Tibetan
ཚེ་སྟོང་ཟད་དུ་འགྱུར་རོ་སྙམ་ནས་ཕྱག་བསྐོར་སོགས་ལ་བརྩོན་པའི་ཚེ་ཡང་སྒོམ་འདི་ལྷག་པར་ཤེས་པའི་ཆེད་དང་། གཞན་ཡང་སྒོམ་ཆེན་དུ་རློམས་ཀྱང་སྒོམ་པའི་ངོ་བོ་ལྟ་བ་ལྐོག་ཏུ་གྱུར་ནས་སེམས་གསལ་སྟོང་ཙམ་བསྒོམ་པ་དང་། ལུས་ངག་གི་དགེ་སྦྱོར་ཁོ་ནས་མི་ཚེ་འདའ་བ་རྣམས་ཀྱི་རྗེས་སུ་མི་ ༄༅། །འབྲང་བར། ལྟ་སྒོམ་ཟུང་དུ་འབྲེལ་ནས་ཉམས་སུ་ལེན་ཤེས་པའི་ཆེད་དུ་བསྟན་པའོ། །སྡིག་པ་གཏན་ལ་དབབ་པས་སྒྲིབ་པ་ཐམས་ཅད་ཀྱི་ངོ་བོ་ནི་རང་ངོ་རང་གིས་མ་རིག་པ་ཡིན་པས། དེ་གནས་ལུགས་རིག་པའི་རང་ཞལ་སྐྱོང་བ་ལས་ལུས་ངག་གི་དགེ་སྦྱོར་ཙམ་གྱིས་སྦྱོང་མི་ནུས་པར་ཤེས་ནས་ཡང་དག་པའི་ལམ་ལ་ཡིད་ཆེས་ཤིང་བྱ་བ་དགུ་སྤྲུགས་སུ་བཏང་ནས་འཆི་མཐར་ཐུག་གི་བར་དུ་བརྩོན་པའི་དགོས་པ་ཡོད་དོ། །སྐྱོབ་བྱེད་ལྷ་དང་གནོད་བྱེད་འདྲེ་གདོན་ལ་བརྟགས་ན། ཡུལ་འབྱུང་ལྔ། རི་བྲག་རྩིག་པ་ཁང་ཁྱིམ་སོགས་ནི། དང་པོ་ལྷ་འདྲེ་བྱུང་བའི་ཁུངས་སུ་མ་གྲུབ བར་དུ་གནས་པའི་རྟེན་དུ་མ་གྲུབ ཐ་མ་འགྲོ་བའི་ཡུལ་དུ་མ་གྲུབ་སྟེ་ཅིའི་ཕྱིར་ཞེ་ན། དེ་ཐམས་ཅད་རང་སྣང་འཁྲུལ་པ་རྨི་ལམ་གྱི་ཡུལ་སྣང་ལྟར་དོན་ལ་མ་གྲུབ་པའི་ཕྱིར་རོ། །ལྷ་འདྲེ་དངོས་ཅན་དུ་མ་གྲུབ་སྟེ གཟུགས་སྒྲ་དྲི་རོ་རེག་བྱའི་ཡུལ་དུ་མ་གྲུབ་པས་སོ། །ཡང་ཐ་སྙད་ཀུན་རྫོབ་ཏུ་རང་ལས་རྒྱུད་ཐ་དད་པའི་ལྷ་འདྲེ་ཞིག་ཡོད་ངེས་ཀྱང་། དེས་ཕན་གནོད་བྱེད་པ་མི་སྲིད་དེ། གཟུགས་ཅན་གྱིས་གཟུགས་ཅན་ལ་ཕན་གནོད་བྱེད་པ་མིན་ཏེ། གཟུགས་ཅན་ཡིན་ན་དམིགས་དགོས་པ་ལས མི་དམིགས་པའི་ཕྱིར། གཟུགས་མེད་པས་གཟུགས་ཅན་ལ་མ་ཡིན་ཏེ རི་བོང་གི་རྭས་ཕུག་པའི་རྨ་བཞིན་ནོ། །མདོར་ན་གཟུགས་གཟུགས་མེད་གཉིས་གང་ལྟར་ཡང་སྣང་ན་རང་སྣང་ལས་གཞན་མིན་པ་ལུང་རིག་གིས་གྲུབ་པ་ལ་དགོངས་པའོ། །སྤྱིར་ལྷ་འདྲེ་ལ་ནང་གསེས་དབྱེ་བ་མང་དུ་གསུངས་ཀྱང་སྐབས་འདིའི་ལྷ་ནི་འདས་མ་འདས་གཉིས་ལས་མ་འདས་པའི་ཚུལ་དུ་བཞུགས་པ་རྣམས་དང་། འདྲེ་ནི་འཇིག་རྟེན་འཁོར་བའི་ལྷ་འདྲེ་རྣམས་ཡིན་ནོ །དེས་ན་ལྷ་འདྲེ་དང་དེས་ཕན་གནོད་དུ་སེམས་པ་ཐམས་ཅད་སེམས་ཅན་སོ་སོའི་འཁྲུལ་སྣང་ཉམས་ཀྱི་རྫུན་རིས་དང་ཡུལ་མེད་སྟོང་པའི་རོལ་པར་ཐག་གཅོད་པའོ།།།འདི་ལྟར་གཏན་ལ་མ་དབབ་ན་ངར་འཛིན་གྱི་ཕུང་པོ་གྲུབ་ཙམ་ནས་འགྲོ་དྲུག་གི་སྣང་བ་རྒྱུན་མི་ཆད་པར་འབྱུང་བ་བཞིན་དུ་བལྟ་བྱ་ལྟ་བྱེད་བསྒོམ་བྱ་སྒོམ་བྱེད་གཏད་པ་བསྲེ་བ་ནང་དུ་བཀུག་པ་ལ་སོགས་པའི་སེམས་འཛིན་ཞུགས་ཕན་ཆད་ཕྱི་ནང་གསང་གསུམ་གྱི་ལྷོང་རྣམས་ངེས་པར་འབྱུང་སྲིད་པས། དེ་ལ་འདྲེ་གདོན་དུ་བཟུང་བས་ཡང་དག་པའི་ལམ་ལས་ལྡོག་སྟེ་གོལ་སར་འཕྱན་པ་དང་། བསྐྱེད་རིམ་གྱི་ལྷ་བསྒོམ་པ་རང་རྒྱུད་དུ་གོལ་བ་འདྲེར་འཛིན་གྱི་རྟོག་པས་འདྲེ་བཙན་ཐབས་སུ་བཟོས་ཏེ་སྲོག་གི་བདུད་དུ་གྱུར་པ། ལྷ་ལ་རེ་བ། ༄༅། །འདྲེ་ལ་དོགས་པ། རྣམ་རྟོག་དགྲ་རུ་ལངས་པས་ན་ཚ་དང་བདེ་སྡུག་རྒྱུན་མི་ཆད་པར་འབྱུང་བས། ལྷ་འདྲེ་ཐམས་ཅད་རང་སྣང་སྒྱུ་མ་རྨི་ལམ་ལྟ་བུར་ཤེས་པ་ནི། གཅོད་ཀྱི་ངོ་བོ་ལྷ་དང་འདྲེར་འཛིན་གྱི་རྣམ་པར་རྟོག་པ་གཅོད་པའི་གདམས་པ་ཟབ་ཁྱད་ཅན་ཡིན་པས་ཁྱད་པར་གཅོད་ཡུལ་ཉམས་སུ་ལེན་པ་རྣམས་ལ་མེད་དུ་མི་རུང་བ་ཡིན་ནོ། །བཞི་པ་ནི། སངས་རྒྱས་དང་ནི་ནས། ཤེས་པར་གྱིས༔ ཞེས་གསུངས་ཏེ། རིག་པས་བརྟགས་ན་གཞི་རྩ་དང་བྲལ་བའི་ཕྱིར། རེ་ཡུལ་དག་པ་སང༷ས་རྒྱས༷་དང༷་ནི༷་སང༷ས་རྒྱས༷་ཀྱི་ཞིང༷་གི་བཀོད་པ༷་རྒྱ་ཆེ་ཞིང་གྲངས་མང་བ་བཀོད་ལེགས་པ་ཕུན་སུམ་ཚོགས་པའི་ཡོན་ཏན་དང་ལྡན་པ་རྣམས་སེམས་ཅན་སོ་སོའི་རང་སྣང་གིས་བསྡུས་པ་ལས་གཞན་དུ་བལྟ་བར་མི་བྱ་སྟེ། ཉེ་བའི་སྙིང་པོའི་རྒྱུད ལས། སངས་རྒྱས་ཡུལ་དུ་བསྟན་པ་འཁྲུལ་པའི་ལམ །ཞེས་དང་། རྒྱུད་བླ་མ་ལས། ཇི་ལྟར་བེེ་ཌཱུར་ས་གཞི་གཙང་མ་ལ། །ལྷ་དབང་ལུས་ཀྱི་གཟུགས་བརྙན་སྣང་བ་ལྟར། །དེ་བཞིན་འགྲོ་སེམས་ས་གཞི་གཙང་མ་ལ། །ཐུབ་པའི་དབང་པོའི་སྐུ་ཡི་གཟུགས་བརྙན་འཆར །ཞེས་གསུངས་པའི་ཕྱིར་སངས་རྒྱས་རྣམས་ཀྱི་ཆོས་སྐུ་དེ་ཡང་ཡེ་གཞི་བདེ་གཤེགས་སྙིང་པོ་ ལས་མི་གཞན་པའི་གནད་ཀྱིས་གདུལ་བྱ་སོ་སོའི་ངར་འཛིན་པའི་ཆུ་སྣོད་དུ་གང་ལ་གང་འདུལ་དུ་ཟླ་གཟུགས་ལྟར་སྣང་བའོ། །དེ་བཞིན་དུ་ཡུལ་མ་དག་པ་ཁམ༷ས་གསུམ་འཁོར་བའི་སྣང་བ སྣོད་ཀྱི་འཇིག་རྟེན་རྒྱ་ཆེ་བ། གཡོ་བ་བཅུད་ཀྱི་སེམས་ཅན་གྲངས་མང་བ། འདོད་ཡོན་ལྔའི་ཡུལ༷་སྣང་བཀོད་ལེགས་པ་དང༷་བཅུས་པ་ཐམས་ཅད་རང་སྣང་འཁྲུལ་པ་རྨི་ལམ་ཙམ་སྟེ། སྤྱོད་འཇུག་ལས། ལྕགས་སྲེག་ས་གཞི་སུ་ཡིས་བྱས། །མེ་ཚོགས་དེ་དག་ཅི་ལས་བྱུང་།དེ་འདྲ་དེ་དག་ཐམས་ཅད་ཀྱང་། །སྡིག་སེམས་ཡིན་པར་ཐུབ་པས་གསུངས །ཅེས་གསུངས་པ་ལྟར་རིག་པས་བརྟག་ན། དང་པོ་བྱུང་བའི་ཁུངས། བར་དུ་གནས་པའི་ས། ཐ་མ་འགྲོ་བའི་ཡུལ་གསུམ་མ་མཆིས་ཤིང་། བརྟེན་པར་བྱེད་པའི་གཞི་དང༷་། སྐྱེད་པར་བྱེད་པའི་རྩྭ་བ བཅུད་པས་གཟུགས་བརྙན་ལྟ་བུ་སྟེ། དེས་ན་རང་སེམས་འཁྲུལ་པ་ལས་གཞན་པའི་ཡུལ་རང་རྒྱུད་པ་མ་མཆིས་པས་ཐམ༷ས་ཅད་ཡུལ༷་མེད་སྟོང༷་པ༷་ཉིད་ཀྱི༷་ངང༷་དུ་རོ་གཅིག་པའི་ཚུལ་ལ་ཁ་ཙམ་མི༷ན་པར་དོན༷་གྱི༷་སྟེང་ནས་ཐེ་ཚོམ་བྲལ་བའི་ངེས་ཤེས༷་རྙེད་པར༷་གྱིས༷་ཤིག་ཅེས་གདམས་པའོ། །གསུམ་པ་ཐམས་ཅད་སྟོང་པ་ཉིད་དུ་འགག་བསྡུ་བ་ལ མདོར་བསྟན་རྒྱས་བཤད་གཉིས་ ༄༅། །ལས། དང་པོ་ནི། སྟོང་ཆེན་ནམ་མཁའ་འཁོར་བའི་སྣང་གཞིར་གྲུབ༔ ཅེས་གསུངས་ཏེ། ད་ལྟ་རང་རེ་རྣམས་ལ་ཉིན་མཚན་བར་དོ་གསུམ་གྱི་སྐབས་སུ སྣང་བའི་སྟོང་ཆེན་ནམ༷་མཁའ་འདིའི་གནས་ལུགས་ཇི་བཞིན་རྟོགས་ཤིང་ཤེས་པ་ལས་གཞན་པའི་བདེ་གཤེགས་སྙིང་པོ་ཞེས་བྱ་བ་ཡོད་པར་མི་སེམས་ཏེ། གནད་འདི་ལ་དགོངས་ནས། མ་ཅིག་གིས། སངས་རྒྱས་སེམས་ཡིན་སེམས་ནམ་མཁའ་ཡིན ཞེས་དང་། གྲུབ་ཐོབ་རྦ་སྒོམ་པས། ནམ་མཁའ་འདི་ཁོང་དུ་ཆུད་པར་གྱིས་ཤིག །དེ་གཏད་མེད་དུ་རྟོགས་ན་སྒོམ་མེད་ཀྱི་གཟེར་ཆེན་ཐེབས་པའོ། །ཞེས་གསུངས་སོ། །དེས་ན་སེམས་ཉིད་ལས་གཞན་པའི་སངས་རྒྱས་དང་།ནམ་མཁའ་ལས་གཞན་པའི་སེམས་ཉིད་ཡོད་པར་མི་འདོད་པས་ནམ་མཁའ་འདི་མ་རྟོགས་པའི་ཚེ་ན་འཁོ༵ར་བཱའི་སྣང་གཞི༷ར་ཡང་གྲུབ༷་པ་ཡིན་ནོ །གཉིས་པ་ལ་གསུམ རྟོགས་བྱ་ཆོས་དབྱིངས་ངོས་བཟུང་། དེ་དང་རྗེས་སུ་མཐུན་པར་སྐྱེས་པའི་ཡུལ་ཅན་གྱི་ཡེ་ཤེས་དང་། གེགས་སེལ་བོགས་འདོན་གྱི་མན་ངག་བསྟན་པའོ། །དང་པོ་ནི། ཐམས་ཅད་ཡུལ་མེད་ནས། བདེ་གཤེགས་སྙིང་པོ་ལགས༔ ཞེས་གསུངས་ཏེ། དེ་ལྟར་ཆོས་ཐམ༷ས་ཅད་ཀྱི་ངོ་ བོ་སྟོང་པ་ཡུལ༷་མེ༷ད་ནམ༷་མཁའི་ཁོར་ཡུག༷་ཏུ་ཐག་བརྒྱ༷ད་པས་ནམ༷་མཁའ་འདི་ཉིད་འཁོར་འདས་ཀུན༷་གྱི༷་འཆར་གཞི༷་རུ་གྲུབ༷་པ་དང་། ནམ་མཁའི་ངོ་བོ་ཡང་སྐྱོན་ཡོན་མེད་པའི་བེམ་སྟོང་མ ཡིན་པར་གདོད་ནས་སྐྱོན་དང་དྲི་མ་རྣམ༷་པར་ད༷ག་ཅིང་འོད་གསལ་བའི་བདག་ཉིད་ཅན་དུ་གྲུབ་པ༷་གནས་ལུགས་དོན་གྱི་སང༷ས་རྒྱས༷་ཏེ་གཞི༷་ཡི༷་ཆོ༷ས་སྐུ་བདེ༷་བར་གཤེ༷གས་པའི་སྙིང༷་པོ༷་ཞེས་གསུངས་པ་ལགས་ཏེ། བརྟགས་གཉིས་ལས། སེམས་ཅན་རྣམས་ནི་སངས་རྒྱས་ཉིད །འོན་ཀྱང་གློ་བུར་དྲི་མས་སྒྲིབ །དེ་བསལ་ན་ནི་སངས་རྒྱས་ཉིད། །ཅེས་གསུངས་པའི་ཕྱིར་རོ།། ཡང་ཁ་ཅིག་ན་རེ། སེམས་ཅན་གྱི་སེམས་ཀྱི་ངོ་བོ་སངས་རྒྱས་ཡིན་དུ་ཆུག་ཀྱང་། སེམས་ཉིད་དང་ནམ་མཁའ་གཅིག་མ་ཡིན་ཏེ མདོ་རྒྱུད་ཐམས་ཅད་ནས་སེམས་ནི་གཞི་མེད་རྩ་བྲལ་ནམ་མཁའ་ལྟ་བུའོ་ཞེས་མཚོན་བྱ་དང་མཚོན་བྱེད་ཐ་དད་དུ་བསྟན་པའི་ཕྱིར་ཞེ་ན། དེ་ནི་ཐ་སྙད་སྣང་ཚུལ་དང་སྐབས་འདིར་ནི་ཐ་སྙད་གནས་ཚུལ་གཙོ་བོར་བྱས་ནས་གསུངས་པའི་ཕྱིར་མི་འགལ་ལོ། །མདོར་ན་སྣང་བ་ཐམས་ཅད་རང་སྣང་དུ་འདོད་ཕྱིན་ཆད། དེ་དག་གི་སྣང་གཞི་ནམ་མཁའ་ལས་གཞན་མི་རྙེད་པས་ནམ་མཁའ་ཡང་སེམས་ཉིད་དང་གཉིས་མེད་དུ་འདོད་ ༄༅། །པ་ལས་འོས་མེད་དོ། །གཉིས་པ་ནི། དེས་ན་ཐམས་ཅད་ནས། ཕེབས༔ ཞེས་གསུངས་ཏེ། རྒྱུ་མཚན་དེས་ན་ཆོས་ཅན་ཐམ༷ས་ཅད༷་ཀྱི་ངོ་བོ ཆོས་ཉིད་སྟོང༷་པ༷་ནམ་མཁའི་རང་བཞིན་ཉིད༷་དུ་རྟོག༷ས་པའི་ངེས་ཤེས་རྒྱུན་ཆགས་བདག༷་མེད༷་རྟོགས་པའི་ཤེས༷་རི༵ག་རྡོ་རྗེ༷་རྣོན༷་པོ༷་ཉིད༷་དང་། ནམ་མཁའ་དེའི་རང་བཞིན་ཀུན་གཟིགས་ཤེས་རབ་ཆེན་པོས་མདོ༷ན་སུམ་དུ་གྱུར༷་པ་ནི་ཆོས་སྐུ་གཞི༷ར་གན༷ས་ཀྱི་རིག་པ༷་ཚད་དུ་ཕེབ༷ས་པ་སྟེ། རིག་པའི་དཔྱད་དོན་མཐར་ཐུག་པས་དེ་ལས་བོགས་དབྱུང་དུ་མེད་པ་ཤེས་པའི་དོན་ནོ། །གསུམ་པ་ནི། དེ་མཐར་ནས། རྫུན་ཕུག་རྡིབ༔ ཅེས་གསུངས་ཏེ། དེ༷་ལྟར་ལྟ་བའི་དཔྱད་པ་མཐ༷ར་ཕྱིན་པའི་གང་ཟག་གིས་རེ་དོ༷གས་འཛིན་ཞེན་གྱི་རྫུན་ཕུག༷་མངོན་སུམ་དུ་རྡིབ༷་པ་དང་། སྐྱོན་དང་ཉེས་པ ཐམས་ཅད་ཀྱི་འབྱུང་གནས་ལུས་ལ་གཅེས་པར་འཛིན་པའི་འཁྲི་བ་བཙན་ཐབས་སུ་གཅོད་པའི་ཕྱིར། སྒོ་གསུམ་རྡོ་རྗེ༷་གསུམ༷་གྱི་རང་བཞིན་དུ་ཡེ་ནས་གནས་ཤིང་སྣོད་བཅུད་རང་སྣང་ལས་མི་གཞན་པའི་ཚུལ་གས༷ལ་བཏབ་ནས༷་ཆིང༷ས་ཆེན་གསུམ༷་ནི་སྔ་ནོན། བར་ནོན། ཕྱི་ནོན་གསུམ་སྟེ། ཟབ་དོན་གཅོད་ཀྱི་མན་ངག་གི་གན༷ད་དང་ལྡན་པས་ལུས་ལ་རོ། རིག་པ་ལ་རོ་ཁུར། གཅེས་འཛིན་ལ་ཁུར་ཐག། གཉན་སའི་ཁྲོད་ལ་དུར་ཁྲོད་དང་། ལྷ་འདྲེ་ལ་བྱ་རྒོད་ཀྱི་འདུ་ཤེས་བཞག་ནས། ཕྱི་ན་འདྲེ་མེད་ཀྱང་། ནང་འདྲེར་འཛིན་གྱི་རྣམ་པར་རྟོག་པ་བཙན་ཐབས་སུ སློང་བའི་ཕྱིར་ཤིན་ཏུ་འཇིགས་ཤིང་ཡ་ང་བའི་རི་བྲག་དུར་ཁྲོད་ཁང་སྟོང་བྲག་ཕུག་ཆུ་མཚོ་སོགས་དེ༷ས་མེ༷ད་ཀྱི་གནས་དག༷་ཏུ་གྲོགས་མེད་གཅིག་པུར་རྒྱ༷་བར་བྱས༷་ནས༷་སྟོང་ཉིད་དང་སྙིང་རྗེས་རྩིས་ཟིན་པའི་གཅེས་འཛིན་ལུས་ཀྱི༷་མཆོ༷ད་སྦྱིན་མཆོ༷ག་ཏུ་སྟེ་གཙོ་བོར་བྱས༷་པ་དེ༷་དག་གི་མཐུ་ཡིས། སློང་དང་། ཆོ་འཕྲུལ། ཚར་ཚད། ཆོད་ཚད་ཀྱི་རིམ་པས་འཁོར་འདས་རང་སྣང་དུ་རྟོགས་ནས་རེ་དང༷་དོག༷ས་པའི་རྫུན༷་ཕུག༷་རྡིབ༷་སྟེ་བདུད་བཞི་མ་སྤངས་རང་སར་གྲོལ་བར་གྱུར་བའོ། །ལེའུའི་སྐབས་བསྡུ་བ་ནི། ཤེས་རིག་རྡོ་རྗེ་རྣོན་པོ་ནས། ཆོས་སྐུ་མངོན་དུ་བྱེད་པའི་སྐབས་ཏེ་གསུམ་པའོ༔ ༈ གཉིས་པ་མ་འཁྲུལ་པའི་ངོ་བོ་སྐུ་དང་ཡེ་ཤེས་ཀྱི་མཚན་ཉིད་བཤད་པ་ལ། བསྟན་བཤད་གཉིས་ལས། དང་པོ་ནི། སྣང་སྲིད་ནས། གྲུབ༔ ཅེས་གསུངས་ཏེ། དེ་ལྟར་སྣང༷་སྲིད༷་ཀུན༷་གྱི༷་དོ༷་བོ་སྟོང༷་པ༷་ཉིད༷་དུ་རིག་པས་ཐག་ཆོད་ཅིང་སྟོང་ཆེན་དེ་ཉིད་ལམ་གྱི༷་ངོ་བོར་ཡེ་གདོད་མ་ནས་ལྷུན༷་གྱིས་གྲུབ༷་པ་སྟེ་གནས་ལུགས་རང་ཐོག་ཏུ་གཉིད་ ༄༅། །སད་པའམ་ནམ་ལངས་པ་ལྟ་བུ་ལས་འབད་རྩོལ་གྱིས་བཅོས་བསྒྱུར་མེད་པའོ། །གཉིས་པ་ལ་གསུམ་སྟེ། གནས་པ་གཞིའི་རྫོགས་ཆེན། རྟོགས་པ་ལམ་གྱི་རྫོགས་ཆེན། མངོན་གྱུར་འབྲས་བུའི་རྫོགས་ཆེན་ནོ །དང་པོ་ལ་གསུམ་སྟེ། གཞིའི་མཚན་ཉིད་དངོས། ཐབས་ཤེས་ཀྱི་གྱེས་མདོ། དེ་དག་གི་དོན་བསྡུས་ཏེ་བསྟན་པའོ། །དང་པོ་ནི། ངོ་བོ་ཆོས་སྐུ་ནས། སྒོ་གསུམ་ལྡན༔ ཞེས་གསུངས་ཏེ། ཤེས་བྱའི་ཆོས་ཐམས་ཅད་ཀྱི་ངོ་བོ་ཆོས་སྐུ་བདེ༷་བར་གཤེ༷གས་པའི་སྙིང་པོ༷་ནི༵་འཁོར་འད༷ས་གཉིས་ཀྱི་སྐྱོན་ཡོན་གྱིས་བཅོས༷་པ་དང༷་། བསྒྱུར༷་དུ་མེ༷ད་པ་སྤྲོས༷་པའི་མཐ༷འ་བརྒྱད་དང་བྲལ༷་བ། རྣམ༷་པར་ཐར༷་པའི་སྒོ་གསུ༷མ་དང་ལྡན༷་པ སྐུ་ལྡ༷་རིགས་ལྡ༷་ཡེ༵་ཤེ༷ས་རྣམ༷་ལྡ༷་དང༷་སོགས་ཏེ་བཞིའི་བདག་ཉིད་ཅན་དུ་ཡེ་ནས་གནས་པའོ །དང་པོ་ནི། གཞི་བདེ་གཤེགས་སྙིང་པོ་འདི་ལ་སངས་རྒྱས་ཀྱི་ཁམས་ཀྱི་ཡེ་ཤེས་ཡོན་ཏན་ཐམས་ཅད་ཀྱིས་ཕན་མ་བཏགས་མི་བཏགས་ཐོགས་པར་མི་འགྱུར་ཏེ། དེ་ཡང་ཡུལ་མེད་པའི་ཕྱིར་རོ། །གཉིས་པ་ནི། གཞི་བདེ་གཤེགས་སྙིང་པོ་འདི་ཐོག་ཐ་བར་གསུམ་དུ་མ་སྐྱེས་ཤིང་མི་སྐྱེ་སྐྱེ་བར་མི་འགྱུར་བའི་ཕྱིར་ན་སྐྱེ་བའི་མཐའ་དང་བྲལ་བ། ནམ་ཡང་མེད་དུ་T1621 - 387 མི་འགྲོ་བའི་ཕྱིར་ན་འགགས་པའི་མཐའ་དང་བྲལ་བ། ཡོད་པ་དངོས་པོའི་ཕྱོགས་སུ་མ་ལྷུང་བ་རྒྱལ་བའི་སྤྱན་གྱིས་ཀྱང་མ་གཟིགས་མི་གཟིགས་གཟིགས་པར་མི་འགྱུར་བའི་ཕྱིར་རྟག་པའི་མཐའ་དང་བྲལ་བ། མེད་པ་ཅང་མེད་ཀྱི་ཕྱོགས་སུ་མ་ལྷུང་བ་འཁོར་འདས་གཉིས་ཀྱི་གཞི་རུ་གྲུབ་པའི་ཕྱིར་ཆད་པའི་མཐའ་དང་བྲལ་བ། དང་པོ་འོང་བའི་གནས་ཡུལ་བདག་པོ་མ་གྲུབ་པའི་ཕྱིར་འོང་བའི་མཐའ་དང་བྲལ་བ དུས་གསུམ་དུ་འགྲོ་བའི་ཡུལ་དང་བདག་པོ་ལས་འདས་པའི་ཕྱིར་འགྲོ་བའི་མཐའ་དང་བྲལ་བ། འཁོར་འདས་ངོ་བོ་ཉིད་དུ་རོ་གཅིག་པས་ན་ཐ་དད་པའི་མཐའ་དང་བྲལ་བའོ། །གསུམ་པ་ནི། ཕྱོགས་གང་དུ་མ་ངེས་མཐའ་གང་དུའང་མ་ལྷུང་བས་རྣམ་པར་ཐར་པའི་སྒོ་སྟོང་པ་ཉིད་དང་། ཚིག་དཔེ་དོན་གསུམ་གྱིས་མི་མཚོན་པའི་ཕྱིར་རྣམ པར་ཐར་པའི་སྒོ་མཚན་མ་མེད་པ། རང་ལ་རང་གདིང་ཐོབ་ནས་གྲོལ་བ་ཐོབ་པ་ལས་རྒྱུ་གཞན་སྟོབས་ཀྱིས་འབྲས་བུ་གཞན་ཡུལ་དུ་འགྲོ་བ་ལ་ཡིད་སྨོན་ཙམ་ཡང་མེད་པའི་ཕྱིར་ན་རྣམ་པར་ཐར་པའི་སྒོ་སྨོན་པ་མེད་པའོ། །བཞི་པ་ལ་ནང་གསེས་བཞི་ལས དང་པོ་སྐུ་ལྔ་ནི། འཁོར་འདས་ཀྱི་ཆོས་ཐམས་ཅད་བདེ་གཤེགས་སྙིང་པོའི་ངང་དུ་མ་བཅོས་རང་ཆས་སུ་ཡོད་པས་ཆོས། ༄༅། །དེ་ཡང་སྣང་ངོས་ནས་ཕན་ཚུན་མ་འདྲེས་པར་ཚོགས་པའམ་སྤུངས་པ་ལྟ་བུར་ཡོད་པས་ན་སྐུའོ། །ལྷུན་གྲུབ་སྐུ་དང་ཡེ་ཤེས་ཀྱི་རོལ་པ་ལོངས་སྤྱོད་དུ་རང་རྫོགས པས་ན་ལོངས་སྤྱོད་རྫོགས་སྐུ ངང་ལས་མ་གཡོས་ཤིང་མ་སྤྲུལ ཉིད་ལས་མི་གཞན་པར་སྤྲུལ་པ་སྣ་ཚོགས་པ་རང་ཆས་སུ་ཡོད་པས་ན་སྤྲུལ་སྐུའོ། །སྐུ་གསུམ་ངོ་བོ་ཉིད་དུ་རོ་གཅིག་ཅིང་རང་བྱུང་བས་ན་ངོ་བོ་ཉིད་སྐུ། དུས་གསུམ་འཕོ་འགྱུར་མེད་པས་མི་འགྱུར། ཉོན་མོངས་བག་ཆགས་ཐམས་ཅད་ཀྱིས་མི་ཆོད་པ ཡུལ་དང་རྐྱེན་རྣམས་ཀྱིས་མི་ཤིགས་པ རང་ངོ་ཀ་ནས་དག་པས་བདེན་པ སྐྱོན་ཡོན་བཟང་ངན་གྱིས་ལྷད་མི་འཇུག་པས་སྲ་བ། དུས་གསུམ་འཕོ་འགྱུར་མེད་པས་བརྟན་པ ཤེས་སྒྲིབ་ཕྲ་བ་ཡན་ཆད་འབིགས་ནུས་པས་ཐམས་ཅད་དུ་ཐོགས་པ་མེད་པ། གང་གིས་ཀྱང་བསྒྱུར་དུ་མི་བཏུབ་པས་ན་མ་ཕམ་པ་སྟེ་ཆོས་བདུན་དང་ལྡན་པས་ན་རྡོ་རྗེའོ། །ཡེ་ཤེས་དང་ཡོན་ཏན་ཕུན་སུམ་ཚོགས་པ་ཐམས་ཅད་རང་ཆས་སུ་རྫོགས