Tibetan
འཁོར་ཚོགས་དང་བཅས་བསང་༔ ལྷོ་ནུབ་ལྷ་མོ་རྨ་བྱའི་གདོང་༔ སྲིན་པོའི་འཁོར་ཚོགས་དང་བཅས་བསང་༔ ནུབ་བྱང་གཟའ་བདུད་ཤང་ཤང་གདོང་༔ རླུང་ལྷའི་འཁོར་ཚོགས་དང་བཅས་བསང་༔ བྱང་ཤར་ཀླུ་བདུད་ཉ་མོའི་གདོང་༔ དབང་ལྡན་འཁོར་ཚོགས་དང་བཅས་བསང་༔ ཁྱོད་ཀྱི་བཀའ་སྡོད་ལས་བྱེད་པའི༔ དཀར་པོ་ལྷ་ཡི་སྡེ་ཚོགས་བསང་༔ དམར་པོ་བཙན་གྱི་སྡེ་ཚོགས་བསང་༔ དྲག་གཏུམ་གཤིན་རྗེའི་སྡེ་ཚོགས་བསང་༔ སྲོག་བདག་རྒྱལ་པོའི་སྡེ་ཚོགས་བསང་༔ སྲིད་པ་མ་མོའི་སྡེ་ཚོགས་བསང་༔ མི་སྲུན་གནོད་སྦྱིན་སྡེ་ཚོགས་བསང་༔ ནག་པོ་བདུད་ཀྱི་སྡེ་ཚོགས་བསང་༔ ཕྱུག་པོ་ཀླུ་ཡི་སྡེ་ཚོགས་བསང་༔ གཞན་ཡང་གནོད་སྦྱིན་ཆེན་པོའི་འཁོར༔ སྣང་སྲིད་དྲེགས་པའི་ཚོགས་རྣམས་བསང་༔ སྐུ་ཡི་གཟི་མདངས་རྒྱས་གྱུར་ཅིག༔ གསུང་གི་འགགས་པ་ཁྲོལ་གྱུར་ཅིག༔ ཐུགས་ཀྱི་རྨུགས་འཐིབས་- 324 ཨོཾཿ སངས་གྱུར་ཅིག༔ མཐུ་སྟོབས་ནུས་རྩལ་རྒྱས་གྱུར་ཅིག༔ དེ་ལྟར་བསང་མཆོད་ཕུལ་བའི་མཐུས༔ ལྷ་ཚོགས་དགྱེས་ཚིམས་བྱམས་བརྩེ་ཡི༔ བདག་ཅག་སྒྲུབ་མཆོག་འཁོར་བཅས་ལ༔ ལུས་དང་གྲིབ་མ་ལྟར་འགྲོགས་ཤིང་༔ ནད་གདོན་བར་ཆད་ཞི་བ་དང་༔ ཚེ་བསོད་དཔལ་འབྱོར་རྒྱས་པ་དང་༔ འདོད་རྒུའི་དཔལ་ཡོན་དབང་དུ་བསྡུས༔ དགྲ་བགེགས་གདུག་པ་ཀུན་བསྒྲལ་སོགས༔ རབ་འབྱམས་ཕྲིན་ལས་ཡོངས་གྲུབ་མཛོད༔ དུས་གསུམ་རྒྱལ་དང་རྒྱལ་སྲས་ཀྱི༔ བཀའ་དམ་གཉན་པོ་དཔང་བཙུག་སྟེ༔ དམ་ཅན་ཁྱོད་ལ་བཅོལ་བའི་ལས༔ མ་ལུས་རྟག་ཏུ་འགྲུབ་པར་མཛོད༔ བདག་ཅག་ལྷ་མི་འཁོར་བཅས་ཀུན༔ རྫོགས་ལྡན་དུས་ཀྱི་བསྐལ་པ་བཞིན༔ ལེགས་པའི་ཡོན་ཏན་ཀུན་ལྡན་ཤོག༔ ས་མ་ཡ༔ རྫོགས་ཆེན་བཀའ་ཡི་སྲུང་མ་ཆེ༔ ཁམས་གསུམ་དབང་སྡུད་རྒྱལ་པོ་ཉིད༔ བསྒྲུབ་ཅིང་བརྟེན་པའི་སྐྱེས་བུ་ཡིས༔ རྨུགས་སངས་མཁོན་པ་བསྡུམ་པའི་ཕྱིར༔ བསང་མཆོད་གནད་འདིར་བརྩོན་པ་ཡིས༔ ཉེས་པའི་སྐྱོན་རྣམས་ཀུན་ལས་གྲོལ༔ ལེགས་པའི་ཡོན་ཏན་ཀུན་འགྲུབ་འགྱུར༔ ས་མ་ཡ༔ རྒྱ་རྒྱ་རྒྱ༔ གུ་ཧྱ༔ བརྡ་ཐིམ༔ ཞེས་པ་འདི་རིགས་སྲས་དྲི་མེད་འོད་ཟེར་གྱིས་ནན་དུ་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ཡིག་མེད་ཨུ་པ་དེ་ཤ་ལས་གཏན་ལ་ཕབ་པའོ། །དགེའོ། །དགེའོ། །དགེའོ། །སརྦ་མངྒ་ལཾ།། །། T11615- 326 ཨོཾཿ དག་སྣང་སྒྱུ་འཕྲུལ་དྲྭ་བ་ལས༔ གནོད་སྦྱིན་ཆེན་པོའི་འཁྲུག་སྐོང་ཕྲིན་ལས་ལྷུན་གྲུབ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཅི་འབྱོར་མཆོད་པའི་རྫས་བསགས་ནས༔ ནམ་མཁའ་མཛོད་ཀྱི་འཁོར་ལོར་བརླབས༔ ཆོས་ཀུན་དུ་མ་རོ་གཅིག་པར༔ རྟོགས་པའི་ལྟ་བའི་ངང་ཉིད་ལས༔ ཀཿ པདྨ་དབང་གི་བཀའ་སྡོད་ཆེ༔ ཨ་ཏིའི་བཀའ་ཡི་བྱ་ར་བ༔ གནོད་སྦྱིན་ཤན་པ་འཁོར་དང་བཅས༔ མཆོད་བསྐང་བརྟེན་སྒྲུབ་གནས་འདིར་བྱོན༔ ཆོས་ཉིད་སྒྱུ་མར་རོལ་པའི་འཕྲུལ༔ ཕྱི་ནང་གསང་བ་ཡང་གསང་གི༔ མཆོད་བསྐང་མཐུན་པའི་དམ་རྫས་ཀྱིས༔ གསོལ་ལོ་མཆོད་དོ་ཐུགས་དམ་བསྐང་༔ འགལ་འཁྲུལ་ཉེས་པའི་ཚོགས་ཀུན་བཤགས༔ འཁོར་འདས་ཡོངས་ཀྱི་ལྷ་སྲུང་མ༔ ཀུན་ཀྱང་ཁྱོད་ཀྱི་ངོ་བོར་འགྲུབ༔ རྟག་ཏུ་བྱམས་དང་བརྩེ་བས་སྐྱོངས༔ རུ་ང་ཕྲག་དོག་གདུག་རྩུབ་སྤོངས༔ སྡང་བའི་དགྲ་ལ་ཁོང་མ་ཡངས༔ གློ་བུར་ཧུར་ཐུམ་དྲག་པོས་སོད༔ སྒྲུབ་པ་པོ་ལ་འཁུ་མ་རྐྱེན༔ མ་གཅིག་བུ་བཞིན་རྟག་ཏུ་སྐྱོངས༔ མི་ནད་ནོར་གྱི་གོད་ཁ ཆོད༔ རྟ་ཕྱུགས་གནག་ལུག་ལོངས་སྤྱོད་སྤེལ༔ ཆོས་ཉིད་བསྟན་པའི་མངའ་ཐང་རྒྱས༔ གྲྭ་འཁོར་ཡོན་གནས་འདུ་བ་བསྡུས༔ དགྲ་དང་བགེགས་ཀྱིས་འཚེ་བ་གཞོམ༔ རབ་ འབྱམས་ཕྲིན་ལས་ལྷུན་གྲུབ་ཅིང་༔ སྒོ།དྷཏཏྱཧ་རྞྞདམ་རྒྱལ་བཀྲ་ཤིས་སྩོལ༔ འདི་ལ་གྲངས་མང་རྒྱུན་དུ་མཆོད༔ རང་བཞིན་མེད་པའི་ཆོས་ཉིད་ལས༔ རྩལ་སྣང་མཆོད་པའི་སྤྲིན་དུ་བསྒྱུར༔ ལྷ་དང་རང་སྣང་དབྱེར་མེད་པར༔ རང་བྱུང་རང་ཤར་རྒྱན་གྱིས་མཆོད༔ དེས་ནི་འཁྲུགས་པ་ཡོངས་ཞི་ཞིང་༔ བཀྲ་ཤིས་ཕུན་ཚོགས་དཔལ་ཡོན་སྟེར༔ བདེན་རྫུན་ལག་ཏུ་ལོངས་དང་གསལ༔ ཐེ་ཚོམ་མེད་དོ་ས་མ་ཡ༔ བརྡ་ཐིམ༔ ༔ ཞེས་པ་འདི་ཉིད་རིགས་སྲས་དྲི་མེ་འོད་ཟེར་གྱིས་བསྐུལ་ངོར་བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའོ། །དགེའོ། །དགེའོ། །དགེའོ། །ལེགས་སོ། །སརྦ་མངྒ་ལཾ།། །། 324 TI1615 - 328 ཨོཾ༔ དག་སྣང་ལས༔ གནོད་སྦྱིན་ཆེན་པོའི་བསྐང་གསོལ་བསྡུས་པ་ཞུགས་སོ༔ ན་མོ་གུ་རུ་པདྨ་ཀ་ར་ཡེ༔ གནོད་སྦྱིན་ཆེན་པོའི་བསྐང་བསྡུས་ལ༔ དཀར་དམར་སྐྱེམས་དང་གཏོར་མ་སོགས༔ འབྱོར་ཚོགས་བསགས་ལ་སྔགས་ཀྱིས་སྤེལ༔ ཟག་མེད་བདུད་རྩིའི་ངོ་བོར་དམིགས༔ ནམ་མཁའ་མཛོད་ཀྱི་སྔགས་རྒྱས་མཐར༔ ཀྵཿ དད་པ་དང་ནི་དམ་ཚིག་གིས༔ གནོད་སྦྱིན་ཤན་པ་འཁོར་དང་བཅས༔ སྤྱན་འདྲེན་གནས་འདིར་ས་མ་ཛཿ དམ་ཚིག་ཆེན་པོའི་གདན་ལ་བཞུགས༔ སྒོ་གསུམ་གུས་པས་ཕྱག་འཚལ་ལོ༔ བདག་གི་སྲུང་མར་མངའ་གསོལ་ལོ༔ ཕྱི་ནང་གསང་བའི་མཆོད་པ་འབུལ༔ ཐུགས་དམ་བསྐང་ངོ་ཉམས་ཆག་བཤགས༔ གདུང་དབྱངས་རོལ་མོའི་སྒྲ་ཡིས་བསྟོད༔ ཕྲིན་ལས་རབ་འབྱམས་ཡོངས་འགྲུབ་མཛོད༔ མ་འདའ་བཛྲ་ས་མ་ཡ༔ འདི་ཉིད་གྲངས་ལྡན་བསྐྱར་བ་ན༔ ལས་ཀུན་ཐོགས་མེད་འགྲུབ་འགྱུར་རོ༔ ས་མ་ཡ༔ བརྡ་ཐིམ༔ ཞེས་པ་འདི་ཡང་ཀློང་ཡངས་ནམ་མཁའི་རྣལ་འབྱོར་པ་བདུད་འཇོམས་རྡོ་རྗེས་བསྒྱུར་བའོ། །དགེའོ། །སརྦ་མངྒ་ལཾ།། ། T11615 - 330 ཨོཾཿ དག་སྣང་ཡེ་ཤེས་དྲྭ་བ་ལས༔ གནོད་སྦྱིན་ནོར་གྱི་བདག་པོའི་བསྐང་བ་འདོད་འབྱུང་ནོར་བུ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ནོར་བདག་སྒྲུབ་པའི་རྣལ་འབྱོར་གྱིས༔ རྟག་ཏུ་ཐུགས་དམ་བསྐང་བ་ཡི༔ ཐབས་ལ་བརྩོན་པ་མཆོག་ཏུ་གལ༔ དེ་ལ་དཀར་དམར་གཏོར་མ་དང་༔ ཆང་སྐྱེམས་འོ་སྐྱེམས་འབྲས་ཆན་རིགས༔ མདོར་ན་བཟའ་བཏུང་འོས་པའི་ཚོགས༔ མཆོད་པའི་རྫས་སུ་རུང་བ་སྟེ༔ སྭ་བྷཱ་ཝ་ཡིས་སྦྱངས་ནས་སུ༔ ཨ་མྲྀ་ཏ་ཡིས་བདུད་རྩིར་བསྒྱུར༔ ཧཱུྃ༔ རང་ཉིད་ལྷར་གསལ་ཐུགས་ཀ་ནས༔ འོད་འཕྲོས་རྒྱལ་བ་སྲས་བཅས་བསྐུལ༔ སྐུ་གསུང་ཐུགས་ཀྱི་བདུད་རྩི་བཅུད༔ ཡིག་འབྲུ་གསུམ་གྱི་རྣམ་པར་བསྡུས༔ མཆོད་པའི་རྫས་དང་དབྱེར་མེད་བསྟིམ༔ བརྡལ་ཁྱབ་སྟོང་པ་ཉིད་དུ་ཞིག༔ རིན་ཆེན་སྣ་ཚོགས་ས་གཞི་ལས༔ བཤམས་པའི་རྫས་དང་སྣང་སྲིད་བཅུད༔ ཚུར་འདུས་ཕྱི་ནང་གསང་མཆོད་སྤྲིན༔ འདོད་ཡོན་ནམ་མཁའ་མཛོད་དུ་སྤེལ༔ ནམ་མཁའ་མཛོད་སྔགས་ལན་གསུམ་བརྗོད༔ ཨོཾ་ཨཱཿ ཧཱུྃ༔ ཏིང་འཛིན་སྒྱུ་མར་རོལ་པའི་ཆོ་འཕྲུལ་ལས༔ ཕྱི་མཆོད་ཉེར་སྤྱོད་བདུན་དང་རིན་ཆེན་དཀོར༔ བཀྲ་ཤིས་རྫས་རྟགས་རྒྱལ་སྲིད་སྣ་བདུན་དང་༔ རིན་ཆེན་སྣ་བདུན་ལྷ་ཀླུ་མི་ཡི་ནོར༔ ནང་མཆོད་གཟུགས་སྒྲ་དྲི་རོ་རེག་བྱ་ཆོས༔ གསང་མཆོད་སྨན་གཏོར་རཀྟའི་རི་རྒྱ་མཚོ༔ དངོས་སུ་འབྱོར་ དང་ཡིད་ཀྱིས་རྣམ་སྤྲུལ་ཏེ༔ འདོད་ཡོན་མི་ཟད་ནམ་མཁའི་གཏེར་ཆེན་འདིས༔ རྒྱལ་ཆེན་རྣམ་ཐོས་སྲས་ཀྱི་ཐུགས་དམ་བསྐང་༔ ཡུམ་མཆོག་དཔལ་གྱི་ལྷ་མོའི་ཐུགས་དམ་བསྐང་༔ བཀའ་སྡོད་ཛམ་ལྷ་རིགས་བཞི་ཐུགས་དམ་བསྐང་༔ སྤྲུལ་པའི་ཕོ་ཉ་བརྒྱད་ཀྱི་ཐུགས་དམ་བསྐང་༔ འཁོར་འབངས་སྡེ་རིས་ཚོགས་ཀྱི་ཐུགས་དམ་བསྐང་༔ ཐུགས་ཀྱི་མི་བཞེད་འགལ་བའི་ལས་ཀུན བཤགས༔ ཁྱེད་ནི་དུས་གསུམ་རྒྱལ་བའི་ཕྲིན་ལས་དཔལ༔ ཡེ་ནས་རྫོགས་སངས་རྒྱས་ཏེ་སྲིད་ལས་འདས༔ འགྲོ་བ་མགོན་མེད་སྐྱོབ་པའི་ཐབས་མཆོག་དང་༔ དབུལ་ཕོངས་འབྱོར་རྒུད་སེལ་བའི་དངོས་གྲུབ་བདག༔ དགྱེས་པར་དགོངས་ལ་བརྩེ་བའི་ཐུགས་རྗེ་ཡིས༔ མི་མཐུན་ཕྱོགས་དང་མི་འདོད་ཉེར་འཚེའི་ཚོགས༔ དགྲ་བགེགས་གནོད་བྱེད་མ་ལུས་རྡུལ་དུ་རློགས༔ འདོད་རྒུ་དཔལ་གྱི་དངོས་གྲུབ་མྱུར་སྩོལ་ལ༔ མི་ཟད་གཏེར་དུ་བསྒྱུར་ཅིང་སྤེལ་བར་མཛོད༔ རང་དམ་གཉན་པོ་དཔང་དུ་བཙུག་བྱས་ཏེ༔ རྣལ་འབྱོར་བདག་གིས་བཅོལ་བའི་ལས་དེ་དག༔ འབད་མེད་ལྷུན་གྱིས་གྲུབ་པའི་ཕྲིན་ལས་མཛོད༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཆེ་མཆོག་གི་ངོར་བདུད་འཇོམས་རྡོ་རྗེས་དག་སྣང་ཡེ་ཤེས་དྲྭ་བ་ལས་ཕབ་པ་ཡོངས་སུ་དགེ་བར་གྱུར་ཅིག །དགེའོ།། །། ག༔ ན་མོ་གུ་རུ་ཝེ༔ ནམ་མཁའ་མཛོད་སྔགས་མཐར༔ ཀྱེེ༔ དད་དང་དམ་ཚིག་དཔང་བཙུགས་ཏེ༔ གནོད་སྦྱིན་ཨ་པ་ར་ཙིཏྟ༔ དད་དང་དམ་ཚིག་གཉན་གྱིས འབོད༔ མ་ཐོགས་མྱུར་དུ་གཤེགས་སུ་གསོལ༔ བདག་གིས་བརྟེན་པའི་ལྷ་རུ་བཞུགས༔ དངོས་འབྱོར་ཡིད་ཀྱིས་རྣམ་སྤྲུལ་པའི༔ འདོད་ཡོན་མི་ཟད་གཏེར་ཆེན་པོས༔ ནོར་བདག ཆེན་པོའི་ཐུགས་དམ་བསྐང་༔ ཐུགས་དང་འགལ་བའི་ཉེས་ཀུན་བཤགས༔ བསོད་ནམས་དཔལ་དང་ཡོན་ཏན་བསྐྱེད༔ འདོད་རྒུའི་དཔལ་གྱི་དངོས་གྲུབ་སྩོལ༔ སྣང་སྲིད་ཕྱྭ་གཡང་དབང་བསྡུས་ལ༔ བདག་གི་ཕྱྭ་དང་གཡང་དུ་སྩོལ༔ མི་ཕྱུགས་ནད་རིམས་གོད་ཡམས་ཐུལ༔ མུ་གེའི་བསྐལ་པ་དབྱིངས་སུ་བཟློག༔ དམ་ཚིག་ཐུགས་རྗེའི་དུས་ལ་བབ༔ དེ་ཡིས་བསམ་དོན་ཡིད་བཞིན་འགྲུབ༔ དགེ་ལེགས་དཔལ་གྱིས་ཕྱུག་པར་འགྱུར༔ ས་མ་ཡ༔ བདག་ནི་མ་རིག་འཁྲུལ་པའི་དབང་གྱུར་པས༔ འགྲོ་ལ་ཕན་སེམས་ཆུང་ཞིང་གནོད་སེམས་དང་༔ གཏོང་སེམས་ཆུང་ཞིང་འཛིན་པས་འཆིང་བ་ཡི༔ སེར་སྣའི་དབང་གྱུར་ཐུགས་དང་འགལ་བ་བཤགས༔ ཨོཾ་བཛྲ་སཏྭ་སོགས༔ འདི་བཟུང་བླ་མེད་སྙིང་པོར་མཆིས་ཀྱི་བར༔ སྐད་ཅིག་མི་འབྲལ་ཟས་ནོར་ དགོས་འདོད་ཆར༔ ནུབ་པ་མེད་པར་རྒྱུན་དུ་འབབ་པར་མཛོད༔ མཆོད་དང་སྦྱིན་གཏོང་ཚོགས་བསགས་གཏེར་མཛོད་ཅིག༔ བདུད་འཇོམས་པས་སོ།། །། པ བདུད་འཇོམས་སྲུང་མ་ཨ་པར་ཙིཏྟ་T11615 - 334 T11615 - 334 ཨོཾ༔ དག་སྣང་ཡེ་ཤེས་དྲྭ་བ་ལས༔ ནོར་སྒྲུབ་སྡེ་ལྔའི་མཆོད་གསོལ་དངོས་གྲུབ་ཆར་འབེབས་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཐདྱག།༔ རིན་ཆེན་སྣོད་མཆོག་བཟང་པོ་རུ༔ ཤ་ལྔ་བདུད་རྩི་རྣམ་ལྔ་བཤམས༔ ཡེ་ཤེས་བདུད་རྩིར་བྱིན་གྱིས་བརླབས༔ ནམ་མཁའ་མཛོད་ཀྱི་འཁོར་ལོར་སྤེལ༔ ཨོཾ་ཨཱཿཧཱུྃ༔ བྷྲཾ་ལས་རིན་པོ་ཆེ་ཡི་སྣོད་ནང་དུ༔ འབྲུ་གསུམ་འོད་ཞུ་འཁོར་འདས་དྭངས་བཅུད བསྡུས༔ ཡེ་ཤེས་བདུད་རྩི་འབྱུང་བའི་གཏེར་ཆེན་པོ༔ ཀུན་ཏུ་བཟང་པོའི་རྣམ་འཕྲུལ་བླ་ན་མེད༔ ཕྱི་ནང་གསང་གསུམ་མཆོད་པའི་སྤྲིན་དུ་ཤར༔ ༔ འོག་མིན་གསང་ཆེན་རོལ་པ་ཧེ་རུའི་ཞིང་༔ རིན་ཆེན་འདོད་འབྱུང་ནོར་བུའི་ཕོ་བྲང་ནས༔ རྒྱལ་ཀུན་ཡོན་ཏན་གསང་འཛིན་ཆེ་བའི་མཆོག༔ སྲས་མཆོག་ཁྲོ་རྒྱལ་རདྣ་ཀཱི་ལ་ཡ༔ དབང་དྲག་ཤན་དམར་རྒྱལ་ཆེན་རྣམ་ཐོས་སྲས༔ དཔལ་གྱི་ལྷ་མོ་རང་བྱུང་རྒྱལ་མོ་སོགས༔ ནོར་ལྷ་གཏེར་བདག་དམ་ཅན་རྒྱ་མཚོའི་ཚོགས༔ ཐུགས་དམ་དབང་གིས་གནས་འདིར་གཤེགས་ནས་ཀྱང་༔ འདོད་འབྱུང་ཡིད་བཞིན་གཏེར་གྱི་བུམ་པར་བཞུགས༔ རབ་གུས་གདུང་བ་དྲག་པོས་ཕྱག་འཚལ་ལོ༔ ཕྱི་ནང་གསང་གསུམ་འདོད་ཡོན་མཆོད་པའི་སྤྲིན༔ མི་ཟད་འདོད་འབྱུང་དཔལ་གྱི་གཏོར་མ་དང་༔ ཁམས་གསུམ་བདེ་སྟོང་དབྱིངས་སྦྱར་སྨན་ཆེན་པོ༔ འཁོར་བ་སྟོང་བྱེད་རཀྟའི་རྒྱ་མཚོ་འབུལ༔ གུས་པའི་ཡིད་དང་གདུང་དབྱངས་རོལ་མོས་བསྟོད༔ སྲིད་ཞིའི་དཔལ་ཡོན་འབྱོར་དྲུག ཡོན་ཏན་ཀུན༔ ནུབ་པ་མེད་པར་རྟག་ཏུ་བདག་ལ་སྩོལ༔ སྣང་སྲིད་འཁོར་འདས་མོས་བཞིས་དབང་དུ་བསྡུས༔ བན་བཙུན་ཕོ་མོའི་སྣང་བློ་གཡེང་དུ་ཆུག༔ རང་དབང་མེད་པར་གུས འདུད་བྲན་དུ་ཆིངས༔ རྒྱལ་བློན་འབངས་འཁོར་ཡོན་གནས་བདག་དབང་བསྒྱུར༔ ནོར་ལྷ་གཏེར་བདག་སྲོག་གི་སྙིང་པོ་འཕྲོག༔ རྣལ་འབྱོར་བདག་གི་བྲན་དང་ཕོ་ཉར་ཁོལ༔ ཟས་ནོར་ལོངས་སྤྱོད་གཏེར་གྱི་བདག་པོ་མཛོད༔ སྙན་དང་གྲགས་པའི་བ་དན་ཕྱོགས་བཅུར་ཕྱོར༔ བཀྲ་ཤིས་དགེ་ལེགས་འབུམ་གྱི་སྣང་བ་སྤེལ༔ དབུལ་འདྲེ་གོད་སྲི་ཐལ་བའི་རྡུལ་བཞིན་རློག༔ ཆོས་མཐུན་བསམ་པ་ཡིད་བཞིན་འགྲུབ་པར་མཛོད༔ ཐུགས་བསྐྱེད་དམ་བཅའ་མ་འདོར་ས་མ་ཡ༔ སྣང་སྲིད་འོད་ཞུ་བདག་ལ་ཐིམ༔ རང་དང་ནོར་ལྷའི་སྐུ་ཡི་ཀློང་༔ དྭངས་གསལ་རྒྱ་མཚོ་ལྟ་བུ་རུ༔ འཁོར་འདས་གཉིས་བསྡུས་ཆོས་རྣམས་ཀུན༔ གཟའ་སྐར་བཀྲ་བཞིན་རྫོགས་པར་དམིགས༔ བློ་འདས་ལྟ་བའི་ངང་ཉིད་ལས༔ སྲོག་སྡོམ་གཟེར་བཞིའི་མན་ངག་གནད༔ ཞལ་ཤེས་བཞིན་དུ་སྦྱར་ཤེས་ན༔ འཁོར་འདས་མ་ལུས་དབང་སྡུད་འགྱུར༔ ཐེ་ཚོམ་མེད་ ཨོཾ༔ དོ་ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ༔ ཞེས་པ་འདི་ཉིད་ཀློང་ཆེན་རྡོ་རྗེས་ནན་དུ་བསྐུལ་ངོར་བདུད་འཇོམས་པས་སོ། །དགེའོ །དགེའོ། །དགེའོ། །ལེགས་སོ། །སརྦ་མངྒ་ལཾ།། །། 13 ༡ མཆོད་གཉིས་སོ། གསོལ་333 T1615 - 337 T1615 - 337 T11615- 338 ཨོཾ༔ དག་སྣང་ཡེ་ཤེས་དྲྭ་བ་ལས༔ བཀའ་སྲུང་མ་ལྷ་ཤན་གསུམ་གྱི་དྲིལ་སྒྲུབ་ཨོ་རྒྱན་ཆེན་པོའི་ཞལ་ནས་མངོན་སུམ་དུ་གསུངས་པ་བཞུགས་སོ༔ ན་མོ་གུ་རུ་པདྨ་སིདྡྷི་ཧཱུྃ༔ རང་ཉིད་ཡི་དམ་ལྷར་གསལ བའི༔ མདུན་བསྐྱེད་བཀའ་ཡི་སྲུང་མ་འདི༔ ཨོཾ་མ་ཧཱ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅་ཧཾ༔ སྣང་སྲིད་ཀྱི་ཆོས་ཐམས་ཅད་ཀ་དག་སྟོང་ཉིད་ཆེན་པོའི་རོལ་པར་གྱུར༔ སྟོང་པའི་ངང་ལས་མཁའ་ལས་གློག་འཁྱུགས་པ་བཞིན་དུ་སྣང་སྲིད་ཐམས་ཅད་བདེ་ཆེན་དག་པ་མཁའ་སྤྱོད་ཀྱི་ཞིང་ཁམས་སུ་གྱུར་པའི་དབུས་སུ་རང་ཉིད་ཕག་ཁྲོས་སེང་གསུམ་གཅིག་དྲིལ་གྱི་ངོ་བོར་གསལ་བའི་མདུན་དུ་དུར་ཁྲོད་ཐོད་མཁར་འབར་བའི་དབུས་སུ་རིན་པོ་ཆེའི་ཁྲི་ཡངས་ཤིང་རྒྱ་ཆེ་བའི་སྟེང་དུ་པདྨ་དང་ཉི་ཟླའི་གདན་ལ་འཁོར་འདས་ཡོངས་ཀྱི་དབང་ཕྱུག་ཆེན་མོ་སྔགས་སྲུང་དབྱིངས་ཀྱི་རྗེ་མོ་མཐིང་ནག་ཞལ་གཅིག་ཕྱག་གཉིས་གཡས་དགྲ་སྙིང་ཕྱར་ཞིང་གཡོན་པས་སྡིགས་མཛུབ་ཀྱི་རྩེ་ནས་ལྕགས་སྤྱང་གི་ཚྭ་ཚྭ་འཕྲོ་བ༔ སྤྱན་གཅིག་དབྱིངས་ལ་གཟིགས་ཤིང་མཆེ་གཅིག་མན་དུ་གཙིགས་པ༔ རལ་གཅིག་གནམ་ལ་གཟེང་ཞིང་ནུ་གཅིག་ཁྲག་ཏུ་འབེབས་པ༔ ཞབས་གཉིས་བསྟན་དགྲ་ཕོ་མོའི་སྟེང་དུ་འདོར་སྟབས་སུ་བརྫིས་པ་བསྐལ་པའི་མེ་རླུང་འཚུབས་མའི་ཀློང་དུ་ བསྐྱེད་དོ༔ དེའི་གཡས་སུ་ལྷ་ཆེན་དབང་ཕྱུག་ཆེན་པོ་སྐུ་མདོག་དམར་གསལ་ཞལ་གཅིག་ཕྱག་གཉིས་གཡས་ལྕགས་ཀྱུས་ཁམས་གསུམ་འགུག་ཅིང་གཡོན་པས་ཉི་ཟེར་གྱི་ཞགས་པ་བསྣམས་པ་ཞབས་གཉིས་འདོར་སྟབས་སུ་བཞེངས་ཤིང་ཞི་མ་ཁྲོ་འཛུམ་གྱི་ཉམས་དང་ལྡན་ཞིང་བག་དྲོ་ལྷུན་ཆགས་གཟི་འོད་རབ་ཏུ་འབར་བ་རལ་པ་མཐིང་ནག་ས་ལ་སླེབ་ཅིང་སྤྱི་བོར་ཟླ་ཕྱེད་ཀྱིས་བརྒྱན་པ་ཁམས་གསུམ་དབང་དུ་སྡུད་ཅིང་སྲིད་གསུམ་ཟིལ་གྱིས་གནོན་པར་བསྐྱེད་དོ༔ དབྱིངས་ཀྱི་རྗེ་མོའི་གཡོན་ཕྱོགས་སུ་གནོད་སྦྱིན་ཤན་པ་དམར་ནག་གཡས་རལ་གྲི་ཕྱར་ཞིང་གཡོན་པས་ཐོད་ཁྲག་བསྣམས་པ་ཞལ་གྱི་མཆེ་བ་མན་དུ་གཙིགས་ཤིང་སྤྱན་གསུམ་སྡང་མིག་ཏུ་གཡོ་བ༔ དབུ་སྐྲ་དམར་སེར་སྲིད་པའི་རྩེ་མོར་མེ་ལྟར་དུ་འབར་བ་ཁྲོ་གཉེར་སྡུད་ཅིང་སྨ་ར་དང་སྨིན་མ་དམར་སེར་མེ་ཡི་ཚྭ་ཚྭ་འཕྲོ་བ་མི་ལྤགས་ཀྱི་སྟོད་གཡོགས་དང་སྟག་ཤམ་གསོལ་བ་བ་སྤུའི་བུ་ག་ནས་གཟའ་བཙན་གཤིན་རྗེ་ལས་མཁན་ཐོག་སེར་ལྟར་འཕྲོ་བ་ཁམས་གསུམ་སྲིད་པ་གསུམ་གྱི་ལེགས་ཉེས་ལ་མངའ་དབང་བསྒྱུར་བར་བསྐྱེད་དོ༔ དེ་གསུམ་གྱི་མཐའ་བསྐོར་དུ་ཡེ་ཤེས་འཇིག་རྟེན་གྱི་མ་མོ་མཁའ་འགྲོ་བཀའ་སྲུང་དྲེགས་པ་ཅན་མ་ལུས་ཤིང་ལུས་པ་མེད་ ཨོཾཿ པས་བསྐོར་ནས་བཞུགས་པའི་གནས་གསུམ་དུ་ཡིག་འབྲུ་གསུམ་དང་ཐུགས་སྲོག་ས་བོན་ལས་འོད་ཟེར་འཕྲོས་པས་འཁོར་འདས་ཐམས་ཅད་ཀྱི་དབྱིངས་ནས་སྤྱན་དྲངས་ལ་བསྟིམ་མོ༔ དེ་ནས་སྤྱན་འདྲེན་པ་ནི༔ ཛཿ དད་པ་དང་ནི་དམ་ཚིག་གིས༔ ཨེ་ཀ་ཙ་ཏི་གཤེགས་སུ་གསོལ༔ དབང་ཕྱུག་ཆེན་པོ་གཤེགས་སུ་གསོལ༔ གནོད་སྦྱིན་ཆེན་པོ༔ འཁོར་དང་བཅས་པ༴ དམ་ཚིག་ཆེན་པོའི་གདན་ལ་བཞུགས༔ སྒོ་གསུམ་གུས་པས་ཕྱག་འཚལ་ལོ༔ བདག་གི་སྲུང་མར་མངའ་གསོལ་ལོ༔ ཕྱི་ནང་གསང་བའི་མཆོད་པ་འབུལ༔ གདུང་དབྱངས་རོལ་མོའི་སྒྲ་ཡིས་བསྟོད༔ ཕྲིན་ལས་རབ་འབྱམས་ཡོངས་འགྲུབ་མཛོད༔ འདི་ནི་ཡེ་ཤེས་འཇིག་རྟེན་གྱི༔ བཀའ་སྲུང་ཕོ་མོའི་སྲོག་བཅུད་དྲིལ༔ གང་གིས་བསྒྲུབ་པ་ཙམ་གྱིས་འགྲུབ༔ བསྐྱེད་བསྒོམ་གནད་དང་ལྡན་པས་ན༔ བདུན་ཕྲག་གསུམ་ནས་ངེས་པར་འགྲུབ༔ བཟླས་སྔགས་ནི༔ མ་མ་ཨེ་ཀ་ཙ་ཏི་ཧཱུྃ༔ མ་ཧཱ་དཱེ་ཝ་ཧཱུྃ༔ རྨ་རུ་ཙེ་ས་མ་ཡ་ཛ་ཛཿ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་བུ་མོ་པདྨ་གསལ་གྱིས་བསྐུལ་ངོར་བདུད་འཇོམས་རྡོ་རྗེས་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་སོ། །དགེའོ།། །། T11615- 