Tibetan
ཏུ་བཀའ་ཉན་ཅིང་གསུང་སྡོད་པར་གྱུར་ཅིག༔ དགྲ་བགེགས་གདུག་པ་ཅན་སྡང་སེམས་དང་ལྡན་པ་ཐམས་ཅད་ལྷ་ཡང་རུང་སྟེ་རྗེས་ཤུལ་ལྷག་མེད་དུ་བརླག་པར་གྱུར་ཅིག༔ བདག་གི་ཕྲིན་ལས་རབ་འབྱམས་ཐམས་ཅད་ཐོགས་མེད་དུ་འགྲུབ་ནས་མཐུ་ཡི་གྲགས་པས་ས་སྟེང་ཁྱབ་ཅིང་མི་མཐུན་པའི་ཕྱོགས་ངན་པ་ཐམས་ཅད་ལས་རྣམ་པར་རྒྱལ་ཞིང་བཀྲ་ཤིས་པར་གྱུར་ཅིག༔ འདི་ཡིས་གཅུན་པས་མི་འགྲུབ་གང་ཡང་མེད༔ དུས་བཞིར་འདི་ལ་ནན་ཏན་མཛོད་ཅིག་བུ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ། །ལེགས་སོ། །སརྦ་མངྒ་ལཾ།། བདུད་འཇོམས་སྲུང་མ་གཟའ་བདུད་TI1613 - 216 བདུད་འཇོམས་སྲུང་མ་གཟའ་བདུད་TI1613 - 216 ཧོྃ།༔ ཆོས་ཉིད་ནམ་མཁའི་ཀློང་མཛོད་ལས༔ གཟའ་བདུད་ནག་པོའི་ཟ་ངུ་དགྲ་དཔུང་ཕུང་བྱེད་བཞུགས་སོ༔ ན་མོ་གུ་རུ་བཛྲ་པཱ་ཎི་ཡེ༔ ཐཱགསྭཧ།༔ གཟའ་བདུད་སྒྲུབ་པའི་རྣལ་འབྱོར་གྱིས༔ འདི་ལ་རྟག་ཏུ་བརྩོན་པར་མཛོད༔ ཛཿ རིན་ཆེན་སྙིང་པོ་རྡོ་རྗེ་ཅན༔ ཨོ་རྒྱན་པད་འབྱུང་མ་ལབ་སྒྲོན༔ རིག་འཛིན་བརྒྱུད་པའི་བཀའ་དམ་གྱིས༔ བསྐུལ་ལོ་རྦད་དོ་གཟའ་བདུད་རྒྱལ༔ ཡབ་ཡུམ་འཁོར་བཅས་དགྲ་ལ་རྒྱུག༔ དགྲ་བོའི་བླ་ཚེ་སྲོག་དབུགས་བཅས༔ མེ་སྟག་ཆུ་ཡིས་བསད་བཞིན་ཐོངས༔ བསད་རྟགས་དོན་སྙིང་ཁྱེར་ལ་ཤོག༔ ལོ་ཟླར་བཞག་པའི་ལོངས་མེད་ཀྱིས༔ དོ་ནུབ་ཉིད་དུ་ཧུར་ཐུམ་སོད༔ ཤ་ཁྲག་རུས་པར་ཟ་ངུ་གྱིས༔ མི་ཕྱུགས་དཀོར་ལ་ཟ་ངུ་གྱིས༔ མཐའ་རྩ་སྐྱེ་རྒྱུད་ལྷག་མེད་ཐོངས༔ ཆོག་ཤེས་མེད་པར་ཟ་ངུ་གྱིས༔ དགྲ་ཟིན་མཁོན་འཁྲུགས་འདུམ་ནས་སུ༔ ཞུ་བཤགས་འཇལ་གསུམ་ངས་བླང་ཡང་༔ ཟ་ངུའི་དམག་ཚོགས་སླར་མ་ལྡོག༔ ཟ་སྐལ་དགྲ་བོའི་ཆོས་སྲིད་པ༔ ཟོས་ལྷག་མེད་པའི་ས་ལ་གཏུགས༔ བཀའ་དམ་གཉན་པོའི་ཁྲིམས་དེ་ཡིན༔ མ་འདའ་བཛྲ་ས་མ་ཡ༔ དེ་ཡིས་ཕྲིན་ལས་ཐོགས་མེད་འགྲུབ༔ དགྲ་གསོད་བདག་རྒྱལ་ནང་དུ་བྱམས༔ འདི་མེད་མཁོན་འདུམ་བྱ་མི་རུང་༔ དེ་ཕྱིར་འདི་ལ་ནན་ཏན མཛོད༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་རིགས་སྲས་མཁྱེན་བརྩེའི་མྱུ་གུ་དང་པདྨ་རྡོ་རྗེ་གཉིས་ཀྱིས་བསྐུལ་ངོར ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའི་ཡི་གེ་པ་ནི་ཕུན་ཚོགས་བཀྲ་ཤིས་ཀྱིས་བགྱིས་པ་དགེའོ། །སརྦ་མངྒ་ལཾ།། 