Tibetan
གདོན༔ ནད་ཕྱུར་ནད་པ་རིམ་གྲོས་འཚོ༔ སྲོག་ཕྱྭར་ཚེ་སྲོག་གེགས་སྐྱོན་མེད༔ ཚོང་ཕྱྭ་དོན་ཕྱྭ་མགྲོན་ཕྱུར་བཟང་༔ ཨེ་འཕྲད་འཕྲད་ཅིང་ཨེ་ཐོན་ཐོན༔ དགྲ་ཕྱྭར་དགྲ་མེད་བོར་བ་རྙེད༔ ཨེ་འདུམ་འདུམ་ཞིང་ཨེ་ཐུབ་བྱས་ན་ཐུབ༔ སྲིད་ཕྱུར་བུ་འབྱུང་བསྡེབ་ན་མཐུན༔ ༈ དྲུག་བབ་གཞི་ཕྱྭར་སྟོར་བརླག་ཧབ་ཤ་འབྱུང་༔ གང་བསྒྲུབ་ལྷ་དེ་ལས་འཕྲོ་མེད་པས་རིང་༔ སྲིད་ཕྱུར་བུ་མོ་མང་སྟེ་གྲོགས་བསྡེབ་འབྱེད༔ ནད་པ་མི་འཚོ་འཆི་བའི་དུས་ལ་ཐུག༔ གདོན་ཕྱུར་རྒྱལ་པོ་མོ་འདྲེ་ཟུང་འགྲོགས་གནོད༔ ཨེ་སླེབ་ཕྱི་དལ་ཆེ་སྟེ་དོན་ཕྱུར་ཆུང་༔༷ མགྲོན་པོར་ཉེས་འགྱོད་ཆེ་སྟེ་དཀའ་ཆེན་འབྱུང་༔ དགྲ་ཕྱྭར་དགྲ་རྐུན་འཚེ་བ་ཤིན་ཏུ་རྒོད༔ བོར་བ་དགྲ་ལག་ཤོར་ཏེ་སླར་མི་རྙེད༔ ཨེ་འཕྲད་མི་འཕྲད་ཨེ་ཐུབ་ཐུབ་མི་སྲིད༔ འདི་ནི་འུར་ཟིང་ཆེ་བའི་མོ་ཡིན་སྐད༔ ༈ བདུན་བབ་ལྷ་ནི་གང་བསྒྲུབ་མྱུར་དུ་འགྲུབ༔ གཞི་ཕྱུར་ཉེས་མེད་རིམ་གྲོའི་དུས་མཆོད་འབད༔ སྲིད་ཕྱྭར་བུ་དང་བུ་མོ་ཆ་མཉམ་འབྱུང་༔ གྲོགས་བསྡེབས་མཐུན་ཞིང་དོན་ཕྱྭར་དོན་དེ་འགྲུབ༔ དགྲ་ཕྱྭར་དགྲ་རྐུན་འབྱུང་ཡང་གནོད་མི་ནུས༔ བོར་བ་རིང་ནས་རྙེད་དེ་ཕས་རྒོལ་ཐུབ༔ མགྲོན་ཕྱྭར་ཕྱི་དལ་ཆེ་ཡང་ཉེས་འགྱོད་མེད༔ ་ཿ ནད་ཕྱུར་ནད་ཡུན་རིང་ནའང་རིམ་གྲོས་འཚོ༔ གདོན་ཕྱྭར་སྡེ་བརྒྱད་བྱད་ཁ་ཆེ་བའི་ངོ་༔ ཁ་མཆུ་འདུམ་ཞིང་རྒྱལ་ཁ་འདྲ་མཉམ་ཙམ༔ གཞན་ཡང་ཅི་ལ་བཏབ་ཀྱང་འབྲིང་ཙམ་མོ༔ ༈ བརྒྱད་བབ་གཞི་ཕྱྭར་བཏབ་ན་ལེགས་པ་ལ༔ ལྷ་གསོལ་དུས་མཆོད་ཆག་པས་ལྷ་འཁྲུགས་ཡོད༔ གང་བསྒྲུབ་ལྷ་དེ་དབང་ལུང་མེད་པའི་ངོ་༔ བོར་བ་འཕྲལ་རྙེད་དོན་གཉེར་དོན་དེ་འགྲུབ༔ ཕས་རྒོལ་ཐུབ་སྲིད་ཨེ་འཕྲད་བྱས་ན་འཕྲད༔ དགྲ་ཕྱུར་དགྲ་མེད་ཡོད་ཀྱང་དགྲ་ཕམ་ངོ་༔ ཨེ་སླེབ་བྱས་ན་མྱུར་དུ་སླེབ་པའི་ངོ་༔ ནད་ཕྱུར་ནད་པ་འཕྲལ་དུ་སོས་ནའང་༔ སླར་ཡང་ནད་ཀྱིས་ཐེབས་ནས་འཚོ་དཀའ་བས༔ རིམ་གྲོ་ཆེ་ཆུང་དག་ལ་བསྐོར་བརྟན་བྱ༔ ནད་མེད་སྲོག་ཕྱྭར་བཟང་ངན་མོ་བཏབ་ན༔ སྲོག་ཕྱཱར་ཉེས་མེད་ཚེ་སྲོག་བརྟན་ཞེས་ཟེར༔ ལས་ཀ་བྱས་ན་ལེགས་ཤིང་འགྲུབ་པའི་ངོ་༔ ༈ དགུ་བབ་ས་མཁར་གསར་དུ་འཛིན་པ་ལ༔ འཕྲལ་ཕུག་ཀུན་ཏུ་དགེ་ལེགས་འཕེལ་རྒྱས་འགྱུར༔ གཞི་ཕྱྭར་ཟངས་དཀར་འོ་མས་གང་ཞེས་འབྲིང་༔ རིམ་གྲོ་བསོད་ནམས་ཆེན་པོ་བསགས་ལ་འབད༔ ལྷ་བསྒྲུབ་འགྲུབ་ཟིན་ཕྲིན་ལས་གང་བརྩམས་འགྲུབ༔ བོར་བ་རང་རྩར་ཡོད་དེ་ འཕྲལ་དུ་རྙེད༔ དོན་གང་གཉེར་ཀྱང་དོན་དང་ལྡན་པར་འོང་༔ ཕར་རྒོལ་མི་ཐུབ་དགྲ་མགོ་ཡན་པར་འཆོར༔ ནད་པ་ཤི་མ་ཟིན་ན་སོས་པ་ཡིན༔ ནད་པ་གཞན་ཡང་ནད་ཚབ་ཆེ་བ་ནི༔ རིམ་གྲོས་མི་བཟློག་བླ་དང་བྲལ་བའི་ངོ་༔ གདོན་ཕྱྭར་ས་བདག་ཀླུ་གདོན་སྡང་བའི་ངོ་༔ ཨེ་སླེབ་བྱས་ན་རང་སར་མ་ཐོན་ན༔ ཞག་དགུ་ཚུན་ལ་མི་སླེབ་ངོ་རུ་བཤད༔ དགྲ་ཕྱྭར་དགྲ་རྐུན་གནམ་ལོ་འདིར་མི་འབྱུང་༔ མགྲོན་པོར་བཏབ་ན་ཉེས་དང་འགྱོད་པ་མེད༔ ཚོང་རྒྱལ་དོན་འགྲུབ་རིང་ནས་སླེབ་པའི་ངོ་༔ དེ་ནི་མོ་ཡི་མཐར་ཕེབས་པ་ཡིན་པས༔ རྒྱལ་པོ་མི་དཔོན་བླ་ཆེན་དག་ལ་བཟང་༔ སྲིད་ཕྱྭར་བུད་མེད་གྲོགས་དང་བསྡེབ་པ་མཐའ༔ ༈ ཇི་ལྟར་ངན་ཡང་རིམ་གྲོར་བསྐོར་ནས་སྨོད༔ ཇི་ལྟར་བཟང་ཡང་ལན་གསུམ་བསྐྱར་བཏབ་པས༔ བབ་ཚུལ་བརྟགས་ནས་ངེས་པར་ཐག་ཆོད་བྱ༔ ལྷ་ཆེན་བསྒྲུབ་མཆོད་བྱས་པའི་སྐྱེས་བུ་ཡིས༔ མི་དེས་མངོན་ཤེས་ཚད་མར་འགྱུར་ངེས་སོ༔ འདི་ཡིས་མི་མཐོང་བྱ་བ་གཅིག་ཀྱང་མེད༔ ས་མ་ཡ༔ རྒྱ་རྒྱ་རྒྱ༔ གུ་ཧྱ༔ ཞེས་པ་འདི་རིགས་སྲས་པདྨ་རྡོ་རྗེས་བསྐུལ་ངོར་བདུད་འཇོམས་རྡོ་རྗེས་གཏན་ལ་ཕབ་པའོ། །དགེའོ །དགེའོ། །དགེའོ། །སརྦ་མངྒ་ལཾ།། ། ཨོཾ༔ ཆོས་ཉིད་ནམ་མཁའི་ཀློང་མཛོད་ལས༔ ལྷ་མོ་ཨུ་མ་དཱེ་ཝིའི་སྒོས་སྒྲུབ་དངོས་གྲུབ་ཆར་འབེབས་ཞེས་བྱ་བ་བཞུགས༔ ཨོཾ་མ་ཧཱ་ཤུ་ནྱ་ཏཱཿ འབྱུང་བ་རིམ་བརྩེགས་རི་རབ་བཅས་པའི་སྟེང་༔ བྷྲུྃཿལས་རྡོ་རྗེའི་ས་གཞི་སྐྱེད་མོས་ཚལ༔ དེ་དབུས་པདྨ་རཱ་གའི་གཞལ་ཡས་དབུས༔ པདྨ་ཉི་མ་བམ་ཆེན་བསྣོལ་བའི་སྟེང་༔ ལྕགས་ཀྱུ་དམར་པོ་ཛཿ ཡིག་མཚན་པ་ལས༔ འོད་འཕྲོས་རྒྱལ་དང་རྒྱལ་སྲས་ཐམས་ཅད་དང་༔ སྣོད་བཅུད་དཔལ་ཡོན་མ་ལུས་བསྡུས་ཏེ་བསྟིམ༔ སྐད་ཅིག་གནས་འགྱུར་ཨུ་མ་དཱེ་ཝི་དམར༔ གཅེར་བུ་ནུ་མ་འབུར་ཞིང་བྷ་ག་རྒྱས༔ མཐོང་བས་ཡིད་འཕྲོག་དྲན་པས་བདེ་ཆེན་སྦར༔ ཞི་མ་ཁྲོ་འཛུམ་གཞོན་ནུའི་ལང་ཚོ་རྒྱས༔ ཕྱག་གཡས་ལྕགས་ཀྱུས་ཁམས་གསུམ་དབང་དུ་སྡུད༔ གཡོན་པས་ཞགས་པས་སྣང་སྲིད་བྲན་དུ་བཅིང་༔ རིན་ཆེན་དང་ནི་པདྨའི་ཕྲེང་བས་སྤྲས༔ ཞབས་གཉིས་གྱད་ཀྱི་འདོར་སྟབས་ཚུལ་དུ་བསྒྲད༔ འོད་དམར་རབ་འཁྲིགས་སྐྱེ་འགྲོའི་བློ་ཡིད་འཕྲོག༔ ཞལ་ནས་ཛཿ དང་ཧྲིང་གི་སྒྲ སྒྲོགས་པས༔ ཤར་དུ་དཔྱིད་ཀྱི་རྒྱལ་མོ་ཤ་བ་ཞོན༔ ཕྱག་གཡས་མེ་ལོང་དང་ནི་ལྕགས་ཀྱུ་བསྣམས༔ གཡོན་པས་དུང་ཕོར་རྒུན་ཆང་གྱིས་བཀང་བསྣམས༔ རླུང་ནག་ར་བ་འཚུབས་ མའི་ཀློང་དུ་བསྐྱེད༔ ལྷོ་རུ་དབྱར་གྱི་རྒྱལ་མོ་གཡུ་འབྲུག་ཞོན༔ སེར་གསལ་ཕྱག་གཡས་ཤིང་སྣའི་ཆུན་པོ་དང་༔ གཡོན་པས་དངུལ་སྐྱོགས་ཞོ་ཡིས་བཀང་བ་བསྣམས༔ ཆར་སྤྲིན་མཐིང་ནག་འཁྲིགས་པའི་ཀློང་དུ་འགྱིང་༔ ནུབ་ཏུ་དགུན་གྱི་རྒྱལ་མོ་འབྲོང་བུ་ཞོན༔ ལྗང་ནག་གཡས་པས་རལ་གྲི་དྲིལ་བུ་དང་༔ གཡོན་པས་སྲིན་ཐོད་ཁྲག་གིས་བཀང་བ་བསྣམས༔ མེ་དཔུང་དམར་ནག་འཁྲིགས་པའི་ཀློང་དུ་བསྐྱེད༔ བྱང་དུ་སྟོན་གྱི་རྒྱལ་མོ་རྒྱ་སྟག་ཆིབས༔ གཡས་སུ་མདའ་དར་དང་ནི་ལྕགས་སྒྲོག་ཐོགས༔ གཡོན་དུ་མཁར་གཞོང་འབྲུ་ཡིས་བཀང་བ་བསྣམས༔ འཇའ་ཚོན་འོད་ལྔ་འཁྲིགས་པའི་ཀློང་དུ་བསྐྱེད༔ ཀུན་ཀྱང་གཙོ་མོའི་རྣམ་རོལ་ཇི་བཞིན་དུ༔ རིན་ཆེན་སྣ་ཚོགས་ཕྲེང་བའི་དྲྭ་ཕྱེད་དང་༔ ཨུཏྤལ་དམར་པོའི་ཐོད་དང་དོ་ཤལ་བརྒྱན༔ སྣང་སྲིད་དྲེགས་པའི་སྡེ་དཔོན་སུམ་ཅུ་དང་༔ སྡེ་བརྒྱད་ལ་སོགས་དྲེགས་པ་ཅན་རྣམས་ཀྱིས༔ ལྷ་མིའི་ཁྲོམ་ཚོགས་ལྟ་བུས་བསྐོར་བར་བསམ༔ གནས་གསུམ་འབྲུ་གསུམ་ལས་ནི་འོད་འཕྲོས་པས༔ འཁོར་འདས་ཡོངས་ནས་དཔག་མེད་སྤྱན་དྲངས་བསྟིམ༔ དེ་ནས་ལས་གཞུང་ཆ་ལག་བཅས༔ ཀྱེེ༔ དད་པ་དང་ནི་དམ་ཚིག་གིས༔ ཨུ་མ་དེ་ཝི་གཤེགས་སུ ཨོཾ༔ གསོལ༔ འབྱུང་ལྔའི་དབང་མོ༔ དུས་བཞིའི་རྒྱལ་མོ༴ འཁོར་དང་བཅས་པཿ དམ་ཚིག་ཆེན་པོའི་གདན་ལ་བཞུགས༔ སྒོ་གསུམ་གུས་པས་ཕྱག་འཚལ་ལོ༔ བདག་གི་སྲུང་མར་མངའ་གསོལ་ལོ༔ ཕྱི་ནང་གསང་བའི་མཆོད་པ་འབུལ༔ ཐུགས་དམ་བསྐང་ངོ་ཉམས་ཆག་བཤགས༔ གདུང་དབྱངས་རོལ་མོའི་སྒྲ་ཡིས་བསྟོད༔ ཕྲིན་ལས རབ་འབྱམས་ཡོངས་འགྲུབ་མཛོད༔ མ་གཡེལ་མ་འགྱངས་ས་མ་ཡ༔ དེ་ནས་འབོད་པ་ལ༔ ཨོཾ་ཨུ་མ་དཱེ་ཝི་ཧཿ རིཿ ནིཿ སཿ ས་མ་ཡ་ཧྲཱིང་ཧྲཱིང་ཛ་ཛཿ དེ་ནས་བསྒྲུབ་སྔགས་ལ༔ ཨོཾ་ཨུ་མ་དྗེ ཝི་ཧ་རི་ནི་ས་ས་མ་ཡ་ཨ་ནྲྀཿ ཨ་ཀརཱ་ཡ་ཛ་ཛཿ མི་སྙིང་བསྒུལ་བསྒུལ༔ བྲེང་བྲེང་དུང་དུང་ཝཱ་ཤཾ་ཀུ་རུ་ཡེ་སྭ་ཧཱ༔ དེ་ནས་དངོས་གྲུབ་བསྡུ་བ་ལ༔ ཨོཾ་ཨུ་མ་དཱེ་ཝི་ཧ་རི་ནི་ས་སརྦ་རཏྣ་བ་སུ་ཁ དྷེ་བསྡུས་བསྡུས་ཝཱ་ཤཾ་ཀུ་རུ་ཡེ་སྭཱ་ཧཱ༔ ཤེས་པ་གཞན་དུ་མི་ཡེངས་ཤིང་༔ སྟན་གྱི་དྲོད་མི་ཡལ་བ་དང་༔ མི་ཚིག་དག་གིས་བར་མི་གཅོད༔ རྩེ་གཅིག་བསྒྲུབ་ལ་བརྩོན་པའི་མིས༔ ཞག་གྲངས་ལྔ་བཅུ་རྩ་གསུམ་ནས༔ གྲུབ་པའི་ལྟས་མཚན་མངོན་དུ་གྱུར༔ ས་མ་ཡ༔ རྒྱ་རྒྱ་རྒྱ༔ ༔ ཞེས་པ་འདི་ནི་བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའོ། T1613 - 104 ཧཱུྃ༔ ཆོས་ཉིད་ནམ་མཁའི་ཀློང་མཛོད་ལས༔ སྲིད་པ་དབྱིངས་ཀྱི་དབང་མོའི་བསྐང་གསོལ་ཡིད་བཞིན་ཆར་འབེབས་བཞུགས་སོ༔ ན་མོ་གུ་རུ་བྷྱ༔ ཤ་ཁྲག་འདོད་ཡོན་གཏོར་མ་ལ༔ ཡིད་ཀྱིས་ནམ་མཁའ་མཛོད་དུ་སྤེལ༔ ཛཿ ཁམས་གསུམ་སྲིད་པའི་ཨ་ཕྱི་མོ༔ ཨུ་མ་དེ་ཝི་གཤེགས་སུ་གསོལ༔ ཁྱེད་ཀྱི་སྤྲུལ་པའི་རོལ་གར་ལས༔ ནམ་ཟླ་དབྱར་དགུན་སྟོན་དང་དཔྱིད༔ དུས་བཞིའི་རྒྱལ་མོ་གཤེགས་དཀར་གསུམ་མངར་གསུམ་ཇ་ཆང་སྐྱེམས༔ བཙོས་དང་རྗེན་ཤ་ཁུ་བ་རྐང་༔ གཟུགས་སྒྲ་དྲི་རོ་རེག་བྱའི་ཚོགས༔ བདེ་སྟོང་བདུད་རྩིའི་ངོ་བོར་གནས༔ ཨུ་མ་དྗེ་ཝིའི ཐུགས་དམ་བསྐང་༔ དབྱར་གྱི་རྒྱལ་མོའི: སྟོན་གྱི་རྒྱལ་མོའི་དགུན་གྱི་རྒྱལ་མོའི༴ དཔྱིད་ཀྱི་རྒྱལ་མོའི༴ སྲིད་པ་ཕྱོགས་བཞི་མཚམས་བརྒྱད་དང་༔ སྟེང་འོག་ཀུན་ལ་དབང་བསྒྱུར་བའི༔ རྗེ་མོ་བཅུ་ཡི་ཐུགས་དམ་བསྐང་༔ གསོལ་ལོ་མཆོད་དོ་མངོན་པར་བསྟོད༔ སྣང་སྲིད་སྐྱེ་འགྲོ་ཕོ་མོ་ཡི༔ བློ་ཡིད་སེམས་གསུམ་དབང་བསྡུས་ལ༔ བདག་གི་འབངས་དང་བྲན་ཁོལ་མཛོད༔ འདོད་རྒུའི་དཔལ་ཡོན་ཆར་དུ་ཕོབས༔ ཕ་མས་བུ་ཚ་བཞིན་དུ་སྐྱོངས༔ དམ་ལ་མ་འདའ་ས་མ་ཡ༔ དེ་ལྟར་གསོལ་མཆོད་བྱས་པ་ཡིས༔ མ་བུ་ལྟ་བུའི་བྱམས་བརྩེས་སྐྱོངས༔ ས་མ་ཡ༔ རྒྱ་རྒྱ་རྒྱ༔ གུ་ཧྱ༔ ཞེས་པ་འདི་སྔགས་སྐྱེས་ཀུན་བཟང་བསྟན་འཛིན་གྱིས་བསྐུལ་ངོར་བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའི་ཡི་གེ་པ་ནི་སློབ་བུ་བཱིདྱ་བྷ་དྲའོ། །དགེའོ། །དགེའོ །དགེའོ།། །། 22 བདུད་འཇོམས་སྲུང་མ་ལྷ་མོ་ཨུ་མ་T11613 - 106 T11613 - 106 བྷཾ ཆོས་ཉིད་ནམ་མཁའི་ཀློང་མཛོད་ལས༔ ལྷ་ཆེན་དབང་ཕྱུག་ཆེན་པོ་ལ་བརྟེན་པའི་དགེ་འདུན་དབང་སྡུད་འཁོར་ལོ་འདྲེན་བྱེད་ལྕགས་ཀྱུ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ །#ཙྩIབྷཾནྶཛྫརྦྦ དགེ་འདུན་དབང་སྡུད་འཁོར་ལོ་ལ༔ མུ་ཁྱུད་རིམ་པ་བཞི་བསྐོར་ཏེ༔ མུ་ཁྱུད་དང་པོར༔ ཨོཾ་མ་ཧཱ་དཱེ་ཝ་ཧྲཱིཿ ཨཾ་མ་ཧཱ་དཱེ་ཝ་ཛཿ ཧཱུྃ་མ་ཧཱ་དཱེ་ཝ་ཨེ༔ ཞེས་བྲིས༔ གཉིས་པ་ལ༔ ཨོཾ་མ་ཧཱ་དཱེ་ཝ་ཧཱུྃ༔ ཨུ་མ་དྗེ ཝི་ཧྲཱི༔ ཧ་རི་ནི་ས་པཱ་ཤཾ་ཀུ་རུ་ཧོཿ བཛྲ་ས་མ་ཡ་སུ་ཏྲི་མ་ཡ་གང་ཟག་བཟང་རྒུ་ཆེ་བཙན་མཁས་བཙུན་དགེ་བཙུན་སྔགས་བཙུན་སརྦ་པཱ་ཤཾ་ཀུ་རུ་ཡེ་སྭཱ་ཧཱ༔ མུ་ཁྱུད་གསུམ་པ་ལ༔ ཨོཾ་མ་ཧཱ་དཱི་ཝ་ཛཿ ཨུ་མ་དེ་ཝི་ཧྲཱི༔ ཧ་རི་ནི་ས་ས་མ་ཡ་མི་སྙིང་བསྒུལ་བསྒུལ་མི་བློ་བསྡུས་བསྡུས་མི་སེམས་དཀྲུགས་དཀྲུགས་བྲེང་བྲེང་དུང་དུང་དགེ་བཙུན་སྔགས་བཙུན་ཐམས་ཅད་པཱ་ཤཾ་ཀུ་རུ་ཡེ་སྭཱ་ཧཱ༔ མུ་ཁྱུད་བཞི་པ་ལ༔ འཁོར་ལོ་རྩིབས་བརྒྱད་ཀྱི་རྩེ་མོ་ལྕགས་ཀྱུའི་དབྱིབས་སུ་བྲིས་པའི་རྩིབས་རྩེ་རྣམས་ལ་མཿ རེ་བྲིས༔ རྩིབས་ཤར་དུ༔ ནྲྀ་ཨ་ཀརཱ་ཡ་ཛ་ཛཿ ཤར་ལྷོའི་མཚམས་སུ༔ མི་ཆེ་བཙུན་སརྦ་པཱ་ཤཾ་ཀུ་རུ་ཡེ་སྭཱ་ཧཱ༔ ལྷོ་རུ༔ མི་མཁས་བཙུན་སརྦ་པཱ་ཤཾ་ཀུ་རུ་ཡེ་སྭཱ་ཧཱ༔ ལྷོ་ནུབ་མཚམས་སུ༔ མི་དགེ་བཙུན་དང་བན་བཙུན་སརྦ་པཱ་ཤཾ་ཀུ་རུ་ཡེ་སྭཱ་ཧཱ༔ ནུབ་ཏུ༔ མི་སྔགས་སྐྱེས་སརྦ་པཱ་ཤཾ་ཀུ་རུ་ཡེ དབང་སྡུད་ སྭཱ་ཧཱ༔ ནུབ་བྱང་མཚམས་སུ༔ མི་དབང་ལྡན་སརྦ་པཱ་ཤཾ་ཀུ་རུ་སྭཱ་ཧཱ༔ བྱང་དུ༔ མི་ཡ་རབས་དང་ནོར་ལྡན་སརྦ་པཱ་ཤཾ་ཀུ་རུ་ཡེ་སྭཱ་ཧཱ༔ བྱང་ཤར་མཚམས་སུ༔ མི་སྟོབས་ལྡན་སརྦ་པཱ་ཤཾ་ཀུ་རུ་ཡེ སྭཱ་ཧཱ༔ ཞེས་བྲིསཿ རྩིབས་མཆན་རྣམས་སུ༔ བཱ་སུ་པཱ་ཤཾ་ཀུ་རུ་ཧོཿ རཏྣ་པཱ་ཤཾ་ཀུ་རུ་ཧོཿ ཁ་ངྷེ་པཱ་ཤཾ་ཀུ་རུ་ཧོཿ ནྲྀ་ཨ་ཀ_UNK་ཡ་ཛཿ ཨ་ཨ་ཀརྞ་ཡ་ཛཿ སྐྱེས་པ་ཕོ་སརྦ་པཱ་ཤཾ་ཀུ་རུ་ཧོཿ ཟ་མ་མོ་སརྦ་པཱ་ཤཾ་ཀུ་རུ་ཧོཿ དྲེགས་པ་སྡེ་བརྒྱད་གཞི་བདག་སརྦ་པཱ་ཤཾ་ཀུ་རུ་ཧོཿ དེ་ཡི་ནང་རིམ་དུ༔ ཁམས་གསུམ་སྲིད་གསུམ་གྱི་ལྷ་འདྲེ་མི་གསུམ་ཟས་ནོར་ལོངས་སྤྱོད་འདོད་རྒུའི་དཔལ་ཡོན་ཐམས་ཅད་དབང་དུ་བསྡུས་ཏེ་ལོངས་སྤྱོད་དུ་དབང་འབྱོར་བར་གྱུར་ཅིག༔ ཅེས་མཚལ་དང་ལི་ཁྲིས་བྲི་བར་བྱའོ༔ དང་པོ་སྒྲུབ་པའི་རྟེན་དུ་བཙུག་ནས་ཞག་བདུན་དུ་བསྒྲུབས་ཏེ་རབ་གནས་བྱའོ༔ དེ་ནས་བསྐོར་བར་བྱ་བ་ལག་ལེན་ནོ༔ འཁོར་ལོ་དྲི་བཟང་གི་ཆུས་བྱུག་གོ༔ འདི་ཡིས་ཐམས་ཅད་དབང་དུ་འགྱུར༔ བསམ་པའི་དོན་ཀུན་ངེས་པར་འགྲུབ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ གུ་ཧྱ༔ ཞེས་པ་འདི་རང་སློབ་དམ་པ་དགེ་འདུན་རྡོ་རྗེས་ནན་དུ་བསྐུལ་ངོར་བདུད་འཇོམས་རྡོ་རྗེས་བསྒྱུར་བའོ། །དགེའོ། །སརྦ་མངྒ་ལཾ།། _UNK༔ ཆོས་ཉིད་ནམ་མཁའི་ཀློང་མཛོད་ལས༔ ནོར་བདག་འདོད་རྒྱལ་དམར་པོའི་གསོལ་མཆོད་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ནྱ།ཐྱ།རྒྱ།ཐཾ།༔ ཕྱེ་མར་བཤོས་སྐྱེམས་བཟང་ཤིང་སྨན སྤོས་དུད༔ ནམ་མཁའ་མཛོད་ཀྱི་སྔགས་དང་ཕྱག་རྒྱས་སྤེལ༔ རང་ཉིད་ཡི་དམ་ལྷ་ཡི་ཏིང་འཛིན་གྱིས༔ གཉིས་མེད་རོལ་པ་སྲོག་གི་གནད་དུ་གཅེས༔ ཨོཾ་ཨཱཿཧཱུྃ༔ བྷྲུྃ༔ ཏིང་འཛིན་ནམ་མཁའ་མཛོད་ཀྱི་སྒྱུ་འཕྲུལ ལས༔ འཁོར་འདས་དག་མཉམ་གདོད་མའི་གཞི་དབྱིངས་སུ༔ ལྷུན་གྲུབ་རྫོགས་པ་ཆེན་པོའི་རོལ་རྩལ་ལས༔ རིན་ཆེན་ནོར་བུའི་ཁང་བཟང་ཡངས་པའི་ནང་༔ འདོད་རྒུའི་དཔལ་ཡོན་མཆོད་པའི་སྤྲིན་དུ་འཁྲིགས༔ འདོད་ཡོན་ལྷ་མོ་དབང་པོའི་ཕྱག་རྒྱར་རྩེ༔ ཟླ་གམ་དབང་ཆེན་རཱ་གའི་ཁྲི་སྟེངས་སུ༔ ཕྱེད་ངོམས་ག་བུར་དབང་པོའི་གདན་བཟང་དུ༔ སྐུ་གསུམ་ལྷུན་གྲུབ་པདྨ་རྒྱལ་པོ་ཡིས༔ དབང་བསྐུར་བྱིན་རླབས་སྨོན་ལམ་རྒྱས་བཏབ་པས༔ འདོད་པའི་རྒྱལ་པོ་དབང་སྡུད་དཔའ་བོ་རྩལ༔ སྐུ་མདོག་དམར་པོ་ཞལ་གཅིག་ཕྱག་གཉིས་པ༔ གཡས་ན་འཛིན་བྱེད་རྡོ་རྗེ་ལྕགས་ཀྱུ་དང་༔ གཡོན་ན་འཆིང་བྱེད་གློག་གི་ཞགས་པ་བསྣམས༔ གསེར་གྱི་བུམ་པ་བཟང་པོ་མཆན་དུ་བསྟེན༔ གླང་པོའི་གདོང་ཅན་ཟླ་གཞོན་ནོར་བུའི་ཏོག༔ ལིང་ག་གྱེན་བསྒྲེང་འདོད་པའི་རོ་ལ་གདུང་༔ གཅེར་བུ་རྒྱན་སྤངས་ཆགས་པའི་ཟིལ་པ་འཁྲིགས༔ དགྱེས་བསྐང་ཨ་ཀེ་དམར་མོས་ནོར་བུ་དང་༔ གཡོན་པས་རོ་བརྒྱ་ལྡན་པའི་ཞལ་ཟས སྟོབ༔ སྤྲུལ་པའི་ལས་བྱེད་མ་བཞི་སྡེ་བརྒྱད་བསྐོར༔ དམ་ཚིག་གཉན་པོའི་ལྷ་ཁྱོད་ད་ཚུར་སྤྱོན༔ རྣལ་འབྱོར་བདག་གི་སྲུང་མར་མངའ་གསོལ་ལོ༔ ཡུལ་སྡེ་འདི་ཡི་བདག་པོར་མངའ་གསོལ་ལོ༔ དངོས་སུ་འབྱོར་དང་ཡིད་ལས་སྐྱེས་པ་ཡི༔ འདོད་ཡོན་མཆོད་སྤྲིན་ནམ་མཁའི་མཛོད་དུ་འབུལ༔ སྲིད་པ་ཇི་སྲིད་གནས་ཀྱི་བར་དུ་ནི༔ ཁྱོད་ཀྱིས་འདོད་རྒུ་མི་ཟད་ཐོབ་པར ཤོག༔ བདེ་སྐྱིད་ལོངས་སྤྱོད་དགའ་བའི་དབང་འབྱོར་ནས༔ ཉམས་ནུབ་མེད་པར་རྟག་ཏུ་དར་རྒྱས་ཤོག༔ ཁྲག་འཐུང་བདུད་འཇོམས་དཔའ་བོའི་བཀའ་བཞིན་དུ༔ ཁྱོད་ལ་བརྟེན་བཅས་མཆོད་བསྟོད་བྱེད་པ་དག༔ རྟག་ཏུ་སྲུང་སྐྱོབས་ཁ་འཛིན་སྡོང་གྲོགས་མཛོད༔ སངས་རྒྱས་བསྟན་སྐྱོང་དཀོན་མཆོག་དབུ་འཕང་བསྟོད༔ དགེ་འདུན་སྡེ་སྐྱོངས་ཉམས་པའི་དགྲ་བགེགས སྒྲོལ༔ མི་ནད་ནོར་གྱི་གོད་ཁ་མཐའ་དག་བཟློག༔ བཙན་ཕྱུག་འཕན་དར་དཔལ་ཡོན་དངོས་གྲུབ་སྩོལ༔ དགྲ་ཇག་ཆོམ་རྐུན་གཅན་གཟན་གནོད་པ་བཟློག༔ འཁྲུགས་དང་རྩོད་པ་ཁ་མཆུ་ ཨོཾ༔ མེད་པར་མཛོད༔ བུ་སློབ་དགོན་སྡེ་གྲྭ་ཚན་ཐམས་ཅད་དང་༔ སྐྱེས་པ་ཕོ་མོ་མིང་སྲིང་བཅས་པ་ཀུན༔ ཕན་ཚུན་བྱམས་བརྩེ་མཐུན་པའི་དགེ་ལྡན་མཛོད༔ 8 བཀའ་དང་དམ་ལ་མ་འདའ་ས་མ་ཡ༔ དེ་ལྟར་ཁྱོད་མཆོད་བརྟེན་པའི་རྟེན་འབྲེལ་དང་༔ བླ་མེད་རྡོ་རྗེ་ཐེག་པའི་མཐུ་སྟོབས་ཀྱིས༔ བདག་ཅག་ལྷ་མི་འཁོར་དང་བཅས་པ་ཀུན༔ བཀྲ་ཤིས་བདེ་ལེགས་ཕུན་སུམ་ཚོགས་པར་ཤོག༔ ཅེས་པ་འདི་ནི་ནོར་བདག་འདོད་རྒྱལ་དམར་པོས་བྲན་དུ་ཁས་བླངས་ཚེ་མཁའ་འགྲོ་མ་ཡེ་ཤེས་མཚོ་རྒྱལ་གྱིས་གསུངས་པ་སྙིང་སྒྲོམ་སྨུག་པོར་བགྱིས་ཏེ་ཨ་སྤོ་སྡོང་གི་སྔགས་བཙུན་ཚོགས་མཆོག་མིང་གིས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེ་ཁྲོ་ལོད་ཀྱིས་དག་པར་ཕབ་པའོ། །དགེའོ། །དགེའོ །དགེའོ།། 0 TI1613 - 111 T11613 - 112 ཧོྃ།༔ གནོད་སྦྱིན་ཤན་པའི་ཕྱག་རྒྱ་བཞུགས༔ རང་ཉིད་ཕྱག་ན་རྡོ་རྗེ་མཐིང་༔ ཁྲོ་གཏུམ་རྡོ་རྗེ་སྦྲུལ་ཞགས་བསྣམས༔ སྡེ་བརྒྱད་ཕོ་མོ་བསྣོལ་བའི་སྟེང་༔ ཞབས་གཉིས་གྱད་ཀྱི་འདོར་སྟབས་བསྒྲད༔ ཡེ་ཤེས་མེ་དཔུང་ཀློང་དུ་བསྐྱེད༔ མདུན་དུ་མེ་རླུང་འབར་འཁྲུགས་ཀློང་༔ གནོད་སྦྱིན་ཤན་པ་ཆེན་པོ་ནི༔ དམར་ནག་ཁྲོ་གཏུམ་ཕྱག་བཞི་པ༔ གཡས་གཉིས་རལ་གྲི་གྲི་གུག་དང་༔ གཡོན་གཉིས་སྙིང་ཞགས་ཐོད་ཁྲག་བསྣམས༔ མེ་ཁྱུང་སྟེང་དུ་རོལ་སྟབས་བཞུགས༔ དུར་ཁྲོད་ཆས་རྫོགས་བེར་དམར་གསོལ༔ ཡུམ་མཆོག་གསོད་བྱེད་དམར་མོས་འཁྱུད༔ ཕྱག་གཉིས་སྤུ་གྲི་དགྲ་སྙིང་བསྣམས༔ གཡང་གཞི་གཟིག་ཤམ་མི་མགོས་བརྒྱན༔ སྤྲུལ་པའི་ལས་མཁན་དཔག་མེད་ཀྱིས༔ སྣང་སྲིད་ཁམས་ཀུན་ཡོངས་སུ་གང་༔༷ བདག་མདུན་ལས་འཕྲོས་འོད་ཟེར་གྱིས༔ འབྱུང་ལྔའི་དབྱིངས་ནས་དབྱིངས་བཞུགས་ཀྱི༔ ལྷ་རྣམས་ཁ་ཆར་བབ་པ་ལྟར༔ སྤྱན་དྲངས་གཉིས་སུ་མེད་པར་བསྟིམ༔ ཨེ་ཧེ་རྨ་རུ་ཙེ་གུ་ཎ་ཧྲཱིཿ ཏྲི་བྷྱོ་ས་མ་ཡ་ཛ་ཛཿ དེ་ལྟར་དམིགས་པ་གནད་ལྡན་གྱིས༔ འབོད་སྔགས་ཅི་མང་བཟླས་ནས་མཐར༔ བསྐང་གསོལ་འདི་ལ་འབད་པར་གྱིས༔ ཀྱེེ༔ དད་པ་དང་ནི་དམ་ཚིག་གིས༔ གནོད་སྦྱིན་ འཁོར་བཅས་གཤེགས་སུ་གསོལ༔ དམ་ཚིག་ཆེན་པོའི་གདན་ལ་བཞུགས༔ སྒོ་གསུམ་གུས་པས་ཕྱག་འཚལ་ལོ༔ བདག་གི་སྲུང་མར་མངའ་གསོལ་ལོ༔ ཕྱི་ནང་གསང་བའི་མཆོད་པ འབུལ༔ ཐུགས་དམ་བསྐང་ལ་ཉམས་ཆག་བཤགས༔ གདུང་དབྱངས་རོལ་མོའི་སྒྲ་ཡིས་བསྟོད༔ ཕྲིན་ལས་རབ་འབྱམས་ཡོངས་གྲུབ་མཛོད༔ མ་གཡེལ་མ་འགྱངས་ས་མ་ཡ༔ ཞེས་པ་འདི་ཁྲོམ་ཟ་ལི་ཐར་གྱིས་བསྐུལ་ངོར་བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའོ། །དགེའོ། །དགེའོ། །དགེའོ།། ། T1613 - 114 ཁྲོཾ༔ ཧཱུྃ༔ རང་ཉིད་ཡི་དམ་དྲག་པོ་ཧེ་རུ་ཀར་གསལ་བའི་མདུན་དུ་བསྐལ་པའི་མེ་རླུང་འཚུབས་མ་འཁྱིལ་བའི་ཀློང་དུ༔ གནོད་སྦྱིན་ཤན་པ་ཆེན་པོ་སྐུ་མདོག་དམར་ནག་ཞལ་གཅིག་ཕྱག་བཞི་ཞབས་གཉིས་དང་ལྡན་པ༔ ཞལ་གདངས་ཤིང་ལྗགས་འདྲིལ་བ་རྣོ་དཀར་གྱི་མཆེ་བ་བཞི་གཙིགས་པ༔ སྤྱན་གསུམ་སྡང་མིག་ཏུ་གཡོ་ཞིང་ཁྲོ་གཉེར་སྡུད་པ༔ དབུ་སྐྲ་ཁམ་ནག་སྲིད་པའི་རྩེ་མོར་བརྫེས་ཤིང་ཐོད་སྐམ་ལྔ་ཡིས་དབུ་ལ་བརྒྱན་པ༔ སྨ་ར་དང་སྨིན་མར་མེ་ཡི་ཚྭ་ཚྭ་འཕྲོ་ཞིང་རབ་འཇིགས་དྲག་པོའི་གད་རྒྱངས་སྒྲོགས་པ༔ ཕྱག་དང་པོ་གཉིས་ན་རལ་གྲི་དང་སྙིང་ཞགས་བསྣམས་ཤིང་འོག་མ་གཉིས་ཀྱིས་གྲི་གུག་དང་བྷན་ཁྲག་ཐོད་ཕྲེང་བསྣམས་པ༔ དུར་ཁྲོད་ཆས་བརྒྱད་ཀྱིས་བརྒྱན་ཅིང་མེ་ཁྱུང་དམར་པོ་རླུང་གཤོག་ལ་བཅིབས་པ༔ ཡུམ་མཆོག་སྙིང་འབྱིན་དམར་མོ་སྤུ་གྲི་དང་དགྲ་སྙིང་བསྣམས་པ་ཡབ་ལ་འཁྱུད་པ༔ སྤྲུལ་པའི་ལས་མཁན་བྱེ་བ་འབུམ་སྡེས་བསྐོར་ནས་ཁམས་གསུམ་སྲིད་གསུམ་གྱི་བློ་ཡིད་སེམས་གསུམ་ལ་དབང་བསྒྱུར་ནས་མངའ་འོག་ཏུ་སྡུད་པ༔ བདག་གི་བཀའ་ཉན་ཅིང་གསུང་སྡོད་པ༔ ཕྲིན་ལས་རབ་འབྱམས་ཐམས་ཅད་ཐོགས་མེད་དུ་བསྒྲུབ་པར་བསྐྱེད་དོ༔ ཧོཿ དགོངས་སུ་གསོལ་ལོ༔ གནོད་སྦྱིན་ཤན་པ་དམར་ནག་བཀའ་སྡོད་སྤྲུལ་འཁོར་དང་བཅས་པ་ཐམས་ཅད་བཀའ་དང་དམ་ཚིག་གཉན་གྱིས་འབོད་དོ༔ མ་འདའ་མ་ཐོགས་སྒྲུབ་ཅིང་བརྟེན་པའི་གནས་འདིར་གཤེགས་ཤིག་བྱོན་ཅིག༔ བཛྲ་ས་མ་ཡ་ཛ་ཛཿ ལན་གསུམ་བརྗོད༔ ཛཿ ཧཱུྃ་བཾ་ཧོཿ ཏིཥྛ་བཛྲ་ས་མ་ཡ་ལྷན༔ ན་མོ་ཧོཿ གནོད་སྦྱིན་ཆེན་པོའི་ཐུགས་ཀར་ཉི་མའི་གདན་ལ་ཧཱུྃ་དམར་ཀྵཿ ཧྲཱིཿ ས་མཚན་པ་ཅན་ལ་སྔགས་ཀྱི་ཕྲེང་བས་བསྐོར་བར་བསམ༔ བཟླས་པ་ཙམ་གྱིས་དམ་ཚིག་གཉན་པོའི་སྲོག་