པས་ན་སྐུའོ། །གཉིས་པ་རིགས་ལྔ་ནི གཞི་ཀ་ནས་དག་པ་སངས་རྒྱས་ཀྱི་རིགས གཞི་གཞོམ་གཞིག་དང་བྲལ་བས་རྡོ་རྗེའི་རིགས གཞི་ལ་ཡེ་ཤེས་རྫོགས་པས་རིན་ཆེན་གྱི་རིགས གཞི་བདེ་བ་ཆེན་པོ་པདྨའི་རིགས། གཞི་ལྷུན་གྲུབ་རྫོགས་པ་ལས་ཀྱི་རིགས་དང་ལྔའོ། །གསུམ་པ་ཡེ་ཤེས་ལྔ་ནི། གཞི་ངོ་བོ་སྟོང་པ་ཁྱབ་གདལ་ཆོས་ཀྱི་དབྱིངས་ཀྱི་ཡེ་ཤེས། རང་བཞིན་རང་གསལ་བ་མེ་ལོང་ཡེ་ཤེས འཁོར་འདས་དག་མཉམ་གྱི་ཆ་ལ་མཉམ་ཉིད་ཡེ་ཤེས། ཡེ་ཤེས་ཡོན་ཏན་གྱི་གསལ་སྒོ་མ་འགགས་པས་སོར་རྟོག་ཡེ་ཤེས། གདོད་ནས་ཡེ་གྲོལ་གྱི་ཆ་ལ བྱ་བ་གྲུབ་པའི་ཡེ་ཤེས་སོ། །བཞི་པ་མཁའ་འགྲོ་ལྔ་ནི གཞི་དབྱིངས་སྟོང་པའི་ཆ་ལ་སངས་རྒྱས་མཁའ་འགྲོ སྐྱོན་བྲལ་གྱི་ཆ་ལ་རྡོ་རྗེ་མཁའ་འགྲོ། ཡོན་ཏན་ལྷུན་འཐུག་པའི་ཆ་ལ་རིན་ཆེན་མཁའ་འགྲོ། ཆགས་པ་བྲལ་བའི་ཆ་ལ་པདྨ་མཁའ་འགྲོ ལྷུན་གྲུབ་ཏུ་རྫོགས་པའི་ཆ་ལ་ལས་ཀྱི་མཁའ་འགྲོའོ། །དེ་དག་གཞི་རང་ལ་རང་ཆས་སུ་རྫོགས་པ་ནི་དོན་དམ་གཞིའི་མཚན་ཉིད་དངོས་ཡིན་ནོ། །དེ་ལྟ་བུའི་གནས་ལུགས་དེ་ཉིད་སྔར་བཞིན་དབང་པོའི་རིམ་པས་རྟོགས་ཤིང་གོམས་པའི་སྦྱོར་བའི་ལམ་གཞན་ལ་མི་ལྟོས་པར་ཚེ་འདིའམ་བར་དོར་གྲོལ་བ་མངོན་དུ་གྱུར་པའོ། །གཉིས་པ་ལ་གསུམ། ཐབས་ཀྱི་གྱེས་མདོ། ཤེས་རབ་ཀྱི་གྱེས་མདོ། དེ་དག་གི་དགོས་ཆེད་དང་རྣམ་བཞག་བསྟན་པའོ། །དང་པོ་ནི ཞིང་ལྔ་ཡབ་ལྔ་ཡུམ་ལྔ་ནས ལྷུན་གྱིས་གྲུབ༔ ༄༅། །ཅེས་པའི་བར་ཏེ། དེ་ལྟར་དོན་དམ་རྩོལ་མེད་ཀྱི་ལམ་དེ་མི་རྟོགས་པའམ་རྟོགས་ཀྱང་ཡིད་མི་ཆེས་པ་རྣམས་ཀྱི་དོན་དུ། ཀུན་རྫོབ་རྩོལ་བཅས་ཀྱི་ལམ་འདི་དག་བསྟན་པ་སྟེ། དེ་ཡང་སྦྱང་བྱ་འཁོར་བའི་རྟེན་དང་རྣམ་པ་མཐུན་པར་སྦྱོང་བྱེད་ཞིང་ལྔ་དང་ཞལ་ཕྱག་མཚན་མ་ཅན་གྱི་སྐུ་ལྔ། རིགས་ལྔ་ཡ༷བ་ལྔ ཡུམ༷་ལྔ། དཀོན་མཆོ༷ག་གསུམ༷། རྩ༷་བ༷༷་གསུམ། ཞི་རྒྱས་དབང་དྲག་གི་རི༷གས་དང༷་དཀྱིལ༷་འཁོ༷ར་དང་དབ༷ང་བཞི་དང་བསྙེན་ཅིང་སྒྲུབ་པ༵་ལས་སྦྱོར་སོགས་གསང་སྔགས་མ་ཧཱ་ཡོ་གའི་ལམ་གྱི་རྣམ་པར་བཞག་པ་ཐམས་ཅད་གཞི་བདེ་གཤེགས་སྙིང་པོའི་ཡོན་ཏན་གྱི་ལྡོག་ཆ་ནས་གཞལ་ཏེ་བཞག་པ་ཙམ་ཡིན་པས། བདེ་གཤེགས་སྙིང་པོ་ནི་མ༷་ཧཱ་ཡོ་ག༷འི་ལམ་ཐམས་ཅད་ཀྱི་དོ༷་བོར་ལྷུན༷་གྱིས་གྲུབ༷་པ་ཡིན་ནོ།། གཉིས་པ་ནི། ལུས་ཀྱི་ནང་གནས་ནས