4 TI1613 - 218 ཕ༔ ཆོས་ཉིད་ནམ་མཁའི་ཀློང་མཛོད་ལས༔ གཟའ་བདུད་རྒྱལ་པོའི་དྲག་བསྐུལ་སྤུ་གྲིའི་འཁོར་ལོ་བཞུགས་སོ༔ ཎྜཱ་_UNKལླ།རྨྨཱ༔ ཤ་ཁྲག་གཏོར་མ་སྐྱེམས་བཤོས་བཤམས༔ ཨོཾ་ཨཱཿཧཱུྃ་དང་ཧ་ཧོ་ཧྲཱི༔ འབྲུ་གསུམ་ནུས་པས་བྱིན་རླབས་ནས༔ རང་ཉིད་ལྷ་ཡི་ང་རྒྱལ་གྱིས༔ ཛཿ སྟེང་ཕྱོགས་ནམ་མཁའི་དཀྱིལ་ཡངས་ནས༔ ཚངས་པའི་ཡུལ་ལ་མངའ་དབང་བསྒྱུར༔ དུར་ཁྲོད་མེ་འབར་གཞལ་ཡས་ནས༔ སྐྱེ་འགྲོའི་སྲོག་ལ་མངའ་དབང་བསྒྱུར༔ ཕྱག་ན་རྡོ་རྗེའི་བཀའ་ཉན་ཅན༔ ཁྲོས་མ་ནག་མོའི་ཕོ་ཉ་བ༔ ཨེ་ཀ་ཙ་ཏིའི་ལས་མཁན་ཆེ༔ དུག་ཁྲག་འདྲེས་པའི་རྒྱ་མཚོ་ན༔ དྲང་སྲོང་གཟའ་བདུད་རཱ་ཧུ་ལ༔ རོ་སྟོད་མི་ལ་རོ་སྨད་སྦྲུལ༔ དབུ་གུའི་སྟེང་དུ་བྱ་རོག་གདོང་༔ དུད་ཁ་མགོ་ལུས་མིག་གིས་ཁེངས༔ ཕྱག་བཞི་མདའ་གཞུ་ཆུ་སྲིན་ཞགས༔ ལྟོ་བའི་ཞལ་གྱིས་སྟོང་གསུམ་ཟ༔ སྤྲུལ་པ་གཟའ་བརྒྱད་ལས་ལ་འགྱེད༔ གདོང་མོ་མཆེད་བཞིས་དགྱེས་པ་སྐོང་༔ ལྷ་སྲིན་སྡེ་བརྒྱད་ཕོ་ཉར་འགྱེད༔ རྒྱུ་སྐར་ཉེར་བརྒྱད་བྲན་དུ་བཀོལ༔ སྲོག་གཅོད་ལས་ཀྱི་ཤན་པ་འགྱེད༔ སྨོན་ལམ་སྟོབས་ཀྱི་མཐུ་རྩལ་ཅན༔ རྡོ་རྗེ་ཐེག་པའི་བསྟན་སྲུང་བ༔ ཁྱོད་ནི་དམ་ཚིག་སྲོག་འཛིན་པ༔ ནམ་མཁའ་ལྷ་ཡི་ཁམས་ནས་བསྐུལ༔ བར་སྣང་གཉན་གྱི་ཁམས་ནས་བསྐུལ༔ ས་གཞི་ཀླུ་ཡི་ཁམས་ནས༴ དུར་ཁྲོད་ཆེན་པོ་བརྒྱད་ནས༴ ཡབ་ནི་གདོང་དམར་སྲིན་པོཿ ཡུམ་ནི་གཏུམ་འབར་ཀླུ་མོཿ སྲས་ནི་གཟའ་མཆོག ཆེན་པོ༔ སྤྲུལ་པའི་གཟའ་བརྒྱད་འཁོར་བཅསཿ སྡོང་ཟླ་གདོང་མོ་མཆེད་བཞིཿ ཡང་སྤྲུལ་ལྷ་སྲིན་སྡེ་བརྒྱད་འཁོར་གྱི་རྒྱུ་སྐར་ཉེར་བརྒྱད༴ དཔལ་ཆེན་ཧེ་རུའི་བཀའ་ཡིས། རྡོ་རྗེ་ཅན་གྱི་ཐ་ཚིགཿ རིག་འཛིན་པདྨའི་དམ་གྱིས་བསྐུལ༔ དགུ་ལྡན་བླ་མའི་བཀའ་དམ་གྱིས༔ བསྐུལ་ལོ་བདག་ཀྱང་དེའི་རྗེས་ཟིན༔ ད་ལྟ་མངོན་སྤྱོད་ལས་ལ་བསྐུལ༔ བདག་དང་དམ་ཚིག་རྗེས་དགོངས་ལ༔ མྱུར་མགྱོགས་དྲག་རྩལ་སྟོབས་ཤུགས་ཕྱུངས༔ ཐ་ཚིག་དཔང་དུ་མི་འཇོག་རྒྱུ༔ བརྒྱུད་པ་གོང་མའི་ཁྲིམས་ལམ་བཞིན༔ སྲུང་མ་གཉན་པོ་མི་བསྐུལ་རྒྱུ༔ དཔུང་གཉེན་དཀོན་མཆོག་གསུམ་པོ་ཁུར༔ ལས་ཀ་མཐུ་ལ་མི་བརྩོན་རྒྱུ༔ སྔགས་ཀྱི་རྣལ་འབྱོར་ལས་སུ་བསྔགས༔ དེ་རིང་སྲུང་མ་མི་བསྐུལ་རྒྱུ༔ མ་ཉེས་རྣལ་འབྱོར་ཆད་པས་མནར༔ སྡང་བའི་དགྲ་བོས་ཕོད་བཙུགས་ཀྱི༔ ར་མདར་དྲང་སྲོང་ཆེན་པོ་སྦྲན༔ ནམ་མཁར་ཁྲག་སྤྲིན་དམར་པོ་སྡུད༔ བར་སྣང་གློག་དམར་འཁྱུགས་འཁྱུགས་སོང་༔ ས་གཞིར་ ཕ༔ ཐོག་ལྟར་ཕོབ་ལ་སོང་༔ སྒྲ་འོད་མེ་དུད་གཡོ་ཞིང་སོང་༔ དུག་རླུང་ནད་རླུང་འཚུབས་ཤིང་སོང་༔ དགྲ་བོའི་གནས་ཡུལ་འོད་ཀྱིས་ཁོངས༔ མི་ནོར་སྒོ་ཁྱི་བཅས་པ་ཀུན༔ ཁ་རླངས་དུག་གི་སྤུ་གྲིས་སོད༔ མ་ཐུབ་བར་དུ་ཚིམས་མ་བྱེད༔ མ་ཟད་བར་དུ་ཡིད་མ་མགུ༔ མ་སྟོངས་བར་དུ་སླར་མ་འོངས༔ ནུས་མཐུ་དྲག་ཁྲོ་ཚུར་མ་སྟོན༔ གདུག་པའི་དབལ་ཁ་སླར་མ་ལྡོག༔ སྡུག་ཡུས་ཕྱིར་མིག་མ་ལྟ་ཞིག༔ བཀའ་དང་དམ་ཚིག་དཔང་ལ་ཡོད༔ རྡོ་རྗེ་ཅན་ལ་བརྙས་མ་བཙུག༔ ནཱ་ག་རཀྵ་ཧ་ལ་ཀ་ལ་རཱ་ཧུ་ལ་བཛྲ་ས་མ་ཡ༔ དགྲ་བོ་ཆེ་གེ་མོར་ཆོ་ཆོ་རྒྱུག་རྒྱུག་རྦད་རྦད་བྷྱོ་བྷྱོ་ནན༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ མ་འོངས་ལས་ཅན་སྐལ་ལྡན་ལ༔ ཕ་ལམ་རྡོ་རྗེའི་དུག་མདའ་འདི༔ བགོ་སྐལ་ས་ར་ཧ་པས་བཞག༔ གང་ལ་བྱས་ཀྱང་ཐོག་དང་འདྲ༔ རྣལ་འབྱོར་རང་གི་དཔུང་ལས་མིན༔ དམ་ཉམས་ལག་ཏུ་ཤོར་ར་རེ༔ གཟའ་བདུད་དུག་གི་སྤུ་གྲིས་སྲུངས༔ སྐུའི་རྒྱ༔ གསུང་གི་རྒྱ༔ ཐུགས་ཀྱི་རྒྱ༔ ས་མ་ཡ༔ རྒྱ་རྒྱ་རྒྱ༔ ཞེས་པ་འདི་ཡང་སྤྲང་མ་ནུས་བདུད་འཇོམས་རྡོ་རྗེས་ཡིག་མེད་མཁའ་འགྲོའི་བརྡའ་རིས་ལས་དག་པར་ཕབ་པའི་ཡི་གེ་པ་ནི་ཆོས་དབྱིངས་སྐྱེ་མེད་རྡོ་རྗེའོ། །དགེའོ། །དགེའོ། །དགེའོ། །བསྟན་དགྲ་མ་ལུས་ཚར་གཅོད་ནུས་ཐོབ་ཤོག །མངྒ་ལཾ།། ་ནུམ་ TI1613 - 222 ཆོས་ཉིད་ནམ་མཁའི་ཀློང་མཛོད་ལས༔ དྲང་སྲོང་གཟའ་མཆོག་ཆེན་པོའི་བསྐང་གསོལ་བསྟན་དགྲ་འཇོམས་པའི་སྤུ་གྲི་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ བཟའ་བཏུང་ཕུད་བཤམས་གང་ལའང་༔ ཨོཾ་ཨཱཿ ཧཱུྃ་གིས་བདུད་རྩིར་བསྒྱུར༔ ཧཱུྃ་ཛཿ དྲང་སྲོང་གཟའ་མཆོག་ཆེན་པོ་འཁོར་དང་བཅས༔ དམ་ཚིག་གཉན་གྱིས་འབོད་དོ་འདིར་གཤེགས་ཤིག༔ འདོད་ཡོན་རྒྱན་གྱི་གཏོར་མ་འདི་བཞེས་ལ༔ གནོད་བྱེད་དགྲ་བགེགས་བསྒྲལ་བའི་ཕྲིན་ལས་མཛོད༔ ས་མ་ཡ༔ འདི་ལྟར་གྲངས་ལྡན་བསྐྱར་གྱུར་ན༔ ལུས་དང་གྲིབ་མ་བཞིན་འཁོར་ཞིང་༔ ཁ་བསྒྱུར་ཅི་བཞིན་ལས་ཀུན་འགྲུབ༔ ས་མ་ཡ༔ རྒྱ་རྒྱ་རྒྱ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་ཀློང་མཛོད་ལས་བསྒྱུར་བའོ། །དགེའོ།། བྡཾ ཆོས་ཉིད་ནམ་མཁའི་ཀློང་མཛོད་ལས༔ གཟའ་བདུད་ནག་པོའི་དྲག་བསྐང་བསྟན་དགྲའི་དཔུང་འཇོམས་བཞུགས༔ ན་མོ་གུ་རུ་པདྨ་ཀ་ར་ཡེ༔ གཟའ་ཡི་དྲག་བསྐང་བསྡུས་པ་ལ༔ དམར་གཏོར་ཁྲག་སྐྱེམས་བཤམས་ནས་སུ༔ འགུགས་གཞུག་བྱ་ཞིང་སྔགས་ཀྱིས་སྤེལ༔ ཤ་ཁྲག་རུས་པའི་རྣམ་པ་ལ༔ ཟག་མེད་བདུད་རྩིའི་ངོ་བོར་དམིགས༔ ནམ་མཁའ་མཛོད་ཀྱི་སྔགས་རྒྱས་མཐར༔ ན་མོ༔ དཀོན་མཆོག་གསུམ་གྱི་བདེན་པའི་མཐུས༔ གཟའ་བདུད་ནག་པོ་འཁོར་དང་བཅས༔ བདག་གི་སྲུང་མར་མྱུར་འགྲུབ་མཛོད༔ = - 223 དངོས་འབྱོར་ཡིད་ཀྱིས་རྣམ་སྤྲུལ་པའི༔ ཕྱི་ནང་གསང་མཆོད་སྣ་ཚོགས་ཀྱིས༔ གཟའ་བདུད་འཁོར་བཅས་ཐུགས་དམ་བསྐང་༔ ཉེས་འགལ་ཉམས་ཆག་ནོར་འཁྲུལ་བཤགས༔ བསྐུལ་ལོ་རྦད་དོ་དགྲ་ལ་རྒྱུག༔ རང་ལ་མ་ལོག་མཐུ་ནུས་དབལ༔ མ་རྡུག་སྟོབས་རྩལ་ཤུགས་ཕྱུངས་ལ༔ གཞན་ལ་མ་འབྱམས་དགྲ་འདི་སོད༔ བླ་ཁུག་བསད་པའི་མཚན་མ་སྟོན༔ ལོ་ཟླར་མ་འགྱངས་དོ་ནུབ་སྒྲོལ༔ བཀའ་དམ་གཉན་པོའི་ཁྲིམས་ཡིན་ནོ༔ མ་འདའ་བཛྲ་ས་མ་ཡ༔ དེ་ལྟར་གྲངས་ལྡན་བསྐྱར་བས་ན༔ དྲག་པོ་མངོན་སྤྱོད་ལས་ཀུན་འགྲུབ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ནི་རང་སློབ་འཇིགས་མེད་རྡོ་རྗེས་བསྐུལ་ངོར་ཀློང་ཡངས་ནམ་མཁའི་རྣལ་འབྱོར་བདུད་འཇོམས་རྡོ་རྗེས་བྲིས་པ་དགེ་བར་གྱུར་ཅིག །བསྟན་དགྲ་མ་ལུས་ཚར་གཅོད་ནུས་པར་ཤོག །དགེའོ།། །། Tl1613 - 224 དྲག་བསྐུལ་ཐ།ཿ ཆོས་ཉིད་ནམ་མཁའི་ཀློང་མཛོད་ལས༔ གཟའ་བདུད་ནག་པོའི་དགྲ་ཆོས་དྲག་བསྐུལ་ཟབ་མོ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ དམར་གྱི་གཏོར་མ་སྐྱེམས་ཕུད་ལ༔ འགུགས་བསྟིམ་དགྲ བགེགས་ཤ་ཁྲག་གི༔ རྒྱ་མཚོར་དམིགས་ཏེ་སྔགས་ཀྱིས་སྤེལ༔ རང་ཉིད་ཡི་དམ་ལྷ་ཡི་ང་རྒྱལ་གྱིས༔ གདིང་དང་ལྡན་པས་འདི་སྐད་དྲག་བསྐུལ་གྱི་རིམ་པ་ལ༔ ཛཿ དུས་གསུམ་རྒྱལ་དང་རྒྱལ་སྲས་ཐམས་ཅད་ཀྱི༔ བཀའ་དང་དམ་ཚིག་གཉན་པོ་དཔང་བཙུགས་ཏེ༔ བསྐུལ་ལོ་རྦད་དོ་གཟའ་བདུད་འཁོར་དང་བཅས༔ མ་འགྱང་མྱུར་དུ་སྡང་བའི་དགྲ་ལ་ཆོས༔ གཞན་དུ་མ་འབྱམས་རང་ལ་མ་ལྡོག པར༔ མཐུ་ནུས་དྲག་ཤུལ་མ་རྡུག་བསྟན་དགྲའི་སྡེ༔ ཁ་རླངས་དུག་གི་སྤུ་གྲིས་ཧུར་ཐུམ་སོད༔ བཅོལ་བའི་ཕྲིན་ལས་མྱུར་དུ་གྲུབ་པར་མཛོད༔ བཀའ་དང་དམ་ལ་མ་འདས་ས་མ་ཡ༔ ཞེས་སྐྱེམས་ཕུད་གཏོར་མ་དགྲ་ཕྱོགས་སུ་དོར༔ དེ་ཡིས་བཅོལ་བའི་ལས་ཀུན་འགྲུབ༔ ས་མ་ཡ༔ ཞེས་པ་འདི་ཉིད་རང་སློབ་དམ་པ་མཁྱེན་རབ་རྒྱ་མཚོས་བསྐུལ་ངོར་རིག་འཛིན་བདུད་འཇོམས་རྡོ་རྗེས་ཆོས་ཉིད་ནམ་མཁའི་ཀློང་མཛོད་ལས་བསྒྱུར་བའོ། །དགེའོ།། །། T11613 - 226 རཾ ཧོྃ།༔ ཆོས་ཉིད་ནམ་མཁའི་ཀློང་མཛོད་ལས༔ བསྟན་དགྲ་གདུག་པའི་སྡེ་ཚོགས་གཟའ་བདུད་ནག་པོའི་གདོང་ལ་གཏད་པའི་མན་ངག་ཁམས་གསུམ་རོལ་པ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ བྷ་བྷུདྡྷཱ།༔ གཟའ་བདུད་ནག་པོའི་གདོང་ལ་གཏད་པ་ནི༔ གཟའ་བདུད་འགྲུབ་ནས་འགྲུབ་རྟགས་མངོན་གྱུར་མཐར༔ བསྟན་ལ་སྡང་བའི་དགྲ་བོ་གང་ཡང་རུང་༔ གཟུགས་དང་མིང་རུས་བྲིས་ནས་འགུགས་གཞུག་མཐར༔ ཟིན་ཕུང་ཁྲ་ཚ་ལ་སོགས་གཟའ་རྒྱུ་དུས༔ ཉི་མ་གཟའ་སྒྲིབ་ནག་པོ་ཆེ་ཆུང་དུས༔ དེ་ཕྱོགས་དྲག་ཤིང་ཚེར་མ་ཅན་གྱི་ཧོམ༔ བརྩིགས་ཤིང་གཟའ་ཡི་བསྐྱེད་ཆོག་བྱ༔ སྔགས་མཁན་རང་གི་ཁ་ཡང་དེ་ཕྱོགས་གྱུ༔ གཏོར་མ་འབྲུ་སྣ་ཤ་ཁྲག་སྣ་ཚོགས་པ༔ དགྲ་བོའི་མི་ཕྱུགས་འཁོར་བཅས་སོགས་དམིགས་ཏེ༔ སྔགས་མཐར་ཁཱ་ཧི་བརྒྱ་རྩ་བརྒྱད་དུ་ཕུལ༔ ལིང་གར་འགུག་གཞུག་དགྲ་བོ་དངོས་སུ་གསལ༔ དེ་མཐར་གདོང་ལ་གཏད་པར་བྱ་བ་ལ༔ ཨོཾ་སྭ་བྷཱ་ཝ་སོགས༔ མདུན་གྱི་ཧོམ་མི་དམིགས་པ་སྟོང་པ་ཉིད་དུ་གྱུར༔ སྟོང་པའི་ངང་ལས་དུག་རླངས་ནད་རླངས་སྔོ་མར་འཁྲིགས་པའི་དབུས་སུ་བྷྱཿརཿཏྲིཿགསུམ་བརྩེགས་མར་གནས་པ་ཡོངས་སུ་གྱུར་པ་ལས༔ དྲང་སྲོང་གཟའ་བདུད་ཆེན་པོ་མཐིང་སེར་རྔམས་ཤིང་བརྗིད་པ་དབུ་དགུའི་སྟེང་དུ་བྱ་རོག་གི་གདོང་ནག་པོ་ཤ་སྐད་ལྷང་ལྷང་སྒྲོགས་པ་ཕྱག་བཞི་དང་པོ་གཉིས་ན་ཆུ་སྲིན་གྱི་རྒྱལ་མཚན་དང་སྦྲུལ་ཞགས་ བསྣམས་པ༔ འོག་མ་གཉིས་ཀྱི་རྭ་ཡི་མདའ་གཞུ་འགེངས་ཤིང་མདའི་སྣེ་དགྲ་བོའི་སྙིང་ལ་གཟེར་བ་རོ་སྟོད་མི་རུ་ཡོད་ཅིང་རོ་སྨད་སྦྲུལ་དུ་འཁྱིལ་བ་མགོ་ལུས་མེད་པར་མིག་གིས་གང་བ་ལྟོ་བར་སྣང་སྲིད་རོལ་པའི་ཞལ་གདངས་ཤིང་རྐན་སྒྲ་རྡེབ་པ་བལྟར་མི་བཟོད་པ་ཞིག་ཏུ་བསྐྱེད་དོ༔ གནས་གསུམ་ལས་འོད་ཟེར་འཕྲོས་པས་འབྱུང་བ་ལྔ་ཡི་ཁམས་ནས་རང་རྒྱུད་པ་དཔག་ཏུ་མེད་པ་སྤྱན་དྲངས་ནས་བསྟིམ་མོ༔ ཧྲཱིཿ ཤག་རུ་རཾ་ན་གེ་ཙིཏྟ་ཏྲཾ༔ མ་མ་ཡོ་ཟ་འགྲམ་ཧ་ཧེ་ཡོ་གེ་ཤ་ལ་ས་མ་ཡ་ཛ་ཛཿ ཞེས་པའི་སྔགས་ཅི་འགྲུབ་བཟླས་ནས་བསྟིམ༔ དེ་ནས་ལིང་ག་བསྟབས་ཚུལ་རེ་བྱས་ནས་འབྲུ་སྣ་ཕུལ་ཏེ༔ ཧྲཱིཿ ཤག་རུ་རཾ་ན་གེ་སོགས་ས་མ་ཡ་ཆེ་གེ་མོའི་མ་ཧཱ་མཱཾ་ས་ལ་ཁཱ་ཧི༔ མ་ཧཱ་རཀྟ་ལ༔ མ་ཧཱ་ཙིཏྟ་ལ༔ སརྦ་མཱ་ར་ཡ་ཁཱ་ཧི༔ ཅི་མང་བརྗོད་ནས་ཕུལ༔ གཏད་ཅིང་བསྟབས་པའི་རིམ་པ་ལ༔ ཧོཿ རིན་ཆེན་སྙིང་པོ་རྡོ་རྗེ་ཅན༔ ཤཱཀ་ཐུབ་པད་འབྱུང་ལ་སོགས་པའི༔ རྒྱལ་དང་རྒྱལ་སྲས་སྤྱན་སྔ་རུཿ བསྟན་དགྲ་འདུལ་ཞིང་བསྒྲལ་བ་ཡི༔ ཁས་བླངས་དམ་བཅས་གཉེར་བླངས་བཞིན༔ བཀའ་དང་དམ་ལ་མ་འདའ་བར༔ དམ་ཚིག་གཉན་པོ་གཏར་བཞག་སྟེ༔ བདག་ལ་སྡང་བའི་དགྲ་བོ་འདི༔ དེ་རིང་ཁྱོད་ལ་ཟ་སྐལ་གཏད༔ མ་ཤོར་མྱུར་དུ་ཇུར ཏཱ ཧྲིཾ།༔ མིད་ཐོངས༔ ཆེ་གེ་མི་ཕྱུགས་འཁོར་དང་བཅས༔ དྲང་སྲོང་ཁྱོད་ཀྱི་གདོང་ལ་གཏད༔ ཁྱབ་འཇུག་ཆེན་པོ་ཁྱོད་ལ་གཏད༔ གཟའ་བདུད་རྒྱལ་པོ་ཁྱོད་ལ གཏད༔ ཆེ་གེ་མི་ཕྱུགས་འཁོར་དང་བཅས༔ ཁ་རླངས་དུག་གི་སྤུ་གྲིས་སོད༔ ཁྱི་ལྟོག་ཤ་ཟན་རོལ་པ་བཞིན༔ ཟོས་ལྷག་མེད་པའི་ས་ལ་གཏུག༔ ཤིན་ཏུ་སྐོམ་གྱིས་གདུང་བ་བཞིན༔ དགྲ་ཁྲག་དྲོན་མོ་ཧུབ་ཀྱིས་འཐུང་༔ ཆུ་ཐིག་ཧུབ་ཀྱིས་བཏབ་པ་བཞིན༔ དགྲ་ཟས་དཀོར་ནོར་ལྷག་མེད་ཐོངས༔ རྩྭ་ཕུང་སྐམ་ལ་མེ་མཆེད་བཞིན༔ དགྲ་བོའི་ཉེ་བ་རྩ་ལག་དང་༔ དཔུང་ཚོགས་རྒྱབ་བརྟེན་དང་བཅས་པ༔ འབྲུ་དྲུག་སེར་བས་བཅོམ་བཞིན་ཐོངས༔ གདུག་ཅན་སྡང་བའི་དགྲ་བོ་འདི༔ གཟའ་བརྒྱད་དྲེགས་པའི་གདོང་ལ་གཏད༔ གདོང་མོ་བཞི་ཡི་གདོང་ལ་གཏད༔ རྒྱུ་སྐར་ཞོན་པའི་གདོང་ལ་གཏད༔ ཁྲ་ཚ་ཟིན་ཕུང་ཧལ་ཁྱི་སོགས༔ གཟན་ལ་རྒྱུ་བའི་གདོང་ལ་གཏད༔ དཀར་པོ་ལྷ་ཡི་གདོང་ལ་གཏད༔ འཆི་བདག་གཤིན་རྗེའི་གདོང་ལ་གཏད༔ སྲིད་པ་མ་མོའི་གདོང་ནག་པོ་བདུད་ཀྱི་གདོང་ཿ དམར་པོ་བཙན་གྱི་གདོང་སྲོག་བདག་རྒྱལ་པོའི་གདོང་༔ གནོད་སྦྱིན་རྔམས་པའི་གདོང་སྣང་སྲིད་ལྷ་ འདྲེའི་གདོང་ལ་གཏད༔ འཕྲད་དང་གསོད་པ་དུས་མཉམ་གྱིས༔ བསྲུང་བའི་འཁོར་ལོ་བཤིག་པ་དང་༔ སྐྱོབ་བྱེད་ལྷ་ཡང་བདུད་དུ་ཕོབས༔ ལྷ་དང་ཕྲལ་བའི་ཕྲ་མེན་གྱིས༔ ལས་ཀ་མཛོད་ཅིག་ས་མ་ཡ༔ མ་ཤོར་བཀའ་དམ་གཉན་པོས་གཏད༔ ལོ་ཟླར་བཞག་པའི་ལོངས་མེད་ཀྱིས༔ མ་བཞག་མྱུར་དུ་སོད་ལ་ཤོག༔ ཨ་མུ་ཀ་ཧ་ལ་རཾ་ཧ་ལ་རཾ༔ ཆོ་ཆོ༔ རྒྱུག་རྒྱུག༔ སོད་སོད༔ ཁ་རཾ་ཁཱ་ཧི༔ ཞེས་པས་ལིང་ག་འབྲུ་སྣ་ཤ་ཟན་དང་བཅས་ཧོམ་ནང་དུ་བསྲེགས་དགྲ་བོའི་མི་ཕྱུགས་འཁོར་དང་བཅས་པ་གཟའ་བདུད་འཁོར་དང་བཅས་པའི་ཞལ་དུ་སོང་བར་བསམ་ལ་བཟློག་པ་ལན་གསུམ་བྱ༔ ཐལ་སོལ་སྟེང་དུ་སཱཙྪ་བཞག༔ ས་མ་ཡ༔ རྒྱ་རྒྱ་རྒྱ༔ བཀའ་སྲུང་དྲེགས་པའི་ཚོགས་ཀྱིས་སྲུངས༔ དམ་ཉམས་ལག་ཏུ་ཤོར་ར་རེ༔ ཨ་ཐམ་རྒྱ༔ གུ་ཧྱ༔ ཞེས་པ་འདི་སློབ་བུ་མཁྱེན་རབ་རྒྱ་མཚོ་དང་ཐུབ་བསྟན་གཉིས་ཀྱིས་ནན་དུ་བསྐུལ་ངོར བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའོ། །དགེའོ། །ལེགས་སོ།། ། ཕ༔ ཆོས་ཉིད་ནམ་མཁའི་ཀློང་མཛོད་ལས༔ རྟ་མགྲིན་པདྨ་དབང་ཆེན་ཡང་ཁྲོས་མ་ཧཱ་ཀཱ་ལའི་བསྐང་གསོལ་དངོས་གྲུབ་ཆར་འབེབས་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ བརྒྱཐཿ ཤ་ཁྲག་བ་ལིང་སྐྱེམས་མཆོད་ལ༔ དགྲ་བགེགས་བཀུག་ཅིང་བསྟིམ་བྱས་ཏེ༔ ཤ་རི་ཁྲག་གི་མཚོ་མོ་ལ༔ ངོ་བོ་བདུད་རྩིའི་རྒྱ་མཚོ་རུ༔ འདོད་ཡོན་ནམ་མཁའི་མཛོད་དུ་སྤེལ༔ ནམ་མཁའ་མཛོད་ཀྱི་སྔགས་ཀྱིས་སྤེལ༔ རང་ཉིད་ཡི་དམ་ལྷར་གསལ་ངང་༔ ན་མོ༔ དཀོན་མཆོག་རིན་ཆེན་གསུམ་གྱི་བདེན་སྟོབས་དང་༔ གསང་སྔགས་བླ་ན་མེད་པའི་རྟེན་འབྲེལ་གྱིས༔ རྟ་མགྲིན་དྲེགས་པ་སྡེ་བརྒྱད་འཁོར་དང་བཅས༔ བཀའ་སྡོད་ཕོ་ཉར་ལྷུན གྱིས་གྲུབ་གྱུར་ཅིག༔ འདོད་རྒུའི་དཔལ་ཡོན་འཆར་བའི་ནམ་མཁའ་མཛོད༔ མི་ཟད་རྒྱན་གྱི་འཁོར་ལོར་སྤེལ་བསྒྱུར་ཏེ༔ དབང་ཆེན་ཧྱ་གྲི་ཝའི་ཐུགས་དམ་བསྐང་༔ ཡུམ་ཆེན་རྡོ་རྗེ གཏུམ་མོའི་ཐུགས་དམ་བསྐང་༔ ཡེ་ཤེས་ཁྲོ་ཆེན་རིགས་བཞིའི་ཐུགས་དམ་བསྐང་༔ དམུས་ལོང་རྒྱབ་འབྲེལ་མཆེ་གཤོག་ཅན་རྣམས་དང་༔ སྒོ་སྐྱོང་མ་བཞི་འཁོར་བཅས༔ དཔལ་མགོན་མ་ཧཱ་ཀཱ་ལའི༴ སྲིད་པ་དུས་བཞིའི་དབང་མོའི༴ ལྷ་ཆེན་ཚངས་པ་འཁོར་བཅས༔ གཤིན་རྗེ་ཡ་མ་རཱ་ཙའིཿ མ་མོ་སྲིད་པའི་རྒྱལ་པོའི༴ བདུད་པོ་སྐོས་རྗེ་བྲང་དཀརཿ བཙན་TI1613 - 231 རྒོད་སྲོག་ལེན་དམར་པོའི༴ སྲོག་བདག་བཻ་ཧར་རྒྱལ་པོའི གནོད་སྦྱིན་ཀཱ་ལ་ཡཀྴའི༴ ཀླུ་བདུད་འཆི་བདག་མགོ་དགུའི༴ སྣང་སྲིད་དྲེགས་པའི་འཁོར་གྱིཿ སྟོང་གསུམ་ཡུལ་ལྷ་གཞི བདག༴ འགོ་ཞིང་སྐྱོབ་པའི་ལྷ་ཚོགས་ཐུགས་དམ་བསྐང་༔ ཐུགས་དམ་བསྐང་ཞིང་ཕྲིན་ལས་བཅོལ་བ་ནི༔ མི་མཐུན་ཕྱོགས་ཀུན་མ་ལུས་ཞི་བ་དང་༔ ཚེ་བསོད་དཔལ་འབྱོར་མངའ་ཐང་རྒྱས་པ་དང་༔ ཁམས་གསུམ་མོས་པ་རྣམ་བཞིས་དབང་དུ་སྡུད༔ གཟུགས་ཅན་གཟུགས་མེད་དགྲ་གདོན་བགེགས་ཀྱི་ཚོགས༔ མ་ལུས་མྱུར་མགྱོགས་མཐུ་དང་སྟོབས་ཀྱིས་སོད༔ འདི་དང་ཕྱི་མ་བར་དོ་ཐམས་ཅད་དུ༔ ལྷག་པའི་ལྷ་དང་སྲུང་མ་གཉན་པོ་རུ༔ པདྨ་དབང་གི་རྒྱལ་པོ་ཁྱོད་བསྒྲུབ་བརྟེན༔ ཚེ་འདིར་རྫོགས་ལྡན་དུས་ཀྱི་བསྐལ་པ་བཞིན༔ དགའ་བདེའི་ཡོན་ཏན་དཔལ་གྱིས་ཕྱུག་པར་མཛོད༔ བར་དོའི་སྣང་བ་དབྱིངས་སུ་ཆོད་པ་དང་༔ བདེ་གཤེགས་ཁྱོད་ཀྱི་ཀློང་དུ་སངས་རྒྱས་ཤོག༔ ཕྱི་མ་འཁོར་བའི་འཁྲུལ་འཁོར་ལས་བཟློག་སྟེ༔ བདེ་ཆེན་པདྨ་འོད་དུ་ལམ་སྣ་དྲོངས༔ རང་དམ་དཔང་དུ་བཙུག་གོ་ས་མ་ཡ༔ དེ་ལྟར་བསྐང་བ་གྲངས་མང་བསྐྱར་བ་ན༔ རབ་འབྱམས་ཕྲིན་ལས་ཐོགས་མེད་འགྲུབ༔ ས་མ་ཡ༔ རྒྱ་རྒྱ་རྒྱ༔ དེ་ལྟར་མཁའ་ ཕ༔ འགྲོ་ཡེ་ཤེས་མཚོ་རྒྱལ་མའི༔ མ་ཅིག་སློབ་མའི་ཡ་གྱལ་དམ་པ་མཆོག༔ རྒྱ་ནག་གཅེར་བུའི་རྣམ་འཕྲུལ་ངྷརྨའི་མིང་༔ དེ་ཡི་ངོ་སྐལ་ཡིན་ནོ་གཏད་རྒྱ་མཛོད༔ ཅེས་ཟེར་ཡལ༔ བདུད་འཇོམས་རྡོ་རྗེ་དཔའ་བོའི་སྣང་ཉམས་སོ། །དགེ་འོ།། ༢ བསྐང་229གཉིས་སོ། TI1613 - 233 T11613 - 234 བ༔ ཆོས་ཉིད་ནམ་མཁའི་ཀློང་མཛོད་ལས༔ རྡོ་རྗེ་ཕུར་པ་སྲུང་མར་བཅས་པའི་བསྐང་གསོལ་ཡིད་བཞིན་དབང་རྒྱལ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ བསྐང་གསོལ་བྱེད་པའི་རིམ་པ་ལ༔ ཤ་ཁྲག་དང་ནི་དམར་གཏོར་དང་༔ ཇ་ཆང་ཁྲག་གི་སྐྱེམས་བཤམས་ནས༔ ན་མོ༔ དཀོན་མཆོག་གསུམ་དང་རྩ་གསུམ་ཆོས་སྐྱོང་སྲུང་མའི་བདེན་པས་གཟུགས་ཅན་གཟུགས་མེད་དགྲ་བགེགས་གནོད་བྱེད་ཐམས་ཅད་ཤ་ཁྲག་དམར་གྱི་གཏོར་མ་འདི་ལ་ཁུག་ཅིག༔ ལན་གསུམ་མཐར༔ དགྲ་བགེགས་ཀྱི་ཤ་ཁྲག་ལས་བྱུང་བའི་གཏོར་མ་འདོད་རྒུའི་དཔལ་ཡོན་ཕུན་སུམ་ཚོགས་པ་མི་ཟད་པ་ནམ་མཁའི་མཛོད་ཀྱི་འཁོར་ལོར་གྱུར༔ ནམ་མཁའ་མཛོད་སྔགས་མཐར༔ ཀྱེེ༔ དད་པ་དང་ནི་དམ་ཚིག་གིས༔ ཚུར་གཤེགས་ཚུར་སྤྱོན་ཕུར་པའི་ལྷ༔ རྡོ་རྗེ་གཞོན་ནུ་གཤེགས་སུ་གསོལ༔ དབྱིངས་ཀྱི་ཡུམ་ཆེན་གཤེགས་སུ་གསོལ༔ ཀཱི་ལ་