Tibetan
མཇུག་རིང་ལྗང་ནག་རླུང་འབྲུག་ལྗང་ནག་ལ་ཞོན་པ༔ ཀུན་ཀྱང་དབུ་དང་ཕྱག་དང་ཕྱག་མཚན་རྒྱན་ཆ་ལུགས་གཙོ་བོ་དང་མཐུན་པའོ༔ མཚམས་བཞིར་གདོང་མོ་མཆེད་བཞི་ནི༔ ཤར་ལྷོའི་མཚམས་སུ་ཟོར་སྲིན་སྟག་གི་གདོང་ཅན་དཀར་མོ་སྟག་ལ་ཞོན་ཅིང་ཕྱག་གཉིས་ མ༔ ལྕགས་ཀྱུ་དང་ཞགས་པ་བསྣམས་པ༔ ལྷོ་ནུབ་ཏུ་བམ་སྲིན་དྲེད་ཀྱི་གདོང་ཅན་སེར་མོ་ཕྱག་གཉིས་ཞགས་པ་དང་ནད་རྐྱལ་ཐོགས་པ་དྲེད་མོང་སེར་ནག་ལ་ཞོན་པ༔ ནུབ་བྱང་དུ་ཀོང་སྲིན་བ་གླང་གི་གདོང་ཅན་བ་གླང་དམར་པོ་ལ་ཞོན་པ་ཕྱག་གཉིས་ལྕགས་སྒྲོག་དང་ཐོག་མདའ་བསྣམས་པ༔ བྱང་ཤར་དུ་འབྲོག་སྲིན་ཆུ་སྲིན་གྱི་གདོང་ཅན་ཆུ་སྲིན་ལ ཞོན་པ་ཕྱག་གཉིས་དྲིལ་བུ་དང་ནད་རྐྱལ་ཐོགས་པ༔ དེ་དག་ཐམས་ཅད་མི་སྲུན་སྲིན་མོ་ཁྲོས་པའི་ཆ་ལུགས་ཅན་ནོ༔ དེའི་ཕྱི་རིམ་དུ་རྒྱུ་སྐར་ཉེར་བརྒྱད་ལྷ་སྲིན་སྡེ་བརྒྱད་ཀྱི་ཚོགས་དཔག་ཏུ་མེད་པས་ལྷ་མིའི་ཁྲོམ་ཚོགས་པ་བཞིན་དུ་བསྐོར་ནས་བདག་གི་བཀའ་ཉན་ཅིང་གསུང་སྡོད་པའི་ཚུལ་དུ་བསྐྱེད་དོ༔ དེ་ལས་འོད་ཟེར་དཔག་ཏུ་མེད་པ་འཕྲོས་པས་དུས་གསུམ་གྱི་རྒྱལ་བ་སྲས་དང་བཅས་པ་ཐམས་ཅད་དང་༔ འབྱུང་བ་ལྔའི་ཁམས་ནས་འབྱུང་བའི་གཟའ་རྒོད་དཔག་ཏུ་མེད་པ་སྤྱན་དྲངས་ཏེ་གཉིས་སུ་མེད་པར་ཐིམ་པས་ཁམས་གསུམ་སྲིད་པ་གསུམ་ལ་མངའ་དབང་བསྒྱུར་བའི་མཐུ་ནུས་དང་ལྡན་པར་བསམ༔ དེ་ནས་སྤྱན་འདྲེན་བཞུགས་གསོལ་ཕྱག་འཚལ་མངའ་གསོལ་ལ༔ མ༔ དཔལ་ཆེན་ཕྱག་ན་རྡོ་རྗེ་དང་༔ སློབ་དཔོན་པདྨ་འབྱུང་གནས་ཀྱི༔ བཀའ་དམ་གཉན་ པོ་དཔང་བཙུགས་ཏེ༔ འབོད་དོ་གཟའ་བདུད་འཁོར་དང་བཅས༔ མ་ཐོགས་མྱུར་དུ་གཤེགས་སུ་གསོལ༔ ནམ་མཁའི་མཐོང་ནས་གཤེགས་སུ་གསོལ༔ ས་ཆུའི་དབྱིངས་ནས གཤེགས མེ་རླུང་དབྱིངས་ནས་གཤེགས༔ དུར་ཁྲོད་གཙུག་ལག་ཆོས་འཁོར་དང་༔ སྣང་སྲིད་ཀུན་ནས་གཤེགས བསྐྱེད་ཅིང་སྒྲུབ་པའི་གནས་འདིར་བཞུགས༔ ཕྲིན་ལས་སྒྲུབ ཕྱིར་ཕྱག་ཀྱང་འཚལ༔ བདག་གི་སྲུང་མར་མངའ་གསོལ་ལོ༔ དེ་ནས་མཆོད་པ་འབུལ་བ་ལ༔ ཧཱུྃ༔ སྐྱེ་འགྲོའི་སྲོག་དབུགས་བདག་པོ་ལ༔ ཉེར་སྤྱོད་འདོད་ཡོན་སྨན་གཏོར་རཀ༔ ཤ་སྣ་སྙིང་སྣ་ཁྲག་སྣ་དང་༔ རིན་ཆེན་གོ་མཚོན་དར་ཟབ་རིགས༔ རྩི་བཅུད་འབྲུ་སྨན་སྣ་ཚོགས་དང་༔ གཟུགས་འགྲོས་དཀོར་ནོར་ལོངས་སྤྱོད་ཚོགས༔ དངོས་འབྱོར་ཡིད་ཀྱིས་རྣམ་སྤྲུལ ཏེ༔ གསོལ་ལོ་མཆོད་དོ་ཐུགས་དམ་བསྐང་༔ དགྱེས་པའི་ཞལ་དང་འགྲུབ་རྟགས་སྟོན༔ སྐད་ཅིག་མི་འབྲལ་གྲོགས་མཛོད་ཅིག༔ བྷུ་ཏྲི་རཀྴ་རཱ་ཧུ་ལ་ས་པ་རི་ཝཱ་ར་ཨརྒྷཾ་སོགས ཤཔྡ་རཱུ་པ་ཤཔྡ་གནྡྷེ་རཱ་ས་སྤཪྴ་མ་ཧཱ་སརྦ་པཉྩ་ཨ་མྲྀ་ཏ་རཀྟ་བ་ལིང་ཏ་ཁཱ་ཧི༔ སརྦ་ནྲྀ་ཏྲི་ཤ་ཏྲུཾ་མཱ་ར་ཡ་རྦད་མ་ཧཱ་མཱཾ་ས་ལ་ཁཱ་ཧི༔ མ་ཧཱ་རཀྟ་ལ་ཁཱ་ཧི༔ མ་ཧཱ་ཙིཏྟ་ལ་ཁཱ་ཧི༔ མ་ཧཱ་བ་སུ་ ཕ༔ ཏ་ལ་ཁཱ་ཧི༔ མ་ཧཱ་གོ་རོ་ཙ་ན་ལ་ཁཱ་ཧི༔ མ་ཧཱ་ཀི་ནི་རི་ཏི་ལ་ཁཱ་ཧི༔ སརྦ་ག་ན་པཱུ་ཛ་ཧོཿ དེ་ནས་བསྟོད་པ་བྱ་བ་ལ༔ མ༔ སྔོན་ཚེ་འདས་པའི་བསྐལ་པ་ལ༔ རྫོགས་པའི་སངས་རྒྱས་བཅོམ་ལྡན་འདས༔ རིན་ཆེན་སྙིང་པོའི་སྤྱན་སྔ་རུ༔ ཐེག་པ་གསུམ་གྱི་དོན་ལ་སྤྱོད༔ ས་བརྒྱད་གནོན་པའི་སེམས་དཔའ་སྟེ༔ གསང་སྔགས་བསྟན་ལ་རབ་གདུང་སྟེ༔ དྲང་སྲོང་དམོད་པ་མཐུ་བཙན་པས༔ ལས་ལས་གྲུབ་པའི་སྟོབས་པོ་ཆེ༔ མཐུ་སྟོབས་ནམ་མཁའི་མཐའ་དང་མཉམ༔ མྱུར་མགྱོགས་བར་སྣང་གློག་ལ་འགྲན༔ དྲག་རྩལ་གནམ་ལྕགས་ཐོག་ལས་ཆེ༔ མཐུ་སྟོབས་བདག་པོ་ཁྱོད་ལ་བསྟོད༔ མཁའ་དབྱིངས་ནམ་མཁའི་ཁྱོན་ཀུན་ཁྱབ༔ སྣོད་དང་བཅུད་ཀྱི་བླ་ལ་འཇུག༔ ཉམས་པའི་བླ་ཚེ་སྲོག་ལ་བཟའ༔ བསྟན་དགྲའི་ཚེ་དང་དུས་མཐའི་བདུད༔ དྲག་ཤུལ་བདག་པོ་ཁྱོད་ལ་བསྟོད༔ འབྱུང་བ་ལྔ་ལ་དབང་བྱེད་ཅིང་༔ སྐྱེ་འགྲོའི་ཤ་ཁྲག་ཟས་སུ་རོལ༔ དུས་བཞིའི་ལེགས་ཉེས་གཉེར་ཁ་འཛིན༔ རྡོ་རྗེ་ཐེག་པའི་བསྟན་སྲུང་བ༔ སྣ་ཚོགས་གཟུགས་སུ་བརྫུ་བ་མཁན༔ ཁམས་གསུམ་ཀུན་ཏུ་ཐོགས་མེད་རྒྱུ༔ དྲག་ཤུལ་བདག་པོ་ཁྱོད་ལ་བསྟོད༔ དབུ་དགུས་ཐེག་པ་རིམ་ དགུ་སྲུང་༔ སྤྱན་སྟོང་སྲིད་གསུམ་ས་ལེར་གཟིགསཿ ཕྱག་བཞིས་ལས་བཞི་ཁ་ལོ་བསྒྱུར༔ འདོད་ཆགས་ཁྭ་གདོང་འདོད་ཁམས་འགུགས༔ ཞེ་སྡང་སྦྲུལ་གྱི་མཇུག་མ་ཡིས༔ དུག་རླངས་ནད་རླངས་སྤྲིན་བཞིན་གཏིབ༔ ལྟོ་ཞལ་རྟག་ཆད་མཐའ་བཞི་འཇོམས༔ ཁ་རླངས་ནད་ཀྱིས་ཡོ་ལངས་འགྱེད༔ མེ་འབྲུག་རླུང་གི་གཤོག་ལྡན་ཞོན༔ གཟའ་བརྒྱད་ཞག་གི་ཕོ་ཉར་འགྱེད༔ དུས་བཞིའི་རྒྱལ་མོ་གྲོགས་དང་མཛའ༔ རྒྱུ་སྐར་ཉེར་བརྒྱད་བྲན་དུ་བཀོལ༔ ལྷ་སྲིན་སྡེ་བརྒྱད་འབངས་དང་གཡོག༔ འཇིག་རྟེན་དབང་ཕྱུག་མཐུ་བོ་ཆེ༔ རྡོ་རྗེ་ཅན་གྱི་བཀའ་སྡོད་པ༔ ཕྲིན་ལས་མངའ་བདག་ཁྱོད་ལ་བསྟོད༔ དེ་ནས་ནམ་མཁའི་གཟའ་རྒོད་མཐིང་ནག༔ ཆུའི་གཟའ་རྒོད་དཀར་པོ༔ ས་ཡི་གཟའ་རྒོད་སེར་པོ༔ མེ་ཡི་གཟའ་རྒོད་དམར་པོ༔ རླུང་གི་གཟའ་རྒོད་ལྗང་ནག་གི་རྣམ་པར་བཞེངས་ཏེ་བྱུང་ནས་མཚོ་ལ་ཁ་ཆར་བབ་པ་ལྟར་བསྐྱེད་པའི་ལྷ་ལ་རེས་མོས་སུ་ཐིམ་པར་བསྒོམ་པ་དང་༔ ཕྱོགས་བཅུའི་རྒྱལ་བ་སྲས་དང་བཅས་པ་ཐམས་ཅད་ཀྱང་གཟའ་མཆོག་ཆེན་པོའི་རྣམ་པར་ཁ་བ་དང་བུ་ཡུག་འཚུབས་པ་ལྟར་བྱུང་ནས་བསྐྱེད་པའི་ལྷ་ལ་ཐིམ་པར་བསྒོམ་པ་ལས་ཤེས་པ་གཞན་དུ་མ་ཡེངས་པར་དམིགས་གནད་འདི་ལ་འབད་པ་དང་༔ མི་ཚིག་གིས་བར་མ་ཆོད་པར་འབོད་སྔགས་བཟླ་བ་དང་༔ སྟན་གྱི་དྲོད་མ་ཡལ་བར་སྡོད་ཚུགས་པའི་སྒྲུབ་པ་ལ་འབུང་བར་བྱ་བ་གནད་དང་སྙིང་པོར་ བ ཕ༔ གྱུར་པ་ཡིན་ནོ༔ འབོད་སྔགས་ནི༔ ཧྲཱིཿ ཏྲི་རཀྵ་རཱ་ཧུ་ལ་ཤག་རུ་རཾ་ན་གེ་ཙིཏྟ་ཏྲཾ་མ་མ་ཡོ་ཟ་འགྲམ་ཧེ་ཧེ་ཡོ་གེ་ཤ་ལ་ས་མ་ཡ་ཧྲཱིང་ཛ་ཛ ཞེས་བརྗོད་པའི་ཚེ་ཐོག་འཚེགས་འོད་26 འཁྱུགས་མེ་སྟག་འཕྲོ་བ་སྒོ་བརྡུང་བ་གཞོབ་དྲི་མནམ་པ༔ དཀྱིལ་འཁོར་དུ་བྱ་རོག་གི་སྐད་འདོན་པ་གཏོར་མ་ལ་མེ་འབར་བ་རྨི་ལམ་དུ་དམག་དང་ཁྲོམ་གྱི་འདུ་འཚོགས་རྨི་བ་རྣམས་འབོད་རྟགས་སུ་འབྱུང་བ་ཡིན༔ དུས་བཞིར་ཤ་ཁྲག་འཚོགས་པའི་གཏོར་མ་ཅི་མང་བཏང་ཞིང་༔ མཆོད་གསོལ་བྱ་བ་དམར་གསུར་གྱི་རྒྱུན་མི་བཅད་པ་གནད་དུ་ཤེས་པར་བྱའོ༔ བསྒྲུབ་པའི་སྔོན་དང་བསྒྲུབ་པའི་དུས་སུ་ཚོགས་བསྐང་ཅི་མང་བཏང་༔ གནད་དེས་བསོད་ནམས་ལོངས་སྤྱོད་བསྐྱེད༔ ལྐོག་མར་གསང་བའི་དམིགས་གནད་ནི༔ ཞལ་ཤེས་བཞིན་དུ་བཟུང་བར་གྱིས༔ ས་མ་ཡ༔ རྒྱ་རྒྱ་རྒྱ༔ བཀའ་སྲུང་དྲེགས་པ་སྡེ་བརྒྱད་ཀྱིས་སྲུངས་ཤིག༔ གཏེར་རྒྱ༔ སྦས་རྒྱ༔ ཟབ་རྒྱ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའི་ཡི་གེ་པ་ནི་སློབ་བུ་བཱིདྱ་བྷ་དྲའོ། །དགེའོ། །དགེའོ། །དགེའོ །སརྦ་མངྒ་ལཾ། ། 175 TI1613 - 180 ཕ༔ གཟའི་གཉེན་པོ་སྟོབས་ཀྱི་ལྷ་མཆོག་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ རང་ཉིད་སྐད་ཅིག་གིས་གཉེན་པོ་སྟོབས་ཀྱི་ལྷ་གསང་བདག་ཕྱག་ན་རྡོ་རྗེ་སྐུ་མདོག་མཐིང་ནག་ཁྲོས ཤིང་གཏུམ་པ་ཞལ་གདངས་ཤིང་ལྗགས་འདྲིལ་བ་ཁྲོ་བོའི་གཉེར་མ་དང་ལྡན་ཞིང་སྤྱན་གསུམ་སྡང་མིག་ཏུ་གཡོ་བ༔ སྨ་ར་དང་སྨིན་མ་ལས་མེ་སྟག་འཕྲོ་བ༔ དབུ་སྐྲ་ཁམ་ནག་གྱེན་དུ་བརྫེས་ཤིང་ཐོད་སྐམ་ལྔས་དབུ་ལ་བརྒྱན་པ༔ ཕྱག་གཡས་གནམ་ལྕགས་ཀྱི་རྡོ་རྗེ་རྭ་གདེངས་པ་གནམ་ལ་ཕྱར་ཞིང་༔ གཡོན་སྡིགས་མཛུབ་ཀྱིས་སྦྲུལ་ཞགས་བསྣམས་ནས་ཞབས་གཉིས་གྱད་ཀྱི་འདོར་ཐབས་སུ་བསྒྲད་ཅིང་༔ དུར་ཁྲོད་ཀྱི་ཆས་ཐམས་ཅད་རྫོགས་པ་ཡེ་ཤེས་ཀྱི་མེ་དཔུང་འབར་བའི་ཀློང་དུ་བསྐྱེད་དོ༔ དེའི་ཐུགས་ཀར་གནམ་ལྕགས་ཀྱི་རྡོ་རྗེ་རྭ་གདེངས་པའི་ལྟེ་བར་ཧཱུྃ་མཐིང་ནག་ལ་སྔགས་ཕྲེང་གིས་བསྐོར་བར་བསྒོམ༔ ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ༔ ཅི་མང་བཟླས༔ ཞེས་བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའོ། །དགེའོ།། ། TI1613 - 182 ཕ༔ ཆོས་ཉིད་ནམ་མཁའི་ཀློང་མཛོད་ལས༔ གཟའ་བདུད་དུག་གི་སྤུ་གྲི་ལ་བཅོལ་གཏམ་བྱ་བ་ཡིད་བཞིན་བང་མཛོད་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ སྐ་ཀཀཤཧུཛྫ༔ གཟའ་མཆོག་ཆེན་པོ་བསྒྲུབ་པ་ཡི༔ རྣལ་འབྱོར་བསྐྱེད་རྫོགས་གདིང་ལྡན་ལ༔ སྙིང་ཉེ་མཐུ་ཆེ་ལས་མྱུར་ཕྱིར༔ ཟངས་སམ་ལྕགས་ཀྱི་སྣོད་མཆོག་ཏུ༔ བཤོས་བུ་ཤ་ཁྲག་དམར་གྱིས་བརྒྱན༔ འབྲུ་སྣ་ཟས་སྣ་སྤོད་ཀྱི་རིགས༔ མདོར་ན་འབྱོར་ཚོགས་ཅི་རིགས་བཤམས༔ འགུག་གཞུག་བྱས་ནས་དགྲ་བགེགས་ཀྱི༔ ཤ་ཁྲག་རུས་པའི་ངོ་བོ་ལ༔ མཐུན་རྫས་འདོད་རྒུའི་རྣམ་པར་སྤེལ༔ ནམ་མཁའ་མཛོད་ཀྱི་སྔགས་མང་བརྗོད༔ ཧཱུྃ་ཛཿ དྲེགས་པའི་གཙོ་བོ་རཱ་ཧུ་ལ༔ གཟའ་མཆོག་ཆེན་པོ་དགོངས་སུ་གསོལ༔ སྤྲུལ་པའི་གཟའ་བརྒྱད་གདོང་མོ་བཞི༔ རྒྱུ་སྐར་ཉི་ཤུ་རྩ་བརྒྱད་དང་༔ སྡེ་བརྒྱད་དྲེགས་པའི་འཁོར་དང་བཅས༔ མ་ལུས་བདག་ལ་དགོངས་སུ་གསོལ༔ བདེ་གཤེགས་རིན་ཆེན་སྙིང་པོ་དང་༔ གསང་བའི་བདག་པོ་རྡོ་རྗེ་ཅན༔ རིག་འཛིན་པདྨ་ཐོད་ཕྲེང་སོགས༔ བརྒྱུད་གསུམ་བླ་མའི་བཀའ་དམ་ཚིག༔ གཏའ་རུ་བཞག་ཅིང་དཔང་བཙུགས་ནས༔ ཁྱོད་ལ་ཕྲིན་ལས་བཅོལ་བ་ནི༔ བདག་གི་ཟས་ནོར་ལོངས་སྤྱོད་དཀོར༔ མ་ལུས་སྲུང་བའི་སྲུང་མ་མཛོད༔ གཏད་དོ་གཉེར་རོ་ཁྱོད་ལ་བཅོལ༔ མི་རྣམས་སྲུང བའི་སྲུང་མ་མཛོད༔ སྡང་བའི་དགྲ་དང་གནོད་པའི་བགེགས༔ མ་ལུས་བསྒྲལ་ཞིང་བརླག་པར་མཛོད༔ ཁང་ཁྱིམ་སྲུང་བའི་སྲུང་མ་མཛོད༔ ལྟོག་འགོང་དབུལ་སྲི་བསེ་རག་ཐུལ༔ ཟས་ཀྱི་གཉེར་འཛིན་སྲུང་མ་མཛོད༔ འགོང་འདྲེ་ཕོ་མོ་ཆམ་ལ་ཕོབ༔ ནོར་རྣམས་སྲུང་བའི་སྲུང་མ་མཛོད༔ གཞན་ནོར་སྟོབས་ཀྱིས་འཕྲོག་བྱས་ཏེ༔ བང་མཛོད་ནོར་གྱིས་གང་བར་མཛོད༔ ཕྱུགས་རྣམས་སྲུང་བའི་སྲུང་མ་མཛོད༔ གྲངས་དང་འཕེལ་ཁ་རྒྱས་པར་མཛོད༔ རྐུ་འཕྲོག་བྱེད་པའི་དགྲ་བོ་དང་༔ གོད་སྲི་ཕུང་སྲི་བརླག་པར་མཛོད༔ གོ་མཚོན་སྲུང་བའི་སྲུང་མ་མཛོད༔ སྲ་མཁྲེགས་རྣོ་དབལ་ནུས་ལྡན་མཛོད༔ མདོར་ན་བདག་ཉིད་རྣལ་འབྱོར་གྱིས༔ བདག་ཏུ་བཟུང་བའི་དཀོར་ནོར་ཀུན༔ བཀའ་སྲུང་གཉན་པོ་ཁྱོད་ལ་གཏད༔ ཉིན་གསུམ་གྱི་བྱ་ར་མཛོད་ཅིག༔ མཚན་གསུམ་གྱི་མེལ་རྩེ་མཛོད་ཅིག༔ སྡང་བའི་དགྲ་བྱུང་ན་ཁ་རླངས་དུག་གི་སྤུ་གྲིས་སོད་ཅིག༔ གནོད་པའི་བགེགས་བྱུང་ན་མཐུ་རྩལ་ནུས་པ་དྲག་ཤུལ་གྱི་སྟོབས་དང་རྩལ་གྱིས་གཞོམ་པར་མཛོད་ཅིག༔ བྱད་བྱུང་ན་བྱད་སྣ་ཁོ་རང་ལ་རང་གཤེད་དུ་ཕོབ་ཅིག༔ བདག་རྣལ་འབྱོར་སྒྲུབ་པ་པོ་ལ་དགྱེས་པའི་ཞལ་སྟོན་ཅིག༔ གྲུབ་པའི་རྟགས T11613 - 184 ཕ༔ མཚན་སྟོན་ཅིག༔ འདོད་པའི་དོན་སྒྲུབས་ཤིག༔ ཚེ་དང་བསོད་ནམས་སྤེལ་ཅིག༔ དཔལ་དང་འབྱོར་པ་བསྐྱེད་ཅིག༔ འཁོར་དང་བསྟན་པ་སྲུངས་ཤིག༔ 32མ ཆག་ཆེ་དང་ཉམ་ང་བཟློག་ཅིག༔ མདུན་གྱི་འཁར་བ་གྱིས་ཤིག༔ རྒྱབ་ཀྱི་བརྟེན་ས་གྱིས་ཤིག༔ མི་ལ་ན་ཚ་མ་བཏང་༔ ཕྱུགས་ལ་གོད་ཁ་མ་བཏང་༔ ནོར་རྫས་ལ་སྟོར་བརླག་མ བཏང་༔༷ བསམ་པ་ལ་བར་ཆད་མ་བཏང་༔ ཞི་བ་དང་རྒྱས་པ་དང་དབང་དང་དྲག་པོའི་ལས་ཐམས་ཅད་བསམ་པ་བཞིན་དུ་ཐོགས་པ་མེད་པར་སྒྲུབ་པའི་ཕྲིན་ལས་མཛོད་ཅིག༔ ཨོཾ་བཛྲ་ས མ་ཡ༔ ཨཱཿབཛྲ་ས་མ་ཡ༔ ཧཱུྃ་བཛྲ་ས་མ་ཡ༔ གཟའ་མཆོག་ཆེན་པོ་ཡིད་བྱེད་ཅིང་༔ ཚིག་དོན་ཡིད་ལ་དྲན་བཞིན་གསལ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་སློབ་བུ་རྟོགས་ལྡན་གྱིས་བསྐུལ་ངོར་ཁྲག་འཐུང བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ། །དགེའོ། །དགེའོ། །ལེགས་སོ། །སརྦ་མངྒ་ལཾ།། །། T1613 - 186 _UNK༔ ཆོས་ཉིད་ནམ་མཁའི་ཀློང་མཛོད་ལས༔ གཟའ་མཆོག་ཆེན་པོའི་བསང་མཆོད་ཡེ་ཤེས་བདུད་རྩི་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ གཟའ་མཆོག་ཆེན་པོའི་བསང་མཆོད་ལ༔ དཀར་དམར་ཕྱེ་མའི་འཕུར་མ་ལ༔ བཟང་ཤིང་སྣ་ཚོགས་དུ་བ་བཏང་༔ སྭ་བྷཱ་ཝ་ཡིས་སྦྱངས་ནས་སུ༔ ནམ་མཁའ་མཛོད་ཀྱི་སྔགས་ཀྱིས་བརླབ༔ ཨོཾ་ཨཱཿཧཱུྃ༔ སྔགས་དང་ཕྱག་རྒྱས་བྱིན་བརླབས་པའི༔ འདོད་འཇོའི་བདུད་རྩིའི་བསང་མཆོད་འདིས༔ གཟའ་རྒོད་ཁྱབ་འཇུག་ཆེན་པོ་བསང་༔ ཡུམ་མཆོག་དབྱིངས་ཀྱི་རྗེ་མོ་བསང་༔ སྡོང་ཟླ་གདོང་མོ་མཆེད་བཞི་བསང་༔ སྤྲུལ་པའི་གཟའ་ཆེན་རྣམ་བརྒྱད བསང་༔༷ རྒྱུ་སྐར་ཉི་ཤུ་རྩ་བརྒྱད་བསང་༔ བཀའ་སྡོད་ལྷ་སྲིན་སྡེ་བརྒྱད་བསང་༔ སྣང་སྲིད་དྲེགས་པའི་འཁོར་ཚོགས་བསང་༔ བཟང་ཤིང་ཕྱེ་མར་སྤོས་སྣ་དང་༔ ར་ཡི་ཤ་ཁྲག་གསུར་དུད་ཀྱིས༔ སྣང་སྲིད་བདག་པོ་འཁོར་བཅས་དང་༔ དམ་ཚིག་ཅན་གྱི་སྲུང་མ་ལ༔ གསོལ་ལོ་མཆོད་དོ་བསང་ཞིང་བརྔན༔ ཕྱག་ན་རྡོ་རྗེའི་བཀའ་དམ་བཞིན༔ སྒྲུབ་པའི་རྣལ འབྱོར་བདག་ཉིད་ལ༔ ཕ་མ་བུ་ཚ་བཞིན་བརྩེས་སྐྱོངས༔ ཞི་རྒྱས་དབང་དྲག་མངོན་སྤྱོད་ལས༔ འདོད་དོན་འབད་མེད་ལྷུན་གྲུབ་མཛོད༔ ས་མ་ཡ༔ རྒྱ་རྒྱ་རྒྱ༔ ༔ ཞེས་པ་འདིའང་TI1613 - 187 པདྨ་དགའ་བས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའི་ཡི་གེ་པ་ནི་ཕུན་ཚོགས་བཀྲ་ཤིས་སོ། །དགེའོ།། 8 བདུད་འཇོམས་སྲུང་མ་གཟའ་བདུད་TI1613- 188 བདུད་འཇོམས་སྲུང་མ་གཟའ་བདུད་TI1613- 188 ཕ༔ ཆོས་ཉིད་ནམ་མཁའི་ཀློང་མཛོད་ལས༔ ཁྱབ་འཇུག་རཱ་ཧུ་ལའི་ཨོལ་བཀག་རྡོ་རྗེའི་མདུད་པ་བཞུགས༔ ན་མོ་གུ་རུ་པདྨ་ཀ་ར་ཡེ༔ ཨོལ་བཀག་རྡོ་རྗེའི་མདུད་པ་ལ༔ ཤོག་བུ་དཀར་དྭངས་ངོས་འཇམ་པར༔ ཆུ་རི་གཡོན་དུ་འཁྱིལ་བའི་དབུས༔ ཡི་གེ་ཐོ་བརྩེགས་ཧཱུྃ་བཛྲ་ཕཊ༔ གཡས་སུ་གཡས་ཀྱི་བུག་རལ་སིབ་སིབ་རུབ༔ བརྩེགས་མར་བྲིས༔ གཡོན་དུ་གཡོན་གྱི་བུག་རལ་ཛུབ་ལ་ཏི༔ བརྩེགས་མར་བྲིས༔ དེ་ཡི་ཕྱི་རིམ་མུ་ཁྱུད་ལ༔ ཧཱུྃ་བཛྲ་ཕཊ༔ བཛྲ་ཏི་ཏི་སིབ་སིབ་ཏི་ལ་ན་པུ་ཀྵི་ཡེ་སྭ་ཧཱ༔ དེའི་ཕྱི་རིམ་མུ་ཁྱུད་ལ༔ རྡོ་རྗེ་རྒྱ་གྲམ་བྲིས༔ རྒྱ་གྲམ་མགོ་བཞིའི་པདྨ་ལ༔ རཀྵ་རཀ༔ དེ་ལ་འབྱུང་ལྔའི་ས་སྙིང་གསེར་ཆུ་སྙིང་ལན་ཚྭ་མེ་སྙིང་གནམ་རལ རླུང་སྙིང་ག་བུར ནམ་མཁའི་སྙིང་པོ་བཅས། མཆན། སྙིང་པོ་བྱུག་ལ༔ དེ་སྐུ་གཟུགས་བཟོས་པའི་ལྐོག་མར་བཅུག་ན་ཟས་ནོར་ལོངས་སྤྱོད་འཕེལ་ལོ༔ ས་མ་ཡ༔ རྒྱ་རྒྱ་རྒྱ༔ ཞེས་རྣལ་འབྱོར་དབང་ཕྱུག་ཀརྨ་དཔལ་བཟང་པོས་ནན་དུ་བསྐུལ་ངོར་བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའི་ཡི་གེ་པ་ནི་ངག་དབང་ཕྲིན་ལས་སོ། །དགེའོ །དགེའོ། །དགེའོ། །ལེགས་སོ། །ས་རྦ་མངྒ་ལཾ།། ། T1613 - 189 T1613 - 190 འཁྲུཊ་བསྐང ཝྃ༔ གཟའི་འཁྲུགས་བསྐང་ཕན་བདེའི་སྣང་བ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ གརཱ༔ དམར་གཏོར་ཁྲག་སྐྱེམས་བཤམས་བྱས་ནས༔ ནམ་མཁའ་མཛོད་ཀྱི་འཁོར་ལོར་བརླབས༔ རཾ་ཡཾ་ཁཾ༔ ཨོཾ་ཨཱཿ ཧཱུྃ༔ རང་རིག་ངོ་བོ་བདེ་ཆེན་འགྱུར་མེད་ལས༔ རིག་མདངས་མ་འགགས་དྲེགས་པའི་གཙོ་བོར་ཤར༔ དྲང་སྲོང་གཟའ་མཆོག་ཆེན་པོ་སྤྲུལ་འཁོར་བཅས༔ འདིར་གཤེགས་ཤ་ཁྲག་དམར་གཏོར་སྐྱེམས་མཆོད་བཞེས༔ བདག་ཅག་མ་རིག་དབང་གྱུར་ཉེས་པའི་ཚོགས༔ སྙིང་ནས་མི་འཆབ་མཐོལ་བཤགས་ཚངས་པར་སྩོལ༔ ཐུགས་དང་འགལ་གྱུར་ཉམས་ཆག་སོར་ཆུད་ནས༔ ལུས་དང་གྲིབ་བཞིན་འགྲོགས་ཤིང་ཕྲིན་ལས་སྒྲབས༔ ཚེ་ཆོས་བསོད་ནམས་སྙན་གྲགས་ལོངས་སྤྱོད་སྤེལ༔ གཟུགས་ཅན་གཟུགས་མེད་དགྲ་གདོན་བགེགས་ཚོགས་སྒྲོལ༔ བྱད་ཕུར་རྦོད་གཏོང་ཆག་ཆེ་ཉམ་ང་བཟློག༔ ཕྱི་ནང་གསང་བའི་བར་ཆད་དབྱིངས་སུ་སོལ༔ ཕྱོགས་ལས་རྣམ་པར་རྒྱལ་བའི་རུ་དར་ཕྱོར༔ བཀྲ་ཤིས་སྣང་བས་ས་གསུམ་ཡོངས་ཁྱབ་ཤོག༔ དེ་ལྟར་གྲངས་མང་བརྗོད་གྱུར་ན༔ འཁྲུགས་པ་ཞི་ནས་བསམ་དོན་འགྲུབ༔ བཀྲ་ཤིས་དགེ་ལེགས་དཔལ་ཐོབ་འགྱུར༔ ཐེ་ཚོམ་མེད་དོ་ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཉིད་འདུས་ལོས་བསྐུལ་ངོར་ལས་འབྲེལ་པས་སོ། །དགེའོ། །ལེགས་སོ། །སརྦ་མངྒ་ལཾ།། = T11613 - 191 T1613 - 192 _UNK ཆོས་ཉིད་ནམ་མཁའི་ཀློང་མཛོད་ལས༔ བཀའ་སྲུང་གཟའ་མཆོག་ཆེན་པོའི་འཁོན་སྦྱངས་འདའ་དཀའ་རྡོ་རྗེ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཤ་ཁྲག་དམར་གཏོར་སྐྱེམས་ཕུད་བཤམས༔ རང་ཉིད་ཡི་དམ་ལྷར་གསལ་ངང་༔ ན་མོ༔ དཀོན་མཆོག་རིན་ཆེན་གསུམ་གྱི་བདེན་སྟོབས་དང་༔ གསང་སྔགས་བླ་ན་མེད་པའི་རྟེན་འབྲེལ་དང་༔ བདེན་པར་སྨྲ་བ་རྣམས་ཀྱི་བདེན་ཚིག་དང་༔ ཆོས་ཉིད་རྣམ་དག་རྟེན་འབྲེལ་བསླུ་མེད་མཐུས༔ ཡེ་ཤེས་འཇིག་རྟེན་བཀའ་སྲུང་དྲེགས་པ་ཅན༔ མ་ལུས་བདག་གི་འབངས་སུ་མཆིས་འགྱུར་ཏེ༔ ཅི་བསྒོས་བཀའ་ཉན་འདོད་དོན་སྒྲུབ་གྱུར་ཅིག༔ ཧཱུྃ༔ གསོན་ཅིག་དགོངས་ཤིག་བཀའ་སྲུང་རཱ་ཧུ་ལ༔ གདོང་མོ་བཞི་དང་སྤྲུལ་པའི་གཟའ་ཆེན་བརྒྱད༔ བཀའ་ཡི་ལྷ་སྲིན་སྡེ་བརྒྱད་འཁོར་དང་བཅས༔ ཁྱེད་ཀྱི་ཐུགས་དང་འགལ་བ་ཅི་མཆིས་པ༔ མཐོལ་བཤགས་བཟོད་པར་གསོལ་ལ་ཐུགས་བརྩེས་དགོངས༔ ཉེས་པ་བཤགས་ཤིང་འགལ་བ་བསྡུམ་བགྱིད་ཅིང་༔ ཕན་ཚུན་མི་མཐུན་པ་དག་མཐུན་པར་བཅོས༔ ཤ་ཁྲག་དམར་གྱི་གཏོར་མ་འདི་འབུལ་བཞེས༔ ང་ཡི་ཡིད་ལ་མི་འདོད་རྐྱེན་སྣང་ཀུན༔ མཐུ་སྟོབས་ནུས་པ་དྲག་ཤུལ་ཤུགས་ཕྱུང་ལ༔ ཞི་བཟློག་གཞོམས་ཤིང་དབྱིངས་སུ་T11613 - 193 སྒྲོལ་མཛོད་ཅིག༔ ནད་གདོན་འགལ་རྐྱེན་བར་ཆད་ཞི་བ་དང་༔ ཚེ་བསོད་དཔལ་འབྱོར་ཡོན་ཏན་རྒྱས་པ་དང་༔ ཁམས་གསུམ་མོས་པ་རྣམ་བཞི་དབང་དུ་བསྡུས༔ མངོན་སྤྱོད་ལས་ཀྱི་དགྲ་བགེགས་ཚར་ཆོད་ཅིག༔ རྩ་གསུམ་དམ་ཅན་སྲུང་མ་རྒྱ་མཚོ་ཡིས༔ ཤེས་རབ་དང་ནི་ཡེ་ཤེས་རྩལ་ཤུགས་ཀྱིས༔ གཤིན་འདྲེའི་འཁྲུལ་པ་དབྱིངས་སུ་བཤིག་པ་དང་༔ ཆོས་ཉིད་འཁྲུལ་མི་ཤེས་པའི་ས་རུ་སྒྲོལ༔ ས་ལམ་བར་ཆད་བྱེད་པའི་འདྲེ་གདོན་བགེགས༔ མངོན་སྤྱོད་དྲག་པོའི་སྟོབས་ཀྱིས་མྱུར་དུ་སོད༔ གསང་བདག་མི་འཇིགས་རྡོ་རྗེ་གཏུམ་པོ་དང་༔ ཨོ་རྒྱན་ཆེན་པོ་པདྨ་ཐོད་ཕྲེང་གི༔ བཀའ་དང་དམ་ཚིག་གཉན་པོ་དཔང་བཙུག་གོ༔ མ་འདའ་བདག་གིས་བཅོལ་བའི་ལས་དེ་དག༔ མ་འགྱང་མྱུར་དུ་སྒྲུབས་ཤིག་ས་མ་ཡ༔ ཞེས་པ་འདི་ནི་དད་ལྡན་སྤྲེལ་ལོས་ནན་དུ་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ། །ལེགས་སོ། །སརྦ་མངྒ་ལཾ།། ། T11613 - 194 མ ཕ༔ ཆོས་ཉིད་ནམ་མཁའི་ཀློང་མཛོད་ལས༔ གཟའ་བདུད་ནག་པོའི་དྲག་སྒྲུབ་རྣོ་བའི་དུག་མདེའུ་བཞུགས་སོ༔ དྲག་སྒྲུབ T11613 - 195 ན་མོ་གུ་རུ་པདྨ་ཤྲཱི་ཧེ་རུ་ཀ་ན་མ༔ ཤངཧུལཤཧ། གཟའ་བདུད་རྒྱལ་པོའི་དྲག་སྒྲུབ་རྣོ་གཉན་དུག་མདེའུ་ནག་པོ་འདི་ལག་ཏུ་ལེན་པའི་རིམ་པ་ལ༔ ས་སྟེགས་གྲུ་གསུམ་དཔང་དུ་སོར་བཞི་པ་ཞིག་གི་དབུས་སུ་གྲུ་གསུམ་བྲུས་པའི་ཁུང་དུ་དུག་ཁྲག་སྣ་ཚོགས་བྱུག༔ ཕྱི་རིམ་ཐམས་ཅད་རོ་སོལ་དང་དུག་ཁྲག་གིས་བྱུག༔ དེ་ནས་ཁམས་སའི་རཱུ་པ་ཁོང་སྟོང་གཅིག་བྱས༔ དུག་ཤོག་ལ་རཱུ་པ་དབང་ཚང་བྲིས་ལ་གཟའ་བདུད་