Tibetan
བྷྱ༔ ལས་བུམ་སྒྲུབ་པའི་ཆོ་ག་ནི༔ ཨོཾ་སྭ་བྷཱ་ཝ་སོགས༔ བུམ་པ་མི་དམིགས་པ་སྟོང་པ་ཉིད་དུ གྱུར༔ སྟོང་པའི་ངང་ལས་བུམ་ཆུ་བདུད་རྩིའི་རྒྱ་མཚོ་ཆེན་པོར་གསལ་བའི་དབུས་སུ་པདྨའི་སྡོང་པོ་ཡལ་ག་ལོ་འདབ་རྒྱས་པའི་དབུས་སུ་ཉི་མའི་གདན་ལ་ཧཱུྃ་ལས་ཁྲོ་ཆེན་བདུད་རྩི་འཁྱིལ་བ་སྐུ་མདོག་ལྗང་ནག་ཁྲོ་བོའི་ཉམས་དང་ཆས་རྒྱན་ཡོངས་སུ་རྫོགས་པ་གཡས་རྒྱ་གྲམ་དང་གཡོན་དྲིལ་བུ་འཛིན་པ་ཡེ་ཤེས་ཀྱི་མེ་དཔུང་འབར་བའི་ཀློང་དུ་བཞུགས་པའི་སྤྱི་བོར་ཨོཾ་མགྲིན་པར་ཨཱཿ ཐུགས་ཀར་ཧཱུྃ་རྣམས་རྡོ་རྗེ་གསུམ་གྱི་ངོ་བོར་གནས་པ་ལས་འོད་འཕྲོས་པས་རང་བཞིན་གྱི་གནས་ནས་ཡེ་ཤེས་པ་སྤྱན་དྲངས༔ བཛྲ་ས་མ་ཡ་ཛ་ཛཿ པདྨ་ཀ་མཱ་ལ་ཡེ་སྟྭཾ༔ ན་མོ་ན་མ་ཧོཿ ཨོཾ་བཛྲ་ཨརྒྷཾ་པཱདྱཾ་སོགས ཤཔྟའི་བར་གྱིས་མཆོད༔ བསྟོད་པ་ལ༔ ཧོཿ དུས་གསུམ་སངས་རྒྱས་ཐམས་ཅད་ཀྱི༔ ཕྲིན་ལས་མངའ་བདག་ཆེ་བའི་མཆོག༔ ཉོན་མོངས་ཚུལ་གྱིས་ཉོན་མོངས་འདུལ༔ བགེགས་ཀྱི་དགྲ་ལ་ཕྱག་འཚལ་བསྟོད༔ ཐུགས་སྲོག་ཧཱུྃ་ལ་སྔགས་ཀྱི་ཕྲེང་བས་བསྐོར་བ་ལས་དག་བྱེད་ཡེ་ཤེས་ཀྱི་བདུད་རྩིའི་རྒྱུན་བབ་པར་གྱུར༔ ཨོཾ་ཨ་མྲྀ་ཏེ་ཧཱུྃ་ཕཊ༔ སརྦ་པཱ་པཾ་ཤཱནྟིཾ་ཀུ་རུ་སྭཱ་ཧཱ༔ སླར་ཡང་མཆོད་བསྟོད་མཐར༔ ཡེ་ཤེས་པ་དབྱིངས་སུ་གཤེགས༔ དམ་ཚིག་པ་ཆུར་ཞུ་བས་དག་བྱེད་ཀྱི་ནུས་པ་དང་ལྡན་པར་གྱུར༔ ཅེས་བསོད་ནམས་རབ་རྒྱས་ཀྱིས་བསྐུལ་ངོར་རིག་འཛིན་བདུད་འཇོམས་རྡོ་རྗེས་བསྒྱུར་བའོ། །དགེའོ། །དགེའོ །དགེའོ།། 4 =ྋ T11615 - 218 ཨོཾ༔ གཤིན་པོ་རྗེས་འཛིན་ཁྲུས་ཀྱི་བུམ་པ་སྡིག་སྒྲིབ་དག་བྱེད་བཞུགས༔ ན་མོ་གུ་རུ་པདྨ་ཀ་ར་ཡེ༔ བུམ་པ་དྲི་བཟང་ཆུ་དང་ནི༔ བྱ་རྒྱུད་ཉེར་ལྔས་སུམ་ཉིས་བཀང་༔ ས་མ་ཡ༔ ཨོཾ་སྭ་བྷཱ་ཝ་སོགས༔ བུམ་པ་མི་དམིགས་སྟོང་པའི་ངང་༔ བུམ་གདན་པདྨ་ཉི་ཟླའི་སྟེང་༔ བྷྲཾ་ལས་རིན་ཆེན་བུམ་པ་ནི༔ ཁ་གཡེལ་ལྟོ་ལྡིར་ཞབས་ཞུམ་པ༔ མཆུ་འཕྱང་མགྲིན་པ་ཕྲ་བ་ཡི༔ ཁ་རྒྱན་དཔག་བསམ་ཤིང་དང་ནི༔ མགུལ་ཆིངས་པཉྩ་ལི་ཀས་དཀྲིས༔ ནང་ནི་ལྷུན་གྲུབ་གཞལ་ཡས་ཁང་༔ བཀོད་པ་ཕུན་སུམ་ཚོགས་པའི་དབུས༔ བཾ་ལས་རྒྱ་མཚོ་འཁྱིལ་བའི་ཀློང་༔ པདྨ་ཟླ་བའི་གདན་གྱི་སྟེང་༔ བྱང་ཆུབ་སེམས་དཔའ་སྒྲིབ་པ་ཀུན༔ རྣམ་པར་སེལ་མཛད་གསེར་གྱི་མདོག༔ ཕྱག་གཉིས་སྙེ་མ་དྲིལ་བུ་འཛིན༔ དར་དང་རིན་ཆེན་རྒྱན་གྱིས་སྤྲས༔ ཕྱེད་པའི་སྐྱིལ་མོ་ཀྲུང་གིས་བཞུགས༔ ཐུགས་ཀར་ཟླ་སྟེང་ཐིཿཡིག་མཐརཿ སྔགས་ཀྱི་ཕྲེང་བས་གཡས་སུ་འཁོར༔ འོད་ཀྱིས་རྒྱལ་མཆོད་བྱིན་རླབས་བསྡུས༔ འགྲོ་དྲུག་གནས་བསྒྲལ་དག་ཞིང་བཀོད༔ ཚུར་འདུས་སྲོག་གི་སྙིང་པོར་བསྟིམ༔ སྐུ་ལས་ཡེ་ཤེས་བདུད་རྩིའི་རྒྱུན༔ བབ་པས་བུམ་ཆུར་དབྱེར་མེད་གྱུར༔ ཨོཾ་ཐི་ཀྵི་ས་ར་པ་ཡ་སྭཱ་ཧཱ༔ ཨོཾ་ད་ཧ་ད་ཧ་སརྦ་ན་ར་ཀ གཤིན་ཁྲུས་T11615 - 219 ག་ཏེ་ཧེ་དུན་ཧཱུྃ་ཕཊ༔ ཨོཾ་པ་ཙ་པ་ཙ་སརྦ་པྲེ་ཏ་ཀ་ག་ཏེ་ཧེ་དུན་ཧཱུྃ་ཕཊ༔ ཨོཾ་མ་ཐ་མ་ཐ་སརྦ་ཏིརྻ་ཀ་ག་ཏེ་ཧེ་དུན་ཧཱུྃ་ཕཊ༔ ཨོཾ་ཏྲཊ་ཏྲཊ་སརྦ་ཨ་སུ་ར་ཨ་སུ་ར་ག་ཏེ་ཧེ་དུན་ཧཱུྃ་ཕཊ༔ ཨོཾ་ཚིནྡྷ་ཚིནྡྷ་སརྦ་ནྲྀ་ག་ཏེ་ཧེ་དུན་ཧཱུྃ་ཕཊ༔ ཨོཾ་བྷི་ཏ་བྷྲི་ཏ་སརྦ་སུ་ར་ག་ཏེ་ཧེ་དུན་ཧཱུྃ་ཕཊ༔ དམིགས་ཡུལ་ཆེ་གེ་མོའི་སྡིག་པ་དང་སྒྲིབ་པ་ཐམས་ཅད་སརྦ་པཱ་པཾ་ད་ཧ་ན་ཤཱནྟིཾ་ཀུ་རུ་སྭཱ་ཧཱ༔ ཅི་འགྲུབ་བརྗོད་མཐར་མཆོད་ཅིང་༔ བསྟོད་པ་ནི༔ ཧཱུྃ༔ དུས་གསུམ་སངས་རྒྱས་ཐམས་ཅད་ཀྱི༔ ཡེ་ཤེས་ཡོན་ཏན་རྫོགས་པའི་དཔལ༔ སྒྲིབ་གཉིས་དྲི་མ་སྦྱངས་མཛད་པ༔ བྱང་ཆུབ་སེམས་དཔའ་མཆོག་ལ་བསྟོད༔ ལྷ་འོད་དུ་ཞུ་ནས་བུམ་པའི་ཆུ་ལ་ཐིམ་པས་དག་བྱེད་ཀྱི་ནུས་པ་དང་ལྡན་པར་གྱུར༔ ས་མ་ཡ༔ ཞེས་པ་འདི་ཉིད་དགོས་གལ་དང་བསྟུན་ཏེ་བདུད་འཇོམས་པས་སྦྱར་བའོ། ། T11615 - 220 ཨོཾ༔ བུམ་པ་སྒྲུབ་པ་ནི༔ ཨོཾ་མ་ཧཱ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅་ཧཾ༔ རྣམ་རྒྱལ་བུམ་པ་མི་དམིགས་པ་སྟོང་པ་ཉིད་དུ་གྱུར༔ སྟོང་པའི་ངང་ལས་མཁའ་ལ་འཇའ་ཚོན་ཤར་བ་བཞིན་དུ་ཡེ་ཤེས་ལྔ་ལྡན་རང་བྱུང་ལྷུན་གྱིས་གྲུབ་པའི་གཞལ་ཡས་ཁང་ཡངས་ཤིང་རྒྱ་ཆེ་བའི་དབུས་སུ་པདྨ་དང་ཟླ་བའི་དཀྱིལ་འཁོར་གྱི་སྟེང་དུ་བསྐྱེད་པའི་ལྷ་གཙོ་བོ་དང་མཐུན་པ་རྒྱན་ཆ་ལུགས་ཡོངས་སུ་རྫོགས་པའི་མཐའ་བསྐོར་དུ་ཉི་མ་དང་འོད་ཟེར་གྱི་ཚུལ་དུ་སྤྲུལ་པའི་འཁོར་ཚོགས་ཐམས་ཅད་རྒྱ་མཚོ་ལ་གཟའ་སྐར་བཀྲ་བ་བཞིན་དུ་བསྒོམ་ཞིང་ཡེ་ཤེས་པ་དཔག་ཏུ་མེད་པ་སྤྱན་དྲངས་ལ་བསྟིམ་མོ༔ བཛྲ་ས་མ་ཡ་ཛ་ཛཿ པདྨ་ཀ་མཱ་ལ་ཡེ་སྟྭཾ༔ ཨརྒྷཾ་པཱདྱཾ་སོགས༔ ཧཱུྃ༔ ཆོས་སྐུ་ནམ་མཁའ་ལྟ་བུར་ཀུན་ལ་ཁྱབ༔ ལྷུན་གྲུབ་བདེ་བ་ཆེན་པོ་ལོངས་སྤྱོད་རྫོགས༔ ཐུགས་རྗེ་གང་འདུལ་སྤྲུལ་པའི་སྐུ་རུ་ཤར༔ སྐུ་གསུམ་ལྷུན་གྲུབ་དཔལ་ལ་ཕྱག་འཚལ་བསྟོད༔ རང་གི་ཐུགས་ཀའི་ཧཱུྃ་ལས་འོད་ཟེར་གཟུངས་ཐག་ལ་བརྒྱུད་དེ་འཕྲོས༔ མདུན་བསྐྱེད་ལྷའི་ཐུགས་ཀར་ཕོག་ཐུགས་དམ་གྱི་རྒྱུད་བསྐུལ༔ དེ་ལས་འོད་དང་འོད་ཕུང་དཔག་ཏུ་མེད་པ་འཕྲོས་པས་རྒྱལ་དང་རྒྱལ་སྲས་ཐམས་ཅད་ཀྱི་མཐུ་ནུས་དབང་བྱིན་དངོས་གྲུབ ཐམས་ཅད་ཚུར་འདུས་བུམ་པའི་ཆུ་ལ་ཐིམ་པར་བསྒོམ༔ སྔགས་ཅི་མང་བཟླ༔ བསྡུ་ན༔ བུམ་ལྷའི་སྐུའི་ཆ་ཐམས་ཅད་ནས་དབང་བཞི་ཡེ་ཤེས་ཀྱི་ཆུ་རྒྱུན་བྱུང་བས་བུམ་ཆུ་བདུད་རྩིའི་རྒྱ་མཚོར་གྱུར༔ སྔགས་ཅི་མང་བཟླ༔ མཐར་མཆོད་བསྟོད་བྱས་མཐར༔ ཡེ་ཤེས་པ་གཤེགས༔ དམ་ཚིག་པ་ཆུར་ཞུ་བས་བུམ་ཆུའི་རྣམ་པར་གྱུར༔ བདུད་འཇོམས་ཟབ་གཏེར་218 བདུད་འཇོམས་ཟབ་གཏེར་TI1615 - 222 ཨོཾ༔ ལས་བུམ་ནི༔ ཨོཾ་སྭ་བྷཱ་ཝ་ཤུདྡྷ་སརྦ་དྷརྨ་སྭ་བྷཱ་ཝ་ཤུདྡྷོ྅་ཧཾ༔ ལས་ཀྱི་བུམ་པ་མི་དམིགས་པ་སྟོང་པ་ཉིད་དུ་གྱུར༔ སྟོང་པའི་ངང་ལས་ཡེ་ཤེས་ལྔ་ལྡན་རང་བྱུང ལྷུན་གྱིས་གྲུབ་པའི་གཞལ་ཡས་ཁང་ཡངས་ཤིང་རྒྱ་ཆེ་བའི་ནང་དུ་པད་ཉིའི་གདན་ལ་ཧཱུྃ་ཡོངས་སུ་གྱུར་པ་ལས་ཁྲོ་ཆེན་བདུད་རྩི་འཁྱིལ་བ་སྐུ་མདོག་ལྗང་སྔོན་ཞལ་གཅིག་ཕྱག་གཉིས་ཁྲོ་བོའི་ཆས་ཐམས་ཅད་རྫོགས་པ་གཡས་རྒྱ་གྲམ་དང་གཡོན་དྲིལ་བུ་འཛིན་པའི་སྐུར་གསལ་བ་ལས་ཡེ་ཤེས་ཀྱི་བདུད་རྩིའི་རྒྱུན་བབ་པས་དག་བྱེད་ཀྱི་ཆུ་ནུས་པ་དང་ལྡན་པར་གྱུར༔ ཨོཾ་བཛྲ་ཨ་མྲྀ་ཏ་ཨུདྡྷ་ཀ་ཧཱུྃ་ཕཊ༔ ཅི་མང་བཟླས་མཐར༔ ཧཱུྃ༔ དུས་གསུམ་སངས་རྒྱས་ཐམས་ཅད་ཀྱི༔ ཕྲིན་ལས་མངའ་བདག་ཧེ་རུ་ཀ༔ སྒྲིབ་གཉིས་དྲི་མ་སྦྱངས་མཛད་པ༔ བདུད་རྩི་འཁྱིལ་ལ་ཕྱག འཚལ་བསྟོད༔ ལྷ་འོད་དུ་ཞུ་ནས་བུམ་པའི་ཆུ་ལ་ཐིམ་པར་གྱུར༔ ཅེས་འཇམ་དཔལ་རྡོ་རྗེས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་དག་པར་ཕབ་པའི་ཡི་གེ་པ་ནི་མཁན་པོ་ཐུབ་བསྟན་ནོ། །དགེའོ།། །། T11615 - 224 ད༔ འཕོ་བ་ནི༔ ཧཱུྃ༔ རང་ཉིད་རྣལ་འབྱོར་དམར་མོ་གྲི་ཐོད་ཅན༔ གཞོན་ཚུལ་ཞི་འཛུམ་བཞེངས་སྟབས་པད་ཟླར་བརྫིས༔ ལུས་ནང་དབུ་མ་མཚན་ཉིད་བཞི་ལྡན ག སྦུབས༔ དྭངས་མའི་ཐིག་ལེ་ནམ་མཁར་མདའ་ལྟར་འཕང་༔ གསོལ་འདེབས་ནི༔ ཆོས་སྐུ་སྣང་བ་མཐའ་ཡས་འོད་དཔག་མེད༔ རྩ་གསུམ་དཔའ་བོ་མཁའ་འགྲོ་ཆོས་སྐྱོང་ལ༔ བཟོད་མེད་གདུང་ཤུགས་དྲག་པོས་གསོལ་བ་འདེབས༔ ཟབ་ལམ་འཕོ་བ་འབྱོངས་པར་བྱིན་གྱིས་རློབས༔ ཕཊ་ཕཊ་ཕཊ༔ བདུད་འཇོམས་པས་སོ།། ། ༡ T11615 - 225 T11615- 226 ཨོཾ༔ དག་སྣང་ལས༔ ཡོན་ཆབ་འབུལ་བའི་ཚིག་རྐང་དངོས་གྲུབ་རྒྱ་མཚོ་བཞུགས་སོ༔ ཧཱུྃ༔ ཡན་ལག་བརྒྱད་ལྡན་བདུད་རྩིའི་རྫིང་བུ་འདི༔ བཅོམ་ལྡན་འཁོར་དང་བཅས་ལ་འབུལ་བར་བགྱི༔ བཞེས་ནས་བདག་དང་སེམས་ཅན་ཐམས་ཅད་ཀྱི༔ ཚོགས་རྫོགས་སྒྲིབ་དག་འཁོར་བ་དོང་སྤྲུགས་ཤོག༔ ཨོཾ་སརྦ་ཏ་ཐཱ་ག་ཏ་ས་པ་རི་ཝཱ་ར་ཨརྒྷཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ ར་ཎ་ས་མ་ཡ་ཨ་ཧཱུྃ༔ ནུབ་གཅིག་གི་རྨི་ལམ་ན་མཁའ་འགྲོ་མ་སུ་ཁ་སིདྡྷི་ཡིན་ཟེར་བའི་བུད་མེད་དཀར་མོ་ཞིག་གིས་ཡོན་ཆབ་འབུལ་ཚིག་འགྲོ་དོན་སྨོན་ལམ་དང་བཅས་ཚང་ཟེར་བའི་འཁྲུལ་སྣང་ཤར་བ་སྤྲང་བདུད་འཇོམས་རྡོ་རྗེས་བླ་མ་ཚུལ་ཁྲིམས་རྡོ་རྗེའི་ངོར་བྲིས་པའི་ཡི་གེའི་མཐུན་རྐྱེན་ཕུན་ཚོགས་བཀྲ་ཤིས་སོ། །དགེའོ།། །། ཡོན་ཆབ་223འབུལ་ཚིག་ཡོན་ཆབ་འབུལ་ཚིག་T11615 - 227 T11615 - 228 ༼བྷ༔ དག་སྣང་ཡེ་ཤེས་དྲྭ་བ་ལས༔ དཀར་གཏོར་འདོད་དོན་ཀུན་འབྱུང་བཞུགས་སོ༔ ན་མོ་གུ་རུ་མཱུ་ཁྱོ་པདྨ་ཀ་ར་ཡེ༔ གསང་སྔགས་སྒྲུབ་པ་ཟབ་མོ་ཡི༔ གེགས་སེལ་དྲེགས་པ་ཅན་རྣམས་ལ༔ གཏོར་སྐྱེམས་ཕུལ་ཞིང་གྲོགས་སུ་བཀོལ༔ འདོད་དོན་བསྒྲུབ་པའི་ལས་ལ་ཁོལ༔ དེ་ཕྱིར་དཀར་གཏོར་ཕུད་རྒོད་བཤམས༔ སྭ་བྷཱ་ཝ་ཡིས་སྟོང་པར་སྦྱངས༔ ཨ་ཀཱ་རོ་ཡིས་འདོད་རྒུར་སྤེལ༔ རང་ཉིད་ལྷ་ཡི་ང་རྒྱལ་དང་༔ ལྡན་པས་ཡེ་ཤེས་འཇིག་རྟེན་གྱི༔ ལྷ་དང་སྲུང་མ་ཐམས་ཅད་ཀུན༔ མགྲོན་དུ་བསྐུལ་ཞིང་འདོད་རྒུས་མཆོད༔ ལས་རྣམས་འགྲུབ་པའི་གཉེར་བཅོལ་བྱ༔ ཀྱེེ༔ མགོན་པོ་ཕོ་རྒྱུད་ལྷ་མོ་མོ་རྒྱུད་དང་༔ ཡེ་ཤེས་ལས་གྲུབ་བཀའ་སྲུང་དྲེགས པའི་སྡེ༔ སྲིད་པའི་དབང་ཕྱུག་དཔལ་མགོན་བདུན་ཅུ་དང་༔ ལྷ་སྲིན་སྡེ་བརྒྱད་སྟོང་གསུམ་ཡུལ་གཞི་བདག༔ ཕྱོགས་བཅུ་དྲེགས་དཔོན་བརྟན་མར་བཅས་པ་ཀུན༔ འདིར་གཤེགས་གཏོར་མ་འདོད་རྒུའི་དཔལ་ལ་རོལ༔ དུས་གསུམ་རྒྱལ་བ་སྲས་དང་བཅས་རྣམས་ཀྱི༔ བཀའ་དང་དམ་ཚིག་གཉན་པོ་དཔང་བཙུགས་ཏེ༔ དམ་ཅན་ཁྱེད་ལ་ཕྲིན་ལས་བཅོལ་བ་ནི༔ སངས་རྒྱས་བསྟན་བསྲུང་དཀོན་མཆོག་དབུ་འཕང་བསྟོད༔ དགེ་འདུན་སྡེ་དང་ཆོས་སྲིད་མངའ་ཐང་སྐྱོངས༔ ཁྱད་པར་སྒྲུབ་པའི་རྣལ་འབྱོར་བདག་ཅག་གི༔ མཐུན་རྐྱེན་ལེགས་ཚོགས ཇི་སྙེད་མཆིས་པ་ཀུན༔ འབད་མེད་ལྷུན་གྱིས་གྲུབ་པར་མཛད་དུ་གསོལ༔ སྨོན་ལོག་སྟོབས་དང་སྔོན་ལས་འཕྲལ་རྐྱེན་གྱིས༔ རྒྱུ་རྐྱེན་རྟེན་འབྲེལ་ལས་གྱུར་དགྲ་དང་བགེགས༔ རྗེས་ཤུལ་ལྷག་མ་མེད་པར་རྡུལ་དུ་རློག༔ བཀའ་དང་དམ་ལ་མ་འདའ་ས་མ་ཡ༔ ཞེས་གཏོར་སྐྱེམས་ཕྱི་རོལ་དུ་དོར༔ དེ་ལྟར་བྱས་པའི་ཡོན་ཏན་གྱིས༔ ཕྱི་ནང་བར་ཆད་གེགས་སེལ་ཞིང་༔ རབ་འབྱམས་ཕྲིན་ལས་ཡོངས་འགྲུབ་གྱུར༔ ས་མ་ཡ༔ རྒྱ་རྒྱ་རྒྱ༔ ཞེས་པ་འདི་ཡང་སྐྱེས་བུ་དམ་པ་ཆེ་མཆོག་གིས་བསྐུལ་ངོར་བདུད་འཇོམས་རྡོ་རྗེས་དག་སྣང་ཡེ་ཤེས་དྲྭ་བ་ལས་བསྒྱུར་བ་དགེ་བར་གྱུར་ཅིག །དགེའོ། །དགེའོ །དགེའོ། །མངྒ་ལཾ།། །། T11615 - 230 བློཾ་༔ དག་སྣང་ཡེ་ཤེས་དྲྭ་བ་ལས༔ རབ་གནས་ཀྱི་ཆོ་ག་བྱིན་རླབས་མྱུ་གུ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ རྟེན་གསུམ་རབ་གནས་བྱེད་པ་ལ༔ དང་པོ་བགེགས་བསྐྲད་པ་ནི༔ ཧཱུྃ༔ ང་ནི་དབང་དྲག་གཏུམ་པོའི་སྐུ༔ ཉོན་ཅིག་ལོག་འདྲེན་བགེགས་ཀྱི་ཚོགས༔ གནས་འདིར་མ་འདུག་ཕྱིར་དེངས་ཤིག༔ བཀའ་ལས་འདའ་ན་བརླག་པར་བྱེད༔ ཧཱུྃ་བཞིའི་སྔགས་ཀྱིས་བྲབ༔ དེ་ནས་སྲུང་འཁོར་བསྒོམ་པ་ལ༔ ཧཱུྃ༔ བདག་ཉིད་པདྨ་དྲག་པོ་ཡི༔ གསང་གསུམ་སྒྱུ་འཕྲུལ་འཁོར་ལོའི་འཕྲུལ༔ སྲུང་བའི་གུར་ཁང་སྲ་མཁྲེགས་བརྟན༔ མི་ཤིགས་རྡོ་རྗེས་རྒྱས་གདབ་བོ༔ བཛྲ་རཀྵ་རཀྵ༔ དེ་ནས་ཁྲུས་བྱས་མཐར༔ མདུན་གྱི་ནམ་མཁར་ཕྱོགས་བཅུའི་རྒྱལ་བ་སྲས་དང་བཅས་པ་བཀྲ་ལམ་གྱིས་བཞུགས་པར་གྱུར༔ མཎྜལ་ཕུལ་མཐར༔ ཧཱུྃ༔ སངས་རྒྱས་ཆོས་དང་དགེ་འདུན་དང་༔ བླ་མ་ཡི་དམ་མཁའ་འགྲོ་དང་༔ ཆོས་སྐུ་ལོངས་སྐུ་སྤྲུལ་པའི་སྐུ༔ མ་ལུས་བདག་ལ་དགོངས་སུ་གསོལ༔ ཐབས་དང་ཐུགས་རྗེ་གང་འདུལ་གྱིས༔ འགྲོ་བའི་ཚོགས་གཉིས་རབ་རྫོགས་ཤིང་༔ འབྲས་བུ་སྐུ་གཉིས་ཐོབ་པའི་ཕྱིར༔ བཞེངས་པའི་རྟེན་མཆོག་འདིར་བཞུགས་ལ༔ གང་ལ་གང་འདུལ་ཕྲིན་ལས་ཀྱིས༔ འགྲོ་བ་འདྲེན་པར་མཛད་དུ་ གསོལ༔ ཕྱོགས་བཅུའི་རྒྱལ་བ་སྲས་དང་བཅས་པ་ཐམས་ཅད་མེ་ཏོག་དང་དབྱེར་མེད་བྱོན་ནས་རྒྱ་མཚོ་ཆེན་པོ་ལ་ཁ་ཆར་བབས་པ་ལྟར་རྟེན་ལ་ཐིམ་པར་བསམ༔ བུདྡྷ་དྷརྨ་སངྒ་གུ་རུ་དྷེ་ཝ་ཌཱ་ཀི་ནཱི་ས་མ་ཡ་ཛ་ཛཿ ཨ་ཝེ་ཤ་ཡ་ཨ་ཨཱཿ ཨཱ་ལི་ཀཱ་ལི་དང་རྟེན་སྙིང་ཅི་མང་བརྗོད་ཅིང་དབབ༔ དེ་ནས་བརྟན་བཞུགས་ནི༔ ཧཱུྃ༔ དཀོན་མཆོག་གསུམ་དང་རྩ་གསུམ་ལྷ༔ མ་ལུས་རྟེན་མཆོག་འདི་ཉིད་ལ༔ འབྱུང་བཞིའི་གནོད་པས་མ་ཞིག་པར༔ མི་འགྱུར་རབ་ཏུ་བརྟན་བཞུགས་ནས༔ བསྟན་འགྲོའི་དགེ་ལེགས་བསྐྱེད་དུ་གསོལ༔ ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ༔ དེ་ནས་ཤིས་བརྗོད་བསྔོ་སྨོན་བྱ༔ དེས་ནི་བྱིན་རླབས་དངོས་གྲུབ་ལྡན༔ བསོད་ནམས་ཆེན་པོའི་ཞིང་ས་བྱེད༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ནི་ཧོར་གྱི་བནྡེ་བསོད་ནམས་ཡེ་ཤེས་ཀྱིས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེ་ཁྲོ་ལོད་རྩལ་གྱིས་གཏན་ལ་ཕབ་པའོ། །དགེའོ།། ཨོཾཿ དག་སྣང་ཡེ་ཤེས་དྲྭ་བ་ལས༔ བཟའ་བཏུང་ལམ་ཁྱེར་ཚོགས་ཀྱི་འཁོར་ལོ་བཞུགས༔ རང་ལུས་འབྱུང་བ་ལྔ་པོ་ནི༔ ཡུམ་ཆེན་ལྔ་རུ་ཡེ་སངས་རྒྱས༔ ཕུང་ཁམས་གཤེགས་པ་གཤེགས་མ་དང་༔ དབང་ཡུལ་སེམས་དཔའ་སེམས་མ་སོགས༔ ཞི་ཁྲོ་རྡོ་རྗེ་དབྱིངས་ཀྱི་ལྷར༔ ཏིལ་གྱི་གོང་བུ་ཕྱུར་བཞིན་གསལ༔ ཨོཾ་ཨཱཿ ཧཱུྃ༔ བཟའ་བཏུང་ཚོགས་ཀྱི་འཁོར་ལོ་ནི༔ ཡེ་ཤེས་བདུད་རྩིའི་ངོ་བོར་གནས༔ ཚོགས་གཉིས་རྫོགས་ཕྱིར་མཆོད་འབུལ་བཞེས༔ ཨ་ལ་ལ་སྟེ་དགྱེས་པར་རོལ༔ མ་ཧཱ་ག་ཎ་ཙཀྲ་པཉྩ་པཱུ་ཛ་ཧོཿ བཟའ་བཏུང་ཚོགས་ཀྱི་འཁོར་ལོ་རུ༔ དམིགས་པས་ཚོགས་གཉིས་རྫོགས་གྱུར་ཏེ༔ ལམ་ཁྱེར་མཆོག་གི་རྣལ་འབྱོར་ལམ༔ མཁའ་འགྲོ་ཀུན་མཁྱེན་མ་ཡིས་གདམས༔ ས་མ་ཡ༔ མཁས་གྲུབ་རྒྱ་མཚོས་བསྐུལ་བའི་ངོར། །མི་རྒན་བདུད་འཇོམས་རྡོ་རྗེས་སྨྲས།། །། 229 T11615 - 233 T11615 - 234 ཨོཾ༔ དག་སྣང་ལས༔ མཁའ་འགྲོ་དབང་དུ་འདུ་བའི་སྔགས༔ ཨོཾ་མ་མ་ཌཱ་ཀི་ནཱི་ཧཱུྃ༔ ཧ་རི་ཐ་གིང་ཕེམ་ཛ༔ རང་སྣང་ཡེ་ཤེས་དཀྱིལ་འཁོར་གྱིས༔ མ་དང་མཁའ་འགྲོ་རིག་པའི་ངང་༔ འདི་བརྗོད་སྐྱེས་བུ་གང་སུ་དག༔ དོན་དེ་འགྲུབ་པར་གདོན་མི་ཟ༔ མཁའ་འགྲོ་ཆོས་ཉིད་དབང་མོས་སྨྲས༔ ས་མ་ཡ༔ རྣལ་འབྱོར་སྐྱ་རིས་ཀྱིས་བསྐུལ་བ། །དོན་ཡོད་ཕྱིར་ན་བདུད་འཇོམས་པས། །སྨྲས་པ་ཡོངས་སུ་དགེ་གྱུར་ཅིག། དགེའོ། །སརྦ་མངྒ་ལཾ།། མཁའ་འགྲོ་གཅིག་གོ། 232 231དབང་སྡུད་TI1615 - 235 T11615 - 236 ཨོཾ༔ གསོན་འདྲེ་འདུལ་བའི་སྔགས་ནི༔ ཨོཾ་མ་ངྷ་ཀཱ་ལ་ཧཱུྃ་ཕཊ༔ ཡ་མ་ད་ཏྲི་པྲ་ཏི་ནི༔ ཚིནྡྷ་ཧཱུྃ་རིལ་རྦད་གསོན་འདྲེ་མོའི་སྙིང་ལ་མཱ་ར་ཡ་ཕཊ༔ ཅེས་བརྒྱ་རྩ་བཟླས་པས་གནོད་པ་ཀུན་ཐུབ༔ སྟོང་བཟླས་པས་སྨྱོ་བར་འགྱུར༔ ཁྲི་བཟླས་པས་འཆི་བར་འགྱུར༔ དམ་ཚིག་མེད་དང་ལྟ་བ་ལོག་པའི་སེམས་ཅན་ལ་རྩྭ་ལ་མེ་ཤོར་བ་དང་མཚུངས༔ ཡི་དམ་གང་ཡིན་གྱི་སྔགས་མཇུག་ཏུ་བཏགས་ནས་བཟླ་བར་བྱའོ༔ བདུད་འཇོམས་པས་སོ།། གསོན་འདྲེ་ཏྱེགཅིག་གོ། འདུལ་སྔགས་LSZ - SI9IL T11615 - 238 ཨོཾ༔ དག་སྣང་ཡེ་ཤེས་དྲྭ་བ་ལས༔ བསླུ་བདུད་ནག་པོ་ཨར་ལ་གཏད་པའི་གདམས་པ་བཞུགས་སོ༔ སྙིགས་མ་ལྔ་བདོའི་མཐར་ཐུག་ཚེ༔ བསྒོམ་ཆེན་འདྲེ་ཡིས་བསླུས་ནས་སུ༔ སྣ་ཚོགས་ནད་ཀྱིས་གདུང་བ་དང་༔ སྨྱོ་ཞིང་འབོགས་ཏེ་བརྒྱལ་བ་དང་༔ ཆོས་བརྒྱད་ཡུལ་ལ་ཁ་འབྱམས་ཞེན༔ གཅོད་པ་ཕལ་ཆེར་འདྲེས་བསླུས་ཏེ༔ གོང་བཞིན་ནད་ཀྱིས་གདུང་བ་དང་༔ གྲོང་ཆོག་འདྲེ་བརྡུང་དཀོར་ལ་འབྱམས༔ འདོད་སྲེད་ཁྱི་ལས་ཆེ་བ་ཡིས༔ རྫུན་དང་གཡོ་སྒྱུ་ཆགས་སྡང་གིས༔ ཆོས་བརྒྱད་ཡུལ་ལ་རྟག་ཏུ་འབྱམས༔ ཤི་ནས་མཁའ་རྒྱུའི་ཡི་དྭགས་སུ༔ འདྲེ་རུ་འཁྲུལ་ཏེ་སྲོག་ལ་རྒྱུ༔ དེ་ཕྱིར་རྐྱེན་ངན་དེ་བཟློག་ཆེད༔ འདི་ལྟར་དུས་གསུམ་དམིགས་གནད་ཀྱིས༔ གཟིར་ཞིང་བསྲེ་འཕོ་ཡང་ཡང་བྱ༔ རང་གི་སྙིང་མཆོང་ཟུར་སྨུག་པོ་ལྟ་བུའི་འོད་ཀྱི་གུར་ཁང་གི་ནང་དུ་པདྨ་དང་ཉི་མའི་གདན་ལ་བདུད་འདུལ་པདྨ་འབྱུང་གནས་སྐུ་མདོག་མཐིང་ནག་ཁྲོ་ཞིང་གཏུམ་པའི་ངང་ཚུལ་ཅན་ཕྱག་གཉིས་སྣང་སྲིད་ཟིལ་གནོན་གྱི་ཕྱག་རྒྱ་དང་༔ ཞབས་གཉིས་རྒྱལ་པོ་རོལ་པའི་སྟབས་སུ་བཞུགས་པ་པད་ཞྭ་བེར་མཐིང་བླ་གོས་སོགས་ཆོས་གོས་རྣམ་གསུམ་གསོལ་བ༔ འོད་དང་གཟི་བརྗིད་རབ ཏུ་འབར་བ་ཞིག་ཏུ་བསྒོམ༔ རང་གི་མདུན་དུ་གནོད་ཅིང་འཚེ་བར་བྱེད་པའི་ཕོ་གདོན་མོ་གདོན་ཀླུ་གདོན་ནད་འདྲེ་གནོད་བྱེད་གང་ཡིན་པ་ཐམས་ཅད་ཁྲོམ་འཚོགས་པ་བཞིན་དུ་གསལ་ཏེ་སྣ་ བུག་ནས་རླུང་རྔུབ་པ་དང་མཉམ་གནོད་བྱེད་ཐམས་ཅད་སྣ་བུག་ནས་དྲངས་ཏེ་སྙིང་དབུས་པད་འབྱུང་གི་ཐུགས་ཀར་ཐིམ་པར་བསྒོམ༔ སླར་ཡང་རང་གི་བསམ་རྒྱུད་དང་ལྷ་འདྲེའི་སེམས རྒྱུད་དང་པདྨ་འབྱུང་གནས་ཀྱི་ཐུགས་རྒྱུད་རྣམས་རོ་གཅིག་ཏུ་གྱུར་པ་ཕཊ་བརྗོད་པས་དབྱིངས་ཀུན་ཏུ་བཟང་མོའི་མཁའ་ཀློང་དུ་བསྲེས་ཏེ་ཁྱབ་བརྡལ་གྱི་ངང་དུ་མཉམ་པར་འཇོག་པ་ཡིན༔ དེ་ལྟར་དམིགས་པ་གནད་ལྡན་པས༔ བསླུ་བྱེད་བདུད་བགེགས་ཀྱིས་རྒོལ་བའི༔ རྐྱེན་སྣང་ངན་པའི་གཡུལ་བཟློག་ཅིང་༔ སོར་ཆུད་པ་རུ་ཐེ་ཚོམ་མེད༔ ས་མ་ཡ༔ ༔ བདུད་འཇོམས་རྡོ་རྗེས་སྨྲས་པ་ཡོངས་སུ་དགེ་བར་གྱུར་ཅིག། དགེའོ། །དགེའོ །དགེའོ །སརྦ་མངྒ་ལཾ།། T11615 - 240 བྷ༔ དག་སྣང་ཡེ་ཤེས་དྲྭ་བ་ལས༔ སྒྲུབ་པའི་ཆ་ལག་དབང་དང་དངོས་གྲུབ་ཆར་འབེབས་གཏེར་ཀྱི་བུམ་བཟང་བཞུགས་སོ༔ ན་མོ་གུ་རུ་མཱུ་ཁྱོ་པདྨ་ཀ་ར་ཡེ༔ གྲངས་མེད་བསྐལ་པའི་སྔོན་རོལ་ནས༔ གསང་སྔགས་སྒྲུབ་པ་ཟབ་མོ་ལ༔ ལས་འབྲེལ་བཟང་པོའི་རྒྱུས་བསྐྱེད་པས༔ སྒྲུབ་པ་བྱེད་པའི་སྐལ་ལྡན་གྱིས༔ རང་སྣང་དོན་གྱི་འོག་མིན་ནས༔ རང་རིག་སྒྱུ་འཕྲུལ་འཁོར་ལོ་ཡིས༔ གསང་གསུམ་རྡོ་རྗེའི་གཏེར་མཛོད་ལས༔ དབང་དང་དངོས་གྲུབ་ལེན་པ་ལས༔ དང་པོ་སྐུ་གསུང་ཐུགས་མཆོག་གི༔ དབང་དང་དངོས་གྲུབ་རྫས་བསགས་ཏེ༔ སྒྲུབ་ཅིང་གྲུབ་པ་ཐོན་པའི་རྗེས༔ དབང་དང་དངོས་གྲུབ་བླང་བ་ལ༔ དང་པོ་གསོལ་བ་གདབ་པ་ནི༔ ཀྱེ་ཧོཿ རྒྱལ་བ་དགོངས་བརྒྱུད་རིག་འཛིན་བརྡ་བརྒྱུད་དང་༔ བརྒྱུད་པ་དགུ་ལྡན་བླ་མ་དགོངས་སུ་གསོལ༔ རྒྱུད་སྡེ་བཞི་དྲུག་ཐེག་དགུར་འབྲེལ་བ་ཡི༔ ཡི་དམ་ཞི་ཁྲོ་དཔའ་བོ་མཁའ་འགྲོའི་ཚོགས༔ དད་དང་དམ་ཚིག་ཐུགས་རྗེའི་རྒྱུད་བསྐུལ་ལོ༔ ཆོས་ཀྱི་དབྱིངས་ནས་གཟུགས་ཀྱི་སྐུར་བཞེངས་ལ༔ སྒྲུབ་པའི་རྣལ་འབྱོར་བདག་ཅག་མཆེད་ལྕམ་ལ༔ དབང་དང་དངོས་གྲུབ་སྩོལ་བའི་དུས་ལ་བབ༔ ཐུགས་དམ་གནད་ནས་བསྐུལ་ལོ་ས་མ་ཛཿ ཞེས་ལན་གསུམ་གྱིས་གསོལ་བ་བཏབ༔ དེ་ནས་དབང་དང་དངོས་གྲུབ་བླང་བ་ལ༔ ཧཱུྃ༔ བུམ་པ་སྤྲོས་བྲལ་ཆོས་སྐུའི་མཁར༔ ལྷུན་གྲུབ་བདེ་ཆེན་བཀོད་པ རྫོགས༔ གང་འདུལ་ཐུགས་རྗེ་རོལ་གར་ངོམས༔ མི་འགྱུར་སྐུའི་གསང་མཛོད་ནས༔ བུམ་པ་སྐུ་ཡི་དབང་དངོས་གྲུབ༔ དཀར་གསལ་འོད་ཀྱི་རྣམ་པ་རུ༔ སྤྱི་བོ་ནས་ཞུགས་ལུས་ལ་ཐིམ༔ ལུས་དང་རྩ་ཡི་སྒྲིབ་པ་དག༔ བུམ་དབང་ཐོབ་ཅིང་འགྱུར་མེད་སྐུའི༔ དངོས་གྲུབ་ཀུན་ཐོབ་སྤྲུལ་པའི་སྐུའི༔ གོ་འཕང་མངོན་དུ་འགྱུར་བར་ཤོག༔ རྩ་སྔགས་མཐར༔ ཀཱ་ཡ་ཨ་བྷི་ཥིཉྩ་ཨོཾ༔ ཀཱ་ཡ་སིདྡྷི་ཕ་ལ་ཧོཿ ཧཱུྃ༔ ལྷུན་གྲུབ་བདེ་ཆེན་གསང་མཛོད་ནས༔ གསང་བ་གསུང་གི་དབང་དངོས་