Tibetan
བསླུ་བ་མེད་པའི་བདེན་པའི་མཐུ་སྟོབས་བྱིན་རླབས་ལ་བརྟེན་ནས༔ མི་ང་ཡི་ཚེ་རབས་ཐམས་ཅད་དུ་བསགས་པའི་ཉེས་བྱས་ཉམས་ཆག་སྡིག་སྒྲིབ་སྔོན་ལས་འཕྲལ་རྐྱེན་ངན་པ་ཐམས་ཅད་སྐད་ཅིག་ཉིད་ལ་བྱང་ཞིང་དག་པར་གྱུར་ཅིག༔ བདག་གི་བློ་སྣ་དམ་པའི་ཆོས་སུ་གྱུར་ནས་བྱ་བ་དང་བྱེད་པ་ཐམས་ཅད་དམ་པའི་ཆོས་ཤ་སྟག་ཏུ་འགྱུར་བར་ཤོག་ཅིག༔ འཁོར་བར་རྒྱབ་ཀྱིས་ཕྱོགས་ཏེ་ངེས་མེད་ཀྱི་དབེན་པར་འགྱུར་མེད་གཏན་དུ་བདེ་བའི་བཙན་ས་ཟིན་པར་ཤོག་ཅིག༔ རྐྱེན་ངན་བར་ཆད་བསླུ་བདུད་ངན་པའི་དབང་དུ་སྐད་ཅིག་ཙམ་ཡང་མི་འགྱུར་བར་ཤོག་ཅིག༔ ངའི་སྐྱེ་བ་ཚེ་རབས་ཐམས་ཅད་དུ་གཞན་ལ་གནོད་པའི་རིགས་དང་ལུས་སུ་མི་སྐྱེ་བར་ཤོག་ཅིག༔ གཞན་ཕན་བྱང་ཆུབ་ཀྱི་སེམས་དང་མི་འབྲལ་ཞིང་འགྲོ་ཁམས་རྒྱ་ ཨོཾཿ མཚོ་དོང་ནས་སྤྲགས་པའི་མཐུ་ནུས་དང་ལྡན་པར་ཤོག་ཅིག༔ ཡུལ་ངན་དང་གྲོགས་ངན་ཕྱིན་ཅི་ལོག་གི་རྗེས་སུ་སྐད་ཅིག་ཙམ་ཡང་མི་འགྱུར་བར་ཤོག་ཅིག༔ བླ་མ་དང་མཆེད་ལྕམ་བསྟན་འཛིན་གྱི་སྐྱེས་བུ་དམ་པ་དག་གི་ཚེ་བསོད་དཔལ་འབྱོར་རླུང་རྟ་བླ་གཟའ་སྙན་གྲགས་མངའ་ཐང་ཡོན་ཏན་བསྟན་པ་ཐམས་ཅད་ཟླ་བ་ཡར་གྱི་ངོ་བཞིན་དུ་གོང་ནས་གོང་འཕེལ་དུ་རྒྱས་ཤིང་ནུབ་མེད་དུ་བརྟན་ཅིང་གནས་པར་གྱུར་ཅིག༔ ཆོས་སྐུ་ཀུན་ཏུ་བཟང་པོ་རྡོ་རྗེ་སེམས་དཔའ་དགའ་རབ་རྡོ་རྗེ་ཤྲཱི་སིངྷ་པདྨ་ཀ་ར་རྒྱ་གར་གྱི་རིག་འཛིན་བརྒྱད་དང་གྲུབ་ཆེན་བརྒྱད་ཅུ་བོད་ཀྱི་རྗེ་འབངས་ཉེར་ལྔ་ལ་སོགས་པའི་རིག་འཛིན་བརྒྱུད་པ་དང་བཅས་པའི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོ་ཐམས་ཅད་བདག་གི་རྒྱུད་ལ་ད་ལྟ་ཉིད་དུ་འཕོ་བར་གྱུར་ཅིག༔ ཐིམ་པར་གྱུར་ཅིག༔ གཉིས་སུ་མེད་པར་ཡོངས་སུ་རྫོགས་པར་གྱུར་ཅིག༔ བདག་གི་སྒོ་གསུམ་རྡོ་རྗེ་གསུམ་གྱི་གྲོང་དུ་འཕོས་ཏེ་རྨད་བྱུང་རྡོ་རྗེ་ཐེག་པའི་གསང་ལམ་ལ་ཚུད་ནས་ཉམས་དང་རྟོགས་པའི་ཡོན་ཏན་ཐམས་ཅད་གོང་ནས་གོང་དུ་འཕེལ་ཞིང་རྒྱས་ཏེ་རིག་འཛིན་རྣམ་པ་བཞིའི་ས་ལམ་རིམ་གྱིས་ཚེ་འདི་ཉིད་ལ་བསྒྲོད་ནས་མཐར་ཕྱིན་པར་ ཤོག་ཅིག༔ འོད་གསལ་རྫོགས་པ་ཆེན་པོ་འཁོར་འདས་འུབ་ཆུབ་རོལ་པའི་ལྟ་སྒོམ་ཕྱིན་ཅི་མ་ལོག་པ་བདག་གི་རྒྱུད་ལ་ད་ལྟ་ཉིད་དུ་སྐྱེ་བར་ཤོག་ཅིག༔ ཐུན་མོང་གི་དངོས་གྲུབ་གྲུབ་པ བརྒྱད་དང་འབྱུང་བ་ལྔ་ལ་རང་དབང་བསྒྱུར་ནུས་ཤིང་མཆོག་གི་དངོས་གྲུབ་རླུང་སེམས་གཉིས་དང་སྐྱེ་འཇུག་གཉིས་ལ་རང་དབང་ཐོབ་ནས་གཞན་དོན་རླབས་པོ་ཆེ་འགྲུབ་པར་ཤོག་ཅིག༔ ཚེ་འདི་ཉིད་དུ་བདག་གིས་ཆོས་ཅན་གྱི་སྣང་བ་ཆོས་ཉིད་ཀ་དག་གཞོན་ནུ་བུམ་སྐུའི་ཀློང་དུ་ཟད་ནས་ལུས་འཇའ་ལུས་ཟང་ཐལ་ཆེན་པོ་སེམས་ཡེ་གཞི་ཆོས་སྐུའི་ཀློང་དུ་ཡང་དག་པར་རྫོགས་པའི་སངས་རྒྱས་དགའ་རབ་རྡོ་རྗེའི་གོ་འཕང་ཐོབ་པར་ཤོག་ཅིག༔ མཆོག་གསུམ་སྐུ་གསུམ་རྩ་གསུམ་རིག་འཛིན་རྒྱལ་བ་རྒྱ་མཚོ་ཆོས་ཉིད་རྣམ་པར་དག་ཅིང་རྒྱུ་འབྲས་བསླུ་བ་མེད་པ་རྣམས་ཀྱི་བདེན་པའི་མཐུ་སྟོབས་ནུས་རྩལ་གྱིས་བདག་གིས་སྨོན་ལམ་བཏབ་པ་དེ་རྣམས་ད་ལྟ་ཉིད་དུ་འགྲུབ་པར་གྱུར་ཅིག༔ ཅེས་ལན་བདུན་དང་གཞན་ཡང་བདེན་ཚིག་འགྲུབ་སྔགས་མང་དུ་བཟླ་བར་བགྱི༔ འདི་ལྟར་རྟག་ཏུ་བཟླས་བརྗོད་ན༔ ངན་སོང་འཁོར་བ་ལས་གྲོལ་ཏེ༔ རྣམ་མཁྱེན་ཡེ་ཤེས་མངོན་གྱུར་ནས༔ འགྲོ་བའི་མགོན་དུ་གདོན་མི་ཟ༔ འདི་ནི་ཆོས་རྣམས་ཀུན་གྱི་བཅུད༔ རིག་འཛིན་པདྨའི་སྙིང་ཁྲག་དངོས༔ མཁའ་འགྲོ་འབུམ་གྱི་གསང་ ཉ ཨོཾ༔ ཆེན་པོ༔ ཉམས་སུ་ལོངས་ཤིག་ཕྱི་རབས་རྣམས༔ བཀའ་སྲུང་དྲང་སྲོང་ཆེན་པོར་གཉེར༔ ཐུབ་པར་སྲུངས་ཤིག་ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་སྤྲང་མ་ནུས་བདུད་འཇོམས་རྡོ་རྗེ་ལ་ཡེ་ཤེས་མཁའ་འགྲོས་འོད་གསལ་དག་པའི་དབྱིངས་ནས་གདམས་ཏེ་དག་པར་ཕབ་པའི་ཡི་གེ་པ་ནི་རང་སློབ་དམ་པ་པདྨ་བཀྲ་ཤིས་ཀྱིས་བགྱིས་པའི་དགེ་བས་འཁོར་བ་མྱང་འདས་ཆེན་པོའི་དབྱིངས་སུ་སངས་རྒྱས་པར་གྱུར་ཅིག །དགེའོ །དགེའོ།། ༄ དགེའོ། །སརྦ་མངྒ་ལཾ། ཞུས་སོ། ། ཟ 259 ༄ T11615 - 263 T11615 - 264 ༄༅། །ལྟ་བའི་ཀློང་བཤགས་བཞུགས་སོ།། ཧཱུྃ། སྐྱེ་མེད་ཆོས་དབྱིངས་ནམ་མཁའི་མཐའ་དང་མཉམ། །ཀ་དག་རྩལ་ལས་ལྷུན་གྲུབ་རོལ་པ་རུ། །རང་བྱུང་ཡེ་ཤེས་སྐུ གསུམ་ལྷུན་གྲུབ་ལྷ། །སྒྱུ་འཕྲུལ་ཞི་ཁྲོ་རྡོ་རྗེ་དབྱིངས་ཀྱི་དཔལ། །མངོན་གྱུར་རིག་པའི་ངང་ནས་བརྡ་ཕྱག་འཚལ། །དབྱིངས་དང་ཡེ་ཤེས་མཉམ་བརྡལ་ཆོས་ཉིད་ཆེ། །དཔང་དུ་བཙུག་གོ་ཉམས་ཆག་དག་ཚངས་སྩོལ། །དེ་ནས་ཚིག་རྗེས་དོན་དྲན་ནས་འགྱོད་ཚངས་དྲག་པོས་བཤགས་པ་འདི་བརྗོད་དོ། ཀྱེ། ཀུན་ཏུ་བཟང་པོ་ཆོས་ཀྱི་སྐུ། །སངས་རྒྱས་ཀུན་ལས་སྔར་སངས་རྒྱས། །རང་ངོ་མ་ཤེས་འཁྲུལ་པའི་བག །ཡུལ་མེད་ཆེན་པོར་མཐོལ་ཞིང་བཤགས། །འཁོར་འདས་དག་མཉམ་ཁྱབ་བརྡལ་དབྱིངས། །མ་རིག་ངར་འཛིན་དྲི་མས་སྒྲིབ །བག་ཆགས་རྐྱེན་སྣང་འཐས་པ ཡིས། །རྒྱུ་རྐྱེན་རྟེན་འབྲེལ་དབྱིངས་སུ་བཤགས། །ངར་འཛིན་ཤེས་པ་གཅིག་པུའི་གདངས །སྣོད་བཅུད་འདོད་ཡོན་སྣང་བར་ཤར །གཉིས་མེད་གཉིས་སུ་འཛིན་པའི་བག །ཆོས་ཉིད་དག་མཉམ་ཆེན་པོརཿ ཡིན་པ་མེད་ལ་མིན་པ་མེད། །ཡིན་མིན་ཉེར་ལེན་རེ་དོགས་པའི། །ཞེན་ཆགས་དགག་སྒྲུབ་འཁྲུལ་པའི་སེམས །ཡིན་མིན་མེད་པའི་མལ་དུ་བཤགས། །ས་དང་ ལམ་མེད་འབྲས་བུ་མེད། །རང་ངོར་རང་སངས་རྒྱས་པ་ཉིད། །གང་གིས་མ་བཅོས་ཉིད་ལ་གྲོལ། །རྒྱུ་འབྲས་མངོན་རློམ་ཞེན་གོལཿ མདོར་ན་ཁམས་གསུམ་འཁོར་བ་རུ། །འཁྲུལ་པའི་རྒྱུ་རྐྱེན་རྟེན་འབྲེལ་ཆོས། །བདག་མེད་ཡུལ་མེད་ཆེན་པོར་བཤགས །བཤགས་བྱ་བཤགས་བྱེད་གཉིས་མེད་དུ །ཆོས་ཉིད་ཆམ་བརྡལ་ཆེན་པོའི་ཀློང་།དག་ནས་མངོན་སངས་རྒྱས་པ་རུ། །ཆོས་ཉིད་བདེན་པས་བྱིན་གྱིས་རློབས། །ཡི་གེ་བརྒྱ་པ་བརྗོད་དོ། །ཆོས་གསལ་གྱིས་དོ་གལ་ཆེན་པོས་འདི་འདྲ་ཞིག་ཡང་ཡང་དགོས་ཟེར་བའི་ངོར་བདུད་འཇོམས་རྡོ་རྗེས་སྨྲས་པའོ། །དགེའོ །མངྒ་ལཾ།། །། T11615 - 266 ཨོཾཿ དག་སྣང་ཡེ་ཤེས་དྲྭ་བ་ལས༔ རྩ་གསུམ་སྲུང་མ་དར་ལ་བརྟེན་པ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཐབྱ།ཀ་རྟ། གཞི་ནི་རས་སམ་དར་འཇམ་ལ༔ སྨན་དང་དམ་རྫས་དག་གིས་བྱུག༔ གནས་བཟང་ས་སྣ་རིན་ཆེན་ཕྱེ༔ བླུགས་ནས་མཚལ་ལམ་སྣག་ཚ་ཡིས༔ ཐོད་བུམ་རྡོ་རྗེ་ནོར་བུ་བྲིས༔ ཨོཾ་ཨཱཿ ཧཱུྃ༔ སརྦ་མ་ཧཱ་གུ་རུ་བཱིདྱ་དྷ་ར་སི_UNK་ཕ་ལ་ཧཱུྃ་ཨཱཿ རིག་འཛིན་བླ་མའི་དཀྱིལ་འཁོར་ལྷ༔ མ་ལུས་བརྟེན་པའི་དར་ལ་འདུས༔ ཐོད་བུམ་རྡོ་རྗེ་ནོར་བུ་ལ༔ རྟེན་ཆོས་བརྟན་པར་བཞུགས་ནས་ཀྱང་༔ དོན་ཀུན་འགྲུབ་པའི་དངོས་གྲུབ་སྩོལ༔ མ་ཧཱ་གུ་རུ་སརྦ་ས་མ་ཡ་ཛ་སྟྭཾ༔ འཁོར་ལོ་རྡོ་རྗེ་རིན་ཆེན་དང་༔ པདྨ་རྒྱ་གྲམ་ཚོམ་དུ་བཀོད༔ སརྦ་མ་ཧཱ་ངྷེ་ཝ་བུདྡྷ་བཛྲ་རཏྣ་པདྨ་ཀརྨ་སིདྡྷི་ཕ་ལ་ཧཱུྃ་ཨཱཿ ཡི་དམ་རྒྱལ་བ་རྒྱ་མཚོའི་ཚོགས༔ མ་ལུས་བརྟེན་པའི་དར་ལ་འདུས༔ ཕྱག་རྒྱ་རྣམ་པ་ལྔ་པོ་འདིར༔ རྟེན་ཆོས་བརྟན་པར་བཞུགས་ནས་ཀྱང་༔ ཕྲིན་ལས་རབ་འབྱམས་ཡོངས་འགྲུབ་སྩོལ༔ སརྦ་བུདྡྷ་བཛྲ་རཏྣ་པདྨ་ཀརྨ་དྷེ་ཝ་ཧཱུྃ༔ ཤཱནྟི་པུཥྚི་ཝཱ་ཤཾ་མཱ་ར་ཡ་ཕཊ༔ གྲི་ཁུག་ཐོད་ཁྲག་ཁ་ཊྭཱྃ་བྲིས༔ མ་བྷྱོ་ཛ་ཧྲཱི་མ་ཧ་རི་ནི་ས་ར་ཙ་ཧྲཱི་ཡ་ཙིཏྟ་ཧྲཱི་ཧྲཱི་ཛ་ཛཿསརྦ་ཌཱ་ཀི་ནཱི་སརྦ་སིདྡྷི་ཕ་ལ་ཧཱུྃ་ཨཱཿ ཡེ་ཤེས་འཇིག་རྟེན་མཁའ་འགྲོའི་ཚོགས༔ མ་ལུས་བརྟེན་པའི་རྩ་གསུམ་ དར་ལ་འདུས༔ ཁ་ཊྭཱྃ་གྲི་གུག་ཐོད་ཁྲག་འདིར༔ རྟེན་ཆོས་བརྟན་པར་བཞུགས་ནས་ཀྱང་༔ ཕྲིན་ལས་ཡོངས་འགྲུབ་དངོས་གྲུབ་སྩོལ༔ མ་མ་སརྦ་ཌཱ་ཀི་ནཱི་ཧཱུྃ་བྷྱོ༔ ཤཱནྟིཾ་པུཥྚི་ཝཱ་ཤཾ་མཱ་ར་ཡ་ཕཊ༔ དེ་ནས་ཙན་དན་བིང་ཆེན་བྲིས༔ ཨོཾ་ཤྲཱི་མ་ཧཱ་ཀཱ་ལ་ན་ཐ་སརྦ་ས་མ་ཡ་ཕེཾ་ཛཿ ཨ་བེ་ཤ་ཡ་ཏིཥྛ་ལྷན༔ ཡེ་ཤེས་མགོན་པོ་ཐམས་ཅད་ཀུན༔ མ་ལུས་བརྟེན་པའི་དར་ལ་འདུས༔ ཙན་དན་བིང་ཆེན་འདི་ཉིད་ལ༔ རྟེན་ཆོས་བརྟན་པར་བཞུགས་ནས་ཀྱང་༔ ཕྲིན་ལས་རབ་འབྱམས་ཡོངས་འགྲུབ་མཛོད༔ དེ་ནས་མཁར་ཐབས་ཐོག་གསུམ་བྲིས༔ སརྦ་ངྷརྨ་པཱ་ལ་ས་མ་ཡ་ཕེ་ཕེ་ཛ་ཛཿ ཡེ་ཤེས་དབྱིངས་དང་དབྱིངས་བཞུགས་པའི༔ བཀའ་སྲུང་དམ་ཅན་རྒྱ་མཚོའི་ཚོགས༔ མ་ལུས་བརྟེན་པའི་དར་ལ་འདུས༔ རིན་ཆེན་གསེར་མཁར་སུམ་ཐོག་འདིར༔ རྟེན་ཆོས་བརྟན་པར་བཞུགས་ནས་ཀྱང་༔ ཕྲིན་ལས་རབ་འབྱམས་ཡོངས་འགྲུབ་མཛོད༔ དེ་ནས་གནམ་ལྕགས་འཁོར་ལོ་རྩིབས་བརྒྱད་བྲིས༔ སརྦ་ཀྵེ་ཊ་པཱ་ལ་ཨཿ༥༠མཿ དུཿ རུཿ ཙཿ ཤཿ ནཿ ས་མ་ཡ་ཕེཾ་ཕེཾ་ཛ་ཛཿ འཁོར་འདས་གཉིས་སྐྱོང་སྲུང་མ་རྣམས༔ མ་ལུས་བརྟེན་པའི་དར་ལ་འདུས༔ གནམ་ལྕགས་འཁོར་ལོ་འདི་ཉིད་ལ༔ རྟེན་ཆོས་བརྟན་པར་བཞུགས་ནས་ཀྱང་༔ ཕྲིན་ལས་རབ ཨོཾཿ འབྱམས་ཡོངས་འགྲུབ་མཛོད༔ དེ་ནས་གླིང་བཞི་རི་རབ་བྲིས༔ སརྦ་ལོ་ཀ་པཱ་ལ་ཨཿ ཡཿ མཿ དུཿ རུཿ ཙཿ ཤཿ ནཿ སཿ མཿ ཡ་ཕེཾ་ཕེཾ་ཛ་ཛཿ འཇིག་རྟེན་སྐྱོང་བའི་དམ་ཅན་ཚོགས༔ མ་ལུས་བརྟེན་པའི་དར་ལ་འདུས༔ གླིང་བཞི་དང་ནི་རི་རབ་འདིར༔ རྟེན་ཆོས་བརྟན་པར་བཞུགས་ནས་ཀྱང་༔ ཕྲིན་ལས་རབ་འབྱམས་ཡོངས་འགྲུབ་མཛོད༔ དེ་ནས་ནོར་བུ་འབར་བ་བྲིས༔ ཨོཾ་བུདྡྷ་བཛྲ་རཏྣ་པདྨ་ཀརྨ་ཛམྦྷ་ལ་སརྦ་ས་མ་ཡ་ཕེཾ་ཕེཾ་ཛ་ཛཿ ཡེ་ཤེས་འཇིག་རྟེན་ནོར་ལྷའི་ཚོགས༔ མ་ལུས་བརྟེན་པའི་དར་ལ་འདུས༔ རིན་ཆེན་ནོར་བུ་འབར་བ་འདིར༔ རྟེན་ཆོས་བརྟན་པར་བཞུགས་ནས་ཀྱང་༔ འདོད་རྒུའི་ལོངས་སྤྱོད་དངོས་གྲུབ་སྩོལ༔ ན་མོ་བུདྡྷ་ངྷརྨ་སངྒ་ཡ༔ ༔ རྩ་གསུམ་དམ་ཅན་རྒྱ་མཚོ་ཡིས༔ འཇིགས་དང་སྡུག བསྔལ་མི་མཐུན་ཕྱོགས༔ མ་ལུས་ཞི་བའི་ཕྲིན་ལས་མཛོད༔ ཤཱནྟི་ཀུ་རུ་ཡེ་སྭཱ་ཧཱ༔ ཚེ་བསོད་ཡེ་ཤེས་ཡོན་ཏན་ཀུན༔ འཕེལ་ཞིང་རྒྱས་པའི་ཕྲིན་ལས་མཛོད༔ པུ–ཥྚིཾ་ཀུ་རུ་ཡེ་སྭཱ་ཧཱ༔ འདོད་རྒུའི་དཔལ་ཡོན་ལོངས་སྤྱོད་ཀུན༔ དབང་དུ་འདུ་བའི་ཕྲིན་ལས་མཛོད༔ སརྦ་པཱ་ཤཾ་ཀུ་རུ་ཡེ་སྭཱ་ཧཱ༔ དགྲ་བགེགས་ལོག་འདྲེན་གནོད་བྱེད་ཀུན༔ བསད་གཅོད་བསྒྲལ་བཟློག་ཕྲིན་ ལས་མཛོད༔ སརྦ་ཤ་ཏྲུཾ་མཱ་ར་ཡ་ཕཊ༔ ཅེས་རྡོ་རྗེ་ཕུར་པ་སྣ་ཚོགས་རྡོ་རྗེ་བྲིས༔ དབུ་ཡི་འགོ་འདྲེན་རིག་གསུམ་སྔགས་ཀྱིས་བྱ༔ འདི་བྲིས་འཆང་བའི་སྐྱེ་བོ་དེ༔ མི་མཐུན་ཕྱོགས་ལས་རྣམ་པར་རྒྱལ༔ དགེ་ལེགས་ཡར་ངོའི་ཟླ་ལྟར འཕེལ༔ བཀྲ་ཤིས་དཔལ་གྱིས་ཕྱུག་པར་འགྱུར༔ རྩ་གསུམ་འདུས་པའི་རྟེན་དར་རྫོགས་སོ༔ ཀུན་བཟང་མཚོ་སྐྱེས་རྡོ་རྗེ་ཡིས། །ཁྲག་འཐུང་བདུད་འཇོམས་དཔའ་བོར་གདམས། །རང་སློབ་ཚུལ་བཟང་བསྐུལ་ངོར་ཕབ། །ཡི་གེ་བློ་གྲོས་དབང་པོས་བྲིས། །དགེའོ། །ལེགས་སོ། །སརྦ་མངྒ་ལཾ།། །། T11615 - 270 ཨོཾཿ མི་འདའ་རྡོ་རྗེའི་གཏན་ཚིག་བཞུགས༔ ན་མོ༔ འཁོར་འདས་ཡོངས་ཀྱི་ཁྱབ་བདག་ཆོས་སྐུ་གདོད་མའི་མགོན་པོ་ཀུན་ཏུ་བཟང་པོ༔ ལོངས་སྤྱོད་རྫོགས་སྐུ་རིགས་ལྔ་གངས་ཆེན་མཚོ་ལ་སོགས་པའི་ཞི་ཁྲོ་རྡོ་རྗེ་དབྱིངས་ཀྱི་དཀྱིལ་འཁོར་གྱི་ལྷ་ཚོགས་མ་ལུས་ཤིང་ལུས་པ་མེད་པ་ཐམས་ཅད་དཔང་དུ་བཞུགས་ཤིང་ཐུགས་མཁྱེན་བརྩེ་ནུས་པའི་རྩལ་གྱིས་དགོངས་སུ་གསོལ༔ འཁོར་འདས་ཡོངས་ཀྱི་སྤྱི་དཔལ་ཆེན་པོ་ཡབ་ཆེ་མཆོག་ཧཱུྃ་ཆེན་ཀཱ་ར༔ ཡུམ་ཁྲོ་མོ་གནམ་ཞལ་མ་སྲས་ཁྲག་འཐུང་རིགས་ལྔ་ལ་སོགས་པའི་ཁྲག་འཐུང་ཁྲོ་བོ་རོལ་པའི་དཀྱིལ་འཁོར་གྱི་ལྷ་ཚོགས་མ་ལུས་ཤིང་ལུས་པ་མེད་པ་ཐམས་ཅད་དཔང་དུ་བཞུགས་ཤིང་ཐུགས་མཁྱེན་བརྩེ་ནུས་པའི་རྩལ་གྱིས་དགོངས་སུ་གསོལ་ལོ༔ སྟོན་པ་རྡོ་རྗེ་འཆང་ཆེན་གསང་བདག་ཕྱག་ན་རྡོ་རྗེ་རིག་འཛིན་པདྨ་འབྱུང་གནས་རྗེ་འབངས་ཉི་ཤུ་རྩ་ལྔ་མ་ཅིག་ལབ་ཀྱི་སྒྲོན་མ་ལ་སོགས་པའི་གྲུབ་ཐོབ་གཅོད་ཡུལ་བརྒྱུད་པའི་བླ་མ་མ་ལུས་ཤིང་ལུས་པ་མེད་པ་ཐམས་ཅད་དཔང་དུ་བཞུགས་ཤིང་ཐུགས་མཁྱེན་བརྩེ་ནུས་པའི་རྩལ་གྱིས་དགོངས་སུ་གསོལ་ལོ༔ ཀྱེེ༔ དཔལ་མགོན་ལེགས་ལྡན་ནག་པོ་མན་ཆད་ནས་ཐེའུ་རང་ཕྲན་བུ་ཡན་ཆད་ཀྱི་སྣང་སྲིད་ལྷ་ འདྲེ་ཀུན་གྱིས་ཉོན་ཅིག༔ མཐོ་བ་པེ་ཧར་རྒྱལ་པོ་མན་ཆད་ནས་དམའ་བ་གྲོང་འདྲེ་ཕྲ་མོ་ཡན་ཆད་ཀྱི་སྣང་སྲིད་ལྷ་འདྲེ་ཀུན་གྱིས་ཉོན་ཅིག༔ མཐོ་བ་ཡབ་ས་བདག་འཁོར་ལོས་བསྒྱུར་རྒྱལ ཡུམ་ས་ཡི་ལྷ་མོ་བརྟན་མ་མན་ཆད་ནས་དམའ་བ་ས་སྲིན་འབྱུང་པོ་ཡན་ཆད་ཀྱི་སྣང་སྲིད་ལྷ་འདྲེ་ཀུན་ཉོན་ཅིག༔ སྟོད་མངའ་རི་སྐོར་གསུམ་གྱི་བདག་པོ་གངས་དཀར་ཏེ་སེ༔ བར་དབུས་གཙང་རུ་བཞིའི་བདག་པོ་གཉན་ཆེན་ཐང་ལྷ༔ སྨད་མདོ་ཁམས་སྒང་དྲུག་གི་བདག་པོ་ཨ་མྱེ་རྨ་རྒྱལ་སྤོམ་ར་ལ་སོགས་པའི་བཀའ་ཡི་ལྷ་སྲིན་སྡེ་བརྒྱད་སྣང་ཞིང་སྲིད་པའི་ལྷ་འདྲེ་སྟོང་གསུམ་ཡུལ་ལྷ་གཞི་བདག་ཕོ་གདོན་རྒྱལ་པོ་ཕོ་གདོན་གྱི་རིགས་སུ་གྱུར་པ་ཐམས་ཅད་དང་༔ མོ་གདོན་བསེན་མོ་ལ་སོགས་པའི་མོ་གདོན་གྱི་རིགས་སུ་གྱུར་པ་ཐམས་ཅད་དང་༔ རྫ་རི་དང་གངས་རི༔ སྤང་རི་དང་ནགས་རི༔ བྲག་རི་དང་ཆུ་མཚོ༔ ལུང་པ་དང་ཐང་ལམ༔ བྱང་རོང་ཀུན་ཏུ་གནས་ཤིང་རྒྱུ་བའི་ལྷ་འདྲེ་དང་༔ ས་བདག་གཞི་བདག༔ བཙན་གཉན་ཀླུ་བདུད་དང་བཅས་པའི་ལྷ་འདྲེ་ཀུན་གྱིས་ཉོན་ཅིག༔ གོང་དུ་དཔང་དུ་བཞག་པའི་དཀོན་མཆོག་རྩ་གསུམ་སྐུ་གསུམ་ཞི་ཁྲོ་རབ་འབྱམས་རྒྱལ་བ་སྲས་དང་བཅས་པ་ཐམས་ཅད་ཀྱི་བཀའ་དང་དམ་ཚིག་ ཨོཾ༔ གཉན་པོ་གཏའ་རུ་བཞག་ཅིང་དཔང་དུ་བཙུགས་ཏེ་བཀའ་བསྒོ་བ་ནི༔ གནས་ཡུལ་འདི་དང་སྐྱེས་བུ་ཆེ་གེ་མོ་ཞེས་བྱ་བའི་མི་རྟ་གནག་ལུག་དཀོར་ནོར་དང་བཅས་པ་ཐམས་ཅད་ལ་གནོད་གདུག་དྲག་ཤུལ་སྡང་རྒོལ་གྱི་བསམ་ངན་ཐམས་ཅད་སྤོང་ལ༔ བཟུང་བ་ཐོངས༔ བཅིངས་པ་ཁྲོལ༔ བསྡམས་པ་གློད༔ མནན་པ་ཁྱོག༔ ཟོས་པ་སྐྱགས༔ འདྲེ་དང་ཕྲོལ༔ བགེགས་བྱེད་དང་དབྱེས༔ ལྟོག་འགོང་དབུལ་སྲི་ཐམས་ཅད་ལུས་པ་མེད་པར་བསྡུས་ཤིང་དེད་ལ་ཡུལ་གཞན་དུ་འགྲོ་བར་གྱིས་ཤིག༔ ཕྱིན་ཆད་ཕ་མ་བུ་ཚ་བཞིན་དུ་བྱམས་པ་དང་བརྩེ་བའི་སྒོ་ནས་བསམ་པའི་དོན་ཐམས་ཅད་ཡིད་བཞིན་དུ་འགྲུབ་པའི་བྱེད་པོ་གྱིས་ཤིག༔ བཀའ་བསྒོས་སོ༔ དམ་བསྒྲག་གོ༔ ཨོཾ་བཛྲ་ས་མ་ཡ༔ ཨཱཿབཛྲ་ས་མ་ཡ༔ ཧཱུྃ་བཛྲ་ས་མ་ཡ༔ དུས་གསུམ་རྒྱལ་བ་རྣམས་ཀྱིས་བཀའ་དམ་གཉན་པོ་དཔང་དུ་བཙུག་གཏའ་རུ་བཞག་པའི་སྤྲིང་ཡིག་འདི་བཞིན་དུ་མ་འགྱངས་མ་འདའ་མ་གཡེལ་བར་ཐོགས་པ་མེད་པར་མྱུར་དུ་འགྲུབ་པའི་ཕྲིན་ལས་མཛོད་ཅིག༔ ཨོཾ་ཨ་མྲྀ་ཏེ་ཧཱུྃ་ཕཊ༔ ཧཱུྃ་བཛྲ་ཕཊ༔ ཨོཾ་ཡ་མཱནྟ་ཀ་ཧཱུྃ་ཕཊ༔ ཨོཾ་བཛྲ་གུ་རུ་རཀྴ་ཀྲོ་དྷ་ཧཱུྃ་ཕཊ༔ ཨོཾ་ཧྱ་གྲཱི་ཝ་ཁྲོ་བྷྱོ་ཧཱུྃ་ཕཊ༔ ཨཿ ཡཿམཿ དུཿ རུཿ ཙཿ ཤཿ ནཿ དུ་ཏྲི་བྷྱོ་ཟློག་རྦད་ནན༔ དར་ལ་བྲིས་ཏེ་ཕྱར་བས་སྨོན་པ་བཞིན་དུ་ལས་བྱེད་དོ༔ སྟེང་དུ་ཕུར་བུ་དང་རྡོ་རྗེ་བྲི་བར་བྱའོ༔ ས་མ་ཡ༔ གུ་ཧྱ༔ ཞེས་པ་འདི་ཀུན་བཟང་བསྟན་འཛིན་ནས་བསྐུལ་ངོར་བདུད་འཇོམས་རྡོ རྗེས་ནམ་མཁའི་མཛོད་ལས་བསྒྱུར་བ་ཡོངས་སུ་དགེ་བར་གྱུར་ཅིག །སརྦ་མངྒ་ལཾ།། བདུད་འཇོམས་ཟབ་གཏེར བདུད་འཇོམས་ཟབ་གཏེར T11615 - 274 ཨོཾ༔ ཧཱུྃ་ཧཱུྃ་ཧཱུྃ༔ སྣང་སྲིད་ཟིལ་གནོན་ཐོད་ཕྲེང་རྩལ༔ ཕྱོགས་ལས་རྣམ་རྒྱལ་དྲག་པོའི་སྐུ༔ བདུད་འཇོམས་རྡོ་རྗེ་ཁྲོ་བོ་ལོད༔ འཕྱོར་བ་འདི་འཛིན་གང་ཟག་ལ༔ གུ་རུ་པདྨ་སིདྡྷི་སིདྡྷི་ཕ་ལ་ཧོཿ འཇིགས་དང་སྡུག་བསྔལ་ཀུན་ལས་བདག་སྐྱོབ་ཅིག༔ ན་མོ་གུ་རུ་བུདྡྷ་དྷརྨ་སངྒ་སྭསྟི་མངྒ་མ་ཎི་རཏྣ་སིདྡྷི་སིདྡྷི་ཧཱུྃ༔ སྣང་སྲིད་ལ་གནས་ལས་བྱུང་བའི༔ སྡེ་བརྒྱད་གདུག་པ་ཤཱནྟི་ཀུ་རུ་ཡེ་སྭཱ་ཧཱ༔ ཨོཾ་བཛྲ་ཙཎྜ་སརྦ་དུཥྚན་ཏ་ཀ་ཧ་ན་ད་ཧ་པ་ཙ་ཧཱུྃ་ཕཊ༔ ཧོ་ཧེ་བྷྱོ་བདུད་མགོན་མ་ཧཱ་ཀཱ་ལ༔ སེང་ཧ་མུ་ཁཥྞ ཞིང་སྐྱོང་ཆེན་པོ༔ ཀུན་དགའ་གཞོན་ནུ༔ གྷ་ཡ་ངྷ་ར༔ ལྷོ་བཙན་ནག་པོ༔ ལེགས་གྲུབ་བཛྲ༔ ཀྵེ་ཊ་པཱ་ལ༔ སི་ན་ར་མ༔ བམ་རོ་ཕོ་མོ༔ ཁྱོད་ལྷའི་རཱ་ཛ་ལྷ་ཡི་འབངས་ཚོགས༔ གཤིན་རྗེའི་རཱ་ཛ་གཤིན་རྗེའི་སྡེ་ཚོགས༔ མ་མོའི་རཱ་ཛ་མ་མོའི་སྡེ་ཚོགས༔ བདུད་ཀྱི་རཱ་ཛ་བདུད་ཀྱི་སྡེ་ཚོགས༔ སྲིན་པོའི་རཱ་ཛ་སྲིན་པོའི་སྡེ་ཚོགས༔ བཙན་གྱི་རཱ་ཛ་བཙན་གྱི་སྡེ་ཚོགས༔ གནོད་སྦྱིན་གྱི་རཱ་ཛ་གནོད་སྦྱིན་གྱི་སྡེ་ཚོགས༔ ཀླུའི་རཱ་ཛ་ཀླུའི་སྡེ་ཚོགས༔ སྣང་སྲིད་ཀྱི་སྤྱི་དཔལ་ཆེན་པོ༔ འཁོར་འདས་ཀྱི་དབང་ཕྱུག་ཆེན་པོ༔ ཁམས་གསུམ་གྱི་མངའ་བདག༔ ཕྱོགས་སྐྱོང་དང་དྲེགས་དཔོན བཅུ་ཕྲག་བཞིའི་རྒྱལ་པོ་ཆེན་པོ༔ འཁྲུལ་པ་དང་ཉིང་འཁྲུལ་རཱུ་ཏྲའི་གཤེད་པོ་ཆེན་པོ༔ དགེ་ལེགས་ཡོན་ཏན་གྱི་འབྱུང་གནས་ཆེན་པོ༔ ལས་བཟློག་བཙན་ཐབས་ཀྱི་འདྲེན་ཞིང་ས་མཁན ཆེན་པོ༔ ཞིང་སྐྱོང་མགོན་པོ་སིངྷ་མུ་ཁ༔ ས་མ་ཡ༔ ས་མ་ཡ༔ ས་མ་ཡ༔ ཁྱོད་དར་ལ་བརྟེན་ནོ༔ ཁྱོད་གནས་ལ་ཕྱར་ན་བརྟེན་པའི་དར་ཏེ་གཞི་འདུག་ཀྱི་འདོད་འབྱུང་ནོར་བུ་མཛོད་ལ་འདོད་ཡོན་གྱི་ཆར་ཕོབ་ཕོབ༔ མ་ཎི་རཏྣ་སིདྡྷི་ཕ་ལ་ཨ་ཝེ་ཤ་ཡ་ཨ་ཨཱཿ མགོན་པོ་སྟོབས་ལྡན་ཆེན་པོ་ཁྱོད་ལམ་དུ་ཕྱར་ན་འདི་ལྟར་བསྐུལ་ལོ་དགྲ་རྐུན་དང་གཅན་གཟན་གྱི་རྒོལ་བ་ཆོམ་ཞིག་བཟློག་ཅིག༔ བྷྱོ་བཟློག་རྦད་དགྲ་བགེགས་དབང་པོ་ཐུམ་ཐིབ༔ དགྲ་རྐུན་བགེགས་གཅན་ཐམས་ཅད་ཀྱི་ཙཀྵུ་མུ་ཁཾ་བྷནྡྷ་བྷནྡྷ་ཡེ་སྭཱ་ཧཱ༔ དབང་སྡུད་རྒྱལ་པོ་ཆེན་པོ་ཁྱོད་བྱེས་ལ་འཕྱར་ན་མི་སེམས་འཕྲོག་ཅིང་མི་ནོར་དབང་དུ་བསྡུས་ཤིང་མི་ཕམ་བདག་རྒྱལ་གྱི་བྱེད་པོ་གྱིས་ཤིག༔ སརྦ་པཱ་ཤཾ་ཀུ་རུ་ཡེ་སྭཱ་ཧཱ༔ ས་མ་ཡ་ཛཿ ནག་པོ་སྲོག་བདུད་ཆེན་པོ་ཁྱོད་དགྲ་ལ་འཕྱར་ན་གསོད་པའི་ཤན་པར་བསྐུལ་ལོ༔ དགྲ་མིག་རཀྟས་ཁོངས་ཤིག༔ དགྲ་ལག་རྒྱས་ནས་འཆིངས་ཤིག༔ དགྲ་སྙིང་ཐད་དུ་ཕྱུངས་ཤིག༔ དགྲ་ཁྲག་ཧུབ་ཀྱིས་འཐུང་ཞིག༔ དགྲ་སྲོག་ ཨོཾ༔ ཐག་གིས་ཆོད་ཅིག༔ དགྲ་དཔུང་མཉམ་དུ་ཆོམ་ཞིག༔ དགྲ་བོའི་དཔུང་སརྦ་ཤ་ཏྲུཾ་མཱ་ར་ཡ་ཕཊ༔ བགེགས་འདུལ་ཁྲོ་རྒྱལ་ཆེན་པོ་ཁྱོད་བགེགས་ལ་འཕྱར་ན བགེགས་འདུལ་གྱི་རྒྱལ་པོར་བསྐུལ་བ་ཡིན་པས་བགེགས་དཔུང་ཐལ་བར་རློག་ལ་བགེགས་སྟོབས་ཤུལ་མེད་བཟློག་ཅིག༔ བགེགས་དཔུང་རྗེས་མེད་རློག་ཅིག༔ སིངྷུ་མུ་ཁ་ས་མ་ཡ་བི་ན་སརྦ་ཤ་ཏྲུཾ་མཱ་ར་ཡ་ཛྭ་ལ་རཾ་རཾ་བྷྱོ་བཟློག༔ བདུད་མགོན་ནག་པོ་ཆེན་པོ་སྟོབས་ལྡན་སིངྷ་མུ་ཁ་ཁྱོད་བསྒྲུབ་བོ་བརྟེན་ནོ་གསོལ་ལོ་མཆོད་དོ་བསྟོད་དོ༔ བཀྱག་གོ་བཀུར་རོ་ཕྲིན་ལས་སྒྲུབས ཤིག༔ འཆང་བ་པོ་ལ་ཕ་མ་བུ་ཚ་བཞིན་དུ་བརྩེ་ཞིང་གདུང་བར་མཛོད་ཅིག༔ ལུས་དང་གྲིབ་མ་བཞིན་དུ་དབྱེར་མེད་དཔུང་གྲོགས་མཛོད་ཅིག༔ སིངྷ་མུ་ཁ་སི་ན་ར་མ་སརྦ་རཏྣ་སིདྡྷི་ཕ་ལ་ཧཱུྃ༔ བདག་འཁོར་དང་བཅས་པ་ལ་སྲུངས་ཤིག༔ ཆོས་སྐྱོང་ཆེན་པོ་ས་མ་ཡ་རཀྵ༔ ཨེ་ཨེ་མ་ཧོཿ དར་འགོ་ལྷ་ལམ་ཡངས་པར་ཕྱར༔ དཀོན་མཆོག་གསུམ་གྱི་གནས་མཛོད་ཅིག༔ དར་སྐེད་ཚངས་པའི་གནས་ལ་གནས༔ རྩ་གསུམ་རྒྱལ་བའི་གནས་མཛོད་ཅིག༔ དར་མཇུག་སྲིད་པའི་ཁམས་ལ་གནས༔ ཞིང་སྐྱོང་མགོན་པོའི་རྟེན་མཛོད་ཅིག༔ དར་ལྕེ་རླུང་གི་རྟ་ལ་ ཞོན༔ ཆོས་སྐྱོང་དགྲ་བླའི་རྟེན་མཛོད་ཅིག༔ སྣང་བ་ལྷུན་གྲུབ་གཞལ་ཡས་སུ༔ སྲིད་པ་ལྷ་དང་ལྷ་མོ་ཡི༔ བདེ་འབྱོར་དཔལ་ཐོབ་བཀྲ་ཤིས་ཤིང་༔ སྐུ་གསུམ་