་སྡིག་ཐམས་ཅད་སེམས་ཀྱི་བྱེད་ལས་དང་། བདེ་སྡུག་ཐམས་ཅད་ཉམས་སུ་སྣང་བ་ཙམ་ལས་ལས་དང་བདེ་སྡུག་ཐམས་ཅད་གཟུགས་དང་དངོས་པོ་རང་མཚན་པ་མེད་པར་ཐག་ཀྱང་གཅོད་པ་སྟེ། ཀྱང་སྒྲས་དགེ་སྡིག་དང་ལྷ་འདྲེའི་ཕན་གནོད་ཀྱི་ཆོས་གཉིས་ཆར་གཞི་སྟོང་ཉིད་ གཅིག་གི་རང་བཞིན་དུ་སྡུད་པའོ། །དེ་ཡང་འཁྲུལ་སྣང་འདི་དབྱིངས་སུ་མ་ནུབ་ཀྱི་བར་དུ་དཀར་ནག་གི་ལས་ཆེ་ཕྲ་གང་བྱས་ཀྱང་རང་རང་གི་རྣམ་སྨིན་མ་ཟད་ཀྱི་བར་དུ་འཁོར་བའི་གནས འདིར་སྐྱེ་བའི་སྣོན་པར་འགྱུར་བ་ལས་གཏན་གྱི་བདེ་བ་ཐོབ་པར་མི་འགྱུར་ངེས་པའོ། །འདི་ལྟར་དགེ་བ་གཏན་ལ་དབབ་དགོས་པའི་རྒྱུ་མཚན་ནི ཐར་པ་དང་རྣམ་མཁྱེན་གྱི་གོ་འཕང་ཐོབ པར་བྱེད་པའི་ལམ་གྱི་གཙོ་བོ་ནི་ཤེས་རབ་སྟེ། ཞི་བ་ལྷས། ཡན་ལག་འདི་དག་ཐམས་ཅད་ནི། །ཐུབ་པས་ཤེས་རབ་དོན་དུ་གསུངས། །དེ་ཡི་ཕྱིར་ན་སྡུག་བསྔལ་དག །ཞི་བར་འདོད་པས་ཤེས་རབ་སྐྱེད། །ཅེས་གསུངས་པ་ལྟར་ཡིན་ཀྱང་། གང་ཟག་བློ་རྨོངས་པ་མྱོང་ཞེན་ལ་དགའ་བ་རྣམས་སྟོང་ཉིད་བསྒོམ་ཚེ་ཡིད་ལ་མྱོང་ཞེན་མ་གྲུབ་པའི་དབང་གིས་ཡིད་ཆེས་དང་བློ་གཏད་མེད་པར་གྱུར་ནས་འདི་ལ་བྱ་རྩོལ་དང་བཅས་བཅོས་མེད་པས་འདི་ཡིས་མི་