Tibetan
གཞིར་གནས་ཀྱི་རིག་པ་མཐའ་གྲོལ་ཀློང་ཡངས་ཆེན་པོའི་གནས་ལུགས་སྤྲོས་པ་དང་བྲལ་བ། སྐུ་དང་ཡེ་ཤེས་ཆེན་པོའི་ངང་ཉིད་ཡིན་ལུགས་ཇི་ལྟ་བ་བཞིན་དུ་ཐམས་ཅད་ཁོང་དུ་ཆུབ་པ་ལ་གཞིའི་རིག་པ། དེ་ཉིད་བླ་མ་དམ་པའི་མན་ངག་ལ་བརྟེན་ནས་གཞིའི་ཆོས་ཉིད་ཀྱི་གནས་ཚུལ་དང་ཡིན་ལུགས་རྣམས་སྟོང་གསལ་འདུས་མ་བྱས་པར་ལྷུན་གྱིས་གྲུབ་ཅིང་དྭངས་གསལ་རྙོག་མ་དང་བྲལ་བ། རིག་པ་འོད་གསལ་ཆེན་པོའི་ངང་མངོན་དུ ༄༅། །བྱེད་པ་ལ་ནི་ལམ་གྱི་རིག་པ། དེ་ལྟར་གཞིའི་རིག་པ་མངོན་དུ་གྱུར་ཅིང་ལམ་མཐར་ཕྱིན་ནས་རྩལ་རྫོགས་པ་གཉིས་དུས་འཛོམ་པ་གཞི་ལ་དབང་བསྒྱུར་བའི་ཁྱབ་བརྡལ་རིག་པ་རྫོགས་པ་ཆེན་པོ་ཞེས་འབྲས་བུའི་རིག་པའོ། །དེའི་ངོ་བོ་ཆོས་སྐུ གདངས་སྐུ་གསུམ། རྩལ་ཡེ་ཤེས། རོལ་པ་དོན་དམ་པ་ཡིན་ནོ། །གཉིས་པ་ཡིད་དང་ཤེས་རབ་ཀྱི་དབྱེ་བ་ལ། རྣམ་པར་རྟོག་པའི༴སོགས། ཞེས་བྱའོ། །ཡིད་ནི་སེམས་ཀྱི་རང་བཞིན་འོད་གསལ་བ་རྣམ་པར་རྟོག་པའི་ཆོ་འཕྲུལ་སྣ་ཚོགས་པ་མཆེད་པའི་གཞིར་གྱུར་ཞིང་ཕྱི་ནང་སྣོད་བཅུད་དུ་སྣང་བ་ཐམས་ཅད་མངོན་དུ་བྱེད་པའི་འཆར་སྒོ་མ་འགགས་པ་ལ་ཡིད་དང་། དེའི་ཀློང་དུ་མཐོང་ཐོས་མྱོང་ཚོར་རེག་མྱོང་གི་སྣང་བ་མཆེད་པའི་ཡུལ་དྲུག་གི་སྒོ་འགགས་པ་མེད་ཅིང་ཡུལ་སྣང་ཐམས་ཅད་ཐ་དད་དུ་བཟུང་བ་ལ་ཡིད་ཀྱི་རྣམ་པར་ཤེས་པ་ཞེས་བརྗོད་པ་ཡིན་ནོ། །ཤེས་རབ་ནི་འཁོར་འདས་ཐམས་ཅད་སྟོང་ཉིད་ཆེན་པོ་གཅིག་གི་ཀློང་དུ་འུབ་ཆུབ་ཅིང་ཡོངས་སུ་རྫོགས་པའི་ངང་ཚུལ་ཇི་ལྟ་བ་བཞིན་དུ་ཤེས་ཤིང་རིག་པ་ལ་གཞིའི་ཤེས་རབ། ཆོས་སྐུ་བདེ་གཤེགས་སྙིང་པོའི་གནས་ལུགས་ངོ་འཕྲོད་མཐར་རིག་པ་ཟང་ཀ་རྒྱ་ཡན་བློས་རྟོག་གི་དྲི་མས་མ་གོས་པ་ གསལ་སྟོང་འཛིན་པ་བྲལ་བ་རང་གསལ་ཡེ་ཤེས་ཀྱི་འཆར་སྒོ་འགགས་པ་མེད་པ་ཉིད་མངོན་དུ་བྱེད་པ་ལ་ལམ་གྱི་ཤེས་རབ། དེ་གཉིས་མཉམ་པར་བརྡལ་ཞིང་དུས་འཛོམ་པ་ལ་ཀུན་ཁྱབ་ཀྱི ཡེ་ཤེས་ཆེན་པོ་སྟེ་ཁྱབ་བྱེད་ཀྱི་ཤེས་རབ་ཅེས་བྱ་བ་ཡིན་ནོ། །གསུམ་པ་རྣམ་ཤེས་དང་ཡེ་ཤེས་ཀྱི་དབྱེ་བ་ལ། འདོད་ཡོན་གྱི༴སོགས། ཡེ་ཤེས་ཞེས་བྱའོ། །རྣམ་ཤེས་ནི་ཡིད་ཀྱི་ཀློང་དུ་འདོད་ཡོན་གྱི་སྣང་བ་མཆེད་པའི་སྣང་ཡུལ་གོ་མ་འགགས་པ་དྭངས་ཤིང་གསལ་བའི་ཆ་རང་ཆས་སུ་ཡོད་པ། དབང་རྩ་སོ་སོའི་ལམ་དུ་ཞུགས་ནས་ཡུལ་ཐུག་འཕྲད་རྟོག་མེད་དུ་འཛིན་པ་ཡིན