342 ༔ དག་སྣང་ཡེ་ཤེས་དྲྭ་བ་ལས༔ བཀའ་སྲུང་མ་ལྷ་ཤན་གསུམ་གྱི་བསྐང་གསོལ་འདོད་རྒུའི་གཏེར་མཛོད་བཞུགས་སོ༔ ན་མོ་གུ་རུ་ཝེ༔ བཀའ་སྲུང་གཉན་པོ་བསྒྲུབ་པའི་ཚེ༔ འབྱོར་ཚོགས་བཤམས་པའི་དངོས་པོ་ལ༔ སྔགས་དང་ཏིང་འཛིན་སྟོབས་ཀྱིས་སྤེལ༔ ཀྱེེ༔ དུས་གསུམ་སངས་རྒྱས་སྲས་བཅས་ཀྱི༔ བཀའ་དམ་གཉན་པོ་དཔང་བཙུགས་ཏེ༔ བཀའ་སྲུང་ཕོ་མོ་སྤྱན་འདྲེན་ནོ༔ ཨེ་ཀ་ཙ་ཏི་གཤེགས་སུ་གསོལ༔ མ་ཧཱ་དེ་ཝ་གཤེགས་སུ་གསོལ༔ གནོད་སྦྱིན་ཆེན་པོ་གཤེགས་སུ་གསོལ༔ འཁོར་དང་བཅས་པ་གཤེགས་སུ་གསོལ༔ དངོས་འབྱོར་ཡིད་ཀྱིས་རྣམ་སྤྲུལ་པའི༔ ཕྱི་ནང་གསང་མཆོད་འདོད་རྒུའི་གཏེར༔ སྲུང་མ་གཉན་པོ་བསྐང་ཕྱིར་འབུལ༔ ཨེ་ཀ་ཙ་ཏིའི་ཐུགས་དམ་བསྐང་༔ དབང་ཕྱུག་ཆེན་པོའི་ཐུགས་དམ་བསྐང་༔ གནོད་སྦྱིན་དམར་ནག་ཐུགས་དམ་བསྐང་༔ ཐུགས་དང་འགལ་བའི་ནོངས་པ་བཤགས༔ དངོས་གྲུབ་སྩོལ་ལ་བར་ཆད་བཟློག༔ དགྲ་བགེགས་གནོད་བྱེད་མ་ལུས་པ༔ མྱུར་མགྱོགས་མཐུ་དང་སྟོབས་ཀྱིས་སོད༔ བསམ་པའི་དོན་ཀུན་ཡོངས་གྲུབ་མཛོད༔ དུས་ལ་བབ་བོ་ས་མ་ཡ༔ འདི་ནི་གྲངས་ལྡན་བརྗོད་གྱུར་ན༔ ཕྱི་ནང་བར་ཆད་ཀུན་སེལ་ཞིང་༔ ཚེ་བསོད་དཔལ་ཡོན་གོང་འཕེལ་རྒྱས༔ ཁམས་གསུམ་མ་ལུས་དབང་ དུ་སྡུད༔ དགྲ་བགེགས་གདུག་པ་ཆོམ་ལ་འབེབས༔ རྣོ་ནུས་བྱིན་རླབས་དཔག་ཏུ་མེད༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་བུ་མོ་པདྨ་གསལ་གྱིས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་སོ། །དགེའོ།། ད །ས་སྲུང་མ་ལྷ་ཤན་གསུམ །ས་སྲུང་མ་ལྷ་ཤན་གསུམ Tl1615 - 344 དའོོ༔ དག་སྣང་ཡེ་ཤེས་དྲྭ་བ་ལས༔ ཕུར་སྲུང་ལྕམ་དྲལ་གྱི་བསྐང་གསོལ་ཡིད་བཞིན་དབང་རྒྱལ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ རྦྦཪྻབྷཤཎྡབྷ༔ ཤ་ཁྲག་འབྲུ་སྨན་སྐྱེམས་མཆོད་བཤམས༔ ཤ་ཆེན་གསུར་གྱི་དུད་པ་བཏང་༔ རང་ཉིད་རྡོ་རྗེ་གཞོན་ནུ་ཡི༔ དཀྱིལ་འཁོར་ཕྱི་ཁྱམས་ཁོར་ཡུག་ཏུ༔ ཕུར་སྲུང་མིང་སྲིང་བཅུ་དྲུག་ནི༔ བྲན་དང་གཡོག་པོའི་ཚུལ་དུ་འདུད༔ ལྷ་མིའི་ཁྲོམ་ཚོགས་ལྟ་བུར་གསལ༔ དེ་ནས་མཆོད་གསོལ་རིམ་པ་ལ༔ ནམ་མཁའ་མཛོད་ཀྱི་སྔགས་ཀྱི་མཐར༔ ཛཿ དམ་ཚིག་ཆེན་པོའི་དུས་ལ་བབ༔ སྤྲུལ་པ་ཆེན་པོའི་དུས་ལ་