Tibetan
བྱུང་ནས་བསྐྱེད་པའི་ལྷ་ལ་ཐིམ་པར་བསམ་ནས་བཟླ་བ་གནད་དུ་ཤེས་པར་བྱའོ༔ དེ་ལྟར་བཟླས་པའི་ཚེ་ན་རབ་དངོས༔ འབྲིང་ཉམས་སྣང་༔ ཐ་མ་རྨི་ལམ་ན་ཁྱིམ་ཟས་ནོར་ལོངས་སྤྱོད་ཀྱིས་གང་བ་དང་༔ ཚོགས་མགྲོན་མང་པོ་འདུ་བ༔ ཁྲོམ་མང་འདུས་ནས་རང་ལ་ཕྱག་འཚལ་བ༔ ཟས་ནོར་མང་པོ་འབུལ་བ་དང་༔ རྟ་ཕྱུགས་གནག་ལུག་གིས་ལུང་པའམ་ཕྱུག་ལྷས་གང་བ་རྣམས་དང་༔ ཐོག་འཚེགས་པ་དང་༔ ༔ ཁྱིམ་འོད་ཀྱིས་གང་བ་དྲི་བཟང་མཚན་མ་རྣམས་བྱུང་ན་གྲུབ་པའི་ལྟས་བཟང་དུ་ལེགས་ཏེ་ཤིན་ཏུ་བཟང་བ་ཡིན༔ ཕ་རོལ་བན་བོན་སྐྱེས་བུ་ཨ་ཙ་ར་ལ་སོགས་པས་རང་ལ་རྒོལ་བ༔ འཐབ་པ༔ རྩོད་པ༔ རང་གི་ནོར་རྫས་ཧབ་ཤ་བྱེད་པ༔ རང་ལ་གཞན་གྱིས་སློང་མོ་བྱེད་པ༔ འཕང་ཆེ་བ་དང་རྟ་ཆུས་ཁྱེར་བ་རྣམས་བྱུང་ན་འཁུ་བའི་ལྟས་ཡིན་ཏེ༔ རང་གཏུམ་པོའི་ང་རྒྱལ་དང་ལྡན་པས་སྔགས་བརྒྱ་སྟོང་བརྗོད་ནས་ཁོ་ལ་དམ་ཆུ་བྲན་པས་ལྕེ་ལ་ཕོག་སྟེ་ཁོང་དུ་སོང་ནས་དམ་ཚིག་གི་སྲོག་ཐོབ་ཅིང་འདའ་བའི་གནས་མེད་པར་བསམ༔ རྡོ་རྗེ་གཏུམ་པོའི་ང་རྒྱལ་དང་ལྡན་བཞིན་གཏུམ་པོའི་སྔགས་བཟླ་བཞིན་ཐོད་པ་ལ་ཟངས་ཁབ་ཀྱིས་གཟེར༔ གོང་ལྟར་བཟང་པོའི་ལྟས་བྱུང་ཚེ༔ ཚོགས་བསྐང་མང་དུ་བཏང་ངོ་༔ ཇི་ལྟར་བྱས་ཀྱང་ལེགས་ལྟས་མ་བྱུང་ན་སྔགས་མགོ་མཇུག་བཟློག་ནས་བཟླས་པས་ལྟས་ངེས་པར་འབྱུང་ངོ་༔ ས་མ་ཡ༔ བསྐྱེད་དང་སྨྲ་བཅད་གནད་ལྡན་ན༔ ཞག་དགུ་རང་གི་འགྲུབ་པའི་ཚད༔ དེ་ཡིས་འགྲུབ་རྟགས་མ་བྱུང་ན༔ ལན་དགུར་དཔོག་པས་ངེས་པར་འགྲུབ༔ མཆོད་དང་སྦྱིན་པ་མང་བཏང་ན༔ མངའ་ཐང་རྒྱལ་པོ་དག་ལ་འགྲན༔ བཀའ་སྲུང་ཁྱབ་འཇུག་ཆེན་པོར་གཉེར༔ ཐུབ་པར་སྲུངས་ཤིག་ས་མ་ཡ༔ རྒྱ་རྒྱ་རྒྱ༔ སྤྲོ༔ ཞེས་པ་འདི་ཉིད་རིགས་སྲས་རིག་འཛིན་ནོར་བུས་བསྐུལ་ངོར་བདུད་འཇོམས་རྡོ་རྗེས་ཡིག་མེད་ཨུ་པ་དེ་ཤ་ལས་བསྒྱུར་ཏེ་དག་པར་ཕབ་པའི་ཡི་གེ་པ་ནི་རང་སློབ་དམ་པ་ངག་དབང་ཕྲིན་ལས་སོ། །དགེའོ། །ལེགས་སོ། །སརྦ་མངྒ་ལཾ།། ། TI1613 - 138 ཥྟཾ ཆོས་ཉིད་ནམ་མཁའི་ཀློང་མཛོད་ལས༔ གནོད་སྦྱིན་ནོར་གྱི་བདག་པོའི་ཕྱག་རྒྱ་ཡིད་བཞིན་འཁོར་ལོ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ གནོད་སྦྱིན་ནོར་གྱི་བདག་པོ་ཡི༔ ཕྱག་རྒྱ་འཁོར་ལོས་སྒྱུར་བ་ལ༔ རང་ཉིད་ཡི་དམ་གནས་འགྱུར་ཏེ༔ གསང་བདག་རྡོ་རྗེ་གཏུམ་པོར་གསལ༔ ཨོཾ་མ་ཧཱ་ཤུ་ནྱ་ཏཱ་ཛྙཱ་ན་སོགས ཀོ྅་ཧཾ༔ སྟོང་པ་ཉིད་དུ་གྱུར༔ སྟོང་པའི་ངང་ལས་རིན་པོ་ཆེ་སྣ་ཚོགས་ཀྱི་རྣམ་པའི་ཡེ ཤེས་རང་སྣང་ལས་གྲུབ་པའི་གཞལ་ཡས་ཁང་ཡངས་པའི་དབུས་སུ༔ རིན་པོ་ཆེ་ནོར་བུ་བརྩེགས་པའི་ཁྲི་ཡི་ཁར༔ པདྨ་དང་ཟླ་བའི་གདན་ལ་ཏྲིཿ ཡིག་དཀར་པོ་གསལ་བ་ལས་འོད་འཕྲོས པས་གནོད་སྦྱིན་ནོར་ལྷའི་ཚོགས་ཐམས་ཅད་འོད་ཕུང་ཁ་དོག་ལྔ་ལྡན་གྱི་རྣམ་པར་བསྡུས་ཏེ་ཏྲིཿ ལ་ཐིམ༔ ཏྲིཿ ཡོངས་སུ་གྱུར་པ་ལས་ཧཱུྃ་ཧཱུྃ་གནས་སུ་གྱུར་པ་ལས་གནོད་སྦྱིན་ནོར་གྱི་བདག་པོ ཨ་པར་ཙིཏྟ་སྐུ་མདོག་དཀར་པོ་ཁྲོ་བོའི་ཆ་བྱད་ཅན་སྤྱན་མིག་འབུར་ཞིང་འདྲིལ་ལ་ཁད་པ་བག་དྲོ་ཞིང་ལྷུན་ཆགས་པ་རལ་པ་རྟིང་རྩར་སླེབ་པ༔ ཕྱག་གཡས་རིན་པོ་ཆེའི་ནོར་བུའི་དབྱུག་པ དང་༔༷ གཡོན་པས་ནེའུ་ལེའི་རྐྱལ་པའི་ཁ་ནས་ནོར་ལོངས་སྤྱོད་ཀྱི་ཆར་ཆེན་པོ་འབེབས་པ་ཞབས་གཉིས་གྱད་ཀྱི་འདོར་སྟབས་སུ་བསྒྲད་དེ་སྐུ་ལ་འོད་དང་འོད་ཕུང་འབར་བའི་གནོད་སྦྱིན་ནོར་ གྱི་བདག་པོ་འཁོར་གནོད་སྦྱིན་ནོར་ལྷའི་ཚོགས་དང་བཅས་པ་ཐམས་ཅད་སྤྱན་དྲངས་ལ་བསྟིམ་མོ༔ གཞན་ཡང་འོད་དང་འོད་ཟེར་རྒྱུན་མི་ཆད་པར་འབྱུང་བ་ལྔའི་ཁམས་ནས་འབྱུང་བ་ལྔའི་ནོར་བདག་ཐམས་ཅད་དང་༔ བྱང་ཕྱོགས་གཏེར་གྱི་གཞལ་ཡས་ནས་ནོར་བདག་ཛམ་ལྷ་རིགས་ལྔ་འཁོར་དང་བཅས་པ་རྣམས་དང་༔ རྒྱལ་བ་སྲས་དང་བཅས་པ་ནོར་བདག་ཆེན་པོའི་རྣམ་པར་སྤྱན་དྲངས་ཏེ་ཐིམ་པར་བསྒོམ་ལ༔ ཡཀྵ་ཨ་པ་ར་ཙིཏྟ་ས་མ་ཡ་ཛ་ཛཿ ཞེས་འབོད་སྔགས་དེ་ཅི་མང་བརྗོད་ཅིང་དམིགས་པའི་གནད་དང་ལྡན་པར་བྱ༔ དེ་མཐར་གསོལ་མཆོད་ལ་འབད༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ གུ་ཧྱ༔ ཞེས་ཀུན་བཟང་རྣམ་རྒྱལ་གྱིས་ནན་དུ་བསྐུལ་ངོར་ཆོས་ཉིད་ནམ་མཁའི་མཛོད་ལས་བསྒྱུར་བ་དགེའོ།། ། T11613 - 140 བྡཾ ན་མོ༔ སངས་རྒྱས་ཀྱི་བཀའ་བདེན་པ་དང་༔ ཆོས་ཀྱི་བཀའ དགེ་འདུན་གྱི་བཀའ བླ་མ་ཡི་དམ་དཔའ་བོ་མཁའ་འགྲོ་ཆོས་སྐྱོང་སྲུང་མ་དམ་ཅན་རྒྱ མཚོའི་ཚོགས་དང་བཅས་པ་རྣམས་ཀྱི་བཀའ དོན་དམ་ཆོས་ཉིད་ངོ་བོ་གདོད་ནས་དག་པའི་བཀའ༔ ཀུན་རྫོབ་རྟེན་འབྲེལ་བསླུ་བ་མེད་པ་རྒྱུ་འབྲས་ཟབ་མོའི་བདེན་པའི་མཐུ་དང་ནུས་པའི་བྱིན་རླབས་ཀྱིས༔ གནོད་སྦྱིན་ནོར་གྱི་བདག་པོ་ཨ་པར་ཙིཏྟ་མངོན་རྟོགས་བསྐྱེད་ཆོག་ཅི་བཞིན་པ་སྐད་ཅིག་ད་ལྟ་ཉིད་དུ་བདག་གི་མདུན་ས་འདི་རུ་མཆིས་པར་གྱུར་ཅིག༔ འགྲུབ་པར་གྱུར་ཅིག༔ མི་དང་མི་འགྲོགས་པ་བཞིན་དུ་བདག་གི་གྲོགས་སུ་མཆིས་ཏེ་མངོན་སུམ་གཏམ་གྱི་ལབ་གྲོགས་སུ་ཡོད་པར་གྱུར་ཅིག༔ དཔག་བསམ་གྱི་ཤིང་ཡིད་བཞིན་གྱི་ནོར་བུ་ལྟ་བུར་འདོད་དོན་ཡིད་བཞིན་གྱི་བྱེ་བྲག་ཐམས་ཅད་འབྱུང་བའི་གནས་སུ་འགྱུར་བར་ཤོག་ཅིག༔ ལོངས་སྤྱོད་དངོས་གྲུབ་ཐམས་ཅད་རྒྱུན་མི་ཆད་པར་འབབ་ཅིང་ནུབ་པ་མེད་པར་རབ་ཏུ་གནས་ཤིང་བརྟན་པར་གྱུར་ཅིག༔ ཅེས་ལན་གསུམ་རེའི་མཐར་འགྲུབ་པའི་བདེན་བརྗོད་སྔགས་དང་བཅས་པ་ལན་བདུན་རེ་བརྗོད་པར་བྱའོ༔ བདུད་འཇོམས་པས་སོ།། ། T11613 - 142 ཧོྃ།༔ ཆོས་ཉིད་ནམ་མཁའི་ཀློང་མཛོད་ལས༔ གནོད་སྦྱིན་ནོར་གྱི་བདག་པོའི་བསྐང་གསོལ་དགོས་འདོད་ཆར་འབེབས་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ སམམགས་ཤབྱ༔ གནོད་སྦྱིན་ནོར་བདག་བསྐང་གསོལ་ལ༔ འབྱོར་ཚོགས་ཅི་རིགས་བཤམས་བྱས་ཏེ༔ སྭ་བྷཱ་ཝ་ཡིས་སྟོང་པར་སྦྱངས༔ རྟེན་འབྲེལ་སྙིང་པོས་བྱིན་གྱིས་བརླབས༔ ནམ་མཁའ་བཛོད་ཀྱི་སྔགས་རྒྱས་སྤེལ༔ རང་ཉིད་ཡི་དམ་ལྷར་གསལ་ངང་༔ མ༔ གནོད་སྦྱིན་ཤན་པ་དམར་ནག་དང་༔ ནོར་བདག་ཨ་པར་ཙིཏྟ་དང་༔ ཛམ་ལྷ་རིགས་ལྔ་འཁོར་དང་བཅས༔ དད་དང་དམ་ཚིག་གཉན་གྱིས་འབོད༔ མ་ཐོགས་མྱུར་དུ་གནས འདིར་གཤེགས༔ བདག་གི་གྲོགས་དང་སྲུང་མར་བཞུགས༔ ཉེར་སྤྱོད་བདུན་དང་འདོད་ཡོན་ལྔ༔ བདུད་རྩི་སྨན་གཏོར་རཀྟ་དང་༔ ཤ་སྣ་སྙིང་སྣ་ཁྲག་སྣ་དང་༔ ཤ་རི་ཁྲག་མཚོ་རུས གྲམ་ཁྲོད༔ ཇ་ཆང་འོ་ཞོ་མར་དང་ཐུད༔ འབྲུ་སྣ་སྨན་སྣ་ཟས་སྣ་ཚོགས༔ དར་ཟབ་གོ་མཚོན་རིན་ཆེན་ནོར༔ གཟུགས་འགྲོས་རྣམ་པ་སྣ་ཚོགས་པས༔ གནོད་སྦྱིན་ཤན་པ་དམར་ནག་ལ༔༷ གསོལ་ལོ་མཆོད་དོ་ཐུགས་དམ་བསྐང་༔ ནོར་བདག་ཨ་པར་ཙིཏྟ་ལ༔ གསོལ་ལོ་མཆོད་དོ་ཐུགས་དམ་བསྐང་༔ ཛམ་ལྷ་རིགས་ལྔ་འཁོར་བཅས་ལ༔ གསོལ་ལོ་མཆོད་དོ༔ ལས་མཁན་སྤྲུལ་པའི་འཁོར་བརྒྱད་ལ༔ གསོལ་ལོ་མཆོད་དོ༔ འཁོར་ཚོགས་བྱེ་བ་འབུམ་སྡེ་ལ༔ གསོལ་ལོ་མཆོད་དོ༔ ཐུགས་དང་འགལ་འདས་ནོར་འཁྲུལ་བཤགས༔ ཕ་མ་བུ་ཚ་བཞིན་བརྩེས་སྐྱོངས༔ ནད་གདོན་བར་ཆད་ཞི་བ་དང་༔ ཚེ་བསོད་དཔལ་འབྱོར་རྒྱས་པ་དང་༔ སྣང་སྲིད་སྐྱེ་འགྲོ་དབང་དུ་བསྡུས༔ འདོད་རྒུའི་ལོངས་སྤྱོད་ཆར་དུ་ཕོབ༔ དགྲ་བགེགས་གནོད་བྱེད་མ་ལུས་པ༔ མངོན་སྤྱོད་དྲག་པོའི་ལས་ཀྱིས་སྒྲོལ༔ བཀའ་དམ་གཉན་པོ་དཔང་དུ་བཙུག༔ མ་འདའ་བཛྲ་ས་མ་ཡ༔ དེ་ལྟར་གྲངས་ལྡན་བསྐྱར་གྱུར་ན༔ འབྲལ་བ་མེད་པའི་གྲོགས་སུ་འགྱུར༔ ས་མ་ཡ༔ རྒྱ་རྒྱ་རྒྱ༔ ༔ ཞེས་པ་འདི་ཡང་རིགས་སྲས་དྲི་མེད་འོད་ཟེར་གྱིས་བསྐུལ་ངོར་བདུད་འཇོམས་རྡོ་རྗེས་གཏན་ལ་ཕབ་པའོ། །དགེའོ། །དགེའོ། །དགེའོ།། ། T11613 - 144 ཧྃཆོས་ཉིད་ནམ་མཁའི་ཀློང་མཛོད་ལས༔ ནོར་བདག་ཨ་པར་དཀར་པོའི་ཚོགས་མཆོད་མི་ཟད་རྒྱན་འཁོར་བཞུགས་སོ༔ TI1613 - 145 ཏཾ བཛྲ་གུ་རུ་མཱུ་ཁྱོ་པདྨ་ཀ་ར་ཡེ༔ ནྟིརྒྒརྨཱསྐདདུབྷ༔ བདག་འདྲ་པདྨ་ཐོད་ཕྲེང་ངས༔ མ་འོངས་བརྒྱུད་འཛིན་སྐལ་ལྡན རྣམས༔ ལོངས་སྤྱོད་འབྱོར་པ་ལྡན་པའི་ཕྱིར༔ ནོར་བདག་ཨ་པར་དཀར་པོ་ཡི༔ ཚོགས་མཆོད་མི་ཟད་རྒྱན་འཁོར་བསྟན༔ དང་པོ་འབྱོར་བ་ལྡན་བྱས་ཏེ༔ ཚོགས་མཆོད་རྒྱ་ཆེན་འབུལ་བ་ན༔ ཕྱིས་ནས་ལོངས་སྤྱོད་རྒྱ་ཆེར་འཕེལ༔ དེ་ཕྱིར་ཚོགས་མཆོད་རིམ་པ་ལ༔ ཤ་ཆང་བཟའ་བཏུང་སྤོད་ཀྱི་རིགས༔ དཀར་གསུམ་ཤིང་ཏོག་འབྲུ་སྣ་དང་༔ མདོར་ན་བཟའ་བཏུང་གང་འོས་ཚོགས༔ རི་རབ་རོལ་མཚོའི་ཚུལ་དུ་བཤམས༔ དེ་ནས་འབག་རྩོག་སྦྱངས་པ་ལ༔ ཧཱུྃ༔ རང་ཉིད་ལྷ་ཡི་ཐུགས་ཀ་ནས༔ རཾ་འཕྲོས་གཟུང་འཛིན་དྲི་མ་བསྲེགས༔ 03 T11613 - 146 ཤུ ཙ༡ བྷཾ ལས་རླུང་གིས་དངོས་འཛིན་གཏོར༔ ཁཾ་ལས་ཆུ་ཡིས་སེར་སྣ་སྦྱངས༔ རཾ་ཡཾ་ཁ༔ དེ་ནས་བྱིན་གྱིས་བརླབ་པ་ལ༔ ཧཱུྃ༔ ཆོས་ཉིད་དག་པའི་མཁའ་ཀློང་ནས༔ འཇའ་ཚོན་དང་ནི་སྨིག་རྒྱུ་བཞིན༔ འདོད་ཡོན་ནམ་མཁའ་མཛོད་དུ་འཕྲུལ༔ ཟག་མེད་བདེ་སྟོང་བདུད་རྩི་ཡི༔ བཅུད་ལྡན་ཕྱི་ནང་གསང་མཆོད་ཀྱིས༔ དཔག་ཡས་ནམ་མཁའི་ཁམས་གང་གྱུར༔ ཨོཾ་ཨཱཿ ཧཱུྃ༔ ལན་གསུམ་བརྗོད༔ དེ་ནས་སྤྱན་འདྲེན་པ་ལ༔ ཧཱུྃ༔ ཀ་དག་སྤྲོས་བྲལ་མཁའ་དབྱིངས་ལས༔ སྒྱུ་འཕྲུལ་རོལ་པའི་དཀྱིལ་འཁོར་ལྷ༔ ཚོགས་ལ་སྤྱན་འདྲེན་གཤེགས་སུ་གསོལ༔ ཕོ་བྲང་TI1613 - 147 གསེར་གྱི་རྒྱལ་མཚན་ནས༔ ས་བརྒྱད་གནོན་པའི་སེམས་དཔའ་སྟེ༔ ཆོས་སྐྱོང་རྒྱལ་པོ་རྣམ་ཐོས་སྲས༔ འཁོར་དང་བཅས་པ་གཤེགས་སུ་གསོལ༔ འདོད་ཡོན་ནམ་མཁའ་མཛོད་ཀྱི བདག༔ ཨ་པར་ཙིཏྟ་འཁོར་དང་བཅས༔ ཚོགས་ལ་སྤྱན་འདྲེན་གཤེགས་སུ་གསོལ༔ ཕྱག་ན་རྡོ་རྗེའི་བཀའ་ཉན་པ༔ བྱང་ཕྱོགས་རིན་ཆེན་གཏེར་གྱི་བདག༔ ཛམ་ལྷ་རིགས་ལྔ་གཤེགས་སུ་གསོལ༔ ཧེ་ཆེན་བརྡལ་བའི་དུར་ཁྲོད་ནས༔ དབང་དྲག་རོལ་པའི་སྐུར་སྟོན་པ༔ གནོད་སྦྱིན་ཤན་པ་འཁོར་དང་བཅས༔ ཚོགས་ཀྱི་འདུ་བར་གཤེགས་སུ་གསོལ༔ གཞན་ཡང་གནས་ཡུལ་དུར་ཁྲོད་དང་༔ མཁའ་སྤྱོད་ས་སྤྱོད་འོག་མིན་ནས༔ དངོས་གྲུབ་གཏེར་གྱི་བདག་པོ་སྟེ༔ དཔའ་བོ་དང་ནི་མཁའ་འགྲོ་མ༔ མ་ལུས་ལུས་པ་མེད་པ་རུ༔ ཚོགས་ཀྱི་འདུ་བར་གཤེགས་སུ་གསོལ༔ བྱིན་རླབས་འོད་ཕུང་ཐིབས་སེ་ཐིབ༔ དངོས་གྲུབ་སྦྲང་ཆར་ཉི་ལི་ལི༔ གཡེར་ཁ་དྲིལ་ཆུང་སི་ལི་ལི༔ གར་ཁྱུག་བྲོ་བརྡུང་ཁྲིགས་སེ་ཁྲིག༔ སྙན་པའི་གླུ་དབྱངས་འུ་རུ་རུ༔ སྣ་ཚོགས་གར་གྱི་རྣམ་འགྱུར་གྱིས༔ ཆོས་ཀྱི་དབྱིངས་ནས་སྐུར་བཞེངས་ལ༔ ཚོགས་ཀྱི་འདུ་བར་གཤེགས་སུ་གསོལ༔ བཛྲ་ས་མ་ཡ་ཛཿ དེ་ནས་བདུད་ བ རྩི་འབུལ་བ་ལ༔ ཨོཾ་ཨཱཿཧཱུྃ༔ བདེ་སྟོང་ཟག་མེད་བདུད་རྩི་འདི༔ བཀའ་བརྒྱུད་བླ་མའི་ཚོགས་ལ་འབུལ༔ བྱིན་རླབས་དབང་དང་དངོས་གྲུབ་སྩོལ༔ ཡེ་ཤེས་ལྔ་ཡི་བདུད་རྩི་འདི༔ ཡི་དམ་དཀྱིལ་འཁོར་ལྷ་ལ་འབུལ༔ མཆོག་གི་དངོས་གྲུབ་མྱུར་དུ་སྩོལ༔ དམ་ཚིག་ཅན་གྱི་བདུད་རྩི་འདི༔ མ་དང་མཁའ་འགྲོའི་ཚོགས་ལ་འབུལ༔ གསང་བ་མཆོག་གི་དངོས་གྲུབ་སྩོལ༔ མྱོང་གྲོལ་ཡེ་ཤེས་བདུད་རྩི་འདི༔ གནོད་སྦྱིན་ནོར་ལྷའི་ཚོགས་ལ་འབུལ༔ ལོངས་སྤྱོད་གཏེར་གྱི་དངོས་གྲུབ་སྩོལ༔ གུ་རུ་དྷེ་ཝ་ཌཱ་ཀི་ནཱི་སརྦ་དྷརྨ་པཱ་ལ་སརྦ་ས་པ་རི་ཝཱ་ར་མ་ཧཱ་སརྦ་པཉྩ་ཨ་མྲྀ་ཏ་ལ་ཁཱ་ཧི༔ དེ་ནས་ཚོགས་ཕུད་འབུལ་བ་ལ༔ ཧཱུྃ༔ རོ་བརྒྱ་ནུས་པ་སྟོང་ལྡན་པའི༔ བཅུད་ལྡན་དཔལ་གྱི་ཞལ་ཟས་འདི༔ རྩ་གསུམ་དཔའ་བོ་མཁའ་འགྲོ་དང་༔ ནོར་གྱི་བདག་པོ་ཨ་པ་ར༔ ལོངས་སྤྱོད་གཏེར་གྱི་བདག་པོ་ཡི༔ འཁོར་དང་ཡང་འཁོར་བཅས་ལ་འབུལ༔ བདག་ཅག་སྒྲུབ་མཆོག་འཁོར་བཅས་ཀྱི༔ ཚོགས་གཉིས་རྫོགས་ཤིང་སྒྲིབ་གཉིས་བྱང་༔ དམ་པ་སྐུ་གཉིས་འགྲུབ་པར་ཤོག༔ གུ་རུ་དྷེ་ཝ་ཌཱ་ཀི་ནཱི་སརྦ་དྷརྨ་པཱ་ལ་ས་པ་རི་ཝཱ་ར་ག་ཎ་ཙཀྲ་པཱུ་ཛ་ལ་ཁཱ་ཧི༔ དེ་ནས་བཤགས་པ་བྱ་བ་ལ༔ ཧཱུྃ༔ TI1613 - 149 