ལ། དབང་པོ་སོ་སོའི་སྒོ་ནས་ཁ་ཕྱིར་བལྟས་ཀྱི་ཚུལ་དུ་ཡོད་པའི་ཕྱིར་ན། གཟུགས་སྒྲ་དྲི་རོ་རེག་བྱའི་སྣང་བར་མཆེད་པ་ལ་སྒོ་ལྔའི་རྣམ་ཤེས་དང་། སྣང་བ་ལ་དངོས་པོ་ཐ་དད་དུ་འཛིན་པ་ལས་རླུང་གི་བཞོན་པ་བྱས་ནས་མིང་བཏགས་ཤིང་དོན་དངོས་སུ་བཟུང་བ་ལ་ཡིད་ཀྱི་རྣམ་ཤེས་དང་། ཤེས་པ་སྔ་ཕྱི་ཕྲ་རགས་དུས་འཛོམས་པས་འཁོར་བ་ཡོངས་སུ་གྲུབ་པ་ཡིན་ནོ། ཡེ་ཤེས་ནི་ཆོས་ཉིད་བདེ་བར་གཤེགས་པའི་སྙིང་པོ་སྐུ་གསུམ་མཉམ་བརྡལ་གྱི་དབྱིངས་ཆེན་པོའི་ངང་གདངས་སྐུ་དང་ཡེ་ཤེས་ལམ་དང་འབྲས་བུ་ཐམས་ཅད་ཀྱི་ངང་ཚུལ་ཇི་ལྟ་བ་བཞིན་དུ་ ༄༅། །ཤེས་པར་བྱེད་ཅིང་གཞིའི་གནས་ལུགས་མཐོང་བ་ལ་ཇི་ལྟ་བ་མཁྱེན་པའི་ཡེ་ཤེས་དང་། དེ་ལྟ་བུའི་ཆོས་ཉིད་དེ་བཞིན་ཉིད་ཀྱི་གནས་ལུགས་དང་ཡིན་ལུགས ཐམས་ཅད་ཡིད་དཔྱོད་དུ་མ་སོང་བར་རིག་པ་རང་གི་ངོ་བོར་རྫོགས་པ་ཉིད་ལམ་མངོན་དུ་བྱེད་པའི་དུས་སུ་ཆོས་རྣམས་ཀུན་གྱི་མཚན་ཉིད་ཤེས་ཏེ། འཁོར་འདས་སུ་གཏོགས་པའི་ཆོས་རྣམས ཀྱང་རིག་པ་རང་བྱུང་གི་རོལ་པ་རུ་རྟོགས་ཤིང་འོད་གསལ་གྱི་འཆར་སྒོ་མ་འགགས་པ་ལ་ཇི་སྙེད་པ་གཟིགས་པའི་ཡེ་ཤེས་དང་། དེ་ལྟར་མཁྱེན་གཟིགས་ཀྱི་ཡེ་ཤེས་ངོ་བོ་ཀ་ནས་དག་ཅིང་འཁོར་འདས་དག་མཉམ་དུ་རོལ་པ་ཆོས་དབྱིངས་སྤྲོས་པ་དང་བྲལ་བའི་ངང་ཉིད་ལས་ཀ་དག་མཉམ་པ་ཉིད་ཀྱི་ཡེ་ཤེས་ཞེས་བྱའོ། །བཞི་པ་ཀུན་གཞི་དང་ཆོས་སྐུའི་དབྱེ་བ་ལ། གཞི་མ་རིག་༴སོགས། བཟང་པོའོ། །ཀུན་གཞི་ནི་གཞི་དབྱིངས་ཆོས་སྐུ་ཆེན་པོའི་རང་མདངས་མངོན་དུ་མ་གྱུར་ཞིང་མ་རིག་པས་བསྒྲིབས་པའི་དབང་གིས་གཞི་ལུང་མ་བསྟན་དུ་སོང་བ། དཔེར་ན་གཉིད་འཐུག་པོའི་གནས་སྐབས་ལྟར་གདངས་རྩལ་གྱི་འཆར་སྒོ་འགགས་པ་དེའི་ངང་དུ་འབྱམས་ཀླས་པ་ལྟ་བུ་ལ་ཐོག་ཕེབས་ཀྱི་ཀུན་གཞི་དང་། འཕྲལ་གསལ་གྱི་ཀུན་གཞི་ནི་ཀུན་གཞིའི་ རྣམ་ཤེས་གསལ་ལ་རྟོག་པ་མེད་པའི་ཆ་དེ་ཡིན་ནོ། །དེ་ལྟ་བུའི་ཀུན་གཞིའི་ཁམས་དེ་ལས་དཔེར་ན་རྨི་ལམ་སྣ་ཚོགས་སུ་སྣང་བ་ལྟ་བུར། ཀུན་གཞིའི་མཁའ་ལས་ལས་རླུང་གཡོ་བའི