འཕྲུལ༔ ཞེས་གསུངས་ཏེ། ལུས༷་སམ་རྡོ་རྗེ་ཕུང་པོའི་གྲོང་ཁྱེར་གྱི༷་ནང༷་ན་གནས༷་པའི་བཀོད་པ༷་རྩའི་འཁོར་ལོ་ལྔ་དང་ལྡན༷་པ་དང༷་། དབུ་རྐྱང་རོ་གསུམ་ལ་སོགས་པའི་གནས་པ་རྩ། གཡོ་བ་རླུང༷་། བཀོད་པ་བྱང་ཆུབ་སེམས་ཀྱི་ཐིག་ལྕེ་རྣམས་སྦྱང༷ས་ཤིང་བསྒྱུར༷་བར་བྱེད་པའི་བུམ་ཅན་དང་འཁྲུལ་འཁོར་གཏུམ་མོའི་འབ༷ར་འཛ༷ག་ སོགས་ཐབས་ལམ་དང་། དབ༷ང་བཞི་དང༷་། ལམ་དང་། དག༷འ་བ་བཞི་དང་བཅུས་པ༷་ཐམ༷ས་ཅད་ཀུན༷་དོན་དམ་པར་གྲུབ་པ་མེད་ཀྱང་། དགོས་པའི་དབང་གིས་བདེ༷་གཤེགས་སྙིང་པོའི་ལྷུན་གྲུབ༷་ཡོན་ཏན་གྱི་ཆ་ལ༷ས་འཕྲུལ༷་ཏེ་བཞག་པ་ཡིན་པའི་ཕྱིར་གསང་སྔགས་ཨ་ནུའི་ལམ་ཐམས་ཅད་ཀྱི་ངོ་བོ་ཡང་ཡིན་ནོ། །གསུམ་པ་ནི། མདོར་ན་ཆོས་སྐུ་ནས། རུ་བཟློག་བྱེད༔ ཅེས་གསུངས་ཏེ། མདོ༷ར་ན༷་ཆོས་སྐུ་མཚ༵ན་མ༷་དང་བྲལ༷་བུའི་དབྱིང༷ས་ཏེ། རྣམ་པ་འཁོ༷ར་བའི༷་སྒྲོ་དང་བསྟུན་ཏེ ཕྱོགས་དང་ཞིང་ཁམས་ལྷ་ཡབ་དང་ཡུམ་བཀའ་སྡོད་སྲས་འཁོར་དང་བཅས་པ་ལ་སོགས་པའི་མིང་ཚུལ༷་མཚ༵ན་མས་བཅྱིངས་ཏེ་དངོས་སུ་ཡོད་པ་ལྟར་བསྟན་པ་ནི་གདུལ༷་བྱ༷་སྣང་བ་སྣོད་བཅུད་དངོས་པོ་རྟག༷་པར་འཛིན་པ་ཅན་རྣམ༷ས་ཡང་དག་པའི་ལམ་ལ་འ༷་དྲང༷ས་པའི་ཕྱིར༷་དང་། གནས་ཡུལ་བདག་གཞན་གོས་རྒྱན་གདན་ཁྲི་སྟེ་མདོ༷ན་པ༷ར་ཞེན་པ༷་དྲུག༷་ལ༷ས་ལྡོག༷་པ༷འི་ཕྱིར༷། ལྷའི་རྣམ་པ་གས༷༷ལ་བ རྣམ་དག་དྲན་པ། སྣང་ལ་རང་བཞིན་མེད པའི་སྟོང༷་པ༷་སྟེ་རྣམ་པ་གསུམ་གྱིས མེས་ཚིག་མེ་ལ་གདུང་བས་སེལ་བ་ལྟར་མཚན་མས་མཚན་མ་གཞོམ་པའི་ཕྱིར་མ་དག་འཁོར་བའི་འཁྲུལ་སྣང་རུ་བཟློག་ནས་དག་པ་ཡེ་ཤེས་ལྷའི་རྣམ་ ༄༅། །རོལ་དུ་གོ་འཕོ་ཞིང་བརྟན་པར་བྱེད་པས་བར་དོ་ལོངས་སྐུར་གྲོལ་བར་བྱེད་པའོ། །གསུམ་པ་དེ་དག་གི་དོན་བསྡུས་ཏེ་བསྟན་པ་ནི། དེ་ཕྱིར་ཀུན་རྫོབ་ནས རྫོགས་པ་ཆེན་པོར་གྲགས༔ ཞེས་གསུངས་ཏེ། རྒྱུ་མཚན་དེ༷འི་ཕྱིར༷་ན་གནས་སྐབས་དགོས་དབང་གིས་བསྟན་པའི་ཀུན་རྫོབ་བཅོས་མའི་ཆོས་བསྐྱེད་པ་དང་། རྫོགས་པའི་རིམ་པའི་ལམ་གྱི་རྣམ་པར་བཞག་པ་དེ༷་དག༷་ཀྱང་དཔེར་ན༷་རྒྱ༷་མཚོ༵་ཆེན་པོར་འཛམ་གླིང་ན་