Tibetan
བབ༔ བཀའ་སྡོད་ཆེན་པོའིཿ ཕུར་སྲུང་རྒྱ་མཚོ་འཁོར་དང་བཅས༔ མི་མངོན་ཆོས་ཀྱི་དབྱིངས་ཉིད་ལས༔ བསྟན་དང་འགྲོ་དོན་མཛད་པའི་ཕྱིར༔ རྔམས་བརྗིད་འཇིགས་པའི་གཟུགས་སྐུར་བཞེངས༔ གྲུབ་པའི་རྟགས་དང་མཚན་མ་སྟོན༔ དུས་ལ་བབ་པོ་ས་མ་ཡ༔ དངོས་འབྱོར་ཡིད་ལས་སྐྱེས་པ་ཡི༔ ཏིང་འཛིན་ནམ་མཁའི་མཛོད་ཀྱི་འཕྲུལ༔ ཀུན་བཟང་མཆོད་པའི་སྤྲིན་དུ་གྱུར༔ མི་ཟད་རྒྱན་གྱི་འཁོར་ལོ་འདིས༔ དབྱིངས་ཀྱི་རྗེ་མོའི་ཐུགས་དམ་བསྐང་༔ གསོལ་ལོ་མཆོད་དོ་ཕྲིན་ལས་མཛོད༔ སྲིད་པའི་དབང་མོའི་ཐུགས་དམ་བསྐང་༔ གསོལ་ལོ་མཆོད་དོ་ཕྲིན་ལས་མཛོད༔ སྲིད་པ་ཤར་གྱི་མངའ་བདག་མོ༔ ཤྭ་ན་མུ་ཁའི་ཐུགས༴ གསོལ་ལོ་མཆོད་དོ༔ སྲིད་པ་ལྷོ་ཡི་མངའ་བདག་མོ༔ སྲི་ཀ་མུ་ཁའི་ཐུགས༴ གསོལ་ལོ་མཆོད་དོ༔ སྲིད་པ་ནུབ་ཀྱི་མངའ་བདག་མོ༔ སྲི་ལ་མུ་ཁའི་ཐུགས༔ གསོལ་ལོ་མཆོད་དོཿ སྲིད་པ་བྱང་གི་མངའ་བདག་མོ༔ ཀུ་ཀུ་མུ་ཁའི་ཐུགས༴ གསོལ་ལོ་མཆོད་དོ༔ སྲིད་པ་དུས་བཞིའི་མངའ་བདག་མོ༔ ར་ཏཱི་མཆེད་བཞིའི་ཐུགས༴ གསོལ་ལོ་མཆོད་དོཿ འབྱུང་བ་ལྔ་ཡི་བདག་མོ་སྟེ༔ ས་བདག་མ་བཞིའི་ཐུགས༴ གསོལ་ལོ་མཆོད་དོཿ མངོན་སྤྱོད་ལས་ཀྱིས་གདུག་པ་འདུལ༔ སྐྱེས་བུ་མཆེད་བཞིའི་ཐུགས་གསོལ་ལོ་མཆོད་དོ༔ སྲིད་པ་ཕོ་རྒྱུད་ཡོངས་ཀྱི་བདག༔ གིང་ཕོ་རྣམས་ཀྱི་ཐུགས༴ གསོལ་ལོ་མཆོད་དོ༔ སྲིད་པ་མོ་རྒྱུད་མངའ་དབང་བྱེད༔ གིང་མོ་རྣམས་ཀྱི་ཐུགས༴ གསོལ་ལོ་མཆོད་དོ༔ ཤ་ཁྲག་སྲོག་ལ་མངའ་དབང་བྱེད༔ འབར་མ་དགུ་ཡི་ཐུགས༴ གསོལ་ལོ་མཆོད་དོ༔ དཀྱིལ་འཁོར་ཀུན་གྱི་མཐའ་སྐྱོང་བྱེད༔ དབང་ཕྱུག་ཉེར་བརྒྱད་ཐུགས་དམ་བསྐང་༔ གསོལ་ལོ་མཆོད་དོ་ཕྲིན་ལས་མཛོད༔ བདག་ནི་ཕུར་པའི་རིག་འཛིན་ཏེ༔ ཁྱེད་ཅག་ཕུར་པའི་སྲུང་མ་ལ༔ ཕྲིན་ལས་གཉན་པོ་བཅོལ་བ་ནི༔ ནད་གདོན་བར་ཆད་ཞི་བ་དང་༔ ཚེ་བསོད་ཡེ་ཤེས་ འོོ༔ ཡོན་ཏན་རྒྱས༔ ཁམས་གསུམ་སྲིད་གསུམ་དབང་དུ་བསྡུས༔ སྡང་བའི་དགྲ་དང་གནོད་པའི་བགེགས༔ མ་ལུས་ཐལ་བའི་རྡུལ་དུ་རློག༔ མདོར་ན་རབ་འབྱམས་ཕྲིན་ལས་ཀུན༔ འབད་མེད་ལྷུན་གྱིས་འགྲུབ་པ་དང་༔ ཕུར་པ་བསྒྲུབ་པའི་རྣལ་འབྱོར་ལ༔ འགྲུབ་པའི་རྟགས་མཚན་བཟང་པོ་སྟོན༔ ལས་རྐྱེན་ངན་པའི་ལམ་ལས་བཟློག༔ ཐར་པ་ཆེན་པོའི་ས་རུ་སྐྱོལ༔ དུས་གསུམ་རྒྱལ་བ་སྲས་བཅས་རྣམས༔ དཔང་བཙུག་བཀའ་བསྒོ་དམ་ཚིག་དེར༔ མ་འདའ་བཀའ་ཡི་སྲུང་མ་རྣམས༔ རབ་འབྱམས་ཕྲིན་ལས་གང་བརྩམས་པ༔ མ་ཐོགས་མྱུར་དུ་གྲུབ་པར་མཛོད༔ མ་འདའ་བཛྲ་ས་མ་ཡ༔ དེ་ལྟར་གྲངས་ལྡན་བསྐྱར་ཏེ་བྱ༔ བསྐྱེད་ཅིང་དམིགས་པའི་གནད་ལྡན་ན༔ རབ་འབྱམས་ཕྲིན་ལས་མྱུར་འགྲུབ་འགྱུར༔ ས་མ་ཡ༔ རྒྱ་རྒྱ་རྒྱ༔ གུ་ཧྱ༔ ཞེས་པ་འདིའང་བཙུན་པ་ཆེ་མཆོག་གིས་བསྐུལ་ངོར་བདུད་འཇོམས་རྡོ་རྗེས་དག་སྣང་ཡེ་ཤེས་དྲྭ་བ་ལས་བསྒྱུར་བའོ། །དགེའོ། །དགེའོ། །དགེའོ།། ྋ T1615 - 347 T11615 - 348 ཨོཾཿ དག་སྣང་ཡེ་ཤེས་དྲྭ་བ་ལས༔ བཀའ་སྲུང་དྲེགས་པའི་གསོལ་མཆོད་རིན་པོ་ཆེའི་དོ་ཤལ་བཞུགས་སོ༔ ན་མོ་གུ་རུ་ཝེ༔ དཀར་དམར་གསེར་སྐྱེམས་གཏོར་མ་བཤམས༔ ནམ་མཁའ་མཛོད་ཀྱི་སྔགས་རྒྱས་བརླབས༔ ཧཱུྃ༔ སངས་རྒྱས་ཆོས་དང་འཕགས་པའི་དགེ་འདུན་དང་༔ བླ་མ་ཡི་དམ་མཁའ་འགྲོ་རྒྱ་མཚོའི་ཚོགས༔ ཆོས་སྐུ་ལོངས་སྐུ་སྤྲུལ་སྐུ་རྣམ་པ་གསུམ༔ སྐྱབས་གནས་དཀོན མཆོག་རིན་ཆེན་རྣམ་གསུམ་ལ༔ བདུད་རྩི་ཕུད་དང་གཏོར་མའི་མཆོད་པ་འབུལ༔ ཚོགས་གཉིས་རྫོགས་པར་བྱིན་གྱིས་བརླབ་ཏུ་གསོལ༔ དཔལ་ལྡན་མགོན་པོ་ཕྱག་བཞི་ཕྱག་དྲུག་དང་༔ ལེགས་ལྡན་ཚོགས་བདག་གུར་མགོན་ཞལ་བཞི་པ༔ འཁོར་གྱི་དཔལ་མགོན་བདུན་ཅུ་རྩ་ལྔར་བཅས༔ འདིར་བྱོན་བདུད་རྩི་སྐྱེམས་གཏོར་མཆོད་འབུལ་བཞེས༔ ཨེ་ཀ་ཙ་ཏི་དཔལ་ལྡན་རེ་མ་ཏཱི༔ འབྱུང་དུས་སྲིད་པ་ལེགས་ཉེས་དབང་ཕྱུག་མ༔ ཡེ་ཤེས་འཇིག་རྟེན་མ་མོ་མཁའ་འགྲོའི་ཚོགས༔ འདིར་གཤེགས་བདུད་རྩི་སྐྱེམས་གཏོར་མཆོད་འབུལ་བཞེས༔ གནོད་སྦྱིན་ཤན དམར་ཞིང་སྐྱོང་སེངྒེའི་གདོང་༔ དབང་ཕྱུག་ཚོགས་བདག་གཟའ་བདུད་འཁོར་དང་བཅས༔ འདིར་གཤེགས་བདུད་རྩིཿ རྣམ་སྲས་རྡོར་ལེགས་བཙན་རྒོད་གཉན་ཐང་ལྷ༔ མངའ་རིས སྐོར་གསུམ་དབུས་གཙང་རུ་བཞི་དང་༔ མདོ་ཁམས་སྒང་དྲུག་གཞི་བདག་སྲུང་མའི་ཚོགས༔ འདིར་གཤེགས་བདུད་རྩིཿ ཁྱད་པར་འགོ་བའི་ལྷ་ལྔ་སྐྱོབ་པའི་ལྷ༔ བརྟེན་སྒྲུབ་ལྷ་དང་མ བསྒྲུབ་རང་འཁོར་གྱི༔ ལྷ་སྲུང་གཞི་བདག་དགྲ་བླ་གཉན་པོའི་ཚོགས༔ འདིར་གཤེགས་བདུད་རྩིཿ དཀོན་མཆོག་སྐྱབས་སུ་བསྟེན་ནས་གསོལ་མཆོད་མཐུས༔ ལུགས་གཉིས་ཚུལ་ལ་མཁས་པའི་བློ་ཤེས་རབ༔ ཕ་རོལ་རྒོལ་བ་འཇོམས་པའི་མཐུ་ནུས་སྩོལ༔ ཟས་ནོར་ལོངས་སྤྱོད་བཀྲ་ཤིས་སྙན་གྲགས་དང་༔ དཔའ་སྐྱེན་རྩལ་ཤུགས་འཛོམ་པའི་དངོས་གྲུབ་སྩོལ༔ དགྲ་ཇག་ཆོམ་རྐུན་བྱད་ཁ་དམོད་སྣ་དང་༔ མི་ཕྱུགས་ནད་ཡམས་གོད་ཁ་མཐའ་དག་བཟློག༔ སྡང་དགྲ་གནོད་བྱེད་བསམ་སྦྱོར་ངན་པ་ཀུན༔ མིང་གི་ལྷག་མ་ཙམ་ཡང་མ་ལུས་པར༔ མཐུ་རྩལ་ནུས་པའི་སྟོབས་ཀྱིས་བརླག་པར་མཛོད༔ བཀའ་དང་དམ་ལ་མ་འདའ་ས་མ་ཡ༔ འདི་ལྟར་དཀོན་མཆོག་ཡིད་ལ་བྱས་ནས་སུ༔ རྟག་ཏུ་དད་གུས་མོས་པའི་གདུང་ཤུགས་ཀྱིས༔ རྒྱུན་དུ་གསོལ་མཆོད་བྱེད་པའི་སྐྱེས་བུ་ཡི༔ བསམ་པའི་དོན་ཀུན་ངེས་པར་འགྲུབ་འགྱུར་རོ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་ཁྲག་འཐུང་བདུད་འཇོམས་དཔའ་བོའི་སྣང་ཉམས་སོ། །དགེའོ། །སརྦ་མངྒ་ལཾ།། །། ཨོཾཿ དག་སྣང་ལས༔ བཀའ་སྲུང་སྤྱིའི་བསྐང་གསོལ་ནོར་བུའི་ཕྲེང་བ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཕྱགག ཨོཾ་ཨཱཿཧཱུྃ༔ གསེར་སྐྱེམས་གཏོར་མ་འདོད་པའི་ཡོན་ཏན་ལྔ་དང་ལྡན་པ་མི་ཟད་པ་རྒྱན་གྱི་འཁོར་ལོའི་རོལ་པ་ནམ་མཁའི་མཐའ་དང་མཉམ་པར་གྱུར༔ ནམ་མཁའ་མཛོད་ཀྱི་སྔགས་མཐར༔ ཛཿ ལེགས་ལྡན་མ་ཧཱ་ཀཱ་ལ་དང་༔ ཨེ་ཀ་ཙ་ཏི་རེ་མ་ཏཱི༔ ཞིང་སྐྱོང་སེང་གདོང་ཡབ་ཡུམ་འཁོར༔ གནོད་སྦྱིན་ཤན་པ་དམར་ནག་དང་༔ གཟའ་བདུད་ནག་པོ་རཱ་ཧུ་ལ༔ ལྷ་ཆེན་དབང་ཕྱུག་ཚོགས་ཀྱི་བདག༔ དམ་ཅན་རྡོ་རྗེ་ལེགས པ་སྐྱོང་༔ བཙན་དམར་སྲོག་གི་ཤན་པ་ཆེ༔ བཀའ་ཡི་ལྷ་སྲིན་སྡེ་བརྒྱད་སོགས༔ བཀའ་སྲུང་དྲེགས་པའི་སྡེ་ཚོགས་ལ༔ ཉེར་སྤྱོད་བདུན་དང་འདོད་ཡོན་ལྔ༔ སྨན་གཏོར་རཀྟ་གསང་བའི་རྫས༔ རིན་ཆེན་གོ་མཚོན་གཟུགས་འགྲོས་དཀོར༔ འདོད་ཡོན་རྒྱན་གྱི་མཆོད་པ་འབུལ༔ གསོལ་ལོ་མཆོད་དོ་ཐུགས་དམ་བསྐང་༔ སྐད་ཅིག་མི་འབྲལ་གྲོགས་མཛོད་ལ༔ ཕྱི་ནང་གསང་བའི་བར་ཆད་བཟློག༔ ཕྲིན་ལས་རྣམ་བཞི་ལྷུན་གྲུབ་ཅིང་༔ བསམ་པའི་དོན་ཀུན་བསྒྲུབ་མཛོད་ཅིག༔ དམ་ལ་མ་འདའ་ས་མ་ཡ༔ འདི་ཡིས་དྲེགས་པ་བྲན་ཁོལ་འགྱུར༔ ས་མ་ཡ༔ རྒྱ་རྒྱ་རྒྱ༔ ཞེས་པ་འདི་ནི་རང་སློབ་དམ་པ་ཚུལ་བཟང་དང་ཇོ་མོ་བདེ་ཆེན་མཚོ་གཉིས་ཀྱིས་ནན་དུ་བསྐུལ་བའི་ངོར་ཁྲག་འཐུང་བདུད་འཇོམས་རྡོ་རྗེས་དག་སྣང་ལས་སོ། །དགེའོ། བདུད་འཇོམས་སྲུང་མ་སྤྱི་348 T11615 - 352 T11615 - 352 ཧཱུྃ།༔ ཧོཿ བཀའ་སྲུང་དྲེགས་པ་ཕོ་མོ་ཐམས་ཅད་དང་༔ སྔགས་ཀྱི་བདག་མོ་ཨེ་ཀ་ཙ་ཏི་མ༔ མཐུ་རྩལ་ཐོགས་མེད་གཟའ་བདུད་རཱ་ཧུ་ལ༔ དམ་ཅན་སྐྱེས་བུ་རྡོ རྗེ་ལེགས་པ་རྩལ༔ འཁོར་བཅས་འདིར་གཤེགས་མཆོད་པ་དམ་པ་བཞེས༔ ཐུགས་དམ་བསྐང་ཞིང་ཉམས་ཆག་ཉེས་ལྟུང་བཤགས༔ བཀའ་དམ་གཉན་པོ་དཔང་དུ་བཙུག་ནས་སུ༔ ཁྱེད་ཅག་རྣམས་ལ་ཕྲིན་ལས་བཅོལ་བ་ནི༔ བྱང་ཆུབ་བསྒྲུབ་ཅིང་སྐྱོན་མེད་ཆོས་ཚུགས་ལ༔ བར་དུ་གཅོད་བྱེད་བསླུ་བདུད་ལོག་འདྲེན་རིགས༔ ཕྱི་རྐྱེན་དགྲ་བགེགས་དམ་སྲི་ཕོ་མོ་དང་༔ ནང་རྐྱེན་ན་ཚ་མི་འདོད་ཐོག་འབེབ་དང་༔ གསང་རྐྱེན་ཉོན་མོངས་བརྒྱད་ཁྲིའི་འཁྲུལ་འཁོར་རིགས༔ བདག་མེད་ཡུལ་མེད་ཞེན་མེད་དབྱིངས་སུ་བཟློག༔ མཐུན་རྐྱེན་ལེགས་ཚོགས་ཆུ་བོའི་རྒྱུན་བཞིན་སྩོལ༔ བདག་རྒྱུད་ཡང་དག་ཐེག་པ་ཆེན་པོ་དང་༔ འདྲེས་ཏེ་སྙིང་པོའི་སྒྲུབ་པ་ལྷུར་ལེན་ཅིང་༔ མཐར་ཐུག་གདོད་མའི་མགོན་པོའི་གོ་འཕང་མཆོག༔ ཚེ་ལུས་འདི་རུ་རྣམ་གྲོལ་ས་ལ་སྐྱོལ༔ དེ་མ་ཐོབ་ཀྱི་ཚེ་དང་དུས་ཀུན་ཏུ༔ མངོན་མཐོའི་དཔལ་དང་ཡོན་ཏན་གྱིས་ཕྱུག་ཅིང་༔ ཕྲིན་ལས་རབ་འབྱམས་ཐོགས་མེད་ཡོངས་འགྲུབ་ཅིང་༔ བཀའ་དང་དམ་- 353 ཚིག་ཇི་བཞིན་ཕྲིན་ལས་མཛོད༔ ས་མ་ཡ༔ ཕྲིན་ལས་འདིས་འགྲུབ་བར་ཆད་སེལ༔ མི་འདའ་རྡོ་རྗེའི་ཐ་ཚིག་ཡིན༔ རྒྱ་རྒྱ་རྒྱ༔ གུ་ཧྱ༔ ཞེས་སློབ་བུ་པདྨ་བདེ་ཆེན་གྱི་ངོར་བདུད་འཇོམས་པས་བཀོད་པ་ཡོངས་སུ་དགེ་བར་གྱུར་ཅིག །ཛ་ཡནྟུ།། དུད་འཇོམས་སྲུང་མ་མ་གཟའ་དམ་གསུཾ་350 T11615 - 354 དུད་འཇོམས་སྲུང་མ་མ་གཟའ་དམ་གསུཾ་T11615 - 354 ཨོཾཿ དག་སྣང་ཡེ་ཤེས་དྲྭ་བ་ལས༔ རྣམ་སྲས་སྒྲུབ་ཐབས་ཟབ་མོ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ གོ།།། རྣམ་སྲས་སྒྲུབ་ཐབས་ཟབ་མོ་ནི༔ བྷྲུྃ༔ རིན་ཆེན་སྣ་ཚོགས་གཞལ་ཡས་སུ༔ འདོད་རྒུའི་དཔལ་ཡོན་རྫོགས་པའི་དབུས༔ བེེཿ ལས་རྒྱལ་ཆེན་རྣམ་ཐོས་བུ༔ གསེར་མདོག་རྒྱལ་མཚན་ནེའུ་ལེ་བསྣམས༔ སྐུ་ལ་བསེ་ཡི་རྨོག་ཁྲབ་གསོལ༔ དར་དང་རིན་ཆེན་རྒྱན་གྱིས་སྤྲས༔ ཞི་མ་ཁྲོ་འཛུམ་ལང་ཚོས་མཛེས༔ ཆིབས་སུ་སེང་གེ་དཀར་མོ་བཅིབས༔ གནོད་སྦྱིན་ཡོངས་ཀྱི་དབང་པོར་བསྐྱེད༔ འོད་འཕྲོས་སྤྱན་དྲངས་གཉིས་མེད་གྱུར༔ དེ་ནས་སྤྱན་འདྲེན་བཞུགས་གསོལ་ཕྱག་འཚལ་མཆོད་འབུལ་ལ༔ བེེ༔ བྱང་ཕྱོགས་རིན་ཆེན་གཏེར་གྱི་གཞལ་ཡས་ནས༔ གནོད་སྦྱིན་སྡེ་རིས་གཙུག་ན་མངོན་མཐོ་བ༔ རྒྱལ་ཆེན་རྣམ་མང་ཐོས་སྲས་འཁོར་དང་བཅས༔ འགྲོ་བའི་དོན་ཕྱིར་སྤྱན་འདྲེན་གཤེགས་སུ་གསོལ༔ བཛྲ་ས་མ་ཡ་ཛ་ཛཿ བེེ༔ གནོད་སྦྱིན་རྒྱལ་པོ་འཁོར་དང་བཅས༔ སྒྲུབ་པའི་རྟེན་འདིར་རྟག་བཞུགས་གསོལ༔ སྒོ་གསུམ་གུས་པས་ཕྱག་འཚལ་ལོ༔ དངོས་འབྱོར་ཡིད་སྤྲུལ་མཆོད་པ་འབུལ༔ ལོངས་སྤྱོད་ནོར་ཀྱི་དངོས་གྲུབ་སྩོལ༔ ཁྱོད་ཐུགས་ནོར་བུ་སེར་པོའི་སྦུབས༔ བཿལ་སྔགས་ཀྱི་ཕྲེང་ བས་བསྐོར༔ བཟླས་པས་དལ་མེད་འཁོར་བར་བསྒོམ༔ ཨོཾ་བེེ་ཤྲ་མ་ཎ་ཡེ་སྭཱ་ཧཱ༔ ཅི་ནུས་བཟླས་མཐར༔ བེེ༔ ཐོག་མེད་དུས་ནས་མངོན་རྫོགས་སངས་རྒྱས་ཀྱང་༔ འགྲོ་བའི་དོན་དུ་གཟུགས་ཀྱི་སྐུར་སྟོན་ཅིང་༔ མི་ཟད་རིན་ཆེན་ནོར་གྱི་དཔལ་སྟེར་བའི༔ རྒྱལ་ཆེན་རྣམ་ཐོས་སྲས་ལ་ཕྱག་འཚལ་བསྟོད༔ ཅེས་བརྗོད་ནས་སླར་ཡང་གཡང་འགུགས་བྱ་བ་ལ༔ ཧཱུྃ༔ དཀོན་མཆོག་གསུམ་གྱི་ཆེ་བའི་ཡོན་ཏན་དང་༔ གསང་སྔགས་ཟབ་མོའི་རྟེན་འབྲེལ་མཐུ་སྟོབས་ཀྱིས༔ བདག་གིས་སྨོས་པའི་ཚིག་དང་འདོད་པའི་དོན༔ བཀའ་སྲུང་དྲེགས་པ་ཕོ་མོས་འགྲུབ་མཛོད་ཅིག༔ ལྷ་ཆེན་བརྒྱད་དང་ནོར་སྲུང་ཆེན་པོ་བརྒྱད༔ གཟའ་བརྒྱད་རྒྱུ་སྐར་ཉེར་བརྒྱད་ཀླུ་ཆེན་བརྒྱད༔ ཕྱོགས་སྐྱོང་བཅུ་དང་རྒྱལ་ཆེན་རིགས་བཞིར་བཅས༔ དཔལ་མགོན་བདུན་ཅུ་རྩ་ལྔ་འཁོར་བཅས་ཀྱིས༔ མཐུ་དང་བྱིན་རླབས་ནུས་པའི་སྟོབས་རྩལ་ཕྱུངས༔ དམ་ཚིག་གཉན་གྱིས་ཕྲིན་ལས་བཅོལ་བ་ནི༔ སྟེང་ཕྱོགས་ཚངས་པ་ལྷ་ཡི་ཕྱྭ་གཡང་ཁུག༔ འོག་ཕྱོགས་གཏུམ་པོ་ཀླུ་ཡི༴ བར་ཕྱོགས་མི་དང་གཉན་གྱི་བཙན་ཕྱུག་འཕན་དར་ཕྱྭ་དང་གཡང་ཁུག་ཅིག༔ མི་མིན་ལྷ་འདྲེའི་ཟས་ནོར་ཕྱྭ་གཡང་ཁུག༔ སྣོད་བཅུད་བརྟན་གཡོའི་ཁམས་ཀྱིཿ འདོད་ ཨོཾ༔ ཡོན་ལོངས་སྤྱོད་ཕུན་ཚོགས་ཚེ་བསོད་དཔལ་འབྱོར་མངའ་ཐང་སྲོག་ལུས་དབང་ཐང་དར་རྒྱསཿ རླུང་རྟ་བླ་གཟའ་སྙན་གྲགས་ཆོས་སྲིད་ནོར་དང་དགེ་ལེགས༴ དཔའ་རྩལ་སྟོབས་དང་ལྡན་པའི༴ མྱུར་མགྱོགས་སྟོབས་དང་ལྡན་པའིཿ གོ་ཁྲབ་སྲ་ཞིང་མཁྲེགས་པའི༔ ཁེ་རྒྱལ་དྲག་ཤུལ་ལྡན་པའི༴ དབང་སྡུད་ཟིལ་གནོན་ལྡན པའི: རྟ་ཕྱུགས་རྐང་བཞི་འཕེལ་རྒྱསཿ དཀར་དང་ལོ་ཏོག་རྒྱས་པའིཿ རྒྱན་གོས་ཕུན་སུམ་ཚོགས་པའི༔ འཁོར་འབངས་ཕུན་སུམ་ཚོགས་པའི༴ ཆོས་སྲིད་མངའ་ཐང་དར་རྒྱསཿ ཚེ་རིང་ནད་མེད་བདེ་སྐྱིདཿ རྒས་མེད་ལང་ཚོ་རྒྱས་པའི ཕྱྭ་གཡང་རི་རབ་བཞིན་ཏུ་བརྟན་པ་དང་༔ ཆུ་ཀླུང་ཆེན་པོ་ལྟ་བུར་རྒྱུན་རིང་ཞིང་༔ རྩི་ཤིང་ནགས་ཚལ་བཞིན་ཏུ་ལྷུན་འཐུག་པ༔ མི་ནུབ་རྒྱལ་མཚན་ལྟ་བུར་གནས་པ་དང་༔ མི་ཤིགས་རྡོ་རྗེ་ལྟ་བུར་སྲ་མཁྲེགས་ཤིང་༔ མི་འགྱུར་གཡུང་དྲུང་ལྟ་བུར་བརྟན་གྱུར་ཅིག༔ ཨོཾ་བེེ་ཤྲ་མ་ཎ་ཡེ་རཏྣ་སིདྡྷི་སིདྡྷི་ཧཱུྃ༔ ས་མ་ཡ༔ འདི་ལྟར་གཡང་འགུགས་བྱས་གྱུར་ན༔ འདོད་དོན་ཡིད་བཞིན་འགྲུབ་འགྱུར་རོ༔ ས་མ་ཡ༔ རྒྱ་རྒྱ་རྒྱ༔ ཨྠི༔ ཞེས་པ་འདི་ཡང་ཉེར་མཁོའི་ཆེད་དུ་དག་སྣང་ཡེ་ཤེས་དྲྭ་བ་ལས་ཁྲག་འཐུང་རྡོ་རྗེ་ཁྲོ་ལོད་ཀྱིས་བསྒྱུར་བའོ། །དགེའོ། །དགེའོ། །དགེའོ།། ། T11615- 358 ༈ ཏྲིཿ དམ་ཅན་རྡོ་རྗེ་ལེགས་པ་རྩལ༔ མཆེད་འཁོར་སུམ་བརྒྱ་དྲུག་ཅུ་དང་༔ ཡང་འཁོར་ལྷ་སྲིན་སྡེ་བརྒྱད་བཅས༔ མ་ལུས་བདག་ལ་དགོངས་སུ་གསོལ༔ བཅོམ་ལྡན་ཤཱཀྱ་ཐུབ་པ་དང་༔ ཨོ་རྒྱན་པདྨ་ཐོད་ཕྲེང་སོགས༔ རིག་འཛིན་བརྒྱུད་པར་བཅས་པ་ཡི༔ བཀའ་དམ་གཉན་པོ་དཔང་བཙུགས་ཏེ༔ ཁྱེད་ལ་བསྒོ་བའི་ཚིག་འདི་སྟེ༔ རྟག་ཏུ་རྣལ་འབྱོར་བདག་ཅག་ལ༔ ཉེས་བྱས་དགྲ་བགེགས་གང་ཡིན་གྱི༔ ལེགས་ཉེས་དྲངས་ཤན་འབྱེད་པའི་ཕྱིར༔ དམིགས་པའི་རྟེན་མཆོག་འདི་ཉིད་ལ༔ གཉིས་སུ་མེད་པར་བརྟན བཞུགས་གསོལ༔ གང་བསམ་འདོད་དོན་ཡོངས་གྲུབ་ཅིང་༔ བསྒྲུབ་པའི་འབྲས་བུ་མཆིས་པར་མཛོད༔ ཏྲི་བཛྲ་སཱ་དྷུ་ས་མ་ཡ་སུ་པྲ་ཏིཥྛ་བཛྲ་ཡེ་སྭཱ་ཧཱ༔ བརྟན་བཞུཊ་དམ་ཅན་T11615 - 359 T1615 - 360 ཨོཾ༔ དག་སྣང་ཡེ་ཤེས་དྲྭ་བ་ལས༔ བདུད་མགོན་ལེགས་གྲུབ་རྡོ་རྗེའི་བསྐང་གསོལ་བསྡུས་པ་ཕ་རོལ་དཔུང་འཇོམས་བཞུགས༔ ན་མོ་གུ་རུ་ཀྲོ་ཏ་ཡེ༔ ཤྭ྅ན་རྨདཱ ཤ་ཁྲག་གཏོར་མ་ཆང་བཤམས་ཏེ༔ འདོད་ཡོན་ནམ་མཁའ་མཛོད་དུ་སྤེལ༔ ནམ་མཁའ་མཛོད་སྔགས་ལན་གསུམ་བརྗོད༔ མདུན་དུ་ཞིང་སྐྱོང་མགོན་པོ་གསལ༔ ཧཱུྃ་བྷྱོ༔ ཞིང་སྐྱོང་སེང་གདོང་ཡབ་ཡུམ་བཀའ་འཁོར་བཅས༔ དམ་ཚིག་གཉན་གྱིས་འབོད་དོ་འདིར་གཤེགས་ལ༔ མཐུན་རྫས་འདོད་རྒུ་དཔལ་གྱི་མཆོད་འབུལ་བཞེས༔ ཐུགས་དམ་བསྐང་ངོ་ཉེས་བྱས་འགལ་འཁྲུལ་བཤགས༔ གང་བསམ་འདོད་དོན་ཕྲིན ལས་ཡོངས་འགྲུབ་མཛོད༔ ཕ་མ་བུ་ཚ་ཅི་བཞིན་བྱམས་བརྩེས་སྐྱོངས༔ བཀའ་དང་དམ་ལ་མ་འདའ་དམ་ཚིག་ཅན༔ ཨོཾ་ཏྲི་ཤུ་ལ་བཛྲ་མ་ཧཱ་ཀཱ་ལ་སིང་ཧ་མུ་ཁ་སི་ན་ར་མ་སརྦ་ས་པ་རི་ཝཱ་ར་ཨི་དམ་བ་ལི་ཏ་ཁ་ཁ་ཁཱ་ཧི་ཁཱ་ཧི༔ དེ་ལྟར་གྲངས་མང་བསྐྱལ་བ་དང་༔ དམིགས་གསལ་གནད་དང་ལྡན་གྱུར་ན༔ རབ་འབྱམས་ཕྲིན་ལས་ཐོགས་མེད་འགྲུབ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་བདུད་འཇོམས་རྡོ་རྗེས་དག་སྣང་ལས་ཕབ་པའོ། །དགེའོ །ལེགས་སོ། །སརྦ་མངྒ་ལཾ།། T11615- 362 ཨོཾཿ དག་སྣང་ཡེ་ཤེས་དྲྭ་བ་ལས༔ བདུད་མགོན་ལེགས་གྲུབ་རྡོ་རྗེའི་བསྐུལ་བ་གནམ་ལྕགས་ཐོག་མདའ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ དྷྲྀ|ངྷྲ|ཐཾབྷཱ ཤ་ཁྲག་དམར་གྱི་གཏོར་མ་བཤམས༔ ཡི་དམ་ལྷ་ཡི་ང་རྒྱལ་གྱིས༔ ཧཱུྃ་བྷྱོ༔ བདེ་ཆེན་ཞིང་དང་དག་པ་མཁའ་སྤྱོད་ཞིང་༔ ཙ་རི་ཙ་འདྲ་ཙ་གོང་པདྨ་བཀོད༔ གནས་དང་ཉེ་གནས་ཞིང་དང་ཉེ་ཞིང་དང་༔ དུར་ཁྲོད་ཉེ་བའི་དུར་ཁྲོད་ལ་སོགས་ནས༔ ཞིང་སྐྱོང་ཆེན་པོ་ག་ཡ་དྷ་ར་དང་༔ ལེགས་གྲུབ་རྡོ་རྗེ་ཀྵེ་ཊ་པཱ་ལ་དང་༔ བདུད་ཀྱི་མགོན་པོ་ལྷོ་བཙན་ནག་པོ་སོགས༔ སྐུ་གཅིག་མཚན་མང་གྲགས་པའི་ཧེ་རུ་ཀ ཡུམ་གྱི་ཆ་འཛིན་སེང་ཧ་དམར་མོ་དང་༔ འཁོར་དུ་བཀའ་ཡི་ལྷ་སྲིན་སྡེ་བརྒྱད་དང་༔ ནག་པོ་སྟོང་དང་ཤ་ཟ་འབུམ་ཕྲག་དང་༔ མ་མོ་བྱེ་བ་གནོད་སྦྱིན་ཁྲི་ཡི་ཚོགས༔ བདུད་པོ་ཐོད་གར་བདུད་མོ་སྲོག་ལེན་བཅས༔ ཐུགས་དམ་བསྐུལ་ལོ་སྡང་བའི་དགྲ་ལ་རྒྱུག༔ བདག་ལ་སྡང་བའི་དགྲ་བོ་ཆེ་གེ་མོ༔ ལོ་ཟླ་ཞག་དུས་ཟ་མར་མ་འགྱང་བར༔ སྲོག་གཅོད་བླ་སོད་དོན་སྙིང་ནང་རོལ་ཁྱེར༔ ཕོ་རྒྱུད་རྩ་བ་རྩད་ནས་གཅོད་པ་དང་༔ མོ་རྒྱུད་རྩ་བ་མངལ་ནས་སྐེམ་པར་མཛོད༔ རྗེས་ལྷག་མེད་པར་མྱུར་དུ་བརླག་མཛོད་ཅིག༔ དུས་གསུམ་རྒྱལ་བའི་ བཀའ་དམ་དཔང་བཙུག་གོ༔ མ་གཡེལ་མ་འདའ་བཛྲ་ས་མ་ཡ༔ ཨོཾ་ཏྲི་ཤྲཱི་བཛྲ་མ་ཧཱ་ཀཱ་ལ༔ སི་ན་ར་མ༔ _UNK་ཏྲི་ཡ་མ་རཱ་ཙ་དུ་ཏྲི་ཕུ་ཏྲི་ཨཿ ཡཿམཿདུཿརུཿཙཤཿནཿསརྦ་ས་མ་ཡ་ཛ་ཛཿ ཆོ་ཆོ༔ རྒྱུག་རྒྱུག༔ དགྲ་བོ་ཆེ་གེ་མོའི་བླ་ལ་རྒྱུག་རྒྱུག༔ ཚེ་ལ་རྒྱུག་རྒྱུག༔ མི་ནོར་དཀོར་ལ་རྒྱུག་རྒྱུག་རྦད་རྦད༔ བྷྱོ༔ དེ་ལྟར་དྲག་ཏུ་བསྐུལ་བ་ཡིས༔ དགྲ་བོ་བརླག་པར་གདོན་མི་ཟ༔ ས་མ་ཡ༔ ཨྠི༔ ཞེས་པ་འདི་ཉིད་རིགས་སྲས་རིག་འཛིན་ནོར་བུས་ནན་དུ་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་དག་སྣང་ཡེ་ཤེས་དྲྭ་བ་ལས་བསྒྱུར་བའོ། །དགེའོ། །དགེའོ། །དགེའོ། །ལེགས་སོ། །སརྦ་མངྒ་ལཾ།། ། T11615 - 364 ཨོཾཿ དག་སྣང་ཡེ་ཤེས་དྲྭ་བ་ལས༔ གནོད་སྦྱིན་བཙན་རྒོད་ཆེན་པོའི་བསྐང་གསོལ་བསམ་དོན་ལྷུན་གྲུབ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ །ཏྟྲ།ཥྤཾ ཀྱེེ༔ དད་པ་དང་ནི་དམ་ཚིག་གཉན་པོ་ཡིས༔ གནོད་སྦྲིན་ཙི་དམར་འཁོར་བཅས་འདིར་གཤེགས་ཤིག༔ གསོལ་ལོ་མཆོད་དོ་ཐུགས་དམ་གཉན་པོ་བསྐང་༔ གནོད་བྱེད་དགྲ་བགེགས་ཐལ་བའི་རྡུལ་དུ་རློག༔ དེ་ལྟར་གྲངས་ལྡན་བསྐྱར་བས་ཕྲིན་ལས་འགྲུབ༔ ས་མ་ཡ༔ རྒྱ་རྒྱ་རྒྱ༔ ཨྠི༔ ཞེས་པ་འདི་ནི་སྤྲུལ་སྐུ་ཀུན་བཟང་བདེ་ཆེན་རྡོ་རྗེས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་སྨྲས་པ་ཡོངས་སུ་དགེ་བར་གྱུར་ཅིག །དགེའོ།། དགེའོ། །དགེའོ། །སརྦ་མངྒ་ལཾ།། །། གཅིག་པུའོ།ཙི་དམར་T1615 - 365 T11615- 366 བསྐང་ཨོཾཿ དག་སྣང་ཡེ་ཤེས་དྲྭ་བ་ལས༔ བཀའ་སྲུང་ཟངས་རི་བཙན་རྒོད་ཀྱི་བསྐང་གསོལ་ཕྲིན་ལས་ལྷུན་གྲུབ་བཞུགས་སོ༔ ཨོཾ༔ ན་མོ་གུ་རུ་བྷྱ༔ ཤཤརྒན༔ ཤ་ཁྲག་དམར་གཏོར་སྐྱེམས་མཆོད་བཤམས༔ རང་ཉིད་ལྷ་ཡི་ང་རྒྱལ་གྱིས༔ ཀྱེེ༔ ཕྱོགས་ཕྱོགས་དག་ཀྱང་ཕ་ཀི་ན༔ ཉི་མ་ནུབ་ཕྱོགས་ཕ་ཀི་ན༔ བཙན་ཡུལ་ཟངས་ཐང་དམར་པོ་ནས༔ ཟངས་རི་བཙན་རྒོད་མཆེད་སྡེ་བདུན༔ མི་དམར་རྟ་དམར་དམག་ཆས་ཅན༔ མདུང་དར་དམར་པོ་གནམ་ལ་ཕྱར༔ གོ་ཁྲབ་བགོས་ཤིང་འཁོར་གསུམ་བརྒྱན༔ སྡེ་བརྒྱད་དྲེགས་པ་ལས་ལ་འགྱེད༔ སྔོན་ཚེ་པདྨ་ཐོད་ཕྲེང་དང་༔ མ་ཅིག་ལབ་ཀྱི་སྒྲོན་མ་ཡིས༔ བཀའ་དམ་གཉན་པོ་དཔང་བཙུགས་ཏེ༔ འབོད་དོ་གནས་འདིར་གཤེགས་སུ་གསོལ༔ བདག་གི་གྲོགས་དང་སྲུང་མར་བཞུགས༔ ཤ་ཁྲག་དམར་གྱི་གཏོར་མ་དང་༔ ཁྱི་ར་རྟ་དང་གཡག་ར་ལུག༔ དར་དམར་གོ་མཚོན་སྣ་ཚོགས་དང་༔ མདོར་ན་མཐུན་རྫས་ལོངས་སྤྱོད་ཚོགས༔ དངོས་འབྱོར་ཡིད་ཀྱིས་རྣམ་འཕྲུལ་ཏེ༔ འདོད་ཡོན་ནམ་མཁའ་མཛོད་དུ་འབུལ༔ གསོལ་ལོ་མཆོད་དོ་ཐུགས་དམ་བསྐང་༔ ཕྱི་ནང་གསང་བའི་བར་ཆད་བཟློག༔ ཞི་རྒྱས་དབང་དང་མངོན་སྤྱོད་ལས༔ བདག་གི་བསམ་དོན་ཡོངས་འགྲུབ་མཛོད༔ དམ་ལ་མ་འདའ་ས་མ་ཡ༔ དེ་ལྟར་གྲངས་ལྡན་བསྐྱར་བ་ཡིས༔ བཀའ་སྲུང་དྲེགས་པ་བྲན་ཁོལ་འགྱུར༔ ས་མ་ཡ༔ རྒྱ་