སྟོབས་ཀྱིས་སྣང་བ་སྣ་ཚོགས་པའི་འཆར་སྒོ་བྱེད་ཅིང་འཁོར་བ་ཀུན་གྱི་ངོ་བོ་དང་གཞི་རྩ་ཡིན་པས། དེ་ལྟ་བུའི་ཀུན་གཞིའི་ངོ་བོ་མ་རིག་པ། གདངས་སྣང་བ། རྩལ་སེམས་བྱུང་། རོལ་པ་ཀུན་རྫོབ་ཀྱིས་བསྡུས་པའི་ཆོས་ཐམས་ཅད་ཡིན་ནོ །ཆོས་སྐུ་ནི་གཞི་བདེ་བར་གཤེགས་པའི་སྙིང་པོ་སྐུ་གསུམ་ཡེ་ཤེས་ལྔའི་བདག་ཉིད་ཅན་དེའི་མཚན་ཉིད་རིག་ཅིང་ཆོས་ཐམས་ཅད་སྟོང་ཞིང་བདག་མེད་པ་འཁོར་འདས་ཀུན་ཁྱབ་ཀྱི་བདག་ཉིད་ཆེན་པོའི་ངང་མངོན་དུ་གྱུར་ཅིང་། ཆོས་ཅན་མཚན་མར་འཛིན་པའི་སྣང་བ་ཐམས་ཅད་ཆོས་ཉིད་སྤྲོས་པ་དང་བྲལ་བ་འཁོར་འདས་དག་མཉམ་ཆེན་པོར་བཞུགས་པ་ཉིད་ངོ་ཤེས་པའི་ངང་དེར་འཛིན་སྟངས་སེམས་ཀྱི་དྲི་ཙམ་གྱིས་ཀྱང་མ་གོས་པར། རིག་པ་ཧར་སངས་རྒྱ་ཡན་ཆེན་པོའི་གཤིས་ཐོག་དེ་ལས་མ་གཡོས་པར་བྱ་བ་ཉིད་ཆོས་སྐུ་ཀུན་ཏུ་བཟང་པོ་ཞེས་སྐྱོན་དང་ཡོན་ཏན་གང་གིས་ཀྱང་བསྒྱུར་དུ་མེད་པ་དུས་གསུམ་ཀུན་ཏུ་འགྱུར་བ་མེད་པས་ན་ཆོས་སྐུ་ཞེས་བྱའོ། །ཡང་དོན་དམ་ཀུན་རྫོབ་གཉིས་སུ་གནད ༄༅། །བསྡུ་བ་ནི རིགས་ཀྱི་བུ་ཆུ་ཟླ༴སོགས། ཅེས་བྱ་བ་ཡིན་ནོ། །རིགས་ཀྱི་བུ་ཆུ་དྭངས་གསལ་གྱི་ཆ་ལ་གཟའ་སྐར་དང་གཟུགས་བརྙན་གྱི་སྣང་བ་ཇི་ལྟར་ཤར་ཡང་ཐམས་ཅད་ཆུའི་རོལ་པ་སྟེ་ཆུ་ཉིད་ལས་མ་འདས་པ་དང་། སྣོད་བཅུད་ཀྱི་སྣང་བ་རྒྱ་ཆེ་ལ་གྲངས་མང་བ་ཇི་ལྟར་སྣང་ཡང་ཐམས་ཅད་ནམ་མཁའི་རོལ་པ་སྟེ་ནམ་མཁའ་ཉིད་ལས་མ་འདས་པ་བཞིན་དུ། འཁོར་འདས་ཀྱིས་བསྡུས་པའི་ཆོས་ཐམས་ཅད་རྒྱ་ཆེ་ལ་གྲངས་མང་བ་ཇི་ལྟར་དུ་སྣང་ཡང་ཐམས་ཅད་སེམས་ཉིད་བདེ་གཤེགས་སྙིང་པོ་གཅིག་གི་རོལ་པ་ལས་མ་འདས་ཤིང་། གཞི་ཉིད་དུ་རོ་གཅིག་ཅིང་གཞིའི་ཆོས་ཉིད་ལས་མ་འདས་པ་ཡིན་ནོ། །དེ་བཞིན་དུ་གཞིའི་ཆོས་སྐུ་གཏིང་གསལ་ཆེན་པོ་མངོན་དུ་བྱས་པའི་དུས་དེར། ངོ་བོ་འཁོར་འདས་དག་མཉམ་གྱི་ཆོས་སྐུ། རང་བཞིན་ཇི་ལྟ་བ་མཁྱེན་པའི་ཡེ་ཤེས་ལོངས་སྤྱོད་རྫོགས་པའི་སྐུ་དང་གཞིའི་གསལ་ཆ་མ་འགགས་པ་སྒོ་གཉིས་འཆར་ལུགས་དྲུག་གི་ཚུལ་དུ་གནས་པའི་ཐུགས་རྗེ་རང་གསལ་སྒྲིབ་གཡོགས་དང་བྲལ་བའི་ཆ་ལ་སྤྲུལ་སྐུ་སྟེ དེའི་ངོ་བོ་ཆོས་སྐུ གདངས་ཤེས་རབ རྩལ་ཡེ་ཤེས། རོལ་པ་དོན་དམ་པའོ། །གཞི་ཀ་དག་གི་ངོ་བོ་དང་ངང་ཚུལ་མ་རིག་པའི་ ངོ་བོ་ལུང་མ་བསྟན་གྱི་ཆ་ལ་ཀུན་གཞི། དེའི་ངོ་བོ་མ་རིག་པ། གདངས་སྣང་བ། རྩལ་སེམས་བྱུང་། རོལ་པ་ཀུན་རྫོབ་ཅེས་བྱ་བ་ཡིན་ནོ། །མཐར་ཐུག་འཁོར་འདས་ཆོས་ཉིད་ཆེན་པོས ཆིངས་པའི་ཚུལ་ནི འདི་ལྟར༴སོགས། མཆོག་ཏུ་ཟུངས་ཤིག །ཆིངས་པ་ནི་ཆུའི་གཟའ་སྐར་ཐམས་ཅད་ཆུ་ཉིད་ཀྱིས་ཆིངས་པ་དང་། བརྟན་གཡོ་འདི་དག་ཐམས་ཅད་ནམ་མཁའ་ཉིད་ཀྱིས་ཆིངས་པ་དང་། འཁོར་འདས་ཀྱི་སྣང་བ་རྒྱ་ཆེ་ལ་གྲངས་མང་བ། ཇི་ལྟར་དུ་སྣང་ཡང་གཞིའི་ཆོས་ཉིད་གཅིག་གིས་ཆིངས་པ་ཡིན་ཏེ། སེང་གེ་རྩལ་རྫོགས་ལས ཀུན་ཏུ་བཟང་མོའི་བྷ་ག་ཀློང་ཡངས་སུ། །སྣང་སྲིད་འཁོར་འདས་བྱུང་བ་རྣམ་ལྔ་ཆུབ །ཅེས་དང་། ཀུན་བྱེད་ལས།དེ་བས་སྣང་སྲིད་འཁོར་འདས་ཐམས་ཅད་ཀུན། །ནམ་མཁའི་ངང་ན་མི་གནས་མེད་པ བཞིན། །བྱང་ཆུབ་སེམས་ཀྱི་ཀློང་ཆེན་ཡུལ་ཆེ་བས། །སངས་རྒྱས་སེམས་ཅན་སྣོད་བཅུད་ཀུན་ཀྱང་གནས། །ཞེས་སོ། རོལ་པ་ནི། གཟའ་སྐར་རྒྱ་མཚོའི་རོལ་པ་དང་། སྣོད་བཅུད་ནམ་མཁའི་རོལ་པ་བཞིན་དུ། །འཁོར་འདས་ཆོས་ཉིད་ཀྱི་རོལ་པ་དང་། ཁྱབ་པ་ནི་སྣོད་བཅུད་ནམ་མཁའ། གཟའ་སྐར་རྒྱ་མཚོས་ཁྱབ་པ་བཞིན་དུ། འཁོར་འདས་གཞིས་ཁྱབ་པ་དང་ ༄༅། །བརྡལ་བ་དང་དེ་དག་གི་གཤིས་སུ་གཞི་ཆོས་ཉིད་ཀྱིས་བརྡལ་བའི་ངང་ཚུལ་དང་གནས་ལུགས་ཡིན་ལུགས་ཇི་ལྟ་བ་བཞིན་དུ་ཤེས་པར་བྱས་ཏེ། ཆོས་ཉིད་ཀྱི་ངང་དུ་མ་བཅོས་རང་ཁར་འདུག་པ་དེའི་ངང་དུ་བབ་ཀྱིས་བཞག་པ་ནི་ངང་བཞག་ཆེན་པོ་དང་། བློ་ཡིད་འཛིན་རྩོལ་དང་བྲལ་བས་བློ་འདས་ཆེན་པོ་དང་། མ་བཅོས་རང་སར་ཡན་པས རྒྱ་ཡན་ཆེན་པོ་སྟེ། མདོར་ན་འདི་ལྟར་ཡིན་ཞེས་ངོས་བཟུང་མེད་པ། མཚན་མ་ཚིག་གི་ལམ་དང་བྲལ་བའི་ཆོས་ཉིད་ཅི་ཡང་མ་ཡིན་པ་བརྗོད་བྲལ་ཆེན་པོའི་ངང་དུ་ལ་བཟླ་དགོས་ཏེ། གནས་ལུགས་མཛོད་ལས། མིང་མེད་སྤྲོས་དང་བྲལ་བའི་ཀློང་ཆེན་དུ། །སྣང་སྲིད་འཁོར་འདས་ཆོས་རྣམས་ལ་བཟླའོ། །ཞེས་གསུངས་པ་བཞིན་དུ། རིག་པ་ཡེ་ནས་སྤྲོས་པ དང་བྲལ་བའི་ངང་ནས་ཤར་བ་འཁོར་འདས་ཀྱི་ཆོས་སོ་ཅོག་མཐར་ཡང་དེར་ལ་བཟླ་སྟེ། ཐལ་གྱུར་ལས། གྲོལ་ས་ཉིད་ནི་ཐོག་མའོ། །ཞེས་གསུངས་པ་ལྟར་རོ། །དེའི་ན་རྣམ་པ་ཐམས་ཅད་མཁྱེན་པའི་ཡེ་ཤེས་ཆེན་པོ་མ་ཐོབ་ཀྱི་བར་དུ་ཐང་ལྷོད་མེད་པའི་བརྩོན་འགྲུས་དྲག་པོའི་སྒོ་ནས་བྲག་ཕུག་ལ་ཞྭ་བྱས། རིག་པའི་ཡེ་ཤེས་ལ་གྲོགས་བྱས། ཟྭ་དང་ལོ་ མ་ལ་ཁ་ཟས་བྱས་ཏེ། བློ་ཕུག་ཆོས་ལ་གཏད། ཆོས་ཕུག་སྤྲང་ལ་གཏད། སྤྲང་ཕུག་ཤི་ལ་གཏད། ཤི་ཕུག་བྲག་སྟོང་ལ་གཏད་དེ། རྩེ་གཅིག་ཏུ་ཉམས་སུ་བླང་བ་ནི གནད་མཆོག་ཏུ་ཟུངས་ཤིག །ཅེས་གསུངས་ཤིང་ཆོས་ཉིད་ཀྱི་དབྱིངས་སུ་འབྱམས་ཀླས་སོ། །གསུམ་པ་ཐ་མར་དགེ་བ་མཇུག་གི་དོན་ནི། ཞེས་པ་འདི་ཡང་༴སོགས། བགྱིས་པའོ། །ཆོས་འདི་ཐོག་མར་བཀའ་བཙན་པས་དགེའོ། །བར་དུ་བྱིན་རླབས་མྱུར་བས་དགེའོ། །ཐ་མར་བཀྲ་ཤིས་པས་དགེའོ། །འགྲོ་བ་ལྷ་དང་བཅས་པས་ལེགས་སོ་ཞེས བཀུར་སྟི་དང་ཕུ་དུད་བྱེད་པའི་དོན་ནོ །ཆོས་འདི་གང་དུ་དར་ཞིང་གནས་པའི་ཕྱོགས་དུས་གནས་སྐབས་ཀུན་ཏུ་བཀྲ་ཤིས་པར་གྱུར་ཅིག་ཅེས་པའི་དོན་དེ་མངྒ་ལཾ།། །། ༈ སྨྲས་པ། དེ་ལྟར་ཟབ་གསང་སྙིང་པོ་མཐའ་ཡས་ཀྱང་། །ཀུན་གྱི་མཆོག་གྱུར་མན་ངག་རྫོགས་པ་ཆེ། །ཐུན་མོང་མ་ཡིན་ཚེ་གཅིག་བསྒྲོད་པའི་ལམ། །སྙིང་པོའི་དོན་ཟབ་འཇུག་ངོགས་ཟབ་མོ་འདི། །འཆད་ཚུལ་རིག་འཛིན་བླ་མའི་བཀའ་སྲོལ་རྣམས། །གཅིག་འདུས་མཉམ་མེད་གཏེར་ཆེན་བླ་མ་རྗེའི །མགོན་དེའི་གསུང་གསང་སྙིང་པོའི TI1621 - 338 ༄༅། །བདུད་རྩི་འདི། །བདག་བློའི་པདྨོའི་དཔལ་དུ་ལེགས་པར་ཤར། །གུས་པས་བསྟན་འགྲོར་སྨན་པའི་ལྷག་བསམ་གྱིས །སོར་བཞག་ཚིག་དཔང་ཞལ རྒྱུན་གདམས་པའི་བཅུད། །ཉམས་ལེན་གནད་བསྡུས་ནག་འགྲོས་ཡི་གེར་བཀོད། །སྐལ་ལྡན་རྣམས་ཀྱི་གཙུག་གི་རྒྱན་བཟུང་ན། །བསྐལ་པར་འབད་པ་མི་དགོས་ཚེ་འདིར་གྲོལ།། སྐལ་ལྡན་འགྲོ་རྣམས་ཟབ་ལམ་འདི་ཡི་མཐུས །སྐད་ཅིག་གཅིག་གི་རྫོགས་སངས་རྒྱས་གྱུར་ཅིག །ཀུན་མཁྱེན་རྒྱལ་པོ་གསང་སྔགས་གླིང་པ་ཡིས །ཀུན་བཟང་ཐུགས་ཀྱི་བསྟན་པ་ཡོངས་བཟུང་ནས། །ཀུན་གསལ་འོད་ཀྱིས་འགྲོ་བའི་རྨོངས་ཀུན་སེལ། །ཀུན་ཀྱང་པདྨ་འོད་དུ་འདྲེན་མཛད་པའི། །འཁོར་གྱི་ཐོག་མར་བདག་ཅག་གྱུར་ནས་ཀྱང་།། སྟོན་འཁོར་དགོངས་པ་དབྱེར་མེད་འགྲུབ་པར་ཤོག །རྒྱལ་བའི་བསྟན་པ་ཕྱོགས་བཅུར་དར་བ་དང་། །རྒྱལ་བསྟན་འཛིན་པའི་སྐྱེས་བུའི་སྐུ་ཚེ་བརྟན །རྒྱལ་དབང་པདྨའི་རིང་ལུགས་སྙིང་པོའི་ཆོས། །རྒྱལ་ཁམས་ཡོངས་ལ་དར་ཞིང་རྒྱས་པར་ཤོག །ཅེས་པ་འདི་ཡང་བདག་ཅག་གི་འདྲེན་སྟོན་དམ་པ་མཚན་བརྗོད་པར་དཀའ་ནའང་དོན་གྱི་སླད་དུ་སྨོས་ན་ སྐྱབས་རྗེ་ཐམས་ཅད་མཁྱེན་པ་གཏེར་ཆེན་རིན་པོ་ཆེ་པདྨ་ལས་འབྲེལ་རྩལ་གྱིས་ཐུགས་བརྩེ་བ་ཆེན་པོས་དགོངས་ཏེ་གཅེས་ནོར་གྱི་ཚུལ་དུ་གནང་བའི་གདམས་པ་མན་ངག་རྒྱ་མཚོའི་ཡང་ཞུན་བདུད་རྩི་ལྟ་བུའི་དོན་རྣམས་བརྗེད་ཀྱིས་དོགས་ནས་ལུང་རིག་སོགས་སྤྲོས་པའི་ལམ་དུ་མ་དྲངས་པར་ཞལ་རྒྱུན་ཇི་བཞིན་པ་འཆུགས་མེད་བློ་བཅོས་མེད་པར། གཏེར་ཆེན་ཉིད་ཀྱི་ལུང་གིས བསྔགས་པ་གཟུངས་མའི་ཆ་ཙམ་འཛིན་པ་སློབ་འབངས་ཀུན་གྱི་ཐ་ཤལ་བ་བདེ་ཆེན་བདེ་བའི་རྡོ་རྗེའམ་ཀུན་བཟང་བདེ་སྐྱོང་དབང་མོས་རང་གཞན་ལ་ཕན་པའི་སེམས་ཀྱིས་གོ་བདེར་ནག་འགྲོས་སུ་བཀོད་པ། ཡི་གེའི་མཐུན་རྐྱེན་དམ་པ་གང་གི་ལུང་ཟིན་ཆོས་ཀྱི་བདག་པོ་ཚུལ་ཁྲིམས་རྡོ་རྗེའམ་ཡོངས་གྲུབ་རིག་པའི་རྡོ་རྗེས་བགྱིས་པ། ཕྱོགས་དུས་གནས་སྐབས་ཀུན་ཏུ དར་ཞིང་རྒྱས་པར་གྱུར་ཅིག །སརྦ་མངྒ་ལཾ། །།ཟིན་བྲིས་འདི་ཉིད་སྔར་སྐྱབས་རྗེ་རིན་པོ་ཆེ་ཉིད་ཀྱིས་དག་ཐེར་ལེགས་པར་བྱས་ཏེ། ཁྲིད་ཡིག་བྱེད་དགོས་གསུངས ཀྱང་། རྗེ་ཉིད་ཞིང་དུ་ཕེབས་པ་སོགས་གནས་དུས་ཀྱི་རྐྱེན་དུ་མ་ལ་བརྟེན་ནས་བཏང་སྙོམས་སུ་ལུས་སྐབས་ཨ་སྐྱེས་དབོན་འཇིགས་མེད་ཚུལ་ཁྲིམས་དང་རང་སློབ་རྣམས་ཀྱིས་འཆད་ ༄༅། །བདེ་བའི་ཆེད་དུ་ཁྲིད་ཡིག་ལ་གསལ་ཁ་ཅུང་ཟད་རེ་དགོས་ཞེས་དོན་ཆེར་གཉེར་བ་ལ་བརྟེན་ཏེ། སྔོན་མ་ཐེབས་པའི་རྗེའི་ཞལ་ཁྲིད་རྣམས་ཀྱིས་བྲི་བསྣན་བྱས་ནས ཅུང་ཟད་གསལ་བར་བཀོད་པ་པོ་ཁོ་མོ་རང་ཉིད་ཀྱིས་བགྱིས་པའོ། །། ༈ པདྨའི་རིང་ལུགས་སྔ་འགྱུར་རྫོགས་པ་ཆེ། །ངེས་དོན་སྙིང་པོའི་ཤིང་རྟ་བདུད་འཇོམས གླིང་། །གང་གི་ཟབ་གཏེར་བསྟན་པ་སྲིད་མཐའི་བར། །མི་ནུབ་བཤད་དང་སྒྲུབ་པས་འཛིན་གྱུར་ཅིག །དགེའོ། །དགེའོ །དགེའོ། །སརྦ་མངྒ་ལཾ། ྋ 337 338ཟིན་ཟིན་TI1621 - 341 T11621 - 342 ༈ མ ༄༅། TI1621 - 343 བདུད་འཇོམས་རྡོ་རྗེ་རྣོན་པོའི་རྒྱུད་༄༅། །ཤེས་རིག་མ་བཅོས་རྫོགས་པ་ཆེན་པོའི་དོན། །ཇི་བཞིན་གཟིགས་ནས་གཞན་ལ་སྤེལ་མཁས་པ། །པདྨའི་རྒྱལ་ཚབ་གཏེར་ཆེན་ཆོས་ཀྱི་རྒྱལ། །བྱང་ཆེན་བར་དུ་མི་འབྲལ་སྤྱི་བོས་བསྙེན། །སྔ་འགྱུར་རྙིང་མའི་རིང་ལུགས་བླ་ན་མེད། །ཚེ་གཅིག་སངས་རྒྱས་མྱུར་ལམ་སྙིང་པོའི་ཆོས། །སྔོན་རབས་དུ་མའི་སྦྱངས་སྟོབས་དུས་སྨིན་པའི། །ཉམས་མྱོང་རྟོགས་པའི་ལག་རྗེས་འདི་ཀོ་རྨད །དེ་ལ་འདིར་ཀ་དག་ཁྲེགས་ཆོད་ཀྱི་གནས་ལུགས་དང་། ལྷུན་གྲུབ་ཐོད་རྒལ་གྱི་ལམ་མ་ནོར་བར་སྟོན་པ་ཤེས་རིག་རྡོ་རྗེ་རྣོན་པོའི་རྒྱུད་ཅེས་བྱ་བ་གསང་ཆེན་སྔགས་ཀྱི་TI1621 - 344 ༅ རྐྱ༡ ༄༅། །ཡང་སྙིང་བཅུད་དུ་དྲིལ་བ་འདི་ཉིད་ཀྱི་འགྲེལ་པ་ཉུང་བསྡུས་ཞིག་ཅི་ནུས་སུ་འཆད་པ་ལ་གསུམ་སྟེ། མཚན་དོན། གཞུང་དོན། མཇུག་དོན་ནོ། །དང་པོ་ལ། མཚན་སྨོས་པ། མཚན་དོན་བཤད་པ། མཚན་ཇི་ལྟར་བཏགས་ཚུལ དེ་ལྟར་བཏགས་པའི་དགོས པ་དང་བཞི་ལས། དང་པོ་ནི། དག་སྣང་ཡེ་ཤེས་ནས། བཞུགས༔ ཞེས་པའི་བར་རོ། །གཉིས་པ་ལ། གང་ལས་འབྱུང་བའི་གཞི། དེ་ལས་བྱུང་བའི་ཆོས་ཀྱི་མཚན་ནོ། །དང་པོ་ནི། བསྐྱེད་རྫོགས་ཟབ་མོའི་ལམ་ལ་གོམས་པའི་མཐུས་ཡུལ་གང་ལྟར་སྣང་བ་ཐམས་ཅད་དག་པའི་TI1621 - 345 བདུད་འཇོམས་རྡོ་རྗེ་རྣོན་པོའི་རྒྱུད་སྣང་བ་འབའ་ཞིག་ཏུ་མཆེད་ཅིང་། དེའི་ཡུལ་ཅན་ཇི་ལྟ་དང་ཇི་སྙེད་པའི་ཡེ༵་ཤེས་ཀྱི་རྩལ་ཕྱོགས་མེད་དུ་རྒྱས་པའི་ཚེ་མཆོག་ཐུན་གྱི་དངོས་གྲུབ་སྒྲུབ་པའི་ཐབས་སུ་གྱུར་པ་ཐབས་ཤེས་ལམ་གྱི་འཇུག་སྒོ་མཐའ་མེད་པར་ཤར་བ་ལས་བྱུང་བའི་ཕྱིར་དྲྭ་བ་ལས་ཏེ། མང་ལ་འབྲེལ་བ་དྲྭ་བའི་དོན།། ཞེས་གསུངས་པའི་ཕྱིར་མདོར་ན་སྒོམ་བྱུང་ཤེས་རབ་ཀྱི་རྩལ་ལས་བྱུང་བའི་ཆོས་སྡེ་ཐམས་ཅད་ལ་དག་སྣང་ཡེ་ཤེས་དྲྭ་བ་ཞེས་གསུངས་སོ།། གཉིས་པ་ནི། གནས་ལུགས་རང་ངོ་ནས་གཞལ་ན་སྒྲ་ཚིག་བསམ་བརྗོད་ལས་འདས་པས་ས་ལམ་གྱི་རྣམ་བཞག་སོགས་བྱར་མི་བཏུབ་ཀྱང་། TI1621 - 346 ༈ གསུམ་༄༅། །གདུལ་བྱའི་སྣང་ཚུལ་ལ་བརྟེན་ནས་གཞི་ལམ་འབྲས་གསུམ་གྱི་ཐ་སྙད་བཞག་པ་ལྟར། ཆོས་ཉིད་ངོ་བོ་ཀ་ནས་དག ཅིང་། དུས་གསུམ་འཕོ་འགྱུར་མེད་པའི་ཀུན་ཏུ་བཟ༷ང་མོའི་མཁའ་དབྱིངས་རྣམ་པར་དག་པ་དང་། རང་བཞིན་ལྷུན་གྱིས་གྲུབ་པའི་འོད་གསལ ཟུང་དུ་འཇུག་པའི་བདག་ཉིད་ཅན་འཁོར་འདས་ཀྱི་ཆོས་ཐམས་ཅད་མ་འདྲེས་ཡོངས་སུ་རྫོགས་པས་རྫོགས་པ་ཆེན་པོ། ལམ་དང་འབྲས་བུའི་ཡོན་ཏན་མ་ལུས་པ་འབྱུང་བའི་གཞིར་གྱུར་པས་ན་མཛོ༵ད་ཁང་ལྟ་བུ་ནི་གཞི་རྒྱུ༵ད