Tibetan
ལྟར་བསྙེན་པ་གྲངས་ལྡན་བཟླ༔ ཤེས་པ་གཞན་དུ་མ་ཡེངས་པར༔ དམིགས་པའི་གནད་ལ་ནན་ཆེར་འབད༔ དེ་བཞིན་གནད་དང་ལྡན་གྱུར་ན༔ མི་རིང་མྱུར་དུ་ལྟས་མཚན་བྱུང་༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་སྨོན་ལམ་ ཨོཾཿ ལས་ཀྱིས་འབྲེལ་བའི་སྐྱེས་མཆོག་ལུང་རྟོགས་མྱུ་གུས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ། །ལེགས་སོ། །སརྦ་མངྒ་ལཾ།། །། མ ༡ མ ( ཕྱག་གཉིས་སོ། T11615 - 301 T11615 - 301 T11615 - 302 ཨོཾ༔ དག་སྣང་ལས༔ དབང་ཕྱུག་མ་ཧཱ་དཱེ་ཝའི་ཕྱག་རྒྱ་བསྡུས་པ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ རང་ཉིད་ལྷ་ཡི་མདུན་ས་རུ༔ རིན་ཆེན་སྣ་ཚོགས་གཞལ་ཡས་དབུས༔ རཱ་གའི་ཁྲི་སྟེང་ཟླ་ཕྱེད་སྟེང་༔ ལྷ་ཆེན་དབང་ཕྱུག་ཆེན་པོ་དམར༔ ཞི་མ་ཁྲོ་འཛུམ་གཟི་འོད་འབར༔ མཐིང་ནག་རལ་པ་རྟིང་རྩེར་སླེབ༔ ཕྱག་གཡས་ལྕགས་ཀྱུ་གཡོན་ཞགས་པ༔ གཅེར་བུ་རྒྱན་མེད་འདོར་སྟབས་བགྲད༔ གཡོན་དུ་ཡུམ་མཆོག་ཨུ་མ་དམར༔ ཕྱག་ན་ལྕགས་ཀྱུ་ནོར་བུ་བསྣམས༔ གཅེར་བུ་དགྱེས་ཤིང་ཆགས་པའི་ཉམས༔ ཡབ་ལ་བཏུད་དེ་སྐུ་ལ་རེག༔ སྤྲུལ་པས་སྣང་སྲིད་ཁྱབ་པ་ལས༔ སྤྲོས་པའི་འོད་ཀྱིས་ལྷའི་བླ་མ༔ སྤྱན་དྲངས་གཉིས་སུ་མེད་པར་གྱུར༔ ཨོཾ་མ་ཧཱ་དཱེ་ཝ་ས་མ་ཡ་ཛ་ཛཿ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་བདུད་འཇོམས་རྡོ་རྗེས་བསྒྱུར་བའོ། །དགེའོ།། T11615 - 304 ཚྭ སྱྃ༔ དག་སྣང་ཡེ་ཤེས་དྲྭ་བ་ལས༔ གནོད་སྦྱིན་ཤན་པ་དམར་ནག་སྲོག་བདག་མི་སྲུན་དྲག་པོ་རྩལ་གྱི་སྲོག་གཏད་རྡོ་རྗེའི་རྒྱ་ཅན་བཞུགས་སོ༔ སྱྃ༔ ན་མོ་གུ་རུ་པདྨ་ཀ་ར་ཡེ༔ ཨརྴ།ཐགྷ་ཧཱུཾཏྟཐ གནོད་སྦྱིན་ཤན་པ་དམར་ནག་གི༔ སྲོག་དབང་བསྐུར་བའི་རིམ་པ་ལ༔ དང་པོ་ཁྲུས་བུམ་དམ་ཆུ་སོགས༔ དབང་ཆས་གཞུང་བཞིན་ལེགས་གྲུབ་སྟེ༔ བསྐྱེད་ཆོག་ལས་གཞུང་བསྲང་ནས་ནི༔ བསྐང་གསོལ་ཅི མང་སྒྲུབ་ནས་སླར༔ སློབ་མ་གྲལ་འཁོད་ཁྲུས་བྱ་ཞིང་༔ བགེགས་བསྐྲད་རྡོ་རྗེའི་སྲུང་འཁོར་བསྒོམ༔ སྐྱབས་སུ་འགྲོ་ཞིང་སེམས་བསྐྱེད་དེ༔ མཎྜལ་ཕུལ་ནས་འདི་སྐད་དུ༔ དང་པོ་གསོལ་བ་གདབ་པ་ནི༔ ཀྱེེ་ཧོཿ བླ་མ་མགོན་པོ་གསང་བའི་བདག༔ ཁྱོད་ལ་སྐྱབས་མཆི་སྡིག་པ་བཤགས༔ བདག་ཅག་སྐལ་ལྡན་བུ་རྣམས་ལ༔ གནོད་སྦྱིན་ཤན་པ་དམར་ནག་གི༔ སྲོག་དབང་ཡོངས་རྫོགས་བསྐུར་དུ་གསོལ༔ ལན་གསུམ་མཐར་བླ་མས༔ ཀྱེེ་ཧོཿ སྐལ་ལྡན་རིགས་ཀྱི་བུ་མཆོག་རྣམས༔ བསྒྲུབ་རྟེན་བསྐང་གསོལ་བྱེད་ནུས་ན༔ གནོད་སྦྱིན་རྒྱལ་པོའི་སྲོག་གི་དབང་༔ ཡོངས་རྫོགས་དམ་པ་བསྐུར་བར་བྱ༔ དེ་ནས་ཨོཾ་མ་ཧཱ་ཤུ་ནྱ་ཏཱ་ཛྙཱ་ན་སོགས ཨཏྨ་ཀོ྅་ཧཾ༔ སྣང་ཞིང་སྲིད་པའི་ཆོས་ཐམས་ཅད་སྟོང་པ་ཉིད་དུ་གྱུར༔ སྟོང་པའི་ངང་ལས་སློབ་མ་དེ་ཉིད་དཔལ་ཆེན་ཕྱག་ན་རྡོ་རྗེ་སྐུ མདོག་མཐིང་ནག་ཞལ་གཅིག་ཕྱག་གཉིས་ཤིན་ཏུ་ཁྲོས་ཤིང་གཏུམ་པ་ཞལ་གདངས་ཤིང་ལྗགས་འདྲིལ་བ་རྣོ་དཀར་གྱི་མཆེ་བ་གཙིགས་པ༔ སྤྱན་གསུམ་སྡང་མིག་ཏུ་གཡོ་བ༔ སྨ་ར་ལས མེ་འབར་ཞིང་སྨིན་མ་ལས་གློག་འཁྱུགས་པ༔ དབུ་སྐྲ་དམར་སེར་གྱེན་དུ་བརྫེས་ཤིང་ཐོད་སྐམ་ལྔས་དབུ་ལ་བརྒྱན་པ༔ ཐོད་རློན་ལྔ་བཅུས་དོ་ཤལ་བྱས་ཤིང་སྦྲལ་རིགས་ལྔའི་ཡན་ལག་ལ་བརྒྱན་པ༔ ཕྱག་གཡས་གནམ་ལྕགས་ཀྱི་རྡོ་རྗེ་རྭ་གདེངས་ནམ་མཁར་ཕྱར་ཞིང་གཡོན་པས་སྦྲུལ་ཞགས་བསྣམས་པ༔ ཞབས་གཉིས་པད་ཉི་སྡེ་བརྒྱད་ཕོ་མོའི་ཁྲི་ལ་འགྱིང་བ་ཡེ་ཤེས་བསྐལ་པའི་མེ་ལྟར་འབར་བའི་ཀློང་དུ་བསྐྱེད་དོ༔ གནས་གསུམ་འབྲུ་གསུམ་ལས་འོད་ཟེར་དཀར་དམར་མཐིང་གསུམ་འཕྲོས་པས་ཡེ་ཤེས་པ་སྤྱན་དྲངས་བཛྲ་ས་མ་ཡ་ཛ་ཛཿ ཨ་ཝེ་ཤ་ཡ ཛ་ཛཿ དེ་ནས་མནའ་ཐོ་གྲུབ་ལ༔ ལྷ་མི་གཉིས་ལ་བཀའ་བསྒོ་བ་ནི༔ ཀྱེེ་ཧོ་སྐལ་ལྡན་རིགས་ཀྱི་བུ༔ བརྟེན་དང་བསྒྲུབ་མཆོད་ཁྱེད་ཀྱིས་མཛོད༔ རྡོ་རྗེ་གཏུམ་པོའི་བཀའ་བཞིན་དུ༔ བཀའ་སྲུང་གནོད་སྦྲིན་ཆེན་པོ་ཡིས༔ བྲན་དང་ཕོ་ཉའི་ཚུལ་བཞིན་དུ༔ དབྱེར་མེད་གྲོགས་མཛོད་བསམ་དོན་སྒྲུབས༔ རབ་འབྱམས་ཕྲིན་ལས་བྱེད་པོ་གྱིས༔ བཀའ་དམ་གཉན་པོ་གཏའ་རུ་བཙུག༔ སྱྃ༔ མ་འདའ་བཛྲ་ས་མ་ཡ༔ དེ་ནས་ལྷ་མི་གཉིས་ཀྱིས་འདི་ལྟར་ཁས་ལེན་པར་བསམ་ལ༔ ཀྱེེ་ཧོཿ ལྷ་དང་བླ་མའི་སྤྱན་སྔ་རུ༔ ཇི་ལྟར་བསྒོ་བའི་ཚིག་དེ་བཞིན༔ མི་འདའ་དམ་ཚིག་གཉེར་ལེན་ནོ༔ ས་མ་ཡ་ན་ར་ཀན༔ ཞེས་མནའ་བོར༔ དེ་ནས་དམ་ཆུ་སྦྱིན་པ་ནི༔ ཧཱུྃ༔ རྡོ་རྗེ་ཁྲོ་བོ་གནོད་སྦྱིན་དང་༔ གསང་བའི་བདག་པོས་བྱིན་བརླབས་པའི༔ དམ་ཚིག་བདུད་རྩི་འདི་འཐུང་ལ༔ ནམ་ཡང་འདའ་བར་མ་བྱེད་ཅིག༔ ཅེས་རྡོ་རྗེའི་རྭ་རྩེས་བདུད་རྩི་ལྕེ་ལ་བཞག་ནས་གཏོར་མ་གནོད་སྦྱིན་དངོས་སུ་གསལ་ཏེ་ཐོགས་ལ༔ ཀྱེེ༔ སྐལ་ལྡན་རིགས་ཀྱི་བུ་ཁྱོད་ལ༔ གནོད་སྦྱིན་ཤན་པ་དམར་ནག་གི༔ ལྷ་དང་དཀྱིལ་འཁོར་ཡོངས་རྫོགས་ཀྱི༔ དབང་མཆོག་ཡོངས་སུ་རྫོགས་ཐོབ་ཤོག༔ ཅེས་གཏོར་མ་ལྷར་གསལ་བ་སློབ་མའི་སྤྱི་བོར་ཐིམ་པས་གནས་སུ་གྱུར་པ་ལས་སློབ་མ་གནོད་སྦྱིན་དངོས་སུ་གྱུར་པར་བསམ་ལ༔ དེ་ནས་དུར་ཁྲོད་ཆས་བརྒྱད་བསྐོན་ལ༔ ཧཱུྃ༔ དབང་དྲག་མི་སྲུན་དྲག་པོ་ལ༔ དུར་ཁྲོད་ཆས་བརྒྱད་འདི་བསྐོན་པས༔ ཧེ་རུ་ཀ་པ་མངོན་གྱུར་ཤོག༔ གནམ་ལྕགས་རལ་གྲི་འདི་གཏད་པས༔ ཁམས་གསུམ་དབང་སྡུད་དབང་ཐོབ་ཤོག༔ སྙིང་དང་རྒྱུ་ཞགས་འདི་གཏད་པས༔ བསྟན་དགྲའི་སྲོག་སྙིང་ལེན་པར་ཤོག༔ བྷནྡྷ་ཁྲག་T1615 - 307 བཀང་འདི་གཏད་པས༔ དགྲ་བགེགས་སྙིང་ཁྲག་རོལ་པར་ཤོག༔ མེ་ཁྱུང་འབར་བ་འདི་གཏད་པས༔ ཁམས་གསུམ་སྟོབས་ཀྱིས་བགྲོད་ནུས་ཤོག༔ ཐོད་པའི་ཕྲེང་བ་འདི་གཏད་པས༔ ཁམས་གསུམ་རྩིས་ལ་ཐེབས་པར་ཤོག༔ ཡུམ་མཆོག་སྙིང་འབྱིན་དམར་མོ་ཡིས༔ བདེ་དང་སྟོང་པའི་རྒྱས་འདེབས་ཤིང་༔ བསྟན་འགྲོ་བདེ་ལ་འགོད་པར་ཤོག༔ དེ་ལྟར་སློབ་མ་གནོད་སྦྱིན་ཆེན་པོ་གསལ་བའི་ཐུགས་ཀར་གསང་བདག་རྡོ་རྗེ་གཏུམ་པོ་བསྐྱེད་ལ༔ ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ༔ ཏིཥྛ་བཛྲ༔ ཞེས་བརྗོད་པས་འདའ་དཀའ་བའི་དམ་ཚིག་གཉན་པོའི་སྲོག་ཐོབ་པར་བསམ༔ དེ་ནས་ཐུན་རྫས་གཏད་ལ༔ ཧཱུྃ༔ གནོད་སྦྱིན་མི་སྲུན་དྲག་པོ་ལ༔ བསྒྲལ་ཆས་ཐུན་མཚོན་འདི་གཏད་པས༔ དགྲ་བགེགས་ཡོངས་སྒྲོལ་དབང་ཐོབ་ཤོག༔ སརྦ་ཤ་ཏྲུཾ་མཱ་ར་ཡ་ཨ་བྷི་ཥིཉྩ་སྭ་ཧཱ༔ དེ་ནས་མེ་ཧོམ་གཏད་ལ༔ ༔ དྲག་པོའི་ཞལ་གྱི་ཧོམ་ཁུང་དུ༔ སྡང་བའི་དགྲ་དང་གནོད་པའི་བགེགས༔ མ་ལུས་བྲུབ་ཅིང་བསྲེགས་པ་ཡི༔ སྲེག་བླུག་དབང་མཆོག་ཐོབ་པར་ཤོག༔ དེ་ནས་རི་རབ་གཏད་ལ༔ ཧཱུྃ༔ རི་རབ་འབར་བ་འདི་གཏད་པས༔ སྡང་བའི་དགྲ་དང་གནོད་པའི་བགེགས༔ ཀླུ་བདུད་ནག་པོའི་ལྟོ་བ་རུ༔ བསྐལ་པར་གནོན་པའི་ སྱྃ༔ དབང་ཐོབ་ཤོག༔ དེ་ནས་ཐུན་ཟོར་གཏད་ལ༔ ཧཱུྃ༔ གནོད་སྦྱིན་དྲག་ཤུལ་བདག་པོ་ལ༔ དྲག་པོའི་ཐུན་ཟོར་འདི་གཏད་པས༔ གང་ལ་དམིགས་པའི་དགྲ་དང་བགེགས༔ ཟོར་འཕང་ཙམ་གྱིས་བརླག་ནུས་ཤོག༔ དེ་ནས་བཀྲ་ཤིས་རྟགས་བརྒྱད་གཏད་ལ༔ ཧཱུྃ༔ རྒྱལ་བའི་མཚན་དཔེ་ལས་བྱུང་བའི༔ བཀྲ་ཤིས་རྟགས་བརྒྱད་འདི་གཏད་པས༔ བདུད་བཞིའི་གཡུལ་ལས་རྒྱལ་བ་ཡི༔ མཚན་དཔེས་བརྒྱན་པའི་སྐུ་ཐོབ་ཤོག༔ མངྒ་ལཾ་ཨ་བྷི་ཥིཉྩ་ཧཱུྃ༔ རྒྱལ་སྲིད་སྣ་བདུན་གཏད་ལ༔ ཧཱུྃ༔ ཁམས་གསུམ་ཆོས་ཀྱི་རྒྱལ་པོའི་སྲིད༔ སྐལ་ལྡན་ཁྱོད་ལ་གཏད་པ་ཡིས༔ རྣམ་མཁྱེན་རྫོགས་པའི་སངས་རྒྱས་ཀྱི༔ གོ་འཕང་མཆོག་ལ་དབང་ཐོབ་ཤོག༔ མ་ཎི་རཏྣ་ཨ་བྷི་ཥིཉྩ་ཧཱུཾ༔ མཐར་ནི་བསྔོ་སྨོན་ཤིས་པ་བརྗོད༔ དེ་ལྟར་དབང་མཆོག་ཐོབ་པ་ཡིས༔ བསྙེན་སྒྲུབ་བྱེད་པའི་སྐལ་ལྡན་གྱི༔ རབ་འབྱམས་ཕྲིན་ལས་ཐོགས་མེད་འགྲུབ༔ གོ་ཆ་བསྐོན་པའི་གནད་ལྡན་ན༔ མཐར་ཐུག་གཏན་བདེའི་མུ་ཡང་ཡོད༔ བཀའ་སྲུང་ཁྱབ་འཇུག་ཆེན་པོས་སྲུངས༔ དམ་ཉམས་ལག་ཏུ་ཤོར་ར་རེ༔ ས་མ་ཡ༔ སྐུ་ཡི་རྒྱ༔ གསུང་གི་རྒྱ༔ ཐུགས་ཀྱི་རྒྱ༔ རྒྱ་རྒྱ་རྒྱ༔ གུ་ཧྱ༔ ཞེས་པ་འདི་སྨོན་ལམ་ལས་ཀྱིས་འབྲེལ་བའི་སྐྱེས་མཆོག་དམ་པ་སྤྲུལ་སྐུ་ལུང་རྟོགས་རྒྱ་མཚོས་བསྐུལ་ངོར་བདུད་འཇོམས་རྡོ་རྗེས་དག་སྣང་ཡེ་ཤེས་དྲྭ་བ་ལས་བསྒྱུར་བ་དགེའོ། །སརྦ་མངྒ་ལཾ།། །། T1615 - 309 T1615 - 310 ཐོ།༔ དག་སྣང་ཡེ་ཤེས་དྲྭ་བ་ལས༔ གནོད་སྦྱིན་ཤན་པའི་ཕྱག་རྒྱ་བཞུགས་སོ༔ ན་མོ་གུ་རུ་བྷྱ༔ ཐཤཐ༔ རང་ཉིད་ཡི་དམ་ལྷར་གསལ་བའི་ངང་ནས༔ ཨོཾ་མ་ཧཱ་ཤུ་ནྱ་ཏཱ་ཛྙཱ་ན་སོགས༔ ཁམས་གསུམ་སྣོད་བཅུད་ཐམས་ཅད་སྟོང་པ་ཉིད་དུ་རོ་གཅིག་པའི་ངོ་བོ་གནོད་སྦྱིན་ཤན་པ་ཆེན་པོ་སྐུ་མདོག་དམར་ནག་ཞལ་གཅིག་ཕྱག་བཞི་ཞབས་གཉིས་དང་ལྡན་པ༔ སྤྱན་གསུམ་དམར་ཟླུམ་སྡང་མིག་ཏུ་གཡོ་བ་ཞལ་གདངས་ལྗགས་འདྲིལ་བ་རྣོ་དཀར་གྱི་མཆེ་བ་གཙིགས་པ༔ སྨ་ར་ལས་མེ་འབར་ཞིང་སྨིན་མར་གློག་འཁྱུགས་པ༔ དབུ་སྐྲ་དམར་སེར་སྲིད་པའི་རྩེ་མོ་རུ་འཁྱིལ་ཞིང་སྐུ་ལ་བསྐལ་པའི་མེ་དཔུང་འབར་བ༔ ཕྱག་དང་པོ་གཉིས་ན་རལ་གྲི་དང་སྙིང་ཞགས་གདེངས་ཤིང་འོག་མ་གཉིས་གྲི་ཐོད་བསྣམས་པ༔ དར་དམར་སེར་བཀྲའི་བེར་ཆེན་གསོལ ཞིང་དུར་ཁྲོད་ཀྱི་ཆས་ཐམས་ཅད་ཀྱིས་བརྒྱན་པ་མེ་ཁྱུང་དམར་པོ་རླུང་གི་གཤོག་པ་ཅན་ལ་བཅིབས་ཤིང་ཡུམ་མཆོག་གསོད་བྱེད་སྙིང་འབྱིན་མ་དམར་མོས་གཡས་ལྕགས་ཀྱུ་དང་གཡོན་པས་དགྲ་སྙིང་བསྣམས་ནས་ཡབ་ལ་འཁྱུད་པ༔ ཡབ་ཡུམ་གཉིས་ཀས་དྲག་པོའི་གད་རྒྱངས་ནམ་མཁའི་འབྲུག་ལྟར་སྒྲོགས་པས་ཁམས་གསུམ་དབང་དུ་སྡུད་ཅིང་སྲིད་གསུམ་ཟིལ་གྱིས་གནོན་ པར་བསྐྱེད་དོ༔ རྒྱ་མཚོ་ཆེན་པོ་ལ་གཟའ་སྐར་བཀྲ་བ་བཞིན་དུ་སྐུའི་ཀློང་དུ་ལས་མཁན་སྤྲུལ་པའི་འཁོར་བརྒྱད་བཀའི་ལྷ་སྲིན་སྡེ་བརྒྱད་ཐམས་ཅད་ཡོངས་སུ་རྫོགས་པར་བསྐྱེད་དོ༔ འཁོར་འདས་གཉིས་སུ་གཏོགས་པའི་བཀའ་སྲུང་ཆོས་སྐྱོང་ཐམས་ཅད་ལན་ཚྭ་ཆུར་ཞུ་བ་བཞིན་དུ་གནོད་སྦྱིན་ཆེན་པོའི་སྐུ་གསུང་ཐུགས་སུ་ཐིམ་པས་བཀའ་སྲུང་རྒྱ་མཚོ་ཡོངས་འདུས་ཀྱི་བདག་ཉིད་དུ་བསྐྱེད་དོ༔ གནས་གསུམ་རྡོ་རྗེའི་སྙིང་པོ་ལས་འོད་འཕྲོས་པས་ནུབ་ཕྱོགས་ཧེ་ཆེན་བརྡལ་བ་སོགས་གར་བཞུགས་ཀྱི་གནས་ནས་སྤྱན་དྲངས་ལ་བསྟིམ་མོ༔ སྨཿ གནོད་སྦྱིན་ཤན་པ་དམར་ནག་ཡུམ་མཆོག་གསོད་བྱེད་དམར་མོ་ལས་མཁན་སྤྲུལ་པའི་འཁོར་བརྒྱད་བཀའི་ལྷ་སྲིན་སྡེ་བརྒྱད་བཀའ་སྲུང་དམ་ཅན་རྒྱ་མཚོ་ཐམས་ཅད་བཀའ་དང་དམ་ཚིག་གཉན་གྱིས་འབོད་དོ་དམ་ཚིག་དབང་གིས་བསྒྲུབ་ཅིང་བརྟེན་པའི་གནས་འདིར་གཤེགས་ཅིག་བྱོན་ཅིག༔ ཨོཾ་བཛྲ་ས་མ་ཡ་ཛ་ཛཿ ལན་གསུམ་བརྗོད་ཅིང་མཐར༔ ཏིཥྛ་བཛྲ་ན་མོ་སརྦ་ག་ན་པཱུ་ཛ་ཧོཿ འཛབ་དམིགས་ནི༔ གཙོ་བོའི་ཐུགས་ཀར་ཟླ་ཕྱེད་ཀྱི་སྟེང་དུ་ཡིད་བཞིན་གྱི་ནོར་བུ་དབང་གི་རྒྱལ་པོའི་ནང་ཁོངས་སུ་ཧཱུྃ་ཡིག་དམར་ནག་ཀྵཿཧྲཱིཿས་མཚན་པ་ཅན་ལ་རྩ་བའི་སྔགས་ཀྱིས་བསྐོར་ཞིང་ ཁྲོཾ།༔ ཡུམ་གྱི་ཐུགས་ཀར་ཉི་མའི་གདན་ལ་བྷྱོཿཡིག་དམར་པོའི་མཐར་སྔགས་ཀྱིས་བསྐོར་བར་བསྒོམ༔ བཟླས་པ་ཙམ་གྱིས་དམ་ཚིག་གཉན་པོའི་སྲོག་ཐོབ་ནས ད བདག་གི་བཀའ་ཉན་ཅིང་གསུང་སྡོད་པར་བསམ༔ ཨེ་ཧེ་རྨ་རུ་ཙེ་གུ་ཎ་ཧྲཱི་ཏྲི་ས་མ་ཡ་ཧཱུྃ་ཛཿ ཞེས་མང་དུ་བཟླས་ཤིང་གསོལ་མཆོད་བྱས་མཐར་བསྟོད་པ་ནི༔ ཧཱུྃ༔ པདྨ་དབང་གི་དཀྱིལ་འཁོར་ལྷ༔ བསྟན་དང་འགྲོ་བའི་དོན་མཛད་ཕྱིར༔ དྲག་ཁྲོས་རྔམས་པའི་སྐུར་སྟོན་པ༔ འཇིགས་བྱེད་དམར་ནག་ཁྱོད་ལ་བསྟོད༔ ཅེས་རང་སློབ་ཤེས་རིག་རྡོ་རྗེས་བསྐུལ་ངོར་བདུད་འཇོམས་རྡོ་རྗེས་གཏན་ལ་ཕབ་པའོ།། དགེའོ། །སརྦ་མངྒ་ལཾ།། །། ཞེ ( T11615 - 314 ཨོཾ༔ དག་སྣང་ཡེ་ཤེས་དྲྭ་བ་ལས༔ གནོད་སྦྱིན་ཤན་པ་དམར་ནག་གི་ཕྱག་རྒྱ་བསྡུས་པ་རྡོ་རྗེའི་རྒྱ་ཅན་བཞུགས་སོ༔ དཔལ་གསང་བའི་བདག་པོ་ལ་ཕྱག་འཚལ་ལོ༔ དམིགས་པ་གནད་དང་ལྡན་པ ཡིས༔ རང་ཉིད་ཡི་དམ་ལྷ་ཡི་མདུན་ས་རུ༔ སྤྲུལ་པ་ལས་ཀྱི་དུར་ཁྲོད་རབ་འཇིགས་དབུས༔ བསྐལ་པ་དུས་མཐའི་མེ་ལྟར་འབར་བའི་ཀློང་༔ རླུང་ནག་འཚུབས་མ་འཁྱིལ་བའི་ཀློང་དཀྱིལ་དུ༔ ཀཿ ཧྲཱི་ཏྲི་ཡི་ཡི་གེ་དམར་ནག་ལས༔ འོད་འཕྲོས་རྩ་གསུམ་ཆོས་སྐྱོང་ཐམས་ཅད་དང་༔ འབྱུང་བའི་དྭངས་བཅུད་སྣོད་བཅུད་དཔལ་ཡོན་བཅས༔ མ་ལུས་བསྡུས་ཏེ་ཡིག འབྲུ་གསུམ་ལ་བསྟིམས༔ སྐད་ཅིག་སྒོ་གསུམ་བསྐྱེད་པའི་ས་བོན་རྣམས༔ ཡོངས་གྱུར་གནོད་སྦྱིན་ཤན་པ་ཆེན་པོ་ནི༔ དམར་ནག་འབར་བ་ཞལ་གཅིག་ཕྱག་བཞི་པ༔ ཞལ་གདངས་ལྗགས་འདྲིལ་རྣོ་དཀར་མཆེ་བ་གཙིགས༔ ཁྲོ་གཉེར་རབ་འཁྲུགས་སྤྱན་གསུམ་དམར་ཟླུམ་གཡོ༔ སྨ་ར་མེ་འབར་སྨིན་མར་གློག་སྟོང་འཁྱུགས༔ དབུ་སྐྲ་ཁམ་ནག་སྲིད་རྩེར་མེ་ལྟར་འབར༔ དང་པོའི་ཕྱག་གཉིས་རལ་གྲི་སྙིང་ཞགས་འཕྱར༔ འོག་མ་གཉིས་ན་གྲི་གུག་ཐོད་ཁྲག་བསྣམས༔ དར་དམར་བེར་དང་དུར་ཁྲོད་ཆས་བརྒྱད་གསོལ༔ ཡུམ་མཆོག་གསོད་བྱེད་ཕྱག་རྒྱ་ དམར་མོ་སྐུ་ལ་འཁྲིལ༔ སྲོག་གཅོད་སྤུ་གྲི་དགྲ་སྙིང་དམར་རློན་བསྣམས༔ ཁྲོ་གཏུམ་རྔམས་བརྗིད་ཁྲག་གི་རལ་པ་ཅན༔ གཡང་གཞི་གཟིག་ཤམ་མི་མགོ་སྦྲུལ་རྒྱན་འཆང་༔ མེ་ཁྱུང་དམར་པོ་རླུང་གི་གཤོག་ཅན་ཆིབས༔ ཞལ་ནས་ཀྵཿསྒྲ་ནམ་མཁའི་འབྲུག་ལྟར་སྒྲོགས༔ མེ་ལས་མེ་སྟག་དྲག་ཏུ་འཕྲོ་བ་བཞིན༔ སྤྲུལ་པའི་ལས་བྱེད་མགོ་བརྙན་ཅན་དཔག་མེད༔ འཕྲོས་པས་དགྲ་བགེགས་གསོད་གཅོད་ལས་ལ་རྒྱུ༔ གནས་གསུམ་རྡོ་རྗེའི་སྙིང་པོ་འབྲུ་གསུམ་ལས༔ འོད་འཕྲོས་དུས་གསུམ་རྒྱལ་བའི་མཐུ་ནུས་དང་༔ བཀའ་སྲུང་དྲེགས་པ་འབྱུང་ལྔའི་ངོ་བོར་བཅས༔ གནོད་སྦྱིན་ཆེན་པོའི་རྣམ་པར་སྤྱན་དྲངས་བསྟིམ༔ ཁམས་གསུམ་བློ་ཡིད་སྲོག་ལ་དབང་བསྒྱུར་བསམ༔ ཨེ་ཧེ་རྨ་རུ་ཙེ་གུ་ཎ་ཧྲཱིཿ ཏྲི་ས་མ་ཡ་ཧཱུྃ་ཛ་ཛཿ དེ་ཡིས་འབོད་ཅིང་རྦད་པ་ལ༔ ཨེ་ཧེ་རྨ་རུ་ཙེ་གུ་ཎ་ཧྲཱིཿ ཏྲི་ས་མ་ཡ་ཨ་མུ་ཀའི་སྲོག་ལ་རྦད་རྦད་བྷྱོ༔ དེ་ཡིས་རྦད་ཅིང་བསད་པ་ལ༔ ཨེ་ཧེ་རྨ་རུ་ཙེ་གུ་ཎ་ཧྲཱིཿ ཏྲི་ས་མ་ཡ་ཤ་ཏྲུཾ་ཨ་མུ་ཀ་མཱ་ར་ཡ་རྦད་སོད་སོད༔ བསྐང་གསོལ་རྒྱུན་གཏོར་རྒྱུན་མི་བཅད༔ གནད་དེས་དྲེགས་པ་བྲན་ཁོལ་ཏེ༔ དབང་དྲག་ལས་ཀུན་ཐོགས་མེད་འགྲུབ༔ བཀྲ་ཤིས་ལོངས་སྤྱོད་འབྱོར་པ་རྒྱས༔ དམ་ཚིག་ལྡན་པ་གནད་དུ་ཤེས༔ རྫོགས་ཆེན་བཀའ་ཡི་སྲུང་མའི་མཆོག༔ བར་ཆད་ ཨོཾ༔ ཐམས་ཅད་འདིས་སེལ་བྱེད༔ ས་མ་ཡ༔ རྒྱ་རྒྱ་རྒྱ༔ གུ་ཧྱ༔ ཞེས་པ་འདི་ནི་སློབ་བུ་རྣམ་གྲོལ་གྱི་ངོར་བདུད་འཇོམས་རྡོ་རྗེས་ནམ་མཁའི་མཛོད་ལས་སྒྱུར་བའོ།། ད 2 ཕྱག་རྒྱ་313གཉིས་སོ། བསྡུས་པ་TI1615 - 317 TI1615 - 317 T11615 - 318 ཨོཾ༔ དག་སྣང་ལས༔ གནོད་སྦྱིན་ཤན་པའི་ཕྱག་རྒྱ་བཞུགས་སོ༔ ན་མོ་གུ་རུ་ཝེ༔ མདུན་དུ་མེ་རླུང་འཚུབས་འཁྱིལ་ཀློང་༔ གནོད་སྦྱིན་ཤན་པ་ཆེན་པོ་ནི༔ དམར་ནག་ཞལ་གཅིག་ཕྱག བཞི་པ༔ གཡས་གཉིས་རལ་གྲི་གྲི་གུག་དང་༔ གཡོན་གཉིས་སྙིང་ཞགས་ཐོད་ཁྲག་བསྣམས༔ ཞལ་གདངས་ལྗགས་འདྲིལ་སྤྱན་གསུམ་བསྒྲད༔ དབུ་སྐྲ་དམར་སེར་གྱེན་དུ་བརྫེས༔ བེར་དམར་གསོལ་ཞིང་མེ་ཁྱུང་ཆིབས༔ དུར་ཁྲོད་ཆས་བརྒྱད་རྒྱན་དུ་རྫོགས༔ གསོད་བྱེད་དམར་མོ་ཡུམ་གྱིས་འཁྱུད༔ ཕྱག་ན་སྤུ་གྲི་དགྲ་སྙིང་བསྣམས༔ ཁྲོ་མོ་མི་བཟད་གཟིག་ཤམ་གསོལ༔ རང་འདྲའི་སྤྲུལ་པ་སྐར་ལྟར་འཁྲིགས༔ འོད་འཕྲོས་དབྱིངས་ནས་སྤྱན་དྲངས་བསྟིམ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཁྲག་འཐུང་བདུད་འཇོམས་རྡོ་རྗེའི་སྣང་ཉམས་སོ། ྋ 315 T11615 - 320 ཨོཾ༔ དག་སྣང་ཡེ་ཤེས་དྲྭ་བ་ལས༔ གནོད་སྦྱིན་ཤན་པ་བྲན་འགུག་བསྐང་གསོལ་ཡེ་ཤེས་ལྕགས་ཀྱུ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ གནོད་སྦྱིན་བྲན་འགུག་བདེན་ཚིག་དང་༔ བསྐང་བ་ཡེ་ཤེས་ལྕགས་ཀྱུ་ལ༔ འབྱོར་ཚོགས་བཤམས་ཤིང་མཆོད་རྫས་ལ༔ གསང་སྔགས་ཏིང་འཛིན་སྟོབས་ཀྱིས་སྤེལ༔ མདུན་དུ་གནོད་སྦྱིན་དངོས་སུ་གསལ༔ འདི་ནི་ཤིན་ཏུ་མི་སྲུན་པས༔ བདེན་ཚིག་སྟོབས་ཀྱིས་བཀུག་ཅིང་བཀོལ༔ ཧཱུྃ༔ དཀོན་མཆོག་གསུམ་གྱི་བདེན་མཐུ་དང་༔ གསང་སྔགས་ཟབ་མོའི་རྟེན་འབྲེལ་གྱིས༔ གནོད་སྦྱིན་ཤན་པ་འཁོར་དང་བཅས༔ བདག་གི་མདུན་སར་མཆིས་གྱུར་ཅིག༔ ཛཿ དད་པ་དང་ནི་དམ་ཚིག་གིས༔ ཚུར་གཤེགས་བཀའ་ཡི་སྲུང་མ་ཆེ༔ གནོད་སྦྱིན་འཁོར་བཅས་སྤྱན་འདྲེན་གཤེགས༔ བདག་གི་སྲུང་མར་མངའ་གསོལ་ལོ༔ དངོས་འབྱོར་ཡིད་སྤྲུལ་མཆོད་རྫས་ཀྱིས༔ གནོད་སྦྱིན་དམར་ནག་ཐུགས་དམ་བསྐང་༔ བཟའ་བདུད་ནག་པོའི་ཐུགས་དམ་བསྐང་༔ གསོད་བྱེད་དམར་མོའི་ཐུགས་དམ་བསྐང་༔ འཁོར་དང་བཅས་པའི་ཐུགས་དམ་བསྐང་༔ ཐུགས་དང་འགལ་བའི་ཉེས་ཀུན་བཤགས༔ བྱམས་བརྩེས་བདག་སྐྱོངས་ཕྲིན་ལས་སྒྲུབ༔ ཕྱི་ནང་གསང་བའི་བར་ཆད་བཟློག༔ གནོད་བྱེད་དགྲ་བགེགས་མ་ལུས་པ༔ མིང་ཙམ་མེད་པར་རྡུལ་དུ་རློག༔ མ་གཡེལ་མ་འགྱངས་ས་མ་ཡ༔ དེ་ལྟར་རྟག་ཏུ་གྲངས་མང་བརྗོད༔ བསྐྱེད་དང་གསལ་བའི་གནད་ལྡན་ན༔ བཀའ་སྲུང་གཉན་པོ་བྲན་བཞིན་འཁོར༔ ཕྲིན་ལས་རབ་འབྱམས་ཡོངས་འགྲུབ་བྱེད༔ ས་མ་ཡ༔ རྒྱ་རྒྱ་རྒྱ༔ ཞེས་པ་འདི་ནི་རང་གི་ཉེར་མཁོའི་ཆེད་དུ་བདུད་འཇོམས་རྡོ་རྗེས་དག་སྣང་ཡེ་ཤེས་དྲྭ་བ་ལས་བསྒྱུར་བའོ། །དགེའོ།། ཅ བདུད་འཇོམས་སྲུང་མ་ཤན་པ་བདུད་འཇོམས་སྲུང་མ་ཤན་པ་TI1615 - 322 ད༔ དག་སྣང་ཡེ་ཤེས་དྲྭ་བ་ལས༔ གནོད་སྦྱིན་ཤན་པ་དམར་ནག་གི་བསང་མཆོད་འདོད་རྒུའི་དཔལ་སྟེར་བཞུགས་སོ༔ དཔལ་ཨོ་རྒྱན་མཚོ་སྐྱེས་རྡོ་རྗེའི་ཞབས་ཀྱི་པདྨོ་ལ་རལ་པའི་ཅོད་པན་གྱིས་གཏུགས་ཏེ་འདུད་དོ༔ སཧ།ཏཧྱཧ་དྡྷྱ དབང་དྲག་འབར་བའི་སྐུར་སྟོན་པའི༔ གནོད་སྦྱིན་ཡོངས་ཀྱི་མཆོག་གྱུར་པ༔ སྐྱེས་བུ་རྣམས་ཀྱིས་དུས་རྟག་ཏུ༔ བསང་མཆོད་འབུལ་བའི་ལས་བརྩོན་ན༔ བཟང་ཤིང་རྣམ་པ་སྣ་ཚོགས་དང་༔ ཕྱེ་མར་གཙང་མའི་ཟས་བསྲེགས་ཏེ༔ སྭ་བྷཱ་ཝ་ཡིས་སྟོང་པར་སྦྱངས༔ ཨོཾ་ཨཱཿ ཧཱུྃ་གིས་མཆེད་གཞི་བྱས༔ ནམ་མཁའ་མཛོད་ཀྱི་སྔགས་བཟླས་པས༔ འདོད་རྒུའི་དཔལ་དུ་སྤེལ་ཞིང་བསྒྱུར༔ རང་ཉིད་ལྷག་པའི་ལྷ་མཆོག་གི༔ ཏིང་འཛིན་གསལ་བའི་གཟེར་ལྡན་པས༔ ཀྱེེ༔ ལྷ་དང་སྲུང་མ་དགྱེས་པའི་ཕྱིར༔ བཟང་ཤིང་སྨན་སྤོས་དྲི་བཟང་དང་༔ རོ་ལྡན་ཞལ་ཟས་སྣ་ཚོགས་པའི༔ དུད་སྤྲིན་འདོད་རྒུའི་དཔལ་ཡོན་གཏེར༔ མི་ཟད་ནམ་མཁའི་མཛོད་ཆེན་པོར༔ སྔགས་དང་ཕྱག་རྒྱས་བྱིན་གྱིས་བརླབས༔ བདེ་སྟོང་ཟག་མེད་བདུད་རྩི་ལ༔ རྣམ་པ་མཁའ་ཁྱབ་དུད་སྤྲིན་འདིས༔ སྐྱབས་གནས་དཀོན་མཆོག་རྣམ་གསུམ་བསང་༔ གནས་གསུམ་དཔའ་བོ་མཁའ་འགྲོ་བསང་༔ གནོད་སྦྱིན་ཤན་པ་དམར་ནག་བསང་༔ ཡུམ་མཆོག་གསོད་བྱེད་དམར་མོ་བསང་༔ ཤར་ཕྱོགས་རྒྱལ་པོ་སྟག་མགོ་ཅན༔ དྲི་ཟའི་འཁོར་ཚོགས་323 དང་བཅས་བསང་༔༷ ལྷོ་ཕྱོགས་གཤིན་རྗེ་གཟིག་མགོ་ཅན༔ གཤིན་རྗེའི་འཁོར་ཚོགས་དང་བཅས་བསང་༔ ནུབ་ཕྱོགས་བཙན་རྗེ་དོམ་མགོ་ཅན༔ ཆུ་ལྷའི་འཁོར་ཚོགས་དང་བཅས་བསང་༔ བྱང་ཕྱོགས་བདུད་རྗེ་འབྲོང་མགོ་ཅན༔ གནོད་སྦྱིན་འཁོར་ཚོགས་དང་བཅས་བསང་༔ ཤར་ལྷོ་སྲིན་པོ་ནེ་ཙོའི་གདོང་༔ མེ་ལྷའི་