Tibetan
རྒྱན་དང་ཐོད་རློན་ལྔ་བཅུས དོ་ཤལ་བྱས་པ༔ དར་སྣ་ལྔ་ཡི་ཅོད་པན་དང་ཉི་མ་ཟླ་བའི་སྙན་རྒྱན་མཛེས་པ༔ ཞབས་གཉིས་བརྒྱད་ཀྱི་འདོར་སྟབས་སུ་བསྒྲད་པ་ཡེ་ཤེས་ཀྱི་མེ་དཔུང་རབ་ཏུ་འབར་བའི་ཀློང་ན་ཁྲོ་བོའི་གར་ དགུས་བརྗིད་པར་འགྱིང་བའི་པང་དུ་ཡུམ་འཁོར་ལོ་རྒྱས་འདེབས་མ་སྔོ་སྐྱ་ཨུཏྤལ་དང་དུང་ཁྲག་སྟོབ་པ༔ ཞབས་གཡོན་ཡབ་ཀྱི་སྐེད་ལ་འཁྲིལ་ཞིང་གཡས བརྐྱངས་པས་པད་ཟླའི་གདན་ལ་བརྫིས་པ༔ དབུ་སྐྲ་དམར་སེར་རྒྱབ་ཏུ་འཕྱང་ཞིང་ཡབ་ཡུམ་ཞལ་གསང་མཉམ་པར་སྦྱོར་བས་བདེ་དང་སྟོང་པའི་ཡེ་ཤེས་འབར་བ༔ རུས་པའི་རྒྱན་དྲུག གིས་སྤྲས་ཤིང་བཞུགས་པར་གསལ་བའི་སྐུ་དབྱིངས་དྭངས་གསལ་རྒྱ་མཚོ་ལྟ་བུའི་ཀློང་དུ་རྩ་གསུམ་འཁོར་ལོ་ལྔ་ལྡན་བསྒོམ་པའི་སྐྱེད་བྱེད་དང་བདེ་བ་ཆེན་པོའི་འཁོར་ལོར་ཡི་གེ་ཨ་ཧཾ་བཀྲག་འབར་བའི་རྣམ་པར་གནས་པ་ལས་འོད་འཕྲོས་པས་ཡེ་ཤེས་པ་སྤྱན་དྲངས་ཏེ་དམ་ཚིག་པ་དང་གཉིས་སུ་མེད་པར་ཐིམ་པས་སྒོ་གསུམ་རྡོ་རྗེ་གསུམ་གྱི་རང་བཞིན་དུ་དག་སྨིན་རྫོགས་པར་གྱུར༔ ཨོཾ་གུ་རུ་དྷེ་ཝ་ཌཱ་ཀི་ནཱི་ཨེ་ཨ་རལླི་ཕེཾ་ཕེཾ་ཛ་ཛཿ ཞེས་ལན་གསུམ་གྱིས་བྱིན་དབབ་ཅིང་༔ ཏིཥྛ་བཛྲ་གྱིས་བརྟན་པར་བྱ༔ དེ་ནས་ཏིང་སྒྲོན་ལ་མེ་སྦར་ཏེ༔ ཧོཿ རང་རིག་སེམས་ཀྱི་ཀོང་བུ་རུ༔ དྲི་མེད་འོད་གསལ་སྡོང་བུ་བཙུག༔ ཆོས་ཉིད་འགྱུར་མེད་མར་ཁུས་གཏམས༔ ཤེས་རབ་ཡེ་ཤེས་སྒྲོན་མེ་སྦར༔ བརྡ་རྟགས་རྫོགས་པ་དོན་གྱི་དབང་༔ དོན་དམ་རྡོ་རྗེ་ཕག་མོ་ཉིད༔ ལམ་སྣང་ཟ་བྱེད་གཏུམ་མོར་ཤར་༔ འབར་བ་མེ་ཡི་དབང་བསྐུར་བས༔ སྣང་གསུམ་བག་ཆགས་དྲི་མ་བཅོམ༔ དགའ་བཞིའི་ཡེ་ཤེས་མངོན་དུ་གྱུར༔ སྟོང་བཞིའི་འོད་གསལ་མཐའ་རུ་ཕྱིན༔ དབྱིངས་དང་ཡེ་ཤེས་དབྱེར་མེད་པ༔ རིག་སྟོང་རྡོ་རྗེ་གཞོན་ནུ་དང་༔ འཁོར་ལོ་རྒྱས་འདེབས་སྐུར་སད་ནས༔ དོན་གཉིས་མཐར་ཕྱིན་དབང་ཐོབ་ཤོག༔ ཨ་ཧཾ་སརྦ་སིདྡྷི་ཨ་བྷི་ཥིཉྩ་ཧཱུྃ༔ ཞེས་བརྗོད་དེ་གཏད་པས་ཞལ་ཆོས་ཉིད་ཀྱི་དབྱིངས་སུ་ཏིང་སྒྲོན་རིག་པའི་ཡེ་ཤེས་སུ་བསྒོམ་པ་མཉམ་པར་སྦྱར་བས་བདེ་སྟོང་གི་རྟོགས་པ་ཁྱད་པར་ཅན་རྒྱུད་ལ་འཁྲུངས་པར་བསམ་ལ་རོལ༔ མེ་ཡི་དྭངས་མ་རྒྱ་སྲན་ཙམ་དུ་གྱུར་པ་རྐྱང་མའི་ལམ་བརྒྱུད་ཨ་ཤད་ལ་ཐིམ་པས༔ ཡེ་ཤེས་ཀྱི་མེ་ལྷབ་ཀྱིས་འབར་ཏེ་གནས་ལྔར་ཁྱབ་པས་དུག་ལྔའི་རྟོག་པ་བསྲེགས༔ སྤྱི་བོའི་ཧཾཿཡིག་དང་རེག་པ་འཕྲོད་པས་བདུད་རྩིར་ཞུ་བ་གནས་ལྔར་ལུགས་འབྱུང་དུ་ཁྱབ་པས་གནས་དེར་བཞུགས་པའི་ཞི་ཁྲོའི་དཀྱིལ་འཁོར་གྱི་ལྷ་ཚོགས་ཐམས་ཅད་མཆོད་ཐུགས་བདེ་སྟོང་གི་རོས་ཚིམས་དབང་བཞིའི་ཡེ་ཤེས་དང་དགའ་བཞི་སྟོང་བཞིའི་འོད་གསལ་མངོན་དུ་གྱུར་ནས་འཁྲུལ་སྣང་ཆོས་ཉིད་དུ་སད་པར་བསམ་པ་དང་༔ བདུད་རྩི་གཏུམ་མོ་དང་འཕྲད་པས་མེ་ཆེར་འབར་ཏེ་ཕྱི་ནང་སྣོད་བཅུད་ཐམས་ཅད་དབྱིངས་གསུམ་ཆོས་ཉིད་ཀྱི་འཁོར་ལོར་སད་པར་བསམ་མོ༔ ཨེ་མ་སྐལ་ལྡན་རིགས་ཀྱི་བུ༔ གཏུམ་མོ་ཡེ་ཤེས་མེ་འབར་བས༔ གནས་ལྔའི་འཁོར་ལོ་རྫོགས་པར་ཁྱབ༔ །༔ སྣང་གསུམ་འདྲེས་པ་གཞིའི་བག་ཆགས༔ སྒོ་གསུམ་ལས་ཉོན་ལམ་གྱི་སྒྲིབ༔ མ་དག་རྩ་རླུང་ཐིག་ལེའི་ཁམས༔ ཡོངས་སྦྱངས་ཧཾཿ དང་མཉམ་པར་སྦྱོར༔ འབར་བས་བཞུས་པའི་བདུད་རྩིའི་རྒྱུན༔ བདེ་ཆེན་འཁོར་ལོར་ཡོངས་ཁྱབ་སྟེ༔ ཁྲག་འཐུང་ཁྲོ་བོའི་དཀྱིལ་འཁོར་མཆོད༔ དགའ་དང་སྟོང་པའི་འོད་གསལ་དང་༔ སྣང་སྟོང་དབྱེར་མེད་ཡེ་ཤེས་མཆོག༔ མངོན་གྱུར་དང་པོའི་ས་མཆོག་ཐོབ༔ མགྲིན་པར་བབ་ཅིང་འཁོར་ལོ་གང་༔ རིག་འཛིན་བླ་མའི་ལྷ་ཚོགས་མཆོད༔ མཆོག་དགའ་སྟོང་ཆེན་འོད་གསལ་དང་༔ གསལ་སྟོང་དབྱེར་མེད་ཡེ་ཤེས་མཆོག༔ མངོན་གྱུར་བརྒྱད་པའི་ས་མཆོག་ཐོབ༔ སྙིང་གར་བབ་ཅིང་འཁོར་ལོ་གང་༔ ཞི་བ་རྡོར་དབྱིངས་དཀྱིལ་འཁོར་མཆོད༔ ཁྱད་པར་དགའ་དང་ཐམས་ཅད་སྟོང་༔ བདེ་སྟོང་དབྱེར་མེད་ཡེ་ཤེས་མཆོག༔ མངོན་གྱུར་བཅུ་པའི་ས་མཆོག་ཐོབ༔ ལྟེ་བར་བབ་པས་འཁོར་ལོ་གང་༔ གནས་གསུམ་མཁའ་འགྲོའི་ལྷ་ཚོགས་མཆོད་༔ ལྷན་སྐྱེས་ཤིན་ཏུ་སྟོང་པ་ཆེ༔ རིག་སྟོང་དབྱེར་མེད་ཡེ་ཤེས་མཆོག༔ མངོན་གྱུར་ཀུན་ཏུ་འོད་ཀྱི་ས༔ ཐོབ་ཅིང་ཟུང་འཇུག་སྐུ་རུ་སྨིན༔ རིམ་བཞིན་ལྟེ་བ་སྙིང་ག་དང་༔ མགྲིན་པ་སྤྱི་ བོའི་ཧཾཿལ་ལྡོག༔ ཤེས་རབ་སྟོང་དང་དགའ་བ་མཆོག༔ མངོན་གྱུར་མ་ཆགས་པདྨ་ཅན༔ རྡོ་རྗེ་འཛིན་རྒྱལ་བདེ་བ་ཆེ༔ ཡི་གེ་འཁོར་ལོ་ཚོགས་ཆེན་ས༔ ཡེ་ཤེས་བླ་མའི་ས་མཆོག ཐོབ༔ དོན་གཉིས་མཐར་ཕྱིན་རྡོ་རྗེ་འཛིན༔ ཀུན་བཟང་ཆོས་ཀྱི་སྐུ་ཐོབ་ཤོག༔ ཨ་ནུ་རཱ་ག་སརྦ་ཡ་མེ་སིདྡྷི་ཨ་བྷི་ཥིཉྩ་ཧཱུྃ༔ ཞེས་བརྗོད་དམིགས་མེད་རང་ངོ་བསྐྱངས༔ བཀྲ་ཤིས་སྨོན་ལམ་མཐུན་འགྱུར་གདབ༔ ཚོགས་ཀྱི་འཁོར་ལོ་རྒྱ་ཆེར་བསྐོར༔ དབང་འདི་ལན་གཅིག་ཐོབ་ནས་སླར༔ རྩ་རླུང་ཐིག་ལེའི་གནད་བསྣུན་ན༔ གནས་སྐབས་གཏུམ་མོའི་བདེ་དྲོད་འབར༔ ཟས་དང་སྐོམ་གྱི་གདུང་བ་ཆོད༔ གྲུབ་པ་བརྒྱད་ལ་མངའ་དབང་འབྱོར༔ མཐར་ཐུག་དགའ་དང་སྟོང་པ་ཡི༔ ཡེ་ཤེས་འོད་གསལ་ཐབས་ཤེས་རབ༔ སུམ་ཅུ་རྩ་གཉིས་མཐར་ཕྱིན་ཏེ༔ ཟུང་འཇུག་རྡོ་རྗེའི་སྐུ་ཐོབ་འགྱུར༔ ཐེ་ཚོམ་མེད་དོ་ས་མ་ཡ༔ བཀའ་འདི་གནོད་སྦྱིན་ཆེན་པོར་གཉེར༔ ལས་ལྡན་བུ་ལ་དར་རྒྱས་མཛོད༔ ལོག་ལྟ་ཅན་ལ་_UNK་རྒྱ༔ ས་མཡ༔ རྒྱ་རྒྱ་རྒྱ༔ རིག་འཛིན་ཆོས་ཉིད་ཀློང་རྡོལ་གྱིས། །རིག་པ་མི་འགྱུར་བྲག་ནས་བཏོན། །བདེ་བསྐྱེད་སུ་ཁ་བཛྲ་ངོར། །སྣང་ཆ་འགགས་མེད་ཤོག་བུར་བཀོད། །དོན་གཉིས་གསོས་སུ་འདི་འགྱུར་ཤོག། དགེའོ། །དགེའོ། །དགེའོ །ལེགས་སོ། །སརྦ་མངྒ་ལཾ། ལེགས་པར་ཞུས་སོ།། མ་ཨོཾཿ དག་སྣང་ཡེ་ཤེས་དྲྭ་བ་ལས༔ གཏུམ་མོའི་སྤྱན་འདྲེན་དབང་བྱིན་འབེབས་པ་བྱིན་རླབས་ཆར་འབེབས་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ མཾཀརྣརྣ དཔའ་བོ་དང་ནི་མཁའ་འགྲོ་མའི༔ གྲོང་ཁྱེར་མཆོག་ལ་ཕྱག་འཚལ་ལོ༔ མ་དག་ལས་ཀྱི་རྩ་ཐིག་རླུང་༔ དག་གསུམ་འཁོར་ལོར་སྦྱང་བའི་ཕྱིར༔ སྤྱན་འདྲེན་དང་ནི་བྱིན་འབེབས་ལ༔ ཧཱུྃ༔ ཨོ་རྒྱན་ཡུལ་གྱི་ནུབ་བྱང་མཚམས༔ དྷ་ན་ཀོ་ཤའི་མཚོ་གླིང་དུ༔༷ པདྨ་གེ་སར་སྡོང་པོ་ལ༔ ཡ་མཚན་མཆོག་གི་དངོས་གྲུབ་བརྙེས༔ པདྨ་འབྱུང་གནས་ཞེས་སུ་གྲགས༔ འཁོར་དུ་དཔའ་བོ་མཁའ་འགྲོ་དང་༔ རིག་འཛིན་བླ་མའི་ཚོགས་ཀྱིས་བསྐོར༔ བྱིན་གྱིས་བརླབ་ཕྱིར་གཤེགས་སུ་གསོལ༔ གནས་པ་རྩ་དང་གཡོ་བ་རླུང་༔ བཀོད་པ་བྱང་ཆུབ་སེམས་མཆོག་ལ༔ སྐུ་གསུམ་ཡེ་ཤེས་བྱིན་ཆེན་ཕོབ༔ དུར་ཁྲོད་ཆེན་པོའི་གནས་བརྒྱད་དུ༔ སྒྲུབ་སྡེ་བརྒྱད་ཀྱི་དངོས་གྲུབ་བརྙེས༔ གྲུབ་པའི་རིག་འཛིན་མཆོག་བརྒྱད་ལ༔ དཔའ་བོ་མཁའ་འགྲོའི་ཚོགས་ཀྱིས་བསྐོར༔ ཐུགས་རྗེའི་ཤུགས་ཀྱིས་གཤེགས་སུ་གསོལ༔ གནས་པ་རྩ་དང་གཡོ་བ་རླུང་༔ བཀོད་པ་བྱང་ཆུབ་སེམས་མཆོག་ལ༔ སྐུ་གསུམ་ཡེ་ཤེས་བྱིན་ཆེན་ཕོབ༔ རང་སྣང་དོན་གྱི་འོག་མིན་ནས༔ ཡེ་ཤེས་སྒྱུ་མའི་སྐུ་བརྙེས་པ༔ འབྲེལ་ཚད་ཐར་པའི་ཞིང་དུ་འདྲོངས༔ ས་ར་ཧ་པ་ལ་སོགས་པའི༔ གྲུབ་ཆེན་བརྒྱད་ཅུ་འཁོར་དང་བཅས༔ བྱིན་གྱིས་བརླབ་ཕྱིར་གཤེགས་སུ་གསོལ༔ གནས་པ་རྩ་དང་གཡོ་བ་རླུང་༔ བཀོད་པ་བྱང་ཆུབ་སེམས་མཆོག་ལ༔ སྐུ་གསུམ་ཡེ་ཤེས་བྱིན་ཆེན་ཕོབ༔ སྲིད་ལས་དབེན་པའི་གནས་མཆོག་ཏུ༔ གྲུབ་འབྲས་མངོན་གྱུར་རྫོགས་སངས་རྒྱས༔ སྤྲུལ་པའི་རྗེ་འབངས ཉི་ཤུ་ལྔ༔ འཁོར་དང་བཅས་པ་གཤེགས་སུ་གསོལ༔ གནས་པ་རྩ་དང་གཡོ་བ་རླུང་༔ བཀོད་པ་བྱང་ཆུབ་སེམས་མཆོག་ལ༔ སྐུ་གསུམ་ཡེ་ཤེས་བྱིན་ཆེན་ཕོབ༔ གཙུག་ཏོར་ཡེ་ཤེས་འཁོར་ལོ་རུ༔ གང་འདུལ་ཐབས་ཀྱིས་གདུལ་བྱ་འདུལ༔ རྩ་བརྒྱུད་རིག་འཛིན་བླ་མའི་ཚོགས༔ བྱིན་གྱིས་བརླབ་ཕྱིར་གཤེགས་སུ་གསོལ༔ གནས་པ་རྩ་དང་གཡོ་བ་རླུང་༔ བཀོད་པ་བྱང་ཆུབ་སེམས་མཆོག་ལ༔ སྐུ་གསུམ་ཡེ་ཤེས་བྱིན་ཆེན་ཕོབ༔ རྡོ་རྗེ་ཕུང་པོའི་གྲོང་ཁྱེར་ནས༔ ཞི་ཁྲོ་རྡོ་རྗེ་དབྱིངས་ཀྱི་ལྷ༔ སྒྱུ་འཕྲུལ་རོལ་པའི་འཁོར་དང་བཅས༔ བྱིན་གྱིས་བརླབ་ཕྱིར་གཤེགས་སུ་གསོལ༔ གནས་པ་རྩ་དང་གཡོ་བ་རླུང་༔ བཀོད་པ་བྱང་ཆུབ་སེམས་མཆོག་ལ༔ སྐུ་གསུམ་ཡེ་ཤེས་བྱིན་ཆེན་ཕོབ༔ གུ་རུ་ངྷེ་ཝ་ཌཱ་ཀི་ནཱི་སརྦ་ས་མ་ཡ་ཛ་ཛཿ ཨོཾཿ ཨ་བེ་ཤ་ཡ་ཨ་ཨཱཿ བྱིན་རླབས་ཡེ་ཤེས་རླུང་མཆོག་གིས༔ ལུས་ཀྱི་རྩ་མདུད་ཡོངས་གྲོལ་ནས༔ སྤྲུལ་པའི་སྐུ་རུ་སྨིན་གྲོལ་ཤོག༔ གཏུམ་མོ་ཡེ་ཤེས་མེ་20 ཉིད་ཀྱིས༔ སྒྲིབ་གཉིས་བག་ཆགས་ཀུན་གཞོམ་སྟེ༔ ཡེ་ཤེས་རང་ཞལ་མངོན་གྱུར་ནས༔ ལོངས་སྤྱོད་རྫོགས་སྐུར་སྨིན་གྲོལ་ཤོག༔ བདེ་སྟོང་ཡེ་ཤེས་བདུད་རྩི་ཡིས༔ དཔའ་བོ་མཁའ་འགྲོ་ཡོངས་མཉེས་ཤིང་༔ ཐིག་ལེ་དག་པ་ཆོས་སྐུར་སྨིན༔ གྲུབ་པ་བརྒྱད་ལ་དབང་འབྱོར་ཏེ༔ ཡེ་ཤེས་སྒྱུ་མའི་སྐུ་ཐོབ་ཤོག༔ ས་མ་ཡ༔ རྒྱ་རྒྱ་རྒྱ༔ གུ་ཧྱ༔ ཞེས་ཁྲག་འཐུང་བདུད་འཇོམས་རྡོ་རྗེས་དག་སྣང་ཡེ་ཤེས་དྲྭ་བ་ལས་བསྒྱུར་བའོ། །དགེའོ། །དགེའོ། །དགེའོ། །ལེགས་སོ། །སརྦ་མངྒ་ལཾ།། །། འ T1615 - 203 T11615 - 204 ཨོཾ༔ གསོལ་འདེབས་དངོས་གྲུབ་ཆར་འབེབས་ཡིག་མེད་ཨུ་པ་དེ་ཤ་ནི༔ ན་མོ་གུ་རུ༔ མོས་གུས་དྲག་པོས་རྒྱུད་སྦྱངས་ཏེ༔ རིམ་བཞིན་ཡིད་ལ་དྲན་བྱས་ནས༔ འདི་ལྟར་བརྗོད་པས་བྱིན་རླབས་འཇུག༔ ཨེ་མ་ཧོཿ ཆོས་སྐུ་དབྱིངས་ཀྱི་ཡུམ་ཆེན་ཀུན་ཏུ་བཟང་མོ་ལ་གསོལ་བ་རང་འདེབས་སོ༔ ཚེ་དང་ཡེ་ཤེས་གཉིས་ཀྱི་དངོས་གྲུབ་མྱུར་བ་ཉིད་དུ་རང་སྩོལ་ཅིག༔ ཡེ་ཤེས་སྒྱུ་མའི་སྐུ་མཆོག་གཞོན་ནུ་བུམ་པའི་སྐུ་རུ་བྱིན་གྱིས་རང་རློབས་ཤིག༔ ལོངས་སྐུ་མཁའ་སྤྱོད་དབང་མོ་གསང་བ་ཡེ་ཤེས་ལ༔ ཚེ་དང་༔ ཡེ་ཤེས སྤྲུལ་སྐུ་རྡོ་རྗེ་རྣལ་འབྱོར་མ་ཅིག་ཁྲོས་མ་ནག མོ་ལ༴ ཚེ་དང་ཡེ་ཤེས་རྒྱལ་བ་དགོངས་བརྒྱུད་བླ་མ་ཡོངས་རྫོགས་མཁའ་འགྲོའི་དཀྱིལ་འཁོར་ལ༴ ཚེ་དང་༔ ཡེ་ཤེས་རིག་འཛིན་བརྡ་བརྒྱུད་བླ་མ་ཡོངས་རྫོགས་མཁའ་འགྲོའི་དཀྱིལ་འཁོར་ལ༴ ཚེ་དང་ཿ ཡེ་ཤེས་གང་ཟག་སྙན་བརྒྱུད་བླ་མ་ཡོངས་རྫོགས་མཁའ་འགྲོའི་དཀྱིལ་འཁོར་ལ༴ ཚེ་དང་༔ ཡེ་ཤེས་ཐུགས་རྗེ་བཀའ་དྲིན་འདོར་མེད་རྩ་བའི་བླ་མ་མཆོག་ལ་༔ ཚེ་དང་ཡེ་ཤེས་གཉིས་ཀྱི་དངོས་གྲུབ་མྱུར་བ་ཉིད་དུ་རང་སྩོལ་ཅིག༔ ཡེ་ཤེས་སྒྱུ་མའི་སྐུ་མཆོག་གཞོན་ནུ་བུམ་པའི་སྐུ་རུ་བྱིན་གྱིས་རང་རློབས་ཤིག༔ ཟས་གོས་ སྲེད་པ་ཆོད་པ་དཀའ་ཐུབ་ཀྱི་དངོས་གྲུབ༔ རིང་པོར་མི་ཐོགས་ད་ལྟ་མྱུར་བ་ཉིད་དུ་སྩོལ་ཞིག༔ འཕོ་མེད་ཕྱག་རྒྱ་ཆེན་པོ་མཆོག་གི་དངོས་གྲུབ༔ མི་འགྱང་ད་ལྟ་ཉིད་དུ་སྩོལ་བར་རང་མཛོད་ཅིག༔ ལུས་སེམས་འབྲལ་མེད་མཁའ་སྤྱོད་བདེ་ཆེན་གྱི་གླིང་དུ༔ མངོན་སུམ་བྱོན་ནས་ལག་པའི་སོར་མོ་ནས་བཟུང་སྟེ༔ དབྱིངས་སུ་དྲོངས་ཤིག་ཡེ་ཤེས་མཁའ་འགྲོ་ཁྱེད་མཁྱེན་ནོ༔ ཞེས་ལན་བདུན་ནམ་ཉེར་གཅིག་ཏུ་བརྗོད་ཅིང་འབྱུང་ལྔའི་ཟས་སུ་སྤྱོད་པའི་རྣལ་འབྱོར་ལ་འཇུག་གོ༔ ས་མ་ཡ༔ རྒྱ་རྒྱ་རྒྱ༔ ཞེས་པ་འདི་ཡང་རིག་འཛིན་བདུད་འཇོམས་རྡོ་རྗེས་གཏན་ལ་ཕབ་པའི་ཡི་གེ་པ་ནི་ངག་དབང་ཕྲིན་ལས་སོ།། དགེའོ། །ལེགས་སོ། །སརྦ་མངྒ་ལཾ།། །། དེ་ནས་བཟའ་བཏུང་རྣམས་བྱིན་རླབས་ནི༔ ཡི་དམ་གང་ཡིན་སྔགས་ཀྱི་མཐར༔ ཨོཾ་ཨ་མྲྀ་ཏ་ཧཱུྃ་ཕཊ་སྭཱ་ཧཱ༔ མ་T11615 - 206 ཨོཾཿ དག་སྣང་ཡེ་ཤེས་དྲྭ་བ་ལས༔ འཆི་མེད་ཚེ་ཡི་བཅུད་ལེན་དངོས་གྲུབ་གཏེར་གྱི་འབྱུང་གནས་བཞུགས༔ ན་མོ་གུ་རུ་པདྨ་ཀ་ར་ཡེ༔ ༡གགགབྷམ༔ ཚེ་ཡི་བཅུད་ལེན་དངོས་གྲུབ་འབྱུང་གནས་འདི༔ མ་འོངས་རྩོད་ལྡན་དུས་ཀྱི་སྙིགས་མའི་ཚེ༔ པདྨ་བདག་གི་བརྒྱུད་འཛིན་དོན་དུ་གདམས༔ དང་པོ་གནས་ལ་རྐྱེན་མེད་དབེན་པའི་སར༔ ཕྱིན་ནས་གནས་དང་ས་ཡི་བདག་པོ་ལ༔ གཏོར་མ་བཏང་སྟེ་མཐུན་རྐྱེན་གྲོགས་སུ་བཅོལ༔ བར་ཆད་བགེགས་ལ་གླུད་དང་འབྲས་ཆན་བཏང་༔ ལྷར་གསལ་བགེགས་བསྐྲད་སྲུང་བའི་འཁོར་ལོ་བསྒོམ༔ དེ་ནས་དངོས་གཞི་ལ་འཇུག་པ་ནི༔ དང་པོ་སྟན་བདེ་བ་ལ་སྐྱིལ་མོ་ཀྲུང་བཅས་ནས་དུག་གསུམ་གྱི་ལས་རླུང་ལན་དགུར་ཕྱིར་བསལ་ཏེ༔ བླ་མ་སྤྱི་བོར་བསྒོམ་སྟེ་གསོལ་འདེབས་ཅི་མང་བརྗོད༔ མཐར་བླ་མ་འོད་དུ་ཞུ་ནས་རང་ལ་ཐིམ་པས་ནད་གདོན་སྡིག་སྒྲིབ་བག་ཆགས་ཐམས་ཅད་འོད་ནག་པོའི་རྣམ་པར་ཕྱིའི་ནམ་མཁའ་ལ་ཐིམ་པར་བསམ༔ དེ་ནས་པདྨ་དང་ཟླ་བའི་གདན་ལ་རང་ཉིད་མགོན་པོ་ཚེ་དཔག་ཏུ་མེད་པ་སྐུ་མདོག་པདྨ་རཱ་ག་ལྟར་དམར་ཞིང་མཚན་དང་དཔེ་བྱད་ཀྱིས་སྤྲས་པ་ཞབས་གཉིས་རྡོ་རྗེ་སྐྱིལ་མོ་ཀྲུང་གིས་བཞུགས་ ཤིང་ཕྱག་གཉིས་མཉམ་བཞག་གི་སྟེང་དུ་ཚེ་ཡི་བུམ་པ་བསྣམས་པ་ལོངས་སྤྱོད་རྫོགས་སྐུའི་ཆས་ཐམས་ཅད་རྫོགས་ཤིང་འཇའ་ཚོན་འོད་ལྔའི་ཀློང་དུ་འཇའ་ལུས་སྒྱུ་མའི་སྐུར་བསྒོམ་པའི་གནས་གསུམ་རྡོ་རྗེའི་སྙིང་པོ་ལས་འོད་འཕྲོས་ཏེ་དུས་གསུམ་གྱི་རྒྱལ་བ་སྲས་དང་བཅས་པ་ཐམས་ཅད་མགོན་པོ་ཚེ་དཔག་མེད་ཀྱི་རྣམ་པར་རྒྱ་མཚོ་ལ་ཁ་ཆར་བབ་པ་ལྟར་བདག་དམ་ཚིག་སེམས་དཔའ་ལ་ཐིམ་པས་སྒོ་གསུམ་རྡོ་རྗེ་གསུམ་གྱི་རོལ་པར་འཕོས་ཤིང་སྨིན་པར་བསམ༔ དེ་ནས་ཁམས་གསུམ་གྱི་ནམ་མཁའ་ཐམས་ཅད་སྔོ་མེ་རེ་རེ་རང་གི་ཁ་ནས་ཞུགས་ཏེ་ལུས་ཐམས་ཅད་སྔོ་མེར་གྱིས་གང་བར་བསམ་ལ༔ རླུང་ཁམས་བརྒྱའམ་སྟོང་ལ་སོགས་པ་བཟའ་བ་ལག་ལེན་ནོ༔ ནངས་པར་བཏུང་བ་ཕོར་པ་གང་ཙམ་དང་ཉིན་གུང་དང་དགུང་མོ་དེ་བཞིན་དུ་བཏུང་བ་དང་༔༷ བཟའ་བ་ཉིན་གུང་ཞུན་མར་གྱི་རིལ་བུའམ་ཟན་གྱི་རིལ་བུ་སྣུམ་ཚོམ་བྱས་པ་དྲོད་མ་ཡལ་བ་བདུན་ཟ༔ བཟའ་བཏུང་རིམ་བཞིན་ཚད་དང་བསྟུན་ལ་ཇེ་ཉུང་དུ་བྱ༔ སྐོམ་ཚད་བྱུང་དུས་མདུན་གྱི་ནམ་མཁར་ཚེ་དཔག་མེད་སྔར་ལྟར་གསལ་བའི་གདན་ཟླ་བའི་དཀྱིལ་འཁོར་དང་ཚོམ་བུའི་ནང་ནས་བདུད་རྩི་སྐྱ་མེར་མེར་བྱུང་སྟེ་རང་གི་ཁ་ནས་ཞུགས་ཏེ་ལུས་ཀྱི་ནང་ཐམས་ ཨོཾཿ ཅད་སྐྱ་མེར་གྱིས་གང་ནས་བ་སྤུའི་བུ་ག་ཐམས་ཅད་ནས་ཟིལ་པ་ཁྲོམ་མེ་ཡོད་པར་བསྒོམ་ཞིང་༔ ཧུབ་འདེབས་ཀྱི་ཚུལ་དུ་སྐོམ་གདུང་མ་ཞི་བར་དུ་བཏུང་༔ རྒྱུན་དུ་ཕོ་བའི་རླུང་མི་དོར་བ་གནད་དུ་ཤེས་པར་བྱའོ༔ སྨྲ་བརྗོད་མང་ན་རླུང་གི་གནད་འཆོལ་སྲིད་པས་ཉུང་ངུ་ལ་བསླབ༔ མཚན་མོ་ཡང་རླུང་གི་གནད་མི་དོར་བའི་ཕྱིར་ཙོག་པུར་སྡོད་པ་ཡིན༔ བཟའ་བཏུང་མང་དྲག་ན་རླུང་གནད་དུ་མི་ཆུན་པ་དང་སྣོད་མེད་དུ་འགྲོ་བས་ཅུང་ཟད་ཙམ་ལ་བསྟེན༔ བཟའ་བཏུང་ཅུང་ཟད་ཙམ་ལ་མ་བསྟེན་ན་ལས་དང་པོ་པས་བློ་སུན་ནས་ཡུན་རིང་དུ་སྦྱངས་མི་ནུས་པའི་སྐྱོན་ཡོད་དེ་བཟའ་བཏུང་གི་ཉེར་ལེན་ཇེ་ཆུང་དུ་སོང་ཚེ་ཟས་ཀྱང་དེ་ལྟར་ཇེ་ཉུང་བྱ་བ་ལག་ལེན་ནོ༔ མཐར་ཟས་གོས་གཉིས་ཀ་རླུང་གཅིག་པུ་ལས་མི་དགོས་པའི་དུས་འབྱུང་བ་ནི་སྦྱངས་པའི་ཡོན་ཏན་མངོན་དུ་གྱུར་པ་ཡིན་ནོ༔ འདི་ཡི་ཡོན་ཏན་ནི་ཚེ་རིང་ཞིང་ནད་མེད་པ་དང་༔ ཐུན་མོང་གི་དངོས་གྲུབ་གྲུབ་པ་བརྒྱད་ལ་མངའ་བརྙེས་པ་འབྱུང་ཞིང་༔ མཆོག་གི་དངོས་གྲུབ་རྩ་ཐིག་རླུང་གསུམ་གནས་སུ་དག་ཅིང་ཡོན་ཏན་གྱི་སྒོ་བསམ་གྱིས་མི་ཁྱབ་པ་མངོན་དུ་གྱུར་ཏེ་མི་སློབ་པའི་འབྲས་བུ་ཐོབ་པར་འགྱུར་རོ༔ ས་མ་ཡ༔ རྒྱ་རྒྱ་རྒྱ༔ ༔ ཞེས་པ་འདི་རང་སློབ་དམ་པ་ མཁྱེན་རབ་རྒྱ་མཚོས་ནན་དུ་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་དག་སྣང་ཡེ་ཤེས་དྲྭ་བ་ལས་བསྒྱུར་བའོ། །དགེའོ །དགེའོ །དགེའོ། །། བདུད་འཇོམས་ཟབ་གཏེར་T1615 - 210 བདུད་འཇོམས་ཟབ་གཏེར་T1615 - 210 ཨོཾཿ དག་སྣང་ཡེ་ཤེས་དྲྭ་བ་ལས༔ སྨན་བླའི་བསྒོམ་བཟླས་བདེ་ཆེན་ལམ་བྱེད་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ བདེ་གཤེགས་ལམ་དུ་བྱེད་པའི་ཐབས༔ ཧཱུྃ༔ གནས་ལུགས་མ་བཅོས་སྤྲོས་མཐའ་བྲལ༔ གཞིར་གནས་བདེ་ཆེན་སྨན་གྱི་བླ༔ མཐིང་ནག་ཞི་འཛུམ་འོད་ཕུང་འབར༔ ཕྱག་གཡས་མཆོག་སྦྱིན་སྨན་རྒྱལ་དང་༔ གཡོན་པས་མཉམ་བཞག་ལྷུང་བཟེད བསྣམས༔ མཚན་དཔེ་རབ་རྫོགས་སྤྲུལ་སྐུའི་ཆས༔ པད་ཟླའི་གདན་ལ་སྐྱིལ་ཀྲུང་བཞུགས༔ ཐུགས་ཀར་པདྨ་ཟླ་གདན་ལ༔ ཧཱུྃ་ཡིག་མཐའ་མར་སྔགས་ཀྱིས་བསྐོར༔ བཟླས་པས་འཁོར་བ་དོང་སྤྲུགས་བསམ༔ ཨོཾ་ན་མོ་བྷ་ག་ཝ་ཏེ་བྷེ་ཥ་ཛྱེ་སོགས་མཚན་བརྗོད་ལ༔ ན་མོ༔ ཀུན་ཁྱབ་ཀུན་མཁྱེན་ཀུན་ཏུ་གཟིགས༔ སྡུག་བསྔལ་ནད་སེལ་སྨན་གྱི་བླ༔ སྐུ་དང་ཡེ་ཤེས ཡོན་ཏན་གཏེར༔ ཡོངས་རྫོགས་དཔལ་ལ་འདུད་ཅིང་བསྟོད༔ འདི་ལྟར་བསྒོམ་དང་བཟླས་བརྗོད་ན༔ རྣམ་མཁྱེན་ལམ་ལ་ཉེ་བར་འགྱུར༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་རང་སློབ་འཇམ་དཔལ་གྱིས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་གཏན་ལ་ཕབ་པའོ། །དགེའོ།། ། T11615 - 212 ཨོཾཿ རྩ་གསུམ་སྤྱིའི་བསྐང་བ་ཤིན་ཏུ་བསྡུས་པ་བཞུགས་སོ༔ ཨོཾ་ཨཱཿཧཱུྃ༔ བརྒྱུད་པ་དགུ་ལྡན་བླ་མ་དམ་པ་དང་༔ རྒྱུད་སྡེ་བཞི་དྲུག་ཐེག་དགུར་འབྲེལ་བ་ཡི༔ ཡི་དམ་ཞི་ཁྲོ་བཀའ་དགོངས་ཕུར་གསུམ་དང་༔ གནས་ཡུལ་དུར་ཁྲོད་ལ་གནས་དཔའ་བོ་དང་༔ མ་མོ་མཁའ་འགྲོ་ཤ་ཟ་ཤུགས་འགྲོ་དང་༔ བཀའ་སྲུང་དམ་ཅན་རྒྱ་མཚོ་བཅས་རྣམས་ཀྱི༔ ཐུགས་དམ་བསྐང་ཞིང་ཉམས་ཆག་འགལ་འཁྲུལ་བཤགས༔ བདག་ཅག་ཚོགས་རྫོགས་སྒྲིབ་དག་ཚེ་འདི་ལ༔ གདོད་མའི་གཞི་ལ་འོད་སྐུར་གྲོལ་བར་ཤོག༔ ཅེས་པ་ཚེས་བཅུ་སོགས་བསྐང་ཚོགས་བརྒྱ་རྩ་བཏང་བའི་སྐབས་སུ་ཉེར་མཁོའི་ཆེད་དུ་ཕན་སེམས་ཀྱིས་སྒྱུ་མའི་རྣལ་འབྱོར་ཆོས་རྒྱལ་བདུད་འཇོམས་རྡོ་རྗེས་མཛད་པ་དགེའོ། །མངྒ་ལཾ། །། 209 T11615 - 214 ཨོཾ༔ དག་སྣང་ལས༔ ཀུ་སུ་ལའི་ཚོགས་བསགས་དངོས་གྲུབ་བང་མཛོད་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ སྐྱབས་འགྲོ་སེམས་བསྐྱེད་སྔོན་སོང་མཐར༔ ཕཊ༔ རང་རིག་ཡེ་ཤེས་ཁྲོས་མ་གྲི་ཐོད་ཅན༔ ཕྱག་གཡས་གྲི་གུག་བེམ་པོར་ཚད་ཙམ་གྱིས༔ ཤ་རི་ཁྲག་མཚོ་རུས་པའི་གྲམ་ཁྲོད་བརྡལ༔ འདོད་ཡོན་མི་ཟད་ནམ་མཁའ་མཛོད་དུ་སྤེལ༔ ཕཊ་ཕཊ་ཕཊ༔ དཀོན་མཆོག་སྲི ཞུའི་མགྲོན་གྱུར་ཐམས་ཅད་དང་༔ མགོན་པོ་ཡོན་ཏན་མགྲོན་རྣམས་ཀུན་ལ་མཆོད༔ འགྲོ་བ་རིགས་དྲུག་བར་དོའི་སེམས་ཅན་དང་༔ བགེགས་རིགས་ལན་ཆགས་མགྲོན་རྣམས་ཐམས་ཅད མཆོད༔ ཚོགས་རྫོགས་སྒྲིབ་དག་བུ་ལོན་ལན་ཆགས་སྦྱངས༔ ཐམས་ཅད་གཞོན་ནུ་བུམ་སྐུར་སངས་རྒྱས་ཤོག༔ འཁོར་གསུམ་དམིགས་མེད་དབྱིངས་སུ་འབྱམས་ཀླས་སོ༔ ཨ་ཨ་ཨཿཕཊ༔ ཕྱིན་དྲུག་ལམ་བཟང་གཅིག་ཆར་དུ༔ རྫོགས་པའི་མན་ངག་གཅེས་འཛིན་གྱི༔ ཕུང་པོ་ཚོགས་སུ་འགྱེད་པའི་ལམ༔ བརྒྱུད་འཛིན་བུ་ཡི་ཉམས་སུ་ལོངས༔ གནས་སྐབས་རྐྱེན་སྣང་ཀུན་བྱང་ཞིང་༔ མཐར་ཐུག་ཚོགས་གཉིས་རྫོགས་པའི་འབྲས༔ ཡུམ་ཆེན་རྒྱལ་བའི་གོ་འཕང་ཐོབ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཨྠི༔ ཞེས་པ་འདི་ཉིད་ཉེར་མཁོའི་ཆེད་དུ་རིག་འཛིན་བདུད་འཇོམས་རྡོ་རྗེས་དག་སྣང་ལས་བསྒྱུར་བའི་ཡི་གེ་པ་ནི་རྣལ་འབྱོར་ཤཱི་ལ་བཛྲ་གྱིས་བགྱིས་པའོ། །དགེའོ། །དགེའོ། །དགེའོ།། །། 1615 - 215 T1615 - 216 ཨོཾཿ དག་སྣང་ཡེ་ཤེས་དྲྭ་བ་ལས༔ ལས་བུམ་སྒྲུབ་པའི་ཆོ་ག་བཞུགས་སོ༔ ན་མོ་གུ་རུ་