Tibetan
འཁོར་ཡོངས་རྫོགས་ལྷ་ལ་ཕྱག་འཚལ་བསྟོད༔ དེ་ནས་འཛབ་དམིགས་ནི༔ ཧཱུྃ༔ རང་ཉིད་རྗེ་བཙུན་སྒྲོལ་མ་ཡི༔ ཐུགས་ཀར་པདྨ་ཟླ་གདན་ལ༔ ཀུན་ཏུ་བཟང་མོ་མཐིང་གསལ་མཛེས༔ སྐྱིལ་ཀྲུང་མཉམ་བཞག་འོད་ཕུང་འབར༔ ཐུགས་ཀར་ཉི་ཟླའི་གྭའུ་རུ༔ ཏྲཾཿཡིག་ལྗང་གུའི་མཐའ་བསྐོར་དུ༔ སྔགས་ཕྲེང་གཡོན་དུ་འཁོར་བ་ལས༔ འོད་འཕྲོས་ཕྱོགས་བཅུའི་རྒྱལ་དང་སྲས༔ མ་ལུས་འོད་ཀྱི་རྣམ་པ་རུ༔ སྤྱན་དྲངས་ཐུགས་སྲོག་ལ་ཐིམ་པས༔ བྱིན་རླབས་གཟི་བརྗིད་འབར་བར་བསྒོམ༔ ཨོཾ་ཏཱ་རེ་ཏུཏྟ་རེ་ཏུ་རེ་སྭ་ཧཱ༔ དེ་ནས་སྒྲུབ་པ་བྱ་བ་ལ༔ ཧཱུྃ༔ རང་ཉིད་རྗེ་བཙུན་སྒྲོལ་མ་ཡི༔ ཐུགས་སྲོག་ཏཱྃཿ ལས་འོད་འཕྲོས་པས༔ དཀོན་མཆོག་གསུམ་དང་རྩ་བ་གསུམ༔ སྐུ་གསུམ་ཞིང་ཁམས་རྟེན་བརྟེན་པ༔ འོད་ལྔའི་སྤྲིན་ཕུང་ལྟ་བུ་ཡི༔ རྣམ་པར་བསྡུས་ཏེ་རང་ལ་བསྟིམ༔ བརྟན་གཡོའི་སྣང་བ གནས་འགྱུར་ཏེ༔ དཀྱིལ་འཁོར་གསུམ་གྱི་རོལ་པར་གྱུར༔ ཨོཾ་ཏཱ་རེ་ཏུཏྟ་རེ་ཏུ་རེ་སྭཱ་ཧཱ༔ དེ་ནས་ལས་ལ་སྦྱོར་བ་ནི༔ ཧཱུྃ༔ རང་ཉིད་ལྷར་གསལ་ཐུགས་ཀ་ནས༔ འོད་དང་འོད་ཟེར་རབ ཨོཾཿ འཕྲོས་པས༔ རྒྱལ་བ་སྲས་དང་བཅས་པ་རྣམས༔ འོད་ཀྱི་རྣམ་པར་སྤྱན་དྲངས་ཏེ༔ བདག་གི་སྙིང་གར་ཐིམ་པ་ལས༔ ནད་གདོན་སྡིག་སྒྲིབ་ཀུན་ཞི་ཞིང་༔ ཚེ་བསོད་དཔལ་འབྱོར་ཡོན་ཏན་རྒྱས༔ འཁོར་འདས་མ་ལུས་དབང་དུ་བསྡུས༔ དགྲ་བགེགས་ལོག་འདྲེན་ཐམས་ཅད་བསྒྲལ༔ དོན་གཉིས་ལྷུན་གྲུབ་དཔལ་ཐོབ་བསམ༔ ཨོཾ་ཏཱ་རེ་ཏུཏྟ་རེ་ཏུ་རེ་སྭཱ་ཧཱ༔ བསྙེན་པ་འབུམ་ཕྲག་ཉེར་གཅིག་དང་༔ སྒྲུབ་པ་འབུམ་བཅུ་ལས་སྔགས་ལྔ༔ ཤེས་པ་གཞན་དུ་མ་ཡེངས་པར༔ བཟླས་པས་མཆོག་གི་དངོས་གྲུབ་ཐོབ༔ དེ་ནས་ཉམས་ཆག་བསྐང་བ་དང་༔ ཚོགས་གཉིས་རྫོགས་ཕྱིར་ཚོགས་མཆོད་ནི༔ འབྱོར་ཚོགས་འདོད་ཡོན་ཅི་རིགས་པས༔ ཁམས་གསུམ་སྣང་ཞིང་སྲིད་པའི་ཆོས༔ བྱིན་རླབས་ཟག་མེད་བདུད་རྩི་ཡིས༔ རྡོ་རྗེ་གསུམ་གྱི་དབྱིངས་ཀུན་ཁྱབ༔ གཞན་ཡང་འདོད་པའི་ལོངས་སྤྱོད་དཔལ༔ ནམ་མཁའ་མཛོད་དུ་མངའ་དབང་བསྒྱུར༔ ཨོཾ་ཨཱཿཧཱུྃ༔ བདག་མེད་རྟོགས་པའི་ཤེས་རབ་ཀྱིས༔ གཟུང་དང་འཛིན་པའི་རྣམ་རྟོག་སྦྱངས༔ ཆོས་ཉིད་ནམ་མཁའ་མཛོད་ཀྱི་འཕྲུལ༔ འདོད་ཡོན་མི་ཟད་གཏེར་དུ་ཤར༔ ཨོཾ་ཨཱཿཧཱུྃ༔ ལན་གསུམ༔ དེ་ནས་སྤྱན་འདྲེན་པ་ནི༔ ཧཱུྃ༔ རང་སྣང་དོན་གྱི་འོག་མིན་ནས༔ རྩ་བརྒྱུད་བླ་མ་གཤེགས་སུ་གསོལ༔ སྐྱེ་མེད་ཆོས་སྐུའི་གཞལ་ཡས་ནས༔ ཀུན་ཏུ་བཟང་མོ་ གཤེགས་སུ་གསོལ༔ ལྷུན་གྲུབ་བདེ་ཆེན་གཞལ་ཡས་ནས༔ རིགས་ལྔའི་ལྷ་མོ་གཤེགས་སུ་གསོལ༔ ཕྱོགས་མེད་ཐུགས་རྗེའི་གཞལ་ཡས་ནས༔ རྒྱལ་ཡུམ་འཕགས་མ་སྒྲོལ་མ་དང་༔ སྤྲུལ་པའི་ལྷ་མོ་ཉེར་གཅིག་བཅས༔ དད་དང་དམ་ཚིག་རྒྱུད་བསྐུལ་ལོ༔ ཚོགས་ལ་སྤྱན་འདྲེན་གཤེགས་སུ་གསོལ༔ སྒྲུབ་པའི་གནས་མཆོག་དམ་པ་འདི༔ འོག་མིན་ཞིང་དུ་བྱིན་གྱིས་རློབས༔ སྒྲུབ་མཆོག་རྣལ་འབྱོར་ཕོ་མོ་རྣམས༔ དཔའ་བོ་མཁའ་འགྲོར་བྱིན་གྱིས་རློབས༔ སྒྲུབ་ཁང་གཞལ་ཡས་མཛེས་པ་རུ༔ བྱིན་གྱིས་རློབས་ཤིག་རྗེ་བཙུན་མ༔ དུས་ལ་བབ་པོ་ས་མ་ཡ༔ ན་མོ་ཨཱཪྻ་ཏཱ་རེ་སརྦ་ས་པ་རི་ཝཱ་ར་བཛྲ་ས་མ་ཡ་ཛ་ཛཿ དེ་ནས་ཚོགས་མཆོད་འབུལ་བ་ནི༔ ཧཱུྃ༔ ཟག་མེད་བདེ་སྟོང་བདུད་རྩི་དང་༔ ཞལ་ཟས་རོ་བརྒྱའི་ཚོགས་མཆོད་འདི༔ རྩ་བརྒྱུད་རིག་འཛིན་བླ་མ་དང་༔ རྗེ་བཙུན་འཕགས་མ་སྒྲོལ་མ་དང་༔ སྤྲུལ་པ་སྒྱུ་འཕྲུལ་དཀྱིལ་འཁོར་ལ༔ ཚོགས་གཉིས་རྫོགས་ཕྱིར་འབུལ་གྱིས་བཞེས༔ ན་མོ་ཨཱཪྻ་ཏཱ་རེ་སརྦ་ས་པ རི་ཝཱ་ར་པཉྩ་ཨ་མྲྀ་ཏ་ཁཱ་ཧི༔ ག་ཎ་ཙཀྲ་ལ་ཁཱ་ཧིཿ དེ་ནས་བཤགས་པ་བྱ་བ་ནི༔ ཧཱུྃ༔ བདག་གིས་ཚེ་རབས་ཐམས་ཅད་དུ༔ སྒོ་གསུམ་བག་མེད་དབང་གྱུར་ཏེ༔ ཉམས་ཆག་འགལ་འཁྲུལ ཨོཾ༔ ཉེས་ལྟུང་ཀུན༔ ཞལ་ཟས་ཚོགས་ཀྱིས་བསྐང་ཞིང་བཤགས༔ ཨོཾ་ག་ཎ་ཙཀྲ་སཏྭ་ས་མ་ཡ་སོགས་སཏྭ་ཨཱཿ དེ་ནས་བསྒྲལ་བ་ལ༔ ཧཱུྃ༔ མ་རིག་ལས་ཉོན གཟུང་འཛིན་གྱིས༔ རྒྱུ་རྐྱེན་རྟེན་འབྲེལ་ཚོགས་པའི་བགེགས༔ བདག་མེད་ཤེས་རབ་སྟོབས་ཀྱིས་བསྒྲལ༔ ཡུལ་མེད་ཟང་ཐལ་ངང་དུ་བསད༔ མ་ཏྲཾ་རཱུ་ཏྲ་པྲ་ཝེ་ཤ་ཡ་ཕཊ༔ དེ་ནས་བསྟབས་པ་ནི༔ ཧཱུྃ༔ ཉོན་མོངས་དུག་ལྔ་དུག་གསུམ་དང་༔ རྒྱུ་རྐྱེན་འབྲེལ་བའི་དགྲ་དང་བགེགས༔ མཉམ་པ་ཉིད་ཀྱི་ཞལ་དུ་བསྟབས༔ ཡེ་ཤེས་ཆེན་པོར་རྫོགས་སངས་རྒྱས༔ རཱུ་ཏྲ་ཧ་ལ་པཉྩ་པཱུ་ཛ་ཁཱ་ཧི༔ དེ་ནས་ལྷག་མ་ནི༔ ཧཱུྃ༔ ལྷག་ལ་དབང་བའི་ལྷག་སྐྱོང་ཚོགས༔ དབང་ཕྱུག་འབར་མ་གིང་ལང་ཀ༔ དཀྱིལ་འཁོར་གཉན་པོའི་མཐའ་སྐྱོང་ཞིང་༔ ལེགས་ཉེས་གཉིས་ཀྱི་སྟངས་འཛིན་རྣམས༔ ལྷག་མའི་ཞལ་ཆབ་གཏོར་མ་ལོངས༔ རབ་འབྱམས་ཕྲིན་ལས་ཡོངས་འགྲུབ་མཛོད༔ ས་མ་ཡ་ཨུཙྪིཥྚ་བ་ལིཾ་ཏ་ཁཱ་ཧི༔ དེ་ནས་བསྐུལ་བ་ནི༔ ཧཱུྃ༔ རྗེ་བཙུན་འཕགས་མ་སྒྲོལ་མ་དང་༔ ཕྱོགས་བཅུའི་རྒྱལ་བ་སྲས་བཅས་རྣམས༔ ཆོས་ཀྱི་དབྱིངས་ལས་སྐུར་བཞེངས་ལ༔ ལོག་པར་འདྲེན་པའི་དགྲ་བགེགས་སྒྲོལ༔ དུས་ལ་བབ་པོ་ས་ མ་ཡ༔ དེ་ནས་ཆད་མདོ་བཏང་བ་ལ༔ ཧཱུྃ༔ རྒྱལ་བའི་བཀའ་གསང་གཉན་པོ་ཡི༔ བསྟན་པ་བསྲུང་བར་རང་དམ་བཅས༔ བརྒྱུད་འཛིན་ཐར་པའི་ལམ་ལ་གཟུད༔ བསྟན་དགྲའི་སྲོག་ལ གཟས་པ་ཡི༔ ཆད་མདོ་དམ་ཅན་སྲུང་མ་རྣམས༔ དམར་གྱི་གཏོར་མ་འདི་བཞེས་ལ༔ ཕྲིན་ལས་རབ་འབྱམས་ཡོངས་གྲུབ་མཛོད༔ སརྦ་དྷརྨ་པཱ་ལ༔ ཀྵེ་ཊ་པཱ་ལ༔ ལོ་ཀ་པཱ་ལ་ཨེ དམ་བ་ལི་ཏ་ཁཱ་ཧི༔ དེ་ནས་བརྟན་མ་ནི༔ ཧཱུྃ༔ བརྟན་མ་ཆེན་མོ་བཅུ་གཉིས་དང་༔ སྨན་མོ་སྨན་ཕྲན་འབུམ་སྡེར་བཅས༔ བཤལ་ཆུའི་གཏོར་མ་འདི་བཞེས་ལ༔ ཁས་བླངས་དམ་བཅའ་དྲན་པར་མཛོད༔ བསྟན་དང་འགྲོ་བའི་དཔལ་ཡོན་བསྐྱེད༔ བརྒྱུད་འཛིན་སྐལ་བཟང་སྐྱེས་བུ་རྣམས༔ ལས་རྐྱེན་ངན་པའི་ལམ་ལས་བཟློག༔ བསམ་བློ་དམ་པའི་ཆོས་ལ་བསྒྱུར༔ བློ་ཕུག་གཏན་བདེའི་ས་རུ་བཟུང་༔ དམ་ལ་མ་འདའ་ས་མ་ཡ༔ མ་མ་ཧྲཱི་བྷྱོ་ཛ་ཨེ་དམ་བ་ལིཾ་ཏ་ཁཱ་ཧི༔ དེ་ནས་རྟ་བྲོ་བརྡུང་བ་ནི༔ ཧཱུྃ༔ བྱ་གྲུབ་ཡེ་ཤེས་དཀྱིལ་འཁོར་ནས༔ བདག་མེད་རོལ་པའི་བྲོ་བརྡུང་ངོ་༔ ཁམས་གསུམ་འཁོར་བའི་ལས་ཉོན་ཀུན༔ སྐུ་གསུམ་བདེ་བ་ཆེན་པོར་བྲུབ༔ ཆོས་ཉིད་རོལ་པའི་སྟོབས་ཀྱིས་མནན༔ བྱང་ཆུབ་བར་དུ་མ་ལྡང་ཞིག༔ ཨོཾཿ མཱ་ར་ཡ་སྟྭཾ་བྷ་ཡ་ནན༔ ན་ཤ་ཡ་ནན་ནན༔ དེ་ནས་དངོས་གྲུབ་བླང་བ་ནི༔ ཧཱུྃ༔ རྒྱལ་ཡུམ་འཕགས་མ་སྒྲོལ་མ་དང་༔ ཡེ་ཤེས་སྒྱུ་འཕྲུལ་མཁའ་འགྲོ་ཡི༔ སྐུ་གསུང་ཐུགས་ཀྱི་དབང་དངོས་གྲུབ༔ ད་ལྟ་ཉིད་དུ་བདག་ལ་སྩོལ༔ ཀཱ་ཡ་ཝཱཀ་ཙིཏྟ་སརྦ་སིདྡྷི་ཕ་ལ་ཧཱུྃ་ཨཱཿ དེ་ནས་བཤགས་པ་བྱ་བ་ནི༔ ཧཱུྃ༔ རྗེ་བཙུན་འཕགས་མ་སྒྲོལ་མ་དང་༔ རྒྱལ་བ་སྲས་བཅས་དགོངས་སུ་གསོལ༔ དུས་གསུམ་བསགས་པའི་སྡིག་ལྟུང་ཀུན༔ མི་འཆབ་མི་སྦེད་མཐོལ་ཞིང་བཤགས༔ ཡི་གེ་བརྒྱ་པ་བརྗོད༔ དེ་ནས་བསྔོ་བ་སྨོན་ལམ་ནི༔ ཧཱུཾ༔ བདག་གིས་དུས་གསུམ་བསགས་པའི་དགེ༔ འགྲོ་ཀུན་སངས་རྒྱས་ཐོབ་ཕྱིར་བསྔོ༔ ཁམས་གསུམ་རྒྱུད་འཁྲུལ་སེམས་ཅན་ཀུན༔ རྣམ་གྲོལ་སྐུ་གསུམ་ས་ཐོབ་ཤོག༔ དེ་ནས་བསྡུ་བའི་རིམ་པ་ནི༔ ཧཱུྃ རྟེན་དང་བརྟེན་པའི་འཁོར་ལོ་ཀུན༔ སྒྱུ་མའི་འཁྲུལ་འཁོར་ཞིག་པ་བཞིན༔ ཆོས་ཉིད་བརྡལ་ཁྱབ་ཆེན་པོར་ཞིག༔ ནམ་མཁའ་རྣམ་དག་མངོན་དུ་བྱ༔ ཨ་ཨ་ཨ༔ དེ་ནས་རྗེས་ཐོབ་སྒྱུ་མའི་ལྷ༔ ཧཱུྃ༔ སྐད་ཅིག་སྟོང་གསལ་ཆེན་པོ་ལས༔ མཁའ་ལས་འཇའ་ཚོན་ཤར་བ་བཞིན༔ རང་ཉིད་རྗེ་བཙུན་སྒྲོལ་མ་ནི༔ མཚན་དཔེས་ཆས་རྒྱན་རྫོགས་པར་གསལ༔ ཨོཾ་ཏཱ་རེ་00 ཏུཏྟ་རེ་ཏུ་རེ་སྭཱ་ཧཱ༔ ཞེས་བརྗོད་པས་སྣང་བ་ཐམས་ཅད་སྒྱུ་མའི་དཔེ་བཅུ་ལྟ་བུར་ཤེས་པའི་ངང་ནས་སྤྱོད་ལམ་ལ་འཇུག་གོ༔ དེ་ནས་བཀྲ་ཤིས་ནི༔ ཧཱུྃ༔ ངོ་བོ་སྐྱེ་མེད་ཆོས་སྐུ་ཀུན་བཟང་མོ༔ རང་བཞིན་ལྷུན་གྲུབ རྒྱལ་བའི་ཡུམ་ཆེན་མོ༔ ཐུགས་རྗེ་ཀུན་ཁྱབ་འཕགས་མ་སྒྲོལ་མའི་སྐུ༔ སྐུ་གསུམ་ལྷུན་གྲུབ་བཀྲ་ཤིས་གང་ལགས་པ༔ དམ་པ་དེས་ཀྱང་དེང་འདིར་བདེ་ལེགས་ཤོག༔ དེ་ལྟར་ཆོས་ཉིད་ནམ་མཁའ་མཛོད་ཀྱི་བཅུད༔ གང་གིས་ཉམས་སུ་ལེན་པའི་སྐྱེས་བུ་རྣམས༔ ལོ་གསུམ་ཟླ་གསུམ་ཞག་གསུམ་བར་མེད་དུ༔ ཤེས་པ་གཞན་དུ་མ་ཡེངས་ལྷར་སྣང་གསལ༔ མི་ཚིག་བར་མ་ཆོད་པར་སྔགས་རྒྱུན་བཟུང་༔ སྟན་གྱི་དྲོད་མི་ཡལ་བར་སྡོད་ས་བཟུང་༔ གནད་དེས་ཚེ་འདིར་གྲོལ་བ་མ་ཐོབ་ན༔ ཕ་ཡིས་བསླུས་སོ་ཕྱི་རབས་སྐྱེས་བུ་རྣམས༔ སྨིན་བྱེད་དབང་དང་གྲོལ་བྱེད་གདམས་པ་རྣམས༔ སྒྲུབ་པ་ཀུན་གྱི་སྔོན་དུ་རྫོགས་པ་གལ༔ དེ་ལྟར་ཚུལ་བཞིན་ལྡན་པས་ཉམས་སུ་ལོངས༔ བཀའ་འདི་དབང་ཕྱུག་མ་ཧཱ་དཱེ་ཝར་གཏད༔ ཐུབ་པར་སྲུངས་ཤིག་བཛྲ་ས་མ་ཡ༔ ས་མ་ཡ༔ རྒྱ་རྒྱ་རྒྱ༔ བཀའ་རྒྱ༔ དགོངས་རྒྱ༔ ཟབ་རྒྱ༔ གུ་ཧྱ༔ ཞེས་པ་འདི་སྨོན་ལམ་ལས་སྐལ་གྱི་སྐྱེས་བུ་ཨོ་རྒྱན་རང་ཤར་གྱིས་བསྐུལ་བའི་ངོར་ཨོ་རྒྱན་མཚོ་སྐྱེས་རྡོ་རྗེའི་གསང་མཛོད་ཆེན་པོ་འདི་བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའི་ཡི་གེ་པ་ནི་ཕུན་ཚོགས་བཀྲ་ཤིས་སོ། །དགེའོ །ལེགས་སོ། །སརྦ་མངྒ་ལཾ།། ཨོཾཿ ཧཱུྃ༔ སྣང་སྲིད་འཁོར་བའི་ཆོས་སོ་ཅོག༔ སྤྲོས་བྲལ་སྟོང་ཉིད་ཆེན་པོར་ཨཱཿ སྟོང་པའི་ངང་ལས་སྐད་ཅིག་གིས༔ མཁའ་ལ་འཇའ་ཚོན་ཤར་བ་ལྟར༔ པདྨ་ཉི་ཟླའི་གདན་སྟེང་དུ༔ རང་ཉིད་སྐད་ཅིག་དྲན་རྫོགས་སུ༔ རྡོ་རྗེ་རྣམ་པར་འཇོམས་པའི་སྐུ༔ ལྗང་སྔོན་ཞལ་གཅིག་ཕྱག་གཉིས་པ༔ ཞི་མ་ཁྲོ་འཛུམ་གཟི་འོད་འབར༔ ཕྱག་གཡས་རྡོ་རྗེ་རྒྱ་གྲམ་བསྣམས༔ གཡོན་པས་དྲིལ་བུ་དཀུ་ལ་བརྟེན༔ ཞབས་གཉིས་ཕྱེད་པའི་སྐྱིལ་ཀྲུང་བཞུགས༔ ལོངས་སྤྱོད་རྫོགས་སྐུའི་ཆས་རྣམས་རྫོགས༔ འཇའ་འོད་མེ་དཔུང་ཀློང་དུ་གསལ༔ སྤྲུལ་པའི་ཁྲོ་བཅུ་སྒོ་སྐྱོང་བཞི༔ རྡོ་རྗེ་མེ་འབར་དཔག་མེད་པས༔ སྣང་སྲིད་ཁམས་རྣམས་ཡོངས་གང་སྟེ༔ གྲིབ་གདོན་ནད་འདྲེ་གནོད་བྱེད་རྣམས༔ ཐལ་བ་བུན་བུན་བསྲེགས་པར་བསྒོམ༔ ན་མོ་རཏྣ་ཏྲ་ཡ་ཡཱ་སོགས༔ དམིགས་པའི་གནད་དང་ལྡན་པས་བཟླ༔ བདུད་འཇོམས་པས་སོ། །དགེའོ། །ལེགས་སོ།། ྋ T11615 - 184 ཨོཾཿ རྗེ་བཙུན་བཅོམ་ལྡན་འདས་མ་ཐུགས་རྗེ་ཅན༔ རི་ཁྲོད་ལོ་མ་གྱོན་མའི་སྐུར་བཞེངས་ཤིག༔ བདག་ཅག་སྙིགས་མ་ལྔ་བདོའི་མི་རྣམས་ལ༔ ཐུགས་རྗེས་ཡལ་བར་མ་དོར་རྗེས་སུ་ཟུངས༔ ནད་རིམས་ཡམས་ནད་འགོ་བའི་ནད་སྡུག་བསྔལ༔ ཞི་བཟློག་གཞོམ་ཏུ་བསྲེག་པའི་ཕྲིན་ལས་མཛོད༔ ཨོཾ་པི་ཤ་རྩི་པརྣ་ཤ་བ་རི་སརྦ་ཛྭ་ལ་པྲ་ཤ་མ་ནི་སྭཱ་ཧཱ ཞེས་པ་འདི་ཡང་བདུད་འཇོམས་རྡོ་རྗེས་སྨྲས་པའོ། །དགེའོ།། ། 8 གཅིག་གོ། གསོལ་འདེབས་གཅིག་གོ། གསོལ་འདེབས་T11615 - 185 T1615 - 186 ཏུཨོཾཿ དག་སྣང་ཡེ་ཤེས་དྲྭ་བ་ལས༔ མཁའ་འགྲོ་སེང་གདོང་ཆ་ལག་བྱད་བཟློག་གནམ་ལྕགས་འཁོར་ལོ་བཞུགས་སོ༔ ཨོཾཿ ན་མོ་གུ་རུ་པདྨ་ཀ་ར་ཡེ༔ སྭཱ།མ་སྐ། པདྨ་བདག་གི་བརྒྱུད་འཛིན་རྣམས༔ རྣལ་འབྱོར་བར་ཆད་བཟློག་པའི་ཕྱིར༔ དཀོན་མཆོག་གསུམ་པོ་དཔང་བཙུག་སྟེ༔ བཟློག་པ་འདི་ལ་ཆེས་ཆེར་འབད༔ ན་མོ༔ ཆོས་སྐུ་ལོངས་སྐུ་སྤྲུལ་པའི་སྐུ༔ སྐུ་གསུམ་རྒྱལ་བའི་བདེན་པ་དང་༔ སངས་རྒྱས་ཆོས་དང་དགེ་འདུན་དང་༔ དཀོན་མཆོག་གསུམ་གྱི་བདེན་པ་དང་༔ བླ་མ་ཡི་དམ་མཁའ་འགྲོ་དང་༔ རྩ་གསུམ་ཆོས་སྐྱོང་བདེན་པ་དང་༔ ཆོས་ཉིད་རྣམ་པར་དག པ་དང་༔༷ རྟེན་འབྲེལ་བསླུ་བ་མེད་པའི་མཐུས༔ བྱད་དང་བྱུར་དང་གཏད་ཁྲམ་དང་༔ ཧོམ་ཟོར་འཁོར་ལོ་ངན་སྔགས་ཚོགས༔ མདོར་ན་ལས་སྦྱོར་དྲག་སྔགས་དབལ༔ མ་ལུས་བསྡུས་ཏེ་ལྷག་མེད་དུ༔ སྡང་བར་བྱེད་པའི་དགྲ་ལ་བཟློག༔ གནོད་པར་བྱེད་པའི་བགེགས་ལ་བཟློག༔ ཟ་བར་བྱེད་པའི་འདྲེ་ལ་བཟློག༔ ཕུང་བར་བྱེད་པའི་སྲི་ལ་བཟློག༔ མི་ཡི་ན་ཚ ཀེག་སྲི་དང་༔ ཕྱུགས་ཀྱི་གོད་ཁ་ཕུང་བརླག་དང་༔ སྔོན་ལས་འཕྲལ་རྐྱེན་ངན་པ་ཀུན༔ མ་ལུས་སྡང་བའི་དགྲ་ལ་བཟློག༔ རྗེས་ཤུལ་མེད་པར་བཟློག་གྱུར་ཅིག༔ མ་ཧཱ་ཀྲོ་ཏ་ཡ་མཱནྟ་T11615 - 187 ཀ་བཛྲ་པཱ་ཎི་སརྦ་ས་མ་ཡ་མི་མཐུན་པའི་ཕྱོགས་ངན་པ་ཐམས་ཅད་བྷྱོ་བྷྱོ་བཟློག་བཟློག་སྭ་ཧཱ༔ ཡང་ན་འདི་ཉིད་བསྒོམ་བཟླས་བྱ༔ བདག་ཉིད་ཡེ་ཤེས་ཀྱི་མཁའ་འགྲོ་མ་སེང་གེའི་གདོང་པ་ཅན་སྐུ མདོག་མཐིང་ནག་མུན་པའི་མདོག་ལྟ་བུ་གཡས་གྲི་གུག་དང་གཡོན་ཐོད་ཁྲག་འཛིན་པ་ཁ་ཊྭཱྃ་རྩེ་གསུམ་མཆན་དུ་བཅུག་པ༔ མི་མགོ་ཁྲག་འཛག་པས་དོ་ཤལ་བྱས་ཤིང་༔ བ་སྤུའི་བུ་ག ཐམས་ཅད་དང་རལ་པ་བསིག་པའི་གསེབ་ནས་མཁའ་འགྲོ་མ་བྱེ་བ་ས་ཡ་དཔག་ཏུ་མེད་པས་ཡོངས་སུ་གང་སྟེ་སྣང་སྲིད་ཀྱི་ཁམས་ཐམས་ཅད་ནས་གནོད་བྱེད་བྱད་མ་རྦོད་གཏོང་ལྷ་དང་བཅས་པ་ཐམས་ཅད་བཅད་གཏུབ་ལྷག་མེད་དུ་བསྲེགས་པར་བསམ༔ ཨཿཀཿ སཿ མཿ རཿ ཙཿ ཤཿ དཿ རཿ སཿ མཿ རཿ ཡཿཕཊ༔ ཅེས་སྨྲ་བཅད་འབུམ་ཕྲག་གཅིག་བཟླའོ༔ དེ་ལྟར་རྟག་ཏུ་བསྒོམ་ཞིང་བརྒྱ་ཕྲག་རེ་བཟླ་ཞིང་༔ བདེན་པའི་སྟོབས་བཟློག་ནི༔ ན་མོ༔ དྲིན་ཆེན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་༔ སངས་རྒྱས་ཀྱི་བཀའ་བདེན་པ་དང་༔ ཆོས་ཀྱི་བཀའ་བདེན་པ་དང་༔ དགེ་འདུན་གྱི་བཀའ་བདེན་པ་དང་༔ སྐུ་གསུམ་ཡེ་ཤེས་ཀྱི་མཁའ་འགྲོ་ཆོས་སྐྱོང་བཀའ་སྲུང་དམ་ཅན་རྒྱ་མཚོའི་ཚོགས་དང་བཅས་པ་རྣམས་ཀྱི་བཀའ་བདེན་ ཨོཾཿ པ་དང་༔༷ ཡེ་ཤེས་ཀྱི་མཁའ་འགྲོ་མ་སེང་གེའི་གདོང་པ་ཅན་འཁོར་འབུམ་ཕྲག་ཡངས་པའི་མཁའ་འགྲོ་མའི་ཚོགས་དང་བཅས་པ་རྣམས་ཀྱི་བཀའ་བདེན་པ་དང་༔༷ ཆོས་ཉིད་རྣམ་པར་དག་ཅིང་ཆོས་ཅན་རྟེན་འབྲེལ་བསླུ་བ་མེད་པའི་བདེན་པའི་མཐུས༔ བདག་ཅག་དཔོན་སློབ་འཁོར་དང་བཅས་པ་རྣམས་ལ་གནོད་ཅིང་འཚེ་བར་བྱེད་པའི་བྱད་ཁ་ཕུར་ཁ་ཟོར་ཁ་གཏད་ཁྲམ་མནན་བསྲེག་འཁོར་ལོ་ངན་སྔགས་དྲག་ལས་ལས་སྦྱོར་དམོད་སྣ་ཐམས་ཅད་བྱད་མ་རྦོད་གཏོང་ལྷ་དང་བཅས་པ་རྣམས་ཀྱི་བླ་ཚེ་སྲོག་གི་སྟེང་དུ་བསྒྱུར་ཅིག༔ ཟློག་ཅིག༔ ཨེ་ས་མ་ཡ་བྷྱོ་བྷྱོ༔ ཟློག་ཟློག༔ ཅེས་ལན་གསུམ་བརྗོད་ཚེ་ལག་པ་གཡས་ཟླ་བ་དང་གཡོན་ཉི་མའི་དཀྱིལ་འཁོར་དུ་སྒོམ༔ དེ་གཉིས་ཁ་བརྡབ་པའི་བར་དུ་གནོད་བྱེད་ཐམས་ཅད་མེ་སྟག་ཆུས་བསད་པའམ་སྒོང་ལྐོག་བཙིར་བ་ལྟར་སོང་བར་བསམ༔ དེ་ལྟར་རྟག་ཏུ་ཉམས་ལེན་ན༔ བན་མཐུ་བན་བྱད་མཐའ་དག་བཟློག༔ རྨི་ངན་མཚན་ལྟས་ངན་པ་དང་༔ ལོ་ཀེག་ཟླ་གཤེད་བྱུར་དང་སྲི༔ མདོར་ན་མི་མཐུན་ཕྱོགས་རྣམས་ཀུན༔ འདི་ཡིས་མི་བཟློག་གང་ཡང་མེད༔ ས་མ་ཡ༔ ཞེས་པ་འདི་ཡང་མདོ་སྔགས་ཀྱི་ངོར་བདུད་འཇོམས་རྡོ་རྗེས་དག་སྣང་ཡེ་ཤེས་དྲྭ་བ་ལས་ཕབ་པའོ། །དགེའོ། །ལེགས་སོ། །སརྦ་མངྒ་ལཾ།། T1615 - 190 ཨོཾཿ མུ་སྟེགས་སཱཙྪ་ནག་པོའི་གདམས་པ་བཞུགས་སོ༔ ན་མོ་གུ་རུ་དྷེ་ཝ་ཌཱ་ཀི་ཡེ༔ དེ་ནས་རང་གི་སེར་བ་སྲུང་བྱེད༔ སྭཱ_UNK་ས་ཆུ་ཐུབ་ནག་པོ་ལེགས་པར་བཏབ་ཞབས་ཁུག་ཁ་སོ་བཏང་པའི་ནང་༔ ཡི་གེ་ཤོག་དྲིལ་ནང་ལ་བྲི་རྒྱུའི་རྫས༔ དཔའ་སྤྲ་ཐོག་སེར་སྤྱི་ཞུར་འཇམ་འབྲས་སྦྲུལ་གྱི་ཤ༔ རུ་རྟ་བཙན་དུག་གླ་གུར་ཤིང་ཚ་དང་༔ སྟག་.ལྡུམ་བུ་ཤ་གསེར་གྱི་མེ་ཏོག་གཟེར་འཇོམས་དང་༔ གནམ་གྱི་རལ་པ་ཁང་རྒན་དུད་པ་མེ་སྟག་དམར་ཡར་ཆ་ཚང་༔ དེ་རྣམས་ཞིབ་པར་བྱེད་ལ་ཤོག་དྲིལ་བྲི༔ ཨཿ ཡཿ མཿ དུཿ རུཿ ཙཿ ཤཿ ནཿ ཏྲི་དུ་ཀེ་ར་ཨེ་མ་ས་ཧེ་ཏུ་ཙ་ཡར་མ་མད་ས་ན་ཏྲྀ་ཏྲྀ་ཏ་ཁ་ག་ཞ་ཙ་ཚ་ཚར་འདུས་འདུས༔ ཁུག་ཁུག༔ ཏྲིལ་ཏྲིལ༔ རྨུག་རྨུག༔ གཉོག་གཉོག༔ འདས་འདས༔ སྲུབ་སྲུབ༔ ཨུ་ཙ་ཏ་ཡ་མཱ་ར་ཡ༔ ཕཊཿ ཕཊཿ ཕཊ༔ དེ་ཡིས་སེར་བའི་འཇིགས་པ་སྐྱོབ༔ ས་མ་ཡ༔ ཡང་ན་སེར་བ་སྲུང་འདོད་ན༔ བསྲུང་བྱའི་ཞིང་གི་སྟེང་ཉིད་དུ༔༷ མུ་སྟེགས་སཱ_UNK་ནག་པོ་ཞེས༔ བྱ་བའི་ནང་དུ་ཡི་གེ་འདི༔ མགོ་མཇུག་མ་ནོར་རེ་རེ་བཞག༔ རྫས་ལ་བཟང་དྲུག་དགུ་སྦྱོར་བྱུག༔ ཡི་གེ་འདི་བཞིན་ཕྲེང་གཅིག་བྲི༔ བྷི་རུ་ཊཱ་ཀ་བྷི ན་ཥི་རྣ་ཡ་བྷ་རི་ཤ་ཡ་གནོད་བྱེད་ལམ་ཆོད་ཆོངས་ཤིག རཀྵ་བྷྱོ་རཀྵ༵་བྷྱོ་ཀཱནློ་བྷྱོ་བ ་བྷྱོ་བྷིནྨ་ཥེ་སཱི་ནྟུ་ཧཱུྃ་ཧཱུྃ་ཧཱུྃ༔ ཕཊཿ ཕཊཿ ཕཊ༔ ཅེས་པ་འདི་ཉིད་བསྲུང་བྱ་ཡི༔ ཞིང་དམར་རེ་ལ་རེ་རེ་ཞོག༔ ཡང་ན་རང་ལ་དམར་བའི་ཞིང་༔ གཅིག་ལ་བཞག་པས་ཐམས་ཅད་བསྲུང་༔ ཐེ་ཚོམ་མེད་དོ་ས་མ་ཡ༔ རྒྱ་རྒྱ་རྒྱ༔ ཞེས་པའང་ཁྲག་འཐུང་བདུད་འཇོམས་རྡོ་རྗེ་ཁྲོ་ལོད་རྩལ་གྱིས་འབྲོས་ཕུག་མཁའ་འགྲོ་འདུ་གླིང་དུ་དག་པར་ཕབ་པའོ། །དགེའོ། །དགེའོ །དགེའོ།། 188 T1615 - 192 T11615 - 193 བདུད་འཇོམས་གཏུམ་མོ་། ན་མོ་གུ་རུ་པདྨ་ཀ་ར་ཡེ༔ བྱསྣ་ཐ༔ མ་འོངས་རྗེས་འཇུག་དོན་ཆེད་དུ༔ ཕྱི་ནང་རྟེན་འབྲེལ་མཐུ་གཅིག་ཕྱིར༔ མེ་དབང་ཟབ་མོ་ལ་བརྟེན་ནས༔ ནང་གི་བདེ་དྲོད་རབ་འབར་ཐབས༔ པདྨ་བདག་གིས་ཡི་གེར་བཀོད༔ རྣལ་འབྱོར་གྲངས་ཀྱི་མེ་ཏིང་སྒྲོན༔ རུས་གོང་ཙམ་པ་མི་ཞུན་གྱིས༔ གཏམས་ཏེ་རྒྱལ་བ་སྲས་བཅས་ཀྱི༔ གསུང་གི་དབང་བྱིན་བསྡུས་ཏེ་བསྟིམ༔ སྐྱེ་མེད་ཡི་གེ་བརྒྱ་རྩ་བརྒྱད༔ བརྗོད་དེ་བྱིན་གྱིས་བརླབས་པར་བྱ༔ དེ་ནས་རྣལ་འབྱོར་ཐམས་ཅད་ཀུན༔ རླུང་ཆས་ལེགས་བསྒྲིགས་གོས་བགོས་ནས༔ རྣམ་སྣང་ཆོས་ཀྱིས་སྡོད་པར་བྱ༔ དང་པོ་གསོལ་བ་གདབ་པ་ནི༔ ཀྱེ་ཀྱེ་བླ་མ་རྡོ་རྗེ་འཆང་༔ བདག་ཅག་ལས་ལྡན་སློབ་བུ་ལ༔ ཟབ་ལམ་གཏུམ་མོ་མེ་ཡི T11615 - 194 ཛཱྃ༔ དབང་༔༷ བསྐུར་ཞིང་གནང་བར་མཛད་དུ་གསོལ༔ ཕྱི་ནང་རླུང་བཅུ་ལས་སུ་རུང་༔ གཟུང་འཛིན་གཉིས་སྣང་དབུ མར་ཟོས༔ ཡེ་ཤེས་བཅུ་དྲུག་མཐར་ཕྱིན་ནས༔ ལྷན་སྐྱེས་འོད་གསལ་བསྐྱེད་མཛད་གསོལ༔ ཞེས་ལན་གསུམ་གྱིས་གསོལ་བ་བཏབ༔ དེ་ནས་རྡོ་རྗེ་སློབ་དཔོན་གྱིས༔ ཀྱེ་མ་སྐལ་ལྡན་སློབ་བུ་རྣམས༔ གསང་སྔགས་འཕྲད་པ་སྐལ་བ་བཟང་༔ ཚོགས་སྨོན་འབྲས་བུ་སྟོབས་ཀྱིས་བསྐྱེད༔ ཟབ་ལམ་དབང་གིས་སྨིན་གྲོལ་བགྱི༔ ཀྱེེ༔ སྐལ་ལྡན་གྱི་སློབ་མ་དམ་ཚིག་མཆོག་དང་ལྡན་པ་རྣམས་ཉོན་ཅིག༔ ཁྱེད་ཅག་རང་ལུས་གདོད་ནས་ཡེ་ཤེས T11615 - 195 ལྷ་ཡི་ངོ་བོར་གནས་ཀྱང་༔ མ་རིག་གཟུང་འཛིན་གྱི་དབང་གིས་ལུས་ངག་ཡིད་གསུམ་དུ་བསྐྱེད་པ་ཉིད༔ བདག་ཉིད་རྡོ་རྗེ་སློབ་དཔོན་གྱི་ཐུགས་ཀ་ནས་མཚན་མ་མེད་པ་དབྱིངས་ཀྱི་བྱིན རླབས་ཡི་གེ་རཿ གྱི་རྣམ་པར་བྱུང་ནས་ཁྱེད་རང་གི་རོ་མའི་ལམ་བརྒྱུད་དེ་ལྟེ་བར་ཐོན་པ་ན་ཡེ་ཤེས་ཀྱི་མེ་རབ་ཏུ་འབར་བས་མ་དག་པའི་སྒོ་གསུམ་དབྱིངས་གསུམ་ཆོས་ཉིད་ཀྱི་འཁོར་ལོར་སྦྱངས་ཏེ་སྟོང་པར་གྱུར༔ སྟོང་པའི་ངང་ལས་རིག་པ་ཐོལ་སྐྱེས་ཀྱི་ཚུལ་དུ་ཕྱི་སྣོད་ཀྱི་འཇིག་རྟེན་འོག་མིན་དུར་ཁྲོད་མེ་རི་འབར་བའི་དབུས་སུ་པདྨ་དང་ཉི་མ་ཟླ་བའི་གདན་ལ་བཅོམ་ལྡན་འདས་དཔལ་ཆེན་བཛྲ་ཀུ་མཱ་ར་མཐིང་ནག་བེེ་ཌཱུཪྻའི་མདོག་ལྟ་བུ་འོད་དང་འོད་ཟེར་འབར་བ་ཞལ་གཅིག་ཕྱག་གཉིས་གཡས་རྡོ་རྗེ་རྩེ་དགུ་ནམ་མཁར་ཕྱར་ཞིང་༔ གཡོན་ལྕགས་བསྲེགས་ཀྱི་ཕུར་པ་ས་ལ་གཟིར་བ༔ ཤིན་ཏུ་ཁྲོ་ཞིང་གཏུམ་པ༔ གཟི་བརྗིད་བལྟར་མི་བཟོད་པ༔ དབུ་སྐྲ་ཁམ་ནག་སྲིད་པའི་རྩེ་མོར་འཁྱིལ་ཞིང་༔ ཐོད་སྐམ་ལྔ་ཡིས་དབུ་