ཡུལ་ཆོས་དབྱིངས་དེ་དང་རྗེས་སུ་མཐུན་པར་སྐྱེས་པའི་ཡུལ་ཅན་སོ TI1621 - 347 སོ་རང་རིག་པའི་ཡེ་ཤེས་སམ་ཤེས༷་རབ་ནི་ལམ་རྒྱུད་དངོས་དང་། དེ་མཚོན་བྱེད་མིང་ཚིག་ཡི་གེའི་རྣམ་པར་ཤར་བ་ནི་ལམ་རྒྱུད་བཏགས་པ་བ་སྟེ། དེ་ལ་དབྱེ་ན་སྒྲར་སྣང་བའི་རྒྱུད སྒྲར་གྲགས་པའི་རྒྱུད། བརྡར་གྱུར་པའི་རྒྱུད་དང་གསུམ་མོ །ཤེས་རབ་དེའི་ངོ་བོ་ནི་རྡོ་རྗེའི་ཆོས་བདུན་དང་ལྡན་ཞིང་རྟོགས་གོམས་ཀྱིས་དངོས་སྣང་བག་ཆགས་དང་བཅས་པ་འབིགས་ཤིང་གཞོམ་པས་རྡོ་རྗེ༷་རྣོན༷་པོ༷འི རྒྱུད་ནི་རྒྱུན་མི་ཆད་པར་རྒྱུན་ཆགས་སུ་གནས་པའི་དོན་ཏེ རྒྱུད་ནི་རྒྱུན་ཆགས་ལ་བཤད་དོ། །ཞེས་པའི་ཕྱིར། དེ་ཡང་གཞི་རྒྱུད་བདེ་གཤེགས་སྙིང་པོ་ནི་སེམས་ཅན་ནས་སངས་རྒྱས་ཀྱི་བར་དུ་རྒྱུན་ཆགས་སུ་གནས་པ་སྟེ རྒྱུད་བླ་མ་ལས། ཇི་ལྟར་སྔར་བཞིན་ཕྱིས་དེ་བཞིན། །འགྱུར་བ་མེད་པའི་ཆོས་ཉིད་དོ། །ཞེས་གསུངས་པའི་ཕྱིར། དབྱེ་ན་གནས་ལུགས་ངོ་བོ་ཉིད་ཀྱི་གཞི་དང་། འཁྲུལ་པ་བཏགས་པའི་གཞི་གཉིས་ལས། འདིས་སྔ་མ་དངོས་དང་། ཕྱི་མ་ཤུགས་བསྟན་ནོ། །ལམ་གྱིས་ནི་གཞི་འབྲས་མཚམས་སྦྱོར་བས་ན་རྒྱུད་དོ། །དབྱེ་ན། ཐབས་གྲོལ་གཉིས་ལས་ཕྱི་མའོ། །ལམ་གྱིས་གློ་བུར་གྱི་སྒྲིབ་པ་དག་ཅིང་གཞི་འབྲས་དབྱེར་མེད་ཀྱི་ངོ་བོ་མངོན་དུ་གྱུར་པ་འབྲས་རྒྱུད་དོ། །དབྱེ་ན། རང་དོན་ཆོས་ ༄༅། །སྐུ་དང་། གཞན་དོན་གཟུགས་སྐུ་གཉིས་སོ །དེ་ལྟར་སྟོན་པའི་ཆོས་འདི་ནི། ངེས་དོན་གྱི་མདོ་དང་གས༷ང་ཆེན་སྔག༷ས་ཀྱི་རྒྱུད་སྡེ་རྣམས་ཀྱི་ཡང༷་སྙིང་བཅུད༷་དུ་དྲིལ་བ་སྟེ། དེ་འདིར་ཡོད་པ་ལ་བཞུགས་སོ་ཞེས་བཏགས་པའོ། །གསུམ་པ་ནི། སྤྱིར་མཚན་འདོགས་ཚུལ་མང་དུ་ཡོད་པ་ལས་འདི་ནི་དོན་གྱི་སྒོ་ནས་མཚན་བཏགས་པའོ། །བཞི་པ་ནི་གོ་སླའོ། །གཉིས་པ་གཞུང་དོན་ལ་གཉིས་ཏེ གཞུང་སྤྱིའི་ཡན་ལག་ཏུ་མཆོད་པར་བརྗོད་པ། རྒྱུད་དོན་དངོས་བཤད་པའོ། །དང་པོ་ནི། རིགས་དང་དཀྱིལ་འཁོར་སོགས་ཀྱིས་བསྟན་ཏེ། དེ་ཡང་དུས་གསུམ་གྱི་རྒྱལ་བ་ཐམས་ཅད་སྐུ་གསུང་ཐུགས་ཡོན་ཏན་ཕྲིན་ལས་ལྔའི་ངོ་བོར་གྱུར་པས་ན་རིགས་ཐམས་ཅད་ཀྱི་སྤྲོ་གཞི་དང༷་། ཆོས་ཉིད་གཅིག་ལ་གདུལ་བྱའི་དབང་གིས་སོ་སོར་སྣང་བ་ཙམ་ཡིན་པས་ལྷ་ཞི་རྒྱས་