རྩ་གསུམ་དམ་ཅན་སྲུང་མའི་ཚོགས༔ མ་ལུས་གསན་ཅིང་དགོངས་སུ་གསོལ༔ བདག་གི་སྒོ་གསུམ་བག་མེད་པས༔ ཉེས་བྱས་ཉམས་ཆག་སྡིག་ལྟུང་ཀུན༔ འདོད་ཡོན་ཚོགས་ཀྱི་མཆོད་པས་བཤགས༔ དག་ཚངས་མཆོག་གི་དངོས་གྲུབ་སྩོལ༔ ཨོཾ་ག་ཎ་ཙཀྲ་སཏྭ་སོགས༔ དེ་ནས་བསྒྲལ་བ་བྱ་བ་ལ༔ ཧཱུྃ༔ བདག་ཉིད་དཔལ་ཆེན་ཧེ་རུ་ཀའི༔ ཐུགས་ལས་སྤྲུལ་པའི་ཤན པ་འབུམ༔ སྤུ་གྲི་རླུང་གི་གཤོག་པ་ཅན༔ གསོད་བྱེད་མཚོན་ཆ་ངར་མ་ཐོགས༔ ཛཿལས་མཁའ་འགྲོ་ལྕགས་ཀྱུ་མས༔ སྒབ་འདྲེ་གདུག་པའི་སྙིང་ནས་དྲོངས༔ ཧཱུྃ་ལས་ལས་བྱེད་ཞགས་པ་མས༔ དགྲ་བགེགས་སྐེ་ནས་ཆིངས་ལ་ཤོག༔ བཾ་ལས་ལས་བྱེད་ལྕགས་སྒྲོག་མས༔ དགྲ་བགེགས་ཡན་ལག་རྣམ་བཞི་སྡོམ༔ ཧོཿལས་ལས་བྱེད་དྲིལ་བུ་མས༔ དགྲ་བགེགས་དབང་པོ་མྱོས་སུ་ཆུག༔ ཕུར་པ་ཅན་གྱིས་སྙིང་ལ་རྒྱོབ༔ རལ་གྲི་ཅན་གྱིས་དུམ་བུར་གཏུབ༔ ཐུན་དང་མཚོན་གྱིས་ཆར་ཕོབ་ལ༔ ཕུང་ལྔ་ཁམས་དང་སྐྱེ་མཆེད་བཅས༔ ཐལ་བའི་རྡུལ་བཞིན་བརླག་ནས་ཀྱང་༔ རྣམ་ཤེས་ཆོས་ཀྱི་དབྱིངས་སུ་སྤོར༔ གུ་རུ་དྷེ་ཝ་ཌཱ་ཀི་ནཱི་སརྦ་དྷརྨ་པཱ་ལ་ས་མ་ཡ་དགྲ་བགེགས་མཱ་ར་ཡ་ཐུལ་ཐུལ་ཧུར་ཐུམ་རྦད་བྷྱོ༔ ཞེས་པ་ཐུན་གྱིས་ བྡཾ བྲབ་ཅིང་དྲག་སྔགས་བརྗོད༔ དེ་ནས་ཞལ་དུ་བསྟབས་པ་ལ༔ ཧཱུྃ༔ ཡེ་ཤེས་ལྷ་ཚོགས་ཞལ་ཕྱེས་ཤིག༔ དགྲ་བགེགས་ཕུང་ཁམས་སྐྱེ་མཆེད་ཀུན༔ ཤ་རི་ཁྲག་གི་རྒྱ་མཚོ་རུ བསྒྱུར་ཏེ་ཡེ་ཤེས་དབྱིངས་ཀྱི་ལྷའི༔ ཞལ་དུ་བསྟབ་བོ་ལྷག་མེད་རོལ༔ དགྲ་བགེགས་གནོད་བྱེད་ཕོ་མོའི་མ་ཧཱ་མཾ་ས་ལ་ཁཱཁཱ་ཧི༔ རཀྟ་ལ་ཁཱ་ཧི༔ ཀི་ནི་རི་ཏི་ལ་ཁཱ་ཧི༔ སརྦ་བ་ཎ ཙཀྲ་པཱུ་ཛ་ཧོཿ དེ་ནས་ལྷག་མ་འབུལ་བ་ལ༔ ཧཱུྃ༔ སྔོན་ཚེ་དཔལ་ཆེན་ཧེ་རུ་ཀས༔ དབང་བསྐུར་བྱིན་རླབས་གཉེར་གཏད་ཅིང་༔ དཀྱིལ་འཁོར་མཐའ་སྐྱོངས་བསྟན་སྲུང་བའི༔ གཉེར་བླངས་དབང་ཕྱུག་འབར་མ་སོགས༔ ལྷག་ལ་དབང་བའི་ལྷག་སྐྱོང་རྣམས༔ འདིར་གཤེགས་ལྷག་མའི་ལོངས་སྤྱོད་རོལ༔ ཕྱི་ནང་བར་ཆད་དབྱིངས་སུ་གསོལ༔ བསྟན་དགྲ་གདུག་པ་ཚར་ཆོད་ལ༔ རབ་འབྱམས་ཕྲིན་ལས་ཡོངས་གྲུབ་མཛོད༔ མ་མ་ཧྲཱིང་བྷྱོ་ཛཿསརྦ་དྷརྨ་པཱ་ལ་ཀྵེ་ཊ་པཱ་ལ་ལོ་ཀ་པཱ་ལ་སརྦ་ས་མ་ཡ་ཨུཙྪིཥྚ་བ་ལིང་ཏ་ཁཱ་ཧི༔ དེ་ནས་ཆད་ཐོ་བཏང་བ་ལ༔ ཧཱུྃ་བྷྱོ༔ སྔོན་གྱི་བསྐལ་པའི་དང་པོ་ལ༔ སྤྱི་དཔལ་ཆེ་མཆོག་ཧེ་རུ་ཀའི༔ སྤྱན་སྔར་ཁས་བླངས་དམ་བཅས་པའི༔ གསང་སྔགས་བཀའ་ཡི་སྲུང་མ་རྣམས༔ འདིར་གཤེགས་དམར་གྱི་ གཏོར་མ་ལོངས༔ དེ་འོག་བར་གྱི་བསྐལ་པ་ལ༔ གསང་བདག་དྲེགས་པ་ཀུན་འདུལ་གྱིས༔ དམ་བཏགས་དབང་བསྐུར་གཉེར་གཏད་པའི༔ ཡེ་ཤེས་འཇིག་རྟེན་དྲེགས་པ་ཅན༔ མ་ལུས་འདིར་གཤེགས་གཏོར་མ་ལོངས༔ དེ་འོག་བསྐལ་པའི་ཐ་མ་ལ༔ སློབ་དཔོན་པདྨ་ཐོད་ཕྲེང་གི༔ སྤྱན་སྔར་ཁས་བླངས་དམ་བཅས་པའི༔ ཡེ་ཤེས་དང་ནི་འཇིག་རྟེན་གྱི༔ བཀའ་སྲུང་དྲེགས་པ་ཕོ་མོའི་ཚོགས༔ རྫུ་འཕྲུལ་ཤུགས་ཀྱིས་འདིར་གཤེགས་ལ༔ ཆད་མདོ་དམར་གྱི་གཏོར་མ་ལོངས༔ སྒྲུབ་ལ་བར་དུ་གཅོད་བྱེད་པའི༔ གཟུགས་ཅན་དགྲ་དང་གཟུགས་མེད་བགེགས༔ མངོན་སྤྱོད་དྲག་པོའི་ལས་ཀྱིས་སྒྲོལ༔ སྒབ་འདྲེ་གདུག་པའི་སྙིང་ཁྲག་རོལ༔ བསྟན་འགྲོ་བདེ་ལ་འགོད་པར་མཛོད༔ གཡར་དམ་ཅི་བཞིན་ཕྲིན་ལས་མཛོད༔ དེ་ནས་བརྟན་མ་སྐྱོང་བ་ལ༔ ཆད་མདོ་གཏོར་མ་འབུལ་བ་ནི༔ ཧཱུྃ༔ སློབ་དཔོན་པདྨ་ཐོད་ཕྲེང་གིས༔ བཀའ་བསྒོས་དམ་བཏགས་གཉེར་གཏད་པའི༔ བརྟན་མ་ཆེན་མོ་བཅུ་གཉིས་དང་༔ དེ་འཁོར་ཡང་འཁོར་བཀའ་སྡོད་བཅས༔ རྫུ་འཕྲུལ་ཤུགས་ཀྱིས་འདིར་གཤེགས་ལ༔ བཤལ་ཆུའི་གཏོར་མ་འདི་བཞེས་ཤིག༔ དམ་ཚིག་གཉན་པོ་དྲན་གྱིས་ལ༔ གཟུགས་ཅན་དགྲ་དང་ རྣཻ གཟུགས་མེད་བགེགས༔ མདོར་ན་བསྒྲུབ་ལ་བར་གཅོད་པའི༔ གནོད་བྱེད་མ་ལུས་རྡུལ་དུ་རློགས༔ མ་མ་ཧྲཱིང་ཧྲིང་ཨེ་དཾ་བ་ལིང་ཏ་ཁཱ་ཧི༔ དེ་ནས་རྟ་བྲོ་བརྡུང་བ་ལ༔ ༔ ཆོས་དབྱིངས་རོལ་པའི་མཁའ་ཀློང་དུ༔ མི་སྲུན་གདུག་པའི་རཱུ་དྲ་བྲུབ༔ ཡེ་ཤེས་རྔམས་པའི་རྟ་བྲོ་བརྡུང་༔ འཁྲུལ་མི་ཤེས་པའི་དབྱིངས་སུ་མནན༔ ཆོས་ཉིད་རིག་པའི་དམ་རྒྱས་བསྡམས༔ མ་ཤོར་ཐེག་པ་རིམ་དགུའི་རྒྱ༔ ཨོཾ་ལཾ༔ ཨཱཿལ༔ ཧཱུཾ་ལ༔ སུཾ་ལཾ༔ སྒབ་འདྲེ་སྟྭཾ་བྷ་ཡ་ནན༔ དུ་ཏྲི་མཱ་ར་ཡ་ནན༔ དེ་ནས་དངོས་གྲུབ་བླང་བ་ནི༔ ཧོཿ རྩ་གསུམ་དམ་ཅན་སྲུང་མའི་ཚོགས༔ མ་ལུས་བདག་ལ་གསན་ཅིང་དགོངས༔ བསྙེན་ཅིང་བསྒྲུབ་པའི་ཚད་དམ་ཐེམས༔ དངོས་གྲུབ་སྩོལ་བའི་དུས་ལ་བབ༔ སྐུ་གསུང་ཐུགས་ཀྱི་དཀྱིལ་འཁོར་ནས༔ གསང་བ་མཆོག་གི་དབང་དངོས་གྲུབ༔ མ་ལུས་ལུས་པ་མེད་པ་རུ༔ ད་ལྟ་ཉིད་དུ་ཐོབ་པར་སྩོལ༔ མི་ཟད་གཏེར་གྱི་བདག་པོ་ཡིས༔ འདོད་དོན་ཐུན་མོང་དངོས་གྲུབ་ཀུན༔ སྩོལ་ལ་མི་ཟད་གཏེར་དུ་སྤེལ༔ གུ་རུ་དྷེ་ཝ་ཌཱ་ཀི་ནཱི་ཀཱ་ཡ་ཝཱཀ་ཙིཏྟ་ཧོཿ སརྦ་དྷརྨ་པཱ་ལ་སརྦ་རཏྣ་བ་སུ་སིདྡྷི་ཧོཿ དེ་ནས་བཤགས་པ་བྱ་བ་ནི༔ ཧོཿ རྩ་གསུམ་སྲུང་མའི་སྤྱན སྔ་རུ༔ བདག་གི་སྒོ་གསུམ་བག་མེད་པས༔ མ་རིག་མ་ཚོར་མི་ཤེས་ཤིང་༔ སྒྲུབ་པའི་དམ་ཚིག་དང་འགལ་བའི༔ ཉམས་ཆག་ཉེས་ལྟུང་རྟོག་སྒྲིབ་ཀུན༔ མི་འཆབ་མི་སྦེད་གནོང་འགྱོད་ཀྱིས༔ བཤགས་སོ་དག་ཅིང་ཚངས་པར་སྩོལ༔ ཨོཾ་བཛྲ་སཏྭ་ས་མ་ཡ་སོགས༔ དེ་ནས་བསྔོ་བ་སྨོན་ལམ་ནི༔ ཧོཿ འདི་དང་དུས་གསུམ་དགེ་ཚོགས་ཀུན༔ བསྡུས་ཏེ་འགྲོ་བ་ཡོངས ལ་བསྔོ༔ ཁམས་གསུམ་སེམས་ཅན་མ་ལུས་པ༔ རྣམ་མཁྱེན་རྫོགས་སངས་རྒྱས་གྱུར་ཅིག༔ ལན་གསུམ༔ དེ་ནས་རྟག་མཐའ་བསལ་བ་ནི༔ ཧོཿ རྟེན་དང་བརྟེན་པའི་དཀྱིལ་འཁོར་ཀུན༔ འཇའ་ཚོན་དབྱིངས་སུ་ཞིག་པ་བཞིན༔ ཆོས་ཉིད་སྤྲོས་མཐའ་བྲལ་བའི་ངང་༔ ཀུན་སྣང་ཁྱབ་བརྡལ་ཆེན་པོར་ཨཱཿ དེ་ནས་ཆད་མཐའ་བསལ་བ་ལ༔ ཧཱུྃ༔ ཡེ་ཤེས་དབྱིངས་ལས་སྒྱུ་མའི་སྐུ༔ རྒྱན་དང་ཆ་ལུགས་རྫོགས་པ་རུ༔ རང་བྱུང་རང་ཤར་ཆེན་པོར་བསྒོམ༔ མི་ཤིགས་རྡོ་རྗེའི་གོ་ཁྲབ་བགོ༔ བཛྲ་ཙཀྲ་རཀྵ་རཀྵ་ཧོཿ དེ་ནས་བཀྲ་ཤིས་བྱ་བ་ནི༔ ཧཱུྃ༔ ཆོས་སྐུ་སྐྱེ་མེད་སྤྲོས པའི་མཐའ་དང་བྲལ༔ ལྷུན་གྲུབ་རོལ་པ་ལོངས་སྤྱོད་རྫོགས་སྐུའི་དཔལ༔ གང་འདུལ་ཐུགས་རྗེའི་སྤྲུལ་པའི་སྐུར་སྟོན་མཛད༔ སྐུ་གསུམ་མངོན་དུ་འགྱུར་བའི་བཀྲ་ཤིས་ཤོག༔ མ་རིག་ ཛ འཁོར་བར་འཁྱམས་པའི་སེམས་ཅན་ཀུན༔ རང་རིག་ཀ་དག་ལྷུན་འབྱམས་མངོན་གྱུར་ནས༔ ཆོས་ཉིད་དེ་བཞིན་ཉིད་ཀྱི་གདིང་ཐོབ་སྟེ༔ རང་གྲོལ་རང་དབང་ཐོབ་པའི་བཀྲ་ཤིས་ཤོག༔ ས་མ་ཡ༔ དེ་ལྟར་རྩ་གསུམ་དཔའ་བོ་མཁའ་འགྲོ་དང་༔ གཏེར་བདག་དམ་ཅན་སྲུང་མ་སྐད་ཅིག་གི༔ ཚོགས་ཀྱི་ཞིང་དུ་ཡིད་ཀྱིས་བཀོད་ནས་སུ༔ སྣོད་བཅུད་འདོད་ཡོན་སྣང་བ་ཐམས་ཅད་ཀུན༔ འདོད་ཡོན་ཚོགས་ཀྱི་འཁོར་ལོར་བསྒྱུར་སྤེལ་ཏེ༔ ཚོགས་གཉིས་རྫོགས་ཤིང་སྒྲིབ་གཉིས་བྱང་བའི་ཕྱིར༔ ཕུལ་བས་མཆོག་ཐུན་དངོས་གྲུབ་འབད་མེད་འབྱུང་༔ གནོད་སྦྱིན་གཏེར་གྱི་བདག་པོ་ཨ་པ་ར༔ དངོས་སུ་བསྐྱེད་ཅིང་གསལ་བའི་གཟེར་གདབ་སྟེ༔ བརྟན་པ་ཐོབ་ནས་སྣང་སྲིད་སྣོད་བཅུད་ཀུན༔ དེ་ཡི་ཀློང་དུ་ཆུབ་པར་བྱ་བ་ཡིན༔ རྒྱ་མཚོའི་དབྱིངས་སུ་གཟའ་སྐར་